Author: Ko Lay

အေစီမီလန်နှင့် ပထမဆုံးရခဲ့သည့် ချန်ပီယံလိဂ်သာ အမှတ်တရဖြစ်ကြောင်း အန်ဆယ်လော့တီဆို

ဇန်န၀ါရီ ၂၀၊ ၂၀၁၅
M-Media

– ပြီးခဲ့သည့်နှစ်က ရရှိခဲ့သည့် ရီးယဲလ်၏ ၁၀ ကြိမ်မြောက် ချန်ပီယံလိဂ်ဖလားထက် အေစီမီလန်နှင့်အတူ ပထမဆုံးရရှိခဲ့သည့် ချန်ပီယံလိဂ်ဖလားကသာ မိမိ၏ နည်းပြဘ၀အတွက် အမှတ်တရဖြစ်စေသည်ဟု ရီးယဲလ်နည်းပြ အန်ဆယ်လော့တီက ပြောကြား လိုက်သည်။

အသက် ၅၅ နှစ်အရွယ် ရှိပြီဖြစ်သည့် အန်ဆယ်လော့တီမှာ နည်းပြဘ၀ ၎င်း၏ တတိယအကြိမ်မြောက် ချန်ပီယံလိဂ်ဖလားကို ပြီးခဲ့သည့်ရာသီက ရီးယဲလ်နှင့်အတူ ရရှိခဲ့သည်။ အဆိုပါ ချန်ပီယံလိဂ်မှာ ရီးယဲလ်၏ ၁၀ ကြိမ်မြောက်ချန်ပီယံလိဂ် ဖလားလည်းဖြစ်ပြီး နှစ်ပေါင်းများစွာကြာပြီးမှ ရရှိခဲ့ခြင်းဖြစ်သည်။

သို့သော်လည်း အီတလီဘောလုံးအကျော်အမော်များစာရင်း (Hall of Fame) တွင် ထည့်သွင်းခံရသည့် အန်ဆယ်လော့တီမှာ ဂုဏ်ပြုပွဲတွင် ၂၀၀၃ ခုနှစ်က အိုးထရက်ဖို့ဒ်၌ ပြည်တွင်းပြိုင်ဘက် ဂျူဗင်တပ်စ်အသင်းအား ပင်နယ်တီဖြင့်အနိုင်ကစားပြီး
အေစီမီလန်အသင်းနှင့်အတူ ရရှိခဲ့သည့် ချန်ပီယံလိဂ်ဖလားက နည်းပြဘ၀မှ အနားယူသွားသည်အထိ မိမိအတွက် အမှတ်တရဖြစ်နေမည်ဟု ပြောကြားခဲ့သည်။

`ကျွန်တော့်ရဲ့ သက်တမ်းတစ်လျှောက်မှာ ကစားသမားဘ၀မှာရာ၊ နည်းပြဘ၀မှာပါ ကံကောင်းခဲ့ပါတယ်။ ကျွန်တော်ဟာ ဆာချီကိုင်တွယ်တဲ့ မီလန်အသင်းမှာ ကစားခဲ့ရတယ်။ ပြီးတော့ ဒီအသင်းမှာပဲ နည်းပြအဖြစ် ဆောင်ရွက်ရပြီး ကျွန်တော့်အတွက် ကံကောင်းခဲ့ပါတယ်။ (အမှတ်တရဖြစ်တဲ့) ဆုဖလားတစ်ခုကို ထုတ်ပြရရင်တော့ မန်ချက်စတာမှာ ဂျူဗင်တပ်စ်ကို အနိုင်ရပြီး မီလန်နဲ့အတူရခဲ့တဲ့ ချန်ပီယံလိဂ်ဖလားကို ထုတ်ပြချင်ပါတယ်။ ဘာ့ကြောင့်လည်းဆိုတော့ ဒါဟာ (နည်းပြအဖြစ်) ကျွန်တော့်ရဲ့ ပထမဆုံး ချန်ပီယံလိဂ်ဖလား မို့လို့ပါပဲ´ ဟု အန်ဆယ်လော့တီက သတင်းထောက်များအား ပြောကြားခဲ့သည်။

ထို့ပြင် အန်ဆယ်လော့တီက အင်္ဂလန်လိဂ်မှာ မြန်နှုန်းမြင့်လိဂ်ပြိုင်ပွဲ တစ်ခုဖြစ်ပြီး ပရိတ်သတ်များကလည်း လေးစားမှုရှိကြောင်း၊ ပြင်သစ်လိဂ်မှာ tempo မြင့်ပြီး ပြိုင်ဆိုင်မှုများသည့် လိဂ်ဖြစ်ကြောင်း၊ စပိန်လိဂ်မှာ ဘောလုံးချစ်သူများ လိဂ်ဖြစ်ကာ အီတလီလိဂ်မှာ ခံစစ်နှင့် နည်းစနစ်ပိုင်းအားပြုသည့် လိဂ်ဖြစ်ကြောင်း ထည့်သွင်းပြောကြားခဲ့သည်။

Ref: goal.com

January 20, 2015
ဂျာမနီတွင် အစ္စလာမ်ဆန့်ကျင်ရေးလှုပ်ရှားမှုအား တန်ပြန်ဆန္ဒပြမှုများ ထပ်မံပြုလုပ်

ဇန်န၀ါရီ ၂၀၊ ၂၀၁၅
M-Media

– လက်ယာစွန်းရောက် PEGIDA အဖွဲ့၏ အစ္စလာမ်မုန်းတီးရေး လှုပ်ရှားမှုများအား ဆန့်ကျင်သည်ကို ပြသသောအနေဖြင့် လူမျိုးရေးခွဲခြားမှု ဆန့်ကျင်ရေး ချီတက်လမ်းလျှောက်ပွဲကို ဂျာမန်ပြည်သူများက နိုင်ငံတစ်ဝှမ်း မြို့ကြီးများ၌ ဇန်န၀ါရီ ၁၉ ရက်နေ့တွင် ပြုလုပ်ခဲ့သည်ဟု သိရသည်။

PEGIDA ၏ လှုပ်ရှားမှု အခိုင်အမာရှိနေသည့် မြူးနစ်မြို့တွင် ယမန်နေ့က ပြုလုပ်ခဲ့သည့် ချီတက်လမ်းလျှောက်မှုတွင်ပင် လူပေါင်း ၁၀၀၀၀ ခန့် ပါဝင်ခဲ့ကြသည်ဟု ရဲတပ်ဖွဲ့ ပြောကြားခဲ့သည်။

ဘာဘာရီယန် မြို့များဖြစ်သည့် ၀ူအာ့ဇ်ဘာ့ဂ်နှင့် နုရင်ဘာ့ဂ်တို့တွင် ပြုလုပ်ခဲ့သည့် ချီတက်လမ်းလျှောက်မှုများတွင် လူပေါင်း ၁၀၀၀ ခန့် ပါဝင်ခဲ့သည်ဟု ဂျာမန် သတင်းအေဂျင်စီ DPA က ဖော်ပြခဲ့သည်။ ထို့ပြင် အခြားသော မြို့များဖြစ်သည့် ဘာလင်၊ ဒူလ်ဆဲလ်ဒေ့ါဖ်နှင့် မဂ်ဒီဘာ့ဂ်တို့တွင်လည်း လူမျိုးရေးခွဲခြားမှုအား ဆန့်ကျင်သည့် ချီတက်လမ်းလျှောက်ပွဲများကို ပြုလုပ်ခဲ့ကြပြီး လူပေါင်း ၁ သောင်းနီးပါး ပါဝင်ခဲ့သည်။

နာဇီလက်သစ်ဝါဒီများ ပါဝင်ပြီး PEGIDA က ဦးဆောင်ပြုလုပ်နေသော အစ္စလာမ်မုန်းတီးရေး လှုပ်ရှားမှုများကို ဆန့်ကျင်သည့် ချီတက်လမ်းလျှောက်မှုကို ပြီးခဲ့သည့် တစ်ပတ်ကလည်း နိုင်ငံတစ်ဝှမ်းတွင် ပြုလုပ်ခဲ့ကြပြီး ၀န်ကြီးချုပ် အိန်ဂျလာမာကဲလ်အပါအ၀င် လူပေါင်း ၁ သိန်းခန့် ပါဝင်ခဲ့ကြသည်။

ဒရက်စ်ဒန်မြို့တွင် လာမည့်သီတင်းပတ်အတွင်း အစ္စလာမ်ဆန့်ကျင်ရေး ချီတက်ပွဲ ပြုလုပ်ရန် PEGIDA ၏ စီစဉ်ထားမှုကို ရဲတပ်ဖွဲ့က တားမြစ်ခဲ့သည်။ ဒရက်စ်ဒန်မြို့မှာ PEGIDA အခြေစိုက်ရာ မြို့ဖြစ်ပြီး အပတ်စဉ် အစ္စလာမ်ဆန့်ကျင်ရေး ချီတက်ပွဲ ပြုလုပ်နေသည့် မြို့လည်းဖြစ်သည်။

Ref: alarabiya

January 20, 2015
ဓားစားခံ ၂ ဦးအတွက် IS အဖွဲ့က ဂျပန်အစိုးရဆီမှ ပြန်ပေးငွေ သန်း ၂၀၀ တောင်း

ဇန်န၀ါရီ ၂၀၊ ၂၀၁၅
M-Media

– ဂျပန်အစိုးရအနေဖြင့် ၇၂ နာရီအတွင်း ပြန်ပေးငွေ ကန်ဒေါ်လာ သန်း ၂၀၀ ပေးအပ်ခြင်းမရှိပါက မိမိတို့ဖမ်းဆီးထားသည့် ဂျပန်နိုင်ငံသား ၂ ဦးကို သတ်ပစ်မည်ဟု IS အဖွဲ့က နောက်ဆုံးထုတ်ပြန်လိုက်သည့် ဗီဒီယိုတွင် ခြိမ်းခြောက်ပြောဆိုလိုက်သည်။

စစ်သွေးကြွဝဘ်ဆိုက်တစ်ခုတွင် လွှင့်တင်ထားသည့် အဆိုပါ ဗီဒီယိုတွင် အနက်ရောင်ဝတ်စုံ ၀တ်ထားသော IS အဖွဲ့ဝင်တစ်ဦးမှာ လိမ္မော်ရောင် အကျဉ်းသားဝတ်စုံကို ၀တ်ဆင်ထားသည့် ဂျပန်နိုင်ငံသား ၂ ဦး၏ အလယ်တွင် မတ်တပ်ရပ်ကာ ဓားမြှောင်တစ်ချောင်းကို ဝှေ့ယမ်းလျက် ထိုကဲ့သို့ ပြောဆိုခဲ့ခြင်းဖြစ်ပြီး IS အား ပစ်မှတ်ထားသည့် အမေရိကန်၏ တိုက်ခိုက်မှုအတွင်း ဂျပန်အစိုးရ ပါဝင်ပတ်သက်မှုကိုလည်း ဝေဖန်ခဲ့သည်။

`ခင်ဗျားတို့နိုင်ငံသားတွေရဲ့ အသက်ကိုကယ်တင်ဖို့ ဒေါ်လာ သန်း ၂၀၀ ပေးဖို့ဆိုတဲ့ ဆုံးဖြတ်ချက်ကောင်းတစ်ခု ချမှတ်ဖို့နဲ့ ပတ်သက်ပြီး ခင်ဗျားတို့အစိုးရကို ဖိအားပေးဖို့ ခင်ဗျားတို့မှာ ၇၂ နာရီပဲ အချိန်ရှိပါတယ်´ ဟု အဆိုပါ IS အဖွဲ့ဝင်က ဗြိတိသျှလေသံဖြင့် ပြောကြားခဲ့သည်။

ထိုဗီဒီယိုတွင် ပါဝင်သည့် စစ်သွေးကြွမှာ IS မှ ဖမ်းဆီးထားသူများကို သုတ်သင်သည့် ယခင်ဗီဒီယိုများတွင် ပါဝင်ခဲ့သူပင်ဖြစ်သည်ဟု ယူဆရသည်။

ဂျပန်အစိုးရကမူ မိမိတို့အနေဖြင့် အစွန်းရောက်ဝါဒကို ဦးညွှတ်သွားမည်မဟုတ်ဟု ပြောကြားခဲ့သည်။ ဂျပန်ဝန်ကြီးချုပ် ရှင်ဇိုအာဘေးကလည်း ဓားစားခံများကို ထိခိုက်နာကျင်ခြင်း မရှိစေဘဲ ချက်ချင်းလွှတ်ပေးရန် ဂျေရုစလင်တွင်ပြုလုပ်ခဲ့သည့်
သတင်းစာရှင်းလင်းပွဲတွင် ပြောကြားခဲ့သည်။

`သူတို့ကို ထိခိုက်နာကျင်စေခြင်းမရှိဘဲ ချက်ခြင်းလွှတ်ပေးဖို့ ကျွန်တော် လေးလေးနက်နက် တောင်းဆိုပါတယ်။ ဒီလိုလုပ်ရပ်မျိုးအတွက်လည်း အလွန့်အလွန့် စိတ်ဆိုး ဒေါသထွက်ပါတယ်´

ဖမ်းဆီးခံထားရသည့် ဓားစာခံများမှာ ကင်ဂျီ ဂိုတို ဂျိုဂိုနှင့် ဟာရူနာ ယူကာဝါတို့ဖြစ်ကြပြီး ဂျာနယ်လစ်ဖြစ်သည့် မစ္စတာဂိုတိုမှာ ဆီးရီးယားပြည်တွင်းစစ်တွင် သတင်းယူရန် သွားရောက်ရာမှ ပြီးခဲ့သည့်နှစ်တွင် ပျောက်ဆုံးခဲ့ခြင်းဖြစ်သည်။ မစ္စတာ ယူကာဝါကမူ ပုဂ္ဂလိက စစ်ဘက်ဆိုင်ရာ ကုမ္ပဏီတစ်ခု၏ ၀န်ထမ်းဖြစ်ပြီး ပြီးခဲ့သည့်နှစ် သြဂုတ်လက ဆီးရီးယားတွင် ပြန်ပေးဆွဲခံခဲ့ရခြင်း ဖြစ်သည်။

Ref: skynews

January 20, 2015
အမီးရ်ခန်းအား နိုင်ပါက မိမိပိုင် ဂျင်မ်ကို ပေးမည်ဟု ယူအေအီး ဘောက်ဆာသမားက မေ၀ယ်သာကို ကမ်းလှမ်း

ဇန်န၀ါရီ ၂၀၊ ၂၀၁၅
M-Media

ပုံ – အမီးရ်ခန်းနှင့်အတူ တွေ့ရသည့် အဲလ်ဒရှ် (၀ဲ)

– ဗြိတိန်လက်ဝှေ့ကျော် အမီးရ်ခန်းအား အနိုင်ထိုးသတ်နိုင်ပါက ကမ္ဘာ့ဟဲဗီးဝိတ်ချန်ပီယံ မေ၀ယ်သာအား ဒေါ်လာ ၅ သန်းတန်သော မိမိပိုင် ဂျင်မ်ကို လက်ဆောင်ပေးမည်ဟု ယူအေအီး ဘောက်ဆာသမား အီစာ အဲလ်ဒရ်ှက ပြောကြားလိုက်သည်။

အဲလ်ဒရ်ှပိုင်ဆိုင်သည့် အဆိုပါဂျင်မ်မှာ ယူအေအီးနိုင်ငံ ဒူဘိုင်းမြို့ရှိ ဂျွမ်မိုင်ရဟ်ဒေသတွင်ရှိပြီး အဲလ်ဒရှ်၏ ထိုကဲ့သို့ပြောကြားမှုကို ယူအေအီးသတင်းစာ 7 DAYS မှ တနင်္ဂနွေနေ့တွင် ဖော်ပြခဲ့ခြင်းဖြစ်သည်။

`ဒူဘိုင်းငွေ သန်း ၂၀ (ကန်ဒေါ်လာ ၅ သန်း) တန်တဲ့ ကျွန်တော့်ရဲ့ ဂျင်မ်ကိုပေးဖို့ မေ၀ယ်သာကို ကျွန်တော် ကမ်းလှမ်းပါတယ်။ အမီးရ်ခန်းနဲ့ပွဲမှာ နိုင်ရင်ပေါ့ဗျာ´ ဟု အဲလ်ဒရ်ှက ပြောကြားခဲ့သည်။ ဗြိတိန်လက်ဝှေ့ ကျော် အမီးရ်ခန်းမှာ အဲလ်ဒရှ်၏ အဆိုပါ ဂျင်မ်သို့ မကြာသေးမီကပင် လာရောက် လည်ပတ်ခဲ့သည်။

အသက် ၃၇ နှစ်အရွယ် ရှိပြီဖြစ်သည့် မေ၀ယ်သာမှာ ယခုအချိန်အထိ ရှုံးပွဲမရှိသေးပဲ အဲလ်ဒရ်ှကမူ မေ၀ယ်သာနှင့် အမီးရ်ခန်း ထိုးသတ်ပွဲဖြစ်လာပါက အမီးရ်ခန်းသာ အနိုင်ရမည်ဟု ယုံကြည်နေသည်။

`ဒီဂျင်မ်ကို ကျွန်တော်ဆောက်ထားတာဖြစ်ပြီး ကြိုက်လည်းကြိုက်ပါတယ်။ ဒါပေမယ့် မေ၀ယ်သာဟာ အမီးရ်ခန်းကို မနိုင်နိုင်ပါဘူး။ အမီးရ်ခန်းရဲ့ လျင်မြန်မှုကို သူမယှဉ်နိုင်ပါဘူး´ ဟု ၎င်းက ထပ်လောင်းပြောကြားခဲ့သည်။

အမီးရ်ခန်းမှာ ၎င်းအနေဖြင့် မေ၀ယ်သာနှင့် ကြိုဝိုင်းအတွင်းတွင် တွေ့ဆုံချင်သည်ဟု မကြာခဏ ပြောကြားထားသည်။

`ကျွန်တော်ရဲ့ ၂၀၁၅ ရည်ရွယ်ချက်ကတော့ မေ၀ယ်သာကို အနိုင်ရဖို့ပါ´ ဟု ယခုလအစောပိုင်းတွင် ခန်းက ၎င်း၏ Twitter စာမျက်နှာ၌ ရေးသားဖော်ပြခဲ့သည်။

Ref: alarabiya

January 20, 2015
အစ္စလာမ်ဘာသာဝင်များနှင့် ပတ်သက်၍ စွပ်စွဲပြောဆိုမိခဲ့သည့်အတွက် Fox သတင်းဌာန ပြန်လည်တောင်းပန်

ဇန်န၀ါရီ ၂၀၊ ၂၀၁၅
M-Media

– ပြီးခဲ့သည့်တစ်ပတ်က ထုတ်လွှင့်တင်ဆက်ခဲ့သော`အကြမ်းဖက်ဝါဒ ခွဲခြမ်းစိတ်ဖြာခြင်း´ အစီအစဉ်တွင် အစ္စလာမ်ဘာသာဝင်များနှင့် ပတ်သက်၍ စွပ်စွဲပြောဆိုခဲ့မှုအတွက် အမေရိကန် နာမည်ကြီး Fox သတင်းဌာနက စနေနေ့တွင် တောင်းပန်လိုက်သည်ဟု သိရသည်။

ဧည့်သည်တစ်ဦးအား ဖိတ်ခေါ်၍ ဆွေးနွေးသည့် အဆိုပါအစီအစဉ်တွင် ဧည်သည့်အဖြစ် တက်ရောက်လာသူ စတီဗင်အီမာဆန်က ဥရောပရှိ မြို့အများစု မှာ မွတ်စလင်များပြည့်နေပြီး မွတ်စလင်မဟုတ်သူများ ၀င်ရောက် စီးပွားရေး မလုပ်ရဲသော ပြေးစရာမရှိသည့် မြေများ ဖြစ်လာသည်ဟု ပြောကြားခဲ့သည်။

အီမာဆန်၏ အခြေအမြစ်မရှိသော ထိုပြောကြားမှုအတွက် ဝေဖန်မှုများ ထွက်ပေါ် လာခဲ့ပြီး Twitter အသုံးပြုသူများကလည်း #FoxnewsFacts အမည်ဖြင့် Fox သတင်းဌာနကို လှောင်ပြောင်သရော်ခဲ့ကြသည်။ အီမာဆန်က ဗြိတိန်ရှိ ဘာမင်ဂမ်မြို့မှာ မွတ်စလင်မြို့ဖြစ်နေကာ မွတ်စလင်မဟုတ်သူများ မ၀င်ကြဟု အဆိုပါအစီအစဉ်တွင် ထည့်သွင်းပြောကြားခဲ့ပြီး ဗြိတိန်ဝန်ကြီးချုပ် ဒေးဗစ် ကင်မရွန်းကမူ ထိုပြောကြားမှုအားရှုတ်ချခဲ့ပြီး အီမာဆန်မှာ `လုံးဝ အသိဥာဏ် မရှိသောသူ´ သာဖြစ်သည်ဟု ပြန်လည်တုံ့ပြန်ခဲ့သည်။

ထိုသို့ ဝေဖန်ဆန့်ကျင်မှုများကို ခံခဲ့ရပြီးနောက် Fox သတင်းဌာနက ဇန်န၀ါရီ ၁၇ ရက် စနေနေ့တွင် ၎င်းတို့၏ ထိုအစီအစဉ်အတွက် ၄ ကြိမ်တိုင်တိုင် တောင်းပန်ခဲ့သည်။

`(ပြင်သစ်နဲ့ ယူကေတို့မှာ) မွတ်စလင်ဇုန်ဆိုပြီး သီးခြားသတ်မှတ်ထားတာမျိုး မရှိသလို၊ ဘာသာတရားကိုလိုက်ပြီး လူအုပ်စုတစ်ခုကို သီးသန့်ဖယ်ထုတ်ထားတဲ့ နေရာမျိုး အဲဒီနိုင်ငံတွေမှာ ရှိနေတယ်ဆိုတဲ့ တိကျခိုင်မာတဲ့ သတင်းအချက် အလက်လည်း မရှိပါဘူး´ ဟု Fox သတင်းဌာန၏ အစီစဉ်ကြေညာသူ ဂျူလီ ဘန်ဒရက်စ်က တောင်းပန်မှုတွင် ထည့်သွင်းပြောကြားခဲ့သည်။

Fox သတင်းဌာနတွင် Justice with Judge Jeanine အစီအစဉ်ကို စီစဉ်တင်ဆက်သူ ဂျင်းနီ ပီရ်ရိုကလည်း ၎င်း၏ အစီအစဉ်တွင် အီမာဆန်၏ အခြေအမြစ်မရှိသော ပြောကြားချက်ကို ထည့်သွင်းဖော်ပြခဲ့မိသည့်အတွက် တောင်းပန်ခဲ့သည်။

`ဧည့်သည်က တကယ့်အမှားတစ်ခုကို ကျူးလွန်ခဲ့ပြီး ကျွန်မတို့ကလည်း ဒီလို မမှန်ကန်တာကို ပြောကြားခွင့်ပေးခဲ့ပါတယ်´

အီမာဆန်မှာ အကျိုးအမြတ်မယူသည့် အဖွဲ့တစ်ခုဖြစ်သော Investigative Project on Terrorism အဖွဲ့ကို တည်ထောင်ထားသူဖြစ်ပြီး ၎င်းကိုယ်တိုင်က လည်း Twitter စာမျက်နှာတွင် ဇန်န၀ါရီ ၁၂ ရက်နေ့က တောင်းပန်ခဲ့သည်။

`ဘာမင်ဂမ်နဲ့ပတ်သက်ပြီး ကျွန်တော့်ရဲ့ မှတ်ချက်တွေဟာ လုံးဝ တိကျမှန်ကန်မှု မရှိပါဘူး။ ကျေးဇူးပြုပြီး ကျွန်တော့်ရဲ့ တောင်းပန်မှုကို လက်ခံပေးပါ ဘာမင်ဂမ်။ ကျွန်တော်မှားခဲ့ပါတယ်- စတီဗင် အီမာဆန်´

Ref : mashable.com

January 20, 2015