ဇူလိုင် ၄၊ ၂၀၂၂
M-Media
-အာဏာသိမ်းပြီးနောက်ပိုင်း ဖြစ်ပေါ်လာတဲ့ မတည်ငြိမ်မှုတွေကို ဖြေရှင်းရေး အတိုက်အခံတွေနဲ့ တွေ့ဆုံ ဆွေးနွေးဖို့အတွက် စစ်ကောင်စီကို တရုတ်က တိုက်တွန်းလိုက်ပါတယ်။
တရုတ်ဟာ မြန်မာစစ်အာဏာရှင်တွေကို ခေတ်အဆက်ဆက် ကျောထောက်နောက်ခံပေးထားတဲ့ နိုင်ငံလည်း ဖြစ်ပါတယ်။
ကမ္ဘောဒီးယား၊ ထိုင်း၊ လာအိုနဲ့ ဗီယက်နမ်တို့က နိုင်ငံခြားရေး၀န်ကြီးတွေ ပါ၀င်တဲ့ အစည်းအ၀ေးကို တက်ရောက်ဖို့အတွက် ၀မ်ယီဟာ မြန်မာနိုင်ငံကို ရောက်ရှိနေတာဖြစ်ပါတယ်။
ဒါဟာ ၂၀၂၁ ခုနှစ် ဖေဖော်၀ါရီ အာဏာသိမ်းပြီးနောက်ပိုင်း တရုတ်ရဲ့ အဆင်မြင့်အကြီးအကဲတစ်ဦး မြန်မာနိုင်ငံကို ပထမဆုံး ရောက်ရှိလာမှုပါ။
၀မ်ယီက မြန်မာနိုင်ငံမှာရှိတဲ့ သက်ဆိုင်သူတွေအားလုံး လက်တွေ့ကျတဲ့ ဆွေးနွေးအကြံပြုမှုတွေကို နားထောင်ဖို့နဲ့ နိုင်ငံရေးဆိုင်ရာ ပြန်လည်ရင်ကြားစေ့ရေး ကြိုးပမ်းလုပ်ကိုင်ကြဖို့ တိုက်တွန်းခဲ့ပါတယ်။
မြန်မာနိုင်ငံမှာ နိုင်ငံရေးနဲ့ လူမှုရေး တည်ငြိမ်အေးချမ်းတာကို တရုတ်က လိုလားတယ်လို့လည်း စစ်ကောင်စီခန့် နိုင်ငံခြားရေး၀န်ကြီး ဦး၀ဏ္ဏမောင်လွင်နဲ့ တွေ့ဆုံစဥ်မှာ ၀မ်ယီက ပြောကြားခဲ့ပါတယ်။
ပြီးခဲ့တဲ့ရက်ပိုင်းအတွင်း တိုင်းရင်းသား လက်နက်ကိုင်တွေက ဒေါ်အောင်ဆန်းစုကြည်နဲ့ တွေ့ဆုံဆွေးနွေးဖို့ စစ်ကောင်စီကို တိုက်တွန်းခဲ့ပြီး၊ စစ်ကောင်စီ ပြောရေးဆိုခွင့်ရှိသူကလည်း နိုင်ငံရေးမှာ ဒီလိုအနေအထားမျိုး မဖြစ်နိုင်စရာ မရှိဘူးလို့ ၀န်ခံထားပါတယ်။
Ref: The Guardian
