ဇန်နဝါရီ ၁၃၊ ၂၀၂၀
M-Media
-ယူကရိန်း ခရီးသည်တင်လေယာဉ်ကို မှားယွင်းပစ်ချလိုက်တယ်လို့ အီရန်အစိုးရက ဝန်ခံခဲ့ပြီးတဲ့နောက် အီရန်ပြည်သူတွေဟာ ဆန္ဒပြမှုအကြီးအကျယ် ပြုလုပ်လာကြပြီး အစိုးရတာဝန်ရှိသူတွေ နှုတ်ထွက်ပေးဖို့ တောင်းဆိုနေကြပါတယ်။
ခရီးသည် ၁၇၆ ဦး တင်ဆောင်လာပြီး ယူကရိန်းနိုင်ငံ ကိဗ်မြို့ကို ထွက်ခွာမယ့် PS752 လေယာဉ်ဟာ တီဟီရန်မြို့ ခိုမေနီလေဆိပ်က ပြန်တက်ပြီး သိပ်မကြာခင်မှာ ပျက်ကျသွားခဲ့တာပါ။
စက်ချို့ယွင်းမှုကြောင့် ပျက်ကျတာလို့ အစပိုင်းမှာ အီရန်က ပြောကြားခဲ့ပေမယ့် နောက်ပိုင်းမှာတော့ ဒုံးခွင်းစနစ်နဲ့ မှားယွင်းပစ်မိတာလို့ ဝန်ခံခဲ့ပါတယ်။ အီရတ်က အမေရိကန် စစ်စခန်း ၂ ခုကို တိုက်ခိုက်ပြီး နာရီပိုင်းအကြာမှာ ဒီအဖြစ်အပျက် ဖြစ်ပွားခဲ့တာပါ။
မှားယွင်းပစ်ခတ်မိတယ်လို့ အစိုးရက ဝန်ခံခဲ့ပြီးတဲ့နောက် တနင်္ဂနွေနေ့ကစလို့ မြို့တော် တီဟီရန်နဲ့ အခြားမြို့ကြီးတွေမှာ အီရန်ပြည်သူတွေဟာ အကြီးအကျယ်ဆန္ဒပြနေကြပါတယ်။
ဆန္ဒပြသူတွေဟာ အစိုးရဆန့်ကျင်ရေး ကျွေးကြော်သံတွေ ဟစ်အော်ကာ ထိပ်တန်းအရာရှိတွေ နှုတ်ထွက်ဖို့ တောင်းဆိုခဲ့ကြပါတယ်။ ဆန္ဒပြနေရာတွေမှာ တော်လှန်ရေးအစောင့်တပ်ဖွဲ့အပါအ၀င် အီရန်ရဲ့ လုံခြုံရေးတပ်ဖွဲ့ဝင်တွေ၊ အများအပြားချထားပြီး အင်အားသုံးနှိမ်နှင်းမှုတွေ လုပ်ဆောင်နေပါတယ်။
နိုင်ငံတကာ တုန့်ပြန်မှု
အမေရိကန်သမ္မတ ဒေါ်နယ်ထရမ့်က အီရန်အစိုးရအနေနဲ့ ဆန္ဒပြသူတွေကို အင်အားသုံး မနှိမ်နှင်းသင့်ပဲ ကမ္ဘာကြီး အထူးသဖြင့် အမေရိကန်က စောင့်ကြည့်နေတယ်လို့ ပြောကြားခဲ့ပါတယ်။
ဆန္ဒပြလူအုပ်နဲ့ ပူးပေါင်းတဲ့ ဗြိတိန်သံအမတ် ဖမ်းဆီးခံရမှုကို ဗြိတိန်အစိုးရက ရှုတ်ချခဲ့ပြီး ဒါဟာ နိုင်ငံတကာ ဥပဒေကို ပေါ်ပေါ်တင်တင် ချိုးဖောက်မှုဖြစ်တယ်လို့ ထုတ်ပြန်ခဲ့ပါတယ်။
Ref: BBC
