မေ ၂၇၊ ၂၀၁၉
M-Media
– ၀န်ထမ်းစည်းကမ်းမလိုက်နာတာကြောင့် ရာထူးကနေ ထုတ်ပယ်ခံရတဲ့ ၀န်ထမ်းအရေအတွက်ဟာ တစ်နေ့ကို ပျမ်းမျှ ၂ ဦးအထိ ရှိနေတယ်လို့ ပြည်ထောင်စု ရာထူးဝန်အဖွဲ့က ထုတ်ပြန်ပါတယ်။
ပြီးခဲ့တဲ့နှစ်အတွင်း ၀န်ထမ်းပေါင်း ၂၃၇၇ ဦးကို အရေးယူခဲ့ပြီး အဲဒီအထဲမှာ ၇၃၉ ဦးကို ထုတ်ပယ်ခဲ့တယ်လို့ အဖွဲ့ရဲ့အမြဲတမ်းအတွင်းဝန် ဦးခင်မောင်ဝင်းက သတင်းစာရှင်းလင်းပွဲမှာ ပြောကြားခဲ့ပါတယ်။ ၀န်ထမ်း ၁၆၃၈ ဦးကိုတော့ ရာထူးအပြောင်းအရွှေ့ လုပ်ခဲ့တယ်လို့ ဆိုပါတယ်။
ဝန်ထမ်းတွေဟာ ခွင့်မဲ့ပျက်ကွက်မှု၊ ၀န်ထမ်းဆိုင်ရာ စည်းမျဉ်းတွေကို ချိုးဖောက်မှု၊ ရန်ပုံငွေ အလွဲသုံးစားလုပ်မှု၊ ခြစားမှု၊ ပေးအပ်ထားတဲ့ တာဝန်လစ်ဟင်းမှု စတာတွေအပါအ၀င် စည်းကမ်းချိုးဖောက်မှုတွေကြောင့် အရေးယူခံရတာ ဖြစ်ပါတယ်။
အရေးယူခံရမှု အများဆုံး ၀န်ကြီးဌာနက အားကစားနှင့် ကျန်းမာရေး ၀န်ကြီးဌာနဖြစ်ပြီး စုစုပေါင်း ဦးရေ ၈၃၀ ရှိကာ၊ ပြည်ထဲရေးဝန်ကြီးဌာနမှာ အရေးယူခံရသူ ၃၆၀ ရှိပါတယ်။
ပြည်ထောင်စု ရာထူးဝန်အဖွဲ့ရဲ့ မှတ်တမ်းအရ မြန်မာနိုင်ငံမှာ ပြည်ထောင်စုအဆင့်၊ တိုင်းဒေသကြီးနှင့် ပြည်နယ်အဆင့် ၀န်ထမ်းအရေအတွက်ဟာ ၉ သိန်းခန့် ရှိတယ်လို့ သိရပါတယ်။
Ref: mmtimes
(Myanmar Times အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုပါသည်)
