Author: Ko Lay

အောက်တိုဘာ ၂၈၊ ၂၀၁၆
M-Media

– ၂၀၁၆ ခုနှစ်အတွက် ကမ္ဘာ့အလှူဒါန အရက်ရောဆုံး နိုင်ငံများစာရင်းတွင် မြန်မာနိုင်ငံက ထိပ်ဆုံး၌ ရပ်တည်နေပြီး ၃ နှစ်ဆက်တိုက် ထိပ်ဆုံးတွင် ရှိနေခဲ့ခြင်းဖြစ်သည်။

နိုင်ငံတကာ ပရဟိတဖောင်ဒေးရှင်းတစ်ခုဖြစ်သော Charities Aid Foundation က ထုတ်ပြန်ပြီး ‘ကမ္ဘာ့အလှူဒါန အညွှန်းကိန်း’ (World Giving Index) ဟု အမည်ပေးထားသည့် အဆိုပါ အဆင့်သတ်မှတ်ချက်ကို နိုင်ငံတစ်နိုင်ငံရှိ ပြည်သူများ၏ ငွေကြေးလှူဒါန်းမှု၊ စေတနာ့ဝန်ထမ်း ပါဝင်လှုပ်ရှားမှု သို့မဟုတ် တစ်စိမ်းတရံစာများကို ကူညီမှု ပျမ်းမျှ ရာခိုင်နှုန်းများကို တွက်ချက်ခြင်းဖြစ်သည်။

အဆိုပါ အညွှန်းကိန်းတွင် အမေရိကန်က နံပါတ် ၂ တွင်ရှိနေပြီး ၂ နှစ်ဆက်တိုက် ဒုတိယနေရာတွင် ရှိနေခြင်းဖြစ်သည်။ ၂၀၁၄ ခုနှစ်ကမူ မြန်မာနှင့် အမေရိကန်တို့မှာ ထိပ်ဆုံးတွင် ပူးတွဲရှိနေခဲ့သည်။

Charities Aid Foundation ၏ လေ့လာမှုများအရ မြန်မာပြည်သူများ၏ ၉၁ ရာခိုင်နှုန်းမှာ ပြီးခဲ့သည့်နှစ်အတွင်း ငွေကြေးများလှူဒါန်းခဲ့ကြပြီး ၆၂ ရာခိုင်နှုန်းကမူ မိမိတို့အနေဖြင့် သူစိမ်းတရံစာများကို ကူညီသည်ဟု ပြောကြားခဲ့သည်။ ၅၅ ရာခိုင်နှုန်းက ၎င်းတို့မှာ စေတနာ့ဝန်ထမ်း ပါဝင်လုပ်ကိုင်ပေးကြသည်ဟု ဆိုသည်။

“ကျွန်တော်ရဲ့ နိုင်ငံတွေကို အညွှန်းကိန်းသတ်မှတ်မှုဟာ ပြည်သူလူထုရဲ့ လှူဒါန်းမှုအချိုးကို ကြည့်တာဖြစ်ပြီး ဘယ်လောက် လှူဒါန်းလဲဆိုတာကို ကြည့်တာမျိုး မဟုတ်ပါဘူး။ ဘေးအန္တရာယ်တွေ၊ အခက်အခဲတွေက လှူဒါန်းသူအရေအတွက်ကို မြင့်တက်စေပါတယ်” ဟု CAF မှ မီဒီယာဒါရိုက်တာဖြစ်သူ ဆီမွန်ဝါ့ဒ်က ပြောကြားခဲ့သည်။

မြန်မာနိုင်ငံ၏ လူဦးရေမှာ ၅၆ သန်းရှိပြီး အမေရိကန်လူဦးရေ၏ ၅ ပုံ ၁ ပုံသာ ရှိနေသည်။

CAF ကမူ စစ်တမ်းကောက်ယူမှုတွင် မြန်မာနိုင်ငံက ရလဒ်ကောင်းများ ဆက်တိုက်ကောင်းမွန်မှုကို အသိအမှတ်ပြုခဲ့ပြီး ထိုသို့ ရက်ရောခြင်းမှာ ပြည်သူများ၏ ယဉ်ကျေးမှု၊ ဘာသာရေးယုံကြည်ချက်တို့နှင့် သက်ဆိုင်သည်ဟုလည်း ထည့်သွင်းပြောကြားခဲ့သည်။

“ဆင်းရဲတဲ့နိုင်ငံတစ်ခုက ရယူခြင်းထက် ပေးဆပ်ခြင်းကို အဓိကထားခြင်းအားဖြင့် ရက်ရောမှုမှာ နံပါတ် ၁ ဖြစ်လာနိုင်တယ်ဆိုတာကို ဒီရလဒ်က ဖော်ပြနေပါတယ်” ဟု မြန်မာသမ္မတ၏ စီးပွားရေးအကြံပေး ပါမောက္ခ ဒေါက်တာ အောင်ထွန်းသက်က ပြောကြားခဲ့သည်။

ကမ္ဘာ့ အလှူအတန်း အရက်အရောဆုံး နိုင်ငံများစာရင်းတွင် မြန်မာနှင့် အမေရိကန်တို့ပြီးနောက် သြတေးလျ၊ နယူးဇီလန်နှင့် ကနေဒါတို့က အသီးသီး ရှိနေကြသည်။

အီရတ်နိုင်ငံကမူ ပြည်တွင်းဖြစ်နေသော်လည်း သူစိမ်းတစ်ရံစာများကို ကူညီရာတွင် ထိပ်ဆုံး၌ ရှိခဲ့ပြီး အာဖရိကတိုက်မှ နိုင်ငံများကလည်း ပြီးခဲ့သည့်နှစ်အတွင်း ရက်ရောမှု အတိုးတက်ဆုံးနိုင်ငံများ ဖြစ်ခဲ့သည်။

Ref : CNN

အောက်တိုဘာ ၂၈၊ ၂၀၁၆
M-Media

– လေလံကုမ္ပဏီတစ်ခုဖြစ်သော Christie မှ နိုဝင်ဘာ ၂၉ ရက်နေ့တွင် ဟောင်ကောင်၌ပြုလုပ်မည့် ကျောက်မြတ်ရတနာ လေလံပွဲတွင် ၁၀.၀၅ ကာရက်ရှိသည့် မြန်မာနိုင်ငံမှ ရှားပါးပတ္တမြားမှာ ဦးဆောင်ဖွယ်ရှိနေသည်ဟု သိရသည်။

‘ထူးခြားသည့် အရွယ်၊ အပြစ်အနာအဆာကင်းသည့် အဆင်း၊ တောက်ပသည့် အရည်လဲ့မှု’ စသည့် အရည်အသွေးများနှင့်ပြည့်စုံသော အဆိုပါပတ္တမြားကို သက္ကတဘာသာစကားဖြင့် ‘အဖိုးတန်ကျောက်များ၏ ဘုရင်’ (ရက်နာရက်ဂ်ျ) ဟု ခေါ်ဆိုကြောင်း Christie က ပြောကြာခဲ့သည်။

လက်ရှိတွင် ထိုပတ္တမြား၏ ကြမ်းခင်းဈေးမှာ ကန်ဒေါ်လာ ၈.၈ သန်းမှ ၁၂.၅ သန်းအထိ တန်ကြေးရှိနေသည်။

အဆိုပါပတ္တမြားမှာ မြန်မာနိုင်ငံမှ ပတ္တမြားနှင့် ကက်ရ်ှမီးယားမှ နီလာများကို တစ်မူထူးခြားစွာ စုဆောင်းနိုင်မှုကြောင့် နာမည်ကျော်ပြီး ၁၀ စုနှစ်တစ်ခုကျော် သက်တမ်းရှိနေသည့် ကျောက်မြတ်လုပ်ငန်း Faidee မှ လေလံတင်ခြင်းဖြစ်သည်။ ထိုပတ္တမြားမှာ တစ်နှစ်တွင် တစ်ခါလောက်သာ ဈေးကွက်တွင်တွေ့ရသည့် ရှားပါးပစ္စည်းမျိုး ဖြစ်သည်။

Christie ကမူ ‘ခိုသွေး’ ဟု အမည်ပေးထားပြီး ပတ္တများအမျိုးအစားတွင် ပါဝင်ကာ အရည်လဲ့မှုတွင် ခြွင်းချက်မဲ့သော အဆိုပါ ပတ္တမြားမျိုးမှာ ၅ ကာရက်ကျော် အရွယ်အစားကို အလွန်တွေ့ရခဲသည်ဟု ပြောကြားခဲ့သည်။

Magnificent Jewels ဟု အမည်ပေးထားသည့် အဆိုပါ လေလံပွဲကို ဟောင်ကောင် Convention and Exhibition Centre တွင် ပြုလုပ်မည်ဖြစ်သည်။

Ref : Forbes