အောက်တိုဘာ ၂၇၊ ၂၀၁၅
M-Media
– လွတ်လပ်သော မီဒီယာများ ခြိမ်းခြောက်ခံနေရပြီး အမှန်တရားကို ဖော်ပြ၍မရသည့် နိုင်ငံများတွင် ဘက်လိုက်မှုကင်း၍ အမှန်တရားကို တိကျပြတ်သားစွာ ဖော်ပြနိုင်သည့် သတင်းထောက်များအား ပေးအပ်သော Peter Mackler Award for Courageous and Ethical Journalism ဆုကို ဆီးရီးယားမှ သတင်းထောက်အမျိုးသမီး ဇိုင်နာ အီရ်ဟာအင်မ်က ရရှိခဲ့သည်ဟု သိရသည်။
“ကျွန်မဟာ စစ်ပွဲသတင်းထောက်တစ်ယောက်တော့ မဟုတ်ပါဘူး။ ဒါပေမယ့် ကျွန်မရဲ့ တိုင်းပြည်မှာသာ စစ်မဖြစ်ခဲ့ရင် ဒီလို စစ်ပွဲသတင်းထောက် ဖြစ်လာမှာလည်း မဟုတ်ပါဘူး။ ကျွန်မ ဆီးရီးယားကို (လန်ဒန်ကနေ) ပြန်သွားခဲ့တယ်။ ဘာ့ကြောင့်လည်းဆိုတော့ ကျွန်မဟာ ဆီးရီးယားနိုင်ငံသားတစ်ယောက် ဖြစ်လို့ပါပဲ။ ဒါဟာ ကျွန်မ ဇာတိပါ” ဟု ပြီးခဲ့သည့်တစ်ပတ်က ကျင်းပခဲ့သော ဆုပေးပွဲအခမ်းအနား၌ ဆု လက်ခံရယူခြင်းမပြုမီ သူမက ပြောကြားခဲ့သည်။
ထိုဆုကို နယ်စည်းမခြား သတင်းထောက်များအဖွဲ့၊ AFP သတင်းဌာန၊ ဂျာနယ်လစ်ဆိုင်ရာ လေ့ကျင့်သင်ကြားပေးမှုများ ပြုလုပ်နေသည့် Global Medi Forum နှင့် ပီတာ မက်လာ မိသားစုတို့မှာ ပူးပေါင်း ရွေးချယ် ချီးမြှင့်ခြင်းဖြစ်သည်။
အီရ်ဟာအင်မ်မှာ အဲလစ်ပိုမြို့တွင် နေထိုင်သူဖြစ်ပြီး နိုင်ငံအတွင်း၌ သတင်းထောက်ပေါင်း ၁၀၀ ခန့်ကို မွေးထုတ်ပေးနိုင်ခဲ့ကာ ထိုအထဲမှ ၃ ပုံ ၁ ပုံမှာ အမျိုးသမီးများ ဖြစ်သည်။ သူမ မွေးထုတ်ပေးလိုက်သည့် သတင်းထောက်များမှာ နိုင်ငံအတွင်း၌ အမှီအခိုကင်းသော သတင်းစာများ၊ မဂ္ဂဇင်းများ ထုတ်ဝေနိုင်သည်အထိ ဆောင်ရွက်နေနိုင်ပြီ ဖြစ်သည်။
အသက် ၃၀ အရွယ်ရှိ အီရ်ဟာအင်မ်မှာ စစ်နှင့်ငြိမ်းချမ်းရေး သတင်းပေးပို့မှုအသင်း IWPR ၏ ဆီးရီးယားနိုင်ငံဆိုင်ရာ စီမံကိန်းအကြီးအကဲတစ်ဦးလည်း ဖြစ်သည်။ အဆိုပါ IWPR အဖွဲ့မှာ ပဋိပက္ခများ၊ ပြဿနာများနှင့် ပြုပြင်ပြောင်းလဲမှုများ ဖြစ်ပွားနေသည့် နိုင်ငံများရှိ ဂျာနယ်လစ်များကို ကူညီပံ့ပိုးနေသည့် နိုင်ငံတကာ အဖွဲ့အစည်းတစ်ခု ဖြစ်သည်။
သူမမှာ ယခင်က လန်ဒန်တွင် ပညာဆည်းပူးနေသူဖြစ်ပြီး ဆီးရီးယားစစ်ပွဲဖြစ်လာသည့်အခါ သတင်းများကို ပေးပို့ရန်အတွက် ပြန်သွားခဲ့သည်။
“ကျွန်မနဲ့ ဘ၀တူ ဂျာနယ်လစ်တွေကို ကူညီချင်ပါတယ်။ ကျွန်မရဲ့လုပ်ဖော်ကိုင်ဖက်တွေ၊ မိတ်ဆွေသူငယ်ချင်းတွေ သေဆုံးနေတာကို ကျွန်မ မကြည့်ရက်တော့ပါဘူး။ သူတို့ဟာ ဆီးရီးယားမှာ ဘာတွေဖြစ်နေလဲဆိုတာကို ကမ္ဘာကြီးကို ပြသဖို့ ကြိုးစားရင်း အသက်ပေးခဲ့ကြရတာပါ” ဟု အီရ်ဟာအင်မ်က ထည့်သွင်းပြောကြားခဲ့သည်။
သူမ၏ တပည့်များမှ အချို့မှာ နိုင်ငံတကာရှိ အဓိကသတင်းဌာနများအထိ ပေါက်ရောက်နေကြပြီး၊ အီရ်ဟာအင်မ်ကမူ သူမ၏ ရည်ရွယ်ချက်မှာ ဆီးရီးယားမှ ပြည်သူများ၏ ခံစားနေရသည့် ဘ၀များကို ဖော်ထုတ်တင်ပြရေးဖြစ်သည်ဟု ဆိုသည်။
“ပြီးခဲ့တဲ့ ၃၊ ၄ နှစ်မှာ ကျွန်မ ကြိုးစားဆောင်ရွက်ခဲ့တာက ပြည်သူတွေရဲ့ ဘ၀တွေကို ဖော်ထုတ်တာဖြစ်ပြီး စစ်ဖြစ်နေတာတွေ၊ အစုလိုက်အပြုံလိုက် သတ်ဖြတ်တာတွေ မဟုတ်ပါဘူး။ နိုင်ငံတကာက နိုင်ငံရေးသမားတွေဟာ ဆီးရီးယားပြည်သူတွေကို နှိမ့်ချပြောဆိုကြပါတယ်။ သူတို့မှာ ဘ၀တွေရှိတယ်။ မိသားစုတွေနဲ့ အေးအေးချမ်းချမ်း ဘ၀လေးတွေကို သူတို့ ဖြတ်သန်းချင်ကြပါတယ်”
နယ်စည်းမခြားသတင်းထောက်အားအဖွဲ့မှ ထုတ်ပြန်သည် မီဒီယာလွပ်လပ်ခွင့်ရှိသော နိုင်ငံ ၁၈၀ တွင် အဆင့် ၁၇၇ ချိတ်သည့် ဆီးရီးယား၌ ဂျာနယ်လစ်တစ်ယောက် လုပ်ဆောင်ရသည်မှာ မလွယ်ဟု သူမက ထည်သွင်းပြောကြားခဲ့သည်။ လက်ရှိအချိန်တွင် အီရ်ဟာအင်မ်နှင့် အခြားဂျာနယ်လစ်များမှာ အစိုးရနှင့် IS အဖွဲ့ နှစ်ခုစလုံး၏ ပစ်မှတ်ထားမှုကို မကြာခဏ ခံနေရသည်။
Ref: Alarabiya
