ဖေဖော်ဝါရီ ၂၁၊ ၂၀၁၆
M-Media
– ကလေးသူငယ်အခွင့်အရေး လှုပ်ရှားမှု အသိပညာပေး စီမံကိန်းမှာ ဦးဆောင်ဖို့အတွက် ဆော်ဒီလူ့အခွင့်အရေးကော်မရှင် HRC က အသက် ၁၇ နှစ်အရွယ် ကျောင်းသူတစ်ဦးကို ခန့်အပ်လိုက်တယ်လို့ သိရပါတယ်။
ရာဝမ် အလ်-မရ်ဝါနီဆိုသူ ဖြစ်ပြီး HRC ရဲ့ စီမံကိန်းတွေဖန်တီးဖို့အတွက် လူငယ်တွေဆီကနေ အတွေးအမြင်တွေကို ရယူမှတ်တမ်းတင်ဖို့ တာဝန်ပေးခံခဲ့ရတာ ဖြစ်ပါတယ်။ အလ်-မရ်ဝါနီဟာ ရေဒီယို အစီအစဉ်တစ်ခုမှာ ကလေးသူငယ် အခွင့်အရေးအကြောင်းကို ထုတ်လွှင့်တင်ဆက်နေသူလည်း ဖြစ်ပါတယ်။
သူကမလည်း HRC ရဲ့ အဲဒီစီမံကိန်းမှာ ပါဝင်လုပ်ဆောင်ဖို့ စိတ်လှုပ်ရှားနေတယ်လို့ ဆိုပြီး၊ အသက် ၁၈ နှစ်မပြည့်သေးတဲ့အတွက် မလုပ်ဖို့တိုက်တွန်းသူတွေလည်း ရှိနေပါတယ်။
“ဒီအတားအဆီးကို ဖြတ်ကျော်ဖို့ ကျွန်မ ကြိုးစားနေပါတယ်။ ကလေးသူငယ်နဲ့ လူငယ်တွေရဲ့ စွမ်းဆောင်ရည်တွေနဲ့ ပတ်သက်ပြီး အသိပညာပေးမှုတွေ လုပ်ဆောင်ဖို့ ကျွန်မ စိတ်နှစ်မြုပ် ဆောင်ရွက်သွားမှာပါ။ ကိုယ်နေချင်တဲ့ လူ့အဖွဲ့အစည်းတစ်ခုကို တည်ဆောက်ရေး ကူညီရာမှာ လူတိုင်း အခွင့်အရေးတစ်ခုရရှိဖို့ဆိုတာ ကျွန်မအတွက် သိပ်အရေးကြီးပါတယ်” လို့ အလ်-မရ်ဝါနီက ပြောကြားခဲ့ပါတယ်။
အလ်-မရ်ဝါနီဟာ သူမအသက် ၉ နှစ်အရွယ် ၂၀၀၇ ခုနှစ်ကတည်းက ကလေးသူငယ်ဆိုင်ရာ လုပ်ငန်းတွေကို လုပ်ဆောင်ခဲ့တာဖြစ်ပါတယ်။ စိတ်ကိုကုစားပေးတဲ့ နည်းလမ်တစ်ခုကို တီထွင်ခဲ့သူ တိုနီဘူဇန်နဲ့တွေ့ပြီး ၂၀၀၉ ခုနှစ်မှာ သူ့ရဲ့ သင်တန်းကို တက်ပြီးတဲ့နောက်ပိုင်းမှာတော့ သူမဟာ အာရပ်ကမ္ဘာမှာ အသက်အငယ်ဆုံး စိတ်ပိုင်းဆိုင်ရာ ကုသသူတစ်ဦး ဖြစ်လာခဲ့ပါတယ်။
၂၀၁၀ခုနှစ် မေလမှာ ကျင်းပခဲ့တဲ့ ပထမအကြိမ် လူသားထုဖွံ့ဖြိုးတိုးတက်ရေး ဖိုရမ်၊ ၂၀၁၁ ခုနှစ် မတ်လအတွင်း အမျိုးသားစကားဝိုင်းညီလာခံ၊ ၂၀၀၁ ခုနှစ် ဒီဇင်ဘာက TEDx Dirah အမျိုးသမီးညီလာခံ စတာတွေအပါအ၀င် အမျိုးမျိုးသော ကလေးငယ်သူငယ်အခွင့်အရေး ဖိုရမ်နဲ့ ညီလာခံတွေမှာ မိန့်ခွန်းပြောကြားမှုတွေ ပြုလုပ်ခဲ့ပါတယ်။
အလ်မရ်ဝါနီက သူမရဲ့ အတွေ့အကြုံတွေကိုလည်း စာအုပ်အဖြစ်ရေးသားနေပြီး ဒီနှစ်ကုန်ပိုင်းမှာ ထွက်ဖို့ရှိနေပါတယ်။ သူမ ဒီလိုအောင်မြင်လာမှုမှာ အဓိက အရေးပါသူကတော့ မိသားစုပဲဖြစ်တယ်လို့ အလ်-မရ်ဝါနီက ထည့်သွင်းပြောကြားခဲ့ပါတယ်။
Ref: ArabNews
