Author: Ko Lay

မေ ၅၊ ၂၀၁၆
M-Media

– အမေရိကန်အစိုးရက ထုတ်ပြန်သည့် ဘာသာရေးလွတ်လပ်ခွင့် အနည်းဆုံး နိုင်ငံများစာရင်းတွင် မြန်မာနိုင်ငံမှာ တရုတ်၊ မြောက်ကိုရီးယားတို့နှင့်အတူ ထိပ်ဆုံး၌ ရှိနေသည်ဟု သိရသည်။

အမေရိကန်၏ နိုင်ငံတကာ ဘာသာရေးလွတ်လပ်ခွင့်ဆိုင်ရာ ကော်မရှင်မှ မေလ ၂ ရက်နေ့တွင် ထုတ်ပြန်ခဲ့သည့် အဆိုပါစာရင်းတွင် မြန်မာ၊ တရုတ်နှင့် မြောက်ကိုရီးယားတို့မှာ ဆော်ဒီ၊ အီရန်တို့နှင့်အတူ ဘာသာရေးလွတ်လပ်ခွင့် အချိုးဖောက်ဆုံး ၉ နိုင်ငံစာရင်းတွင် ပါဝင်နေခြင်းဖြစ်သည်။

ဗီယက်နမ်မှာမူ အထူးစိုးရိမ်ရသည့် နိုင်ငံအဖြစ် သတ်မှတ်ခံခဲ့ရပြီး ဘာသာရေးလွတ်လပ်ခွင့် ချိုးဖောက်မှုအတွက် စောင့်ကြည့်ရမည့် နိုင်ငံများစာရင်းတွင်မူ အိန္ဒိယ၊ အင်ဒိုနီးရှား၊ လာအို၊ မလေးရှားနှင့် ဘင်္ဂလားဒေ့ရ်ှတို့ ပါဝင်နေသည်။

တရုတ်နိုင်ငံတွင် တရုတ်မွတ်စလင်များနှင့် ခရစ်ယာန်များမှာ တရုတ်အာဏာပိုင်များ၏ စနစ်တကျ ဖိနှိပ်ချုပ်ချယ်မှုကို ခံစားနေရပြီး ခရစ်ယာန် လက်းဝါကပ်တိုင်များ ဖြိုချမှုကို ဆန့်ကျင်သည့် ခရစ်ယာန်တရားဟောဆရာအား ထောင်ချခြင်း၊ ၀ီဂါမွတ်စလင်များကို ခွဲထွက်ရေးစွဲချက်များဖြင့် ဖမ်းဆီးထောင်ချခြင်းတို့ ပြုလုပ်မှုကို အစီရင်ခံစာတွင် ဖော်ပြထားသည်။

မြန်မာနိုင်ငံမှာ ပြီးခဲသည့်နှစ်ရွေးကောက်ပွဲနောက်ပိုင်း လွတ်လပ်မှုနှင့် လူ့အခွင့်အရေး နယ်ပယ်များတွင် တိုးတက်မှုများ ရှိလာသော်လည်း ဘာသာရေး ဖိနှိပ်မှုမှာ ဆက်လက် ဆိုးဝါးနေဆဲဟု အမေရိကန် နိုင်ငံတကာ ဘာသာရေး လွတ်လပ်ခွင့်ဆိုင်ရာ ကော်မရှင်က မှတ်ချက်ပြုခဲ့သည်။

ထို့ပြင် အငြင်းပွားဖွယ် မျိုးစောင့်ဥပဒေကို ပြီးခဲ့သည့်နှစ်အတွင်း ပြဌာန်းခဲ့မှု၊ လူဦးရေ ၁ သန်းခန့်ရှိသော ရိုဟင်ဂျာများအား မဲပေးခွင့်ငြင်းပယ်မှုနှင့် ရွေးကောက်ပွဲတွင် ၀င်ရောက်အရွေးခံခွင့်ကို ငြင်းပယ်မှု၊ နိုင်ငံမြောက်ပိုင်း ကချင်ပြည်နယ်ရှိ ခရစ်ယာန်များ တိုက်ပွဲဒဏ်ကို ပြင်းပြင်းထန်ထန် ခံစားနေရမှု စသည်တို့အား အစီရင်ခံစာတွင် ထောက်ပြခဲ့သည်။

မြန်မာနိုင်ငံနှင့် တရုတ်နိုင်ငံတို့မှာ အမေရိကန်၏ ဘာသာရေးလွတ်လပ်ခွင့်ဆိုင်ရာ အထူးစိုးရိမ်ရသည့် နိုင်ငံများစာရင်းတွင် ၁၉၉၉ ခုနှစ်ကတည်းက ပါဝင်ခဲ့ခြင်းဖြစ်ပြီး မြောက်ကိုရီးယားကမူ ထိုစာရင်းတွင် ပါဝင်နေသည်မှာ ၁၄ နှစ်ရှိပြီ ဖြစ်သည်။

မြောက်ကိုရီးယားတွင် ခရစ်ယာန်များအား အလုပ်ကြမ်းနှင့်ထောင်ဒဏ်များ ချမှတ်မှု၊ ဗီယက်နမ်တွင် ဘာသာတရားအားလုံးကို အသိအမှတ်မပြုဘဲ ပရိုတက်စတင့် ခရစ်ယာန်များ အရှက်တကွဲအကျိုးနည်း ပြုလုပ်ခံရမှု၊ ထောင်ချခံရမှုနှင့် ရုပ်ပိုင်းဆိုင်ရာ စော်ကားခံရမှုများကိုလည်း အဆိုပါ အစီရင်ခံစာတွင် ထည့်သွင်းဖော်ပြထားသည်။

Ref: yangon.coconuts