Author: Ko Lay

မေ ၁၃၊ ၂၀၁၅
M-Media

– ဘ၀သက်တမ်းတစ်လျှောက်လုံး လူမှုအကျိုးပြုလုပ်ငန်းများ၊ ဘာသာပေါင်းစုံ ချစ်ကျည်ရေးတို့ကို ဆောင်ရွက်ခဲ့သည့် ကနေဒါနိုင်ငံ အိုတာဝါမြို့ရှိ မွတ်စလင်အမျိုးသမီး ဒေါက်တာဖူဒါမှာ မြို့တော်ဝန်မှ ပေးအပ်ချီးမြှင့်သော City Builder ဆုကို ရရှိခဲ့သည်ဟု သိရသည်။

“ကျွန်မ နှစ်ပေါင်းများစွာ အတူတွဲ ဆောင်ရွက်ခဲ့တဲ့ လူတစ်ဦးချင်းစီ၊ အဖွဲ့တွေနဲ့ပါ သက်ဆိုင်တဲ့ ဒီလိုအသိအမှတ်ပြုမှု ခံရတာကို ကျေးဇူးတင်မိသလို ဘ၀င်လည်း မမြင့်ပါဘူး။ လူတွေ အတူတကွ အလုပ်လုပ်ကြတဲ့အခါ တစ်ယောက်နဲ့တစ်ယောက် နားလည်လာကြပြီး လူသားထုအကျိုးရှိဖို့ဆိုတဲ့ သူတို့ရဲ့ ဘုံရည်ရွယ်ချက်ကိုလည်း နားလည် သဘောပေါက်လာကြပါတယ်။ ဒါဟာ ကျွန်မတို့ မြို့အတွက် ကနေဒါတစ်နိုင်ငံလုံးအတွက် ကျွန်မတို့ ငံ့လင့်နေတဲ့ ငြိမ်းချမ်းရေးတံတားတွေ ခင်းပေးတာလည်း ဖြစ်ပါတယ်” ဟု ဒေါက်တာ ဖူဒါက ပြောကြားခဲ့သည်။

အဆိုပါ ဂုဏ်ပြုဆုကို ပြီးခဲ့သည့် မေလ ၂၉ ရက်နေ့က ပေးအပ်ချီးမြှင့်ခဲ့ခြင်းဖြစ်ပြီး အိုတာဝါမြို့တော်ဝန် ဂျင်မ်ဝပ်စတန်နှင့် ဘေကွန် ဟေး ဆိုင်ရ်ဗီလီရပ်ကွက်မှ အကြီးအကဲ တင်မ် တီယာနေးတို့ တက်ရောက်ခဲ့ကြသည်။

ဒေါက်တာဖူဒါမှာ အင်ဂျင်နီယာတစ်ဦးဖြစ်ပြီး ၁၉၆၉ ခုနှစ်က အီဂျစ်နိုင်ငံမှ ကနေဒါသို့ ပြောင်းရွှေ့လာခဲ့ကာ ကနေဒါတွင် ဓာတုဗေဒ အင်ဂျင်နီယာ ဘာသာရပ်ဖြင့် ပီအိက်ခ်ျဒီဘွဲ့ ရရှိခဲ့သည်။

CANMET Energy Technology Centre နှင့် ကနေဒါ သဘာဝ သယံဇာတဌာနတို့တွင် အလုပ်လုပ်ခဲ့သည့် ဒေါက်တာဖူဒါမှာ ၂၀၀၅ ခုနှစ်တွင် အနားယူခဲ့သည်။

သူမ၏ အသက်မွေးဝမ်းကြောင်း ကာလတစ်လျှောက်တွင် အစိုးရဌာနအမျိုးမျိုးရှိ အကြံပေးကော်မတီများတွင် စေတနာ့ဝန်ထမ်း ၀င်ရောက် တာဝန်ထမ်းဆောင်ပေးခဲ့ပြီး ရဲတပ်ဖွဲ့နှင့် ကနေဒါတော်ဝင်ရဲတပ်ဖွဲ့တို့တွင် အစ္စလာမ့်ရေးရာ အကြံပေးအဖြစ် တာဝန်ထမ်းဆောင်ခဲ့သည်။

ဘာသာပေါင်းစုံညီညွတ်ရေး အသိပညာပေးသူအဖြစ်လည်း ဒေါက်တာဖူဒါက ဆောင်ရွက်ခဲ့ပြီး ပြောင်းရွှေ့အခြေချသူများ ကနေဒါလူ့အဖွဲ့အစည်းတွင် ၀င်ဆံ့ရေး၊ ၎င်းတို့ လူ့အဖွဲ့အစည်းတာဝန်ကို ထမ်းဆောင်နိုင်ရေးတို့ အတွက်လည်း ကူညီလုပ်ဆောင်ပေးခဲ့သည်။ ထို့ပြင် လေးစားမှုနှင့် လူ့အဖွဲ့အစည်းတန်ဖိုး တိုးတက်လာရေးတို့အတွက်လည်း ဆောင်ရွက်ခဲ့သည်။

မြို့တော်ဝန်၏ “City Builder” ဆုမှာ ထူခြားသည့် စေတနာ့ဝန်ထမ်း စိတ်ဓာတ် သို့မဟုတ် အတုယူလောက်သည့် အလုပ်များမှတစ်ဆင့် အိုတာဝါအား လက်ရှိနှင့် နောင်အနာဂတ်အတွက် ပိုမိုကောင်းမွန်သော နေရာအဖြစ် ဆောင်ရွက်ရာတွင် ထူးခြားသည့် စိတ်နှစ်မြှုပ်မှုရှိသော တစ်ဦးတစ်ယောက် သို့မဟုတ် အုပ်စု သို့မဟုတ် အသင်းအဖွဲ့တို့အား အသိမှတ်ပြုသည့်အခါ
ချီးမြှင့်သည့် ဆုလည်းဖြစ်သည်။

အလုပ်မှ အနားယူသွားခဲ့ပြီးနောက် ဒေါက်တာ ဖူဒါမှာ ပရဟိတလုပ်ငန်းနှင့် လူမှုအကျိုးပြုလုပ်ငန်းများတွင် တက်ကြွစွာ ပါဝင်လုပ်ဆောင်ခဲ့ပြီး အထူးသဖြင့် ချို့တဲ့သည့် လူ့အဖွဲ့အစည်းများကို ကူညီရာတွင်လည်းကောင်း၊ ယဉ်ကျေးမှု ပေါင်းကူးခြင်းနှင့် ငြိမ်းချမ်းရေး တည်ဆောက်ခြင်းတို့တွင်လည်းကောင်း၊ မွတ်စလင်နှင့် မွတ်စလင်မဟုတ်သူများ ဆက်ဆံရေးတွင်လည်းကောင်း၊ အကူအညီပေးရေး လုပ်ငန်းများတွင်လည်းကောင်း ဆောင်ရွက်ခြင်းဖြစ်သည်။

ဒေါက်တာဖူဒါမှာ ဒုတိယမြောက် အဲလိဇဘက်ဘုရင်မကြီး၏ Diamond Jubilee ဆုတံဆိပ်၊ အွန်တာရီယိုပြည်နယ်၏ Leading Women Building Communities ဆုတံဆိပ်တို့အပါအ၀င် အသိအမှတ်ပြု ဂုဏ်ပြုဆုတံဆိပ် မြောက်များစွာကို ရရှိခဲ့သည်။

Ref: Onislam