Author: Ko Lay

အီရန်၏ နျူဓာတ်အားပေးစက်ရုံ တိုးချဲ့မည်

စက်တင်ဘာ ၁၁၊ ၂၀၁၆
M-Media

– နိုင်ငံ၏ Bushehr နျူကလီးယား ဓာတ်အားပေးစက်ရုံတွင် ဓာတ်အားပေး ယူနစ်နှစ်ခုကို စတင်ဆောက်လုပ်တော့မည်ဟု အီရန်နိုင်ငံက ကြေငြာလိုက်သည်။

အီရန်နျူစွမ်းအင်အဖွဲ့ချုပ် (AEOI) ဥက္ကဌ အလီ အက္ကဘာ ဆွာလေဟီက စနေနေ့တွင် ကြေငြာလိုက်ခြင်းဖြစ်ပြီး အဆိုပါ ယူနစ် ၂ ခု အုတ်မြစ်ချပွဲအခမ်းအနားသို့ ရုရှားကိုယ်စားလှယ်အဖွဲ့လည်း တက်ရောက်ခဲ့သည်။ Bushehr ဓာတ်အားပေးစက်ရုံကို၂၀၁၁ ခုနှစ်က စတင်ဖွင့်လှစ်ခဲ့ပြီး ၂၀၁၂ ခုနှစ်တွင် အပြည့်အ၀ လည်ပတ်နိုင်ခဲ့ကာ ပထမဆုံး ယူနစ် ဆောက်လုပ်မှုမှာ ဧပြီလတွင် ပြီးစီးခဲ့သည်။

“ကျွန်တော်တို့ရဲ့ ငြိမ်းချမ်းတဲ့ စက်မှုလုပ်ငန်းဆိုင်ရာ နျူကလီးယားအသုံးပြုမှု မျက်နှာစာသစ်ကို ဖွင့်လှစ်လိုက်နိုင်ပါပြီ။ Bushehr နျူဓာတ်အားပေးစက်ရုံမှာ နောက်ထပ် ဓာတ်အားပေး ယူနစ်နှစ်ခုကို တည်ဆောက်တော့မှာ ဖြစ်ပါတယ်” ဟု ဆွာလေဟီက ပြောကြားခဲ့သည်။

ထို့ပြင် နိုင်ငံ၏ အဓိပတိ အယာတိုလာ ခါမေနီ၏ လမ်းညွှန်မှုအောက်တွင် နျူကလီးယားစွမ်းအင်ကို ငြိမ်းချမ်းစွာ အသုံးပြုနိုင်ရေး အီရန်အစိုးရက စီစဉ်ဆောင်ရွက်ပေးခဲ့ပြီး နိုင်ငံတကာ အနုမြူအေဂျင်စီ (IAEA) ၏ ဘေးအန္တရာယ်ကင်းရှင်းရေး သဘောတူညီချက် မူဘောင်များနှင့်အညီ ဆောင်ရွက်နေကြောင်း ၎င်းက ထည်သွင်းပြောကြားခဲ့သည်။

ကန်ဒေါ်လာ ၈.၅ ဘီလီယံခန့် ကုန်ကျမည့် အဆိုပါ ဓာတ်အားပေး ယူနစ်နှစ်ခုမှာ နိုင်ငံ၏ စွမ်းအင်လိုအပ်ချက်ကို ပြည့်မီစေမည်ဖြစ်ပြီး ရေနံစည်ပေါင်း ၂၂ သန်းကိုလည်း ချွေတာနိုင်မည်ဖြစ်ကာ လေထုထဲသို့ ကာဘွန်ထုတ်လွှတ်မှု တန်ချိန် ၁၄ သန်းကို လျှော့ချနိုင်မည်ဖြစ်သည်။

Ref : Presstv

September 11, 2016
အောက်စဖို့ဒ်တွင် ၁၁ ကြိမ်မြောက် မွတ်စလင်လူငယ်ဖိုရမ် ကျင်းပ

စက်တင်ဘာ ၁၁၊ ၂၀၁၆
M-Media

– အောက်စဖို့ဒ်တက္ကသိုလ်၏ အစ္စလာမ့်ရေးရာ လေ့လာရေးစင်တာ (OCIS) မှာ အောက်စဖို့ဒ်မြို့တွင် ၁၁ကြိမ်မြောက် ဗြိတိန် မွတ်စလင်လူငယ်ခေါင်းဆောင်မှုဆိုင်ရာ ဖိုရမ်ကို သြဂုတ်လ ၃၁ ရက်နေ့မှ စက်တင်ဘာ ၉ ရက်နေ့အထိ ကျင်းပခဲ့သည်ဟု သိရသည်။

အဆိုပါ ဖိုရမ်မှာ ဗြိတိန်မွတ်စလင်လူငယ်များ ၎င်းတို့၏ စွမ်းဆောင်ရည် တိုးတက်စေရန်၊ ၎င်းတို့ထိခိုက်ခံရသည့် ကိစ္စရပ်များအပေါ် ၎င်းတို့၏သဘောဆန္ဒများ ထုတ်ဖော်နိုင်ရန်နှင့် လူ့အဖွဲ့အစည်း ဖွံ့ဖြိုးရေးတွင် မိမိတို့၏ စွမ်းရည်များနှင့် အလားအလာကို ပြသခွင့်ရှိစေရန် ရည်ရွယ်ခြင်းဖြစ်ပြီး အစ္စလာမ့်ပညာရေး၊ သိပ္ပံနှင့် ယဉ်ကျေးမှုဆိုင်ရာ အဖွဲ့အစည်း (ISESCO) ၏ အထွေထွေညွှန်ကြာရေးမှူးဖြစ်သူ ဒေါက်တာ အဗ္ဗဒူလ် အဇစ် အွတ်စ်မန် အလ်တာဝေ့ဂ်ျရီ တက်ရောက်ခဲ့သည်။

ဒေါက်တာ အလ်တာဝေ့ဂ်ျရီက အမှာစကားပြောကြားရာတွင် လူ့အဖွဲ့အစည်းမှ ကိစ္စရပ်များကို ကိုင်တွယ်ဖြေရှင်းရေး၊ ယဉ်ကျေးမှုနှီးနှောဖလှယ်ရေးနှင့် အတူယှဉ်တွဲနေထိုင်ရေးတို့ကို မြှင့်တင်ရာတွင် လူငယ်များ၏ အခန်းဏ္ဍမှာ အလွန် အရေးကြီးကြောင်း၊ မိမိတို့၏ ISESCO အဖွဲ့မှာ လူငယ်များ၏ အရေးကိစ္စတွင် အာရုံစိုက်ထားပြီး သုံးနှစ်လုပ်ငန်းဆောင်ရွက်မှု စီမံကိန်း (၂၀၁၆-၂၀၁၈) တွင် လူငယ်များ၏ ပြဿနာများ အထူးသဖြင့် ပညာရေး၊ သိပ္ပံ၊ ယဉ်ကျေးမှုနှင့် ဆက်သွယ်ရေးဆိုင်ရာများကို တွန်းအားပေး ဆောင်ရွက်သွားမည်ဖြစ်ကြောင်း ပြောကြားခဲ့သည်။

တစ်ပတ်တာ ကြာမြင့်ခဲ့သည့် အဆိုပါဖိုရမ်ကို ၀န်ကြီးများ၊ နိုင်ငံရေးသမားများ၊ လွှတ်တော်အမတ်များ၊ ဥပဒေနှင့် စီးပွားရေးအထူးပြုများ၊ ကျွမ်းကျင်သူများ၊ ပညာရှင်များ၊ အင်န်ဂျီအိုကိုယ်စားပြုများနှင့် ဗြိတိန်မီဒီယာများ တက်ရောက်ခဲ့ကြသည်။

Ref : IINA

September 11, 2016
နိုင်ငံရပ်ခြားမှ ပါလက်စတိုင်းများ အမိမြေနှင့် အဆက်အသွယ်ထားရန် PLO တိုက်တွန်း

စက်တင်ဘာ ၁၁၊ ၂၀၁၆
M-Media

– ပါလက်စတိုင်းလွတ်မြောက်ရေးအဖွဲ့ (PLO) ၏ အမှုဆောင်ကော်မတီအဖွဲ့ဝင် ဒေါက်တာ ဟာနန် အက်ရ်ှရာဝီက နိုင်ငံရပ်ခြားသို့ ရောက်ရှိနေသည့် ပါလက်စတိုင်းနွယ်ဖွားများအနေဖြင့် ပါလက်စတိုင်းနှင့် အဆက်အသွယ်မပြတ်စေရန်၊ ၎င်းတို့၏ ဇာတိမြေနှင့် စီမံကိန်းများ၊ ပူးပေါင်းဆောင်ရွက်မှု ပြုလုပ်ရန် တိုက်တွန်းလိုက်သည်ဟု သိရသည်။

အလည်အပတ်ရောက်ရှိနေသည့် ချီလီနိုင်ငံမှ ပါလက်စတိုင်းနွယ်ဖွား စီးပွားရေးနှင့် အရပ်ဘက်လူ့အဖွဲ့အစည်းခေါင်းများ ပါဝင်သည့် ကိုယ်စားလှယ်အဖွဲ့နှင့် တွေ့ဆုံရာတွင် ထိုကဲ့သို့ တိုက်တွန်းလိုက်ခြင်းဖြစ်ပြီး၊ အစ္စရေးမှာ ပါလက်စတိုင်းများကို ဖျောက်ဖျက်ရန် ကြံစည်နေသည်ဟု ဆိုသည်။

“ပါလက်စတိုင်းတွေရဲ့ အမှတ်သညာကို ဖျောက်ဖျက်ပစ်ဖို့၊ ကျွန်မတို့ရဲ့တိုင်းပြည်၊ သမိုင်း၊ ယဉ်ကျေးမှုနဲ့ ခိုင်မာတဲ့ဆက်နွယ်မှုကို ပျောက်ပျက်စေဖို့ အစ္စရေးကကြိုးစားနေတာကြောင့် ကျွန်မတို့ အမိမြေကနေ ပြောင်းရွှေ့သွားသူတွေ၊ နှင်ထုတ်ခံရတဲ့သူတွေ၊ ဒုက္ခသည်အဖြစ် ခိုလှုံနေရတဲ့သူတွေက ဇာတိမြေကို ပြန်လာပြီး ရင်းနှီးမြှုပ်နှံဖို့ အသင့်ဖြစ်နေတာကို တွေ့ရတာ ကျွန်မအနေနဲ့ အလွန်ပဲ အားတက်မိပါတယ်” ဟု အာက်ရ်ှရာဝီက ရာမာလာမြို့ရှိ သူမ၏ PLO ရုံးခန်း၌ အဆိုပါ ကိုယ်စားလှယ်အဖွဲ့အား ပြောကြားခဲ့သည်။

“ကျွန်မတို့ရဲ့ အခွင့်အရေးတွေကို စွန့်လွှတ်ဖို့ ဒါမှမဟုတ် ဖျောက်ဖျက်ဖို့ ကျွန်မတို့ ခွင့်မပြုပါဘူး။ ရှင်တို့ရဲ့ ပါလက်စတိုင်းကို ပြန်လာခြင်း၊ ဇာတိမြေနဲ့ အဆက်အသွယ် ထားရှိခြင်းဟာ ပါလက်စတိုင်းတွေအနေနဲ့ မိမိတို့ပိုင်နက်နဲ့ သက်ဆိုင်မှု၊ လွပ်လပ်မှု၊ ဂုဏ်သိက္ခာဆိုတဲ့ ကျွန်မတို့ရဲ့ အခွင့်အရေးတွေကို ခိုင်မြဲအောင် ဆောင်ရွက်တာပဲ ဖြစ်ပါတယ်”

အစ္စရေးက နိုင်ငံတကာဥပဒေများ၊ ပါလက်စတိုင်းတို့၏ အခွင့်အရေးများကို ချိုးဖောက်မှု၊ ငြိမ်းချမ်းရေးနှင့် တည်ငြိမ်အေးချမ်းရေးကို စနစ်တကျ ချိုးဖောက်မှုတို့အကြောင်းကိုလည်း အက်ရ်ှရာဝီမှာ အဆိုပါကိုယ်စားလှယ်အဖွဲ့နှင့် ဆွေးနွေးခဲ့သည်။

Ref : IINA

September 11, 2016
အီရတ်တွင် အမေရိကန်က စစ်အင်အား ထပ်တိုး

စက်တင်ဘာ ၁၀၊ ၂၀၁၆
M-Media

– IS အကြမ်းဖက်သမားများ ထိန်းချုပ်ထားသည့် မူဆိုးလ်မြို့အား ပြန်လည်သိမ်းယူရေး အီရတ်စစ်တပ်က အကြီးစား ထိုးစစ်ဆင်ရန် ဆောင်ရွက်နေစဉ် အမေရိကန်စစ်သား ၄၀၀ ကျော်ကို အီရတ်တွင် ထပ်တိုးချထားလိုက်သည်ဟု သိရသည်။

အီရတ်စစ်တပ်မှာ မဟာမိတ်ဖြစ်သော Popular Mobilization တပ်ဖွဲ့များမှ စေတနာ့ဝန်ထမ်း စစ်သားများနှင့်အတူ စုပေါင်း၍ အဆိုပါထိုးစစ်ကို ဆင်နွှဲမည်ဖြစ်ပြီး၊ အမေရိကန်ဦးဆောင်သည့် ညွှန့်ပေါင်းတပ်ဖွဲ့မှ ပြောခွင့်ရပုဂ္ဂိုလ်တစ်ဦးဖြစ်သူ ဗိုလ်ချုပ်ဂျွန်ဒိုရီယန်က အီရတ်တွင် ချထားသည့် အမေရိကန်စစ်သားအရေအတွက်မှာ ၄၀၀၀ မှ ပြီးခဲ့သည့်တစ်ပတ်တွင် ၄၄၆၀ အထိ တိုးလာသည်ဟု ပြောကြားခဲ့သည်။

ထို့ပြင် မိုဆူးလ်မြို့၌ လက်ရှိတွင် IS စစ်သွေးကြွ ၃၀၀၀ မှ ၄၅၀၀ အထိ ရှိမည်ဟု ခန့်မှန်းထားကြောင်း၊ မည်သူက အမာခံစစ်သွေးကြွများဆိုသည်ကို ပြောဆိုရန် ခက်ခဲ့ကြောင်း ထည့်သွင်းပြောကြားခဲ့သော်လည်း အဆိုပါ ထိုးစစ်တွင် အမေရိကန်တပ်ဖွဲ့များက မည်သည့်ကဏ္ဍမှ ပါဝင်မည်ဆိုသည့်အကြောင်းကိုမူ ထည့်သွင်းပြောကြားခဲ့ခြင်း မရှိပေ။

မိုဆူးလ်မြို့မှာ အိုင်အက်စ်အကြမ်းဖက်သမားများ အီရတ်တွင် အကြီးစားထိုးစစ်ဆင်ခဲ့သည့် ၂၀၁၄ ဇွန်လတွင် ၎င်းတို့လက်ထဲသို့ ကျရောက်ခဲ့ခြင်းဖြစ်သည်။

Ref : Presstv

September 10, 2016
နိုင်ငံအတွင်းရှိ ဗုဒ္ဓဘာသာဝင် လူ့အဖွဲ့အစည်းကို စင်ကာပူဝန်ကြီးချုပ် ချီးကျူး

စက်တင်ဘာ ၁၀၊ ၂၀၁၆
M-Media

– ဗုဒ္ဓဘာသာ ခေါင်းဆောင်များမှာ လူမျိုးစုံ၊ ဘာသာစုံရှိသော စင်ကာပူ၏ လူ့အဖွဲ့အစည်းအကြောင်းကို နားလည်ပြီး၊ ပြည်သူလူထုအား အလုပ်အကျွေးပြုရမည်ဟု ခိုင်မာသော စိတ်ဆန္ဒ ရှိသောကြောင့် နိုင်ငံအတွင်းရှိ ဗုဒ္ဓဘာသာဝင် လူ့အဖွဲ့အစည်းမှာ ကြီးပွားတိုးတက်လာခြင်းဖြစ်သည်ဟု စင်ကာပူဝန်ကြီးချုပ် လီရှန်လွန်းက ပြောကြားလိုက်သည်။

Kong Meng San Phor Kark See ဘုန်းကြီးကျောင်းတွင် ယနေ့မနက်ပိုင်းက ပြုလုပ်ခဲ့သည့် စင်ကာပူ ဗုဒ္ဓဘာသာကောလိပ် (BCS) ၏ အဆောင်အသစ် ဖွင့်ပွဲအခမ်းအနားတွင် ယခုကဲ့သို့ ပြောကြားခဲ့ခြင်းဖြစ်ပြီး နိုင်ငံအတွင်းမှ ဗုဒ္ဓဘာသာ လူ့အဖွဲ့အစည်း၏ တိုင်းပြည်အပေါ် ပေးဆပ်မှုများကိုလည်း ချီးကျူးခဲ့သည်။

“စင်ကာပူမှာရှိတဲ့ ဗုဒ္ဓဘာသာဝင်တွေ၊ ဘုန်းကြီးကျောင်းတွေဟာ ဆင်းရဲချို့တဲ့သူတွေကို ကူညီကြတယ်။ အစားအသောက်တွေ လှူဒါန်းဝေငှကြတယ်။ ပညာတော်သင်တွေ၊ တက္ကသိုလ်ထောက်ပံ့ကြေးတွေ ပေးကြတယ်။ ဆေးခန်းတွေ၊ ကျောက်ကပ်ဆေးတဲ့စင်တာတွေလည်း ဖွင့်ပေးကြပါတယ်” ဟု ၀န်ကြီးချုပ်က ပြောကြားခဲ့သည်။

ထို့ပြင် ဗုဒ္ဓဘာသာဝင်လူ့အဖွဲ့အစည်းမှာ မသန်စွမ်းအသင်းအဖွဲ့များ၊ မူးယစ်ဆေးစွဲသူများ ပြန်လည်ထူထောင်ရေး စင်တာများနှင့် တရားဥပဒေစိုးမိုးရေးအဖွဲ့များအတွက် အကြံဉာဏ်ပေးခြင်း လုပ်ငန်းများကိုလည်း လုပ်ဆောင်ပေးနေကြသည်ဟု လီရှန်လွန်းက ဆိုသည်။

ဗုဒ္ဓဘာသာလူ့အဖွဲ့အစည်းမှာ စင်ကာပူတွင် အကြီးမားဆုံး ဘာသာရေးလူ့အဖွဲ့အစည်းဖြစ်ပြီး လူမျိုး၊ ဘာသာအားလုံးနှင့် ဆက်သွယ်ဆောင်ရွက်ကာ ဘာသာရေးနှင့် လူမျိုးရေး သဟဇာတဖြစ်ရန်အတွက် ဆောင်ရွက်နေကြောင်း၊ ဘာသာပေါင်းစုံချစ်ကျည်ရေးအဖွဲ့တစ်ခုဖြစ်သည့် Inter-Racial and Religious Confidence Circles တွင်လည်း ပါဝင်ဆောင်ရွက်နေကြောင်း ၀န်ကြီးချုပ်က ထည့်သွင်းပြောကြားခဲ့သည်။

ယခု အဆောင်သစ်ဖွင့်ပွဲမှာ ကောလိပ်၏ ၁၀ နှစ်မြောက် နှစ်ပတ်လည်နေ့နှင့်လည်း တိုက်ဆိုင်နေပြီး၊ အဆောင်အသစ်ကို သင်ကြားရေး၊ သုတေသနလုပ်ငန်း၊ ရုံးခန်း၊ အိပ်ဆောင်နှင့် အခြားသော ရည်ရွယ်ချက်များအတွက် အသုံးပြုသွားမည်ဖြစ်သည်။

အဆိုပါ ကောလိပ်မှာ ပထမဆုံး အသုတ်ကို ၂၀၀၆ ခုနှစ်တွင် စတင်ဖွင့်လှစ်ခဲ့ပြီး စုစုပေါင်း ကျောင်းသား ၇၀ ကို ဗုဒ္ဓဘာသာရေးရာ လေ့လာမှုဘာသာရပ်ဖြင့် ၀ိဇ္ဇာဘွဲ့ပေးအပ်နိုင်ခဲ့ကာ ၁၁ ဦးကို မဟာဘွဲ့ ပေးအပ်နိုင်ခဲ့သည်။ ထိုကောလိပ်မှ ထွက်သွားသည့် ကျောင်းသားများတွင် ဒေါက်တာဘွဲ့အတွက် လေ့လာသူများ၊ ဘုန်းကြီးကျောင်းများတွင် စာသင်ပြနေသူများ၊ စီမံခန့်ခွဲရေးအပိုင်းတွင် တာဝန်ယူသူများ၊ အခြားသော ကောလိပ်များတွင် စာပြနေသူများလည်း ရှိနေသည်။

Ref: Channelnewsaisa

September 10, 2016