ဇန်န၀ါရီ ၃၁၊ ၂၀၁၅
M-Media
– ပြီးခဲ့သည့် စနေနေ့က ပြုလုပ်ခဲ့သည့် IS အဖွဲ့အား လေကြောင်းမှ တိုက်ခိုက်မှုအတွင်း အီရတ်ခေါင်းဆောင်ဟောင်း ဆက်ဒမ်ဟူစိန်လက်ထက်တွင် အမှူထမ်းခဲ့ပြီး ယခုလက်ရှိ IS အဖွဲ့တွင် ပါဝင်နေသည့် ဓာတုလက်နက်ကျွမ်းကျင်သူများ သေဆုံးခဲ့သည်ဟု အမေရိကန်စစ်ဘက် တာဝန်ရှိသူများက ယမန်နေ့တွင် ပြောကြားခဲ့သည်။
– ဒီဇင်ဘာ ၂၈ ရက်နေ့က ပျက်ကျသွားခဲ့သည့် Air Asia လေကြောင်းလိုင်းမှ QZ8501 လေယာဉ် ပျက်မကျခင်အချိန်တွင် လေယာဉ်မှူးမှာ ၎င်း၏နေရာတွင်မရှိဘဲ တွဲဘက်လေယာဉ်မှူးကသာ လေယာဉ်ကို ကိုင်တွယ်မောင်းနှင်နေပြီး ထိန်ချုပ်၍ မရတော့သည့်အချိန်မှသာ လေယာဉ်မှူး ပြန်လည်ရောက်ရှိလာသော်လည်း နောက်ကျသွားခဲ့ကြောင်း စုံစမ်းစစ်ဆေးရေးအဖွဲ့မှ ပြောကြားလိုက်သည်။
– အာဖရိက နိုင်ငံပေါင်း ၅၄ နိုင်ငံပါဝင်သည့် အာဖရိကသမဂ္ဂ၏ ဥက္ကဌသစ်အဖြစ် အသက် ၉၀ အရွယ် ဇင်ဘာဘွေ အာဏာရှင် ရောဘတ်မူဂါဘီအား ယမန်နေ့တွင် ခန့်အပ်ခဲ့ပြီးနောက် မူဂါဘီမှာ ဇင်ဘာဘွေ၏ ဒီမိုကရေစီစနစ်ကို ဖျက်ဆီးခဲ့ပြီး စီးပွားရေးကိုလည်း ကျဆင်းစေခဲ့ကြောင်း၊ ၎င်းအား ထိုကဲ့သို့ ခန့်အပ်ခဲ့မှုမှာ အာဖရိကခေါင်ဆောင်များအကြား စုစည်းညီညွတ်မှုကို အဖျက်သဘောဆောင်သည့် ရလဒ်များ ထွက်ပေါ်လာနိုင်ကြောင်း စသည့် ဝေဖန်မှုများ ထွက်ပေးလာခဲ့သည်။
– လူဆိုးဂိုဏ်းများမှ ကျူးလွန်သည့် ရာဇ၀တ်မှုများကို ဦးဆောင်တိုက်ဖျက်ခဲ့သူ စစ်စီလီကျွန်း ဖွဲ့စည်းပုံအခြေခံဥပဒေခုံရုံးမှ တရားသူကြီး ဆာဂျီယို မတ်တာရယ်လာမှာ ၀န်ကြီးချုပ် မတ်တို ရန်ဇီ၏ ဒီမိုကရက်တစ်ပါတီမှ ထောက်ခံမှုဖြင့် အီတလီသမ္မတသစ်အဖြစ် ယနေ့တွင် ခန့်အပ်ခံခဲ့ရသည်။
– မြို့တော်ဆန်နာအား သူပုန်အဖွဲ့ ဟူသစ်၏ သိမ်းပိုက်မှုကို ဆန့်ကျင်သည့်အနေဖြင့် ဆန်နာမြို့အပါအ၀င် ယီမင်နိုင်ငံတစ်ဝှမ်း ပြည်သူလူထုထောင်ပေါင်းများစွာက ယနေ့တွင် ဆန္ဒပြခဲ့ကြပြီး သူပုန်အဖွဲ့ကလည်း လူကိုသေစေနိုင်သည့် လက်နက်များအသုံးပြုကာ လူစုခွဲခဲ့ကြသည်။
– ဘာလင်တံတိုင်းဖြိုချပြီး ၁၁ လအကြာ ၁၉၉၀ တွင် အရှေ့ဂျာမနီနှင့် အနောက်ဂျာမနီပေါင်းစည်းရေးကို စွမ်းစွမ်းတမံဆောင်ရွက်ခဲ့ပြီး ပြတ်သားသည့် နိုင်ငံရေးရပ်တည်ချက်များကြောင့် ပြည်တွင်းနှင့် ပြည်ပတွင် လေးစားအသိအမှတ်ပြုမှုများ ရရှိခဲ့သည့် အသက် ၉၄ နှစ်အရွယ် ဂျာမနီသမ္မတဟောင်း ရစ်ချက် ဗွန် ၀ဇ်ဆက်ကာမှာ ယနေ့တွင် ကွယ်လွန်သွားခဲ့သည်။
Ref: channelnewsasia, aljazeera
