Author: Ko Lay

လက်ဘနွန်နိုင်ငံမှာ ငြိမ်းချမ်းစွာယှဉ်တွဲနေထိုင်ရေးပြယုဂ်ဟု ခရစ်ယာန်နှင့် မွတ်စလင်ခေါင်းဆောင်များ ချီးကျူး

ဇူလိုင် ၄၊ ၂၀၁၇
M-Media

ဘေရွတ်ဆွေးနွေးပွဲသို့ တက်ရောက်လာသည့် ဘာသာရေး ခေါင်းဆောင်များ

– လက်ဘနွန်နိုင်ငံဟာ အရှေ့နဲ့ အနောက်ကမ္ဘာအတွက် လွတ်လပ်မှု၊ ဗဟုဝါဒတို့ရဲ့ ဥပမာတစ်ခုဖြစ်ပြီး အာရပ်ဒေသနဲ့ ကမ္ဘာတစ်ဝှမ်းလုံးအတွက် မျှော်လင့်ချက် သတင်းစကားတစ်ခုကို ပေးနေတယ်လို့ ခရစ်ယာန်နဲ့ မွတ်စလင်ခေါင်းဆောင်တွေက ပြောကြားလိုက်ပါတယ်။

အီဂျစ်နိုင်ငံက အစ္စလာမ့်ရေးရာ အမြင့်ဆုံး ဓမ္မတက္ကသိုလ်ဖြစ်တဲ့ အလ်-အဇ်ဟာရ် တက္ကသိုလ်မှာ ပြုလုပ်ခဲ့တဲ့ ဘာသာပေါင်းစုံးဆွေးနွေးမှုနှစ်ခုရဲ့ နောက်ဆက်တွဲအဖြစ် ဇူလိုင်လ ၁ ရက်နေ့က ဘေရွတ်မြို့ Notre Dame တက္ကသိုလ်မှာ တွေ့ဆုံစဉ် ဒီလို ပြောကြားလိုက်တာပါ။

ဒီတွေဆုံပွဲကို လက်ဘနွန်ကာဒီနယ် ဘက်ချရာရိုင်း၊ လက်ဘနွန်ဆိုင်ရာ ဘာတီကန် သံတမန် ဂိုဏ်းချုပ်ဘုန်းတော်ကြီး ဂါဘရီယဲလ်လီ ကက်စီယာ၊ အလ်-အဇ်ဟာရ်တက္ကသိုလ် လက်ထောက်အီမာမ်ကြီး ရှိခ်အဘတ်စ်ရှူးမန်းတို့ အပါအ၀င် ဆွန်နီ၊ ရှီအာ ခေါင်းဆောင်တွေ၊ လက်ဘနွန်က ဒရူဇီလူ့အဖွဲ့အစည်းက ကိုယ်စားလှယ်တွေ၊ အစ္စလာမ်နဲ့ ခရစ်ယာန်ရေးရာ ကျွမ်းကျင်သူတွေ၊ လက်ဘနွန်အစိုးရက ကိုယ်စားလှယ်တွေ တက်ရောက်ခဲ့ကြပါတယ်။

တွေဆုံမှုနောက်ပိုင်း ခရစ်ယာန်နဲ့ မွတ်စလင်ခေါင်းဆောင်တွေက ပူးတွဲထုတ်ပြန်တဲ့ ကြေငြာချက်မှာ လက်ဘနွန်နိုင်ငံဟာ ငြိမ်းချမ်းစွာ အတူယှဉ်တွဲနေထိုင်မှုအတွက် အတုယူစရာနိုင်ငံတစ်နိုင်ငံ ဖြစ်တယ်ဆိုတာကို မီးမောင်းထိုးပြရမှာဖြစ်ကြောင်း၊ လက်ဘနွန်မှာ အမြစ်တွယ်နေပြီဖြစ်တဲ့ ဒီမိုကရေစီဟာ အာရပ်ဒေသနဲ့ ကမ္ဘာကြီးအတွက် မျှော်လင့်ချက် သတင်းစကားဖြစ်ကြောင်း ထည့်သွင်းဖော်ပြခဲ့ပါတယ်။

ငြိမ်းချမ်းရေးအတွက်လည်း ခေါင်းဆောင်တွေက တိုက်တွန်းခဲ့ကြပြီး၊ ပါလက်စတိုင်းပြည်သူတွေနဲ့ သူတို့ရဲ့ အမျိုးသားအခွင့်အရေး၊ မြင့်မြတ်ရာဒေသမှာ ခရစ်ယာန်တွေ ဆက်လက်ရှိနေစေရေး ထောက်ပံ့ကူညီကြဖို့ ဆော်သြခဲ့ကြပါတယ်။

ဧပြီလက အလ်-အဇ်ဟာရ်တက္ကသိုလ်မှာ ကျင်းပပြုလုပ်တဲ့ ငြိမ်းချမ်းရေးညီလာခံမှာ ပုပ်ရဟန်းမင်းကြီးက ဘာသာတရားဆိုတာ ‘ပြဿနာမဟုတ်ဘဲ လူပီသတဲ့ လူ့အဖွဲ့အစည်းတစ်ခု တည်ဆောက်ရေးကို သင်ကြားပေးဖို့ လူသားတွေရဲ့ နှလုံးသားကို ဘုရားသခင်နဲ့ နီးစပ်စေတာကြောင့် ဘာသာတရားဟာ အဖြေတစ်ခုရဲ့ အစိတ်အပိုင်းဖြစ်ကြောင်း’ ပြောကြားခဲ့ပါတယ်။

အခု ဘေရွတ်မှာပြုလုပ်တဲ့ ဆွေးနွေးပွဲမှာ ဘာသာရေးခေါင်းဆောင်တွေက ဗာတီကန်၊ ခရစ်ယာန်နဲ့ အစ္စလာမ်အသင်းအဖွဲ့တွေနဲ့ ရှေ့ဆက် လက်တွဲကာ ပူးပေါင်းဆောင်ရွက်သွားမယ်ဆိုတဲ့အကြောင်း ကြေငြာခဲ့သလို၊ ဘာသာတရားတွေ၊ ယဉ်ကျေးမှုတွေနဲ့ လူ့အဖွဲ့အစည်းတွေအကြား ချစ်ကြည်ရေး ကမ္ဘာလုံးဆိုင်ရာ စင်တာတစ်ခုအနေနဲ့ လက်ဘနွန်နိုင်ငံကို ဖန်တီးဖို့လည်း တိုက်တွန်းခဲ့ကြပါတယ်။

ပုပ်ရဟန်းမင်းကြီး ဂျွန်ပေါလ် ၂ ရဲ့ ကြေငြာချက်ဖြစ်တဲ့ “လက်ဘနွန်ဟာ နိုင်ငံတစ်ခုထက်ပိုပြီး အရှေ့နဲ့ အနောက်တို့အတွက် ဗဟုဝါဒနဲ့ပတ်သက်ရင် နမူနာယူစရာဖြစ်တယ်” ဆိုတဲ့ ကြေငြာချက်ကိုလည်း မွတ်စလင်၊ ခရစ်ယာန် ဘာသာရေးခေါင်းဆောင်တွေက ရည်ညွန်းခဲ့ပြီး၊ မွတ်စလင်-ခရစ်ယာန် ပူးပေါင်းဆောင်ရွက်ကြဖို့
တိုက်တွန်းခဲ့ကြပါတယ်။

Ref: Cruxnow

July 4, 2017
ကမ္ဘာ့နေရာတိုင်းကို ပစ်နိုင်သည့် တိုက်ချင်းပစ်ဒုံးကျည် အောင်မြင်ကြောင်း မြောက်ကိုရီးယား ကြေငြာ

ဇူလိုင် ၄၊ ၂၀၁၇
M-Media

– ကမ္ဘာ့ မည်သည့်နေရာကိုမဆို ပစ်ခတ်နိုင်သည့် ပထမဆုံး တိုက်ချင်းပစ်ဒုံးကျည်ကို ခေါင်းဆောင် ကင်ဂျုံအမ်၏ ကြီးကြပ်မှုအောက်တွင် အောင်မြင်စွာ စမ်းသပ်နိုင်ခဲ့သည်ဟု မြောက်ကိုရီးယားက ယနေ့တွင် ကြေငြာလိုက်သည်။

တောင်ကိုရီးယား စစ်တပ်၏ ထုတ်ပြန်ချက်တွင် အမည်မသိ တိုက်ချင်းပစ်ဒုံးကျည်တစ်ခုကို ယနေ့မနက် ၁၂ နာရီ ၄၀ အချိန်တွင် မြောက်ကိုရီးယား အနောက်ပိုင်းမှ အရှေ့ဘက် ပင်လယ်ပြင်သို့ ပစ်လွှတ်ခဲ့ပြီး ကီလိုမီတာ ၉၃၀ အထိ ရောက်ရှိခဲ့သည်ဟု ဖော်ပြထားသည်။

မြောက်ကိုရီးယား နိုင်ငံပိုင် သတင်းဌာနကမူ Hwasong-14 ဟု အမည်ပေးထားသည့် အဆိုပါဒုံးကျည်မှာ အမြင့်ကီလိုမီတာ ၂၈၀၂ အထိ ရောက်ရှိခဲ့ပြီး ၃၉ မိနစ်တာ ပျံသန်းပြီးနောက် ပစ်မှတ်ကို တိကျစွာ ထိမှန်ခဲ့သည်ဟု ဆိုသည်။

တောင်ကိုရီးယား မွန်ဂျဲအင်က အဆိုပါဒုံးကျည်မှာ တိုက်ချင်းပစ် ဒုံးကျည် ဟုတ်၊ မဟုတ်ကို စစ်တပ်က ဆန်းစစ်ခဲ့ကြောင်း၊ ဂျပန်ကတ်ဘိနတ် အတွင်းရေးမှူး ယိုရှီဟီဒီ ဆူဂါက ဒုံးကျည်မှာ မိနစ် ၄၀ ကြာ ပျံသန်းခဲ့ပြီး ပုံမှန်ထက် ကြာရှည်သော ပျံသန်းမှုဖြစ်ကြောင်း ပြောကြားခဲ့သည်။

အမေရိကန်၏ ပစိဖိတ်စစ်ဌာနချုပ်က မြောက်ကိုရီးယားမှာ မြေပြင်အခြေပြု တာလတ် တိုက်ချင်းပစ်ဒုံးကျည်ကို ပစ်လွှတ်ခဲ့ခြင်းဖြစ်သည်ဟု ပြောကြားခဲ့သည်။

မြောက်ကိုရီးယားမှာ ဇွန်လအစောပိုင်းမှစ၍ ခရုဇ်ဒုံးကျည်များကို တောက်လျှောက်ပစ်ခတ်ခဲ့ပြီး အမေရိကန်၊ ကုလ၊ တရုတ်၊ ဂျပန်နှင့် တောင်ကိုရီးယားတို့က ဇူလိုင် ၇ ရက်နေ့နှင့် ၈ ရက်နေ့များတွင် ပြုလုပ်မည့် G20 ထိပ်သီးအစည်းဝေးတွင် ထိုကိစ္စကို ဆွေးနွေးရန် ရှိနေစဉ် ယခု တိုက်ချင်းပစ်ဒုံးကျည် ပစ်လွှတ်မှု ထပ်မံ ပေါ်ထွက်လာခြင်းဖြစ်သည်။

Ref : Aljazeera

July 4, 2017
မြန်မာအမျိုးသားလုံခြုံရေးအကြံပေး ဘင်္ဂလားဒေ့ရှ် နိုင်ငံခြားရေးဝန်ကြီးကို ဘာတွေပြောခဲ့သလဲ

ဇူလိုင် ၄၊ ၂၀၁၇
M-Media

အမျိုးသားလုံခြုံရေးအကြံပေး ဦးသောင်းထွန်းနှင့် ဘင်္ဂလားဒေ့ရ်ှနိုင်ငံခြားရေးဝန်ကြီးတို့ ဆွေ့ဆုံဆွေးနွေးစဉ်

– ဘင်္ဂလားဒေ့ရ်ှမှာရောက်နေတဲ့ မြန်မာနိုင်ငံသားတွေ အိမ်ပြန်နိုင်ရေး နှစ်နိုင်ငံ ဆွေးနွေးမှုတွေ စတင်ဖို့ အရေးကြီးတယ်ဆိုတာကို မြန်မာနိုင်ငံရဲ့ အမျိုးသားလုံခြုံရေးအကြံပေးက ဘင်္ဂလားဒေ့ရ်ှနိုင်ငံခြားရေးဝန်ကြီး မိုဟာမက် အလီနဲ့ တွေ့ဆုံစဉ်မှာ သဘောတူခဲ့တယ်လို့ ဘင်္ဂလားဒေ့ရ်ှသတင်းဌာနတစ်ခုဖြစ်တဲ့ bdnews24 က မနေ့မှာ ဖော်ပြခဲ့ပါတယ်။

လက်ရှိ ဦးသောင်းထွန်းဟာ ရိုဟင်ဂျာပြဿနာအပါအ၀င် နှစ်နိုင်ငံကိစ္စတွေကို ဆွေးနွေးဖို့ ဒါကာမြို့ကို ရောက်ရှိနေတာပါ။

မနေ့က တွေ့ဆုံမှုမှာ အလီက မြန်မာဒုက္ခသည်တွေ ရခိုင်ကို ပြန်ပို့ရေး အရင်ကလည်း နှစ်နိုင်ငံ ဆောင်ရွက်မှုတွေရှိခဲ့ကြောင်း ပြောကြားခဲ့တယ်လို့ ဆိုပါတယ်။

အကြမ်းဖက်မှုတွေကြောင့် ထွက်ပြေးလာရပြီး ဆယ်စုနှစ်များစွာ ဘင်္ဂလားဒေ့ရ်ှမှာ ခိုလှုံနေရတဲ့ ရိုဟင်ဂျာတွေကိစ္စဟာ နှစ်နိုင်ငံ ဆက်ဆံရေးမှာ လိပ်ခဲတည်းလည်းဖြစ်နေတဲ့ ပြဿနာ ဖြစ်ပါတယ်။

ဝန်ကြီးအလီ နိုင်ငံခြားရေးဌာနမှာ အရာရှိအဖြစ် တာဝန်ထမ်းဆောင်နေတဲ့အချိန် ၁၉၉၀ ပြည့်နှစ်တွေမှာ ဘင်္ဂလာဒေ့ရ်ှဟာ ထောင်နှင့်ချီတဲ့ ရိုဟင်ဂျာတွေကို ပြန်ပို့ခဲ့တယ်လို့ bdnews24 မှာ ထည့်သွင်းဖော်ပြထားပါတယ်။

နှစ်နိုင်ငံခေါင်းဆောင်တွေ တွေဆုံဆွေးနွေးမှုအတွင်း အမျိုးသားလုံခြုံရေးအကြံပေး ဦးသောင်းထွန်းက ဘင်္ဂလားဒေ့ရ်ှနဲ့ နှစ်နိုင်ငံဆက်ဆံရေး ပိုမိုတိုးတက်အောင် မြန်မာအစိုးရမှာ ဆန္ဒရှိကြောင်း ပြောကြားခဲ့တယ်လို့ ဆိုပါတယ်။

နောက်ပြီး နှစ်နိုင်ငံအကြား ရှိနေတဲ့ ခြားနားချက်တွေကို နွေးနွေးညှိနှိုင်းမှုကနေ ဖြေရှင်းဖို့အတွက် မြန်မာနိုင်ငံကစိတ်ဝင်စားကြောင်း၊ လုံခြုံရေးဆိုင်ရာမှာ နှစ်နိုင်ငံ ပူးပေါင်းဆောင်ရွက်မှု တိုးမြှင့်ဖို့အတွက် လိုအပ်ချက်ကို အဓိကထားပြောသွားကြောင်း၊ ကာကွယ်ရေးနဲ့ နယ်စပ်လုံခြုံရေးဆိုင်ရာအဖွဲ့တွေနဲ့ လတ်တလောပြုလုပ်ခဲ့တဲ့ ဆွေးနွေးမှုတွေအတွက် အားရကြောင်း ဦးသောင်းထွန်းက ပြောကြားခဲ့တယ်လို့ ဘင်္ဂလားဒေ့ရ်ှနိုင်ငံခြားရေးဝန်ကြီးဌာနက ထုတ်ပြန်ပါတယ်။

စီးပွားရေး ဖွံ့ဖြိုးတိုးတက်မှုဟာ ရခိုင်ပြည်နယ်က လူ့အဖွဲ့အစည်းတွေအကြား တင်းမာမှုတွေ လျော့ကျရေး အထောက်အကူဖြစ်စေမှာဖြစ်ပြီး၊ ပြဿနာဖြေရှင်းရေး အကူအညီဖြစ်စေမယ်လို့လည်း မြန်မာအမျိုးသားလုံခြုံရေးအကြံပေးက ပြောကြားခဲ့ပါတယ်။

ဘင်္ဂလားဒေ့ရ်ှနိုင်ငံခြားရေးဝန်ကြီးက ယုံကြည်မှု၊ အပြန်အလှန်အကျိုးစီးပွားကို အခြေခံတဲ့ ဆက်ဆံမှုတိုးမြှင့်ရေး မိမိတို့နိုင်ငံက ဆန္ဒရှိကြောင်း၊ ဆွေးနွေးမှုတွေ မြန်မြန်ဆောင်ရွက်ဖို့ လိုအပ်ကြောင်း၊ မိမိတို့ရဲ့ အိမ်နီးချင်းတိုင်းပြည်အပေါ် ဘယ်လိုအဖွဲ့က ပစ်မှတ်ထားတာမျိုးကိုမဆို သည်းခံသွားမှာမဟုတ်ကြောင်း၊ မြန်မာနိုင်ငံရဲ့ အကျိုးစီးပွားကို ရန်ပြုဖို့အတွက် မိမိတို့ရဲ့ ပိုင်နက် အသုံးပြုတာမျိုးကို ဘယ်တော့မှ ခွင့်ပြုမှာ မဟုတ်ကြောင်း ပြောကြားခဲ့တယ်လို့ bdnews24 က ဖော်ပြထားပါတယ်။

ဦးသောင်းထွန်းနဲ့ မိုဟာမက်အလီတို့ဟာ နှစ်နိုင်ငံ စွမ်းအင်နဲ့ ပို့ဆောင်ရေးကဏ္ဍတွေမှာ ပူးပေါင်းဆောင်ရွက်ဖို့လည်း ဆွေးနွေးခဲ့ကြပါတယ်။

ဘင်္ဂလားဒေ့ရ်ှဝန်ကြီးချုပ်က အကူအညီပေးမယ်လို့ ကတိပြုထားသလို ရခိုင်ပြည်နယ်က ပြည်သူတွေအတွက် ဘင်္ဂလားဒေ့ရ်ှက ဆိုက်ကလုံးဒဏ်ခံ ယာယီတဲတွေ၊ လူနာတင်ယာဉ်တွေ ထောက်ပံ့ပေးအပ်မှုအတွက်လည်း နှစ်ဦးစလုံးက ၀မ်းသာကြောင်း ပြောကြားခဲ့ပါတယ်။

မြန်မာ အမျိုးသားလုံခြုံရေးအကြံပေးဟာ ဘင်္ဂလားဒေ့ရှ် ပြည်ထဲရေးဝန်ကြီး မိုဟာမက် အဆာဒူဇာမန်၊ ဘင်္ဂလာဒေ့ရ်ှဝန်ကြီးချုပ် ရှိခ် ဟာဆီနာတို့နဲ့လည်း တွေ့ဆုံဖို့ရှိနေပြီး ဇူလိုင်လ ၄ ရက်နေ့မှာ ဘင်္ဂလားဒေ့ရ်ှကနေ ပြန်လည်ထွက်ခွာမှာဖြစ်ပါတယ်။

Ref: bdnews24

July 4, 2017
NLD အစိုးရလက်ထက် စာနယ်ဇင်းလွတ်လပ်ခွင့် ချိုးဖောက်ခံရမှု မြင့်တက်လာခြင်းကို ဥရောပသမဂ္ဂ ဝေဖန်

ဇူလိုင် ၄၊ ၂၀၁၇
M-Media

– ခြိမ်းခြောက်ခံရခြင်း၊ ဖမ်းဆီးခံရခြင်းနှင့် တရားစွဲဆို ခံရခြင်းတို့မှ ဂျာနယ်လစ်များအား ကာကွယ်ပေးရန်အတွက် ဥရောပသမဂ္ဂက မြန်မာနိုင်ငံကို ယမန်နေ့တွင် တိုက်တွန်းလိုက်ပြီး ပြီးခဲ့သည့်တစ်ပတ် စစ်တပ်က ဂျာနယ်လစ် ၃ ဦးကို ဖမ်းဆီးခဲ့ပြီးနောက် ပေါ်ထွက်လာခြင်းလည်း ဖြစ်သည်။

အဆိုပါ သတင်းသမား ၃ ဦမှာ နိုင်ငံတကာ မူးယစ်ဆေးဝါးတိုက်ဖျက်ရေးနေ့ အထိမ်းအမှတ်အဖြစ် တအန်းလွတ်မြောက်ရေးတပ်ဖွဲ့က မူးယစ်ဆေးဝါးများ မီးရှို့မှုကို သတင်းသွားရောက်ယူခဲ့ပြီးနောက် ကိုလိုနီခေတ်ဥပဒေဖြစ်သော တရားမ၀င်အဖွဲ့အစည်းနှင့် ဆက်သွယ်မှုပုဒ်မဖြင့် ဖမ်းဆီးထိန်းသိမ်းခံခဲ့ရခြင်း ဖြစ်သည်။

ဂျာနယ်လစ်များနှင့် လူ့အခွင့်အရေး အုပ်စုများက စစ်အာဏာရှင်အဆုံးသတ်ပြီးနောက် ဖြေလျော့ပေးခဲ့သည့် စာနယ်ဇင်း လွတ်လပ်ခွင့်မှာ ဒေါ်အောင်ဆန်းစုကြည် ဦးဆောင်သည့် NLD ပါတီ အာဏာရပြီးနောက် တစ်နှစ်ကျော်ကာလအတွင်း စိုးရိမ်စရာဖြစ်နေပြီဟု ထောက်ပြခဲ့ကြသည်။

ဥရောပသမဂ္ဂက ထုတ်ပြန်သော ကြေငြာချက် လွတ်လပ်စွာ ထုတ်ဖော်ပြောဆိုခွင့်မှာ လူသားအားလုံးအတွက် အာမခံထားသည့် လူ့အခွင့်အရေးအဖြစ်သည်ဟု ဖော်ပြခဲ့သည်။

“ဒီမိုကရက်တစ်လူ့အဖွဲ့အစည်းတစ်ခုရဲ့ မရှိမဖြစ် အခြေခံအုတ်မြစ်တွေမှာ ဒီဟာကလည်း တစ်ခုအပါအ၀င် ဖြစ်ပါတယ်။ ဒါ့ကြောင့် ဂျာနယ်လစ်တွေ လွတ်လွတ်လပ်လပ် အလုပ်လုပ်ဖို့အတွက် လိုအပ်တဲ့ ဥပဒေရေးရာ ကာကွယ်မှုတွေ ပြုလုပ်ပေးဖို့၊ ခြိမ်းခြောက်မှု၊ ဖမ်းဆီးမှုနဲ့ တရားစွဲဆိုမှုကင်းတဲ့ အသိုက်အ၀န်း ဖန်တီးပေးဖို့ ကျွန်တော်တို့အနေနဲ့ မြန်မာအစိုးရကို တိုက်တွန်းပါတယ်” ဟု ကြေငြာချက်က ဆိုသည်။

ပြီးခဲ့သည့်တစ်ပတ်က စစ်တပ်၏ ဖမ်းဆီးခြင်းကို ခံခဲ့ရသည့် သတင်းသမား ၃ ဦးမှာ DVB မှ နှစ်ဦးနှင့် ဧရာဝတီမှ တစ်ဦးတို့ဖြစ်ကြပြီး လက်ရှိတွင် ရှမ်းပြည်နယ် သီပေါမြို့ထောင်အတွင်း ထိန်းသိမ်းခံထားရသည်။ ၎င်းတို့ကို ဇူလိုင်လ ၁၁ ရက်နေ့တွင် ပထမဆုံး ရုံးထုတ်မည်ဖြစ်သည်။

နိုင်ငံတော်အတိုင်ပင်ခံရုံးမှ ပြောရေးဆိုခွင့်ရှိ ဦးဇော်ဌေးက လူတိုင်းကို ဥပေဒအရသာ ဆောင်ရွက်သင့်သည်ဟု ဆိုသည်။ ဒေါ်အောင်ဆန်းစုကြည်မှာ ထိုကိစ္စနှင့်ပတ်သက်၍ မည်သည့်မှတ်ချက်မှ မပေးခဲ့ပေ။

ဥရောပသမဂ္ဂက ပြီးခဲ့သည့်လများအတွင်း ဂျာနယ်လစ်များ ဖမ်းဆီး၊ တရားစွဲဆိုခံရသည့် အရေအတွက်မှာ စိုးရိမ်စရာအနေအထားသို့ ရောက်ရှိနေကြောင်း ထည့်သွင်းပြောကြားခဲ့သည်။

ဂျာနယ်လစ်အများစု တရားစွဲဆိုခံရသည့် ပုဒ်မမှာ လွတ်လပ်စွာပြောဆိုခွင့်ကို ချိုးဖောက်သည်ဟု လူ့အခွင့်အရေးလှုပ်ရှားသူများက ဆန့်ကျင်ရှုတ်ချထားသည့် ဆက်သွယ်ရေးပုဒ်မ ဖြစ်နေသည်။

Ref: Reuters

July 4, 2017
ကွန်ဖက်ဒရေးရှင်းဖလား ဗိုလ်လုပွဲတွင် ကစားသမားများ၏ စွမ်းဆောင်ရည်ကို တိုက်ရိုက် စောင့်ကြည့်မည်

ဇူလိုင် ၂၊ ၂၀၁၇
M-Media

– ယနေ့တွင် ကစားမည့် ကွန်ဖက်ဒရေးရှင်းဖလား ဗိုလ်ပွဲတွင် ကစားသမားများ၏ စွမ်းဆောင်ရည်ကို တိုက်ရိုက်စောင့်ကြည့်မည့် နည်းပညာအား သုံးစွဲသွားမည်ဖြစ်ပြီး ဖီဖာ၏ ဘောလုံးပြိုင်ပွဲများတွင် ထိုနည်းပညာကို ပထမဆုံး အသုံးပြုခြင်းလည်းဖြစ်သည်။

ဗိုလ်ပွဲတွင် ဂျာမနီနှင့် ချီလီတို့ ကစားမည်ဖြစ်ပြီး အသင်းတာဝန်ရှိသူများနှင့် ဆေးအဖွဲ့မှာ ကစားသမားများ၏ စွမ်းဆောင်ရည်ကို စောင့်ကြည့်နိုင်မည့် တက်ဘလက် ၃ လုံးကို ရရှိမည်ဖြစ်သည်။

အဆိုပါနည်းစနစ်အရ ဘောလုံးပေးပို့ခြင်း၊ ဖြတ်တင်ခြင်း၊ ပြေးအားနှင့် ဘောလုံးကို ရင်ဆိုင်ရယုခြင်း စသည်တို့အပါအ၀င် ကစားသမား၏ ကွင်းအတွင်း စွမ်းဆောင်ရည်များကို စက္ကန့် ၃၀ သာ စောင့်ဆိုင်း၍ တက်ဘလက်များတွင် ကြည့်ရှုနိုင်မည်ဖြစ်သည်။

တက်ဘလက် ၃ ခုမှ နှစ်ခုကို အသင်းတာဝန်ရှိသူများက ကြည့်ရှုရမည်ဖြစ်ပြီး တစ်ခုကို ဆေးအဖွဲ့က ကြည့်ရှုရမည်ဖြစ်သည်။

Ref: BBC

July 2, 2017