စက်တင်ဘာ ၁၊ ၂၀၁၈
M-Media
– မြန်မာစစ်တပ်ဟာ Facebook ကို အသုံးပြုပြီး လျှို့ဝှက် ၀ါဒဖြန့်ချီတာတွေ လုပ်ခဲ့တယ်ဆိုတာကို ဖော်ထုတ်နိုင်ခဲ့တယ်လို့ Facebook က တာဝန်ရှိသူတစ်ဦး ပေးပို့တဲ့ အီးမေးလ်တွေကို ကိုးကားပြီး Time Magazine က ဒီကနေ့မှာ ဖော်ပြပါတယ်။
Facebook က အခုနှစ်အစပိုင်းကတည်းက ပြုလုပ်ခဲ့တဲ့ ရုံးတွင်းစုံစမ်းစစ်ဆေးမှုမှာ စစ်တပ်နဲ့ ဆက်နွယ်နေတဲ့ အကောင့်တွေ၊ page တွေ တော်တော်များများကို ဖော်ထုတ်နိုင်ခဲ့ပြီး အဲဒီ အကောင့်တွေဟာ လွတ်လပ်တဲ့ သတင်းစာမျက်နှာတွေအဖြစ် သုံးစွဲသူတွေ ထင်ယောင်ထင်မှားဖြစ်လာအောင်လုပ်ကာ စစ်တပ်လိုလားတဲ့ သဘောထားတွေဖြန့်ချီတာ၊ ရိုဟင်ဂျာတွေ၊ မွတ်စလင်တွေနဲ့ပတ်သက်လို့ မှားယွင်းတဲ့ အကြောင်းအရာတွေကို ရေးသားလှုံ့ဆော်တာတွေ လုပ်ခဲ့တယ်လို့လည်း အီးမေးလ်မှာ ထည့်သွင်း ရေးသားထားပါတယ်။
ဒါဟာ ရခိုင်ပြည်နယ်က ရိုဟင်ဂျာတွေကို ပစ်မှတ်ထားတဲ့ ၀ါဒဖြန်လှုံ့ဆော်မှုတွေမှာ မြန်မာစစ်တပ်က ပါဝင်တယ်ဆိုတဲ့ ပထမဆုံးအထောက်အထားလည်း ဖြစ်ပါတယ်။
အဲဒီလှုံ့ဆော်တဲ့ အကောင့်တွေ၊ page တွေ Facebook မှာ မှတ်ပုံတင်တုန်းက အသုံးပြုတဲ့ အချက်အလက်တွေ၊ တူညီတဲ့ IP လိပ်စာတွေနဲ့ admin တာဝန်ယူထားတဲ့ အကောင့်ပိုင်ရှင်တွေကို စစ်ဆေးခြင်းအားဖြင့် ဒီအကောင့်တွေ၊ page တွေဟာ တပ်မတော်လို့ခေါ်တဲ့ မြန်မာစစ်တပ်နဲ့ ဆက်နွယ်နေတယ်ဆိုတာ Facebook က တွေ့ခဲ့ရတယ်လို့ Time က ရရှိတဲ့ အီးမေးလ်မှာ ဖော်ပြထားပါတယ်။
Facebook က သူတို့ဟာ အမုန်းစကားတွေ ဖြန့်ချီမှုအတွက် ကာကွယ်ရေးဦးချုပ်ရဲ့ အကောင့်အပါအ၀င် စုစုပေါင်း အကောင့် ၁၈ ခုနဲ့ page ၅၂ ခုကို ပိတ်ပစ်လိုက်တယ်လို့ တနင်္လာနေ့မှာ ကြေငြာခဲ့ပြီး အဲဒီအကောင့်တွေ၊ page တွေမှာ စုစုပေါင်း follower ၁၂ သန်းလောက်ရှိတယ်လို့လည်း ဆိုပါတယ်။
ပိတ်ပစ်လိုက်တဲ့ အကောင့်တွေနဲ့ page တွေအားလုံးကို Facebook က တရားဝင်ထုတ်ပြန်ခြင်းမရှိသေးပါဘူး။ လက်ရှိမှာ စုံစမ်းမှုတွေ ဆက်လက်လုပ်ဆောင်နေကာ ဒီလိုအကောင့်မျိုး ထပ်ရှိနိုင်သေးတယ်လို့လည်း Facebook က အတည်ပြုထားပါတယ်။
ဒီအကောင့်တွေ၊ page တွေက ရေးသားမှု ထက်ဝက်ကျော်ကျော်လောက်က တိုင်းပြည်အတွင်း မငြိမ်းချမ်းမှုတွေဟာ စစ်တပ်ကြောင့် မဟုတ်ဘဲ ဒေါ်အောင်ဆန်းစုကြည် ဦးဆောင်တဲ့ အရပ်သားအစိုးရကြောင့်ဖြစ်ကြောင်း ၀ါဒဖြန့်တာ၊ ရိုဟင်ဂျာနဲ့ မွတ်စလင်မုန်းတီးရေးလှုံ့ဆော်တာတွေ လုပ်ခဲ့ကြောင်း၊ မုန်းတီးရေးလှုံ့ဆော်မှုတစ်ခုသာ Facebook ရဲ့ Community Standards နဲ့ ငြိပေမယ့် အဲဒီအကောင့်တွေ၊ page တွေဟာ စစ်တပ်ရဲ့ လျှို့ဝှက်ဝါဒဖြန့်မှု အစီအစဉ်လို့ မှတ်ယူတာကြောင့် ဖယ်ရှားခဲ့တာဖြစ်ကြောင်း Facebook တာဝန်ရှိသူက Time Magazine ကို ပေးပို့တဲ့ အီးမေးလ်မှာ ရေးသားထားပါတယ်။
အဲဒီအကောင့်တွေ၊ ပေ့ဂ်ျတွေဟာ လူများများဆီရောက်အောင် ပိုက်ဆံပေး Boost လုပ်ခဲ့သလားဆိုတဲ့ မေးမြန်းမှုကိုတော့ Facebook က ဖြေကြားခြင်း မရှိပါဘူး။
မြန်မာစစ်တပ်ရဲ့ Facebook အသုံးပြု ၀ါဒဖြန့်မှုဟာ ပြည်သူလူထုရဲ့အမြင်အပေါ် ဘယ်လောက်လွှမ်းမိုးမှုရှိသလဲ၊ ပြည်သူတွေ၊ စစ်သားတွေက လူနည်းစုတွေအပေါ် အကြမ်းဖက်လာဖို့ ဘယ်လောက် လှုံ့ဆော်နိုင်ခဲ့သလဲဆိုတာကို ရှင်းရှင်းလင်းလင်း မသိရဘူးလို့ Time Magazine က ရေးသားထားပါတယ်။
ဖယ်ရှားထားတဲ့ အကောင့်တွေ၊ page တွေက အချက်အလက်တွေကို ဥပဒေကြောင်းအရ တောင်းဆိုလာရင် Facebook က ဘယ်သူ့ကိုမဆို ပေးလွှဲပြောင်းပေးသွားမယ်လို့လည်း အီးမေးလ်မှာ ရေးသားထားပါတယ်။
Ref: TIME
