အောက်တိုဘာ ၁၆၊ ၂၀၁၅
M-Media
– ကာကွယ်ရေးဦးစီးချုပ်ကို လှောင်ပြောင်သရော်သည်ဟုဆိုကာ ဖမ်းဆီးထားသည့် ငြိမ်ချမ်းရေး တက်ကြွလှုပ်ရှားသူတစ်ဦးနှင့် အမျိုးသမီးငယ်တစ်ဦးတို့ကို မြန်မာအာဏာပိုင်များအနေဖြင့် ချက်ချင်းပြန်လွှတ်ပေးရန်အတွက် ထိပ်တန်းလူ့အခွင့်အရးအဖွဲ့ Amnesty International က တောင်းဆိုလိုက်သည်။
ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏ ဓာတ်ပုံအား ခြေဖြင့်နင်းထားသည့် ပို့စ်တစ်ခုကို Share ခဲ့သည့်အတွက် အသက် ၄၃ နှစ်အရွယ် ငြိမ်းချမ်းရေး တက်ကြွလှုပ်ရှားသူ ဦးပက်ထရစ် ကွမ်ဂျာလီမှာ အောက်တိုဘာ ၁၄ ရက်နေ့ ညနေပိုင်းတွင် ရန်ကုန်မြို့ရှိ ၎င်း၏ နေအိမ်မှ ဖမ်းဆီးခြင်း ခံခဲ့ရသည်။
ထို့ပြင် ၎င်း၏ ဖုန်းနှင့် ကွန်ပျူတားများကိုလည်း အာဏာပိုင်များက သိမ်းဆည်းခဲ့ပြီး ပို့စ်ကိုလည်း ဖျက်ပစ်ခဲ့သည်။ လက်ရှိအချိန်တွင် ဦးပက်ထရစ်ကွမ်ဂျာလီအား ရန်ကုန်မြို့ရှိ ရဲစခန်းတစ်ခုတွင် ထိန်းသိမ်းထားသည်။
ကာကွယ်ရေးဦးစီးချုပ်အား Facebook ၌ လှောင်ပြောင်သည့်အမှုဖြင့်ပင် အောက်တိုဘာ ၁၂ ရက်နေ့က အသက် ၂၄ နှစ်အရွယ် မချောစန္ဒီထွန်းကို အာဏာပိုင်များက ဖမ်းဆီးခဲ့သည်။
“အန္တရာယ်မဖြစ်စေတဲ့ Facebook ပို့တစ်ခုအတွက် နှစ်ရှည်ထောင်ဒဏ်ကျခံရမယ်ဆိုတာကတော့ သိပ်ကို ဆိုးရွားလွန်းပါတယ်။ သူတို့နှစ်ဦးကို ချက်ချင်း လွှတ်ပေးရမှာဖြစ်ပြီး သူတို့နဲ့ပတ်သက်ပြီး စုံးစမ်းစစ်ဆေးမှုတွေ အားလုံးကိုလည်း ရပ်ပစ်ရပါမယ်။ သူတို့ဟာ မြန်မာနိုင်ငံမှာ မြင့်တက်လာတဲ့ နိုင်ငံရေးအကျဉ်းသားစာရင်းထဲ ထပ်ပေါင်းထည့်ခံရသူတွေပါပဲ” ဟု Amnesty International မှ မြန်မာနိုင်ငံဆိုင်ရာ လေ့လာသူ လော်ရာဟေးဂ်က ပြောကြားခဲ့သည်။
ထို့ပြင် မြန်မာအာဏာပိုင်များမှာ ၎င်းတို့ ဝေဖန်ခံရသည့်အခါ ဆတ်ဆတ်ထိမခံဘဲ၊ လက်စားချေတတ်မှုကို ယခုကိစ္စက ပြသနေကြောင်း၊ နိုင်ငံမှာ လူ့အခွင့်အရေးနှင့်ပတ်သက်၍ အဆင့်တစ်ခုသို့ ရောက်ရှိနေပြီဟု ၎င်းတို့က ပြောကြားသော်လည်း၊ ဖိနှိပ်မှုများက ဆက်လက်ရှိနေသည်ကို ယခုဖြစ်ရပ်တွင် မြင်နေရကြောင်း ၎င်းက ထည့်သွင်းပြောကြားခဲ့သည်။
ဦးပက်ထရစ်ကွမ်ဂျာလီကို ၂၀၁၃ အီလက်ထရောက်နစ် ဆက်သွယ်ရေး ဥပဒေဖြင့် စစ်ဆေးမေးမြန်းမှုများ ပြုလုပ်နေသည်ဟု ၎င်း၏ မိတ်ဆွေများကို အာဏာပိုင်များက အကြောင်းကြားခဲ့သည်။ ထိုဥပဒေမှာ အမြင့်ဆုံး ထောင်ဒဏ် ၃ နှစ်အထိ ကျခံရနိုင်သည်။
Ref: Amnesty.org
