News @ M-Media

Author: Ko Lay

  • ယူကေ၏ ပထမဆုံး Eco-friendly ဗလီသစ်တစ်လုံး ကမ်းဘရစ်ခ်ျမြို့တွင် ဖွင့်လှစ်

    ယူကေ၏ ပထမဆုံး Eco-friendly ဗလီသစ်တစ်လုံး ကမ်းဘရစ်ခ်ျမြို့တွင် ဖွင့်လှစ်

    ဧပြီ ၂၆၊ ၂၀၁၉
    M-Media

    – နောက်ဆုံးပေါ် သဘာဝပတ်ဝန်းကျင် ထိန်းသိမ်းရေး နည်းလမ်းတွေကို အသုံးပြု တည်ဆောက်ထားတဲ့ ယူကေရဲ့ ပထမဆုံး Eco-friendly ဗလီဝတ်ကျောင်းတော်သစ်ကို ဗုဒ္ဓဟူးနေ့က ကမ်းဘရစ်ခ်ျမြို့မှာ ဖွင့်လှစ်ခဲ့ပြီး ၂၁ ရာစု ဗြိတိန်မှာ ‘ယဉ်ကျေးမှု ပေါင်းကူးပေမယ့်’ အဆောက်အဦး ဖြစ်တယ်လို့ ဆောက်လုပ်ပေးခဲ့တဲ့ ဗိသုကာ ပညာရှင်တွေက ပြောကြားလိုက်ပါတယ်။

    Cambridge Central Mosque (ကမ်းဘရစ် ဂျာမေဗလီ) လို့ အမည်ပေးထားတဲ့ အဲဒီ ၀တ်ကျောင်းတော်ဟာ စတာလင်ပေါင် ၂၃ သန်း ကုန်ကျခဲ့ပြီး တစ်ချိန်တည်း လူပေါင်း ၁၀၀၀ လောက်ဝတ်ပြုဆုတောင်းနိုင်မှာ ဖြစ်ပါတယ်။ ဗလီကို ၁၀ စုနှစ်တစ်ခုကြာ အချိန်ယူတည်ဆောက်ခဲ့ပြီးတဲ့နောက် ဗုဒ္ဓဟူးနေ့မှာ ဖွင့်လှစ်နိုင်ခဲ့ပါတယ်။

    ဂေါပကအဖွဲ့ ပြောရေးဆိုခွင့်ရှိသူ ဒေါက်တာ အဘ်ဒဲလ် မူရဒ်က ကမ်းဘရစ်ခ်ျမြို့မှာ အစ္စလာမ်ဘာသာဝင် ၆ ထောင်လောက်ရှိပြီး ၀တ်ပြုဆောင်အသေးတွေမှာ ကြပ်ကြပ်တည်းတည်း ၀တ်ပြုနေရတယ်လို့ ပြောကြားခဲ့ပါတယ်။ မြို့မှာ အစ္စလာမ်ဘာသာဝင်တွေ တည်ရှိမှုဟာ အနည်းဆုံး နှစ် ၁၀၀ လောက် ရှိခဲ့ပေမယ့် အခုလို သီးသန့် ၀တ်ပြုရာနေရာတစ်ခု တည်ရှိဖို့ အချိန်ကြန့်ကြာခဲ့တယ်လို့လည်း သူက ဆိုပါတယ်။

    ‘ကမ်းဘရစ်ခ်ျ ဂျာမေဗလီ’ ကို Marks Barfield Architects ဗိသုကာအဖွဲ့က ဒီဇိုင်းဆွဲ တည်ဆောက်ခဲ့တာဖြစ်ပါတယ်။ ဒီဗလီဝတ်ကျောင်းတော် ဆောက်လုပ်ဖို့အတွက် ကန့်ကွက်မှုတွေ ရှိနေပေမယ့် ထောက်ခံမှုက ပိုများတယ်လို့ ကမ်းဘရစ်ခ်ျ အုပ်ချုပ်ရေးကောင်စီက အရင်တုန်းက ထုတ်ပြန်ပြောကြားခဲ့ပါတယ်။ ဗလီဝတ်ကျောင်းတော် ဆောက်လုပ်ဖို့ ခွင့်ပြုချက်ကို ၂၀၁၂ ခုနှစ်မှာ ထုတ်ပေးခဲ့တာ ဖြစ်ပါတယ်။

    ယဉ်ကျေးမှုပေါင်းကူးမည်

    ဗလီဝတ်ကျောင်းတော် အတွင်းပိုင်း

    ဗလီဝတ်ကျောင်းတော်မှာ ၀တ်ပြုဆောင်၊ ကိုယ်လက်သန့်စင်ခန်း၊ ရှေ့ဆောင်အီမာမ် နေထိုင်ရာအဆောင်နဲ့ ဧည့်ဆောင်တွေ ပါဝင်ပါတယ်။ ဒါ့အပြင် ကားအစီးပေါင်း ၈၀ နဲ့ စက်ဘီး ၃၀၀ လောက် ရပ်နားနိုင်မယ့် ပါကင်လည်း ပါဝင်ပါတယ်။

    ဗလီအဆောက်အဦးဟာ ကာဘွန်ထုတ်လွှတ်မှု လုံးဝ ရှိမှာမဟုတ်တဲ့အတွက် သဘာဝပတ်ဝန်းကျင်ကို ထိခိုက်မှာ မဟုတ်ပါဘူး။ ရေအတွက် မိုးရေကို သိုလှောင်သုံးစွဲပြီး၊ လျှပ်စစ်မီးအတွက် နေရောင်ခြည်နဲ့ လေတို့လို ပြန်ပြည့်ဖြိုးမြဲစွမ်းအင်ကို အသုံးပြုတာ ဖြစ်ပါတယ်။

    ဂေါပကအဖွဲ့ဝင် မူရဒ်က သဘာဝပတ်ဝန်းကျင်ကို မထိခိုက်စေတဲ့ ဗလီဝတ်ကျောင်းတော်မျိုး တည်ဆောက်ဖို့ အတွေးဟာ သဘာဝလောကကြီးကို ထိန်းသိမ်းစောင့်ရှောက်ဖို့ တိုက်တွန်းတဲ့ အစ္စလာမ့်အဆုံးအမကို အခြေခံတယ်လို့ ထည့်သွင်းပြောဆိုခဲ့ပါတယ်။

    အဆောက်အဦးရဲ့ အဓိက ဗိသုကာပညာရှင် အမျိုးသမီး ဂျူလီယာ ဘာဖီးလ်က ‘၂၁ ရာစု ဗြိတိသျှစတိုင်စစ်စစ် ဗလီဝတ်ကျောင်းတော်’ ဖြစ်လာအောင် ဒီဇိုင်ဆွဲခဲ့တာလို့ ပြောကြားခဲ့ပါတယ်။

    “ဒီဗလီဝတ်ကျောင်းတော်ဟာ ယဉ်ကျေးမှုပေါင်းကူးတံတား ဖြစ်လာမှာပါ။ ကမ္ဘာပေါ်က အကြီးဆုံး ဘာသာရေးအုပ်စုတစ်ခုရဲ့ သဘာဝတ်ဝန်းကျင် ထိန်းသိမ်းရေးဆိုင်ရာ သတင်စကားတစ်ခုလည်း ဖြစ်ပါတယ်”

    Ref: BBC

  • ကားပျံများက သဘာဝပတ်ဝန်းကျင်ကို ပိုမိုအထောက်အကူပြုမည်ဟု ပညာရှင်များ သုံးသပ်

    ကားပျံများက သဘာဝပတ်ဝန်းကျင်ကို ပိုမိုအထောက်အကူပြုမည်ဟု ပညာရှင်များ သုံးသပ်

    ဧပြီ ၂၆၊ ၂၀၁၉
    M-Media

    – အနာဂတ်မှာ ပေါ်ထွက်လာမယ့် ကားပျံတွေဟာ ဖန်လုံအိမ် ဓာတ်ငွေ့ကို ပိုမိုလျှော့ချနိုင်ပြီး ရာသီဥတု ပြောင်းလဲမှုကြောင့် ဖြစ်ပေါ်လာမယ့် ဆိုးကျိုးတွေကို ပိုမိုလျော့ပါးစေလိမ့်မယ်လို့ မကြာသေးခင်က အမေရိကန်နိုင်ငံမှာ ပြုလုပ်ခဲ့တဲ့ သုတေသနတစ်ခုမှာ တွေ့ခဲ့ရပါတယ်။

    ကမ္ဘာတစ်ဝှမ်းက နည်းပညာကုမ္ပဏီတွေဟာ အများပြည်သူ သယ်ယူပို့ဆောင်ရေးမှာ အသုံးပြုနိုင်မယ့် ကားပျံတွေကို အပြိုင်အဆိုင် တီထွင်ထုတ်လုပ်နေကြပြီး လာမယ့် ၁၀ စုနှစ်မှာ ကျယ်ကျယ်ပြန့်ပြန့် သုံးစွဲဖို့ စီစဉ်နေပါတယ်။ ဒေါင်လိုက် အတက်အဆင်း ပြုလုပ်နိုင်မယ့် VTOL လို့ခေါ်တဲ့ အဲဒီ ကားပျံတွေဟာ လက်ရှိမှာတော့ နမူနာအဆင့်မှာ ရှိနေပါသေးတယ်။

    မီချီဂန်တက္ကသိုလ်နဲ့ Ford မော်တော်ကား ကုမ္ပဏီက ပညာရှင်တွေဟာ လျှပ်စစ်ဓာတ်အားနဲ့ မောင်းနှင်မယ့် ကားပျံတွေရဲ့ အချိန်နဲ့ စွမ်းအင် ချွေတာနိုင်မှု၊ ဘာဝပတ်ဝန်းကျင်အပေါ် ရိုက်ခတ်မှုတွေကို နမူနာထုတ်ထားတာတွေကိုကြည့်ကာ လေ့လာဆန်းစစ်ခဲ့ပြီး အခုလအစောပိုင်းက Nature Communications ဂျာနယ်မှာ ဖော်ပြခဲ့ပါတယ်။

    ‘လေပေါ်တက္ကဆီ’ လို့အမည်ပေးထားပြီး အမြင့်ပေ ၁၀၀၀ နဲ့ ၂၀၀၀ ကြားမှာ တစ်နာရီကို မိုင် ၁၅၀ နဲ့ ၂၀၀ ကြားအထိ မောင်းနှင်နိုင်မယ့် Uber ကုမ္ပဏီထုတ် ကားပျံဟာ လေယာဉ်မှူးတစ်ဦး၊ ခရီးသည် ၃ ဦးအပြည့်နဲ့ အသုံးပြုမယ်ဆိုရင် ၆၂ မိုင်သွားတိုင်း သာမန်ကားတွေထက် ကာဘွန်ဒိုင်အောက်ဆိုက် ထုတ်လွှတ်မှု ၅၂ ရာခိုင်နှုန်း လျော့နည်းသွားတာကို လေ့လာမှုမှာ တွေ့ခဲ့ရပါတယ်။ သာမန် လျှပ်စစ်ကားတွေနဲ့ယှဉ်ရင်တော့ ကာဘွန်ထုတ်လွှတ်မှုကို ၆ ရာခိုင်နှုန်း လျှော့ချနိုင်မှာ ဖြစ်ပါတယ်။

    ကားပျံတွေဟာ လက်ရှိအသုံးပြုနေတဲ့ လျှပ်စစ်ကားတွေနဲ့ယှဉ်ရင် ခရီးတိုတွေမှာ သိပ်ပြီး ထူးခြားမှုမရှိပေမယ့် ခရီးဝေးသွားမယ်၊ ကားနဲ့ သွားရခက်တဲ့နေရာတွေကို သွားရောက်မယ်ဆိုရင် စွမ်းအင်နဲ့ အချိန်ချွေတာမှု၊ သဘာဝပတ်ဝန်းကျင် ထိန်းသိမ်းစောင့်ရှောက်မှုတွေအတွက် ပိုမို အကျိုးဖြစ်ထွန်းမယ်လို့လည်း လေ့လာမှုမှာ တွေ့ခဲ့ရပါတယ်။ အသံဆူညံမှုနဲ့ ထုတ်လုပ်မှု ကုန်ကျစားရိတ် လျှော့ချနိုင်ရေး သုတေသနတွေ ထပ်လုပ်ဖို့ လိုအပ်တယ်လို့လည်း သုတေသန ပညာရှင်တွေက သုံးသပ်ခဲ့ပါတယ်။

    Ref :CNN

  • IS အကြမ်းဖက်များ ဖိလစ်ပိုင်တောင်ပိုင်းနှင့် ရခိုင်ပြည်နယ်ကိုဝင်ရန် ကြိုးစားနေသည်ဟု မလေးရှား သတိပေး

    IS အကြမ်းဖက်များ ဖိလစ်ပိုင်တောင်ပိုင်းနှင့် ရခိုင်ပြည်နယ်ကိုဝင်ရန် ကြိုးစားနေသည်ဟု မလေးရှား သတိပေး

    ဧပြီ ၂၆၊ ၂၀၁၉
    M-Media

    ၂၀၁၇ ခုနှစ်အတွင်းက IS သံသယရှိသူတစ်ဦးကို မလေးရှားအထူးတပ်ဖွဲ့က ဖမ်းဆီးမှု

    – IS စစ်သွေးကြွတွေဟာ ဆာဘားပြည်နယ်က ဒေသနှစ်ခုကို အခြေပြုပြီး ဖိလစ်ပိုင်တောင်ပိုင်းနဲ့ မြန်မာနိုင်ငံက ရခိုင်ပြည်နယ်တို့ကို ၀င်ရောက်ဖို့ ကြိုးစားနေတယ်လို့ မလေရှားရဲချုပ် မိုဟာမက် ဖူဇီ ဟာရွန်က မနေ့မှာ ပြောကြားလိုက်ပါတယ်။

    အီရတ်နဲ့ ဆီးရီးယားတို့မှာ အမြစ်ဖြတ် ချေမှုန်းမှုတွေနဲ့ ကြုံတွေ့နေရတဲ့ IS အကြမ်းဖက်အဖွဲ့ဟာ မလေးရှားနိုင်ငံ ဆာဘားပြည်နယ်ကနေတစ်ဆင့် အရှေ့တောင်အာရှမှာ ၀င်ရောက်လှုပ်ရှားနိုင်ဖို့အတွက် စီစဉ်ဆောင်ရွက်နေတာဖြစ်တယ်လို့ အီပိုးမြို့မှာပြုလုပ်တဲ့ ရဲတပ်ဖွဲ့ ဆုတံဆိပ်ချီးမြှင့်ပွဲ အခမ်းအနားတစ်ခုမှာ ရဲချုပ်က ထည့်သွင်းပြောဆိုခဲ့ပါတယ်။

    “အခြေအနေကို တစ်ချိန်လုံး အနီးကပ်စောင့်ကြည့်နေပြီး ဖိလစ်ပိုင်တောင်ပိုင်းကို ၀င်ရောက်ဖို့ ကြိုးစားနေတဲ့ စစ်သွေးကြွတွေကို ဖမ်းဆီးတာတွေလည်း ရှိပါတယ်။ ကျွန်တော်တို့နိုင်ငံသားတွေတင်မကဘဲ နိုင်ငံခြားသားတွေလည်း ပါဝင်ပါတယ်”

    မလေးရှား ကာကွယ်ရေးဝန်ကြီး မိုဟာမက် ဆာဘူးကလည်း IS အကြမ်းဖက်အဖွဲ့ဟာ အီရတ်နဲ့ ဆီးရီးယားတို့မှာ ရှုံးနိမ့်သွားပေမယ့်  ကွက်ပျောက်မသွားသေးဘဲ သူတို့လေ့ကျင့်ပေးထားတဲ့ အကြမ်းဖက်သမားတွေဟာ ကမ္ဘာတစ်ဝှမ်း ပြန့်နှံ့နေပြီး ကမ္ဘာ့ငြိမ်းချမ်းရေးနဲ့ လုံခြုံရေးအတွက် ခြိမ်းခြောက်မှုတစ်ခု ဖြစ်နေတယ်လို့ ပြောကြားဖူးပါတယ်။

    ရဲချုပ်က IS ရဲ့ အင်အားဟာ အရင်က ၄၅၀၀၀ လောက် ရှိခဲ့ပေမယ့် အခုအချိန်မှာ ၃၅၀၀၀ လောက်ပဲ ရှိတော့တယ်လို့ ဆိုပါတယ်။

    “ဒါဟာ သက်ဆိုင်ရာအေဂျင်စီတွေနဲ့ ပူးပေါင်းဆောင်ရွက်ပြီး ရရှိလာတဲ့ ထောက်လှမ်းရေးသတင်းအချက်အလက်ပါ။ ဖိလစ်ပိုင်တောင်ပိုင်းနဲ့ မြန်မာနိုင်ငံက ရခိုင်ပြည်နယ်တို့ အပါအ၀င် အရှေ့တောင်အာရှဟာ သူတို့ရဲ့ ပစ်မှတ်အသစ်တွေ ဖြစ်လာပါတယ်”

    ဥရောပမှာတော့ IS ဟာ ဘော့စနီးယားလို ဘော်လ်ကန်ဒေသကို အာရုံစိုက်နေတယ်လို့လည်း ဟာရွန်က ထည့်သွင်း ပြောကြားခဲ့ပါတယ်။

    “IS ပြဿနာကို ကျွန်တော်တို့ တစ်ချိန်လုံး အနီးကပ်စောင့်ကြည့်နေပါတယ်။ ဒေသတွင်းမှာတင်မဟုတ်ဘဲ တစ်ကမ္ဘာလုံး အတိုင်းအတာနဲ့ စောင့်ကြည့်နေတာ ဖြစ်ပါတယ်”

    လက်ရှိဝန်ကြီးချုပ် မဟာသီယာမိုဟာမက်နေရာကို ဆက်ခံမယ်လို့ သတင်းထွက်နေတဲ့ PKR ပါတီဥက္ကဌ အန်ဝါရ် အီဘရာဟင်က အစ္စလာမ်ခေါင်းစဉ်တပ်ပြီး မွတ်စလင်တွေကြားထဲမှာ အကြမ်းဖက်ဝါဒ ပြန့်ပွားအောင် ကြိုးစားနေတဲ့ ဘာသာရေး အစွန်းရောက်အုပ်စုတွေကို သတိထား တွန်းလှန်ကြဖို့ အစ္စလာမ့်အဖွဲ့အစည်းတွေကို တိုက်တွန်းခဲ့ပါတယ်။

    “IS က သီရိလင်္ကာက ဘုရားကျောင်းတွေနဲ့ ဟိုတယ်တွေကို အသေခံ ဗုံးခွဲတိုက်ခိုက်မှုတွေကို ကျွန်တော် ပြင်းပြင်းထန်ထန်  ရှုတ်ချပါတယ်။ ဒီလို အကြမ်းဖက်တဲ့လုပ်ရပ်ဟာ ကုရ်အာန်ကျမ်းတော်မြတ်ရဲ့ အဆုံးအမနဲ့ ဆန့်ကျင်နေပါတယ်”

    Ref: Malaysia Kini

  • ဗုံးခွဲမှုများကြောင့် သေဆုံးသူအရေအတွက်ကို သီရိလင်္ကာပြင်ဆင်၊ မူလ ထုတ်ပြန်မှုမှ ၁၀၀ ကျော်လျော့နည်း

    ဗုံးခွဲမှုများကြောင့် သေဆုံးသူအရေအတွက်ကို သီရိလင်္ကာပြင်ဆင်၊ မူလ ထုတ်ပြန်မှုမှ ၁၀၀ ကျော်လျော့နည်း

    ဧပြီ ၂၆၊ ၂၀၁၉
    M-Media

    သေဆုံးသူများ၏ ဈာပနအခမ်းအနား မြင်ကွင်း

    – ပြီးခဲ့တဲ့တစ်ပတ်က နိုင်ငံတစ်ဝှမ်း ဗုံးကွဲမှုတွေကြောင့် သေဆုံးသူအရေအတွက်ကို သီရိလင်္ကာ နိုင်ငံက ပြင်ဆင်ထုတ်ပြန်လိုက်ပြီး မူလ ထုတ်ပြန်ထားတာထက် ၁၀၀ ကျော် ကျဆင်းသွားခဲ့ပါတယ်။

    ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုအပါအ၀င် နေရာ ၈ ခုမှာ ဖြစ်ပွားခဲ့တဲ့ ဗုံးခွဲမှုတွေအတွင်း သေဆုံးသူ အရေအတွက်ဟာ ၂၅၃ ဦး ရှိတယ်လို့ မနေ့က ပြင်ဆင်ထုတ်ပြန်မှုမှာ ဖော်ပြထားပါတယ်။ ဒါဟာ အရင်ထုတ်ပြန်ချက် ၃၅၉ ဦးကနေ ၁၀၀ ကျော် ကျဆင်းသွားတာဖြစ်ပါတယ်။

    သီရိလင်္ကာ ကျန်းမာရေးဝန်ကြီးဌာနက သေဆုံးသူတွေဟာ ခန္ဓာကိုယ်အစိတ်အပိုင်းတွေ ပြန့်ကျဲနေတဲ့အတွက် အရေအတွက်တွေ ပိုတွက်မိတာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

    “သေဆုံးသူ တော်တောများများရဲ့ ခန္ဓာကိုယ်တွေဟာ ဆိုးဆိုးဝါးဝါး ပြတ်တောက်နေတာကြောင့် ၂ ခါတွက်မိသလို ဖြစ်သွားတာပါ”

    ကျန်းမာရေးဝန်ကြီးဌာနရဲ့ အခုထုတ်ပြန်ချက်အသစ်ဟာ အလောင်းစစ်ဆေးမှုတွေ၊ DNA တိုက်ဆိုင်စစ်ဆေးမှုတွေ ပြုလုပ်ပြီးနောက် ပေါ်ထွက်လာတာ ဖြစ်ပါတယ်။

    တာဝန်ရှိသူများ နှုတ်ထွက်

    တိုက်ခိုက်မှုကို နိုင်ငံအတွင်း မွတ်စလင်အဖွဲ့နှစ်ခုဖြစ်တဲ့ National Thowheed Jamaat နဲ့ Jammiyathul Millathu Ibrahim တို့က ပူးပေါင်းလုပ်ဆောင်တာဖြစ်တယ်လို့ သီရိလင်္ကာအစိုးရက ထုတ်ပြန်ခဲ့ပါတယ်။ IS အကြမ်းဖက်အဖွဲ့က ဖောက်ခွဲမှုတွေဟာ သူတို့ရဲ့လက်ချက် ဖြစ်တယ်လို့ ပြောဆိုထားပေမယ့် အာဏာပိုင်တွေက ပါဝင်မှုအတိုင်းအတာ ဘယ်လောက်အထိရှိလဲ ဆိုတာကို စုံစမ်းစစ်ဆေးမှုတွေ ပြုလုပ်နေပါတယ်။

    တိုက်ခိုက်မှုတွေကို အသေခံဗုံးခွဲသမား ၉ ဦးက လုပ်ဆောင်ခဲ့တာလို့ အစိုးရရဲ့ ထုတ်ပြန်ချက်မှာ ဖော်ပြထားပါတယ်။ ဒီလိုဆောင်ရွက်မယ်ဆိုတာကို သတင်းအတိအကျ ရပေမယ့် ထိထိရောက်ရောက်မတားဆီးခဲ့တဲ့အပေါ် သီရိလင်္ကာအစိုးရကို ဝေဖန်မှုတွေ ရှိနေပါတယ်။

    ကာကွယ်ရေးဝန်ကြီး ဟီမာဆီရီ ဖာနန်ဒိုက တိုက်ခိုက်မှုတွေကို မတားဆီးနိုင်တာကို တာဝန်ယူတဲ့အနေနဲ့ ရာထူးကနေ နှုတ်ထွက်တော့မယ်လို့ ကြေငြာခဲ့ပါတယ်။ ဒါပေမယ့် သူ့ဘက်က အမှားအယွင်း မလုပ်ခဲ့ဘူးလို့ ထည့်သွင်းပြောဆိုခဲ့ပါတယ်။

    ပြီးခဲ့တဲ့ တနင်္ဂနွေနေ့ ဗုံးခွဲတိုက်ခိုက်မှုတွေ ဖြစ်ပွားပြီးနောက်ပိုင်း သီရိလင်္ကာအစိုးရဟာ နိုင်ငံခြားသား အများအပြား အပါအ၀င် လူ ၇၀ ကျော်ကို ဖမ်းဆီးစစ်ဆေးနေပါတယ်။ မနေ့ကတော့ သံသယရှိသူ ၇ ဦးရဲ့ ဓာတ်ပုံကို ထုတ်ပြန်ခဲ့ပြီး ပြည်သူလူထုအနေနဲ့ အဲဒီသူတွေကို တွေ့ရှိရင် သတင်းပေးဖို့ တိုက်တွန်းခဲ့ပါတယ်။

    Ref: Aljazeera

  • ဖုန်း၊ တက်ဘလက်ကြည့်ချိန် များပြားသည့် ကလေးငယ်များတွင် ဖွံ့ဖြိုးမှုပြဿနာ ဖြစ်ပွားနိုင်

    ဖုန်း၊ တက်ဘလက်ကြည့်ချိန် များပြားသည့် ကလေးငယ်များတွင် ဖွံ့ဖြိုးမှုပြဿနာ ဖြစ်ပွားနိုင်

    ဧပြီ ၂၅၊ ၂၀၁၉
    M-Media

    – တီဗီ၊ ကွန်ပျူတာ၊ ဖုန်းနဲ့ တက်ဘလက်တွေကို အချိန်ကြာကြာကြည့်တဲ့ ကလေးငယ်တွေဟာ မှတ်ဉာဏ်၊ အာရုံစူးစိုက်မှုနဲ့ ဘာသာစကားသင်ယူမှု ထိခိုက်တာတွေလို ဖွံ့ဖြိုးမှုပေါ် ဆိုးကျိုးသက်ရောက်နိုင်တယ်လို့ လေ့လာဆန်းစစ်မှုတွေကို ကိုးကားပြီး ပညာရှင်တွေက သတိပေးလိုက်ပါတယ်။

    အီလက်ထရောနစ် ကိရိယာတွေကို အချိန်အများအပြား အသုံးပြုမှုဟာ ကလေးတွေအပေါ် ဘယ်လို ထိခိုက်နိုင်တယ်ဆိုတာနဲ့ပတ်သက်ပြီး ကနေဒါနိုင်ငံ Calgary တက္ကသိုလ်က စိတ်ပညာဆိုင်ရာ လက်ထောက် ပရော်ဖက်ဆာ ရှီရီ မာဒီဂန်ဦးဆောင်တဲ့အဖွဲ့ All Our Families ခေါင်းစဉ်နဲ့ လေ့လာမှုတစ်ခု ပြုလုပ်ခဲ့ပြီး ရလဒ်ကို ဆေးပညာဂျာနယ် JAMA မှာ ပြီးခဲ့တဲ့တစ်ပတ်က ဖော်ပြခဲ့ပါတယ်။

    မာဒီဂန်ရဲ့ လေ့လာဆန်းစစ်မှုမှာ အသက် ၂ နှစ်အရွယ် ကလေးငယ်တွေနဲ့ မိခင်တွေ စုစုပေါင်း ၂၄၄၁ ဦး ပါဝင်ခဲ့ပါတယ်။ တစ်နေ့တာအတွင်း ကလေးငယ်တွေဟာ တီဗီ၊ ကွန်ပျူတာ၊ ဖုန်းနဲ့ တက်ဘလက်တွေလို ကိရိယာတွေရှေ့မှာ အချိန် ဘယ်လောက်များများ ကုန်ဆုံးလဲဆိုတာနဲ့ သူတို့ရဲ့ ဖြစ်ပေါ်တိုးတက်မှုတွေကို မိခင်တွေက သုတေသနအဖွဲ့ကို သတင်းပေးပို့ရတာ ဖြစ်ပါတယ်။

    အရင်က ဒီလိုလေ့လာဆန်းစစ်မှုတွေဟာ အချိန်ကာလ တစ်ခုတည်းအတွက် သတ်မှတ်ပြီး လုပ်ဆောင်ခဲ့ပေမယ့် မာဒီဂန်နဲ့အဖွဲ့က စမ်းသပ်မှုမှာ ပါဝင်တဲ့ ကလေးငယ်တွေ ၅ နှစ်ပြည့်တဲ့အချိန်အထိ စမ်းသပ်မှုကို ၃ နှစ်ကြာ လုပ်ဆောင်ခဲ့ကာ ကလေးတွေရဲ့ ဖြစ်ပေါ်တိုးတက်မှုတွေကို တစ်နှစ်ချင်းစီ စောင့်ကြည့် လေ့လာခဲ့ကြပါတယ်။

    စမ်းသပ်မှုမှာ ပါဝင်တဲ့ ကလေးငယ်တွေဟာ တစ်နေ့ကို ၂ နာရီကနေ ၃ နာရီအထိ တီဗီစခရင်ရှေ့မှာ ကုန်ဆုံးတာကို တွေ့ခဲ့ရပြီး များသောအားဖြင့် ဆက်သွယ်ပြောဆိုမှု စွမ်းရည်၊ ပြဿနာ ဖြေရှင်းနိုင်မှု စွမ်းရည်နဲ့ လူ့အဖွဲ့အစည်းမှာ ပါဝင်လှုပ်ရှားနိုင်မှု စွမ်းရည်တွေ ထိခိုက်တာကို တွေ့ရှိခဲ့ရပါတယ်။ ဒါပေမယ့် အစတည်းက ဖွံ့ဖြိုးမှု နှေးကွေးတဲ့ ကလေးငယ်တွေကို ငြိမ်စေဖို့ မိဘတွေက ဗီဒီယိုတွေ၊ တီဗီတွေကြည့်ခိုင်းတာ၊ ဗီဒီယိုဂိမ်း ကစားခိုင်းတာတွေကြောင့်လည်း ဖြစ်နိုင်တယ်လို့ မာဒီဂန်နဲ့ အဖွဲ့က သုံးသပ်ပါတယ်။

    အမေရိကန် ကလေးဆရာဝန်များအသင်းဖြစ်တဲ့ American Academy of Pediatrics က လမ်းလျှောက်တတ်ကာစအရွယ်တွေနဲ့ ၅ နှစ် ၆ နှစ်အရွယ်တွေ ဖုန်း၊ တက်ဘလက် ကြည့်ချိန်ဟာ တစ်နေ့ကို တစ်နာရီထက် မကျော်စေရဘဲ အဲဒီလိုကြည်တဲ့အခါမှာလည်း အသိဉာဏ်ဖွံ့ဖြိုးစေရေး အထောက်အကူဖြစ်စေတဲ့ ဗီဒီယိုမျိုးတွေ ဖြစ်ရမယ်လို့ အကြံပြု ထုတ်ပြန်ထားပါတယ်။

    Ref : Time