ဇွန် ၂၈၊ ၂၀၁၆
– ပိန်လှီအိုမင်း၍ အားနည်းချည့်နဲ့စွာဖြင့် မိမိဖာသာ မတ်တတ်ရပ်ယုံမျှသာ စွမ်းနိုင်တော့သော အသက် ၇၂ နှစ်အရွယ် ဒေါ်တင်ညွန့်သည် အာမခံခွင့်ရရန် အကြိမ်ကြိမ် ငြင်းပယ်ခံနေရပါ၏။
ဇွန်လ ၂၀ ရက်နေ့ ကြားနာမှုအပြီး ဗိုလ်တစ်ထောင်တရားရုံးမှ ထွက်လာသော ဒေါ်တင်ညွန့်အား တွေ့ရစဉ် (ဓာတ်ပုံ – အောင်မြင်ရဲဇော်၊ The Myanmar Times)
မတ်လ ၁၆ ရက်တွင် ဖမ်းဆီးခံလိုက်ရပြီးနောက် မတ်တတ်မရပ်နိုင်တော့ဘဲ ဆေးရုံတင်ခဲ့ရသည့် ဒေါ်တင်ညွှန့်အား ရန်ကုန်မြို့၏ အမည်ပျက် အင်းစိန်ထောင်ထဲ၌ မေလ ၂ ရက်ကတည်းက ထိန်းသိမ်းထားခဲ့သည်။ ကိုယ်တစ်ခြမ်းလေသင်တုန်းဖြတ်ထားခြင်းအတွက် လိုအပ်နေသော ဆေးဝါးကုသမှုကို သူမ မရရှိကြောင်း သူမ၏ မိသားစု ဆိုပါသည်။
ဇွန်လ ၁၇ ရက်က ဗိုလ်တစ်ထောင်မြို့နယ်တရားရုံးရှိ အမှုသည်များစောင့်ဆိုင်းရာအခန်းတွင် The Myanmar Times မှ သူမအား သွားရောက်တွေ့ဆုံခဲ့သည်။ ဝေဒနာခံစားနေရသည့် သူမ၏ လည်ပင်း၊ နောက်ကျောနှင့် ခြေထောက်များမှ နေရာအားလုံးကို လက်ညှိုးထိုးပြကာ စိုစွတ်ထိုင်းမှိုင်းသောရာသီတွင် သွားလာလှုပ်ရှားရန် ခက်ခဲနေကြောင်း၊ နာတာရှည်နှလုံးရောဂါနှင့် သွေးတိုးရောဂါလည်း ရှိနေကြောင်း ပြောပြပါသည်။ မျက်တွင်းများ ချောင်ကျနေသည်ကိုလည်း အတိုင်းသား မြင်နေရပါ၏။
သူမအတွက် ကြားနာချိန်ရောက်သော် စောင့်ဆိုင်းရာအခန်းမှ နှစ်ထပ်ဆောင်တရားရုံးခန်းမပေါ်သို့ မိသားစုဝင်၏ အကူအညီဖြင့် တက်ရောက်ခဲ့ရကြောင်း တွေ့ရသည်။
သူမ၏ကျန်းမာရေးအခြေအနေ ဆိုးဝါးနေသည့်တိုင်အောင် တရားသူကြီးက အာမခံရရှိရေးကို ပယ်ချနေဆဲဖြစ်ရာ ယင်းအသနာခံချက်ပယ်ချခံရမှု အကြိမ်တိုင်းက သူမ၏မိသားစုအပေါ် ဆင့်ကဲသောက ဖြစ်နေစေသည်။
“ကျွန်မရဲ့ ယောက္ခမကို မတရားပြုမူဆက်ဆံနေကြတယ်” ဟု မသီတာမြင့်က ပြောပြသည်။
သူမ၏အာမခံ မရရှိနိုင်မှုမှာ မြန်မာနိုင်ငံ၏ တရားစီရင်ရေးစနစ်မှ အကျည်းတန်မှုတစ်ရပ်ဖြစ်ကြောင်း ကျွမ်းကျင်သူများက ဆိုသည်။
သြစတေးလျ အမျိုးသားတက္ကသိုလ်မှ Nick Cheesman က “တရားလိုများအနေနှင့် တရားပြိုင်များအား လွတ်လပ်စွာသွားလာခွင့် မရှိအောင် ငွေကြေးအကုန်ကျခံ၍ တားဆီးခွင့်ရှိသည်” ဟု သူ၏ Opposing the Rule of Law တွင် ရေးသားထားသည်။
သူသည် ၁၉၉၆ ခုနှစ်က အမှုတစ်ခုအားဖြင့် အဆိုတင်သွင်းခြင်းဖြစ်သည်။ ၎င်းအမှု၌ အမျိုးသမီးက တရားရုံးတွင် ငွေကြေးအကုန်ကျခံပြီး မိမိ၏သမီးနှင့် ခိုးရာလိုက်ပြေးခဲ့သော အမျိုးသားအား ရဲတပ်ဖွဲ့ဖြင့် ဖမ်းဆီးစေခဲ့သည်။
ဒေါ်တင်ညွန့်၏ အကျဉ်းကျမှုနောက်ကွယ်တွင် အလားတူ အကြောင်းရင်းခံများရှိနေကြောင်း မိသားစုဝင်များက အခိုင်အမာပြောကြားသည်။
“ကျွန်တော့်မိခင်နဲ့ပတ်သက်ပြီး ကျွန်တော် အလွန်ဝမ်းနည်းရတယ်။ ဒါမျိုး မဖြစ်သင့်ပါဘူး။ (ကျွန်တော့်ရဲ့ လက်ထပ်ထိမ်းမြားမှုအကြောင်းကို) သူမ မသိခဲ့ဘူး။ မိသားစုဝင် တစ်ဦးမှလည်း မသိခဲ့ကြပါဘူး” ဟု သားဖြစ်သူ ကိုသန်းနိုင်က ဆိုသည်။
ဦးလှမြင့်က မိမိ၏တူဖြစ်သူ ကိုသန်းနိုင် (၃၅ နှစ်)သည် မိမိ၏သမီးဖြစ်သူ မသီတာမြင့် (၂၆)နှစ်အား သွေးဆောင်ခေါ်ယူသွားသည်၊ ထိုကိစ္စ၌ မိမိ၏ခယ်မဖြစ်သူ ဒေါ်တင်ညွန့်က အလိုတူအလိုပါဖြစ်သည် ဟူ၍ တိုင်ကြားရာမှ ဤအမှုဖြစ်ပွားခဲ့သည်။ ယင်းစုံတွဲမှာ မတ်လ ၁၃ ရက်နေ့တွင် အတူတစ်ကွပျောက်ဆုံးသွားသည့်နောက် ဦးလှမြင့်က အမှုဖွင့်ခဲ့ခြင်းဖြစ်သည်။
သို့သော် မိသားစုဝင်တို့က ဦးလှမြင့်သည် လီဆယ်အမှုဖွင့်ခြင်းဖြစ်ကြောင်း၊ တရားစီရင်ရေးလမ်းကြောင်းကို ၀င်ရောက်စွက်ဖက်ကာ သူ၏သမီးဖြစ်သူအား အိမ်ပြန်လာစေရန် တွန်းအားပေးနေခြင်းဖြစ်ကြောင်း ဆိုသည်။
ဒေါ်တင်ညွန့်မှာ အပြစ်ကင်းပါကြောင်း၊ သို့သော် မိမိ၏သမီး အိမ်ပြန်လာသည်အထိ သူမအား ချုပ်နှောင်ထိန်းသိမ်းထားရန် ဖိအားပေးသွားမည်ဖြစ်ကြောင်း မိမိ၏ဦးလေးက မိမိအား ဖုန်းဆက်ပြောကြားခဲ့သည်ဟု ကိုသန်းနိုင်က ထွက်ဆိုထားသည်။ ဤသည့်အပေါ် The Myanmar Times မှ ဆက်သွယ်မေးမြန်းရာတွင် ဦးလှမြင့်က မှတ်ချက်တစ်စုံတစ်ရာပေးရန် ငြင်းဆိုခဲ့သည်။
တရားရုံးတစ်ဖက်ခြမ်းရှိ ရဲစခန်းမှ ဖမ်းဆီးထိန်းသိမ်းသူ ရဲအရာရှိများကို တရားရုံး၌ မတွေ့ကြရသည့်အပြင် တရားလို ဦးလှမြင့်ကလည်း တရားစွဲဆိုခြင်းကို အချိန်ဆွဲ၍ အာမခံမပေးရန်ကိုသာ တင်ပြလျက်ရှိသည်။
Daw Tin Nyunt’s family says that her lawyer has requested bail on four separate occasions.
ဒေါ်တင်ညွန့်၏ရှေ့နေသည် အာမခံပေးရန် မေတ္တာရပ်ခံလျှောက်လဲခဲ့သည်မှာ လေးကြိမ်တိုင်တိုင်ရှိနေပြီဟု မိသားစုဝင်များက ဆိုသည်။
အမှုစလျှင်စချင်း တရားပြိုင်၏အသက်အရွယ် နှင့် ကျန်းမာရေးအခြေအနေဆိုင်ရာ အထောက်အထားတို့ဖြင့် အသနားခံစာ တင်ပြခဲ့သော်လည်း တရားသူကြီး ဦးအောင်နေမျိုးက ပယ်ချခဲ့သည်။
ဒုတိယအကြိမ်တွင် နှစ်ဖက်စလုံးထံမှ ကြားနာမှု ပြုရဦးမည်ဟု ဆိုကာ အာမခံလျှောက်ထားမှုကို ၎င်းတရားသူကြီးက ထပ်မံ ငြင်းဆိုခဲ့သည်။
လက်ရှိနောက်ဆုံးရုံးချိန်း ဇွန်လ ၂၀ ရက်နေ့တွင်တော့ နောက်တစ်ကြိမ်ရုံးချိန်းကြားနာမှု မပြီးမချင်း တရားပြိုင်၏ အာမခံလျှောက်ထားမှုကို လက်ခံစဉ်းစားပေးဦးမည်မဟုတ်ဟု တရားသူကြီးက ပြောဆိုလိုက်ကြောင်း သိရသည်။
တစ်ကြိမ်တွင် သက်ကြီးရွယ်အိုတရားပြိုင်တစ်ဦးအနေနှင့် အာမခံချက်ပေးရန် ခိုင်မာနေသဖြင့် လျှောက်ထားချက်ကို လက်ခံခဲ့သော်လည်း အမှုကိုရပ်ဆိုင်းထားရန် လျှောက်တင်လာချက်ကြောင့် ဒေါ်တင်ညွန့်၏မိသားစုအဖို့ အလွန်ဒေါသဖြစ်မိကြောင်း ၎င်းတို့က ပြောပြ၏။ မတ်လ ၂၉ ရက်တွင် သင်္ကြန်အတွက် သူမကို ယာယီ ပြစ်ဒဏ်ကင်းလွတ်ခွင့် ပေးခဲ့သည်။
အာမခံချက်နှင့်ပတ်သက်၍ မှောက်ချည်လှန်ချည်ပြုလုပ်နေခြင်းမှာ တရားရေးစနစ်ကို ကစားနေခြင်းဖြစ်သည်ဟု ကိုသန်းနိုင်က ဆိုသည်။
“တရားရုံးနောက်ကွယ်မှာ တစ်ဦးဦး သို့မဟုတ် တစ်စုံတစ်ရာသောအကြောင်းရင်း ရှိနေပါတယ်။ ဘာကြောင့်လဲဆိုတော့ ဒီတရားသူကြီးတစ်ဦးတည်းကပဲ တစ်ကြိမ်မှာ ကျွန်တော့်မိခင်ဟာ အာမခံရသင့်တယ်ပြောလိုက်၊ နောက်တစ်ကြိမ်မှာ မရသင့်ဘူးပြောလိုက် ဖြစ်နေတယ်လေ”။
နိုင်ငံတကာတရားသူကြီးများအဖွဲ့၏ ဥပဒေအကြံပေး ဒေါ်ဇာလီအေးက ဥပဒေကြောင်းအရ ဒေါ်တင်ညွှန့်အား အာမခံချက်ဖြင့် လွှတ်ပေးနိုင်သည့် အခွင့်အလမ်း အသီးသီး ရှိနေကြောင်း ပြောပြပါသည်။
“ဒါဟာ တရားပြိုင်ရဲ့အခွင့်အရေးကို ချိုးဖောက်နေခြင်းဖြစ်ပါတယ်။ ဘာဖြစ်လို့လဲဆိုတော့ ရက်ရွှေ့ဆိုင်းငံ့မှု သိပ်များလွန်းနေတယ်။ တရားပြိုင်အနေနဲ့ မျှမျှတတ အမှုရင်ဆိုင်ခွင့် ရရှိသင့်ပါတယ်။ အာမခံပေးခွင့်မရှိတဲ့ လူပင်လျှင် တရားသူကြီးရဲ့ အခွင့်အာဏာအရ၊ ပြစ်မှုဆိုင်ရာဥပဒေပုဒ်မ ၄၉၁ အရ အာမခံအကျိုး ခံစားခွင့် ရှိနေပါတယ်”။
ထို့ပြင် သူမက ပုဒ်မ ၄၉၇ ကိုလည်း ထောက်ပြခဲ့သည်။ ၎င်း၌ “အကယ်၍ အသက် ၁၆ နှစ်အောက်ဖြစ်နေလျှင် သို့မဟုတ် အမျိုးသမီးဖြစ်နေလျှင် သို့မဟုတ် ကျန်းမာကြံ့ခိုင်သူမဟုတ်လျှင် တရားရုံးမှ သက်ညှာသောအားဖြင့် လွတ်ငြိမ်းခွင့်ပေးနိုင်သည်” ဟုဆိုထားသည်။
ဒေါ်တင်ညွန့်အား ဖမ်းဆီးစဉ် ဖြစ်ပျက်ခဲ့သည့် ကျန်းမာရေးအခြေအနေများက အာမခံပေးရန် လုံလောက်သော အထောက်အထားဖြစ်ကြောင်း သူမ၏မိသားစုမှ ပြောကြားသည်။
ဒေါ်တင်ညွန့်၏ အခြားချွေးမဖြစ်သူ မပန်းအိ၏အဆိုအရ မတ်လ ၁၆ ရက် ရဲတပ်ဖွဲ့ဝင်များ အိမ်သို့လာရောက်ဖမ်းဆီးစဉ် ဒေါ်တင်ညွန့်သည် မူးမေ့လဲကျသွားခဲ့ပြီး ရန်ကုန်အနောက်ပိုင်းဆေးရုံသို့ တက်ရောက်ခွင့် တောင်းခံခဲ့ရသည်။
မတ်လ ၂၃ ရက် ဆေးရုံဆင်းသောအခါ အငှားယာဉ်တစ်စီးထဲ တွဲယူခေါ်ဆောင်စဉ် ရဲတပ်ဖွဲ့ဝင်များက သူမအား လမ်းမှဖြတ်တားပြန်သည်။ ဒေါ်တင်ညွန့်မှာ ထပ်မံမူးလဲပြန်သဖြင့် ဆေးရုံထပ်တင်ရပြီး အောက်စီဂျင်ခေါင်းစွပ် သုံးရသည်အထိ ကုသခဲ့ရသည်။
မတ်လ ၂၉ ရက်တွင် ရဲတပ်ဖွဲ့ဝင်များ ပြန်ရောက်လာပြီး ဒေါ်တင်ညွန့်ကို ဆေးရုံကုတင်ပေါ်မှ ဗိုလ်တစ်ထောင်မြို့နယ်ရဲစခန်းသို့ ခေါ်ဆောင်သွားကြသည်။ ထိုနေရာတွင် သူမအား မေးမြန်းစစ်ဆေးခဲ့သည်။ သင်္ကြန်ရက်တွင်း ခေတ္တအာမခံမပေးမီ ညအိပ်ညနေ နေခဲ့ရသည်။
သို့သော် ပွဲတော်ရက်အပြီး မေလ ၂ ရက်တွင် သူမအား ပြန်လည်ခေါ်ယူကာ မေးခွန်းများစွာမေးမြန်းသည်။ ထို့နောက် လမ်းတစ်ဖက်ခြမ်းရှိ တရားရုံးသို့ ခေါ်ဆောင်သွားပြီး ပြစ်မှုဆိုင်ရာဥပဒေပုဒ်မ ၃၆၆ ဖြင့် ရုံးတင်၍ အင်းစိန်ထောင်သို့ လွှဲပြောင်းလိုက်ရာ သူမ၏ရှေ့နေပင်လျှင် မယုံနိုင်အောင် အံ့သြသွားရသည်။
ဒေါ်တင်ညွန့်၏သားတစ်ဦးဖြစ်သူ ကိုမျိုးမြင့်ထွန်းက အကျဉ်းထောင်ထဲ သွားရောက်တွေ့ဆုံစဉ် မိမိ၏မိခင်မှာ အလွန်အမင်း နွမ်းလျအားနည်းနေကြောင်း The Myanmar Times သို့ ပြောကြားသည်။
သူ၏ဇနီး မပန်းအိကလည်း (ထောင်)ဆရာဝန်များမှ လုံလောက်သော စောင့်ရှောက်မှု မပေးကြကြောင်း၊ အားဆေးသွင်းခြင်း၊ လက်ဝဲဖက်ကိုယ်တစ်ခြမ်းလေဖြတ်ခြင်းအတွက် ကုသမှုပေးခြင်း အစရှိသည့် ဆေးဝါးအကူအညီ မရရှိကြောင်း ဆိုသည်။
စစ်အစိုးရလက်ထက် အင်းစိန်အကျဉ်းထောင်မှ နိုင်ငံရေးအကျဉ်းသားတို့၏အခြေအနေများနှင့် လူ့အခွင့်အရေးချိုးဖောက်မှုများအပေါ် နိုင်ငံတကာအသိုင်းအ၀ိုင်းများ မနှစ်မြို့ကြ။ ၂၀၁၄ ခုနှစ် The Myanmar Times မှ ထောင်တွင်းအခြေအနေများအား လေ့လာစုံစမ်းကြည့်ရာတွင် ညှင်းပန်းနှိပ်စက်ခြင်းနှင့် အဆုံးစီရင်ခြင်းကာလ လွန်မြောက်လာသော်လည်း အကျင့်ပျက်ခြစားမှုများက ကြီးစိုးလွှမ်းမိုးနေသည့်အပြင် ပို၍ပင် အရှိန်မြင့် ဆိုးဝါးနေခဲ့သည်ကို တွေ့ခဲ့ရ၏။
လူ့အခွင့်အရေးသမားအချို့၏ အပြင်းအထန်ဝေဖန်ခဲ့သော ပြစ်မှုဖြင့် အကျဉ်းကျခဲ့သူ နယူးဇီလန်နိုင်ငံသား Philip Blackwood မှာ ထောင်ထဲရှိစဉ်ကာလ ၂၀၁၅ ခုနှစ်တွင် အာဟာရပြတ်လပ်ပြီး ခန္ဓာကိုယ်အလေးချိန် ၂၀ ကီလိုဂရမ်(၄၄ ပေါင်)အထိ ကျဆင်းသွားခဲ့ကြောင်း ဆိုကြသည်။
ဒေါ်တင်ညွှန့်အပေါ် ပြုမူဆက်ဆံပုံက မြန်မာနိုင်ငံ၏ တရားစီရင်ခြင်းစနစ်နှင့်ပတ်သက်၍ မေးခွန်းများစွာ ဆင့်ကဲ ပေါ်ထွက်လာစေပြန်သည်။ နှုတ်တိုက်အလွတ်ကျက်မှတ်ခြင်း၊ နိုင်ငံရေးစွက်ဖက်မှုရှိခြင်း၊ အကျင့်ပျက်ခြစားမှု အမြစ်တွယ်နေခြင်းတို့က ယင်းစနစ်အား ဖုံးလွှမ်းလျက်ရှိနေ၏။
“ဥပဒေပညာရေးချို့တဲ့နေမှုကြောင့် ရှေ့နေတော်တော်များများသာမက အောက်ခြေအဆင့် တရားသူကြီးများပင်လျှင် ပြစ်မှုဆိုင်ရာဥပဒေကြောင်းနဲ့ ကျွမ်းဝင်မှု မရှိကြပါဘူး။ ဆယ်စုနှစ်များစွာကြာအောင် ဥပဒေပညာရေးချို့တဲ့မှုနဲ့ ရေပေါ်ဆီတရားသူကြီးအဖွဲ့တွေ ဒွန်တွဲမိတဲ့အခါ မတရားအမှုစစ်ခြင်းနဲ့ အခွင့်အရေးချိုးဖောက်ခြင်းတွေ အလွန်အကျွံ ဖြစ်လာတော့တာပါပဲ” ဟု ICJ ၏ နိုင်ငံတကာဥပဒေအကြံပေး Vani Sathisan က The Myanmar Times သို့ ပြောကြားလိုက်သည်။
မကြာသေးမီက နိုင်ငံပေါင်း ၁၀၂ နိုင်ငံအား ကမ္ဘာ့တရားမျှတမှု စီမံကိန်း World Justice Project စစ်တမ်းတစ်ရပ်ကောက်ယူခဲ့ရာ မြန်မာနိုင်ငံသည် တရားဥပဒေစိုးမိုးမှုနှင့်စပ်လျဉ်း၍ အဆင့် ၉၁ ၌လည်းကောင်း၊ ပြစ်မှုဆိုင်ရာတရားစီရင်ရေးစနစ်နှင့်စပ်လျဉ်း၍ အဆင့် ၉၆ ၌လည်းကောင်း၊ အခြေခံလူ့အခွင့်အရေးနှင့်ပတ်သက်၍ အဆင့် ၁၀၀ ၌လည်းကောင်း ရပ်တည်လျက်ရှိကြောင်း တွေ့ရ၏။ ၎င်းအပြင် မြန်မာနိုင်ငံသည် ရုံးမတင်မီ ဖမ်းဆီးထိန်းသိမ်းမှု လွန်ကဲခြင်း၊ အမှုစီရင်ခြင်း၌ နှောင့်နှေးကြန့်ကြာခြင်း၊ စီရင်ဆုံးဖြတ်မှု ညံ့ဖျင်းခြင်း စသော ပြဿနာများဖြင့် ကျော်စောနေပါသည်။
သို့တိုင် ဒေါ်တင်ညွန့်၏မိသားစုကမူ သေချာရေရာမှု တစ်စုံတစ်ရာ မရှိသော်လည်း နောက်ဆုံးတွင် အာမခံရရှိလိမ့်မည်ဟု အကောင်းမြင်စိတ် လက်ကိုင်ပြုထားဆဲဖြစ်ပါသည်။
ကိုမျိုးမြင့်ထွန်းက ဤသို့ ပြောကြားခဲ့ပါသည်။
“တရားမျှတမှု ရရှိလာမယ်လို့ ကျွန်တော် အမှန်တကယ် မျှော်လင့်ထားပါတယ်။ ဒီဖြစ်စဉ်ကို တရားသူကြီးရဲ့ တရားသဖြင့် ဆုံးဖြတ်ချက်နဲ့ အဆုံးသတ်လိုက်မယ်လို့ မျှော်လင့်မိပါတယ်ဗျာ”။
Ref : The Myanmar Times
(Ashok Manandhar ရေးသားသော Law and disorder: 72-year-old denied bail amid broken system သတင်းဆောင်းပါးကို မြင့်မိုရ်မောင်မောင် မှ ဆီလျော်အောင်ပြန်ဆိုသည်။)
