Author: Ko Lay

မေ ၁၁၊ ၂၀၁၅
M-Media

– မိမိတို့မန်စီးတီးအနေဖြင့် လာမည့်နှစ် ပရီးမီးယားလိဂ် ဆုဖလားအတွက် ချယ်ဆီးအား စိန်ခေါ်ရန် အဆင်သင့်ဖြစ်နေပြီး ဘောလုံလောကတွင် အမြဲတမ်း လက်စားချေမှုရှိနေသည်ဟု မန်စီးတီးတိုက်စစ်မှူး အဂူရိုက ပြောကြားလိုက်သည်။

မန်စီးတီးမှာ ပြီးခဲ့သည့်နှစ်က ချန်ပီယံဖြစ်ခဲ့သော်လည်း ယခုနှစ်တွင် ခြေစွမ်းမမှန်ခဲ့ဘဲ ချယ်ဆီးက ရာသီပြီးဆုံးရန် ၃ ပွဲအလိုမှာပင် ချန်ပီယံဖြစ်ခဲ့သည်။ သို့သော်လည်း အဂူရိုကမူ မိမိတို့အသင်းသားများအနေဖြင့် လာမည့်နှစ်တွင် ပရီးမီးယားလိဂ်ဖလားအတွက် တိုက်ပွဲဝင်သွားရန် အဆင်သင့်ဖြစ်နေသည်ဟု ဆိုသည်။

“ဒီရာသီမှာ ကျွန်တော်တို့ဟာ အမှတ်တွေအများကြီး ဆုံးရှုံးခဲ့ပြီး အခုတော့ ပုံစံကောင်းပြန်ရနေပါတယ်။ ၄ ပွဲဆက်နိုင်ထားပြီး ကျန်တဲ့ ၂ ပွဲမှာလည်း ဒီလိုအနိုင်မျိုးနဲ့ ကျွန်တော်တို့ ဆက်သွားရပါမယ်။ တတ်နိုင်သမျှ အကောင်းဆုံးပုံစံနဲ့ ကျွန်တော်တို့ ရာသီသိမ်းချင်ပါတယ်။ ပြီးတော့ နောက်ရာသီမှာ ဖလားအားလုံးအတွက် တိုက်ပွဲဝင်မှုနဲ့ စချင်ပါတယ်။ ဒီရာသီမှာ ကျွန်တေ်ာတို့ မျှော်လင့်သလောက် မဖြစ်ခဲ့ပါဘူး။ ဒါပေမယ့် လာမယ့်ရာသီမှာတော့ စိန်ခေါ်မှုအသစ်တွေကို ရင်ဆိုင်သွားမှာဖြစ်ပြီး ဘောလုံးလောကမှာ လက်စားချေမှုဆိုတာ အမြဲတမ်းရှိပါတယ်” ဟု အဂူရိုက မန်စီးတီးအသင်း၏ ၀ဘ်ဆိုက်သို့ ပြောကြားခဲ့သည်။

အဂူရိုမှာ ယမန်နေ့က ကစားခဲ့သည့် ကျူပီအာရ်အား ၆ ဂိုးပြတ်ဖြင့် အနိုင်ရရှိခဲ့သည့် ပွဲစဉ်တွင် ၃ ဂိုး သွင်းယူပေးခဲ့ပြီး စုစုပေါင်း ၂၅ ဂိုးဖြင့် ပရီးမီးယားလိဂ် ဂိုးအများဆုံးသွင်းယူနိုင်သူ စာရင်းတွင် ဦးဆောင်နေသည်။

၎င်းကမူ ဂိုးအများဆုံးသွင်းသူ ဖြစ်ခြင်းထက် မန်စီးတီးအသင်းအား ပို၍ အလေးထားသည်ဟု ပြောကြားခဲ့သည်။

“ဟက်ထရစ်အတွက် ကျွန်တော်ပျော်ပါတယ်။ ကစားဖို့ ၂ ပွဲပဲကျန်တော့တာကြောင့် ကျွန်တော်ဟာ ဒီဆုကိုရနိုင်တယ်လို့ မျှော်လင့်လို့ရပါတယ်။ ဒါပေမယ့် အရေးအကြီးဆုံးက အသင်း ချန်ပီယံလိဂ် ၀င်ခွင့်ရဖို့ပါပဲ”

Ref: Goal

မေ ၁၁၊ ၂၀၁၅
M-Media

– မန်ယူနည်းပြ လူးဝစ်ဗန်ဂါလ်းနှင့် စကားပြောဆိုခဲ့ခြင်းက ပြင်သစ်ကလပ် ပီအက်စ်ဂျီအသင်းအား ဥပေက္ခာပြုရန် မိမိကို နားလည်စေခဲ့သည်ဟု ဟော်လန်အလယ်တန်းကစားသမား မမ်ဖစ် ဒီပေးက ပြောကြားလိုက်သည်။

မန်ယူမှာ အသက် ၂၁ နှစ်အရွယ် ဒီပေးအတွက် ပေါင် ၂၂.၃ သန်းဖြင့် ခေါ်ယူရန် ဟော်လန်ကလပ် ပီအက်စ်ဗီအသင်းနှင့် ပြီးခဲ့သည့် သီတင်းပတ်က သဘောတူညီခဲ့သည်။ ဒီပေးမှာ နယ်သာလန်အသင်းတွင် ဗန်ဂါးလ်နှင့် လက်တွဲဖူးပြီး ယခုအခါ မန်ယူတွင် ပြန်ဆုံရမည်ဖြစ်သည်။

ပီအက်စ်ဗီ အားကစား ဒါရိုက်တာ မာဆဲလ် ဘရန်းကမူ မန်ယူက ကြားဖြတ်ခေါ်ယူခြင်းမပြုခင် မိမိတို့မှာ ပီအက်စ်ဂျီအသင်းနှင့် သဘောတူညီချက် ရရှိထားသည်ဟု ပြောကြားခဲ့သည်။ ဒီပေးကလည်း ဗန်ဂါးလ်း၏ ကြားဝင်မှုက မိမိ ပရီးမီးယားလိဂ်သို့ ပြောင်းရွှေ့မှု၏ အဓိက အကြောင်းအရင်းဖြစ်သည်ဟု ပြောကြားခဲ့သည်။

“ပီအက်စ်ဂျီကိုပြောင်းဖို့ ကျွန်တော် တော်တော်လေး နီးစပ်ခဲ့ပါတယ်။ မန်ယူက ကျွန်တော့်ကို အမြဲတမ်းစိတ်ဝင်စားပေမယ့် သိပ် နှစ်နှစ်ကာကာ မရှိဖူးဆိုတာလည်း ကျွန်တော်သိပါတယ်။ နောက်ဆုံးအချိန်မှာ သူတို့ဟာ ကျွန်တော့်မန်နေဂျာကို ဖုန်းခေါ်တယ်။ ပြီးတော့ နည်းပြ လူးဝစ်ဗန်ဂါးလ်နဲ့လည်း ကျွန်တော် တကယ် စကားပြောခဲ့ပါတယ်။ အဲဒါဟာ ခက်ခဲတဲ့ အခြေအနေတစ်ခုပါ။ ပြောရမယ်ဆိုရင် ကျွန်တော် ဗန်ဂါးလ်နဲ့ စကားပြောပြီးတဲ့နောက်မှာ ကျွန်တော့်ကိုယ် ကျွန်တော် “ငါဟာ မန်ချက်စတာကို သွားချင်နေတယ်” လို့ ပြန်ပြောမိပါတယ်” ဟု ဒီပေးက ပြောကြားခဲ့သည်။

ဒီပေးမှာ ယခုနှစ်ရာသီ ပီအက်စ်ဗီအတွက် အမှတ်ပေးပြိုင်ပွဲတွင် ၂၂ ဂိုး သွင်းယူပေးထားပြီး ယမန်နေ့က ၎င်း၏ အိမ်ကွင်းနောက်ဆုံးပွဲတွင် အသင်းအတွက် ၃၅ ကိုက်အကွာမှ ဖရီးကစ်တစ်ဂိုးကို လှလှပပ သွင်းယူပေးခဲ့သည်။

မိမိမှာ မန်ယူသို့ ပြောင်းရွှေ့လာရသည့်အတွက် ဂုဏ်ယူမိပြီး မန်ယူတွင် ကျောကြားသည့် ကစားသမားတစ်ယောက် ဖြစ်လာမည်ဟု ယုံကြည်ကြောင်း၊ မိမိတွင် ရှိသမျှအားလုံးကို ပရိတ်သတ်များအတွက် ပေးဆပ်သွားမည်ဖြစ်ကြောင်း ဒီပေးက ထပ်လောင်းပြောကြားခဲ့သည်။

Ref: Goal