ဇန်န၀ါရီ ၁၃၊ ၂၀၁၄
M-Media
အရှေ့တရုတ်ပင်လယ်ရှိ ပိုင်ဆိုင်မှုအငြင်းပွားနေသောကျွန်းတွင် လေပိုင်နက်တစ်ချို့အား လေကြောင်းကာကွယ်ရေး ဇုံအဖြစ် တရုတ်နိုင်ငံက သတ်မှတ်ခဲ့ခြင်း၊ ထိုကျွန်းအနီးတွင် တရုတ်သင်္ဘောများ ဖြတ်သန်းသွားလာခြင်းတို့ ဖြစ်ပေါ်လာခဲ့ပြီးနောက် မိမိ၏ ပိုင်နက်အား ကာကွယ်ရန် ရည်ရွယ်သော စစ်ရေးလေ့ကျင့်မှုတစ်ခုကို ဂျပန်နိုင်ငံက ယမန်နေ့တွင် ပြုလုပ်ခဲ့သည်ဟုသိရသည်။
နိုင်ငံအရှေ့ပိုင်း ကျွန်းတစ်ခုတွင်ပြုလုပ်ခဲ့သည့် ထိုစစ်ရေးလေ့ကျင့်မှုအား “ကျွန်းကာကွယ်ရေး” ဟုအမည်ပေးထားပြီး ရန်သူ့လက်ထဲမှ ကျွန်းကို ဂျပန်လေထီးတပ်သားများက သိမ်းပိုက်ပုံကို လေ့ကျင့်ခဲ့ခြင်းဖြစ်သည်။ ထိုစစ်ရေးလေ့ကျင့်မှုအား ဂျပန်ကာကွယ်ရေးဝန်ကြီး အစ်စူနိုရီ အိုနိုဒီရာ ကိုယ်တိုင် ကြီးကြပ်ခဲ့ပြီး၊ မိမိတို့ပိုင်ဆိုင်သည်ဟု ယူဆထားသော ပိုက်နက်အား ကာကွယ်သွား မည်ဟု ပြောကြားခဲ့သည်။
“ကျွန်တော်တို့ ရေပိုင်နက်ထဲ တရုတ်သင်္ဘောတွေ ၀င်လာတာကို ဘယ်တော့မှ ခွင့်လွှတ်မှာမဟုတ်ပါဘူး။ ဒါ့အပြင် ကမ်းခြေစောင့်တပ်တွေနဲ့ ပူးပေါင်းပြီး Senkakuကျွန်း (အငြင်းပွားနေသောကျွန်း)ရဲ့ ရေပိုင်နက်နဲ့ ကျွန်တော်တို့ ပိုင်ဆိုင်မှုကို သေသေချာချာ ကာကွယ်သွားမှာပါ” ဟု အိုနိုဒီရာက ပြောကြားခဲ့သည်။ ထိုကဲ့သို့ စစ်ရေးလေ့ကျင့်မှုကို ယမန်နှစ်ကလည်း ပြုလုပ်ခဲ့သေးသည်။
တရုတ်နိုင်ငံက Diaoyu ဟုခေါ်ဆိုပြီး ဂျပန်နိုင်ငံက Senkaku ဟု ခေါ်ဆိုသည့် အဆိုပါကျွန်းပိုင်ဆိုင်မှုအတွက် တရုတ်၊ ဂျပန်နှင့် ထိုင်ဝမ်နိုင်ငံတို့မှ တောင်းဆိုထားပြီး ယမန်နှစ် နှစ်ကုန်ပိုင်းတွင် ထိုကျွန်းနှင့် ပက်သက်၍ တရုတ်နိုင်ငံ၏ တစ်ဖက်သက် ဆောင်ရွက်ချက်များကြောင့် တရုတ်နှင့် ဂျပန်နိုင်ငံတို့မှာ တင်းမာမှုများ ကြီးထွားလာသည်။
Ref : RT
