ဧပြီ ၁၂၊ ၂၀၁၈
M-Media
– ဂျေရုစလင်ကို အစ္စရေးအစိုးရက ထင်တိုင်းကြဲနေမှုအတွက် ပါလက်စတိုင်း ဘာသာပေါင်းစုံအဖွဲ့က သတိပေးလိုက်ပြီး ခရစ်ယာန်နဲ့ အစ္စလာမ်သာသာတွေအပေါ် အကြီးအကျယ် ထိခိုက်လာလိမ့်မယ်လို့လည်း ပြောဆိုလိုက်ပါတယ်။
အစ္စရေးက သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းက ရာမာလာမြို့မှာ မနေ့ကကျင်းပတဲ့ ဂျေရုစလင်ဆိုင်ရာ ၉ ကြိမ်မြောက် နိုင်ငံတကာညီလာခံမှာ ဒီလို သတိပေးမှု ပေါ်ထွက်လာတာ ဖြစ်ပါတယ်။
ပါလက်စတိုင်း အာဏာပိုင်အဖွဲ့ရဲ့ မွတ်စလင်-ခရစ်ယာန်ကော်မတီ အထွေထွေအတွင်းရေးမှူး ဟန်နာ အီဆာက အစ္စရေးဟာ ဂျေရုစလင်ရဲ့ ၉၅ ရာခိုင်နှုန်းကို ဂျူးဇာတ်သွင်းခဲ့ပြီး လက်ရှိ ဖန်တီးနေတဲ့ ‘ဂရိတ်တား ဂျေရုစလင်’ ဆိုတဲ့နေရာဟာ မြို့ရဲ့ အမှတ်သညာ၊ ခရစ်ယာန်နဲ့ မွတ်စလင်တို့ရဲ့ အရေးပါမှုတွေကို ပြောင်းလဲပစ်လိမ့်မယ်လို့ ဆိုပါတယ်။
“အစ္စရေးဟာ စကွဲယားကီလိုမီတာ ၆၀၀ ကျယ်ဝန်းတဲ့နေရာမှာ ဂရိတ်တားဂျေရုစလင်ဆိုတဲ့ ဒေသတစ်ခုကို တည်ဆောက်ချင်နေတယ်။ ဒါဟာ မြို့တွင်းက ခရစ်ယာန်ဘုရားကျောင်းတွေနဲ့ ဗလီတွေကို ဖျက်ဆီးပစ်ဖို့ ရည်ရွယ်ရင်းဖြစ်ပါတယ်”
ရာမာလာက နိုင်ငံတကာညီလာခံကို ပါလက်စတိုင်းသမ္မတ မဟ်မူးဒ် အဘတ်စ်၊ အာရပ်နဲ့ မွတ်စလင်နိုင်ငံတွေက ကိုယ်စားလှယ်အဖွဲ့ တော်တော်များများ တက်ရောက်ခဲ့ပါတယ်။
ဂျေရုစလင်စောင့်ရှောက်မှုအဖွဲ့ရဲ့ ဥက္ကဌ မူနစ်ဘ် မက်စ်ရီက ဂျေရုစလင်ဟာ ခရစ်ယာန်နဲ့ မွတ်စလင်တွေအတွက် အရေးပါတဲ့မြို့ ဖြစ်တယ်လို့ ပြောကြားခဲ့ပါတယ်။
“ဂျေရုစလင်ကိစ္စကို ကျေနပ်လောက်ဖွယ် မဖြေရှင်းနိုင်သ၍ ငြိမ်းချမ်းရေး ရနိုင်မှာမဟုတ်ဘူးဆိုတာ ကမ္ဘာကြီးက သိထားရပါမယ်”
ပါလက်စတိုင်းအာဏာပိုင်အဖွဲ့ရဲ့ သာသနာရေးဆိုင်ရာ ၀န်ကြီး ယူဆက်ဖ် အက်ဒီက ဂျေရုစလင်ဟာ ဘာသာတရားတွေရဲ့ ဇာတိချက်ကြွေနေရာဖြစ်တယ်လို့ ညီလာခံမှာ ပြောကြားခဲ့ပါတယ်။
“မြင့်မြတ်ရာမြို့ကို အနောက်နိုင်ငံတွေရဲ့ အင်အားကောင်းကောင်းနဲ့ ဖျက်ဆီးနေမှုကို ဟန့်တားဖို့အတွက် အာရပ်တွေ၊ မွတ်စလင်တွေနဲ့ နိုင်ငံတကာအသိုင်းအ၀ိုင်းက အာရုံစိုက်ကာ အားထုတ်ကြိုးပမ်း လုပ်ဆောင်ရပါတော့မယ်”
၁၉၆၇ ခုနှစ် စစ်ပွဲနောက်ပိုင်းမှာ အစ္စရေးဟာ အရှေ့ဂျေရုစလင်ကို ကျူးကျော်သိမ်းပိုက်ခဲ့ပြီး ဂျူးတွေနေထိုင်နိုင်တဲ့ တရားမ၀င်အိမ်ယာတွေကိုလည်း အများအပြား ဆောက်လုပ်ခဲ့ပါတယ်။ နိုင်ငံတကာအသုိုင်းအ၀ိုင်းကတော့ ဒီလုပ်ရပ်နှစ်ခုစလုံးကို အသိအမှတ်မပြုပါဘူး။
ဒါ့အပြင် ဂျေရုစလင်မှာ ခရစ်ယာန်နဲ့ အစ္စလာမ်သာသနာတွေ အားနည်းလာအောင် အစ္စရေးက စနစ်တကျ ဆောင်ရွက်နေပါတယ်။
ဂျေရုစလင်က ခရစ်တော်မြှပ်နှံထားရာနေရာတစ်ဝိုက်မှာ ကျင်းပတဲ့ အီစတာပွဲတော်အကြို ‘မြင့်မြတ်သော မီးပုံပွဲ’ ကို သွားရောက်တဲ့ ကုလကိုယ်စားလှယ်အဖွဲ့နဲ့ အခြားသံတမန်တွေကို အစ္စရေးက ပိတ်ပင်ဖို့ ကြိုးစားခဲ့ပါတယ်။
အရှေ့အလယ်ပိုင်းဆိုင်ရာ ကုလငြိမ်းချမ်းရေးသံတမန် ရောဘတ်ဆာရီက အစ္စရေးတပ်ဖွဲ့တွေဟာ Holy Sepulchre ဘုရားကျောင်းကို သွားရောက်တဲ့ သူနဲ့ အခြား ပါလက်စတိုင်း ခရစ်ယာန်တွေကို တားဆီးမှုတွေ လုပ်ခဲ့တယ်လို့ ပြီးခဲ့တဲ့စနေနေ့မှာ ပြောကြားခဲ့ပြီး ဒီလုပ်ရပ်ကိုလည်း ရှုတ်ချခဲ့ပါတယ်။
ပြီးခဲ့လမှာ ဂျေရုစလင်က ခရစ်ယာန်အသင်းတော်တစ်ခုဟာ ဂါဇာက ပါလက်စတိုင်း ခရစ်ယာန် ၆၀၀ ကို ဂျေရုစလင်မှာ အီစတာပွဲတော် လာရောက်ဆင်နွှဲနိုင်ရေး ခရီးသွားပါမစ် တင်ခဲ့ပေမယ့် အစ္စရေးက တစ်ယောက်မှ သွားခွင့်မပြုခဲ့ပါဘူး။
အစ္စရေးက ဂျေရုစလင်မှာ ခရစ်ယာန်သာသနာအပေါ် ဖိနှိပ်မှုကို ဆန့်ကျင်တဲ့အနေနဲ့ ခရစ်ယာန်ဂိုဏ်းပေါင်းစုံက အကြီးအကဲတွေဟာ အခုနှစ်အစောပိုင်းမှာ Holy Sepulchre ဘုရားကျောင်းကို ပိတ်ပစ်ဖို့ ဆုံးဖြတ်ခဲ့ကြပါတယ်။
Ref: Aljazeera
