Author: Ko Lay

အောက်တိုဘာ ၆၊ ၂၀၁၆
M-Media

– အခုနာမည်ကြီးနေတဲ့ Space X ဒုံးပျံကိုကျော်ပြီး မိမိတို့ရဲ့ ဒုံးပျံက အင်္ဂါဂြိုဟ်ထံကို ပထမဆုံး လူသား ခေါ်ဆောင်သွားနိုင်မယ်လို့ ဘိုအင်းကုမ္ပဏီက ကြေငြာလိုက်ပါတယ်။

Space X ကုမ္ပဏီဟာ အင်္ဂါဂြိုဟ်ခရီးစဉ်အတွက် နာဆာနဲ့ ဂြိုဟ်တုများ လွှတ်တင်နိုင်ရေး ဒုံးပျံတွေကို တည်ဆောက်နောဖြစ်ပြီး ပြီးခဲ့တဲ့တစ်ပတ်မှာပဲ ကုမ္ပဏီက စီအီးအိုက အဲလွန် မက်စ်က မိမိတို့အနေနဲ့ အင်္ဂါဂြိုဟ်ကိုသွားဖို့ ကြီးကျယ်တဲ့ စီမံကိန်းတွေ ရှိနေတယ်လို့ ဖွင့်ဟခဲ့ပါတယ်။

“အင်္ဂါဂြိုဟ်ကို ပထမဆုံး ခြေချမယ့်သူဟာ ဘိုးအင်းရဲ့ ဒုံးပျံကို စီးသွားရမယ်ဆိုတာ ကျွန်တေ်ာ ယုံကြည်နေပါတယ်” လို့ ဘိုးအင်းကုမ္ပဏီရဲ့ စီအီးအို ဒန်းနစ် မူလင်ဘာ့ဂ်က ယမန်နေ့ ချီကာဂိုမှာပြုလုပ်တဲ့ အာကာသဆိုင်ရာ အခမ်းအနားတစ်ခုမှာ ပြာကြားခဲ့ပါတယ်။

မက္ကဆီကိုမှာ မက်စ် ဖွင့်ချခဲ့တဲ့ အင်္ဂါဂြိုဟ်သွား စီမံကိန်းမှာ ဂြိုဟ်အတွင်း မြို့တည်ထောင်မယ့် အစီအစဉ်၊ လူထောင်ပေါင်းများစွာက Space X ဒုံးပျံတွေနဲ့ သွားရောက်နေတဲ့ ပုံရိပ်တွေကို ဖန်တီးပြသခဲ့ပါတယ်။

ဘိုးအင်းအကြီးအကဲ မူလင်ဘာ့ဂ်ကလည်း သိပ်မကြာခင်အချိန်အတွင်းမှာပဲ လူသားတွေဟာ အခြားသော ဂြိုဟ်တွေကို အလွယ်တကူ ခရီးသွားနိုင်တော့မှာဖြစ်ပြီး မိမိတို့ရဲ့ ရည်မှန်းချက်ကတော့ နောက်ရာစုနှစ်မှာ အာကာသခရီးသွားလုပ်ငန်းနဲ့ အာကာသစူးစမ်းရှာဖွေရေးကဏ္ဍမှာ အဓိကကျတဲ့ တိုးတက်မှုတွေကို ပြုလုပ်ဖို့ ဖြစ်တယ်လို့ ဆိုပါတယ်။

“ပြီးခဲ့တဲ့ နှစ် ၁၀၀ အတွင်းမှာ လူသားတွေဟာ ကမ္ဘာပေါ်မှာ လမ်းလျှောက်ရာကနေ၊ လပေါ်မှာ လမ်းလျှောက်နိုင်ခဲ့တယ်ဆိုတာကို တွေးကြည့်ရင် အံ့သြလောက်စရာ ဖြစ်မှာပါ။ ကျွန်တော်တို့ဟာ မြင်းစီးနေတဲ့ ဘ၀ကနေ လေယာဉ်ပေါ် တက်နိုင်ခဲ့ကြပါတယ်” လို့ မူလင်ဘာ့ဂ်က ပြောကြာခဲ့ပါတယ်။

ပြီးတော့ နောက်ရာစုနှစ်အတွင်း တီထွင်ဖန်တီးမှုတွေဟာ နည်းပညာရပ်ဝန်းမှာ ကြီးကျယ်ပြီး ထင်ရှားတဲ့ အပြောင်းအလဲတွေ ဖြစ်မှာဖြစ်ကြောင်း၊ အလွန်လျင်မြန်တဲ့ ခရီးသွားလာမှု၊ နာရီအနည်းငယ်အတွင်းမှာ ကမ္ဘာ့ဘယ်နေရာကိုမဆို ဆက်သွယ် သွားလာနိုင်စွမ်းကို ရရှိမှာဖြစ်ကြောင်း ထည့်သွင်းပြောကြားခဲ့ပါတယ်။

နာဆာက မိမိတို့ဟာ အင်္ဂါဂြိုဟ်ကို Space Launch System (SLS) ဒုံးပျံနဲ့ ၂၀၃၀ ပြည့်နှစ်တွေမှာ လူသားလွှတ်နိုင်ဖို့အတွက် ရည်မှန်းထားတယ်လို့ ပြီးခဲ့တဲ့လမှာ ထုတ်ပြန်ပြောကြားခဲ့ပါတယ်။ နာဆာရဲ့ ရေရှည် မိတ်ဖက်ဖြစ်တဲ့ ဘိုးအင်းဟာ Space Launch System (SLS) စနစ်ရဲ့ အဓိကအခန်းကဏ္ဍမှာ ပါဝင်ဆောင်ရွက်နေတာ ဖြစ်ပါတယ်။

Ref: yahoo.com