Author: Ko Lay

ဇန်န၀ါရီ ၂၄၊ ၂၀၁၇
M-Media

– ကမ္ဘာ့စီးပွားရေးတွင် အနောက်နိုင်ငံများ၏ ခေါင်းဆောင်မှု အခန်းကဏ္ဍ နောက်ဆုတ်သွားပါက မိမိတို့အနေဖြင့် ဦးဆာင်သွားရန် အဆင်သင့်ပြင်ထားသည်ဟု တရုတ် နိုင်ငံခြားရေးဝန်ကြီးဌာန၏ နိုင်ငံတကာ စီးပွားရေးဆိုင်ရာရုံးမှ အကြီးအကဲ ကျန်းချွင်က ပြောကြားလိုက်သည်။

တရုတ်သမ္မတ ရှီကျင့်ဖျင်မှာ ပြီးခဲ့သည့်တစ်ပတ်က ဆွစ်ဇာလန်နိုင်ငံ ဒါဗို့စ်မြို့တွင် ပြုလုပ်ခဲ့သည့် ကမ္ဘာ့စီးပွားရေးဖိုရမ်တွင် ဂလိုဘယ်လိုက်ဇေးရှင်းစီးပွားရေးကို ကာကွယ်လိုသည့်ဆန္ဒကို ပြောကြားခဲ့ပြီး ကုန်သွယ်မှု ကာကွယ်ရေး မူဝါဒဆိုသည်က မိမိကိုယ်ကို အမှောင်ခန်းထဲတွင် ပိတ်ထားခြင်းဖြစ်သည်ဟု ပြောကြားခဲ့သည်။

ထိုမှတ်ချက်မှာ တစ်နိုင်ငံတည်း၏ အကျိုးစီးပွားကိုသာ ပိုမိုအာရုံစိုက်လိုသည့် အမေရိကန်သမ္မတသစ် ဒေါ်နယ်ထရမ့်ကဲ့သို့ အနောက်နိုင်ငံမှ နိုင်ငံရေးသမားများကို တုန့်ပြန်လိုက်ခြင်းဖြစ်သည်ဟု ယူဆရသည်။

“တရုတ်က ခေါင်းဆောင်နေရာကို ယူလိုက်ပြီလို့ လူတွေက ပြောမယ်ဆိုရင် ဒါက တရုတ်နိုင်ငံအနေနဲ့ ရုတ်တရက်ကြီး ခေါင်းဆောင်လုပ်ချင်လို့ ထွက်လာတာ မဟုတ်ပါဘူး။ မူလ ဦးဆောင်သူတွေက နောက်ဆုတ်သွားပြီး တရုတ်နိုင်ငံကို အရှေ့ပို့ပေးလိုက်တာကြောင့်ပါပဲ” ဟု ကျန်းချွင်က ထည့်သွင်း ပြောကြားခဲ့သည်။

ဒေါ်နယ်ထရမ့်မှာ တရုတ်အပါအ၀င် အချို့သောနိုင်ငံများက အမေရိကန်၏ အလုပ်အကိုင်များကို ခိုးယူနေသည်ဟု မဲဆွယ်စဉ်က စွပ်စွဲခဲ့ပြီး၊ အလီဘာဘာကုမ္ပဏီပိုင်ရှင် တရုတ်ဘီလီယံနာ ဂျက်မာက အမေရိကန်၏ စီးပွားရေးကို မည်သူမျှ ခိုးယူခြင်းမဟုတ်ဘဲ စစ်တိုက်ခြင်းကြောင့်သာ စီးပွားရေးကျခြင်းဖြစ်သည်ဟု ပြန်လည်တုန့်ပြန်ခဲ့သည်။

ထရမ့်မှာ တရုတ်နှင့် ကုန်သွယ်ရေးစစ်ပွဲဆင်နွှဲရန် ဆောင်ရွက်မည်ဟု သုံးသပ်မှုများရှိနေပြီး ကျန်းချွင်က ထိုသို့ဆောင်ရွက်ခြင်းမှာ အမေရိကန်၏ အကျိုးစီးပွားအတွက် အကျိုးရှိမည်မဟုတ်ဟု ပြောကြားခဲ့သည်။ ထို့ပြင် အမေရိကန်က ယမန်နေ့တွင် နှုတ်ထွက်ခဲ့သည့် TPP ကုန်သွယ်ရေး သဘောတူညီချက်နှင့်အပြိုင် မိမိတို့ကလည်း အာရှ-ပစိဖိတ်ဒေသ ကုန်သွယ်ရေး သဘောတူညီချက် ရရှိအောင် ဆောင်ရွက်သွားမည်ဟု ထပ်လောင်းပြောဆိုခဲ့သည်။

Ref: WSJ