News @ M-Media

Author: YinYin

  • ပညာအရည်အသွေးမြင့်မားဖို့ ဆရာအရည်အချင်းမြင့်တင်စို့

    ပညာအရည်အသွေးမြင့်မားဖို့ ဆရာအရည်အချင်းမြင့်တင်စို့

    အောက်တိုဘာ ၃၀၊ ၂၀၁၃
    M-Media
    ဆောင်းပါးရှင် – ဒေါက်တာသန်းမင်းထိုက်(မြန်မာစာ)

    2013-10-30 11.02.06

    လက်ရာညံ့၍ အလှမပီသော ယမင်းရုပ်က ထုဆစ်သူ ပန်းပုဆရာ၏ ခပ်ညံ့ညံ့ပညာကို လှစ်ဟဖော်ပြနေပါသည်။ လက်ရာ မြောက်၍ အသက်ဝင်သော ယမင်းရုပ်မှာမူ လက်ရာရှင် ပန်းပုဆရာ၏ ပါရမီပြည့်ဝသည့် အတတ်ပညာကို ဖော်ကျူး ပြသနေပါသည်။ ပန်းပုပညာ၏ အရည်အသွေးသည် ပန်းပုဆရာ၏ အရည်အချင်းပေါ်တွင် တိုက်ရိုက် တည်မှီနေသကဲ့သို့ ပညာတိုင်း ပညာတိုင်း၏ အရည်အသွေးသည် ပညာကမ်းဆင့်သူ ဆရာတို့၏ အရည်အချင်းပေါ်တွင် တည်မှီနေပါသည်။ ဆရာ့ အရည်အချင်း မြင့်ပါမှ ပညာအရည်အသွေးမြင့်ပါလိမ့်မည်။ပညာအရည်အသွေးကို မြှင့်မားစေလိုလျှင် ဆရာ့အရည်အချင်းကို ဦးစွာမြှင့်တင်ကြရပါမည်။

    ‘ပညာ’ဟုဆိုရာတွင် ‘၀ိဇ္ဖာ’တည်းဟူသော အသိပညာ၊ သိပ္ပံတည်းဟူသောအတတ်ပညာ ဟူ၍ နှစ်မျိူးနှစ်စားရှိသည်။ ဆရာတော်ရှင်မဟာရဋ္ဌသာရက ကိုးခန်းပျို့တွင် “၀ိဇ္ဖာသိပ္ပ လူ့ကိစ္စ” ဟု သုံးနှုန်းမိန့်ဆိုခဲ့ပါသည်။ အသိပညာ အတတ်ပညာ ရှာမှီးခြင်းသည် လူတို့နှင့်သာဆိုင်သောကိစ္စ ဖြစ်သည်။ လူတို့၏အမှတ်လက္ခဏာဖြစ်သည်။ လူပီသရန် ပညာကို သင်ယူကြရပါသည်။ သင်ယူသူရှိလျှင်သင်ကြားပေးသာဆရာလည်းရှိရပါမည်။

    ‘ဆရာ’သည် ‘ပညာ’ကို လက်ဆင့်ကမ်းသယ်ဆောင်ပေးသူဖြစ်သည်။ ရှေးလူတို့၏ အမွေဖြစ်သော အသိ၊ အတတ်တို့ကို နှောင်းလူတို့က ဆရာဖြင့် တဆင့်သယ်ဆောင် ရယူပြီးနောက် အသိသစ် အတတ်သစ်တို့ဖြင့် ပေါင်းစည်းကာ ပညာ အဆောက်အအုံကို ပိုမိုမြင့်စွင့်ခိုင်မာ စေသည်။ ပညာသယ်ဆောင်သူဆရာတို့က အရည်အချင်း မြင့်လျှင် မဖိတ်စင်၊ မယိုယွင်း၊ မတိမ်းပါးအောင် သယ်ဆောင်ပို့ပေးနိုင်ပါမည်။ ဆရာ့အရည်အချင်းနိမ့်လျှင်မူ ပညာသယ်ဆောင်ရာ၌  အလေအလွင့် ရှိနိုင်ပါသည်။ ဆုတ်ယုတ်လျော့ပါးနိုင်ပါသည်။

    ၂၁-ရာစု မုခ်ဦးအလွန်ကို အင်တာနက်ခေတ်၊ နည်းပညာခေတ်၊ အီလက်ထရောနစ်ခေတ်၊ သတင်းကွန်ရက်ခေတ် စသည်ဖြင့် သမုတ်ကြသည်။ မည်သို့ခေါ်ခေါ် ဤခေတ်သည် ကမ္ဘာကို ရွာဖြစ်စေသောခေတ် ဖြစ်သည်။ ခြုံပြောရလျှင် ပညာလှိုင်လှိုင်ကြွယ်သော ပညာခေတ်ဖြစ်သည်။ ပညာနိမ့်ပါးလျှင် ခေတ်ကိုမျက်ခြည်ဖြတ်သူ၊ ခေတ်နှင့် အံမ၀င်သူ၊ ခေတ်နောက်ကျန်သူ ဖြစ်ပေမည်။ ဤခေတ်၏ လူ့အဖွဲ.အစည်းသည် ပညာလူအဖွဲ့အစည်းဖြစ်သည်။ ပညာနိမ့်ပါးလျှင် လူတောတိုးဝံ့မည် မဟုတ်၊ တိုးဝံ့သော်ပဲထား၊လူပုံအလယ်တင့်တယ်မည်မဟုတ်။ ယနေ့ ကမ္ဘာ၏ သြဇာသည်လည်း ပညာဖြစ်သည် လူခါးတောင်ကျိုက်ပြီး လက်ရုံးချင်းယှဉ်ပြိုင်ရသောခေတ် မဟုတ်။ ဥာဏ်ခါးတောင်းကြိုက်ပြီး ပညာချင်း ယှဉ်ရသောခေတ်ဖြစ်သည်။

    ခေတ်က ဤသို့သောခေတ်၊ မိမိတိုင်းပြည်ကလဲ ယခုမှ စနစ်သစ် ခေတ်သစ်ဆီသို့  ခြေလှမ်းသစ်လှမ်းနေသော နုနုထွေးထွေးကာလ။ ဤခေတ် ဤစနစ်တွင် တိုင်းပြည် အတွက် ပညာသည် အရေးအပါဆုံး မောင်းနှင်အားတရပ် ဖြစ်သည်။ ခပ်ညံ့ညံ့ပညာရေးဖြင့် ခရီးတွင်မည်မဟုတ်။ ကမ္ဘာနှင့်ယှဉ်ကာ အမှီလိုက်ရန်လည်း လွယ်မည် မဟုတ်။ အရည်အသွေးမြင့်သော ပညာဖြင့်သာ လူ့စွမ်းအားအရင်းအမြစ်များ မွေးထုတ်ကာ အနာဂတ်တိုင်းပြည်ကို လှပဝေစည်အောင် ၀ိုင်းဝန်းတည်ထောင်ကြရပါမည်။

    အရည်အသွေးမြင့်သော ပညာဆိုသည်မှာ အဘယ်နည်း။ ရှင်မဟာသီလ၀ံသက ပါရာယန၀တ္ထုတွင် ပညာဟူသည် အပြစ်အကျိုးကို ခွဲခြမ်းနိုင်ခြင်းဥာဏ် ဟူ၍ ဖွင့်ဆိုခဲ့ ပါသည်။ မြန်မာအဘိဓာန်တွင်လဲ ပညာကို ခွဲခြမ်းသိမြင်နိုင်သော အသိဥာဏ်၊ ‘အတတ်’ ဟူ၍ဖွင့်ဆိုထားပါသည်။ ဤအဖွင့်တွင် ပညာ၏သဘောလက္ခာဏာကို ပြတ်ပြတ် ထင်ထင် တွေ့နိုင်သည်။ ပညာသည် အကောင်း၊ အဆိုး၊ အမှား၊ အမှန်၊ အကျိုး၊ အပြစ်တို့ကို ခွဲခြားသိမြင်စေတတ်သော လက္ခဏာရှိသည်။ တစ်ဖန် ပုဂံခေတ် သိင်္ဃသူ့ သမီးကျောက်စာတွင် ‘ပညာမရှိသော၊ မိုက်သော’ဟူ၍လည်းကောင်း၊ ‘ပညာရှိသော၊ အကြောင်းကိုသိတတ်သော’ဟူ၍လည်းကောင်း အနက်တူစကားလုံးကွဲများဖြင့် ဆုတောင်းထားပုံကို တွေ့ရသည်။ ပညာမရှိခြင်းသည် မိုက်ခြင်းဖြစ်သည်။ မိုက်မဲခြင်း၊ မှောင်မိုက်ခြင်း၊ အသိအမြင် အလင်းမဲ့ခြင်းတို့သည် ပညာမဲ့ခြင်း၊ ပညာကင်းခြင်း လက္ခဏာဖြစ်သည်။ ပညာရှိလျှင်ကား အကြောင်းကိုသိ၏။ အကျိုးတရားတိုင်း၏ အကြောင်းတရားတို့ကို ဆင်ခြင်သိမြင်အောင် ကြိုးစားနိုင်စွမ်းရှိ၏။ ပန်းသီးကြွေခြင်း၏ အကြောင်းရင်းမှာ ကမ္ဘာမြေ၏ ဆွဲအားကြောင့်ဟု သိသွားသော နယူတန်သည် ပညာရှိသူဖြစ်လာ၏။

    တစ်စုံတစ်ယောက်သည် အတန်းပညာသင်ယူတတ်မြောက်၍ ဘွဲ့လက်မှတ်တို့ကို ကိုင်ဆောင်ထားပါသော်လည်း အကောင်းနှင့်အဆိုး မကွဲမပြားဖြစ်နေလျှင် အမှားနှင့် အမှန် ရောရောထွေးထွေး ရှိနေလျှင် အကျိုးနှင့်အပြစ် ခြားခြားနားနား ဆင်ခြင်မသိလျှင် ပြဿနာ၏အကြောင်းရင်းကို ခြေခြေမြစ်မြစ် စေ့ငှသေချာ လေ့လာစူးစမ်းခြင်း မရှိပဲ ကောလဟလများကို ယုံလွယ် လက်ခံလွယ် လက်ဆင့်ကမ်းလွယ်လျှင် ပဋိ့ပက္ခများတွင် ကျင်လည်နစ်မျော အရုန်းခက်သူဖြစ်နေလျှင် ထိုသူသည် ပညာ၏ သဘောကို ငုံမိခြုံမိသူမဟုတ် အရည်အသွေးနိမ့်သော ပညာကိုသာ ရရှိထားသူဖြစ်သည်။

    ၂၁-ရာစု ကမ္ဘာတွင် အသိပွားရန်၊ လုပ်တတ်ကိုင်တတ်ရန်၊ ဖွံ့ဖြိုးစေရန်၊ အတူရှင်သန်နေထိုင်ရန်တို့အတွက် ရည်ရွယ်၍ ပညာသင်ကြပါသည်။ ဤရည်ရွယ်ချက်ကို အောင်မြင်စွာ ပေါက်မြောက်ခြင်း ရှိ-မရှိသည်လည်း ပညာအရည်အသွေးနှင့် သက်ဆိုင်ပါသည်။ အရည်အသွေးမြင့်သောပညာ ဟုတ် မဟုတ်ကို ဤနည်းဖြင့် ဆန်းစစ် ကြည့်နိုင်ပါသည်။

    ပညာအရည်အသွေးမြင့်မားရန် ဆရာ့အရည်အချင်းကို မြှင့်တင်ရပါမည်။ သို့ဖြစ်လျှင် ဆရာ့အရည်အချင်းတို့ကား အဘယ် အရာများနည်း။

    လူတိုင်းသည် အခြားသူများအတွက် တစ်ကြိမ်တစ်ခါမက ဆရာဖြစ်ခဲ့ဖူးပေမည်။ သို့သော် ဆရာဘ၀ဖြင့် အသက်မွေး၍ ပညာလက်ဆင့်ကမ်းသည့်အလုပ်ကို တစိုက် မတ်မတ်လုပ်မည့်သူအတွက်ကား ၀ါသနာသည် မရှိမဖြစ် အခြေခံ အရည်အသွေးဖြစ်သည်။ အချို့က ဆရာအလုပ်ကို ရရာအလုပ်ရှာရင်း ၀င်လုပ်မိလျက်သား ဖြစ်သွား သူများရှိသည်။ အသက်မွေးဝမ်းကျောင်းတစ်ရပ်အနေဖြင့် ၀င်လုပ်ကြသည်။ အချို့လည်း ဆရာဘ၀ ရကာမှ ဆရာစိတ် စီးဝင်လွှမ်းခြုံမိသွားသည်။ အချို့ကမူ ဆရာဟု အမည်တွင်သော်လည်း ဆရာမပီ၊ ဆရာမည်ကာမတ္တဖြစ်သည်။ အကြောင်းမှာ မူလကပင် ၀ါသနာအခြေမခံသောကြောင့်ဖြစ်သည်။ ၀ါသနာမပါလျှင် အနစ်နာမခံလို၊
    စေတနာပါမည်လည်း မဟုတ်။ စွဲမြဲကြံ့ခိုင်စိတ်လည်းမရှိ၊ စာသင်သား၏အကျိုးကို မကြည့်ဘဲ မိမိ အကျိုးကိုသာ ကြည့်တတ်ကြသည်။ ထို့ကြောင့် အရည်အသွေးမြင့် ဆရာများ ပေါ်ထွန်းစေရန် ၀ါသနာအခြေခံဆရာများကို ရွေးချယ်အပ်သည်။ ကာယကံရှင်များကလည်း ၀ါသနာပါမှသာ ဆရာအလုပ်ကို ရွေးချယ်သင့်သည်။

    ဆရာသည် ‘သင်ခြေပညာ’နှင့် ‘သင်ဝေပညာ’ကို ဖြည့်ဆည်းထားရန် လိုအပ်ပါသည်။ ‘အခြေခံပညာ’ဆိုသည်မှာ မိမိသင်ကြား ပို့ချရမည့် အခြေခံအကြောင်းအရာ၊ ဘာသာရပ်ကို ဆိုလိုသည်။ ဘာသာရပ်မကျွမ်းကျင်ဘဲ ဆရာလုပ်လျှင် အရည်အချင်းရှိသော ဆရာမဖြစ်နိုင်ပေ။ အရည်အသွေးမြင့်သော ပညာကိုလည်း ကမ်းဆင့် နိုင်မည်မဟုတ်ပေ။ ဆရာသည် အချို့ကို အကုန်သိ၍ အကုန်ကို အချို့သိအပ်သည်။ မိမိကျွမ်းကျင်ရာဘာသာရပ်အချို့တွင် မမိသည် သိမြင်နှံ့စပ်သူ ဖြစ်ရမည်။ မိမိဘာသာရပ်အတွက် မိမိကိုယ်ကို ယုံကြည်မှုရှိရမည်။ မိမိဘာသာရပ်မဟုတ်သော ဆက်စပ်ရာ အကြောင်းအရာတို့ကိုလည်း ဗဟုသုတရှိနေရမည်။ ထိုသို့ဖြစ်ရန် ဆရာသည် အမြဲစာဖတ်ရမည်။ ၀မ်းစာပြည့်ဖို့ လိုသည်။

    ဆရာသည် ထာဝရကျောင်းသား ဖြစ်သည်။ အစဉ်အမြဲ လေ့လာဖြည်းဆည်းနေရပါမည်။ သုတေသနမပြတ်ပြု၍ အတွေးသစ် အမြင်သစ်များဖြင့် မိမိအရည်အချင်း ကို မြှင့်တင်နေရပါမည်။ ဆရာသည် မိမိသင်မည့်ဘာသာရပ်တစ်ခုတည်းကိုသာ ကျွမ်းကျင်နေရုံဖြင့် မလုံလောက်သေးချေ။ တစ်နည်း ‘သင်ခြေပညာ’ဖြင့် မလုံလောက်။ ‘သင်ဝေပညာ’ကိုပါ ဖြည့်ဆည်းထားအပ်သည်။ ‘သင်ဝေပညာ’ဆိုသည်မှာ သင်ကြားမျှဝေပုံ နည်းနာဖြစ်သည်။ ‘ဘာသင်မလဲ’ဆိုသည်ထက် ‘ဘယ်လိုသင်မလဲ’ကပို၍ အရေးကြီးသည်ထင်သည်။ သင်မည့် အကြောင်းအရာက အရေးမကြီးဟု ဆိုလိုခြင်းမဟုတ်ပေ။ သင်မည့် အကြောင်းအရာသည် အဓိကပေးမည့် ပညာဖြစ်သည်။ သို့သော် ‘သင်ပြနည်း’ကို မသိပဲသင်လျှင် ‘ပေးကားပေး၏အရ’ဆိုသလို ဖြစ်တတ်သည်။ ထို့ကြောင့် ဆရာ့ အရည်အချင်းကို ‘သင်ဝေပညာ’ဖြည့်ဆည်းခြင်းအားဖြင့်လည်း မြှင့်တင်ရပါမည်။

    မျက်မှောက်ခေတ်ပညာရေးသည် ဆရာဗဟိုပြု ပညာရေးမှသည် ကျောင်းသားဗဟိုပြု ပညာရေးဘက်သို့ ပြောင်းလဲလာပြီ ဖြစ်သည်။ ဆရာက တပည့်များအား ပို့ချရုံ သက်သက် ပညာရေးမျိုး မဟုတ်တော့ပေ။ သင်ယူမှု လွယ်ကူချောမွေ့အောင် စီစဉ်ပေးသူ၊ ကူညီသူ၊ လမ်းညွှန်သူ၊ နည်းလမ်းပြသူ၊ ရုပ်ပိုင်းဆိုင်ရာ စိတ်ပိုင်းဆိုင်ရာ များကို လေ့ကျင့်ပြုပြင်ပေးရသူ ဖြစ်လာပါသည်။ ဤအရည်အချင်းများ ဆရာ့တွင် ရှိရပါမည်။

    ဆရာသည် အဂတိတရားကင်းစင်ရန်လည် လိုအပ်သည်။ မိမိတပည့်သားတို့အား အဆင့်အတန်း၊ ဆင်းရဲချမ်းသာ၊ လူမျိုးဘာသာ ခွဲခြားခြင်းကင်းရမည်။ ရင်ဝယ်သား ကဲ့သို့ တစ်တန်းတစ်စားတည်း ဆက်ဆံတတ်သူဖြစ်ရမည်။ စာသင်သား၏ နောက်ခံလူမှုအခြေအနေကိုလည်း သိနားလည်အောင် အားထုတ်သင့်သည်။အားပေးနှစ်သိမ့် ခြင်း၊ ကူညီပံ့ပိုးခြင်း၊ စာနာခြင်းတို့ဖြင့် ပညာသင်ကြားရာတွင် အခက်အခဲ ဆူးငြောင့်ခလုတ်များကို ဖယ်ရှားနိုင်ကောင်းသည်။ ဆရာသည် တပည့်အား စာသာမက ယဉ်ကျေးမှု၊ ကိုယ်ကျင့်တရား၊ မျိုးချစ်စိတ်၊ တိုင်းချစ်ပြည်ချစ်စိတ်တို့ကိုလည်း သွတ်သွင်းပေးသင့်ပါသည်။ ၀န်းကျင်နှင့် သဟဇာတရှိရှိ နေတတ်ထိုင်တတ် ပေါင်းသင်း တတ်အောင်လည်း သင်ကြားပေးနိုင်ရပါမည်။ ဆရာသည် စာကိုသာမဟုတ် စိတ်ကိုပါ သင်ကြားရာသည်။

    ဆရာသည် ဆရာ့ဘ၀၊ ဆရာ့အလုပ်ကို တန်ဖိုးထားတတ်သူဖြစ်သည်။ ဆောင်ရွက်ရမည့်တာဝန်ကို သိရမည်။ စောင့်စည်းရမည့် ကျင့်ဝတ်ကိုလည်း သိရမည်။ လိုက်နာ ရမည့်စည်းကမ်းကိုလည်း သိရမည်။ စာသင်ခန်းကို ကောင်းစွာ ထိန်းနိုင်၊ ကိုင်တွယ်နိုင်သူဖြစ်ရမည်။ စာသင်ချိန်တွင် အသံကို လုံလောက်စွာ မြှင့်နိုင်ရမည်။ အတက် အကျလည်း ရှိရမည်။ နှုတ်နှင့်မဟုတ်သော အမူအရာတို့ဖြင့်လည်း ပြောဆိုညွှန်ကြား သရုပ်ဖော်နိုင်ရမည်။ ရယ်ရယ်မောမော ပေါ့ပေါ့ပါးပါးနှင့် စာကို ထိထိမိမိ သင်နိုင် ရမည်။ စာသင်သား၏ တစ်ဆက်တစ်စပ်တည်း အာရုံစိုက်နိုင်စွမ်းသည် မိနစ် ၂၀-မျှသာဖြစ်သည်ကို မမေ့သင့်ပေ။ သင်ကောင်းတိုင်း သင်၍ မရပါ။ သင်တိုင်း တတ်သည် မဟုတ်။ ပေးတိုင်းရသည်မဟုတ်။ အာရုံအပြောင်းအလဲ ဖြစ်စေရမည်။ စာသင်ချိန်အဆုံးပိုင်းတွင် ပြန်လည် ခြုံငုံသုံးသပ်တင်ပြမှုပြုရန် အရေးကြီးသည်။ ဟင်းကောင်းရန် ဟင်းကို မြည်းရသကဲ့သို့ မိမိသင်ကြားမှု အောင်မြင်ထိရောက်မှု ရှိ မရှိကိုလည်း အမြဲမပြတ် ပြန်လည် အကဲဖြတ်မှု ရှိရပါမည်။ ပြန်လည် စစ်ကြောမှု ပြုရပါမည်။ မြေဖြူ ကိုင်သည့်ခေတ်မှ ကွန်ပျူတာ၊ ပါဝါပွိုင့်၊ ပရိုဂျက်တာတို့ဖြင့် သင်ကြားရသောခေတ်သို့ ပြောင်းလာပြီဖြစ်ရာ ဆရာသည် နည်းပညာပိုင်းတွင်လည်း ပြတ်ကျန်ခဲ့၍ မရပေ။
    သင်ထောက်ကူ များနှင့် ခေတ်မီနည်းပညာများကို ကောင်းစွာ အသုံးပြုနိုင်ရပါမည်။

    စင်စစ် ပညာသင်ရာတွင် စာသင်သားအတွက် ဆရာအပြင် စာသင်ခန်း၊ သင်ရိုးညွှန်းတမ်း၊ သင်ထောက်ကူပစ္စည်းများလည်း လိုအပ်ပေသည်။ သို့ရာတွင် ထိုအရာများကို ဆရာကတဆင့် ဖန်တီးနိုင်ပါသည်။ သို့မဟုတ်လည်း ထိုအရာများကို အလဲအလှယ်ဖြင့် အစားထိုးနိုင်ပါသည်။ တိုးတက်ထွန်းကားလာသော နည်းပညာများဖြင့် အစား ထိုး၍ မရသော အရာကား ‘ဆရာ’ပင်ဖြစ်သည်။

    ဆရာသည် ပညာဖြင့် အသက်မွေးသူဖြစ်၍ မြတ်သော အသက်ရှင်ခြင်းဖြင့် ရှင်သန်နေသူဖြစ်ပါသည်။ စေတနာ၊ ပါသနာ၊ အနစ်နာဟူသော နာ(၃)နာအပြင် အကြင်နာ၊ နမူနာ၊ နည်းနာ တို့ ထပ်လောင်း၍ နာ(၆)နာနှင့် ပြည့်စုံရသူဖြစ်ပါသည်။ ထို့ပြင် ‘ထကြွ၊ နိုးကြား၊ သနား၊ သည်းခံ၊ ဝေဖန်၊ ထောက်ရှု’ဟူသော နာယကဂုဏ်(၆)ပါး နှင့်လည်း ပြည့်စုံရသူဖြစ်ပါသည်။ ‘အတတ်လည်းသင်၊ ပဲ့ပြင်ဆုံးမ၊ သိပ္ပမချန်၊ ဘေးရန်ဆီးကာ၊ သင့်ရာအပ်ပို့’ဟူသော ဆရာ့ဝတ္တရားတို့နှင့်လည်း အလေ့အထုံ စွဲမြဲသူ ဖြစ်ရပါသည်။ ပညာခေတ်တွင် နည်းပညာ စက်ပစ္စည်းများ မည်မျှပင် တိုးတက်စေကာမူ ဆရာတို့၏ နှလုံးသားမျိုးကို မည်သည့်နည်းပညာနှင့်မျှ အစားထိုး၍ မရနိုင် သေးပါ။ ထို့ကြောင့်လည်း ပညာအရည်အသွေးမြင့်မားရေး လိုအပ်ချက်ကို ဆရာဖြင့်သာ စွမ်းဆောင်နိုင်မည်ဟု ယုံကြည်ကြသည့်အတိုင်း ဆရာ့အရည်အချင်း မြှင့်တင်ဖို့ ကိုသာ အားထုတ်ကြရမည် ဖြစ်ပါသည်။

    ဆရာ့အရည်အသွေးမြှင့်တင်ရန် နိုင်ငံတော်က ခေတ်ပြောင်း စနစ်ပြောင်းသည်နှင့်အညီ တတ်နိုင်စွမ်းသလောက် ကြိုးပမ်း အကောင်အထည်ဖော်လျက် ရှိပါသည်။ ရန်ကုန်ပညာရေးတက္ကသိုလ်နှင့် အခြားသော ပညာရေးကောလိပ် ၂၁-ခုလည်း ရှိနှင့်ပြီးဖြစ်ပါသည်။ ထိုတက္ကသိုလ်၊ ကောလိပ်များမှ အခြေခံပညာကဏ္ဍအတွက် လိုအပ် သော အရည်အသွေးမြင့် ဆရာများကို မွေးထုတ်ပေးလျက်ရှိပါသည်။ အဆင့်မြင့်ပညာကဏ္ဍအတွက် ၂၀၁၂ စက်တင်ဘာတွင် အသစ်ခန့်လိုက်သော တက္ကသိုလ်နည်းပြ၊ သရုပ်ပြများကို အရည်အချင်းမြှင့် သင်တန်းများ ဖွင့်လှစ်သင်ကြားမွမ်းမံပေးခဲ့ပါသည်။ ထိုသင်တန်းများတွင် ‘သင်ခြေပညာ’ရော ‘သင်ဝေပညာ’ပါ ဖြည့်ဆည်းလေ့ကျင့် ပေးနိုင်ခဲ့ ပါသည်။ အင်္ဂလိပ်စာ အရည်အသွေးမြင့်မားစေရန်လည်း အင်္ဂလိပ်စာသင်တန်း သီးသန့် ဖွင့်လှစ်သင်ကြားပေးခဲ့ပါသည်။

    မြန်မာနိုင်ငံသည် အာဆီယံပညာရေးကွန်ရက်ကို ၀င်ရောက်ရန် တာစူနေပါသည်။ အရည်အချင်းမြင့် ဆရာများမရှိလျှင် ၀င်ဆံ့နိုင်မည်မဟုတ်ပါ။ကမ္ဘာ့တက္ကသိုလ်များ နှင့်လည်း ပညာရေးနှီးနှောဖလှယ်မှုများ၊ ပူးပေါင်းမြှင့်တင်မှုများ ပြုလုပ်ရန် အစီအစဉ်များ ရှိနေပါသည်။ တိုင်းပြည်၏အနာဂတ် အလားအလာကောင်းများကို မြင်တွေ့ နေရပါပြီ။ ဆရာတို့သည်လည်း ဘ၀မျှော်လင့်ချက်ရှိသော လူသားများဖြစ်ပါသည်။ တိုင်းပြည် အနာဂတ်အတွက် ပခုံးထမ်းလိုစိတ်ကြောင့်ဖြစ်စေ၊ မိမိတို့၏ အရည် အချင်းပေါ်မူတည်၍ တိုးတက်လမ်းများ ခင်းကျင်းပေးထားလျှင်ဖြစ်စေ၊ ဘ၀ဖူလုံမှုမှာ အပြည့်အ၀ရှိလျှင်ဖြစ်စေ မိမိတို့ အရည်အချင်းကို မိမိတို့ကိုယ်တိုင် မြှင့်တင် ကြလိမ့်မည်ဟု ယုံကြည် ယူဆပါသည်။

    အချုပ်အားဖြင့်ဆိုပါမည်။ အရည်အသွေးမြင့်ပညာအတွက် အရည်အချင်းမြင့်ဆရာတို့ကို ခေတ်က တောင်းဆိုနေပါပြီ။ အရည်အချင်း မပြည့်မီသူများ တစ်စတစ်စ နောက်ကောက်ကျ ကျန်ရစ်ခဲ့ပါလိမ့်မည်။ မကျန်ခဲ့၊ မချန်ခဲ့စေလိုလျှင် အရည်အချင်း မြှင့်ကြပါမည်။ ကမ္ဘာ့အလယ်တွင် တိုင်းပြည်ဂုဏ်တက်၍ ပြည်သူ့ဘ၀ အရောင် လက်လိုလျှင် ‘ပညာအရည်အသွေး မြင့်မားဖို့ ဆရာအရည်အချင်း မြှင့်တင်စို့’ဟုသာ တိုက်တွန်းနှိုးဆော်လိုပါတော့သည်။

    —————————————
    * ယခုဆောင်းပါးသည် ၂၀၁၃-ခု အောက်တိုဘာ ၅-ရက်၊ ကမ္ဘာ့ဆရာများနေ့ နိုင်ငံတော်အဆင့် တက္ကသိုလ် ကောလိပ်အဆင့်တွင် ဒေါက်တာသန်းမင်းထိုက်(မြန်မာစာ) ပထမဆုရရှိခဲ့သော ဆောင်းပါးဖြစ်ပါသည်။ ယခု ဆောင်းပါး ပထမဆုကို နေပြည်တော်တွင် လက်ခံရယူရခဲ့ပါသည်။ ၎င်းနောက် ပြီးခဲ့သည့် အောက်တိုဘာလ ၂၆-ရက် နေ့တွင် ပြည်ထောင်စုမြန်မာနိုင်ငံတော် အစိုးရ၊ ပညာရေးဝန်ကြီးဌာန၊ မြန်မာနိုင်ငံ ၀ိဇ္ဇာနှင့် သိပ္ပံပပညာရှင်အဖွဲ့ဆု ၂၀၁၂- ခုနှစ်အတွက် ဆယ်သုံးကြိမ်မြောက် သုတေသန စာတမ်းဖတ်ပွဲ ဆုချီးမြှင့်မှုတွင်လည်း ၀ိဇ္ဇာပညာရပ်(မြန်မာစာ)တွင် ‘မြန်မာဘာသာစကား၏ စကားလုံးဖွဲ့ပုံကို သမူဟဘာသာဗေဒ ရှုထောင့်မှ လေ့လာချက်’ခေါင်းစဉ်ဖြင့် ဆုထပ်မံလက်ခံရယူခဲ့ရသူဖြစ်ပါသည်။

    ဒေါက်တာသန်းမင်းထိုက်နှင့် အင်တာဗျူး ဖတ်လိုပါက >> http://www.m-mediagroup.com/?s=%E1%80%80%E1%80%AF%E1%80%AD%E1%80%9E%E1%80%94%E1%80%B9%E1%80%B8%E1%80%99%E1%80%84%E1%80%B9%E1%80%B8%E1%80%91%E1%80%AD%E1%80%AF%E1%80%80%E1%80%B9

  • အစ္စလာမ့် ဒီမိုကရေစီ ပုံရိပ်လွှာ (ဆောင်းပါးရှင် ကဏ္ဍ)

    အောက်တိုဘာ ၂၉၊ ၂၀၁၃
    M-Media
    ဂျူလိုင်ရဲရင့်

    inside islam

    မုစ်လင်မ်နိုင်ငံအချို့ရှိ အိုးနင်းခွက်နင်း အုပ်ချုပ်ရေးစံနစ်များက ”အစ္စလာမ် နှင့် ဒီမိုကရေစီစံနစ် ယှဉ်တွဲရှိနိုင်သလော” ဟူသည့် မေးခွန်းဖြစ်ပေါ်လာပြီး မကြုံစဖူး သည်းသည်းလှုပ် ငြင်းခုန်လျက်ရှိကြပါသည်

    မုစ်လင်မ်ကမ္ဘာအဖို့ ဒီမိုကရေစီပန်းတိုင်သို့ရောက်ရှိရန် တစ်ခုတည်းသောနည်းလမ်းမှာ လောကီဝါဒကို ကျင့်သုံးလိုက်ခြင်းသာဖြစ်သည်ဟုအချို့က ဆိုကြ၏။ ”အနောက်တိုင်းသည် အစ္စလာမ် နှင့် အစ္စလာမ့်အဆင့်အတန်းကို ဖျက်ဆီးနေခြင်းသာဖြစ်သည်”ဟု ဆိုကြကုန်သော တွေးခေါ်ရှင်များ နှင့် အစွန်းရောက်သူများကို ဤအယူအဆက ထိုးဆွလိုက်ရာရောက်သွားစေပါသည်။

    ကမ္ဘာ့ရာဇဝင်ကို ပြန်ကြည့်လေသော် အစ္စလာမ့်ဒီမိုကရေစီစံနစ်သည် အစ္စလာမ့်ခေတ်ဦးကာလကတည်းကပင် အယူအဆရော လက်တွေ့ပါ ညီညွတ်မျှတစွာ ပေါ်လွင် ထွန်းကားခဲ့ပြီးဖြစ်နေပါသည်။ မုစ်လင်မ်ကမ္ဘာ၌ လက်ရှိ နိုင်ငံရေးဖွံ့ဖြိုးမှုသည် အဖိနှိပ်ခံစံနစ်မှလွတ်မြောက်လိုသည့်ဆန္ဒနှင့် တွဲလျက်ရှိနေလေသည်။ ထို့ကြောင့် အစ္စလာမ့်နည်းကျဒီမိုကရေစီစံနစ် ဟူသည် မည်သို့ဖြစ်ကြောင်း မြင်ယောင်လာနိုင်ရန် လုံလောက်သည့်အချိန်တစ်ရပ်ကို ပေးရပေလိမ့်မည်

    မုစ်လင်မ်တို့သည် ကြီးကြီးမားမားအစဉ်အလာရှိခဲ့သောအစ္စလာမ့်နည်းကျဒီမိုကရေစီစံနစ်၏စည်းမျဉ်းများကို ပြန်လည်ချိတ်ဆက်မိရန် နည်းလမ်းတစ်ရပ် ရှာဖွေ ကြရ မည်ဖြစ်သည်။ သို့မှသာလျှင် ဒီမိုကရေစီ၏ အတွေးအခေါ်သည် မိမိတို့၏ယုံကြည်ချက်မှာ ပြီးပြည့်စုံသောဘဝလမ်းစဉ်အဖြစ် သတ်မှတ်ခံယူထားကြသည့် မုစ်လင်မ်များ အကြား ပြေပြစ်ချောမွေ့စွာ ရောက်ရှိသွားပေမည်။ အကယ်၍ ကုရ်အာန်အပါအဝင် အစ္စလာမ့်အရင်းအမြစ်များ နှင့် ဒီမိုကရေစီစံနစ်မှာ မုစ်လင်မ်တို့၏အသိတရား၌ မကိန်းအောင်းနိုင်ခဲ့ပါလျှင် ပညာရှင်တို့၏ကျမ်းဂန်များသည် လက်တွေ့အသုံးချ၍ မရသော စာအုပ်များသက်သက်အနေနှင့်သာ စခန်းသိမ်းရတော့မည် ဖြစ်ပါသည်။

    ဖန်ဆင်းရှင်၏ဥပဒေ နှင့် လူလုပ်ဥပဒေတို့ ထိပ်တိုက်တွေ့ခြင်း

    “ဒီမိုကရေစီစံနစ် နှင့် အစ္စလာမ့်ဥပဒေမှာ မတူကွဲပြားမှုရှိသည်။ ဒီမိုကရေစီသည် လူလုပ်ဥပဒေ ဖြစ်ပြီး အစ္စလာမ်သည် ဖန်ဆင်းရှင်၏ ဥပဒေဖြစ်သည်”ဟု အချို့မှ အငြင်း ဝင်ကြ၏။ သို့ရာတွင် ယင်းသို့သော လူစားများက အစ္စလာမ်သည် သီယိုကရေစီ (သာသနာ့ပဒေသရာဇ်စံနစ်)အား ကိုယ်စားပြုသည်ဟု လွဲမှားစွာ ယူဆနေတတ်ကြပြန် ၏။ စင်စစ် ၎င်း Theocracy သည် ဒီမိုကရေစီ၏ ဆန့်ကျင်ဖက် ဖြစ်၏။ Theocracy ဟူသည်မှာ ဖန်ဆင်းရှင်ကိုယ်စား ပြောရေးဆိုခွင့်ဆုံးဖြတ်ခွင့်ရှိသူများမှ အာဏာပိုင် အဖြစ် သာသနာ့အာဏာဖြင့် အုပ်ချုပ်သည့်စံနစ်ကို ခေါ်ဆိုသည်။

    သီယိုကရေစီဝါဒ၌ ဗဟိုဦးစီးချုပ်ကိုင်သူ (ဥပမာ ပုပ်ရဟန်းမင်းကြီး) သို့မဟုတ် အခွင့်ထူးခံလူတစ်စု (ဥပမာ ဆရာသခင်/ဘုန်းတော်ကြီးများ)က အထူးအဆင့်အတန်း တစ်ရပ်အနေဖြင့် ဗျာဒိတ်သတင်းများကို မပြတ်ရရှိနေကြပြီး ၎င်းအားဖြင့် ဖန်ဆင်းရှင်၏ အလိုတော်ကိုသိလျက် အခါအားလျော်စွာ လူ့အဖွဲ့အစည်းအပေါ်သို့ ပြဋ္ဌာန်း ကျင့်သုံးသောဓလေ့ရှိသည်။

    သို့သော် စွန္နီမုစ်လင်မ်အားလုံးက လူတစ်ဦး (ဝါ) လူတစ်စုမှ ဖန်ဆင်းရှင်နှင့် တိုက်ရိုက်အဆက်အသွယ်ရှိပြီး ဖန်ဆင်းရှင်၏အလိုတော်အားသိနိုင်သည့် အထူးနည်းလမ်း ပိုင်ဆိုင်ခြင်းအယူအဆကို လက်မခံကြချေ။ လုံးဝ ပြီးပြည့်စုံသော ၊ လိုအပ်ချက်ဟူ၍ မရှိသော၊ မေးခွန်းထုတ်ရန်မလိုအပ်သော သာသနာ့အခြေတည်အုပ်ချုပ်မှု အာဏာမှာ မည်သည့်အဖန်ဆင်းခံ၏လက်ထဲတွင် မရှိနိုင်။ မိမိတို့၏အုပ်ချုပ်မှုသည် ကုရ်အာန်နှင့်စွန္နဟ်ရှိ ဗျာဒိတ်ဥပဒေအတိုင်း ဖြစ်မှသာလျှင် အာဏာ သို့မဟုတ် သြဇာ သက်ရောက်မှုရှိပေသည်။ အစ္စလာမ်သာသနာ၌ ကုရ်အာန်နှင့်စွန္နဟ်ရှိ ထင်ရှားသော အမိန့်မပါဘဲ လူသား၏ဥာဏ်ရည်သက်သက်ဖြင့် ဖန်ဆင်းရှင်၏အလိုတော်အား ဆုံးဖြတ်သတ်မှတ်ခြင်းကို ကန့်ကွက်ယုံမှတစ်ပါး အခြားမရှိပါလေ။

    ထို့ကြောင့်လည်း (ဗျာဒိတ်ကျမ်းဂန် ရရှိထားပါလျက်) အလ္လာဟ်အရှင်မြတ်ကိုစွန့်၍ မိမိတို့၏ဓမ္မဆရာများ၊ ဘုန်းတော်ကြီးများအား အရှင်သခင်အဖြစ်ပြုလုပ်ခဲ့ကြသည့်ဂျူးနှင့်ခရစ်ယာန်တို့အပေါ် ကုရ်အာန်က ပြင်းထန်စွာ ဝေဖန်ထားခြင်းဖြစ်သည် (၉း၃၁)။ တစ်နည်းဆိုသော် လွန်လေပြီးသောအတိတ်က သာသနာရေးဆိုင်ရာ လူ့အဖွဲ့ အစည်းတို့သည် ဖန်ဆင်းရှင်၏ဥပဒေအစား ၄င်းတို့၏ဘာသာရေးခေါင်းဆောင်များနောက်သို့ မျက်ကန်းရမ်းလျှောက်ပြုခဲ့ခြင်းကို ကုရ်အာန်မှ ဖော်ထုတ်တင်ပြထားလေ သည်။

    ထိုနည်းတူ သာသနာရေးရာလုပ်ပိုင်ခွင့်အာဏာကို အထက်မှအောက်သို့ အဆင့်ဆင့်သတ်မှတ် ထူထောင်ခြင်း မပြုရန် ကုရ်အာန်က အထူးသတိပေးထား၏။ ယင်းလူစား များသည် ကာလရွေ့မျောလာသည်နှင့်အမျှ လူတို့၏ဥစ္စာပစ္စည်းအား မတရားသောနည်းဖြင့် ရယူကြယုံမက လူတို့အား အလ္လာဟ့်လမ်းတော်မှလည်း ပိတ်ပင်တားဆီး လာလေ့ ရှိသောကြောင့်ဖြစ်သည် (၉း၃၄)။

    ကုရ်အာန်သည် သီယိုကရေစီဝါဒအပေါ် အယုံအကြည် မရှိ။ ကုရ်အာန့်နည်းကျအုပ်ချုပ်ပုံစံနစ်မှာ ဖော်ပြပါ အယူအဆအချက်သုံးချက်အပေါ် တည်ဆောက်စေသည်။
    ၁။ ဖန်ဆင်းရှင်တစ်ပါးတည်းသာ တုနှိုင်းမဲ့ဂုဏ်တော်များ၏ အရှင်သခင်

    တစ်ဆူတစ်ပါးတည်းသော အလ္လာဟ်အရှင်မြတ်သည်သာ ဖန်ဆင်းရှင်၊ ကျွေးမွေးပေးကမ်းသည့် ပျိုးထောင်ရှင်၊ အရှင်သခင် ဟူသော ဂုဏ်တော်အပေါင်း၏ ပိုင်ရှင် ဖြစ်တော်မူရာ ထိုအရှင်သည်သာ အဖန်ဆင်းခံ ဝေနေယျအားလုံးအပေါ် စိုးမိုးလျက်ရှိတော်မူ၏။ သို့ဖြစ်၍ အလ္လာဟ်အရှင်မြတ်ထံတော်၌သာ လူတစ်ဦးချင်းအတွက် ဖြစ်စေ၊ လူအများအတွက်ဖြစ်စေ လူ့ဘဝရေးရာဥပဒေများကို ဖန်တီးနိုင်သော မူလအခွင့်အာဏာကို ပိုင်ဆိုင်တော်မူ၏။

    ၂။ ဝဟီ (ဗျာဒိတ်အသိပေးချက်)

    လူသားတို့အဖို့ စံပြုရာဘဝ၊ ၄င်း ဖန်ဆင်းရှင်၏ဥပဒေနှင့်လမ်းညွှန်မှုအပေါ်တည်ဆောက်ထားသော လမ်းစဉ်ကို သိနားလည်စေအောင် ဝဟီ(ဗျာဒိတ်လမ်းညွှန်)ကသာ ကိုယ်စားပြုထားခြင်းဖြစ်သည် (၄း၇၉-၈ဝ ၊ ၇း၁၅၇-၁၅၈)။

    ၃။ ဖန်ဆင်းရှင်မှချီးမြှင့်ထားသည့် ကမ္ဘာ့ကိုယ်စားလှယ်ဟူသော လူသားအဆင့်အတန်း

    သာသနာ့ဂုဏ်ဆောင်ပုဂ္ဂိုလ်တစ်ဦး သို့မဟုတ် သာသနာအုပ်စုတစ်စုသာလျှင် ဤအဆင့်အတန်း၏ ပိုင်ရှင်ဟု ကြွေးကြော်စရာ အကြောင်းမရှိ၊ ဤသည်မှာ တာဝန်နှင့် အခွင့်အရေးဆိုင်ရာ ဗျာဒိတ်ဥပဒေအောက်၌ နေထိုင်ရှင်သန်နေကြကုန်သော လူသားအားလုံးမှ ကိုယ်စီပိုင်ဆိုင်ထားကြသည့် ဂုဏ်ရည်အဆင့်အတန်းဖြစ်၏။ သို့ဖြစ်ရာ ခေါင်းဆောင်ဖြစ်စေ လယ်သမားဖြစ်စေ လူ့အဖွဲ့အစည်းဝင်တိုင်း၌ အခွင့်အရေးနှင့်တာဝန်နှင့်စပ်လျဉ်း၍ ဥပဒေ၏အောက်တွင် တန်းတူသာဖြစ်သည်။ ဥပဒေ၏အထက် ၌ မည်သည့်လူသားမှ မရှိချေ။ ဖန်ဆင်းရှင်၏အလိုတော်အား ကြားခံတင်ပြပေးနေသူအဖြစ် ရာထူးခန့်အပ်ခံရခြင်းဟူ၍လည်း မရှိပါချေ။

    အမျိုးသားအမျိုးသမီးတိုင်းသည် ရွေးချယ်ခံရသူများပီပီ အလ္လာဟ့်သိစိတ်အခြေတည်လူ့ယဉ်ကျေးမှုကြီးကို ပြုစုပျိုးထောင်ကြရမည်ဖြစ်သည်။ ယင်းလူ့ဘောင်အဖွဲ့ အစည်းသည် လူထုကောင်းကျိုး နှင့် ကောင်းမြတ်သည့် အရေးအရာများ၌ ပူးပေါင်းပါဝင်ကြရပါမည်။ လူထုဆိုးကျိုးနှင့်ဘေးအန္တရာယ်များကို အားထုတ်ကာကွယ် ကြရပါမည် (၉း၇၁ ၊ ၂၂း၄၁)။ ပြောင်းလဲတိုးတက်နေသောလူ့အဖွဲ့အစည်းအတွက် အရေးပါသောအကြောင်းရပ်အသစ်များလည်း ထွက်ပေါ်လာလေ့ရှိခြင်းကြောင့် ဖန်ဆင်းရှင်၏အလိုတော်အားသိရှိနိုင်ရန် ဥာဏ်လွှာအားထုတ်ချက် (အိဂ်ျသိဟာ့ဒ်) ၌လည်း လူ့အဖွဲ့အစည်းမှ နိုးကြားစွာ ပါဝင်ကြရပေမည်

    ဗျာဒိတ်ဥပဒေကို လိုက်နာသော တိုင်းသူပြည်သားတို့သည် အပြန်အလှန်နှီးနှောတိုင်ပင်ခြင်းစံနစ် (ယှူရာ)၏အောက်မှ ယင်းဥပဒေများအား သတ်မှတ် အကောင်အထည် ဖော်ရပါသည် (၄၂း၃၈)။ ၄င်း၌ ပါလီမန် သို့မဟုတ် ကွန်ကရက်လွှတ်တော် အမတ်များကဲ့သို့ ဥပဒေ အတည်ပြုရေးရွေးချယ်ခံ အင်အားစုတစ်ရပ်က ကျမ်းမြတ်ကုရ်အာန်၊ စွန္နဟ် နှင့် အခြားဥပဒေရင်းမြစ်များအားဖြင့် အချေအတင်ဆွေးနွေးဆုံးဖြတ်ကြရ၏။

    အနောက်တိုင်းဒီမိုကရေစီ နှင့် အစ္စလာမ့်ဒီမိုကရေစီအကြား အဓိကကွာခြားချက်အချို့ ရှိနေပါသည်။ အနောက်တိုင်းဒီမိုကရေစီက အုပ်ချူပ်မှု အာဏာစက် (ဝါ) အချုပ် အခြာအာဏာကို လူတို့ထံပေးအပ်သည်။ ယင်းသူတို့က နိုင်ငံသားတို့အတွက် တာဝန်နှင့် အခွင့်အရေးများကို သတ်မှတ်၍ ဖွဲ့စည်းပုံအခြေခံဥပဒေအဖြစ် ပုံဖော်ကြသည်။ အစ္စလာမ့်ဒီမိုကရေစီမှာကား အချုပ်အခြာ အာဏာ/ဥပဒေစည်းမျဉ်းကို ဖန်ဆင်းရှင်ထံ လွှဲအပ်သည်။ ဖန်ဆင်းရှင်မှ လူတို့အပေါ် တာဝန်ဝတ္တရားနှင့်အခွင့်အရေးများကို ချမှတ်ပေးတော်မူသည် (၄း၁)။ အနောက်တိုင်း ဒီမိုကရေစီတွင် လူတို့သည် ကာလံဒေသံ လမ်းကြောင်းအပေါ် မူတည်ပြီး ကိုယ်ပိုင်ဥပဒေများကို ဖန်တီးကြသည်။ အစ္စလာမ့်ဒီမိုကရေစီ မှာတော့ အပြောင်းအလဲမရှိသော ဖန်ဆင်းရှင်၏နိစ္စထာဝရစည်းမျဉ်းများအတိုင်း လှုပ်ရှားလည်ပတ်သည်။ အနောက်တိုင်း ဒီမိုကရေစီက လူတို့၏ ဆန္ဒကို ဦးထိပ်ထားအလုပ်အကျွေးပြုသည်။ အစ္စလာမ့်ဒီမိုကရေစီကား ဖန်ဆင်းရှင်၏အလို ဆန္ဒတော်ကို ဦးထိပ်ထားအလုပ်အကျွေးပြုသည်။ ချုပ်ရပါလျှင် စံနစ်နှစ်ရပ် လုံး၌ တူညီသည့်အနှစ်သားတစ်ခုမှာ ရွေးချယ်ခံကိုယ်စားလှယ်များမှ အုပ်ချုပ်ခွင့်ရရှိခြင်းပင် ဖြစ်သည်။

    လူလုပ်ဒီမိုကရေစီစံနစ်၌ ဖွဲ့စည်းပုံစည်းမျဉ်း နှင့် စကားလုံးများက ဥပဒေပြုနိုင်သော လူသားစွမ်းရည်ကို ထိန်းချုပ်ထား၏။ အစ္စလာမ့်ဒီမိုကရေစီစံနစ်၌ လူသား၏ အုပ်ချုပ်မှု စွမ်းရည်ကို ကုရ်အာန်၏ဗျာဒိတ်ဥပဒေ နှင့် စွန္နဟ်အခြေပြုစည်းမျဉ်းများက ထိန်းချုပ်ကန့်သတ်ထားပေသည်။

    ပြည်သူ့ဆန္ဒ အဓိက

    ဒီမိုကရေစီစံနစ်ဟူသည် ပြည်သူ့ဆန္ဒကို ကိုယ်စားပြု၏။ နိုင်ငံသူနိုင်ငံသားတို့သည် ရွေးကောက်တင်မြှောက်ခြင်းဖြင့် မိမိတို့ဆန္ဒကို ထုတ်ဖော်ရ၏။ ကျမ်းမြတ်ကုရ်အာန် က ယင်းကဲ့သို့ အများဆန္ဒဖြင့် ရွေးကောက်တင်မြှောက်မှုကို ညွှန်ပြထားပါသလော ? ဧကန်ပင် ညွှန်ထားပါသည်။

    ကုရ်အာန်(၂း၃ဝ)အရ ကမ္ဘာ့လူသားမျိုးနွယ်သည် ဖန်ဆင်းရှင်၏ကိုယ်စားလှယ်တော်များဖြစ်ကြပေရာ မိမိတို့ တိုင်းပြည်နိုင်ငံများအတွက် တာဝန်ရှိနေကြသည်။ ဤအချက်က လူတို့၏ခေါင်းဆောင် နှင့် ကိုယ်စားလှယ်များကို လူထုကပင် ရွေးချယ်တင်မြှောက်ရမည့် အယူအဆပင် ဖြစ်ပါသည်။

    ကုရ်အာန်၏အမိန့်ဖြစ်သော ယှူရာ (အပြန်အလှန်နှီးနှောဖလှယ်၍ သဘောတူညီချက်ရယူမှု)သည် ဒီမိုကရေစီ နည်းကျ ရွေးကောက်တင်မြှောက်ခြင်း၏ အနှစ်သာရပင် ဖြစ်သည်။

    ကုရ်အာန်က မုစ်လင်မ်တို့အား ”အလ္လာဟ်အရှင်မြတ်အား နာခံကြ၊ ရစူလ်တမန်တော်အား နာခံကြ၊ ၄င်းနောက် အသင်တို့အနက်မှ (လမ်းစဉ်မှန်)အာဏာပိုင်များကို နာခံကြ” ဟု သင်ကြားထားသည် (၄း၅၉)။ ဤပါဒတော်၏ တတိယညွှန်းချက်တွင် အသင်တို့အပေါ် ဟုဆိုမထားဘဲ “အသင်တို့အနက်မှ” ဟု ရှင်းလင်းပြတ်သားစွာ ဆိုထားသောကြောင့် ခေါင်းဆောင်ကို ပြည်သူလူထုအနက်မှ ပြည်သူများကသာရွေးချယ်၍၊ ခေါင်းဆောင်သည် ပြည်သူလူထုထဲမှပင် ထွက်ပေါ်လာရမည်ဖြစ်သည်။ တိုင်းသူပြည်သားများအပေါ် ခေါင်းဆောင်ကို တစ်ဖက်သတ် တင်မြှောက်သတ်မှတ်ခြင်းမျိုး မဟုတ်ရပါ။

    ရွေးချယ်တင်မြှောက်မှုအယူအဆဆိုင်ရာ အဖြေတစ်ချို့ နှင့် စံပြပုံရိပ်ကို ခေတ်ဦးအစ္စလာမ့်ရာဇဝင်၌ ခိုင်ခိုင်မာမာ ထူးထူးခြားခြား တွေ့ကြရပေလိမ့်မည်။ တမန်တော် မုဟမ္မဒ် (ဆွ) ကွယ်လွန်အံ့ဆဲဆဲအချိန်တွင် ကိုယ်တော်၏ဆွေသဟာများက ကိုယ်တော်သည် မိမိ၏လူ့ဘောင် အဖွဲ့အစည်းအတွက် ခေါင်းဆောင်တစ်ဦးဦးကို ထုတ်ဖော် မှာကြားတော်မူလိမ့်မည်ဟု ခန့်မှန်းယူဆခဲ့ကြ၏။ သို့သော် တမန်တော်မြတ်သည် ဤအရေးအရာနှင့်စပ်လျဉ်း၍ ရေငုံနှုတ်ပိတ်နေတော်မူခဲ့သည်မှာ မထူးခြားပါသလော ? တမန်တော်မြတ်(ဆွ)သည် မည်သည့်အမိန့်မှ မပေးတော်မူခဲ့ခြင်းမှာ လူ့အဖွဲ့အစည်း၏ခေါင်းဆောင်ကို လူထုကိုယ်တိုင်က ဆုံးဖြတ်ရွေးချယ်စေရန်ဖြစ်ပါ၏။ ထိုအခြေ အနေ၌ အဆိုပြုခံရသော ဆွေသဟာတော် သုံးပါးရှိခဲ့၏။ အဗူဗကရ်၊ အုမရ် နှင့် စအဒ် (ရဿွိ-ဟွံမ်)တို့ဖြစ်၏။ ၄င်းတို့အနက် အဗူဗကရ်အား အခိုင်မာဆုံး ရွေးချယ်လိုက် ကြပြီး အစ္စလာမ်သာသနာ၏ ပထမဦးဆုံး ခလီဖဟ်အဖြစ် အတည်ပြုတင်မြှောက်ခဲ့ကြသည်။ အခြားသော အစဉ်အဆက်ခလီဖဟ်များဖြစ်လာကြသော အုမရ်၊ အုဆ်မာန်း၊ အလီ (ရဿွိ-ဟွံမ်) တို့သည်လည်း အလားတူပုံစံအတိုင်း အွမ္မဟ် (မုစ်လင်မ်လူထု)၏ ရွေးကောက် တင်မြှောက်ခံခဲ့ကြရပေသည်။ ဤသည်ကား မုစ်လင်မ် လူထု အများစု၏ဆန္ဒကို ကိုယ်စားပြုချက်ပင် ဖြစ်ပါသည်။

    သို့ဖြစ်၍ ရွေးကောက်ပွဲဟူသည် အစ္စလာမ့်အုပ်ချုပ်ရေးစံနစ်အတွက် သဟဇာတ ဖြစ်သည်သာမက အစ္စလာမ့်နည်းကျအုပ်ချုပ်ရေးစံနစ်၏ အရေးပါသော ကဏ္ဍတစ်ရပ် အဖြစ်လည်း ပါဝင်နေပေသည်။

    လူထုမှအပ်နှင်းသော အာဏာ နှင့် တာဝန်

    ဒီမိုကရေစီယန္တရား ပီပြင်စွာလည်ပတ်နိုင်ရေးအတွက် လူထုအနေဖြင့် တာဝန်ကျေပွန်နိုင်မည့် ခေါင်းဆောင်နှင့်ကိုယ်စားလှယ်များကို ရွေးချယ်တင်မြှောက်ကြရပေမည်။ ဤလုပ်ငန်းစဉ်၌ ယှူရာသည် အရေးကြီးသည့် အခန်းကဏ္ဍဖြစ်လာသည် (၄၂း၃၈)။ ယှူရာ၏ အတွေးအမြင်က လူထု၏သဘောတူညီမှုအားဖြင့် တာဝန်ထမ်းဆောင် မည့် ပြည်သူ့ကိုယ်စားလှယ်များကို ထွက်ပေါ်ရရှိစေသည်။ အာဏာသုံးခန့်အပ်ခြင်းပုံစံက တရားမဝင်ပါ။

    သို့သော်လည်း အစ္စလာမ့်ဒီမိုကရေစီစံနစ်အပေါ် သံသယပွားသူတို့က ယှူရာသည် ဒီမိုကရေစီ၏ လုပ်ထုံးလုပ်နည်း၌ မပါဝင်၊ ပေါင်းစပ်ထည့်သွင်းစရာလည်း မဟုတ်ဟု ဆိုကြ၏။ အစ္စလာမ့်ဒီမိုကရေစီစံနစ်အား ထောက်ခံရပ်တည်ကြသူတို့ကမူ ယှူရာက လူထုကိုယ်စားလှယ်များအပေါ် ဧကန်ပင် သြဇာသက်ရောက်ရမည်။ တမန်တော်မြတ်(ဆွ)နှင့် လက်ဦးခလီဖဟ်လေးပါးတို့၏ လက်တွေ့ဆောင်ရွက်ချက်များ၌အခြေခံကာ ပညာရှင်အများစု၏ အကြံဥာဏ်ကို ရယူအပ်သည်ဟု ပြန်လည် ချေပေကြ၏။ ဒုတိယအားဖြင့် ခေါင်းဆောင်နှင့်လူထုကိုယ်စားလှယ် ရွေးချယ်တင်မြှောက်ရေးတာဝန်အား ကုရ်အာန် က အောက်ပါကဲ့သို့ ဖော်ပြထားသည်ကို တွေ့ရ မည်။

    အလ္လာဟ်အရှင်မြတ်သည် အသင် (မုစ်လင်မ်)တို့အား (မိမိတို့ထံသူတစ်ပါးက) ယုံကြည်စွာအပ်နှံမှုများကို ထိုအပ်နှံကြသူများထံ (ပြန်လည်) ပေးဆပ်ကြရန် လည်းကောင်း၊ လူတို့စပ်ကြား၌ စီရင်ဆုံးဖြတ်ကြရာတွင် တရားမျှတစွာဖြင့် စီရင်ဆုံးဖြတ်ကြရန်လည်းကောင်း ဧကန်စင်စစ် အမိန့်တော်ပေးထားတော်မူ၏။ ကုရ်အာန် (၄း၅၈)

    အရွေးချယ်ခံကိုယ်စားလှယ်သည် လူထုမှ ယုံကြည်စွာလွှဲအပ်ခံရသူ ဖြစ်သည်။ ယင်းအပ်နှံမှုနှင့် ထိုက်တန်စွာ တာဝန်ထမ်းဆောင်ရမည်ဖြစ်သည်။ ထိုသူ သို့မဟုတ် သူမအနေဖြင့် တရားမျှတမှုအပေါ် ရပ်တည်ရန်လည်း အရေးကြီးသည်။ အကယ်၍ လူထုကိုယ်စားလှယ်တစ်ဦးဦးမှာ ဤစံချိန်စံညွှန်းနှစ်ရပ်၏အရည်အချင်း မရှိသော် ထိုသူ သို့မဟုတ် သူမသည် ပြည်သူတို့၏ယုံစားခြင်းမှ လက်မဲ့ဖြစ်၍ အုပ်ချုပ်ရေးနှင့်ထိုက်တန်သူ မမည်ချေ။

    တတိယအားဖြင့် ကိုယ်စားလှယ်တို့၏ဥပဒေတင်သွင်းမှု/အတည်ပြုမှုများမှာ မိမိတို့၏ကိုယ်ပိုင်ဆန္ဒ နှင့် ရမ္မက်များအပေါ် အခြေမပြုရပေ။ ကုရ်အာန် နှင့် စွန္နဟ်၏ လမ်းကြောင်းအတွင်း၌သာ တည်ရှိနေရပေမည် (၄း၅၉)။ ကုရ်အာန် နှင့် စွန္နဟ် တည်းဟူသော အရင်းအမြစ်ကြီးနှစ်ရပ်မှာ အစ္စလာမ်၏ ဖွဲ့စည်းအုပ်ချုပ်ပုံ အခြေခံ ဥပဒေပင် ဖြစ်သည်။ သို့ဖြစ်ရာ အခြေခံဥပဒေအား ချိုးဖျက်ရာရောက်သည့် ဥပဒေစည်းမျဉ်းများကိုပယ်ချနိုင်ရန် ဘက်ညီမှု နှင့် တန်ပြန်စစ်ဆေးမှုစံနစ် ရှိနေရမည်၊ ၎င်းအတွက် “(နှောင်ကြိုးမဲ့) လွတ်လပ်သော ဥပဒေပညာရှင်များ ကောင်စီ” တစ်ခုကိုလည်း ဖွဲ့စည်းကြရပေမည်။ အကြောင်းမှာ ဥပဒေပါရဂူတစ်ဦးတစ်ယောက်တည်း ထံ၌ အချုပ်အခြာအာဏာ/ လုပ်ပိုင်ခွင့်များ စုပြုံရောက်ရှိမနေရန် ဖြစ်သည်။ ဆက်လက်၍ လူထုကိုယ်စားလှယ်နှင့်ဥပဒေပညာရှင်များသည် လူထုမှ အပ်နှင်းထားသော ဦးဆောင်မှု၊ ကိုယ်စားပြုမှု၏တာဝန်များနှင့်အညီ ညီလာခံကျင်းပရန် တာဝန်ရှိပါသည်။

    ကျမ်းမြတ်ကုရ်အာန်၏အုပ်ချုပ်ရေးဆိုင်ရာအတွေးအမြင်က လူထုဆန္ဒအခြေပြုဒီမိုကရေစီ၏ အဓိကစည်းမျဉ်းအား ဖော်ကျူးပြသလျက်ရှိနေပေသည်။
    လွတ်လပ်ခွင့် နှင့် အစ္စလာမ့်အတွေးအခေါ်

    လူတို့ထံ၌ ဥပဒေပြင်ဆင်ရန် လွတ်လပ်စွာ အရေးဆိုခွင့်၊ လွတ်လပ်စွာဟောပြောရေးသားခွင့် ၊ လွတ်လပ်စွာစည်းရုံးစုဝေးခွင့် အပါအဝင် သက်ဆိုင်ရာလွတ်လပ်မှုများ ရှိရခြင်းသည် ဒီမိုကရေစီ၏လိုအပ်ချက်ဖြစ်၏။ လွတ်လပ်ခြင်းဟူသည် နိုင်ငံရေးမူဝါဒထက် များစွာကျယ်ပြန့်ပါသည်။ ဥပမာ – ဘာသာရေးဆိုင်ရာလွတ်လပ်ခွင့် ကိစ္စမျိုးလည်း ပါဝင်နေသည်။ မိမိအတွင်းရေး/ကိုယ်ရေးကိုယ်တာကို ကာကွယ်ပိုင်ခွင့်ကဲ့သို့ အခြားဥပဒေများမှာ ဒီမိုကရေစီစစ်စစ်ဟုဆိုနေသည့် လူ့အဖွဲ့အစည်းများအတွင်း ယနေ့တိုင်အောင် အပြင်းအထန် အရေးဆိုနေရဆဲပင်။

    လွတ်လပ်မှုကိုအတည်ပြုရေးသည် အစ္စလာမ့်လူ့အဖွဲ့အစည်းတစ်ရပ်၌ အခွင့်အရေးသက်သက်သာမဟုတ်၊ တာဝန်လည်းဖြစ်နေသည်။ ကုရ်အာန်က လူသားကို ကမ္ဘာမြေ၏ကိုယ်စားလှယ်အဖြစ် ဂုဏ်တင်ထားသောကြောင့်ဖြစ်သည် (၂း၃ဝ)။ သို့ဖြစ်၍ အမျိုးသားအတွက်ဖြစ်စေ အမျိုးသမီးအတွက်ဖြစ်စေ ဥပဒေရေးရာ ဆွေးနွေး တင်ပြခွင့် အခွင့်အရေးကို ဖယ်ရှားမရနိုင်ပါ။ ထို့ကြောင့် မည်သည့် ဒီမိုကရေစီစံနစ်အမျိုးအစား၌ဖြစ်စေကာမူ ဤအခွင့်အရေးနှင့်လုပ်ဆောင်ချက်များအား စမ်းသပ် ကျင့်သုံးကြည့်ရန် လက်ဆင့်ကမ်းသင့်ပေသည်။

    လူ့အဖွဲ့အစည်းအပေါ် စာရိတ္တ နှင့် စည်းကမ်း(ကျင့်ဝတ်တရား) ပဲ့တင်ထပ်နေရေးအတွက် လူမှုရေးရာလှုပ်ရှားမှု နှင့် အရေးဆိုမှုများကို ဆောင်ရွက်ရန် ကုရ်အာန်က ထောက်ခံထားပါသည်။

    ၄င်းပြင် အသင်တို့၌ (အကြင်သို့သော) လူ့အဖွဲ့အစည်း ရှိရမည်။ ထိုလူ့အဖွဲ့အစည်းသည် (လူသားတို့အား) ကောင်းရာကောင်းကြောင်းဖက်သို့ဖိတ်ခေါ်ကြရမည်။ ထို့ပြင် ကောင်းမြတ်သောအရာများကို ညွှန်ကြားကြရမည်။ ၄င်းပြင် မကောင်းမှုများမှလည်း မြစ်တားကြရမည်။ ဤသို့သောသူများသည်သာလျှင် (လုံးဝ) အောင်မြင်မည့်သူများ ဖြစ်ကြပေသတည်း။ ကုရ်အာန် ( ၃း၁ဝ၄ )

    အစ္စလာမ့်ဒီမိုကရေစီစံနစ်တစ်ရပ်အနေနှင့် နိုင်ငံရေး နှင့် လူမှုရေးရာ စည်းရုံးခြင်း/စုရုံးခြင်းအတွက် လွတ်လပ်ခွင့်အား မဖြစ်မနေ အသိအမှတ်ပြုရပေမည်။ သာသနာ့ လွတ်လပ်ခွင့်မှာလည်း အစ္စလာမ့်ဒီမိုကရေစီစံနစ်တွင် အရေးကြီးလှပေသည်။ ယနေ့ကာလ အချို့မုစ်လင်မ်လူ့အစုအဖွဲ့များအကြားတွင် သာသနာ့ရေးရာလိုက်လျော နားလည်မှုနှင့်ပတ်သက်၍ အားနည်းလျက်ရှိနေကြ၏။ သို့တစေ အချို့မုစ်လင်မ်နိုင်ငံများကမူ ဘာသာခြားအုပ်စုများအပေါ် အထူးလိုက်လျောစွာ အခွင့်အရေးများ ပေးထားကြပါသည်။

    အစ္စလာမ့်ယဉ်ကျေးမှု၌ ဘာသာရေးလွတ်လပ်ခွင့်အပြည့်အဝပေးခဲ့ကြသော သမိုင်းကြောင်းသာဓက များစွာ ရှိနေပါသည်။ ဥပမာ – စပိန်သည် အစ္စလာမ်နိုင်ငံဖြစ်ခဲ့စဉ်က မုစ်လင်မ်မဟုတ်သူများမှာ ထိပ်ပိုင်းဆိုင်ရာ အာဏာပိုင်ရာထူးများ ရရှိခံစားနိုင်ခဲ့ကြသည်အထိပင် ဖြစ်သည်။

    “သာသနာရေး၌ အဓမ္မစံနစ် မရှိ ” (၂း၂၅၆) ဟူသောအဆိုဖြင့် ကုရ်အာန်က ဘာသာတရားလွတ်လပ်ခွင့်အား အပြည့်အဝ အသိအမှတ်ပြုထားကြောင်း ထင်ရှားပါသည်။ သို့သာမက ဘာသာရေးလွတ်လပ်ခွင့်ကို ဖော်ဆောင်ရန်၊ (ဘာသာခြားတို့၏) ဝတ်ပြုရာကျောင်းကန်ဇရပ်များ တိုက်ခိုက်ခံရလျှင် မုစ်လင်မ်တို့မှ အကာအကွယ်ပေးကြရန် အထိပင် မုစ်လင်မ်တို့ကို သွန်သင်ထားပါသည် (၂၂း၎ဝ)။ ထို့ကြောင့် ကုရ်အာန့်သဘောတရား၌ ဤအခွင့်အရေးလည်း ပါဝင်လျက်ရှိပေသည်။

    အတွင်းရေး/ကိုယ်ရေးကိုယ်တာကာကွယ်ပိုင်ခွင့်ဥပဒေသည် အနောက်တိုင်းဒီမိုကရေစီလောကအတွင်း လက်ရှိသမယ၌ အလွန်ရေပန်းစားနေသော ဆွေးနွေးမှုတစ်ရပ် ဖြစ်နေ၏။ ကုရ်အာန်ကမူ နိုင်ငံသားတစ်ဦး၏လွတ်လပ်ခွင့်များအနက် အတွင်းရေးကိစ္စများသည် အရေးပါသောအချက်ဖြစ်သည်ဟု ကနဦးကပင် ရှင်းပြထားသည်။ ထောက်လှမ်းစပ်စုခြင်း၊ သူတစ်ပါး၏အိမ်သို့ အခွင့်မရှိဝင်ရောက်ခြင်း၊ မိသားစုတစ်ခုတည်းအတွင်းမှာပင် သက်ဆိုင်ရာသီးသန့်အခန်းသို့ဝင်ရန် အခွင့်မတောင်းခြင်း တို့ကို ကုရ်အာန်က တားမြစ်ထားသည် (၂၄း၂၇ ၊ ၂၄း၅၈ ၊ ၄၉း၁၂ )။ သို့သာမက အိမ်နေ/အိမ်ရှင်များ ဝင်ခွင့်မပြုပါက ပြန်လှည့်ထွက်သွားရမည့်အကြောင်းကိုပါ ဆုံးမ ထား၏ (၂၄း၂၈)။ အစ္စလာမ့်ဥပဒေသည် ကိုယ်ရေးကိုယ်တာအတွင်းရေးကဏ္ဍများအပေါ် အလေးအနက်ထားသည်ဖြစ်ရာ အစ္စလာမ့်ဒီမိုကရေစီစံနစ်အဖို့ အရေးပါ လှသည့်အယူအဆတစ်ရပ် ဖြစ်သည်။

    လူထု၏စာရိတ္တခြစားမှုကို အာဏာပိုင်မှ တရားသဖြင့်နှိမ်နှင်းနိုင်ပါသော်လည်း အတွင်းရေးကဏ္ဍမှာ သီးသန့်သာဖြစ်၏။ အကြောင်းမှာ အိမ်နံရံလေးဖက်အတွင်း ပြုလုပ် သည့်လုပ်ရပ်များသည် ထိုသူနှင့်ဖန်ဆင်းရှင်အကြားရှိ ကိစ္စရပ်သာ ဖြစ်နေ၍တည်း။

    အစ္စလာမ်၏လွတ်လပ်မှုဆိုင်ရာစည်းမျဉ်းများသည် ရှေးဆန်လှသည်ဟု ဆိုကောင်းဆိုနိုင်မည် ဖြစ်သော်လည်း ဒီမိုကရေစီစံနစ်မှာကား ရှေးဆန်မှုနှင့်အတူယှဉ်တွဲ မရှိနိုင်ဟု ဆိုမရပါလေ။

    ဥပမာ – အစ္စလာမ့်ဒီမိုကရေစီစံနစ်အပေါ် သံသယပွားသူများစွာက အစ္စလာမ်သည် ဒီမိုကရေစီနှင့် သဟဇာတ မဖြစ်၊ အကြောင်းမှာ အမျိုးသမီးတို့သည် မိမိနှစ်သက် သလို ဝတ်စားဆင်ယင်ခွင့်မရှိ၍ဖြစ်သည်ဟု စောဒက ဝင်ကြ၏။ သို့ရာတွင် အနောက်တိုင်းလောက၌လည်း ဝတ်စားဆင်ယင်မှုဆိုင်ရာအဆင့်အတန်း ဟူသည် ရှိနေပါ၏။ ၎င်းတို့မှာ အိနြေ္ဒသိက္ခာရှိရှိဝတ်စားဆင်ယင်ခြင်းအပေါ်အခြေခံထားသည့် ယဉ်ကျေးမှုအယူအဆဖြစ်သည်။ မုစ်လင်မ်နိုင်ငံများတွင် ဝတ်စားဆင်ယင်မှုဥပဒေများ၏ အဓိပ္ပာယ်ဖွင့်ချက်များမှာ တည်ကြည်သော လုံခြုံဝတ်စားဆင်ယင်မှုဖြစ်စေရေးကို အကျိုးသက်ရောက်စေသည်။ ယင်းဖွင့်ဆိုချက်မှာ လူ့အဖွဲ့အစည်း တစ်ခုနှင့်တစ်ခု မတူညီချေ။ အိနြေ္ဒသိက္ခာအရှိဆုံး ဝတ်စားဆင်ယင်ပုံနှင့်ပတ်သက်၍ မုစ်လင်မ်အမျိုးသမီးများထံ၌လည်း တစ်ထေရာတည်းဟူ၍ မရှိကြပါ။ သို့ရာတွင် အစ္စလာမ့် ဒီမိုကရေစီစံနစ်၌ လူတို့၏ထုံးတမ်းဓလေ့သည်လည်း ဥပဒေပြုခြင်း၌ ထည့်သွင်းစဉ်းစားရလေ့ရှိပါသည်။

    သာတူညီမျှလူမှုရေးရာ နှင့် အစ္စလာမ့်ဥပဒေ

    လူမှုရေးသာတူညီမျှမှုသည် ပြည့်ဝသည့်ဒီမိုကရေစီစံနစ်အတွက်မရှိမဖြစ်ကဏ္ဍတစ်ရပ်ဖြစ်သည်။ ဒီမိုကရေစီအရေးအရာ၌ ပါဝင်ဆောင်ရွက်ခွင့်ကို မည်သည့်နိုင်ငံသားမှ လက်မဲ့မဖြစ်စေရပါ။ ဤသည်မှာ ပြည်သူ့အာဏာပင်ဖြစ်၏။ တိုင်းသူပြည်သားတိုင်းသည် နိုင်ငံ၏ဥပဒေအောက်ဝယ် တစ်ပြေးညီရှိရပါမည်။ ခွဲခြားနှိမ့်ချဆက်ဆံရေးမရှိပဲ တပြေးညီအခွင့်အရေးခံစားမှုတွင် တန်းတူဖြစ်နေရပါမည်။ ဤအချက်က လူနည်းစုတို့၏အခွင့်အရေးများကိုအာမခံချက်ပေးနေသည်

    ထိရောက်သောနိုင်ငံရေးအင်အားစုဖွဲ့ရန် အင်အားမလုံလောက်သည့်လူ့အဖွဲ့အစည်းများအဖို့ ဤအခွင့်အရေးမှာ မရှိမဖြစ် အရေးပါလှပေသည်။ လူမှုဘဝသာတူ ညီမျှမှုနှင့် စပ်လျဉ်း၍ ကုရ်အာန်က ပါဒတော်များစွာ ပြဆိုထားသည်။ သာတူညီမျှမှုကိစ္စသည်လည်း အစ္စလာမ့်ဥပဒေ၌ မရှိမဖြစ် ကဏ္ဍတစ်ရပ်အနေဖြင့် ပါဝင်နေသည်။ ဥပမာ ပါဒတော်(၄၉း၁၃)၌ ကျားမ မရွေး၊ လူမျိုးမရွေး လူသားတိုင်းသည် ဖန်ဆင်းရှင်၏ တူညီသော ဖန်ဆင်းခံများပင်ဖြစ်ကြောင်း၊ တဖန် (၆ဝး၈)၌ မုစ်လင်မ်တို့သည် အစ္စလာမ်၏ရန်သူ မဟုတ်ကြကုန်သော ဘာသာခြားများနှင့် ကောင်းမွန်သင့်မြတ်စွာနှင့် တရားမျှတစွာ ဆက်ဆံရမည့်အကြောင်း ညွှန်ပြထား၏။

    သာတူညီမျှမှုဆိုင်ရာ လူမှုဥပဒေများ၌ ခေါင်းခဲစရာ အချက်သုံးရပ် ကြုံရလေ့ရှိ၏။ စီးပွားရေးကဏ္ဍ၌ အမျိုးသမီးတစ်ဦးတည်း၏ သက်သေခံ ထွက်ဆိုမှု၊ အမွေခံမှု၊ ကွာရှင်းပြတ်စဲမှုတို့ဖြစ်ကြ၏။ ဤအခြေအနေသုံးရပ်တွင် အမျိုးသမီးတို့မှာ တန်းတူအခွင့်အရေးရဖို့နေနေသာသာ ခွဲခြားခံရသည်ဟု အချို့က အမြင်ရှိနေခဲ့သည်။ မုစ်လင်မ်တို့၏ ဤဥပဒေနောက်ကွယ်မှအကြောင်းရင်း/ရည်ရွယ်ရင်းကို နှံ့စပ်သေချာစွာ လေ့လာကြသောအခါဝယ် ယင်းသတ်မှတ်ချက်များမှာ ခွဲခြားနှိမ့်ချဆက်ဆံခြင်း မဟုတ်၊ အစ္စလာမ့်လူ့အဖွဲ့အစည်းရှိ “ လူမှုရေးရာနှင့်မိသားစုဆိုင်ရာ တာဝန်ယူရခြင်း အနေအထား ”ပေါ်မူတည်၍ ဖော်ဆောင်ချပြထားခြင်းဖြစ်ကြောင်း သိမြင်လာကြ ပေသည်။

    ခေတ်သစ် အစ္စလာမ့်ရေးရာ ဖွင့်ဆိုချက်အချို့က အစ္စလာမ့်ဥပဒေရှိ တရားမျှတမှု အနှစ်သာရနှင့် လိုက်လျောညီထွေဖြစ်စေရေးအတွက် အချို့ဥပဒေများကို လက်ရှိခေတ် ၏ သရုပ်မှန်များအပေါ် သုံးသပ်ကာ ပြန်လည်ပြင်ဆင် တည်ဆောက်ရန် တွန်းအားပေးနေပါသည်။ သို့သော်လည်း ဤအချက်တစ်ချက်တည်းဖြင့် ဒီမိုကရေစီဖွံ့ဖြိုး တိုးတက်ရေးကို အကာအကွယ်ပေးရာ မရောက်ပါလေ။ အကြောင်းမူ ယနေ့ခေတ်၏ မည်သည့်တိုင်းနိုင်ငံ၌ပင်ဖြစ်စေ မညီမျှမှု၊ တစ်ဖက်စောင်းနင်းဖြစ်မှုများမှာ နည်းများမဆို ရှိနေကြ၍ ဖြစ်လေသည်။ ထို့ကြောင့် ဤလူမှုရေးရာကိစ္စများ တိုးတက်လာဖို့မှာ အချိန်ယူရပေဦးမည်။

    နောက်ဆုံးအားဖြင့်ထောက်ပြလိုသည့် အချက်တစ်ချက် ရှိပါသည်။ အစ္စလာမ်သည် ခေတ်နှင့်အညီ ရင်ဘောင်တန်းနိုင်ခြင်းရှိမရှိ မှသည် ကုရ်အာန်သည် ဒီမိုကရေစီနှင့် သဟဇာတ ဖြစ်မဖြစ်အထိ ခြုံငုံဆွေးနွေးခဲ့လေပြီ။ အစ္စလာမ့်အစိုးရအာဏာပိုင်များအနေဖြင့် လွတ်လပ်မှုနှင့်တရားမျှတမှုအလို့ငှါ (ဘောင်မလွတ်သော) အခြားပုံဟန် များကိုလည်း ဖော်ဆောင်နိုင်ပေသည်။ ကုရ်အာန်၏ရှုထောင့်၌ “ ကွဲပြားခြားနားခြင်းသည် ဖန်ဆင်းရှင်၏အလိုတော်သာ ဖြစ်သည် ” ဟု ဖော်ပြနေ၏ (၄၉း၁၃)။ နိုင်ငံတိုင်း သို့မဟုတ် လူ့အဖွဲ့အစည်းတိုင်းက လူသားများဖွံ့ဖြိုးတိုးတက်ရေးအတွက် တစ်ပုံစံတည်းသော နိုင်ငံရေး သို့မဟုတ် လူမှုရေးစံနစ်ကိုလိုက်နာရန် မဖြစ်နိုင်ကြောင်း ပင်တည်း။

    ** Sohaib Sultan ၏ The Koran(Qur’an) for Dummies – (Wiley Publishing Inc, Indiana, USA, 2004) မှ ကောက်နှုတ်၍ တိုက်ရိုက်ပြန်ဆိုရေးသားသည်။

    —————————————-

    ** M-Media သို့ ဆောင်းပါးရှင် ဂျူလိုင်ရဲရင့်ပေးပို့သော ဘာသာပြန် ဆောင်းပါးဖြစ်ပါသည်။ မူရင်းဆောင်းပါးရှင်၏ အမြင်နဲ့ အာဘော်ဖြစ်ပါသည်။

    ဆောင်းပါးများ ပေးပို့လိုလျှင် [email protected] သို့ အီးမေးလ်ပေးပို့နိုင်ပါသည်။

  • မြို့ပတ် ‘ဇ’ အထူးရထား နိုဝင်ဘာ ၁-ရက်နေ့တွင် ရန်ကုန်ဘူတာကြီးမှ စတင်ပြေးဆွဲမည်

    မြို့ပတ် ‘ဇ’ အထူးရထား နိုဝင်ဘာ ၁-ရက်နေ့တွင် ရန်ကုန်ဘူတာကြီးမှ စတင်ပြေးဆွဲမည်

    အောက်တိုဘာ ၂၉၊ ၂၀၁၃
    M-Media
    ဆူးထက်

    IMG_20131029_135709

    ရန်ကုန်   ။         ။          မြို့ပတ် ‘ဇ’- အထူးရထားတွဲကြီးကို နိုဝင်ဘာ ၁-ရက်နေ့တွင် ခရီးစဉ် တစ်ခုအတွက် တစ်ဦးလျှင် ငွေကျပ်-၃၀၀၊ နိုင်ငံခြားသား တစ်ဦးလျှင် တစ်ဒေါ်လာဖြင့် စတင်ပြေးဆွဲတော့မည် ဖြစ်ကြောင်း ကုန်းလမ်းပို့ဆောင်ရေး ဦးစီးဌာန၏ မြန်မာ့မီးရထား အထွေထွေ မန်နေဂျာ ဦးထွန်းအောင်သင်း (အောက်မြန်မာပြည်) က ယနေ့ပြုလုပ်သည့် သတင်းစာရှင်းလင်းပွဲတွင် ပြောကြားလိုက်သည်။

    “ဒီကနေ့မှာတော့ အဆင့်မြင့် တွဲဆိုင်း အသစ်ကို မြို့ပတ် ဇ- တွဲဆိုင်း ပြေးဆွဲတဲ့ နေရာမှာ အစားထိုးပြီး အဆင့်မြင့် တွဲဆိုင်း အသစ်အနေနဲ့ ပြေးဆွဲခြင်း ဖြစ်ပါတယ်။ ဘူတာ အားလုံးကို ရပ်ပါမယ်။ မူလအတိုင်းပဲ ခရီစဉ် ကိုးခေါက်မှာ အင်းစိန်ကနေ မနက် ၅နာရီ ထွက်ပြီးတော့ ရန်ကုန်ကို လာပါမယ်။ တခါ ရန်ကုန်ကနေ အင်းစိန်၊ အင်းစိန်ကနေ လှော်ကားကို တက်ပါမယ်။ အလားတူပဲ ရန်ကုန် မြို့ပတ်ကို ပတ်တဲ့အခါမှာ အားလုံး ၄-ပတ် ပတ်သွားပါမယ်” ဟု ၎င်းက မီဒီယာများသို့ ပြောကြားခဲ့သည်။

    မြန်မာ့မီးရထားအနေဖြင့် ရထားပို့ဆောင်ရေး ၀န်ကြီးဌာန ပြည်ထောင်စု ၀န်ကြီး၏ လမ်းညွှန်ချက်နှင့် အညီ ရန်ကုန်တိုင်း ဒေသကြီး အတွင်းမှာ ပြေးဆွဲနေသည့် မြို့ပတ် ရထား အားလုံး ၂၂-ဆိုင်းရှိပြီ ဖြစ်ကြောင်း၊ ယခုလို အဆင့်မြင့် တွဲဆိုင်းပြေးဆွဲခြင်း အားဖြင့် ခရီးသွား လုပ်သား ပြည်သူတွေအတွက် အဆင့်မြင့် ဆောင်ရွက်ခြင်း ဖြစ်ကြောင်း၊ နောင်တွင်လည်း ယခုလို အဆင့်မြင့်တွဲဆိုင်းကြီးများကို ဖြည့်စွက်ပြီး ပြေးဆွဲသွားမည် ဖြစ်ကြောင်း ၎င်းက ပြောသည်။

    “ငွေကျပ်-၃၀၀လို့ သတ်မှတ်ရခြင်းက ဒီတွဲဟာ ကျန်တဲ့ တွဲတွေနဲ့ မတူပါဘူး။ သီးသီးသန့်သန့်လည်း ဖြစ်တယ်။ ဒါက အထူးသဖြင့် အဆင့်မြင့် စီစဉ်ခြင်း ဖြစ်ပါတယ်။ မြို့ထဲသွားသည့် ကားစီးနှုန်းခပေါ် မူတည်ပြီး ချိန်ဆပြီး ခရီးသည်တွေရဲ့ ဆန္ဒကို ယူပြီး ဈေးနှုန်းသတ်မှတ်ခဲ့ခြင်း ဖြစ်ပါတယ်။ အနည်းစု စီးနှင်းနိုင်အောင်လည်း ၁၀၀-တန် မြို့ပတ်ရထား ထားပေး ထားပါတယ် ” ဟု M-Media သို့ပြောသည်။

    အဆိုပါ ရထားတွဲလိုင်းများမှာ ယခုကြိမ်နှင့်ဆိုလျှင် သုံးကြိမ်ရှိပြီ ဖြစ်ကြောင်း ကျိုက်ထီးရိုး ကျိုက်ထိုရထား ၁၊ ၂ ဆိုပြီး ပြေးဆွဲခဲ့ကြောင်း၊ ဒုတိယ အကြိမ် အဲကွန်း အထူးရထား ပြေးဆွဲခဲ့ကြောင်း၊ တတိယအကြိမ်အဖြစ် ‘ဇ’ အဆင့်မြင့် တွဲဆိုင်း ပြေးဆွဲသည့် အခမ်းအနားကို နိုဝင်ဘာ ၁ရက်နေ့ မနက် ၆-နာရီ ၅၇-မိနစ်တွင် စတင် ပြေးဆွဲမည် ဖြစ်ကြောင်း သိရသည်။ မျက်နှာချင်းဆိုင် ဖိုင်ဗာခုံများ ဖြစ်သည့်အတွက် တစ်တွဲလျှင် လူဦးရေ ၇၀၊ ၈၀ခန့်ထိုင်စီးနိုင်ကြောင်း၊ တန်းလက်ကိုင် ထားရှိ သော်ကြောင့် ခရီးသည် များပြားပါက မတ်တပ်ရပ် အပါ လူဦးရေ ၁၀၀-ခန့် စီးနိုင်ကြောင်း၊ စုစုပေါင်း တွဲ ၆-တွဲ ပါရှိကြောင်း သိရသည်။ လက်မှတ်မဲ့ စီးနှင်းသူအား ဒဏ်ငွေ ၃၀၀၀-ကျပ် ဒဏ်ရိုက်မည် ဖြစ်ကြောင်း သိရသည်။

     

  • အိမ်ထောင်ရှိလျှက် ဖောက်ပြန်လိုသူများ အတွက် ရည်ရွယ်ထားသော Dating ဆိုက်တစ်ခုကို စင်ကာပူပိတ်ပင်

    အိမ်ထောင်ရှိလျှက် ဖောက်ပြန်လိုသူများ အတွက် ရည်ရွယ်ထားသော Dating ဆိုက်တစ်ခုကို စင်ကာပူပိတ်ပင်

    အောက်တိုဘာ ၂၉၊ ၂၀၁၃
    M-Media

    106343304

    အိမ်ထောင်ရေးတွင် သစ္စာမဲ့သူများ အသုံးပြုကြသည့် ကမ္ဘာ့လူကြိုက်အများဆုံး Dating ၀ဘ်ဆိုက်တစ်ခုကို စင်ကာပူအာဏာပိုင်များက ပိတ်ပင်လိုက်သည်ဟု သိရသည်။

    အဆိုပါ ၀ဘ်ဆိုက်မှာ နိုင်ငံပေါင်း ၃၀ နီးပါးတွင် အိမ်ထောင်ရှိလျက် ဖောက်ပြန်လိုသောသူများအား တွဲဖက်ပေးသော ဆိုက်တစ်ခုဖြစ်ပြီး ဂျပန်နှင့် ဟောင်ကောင်နိုင်ငံမှ စတင်ကာ ယခုနှစ်အတွင်း အာရှဒေသတွင် လူကြိုက်များသော ဆိုက်တစ်ခုဖြစ်လာနေသည်။ စင်ကာပူနိုင်ငံတွင် ထိုဝဘ်ဆိုက်အား လာမည့်နှစ်တွင် လွှင့်တင်ရန်ရှိနေပြီး ထိုအစီအစဉ်နှင့်ပက်သက်၍ အစိုးရအနေဖြင့် မူလက မည်သည့် ကြားဝင်မှုမျိုးမှ ပြုလုပ်ခြင်းမရှိခဲ့ပေ။

    သို့သော်လည်း စင်ကာပူ လူမှုဆက်ဆံရေးဝန်ကြီး ချန်ချွမ်ဆင်းက ထိုကဲ့သို့သော ၀ဘ်ဆိုက်သည် အပြာဇာတ်ကားများနှင့် မဂ္ဂဇင်းများကို ပိတ်ပင်ထားသည့် စင်ကာပူနိုင်ငံအတွင်း ကိုယ်ကျင့်တရားများကို ပျက်ပြားစေလိမ့်မည်ဟု ပြောကြားခဲ့သည်။

    စင်ကာပူနိုင်ငံသားများကလည်း ၀န်ကြီး၏ပြောကြားချက်ကို လက်ခံခဲ့ကြပြီး  အဆိုပါ ၀ဘ်ဆိုက်ကို ပိတ်ပင်ရန်အတွက် ပြုလုပ်သော အွန်လိုင်း လှုပ်ရှားမှုတွင် လူပေါင်း ၂၅၀၀၀-ကျော်က ပါဝင်ခဲ့ကြသည်။ ထို့ကြောင့် တာဝန်ရှိသူများက နိုင်ငံ၏ ရုပ်သံလွှင့်ခွင့် ဥပဒေအရ ထိုဝဘ်ဆိုက်အား ပိတ်ပင်ရန် အမိန့်ပေးခဲ့သည်။

    ထိုဝဘ်ဆိုက်အား ဂျပန်နိုင်ငံတွင် လွှင်တင်ခဲ့စဉ်က ပထမလေးရက်တွင်ပင် လူပေါင်း ၂၃၀၀၀၀ ၀င်ရောက်ကြည့်ရှုခဲ့ကြပြီး ၇၀၀၀၀ ကျော်မှာ အဖွဲ့ဝင်ခဲ့ကြသည်။ ဟောင်ကောင်တွင်လည်း ထိုဝဘ်ဆိုက်မှာ လူအများအပြား ၀င်ရောက်ကြည့်ရှုခြင်းကိုခံခဲ့ရသည်။

    Ref : foreignpolicy

    —————————————-
    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
    ဆက်သွယ်ရန် [email protected]

  • ပင်လယ်ရေလက်ကြား ကိုဖြတ်ပြီး ဥရောပနှင့် အာရှတိုက်ကို ဆက်သွယ်သော မြေအောက် လှိုဏ်ခေါင်းတစ်ခု တူရကီတွင်ဖွင့်လှစ်

    ပင်လယ်ရေလက်ကြား ကိုဖြတ်ပြီး ဥရောပနှင့် အာရှတိုက်ကို ဆက်သွယ်သော မြေအောက် လှိုဏ်ခေါင်းတစ်ခု တူရကီတွင်ဖွင့်လှစ်

    အောက်တိုဘာ ၂၉၊ ၂၀၁၃
    M-Media

    406da2a4-9574-48d0-b6a0-74a2b922e6d5_16x9_600x338

    ဥရောပနှင့် အာရှတိုက် နှစ်ခုကို ဆက်သွယ်ထားသည့် Marmaray မြေအောက် ရထားလမ်းတစ်ခုကို တူရကီနိုင်ငံ၌ ယနေ့တွင် ဖွင့်လှစ်ခဲ့သည်ဟု သိရသည်။

    လွန်ခဲ့သော နှစ်ပေါင်း ၁၅၀ အရင်က အော်တိုမန်ပြည့်ရှင် ဆူလ်တန် အဗ္ဗဒူလ် မစစ်က ၎င်း၏ အင်ပါယာကြီးအား ဥရောပသို့ဆက်သွယ်ရန်အတွက် ရေအောက် လှိုဏ်ခေါင်း တစ်ခုဖေါက်လုပ်ရန် ပုံကြမ်းရေးဆွဲခဲ့သော်လည်း ထိုခေတ်အခါက နည်းပညာမဖွံ့ဖြိုးမှုနှင့် ဘဏ္ဍာရေးအခက်အခဲများကြောင့် ဆူလ်တန်၏ စိတ်ကူးမှာ အထမမြောက်ခဲ့ပေ။

    သို့သော်လည်း ယခုအခါ Marmaray မြေအောက် ရထားလမ်း ဖွင့်လှစ်နိုင်ခဲ့ခြင်းက ဆူလ်တန်၏ အစီအစဉ်အား အကောင်အထည် ဖော်နိုင်ခဲ့ခြင်းဖြစ်သည်။ ထိုရထား လမ်းအား ယနေ့တွင် ဖွင်လှစ်ခဲ့သော်လည်း ဆောက်လုပ်ရေးလုပ်ငန်းများမှာ အပြီးသတ်ခြင်းမရှိသေးပေ။

    ၂၀၀၄ခုနှစ်က စတင်ဆောက်လုပ်ခဲ့သော အဆိုပါမြေအောက် ရထားလမ်းမှာ အစ္စတန်ဘူလ်မြို့ အာရှတိုက်ဖက်ခြမ်းရှိ အူစကူဒါမြို့မှ ဥရောပတိုက်ဘက်ခြမ်းရှိ ဖာတီမြို့သို့ မာမာရာ ပင်လယ်ရေလက်ကြား  ဖြတ်ကာ ဖောက်လုပ်ထားခြင်းဖြစ်ပြီး ၄၇.၄ မိုင်ရှည်လျားသည်။ ထိုရထားလမ်းမှာ အစ္စတန်ဘူလ်မြို့ရှိ ယာဉ်ကျောပိတ်ဆို့မှုအား ၅ ပုံတစ်ပုံအထိ လျော့ချပေးနိုင်မည်ဖြစ်ပြီး နေ့စဉ် လူပေါင်း ၁ သန်းကျော်ကို သယ်ယူ ပို့ဆောင်ပေးနိုင်မည်ဖြစ်သည်။

    Ref : alarabiya