Category: ဆောင်းပါး

မြန်မာနိုင်ငံတွင် ဖြစ်ပွားနေသော ဘာသာရေးအသွင်ဆောင် အကြမ်းဖက်မှုအားဖြေရှင်းခြင်း

နိုဝင်ဘာ- ၂၂ ၂၀၁၃
M-Media
ဆောင်းပါးရှင် – Nehginpao Kipgen
ဘာသာပြန် – O’Laie Manzu

ဓါတ်ပုံအညွှန်း- ၂၀၁၂ ခုနှစ် မေလ ၂၈ ရက်နေ့တွင် ရှမ်းပြည်နယ် လားရှိုးမြို့မှ မွတ်စလင်မ် နေအိမ်များ၊ ဆိုင်ခန်းများကို အကြမ်းဖက် မီးရှို့ဖျက်ဆီးနေသည့် မြင်ကွင်း (Photo-AP)

၂၀၁၂ ခုနှစ်အတွင်း မြန်မာနိုင်ငံအနောက်ပိုင်း ရခိုင်ပြည်နယ် မှာဖြစ်ပွားခဲ့တဲ့ ဘာသာရေးပဋိပက္ခဟာ ၂၀၁၃ ခုနှစ်မှာတော့ မြန်မာနိုင်ငံ အလယ်ပိုင်းမှာ မွတ်စလင်နဲ့ ဗုဒ္ဓဘာသာဝင်တွေအကြား ပိုမိုကြီးဆိုးရွားတဲ့ ပဋိပက္ခကြီး အသွင်ကူးပြောင်းသွားခဲ့ပါတယ်။

ဒီအကြမ်းဖက်မှုကြီးကြောင့် လူပေါင်း ၂၀၀ ကျော် သေဆုံးခဲ့ရပြီး ၁၄၀၀၀၀ ကျော်အိုမဲ့အိမ်မဲ့ဖြစ်ခဲ့ရပါတယ်။ မြန်မာနိုင်ငံဟာ ဒီမိုကရေစီအသွင် ကူးပြောင်းလာနေပြီဆိုပေမယ့် ဒီလူ့အသိုင်းအဝိုင်းကြီး နှစ်ခုအကြားမှာ ရှိနေတဲ့ တင်းမာမှုကြီးကတော့ အပြည်ပြည်ဆိုင်ရာ အသိုင်းအဝိုင်း အကြား စိုးရိမ်စရာတွေဖြစ်နေပါတော့တယ်။

နောက်ဆုံးထင်ပေါ်စေတဲ့ အပြည်ပြည်ဆိုင်ရာ စိုးရိမ်မှုကတော့ မြန်မာနိုင်ငံကို မမျှော်လင့်ဘဲ လာရောက်လည်ပတ်ခဲ့တဲ့ ၄၂ ဦးမြောက် အမေရိကန် သမ္မတဟောင်း ဘေကလင်တန် (Bill Clinton) ရဲ့ ရန်ကုန်မြို့ Myanmar Peace Center မှာပြောကြားခဲ့တဲ့ မိန့်ခွန်းအပေါ်မှာ ထင်ဟပ်နေတာကိုတွေ့ရပါတယ်။

ကလင်တန်ဟာ နိုင်ငံရေး အပြောင်းအလဲအတွက် ဦးသိန်းစိန်အစိုးရရဲ့လုပ်ဆောင်ချက်တွေက “မှတ်ကျောက်တင်ရလောက်အောင်” ပါဘဲလို့ ချီးမွန်းခဲ့ပေမယ့် နိုင်ငံအတွင်းမှာ ဘာသာရေးပဋိပက္ခတွေ ချုပ်ငြိမ်းစေဖို့အတွက် တိုက်တွန်းနိုးဆော် သွားခဲ့ပါတယ်။

“သတင်းကောင်းတိုင်းကို တကမ္ဘာလုံးက ချီးကျူးကြသလို ဘာသာရေးပဋိပက္ခတွေ အကြောင်း လူတွေ ဖတ်ရှုကြရတဲ့ အချိန်တိုင်းမှာလည်း အော့နှလုံးဆန်ကြပါတယ်။ … ဘာကြောင့်လဲဆိုတော့ မတူညီမှုတွေအပေါ်မှာ လူတွေက အချင်းချင်း သတ်ကြဖြတ်ကြတယ်၊ တိုက်ခိုက်နေကြတယ်။ ဒါကို တကမ္ဘာလုံးမှာရှိတဲ့ လူတွေက တော်တော်လေးကို စိတ်ပျက်နေလို့ပါဘဲ” လို့ နိုင်ငံရေး၊ လူမှုရေး၊ ဘာသာရေး ခေါင်းဆောင်တွေ ရောပွန်းနေတဲ့ ပရိသတ်ကြီးကို ကလင်တန်ကပြောခဲ့ပါတယ်။

ကလင်တန်ဟာ သူ့ရဲ့ လူမှုအဖွဲ့အစည်းဖြစ်တဲ့ ကလင်တန်ဖောင်ဒေးရှင်းနှင့် အတူ မြန်မာနိုင်ငံကိုလာရောက် လည်ပတ်ခဲ့တာဖြစ်ပြီး သမ္မတ ဦးသိန်းစိန်၊ လွတ်တော်ဥက္ကဌ ဦးရွှေမန်း နဲ့ အတိုက်အခံခေါင်းဆောင် ဒေါ်အောင်ဆန်းစုကြည့်တို့နဲ့ တွေ့ဆုံခဲ့ပါတယ်။

ကလင်တန် မြန်မာနိုင်ငံကိုရောက်တဲ့အချိန်နဲ့ သူပြောတဲ့ကိစ္စတွေမှာ အရေးကြီးတဲ့အချက် သုံးချက်ရှိပါတယ်။ ပထမတစ်ချက်ကတော့ ကလင်တန် ဟာ သူရဲ့ သမ္မတဖြစ်စဉ်သက်တမ်း နှစ်ကြိမ်ဖြစ်တဲ့ ၁၉၉၃ ကနေ ၂၀၀၁ ကြားကာလမှာ မြန်မာနိုင်ငံရဲ့ စစ်အာဏာရှင်အပေါ်မှာ အမေရိကန်စီးပွားရေး ပိတ်ဆို့မှုကို ကြီးမှူးခဲ့သူဖြစ်ပြီး အခုအခါမှာတော့ ပထမဆုံး မြန်မာနိုင်ငံကို လာရောက်လည်ပတ်တာဖြစ်ပါတယ်။

ဒုတိယအချက်ကတော့ ကလင်တန် လည်ပတ်တဲ့အချိန်ဟာ ဥရောပသမဂ္ဂရဲ့ နိုင်ငံခြားဆက်ဆံရေးပေါ်လစီဦးစီချုပ် ကက်သရင်း အရ်ှတန် (Catherine Ashton) ဦးဆောင်တဲ့ အီးယူ ကိုယ်စားလှယ်တွေ၊ ဥရောပ ကော်မရှင်နာတွေ၊ ပါလီမန် အမတ်တွေ၊ စီးပွားရေးသမားတွေနဲ့ လူမှုအခြေပြု အဖွဲ့အစည်းဝင်တွေ (နိုဝင်ဘာ ၁၃ ရက်မှ ၁၅ ရက်နေ့အတွင်း) လာရောက်လည်ပတ်တဲ့ သုံးရက် ခရီးစဉ်နဲ့ တိုက်ဆိုင်နေပါတယ်။

ကလင်တန်ခရီးစဉ်နဲ့ အရေးအကြီးဆုံးသော တိုက်ဆိုင်မှုလိုဆိုနိုင်တဲ့ တတိယတိုက်ဆိုင်မှုကတော့ အစ္စလာမ်မစ် ပူးပေါင်းရေးအဖွဲ့ (အိုအိုင်စီ) ကိုယ်စားလှယ်တွေ လာရောက်လည်ပတ်တဲ့ အချိန်နဲ့လည်း အချိန်ကိုက်နေပါတယ်။ အိုင်အိုင်စီ ခရီးစဉ်မှာတော့ အိုအိုင်စီ အထွေထွေအတွင်းရေးမှူး အက်ခ်မယ်လက်ဒင်န် အီဆာနိုဂ်လူ (Ekmeledin Ihsanoglu) ဦးဆောင်ပြီး အချို့သော မွတ်စလင်လူများစုနေထိုင်တဲ့ နိုင်ငံတွေဖြစ်တဲ့ အင်ဒိုနီးရှား၊ မလေးရှား၊ တူရကီ၊ ဆော်ဒီအာရေးဗီးယား၊ အီဂျစ်၊ ဂျဘူတီ နဲ့ ဘင်္ဂလားဒေ့ရ်ှနိုင်ငံမှ ကိုယ်စားလှယ်တွေ ပါဝင်ပါတယ်။

အိုအိုင်စီလာရောက်လည်ပတ်တဲ့ ခရီးစဉ်ရဲ့ အဓိကရည်ရွယ်ချက်ကတော့ ဗုဒ္ဓဘာသာဝင်တွေနဲ့ ရိုဟင်ဂျာမွတ်စလင်တွေ အကြား ဆက်လက် ကျန်ရစ်နေသေးတဲ့ တင်းမာမှုတွေရဲ့ အခြေအနေတွေကို စမ်းစစ်လေ့လာဖို့ဖြစ်ပေမယ့် ဘုန်းကြီးတွေဦးဆောင်တဲ့ ဗုဒ္ဓဘာသာဝင် ဆန္ဒပြသူတွေကတော့ အိုအိုင်စီဟာ ရိုဟင်ဂျာမွတ်စလင်တွေအတွက် တစ်ဖက်သတ် ရပ်တည်တယ်လို့ စွပ်စွဲကြပြီး အိုအိုင်စီလာရောက် လည်ပတ်ခဲ့စဉ်မှာ ဆန္ဒပြခဲ့ကြပါတယ်။

အိုအိုင်စီဟာ မြန်မာ့ပြည်တွင်းရေးကို ဝင်ရောက် စွက်ဖက်တယ်၊ ရိုဟင်ဂျာတွေကို နိုင်ငံသားဖြစ်ခွင့်မှ ဖုံးဖိထားတဲ့ ၁၉၈၂ နိုင်ငံသား ဥပဒေကို ပြင်ဆင်ဖို့အတွက် သြဇာ လွှမ်းဖို့ကြိုးစားနေတယ်လို့ ဗုဒ္ဓဘာသာဝင် ဆန္ဒပြသူတွေက စွပ်စွဲခဲ့ကြပါတယ်။

၂၀၁၂ ခုနှစ်အောက်တိုဘာလမှာတော့ မြန်မာအစိုးရဟာ အိုအိုင်စီအဖွဲ့ မြန်မာနိုင်ငံမှာ အမြဲတမ်းရုံးဖွင့်လှစ်ပြီး ဘာသာရေး ပဋိပက္ခတွေကြောင့် ဒုက္ခရောက်ကြရသူတွေကို လူသားချင်းစာနာထောက်ထားတဲ့ အကူအညီတွေပေးဖို့ နှစ်ဖက်သဘောတူ လက်မှတ်ရေးထိုးခဲ့ပြီးနောက်မှာ [အိုအိုင်စီ ရုံးဖွင့်ခွင့် သဘောတူညီချက်ကို] ပြန်လည်ငြင်းဆိုခဲ့ပြန်ပါတယ်။

ဒီပြဿနာကြီးဟာ အလွယ်တကူနဲ့ ချက်ချင်းဆိုသလို ဖြေရှင်းနိုင်မှာ မဟုတ်ပေမယ့် မြန်မာအစိုးရအနေနဲ့ကတော့ ဗုဒ္ဓဘာသာဝင်တွေနဲ့ မွတ်စလင်တွေအကြား ခင်မင်ရင်းနီးစွာနဲ့ ငြိမ်းချမ်းစွာ အတူယှဉ်တွဲနေနိုင်မယ့် နည်းလမ်းတိုင်းကို ဆက်လက်ရှာဖွေနေရမှာဖြစ်ပါတယ်။

တမူထားခြားတဲ့ ရိုဟင်ဂျာ မွတ်စလင်တွေရဲ့ ပြဿနာကို ရေရှည်ဖြေရှင်းချက်တွေပြုလုပ်တိုင်း ဒီပြဿနာရဲ့ အရင်းအမြစ်ကို ကိုင်တွယ်ရမှာဖြစ်ပါတယ်။ နိုင်ငံအတွင်းမှာ တခြားလူနည်းစု တွေကတော့ ကိုယ်ပိုင်အုပ်ချုပ်ခွင့်တွေ၊ ဖယ်ဒရယ်မူတွေကို ပြောဆိုနေချိန်မှာ ရိုဟင်ဂျာတွေကတော့ (Identity Crisis) နဲ့ရင်ဆိုင်နေကြရပါတယ်။

မြန်မာအစိုးရဟာ ရိုဟင်ဂျာပြဿနာကို အနှေးနဲ့အမြန် ဆိုသလို တချိန်ချိန်မှာတော့ ဖြေရှင်းပေးရပါလိမ့်မယ်။ လူသားချင်း စာနာထောက်ထားတဲ့ အကူအညီတွေဟာ လူတွေလက်တလော ကြုံတွေ့နေရတဲ့ အခက်အခဲကို ဖြေရှင်းပေးနိုင်မယ့် ရေတိုဖြေရှင်းချက် သာဖြစ်ပြီး ပြဿနာတွေပြေလည်သွားဖို့အတွက်ကိုတော့ နိုင်ငံရေးအရအဖြေရှာဖို့လိုအပ်ပါတယ်။

နိုင်ငံရေးအရ အဖြေရှာတယ်ဆိုပေမယ့် အုပ်စုတစ်ခု ကို တခြားအုပ်စုတစ်ခုထက်ပိုပြီး ဦးစားပေးတာမျိုးကိုတော့ မဆိုလိုပါဘူး။ (Consociational Democracy) စနစ်ဟာ အဖြေရှာပေးနိုင်မယ့် နည်းစနစ်တစ်ခုဖြစ်ပါလိမ့်မယ်။ ဒီနည်းစနစ်ဟာ လူမှုအုပ်စု အသီသီးက သြဇာ အရှိန်အဝါရှိသူတွေ (elites) ကို အကျိုးတူ (common interest) အတွက် အတူတကွ လုပ်ကိုင်ဆောင်ရွက်နိုင်မယ့် အခွင့်အလမ်းတွေ ဖွင့်ပေးတဲ့ နိုင်ငံရေးလမ်းကြောင်းတစ်ခုဖြစ်ပါတယ်။

လူတွေဟာ တစ်ဖက်နဲ့တစ်ဖက် သွင်ပြင်လက္ခဏာသက်မှတ်မှုတွေ၊ ယဉ်ကျေးမှုတွေကို တန်ဖိုးမထား မလေးစား သမျှကာလပတ်လုံး တင်းမာမှုတွေကတော့ ဆက်လည်းတည်ရှိနေမှာပါဘဲ။ ဒီကိစ္စမှာ ရခိုင်ပြည်နယ်အစိုးရနဲ့ ပြည်ထောင်စု အစိုးရ နှစ်ရပ်လုံးဟာ နှစ်ဖက်လုံးမှာ ရှိနေတဲ့ ခေါင်းဆောင်တွေကို ခေါ်ဆောင်ပြီး ပြန်လည် သင့်မြတ်ရေး အစီအစဉ်တွေကို ညှိနှိုင်းဆောင်ရွက်ရမှာဖြစ်ပါတယ်။

အကယ်လို့မြန်မာအစိုးရဟာ အခြားနေရာတွေကနေ အကူအညီတွေ လိုအပ်တယ်ဆိုရင်လည်း အချိန်ဆွဲမနေသင့်ပါဘူး။ ပြဿနာ သဘောသဘာဝ [ဆိုးရွားတာက] တစ်ကြောင်း၊ အပြည်ပြည်ဆိုင်ရာ အသိုင်းအဝိုင်းက မြန်မာနိုင်ငံမှာ ဒီမိုကရေစီစနစ်ကို အောင်မြင်စွာနဲ့ ကူးပြောင်းတာကို မြင်ချင်တဲ့ စိတ်ဝင်စားမှုတွေရှိနေတာက တစ်ကြောင်း ဖြစ်တဲ့အတွက် အခြားနေရာက ဒီအခက်အခဲကြီးကို ဝိုင်းဝန်း ကူညီဖြေရှင်းပေးလိုစိတ်ရှိကြပါလိမ့်မယ်။

တချိန်တည်းမှာလည်း ဒီအသိုင်းအဝိုင်း နှစ်ခုအကြား မလိုမုန်းတီးမူတွေ ပိုမိုတောက်လောင်မှုတွေဖြစ်စေမယ့် လုပ်ရပ်တွေ သို့မဟုတ် လုပ်ငန်းဆောင်တာတွေကို မလုပ်မိဖို့ အိုအိုင်စီနဲ့ မွတ်စလင်လူများစုနေထိုင်တဲ့ နိုင်ငံတွေက သတိမူကြရမှာဖြစ်ပါတယ်။ မြန်မာအစိုးရက အကြမ်းဖက်မှုဖြစ်ပွားတဲ့ နေရာတွေကိုသွားရောက် လည်ပတ်ဖို့ခွင့်ပြုသလို အိုင်အိုင်စီကလည်း လူမျိုးဘာသာ ခွဲခြားမှုမရှိဘဲ အကြမ်းဖက်ခံရသူတွေအားလုံးကို တန်းတူညီမျှကူညီပေးနိုင်မယ့် မူဝါဒတွေနဲ့ အညီလုပ်ဆောင်ရမှာဖြစ်ပါတယ်။

ဗုဒ္ဓဘာသာဝင်တွေနဲ့ မွတ်စလင်တွေအကြား ယုံကြည်မှုနဲ့ နားလည်မှုတွေ တည်ဆောက်ဖို့အတွက် ဒီလို ဘက်မလိုက်တဲ့ ညှိနှိုင်းဆောင်ရွက်မှုတွေက အရေးကြီးပါတယ်။ အပြန်အလှန် နားလည်မှုတွေ တည်ဆောက်နိုင်ပြီးဆိုမှ နှစ်ဖက်လုံးက လက်ခံနိုင်လောက်တဲ့ ဖြေရှင်းနည်းတွေကို မြန်မာအစိုးရက စီမံဆောင်ရွက်နိုင်ဖို့ အတွက် ဝိုင်းဝန်း ကူညီပေးရမှာဖြစ်ပါတယ်။ အိုအိုင်စီအနေနဲ့လည်း ဗုဒ္ဓဘာသာ လူများစုနဲ့ ဆက်ဆံရေး ကောင်းနေဖို့အတွက် အပြန်အလှန်ယုံကြည်မှုကိုလည်း တည်ဆောက်ဖို့ အရေးကြီးပါတယ်။

ဒီအချိန်အတွင်းမှာ အပြည်ပြည်ဆိုင်ရာ အသိုင်းအဝိုင်းကလည်း ဘာသာရေး ပဋိပက္ခတွေနဲ့ နိုင်ငံရေးပြဿနာတွေပြေလည်ဖို့ အတွက်၊ တည်ငြိမ်တဲ့ ဒီမိုကရေစီစနစ် ထွန်းကားဖို့ အတွက် ဆက်လက်ပြီး တက်နိုင်သမျှ ကူညီလုပ်ဆောင်ပေးနေရမှာဖြစ်ပါတယ်။

Nehginpao Kipgen ဟာ အမေရိကန်အခြေစိုက် Kuki International Forum ရဲ့ အထွေထွေအတွင်းရေးမှူးဖြစ်ပါတယ်။ သူဟာ မြန်မာနိုင်ငံရေးကိုဦးစားပေးပြီး တောင်အာရှနဲ့ အရှေ့တောင်အာရှရဲ နိုင်ငံရေးကို အဓိကထား သုတေသနပြုနေသူ တစ်ဦးဖြစ်ပါတယ်။

Nehginpao Kipgen ရေးသားပြီး The China Post မှာဖော်ပြထားတဲ့ “Resolving Myanmar’s sectarian violence issue” ကို O’Laie Manzu မှ ဆီလျှော်အောင်ဘာသာပြန်ထားပါတယ်။

November 22, 2013
မြန်မာ့မြေမှ လူသတ်ကွင်းများ (ဘာသာပြန် ဆောင်းပါး)

နိုဝင်ဘာ ၁၆ ၂၀၁၃
M-Media
ဘာသာပြန်ဆိုသူ- မြင့်မိုရ်မောင်မောင်

ဓာတ်ပုံ – အစိုးရမှ အရာမသွင်းဘဲ အပယ်ခံအဖြစ် သတ်မှတ်ထားသော ထောင်နှင့်ချီသည့် ဒုတိယတန်းစား နိုင်ငံသား ရိုဟင်ဂျာ ကလေးငယ်များ

မွတ်စ်လင်မ်များကိုရှင်းထုတ်ရေးဟူသော အစွန်းရောက် ဗုဒ္ဓဘာသာဝင် အုပ်စုအမာခံတို့၏ အစွန်းရောက်လှိုင်း ဂယက်သည် လူနည်းစုဝင်များအပေါ်သို့လည်း ရိုက်ခတ်လာပြီဖြစ်၏။

မြင်လေတိုင်းစိမ်းစိုနေသော စပါးပင်ဝန်းကျင်၌ ဘ၀မြုပ်နှံထားသူ အသက် ၉၀ နှစ်ပြည့်လုပြည့်ခင် ဦးအဗ်ဒုလ် စမာတ်သည် လမ်းလျှောက်တုတ် သုံးသွားလာနေရသည့် ဇရာအိုမွတ်စ်လင်မ်အဘိုးအိုကြီးတစ်ဦးဖြစ်သည်။

သူ့ကျေးရွာသို့ ဓားတရမ်းရမ်းဖြင့် ၀င်ရောက်လာပြီး မွတ်စ်လင်မ်တို့ကို လိုက်လံရှာဖွေသတ်ဖြတ်ခဲ့သူတို့မှာကား ဗုဒ္ဓဘာသာဝင်များဖြစ်ကြ၏။ ယင်းလူရမ်းကားအုပ်စုသည် ဗုဒ္ဓဘာသာသာသနာ့ အလံဖြင့် အမှတ်အသားပြု မထားသော အိမ်ခြေပေါင်း ၁၀၀ ကျော်ကို မီးတင်ရှို့ခဲ့ကြသည်။ ဦးစမာတ်၏ ၀န်းကျင်ရှိလူများသည် ဗလီဝတ်ကျောင်းတော်သို့ တိမ်းရှောင်သွားသော်လည်း သူ့အဖို့ ထိုမျှ သွက်လက်စွာ မသွားလာနိုင်ခဲ့။ အသက်ရှင်သန် ကျန်ရစ်သူတစ်ဦး၏စကားအရ လက်မရွံ့အကြမ်းဖက်သူ တစ်ဦးသည် အဘိုးအိုအား သူ၏ ဦးခေါင်းနောက်ပိုင်းသို့ ဓားရှည်ဖြင့် ခုတ်ပိုင်းကာ သတ်ဖြတ်လိုက်သည်ဟု သိရ၏။

လူများစုဗုဒ္ဓဘာသာဝင်တို့မှ လူနည်းစုမွတ်စ်လင်မ်တို့အပေါ် ရက်စက်ခြင်းကွင်းဆက်အဖြစ် ယခုနှစ်အောက်တိုဘာလ အတွင်း မြန်မာနိုင်ငံ ကမ်းခြေဒေသ၌ နောက်ဆုံး တိုက်ခိုက်မှု ဖြစ်ပွားခဲ့သည်။ လူမျိုးဘာသာခွဲခြားရေး အကြမ်းဖက်မှုကြောင့် ရာဂဏန်းမက လူ့အသက်များဆုံးရှုံးခဲ့သည်။ အများစုမှာ မွတ်စ်လင်မ်များ ဖြစ်၏။ လွန်ခဲ့သောသုံးနှစ်ခန့် မိမိ၏တိုင်းပြည်ကို အထီးကျန်အပယ်ခံဘ၀မှသည် ဒီမိုကရေစီနိုင်ငံအဖြစ်သို့ ထိန်းကျောင်းမောင်းနှင်သွားမည်ဟူသော ကတိက၀တ်ဖြင့် သမ္မတဦးသိန်းစိန်မှ ကမ္ဘာကို အံ့သြ၀မ်းသာဖြစ်စေခဲ့သည်။ စစ်ဗိုလ်ချုပ်ဟောင်းဖြစ်သူ သမ္မတဦးသိန်းစိန်၏ ပြန်လည်ထူထောင်ရေးကြိုးပမ်းချက်များအပေါ် ဤဖြစ်ရပ်များ၏အရိပ်လွှမ်းမှုကြောင့် အန္တရာယ်ရှိနေလေပြီ။

နေအိမ်အကျယ်ချုပ်ဖြင့်အကျဉ်းကျနေသော ဒီမိုကရေစီဘက်တော်သား ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည်အား ၂၀၁၀ ခုနှစ်၌ ပြန်လွှတ်ခြင်းကိစ္စ အပါအ၀င် မြန်မာပြည်မှဆောင်ရွက်ခဲ့သည့် ပြန်လည်ပြုပြင်ရေးလုပ်ငန်းများမှာ အကောင်းဖက်ရှေ့ရှုလာသော ရှားရှားပါးပါး ဇာတ်လမ်းတစ်ပုဒ်ဖြစ်သည်။ ရဲတပ်ဖွဲ့၏ ကိုင်တွယ်မှုလျော့တိလျော့ရဲနိုင်ခြင်းအကျိုးဆက်ဖြစ်သော အကြမ်းဖက်မှုများက ယခုအခါ မြန်မာနိုင်ငံကို ဘာသာရေးနှင့်လူမျိုးရေးဖိနှိပ်နေသည့် တိုင်းပြည်တစ်ခုအဖြစ် ကမ္ဘာ့မြေပုံပေါ်သို့ တွန်းပို့နေပေသည်။

မွတ်စ်လင်မ်တို့ကို အန္တရာယ်တစ်ရပ်ကဲ့သို့ရှုမြင်ထားသော ဗုဒ္ဓဘာသာဝင်နိုင်ငံရေးပါတီတစ်ခု (နှင့်) မိမိတို့နိုင်ငံအပေါ် အစ္စလာမ့်လွှမ်းမိုးမှုမှ ကာကွယ်နေပါသည်ဟုဆိုကြသော အစွန်းရောက် အမျိုးသားရေးဝါဒီ ဘုန်းတော်ကြီးအုပ်စု တစ်ခုတို့က မွတ်စ်လင်မ် ဆန့်ကျင်ရေး လှုပ်ရှားမှုများ ဖြစ်ပေါ်လာအောင် မီးမွှေးမှိုင်းတိုက်ခဲ့ကြသည်။ သံဃာများသည် မွတ်စ်လင်မ်ပိုင် စီးပွားရေးလုပ်ငန်းများကို သပိတ်မှောက်ရန် လှုံ့ဆော်ထားကြသည့်အပြင် ဗုဒ္ဓဘာသာဝင်အမျိုးသမီးများကို ဘာသာခြားတို့နှင့်ထိမ်းမြားခြင်းအပေါ် တားမြစ်မည့် ဥပဒေပြုရန် တွန်းအားပေးလျက်ရှိသည်။

မြန်မာနိုင်ငံရှိအာဏာပိုင်များကို တင်းမာမှုများ ပြေလျော့အောင်ဆောင်ရွက်ကြရန်၊ ၂၀၁၂ နွေရာသီကတည်းက စတင်ခဲ့သော သွေးချောင်းစီးသတ်ဖြတ်ပွဲကြောင့် အိုးအိမ်မဲ့သူများအား ပြန်လည်နေရာချစီစဉ်ရန် အိမ်ဖြူတော်၊ ကမ္ဘာ့ကုလသမဂ္ဂ နှင့် လူ့အခွင့်အရေးအဖွဲ့အစည်းတို့မှ တိုက်တွန်းထားကြ၏။

စက်တင်ဘာလအတွင်း လွှတ်တော်ကြားနာမှုတစ်ရပ်၌ အမေရိကန်အခြေစိုက် လူ့အခွင့်အရေးအဖွဲ့အစည်း United to End Genocide မှ တွမ် အင်ဒရူးစ် Tom Andrews က မြန်မာနိုင်ငံ၏လက်ရှိပြဿနာသည် လူဦးရေ ၅၅ သန်းကျော်အနက် ၅ ရာခိုင်နှုန်းမျှသာ ရှိသော မွတ်စ်လင်မ်တို့အပေါ် ဆယ်စုနှစ်များစွာ အစိုးရကျောထောက်နောက်ခံ ခွဲခြားချိုးနှိမ်ဆက်ဆံမှုနှင့်ချိတ်ဆက်နေကြောင်း ထုတ်ဖော်၍ “ မျိုးဖြုတ်သုတ်သင်မှုအဆောက်အဦရဲ့အုတ်ချပ်တွေ မြင်နေရပါပြီ ” ဟု ဆိုခဲ့သည်။

မကြာသေးမီလများက ဦးသိန်းစိန်သည် ဘာသာတရားနှစ်ဖက်မှခေါင်းဆောင်များကို တွေ့ဆုံပြီး သွေးချောင်းစီးမှုအဆုံးသတ်ရေးအတွက် ဆွေးနွေးမှာကြားခဲ့သည်။ သို့သော်လည်း ရှေ့ဆက်လာသည့်အခြေအနေ၌ သူ့စကားရပ်များအပေါ် မေးခွန်းထုတ်စရာဖြစ်လာ၏။

နိုင်ငံတစ်ဝှန်းရှိမွတ်စ်လင်မ်တို့ကို ပစ်မှတ်ထားကြသော်လည်း မွတ်စ်လင်မ်လူမျိုးစုတစ်စုဖြစ်သည့် ရိုဟင်ဂျာတို့မှာ အဓိက အကြမ်းဖက်ခံ သားကောင်များဖြစ်နေကြရသည်။ များစွာသော ဗုဒ္ဓဘာသာတို့နည်းတူ ဦးသိန်းစိန်သည်လည်း ဘင်္ဂလားဒေ့ရှ် နယ်စပ်အနီးနေထိုင်ကြသည့် ရိုဟင်ဂျာ မွတ်စ်လင်မ်တို့အား တရားမ၀င် ခိုးဝင်လာသူများအဖြစ် အမြင်ထားရှိနေ၏။ စင်စစ်၌ ၄င်းတို့သည် မြန်မာနိုင်ငံတွင် မျိုးဆက်အလီလီ နေထိုင်လာခဲ့ကြသူများ ဖြစ်သည်။ ဤပဋိပက္ခများ၏ တစ်ခုတည်းသော အဖြေသည် ရိုဟင်ဂျာတို့ကို နိုင်ငံမှမောင်းထုတ်ခြင်း သို့မဟုတ် ဖယ်ကြဉ်လိုက်ခြင်း ဖြစ်သည်ဟု သူမှ ယမန်နှစ်က ပြောဆိုခဲ့သည်။

ယခုအခါ ရိုဟင်ဂျာ တစ်သိန်းလေးသောင်းခန့်မှာ ယာယီဒုက္ခသည်တဲစခန်းများတွင် နေထိုင်နေရပြီး လက်နက်ကိုင်ရဲတပ်ဖွဲ့ဝင်တို့၏ သွားလာမှုကန့်သတ် ထိန်းချုပ်ထားခြင်းကို ခံနေရသည်။ မလေးရှား သို့မဟုတ် ထိုင်းနိုင်ငံသို့ လှေငယ်လေးများဖြင့် သက်စွန့်ဆံဖျားအလွတ်ရုန်းခဲ့သူများမှာလည်း ထောင်ပေါင်းများစွာ ရှိသည်။

ယမန်နှစ်က မြန်မာမွတ်စ်လင်မ်တို့အား အကြမ်းဖက်နေမှုများကို လက်စားချေတုန့်ပြန်မည်ဟု ပါကစ္စတန်တာလီဘန်အဖွဲ့မှ ကြိမ်းမောင်းသောအခါ အခြားနိုင်ငံများရှိ အစွန်းရောက်အစ္စလာမ်မစ်များက အကြမ်းဖက်မှုဖြစ်အောင် သွေးထိုးမှုကြောင့်လောဟု အချို့မှ အခြေအမြစ်မဲ့ ဆိုခဲ့သည်။ လက်ရှိကာလတွင် မြန်မာပြည်မှ မွတ်စ်လင်မ်ခေါင်းဆောင်အချို့သည် ပြည်တွင်းအစွန်းရောက်လှုပ်ရှားမှုကြီးထွားလာမှုအပေါ် စိုးရိမ်လျက်ရှိ၏။

“ ဒီလူငယ်လေးတွေကို ဒီအတိုင်းသာ နေထိုင်ရှင်သန်သွားစေခဲ့ယင် တစ်နေ့ကျရင် သူတို့ အကြမ်းဖက်သမားတွေဖြစ်လာတော့မလားဆိုပြီး ကျွန်တော် စိုးရိမ်နေပါတယ် ” ဟု ရိုဟင်ဂျာအရေးလှုပ်ရှားသူ ဦးအောင်ဝင်းက ဆိုသည်။

ကမ္ဘာ့အဆိုးဝါးဆုံး ညှင်းပန်းခံလူနည်းစု
——————————————
လေးလဆက်တိုက်ခန့် မိုးရွာသွန်းနေရာ အေးအေးသန်းသည် သူမ၏အိမ်ကို ခြောက်သွေ့စေလိုသော်လည်း ကုလမှပေးထားသည့် ဆန်အိတ်အမိုး နှင့် ရွှံ့မံကြမ်းပြင်ဖြစ်နေသည့်အတွက် မလွယ်ကူလှပါချေ။

သူမနှင့်အတူ သားချင်း ၁၉ ဦးသည် ဤယာယီစခန်း၌ နေထိုင်လာခဲ့သည်မှာ ၂၀၁၂ အောက်တိုဘာလကတည်းက ဖြစ်၏။ သူတို့သည် ဗုဒ္ဓဘာသာဝင်များ၏တိုက်ခိုက်မှုမှ လှေငယ်တစ်စီးဖြင့် ရောက်တတ်ရာရာ ရှောင်တိမ်းထွက်ပြေးခဲ့ကြ၏။ တစ်ညဉ့်လုံးကမ်းခြေတလျှောက် မျှောလာခဲ့ပြီး စစ်တွေမြို့သို့ ဆိုက်ရောက်ခဲ့ကြသည်။ ၄င်းတွင် ဘင်္ဂလားပင်လယ်အော်ကမ်းခြေ ရေကြမ်းမြေကြမ်းတစ်ကြောရှိ ယာယီစခန်းများတွင် ထောင်နှင့်ချီသော အိုးအိမ်မဲ့မွတ်စ်လင်မ်တို့ဖြင့် ပြည့်ကျပ်နေ၏။

၂၀၁၂ ခုနှစ်၌ ရိုဟင်ဂျာအမျိုးသားသုံးဦးသည် ဗုဒ္ဓဘာသာဝင်အမျိုးသမီးသမီးကို မုဒိန်းကျင့်ကြံသည်ဟု စွပ်စွဲပြီး ဤရခိုင်ပြည်နယ်အတွင်း စတင်ဖြစ်ပွားခဲ့သော ပဋိပက္ခသည် မြန်မာနိုင်ငံတစ်ဝှန်း ပျံ့နှံ့ကူးစက်သွားသည်။ ဗုဒ္ဓဘာသာဝင် လူရမ်းကားတစ်စုသည် မွတ်စ်လင်မ် ၁၀ ဦးကို ခရီးသည်တင် ဘတ်စ်ကားပေါ်မှဆွဲချ၍ သေသည်အထိ ရိုက်နှက်သတ်ဖြတ်လိုက်ကြသည်။ များမကြာမီ ရခိုင်ပြည်နယ်အတွင်း အခြားဒေသမှ မွတ်စ်လင်မ်တို့နှင့်ဗုဒ္ဓ ဘာသာဝင်ရွာသားများအကြားမှာလည်း တိုက်ခိုက်မှုများ ဖြစ်ပွားခဲ့သည်။

လူ့အခွင့်အရေးလေ့လာစောင့်ကြည့်မှုအဖွဲ့၏အဆိုအရ ထို့နောက်တွင် လူ့အသိုင်းအ၀ိုင်းနှစ်ရပ်ကြားမှ တင်းမာမှုမီးတောက်သည် ကာလရှည်ချိုးနှိမ်ခံထားရသော ရိုဟင်ဂျာတို့အား နယ်နှင်ရေး တစ်ဖက်သတ်လှုပ်ရှားမှုအဖြစ်သို့ အသွင်ပြောင်းသွားပေသည်။ ရိုဟင်ဂျာတို့မှာ ကမ္ဘာ့အဆိုးဝါးဆုံးညှင်းပန်းနှိပ်စက်ခံရသည့် လူနည်းစုတစ်ခုအဖြစ် ကမ္ဘာ့ကုလသမဂ္ဂမှ သတ်မှတ်ထား၏။

စံနစ်တကျပုံစံချထားသော တိုက်ခိုက်မှုများ ဆက်တိုက်ဖြစ်လာရာတွင် ရာဂဏာန်းထိ သတ်ဖြတ်ခံကြရတော့သည်။ အချို့သော တိုက်ခိုက်မှုများမှာ ဒေသခံလုံခြုံရေးတပ်ဖွဲ့ဝင်တို့၏အကာအကွယ်ကိုယူ၍ ပြုလုပ်ခြင်းဖြစ်ကြောင်း လူ့အခွင့်အရေးစောင့်ကြည့်လေ့လာမှုအဖွဲ့မှ ဆိုသည်။ လူမျိုးဖယ်ရှားရှင်းလင်းရေးအတွက် သံဃာများမှ လက်ကမ်းစာစောင်များ ဖြန့်ဝေကြပြီး၊ နိုင်ငံရေးခေါင်းဆောင်များကလည်း ဗုဒ္ဓဘာသာဝင်တို့ကို မွတ်စ်လင်မ်တို့အပေါ် ဖယ်ကြဉ်ကြရန် တွန်းတိုက်ခဲ့ကြသည်။

၁၉၆၀ ခုနှစ်များအတွင်း အာဏာရှင် ဗိုလ်ချုပ်နေ၀င်းသည် သောင်းနှင့်ချီသောရိုဟင်ဂျာတို့ကို အိန္ဒိယမှာလာရောက်အလုပ်လုပ်ကိုင်သူများဟု ဆိုကာ နယ်နှင်မောင်းထုတ်ခဲ့ရာမှ အတန်ကြာလေလျှင် ဘင်္ဂလားဒေ့ရ်ှဖက် နယ်စပ်၌ ဦးရေ နှစ်သိန်းကျော် သောင်တင်သွားခဲ့သည်။

ဆယ်စုနှစ်များစွာ ခွဲထွက်ပုန်ကန်ခဲ့ကြသော တိုင်းရင်းသားအုပ်စုများအပါအ၀င် အခြားလူနည်းစုဝင်များနှင့် ခြားနားစွာ ရိုဟင်ဂျာတို့မှာကား မြန်မာနိုင်ငံသားအဖြစ် အသိအမှတ်အပြုမခံကြရ။ အချို့ဒေသများတွင် သူတို့သည် ခရီးသွားလာခြင်း၊ ထိမ်းမြားလက်ထပ်ခြင်း၊ အာဏာပိုင်ခွင့်ပြုချက်မရဘဲ ကလေးမွေးဖွားခြင်းတို့၌ တားမြစ်ပိတ်ပင်ခံနေကြရသည်။

သုံးနှစ်သက်တမ်းရှိ ရခိုင်အမျိုးသားတိုးတက်ရေးပါတီ Rakhine Nationalities Development Party ၏ ခေါင်းဆောင်တစ်ဦးဖြစ်သူ ဦးရွှေမောင်က “ တကယ်လို့ ခင်ဗျားရဲ့ကလေးနှစ်ယောက်ရန်ဖြစ်နေကြတယ်ဆိုပါစို့။ သူတို့ကို အတူတွဲထားမှာလား ခွဲထုတ်လိုက်မှာလား ” ဟူ၍ ဥပမာပေးမေးမြန်းခဲ့သည်။

၎င်းပါတီသည် ရခိုင်ပြည်နယ်၏လူများစုဖြစ်သည့် ဗုဒ္ဓဘာသာဝင် ရခိုင်လူမျိုးစုကို ကိုယ်စားပြုထားသည်။ သို့သော် ရခိုင်လူမျိုးစု နိုင်ငံအတိုင်းအတာအရ လူနည်းစုဝင်အုပ်စုသာဖြစ်၏။ ၄င်းတို့သည် ရိုဟင်ဂျာမွတ်စ်လင်မ်တို့အား မောင်းထုတ်ဖယ်ရှားရေး နှင့် ကိုယ်ပိုင်အုပ်ချုပ်ခွင့်ထက်ပိုလွန်သောအခွင့်အရေးတို့ကို ဗဟိုအစိုးရထံမှ ရရန် ကြိုးစားလျက်ရှိ၏။ ဗဟိုအစိုးရအားချုပ်ကိုင်ထားသည်မှာ အခြားဗုဒ္ဓဘာသာဝင် အုပ်စုတစ်ခုဖြစ်သော ဗမာလူမျိုးများ ဖြစ်သည်။ ဗမာတို့သည် ရခိုင်နိုင်ငံအား ၁၇၆၄ ခုနှစ်က သိမ်းယူအုပ်ချုပ်ခဲ့ကြသည်။

“ ကျွန်တော်တို့ဟာ ဗမာလူမျိုးတို့ရဲ့ တစ်ဆင့်နိမ့်ဆက်ဆံမှု နဲ့ မွတ်စ်လင်မ်တို့ရဲ့ အစ္စလာမ်ပြုမှုကြားထဲမှာ ညှပ်နေပါတယ် ” ဟု ဦးရွှေမောင်က ပြောကြားသည်။

တစ်ချိန်တုန်းကဆိုလျှင် ထိုကဲ့သို့နိုင်ငံရေးစကားသည် သူ့အား ထောင်နန်းစံစေလိမ့်မည်ဖြစ်သည်။ သို့သော် အာဏာရှင်ထိန်းချုပ်မှုများကို ရုပ်သိမ်းပြီး လွတ်လပ်စွာပြောဆိုခွင့်ပြုလိုက်ခြင်းက အကြမ်းဖက်မှုများထံ ဦးတည်သွားစေသည်လော မဆိုတတ်လေပြီ။

(မူရင်းအတိုင်း ဘာသာပြန်ဆို ဖော်ပြခြင်းဖြစ်သည်။ အမည်မှားယွင်းနေသည်ဟု ယူဆရပါသည်။ RNDP ပါတီ ခေါင်းဆောင်မှာ ဒေါက်တာ အေးမောင်ဖြစ်ပါသည်။)

အမုန်းတရားမီး၏လောင်စာ
————————-
အရှင်ဝီရသူသည် မန္တလေးရှိ သူ့ကျောင်းတိုက်တွင် လက်ဖက်ရည်တစ်ခွက်နှင့်ထိုင်နေလျက် သင်္ကန်းအောက်မှ ငြိမ်းချမ်းတည်ငြိမ်နေသယောင်ရှိ၏။ နံနက်ခင်းတစ်ပိုင်းလုံး ဦးချသူများ၊ ဆွမ်းကပ်သူများ နှင့် ငွေလာလှူသူများဖြင့် စည်ကားနေသည်။

ယင်းဘုန်းတော်ကြီးသည် သိမ်မွေ့သောအသွင်ဖြင့် စကားပြောလေ့ရှိ၏။ သို့သော် သူ၏ မွတ်စ်လင်မ်ဆန့်ကျင်ရေး အမုန်းမီးမွှေးတရားပွဲများက သူ့အား ရေပန်းစားစေခဲ့သည်။

မိမိ၏ပုံတူပန်းချီကား တစ်ဒါဇင်မက ချိတ်ဆွဲခင်းကျင်းထားရာ ဧည့်ဆောင်၌ပြုလုပ်သော အင်တာဗျူးတစ်ရပ်တွင် မွတ်စ်လင်မ်အမျိုးသားတို့သည် ဗုဒ္ဓဘာသာဝင်အမျိုးသမီးတို့အား မြူဆွယ်သိမ်းသွင်းလျက် မြန်မာပြည်အား သိမ်းပိုက်ရန် ယုတ်မာစွာ ကြံစည်နေကြောင်း ဦးဝီရသူမှ ဆိုလေသည်။ မိမိသည် အကြမ်းဖက်မှုဖြစ်အောင် မလှုံ့ဆော်ခဲ့၊ ကျူးကျော်စော်ကားလာပါက လက်စားချေတုန့်ပြန်နိုင်ကြောင်း ဗုဒ္ဓဘုရားရှင်မှ သွန်သင်ခဲ့သည်ဟုလည်း အခိုင်အမာပြောကြားခဲ့သည်။
.
ဦးဝီရသူသည် မွတ်စ်လင်မ်ဆန့်ကျင်ရေးအမုန်းမီးတိုက်မှုဖြင့် ထောင်နန်းစံခဲ့ပြီးနောက် ၂၀၁၀ ခုနှစ်တွင် အစိုးရ၏ပြန်လည်ပြုပြင်ရေးလုပ်ငန်းစဉ်ရှိ အထွေထွေလွတ်ငြိမ်းချမ်းသာမှုပေးခြင်းအစီအစဉ်အရ ပြန်လည်လွတ်မြောက်လာသည်။ ရခိုင်ပြည်နယ်မှပျံ့နှံ့လာသောပြဿနာသည် ယခုနှစ်တွင် မြန်မာပြည်တ၀ှန်း ရိုဟင်ဂျာ မဟုတ်သည့် မွတ်စ်လင်မ်များအပေါ် ပစ်မှတ်ထားလာခြင်း၌ ဦးဝီရသူ၏လှုပ်ရှားမှုများက အဓိကအခန်းကဏ္ဍတစ်ရပ်အဖြစ် ပါဝင်နေခဲ့၏။

မြန်မာပြည်အလယ်ပိုင်း မိတ္ထီလာမြို့တွင် ရွှေဆိုင်အငြင်းပွားမှုတစ်ခုကိုအကြောင်းပြု၍ သုံးရက်တာ မွတ်စ်လင်မ်ဆန့်ကျင်ရေးအကြမ်းဖက်မှုဖြစ်ပွားပြီး လူ ၁၀၀ ၀န်းကျင် သတ်ဖြတ်ခံရ၏။ စီးနင်းအကြမ်းဖက်စဉ်ကာလ၌ အတင်းအဓမ္မ ၀က်သားစားခိုင်းခြင်း၊ ဗုဒ္ဓဘာသာဝင်များကဲ့သို့ ရှိခိုးဦချခိုင်းခြင်း ပြုကျင့်ခံရကြောင်း မွတ်စ်လင်မ်တို့က ဆိုသည်။ အလားတူ အကြမ်းဖက်မှုမျိုးမှာ မြို့ ၁၂ မြို့နှင့်အထက်တွင် ဖြစ်ပွားခဲ့သည်။

ဦးသိန်းစိန်မှ “ဘုရားသားတော်” ဟုခေါ်တွင်ခြင်းနှင့်တစ်ကွ ဦးဝီရသူအား မြန်မာခေါင်းဆောင်များသည် ကိစ္စအများစု၌ ကာကွယ်ပေးခဲ့ကြ၏။

ဗုဒ္ဓဘာသာဝင်နှင့် မွတ်စ်လင်မ်တို့အကြား ခွဲခြားမှုအက်ကြောင်း နက်ရှိုင်းသထက်နက်ရှိုင်းလာခြင်းအပေါ် အတိုက်အခံ ဒီမိုကရေစီခေါင်းဆောင် ဒေါ်စုကြည်၏ ထူးထူးခြားခြားနှုတ်ဆိတ်နေခြင်းက သူမ၏အပြည်ပြည်ဆိုင်ရာအားပေးထောက်ခံသူများစွာအဖို့ စိတ်ပျက်သွားစေသည်။

နိုင်ငံတ၀ှန်းရှိ မွတ်စ်လင်မ်အမျိုးသားတို့သည်လည်း ဗလီဝတ်ကျောင်းတော်များကို ညလုံးပေါက်ကာကွယ်စောင့်ရှောက်ခြင်းများ ပြုလုပ်လာကြသည်။ မိတ္ထီလာ မြို့လယ်နေရာကောင်း၌ နေထိုင်ခဲ့သော မွတ်စ်လင်မ်ဦးရေ ၁၀၀၀ ခန့်မှာ ယခုသော် သံဆူးကြိုးခတ် အစ္စလာမ့်ကျောင်းဝင်းတွင် နေထိုင်နေကြရသည်။

မိုဘိုင်းဖုန်းများမှတဆင့် အကြမ်းဖက် ပုံရိပ်များကို ကြည့်ရှုတတ်ကြကုန်သော အချို့လူငယ်များထံ အစွန်းရောက်မှုရှိနေခြင်းသည်လည်း အတိုင်းအတာ တစ်ရပ်အထိ အန္တရာယ်ရှိနေ၏။ ထို့ပြင် အစ္စလာမ့်အခက်အလက်တစ်ခုဖြစ်သော ရှေးရိုးစွဲ ၀ဟာဘီဝါဒသည်လည်း မြန်မာနိုင်ငံ စွန္နီမွတ်စ်လင်မ်အသိုင်းအ၀ိုင်းအကြား အခြေခိုင်လျက် ရှိနေပြန်သည်။ စစ်တွေရှိ ရွှံ့ညွှန်ကြားကစခန်းများရှိ အရေးပေါ်ယာယီဗလီများသည် ဆော်ဒီအာရေဗျရှိ ဘာသာရေးအုပ်စုများထံမှ ထောက်ပံ့ကြေးများ ရရှိနေကြသည်။

အချို့မှာမူ လွတ်မြောက်ခြင်းကိုသာ လိုလားကြကုန်၏။ ကျဉ်းကြပ်လှသည့်နေရာမှခွာ၍ ယမန်နှစ်က လှေငယ်များဖြင့် ရိုဟင်ဂျာ တစ်သောင်းသုံးထောင် ရောက်ရှိခဲ့သော မလေးရှားသို့ သွားရန် အေးအေးသန်းသည် မိမိ၏မိသားစုကို လပေါင်းများစွာ ကြိုးစားစည်းရုံးနေပါသည်။ လမ်းခရီးတွင် အသက် ဆုံးရှုံးရသူများမှာလည်း ရာဂဏန်းမျှ ရှိနေလေပြီ။

မိုးရာသီကျော်လွန်သည်နှင့် မိသားစုလိုက် ထွက်ခွာမည်ဟု သူမ၏ခင်ပွန်း ဇော်လှက ပြောကြားခဲ့ပေသည်။ သူ့စကားကို ရှုပါလေ။

“ ပင်လယ်ပြင်ထဲနစ်မြုပ်သွားရင်လည်း ကျွန်တော်တို့အားလုံး တစုတပေါင်းတည်း သေခွင့်ရသွားတာပေါ့ဗျာ ”။

( မူရင်း ) ၂၀၁၃ ခုနှစ် နိုဝင်ဘာ ၁၄ ရက် Los Angeles Times မှ တင်ပြသော Kate Linthicum ၏ The killing fields of Myanmar ဆောင်းပါး
( မြန်မာပြန်ဆိုသူ ) မြင့်မိုရ်မောင်မောင်

November 16, 2013
မအ,အောင် သမိုင်းသိရသကဲ့သို့ နင်းပြား မဖြစ်ရအောင် ဥပဒေကိုသိရမည်

နိုဝင်ဘာ-၁၅ ၂၀၁၃
M-Media
စုစည်းတင်ဆက်သူ- မြင့်မိုရ်မောင်မောင်

အပြည်ပြည်ဆိုင်ရာ နိုင်ငံသား နှင့် နိုင်ငံရေး အခွင့်အရေးဆိုင်ရာ သဘောတူစာချုပ် ( International Covenant on Civil and Political Rights – ICCPR )

အပိုဒ် ၁၈

၁။ လူတိုင်းတွင် လွတ်လပ်စွာ တွေးခေါ်နိုင်ခွင့်၊ လွတ်လပ်စွာယူဆနိုင်ခွင့်၊ လွတ်လပ်စွာ သက်ဝင်ယုံကြည်ကိုးကွယ်နိုင်ခွင့် ရှိသည်။ အဆိုပါအခွင့်အရေးများ၌ မိမိကိုးကွယ်သည့်ဘာသာ သို့မဟုတ် သက်ဝင်ယုံကြည်မှုကို လွတ်လပ်စွာ ပြောင်းလဲနိုင်ခွင့် ပါဝင်သည့်အပြင် မိမိ တစ်ယောက်ချင်းဖြစ်စေ၊ အခြားသူများနှင့်စုပေါင်း၍ဖြစ်စေ၊ ပြည်သူလူထု အများရှေ့မှောက်တွင် မဟုတ်ဘဲဖြစ်စေ မိမိတို့ကိုးကွယ်သောဘာသာ သို့မဟုတ် သက်ဝင်ယုံကြည်မှုကို လွတ်လပ်စွာ တင်ပြနိုင်ခွင့်၊ ကျင့်သုံးနိုင်ခွင့်၊ ဘုရားကျောင်းကန်သွားလာဝတ်ပြုနိုင်ခွင့် နှင့် ဆောက်တည်နိုင်ခွင့်တို့လည်း ပါဝင်သည်။

၂။ မည်သူတစ်ဦးတစ်ယောက်ကိုမျှ မိမိရွေးချယ် ကိုးကွယ်သောဘာသာ သို့တည်းမဟုတ် ယုံကြည်မှု ပျက်စီးစေရန် တိုက်တွန်းခြင်း မပြုနိုင်။

၃။ ပြည်သူ့လုံခြုံမှု သို့မဟုတ် ပြည်သူ့လုပ်ငန်း၊ ပြည်သူ့ကျန်းမာရေး သို့မဟုတ် ကျင့်ဝတ်တရား သို့မဟုတ် လူအများ၏ လွတ်လပ်မှုနှင့် အခွင့်အရေးတို့ကို ဥပဒေပြဋ္ဌာန်းချက်မှအပ ကာကွယ်ရန်မှတစ်ပါး ဘာသာ သို့မဟုတ် ယုံကြည်မှုကို သွန်သင်ပြသရန် လွတ်လပ်ခွင့်အား ချုပ်ခြယ်ခြင်း မပြုရ။

၎။ လက်ရှိသဘောတူစာချုပ်အဖွဲ့ဝင်နိုင်ငံတို့၏အာဏာပိုင်တို့သည် မိဘတို့လွတ်လပ်ခွင့်ဖြစ်သော ကျင့်ဝတ် အရသော် လည်းကောင်း၊ ဘာသာရေးအရသော် လည်းကောင်း မိမိတို့၏သားသမီးများအား တညီတညွတ်တည်း ပညာပေးဆုံးမမှု အားလုံးတို့ကို တတ်နိုင်သရွေ့ စောင့်ရှောက် ကာကွယ်အာမခံပေးရန် တာဝန်ရှိသည်။

လူတိုင်းတွင် မိမိသဘောအရ လွတ်လပ်စွာတွေးခေါ်ယုံကြည်ခွင့်ရှိသည်။ ၄င်းသည် မရုပ်သိမ်းနိုင်သော အခွင့်အရေးတစ်ခုဖြစ်ပြီး၊ မည်သည့်အကြောင်းကြောင့်မျှ ဆိုင်းငံြ့ခင်း မပြုနိုင်။
———————————————————————-
ဘာသာရေး သို့မဟုတ် ယုံကြည်မှု စသည်တို့အပေါ်အခြေခံ၍ ပုံသဏ္ဍာန်အမျိုးမျိုးဖြင့် သည်းမခံမှုများ၊ ဖိနှိပ် ခွဲခြားမှုများနှင့် ပတ်သက်သော ကြေညာစာတမ်း (The Declaration on the Elimination of All Forms of Intolerance and of Discrimination Based on Religion or Belief)

— လွတ်လပ်စွာတွေးခေါ်မှု၊ လွတ်လပ်စွာခံယူကြံဆမှု သို့မဟုတ် လွတ်လပ်စွာယုံကြည်မှုနှင့်ကိုးကွယ်မှု စသည်တို့ကို ကျူးလွန်ဖောက်ဖျက်စော်ကားခြင်းသည် လူသားများကို ဒုက္ခ များစွာပေးသော စစ်မက်ဖြစ်ပွားမှုကို တိုက်ရိုက်သော် လည်းကောင်း၊ သွယ်ဝိုက်၍သော် လည်းကောင်း ဖြစ်ပေါ်စေသည်။ ယင်းသည် ခွင့်ပြု လက်ခံနိုင်သောအရာ မဟုတ်။

— လွတ်လပ်စွာ ကိုးကွယ်မှု ၊ယုံကြည်မှု စသည့်အခွင့်အရေးတို့ကို လေးစားရန်၊ သည်းခံရန် နှင့် နားလည်မှုတို့ကို တိုးမြှင့်ရန်လိုပြီး ကုလသမဂ္ဂ ချာတာ စာချုပ်ကြီးပါ မူတို့နှင့် မကိုက်ညီမှုများကို အဆုံးသတ်ရန် သေချာစေရမည်ဖြစ်သည်။ [ အဖွင့်စကားချီး ]

ကြေညာစာတမ်း၏အပိုဒ် ၁၈ ပါအခွင့်အရေးများထံတွင် အောက်ပါအခွင့်အရေးများ ပါဝင်သည်။

* ပြည်သူအများစုပေါင်းဝတ်ပြုခွင့် နှင့် ယင်းဝတ်ပြုရန်နေရာများ သတ်မှတ်စေရန်
* ကုသိုလ်ပြုအသင်းအဖွဲ့များကို တည်ထောင်နိုင်ရန်
* စေတနာအရအလှူများကို လက်ခံခြင်းနှင့်ရှာဖွေနိုင်ရန်
* ဆီလျော်သင့်တော်သောစာပေများကို ထုတ်ဝေဖြန့်ချိနိုင်ရန်
* သင့်လျော်ရာနေရာဒေသတို့တွင် ဘာသာရေးနှင့် ယုံကြည်မှုဆိုင်ရာ ပညာပေး၊ ပညာပြန့်ပွားရေးအစီအစဉ်များကို လုပ်ဆောင်နိုင်ရန်
* ယုံကြည်မှုနှင့် ပတ်သက်သည့် နေ့ထူးနေ့မြတ်များကို ဆင်နွှဲကျင်းပနိုင်ရန်
* ဘာသာရေးနှင့်ယုံကြည်မှုအတွက်၊ လိုအပ်သောပြည်တွင်းပြည်ပဆက်သွယ်ရေးအတွက် ဆောင်ရွက်မှုများကို လုပ်ဆောင်နိုင်ရန်

ကန့်သတ်ချက်များကို အောက်ပါအတိုင်း ပြဋ္ဌာန်းရမည်။

* ဥပဒေဖြင့် ပြဋ္ဌာန်းရန်
* ပြည်သူ့လုံခြုံမှု၊ လုပ်ငန်း၊ ကျန်းမာရေး သို့မဟုတ် ကျင့်ဝတ်သိက္ခာ သို့မဟုတ် အခြားသူများ၏အခွင့်အရေးတို့ကို ကာကွယ်ပေးရန်
* သည်းမခံနိုင်မှုနှင့်ဖိနှိပ်ခွဲခြားမှုတို့ကို အားပေးအားမြှောက်ပြုသော အတန်းအစားခွဲခြားခြင်း၊ ဖယ်ရှားခြင်း၊ ကန့်သတ်ချုပ်ခြယ်ခြင်း နှင့် မျက်နှာသာပေးမှုများ မပါဝင်စေရန်တို့ဖြစ်သည်။

နိုင်ငံအစိ်ုးရများသည် သည်းမခံနိုင်ဖွယ်ရာများကိုလည်းကောင်း၊ ခွဲခြားမှုများကိုလည်းကောင်း ရပ်တန့်စေရန်အတွက် (နှင့်) ဥပဒေများပြဋ္ဌာန်းရာတွင် ထိရောက်သောဆောင်ရွက်မှုများ လုပ်ဆောင်ရမည်။ ကလေးသူငယ်များကို မိမိတို့၏မိဘများနှင့် အုပ်ထိန်းသူတို့ ကိုးကွယ်နှစ်သက်သော ဘာသာတရား၏ သွန်သင်ဆုံးမချက်များတွင်သာ ပျော်မွေ့စေရမည်။ မိဘသားသမီး အားလုံးနှင့် လူသားအားလုံးတွင် နားလည်မှု နှင့် ခန္တီပါရမီ စသည့် မွန်မြတ်သော စိတ်ထား ပွားများပြီး သူတစ်ပါး၏ သာသနာနှင့် ယုံကြည်မှုတို့၏ လွတ်လပ်မှုများကို လေးစားကာ မိဿဟာရ ဆက်ဆံရေး ကောင်းမွန်စေရမည်။

အပိုဒ် ၂၆

လူတိုင်းသည် ဥပဒေရှေ့မှောက်တွင် အညီအမျှဖြစ်ပြီး မည်သည့်နည်းနှင့်မျှ ခွဲခြားဆက်ဆံမှုမရှိဘဲ ဥပဒေ၏အကာအကွယ်ကို ခံစားပိုင်ခွင့်ရှိသည်။
ဤကဲ့သို့ပင် အသားအရောင်၊ လိင်၊ ဘာသာစကား၊ ဘာသာရေး သို့မဟုတ် အခြားအယူအဆ၊ အမျိုးသားဇာစ်မြစ် သို့မဟုတ် လူမှုရေးဇာစ်မြစ်၊ ဥစ္စာဓန၊ မျိုးရိုးဇာတိ နှင့် အခြားအဆင့်အတန်းခြားနားခြင်းရှိသော လူတို့ကို အစိုးရက တူညီစွာ နှင့် ထိရောက်စွာ အာမခံပေးလျက် ကာကွယ်ပေးရသည်။

လူတိုင်းသည် ခွဲခြားမှုများတို့မှ အကာအကွယ်ရပိုင်ခွင့် ရှိသည်
—————————————————————–
ရှင်းလင်းဖော်ပြချက်

ဤအပိုဒ်တွင် မည်သည့်လူတန်းစားကိုမဆို အထူးမျက်နှာသာပေးမှုကို တားမြစ်သည်။ အပိုဒ် ၂ အရ တရားဝင်အာမခံချက်များအပေါ် ထပ်ဆင့် ကတိပေးရေးသားထားသည်။

“ အသားအရောင်၊ လိင်၊ လူတိုင်း၊ လူမျိုး၊ မျိုးနွယ် စသည်ဖြင့် သူ့ထက်ငါ ကောင်း၊ဆိုးသည်ဟူသော အတွေးအမြင် ထင်မြင်ယူဆမှုများမှ တဆင့် အုပ်စု၊ အတန်းအစား၊ အလွှာအသီးသီးတို့ကြောင့် ခွဲခြားခြင်း ပေါ်ပေါက်လာရပေသည် ” [ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ကြီး ]

၁၉၇၈ ခုနှစ် လူမျိုး နှင့် မျိုးနွယ်စွဲလန်းမှု အပေါ်ပတ်သက်သည့် ကြေညာစာတမ်း

လူတစ်မျုိုးကို တစ်မျိုးထက်တစ်မျိုး နိမ့်မြင့်သည်ဟူ၍ ခွဲခြားရန်အတွက် လူမျိုးကွဲပြားမှုအပေါ် အကြောင်းပြ၍ မရနိုင်။

— လူမျိုး သို့မဟုတ် မျိုးစု မျိုးနွယ်တစ်မျိုးနှင့်တစ်မျိုး မွေးရာပါဂုဏ်သိက္ခာအားဖြင့် နိမ့်မြင့်၊ ကြီးငယ်၊ ယုတ်ညံ့သည်၊ မွန်မြတ်သည် ဟူသောအဆိုတွင် ပါဝင်သက်ဆိုင်နေသည့် မည်သည့်ဝါဒသဘောတရားမျှမဆို အခြေခံသိပ္ပံပညာနှင့်လည်းကောင်း၊ လူ့ကျင့်ဝတ်တရားနှင့် လူသားဝါဒဥပဒေမူနှင့် လည်းကောင်း ဖြောင့်ဖြောင့်ကြီး ဆန့်ကျင်လျက်ရှိသည်။

-သမိုင်းကြောင်းတစ်လျှောက်တွင် မတူညီသော အာဏာ၏နောက်ဆက်တွဲ အားပေးမှုအဖြစ် စီးပွားရေး၊ လူမှုရေး၊ အမျိုး၊ အလွှာ စသည့် ကွာခြားခြင်းနှင့် ကွာဟမှုတို့ကြောင့် ဖြစ်ပေါ်လာရသော လူမျိုးရေးစွဲလန်းမှု(ဘက်လိုက်လိုမှု) တို့သည် လုံးလုံးလျားလျား မှားယွင်းလေပြီ။ [ အပိုဒ် ၂ ]

လူမျိုး သို့မဟုတ် မျိုးနွယ်တစ်စုသည် အခြားသောလူမျိုး သို့မဟုတ် မျိုးနွယ်တစ်စုထက် ပို၍မြင့်မြတ်သည်ဟူသော အဆိုသည် အခြေအမြစ်မရှိသလို လူမျိုးရေးစွဲလန်းမှုသည်လည်း မှန်ကန်သော သဘောမရှိ။

အပိုဒ် ၂၇

လူမျုိုးစု၊ ဘာသာအယူအဆ သို့မဟုတ် ဘာသာစကားအားဖြင့် ကွဲပြားကြပြီး လူနည်းစုများနေထိုင်သောတိုင်းပြည်များတွင် အခြားလူနည်းစု သို့မဟုတ် မျုိုးနွယ်စုတစ်ခုနှင့်အတူ လူနည်းစုတစ်စုက မိမိတို့၏ ယဉ်ကျေးမှုအရဖြစ်စေ၊ ဘာသာ စကားဖြစ်စေ၊ ဘာသာ အယူအဆဖြစ်စေ လွတ်လပ်စွာ ကျင့်သုံးဟောပြော သွန်သင်ခြင်းကို တားမြစ်ပိတ်ပင်ကန့်သတ်ခြင်း မပြုနိုင်။

* လူနည်းစုများတွင် မိမိတို့၏လူမျိုးစုတစ်စုတည်းအဖြစ်ရှိနေရန် အခွင့်အရေးရှိသည်။

ရှင်းလင်းဖော်ပြချက်

လူ့အသိုင်းအ၀ိုင်းတွင် လူနည်းစုများသည် လုံခြုံရာမဲ့သောအုပ်စုတစ်စုဖြစ်ပြီး အထူးစောင့်ရှောက်မှုနှင့်ကာကွယ်မှုကို လိုအပ်သည်။ ထို့အတွက် လူနည်းစုကိုအထူး ရည်ရွယ်သော သဘောတူညီချက်များစွာတို့ ပေါ်ပေါက်အသက်ဝင်လာခဲ့ရသည်။

အခြားဆီလျော်သောအချက်အလက်များ

၁။ မျိုးပြုန်းသတ်ဖြတ်မှုဆိုင်ရာသဘောတူညီချက် – Convention of the Prevention and Punishment of the Crime of Genocide (GC)

“ ပြဿနာအားလုံးလိုလိုတွင် လူနည်းစုများသည် သဘာဝအားဖြင့် မျိုးပြုန်းသတ်ဖြတ်မှု၏ဓားစာခံများ ဖြစ်ရသည် ”
[ လူနည်းစုအခွင့်အရေးအုပ်စု ]

မျိုးပြုန်းသတ်ဖြတ်မှုဆိုင်ရာသဘောတူညီချက်စာချုပ် GC တွင် မျိုးပြုန်းသတ်ဖြတ်မှုကို

– ပြည်သူလူထုကို သတ်ဖြတ်ခြင်း
– ပြည်သူလူထုကို ကိုယ်ကာယအားဖြင့်လည်းကောင်း၊ စိတ်ပိုင်းဆိုင်ရာအားဖြင့်လည်းကောင်း အနာတရာထိခိုက်စေခြင်း
– ပြည်သူလူထုတစ်ရပ်လုံး သို့မဟုတ် တစ်စိတ်တစ်ပိုင်းတို့အား ကိုယ်ကာယ(ရုပ်ပိုင်းဆိုင်ရာ)ပျက်စီးစေရန် တမင်သက်သက် စီမံဆောင်ရွက်ခြင်း
– မွေးဖွားမှုကို တားမြစ်ခြင်း နှင့်
– ကလေးသူငယ်များကို ရွှေ့ပြောင်းပစ်ခြင်း
စသည်ဖြင့် လူမျိုးတစ်မျိုး၊ လူမျိုးစုတစ်စု၊ ဘာသာရေးအုပ်စုတစ်စုတို့ကို ရည်ရွယ်ချက်ရှိရှိဖြင့် ဖျက်ဆိးခြင်း သို့မဟုတ် ဖျက်ဆီးရန်ရည်ရွယ်ခြင်း ဟူ၍ အဓိပ္ပာယ်ဖွင့်ဆိုထားပါသည်။

မျိုးဖြုတ်သတ်ဖြတ်မှုနှင့်စပ်လျဉ်းသော ထိုပြဿနာမျိုးအတွက် သင့်လျော်သည့်အတိုင်းအတာဖြင့် အရေးယူဆောင်ရွက်စေရန် နိုင်ငံတော်အာဏာပိုင်များသည် ကုလသမဂ္ဂကို အကူအညီတောင်းဆိုနိုင်ပါသည်။

၂။ ပညာရေးအပေါ် ခွဲခြားမှုဆိုင်ရာ ပဋိညာဉ် – Convention against Discrimination in Education

ပညာရေးအပေါ်ခွဲခြားမှုဆိုင်ရာပဋိညာဉ်သည် လူနည်းစုတို့အနေဖြင့် မိမိတို့ဘာသာစကားဖြင့် မိမိတို့၏ပညာရေး ရယူသင်ကြားနိုင်ရေးအတွက် ကူညီဆောင်ရွက်သည်။

၃။ အပြည်ပြည်ဆိုင်ရာလူမျိုးရေးခွဲခြားမှုနည်းမျိုးစုံအား ဖျက်သိမ်းရေးဆိုင်ရာ ပဋိညာဉ်စာချုပ် – International Convention on the Elimination of all Forms of Racial Discrimination (CERD)

အပြည်ပြည်ဆိုင်ရာ လူမျိုးရေးခွဲခြားမှု နည်းမျိုးစုံအား ဖျက်သိမ်းရေးဆိုင်ရာ ပဋိညာဉ်စာချုပ်သည် မျိုးနွယ်အုပ်စုများတို့၏ တိုးတက်မှုကို အာမခံချက်ပေးနိုင်သော ပြုလုပ်ဆောင်ရွက်ချက်များ အပေါ် ကူညီအားပေးသည်။

၎။ လွတ်လပ်ရေးရသော တိုင်းပြည်များရှိ ဒေသခံနှင့် တောင်တန်းဒေသ လူမျိုးများနှင့် ဆိုင်သော ပဋိညာဉ် – Convention concerning Indigenous and Tribal Peoples in Independent Countries (IL0 169)

တောင်တန်းဒေသရှိလူမျိုး ဆိုသည်မှာ နိုင်ငံတစ်နိုင်ငံ၏အသိုင်းအ၀ိုင်းနှင့်သက်ဆိုင်သော်လည်း မိမိတို့၏ဥပဒေ၊ ဓလေ့ထုံးစံ နှင့် ဘာသာစကားတို့မှာ နိုင်ငံတော်၏ အခြားသော တိုင်းရင်းသားများနှင့် ကွာခြားသည်။ သို့ရာတွင် အပြည်ပြည်ဆိုင်ရာ ဥပဒေ၏မူအရ ၄င်းတို့၌ ကိုယ်ပိုင်ပြဋ္ဌာန်း ခွင့်မရှိဟု ဤစာချုပ်တွင် ပြဋ္ဌာန်းထားသည်။

မူရင်းဌာနေလူမျိုးစု ဆိုသည်မှာ တိုင်းရင်းသား အသိုင်းအ၀ိုင်းရှိ လူတစ်စုဖြစ်ပြီး

– ယင်းနိုင်ငံ၏နယ်ပယ်သို့ ကျူးကျော်သူများ မရောက်လာခင်ကတည်းက ထိုဒေသတွင် နေထိုင်လျက်ရှိသူ
– မိမိကိုယ်ကိုမိမိ ကျူးကျော်မှုမတိုင်မီလူမျိုး သို့မဟုတ် ကိုလိုနီမတိုင်မီလူမျိုးအနေဖြင့်သာ ခံယူသူ
– မည်သူ၏ကြီးစိုးမှုမျှမခံသော လူမျိုးများဟုခံယူသူ
– မိမိယဉ်ကျေးမှုပုံစံ၊ မိမိ၏လူမှုရေးရာဥပဒေ၊ တရားဥပဒေကျင့်ထုံးများကို ထိန်းသိမ်းပြီး အနာဂတ်၌ ထိုကဲ့သို့ပင် လူမျိုးစုတစ်မျိုးအနေနှင့် ဆက်လက်၍ သီးသန့်ပိုင်နက်အတွင်း နေထိုင်သွားနိုင်ရန် လက်ဆင့်ကမ်းဖြန့်ဖြူးပေးနိုင်သူ ဟူ၍ အဓိပ္ပာယ်ဖွင့်ဆိုထားသည်။

မြေယာပြဿနာ

ကမ္ဘာတစ်ဝှမ်းရှိ ဌာနေဒေသခံလူမျိုးတို့ ရင်ဆိုင်နေရသော ပြဿနာများသည် မြေယာပဋိပက္ခကို အခြေခံသည်။ ဘိုးဘွားအမွေမြေယာများ လက်မဲ့ဖြစ်မှု၊ အစဉ်အလာပိုင်ဖြစ်သော သယံဇာတများ ဆုံးရှုံးမှုတို့ကြောင့် ဒေသခံလူမျိုးတို့သည် စီးပွားရေးပျက်သုဉ်းခြင်း၊ ၄င်းတို့ကိုယ်ပိုင်အုပ်ချုပ်ရေးနယ်မြေ၏ အနာဂတ်ရေးအား ကိုယ်ပိုင်ဆုံးဖြတ်ပိုင်ခွင့်တို့ ဆုံးရှုံးခြင်း၊ ယဉ်ကျေးမှုတိမ်ကောပျောက်ကွယ်သွားခြင်း စသည့် မလွှဲမရှောင်နိုင်သော အကျိုးဆက်များနှင့်ကြုံတွေ့လာရတော့သည်။ [ အပြည်ပြည်ဆိုင်ရာအသက်ရှင်ရေးအဖွဲ့ ]

IL0 169 သည်

– တောင်တန်းဒေသလူမျိုးများ မြေယာပိုင်ဆိုင်ခွင့်ရှိရန်
– မိမိတို့၏သဘာဝသယံဇာတပစ္စည်း ကာကွယ်ရန်
– ပြည်သူများကို အဓမ္မပြောင်းရွှေ့စေခြင်းမှ တားမြစ်ရန်
– ဆွေးနွေးတိုင်ပင်ရေးကိစ္စအတွက် လိုအပ်ချက်များပေးရန်
– ကျူးကျော်ဝင်ရောက်တိုက်ခိုက်မှုအပေါ် အပြစ်ဒဏ်ပေးရန်တို့ကို ကူညီဆောင်ရွက်ပေးသည်။

၅။ တိုင်းရင်းသား သို့မဟုတ် လူမျုိုးစု၊ ကိုးကွယ်သည့်ဘာသာ နှင့် ဘာသာစကားကွဲပြားသော လူနည်းစုများ အခွင့်အရေးဆိုင်ရာ ကြေညာစာတမ်း – Declaration on the Rights of Persons Belonging to National or Ethnic, Religious and Linguistic Minorities. 1992

ဤစာချုပ်သည်
– မိမိတို့၏ယဉ်ကျေးမှုကို ကျေနပ်စွာခံစားရန်
– မိမိတို့၏ဘာသာယုံကြည်မှုကို ကျင့်သုံးသွန်သင်ဆုံးမရန်
– မိမိတို့ဘာသာစကားကို အသုံးပြုရန်
– မိမိဖာသာအနေနှင့်လည်းကောင်း၊ လူထုအနေနှင့်လည်းကောင်း လွတ်လပ်စွာနေပြီး ၄င်းအပေါ် အနှောင့်အယှက်ဖြစ်စေမည့် ခွဲခြားမှုပုံသဏ္ဍာန်အမျိုးမျိုးမှ ကင်းဝေးစေရန်
– မိမိတို့၏လူနည်းစုအရေးနှင့်ဆိုင်သော ဆုံးဖြတ်ချက်ချမှတ်ရာတွင် နိုင်ငံတော်အဆင့်အနေနှင့်ဖြစ်စေ၊ ဒေသအနေနှင်ဖြစ်စေ ပါဝင်ရန် စသည့်အခွင့်အရေးများကို ပဓာနပြုသည်။

နိုင်ငံအစိုးရများသည်
– ဥပဒေရှေ့မှောက်တွင် ခွဲခြားမှု မရှိ၊ တူညီသောအခွင့်အရေးဖြင့် ၄င်းတို့၏လူ့အခွင့်အရေးများကို ကျင့်သုံးနိုင်သော အခွင့်အရေးကို အာမခံချက်ပေးရန်
– နိုင်ငံတော်ဥပဒေနှင့် အပြည်ပြည်ဆိုင်ရာ စံချိန်စံညွှန်းကို ချိုးဖောက်ရသော လုပ်ရပ်များမှလွဲ၍ လူနည်းစုတို့၏ အခြားသော ယဉ်ကျေးမှုများကို မြှင့်တင်ပေးရန်
– ၄င်းတို့၏တိုင်းရင်းသား ဘာသာစကားကို ကောင်းမွန်သော အခွင့်အရေးရရှိရေး အတွက် ဆောင်ရွက်မှုများချမှတ်ရန်
– နိုင်ငံတစ်နိုင်ငံ အတွင်းရှိသော လူနည်းစုတို့၏ သမိုင်း၊ ဓလေ့ထုံးတမ်း နှင့် ယဉ်ကျေးမှုဆိုင်ရာ အတတ်ပညာများကို ဆည်းပူးလေ့လာရန် အတွက် ဆောင်ရွက်မှုများကို အားပေးရန်
– နိုင်ငံတော်၏ကြီးပွား တိုးတက်မှုဆိုင်ရာ စီမံကိန်းများတွင် ၄င်းလူနည်းစုတို့ပါဝင်နိုင်ရေးအတွက် စဉ်းစားရန်
စသည့် အချက်များပေါ်တွင် တာဝန်ရှိသည်။

၆။ ဗီယင်နာ ကြေညာစာတမ်း

အစိုးရတို့သည် အပြည်ပြည်ဆိုင်ရာဥပဒေအရ တူညီသောအခြေခံမူ နှင့် ဒေသခံပြည်သူတို့၏ လူ့အခွင့်အရေးများ အားလုံးနှင့်အခြေခံ လွတ်လပ်မှုများကို ခွဲခြားမှုမရှိဘဲ လေးစားရန်အတွက် ဟန်ချက်ညီညီ အပြုသဘောဆောင်သည့် လုပ်ဆောင်ချက်များကို စီစဉ်ချမှတ်ပြီး၊ ၄င်းတို့၏ ကွဲပြားခြားနား၍သီးခြားဖြစ်လျက်ရှိသော ယဉ်ကျေးမှုနှင့် လူမှုအဖွဲ့အစည်းများ တန်ဖိုးကို လေးစားရမည်။ [ အပိုဒ် ၂၀ ]

၇။ နိုင်ငံတကာရွှေ့ပြောင်းလုပ်သားများနှင့် ၄င်းတို့၏မိသားစုများအခွင့်အရေး ကာကွယ်မှုဆိုင်ရာ သဘောတူညီချက် စာချုပ် – International Convention on the Protection of the Rights of All Migrant Workers and Members of their Families. 1990

ဤစာချုပ်သည် အပြည်ပြည်ဆိုင်ရာ နိုင်ငံသားနှင့်နိုင်ငံရေးအခွင့်အရေးဆိုင်ရာသဘောတူစာချုပ် ICCPR တွင် ပါဝင်သော အခွင့်အရေးများအနက် အောက်ပါ အခွင့်အရေးများကို ထပ်မံ ဖွင့်ဆိုခြင်းဖြစ်သည်။ ၄င်းတို့မှာ

– ပြည်သူများကို တိုင်းပြည်မှနှင်ထုတ်ခြင်းအား ကာကွယ်မှု
– လူမျိုးစုခွဲခြားခြင်း မရှိဘဲ တန်းတူညီမျှ ရှိစေမှု၊ အထူးသဖြင့် လစာနှင့် လုပ်ငန်းခွင် အခြေအနေများတွင် တန်းတူညီတူရှိမှု၊
– ၀င်ငွေနှင့်စုငွေများကို မိမိတို့ကိုယ်တိုင် ပေးပို့လွှဲပြောင်းပေးပို့နိုင်မှု
– ရွှေ့ပြောင်းအလုပ်သမားများတို့၏ ယဉ်ကျေးမှုသီးခြားရှိနေရေးကိုလေးစားမှု
စသည်တို့ဖြစ်သည်။

ဤသဘောတူစာချုပ်သည် လုံလောက်သောတိုင်းပြည်များ၏အတည်ပြုမှု မရရှိသေးသောကြောင့် လောလောဆယ်အားဖြင့် အာဏာသက်ရောက်ခြင်း မရှိသေးပေ။ (ယခုအခါ အတည်ပြုအင်အားများပြားလာပြီး အာဏာသက်ရောက်လုပြီဖြစ်သည်)

The Human Rights Handbook (Kathryn English & Adam Stapleton)အား မြန်မာပြန်ဆိုထားသော ဒေါ်အောင်ဆန်းစုကြည်၏ လူ့အခွင့်အရေး လက်စွဲစာအုပ်(စက်တင်ဘာ၊ ၂၀၀၀) မှ ကောက်နှုတ်တင်ပြသည်။

November 15, 2013
မြန်မာ-မြောက်ကိုးရီးယား ချိတ်ဆက် ပတ်သက်မှု မေးခွန်း (၁၀)ခု

နိုဝင်ဘာ- ၁၄ ၂၀၁၃
M-Media
သာကီ ထက်ကောင်း ဆီလျော်အောင် ပြန်ဆိုသည်။

ဓါတ်ပုံအညွှန်း- ၂၀၀၈ ခုနှစ် ကနအဖ နံပါတ်(၃)အဆင့် ရှိ ဗိုလ်ချူပ်ကြိး သူရရွှေမန်း (လက်ရှိ ပြည်သူလွှတ်တော် ဥက္ကဌ ) မြောက်ကိုရီးယား နိုင်ငံသို့ လျို့ဝှက်ခရီးစဉ်သွားရောက်ခဲ့သည့် ခရီးစဉ်တွင် နားလည်မှု စာချွန်လွှာ လက်မှတ်ရေးထိုးစဉ် လက်ဝဲဘက် မှ တယောက်မှာ လက်တလော အမေရိကန်ပြည်ထောင်စုမှ အမည်ပျက်စာရင်းသွင်းလိုက်သူ ဒုတိယ ဗိုလ်ချူပ်ကြီး သိန်းဌေး (ဦးသိန်းစိန်အစိုးရ၏ နယ်စပ် ဝန်ကြီးဟောင်း) ဖြစ်သည်

ဝါရှင်တန်။ ။ တစ်ချိန်က ယုံစားမှုကင်းမဲ့ခံရသော မြန်မာနိုင်ငံအတွင်း ဂျပန်နှင့် ဂျပန် ကုမ္ပဏီများသာမက ၄င်းတို့၏မိတ်ဖက် အမေရိကန်နှင့် ဥရောပနိုင်ငံတို့ ခြေလှမ်းကျဲလာမှုသည် နိုင်ငံ၏ စစ် အုပ်ချုပ်ရေး နောက်ပိုင်း အမှန်တကယ် ပြောင်းလဲလာပြီလောဟု မေးမြန်းစရာဖြစ်လာ၏။ ထို့ပြင် ဂျပန်နှင့် ကျန်အရှေ့အာရှနိုင်ငံများ အဖို့ မြန်မာစစ်တပ်နှင့် မြောက်ကိုးရီးယား ဆက်နွယ်မှုအပေါ် သတိကြီးစွာထားအပ်သည့် အကြောင်းတစ်ရပ်လည်း ရှိနေသည်။

နိုင်ငံရေးနှင့် စီးပွားရေးကဏ္ဍများ၌ အတိုင်းအတာ တစ်ရပ်အထိ တိုးတက်မှုကိုတွေ့ရသည့်တိုင် မြန်မာနိုင်ငံမှရသော နောက်ဆုံးသတင်းအရ ပြည်နယ် အများအပြားတွင် လူ့အခွင့်အရေး လစ်ဟာချက်များရှိနေပြီး ထိုအချက်က ညီညွတ်ရေးအတွက် အတားအဆီးဖြစ်နေပေသည်။

မြန်မာနိုင်ငံတောင်ပိုင်း ကချင်ပြည်နယ်ရှိ လတ်တစ်လော စစ်ရေးလှုပ်ရှားမှုများက ထောင်နှင့်ချီသော ရွာသူရွာသားတို့ကို အိုးစွန့်အိမ်စွန့်ဖြစ်စေခဲ့သည်။ ထို့အတူ ပြီးခဲ့သော ရက်သတ္တပတ်များအတွင်း ရခိုင်ပြည်နယ်၌ဖြစ်ပွားသည့် လူမျိုးရေး အကြမ်းဖက်မှုက လူအမြောက်အများကို သေကြေစေပြန်၏။

ဤသည်များသာမကသေး ဗြိတိသျှ ကိုလိုနိ ခေတ်ကာလကပင် ဖြစ်တည်ခဲ့သော အခြား ဘာသာရေးနှင့် လူမျိုးရေးဆိုင်ရာ အဖြေမဲ့ တင်းမာမှုများက လက်စားချေမှု အနေနှင့် ပြန်လည် ပြူထွက်လာသည်။

အရပ်ဖက် လူ့အဖွဲ့အစည်း အများအပြား နှင့် မြန်မာပြည်အား ပိတ်ဆို့ရန် တစ်ချိန်က တွန်းပို့ခဲ့ကြသည့် တိုင်းပြည်များသည် လူ့အခွင့်အရေးဆိုင်ရာ အချက်အလက်များ ခိုင်မာအောင် မပြတ် ဖိအားပေးနေသည်ကိုလည်း အများသိပင်။ မြန်မာ နှင့် မြောက်ကိုးရီးယား၏ ယခင်နှင့်လက်ရှိ ဆက်ဆံရေးအကြောင်းအရာနှင့် စပ်လျဉ်း၍ မူဝါဒရေးဆွဲသူများက မဆိုစလောက်သာ စိတ်ဝင်စားကြသည်။

အာရှတိုက်၏ တည်ငြိမ်တိုးတက်မှုအပေါ် မြောက်ကိုးရီးယား၏ သဘောထားကို မခန့်မှန်း မသိရှိနိုင်ကြ။ ထိုအချက်နှင့်အတူ ၄င်းနိုင်ငံနှင့်မြန်မာ၏ နျူကလိယ၊ ဇီဝ၊ ဓာတု နှင့် ဒုံးကျည် အစီအစဉ်များအား ပိုမိုပွင့်လင်းမြင်သာမှု ရှိအောင် နိုင်ငံတကာ အသိုင်းအ၀ိုင်းမှ အားထုတ်ခြင်းဖြင့် အပြောင်းအလဲ ပြုလုပ်သင့်ပေသည်။

မကြာသေးမီက နိုင်ငံတကာဆက်ဆံရေးကော်မတီ ဂုဏ်ထူးဆောင်အဖွဲ့ဝင် အထက်လွှတ်တော် အမတ်ဟောင်း Keith Luse သည် မြန်မာနှင့် မြောက်ကိုးရီးယား ဆက်ဆံရေးကို ပိုမိုပွင့်လင်းမြင်သာမှုရှိစေရန် ၀ါရှင်တန်၊ Heritage Foundation တွင် မိန့်ခွန်းပြောကြားခဲ့၏။

မေးခွန်းအချို့ဖြင့် သူ့ပုဂ္ဂလအမြင်ကိုလည်း ဖော်ကျူးခဲ့သည်။ ယင်းမေးခွန်း ၁၀ ရပ်သည် အာရှရေးရာ မူဝါဒချမှတ်သူများအဖို့ ထဲထဲဝင်ဝင် စဉ်းစားဖြေဆိုရမည့် အချက်အလက်များ ဖြစ်ပါသည်။

၁)- ပြီးခဲ့သည့် ၁၃ နှစ်တာကာလအတွင်း မြန်မာနိုင်ငံ အတွင်းပိုင်း၌ မြောက်ကိုးရီးယား ပညာရှင်နှင့် အာဏာပိုင်တို့ဆောင်ရွက်နေခဲ့သော စစ်ရေးနှင့်အခြား ပရောဂျက်များ၏ ပြီးစီးမှု အခြေအနေ မည်သည့် အဆင့်သို့ရောက်ရှိနေပြီနည်း ?

၂)- မြန်မာပြည်၏ ဒုံးကျည် လက်နက် အစီအစဉ် သို့မဟုတ် နျူကလိယ အစီအစဉ် သို့မဟုတ် နှစ်မျိုးစလုံး၏ ဖွံ့ဖြိုးအောင်မြင်မှု အနေအထားသို့ ရောက်ရှိနေသည့် သို့မဟုတ် ရောက်ရှိပြီးဖြစ်သည့် မြောက်ကိုးရီးယားတို့မှ ဆောင်ရွက်ပေးခဲ့သော စီမံချက် သို့မဟုတ် အကူအညီများမှာ အဘယ်အရာများပါနည်း ?

၃)- မြန်မာပြည်၏ ဒုံးကျည်လက်နက်နှင့် နျူကလိယအစီအစဉ် တိုးမြှင့်ရေး၌ မြောက်ကိုးရီးယား ကုန်သွယ်ရေး ကုမ္ပဏီတို့မှာ မည်သည့်အခန်းကဏ္ဍတွင် ပါဝင်ပတ်သက်နေသနည်း ? ထိုကုမ္ပဏီများပင် ၄င်းတို့၏နျူကလိယ နည်းပညာများကို ဆီးရီးယားသို့ လူသိရှင်ကြား ကူညီပံ့ပိုးထားသည်။

၎)- အမေရိကန်၊ ဥရောပသမဂ္ဂ နှင့် နိုင်ငံတကာအသိုင်းအ၀ိုင်းတို့သည် မြန်မာစစ်တပ်နှင့် မြောက်ကိုးရီးယား ဆက်ဆံရေးအပေါ် လက်တံရှည်ထားသော တရုတ်တို့နှင့် မည်သည့်အဆင့်အထိ ဆက်ဆံရေးတိုးမြှင့်ထားသနည်း ?
လက်ရှိနှစ်များအတွင်း မြောက်ကိုးရီးယား နည်းပညာရှင်နှင့် လုပ်သားတို့သည်လည်းကောင်း၊ မြောက်ကိုးရီးယား အထောက်အပံ့ စစ်လက်နက်ပစ္စည်းတို့သည် လည်းကောင်း တရုတ်လေကြောင်း ခရီးစဉ်များအားဖြင့် တရုတ်ပြည်မှတဆင့် မြန်မာနိုင်ငံသို့ ဖြတ်ကျော် ၀င်ရောက်ခဲ့ပြီးဖြစ်သည်ဟု Luse က ဆိုသည်။

၅)- မြန်မာနိုင်ငံ၏ နျူကလိယနှင့်ဒုံးကျည်လက်နက် တိုးချဲ့ရေးအစီအစဉ်များ အတွင်း တရားဝင်ဖြစ်စေ တရားမ၀င်ဖြစ်စေ တရုတ်ပြည်၏ ပါဝင်ပတ်သက်နေသည့် အခန်းကဏ္ဍမှာ အဘယ်အရာများနည်း ?

တရုတ်၏မိတ်ဖက်ဖြစ်သော မြောက်ကိုးရီးယား ကုန်သွယ်ရေး ကုမ္ပဏီတို့အနေနှင့် မြန်မာ့ နျူကလိယနှင့်ဒုံးကျည် အစီအစဉ်များ၌ အတိုင်းအတာ တစ်ရပ်အထိ ပါဝင်ကောင်းပါဝင်နေနိုင်သည်။ မြောက်ကိုးရီးယားနှင့် ဆန့်ကျင်စွာ ရုရှားကမူ မြန်မာနျူကလိယ တိုးမြှင့်ဖော်ဆောင်ရေး အစီအစဉ်၌ မိမိ၏အခန်းကဏ္ဍအား ပွင့်လင်းမြင်သာစွာ ချပြထား၏။

၆)- မြန်မာနိုင်ငံ၏ နျူကလိယ သို့မဟုတ် ဒုံးကျည် လက်နက်တိုးချဲ့ရေးအစီအစဉ်များ အကူအညီပေးနေသည့် အများသိ သို့မဟုတ် အများမသိသေးသော နိုင်ငံများ မည်မျှ ရှိသနည်း ?

အကယ်၍ ဂျပန်ကုမ္ပဏီများထံမှ နှစ်မျိုးသုံး နည်းပညာရပ် ပါဝင်လာပါက ဂျပန်သည် ဤစာရင်းဝင် ဖြစ်သွားလေရာ စိတ်ဝင်စားစရာကောင်းလာပေလိမ့်မည်။

၇)- အမေရိကန်၊ ဥရောပသမဂ္ဂ နှင့် နိုင်ငံတကာ အသိုင်းအ၀ိုင်းတို့သည် မြောက်ကိုးရီးယား အကူအညီဖြင့် စစ်ရေး စွမ်းရည်ချဲ့ထွင်မှုကို မည်သည့်အတိုင်းအတာထိ တိုးမြှင့်သိရှိထားကြသနည်း ?

၈)- ရေငုပ်သင်္ဘောများဖြစ်စေ ရေဒါ ကာကွယ်ရေးစံနစ်ဖြစ်စေ မြောက်ကိုးရီးယားမှ မြန်မာအား စီစဉ်ထောက်ပံ့နေသော စစ်လက်နက် ပစ္စည်းများဆိုင်ရာ တီထွင်ပေးမှုအားလုံးကို သိရပြီလော ?

၉)- မြန်မာနိုင်ငံအတွင်း မြောက်ကိုးရီးယား ကုန်သွယ်ရေးကုမ္ပဏီ အမျိုးမျိုးရောက်ရှိနေမှုသည် မြောက်ကိုးရီးယား၏ ကမ္ဘာကြီး လွှမ်းမိုးရေးအတွက် နောက်ထပ်ရှေ့ပြေး လမ်းကြောင်းကို ထူထောင်လိုက်ခြင်းပေလော ?

၁၀) – ၄င်းအပြင် ကမ္ဘာ့နိုင်ငံ အများအပြားနှင့် ထိတွေ့ဆက်ဆံမှု တိုးမြှင့်သည့်ကြားမှ မြန်မာခေါင်းဆောင်တို့သည် မြောက်ကိုးရီးယားနှင့် စစ်ရေးအဆက်အသွယ်နှင့် ပတ်သက်၍ အဘယ်ကြောင့် မဖြတ်တောက်ပါသနည်း သို့မဟုတ် ပွင့်လင်းမြင်သာစွာ မချပြရသနည်း ?

အမေရိကန်၊ ဥရောပသမဂ္ဂ၊ ဂျပန် စသော နိုင်ငံတကာ အသိုင်းအ၀ိုင်းတို့သည် မြန်မာနိုင်ငံအတွင်း တရုတ်၏စီးပွားရေးနှင့် သြဇာလွှမ်းမိုးမှုအား ပခုံးချင်းယှဉ်နိုင်ရန် စိတ်အား ထက်သန်နေကြသဖြင့် မြောက်ကိုးရီးယားနှင့် စစ်ရေးဆက်နွှယ်မှုအား မသိကျိုးကျွံပြုထားခြင်းကြောင့် မြန်မာခေါင်းဆောင်များက မိမိတို့ဖက် အခွင့်သာနေခြင်းဟု မှတ်ယူနေခြင်း ဖြစ်ကောင်းပေမည်ဟု Luse က ဆိုသည်။

အမေရိကန်သော်လည်းကောင်း ကမ္ဘာ့ ကုလသမဂ္ဂသော်လည်းကောင်း မြောက်ကိုးရီးယား၏ နျူကလိရည်မှန်းချက် နှင့် ဒုံးကျည်စွမ်းရည်ကို မတားဆီးနိုင်ကြောင်း လက်ရှိသမိုင်းက ပြသနေသည်။

နိုင်ငံရေး၊ စီးပွားရေးကို ပြုပြင်ပြောင်းလဲကာစ နှင့် အခွင့်အလမ်းကောင်း ရနိုင်ဖွယ်ရှိသော မြန်မာနိုင်ငံသည် မြောက်ကိုးရီးယားနှင့် စစ်ရေးဆက်ဆံမှု၌ တာဝန်ခံနိုင်ရန်၊ နိုင်ငံတကာအသိုင်းအ၀ိုင်းအပေါ် မျက်စေ့စုံမှိတ်ထားသလို မပြုမူပဲ ပွင့်လင်းမြင်သာစွာချပြရန် လိုအပ်ကြောင်းကို နားလည်မည်ဟု မျှော်လင့်ရပေသည်။

ဂျပန်ဖြစ်စေ ဥရောပသားဖြစ်စေ အမေရိကန်ဖြစ်စေ စီးပွားရေးသမား၊ ဘဏ်လုပ်ငန်းရှင် နှင့် ကူညီထောက်ပံ့ရေးအေဂျင်စီတို့သည် မြန်မာပြည်ထဲ ဘာဖြစ်ဖြစ် အရူးအမူး အပြိုင်အဆိုင်တိုးဝင်လျက်သာရှိကြောင်း အလွယ်တကူ နားလည်နိုင်မည်ဖြစ်သည်။

မည်သို့ပင်ဖြစ်စေ ဖုံးကွယ်ထားသည့် မြောက်ကိုးရီးယား-မြန်မာဆက်ဆံရေး ဟူသမျှမှာ နိုင်ငံတကာ အသိုင်းအ၀ိုင်း၏ကောင်းကျိုးအတွက် လည်းကောင်း၊ မြန်မာပြည်သူတို့၏ရေရှည်ကောင်းကျိုး အတွက် လည်းကောင်း မဟုတ်သည်ကိုတော့ အခြားရှုထောင့်ဖြစ်သော လူ့အခွင့်အရေးချိုးဖောက်မှု၊ ကရုမစိုက်မှုတို့ကိုကြည့်မြင်၍သာ ရှေ့ဆက်ဆောင်ရွက်ဖို့ လိုအပ်ပေသည်။

မြန်မာပြည်သည် အာဆီယံနိုင်ငံများ၏ အလှည့်ကျခေါင်းဆောင်တာဝန်ကိုရယူထားပြီဖြစ်လေရာ ကမ္ဘာနှင့်ထိတွေ့ဆက်ဆံမှု တိုးမြင့်လာသည်နှင့်အညီ မြန်မာခေါင်းဆောင်များအတွက် အဓိကကျသောမေးခွန်းများကို မေးမြန်းဖြေကြားရန် အချိန်ကျရောက်လာပြီတည်း။

Luse ၏ အထက်ပါမေးခွန်းများဖြင့် စတင်လိုက်ကြပါစို့။

xxxxxxxxxxxxxxxxxxx

ဆောင်းပါးရှင် Curtis S. Chin သည် သမ္မတ ဂျော့ဂ်ျ ဒဗလျူ ဘုရှ် နှင့် သမ္မတ ဘားရက် အိုဘားမား လက်ထက် (၂၀၀၇ မှ ၂၀၁၀ ခုနှစ်အထိ) အာရှဖွံ့ဖြိုးရေးဘဏ်၏အမေရိကန်သံအမတ်အဖြစ် တာဝန်ထမ်းဆောင်ခဲ့သူဖြစ်သည်။ လက်ရှိတွင် သူသည် RiverPeak Group, LLC အတိုင်ပင်ခံအဖွဲ့၏ ဦးစီးဒါရိုက်တာအဖြစ် ဆောင်ရွက်နေသည်။ The Japan Times တွင် ရေးသားထားသော သူ၏ နိုင်ငံရေးအတွေးအမြင်ဆောင်းပါး Myanmar-North Korea link ကို “ သာကီ ထက်ကောင်း ” မှ ဆီလျော်အောင် မြန်မာပြန်ဆိုပါသည်။

November 14, 2013
၂၀၁၄ သန်းခေါင်စာရင်းအကြောင်း သိကောင်းစရာ

နိုဝင်ဘာ ၉၊ ၂၀၁၃
M-Media
ရေးသားသူ – သီတာလတ်

ဆွေးနွေးသူ ဆရာ ဦးဝင်းမြင့် (UNFPA)

* သန်းခေါင်စာရင်းအကြောင်းသိကောင်းစရာခေါင်းစဉ်ဖြင့် ဦးဝင်းမြင့် (UNFPA) MMSY တွင် ဆွေးနွေးခဲ့သည့်အကြောင်းအရာများကို ပြန်လည် မျှဝေရေးသားခြင်းဖြစ်ပါသည်။ ဆရာဦးဝင်းမြင့် အား ၁၉၆၀ ခုနှစ်တွင် မွေးဖွားခဲ့ပြီး M.E (Com) Statistics နှင့် ဘွဲ့ရရှိကာ M.Dev (Master of Development Studies) ဘွဲ့ကိုပါ ထပ်မံရရှိခဲ့ပါသည်။ Nation Planning and Economics Developemnt (အမျိုသား စီမံကိန်းနှင့် စီးပွားရေး ဖွံ့ဖြိုးတိုးတက်မှု) ၀န်ကြီး ဌာနတွင် ၁၉ နှစ်ဝန်းကျင်ခန့်၊ IOM (International Organizational Migration ) အဖွဲ့အစည်းတွင် တစ်နှစ်ဝန်းကျင်ခန့် တာဝန်ထမ်းဆောင်ခဲ့ပြီး United Nations Food Programme Association ၏ National Program တွင် Monitoring and Evaluation Officer အဖြစ် လက်ရှိတွင် တာဝန်ထမ်းဆောင်နေပါသည်။လက်ရှိတွင် နိုင်ငံသားတိုင်း သိထားသင့်သည့် ၂၀၁၄ သန်းခေါင်စာရင်းတွင် မည်သို့မည်ပုံကောက်ယူမည်၊ နိုင်ငံတော်အနေနှင့် မည်သည့်အစီအစဉ်များထားရှိသည်တို့ကို ဆရာဦးဝင်းမြင့်မှ “၂၀၁၄ သန်းခေါင်စာရင်း အကြောင်းသိကောင်းစရာ”ခေါင်းစဉ်ဖြင့် ဟောပြောခဲ့ပါသည်။

အစိုးရနှင့် UNFPA တို့ ပူးပေါင်း၍ ၄-နှစ်ကျော်ကျော် စီမံကိန်းတစ်ခုဟာ “Population & Housing Census Myanmar 2014’’ လူဦးရေနှင့်အိမ်အကြောင်းအရာ သန်းခေါင်စာရင်း ဆိုတဲ့စီမံကိန်းပါ။ သန်းခေါင်စာရင်းကို ၁၉၇၃ ခုနှစ်မှာတစ်ကြိမ်၊ ၁၉၈၃ ခုနှစ်မှာတစ်ကြိမ် ကောက်ခံထားဖူးပါတယ်။ သန်းခေါင်စာရင်းကို ရပ်ကွက်အခေါ်က အိမ်ထောင်စုစာရင်းနဲ့ မှားတတ်ကြတယ်။ လူဦးရေနှင့်သန်းခေါင်စာရင်း Logo လေးကလည်း အဓိပ္ပါယ်ရှိပါတယ်။ ကော်မတီဖွဲ့ပြီး သေချာရွေးချယ်ခဲ့ကြပါတယ်။ “ပြည်သူအားလုံး ပါဝင်ဖို့ သန်းခေါင်စာရင်းကောက်ကြစို့” အားလုံးပါဝင်နိုင်စေဖို့ ဖိတ်ခေါ်ထားပါတယ်။

ယနေ့ပြောမယ့်အကြောင်းအရာတွေက

(၁) သန်းခေါင်စာရင်း နောက်ခံသမိုင်း

(၂) သန်းခေါင်စာရင်း လုပ်ငန်းစဉ်

(၃) သန်းခေါင်စာရင်း နည်းပညာ

(၄) အကောင်အထည်ဖော်ဆောင်ရွက်မည့်အခြေအနေ

(၅) မေးခွန်းလွှာ

(၆) သန်းခေါင်စာရင်းကောက်ခြင်းမှ ရရှိမည့် ရလဒ်များ

(၇) ပြည်သူများ၏ အခန်းကဏ္ဍ ဆိုပြီး အပိုင်းလိုက်ပြောပြသွားမှာဖြစ်ပါတယ်။

(၁) သန်းခေါင်စာရင်း နောက်ခံသမိုင်း

မြန်မာနိုင်ငံတွင် သန်းခေါင်စာရင်းကို ဗြိတိသျှလက်အောက်ကျရောက်ခဲ့သော (၁၈၇၂ မှ ၁၉၄၁)ခုနှစ်ထိ ၁၀နှစ်တစ်ကြိမ် ကောက်ယူခဲ့တယ်။ မြန်မာ့လွတ်လပ်ရေးရပြီးနောက်ပိုင်း သန်းခေါင်စာရင်း မကောက်ယူဖြစ်တော့ဘဲ ၁၉၇၃ ခုနှစ်မှာတစ်ကြိမ်၊ ၁၉၈၃ ခုနှစ်မှာတစ်ကြိမ် ကောက်ခံထားဖူးပါတယ်။ ကုလသမဂ္ဂမှ နိုင်ငံတိုင်းတွင် သန်းခေါင်စာရင်းကို ၁၀ နှစ်တစ်ကြိမ်ကောက်ခံရမည် ဟု သတ်မှတ် ပြဌာန်းထားတယ်။ သန်းခေါင်စာရင်းတစ်ကြိမ်ကောက်ယူရန် အနည်းဆုံးအချိန် (၄) နှစ်ယူရတယ်။ ငွေကြေးကုန်ကျမှုအလွန်များတယ်။ လူဦးရေပညာအရ (၁၀)နှစ်ကိုတစ်ကြိမ် လူဦးရေးစာရင်းကောက်ထားလျှင် အဲဒီစာရင်းသည် နောင် (၁၀)နှစ်အတွက် စီမံကိန်းများရေးဆွဲရန် ခိုင်မာသော သတင်းအချက်အလက်များဖြစ်လာတယ်။ ၁၉၈၃ ခုနှစ်တုန်းက မြန်မာနိုင်ငံမှာ သန်းခေါင်စာရင်းကောက်ခဲ့တယ်။ အဲ့ဒီ ၁၉၈၃ နောက်ပိုင်းမှာ သန်းခေါင်စာရင်း မကောက်နိုင်တော့ဘူး။ ခုနှစ်နောက်ပိုင်း အစိုးရမှ သန်းခေါင်စာရင်း မကောက်တော့ဘဲ နမူနာစစ်တမ်းများ၊ သက်ဆိုင်ရာရုံးများမှ မှတ်တမ်း၊ မှတ်ရာများ အချက်အလက်များကို ယူပါတယ်။ ပြီးတော့လူဦးရေကိုခန့်မှန်းတယ် ၁၉၈၃ကစပြီး မြန်မာနိုင်ငံဟာ အုပ်ချုပ်ရေးဆိုင်ရာ မှတ်တမ်းတွေ နောက် suryey လို့ခေါ်တဲ့စစ်တမ်းတွေ administrative record တွေကပဲလူဦးရေကိုခန့်မှန်းခဲ့ရတယ် တွက်ချက်ခဲ့ရတယ်။

(၂) သန်းခေါင်စာရင်း လုပ်ငန်းစဉ်

အဲဒါကြောင့်မို့မြန်မာနိုင်ငံမှာ ၂၀၁၄ကျရင် သန်းခေါင်စာရင်းကောက်ကြမယ်ဆိုပြီး လက်ရှိအစိုးရဦးသိန်းစိန်က ရည်ရွယ်တယ်။ အဲ့ဒီတော့ ဖွံ့ဖြိုးဖို့ကူညီပေးတဲ့အခါတော့ လူပေါ်မူတည်ပြီးအထောက်အပံ့ပေးရတယ်။ ဆိုလိုတာက လူဦးရေတိတိကျကျ မသိဘူးဆိုရင် ဖွံဖြိုးရေးလုပ်ငန်းလုပ်တဲ့နေရာမှာ အရမ်းခက်ခဲတယ်။ ဆိုလိုတာက လူ၁၀၀၀အတွက်ပေးရမယ့်ဟာကို လူ၅၀၀၀အတွက်တွက်တယ။် လူ၅၀၀၀အတွက် ပေးရမယ့်ဟာကို လူ၁၀၀၀အတွက်တွက်တယ်။ ပိုတာလိုတာတွေ အများကြီးရှိတဲ့အတွက် လူဦးရေတိကျဖို့လိုတယ် ဆိုတဲ့အနေအထားမျိုး၇ှိတယ်။ ဘယ်လိုဖြစ်နေလည်းဆိုတော့ လ.ဝ.ကဦးစီးဌာနက ၂၀၁၂မှာလူဦးရေသန်း၆၀ရှိမယ်လို့ ခန့်မှန်းတယ်။ ဒါအစိုးရခန့်မှန်းတာ အဲဒါကိုအစိုးရကပဲ လ၀က၀န်ကြီးဋ္ဌာနက ခန့်မှန်းတဲ့သန်း၆၀ဆိုတဲ့ဟာကို UNက သန်း၅၆သန်းပဲ ခန့်မှန်းတယ်။ အဲ့တော့လေးသန်းလောက်ကွာတယ်။ သန်းခေါင်စာရင်းကောက်ဖို့အတွက် ကုန်ကျစရိတ်ကို တွက်ချက်လိုက်တော့ US$ 58.5 သန်းခန့် ကုန်ကျမယ်။ အဲဒီစရိတ်စကတွေကို အစိုးရတစ်ဦးတည်းလည်း ကုန်ကျမခံနိုင်ဘူး။ UN တစ်ခုတည်းကလည်း ကုန်ကျမခံနိုင်ဘူး။ အဲအတွက် ရန်ပုံငွေရှာရတယ်။ အစိုးရက US$ 15 သန်းထည့်ဝင်ပြီး UNကတော့ US$ 5 သန်းထည့်ဝင်တယ်။ အခြားနိုင်ငံက ဖံွံ့ဖြိုးမှုကို ကူညီပေးနေတဲ့ အလှူရှင်တွေက ကျန်တာ ထည့်ဝင်ကြတယ်။ အားလုံး US$ 62 သန်းခန့် ရရှိထားပြီ။

(၃) သန်းခေါင်စာရင်း နည်းပညာ

တကမ္ဘာလုံးမှာသတ်မှတ်ထားတဲ့ သန်းခေါင်စာရင်းကောက်တဲ့အခါ နည်းလမ်း ၂ မျိုးနဲ့ကောက်တယ်။ နေမြဲလူဦးရေကို ကောက်ခြင်းနှင့် တွေ့ရှိတဲ့နေရာမှာ တွေ့ရှိတဲ့လူတွေကို ကောက်ခြင်းဖြစ်တယ်။ ၂၀၁၄ သန်းခေါင်စာရင်းကောက်တဲ့အခါ တွေ့ရှိတဲ့နေရာမှာ တွေ့ရှိတဲ့လူတွေကို ကောက်ခြင်း(de-fato)ဖြစ်တယ်။ မြန်မာနိုင်ငံနယ်နိမိတ်အတွင်းတွင်ရှိနေသော နိုင်ငံသား၊ နိုင်ငံခြားသားအပါအဝင် အားလုံးသော လူတိုင်းကို ကောက်ယူမယ်။ Census Night ကို ၂၀၁၄ခုနှစ်၊ မတ်လ ၂၉ရက် စနေနေ့ည ၁၂း၀၀ နာရီဟုသတ်မှတ်ထားတယ်။ သန်းခေါင်စာရင်ကောက်ယူမည့် ကြာချိန်ကတော့ တနိုင်ငံလုံးကို မတ်လ ၃၀ရက် ၀၀း၀၀နာရီကစပြီး ဧပြီလ ၁၀ ရက်နေ့အထိ (၁၂) ရက်တိုင်တိုင် ကောက်ယူမယ်။ အဲဒီအချိန် မိမိအိမ်တွင်ရှိနေသော လူအားလုံးကို ရည်ညွန်းပြီး ကောက်ယူမယ်။ ကိုယ့်အိမ်မှာ ဘယ်သူရှိနေနေ အဲဒီအိမ်ရဲ့စာရင်းထဲမှာ ပါဝင်မယ်။ တွေ့ရှိသမျှ လူတိုင်းကို သန်းခေါင်စာရင်းကောက်ယူသောနည်းလမ်းပုံစံကို အသုံးပြုပြီးတွက်ချက်မယ်။ အကယ်၍များ အပြင်မှာ တွေ့ရှိပြီး စာရင်းကောက်ယူပြီးဖြစ်နေရင် ကိုယ်တိုင်က ဘယ်နေရာမှာတော့ ကောက်ယူပြီးပါပြီဆိုတာကို မှန်မှန်ကန်ကန်ပြောပြဖို့လိုတယ်။ နိုင်ငံခြားသံရုံးများ မပါဝင်ပါ။ နိုင်ငံခြားသံရုံးကို သက်ဆိုင်ရာနိုင်ငံကသာ ပိုင်သည်။ သန်းခေါင်စာရင်းကောက်ယူပြီးမှ သေဆုံးသွားလျှင် သန်းခေါင်စာရင်းတွင်ပါဝင်ပြီး ကျော်လွန်ပြီးမှ မွေးဖွားလာကြသူများ မပါဝင်ပါ။ ၂၀၁၃ ခုနှစ် ဇူလိုင်လ ၃၁ ရက်နေ့ သတင်းစာမှာ သန်းခေါင်စာရင်း ဥပဒေ ပြဌာန်းခြင်းကို ဖော်ပြထားတယ်။ လေ့လာကြည့်ပါ။

(၄) အကောင်အထည်ဖော်ဆောင်ရွက်မည့်အခြေအနေ

အပြည်ပြည်ဆိုင်ရာ စံချိန်စံညွန်းအရဆိုရင် နိုင်ငံတိုင်းမှာ သန်းခေါင်စာရင်းဥပဒေဆိုတာ ပြဌာန်းရတယ်။ မြန်မာနိုင်ငံမှာ ၁၉၇၃ ခုနှစ် သန်းခေါင်စာရင်းကောက်တုန်းက ၁၉၇၂ သန်းခေါင်စာရင်းဥပဒေကို အသုံးပြုတယ်။ ၁၉၈၃ခုနှစ်မှာ သန်းခေါင်စာရင်းကောက်တော့လည်း ၁၉၇၂ သန်းခေါင်စာရင်းဥပဒေကို သုံးခဲ့တယ်။ ၂၀၁၄ ခုနှစ်သန်းခေါင်စာရင်း ကောက်ယူတဲ့အခါ ခောတ်နှင့်လိုက်လျောညီထွေသော သန်းခေါင်စာရင်းဥပဒေကို ပြုပြင်ပြဌာန်းလိုက်သည်။ မြန်မာနိုင်ငံရဲ့သန်းခေါင်စာရင်းရုံးက နေပြည်တော် ပြည်သူအင်အားဦးစီးဌာနတွင် ဖွင့်လှစ်ထားပြီး ဥပဒေအရ သန်းခေါင်စာရင်း ကော်မရှင်မှာ ဥက္ကဌအဖြစ် ဦးခင်ရီ (လ.ဝ.က ဝန်ကြီး)၊ နာယကအဖြစ် ဒု-သမ္မတ စိုင်းမောက်ခမ်းတို့ ပါဝင်ဖွဲ့စည်းသည်။ ကော်မရှင်လက်အောက်တွင် လိုအပ်သောကော်မတီငယ်များ ဆက်လက်ဖွဲ့စည်းတယ်။ ထိုအထဲမှာ ၁၂နိုင်ငံမှ သန်းခေါင်စာရင်း ပညာကျွမ်းကျင်ပညာရှင်(၁၄)ဦး ပါဝင်သော အပြည်ပြည်ဆိုင်ရာ နည်းပညာအကြံပေးအဖွဲ့လည်းပါဝင်တယ်။ မြန်မာနိုင်ငံမှာ နှစ် ၃၀ ကျော် သန်းခေါင်စာရင်းကောက်ယူနိုင်ခြင်းမရှိတဲ့အတွက် မြန်မာနိုင်ငံရဲ့နယ်နိမိတ်ကို တိကျစွာခန့်မှန်းနိုင်ခြင်းမရှိဘူး။ သန်းခေါင်စာရင်းကောက်ယူတဲ့အခါ ပထမဆုံး မြေပုံဆွဲဖို့ မြန်မာ့မြေအနေအထားကို လိုက်ပြီး အပိုင်းငယ်ပေါင်း( )ပိုင်းခြားရတယ်။ သန်းခေါင်စာရင်းအကြောင်း၊ ဘာကြောင့် ကောက်ယူရသလဲဆိုတာကို အများပြည်သူကို အသိပညာပေးရမယ်။ တွက်ချက်နည်းတွေကိုလည်း ဆန်းစစ်ရမယ်။ ဖြည့်စွပ်ထားတဲ့အချက်အလက်တွေအပေါ်မှာ နည်းပညာများနှင့် ပေါင်းစပ်အဖြေရှာမယ်။ သန်းခေါင်စာရင်းကောက်ယူခြင်းကြောင့် နိုင်ငံရေးအရ နည်းပညာအရ ဘာတွေဖြစ်လာနိုင်သလဲ ဆိုတာကိုပါ ဝေဖန်ဆန်းစစ်နိုင်ရန် ကျွမ်းကျင်ပညာတွေ ခေါ်ယူရခြင်းဖြစ်တယ်။ သတင်းနဲ့ပြန်ကြားရေးဌာနလည်း ဖွဲ့စည်းထားပြီ။ ရှေ့ပြေးသန်းခေါင်စာရင်းကို မြန်မာနိုင်ငံအနှံမှ မြို့နယ်ပေါင်း ၂၀ ကို စမ်းသပ်ကောက်ယူခဲ့တယ်။ တိုင်းရင်းသားအဖွဲ့အစည်း၊ စီးပွားရေးလုပ်ငန်းရှင်များ၊ ဘာသာရေးခေါင်းဆောင်များ၊ ပညာရှင်များကို အစိုးရမှ ဖိတ်ကြားခဲ့တယ်။ ဒေသဆိုင်ရာဘာသာစကားအလိုက် သတင်းနဲ့ပြန်ကြားရေးဌာနများကို နေရာအနှံမှာ ဖွင့်လှစ်ပေးမည်။ နောင်တစ်ချိန် သန်းခေါင်စာရင်းကောက်ယူချိန်ထိ ထိန်းသိမ်းနိုင်ပြီး မှတ်တမ်းတင်ဖို့အတွက် အချက်အလက်များ အားလုံးကိုသိမ်းဆည်းထားမယ်။ သန်းခေါင်စာရင်းကောက်ယူချိန်မှာ မေးမယ့်မေးခွန်းက အခရာပဲ။ အဲဒီမေးခွန်းလွှာပြုလုပ်ဖို့အတွက် နေပြည်တော်မှာ အစိုးရဌာနများ၊ လူဦးရေနဲ့လူမှုရေးဆိုင်ရာအဖွဲ့အစည်းအသီးသီးကို အစည်းအဝေးခေါ်ယူတိုင်ပင်ခဲ့တယ်။ ဌာနဆိုင်ရာ လိုအပ်သော အခြေခံအချက်အလက်များကို တောင်းခံပြီး နိုင်ငံတိုးတက်ဖို့အတွက် ဘယ်လိုအချက်အလက်တွေ ယူမလဲဆိုတဲ့ ပညာရှင်များထံမှ အကြံဉာဏ် တောင်းခံတယ်။ ကုလသမဂ္ဂမှ ပြုစုထားသော စံမေးခွန်းလွှာကို လေ့လာတယ်။ ယခင်သန်းခေါင်စာရင်းကောက်တုန်းက မေးခဲ့ဖူးတဲ့ မေးခွန်းလွှာကို ပြန်ကြည့်တယ်။ အိမ်နီးချင်နိုင်ငံတွေက သန်းခေါင်စာရင်းမေးခွန်းပုံစံတွေကို ပြန်ကြည့်တယ်။ အဲဒါအချက်တွေကို အခြေခံပြီး ၂၀၁၄ သန်းခေါင်စာရင်းမေးခွန်းလွှာကို ပြုစုရေးဆွဲတယ်။ အကုန်ပြီးစီးသွားတဲ့အခါ အဲဒီမေးခွန်းလွှာကို အင်္ဂလန်မှာ အရွက်ရေ (၁၆)သန်း ရိုက်နှိပ်ထားတယ်။ နိုဝင်ဘာလကုန်ပိုင်းဆိုရင် မြန်မာပြည်ကို ရောက်မယ်။

(၅) မေးခွန်းလွှာ

၂၀၁၄သန်းခေါင်စာရင်း မေးခွန်းလွှာမှာ မေးခွန်းပေါင်း (၄၁) ချက်ပါဝင်တယ်။ အိမ်တစ်အိမ်ကို မေးခွန်း ၄၁ချက်ကို ဖြေဆိုဖို့ ပျမ်းမျှအချိန် မိနစ် ၂၀ ကနေ မိနစ် ၃၀ ထိကြာနိုင်တယ်။ မေးခွန်းတွေကို ဖြေတဲ့အခါ ၁ ၂ ၃ ၄ ဆိုပြီး ရေးမှာ မဟုတ်ဘူး။ ခဲတံနဲ့ ခြယ်ရမှာဖြစ်တယ်။ အဲလိုလုပ်နိုင်ဖို့အတွက် သန်းခေါင်စာရင်းကောက်ရမည့်သူတွေကို သင်တန်းပေးထားပြီးသားပဲ။ အခြေခံဖွဲ့စည်းပုံအရ တိုင်းရင်းသား (၁၃၅) မျိုးရှိတယ်လို့ ပြဌာန်းထားတယ်။ ပတ်ဝန်းကျင်နိုင်ငံနဲ့ ဆက်စပ်နေတဲ့ နယ်နိမိတ်တွေမှာ အချို့လူမျိုးစုတွေရှိတယ်။ အထူးသဖြင့် ရခိုင်ဘက်( ဘင်္ဂါလားဒေ့ရ်ှနယ်စပ်)၊ နာဂဘက်မှာ၊ ပြည်တွင်းမှာလည်းရှိတယ်။ ဖွဲ့စည်းပုံအခြေခံဥပဒေအရဆိုရင် လူမျိုးစုတစ်စုသည် စုစုပေါင်းလူဦးရေရဲ့ 0.001 % အရေအတွက်ရှိမယ်ဆိုရင် လွှတ်တော်မှာ နေရာတစ်နေရာရမယ်။ တိုင်းရင်းသားရေးရာ ဝန်ကြီးတစ်နေရာရမယ်။ အဲဒါကြောင့် ရှမ်း၊ မွန်၊ ချင်းတွေက ရန်ကုန်မှာ သူတို့လူမျိုးစု ဘယ်လောက်ရှိသလဲဆိုတာ စစ်တမ်းကောက်တယ်။ အမှန်တော့ အဲဒါတွေက သန်းခေါင်စာရင်းနဲ့မဆိုင်ဘူး၊ ရွေးကောက်ပွဲ ကော်မရှင်နဲ့ပဲဆိုင်တယ်။ အချို့လူမျိုးစုတွေကလည်း သူတို့လူမျိုးစုကို အသိအမှတ်ပြုရေးအတွက် ကြိုးပမ်းနေတဲ့သူတွေလည်း ရှိတယ်။ လူမျိုးစုတွေကို ထည့်သွင်းရေး၊ မထည့်သွင်းရေးဆိုတာ သန်းခေါင်စာရင်းကိစ္စမဟုတ်ပါ။ အဲဒါက နိုင်ငံရေးရာကိစ္စ ဖြစ်တယ်။ မည်သည့်တိုင်းရင်းသားဖြစ်နေပါစေ၊ မျိုးနွယ်စုကြီးကြီးဖြစ်ဖြစ်၊ သေးသေးဖြစ်ဖြစ် သန်းခေါင်စာရင်း ကောက်ယူတဲ့အခါမှာ ပါကိုပါရမယ်။ ၁၉၈၂ ခုနှစ်မတိုင်မီက လူမျိုးစု (၁၄၄)မျိုးရှိရာမှ ၁၉၈၃ခုနှစ်နောက်ပိုင်းမှာ လူမျိုးစု(၁၃၅)မျိုးသာ ပါဝင်ပြဌာန်း ခဲ့တယ်။ ပျောက်သွားတဲ့ လူမျိုးစု (၈) မျိုးက သူတို့ရဲ့လူမျိုးစုပါဝင်နိုင်ရေးအတွက် လုပ်ကြတယ်။ ဒါက နိုင်ငံရေးအပိုင်းပါ။ (၁၃၅)မျိုးမှာ ပါဝင်တဲ့မျိုးနွယ်တွေအတွက် code no. တွေပါရှိပြီးသား။ အဲထဲမှာ မပါဝင်တဲ့မျိုးနွယ်စုတွေကိုတော့ Other ဆိုတဲ့အကွက်ထဲမှာ ထည့်မယ်။ ကိုယ့်မျိုးနွယ်စု မပါဝင်သူတွေဟာ Other ဆိုတဲ့ code no. က 9 1 4 ။ အဲဒီဘေးက ကွက်လပ်ကလေးမှာ ကိုယ့်ရဲ့မျိုးနွယ်စုကို ဖွင့်ဟပြောပါ။ စာရင်းကောက်သူက ကာယကံရှင်ပြောတဲ့တိုင်း 9 1 4 ရဲ့ဘေးက ……………ကွက်လပ်မှာ ကိုယ်ပြောတဲ့မျိုးနွယ်စုကို ရေးပေးလိမ့်မယ်။ အချို့မှတ်ပုံတင်ကဒ်တွေမှာ ကိုယ့်လူမျိုးအမည်အမှန်ကို မရေးထားခဲ့လျှင်လည်း သန်းခေါင်စာရင်းကောက်သူအား ကိုယ့်မျိုးနွယ်စုကို မှန်ကန်တိကျစွာပြောပါ။ မှတ်ပုံတင်ကတ်ပြားကို ထုတ်ပြစရာမလိုဘူး။ ကိုယ်ရထားတဲ့ကတ်ရဲ့အရောင် ပန်းရောင်၊ အစိမ်းရောင်၊ အဖြူရောင် စသဖြင့် အရောင်ကိုသာ ပြောပြရမှာပါ။ ဘာကတ်မှ မရှိရင်လည်း မရှိဘူးလို့ ပြောလိုက်ရုံပဲ။ ကိုယ့်မိဘရဲ့လူမျိုးက ဘာဖြစ်ဖြစ် ကိုယ်ထည့်ချင်တဲ့လူမျိုးကို ထည့်ခွင့်ရှိတယ်။ ကိုယ်ဆန္ဒရှိတဲ့လူမျိုးကိုသာ ထည့်တာကို သန်းခေါင်စာရင်းကောက်သူက ရေး၊ မရေး သေချာကြည့်ပါ။ သန်းခေါင်စာရင်းမှာ ဖြည့်စွက်ထားသည့် လူအမည်ကို မကြည့်ပါ။ အဓိက ဘာသာ၊ လူမျိုးစု ကိုသာကြည့်မှာဖြစ်ပါတယ်။ သန်းခေါင်စာရင်းကောက်ပြီးနောက် ပထမဆုံးထုတ်ပြန်ချိန်မှာ Other လို့ပဲ ထုတ်ပြန်မယ်ပြီး မျိုးနွယ်စုအမည်တွေ မပါဘူး။ ဒါပေမယ့် နောက်ပိုင်းထုတ်ပြန်တဲ့အခါ တစ်မျိုးချင်းစီ ထုတ်ပြန်ပေးမယ်။ သေချာသုံးသပ်စီစစ်ပြီးတဲ့အခါမှာ နောက်တစ်ချိန်ရေးဆွဲမယ့် နိုင်ငံသားဥပဒေအတွက် အကျိုးသက်ရောက်မှုရှိလာမယ်။ ဒါကြောင့် သန်းခေါင်စာရင်းမှ ရသော အချက်အလက်သည် ဥပဒေပြုရာတွင်လည်း အသုံးဝင်တယ်။ အဲဒီအတွက် ဖြေဆိုသူသည် မိမိဆန္ဒရှိသော မျိုးနွယ်စုကိုသာ ပွင့်ပွင့်လင်းလင်း၊ မှန်မှန်ကန်ကန်ပြောဆိုပါ။ ကိုယ့်က သေချာပြောရဲ့သားနဲ့ မရေးဘူးဆိုရင် ကြီးကြပ်ရေးမှူးကို တိုင်လို့ရတယ်။ အဲဒါမှ အရေးမယူဘူးဆိုရင် အထက်အဆင့်ဆင့်ကို အချိန်မီတိုင်ကြားလို့ရတယ်။ သူတို့မေးတာကို ကောင်းကောင်းမွန်မွန် ပြန်မဖြေဘူးဆိုရင်လည်း အိမ်ရှင်ကို တရားစွဲလို့ရတယ်။ ကိုယ့်မိသားစုဝင်တစ်ဦးဦးက ပြည်ပမှာရောက်နေသူရှိရင် ဘယ်နိုင်ငံမှာ ရောက်နေပါတယ်လို့ ပြောနိုင်တယ်။ ဘယ်လိုနည်းနဲ့သွားခဲ့သွားခဲ့ အရေးယူခြင်း၊ မယူခြင်းနဲ့ မဆိုင်ဘူး။ ကိုယ့်နိုင်ငံသား/မိသားစုဝင်တစ်ယောက် အခြားဘယ်နိုင်ငံမှာရှိနေတယ်ဆိုတာ ပေါ်လွင်သွားတယ်။ အဲဒါမှ ကိုယ့်သန်းခေါင်စာရင်းမှာ ကိုယ့်မိသားစုဝင်အားလုံးပါဝင်မယ်။ ကိုယ့်မိသားစုဝင်ထဲမှ ပျောက်ဆုံးနေသူရှိရင်လည်း ပြောပြရမယ်။ အခြားဘယ်နယ်ကို ရောက်နေတယ်ဆိုတာကိုလည်း ပြောပြရမယ်။ သန်းခေါင်စာရင်းကောက်ပြီးလို့ စာရင်းထုတ်ပြန်တဲ့အခါ အမည်စာရင်းထုတ်ပြန်မှာမဟုတ်ဘဲ လူဦးရေစာရင်းကို ရပ်ကွက်အဆင့်၊ မြို့နယ်အဆင့်၊ တိုင်းအဆင့်၊ ခရိုင်အဆင့် စသဖြင့် ထုတ်ပြန်မှာဖြစ်တယ်။

(၆) သန်းခေါင်စာရင်းကောက်ခြင်းမှ ရရှိမည့် ရလဒ်များ

၂၀၁၄ ခုနှစ်သန်းခေါင်စာရင်းကောက်ခံပြီးတဲ့အခါ မြန်မာနိုင်ငံမှာ လူဦးရေ ဘယ်လောက်ရှိသလဲဆိုတာ အကြမ်းဖျဉ်း ရလဒ်ရှိလာပြီ။ အမျိုးသားဦးရေ၊ အမျိုးသမီးဦးရေကို ရပ်ကွက်အလိုက်၊ မြို့နယ်အလိုက် အသီးသီးဖော်ပြပေးလိမ့်မယ်။ နောက် ၁၁လကြာတဲ့အခါ အကုန်အပြည့်အစုံ ထုတ်ပြန်ပေးမယ်။ သက်ဆိုင်ရာ ဌာနအလိုက် အစီရင်ခံစာစစ်တမ်းတွေ ထွက်လာမယ်။ နောက် ၁၀နှစ်၊ အနှစ် ၂၀ မှာ ဖြစ်လာမဲ့ လူဦးရေ၊ မွေးဖွားနှုန်း၊ သေဆုံးနှုန်း၊ သက်ကြီးရွယ်အို၊ လူငယ်အရေအတွက် စသဖြင့် အားလုံးကို ခန့်မှန်းနိုင်မယ်။ လူမျိုးစုအချို့ တိုးလာဖို့ရှိသလို လျှော့သွားနိုင်တဲ့ လူမျိုးစုလည်း ရှိနိုင်တယ်။

(၇) ပြည်သူများ၏ အခန်းကဏ္ဍ

သန်းခေါင်စာရင်းဆိုတာ အိမ်ထောင်စုစာရင်းနဲ့မတူဘူး။ မှတ်ပုံတင်ကတ်နဲ့မဆိုင်ဘူး။ ကိုယ်ပတ်ဝန်းကျင်က လူအချင်းချင်း သန်းခေါင်စာရင်းနဲ့ပတ်သက်ပြီးသိသမျှကို မျှဝေမယ်။ မှန်မှန်ကန်ကန် ဖြေပေးကြဖို့၊ လှည်းနေ လှေအောင်း မြင်းစောင်းမကျန် လူမှန်သမျှ သန်းခေါင်စာရင်းထဲမှာ ပါဝင်ရမယ်ဆိုတာကို ပြည်သူအချင်းချင်းလည်း အသိပေးဖြန့်ဝေကြရမယ်။

November 9, 2013