အောက်တိုဘာ ၂၆၊ ၂၀၁၃
M-Media
ဘာလော့တယ်လီမှာ ကာကာထံမှ သင်ယူရန်လိုအပ်သည်ဟု အဘာတီဆို
စံပြုလောက်သော ပရော်ဖက်ရှင်နယ်ကစားသမားတစ်ဦး ဖြစ်လာရန် ဘာလော့တယ်လီအနေဖြင့် ကာကာထံမှ သင်ယူနိုင်သည်ဟု အေစီမီလန်အသင်း၏ ညာနောက်ခံလူ အစ်ဂ်နာဇီယို အဘာတီကပြောကြားခဲ့သည်။
ထို့ပြင် ကာကာမှာ လူငယ်ကစားသမားများ၏ စံပြုစရာကစားသမားတစ်ဦး ဖြစ်သည်ဟု ယုံကြည်နေပြီး၊ အငြင်းပွားဖွယ်လုပ်ရပ်များကို လုပ်ဆောင်နေသည့် ဘာလော့တယ်လီအား ပြုပြင်ရန်လည်း တိုက်တွန်းလိုက်သည်။
မန်စီးတီးအသင်း တိုက်စစ်မှူးဟောင်း ဘာလော့တယ်လီမှာ ပေါင်ဒဏ်ရာ ခံစားနေရပြီး၊ ဒဏ်ရာမှ အမြန်ဆုံးသက်သာစေရန် လိုအပ်သောဆေးကုသ မှုများအား ဆောင်ရွက်ခြင်းမရှိပေ။ ကာကာမှာလည်း ပြီးခဲ့သည့်လက ဒဏ်ရာပြဿနာနှင့်ရင်ဆိုင်ခဲ့ရပြီး ပြီးခဲ့သည့်တစ်ပါတ်က အသင်းတွင် ပါဝင်ကစားနိုင်ခဲ့သည်။
ထို့ကြောင့် ဘာလော့တယ်လီအနေဖြင့် ကာကာ၏ လေ့ကျင့်မှုနှင့် အစားအသောက် နည်းစနစ်အား သင်ယူရမည်ဟု ခံစားနေရသည့် အဘာတီက “ကာကာဟာ အားလုံးအတွက် စံနမူနာကောင်းတစ်ခုပါ။ အထူးသဖြင့် လူငယ်ကစားသမားတွေ အတွက်ပေါ့။ သူဒဏ်ရာရနေတဲ့အခါ လေ့ကျင့်ကွင်းကို မနက်ကတည်းကလာပြီး ညနေကျမှပြန်ပါတယ်” ဟု Gazzetta dello Sport အားကစားသတင်းစာသို့ ပြောကြားခဲ့သည်။
goal
_______________________
ရီးယဲလ်မက်ဒရစ်၏ ကြမ်းတမ်းသောကစားပုံအား ကြောက်ရွံ့နေမည်မဟုတ်ဟု မာတီနိုဆို
ဘာစီလိုနာအသင်း၏ နည်းပြဖြစ်သူ မာတီနိုက ရီးယဲလ်မက်ဒရစ်အသင်းထံမှ ကြမ်းတမ်းသောကစားပုံများအား ကြောက်ရွံ့နေမည်မဟုတ်ဘဲ ဒိုင်လူကြီးအနေဖြင့် ပွဲစဉ်အား ထိန်းသိမ်းနိုင်လိမ့်မည်ဟု ပြောကြားခဲ့သည်။
အသက် ၅၀ အရွယ်ရှိပြီဖြစ်သည့် မာတီနိုက ရီးယဲလ်အသင်း၏ ခြိမ်းခြောက်မှု များအားစိုးရိမ်နေမည်မဟုတ်ဘဲ မက်ဆီအားဟန့်တားနိုင်သောသူမှာ ၎င်းတစ်ဦးတည်းသာဖြစ်သည်ဟု ထည့်သွင်းပြောဆိုခဲ့သည်။
ထို့ပြင် ရီးယဲလ်၏ ကြမ်းတမ်းသောကစားပုံက ပွဲရလဒ်အဖြေအား သက်ရောက်မှု ရှိလိမ့်မည်မဟုတ်ဟု ပြောဆိုခဲ့သည့် မာတီနိုက “မက်ဒရစ်ရဲ့ ကြမ်းတမ်းတဲ့ ကစားပုံကို ကျွန်တော် ကြောက်ရွံ့ရမှာလား။ မကြောက်ပါဘူး။ အသင်းတိုင်းဟာ ကိုယ်ပိုင် စွမ်းဆောင်ရည်အရ ကစားတာပါ။ ပြီးတော့ ဆုံးဖြတ်ပေးမယ့် ဒိုင်လူကြီးလည်းရှိနေပါတယ်” ဟု သတင်းထောက်များအား ပြောကြားခဲ့သည်။
ပြိုင်ဆိုင်မှုပြင်းထန်လှသည့် လာလီဂါပြိုင်ဘက်များဖြစ်ကြသည့် ဘာစီလိုနာနှင့် ရီးယဲလ်မက်ဒရစ်တို့မှာ ယနေ့ညတွင် ဘာစီလိုနာအသင်း၏ နျူးကမ့်ကွင်းတွင် ယှဉ်ပြိုင်ရန်ရှိနေသည်။ ပြီးခဲ့သည့်နှစ်က ၎င်းတို့နှစ်သင်းကစားခဲ့သည့် ပွဲစဉ်နှစ်ခုတွင် စုစုပေါင်း အ၀ါကဒ် ၁၆ ကဒ်နှင့် အနီကတ် ၁ ကဒ် ပြသခြင်းခံခဲ့ရသည်။
goal
_______________________
တိုက်စစ်မှူးများ၏ ကစားပုံများနှင့် ပက်သက်ပြီး မော်ရင်ဟိုပျော်ရွှင်နေ
နောက်ဆုံးကစားခဲ့သည့် ချယ်ဆီးအသင်း၏ ပွဲများတွင် ဂိုးများသွင်းယူခဲ့ကြသည့် တိုက်စစ်မှူး ဖာနန်ဒိုတောရက်စ်နှင့် ဆင်မြူယဲလ်အီတိုးတို့အား အသင်းနည်းပြ မော်ရင်ဟိုက ချီးကျူးလိုက်ပြီး ၎င်းတို့၏ စွမ်းဆောင်ရည်များနှင့်ပက်သက်၍ ကျေနပ်မိကြောင်း ပြောဆိုလိုက်သည်။
ချယ်ဆီးအသင်းမှာ နောက်ဆုံးကစားခဲ့သည့် ၇-ပွဲတွင် ရှုံးပွဲမရှိခဲ့ပဲ တောရက်စ်နှင့် အီတူးတို့မှာလည်း ကာဒစ်ပွဲနှင့် ရှော်လ်ကာ ပွဲတို့တွင် ဂိုးများ အသီးသီးသွင်းယူနိုင်ခဲ့သည်။ သို့သော်လည်း အသင်း၏ အခြားတိုက်စစ်မှူး တစ်ဦးဖြစ်သည့် ဒမ်ဘာဘားမှာ ယခုရာသီတွင် တစ်ဂိုးသာ သွင်းယူထားနိုင်သေးသည်။
“တိုက်စစ်မှူးအားလုံးရဲ့ စွမ်းဆောင်ရည်ကြောင့် ကျွန်တော်ပျော်ရွှင်မိပါတယ်။ သူတို့ဂိုးတွေမသွင်းနိုင်တဲ့အချိန်မှာ ကြိုးစား ကစားခဲ့ပြီး အသင်းအတွက် အကောင်းဆုံးကို လုပ်ဆောင်ပေးခဲ့ပါတယ်။ ပြီးတော့ သူတို့ဟာ အသင်းအတွက် မတူညီတဲ့ ကူညီမှုမျိုးတွေလည်း လုပ်ဆောင်ပေးပါတယ်။ တစ်ခါတရံမှာဂိုးတွေသွင်းပြီး ဒါဟာတကယ့်ကို အရေးပါတဲ့အရာပါပဲ” ဟု မော်ရင်ဟိုက သတင်းထောက်များအား ပြောကြားခဲ့သည်။
goal
_______________________
Swiss Indoors ပြိုင်ပွဲ ဆီးမီးဖိုင်နယ်သို့ လက်ရှိချန်ပီယံတက်ရောက်
ဆွစ်ဇလန်နိုင်ငံတွင် ကျင်းပပြုလုပ်နေသည့် Swiss Indoors တင်းနစ်ပြိုင်ပွဲတွင် လက်ရှိချန်ပီယံ အာဂျင်တိုင်းတင်းနစ်သမား ဂျူအန် မာတင် ဒယ်လ်ပေါ်ထရိုမှာ ဆီမီးဖိုင်နယ်သို့ တက်ရောက်သွားပြီဟု သိရသည်။
ဒယ်လ်ပေါ်ထရိုမှာ ပြင်သစ်တင်းနစ်သမား ပေါလ်-ဟင်နရီ မက်သယူးအား ၆-၄၊ ၆-၄ဖြင့် အနိုင်ရရှိခဲ့ခြင်းဖြစ်သည်။
“ကျွန်တော်အကောင်းဆုံး ကစားခဲ့ပါတယ်။ ကျွန်တော့်ရဲ့စပေးဘောတွေကို ကောင်းကောင်းလုပ်ဆောင်နိုင်ခဲ့ပါတယ်။ ကျွန်တော်ဟာ တစ်ပွဲပြီးတစ်ပွဲ ပိုကောင်းလာပါတယ်” ဟု ပေါ်ထရိုက ပွဲအပြီးတွင်ပြောကြားခဲ့သည်။
ပေါ်ထရိုမှာ ဆီမီးဖိုင်နယ်တွင် ပြင်သစ်တင်းနစ်သမား အဒူယာ့ဒ် ရော်ဂျာ-ဗက်စ်လင်းနှင့် တွေ့ဆုံရမည်ဖြစ်သည်။
skysports
_______________________
WTA Championships ဆီးမီးဖိုင်နယ်သို့ လီနာတက်ရောက်
တူရကီနိုင်ငံ အစ္စတန်ဘူလ်မြို့၌ ကျင်းပပြုလုပ်နေသည့် ရာသီပိတ် WTA Championships တင်းနစ်ပြိုင်ပွဲ ဆီမီးဖိုင်နယ်သို့ တရုတ်တင်းနစ်မယ် လီနာ တက်ရောက်သွားပြီဟု သိရသည်
လီနာမှာ ဘီလာရုဇ်တင်းနစ်မယ် ဗစ်တိုရီးယား အဇာရန်ကာအား ၆-၂၊ ၆-၁ ဖြင့်အနိုင်ရရှိခဲ့ကာ ဆီးမီးဖိုင်နယ်သို့ တက်ရောက်သွားခြင်းဖြစ်သည်။ ထိုပွဲအနိုင်မှာ လီနာ၏ အဖြူရောင်အုပ်စုအတွင်း သုံးပွဲဆက်နိုင်ပွဲဖြစ်သည်။
ဆားဘီးယားတင်းနစ်မယ် ဂျလီနာဂျန်ကိုဗစ်မှာ အုပ်စုနောက်ဆုံးပွဲတွင် အီတလီ တင်းနစ်မယ် ဆာရာ အီရာနီအား ရှုံးနိမ့်ခဲ့သော်လည်း လီနာ၏နိုင်ပွဲကြောင့် ဆီမီးဖိုင်နယ်သို့ တက်ရောက်သွားနိုင်ခဲ့သည်။
အခြားအုပ်စုတစ်ခုဖြစ်သည့် အနီရောင်အုပ်စုမှ အမေရိကန် နာမည်ကြီးတင်းနစ်မယ် ဆရီနာဝီလီယံနှင့် ပီထရာကဗီတိုဗာတို့ ဆီမီးဖိုင်နယ်သို့ အသီးသီးတက်ရောက်လာခဲ့သည်။
WTA Championships ချန်ပီယံရှစ်ပြိုင်ပွဲမှာ ကမ္ဘာ့အဆင့် ၁ မှ ၈ အတွင်းရှိ တင်းနစ်မယ်များသာ ၀င်ရောက်ယှဉ်ပြိုင်ရသည့် ပြိုင်ပွဲတစ်ခုဖြစ်ပြီး အဖြူရောင်အုပ်စုနှင့် အနီရောင်အုပ်စုဟူ၍ အုပ်စုနှစ်ခုခွဲထားသည်။ ဆီမီးဖိုင်နယ်ပွဲစဉ်များကို ယနေ့တွင် ယှဉ်ပြိုင်ကစားမည်ဖြစ်ပြီး လီနာနှင့် ကဗီတိုဗာ၊ ဆရီနာဝီလီယံနှင့် ဂျလီနာဂျန်ကိုဗစ်တို့ တွေ့ဆုံယှဉ်ပြိုင်ရမည်ဖြစ်သည်။
skysoprts
_______________________
_________________________
_________________________
_________________________