ဇူလိုင် ၃၊ ၂၀၁၅
M-Media
– အစ္စလာမ်ဘာသာဝင်တို့၏ ရမ်ဇာန် ဥပုသ်လကို ဂုဏ်ပြုသည့်အနေဖြင့် ဂျာမနီအစိုးရမှ ကြီးမှူး ကျင်းပသော အစ်ဖ်သာရ် ၀ါဖြေညစာစားပွဲတွင် ဂျာမနီ ၀န်ကြီးချုပ် အိန်ဂျလာမာကဲလ် ပထမဆုံး အကြိမ် တက်ရောက်ခဲ့ပြီး အစ္စလာမ် သာသနာမှာ ဂျာမနီ၏ အစိတ်အပိုင်းဖြစ်သည် ဟု ပြောကြားခဲ့သည်။
.
ဘာလင်ရှိ နိုင်ငံခြားရေး ၀န်ကြီးရုံး၏ ဧည့်ဂေဟာတွင် အင်္ဂါနေ့က ကျင်းပပြုလုပ်ခဲ့ခြင်းဖြစ်ပြီး ၀န်ကြီးချုပ် အပါအ၀င် အစိုးရအကြီးတန်း တာဝန်ရှိသူများ၊ ဘာသာပေါင်းစုံမှ ဘာသာရေးခေါင်းဆောင်များနှင့် အသင်းအဖွဲ့ ကိုယ်စားလှယ်များ၊ နိုင်ငံရေးနှင့် လူမှုရေးလောကမှ ထင်ရှားကျော်ကြား သူများ တက်ရောက်ခဲ့ကြသည်။
.
“အစ္စလာမ်ဟာ ဂျာမနီနဲ့ သက်ဆိုင်ပြီး ဒီအတိုင်းပဲ ဆက်ရှိသွားမှာပါ” ဟု ၀န်ကြီးချုပ် မာကဲလ်က အဆိုပါ အစ်ဖ်သာရ် ၀ါဖြေပွဲ ၎င်း၏ မိန့်ခွန်းတွင် ထည့်သွင်းပြောကြားခဲ့သည်။
.
ဂျာမနီအစိုးရ၏ ပြောရေးဆိုခွင့်ရှိသူ စတီဖင် ဆေးဘာ့တ်ကမူ ၀န်ကြီးချုပ်မှာ အစ်ဖ်သာရ် ၀ါဖြေပွဲအား နှစ်စဉ်နှစ်တိုင်း တက်ရောက်သွားရန် အစီအစဉ်ရှိနေသည်ဟု ပြောကြားခဲ့သည်။
.
မာကဲလ်က မွတ်စလင်များ ဥပုသ်သီလဆောက်တည်ကြသော ရမ်ဇာန်ဥပုသ်မှာ မွတ်စလင်များ ၎င်းတို့၏ဘ၀များကို ပြန်လည်သုံးသပ်စစ်ဆေးရန် အချိန်ဖြစ်သည်ဟု ဆိုသည်။ ထို့ပြင် ဂျာမနီရှိ မွတ်စလင် အများစုမှာ ဥပဒေကို လေးစား လိုက်နာသည့် နိုင်ငံသားများ ဖြစ်ကြသည် ဟု ပြောကြားခဲ့သည်။
.
နိုင်ငံရပ်ခြားမှ မွတ်စလင်အမည်ခံ အကြမ်းဖက်သမားများကြောင့် ဂျာမနီနိုင်ငံရှိ အစ္စလာမ်ဘာသာဝင်များနှင့် ဗလီဝတ်ကျောင်းတော်များမှာ ပစ်မှတ်ထားခြင်း ခံလာရသည်။ ပြီးခဲ့သည့်လများ အတွင်း PEGIDA ဟုခေါ်သည့် အဖွဲ့တစ်ခုက မွတ်စလင်ဆန့်ကျင်ရေး ချီတက် လှုပ်ရှားမှုများကို ပြုလုပ်ခဲ့ကြသည်။
.
သို့သော်လည်း မာကဲလ်က အခြားသောသူ၏ လုပ်ရပ်များ အတွက်ကြောင့် မွတ်စလင်များ အပေါ် သံသယရှိခြင်း၊ ခွဲခြားဆက်ဆံခြင်းတို့ကို ပြုလုပ်သည်မှာ မှန်ကန်မှု မရှိဟု ပြောကြားခဲ့ကာ ဂျာမနီမှာ ခွဲခြားမှု မရှိဘဲ မတူညီသော ဘာသာတရားများ စုစည်းရာ ရိပ်မြုံ တစ်ခုဖြစ်ပြီး ၀တ်ပြုရာနေရာများအား အကြမ်းဖက်ဖျက်ဆီးခြင်းကိုလည်း ရှုတ်ချခဲ့သည်။
.
ဂျာမနီမွတ်စလင်များအပေါ် ခွဲခြားဆက်ဆံမှုများကို လက်ခံမည် မဟုတ်ဟုလည်း ၎င်းက ဆိုသည်။
.
“အမုန်းတရား၊ လူမျိုးရေးခွဲခြားမှုနဲ့ အစွန်းရောက်မှုတွေအတွက် ဒီတိုင်းပြည်မှာ နေရာ မရှိပါဘူး။ ကျွန်မတို့ တိုင်းပြည်ဟာ ဒီမိုကရေစီ၊ သည်းခံမှုနဲ့ ကမ္ဘာကြီးအတွက် ပွင့်ပွင့်လင်းလင်း ရှိမှုကို အခြေခံတဲ့ တိုင်းပြည်ပါပဲ”
.
ဂျာမနီနိုင်ငံတွင် အစ္စလာမ်ဘာသာကို သက်ဝင်ယုံကြည်သူများမှာ ၄ သန်းနီးပါးရှိပြီး မြို့တော် ဘာလင်တွင်ပင် ၂၂၀၀၀၀ ခန့်ရှိနေသည်။
.
“ကျွန်မတို့တိုင်းပြည်မှာ မွတ်စလင်လေးသန်းလောက် နေထိုင်နေကြပြီး အစ္စလာမ့် ဓမ္မသင်ခန်းစာတွေကိုလည်း စာသင်ကျောင်းတွေမှာ သင်ပေးနေပါတယ်”
.
Ref: Onislam
