အောက်တိုဘာ ၂၇၊ ၂၀၁၆
M-Media
– အကြမ်းဖက်မှု၊ ညှင်းပမ်းနှိပ်စက်ခံရမှုနှင့် ခေါင်းပုံဖြတ်အမြတ်ထုတ်ခံရသော ကလေးငယ်များအား ကူညီပေးရန်အတွက် နိုင်ငံ၏ ပထမဆုံး အခမဲ့ဖုန်းလိုင်းကို ဘင်္ဂလားဒေ့ရ်ှက စတင်လိုက်သည်ဟု သိရသည်။
နံပါတ် ၁၀၉၈ ဖြစ်ပြီး Child Helpline ဟု အမည်ပေးထားသည့် အဆိုပါဖုန်းလိုင်းမှာ ကလေးငယ်များ လူ့အခွင့်အရေး ချိုးဖောက်ခံရခြင်း၊ ညှင်းပမ်းနှိပ်စက်ခံရခြင်း၊ ခေါင်းပုံဖြတ် အမြတ်ထုတ်ခံရခြင်း သို့မဟုတ် ကလေးငယ်များအား ကာကွယ်ပေးမှုဆိုင်ရာ အခြား ချို့ယွင်းချက်များအတွက် နိုင်ငံ၏ မည်သည့်နေရာမှမဆို ခေါ်ယူ သတင်းပေးပို့နိုင်မည်ဟု ဘင်္ဂလားဒေ့ရ်ှအစိုးရနှင့် ယူနီဆက်ဖ်တို့ ၏ ပူးတွဲသတင်းစာရှင်းလင်းပွဲတွင် ပြောကြားခဲ့သည်။
ရှိခ်ဟာဆီနာကမူ ယနေ့တွင် အဆိုပါဖုန်းလိုင်းဖွင့်ပွဲအခမ်းအနားကို ဒါကာရှိ ၀န်ကြီးချုပ်နေအိမ်တွင် ပြုလုပ်ခဲ့သည်။
“ဘင်္ဂလားဒေ့ရ်ှရဲ့ သတင်းအချက်အလက်နဲ့ နည်းပညာနယ်ပယ်မှာ တော်လှန်ရေးတစ်ခု ဖြစ်ပွားခဲ့ပါတယ်။ ဒီနေ့တော့ ကလေးအခွင့်အရေးကာကွယ်ဖို့၊ ကလေးတွေရဲ့ အကျိုးစီးပွားကို ထိပ်ဆုံးဦးစားပေးဖြစ်ဖို့ Child Helpline – 1098 အစီအစဉ်ကို စတင်ခြင်းအားဖြင့် နောက်ထပ် နည်းပညာဆိုင်ရာ သမိုင်းမှတ်တိုင်တစ်ခု စိုက်ထူလိုက်ပါတယ်” ဟု ၀န်ကြီးချုပ် ရှိခ်ဟာဆီနာက ပြောကြားခဲ့သည်။
“ဒီဝန်ဆောင်မှုကနေတစ်ဆင့် ကလေးငယ်တွေဟာ သူတို့ရဲ့ ပြဿနာတွေကို အမြင့်ဆုံးအာဏာပိုင်တွေဆီ တိုင်ကြားနိုင်တော့မှာဖြစ်ပြီး သူတို့လေးတွေရဲ့ တစ်ဦးချင်းလိုအပ်ချက်အတွက် စောင့်ရှောက်မှု ထောက်ပံ့မှုတွေကို ရရှိတော့မှာ ဖြစ်တဲ့အတွက် ကျွန်မ အရမ်းပဲ ကျေနပ်ပီတိ ဖြစ်ရပါတယ်။ ဘင်္ဂလားဒေ့ရ်ှက အမျိုးသမီးတွေ၊ ကလေးတွေအတွက် ဖွံ့ဖြိုးရေးအစီအစဉ်အမျိုးမျိုးကို အကောင်အထည်ဖော်ရာမှာ အစိုးရကို ကူညီပေးတဲ့ ယူနီဆက်ဖ်ကိုလည်း ကျေးဖူးတင်ပါတ
ယ်”
Ref : The Daily Star
