Author: Ko Lay

ဖေဖော်ဝါရီ ၁၉၊ ၂၀၁၇
M-Media

– နိုင်ငံအတွင်းရှိ ရှရီအာခုံရုံးများ အားကောင်းစေရန်နှင့် ပြင်းထန်သော ပြစ်ဒဏ်များ ပေးနိုင်ရန် တင်သွင်းထားသည့် ဥပဒေပြင်ဆင်ချက်မူကြမ်းကို ထောက်ခံသည့်အနေဖြင့် မလေးရှားပြည်သူ ထောင်ပေါင်းများစွာမှာ ယမန်နေ့က မြို့တော်ကွာလာလမ်ပူတွင် ချီတက်ဆန္ဒထုတ်ဖော်ခဲ့ကြသည်ဟု သိရသည်။

အက်ဥပဒေ ၃၅၅ အတွက် ပြင်ဆင်ချက်ဖြစ်ပြီး PAS ပါတီက တင်သွင်းကာ လာမည့်လ လွှတ်တော်တွင် ဆွေးနွေးမည်ဖြစ်သည်။ အဆိုပါ ပြင်ဆင်ချက်အရ အစ္စလာမ့် ရှရီအာတရားရုံးများမှာ မွတ်စလင်များ၏ ဘာသာရေးကိစ္စနှင့် မိသားစုပြဿနာများကို ကိုင်တွယ်ရာတွင် အပြစ်ရှိသူကို ထောင်ဒဏ် နှစ် ၃၀ အထိ၊ ကြိမ်ဒဏ် ၁၀၀ အထိ အပြစ်ပေးနိုင်ကာ ဒဏ်ငွေ ကန်ဒေါ်လာ ၂၂၀၀၀ အထိ ရိုက်နိုင်မည်ဖြစ်သည်။

လက်ရှိတွင် ရှရီအာခုံရုံးများ၏ အမြင့်ဆုံး ပြစ်ဒဏ်မှာ ထောင်ဒဏ် ၃ နှစ်၊ ကြိမ်ဒဏ် ၆ ချက်နှင့် ဒဏ်ငွေ ကန်ဒေါ်လာ ၁၁၀၀ ဖြစ်သည်။

ယမန်နေ့က ပြုလုပ်ခဲ့သည့် ချီတက်မှုတွင် အများစုမှာ PAS ပါတီကို ထောက်ခံသူများဖြစ်ပြီး ယခုပြင်ဆင်ချက်က အစ္စလာမ့်တရားရုံးများကို အားကောင်းစေကာ၊ မသမာမှုများကို တားဆီးပေးနိုင်မည်ဟု ပြောကြားခဲ့သည်။

သတိပေးမှုရှိနေ

မလေးရှားလူဦးရေ၏ ၄၀ ရာခိုင်နှုန်းမှာ အစ္စလာမ်ဘာသာဝင်များမဟုတ်ဘဲ နိုင်ငံအတွင်း တရားရေးစနစ် နှစ်ခုရှိကာ ဘာသာရေးမစွက်သည့် တရားရုံးများက နိုင်ငံသားရေးရာနှင့် ရာဇ၀တ်မှုကိစ္စများကို ကိုင်တွယ်သည်။ ရှရီအာခုံရုံးမှာ အစ္စလာမ်ဘာသာဝင်များ၏ ဘာသာရေးနှင့် လူမှုရေးကိစ္စများကို ဆောင်ရွက်သည်။

ယခုပြင်ဆင်ချက်က တရားမျှတမှု၊ သင့်လျော်မှု မရှိဘဲ၊ မလေးရှား၏ ဖွဲ့စည်းပုံအခြေခံဥပဒေနှင့် ဆန့်ကျင်နေသည်ဟု ဝေဖန်မှုများလည်း ရှိနေသည်။

ဝန်ကြီးချုပ် နာဂျစ် ရာဇတ်၏ UMNO ပါတီမှာ PAS ၏ ထိုပြင်ဆင်ချက်ကို မည်သည့်မှတ်ချက်မှမပေးဘဲ ထောက်ခံသည့်သဘော ရှိနေသည်။ UMNO မှာ အစ္စလာမ်ဘာသာဝင်မဟုတ်သည့် လူမျိုးရေးအခြေပြု ပါတီငယ်လေးများဖြင့် ညွန့်ပေါင်းအစိုးရ ဖွဲ့ထားခြင်းဖြစ်ပြီး အဆိုပါ ပါတီငယ်လေးများက ထိုပြင်ဆင်ချက်နှင့်ပတ်သက်၍ စိုးရိမ်ကြောင်း ပြောကြားခဲ့သည်။

ညွန့်ပေါင်းအဖွဲ့မှ တရုတ်လူမျိုး နိုင်ငံရေးသမားတစ်ဦးက အဆိုပါပြင်ဆင်ချက်ကို လွှတ်တော်မှ အတည်ပြုပါက ရာထူးမှနှုတ်ထွက်မည်ဟု ပြောကြားခဲ့ပြီး ခရစ်ယာန်အများစုရှိကာ ဆာရာဝပ်ပြည်နယ်မှ အမတ်များက လွှတ်တော်တွင် အဆိုပါ ပြင်ဆင်ချက်ကို ပယ်ချသွားမည်ဟု ပြောကြားခဲ့သည်။

PAS ၏ ပြင်ဆင်ချက်အား ထောက်ခံမှုကို ဆန့်ကျင်သည့် တန်ပြန်ဆန္ဒပြမှုတစ်ခုကိုလည်း ကွာလာလမ်ပူမြို့ ဆင်ခြေဖုံးတွင် ယမန်နေ့က ပြုလုပ်ခဲ့ပြီး လူပေါင်း ၁၀၀ ခန့် ပါဝင်ခခဲ့သည်။

မလေးရှားရှိ အစ္စလာမ့် ခုံရုံးများနှင့် ရှရီအာ ဥပဒေများမှာ မွတ်စလင်များအတွက်သာဖြစ်ပြီး မွတ်စလင်မဟုတ်သူများအပေါ် အကျုံးဝင်မှု မရှိပေ။ သို့သော်လည်း အဆိုပါ ခုံရုံများနှင့် တရားစီရင်မှုတွင် အာဏာအလွဲသုံးစားပြုမှုများ ရှိသည်ဟု သတင်းများ ထွက်ပေါ်ခဲ့သည်။

Ref: Aljazeera