ဇူလိုင် ၁၂၊ ၂၀၁၇
M-Media
– အမေရိကန်ပြည်ထောင်စု တန်နက်ဆီပြည်နယ် မြို့တစ်မြို့က ဗလီဝတ်ကျောင်းတော်တစ်ခု နှောက်ယှက်ခံရမှုကို ဆန့်ကျင်ပြီး မွတ်စလင်လူ့အဖွဲ့အစည်းနဲ့ တစ်သားတည်းရှိကြောင်း ပြသဖို့အတွက် ဒေသခံပြည်သူတွေဟာ မနေ့ညနေက အဲဒီဗလီဝတ်ကျောင်းတော်ရှေ့မှာ စုရုံးခဲ့ကြပါတယ်။
မာဖရီးစ်ဘိုရိုမြို့က ဗလီဝတ်ကျောင်းတော်ဟာ စနေနေ့မှာ နှောက်ယှက်ခံခဲ့ရတာဖြစ်ပြီး ကျူးလွန်သူတွေက နံရံမှာ စော်ကားတဲ့မှတ်ချက်တွေကို ရေးသားခဲ့ကာ တံခါးလက်ကိုင်နဲ့ လျှောက်လမ်းတွေမှာ ၀က်သားတုံးတွေ ချိတ်ဆွဲတာ၊ ကြဲချတာမျိုးတွေ လုပ်ခဲ့ပါတယ်။
ဒါပေမယ့် မြို့နေပြည်သူတွေကတော့ ဒီလိုလုပ်ရပ်တွေကို ရှုတ်ချုပ်ဖို့၊ လူနည်းစုတွေကို အားပေးဖို့ ၀န်မလေးခဲ့ပါဘူး။
မွတ်စလင်တွေနဲ့ တစ်သားတည်းရှိကြောင်းပြသဖို့ အဝေးတစ်နေရာကနေ လာရတဲ့ ဒီယာနီ ရှူလ်မန်က “ကြောက်ရွံ့မှုဟာ အမုန်းရဲ့ အခြေခံပါပဲ။ ကိုယ်မသိတဲ့လူ၊ ကိုယ်မသိတဲ့အရာတစ်ခုကို ကြောက်ရွံ့နေမယ်ဆိုရင် အဲဒီကြောက်ရွံ့မှုက ဒေါသဖြစ်လာပြီး တစ်ခါတစ်ရံမှာ အကြမ်းဖက်မှု ဖြစ်ပွားပါတယ်” လို့ ပြောကြားခဲ့ပါတယ်။
မာဖရီးစ်ဘိုရိုက ပြည်သူတွေဟာ သူတို့ရဲ့မြို့လေးကို နွေးထွေးတဲ့မြို့လေးတစ်ခုဖြစ် ထိန်းသိမ်းထားချင်တာပါ။
“မိခင်တစ်ယောက်အနေနဲ့ ကိုယ့်ကလေးတွေကို စာနာတတ်ဖို့၊ အခြားသောယဉ်ကျေးမှုတွေနဲ့ ရင်းနှီးကျွမ်းဝင်အောင်လုပ်ဖို့ အရေးကြီးတယ်ဆိုတာ ကျွန်မ သိပါတယ်။ လူ့အဖွဲ့အစည်းမှာ တစ်ဝိုင်းတည်းထိုင်ပြီး ကိုယ့်ရဲ့ ကိစ္စတွေကို ပြောဆိုဖို့၊ ကိုယ့်ရဲ့ သတင်းစကားတွေကို ပိုပြီး ရှင်းရှင်းလင်းလင်းပြောပြဖို့ လိုအပ်ပါတယ်” လို့ စုရုံးပွဲမှာ ပါဝင်ခဲ့တဲ့ အေရီယဲလ် ပေါ်ဝဲလ်က ပြောကြားခဲ့ပါတယ်။ ပေါ်ဝဲလ်တို့ ဇနီးမောင်နှံ နှစ်ဦးစလုံးဟာ ဒီလှုပ်ရှားမှုမှာ ပါဝင်ခဲ့ကြတာ ဖြစ်ပါတယ်။
နောက်ပြီး လူတွေက ဒါမျိုးလုပ်ရပ်တွေ လုပ်တယ်ဆိုတာ မယုံနိုင်ကြောင်း၊ ဒါဟာ ဘုရားသခင်ရဲ့ ချစ်ခြင်းမေတ္တာကို ပြဿရာမရောက်ကြောင်းလည်း ပေါ်ဝဲလ်က ထည့်သွင်း ပြောဆိုခဲ့ပါတယ်။
မာဖရီးစ်ဘိုရိုက ဒီဗလီဝတ်ကျောင်းတော်ဟာ ယခင်ကလည်း နှောက်ယှက်ဖျက်ဆီးမှုတွေကို ခံခဲ့ရဖူးပြီး၊ ဒေသခံလူ့အဖွဲ့အစည်းက အကြိမ်တိုင်း ရှုတ်ချခဲ့ပါတယ်။
ဗလီဝတ်ကျောင်းတော်ရဲ့ ပြောရေးဆိုခွင့်ရှိသူ ဒေါက်တာ ဆာလေဟ် ဆဘီနတီက ဒီလိုမျိုး ပြည်သူတွေရဲ့ မေတ္တာကို ရရှိတဲ့အတွက် အံ့အားသင့်ရတယ်လို့ ဆိုပါတယ်။
“ကျွန်တော်တို့လူ့အဖွဲ့အစည်းဟာ တော်တော်လေး ကြံ့ကြံ့ခံနိုင်ပြီး၊ နာကျင်မှုတွေကိုလည်း အများအပြား ခံစားခဲ့ရပါတယ်။ အကြိမ်တိုင်းမှာ ဒီကလူ့အဖွဲ့အစည်းဟာ ဒီလိုအခြေအနေမျိုးကို နှစ်လိုဖွယ်ရာကောင်းတဲ့ အရာအဖြစ် ပြောင်းလဲပေးခဲ့ပါတယ်” လို့ ဒေါက်တာက ပြောကြားခဲ့ပါတယ်။
တနင်္လာနေ့က အဖြစ်အပျက်အတွက် ရဲတပ်ဖွဲ့က စုံစမ်းစစ်ဆေးမှုတွေ ပြုလုပ်နေပြီး သံသယရှိသူစာရင်းကိုတော့ မကြေငြာသေးပါဘူး။
Ref: wsmv, fox17
