Author: Ko Lay

ဖေဖော်ဝါရီ ၁၊ ၂၀၁၅
M-Media

– ဖေဖော်ဝါရီ လ ၁ ရက်နေ့ ယနေ့တွင်ကျရောက်သည့် ကမ္ဘာ့ဟိဂျဘ်နေ့ကို ကမ္ဘာတစ်ဝှမ်းရှိ အစ္စလာဘာသာဝင်နှင့် အစ္စလာမ်ဘာသာဝင်မဟုတ်သူ အမျိုးသမီးများက ဆင်နွှဲခဲ့ကြသည်ဟု သိရသည်။

အစ္စလာမ့်တရားတော်၏ သွန်သင်ချက်အရ မွတ်စလင်အမျိုးသမီးများ ဟီဂျဘ်ဝတ်ဆင်ခြင်းနှင့်ပတ်သက်၍ အစ္စလာမ်ဘာသာဝင် မဟုတ်သူများ သိရှိနားလည်စေရန်နှင့် ဟီဂျဘ်နှင့်ပတ်သက်သည့် တစ်ဘက်ဆွဲအတွေးများကို ပပျောက်စေရန် ရည်ရွယ်ပြုလုပ်သည့် `ကမ္ဘာ့ဟီဂျဘ်နေ့´ကို ၂၀၁၃ ခုနှစ် ဖေဖော်ဝါရီလတွင် စတင်ကျင်းပခဲ့ပြီး ယခုအကြိမ်နှင့်ဆိုလျှင် ၃ ကြိမ်မြောက် ရှိပြီဖြစ်သည်။

ထိုနေ့တွင် ကမ္ဘာတစ်ဝှမ်းရှိ မွတ်စလင်မဟုတ်သူ အမျိုးသမီးများ၊ သာမန်အချိန်များတွင် ဟီဂျဘ်ဝတ်ဆင်ခြင်း မရှိသည့် အမျိုးသမီးများအား တစ်နေ့တာ ဟီဂျဘ်ဝတ်ဆင်စေပြီး၊ ဟီဂျဘ်နှင့်ပတ်သက်သည့် ဆွေးနွေးပွဲများ၊ ရှင်းလင်းပြောကြားမှုများကိုလည်း ပြုလုပ်ကြသည်။ ထို့ပြင် ချီတက်လမ်းလျှောက်မှုများကိုလည်း ပြုလုပ်ကြသည်။

ယခုနှစ်တွင်လည်း ယခင်နှစ်များကဲ့သို့ပင် ကမ္ဘာတစ်ဝှမ်းရှိ မွတ်စလင်များက အခမ်းအနားများ ပြုလုပ်ခဲ့ကြသည်။ ယူကေတွင်ပြုလုပ်သည့် `ကမ္ဘာ့ဟီဂျဘ်နေ့´ အခမ်းအနားက ဘာသာလူမျိုးပေါင်းစုံ ပေါင်းကူးပေးသည့် အခမ်းအနားမျိုး ဖြစ်ခဲ့ပြီး မွတ်စလင်မဟုတ်သူများကလည်း တစ်နေ့တာ ဟီဂျဘ်ဝတ်ဆင်ခြင်းအတွေ့အကြုံကို မြည်းစမ်းခဲ့ကြသည်။

`အခြားယဉ်ကျေးမှုတွေ၊ ယုံကြည်မှုတွေကို နားလည်ဖို့၊ တွေ့ကြုံခံစားဖို့အတွက် ဒီနေ့ဟာ အရေးပါတဲ့နေ့လို့ ကျွန်မထင်ပါတယ်။ အမျိုးသမီးတစ်ယောက်အနေနဲ့ပြောရရင် ဒီဟီဂျဘ်ဆိုတာ အစ္စလာမ်ကို တွေ့ကြုံခံစားဖို့၊ မွတ်စလင်အမျိုးသမီးတစ်ယောက်ဖြစ်ရတဲ့ အဓိပ္ပါယ်ကိုသိရှိစေဖို့ လှပပြီး ဆန်းသစ်လှတဲ့နည်းလမ်းလည်း ဖြစ်ပါတယ်´ ဟု အစ္စလာမ်ဘာသာဝင်မဟုတ်သည့် လန်ဒန်အမျိုးသမီး အဲလိဇဘက် ခရောက်ချာက ပြောကြားခဲ့သည်။

ဟီဂျဘ်နှင့်ပတ်သက်၍ အထင်မှားအမြင်များရှိနေပြီး ထိုကိစ္စနှင့်ပတ်သက်၍ လန်ဒန်ရောက် ပါကစ္စတန်အမျိုးသမီး အဖီဖာ ဘင်တီ အစ်ရ်ဖာန်းက

`ဟီဂျဘ်ဝတ်ဆင်တာကို ဖိနှိပ်မှုလက္ခဏာလို့ ကမ္ဘာကြီးက မြင်ကြပါတယ်။ ဒီလိုသမရိုးကျအမြင်တွေကို ချေဖျက်ဖို့ မွတ်စလင်အမျိုးသမီးတွေဟာ ဘ၀ရဲ့နယ်ပယ်အသီးသီးမှာ ရဲစွမ်းသတ္တိတွေပြရပါမယ်။ ဂျာနယ်လစ်ဇင်ကနေ ဆေးပညာ၊ ဖက်ရှင်ဒီဇိုင်းပညာတွေအထိ နယ်ပယ်တိုင်း နယ်ပယ်တိုင်းပါပဲ။ ပြီးတော့ ဟီဂျဘ်ဆိုတာ ကန့်သတ်ချုပ်ချယ်ထားတာမျိုး၊ ဒါမှမဟုတ် လူ့အဖွဲ့အစည်းမှာ အောင်မြင်တာကို တားဆီးပိတ်ပင်ထားတာမျိုး မဟုတ်ဘူးဆိုတာ ကမ္ဘာကြီးကို သက်သေပြရပါလိမ့်မယ်´ ဟု ပြောကြားခဲ့သည်။

အမေရိကန်တွင်ပြုလုပ်သည့် အခမ်းအနားများတွင် မွတ်စလင်မဟုတ်သူများ၏ အားပေးထောက်ခံမှုများကို ရရှိခဲ့သည်။ ဟီဂျဘ်အား တစ်နေ့တာဝတ်ဆင်ခဲ့သည့် တန်နက်ဆီးပြည်နယ်မှ အစ္စလာမ်ဘာသာဝင် မဟုတ်သူ အမျိုးသမီး အိန်ဂျလာဒေးဗစ်က မိမိအနေဖြင့် ထိုကဲ့သို့ ၀တ်ဆင်ခြင်းမှာ မွတ်စလင်မဟုတ်သူ အမျိုးသမီးများအတွက် ဥပမာအနေဖြင့် ၀တ်ဆင်ခြင်းဖြစ်ကြောင်း ပြောကြားခဲ့သည်။ ထို့ပြင် မွတ်စလင်အမျိုးသမီးများ ထိုကဲ့သို့ ၀တ်ဆင်ခြင်းကို လေးစားအားကျမိပြီး အနာဂတ်တစ်ချိန်ချိန်တွင် အချိန်ပြည့် ဟီဂျဘ်ဝတ်ဆင်သူဖြစ်လာအောင် သိတ္တိမွေးသွားမည်ဟု ဆိုသည်။

`လူတွေ ဟီဂျဘ်ဝတ်ဆင်တာကို ကျွန်မတွေ့တဲ့အခါ ဒါနဲ့ပတ်သက်ပြီး ပိုတွေးမိပါတယ်။ ဒါဟာ အနာဂတ်မှာ ကျွန်မ အသေအချာကိုဆောင်ရွက်မယ့် ကိစ္စဖြစ်ပါတယ်´

အစ္စလာမ်ဘာသာဝင်ဦးရေ သန်း ၁၄၀ ရှိသည့် နိုက်ဂျီးရီးယားနိုင်ငံတွင် မွတ်စလင်ပြည်သူ့ရေးရာစင်တာ MPAC နှင့် အခြားမွတ်စလင်အဖွဲ့အစည်း ၁၀ ဖွဲ့ကျော်ပူးပေါင်းကာ `ကမ္ဘာ့ဟီဂျဘ်နေ့´ ကိုဆင်နွှဲခဲ့ကြသည်။ ထို့ပြင် အခြားသော မွတ်စလင်အမျိုးသမီး အဖွဲ့အစည်းများကလည်း အခမ်းအနားများ ပြုလုပ်ခဲ့ကြသည်။

အာရှတွင်လည်း ကျင်းပ

ကမ္ဘာပေါ်တွင် အစ္စလာမ်ဘာသာဝင် ဒုတိယအမျာဆုံးရှိရာ အိန္ဒိယနိုင်ငံတွင်လည်း `ကမ္ဘာ့ဟိဂျဘ်နေ့´ ကို ဆင်နွှဲခဲ့ကြပြီး အစ္စလာမ်နှင့်ပတ်သက်သည့် မှားယွင်းသော ထင်မြင်ယူဆချက်များကို ဖယ်ရှားခဲ့ကြသည်။

`ဆိုရှယ်မီဒီယာမှာတင်ထားတာတွေ့လို့ ဒီအခမ်းအနားကို ကျွန်မ ရောက်လာတာပါ။ ဟီဂျဘ်နဲ့ပတ်သက်ပြီး အသိပညာပေးဖို့ အစ္စလာမ်ရဲ့ ရှုထောင့်တွေကို ကျယ်ကျယ်ပြန့်ပြန့်တင်ပြဖို့ ဒါဟာ သိပ်ကောင်းတဲ့ နည်းလမ်းပါပဲ။ ဟီဂျဘ်ဆိုတာ တစ်ကယ်တော့ အမျိုးသမီးတွေ သူတို့ရဲ့ဆန္ဒအတိုင်း ၀တ်ဆင်တဲ့ လွတ်လပ်မှုတစ်ခုပါပဲ´ ဟု အူတာပရာဒက်ရ်ှပြည်နယ် လက်ခ်နောင်မြို့တွင် ပြုလုပ်ခဲ့သည့် `ကမ္ဘာ့ဟီဂျဘ်နေ့´ အခမ်းအနားသို့ တက်ရောက်ခဲ့သူ မွတ်စလင်အမျိုးသမီး အယူရှီ ဆရီဗက်စ်တာဗာက ပြောကြားခဲ့သည်။

အဆိုပါအခမ်းအနားကို အိန္ဒိယလူငယ်အမျိုးသမီးများက ဦးဆောင်ပြုလုပ်ကြခြင်းဖြစ်ပြီး အစ္စလာမ်ဘာသာဝင်မဟုတ်သည့် အမျိုးသမီးများကိုလည်း ပါဝင်ရန် ဖိတ်ခေါ်ခဲ့ကြသည်။

`အမျိုးသမီးတစ်ယောက် တိုတိုနံ့နံ့လေးတွေဝတ်ရင် လူတွေက ခေတ်မီတယ်လို့ပြောကြပြီး အခြားတစ်ယောက်က သူ့ကိုယ်သူ လုံလုံခြုံခြုံဝတ်ပြီဆိုရင်တော့ ဒါဟာ ဖိနှိပ်ချုပ်ချယ်မှုလို့ ထင်ကြပါတယ်။ ကျွန်မတို့ သာသနာက သွန်သင်တဲ့ ဟီဂျဘ်ဆိုတာ ဆံပင်ကို ဖုံးအုပ်တာဖြစ်ပြီး ကျွန်မရဲ့အသိဥာဏ်နဲ့ ဦးနှောက်ကို အမှောင်ချလိုက်တာမျိုး မဟုတ်ပါဘူး´ ဟု လက်ခ်နောင်ကမ္ဘာ့ဟီဂျဘ်အဖွဲ့ဝင် ဆာရာဟူစိန်က ပြောကြားခဲ့သည်။

အရှေ့တောင်အာရှနိုင်ငံတစ်နိုင်ငံဖြစ်သည့် ဖိလစ်ပိုင်နိုင်ငံ မင်ဒါနာအိုတွင်လည်း `ကမ္ဘာ့ဟီဂျဘ်နေ့´ အထိမ်းအမှတ် ချီတက်လမ်းလျှောက်မှုကို ယနေ့တွင် ပြုလုပ်ခဲ့ကြပြီး ဟီဂျဘ်ဝတ်ဆင်ထားသည့် အမျိုးသမီး ၁၀၀၀ ကျော် ပါဝင်ခဲ့ကြသည်။

Ref: onislam