Author: Ko Lay

မတ် ၄၊ ၂၀၁၉
M-Media

– မြောက်ကိုရီးယားခေါင်းဆောင် ကင်ဂျုံအွန်ဟာ ရုရှားကို လာရောက်လည်ပတ်မယ်လို့ ရုရှားသမ္မတ ပူတင်ရဲ့ ဆက်ဆံရေးအရာရှိက ဒီကနေ့မှာ အတည်ပြုခဲ့ပြီး အချိန်နဲ့နေရာ အသေးစိတ်ကို နောက်ပိုင်းမှ ထုတ်ပြန်မယ်လို့ ပြောကြားလိုက်ပါတယ်။

ကင်ဂျုံအွန်ဟာ ပြီးခဲ့တဲ့တစ်ပတ်က ဗီယက်နမ်မှာ အမေရိကန်သမ္မတ ဒေါ်နယ်ထရမ့်နဲ့ တွေ့ဆုံပြီး သဘောတူညီချက်မရဘဲ အိမ်ပြန်ခဲ့ရပါတယ်။ ထရမ့်က မြောက်ကိုရီးယားဟာ ပိတ်ဆို့မှုအားလုံး ရုပ်သိမ်းပေးဖို့ တောင်းဆိုတာကြောင့် သဘောတူညီချက် မရခဲ့တာဖြစ်ကြောင်း၊ ဒါပေမယ့် နောက်ထပ် ဆွေးနွေးမှုတွေ
ဆက်လက် လုပ်ဆောင်သွားဖို့ ရှိနေကြောင်း ပြောကြားခဲ့ပါတယ်။

ရုရှားလွှတ်တော်က မြောက်ကိုရီးယားနဲ့ ဆက်ဆံရေးကို တာဝန်ယူဆောင်ရွက်နေတဲ့အဖွဲ့ရဲ့ အဖွဲ့ဝင်တွေဟာ ဧပြီလ ၁၂ ရက်နေ့မှာ ပြုံးယမ်ကို သွားဖို့ရှိတယ်လို့ ရုရှားမီဒီယာတွေက ဖော်ပြပါတယ်။ သမ္မတပူတင်ရဲ့ ဆက်ဆံရေအရာရှိ ဒီမီထရီ ပက်စ်ကော့ဗ်က ကင်ကျုံအွန် မော်စကိုကို လာဖို့ရှိတယ်လို့ ဆိုပါတယ်။

“ဒီလိုလာရောက်မယ့်အစီအစဉ်မျိုး ရှိနေပါတယ်။ သိပ်မကြာခင်အချိန်အတွင်း သံတမန်နည်းလမ်းတွေကနေတစ်ဆင့် တွေ့မယ့်ရက်အတိအကျနဲ့ နေရာအတိအကျကို ဆုံးဖြတ်သွားမှာ ဖြစ်ပါတယ်”

သုံးပွင့်ဆိုင်

တောင်ကိုရီးယားကလည်း အမေရိကန်၊ မြောက်ကိုရီးယာနဲ့ ၃ ပွင့်ဆိုင် ဆွေးနွေးပွဲလုပ်ဖို့ ဒီကနေ့မနက် ‘နိုင်ငံတော် လုံခြုံရေးကောင်စီ’ အစည်းအဝေးမှာ ဆွေးနွေးခဲ့ကြပါတယ်။

သမ္မတ မွန်ဂျယ်အင်က အမေရိကန်နဲ့ မြောက်ကိုရီးယားတို့အကြား နျူကလီးယားဆိုင်ရာ ညှိနှိုင်းဆွေးနွေးမှု လမ်းချော်သွားတာမျိုး မဖြစ်ရေး တားဆီးဖို့ဟာ မိမိတို့ ဦးစားပေးဆုံးအရာ ဖြစ်တယ်လို့ ပြောကြားခဲ့ပါတယ်။

မြောက်ကိုရီးယား နိုင်ငံခြားရေးဝန်ကြီး ကန်ကျွန်ဝါဟ်က ဆွေးနွေးပွဲမှာ အရပ်ဖက် ကျွမ်းကျင်သူတွေ ပါဝင်အောင် ဆောင်ရွက်သွားမှာဖြစ်ပြီး နျူလက်နက်ဖြန်သိမ်းရေးနဲ့ အပြန်အလှန်အားဖြင့် အမေရိကန်က မြောက်ကိုရီးယားကို ပိတ်ဆို့မှု ဘယ်လောက် လျှော့ချပေးရလဲဆိုတဲ့ သဘောထားကွဲလွဲမှုတွေကို ဒီဆွေးနွေးပွဲက ကူညီဖြေရှင်းပေးလိမ့်မယ်လို့ ပြောကြားခဲ့ပါတယ်။

Ref: Aljazeera

မတ် ၁၊ ၂၀၁၉
M-Media

– ဟနွိုင်းက ထိပ်သီးအစည်းအဝေးမှာ သဘောတူညီချက် မရခဲ့တာနဲ့ပတ်သက်ပြီး အမေရိကန်ရဲ့ ထုတ်ပြန်ချက်တွေဟာ မှားယွင်းတယ်လို့ မြောက်ကိုရီးယားက တုန့်ပြန်ပြောကြားလိုက်ပါတယ်။

မြောက်ကိုရီးယားခေါင်းဆောင် ကင်ဂျုံအွန်နဲ့ အမေရိကန်သမ္မတ ဒေါ်နယ်ထရမ့်တို့ဟာ ဗီယက်နမ်မြို့တော်မှာ ၂ ရက်ကြာ တွေ့ဆုံဆွေးနွေးခဲ့ကြတာပါ။ ဆွေးနွေးပွဲအပြီးမှာ သဘောတူညီချက်တစ်ခုကို ခေါင်းဆောင်နှစ်ဦးက လက်မှတ်ရေးထိုး ထုတ်ပြန်ဖို့ စီစဉ်ထားပေမယ့် ပျက်ပြယ်သွားခဲ့ပါတယ်။

အမေရိကန်သမ္မတ ဒေါ်နယ်ထရမ့်က ကင်ဟာ ပိတ်ဆို့မှုတွေအားလုံး ဖယ်ရှားပေးဖို့ တောင်းဆိုခဲ့တဲ့အတွက် သဘောတူညီမှု မရခဲ့တာလို့ ပြောကြားခဲ့ပါတယ်။

ထရမ့်ရဲ့ ဒီမှတ်ချက်ကို မြောက်ကိုရီးယားဖက်က ငြင်းဆန်ပါတယ်။ မြောက်ကိုရီးယား နိုင်ငံခြားရေးဝန်ကြီး ရီယွန်ဟိုဟာ မနေ့ကည သန်းခေါင်ယံမှာ သတင်းထောက်တွေကို ခေါ်ကာ အမေရိကန်ရဲ့ ပြောဆိုမှုတွေ မဟုတ်ဘူးလို့ ရှင်းလင်းခဲ့ပါတယ်။

ပြည်သူတွေရဲ့ စီးပွားရေးနဲ့ ဘ၀တွေကို ထိခိုက်နေတဲ့ ပိတ်ဆို့မှုတွေကို ဖယ်ရှားပေးမယ်ဆိုရင် ယွန်ဗြောင်းက နျူထုတ်လုပ်တဲ့ စက်ရုံတွေအာလုံးကို ဖျက်ပေးမယ်လို့ မြောက်ကိုရီးယားဖက်က ကမ်းလှမ်းခဲ့တာဖြစ်ကြောင်း ရီက ပြောကြားခဲ့ပါတယ်။ ဒီရပ်တည်ချက်ကို ဘယ်တော့မှ ပြောင်းလဲမှာ မဟုတ်ဘူးလို့လည်း သူက ဆိုပါတယ်။

အပြုသဘောဆောင်

လွန်ခဲ့တဲ့ ၂ နှစ်က ထရမ့်ကို ‘စိတ်ပေါ့သွပ်သူ’ လို့ ကင်ပွန်းတပ်ခဲ့တဲ့ မြောက်ကိုရီးယား နိုင်ငံပိုင်သတင်းဌာန Korean Central News Agency က ထိပ်သီးအစည်းအဝေးဟာ အပြုသဘောဆောင်ခဲ့တယ်လို့ ထုတ်ပြန်ခဲ့ပါတယ်။

ကိုရီးယားကျွန်းဆွယ် နျူကင်းစင်ရေးကိစ္စ၊ အမေရိကန်-မြောက်ကိုရီးယား ဆက်ဆံရေး တိုးတက်ဖို့ ကိစ္စတွေကို အပြုသဘောဆောင်ကာ ရှေ့ဆက်ဆွေးနွေးဖို့အတွက် ကင်နဲ့ ထရမ့်တို့ သဘောတူခဲ့တယ်လို့ သတင်းဌာနက ပြောပါတယ်။

ထရမ့်ကတော့ ဒီကိစ္စကို မြန်မြန်ဆန်ဆန်လုပ်ဖို့ထက် မှန်မှန်ကန်ကန်လုပ်ဖို့သာ ဆန္ဒရှိပြီး ကင်ဂျုံအွန်နဲ့ နွေးထွေးတဲ့ဆက်ဆံရေးရှိတယ်လို့ ပြောကြားခဲ့ပါတယ်။ ကင်နဲ့ နောက်ထပ်တွေ့ဆုံဖို့ မျှော်လင့်ထားတယ်လို့ ထရမ့်က ပြောပေမယ့် အသေးစိတ်ကို မရှင်းပြခဲ့ပါဘူး။

ထရမ့်နဲ့ ကင်တို့ဟာ ပြီးခဲ့တဲ့နှစ် ဇွန်လက စင်ကာပူနိုင်ငံမှာ ပထမဆုံးအကြိမ် တွေ့ဆုံကာ ကိုရီးယားကျွန်းဆွယ် နျူကင်းစင်ရေး ဆွေးနွေးခဲ့ပေမယ့် ထိရောက်တဲ့ ဆောင်ရွက်မှုမျိုး မတွေ့ခဲ့ရပါဘူး။ အခုတစ်ပတ် ဒုတိယအကြိမ် တွေ့ဆုံမှုအတွက် နိုင်ငံတကာ အသိုင်းအ၀ိုင်းက မျှော်လင့်ချက် ကြီးကြီးမားမား ထားခဲ့ပေမယ့် ထင်သလို မဖြစ်ခဲ့ပါဘူး။

Ref: CNA