မတ် ၂၅၊ ၂၀၁၈
M-Media
ဝါရှင်တန် ဆန္ဒပြမှု မြင်ကွင်း
– မကြာခဏဆိုသလို ဖြစ်ပွားနေတဲ့ စာသင်ကျောင်းအတွင်း သေနတ်နဲ့ပစ်ခတ်မှု ပြဿနာကို ဖြေရှင်းပေးဖို့နဲ့ သေနတ်ကိုင်ဆောင်ခွင့် ထိန်းချုပ်ဖို့ အစိုးရကို တိုက်တွန်းတဲ့အနေနဲ့ အမေရိကန်နိုင်ငံတစ်ဝှမ်းမှာ ထောင်နဲ့ချီတဲ့ ဆရာ၊ ဆရာမတွေ၊ ကျောင်းသူ၊ ကျောင်းသားတွေဟာ မနေ့မှာ ဆန္ဒပြခဲ့ကြပါတယ်။
March for Our Lives ခေါင်းစဉ်နဲ့ မြို့တော် ၀ါရှင်တန်ဒီစီနဲ့ အခြားမြို့ကြီးတွေမှာပြုလုပ်တဲ့ ဆန္ဒပြချီတက်ပွဲကို ပြီးခဲ့တဲ့လက ဖလော်ရီဒါပြည်နယ် Marjory Stoneman Douglas အထက်တန်းကျောင်း ပစ်ခတ်မှုအတွင်း အသက်ရှင်ကျန်ရစ်သူတွေက ဦးဆောင်ပြုလုပ်တာ ဖြစ်ပါတယ်။
ကျောင်းသားဟောင်းတစ်ဦးက ပြုလုပ်ခဲ့တဲ့ အဲဒီပစ်ခတ်မှုအတွင်း လူ ၁၇ ဦး သေဆုံးခဲ့ပါတယ်။
ဆန္ဒပြကျောင်းသားတွေဟာ Never Again (ဘယ်တော့မှထပ်မဖြစ်စေနဲ့) ဆိုတဲ့ ဆိုင်းဘုတ်တွေကို ကိုင်ဆောင်ကာ ချေမှုန်းရေးလက်နက်တွေ ကိုင်ဆောင်ခွင့် ပိတ်ပင်ဖို့၊ ကျည်အရေအတွက် အများအပြားပါဝင်တဲ့ ကျည်ကပ်တွေရောင်းချမှု ပိတ်ပင်ဖို့၊ သေနတ်ကိုင်ဆောင်မယ့်သူတွေရဲ့ နောက်ကြောင်းစစ်ဆေးမှုကို တင်းတင်းကြပ်ကြပ် ဆောင်ရွက်ဖို့ လွှတ်တော်ကိုယ်စားလှယ်တွေကို တောင်းဆိုခဲ့ပါတယ်။
အဓိကပါတီကြီးနှစ်ခုပူးပေါင်းကာ သေနတ်ကိုင်ဆောင်မှု ပိုမိုထိန်းချုပ်ရေး ကြိုးပမ်းဖို့လည်း ကျောင်းသားတွေက တိုက်တွန်းခဲ့ပြီး၊ သေနတ်ပြဿနာကို ဖြေရှင်းနိုင်မယ့် ထိရောက်တဲ့ ဥပဒေမူကြမ်းတစ်ခု လွှတ်တော်မှာ ချက်ခြင်းတင်သွင်းရေး တောင်းဆိုခဲ့ကြပါတယ်။
စာသင်ကျောင်းအတွင်း တိုက်ခိုက်မှုတွေကို ဆန့်ကျင်တဲ့အနေနဲ့ လမ်းလျှောက်ဆန္ဒပြမှုကို အမေရိကန်ကျောင်းသားတွေဟာ ဒီလအစောပိုင်းမှာ National School Walkout အမည်နဲ့ ဆောင်ရွက်ခဲ့ပြီး ဖလော်ရီဒါ ပစ်ခတ်မှုအတွင်း သေဆုံးသွားသူ ၁၇ ဦးကို အမှတ်ရတဲ့အနေနဲ့ စာသင်ခန်းတွေထဲကနေထွက်ပြီး ၁၇ မိနစ်တိတိ အပြင်မှာ စုရုံးခဲ့ကြတာ ဖြစ်ပါတယ်။
အမေရိကန်မှာ သေနတ်နဲ့ ပစ်ခတ်မှုကြောင့် သေဆုံးမှုတွေ မကြာခဏဖြစ်လေ့ရှိပြီး အများအားဖြင့် ကလေးငယ်တွေနဲ့ ဆယ်ကျော်သက်တွေ ဖြစ်ပါတယ်။ သေနတ်ဆက်နွယ်တဲ့ သေဆုံးမှုတွေဟာ ကလေးငယ်တွေ သေဆုံးရတဲ့ အဓိကအကြောင်းအရင်းတွေထဲမှာ တတိယနေရာ ရှိနေပါတယ်။
နိုင်ငံအတွင်း စာသင်ကျောင်းတွေမှာ ပစ်ခတ်မှုတွေကို တားဆီးဖို့အတွက် ကျောင်းဆရာတွေမှာ လက်နက်တပ်ဆင်ပေးဖို့ NRA အပါဝင် လက်နက်ကိုင်ဆောင်ရေး အားပေးတဲ့အဖွဲ့တွေက တိုက်တွန်းနေပြီး ကျောင်းသားတွေနဲ့ ဆရာတွကတော့ ဒီပြောကြားမှုကို ရှုတ်ချခဲ့ကြပါတယ်။
ဖလော်ရီဒါ အထက်တန်းကျောင်းတိုက်ခိုက်မှုအပြီးမှာ အမေရိကန်သမ္မတ ဒေါ်နယ်ထရမ့်ကလည်း NRA ရဲ့ ဒီသဘောထားကို ထောက်ခံကြောင်း ပြောကြားခဲ့ပြီး ကျောင်းတွေမှာ ဆရာတွေ သေနတ်ကိုင်ရေး လေ့ကျင့်ပေးဖို့ ဘက်ဂျက်ထုတ်ပေးမယ်လို့ ဆိုပါတယ်။
သေနတ်ကိုင်ဆောင်မှု တင်းကြပ်ရေး ပြည်သူတွေရဲ့ တိုက်တွန်းဆော်သြမှုတွေလည်း မြင့်တက်လာပြီး ကျောင်းသားတွေရဲ့ ကြိုးပမ်းမှုကြောင့် ဖလော်ရီဒါအစိုးရဟာ သေနတ်ဝယ်ခွင့်ပြုတဲ့အသက်ကို ၁၈ နှစ်ကနေ ၂၁ နှစ်အထိ တိုးမြှင့်လိုက်ပါတယ်။ ဒါ့အပြင် ဆီမီးအော်တိုမက်တစ် ရိုင်ဖယ်တွေကို ပစ်အားကောင်းစေတဲ့ bump stock ကိရိ ယာကို ပိတ်ပင်ဖို့လည်း ဗဟိုအစိုးရက ဆောင်ရွက်နေပါတယ်။
ကျောင်းသားတွေဟာ အမျိုးသားရိုင်ဖယ်အသင်း NRA ကို ဆန့်ကျင်ဆန္ဒပြမှုတွေ ပြုလုပ်ခဲ့ပြီးတဲ့နောက် စီးပွားရေးလုပ်ငန်း တော်တော်များများဟာ အဲဒီအဖွဲ့နဲ့ အဆက်အသွယ်ဖြတ်တောက်ခဲ့ကြပါတယ်။
Ref: Aljazeera
