မတ် ၇၊ ၂၀၁၉
M-Media
– ၀ါရှင်တန်အခြေစိုက် ကမ္ဘာ့ တရားဥပဒေစိုးမိုးရေးအဖွဲ့ WJP က ထုတ်ပြန်တဲ့ ၂၀၁၉ ခုနှစ် ကမ္ဘာ့ တရားဥပဒေ စိုးမိုးမှု အညွှန်းကိန်းမှာ မြန်မာနိုင်ငံဟာ အာရှပစိဖိတ်ဒေသ ၁၅ နိုင်ငံမှာ အဆင့် ၁၄ နေရာ ရပ်တည်နေပါတယ်။
ယခုနှစ်အတွက် နိုင်ငံပေါင်း ၁၂၆ နိုင်ငံကို စစ်တမ်းကောက်ယူခဲ့တာဖြစ်ပြီး မြန်မာနိုင်ငံက အဆင့် ၁၁၀ မှာ ရှိပါတယ်။
WJP ရဲ့ တရားဥပဒေစိုးမိုးမှု အညွှန်းကိန်း (Rule of Law Index) ဟာ ကမ္ဘာ့နိုင်ငံတွေရဲ့ တရားဥပဒေ စိုးမိုးမှုနဲ့ပတ်သက်ပြီး အားထားရတဲ့ ရင်းမြစ်တစ်ခုလည်း ဖြစ်ပါတယ်။ နေ့စဉ်ဘ၀ တရားဥပဒေစိုးမိုးမှု အခြေအနေနဲ့ပတ်သက်ပြီး အိမ်ထောင်စုပေါင်း ၁ သိန်း ၂ သောင်းကျော် ပညာရှင်ပေါင်း ၃၈၀၀ လောက်ကို မေးမြန်း စစ်တမ်းကောက်ယူခဲ့တာ ဖြစ်ပါတယ်။
စစ်တမ်းကောက်ယူရာမှာ အစိုးရရဲ့ အာဏာကျုံ့မှု၊ ခြစားမှု ကင်းရှင်းမှု၊ အစိုးရရဲ့ပွင့်လင်းမှု၊ အခြေခံအခွင့်အရေး ရရှိမှု၊ တရားဥပဒေ စိုးမိုးမှု၊ ဥပဒေ သက်ရောက်မှု၊ နိုင်ငံသားအခွင့်အရေးဆိုင်ရာ တရားမျှတမှု၊ ရာဇ၀တ်မှုဆိုင်ရာ တရားမျှတမှု စတဲ့ အဓိက အချက် ၈ ချက်ကို သုံးသပ်တာ ဖြစ်ပါတယ်။
အာရှ-ပစိဖိတ်ဒေသမှာ ကမ္ဘောဒီးယားဟာ အဆင့် အနိမ့်ဆုံးဖြစ်ပြီး သူ့ရဲ့ အထက်မှာ မြန်မာနဲ့ ဖိလစ်ပိုင်တို့ ရှိနေပါတယ်။ မြန်မာနိုင်ငံဟာ ပြီးခဲ့တဲ့နှစ် အညွှန်းကိန်းမှာလည်း အာရှပစိဖိတ်ဒေသမှာ အဆင့် ၁၄ နေရာ ရှိခဲ့ပါတယ်။
WJP ရဲ့ မှတ်ချက်မှာ မြန်မာနိုင်ငံဟာ ဥပဒေစိုးမိုးမှုနဲ့ လုံခြုံရေး ယိုယွင်းလာတယ်လို့ သုံးသပ်ပြီး ရခိုင်ပြည်နယ်မြောက်ပိုင်းက လူသားချင်းစာနာထောက်ထားမှုဆိုင်ရာ ပြဿနာ၊ နိုင်ငံတစ်ဝှမ်း တိုင်းရင်းသားလက်နက်ကိုင်တွေနဲ့ ပြဿနာတွေကို ထောက်ပြထားပါတယ်။
ကမ္ဘာလုံးဆိုင်ရာ ခြုံငုံကြည့်လိုက်ရင်လည်း တရားဥပဒေ စိုးမိုးမှုအခြေအနေဟာ ကျဆင်းလာတယ်လို့ WJP က ဆိုပါတယ်။
“နိုင်ငံတော်တော်များများဟာ စွမ်းဆောင်ရည် တိုးတက်လာရမယ့်အစား ၂ နှစ်ဆက်တိုက် ကျဆင်းသွားတယ်ဆိုတာ စစ်တမ်းတွေက ပြသနေပါတယ်။ ဒီလို ဆက်လက်ကျဆင်းနေမှုက ကမ္ဘာတစ်ဝှမ်း တရားဥပဒေ စိုးမိုးမှု အားနည်းလာမှုဆီ ဦးတည်နေပါတယ်” လို့ WJP ရဲ့ အစီရင်ခံစာမှာ ဖော်ပြထားပါတယ်။
အစိုးရအာဏာ ကျုံ့သွားမှု နောက်ကွယ်က အကြောင်းအရင်းတွေထဲက တစ်ခုဟာ အာဏာရှင်ဝါဒ မြင့်တက်လာမှုကြောင့် ဖြစ်တယ်လို့ WJP က သုံးသပ်ထားပြီး ပြီးခဲ့တဲ့နှစ်အတွင်း နိုင်ငံပေါင်း ၆၁ နိုင်ငံ ကျဆင်းကာ၊ ၂၃ နိုင်ငံက ပုံမှန်အတိုင်းရှိပြီး ၂၉ နိုင်ငံက တိုးတက်လာတယ်လို့ ဆိုပါတယ်။
“ယေဘူယျအနေအထားမှာ တရားဥပဒေစိုးမိုးမှု ကျဆင်းလာတာ၊ အထူးသဖြင့် အစိုးအာဏာကို ထိန်းကျောင်းနိုင်မှုပိုင်းမှာ ကျဆင်းလာတာဟာ တော်တော်လေးကို စိုးရိမ်စရာကောင်းတဲ့ အနေအထားပါ” လို့ အဖွဲ့ရဲ့ အမှုဆောင်ဒါရိုက်တာဖြစ်သူ အဲလိဇဘက် အန်ဒါဆန်က ပြောကြားခဲ့ပါတယ်။
Ref: mmtimes
