Author: Ko Lay

အစ္စရေးရှိ သမိုင်းဝင်ခရစ်ယာန်ဘုရားကျောင်းတစ်ခု ဖျက်ဆီးခံရ

အောက်တိုဘာ ၂၅၊ ၂၀၁၆
M-Media

– အစ္စရေးမြောက်ပိုင်းရှိ နာမည်ကျော် ခရစ်ယာန်ဘုရားကျောင်းတစ်ခုမှာ ယမန်နေ့က ဖျက်ဆီးခြင်းခံခဲ့ရပြီး ဘုရားကျောင်းအတွင်းရှိ စပျစ်ရည်ထည့်သော ရွှေဖလားများလည်း အခိုးခံလိုက်ရသည်ဟု ရဲတပ်ဖွဲ့တာဝန်ရှိသူတစ်ဦးက ယနေ့တွင် ပြောကြားခဲ့သည်။

တဘောရ်တောင်တွင်ရှိသည့် Church of the Transfiguration ဘုရားကျောင်းဖြစ်ပြီး ဓမ္မသစ်ကျမ်းစာ၏ ဖော်ပြချက်အရ ထိုနေရာမှာ ခရစ်တော် ရှင်ပြန်ထမြောက်ပြီးနောက် တမန်တော်မောရှေ၊ ဧလိယတို့နှင့် စကားပြောဆိုသည့် နေရာဖြစ်သည်ဟု ဆိုသည်။

ရဲတပ်ဖွဲ့ကမူ ထိုတိုက်ခိုက်မှုအတွက် စုံစမ်းစစ်ဆေးနေပြီး မည်သည့် သံသယရှိသူကိုမှ ဖမ်းဆီးနိုင်ခြင်း မရှိသေးပေ။ ဖျက်ဆီးမှုတွင် ဘုရားကျောင်းအတွင်းရှိ အမှတ်သညာများ ပျက်ဆီးသွားခဲ့ပြီး၊ ပမာဏ မည်မျှရှိသည်ကို မသိရသည့် အလှူခံသေတ္တာတစ်လုံးနှင့် စပျစ်ရည်ထည့်သည့် ရွှေဖလားများ အခိုးခံခဲ့ရသည်။

ဒေသတွင်းမီဒီယာများကမူ ထိုတိုက်ခိုက်မှုမှာ ဓားမြတိုက်မှုသက်သက်သာ ရည်ရွည်ခြင်းဖြစ်နိုင်ပြီး ယခင် ခရစ်ယာန်ဘုရားကျောင်းများ တိုက်ခိုက်ခံရမှုကဲ့သို့ ဂျူးများ၏ အမုန်းတရားကြောင့် တိုက်ခိုက်ခြင်း မဖြစ်နိုင်ဟု ဘုရားကျောင်း တာဝန်ရှိသူများကို ကိုးကား၍ ဖော်ပြခဲ့သည်။

ခရစ်ယာန်နှင့် မွတ်စလင်တို့၏ အထွဋ်အမြတ်ထားရာ နေရာများကို တိုက်ခိုက်သည့်အခါ ဂျူးအစွန်းရောက်များ ပုံမှန်ပြုလုပ်နေကြဖြစ်သည့် စော်ကားသော ဂရက်ဖစ်တီများကိုလည်း ယခုတိုက်ခိုက်မှုတွင် ရေးဆွဲခဲ့ခြင်းမရှိဟု ရဲတပ်ဖွဲ့က ပြောကြားခဲ့သည်။

ပြီးခဲ့သည့် နှစ်များအတွင်း ဗလီများ၊ ဘုရားကျောင်းများ၊ သုဿန်များအပါအ၀င် မွတ်စလင်နှင့် ခရစ်ယာန်ုတို့၏ အထွဋ်အမြတ်ထားရာ နေရာများမှာ ဂျူးအစွန်းရောက်များ၏ ဖျက်ဆီးခြင်းကို ခံခဲ့ရသည်။

Ref: Xinhua

October 25, 2016
မက်ဒရစ်မြို့ခံနှစ်သင်း စည်းကမ်းဖောက်မှုအတွက် စပိန်ဘောလုံးအဖွဲ့ချုပ် ဒဏ်ရိုက်ခံရ

အောက်တိုဘာ ၂၅၊ ၂၀၁၆
M-Media

– အသက် ၁၈ နှစ်အောက် နိုင်ငံတကာကစားသမားများကို ခေါ်ယူမှုနှင့်ပတ်သက်၍ ရီးယဲလ်နှင့် အက်သလက်တီကိုတို့၏ ဥပဒေချိုးဖောက်မှုများကို ခွင့်ပြုခဲ့သည့် စပိန် တော်ဝင်ဘောလုံးအဖွဲ့ချုပ် RFEF ကို ဖီဖာက ဆွစ်ဇ်ဖရန့် ၂၂၀၀၀၀ ဒဏ်ရိုက်ခဲ့သည်ဟု သိရသည်။

မက်ဒရစ်အခြေစိုက် အဆိုပါ ကလပ်အသင်းနှစ်ခုလုံးကို စည်းကမ်းချိုးဖောက်မှုများကြောင့် ၂၀၁၇ ခုနှစ် အပြောင်းအရွှေ့ဈေးကွက်တွင် ကစားသမားဝယ်ယူခွင့် ဖီဖာက ပိတ်ပင်ခဲ့သည်။ ထိုပြစ်ဒဏ်အတွက် နှစ်သင်းစလုံးမှာ အားကစားဆိုင်ရာ ခုံသမာဓိရုံးအထိ တင်ပြထားသည်။

သို့သော်လည်း ဖီဖာကမူ ယခုအချိန်တွင် စပိန်ဘောလုံးအဖွဲ့ချုပ်ကိုပါ ယခုကဲ့သို့ အရေးယူခဲ့ခြင်းဖြစ်ပြီး ဥပဒေရေးရာ မူဘောင်များကို နိုင်ငံတကာစံနှုန်းများနှင့်အညီ ဖြစ်စေရေး ၆ လ အချိန်ပေးခဲ့သည်။

“RFEF ဟာ နိုင်ငံတကာအပြောင်းအရွှေ့၊ လူငယ်ကစားသမားတွေကို ပထမဆုံး စာချုပ်ချုပ်မှုဆိုင်ရာ ပြဌာန်းချက်တွေကို ချိုးဖောက်ခဲ့တယ်ဆိုတာ တွေ့ရှိရပါတယ်” ဟု ဖီဖာ၏ ထုတ်ပြန်ချက်တွင် ဖော်ပြထားသည်။

Ref: Goal

October 25, 2016
ဂါဇာရှိ ပါလက်စတိုင်းတော်လှန်ရေးလှုပ်ရှားမှုကို လုံးဝ ချေမှုန်းမည်ဟု အစ္စရေးခြိမ်းခြောက်

အောက်တိုဘာ ၂၅၊ ၂၀၁၆
M-Media

– ပါလက်စတိုင်းပိုင် ဂါဇာကမ်းမြှောင်အား နောက်ထပ် တိုက်ခိုက်မှုပြုလုပ်ပါက ထိုတိုက်ခိုက်မှုမှာ နောက်ဆုံးဖြစ်မည်ဖြစ်ပြီး ပါလက်စတိုင်းတော်လှန်ရေးလှုပ်ရှားမှုကို အပြီးသတ်ချေမှုန်းသွားမည်ဟု အစ္စရေးကာကွယ်ရးဝန်ကြီး လီဘာမန်က ခြိမ်းခြောက်ပြောဆိုလိုက်သည်။

ယမန်နေ့က Al-Quds သတင်းစာနှင့် အင်တာဗျူးတွင် လီဘာမန်က ထိုကဲ့သို့ ပြောကြားခဲ့ခြင်းဖြစ်သည်။ လီဘာမန်၏ ထိုမှတ်ချက်ကြောင့် ပါလက်စတိုင်းအရေး တက်ကြွလှုပ်ရှားသူများမှာ ဒေါသထွက်ခဲ့ကြပြီး ဆိုရှယ်မီဒီယာများမှတစ်ဆင့် ရှုတ်ချခဲ့သည်။

ထိုနေ့မှာပင် အစ္စရေးစစ်တပ်သည် ဂါဇာအား ရန်စကျူးကျော်မှုတစ်ခုအဖြစ် ပါလက်စတိုင်း တော်လှန်ရေးလှုပ်ရှားမှုအဖွဲ့ဖြစ်သော ဟားမက်စ်တို့ တပ်စွဲထားသည်ဟုဆိုသည့် နေရာတစ်ခုကို လေကြောင်းမှ တိုက်ခိုက်ခဲ့သည်။ ထိုတိုက်ခိုက်မှုနှင့်ပတ်သက်၍ ထိခိုက်ဒဏ်ရာရမှုစာရင်းများ ထွက်မလာသေးပေ။

ထိုတိုက်ခိုက်မှုမပြုလုပ်ခင် ဟားမက်စ်က မိမိတို့ပိုင်နက်သို့ ဒုံးကျည်တစ်စင်း ပစ်လွှတ်ခဲ့သည်ဟု အစ္စရေးက ပြောကြားခဲ့သည်။

ပါလက်စတိုင်းပိုင် ဂါဇာကမ်းမြှောင်ဒေသကို အစ္စရေးက ပိတ်ဆို့ထားမှုကြောင့် ဂါဇာပြည်သူများ၏ အသက်ရှင်နေထိုင်ရမှု အခြေအနေမှာ အလွန်ဆိုးရွားနေပြီး ကုလ၏ အရှေ့အလယ်ပိုင်းငြိမ်းချမ်းရေး လုပ်ငန်းစဉ်ဆိုင်ရာ အထူးညှိနှိုင်းရေးမှုးက ဂါဇာ၏ ဆိုးရွားသော အခြေအနေများအတွက် အလွန်အမင်း စိုးရိမ်မိကြောင်း၊ အစ္စရေး၏ ပေါ်လစီများမှာ အကြမ်းဖက်မှုကို အားပေးအားမြှောက်ပြုရာ ရောက်နေကြောင်း ပြောကြားခဲ့သည်။

Ref : Presstv

October 25, 2016
ထိုင်းနိုင်ငံမှ မြန်မာဒုက္ခသည်များ နေရပ်ပြန်မှု စတင်

အောက်တိုဘာ ၂၅၊ ၂၀၁၆
M-Media

ထိုင်းနိုင်ငံရှိ ဒုက္ခသည်စခန်းမှာ မိသားစုတစ်ခု

– ထိုင်း-မြန်မာနယ်စပ်တစ်လျှောက်မှ ဒုက္ခသည်စခန်းများရှိ မြန်မာဒုက္ခသည်များ ပထမဆုံး နေရပ်ပြန်မှုမှာ ယနေ့တွင် စတင်ခဲ့ပြီး ကုလသမဂ္ဂ ဒုက္ခသည်များဆိုင်ရာအေဂျင်စီ UNHCR က ထိုအဖြစ်အပျက်မှာ သမိုင်းမှတ်တိုင်ဖြစ်သည်ဟု ပြောကြားခဲ့သည်။

ထိုင်းနှင့် မြန်မာနိုင်ငံတို့၏ သဘောတူညီချက်အရ ပထမအသုတ်မှာ ဒုက္ခသည်စုစုပေါင်း ၆၈ ယောက်ဖြစ်ပြီး ၎င်းတို့၏ ကိုယ်ပိုင်စိတ်ဆန္ဒဖြင့် နေရပ်ပြန်ခြင်းဖြစ်ကာ UNHCR ကမူ ယခု နေရပ်ပြန်မှုကြောင့် အစုလိုက်အပြုံလိုက် နေရပ်ပြန်ခြင်းမျိုး ဖြစ်လာမည်မဟုတ်ဟုလည်း ဆိုသည်။

နယ်စပ်တစ်လျှောက်ရှိ ဒုက္ခသည်စခန်း ၉ ခုတွင် နေထိုင်နေရသည့် မြန်မာနိုင်ငံမှ ဒုက္ခသည်အနေအတွက်မှာ သိန်းချီရှိနေပြီး ယခင်က မြန်မာနိုင်ငံ၏ နိုင်ငံရေး၊ စီးပွားရေး မတည်ငြိမ်မှုများက ၎င်းတို့၏ နေရပ်ပြန်ရေး အိပ်မက်ကို အဟန့်အတား ဖြစ်စေခဲ့သည်။

ယနေ့ နေရပ်ပြန်သူများမှာ ထိုင်းနိုင်ငံအနောက်ပိုင်း ရက်ချာဘူရီပြည်နယ်ရှိ ဒုက္ခသည်စခန်းမှ မိသားစုတစ်စုဖြစ်ပြီး တက်ပြည်နယ်ရှိ နူပိုဒုက္ခသည်စခန်းမှ ဒါဇင်နှင့်ချီသော ဒုက္ခသည်များမှာ မနက်ဖြန်တွင် နေရပ်ပြန်ကြမည်ဟု UNHCR ၏ အကြီးတန်း ညှိနှိုင်းရေးမှူးက ပြောကြားခဲ့သည်။

ထိုင်းနိုင်ငံရှိ ဒုက္ခသည်စခန်းများတွင် နေထိုင်သူများ၏ ၈၀ ရာခိုင်နှုန်းမှာ ကရင်တိုင်းရင်းသားများဖြစ်ပြီး လက်နက်ကိုင်ပဋိပက္ခများ၊ မြန်မာစစ်တပ်၏ ညှင်းပမ်းနှိပ်စက်မှုများကြောင့် နေရပ်စွန့်ခွာခဲ့ရသူများ ဖြစ်သည်။ အချို့မှာ ဒုက္ခသည်စခန်းတွင် နေထိုင်နေရသည့် သက်တမ်းမှာ နှစ်ပေါင်း ၃၀ ခန့် ရှိနေပြီဖြစ်သည်။

Ref: Reuters

October 25, 2016
မောင်တော စစ်ဆင်ရေးတွင် ဒေသခံမွတ်စလင်များ မောင်းထုတ်ခံနေဟု Reuters သတင်းဌာန ဖော်ပြ

အောက်တိုဘာ ၂၅၊ ၂၀၁၆
M-Media

– အောက်တိုဘာ ၉ ရက်နေ့က နယ်ခြားစောင့်စခန်းများ တိုက်ခိုက်ခံရမှုနောက်ပိုင်း ရခိုင်ပြည်နယ်တွင် အစိုးရစစ်တပ်နှင့် ရဲတပ်ဖွဲ့တို့က ပြုလုပ်နေသည့် စစ်ဆင်ရေးအတွင်း ဒေသခံ မွတ်စလင်များမှာ မောင်းထုတ်ခံရခြင်းများ ရှိနေသည်ဟု မိမိတို့၏ စုံစမ်းမှုများအရ သိရကြောင်း Retures သတင်းဌာနက ဖော်ပြခဲ့သည်။

သတင်းဌာနမှာ ထိုဒေသရှိ ရင်းမြစ်လေးခုသို့ ဆက်သွယ်ခဲ့ခြင်းဖြစ်သည်။ တနင်္ဂနွေနေ့က နယ်ခြားစောင့်တပ်ဖွဲ့များမှာ ကျီးကန်ပြင်ရွာသို့ ၀င်ရောက်လာခဲ့ကာ ရွာသား ၂၀၀၀ ခန့်ကို ရွာမှထွက်ခွာရန် အမိန့်ပေးပြီး ၎င်းတို့၏ ပစ္စည်းများ သိမ်းဆည်ရန်မျှသာ အချိန်ပေးခဲ့သည်ဟု ထိုရင်းမြစ်များက ပြောကြားခဲ့သည်။

“မနေ့ကနေ့လယ်ပိုင်းမှာ မောင်းထုတ်ခံလိုက်ရပြီး အခုအချိန်မှာ ကျွန်တော့် မိသားစုအပါအ၀င် လူ ၂၀၀ လောက်ဟာ ရွာပြင်က လယ်ကွင်းတွေထဲမှာ နေနေရပါတယ်။ ကျွန်တော် အိမ်မဲ့ယာမဲ့ ဖြစ်သွားပါပြီ” ဟု ကျီးကန်ပြင်ရွာမှ မွတ်စလင်ရွာသား တစ်ဦးက ပြောကြားခဲ့သည်။

“စစ်သားတွေ ကျွန်တော်တို့ရွာကိုရောက်လာပြီး ကျွန်တော်တို့မသွားရင် ပစ်သတ်မယ်လို့ပြောပါတယ်”

အခြားမျက်မြင် သက်သေတစ်ဦးနှင့် မောင်တောတွင်နေထိုင်ပြီး ထိုဒေသအတွင်းရှိ သတင်းအချက်အလက်များကို ရယူနေသော ရပ်ရွာခေါင်းဆောင် နှစ်ဦးတို့ကလည်း ထိုပြောကြားမှုမှာ မှန်ကန်ကြောင်း အတည်ပြုခဲ့ပြီး ရွာသား ၂၀၀၀ ခန့်မှာ နေအိမ်များမှ မောင်းထုတ် ခံလိုက်ရသည်ဟု ဆိုသည်။

ရွာသားတစ်ချို့မှာ ပတ်ဝန်းကျင်ရွာများတွင် ခိုလှုံနေရသော်လည်း ရာပေါင်းများစွာမှာ ယမန်နေ့ညကို စပါးကွင်းများထဲတွင် ပုန်းရှောင်ကာ ကုန်လွန်ခဲ့ရသည်။ ၎င်းတို့မှာ ရောက်တက်ရာရာ သွားလာနေကြပြီး နေထိုင်စရာနေရာ မတွေ့သေးဟု ဆိုသည်။

မြန်မာအစိုးရမှ ပြောရေးဆိုခွင့်ရှိသူ ဦးမြင့်ကျော်ကမူ ထိုဒေသမှာ စစ်ဆင်ရေးပြုလုပ်နေသည့် ‘အနီရောင်ဇုန်’ ဖြစ်သည့် အတွက်ကြောင့် အစိုးရအနေဖြင့် ထိုဒေသရှိ မည်သူနှင့်မှ ဆက်သွယ်၍ မရဟု ပြောကြားခဲ့သည်။

“မွတ်စလင်အမျိုးသားတစ်ယောက်ကာ ဒီနေ့မနက်မှာ ဖုန်းခေါ်ခဲ့ပြီး သူတို့တွေ နေအိမ်ကနေ မောင်းထုတ်ခံရတယ်လို့ ပြောပါတယ်။ ဒါပေမယ့် ဒီသတင်းကို အတည်မပြုနိုင်သေးပါဘူး” ဟု ၎င်းက ဆိုသည်။

စစ်တပ်ကလည်း မှတ်ချက်ပေးရန် ဆက်သွယ်မှုကို ပြန်လည်ဖြေကြားခဲ့ခြင်းမရှိဟု Reuters သတင်းဌာနက ဖော်ပြခဲ့သည်။

တက်ကြွလှုပ်ရှားသူများ ဆိုရှယ်မီဒီယာတွင် လွှင့်တင်သည့် ဗီဒီယိုများ၌ ရွာသားများမှာ ၎င်းတို့၏ ပိုင်ဆိုင်မှုများနှင့် ကျွဲနွားများကို သယ်ဆောင်ကာ အခြားရွာသို့ သွားရောက်မှု၊ စစ်တပ်က ရွာအတွင်း နေအိမ်များမှ မောင်းထုတ်နေခြင်းကို ကြည့်ရှုမှု စသည်တို့ကို တွေ့ရသည်။

မွတ်ဆလင်မ်ရွာတွေမှာ အစိုးရတပ်ဘက်က ရွာသားတွေကို နှင်ထုတ်တာတွေ၊ ပိုင်ဆိုင်မှုတွေကို သိမ်းယူတာမျိုးတွေ စတဲ့ ကျူးလွန်မှုမျိုးတွေ ပြုလုပ်နေ သလား ဆိုပြီး ရခိုင်ပြည်နယ် အစိုးရ အဖွဲ့ဝင် ဝန်ကြီး တစ်ဦးကို ဘီဘီစီက မေးမြန်း ရာမှာတော့ အဲဒီ့ ဝန်ကြီးက ငြင်းဆို ပါတယ်။ အစစ်ဆေး မခံရဲလို့ ထွက်ပြေးကြသူတွေ ဖြစ်လိမ့်မယ်လို့လည်း မှတ်ချက်ချကြောင်း BBC မြန်မာပိုင်း သတင်းတပုဒ်မှာ ဖော်ပြပါသည်။

ဘင်္ဂလားဒေ့ရ်ှနှင့် နီးစပ်နေသည့် မောင်တောမြို့နယ်တစ်ဝိုက်ရှိ ဒေသများကို စစ်တပ်က ပိတ်ထားသောကြောင့် ဂျာနယ်လစ်များ၊ အကူအညီပေးရေးအဖွဲ့များ ၀င်ရောက်ခွင့်မရပေ။

Ref: Aljazeera

October 25, 2016