Category: ဆောင်းပါး

အရွက်တွေက သက်သက်လွတ်ရဲ့လား

စက်တင်ဘာ ၁၉၊ ၂၀၁၆
M-Media

– ‘ငါက သတ်သတ်လွတ်သမားဟေ့’ လို့ ပြောကြတာမျိုးကို ကျွန်တော်တို့ပတ်ဝန်းကျင်မှာ ကြားဖူးကြမှာပါ။

သတ္တ၀ါတစ်ခုရဲ့ အသက်သေပေးမှ၊ စတေးပေးမှ အသားရတာကြောင့် သတ္တ၀ါကို မသေစေချင်တဲ့ ကြင်နာသနားတဲ့စိတ်ရှိတဲ့အတွက် သက်မဲ့အပင်တွေကို စားသုံးတယ်ဆိုတဲ့ သဘောထားကို ပြသချင်တဲ့အခါ ဒီလို ဂုဏ်ယူဝင့်ကြွားစွာ ပြောကြတာဖြစ်ပါတယ်။

အပင်တွေဟာ သက်မဲ့တွေဆိုတာ သေချာရဲ့လား။

အမေရိကန်ပြည်ထောင်စု မစ်ဇူရီတက္ကသိုလ်က ပြုလုပ်တဲ့ သုတေသနတစ်ခုက အပင်တွေဟာ အသံတွေကို ကြားနိုင်တယ်၊ ခွဲခြားနိုင်တယ်၊ သူတို့ရဲ့ပတ်ဝန်းကျင်က ခြိမ်းခြောက်မှုတွေကို တုန့်ပြန်နိုင်တယ်ဆိုတာ ဖော်ထုတ်နိုင်ခဲ့ပါတယ်။

“အရင်ကပြုလုပ်ခဲ့တဲ့ သုတေသနတွေမှာ အပင်တွေဟာ ဂီတအပါအ၀င် အသံဆိုင်ရာ စွမ်းအင်တွေကို တုန့်ပြန်နိုင်တယ်ဆိုတာ တွေ့ရှိခဲ့ပါတယ်။ ဒါပေမယ့် အခု သုတေသနကတော့ အပင်တွေဟာ ဂေဟဗေဒနဲ့ဆက်စပ်တဲ့ တုန်ခါမှုတွေကို ဘယ်လို တုန့်ပြန်လဲဆိုတာနဲ့ပတ်သက်ပြီး ပထမဆုံး စမ်းသပ်မှုပါ။ ‘စားသုံးမယ့် တုန်ခါမှုတွေ’ ဖြစ်တဲ့အခါမှာ အပင်ဆဲလ်တွေရဲ့ ဇီဝရုပ်ဖြစ်ပျက်မှုဟာ ပြောင်းလဲသွားပြီး ဘောက်ဖတ်တွေရဲ့ တိုက်ခိုက်မှုကို တွန်းလှန်နိုင်တဲ့ ကာကွယ်ရေးဆိုင်ရာ ဓာတုပစ္စည်းတွေကို ထုတ်လွှတ်ပေးပါတယ်” လို့ သုတေသနမှာ ပါဝင်ခဲ့တဲ့ ပညာရှင် ဟိုက်ဒီ အက်ပဲလ်က ပြောကြားခဲ့ပါတယ်။

အက်ပဲလ်ဟာ ဇီဝသိပ္ပံဌာနက ပါမောက္ခ ရက်စ် ကိုခရော့ဖ်နဲ့ ပူးတွဲကာ သုတေသနကို ဆောင်ရွက်ခဲ့တာဖြစ်ပါတယ်။

Arabidopsis လို့ခေါ်တဲ့ အပင်ပေါ်ကို ဘောက်ဖတ်လေးတွေ တင်ခဲ့ပြီး လေဆာ၊ အလင်းပြန်နိုင်တဲ့ အရာဝတ္ထုသးသေးလေးတွေကို အသုံးပြုကာ ဘောက်ဖတ်လေးတွေရဲ့ စားသုံးမှုကို အရွက်တွေက ဘယ်လိုတုန့်ပြန်လဲဆိုတာ လေ့လာခဲ့တာ ဖြစ်ပါတယ်။

ကိုခရော့ဖ်က ဘောက်ဖတ်လေးတွေက အပင်ကိုစားသုံးတဲ့အခါ ပေါ်ထွက်လာတဲ့ တုန်ခါမှုတွေကို အပင်တစ်ခုနားမှာ ဖွင့်ပြခဲ့ပြီး၊ နောက်တစ်ခုနားမှာတော့ ဖွင့်မပြခဲ့ပါဘူး။

နောက်ပိုင်း ဘောက်ဖတ်တွေက အပင်ကို တစ်ကယ်စားသုံးတဲ့အခါမှာ တုန်ခါမှုကို ဖွင့်ပြပေးထားတဲ့ အပင်ဟာ ဘောက်ဖတ်တွေကို အစားသောက်ပျက်စေတဲ့ အ၀ါရောင်အဆီတွေကို ပိုမိုထုတ်လုပ်တယ်ဆိုတာကို တွေ့ရှိခဲ့ရပါတယ်။

“ထူးခြားတာက အင်ပင်တွေဟာ ဘောက်ဖတ်တွေ စားသုံးတဲ့အခါ ဖြစ်ပေါ်တဲ့ အသံဆိုင်ရာ တုန်ခါမှုတွေလို တုန်ခါမှုကို ထုတ်လွှတ်ပေးတဲ့ လေနုအေးတိုက်ခတ်တာ ဒါမှမဟုတ် အခြား အင်းဆက်တွေရဲ့အသံတွေအပါအ၀င် တုန်ခါမှုမျိုးတွေနဲ့ ထိတွေ့တဲ့အခါမှာတော့ အဲဒီလို ဓာတုဗေဒဆိုင်ရာ ကာကွယ်မှုတွေကို ထုတ်လွှတ်မပေးတာပဲ ဖြစ်ပါတယ်။ ဒါက အပင်တွေဟာ စားသုံးတဲ့အခါ ဖြစ်ပေါ်လာတဲ့ တုန်ခါမှုတွေကို သဘာဝပတ်ဝန်းကျင်က အခြားသော တုန်ခါမှုတွေနဲ့ ခွဲခြားနိုင်တယ်ဆိုတာကိုပြသနေပါတယ်” လို့ ကိုခရော့ဖ်က ပြောကြားခဲ့ပါတယ်။

အက်ပဲလ်နဲ့ ကိုခရော့ဖ်တို့က သူတို့အနေနဲ့ အနာဂတ်မှာ အပင်တွေက တုန်ခါမှုတွေကို ဘယ်လို အာရုံခံ ခွဲခြားသလဲ၊ ဘယ်လိုလုပ် တုန့်ပြန်မှုတွေ ထုတ်လွှတ်ပေးသလဲဆိုတာကို လေ့လာသွားမယ်လို့ ဆိုပါတယ်။

“အပင်တွေဟာ အင်းဆက်တွေရဲ့တိုက်ခိုက်မှုတွေကို သိရှိနိုင်တဲ့ နည်းလမ်းတော်တော်များများ ရှိပါတယ်။ ဒါပေမယ့် အစာကျွေးတဲ့အချိန်တုန်ခါမှုဟာ အပင်ရဲ့ အခြားအစိတ်အပိုင်းတွေကပါ တိုက်ခိုက်မှုကို သိနိုင်တဲ့ အမြန်ဆုံးတုန်ခါမှုဖြစ်ပြီး သူတို့ရဲ့ ကာကွယ်မှုကို တိုးမြှင့်လုပ်ဆောင်ပါတော့မယ်” လို့ ကိုခရော့ဖ်က ထည့်သွင်းပြောကြားခဲ့သည်။

ကိုကား – Bad news for vegetarians! Plants can ‘hear’ themselves being eaten – and become defensive when attacked by Dailymail

September 19, 2016
ဘင်္ဂလားဒေ့ရှ် အစိုးရ စီမံခန့်ခွဲမှု ညံ့ဖျင်း၍ အီးဒ်နေ့တွင် ဒါကာမြို့ အကျည်းတန် ခဲ့ရ

စက်တင်ဘာ ၁၆၊ ၂၀၁၆
M-Media

– ရေဆိုးစွန့်ပစ်သည့်စနစ် မကောင်းသည့်အတွက်ကြောင့် ဘင်္ဂလာဒေ့ရှ်၏မြို့တော် ဒါကာတွင် မိုးရွာတိုင်း ရေကြီးရေလျှံမှုများ ဖြစ်ပွားသည်မှာ အဆန်းတော့မဟုတ်။ သို့သော်လည်း မွတ်စလင်တို့၏ အီဒွလ်အသွဟာ စွန့်လှူဒါနပြုသည့်နေ့တွင် သည်းထန်စွာရွာသွန်းခဲ့သည့်မိုးနှင့် စွန့်လှူဒါနပြုသည့် သားကောင်များ၏ သွေးများ ရောထွေးသွားခဲ့ရာမှ ဒါကာ၏ ရေကြီးမှုမြင်ကွင်းမှာ တစ်မျိုးတစ်ဖုံ ပြောင်းလဲသွားခဲ့လေသည်။

Shantinagar၊ Malibagh၊ Nayapaltan နှင့် Gandaria စသည့် ဒေသများ အပါအ၀င် မြို့တော်အတွင်း ရေကြီးရေလျှံမှုများ ဖြစ်လေ့ရှိသော နေရာများမှ လမ်းများတွင် သွေးရောင်လွှမ်းသောရေများ ဖုံးလွှမ်းသွားခဲ့သည်။

လမ်မများတွင် သားကောင်၏သွေးများ ထိုသို့ ပြန့်နှံ့သွားမှုက ပြည်သူလူထု၏ ကျန်းမာရေးနှင့် သဘာဝပတ်ဝန်းကျင်ကို ဆိုးဆိုးရွားရွားထိခိုက်စေသည်ဟု သဘာပတ်ဝန်းကျင်ဆိုင်ရာ ကျွမ်းကျင်သူများက ပြောကြားခဲ့သည်။

အဆိုပါသတင်းက နိုင်ငံတကာ မီဒီယာများတွင် လွှမ်းမိုးသွားခဲ့ပြီး AP၊ The Guardian၊ BBC၊ The Independent၊ The Washington Post၊ The Times of India နှင့် India Today တို့ကလည်း တခုတ်တရ ဖော်ပြကြလေသည်။

ဘင်္ဂလားဒေ့ရှင်ပြည်သူများက အီဒွလ်အသွဟာနေ့တွင် လမ်းမများ၊ အိမ်ရှေ့မြေကွပ်လပ်များတွင် သားကောင်များကို လှီးဖြတ်ကြသည်။ သွေးများကို ဆေးချသည့်အခါတွင်တော့ ရေဆိုးစွန့်ပစ်သည့်မြောင်းထဲသို့ ရောက်ရှိလေသည်။ ယခုနှစ်တွင် မိုးသည်းထွန်စွာရွာသွန်းမှု၊ ကာလကြာရှည်မဖြေရှင်းနိုင်သော ရေမြောင်းပိတ်ဆို့မှုကြောင့် ထိုသွေးများမှာ ရေနှင့်အတူ လွှမ်းသွားခြင်းဖြစ်သည်။

အစိုးရက သားကောင်များလှီးဖြတ်ရန်အတွက် နေရာပေါင်း ၁၂၀၀ ကို သတ်မှတ်ပေးထားသော်လည်း ရာသီဥတု ဆိုးရွားသည့်အတွက်ကြောင့် ပြည်သူများက ထိုနေရာများသို့ မသွားကြ။

သို့သော် ထိုသတ်မှတ်ထားသည့်နေရာများတွင်လည်း သားကောင်းများမှ ထွက်လာမည့်သွေးများကို ကောင်းမွန်စွာ မစီမံနိုင်။ ထိုမျှမက ပြည်သူများအတွက် လိုအပ်သည့်အရာများကို ကောင်းမွန်စွာ၊ သင့်လျော်စွာ စီမံခန့်ခွဲထားမှုပင် မရှိ။

အီဒွလ်အသွဟာနေ့၌ မြို့တော်ဒါကာတွင် ကျွဲနွားပေါင်း ၃၅၀၀၀ ခန့်ကို စွန့်လှူဒါနပြုခဲ့ကြသည်ဟု တာဝန်ရှိသူများက ပြောကြားခဲ့သည်။

သဘာဝပတ်ဝန်းကျင် ထိန်းသိမ်းရေးအဖွဲ့တစ်ခုဖြစ်သော Bangladesh Poribesh Andolon အဖွဲ့၏ တွဲဖက်အတွင်းရေးမှူး အစ်က်ဘာလ် ဟာဘစ်က Shantinagar ရပ်ကွက်နှင့် ဘေးပတ်လည်နေရာများမှာ မြေနိမ့်ပိုင်းဖြစ်ပြီး ရေကြီးရေလျှံမှု ပြဿနာကို ဖြေရှင်းရန်အတွက် အစိုးရက ရေရှည်အစီအစဉ်များကို ချမှတ်ခဲ့ခြင်းမရှိဟု ဝေဖန်ခဲ့သည်။

“သာမန်အချိန်တွေမှာလည်း မိုးရေက မိလ္လာတွေနဲ့ရောပြီး ရေကြီးရေလျှံတတ်ပါတယ်” ဟု ဟာဘစ်က ပြောကြားခဲ့သည်။

သို့သော်လည်း ရေခြောက်သွားသည်နှင့် အဆိုပါ မိလ္လာများ ခြောက်သွေ့ကာ လမ်းပေါ်တွင် ကျန်ရှိနေမှုမှာ ကျန်းမာရေးအတွက် ခြိမ်းခြောက်မှုဖြစ်သည်ဟု သူက ထောက်ပြသည်။ ရေကြီးရေလျှံမှု၏ နောက်ဆက်တွဲ ဆိုးကျိုးများမှာ ချက်ခြင်း ဖြစ်ပေါ်လာမှု မရှိသောကြောင့် ပြည်သူများက ထိုအန္တရာယ်ကို နားမလည်ကြ။

တိရစ္ဆာန်များ၏သွေးများ လွှမ်းနေသောရေများက ခြောက်သွေ့သွားပြီးနောက် လေထုနှင့် ရောနှောသွားသည့်အခါတွင် ကျန်းမာရေးအန္တရာယ်ကို ဖြစ်စေသည်။ ၂ ပတ်၊ ၃ ပတ်ကြာသည့်အခါ နောက်ဆက်တွဲအဖြစ် ပြည်သူများမှာ ယားယံခြင်း၊ အဖျားတက်ခြင်းနှင့် ချောင်းဆိုးခြင်းတို့ ဖြစ်လာမည်ဟု ဟာဘစ်က ထည့်သွင်းပြောကြားခဲ့သည်။

မြို့တော်အတွင်း ရေကြီးရေလျှံမှုပြဿာနကို ဖြေရှင်းရန်အတွက် Manda၊ Segun Bagicha နှင့် Khilgaon-Basabo မြောင်းများကို ပြန်လည်ပြင်ဆင်ကာ ရေစီးရေလာကောင်းမွန်အောင် ဆောင်ရွက်ရမည်ဟုလည်း ၎င်းက အကြံပြုသည်။

ဒါကာ၏ ရေဆိုးစီမံခန့်ခွဲရေးတာဝန်ရှိသူတစ်ဦးဖြစ်သော မီလတ်သူလ် အစ္စလာမ်က ပြည်သူများမှာ သတ်မှတ်ထားသည့် နေရာများကို မသွားခဲ့သောကြောင့် သားကောင်များ၏သွေးများမှာ မိုးရေနှင့် ရောနှောသွားခြင်းဖြစ်သည်ဟု ပြောကြားခဲ့သည်။

ရေလျှံသည့်လမ်းများကိုလည်း နောက်တစ်နေ့ ရေကျသွားသည့်အချိန်တွင် အစွန်းချွတ်ဆေးများဖြင့် ဆေးချခဲ့ကြောင်း၊ ရေကြီးမှုပြဿနာ ဖြေရှင်းရေးအတွက် စီမံကိန်းတစ်ခုကိုလည်း စတင်နေပြီး၊ မိုးရာသီပြီးပြီးချင်း ဆောင်ရွက်သွားမည် ဖြစ်ကြောင်း ၎င်းက ထည့်သွင်းပြောကြားခဲ့လေသည်။

Ref: thedailystar

September 16, 2016
“အလောင်းမင်းတရား တည်ခဲ့တဲ့ ရန်ကုန်မြို့ဟောင်းထဲက ဗလီ သုံးလုံး”

စက်တင်ဘာ ၁၁၊ ၂၀၁၆
M-Media
ကိုဗခင် (စင်ကာပူ) ရေးသည်။

.
၂၀၀၆ ခုနစ်မှာ ကျွန်တော် စင်ကာပူရောက်တော့ အိမ်အနီးအနားက ဗလီဝတ်ကျောင်းတွေကို အင်တာနက်မှာ ရှာရင်းနဲ့ မြစ်ကြောင်း တလျောက်မှာ ဗလီဝတ်ကျောင်းတွေကို ဟိုတစု ဒီတစု ပိုပြီး တွေ့ရတာကို သတိထားမိတယ်။စင်ကာပူ တနိုင်ငံလုံး ဗလီဝတ်ကျောင်းတော်ပေါင်း အလုံးရေ ၇၀ ရှိပါသည်။ သတိထားမိသလောက် ရိုချာ (Rocher River) မြစ်ဝမှာ ၁၈၄၆ ကဆောက်တဲ့ ဟာဂျီမကြီး ဖာတီမာ ဗလီဝတ်ကျောင်း (Masjid Hajjah Fatimah) ၊မြစ်အပေါ်ကို ဆက်တက်သွားရင် ၁၉၀၇ ခုနစ်က အဗ္ဗဒူလ် ဂဖါးရ် ဗလီဝတ်ကျောင်း (Abdul Gaffoor Mosque၊ ထိုိဗလီ နှစ်လုံးကြားမှာ ၁၉၆၂ ခုနစ်ကဆောက်တဲ့ မာလဘာ ဗလီဝတ်ကျောင်း (Masjid Malabar) ပေါ့လေ။စင်ကာပူက နံမည်ကျော် စူလ်တန်ဗလီဝတ်ကျောင်း Masjid Sultan ကိုလည်း ရိုချာမြစ် (Rocher River) နဲ့ ခပ်လှမ်းလှမ်းမှာတွေ့ရပါသည်။
.
စင်ကာပူ (Singapore River) မြစ်ဝမှာ ၆၂ နှစ်သက်တမ်းရှိ မော်လာနာ မိုဟာမက်အလီ ဗလီဝတ်ကျောင်း (Moulana Mohamed Ali Mosque), မြစ်ညာကိုဆက်တက်ရင် ၁၈၂၀ ခုနစ်က ဆောက်တဲ့ အိုမာ ကန်ပုန်း မလာကာ ဗလီဝတ်ကျောင်း (Masjid Omar Kampong Melaka) ၊ ထို ဗလီ နှစ်လုံးကြား နောက်ဖက်ခပ်လှမ်းလှမ်းမှာ ၁၈၂၆ ကဆောက်တဲ ကျူလီယာ ဗလီဝတ်ကျောင်း (Chulia Mosque) စသည်ဖြင့် မြစ်အောက် ၊မြစ်ဝ၊ မြစ်ညာ ရဲ့  မနီးမဝေးမှာ တွေ့ရပါသည်။
.
ကျွ့န်တော်တို့ ဧရာဝတီတိုင်း မြစ်ဝကျွန်းပေါ် တလျောက်က မြို့တွေမှာလည်း အခုလိုပဲ ဗလီဝတ်ကျောင်း တွေ တွေ့ရပါသည်။ ရန်ကုန်ရောက်ရင်လည်း ဗလီတွေ အတော်များများတွေ့လေ့ ရှိသော်လည်း ဒီဗလီတွေကို ဘယ်တုန်းကဆောက်လည်း ဘယ်သူတွေဆောက်ခဲ့လည်း ထူးထူးထွေထွေ အထူးတလည် မစဉ်းစားခဲ့မိရိုး အမှန်ပါ။ ကိုလိုနီခေတ်ဦးမှာ မြန်မာပြည်ကို အိန္ဒိယနိုင်ငံရဲ့ ပြည်နယ်တခုအဖြစ် သတ်မှတ်လိုက်တော့ ကိုလိုနီနိုင်ငံသားတွေ လွတ်လပ်စွာ ကူးသန်းသွားလာရာကနေ ကိုလိုနီခေတ်ရန်ကုန်မှာ ဗလီဝတ်ကျောာင်း အများစုဆောက်ခွင့် ရခဲ့ကြပါတယ်။အုပ်ချုပ်သူအစိုးရက အုပ်ချုပ်ခံ ပြည်သူတွေကို လိုအပ်ချက်အရ တရားဝင် ခွင့်ပြုပေးရတာလည်း ထူးဆန်းလှသည် မဟုတ်ပါ။ မြန်မာပညာတတ်တွေ အလုံးအရင်းနဲ့ ဝင်ရောက်လာတဲ့ စင်ကာပူမှာလည်း ၁၀စုနှစ် ၂ စုအတွင်း ဘုန်းကြီးကျောင်း၊ သီလရှင်ကျောင်း၊တရားရိပ်သာတွေ ဟာ လွန်ခဲ့တဲ့ ၁၀စုနစ်ကထက် အဆပေါင်းများစွာ တိုးပွားလာပါတယ်။
.
ဒါပေမယ့် ဒီနှစ်ပိုင်းတွေထဲ စေ့စေ့ဆော်ဆော် စွပ်စွပ်စွဲစွဲ အကြောင်းတရားတွေဖြစ်လာတော့ လက်လှမ်းမှီသလောက် မူရင်း မှတ်တမ်းမှတ်ရာတွေကို ရှာရှာဖွေဖွေ ဖတ်ကြည့်မိပါတယ်။ ဗလီဲ ဝတ်ကျောင်းတွေနဲ့ ပတ်သက်ပြီး မြို့စွဲ ဒေသစွဲ သန်တဲ့ မန္တလေးသား များကတော့ သူတို့မန်းမြို့က ဗလီ ဝတ်ကျောင်းများကတော့ မန်းလေးမြို့တည် မြန်မာဘုရင် မင်းတုန်းမင်ကြီး လက်ထက်ကတည်းက ရှိခဲ့တာဆိုပြီး ဂုဏ်ယူဝင့်ကြွား ပြောလေ့ရှိတော့၊ ကိုယ့်စိတ်ထဲမှာ ရန်ကုန်မှာရော ဗလီတွေများ အင်္ဂလိပ်လက်ထက် မရောက်ခင်က မရှိခဲ့ဘူးလား။ အင်္ဂလိပ်တွေထက် မြန်မာပြည်စောရောက်တဲ့ အီတလီ၊ပြင်သစ်၊ပေါ်တူဂီ မူရင်းမှတ်တမ်းတွေကို ကိုယ်ကဖတ်နိုင်စွမ်း မရှိတော့ ရန်ကုန်နဲ့ ပတ်သက်တဲ့ အင်္ဂလိပ် မှတ်တမ်းတွေကိုရှာဖွေဖတ်ပါတယ်။ အခုချိန်အထိ ကျွန်တော် လက်လှမ်းမှီသလောက် ရန်ကုန်မှာ ဗလီဝတ်ကျောင်းတွေကို နေရာအတိအကျနဲ့ ပထမဆုံး မြေပုံမှတ်တမ်းတင်သွားသူက ၁၈၄၆ ခုနစ် ၊ သြဂုတ်လ ၁၄ ရက်နေ့မှာ ရန်ကုန်ဆိပ်ကမ်းကိုရောက်လာတဲ့ မစ္စတာဂရန့်ပါ။ ဆရာတင်နိုင်တိုး စာအုပ် အရဆို မစ္စတာဂရန့် အလည်လာချိန်မှာ ၁၈၄၅ မှ ၁၈၄၆ အထိတာဝန်ယူခဲ့တဲ့ မြန်မာ မြို့ဝန် မင်းကြီးမင်းလှ မဟာမင်းခေါင်ကျော်ထင် (ဦးညို) သို့မဟုတ် ၁၈၄၆ မှ ၁၈၅၀ အထိ အုပ်ချုပ်ခဲ့တဲ့ မြို့ဝန်မင်းကြီးမဟာမင်းခေါင်ရာဇသူ (ဦးထိုက်) လက်ထက် အချိန် ဖြစ်မယ်လို့ယူဆပါသည်။

.
သူရဲ့ ရန်ကုန်သို့ ခရီးတခေါက်စာအုပ် စာမျက်နှာ ၂၁မှာ(A little further in-land appears the plain wooden spire of the Armenian Church, not very far from which, on the same road is the Roman Catholic Church, whilst in three different parts of the town there are Mohummudan mosques, indicating that intolerance in religious matters, at least, is not amongst the faults of the Boodhists.) ရန်ကုန်ဆိပ်ကမ်းနဲ့ မနီးမဝေးမှာ အာမေးနီးယန်းချပ်စ် တခု၊ရိုမန်ကက်သလစ်ချပ်စ်တခုနဲ ဗလီဝတ်ကျောင်းသုံးခုတွေ့ရကြောင်း ရေးသွားခဲ့ပါတယ်။ထို့အပြင် ပိုပြီး စိတ်ဝင်စားဖို့ကောင်းတာက သူ့စာအုပ်ရဲ့ နောက်ဆုံးက မြေပုံမှာ ဗလီဝတ်ကျောင်း သုံးခုရဲ့ နေရာအတိအကျ ကို ထည့်ဆွဲပေးခဲ့တာပါ။ ၎င်းမြေပုံထဲမှာပဲ တရုတ်သင်းချိုင်း၊ အင်္ဂလိပ်သင်းချိုင်းကြား ထဲမှာ မွတ်စ်လင်တွေအတွက် ကဘရ်စတန် တစ်ခုကိုပါ မြို့အပြင်မှာတွေ့ရနိုင်ပါတယ်။
.
၎င်းရန်ကုန်မြို့ဟောင်းမြေပုံနဲ့ ပတ်သက်ပြီး သတိထားမိတာ တခုက ၁၉၉၈ ခုနစ်ထုတ် ဦးအေးချို (မဟာဝိဇ္ဇာ) ရေးတဲ့ ဆူးလေစေတီသမိုင်း စာအုပ် စာမျက်နှာ ၃၂မှာ အလောင်းမင်းတရားလက်ထက်ရန်ကုန်မြို့ဆိုတဲ့ မြေပုံမှာ ဗလီတလုံးပဲ နေရာပြထားတော့ ၊ နောက်ထပ် ၂လုံးက အလောင်းမင်းတရားတည်ခဲ့တဲ့ ရန်ကုန်မြို့ထဲမှာ နောက်ပိုင်းမှ ထပ်ဆောက်တယ်လို့ တွေးထင်မိပါ၏။
.
ဆရာကြီး ဦးမောင်ကိုဂဖါရီက ၁၉၆၀ အောက်တိုဘာလထုတ် ဂါးဒီးယန်းမဂ္ဂဇင်းမှာ ရန်ကုန်မှာ ဗလီသုံးလုံးရှိခဲ့ဖူးကြောင်း၊ တခြမ်းပဲ့ဗလီ၊ လမ်း၁၃၀ ပိန္နဲကုန်းဗလီနဲ့ ဘင်ဂါလီကဘရ်စတန်ထဲက ဗလီတွေဖြစ်ကြောင်း၊ သူရဲ့ရန်ကုန်ရောက် ရှေးဦး မွတ်စ်လင် အသိုင်းအဝိုင်းဆောင်းပါးထဲမှာ ရေးထားတာလည်းဖတ်ရသည်။
.
ရန်ကုန်မြို့ဟောင်းတည်ဆောက်ပုံအရ ဆရာကြီးရေးတဲ့ ဗလီသုံးလုံးဟာ ဂရန့်စာအုပ်ထဲက ဗလီတွေထက် ပိုပြီးနောက်ကျနိုင်ဖွယ် ရှိပါသည်။
.
ထိုကြောင့် ဂရန့်ရဲ့ စာအုပ်ထဲက ဗလီဝတ်ကျောင်းတော်သုံးလုံးဟာ အောက်မြန်မာပြည် ရန်ကုန်မြို့မှာ ဗမာဘုရင် လက်ထက်တော်က မြေပုံနဲ့တကွ အခိုင်အမာတွေ့ရတဲ့ဗလီဝတ်ကျောင်းသုံးလုံးဖြစ်ကြောင်း ဆင်ခြင်မိပါတယ်။ စိတ်ဝင်စားသူများ အတွက်ကတော့ အလောင်းမင်းတရားတည်ခဲ့တဲ့ ရန်ကုန်မြို့ရဲ့ အကျယ်အဝန်း၊ ခန့်မှန်းခြေ လူဦးရေ နဲ့ လက်ရှိ မြို့အနေအထားအရဆို ဘယ်နေရာ လောက်မှာ တည်ရှိမည်နိုင်ဆိုတာ ဆက်လက်စူးစမ်းသင့်ပေသည်။
.
မည်သို့ပင်ဆိုစေကာမူ အရှေ့တောင်အာရှ အနှံ့ မြစ်ကမ်း၊ မြစ်ဆိပ်၊မြစ်ဝတွေနဲ့ မနီးမဝေးအရပ်တွေမှာ မွတ်စ်လင်ကုန်သည်လူတန်းစားများ အေးချမ်းစွာနေထိုင်ခဲ့ကြောင်း သက်သေတည်လျက်ရှိပါ၏။

ကိုဗခင် (စင်ကာပူ)

ကူးချထားသောစာအုပ်များ
၁) ဆူးလေစေတီသမိုင်း, ဦးအေးချို (မဟာဝိဇ္ဇာ), ၁၉၉၈ ခုနစ်ထုတ်။
၂) စာမျက်နှာ ၃၁၊ မဟာရန်ကုန်ကောက်ကြောင်း၊ တင်နိုင်တိုး။
၃) The First Muslim Community of Rangoon by Mg Ko Gaffari, The Guardian Magazine, 1960 October
၎) A Rough Pencillings of a Rough Trip to Rangoon in 1846, Colesworthy Grant

September 11, 2016
“လူမျိုးရေး ဘာသာရေး ခွဲခြားဖိနှိပ်မှု့ကို ရှေ့တန်း တင်ရေးဆွဲထားသော ၁၉၈၂ နိုင်ငံသား ဥပဒေနှင့် ကမ္ဘာ့အံ့ဖွယ်၂၀၀၈ ဖွဲ့စည်းပုံ”

စက်တင်ဘာ ၁ ၊ ၂၀၁၆
ဆောင်းပါးရှင်-ဂျက်ဖရီတင်အုန်း(R.I.T.ရန်ကုန်စက်မှု့တက္ကသိုလ်)

ကမ္ဘာပေါ်တွင် လူဦးရေသန်းပေါင်း ၇၀၀၀ ကျော် ရှိသည်။ နိုင်ငံပေါင်း ၂၀၀ ကျော်ရှိသည်။ ကမ္ဘာ့ကုလသမဂ္ဂအဖွဲ့ဝင်နိုင်ငံပေါင်း ၁၉၇ နိုင်ငံသာရှိသည်။ လူမျိုးပေါင်း ၅၀၀၀ ကျော် ရှိသည်။ အရှေ့တောင်အာရှနိုင်ငံများအဖွဲ့ဝင် အာဆီယံ နိုင်ငံ ၁၁ နိုင်ငံတွင် အင်ဒိုနီးရှားနိုင်ငံသည် လူဦးရေသန်းပေါင်း ၂၀၀ ကျော်ရှိခြင်းကြောင့် လူဦးရေအများဆုံးဖြစ်သည် ပြောဆိုသုံးစွဲသော တိုင်းရင်းသား ဘာသာစကားပေါင်းမှာလည်း အင်ဒိုနီးရှားနိုင်ငံတွင် ၂၅၀ ကျော်ရှိကြောင်း သိရသည်။

သို့သော် အင်ဒိုနီးရှားရှိ လူမျိုးစုများသည် ပြည်တွင်း ပြည်ပ ဘယ်နေရာရောက်ရောက် မိမိတို့ကိုယ်ကို အင်ဒိုနီးရှား လူမျိုး များအနေဖြင့်သာ ဂုဏ်ယူဝင့်ကြွား ပြောဆိုကြသည် ကို တွေ့ရသည် သို့သော် အာဆီယံအဖွဲ့ဝင် မြန်မာနိုင်ငံသည် ၁၉၄၈ ခု ဇန်နဝါရီလ ၄ ရက် ၄ နာရီ မီနစ် ၂၀ တွင် ဗြိတိသျှ နယ်ချဲ့လက်အောက်မှ လွတ်လပ်ရေးရ ရှိခဲ့သည် ထူးဆန်းသည်မှာ ကမ္ဘာပေါ်တွင် မကြားဖူး မကြုံဖူး မတွေ့ဖူးသော အရာများ မရှိသည့်အရာများကို မြန်မာနိုင်ငံတွင် မြင်ရ တွေ့ရ ကြားရမည် ဖြစ်သည် မြန်မာနိုင်ငံတွင် မတူကွဲပြားသော ဘာသာဝင်များ အပေါ်ခွဲခြား ဆက်ဆံဖိနှိပ်သည့် နိုင်ငံသား ဥပဒေတစ်ရပ်၏ လက်သည် အမှန် ပဲ့ကိုင်ရှင်မှာ ဗိုလ်ရှုမောင် ခေါ် ဗိုလ်နေဝင်း ဖြစ်သည်။

၁၉၆၂ ခုနှစ် တွင် စစ်တပ် အားကိုးဖြင့် လူထုအာဏာကို သိမ်းယူခဲ့သော ဗိုလ်ချုပ်နေဝင်းသည် မြန်မာ့လွတ်လပ်ရေး ဗိသုကာ အမျိုးသားခေါင်းဆောင် နှင့် တပ်မတော်ဖခင်ကြီး ဗိုလ်ချုပ်အောင်ဆန်း သက်ရှိထင်ရှားရှိစဉ်တွင်ပင် ဖို/မ ကိစ္စရေးရာများ
တွင် နာမည်ပျက် စာရင်းဝင်ခဲ့သူဖြစ်သည်။ ပမာပြရလျင် လွတ်လပ်ရေးမရခင် ဗိုလ်ချုပ်တို့ဧရာဝတီတိုင်းရှိ ကရင်ရွာများကို လွတ်လပ်ရေး အတွက် စည်းရုံးရေးကိစ္စဖြင့် ရွာတစ်ရွာတွင် ရောက်ရှိနေစဉ် ကရင်ရွာသူကြီး တစ်ဦးက ဗိုလ်ချုပ်အောင်ဆန်းအား
” ဗိုလ်နေဝင်း အရက်မူးပြီး ကရင်မလေးများအား ဆွဲလား ရမ်းလား လုပ်နေသည် အရက်မူးပြီး သောင်းကျန်းနေသည်”ဟု တိုင်တမ်းရာ ဗိုလ်ချုပ်က ဒေါသထွက်ကာ “ဒီလိုကောင်မျိုးကို အပြတ်ရှင်း ဆုံးမလိုက်တာ ကောင်းတယ် ဒို့တွေ နာမယ်ပျက်တယ်” ပာုပြောဆိုပြီး ရွာကို လိုက်သွားမည့် အချိန်တွင် ဗိုလ်ချုပ် နှင့် မယားညီအစ်ကိုတော်စပ်သူ သခင် သန်းထွန်း က   နားချ ဖြောင်းဖြပြောဆိုမှု့ကြောင့် ဗိုလ်နေဝင်း အသက်ချမ်းသာရာ ရခဲ့ဖူးကြောင်း ဗိုလ်ချုပ် အကြောင်းတစေ့ တစောင်း စာအုပ်များတွင် ဖတ်မှတ်ခဲ့ဖူးပါသည် ။

နိုင်ငံရေး အစဉ်အလာ စစ်စွမ်းရည် မဟာဗျူဟာ များနှင့်ပတ်သက်၍ ထင်ရှားကျော်ကြားခြင်း မရှိသည့် ဗိုလ်နေဝင်းသည် ၁၉၆၂ ခုမတ်လ ၂ ရက်တွင် ပါလီမန် ဒီမိုကရေစီစနစ်ကို ဖျက်သိမ်းခဲ့သည် ပြည်သူလူထုရွေးချယ် တင်မြှောက်ထားသော ဝန်ကြီးချုပ် ဦးနု အစ်ိုးရထံမှ နိုင်ငံတော် အာဏာကိုသိမ်းယူခဲ့သည် တော်လှန်ရေးကောင်စီ အမည်တတ်ပြီး တိုင်းပြည်၏ ကယ်တင်ရှင်ကြီး ပုံစံ ဖန်တီးခဲ့သည်။ မြန်မာဆိုရှယ်လစ် လမ်းစဉ်ပါတီခေတ်၌ လူဝင်မှု့ကြီးကြပ်ရေးနှင့်ပြည်သူ့အင်အားဦးစီးဌာန၏ ၉-၁၂-၁၉၇၂ နေ့စွဲဖြင့် ထုတ်ပြန်ထားချက်၌ တိုင်းရင်းသား လူမျိုးစုပေါင်း ၁၄၄ မျိုး ပါရှိသည်။ ၂၃-၂-၁၉၇၃ နေ့စွဲပါ နိုင်ငံတော်ပိုင် သတင်းစာများ၌ မြန်မာနိုင်ငံတွင် တိုင်းရင်းသားလူမျိုးစုပေါင်း ၁၄၃ မျိုးရှိကြောင်း ကမ္ဘာသို့တရားဝင် ကြေညာခဲ့သည်။

ထို့ပြင် ၁၉၇၄ ခုနှစ်တွင် မြန်မာ့ဆိုရှယ်လစ် လမ်းစဉ်ပါတီ(မဆလပါတီ)ဖြင့် မြန်မာ့နည်း မြန်မာ့ဟန် ဆိုရှယ်လစ်စနစ်ကို ထူထောင်ခဲ့သည် ” ခိုင်းတာလုပ် ခံမပြောနဲ့ ခုံပြုတ်သွားမည့်စနစ်သစ် “တစ်ရပ်ကို ထူထောင်ခဲ့သည် ဗိုလ်ချုပ်ကြီးနေဝင်းသည် အာဏာရှိစဉ်တစ်လျောက်လုံး “မ” ကိစ္စရေးရာတွင် နာမယ်ပျက်စာရင်းဝင်ခဲ့သူဖြစ်သည် ။

ထို့အပြင် မြန်မာဆိုရှယ်လစ်လမ်းစဉ်ပါတီ( မဆလ) တစ်ပါတီ အာဏာရှင်ကြီး ဦးနေဝင်းသည် ၎င်း၏အာဏာကို အစွမ်းကုန် အသုံးချကာ ၁၉၄၇ ခု မြန်မာနိုင်ငံသား ဥပဒေကို ဖျက်သိမ်းကာ တရုတ်မုန်း အိန္ဒိယမုန်း “မူဝါဒစနစ်ကို အသက်သွင်းသည့်အနေဖြင့် မြန်မာနိုင်ငံသား ဥပဒေတစ်ရပ်ကို မဆလ တစ်ပါတီ အာဏာရှင်စနစ်တွင် လက်ညှိုးထောင် ခေါင်းညိတ်လုပ်သည့် ဥပဒေပညာရှင် ဆိုသူများဖြင့် ရေးဆွဲစေခဲ့သည် မဟာဗမာ လူမျိုးကြီး ဝါဒကို အဓိကထား ရည်ရွယ်၍ အခြားဘာသာဝင်များကို နှိမ့်ချလိုသော ရည်ရွယ်ချက်ဖြင့် လူမျိုးရေး ဘာသာရေး ခဲင်္ွခြားလိုမှု့ဖြင့် ရေးဆွဲထားသော ဥပဒေသည် ၁၉၈၂ ခုနှစ် မြန်မာနိုင်ငံသား ဥပဒေပင်ဖြစ်သည်။

ထိုဥပဒေတွင် ဥပဒေပုဒ်မပေါင်း ၇၆ ခု ပါရှိသည် ထိုဥပဒေကို တစ်ပါတီ အာဏာရှင်ကြီးဗိုလ်နေဝင်း၏ ရာနှုန်းပြည့် ဆန္ဒအရ မဖြစ်ဖြစ်အောင် ဥပဒေနှင့်ပတ်သက်လာလျှင် အလွန်အားထားယုံကြည် ကိုးစားခြင်းခံရသူ ၁၉၈၈ ခုနှစ် စက်တင်ဘာလ ၁၈ ရက်မတိုင်ခင်က သမ္မတဟောင်းလည်း ဖြစ်ခဲ့ဖူးသူ ဥပဒေပညာရှင်ကြီး ဒေါက်တာမောင်မောင် က ဦးဆောင်ရေးဆွဲခဲ့ပါသည်။

ထိုဥပဒေကို မဆလ တစ်ပါတီခေတ်၌ ရေးဆွဲ အတည်ပြု အကောင်အထည်ဖော်နိုင်ရန် တရုတ်သွေးနှောကြီး သမ္မတဦးစန်းယုမှ လက်မှတ်ရေးထိုးခဲ့သည်။ သို့သော် ရုတ်တရက် ထိုဥပဒေ အသက် မဝင်ခင်ပင် ရဟန်းရှင်လူ ကျောင်းသားပြည်သူလူထု တစ်ရပ်လုံး၏ ဒီမိုကရေစီတောင်းဆို ဆန္ဒပြသည့် အရေးတော်ပုံကြီး ၈ရက် ၈လ ၁၉၈၈ ခုနှစ်တွင် ရှစ်လေးလုံး(၈၈၈၈) အရေးတော်ပုံကြီး ပေါ်ပေါက်ခဲ့ သည် ထိုအရေးတော်ပုံကြီးကို ဗိုလ်ချုပ်ကြီးစောမောင် ဦးဆောင်သော စစ်တပ်က ၁၉၈၈ ခု စက်တင်ဘာ ၁၈ ရက်တွင် ဖြိုခွင်းပြီး နိုင်ငံတော်ငြိမ်ဝပ်ပိပြားမှု့တည်ဆောက်ရေး အဖွဲ့(နဝတအစိုးရအဖွဲ့)ကို တည်ထောင်ခဲ့သည် နဝတ စစ်အစိုးရ လက်ထက်တွင် ၁၉၈၂ ခုနှစ် နိုင်ငံသား ဥပဒေကို စတင် အသက်သွင်း အကောင်အထည်ဖော်ဆောင်ရွက်ခဲ့သည်။

ထိုဥပဒေနှင့်ပတ်သက်၍ ကမ္ဘာ့ ဥပဒေ ပညာရှင်များ နှင့် ကမ္ဘာ့ကုလသမဂ္ဂ၏ဥပဒေရေးရာ အထူးကျွမ်းကျင်သူများ လေ့လာ ဆန်းစစ်ပြီးသောအခါ အံ့သြ တုန်လှုပ်ခဲ့ရသည။် လူ့အခွင့်အရေး စံချိန် စံညွှန်းများနှင့် လုံးဝကိုက်ညီမှု့ မရှိသော ကိုးကွယ်သည့် ဘာသာတရားအပေါ်အခြေခံ၍ လူမျိုးရေး ခွဲခြားမှု့ကို လုပ်ထားသော တစ်ဘက်သတ် နိုင်ငံသားဥပဒေဖြစ်သည်။ မဆလ တစ်ပါတီခေတ်တွင် အသက်မဝင်သေးသော ထို ၁၉၈၂ ခုနှစ် နိုင်ငံသားဥပဒေကို ၁၉၈၈ ခုစက်တင်ဘာလ ၁၈ ရက်တွင် အာဏာသိမ်းခဲ့သော ဗိုလ်နေဝင်း၏တပည့်များ” နဝတ” စစ်အစိုးရ ” နအဖ “စစ်အစိုးရ များက တည်ဆဲဥပဒေ အဖြစ် မဖြစ်ဖြစ်အောင် အာဏာကုန်သုံးကာ အကောင်ထည်ဖော်ခဲ့သည်။ ထူးခြားချက်တစ်ရပ်အနေဖြင့် ၁၉၈၂ ခုနှစ် နိုင်ငံသား ဥပဒေထဲတွင် မြန်မာနိုင်ငံတွင် “တိုင်းရင်းသား ၁၃၅ မျိုးသာရှိသည် ဗုဒ္ဓဘာသာဝင် မဟုတ်သူများသည် သွေးနှောများ” ဖြစ်ကြသည် ဟူ၍ မည်သည့်နေရာမျှ ဖော်ပြထားခြင်း အလျင်း မရှိပေ။

ယနေ့အလုပ်သမား လူဝင်မှု့ကြီးကြပ်ရေးနှင့်အမျိုးသားမှတ်ပုံတင်ဌာန လဝက ဝန်ထမ်းများသည် ခေတ်အဆက်ဆက်တွင် လူမျိုး ၁၃၅မျိုးနှင့် သွေးနှောဟူသော စကားကို ထည်လဲသုံးကာ ဗုဒ္ဓဘာသာ မဟုတ်သူများကို ပါးစပ်မိန့်များ အထက်အမိန့်များ ညွှန်ကြားချက်များဖြင့်် ဥပဒေမဲ့ ခွဲခြားဆက်ဆံ လာသည်မှာ ယခုလို NLD အရပ်သားအစိုးရ လက်ထက်တိုင် ပြောဆိုနေ ဆဲဖြစ်သည်ကိုတွေ့ ရပေသည်။ ဗေဒင် ယတြာအလွန်အားကိုးသူ အာဏာရှင်ကြီး ဦးနေဝင်းသည်” ၉ ဂဏန်း “ကို အလွန်ကြိုက်သူ့ဖြစ်သည်။ နိုင်ငံခြားသို့ခရီးထွက်ခြင်း ဥပဒေများ ပြဌာန်းခြင်း အကျဉ်းသားများ လွှတ်ပေးခြင်း စသည့် ကိစ္စတို့ကို ပြုလုပ်တိုင်း” ၉ နဝင်းချေ “ပုံစံ ယတြာအမျိုးမျိုးဖြင့် မြန်မာပြည်ကြီးကို ၂၆ နှစ်ကြာ တစ်ပါတီအာဏာရှင်စနစ်ဆို့းဖြင့် အုပ်ချုပ်ခဲ့သောကြောင့် ကမ္ဘာ့အဆင်းရဲဆုံး စာရင်းများထဲ မြန်မာနိုင်ငံ ပါဝင်သွားခဲ့သည်။ ထို့ကြောင့်လည်း ဦးနေ ဝင်း၏ “ကိုးနဝင်းယတြာဖြင့်” တိုင်းရင်းသား ၁၄၄ မျိုးထဲမှ လူမျိုးစု ၉ မျိုးကို အာဏာရှင်ပီပီ ဖြုတ် ဖျက်ကာ အစဖျောက်ကာ သမိုင်းလိမ်ကာ မြန်မာနိုင်ငံတွင် လူမျိုး၁၃၅ မျိုး လုပ်ပစ်ခဲ့ကြောင်း ကွယ်လွန်သွားသူ ၁၉၈၂ နိုင်ငံသားဥပဒေပဲ့ကိုင်ရှင်ကြီး ဒေါက်တာမောင်မောင် အသိဆုံးဖြစ်သည်။

အထူးမီးမောင်းထိုးပြ လိုသည်မှာ ၁၉၄၇ ခုနှစ် ပြည်ထောင်စုမြန်မာနိူုင်ငံတော် ဖွဲ့စည်းပုံအခြေခံဥပဒေအရလည်းကောင်း ၁၉၇၄ ခုနှစ်ပြည်ထောင်စုဆိုရှယ်လစ် သမ္မတ မြန်မာနိုင်ငံတော်ဖွဲ့စည်းပုံအခြေခံဥပဒေအရလည်းကောင်း မြန်မာမွတ်စလင် လူ့အဖွဲ့အစည်းသည် တိုင်းရင်းသားများ နိုင်ငံသားစစ်စစ်များအဖြစ် မြန်မာနိုင်ငံတွင် သစ္စာရှိရှိ တာဝန်သိသိဖြင့် သမိုင်းကြောင်းကောင်းစွာ နေခဲ့ကြပါသည်။

ထို့အပြင်   တစ်ပါတီ အာဏာရှင်ကြီးဦးနေဝင်း၏ ဗေဒင်ယတြာ ယုံပုံကို မီးမှောင်းထိုးပြရလျင်   ၁၉၈၈ ခုစက်တင်ဘာလ ၁၈ ရက် ဗိုလ်ချုပ်ကြီးစောမောင်ကို အာဏာ သိမ်းယူစေခဲ့သည့်နေ့ ကို လေ့လာကြည့်လျင် အလွယ်တကူ သိနိုင်ပါသည်( စက်တင်ဘာလသည် ၉ လမြောက်လ ဖြစ်သည် ၁၈ ရက်ဂဏန်းသည် စုစု ပေါင်းလိုက်လျှင် ၉ ရသည်)

နိုင်ငံတော်ငြိပ်ဝပ်ပိပြားမှု့တည်ဆောက်ရေးအဖွ့ဲ့ နဝတ ကို အမည်ပြောင်းလိုက်သော နိုင်ငံတော်အေးချမ်းသာယာရေးနှင့်ဖွဲ့ဖြိုးရေးအဖွဲ့ နအဖ စစ်အစိုးရများ(စစ်အာဏာရှင်များ) အလိုကျ ရေးဆွဲခဲ့သော ၂၀၀၈ ဖွဲ့စည်းပုံသည် စစ်တပ်ကြီးစိုးရေးမူဖြစ်သည် ဒေါ်အောင်ဆန်းစုကြည် သမ္မတ လုံးဝ မဖြစ်ရေးအတွက် ဦးသန်းရွှေအလိုကျ တရားသူကြီးချုပ် ဦးအောင်တိုးက နေ့မအား ညမအား ရေးဆွဲပေးခဲ့သော ဥပဒေဖြစ်သည်။ ဦးသန်းရွှေ ဖုန်းဆက်ခေါ်တိုင်း ဦးအောင်တိုးခမျာ အထူးကု ဆေးခန်းကို ပြေးခဲ့ရသည့် အကြိမ်ပေါင်းမှာ မနည်းတော့ကြောင်းကို စာရေးသူ၏ မိတ်ဆွေအပေါင်းအသင်းများ လက်ဘက်ရည် စကားဝိုင်းများတွင် ပြောခဲ့သည်ကို စာရေးသူ ကိုယ်တိုင် ကြားခဲ့ဖူးသည်။ ဦးသန်းရွှေ သည် ထို ၂၀၀၈ ဖွဲ့စည်းပုံတွင်ရဟန်းရှင်လူ ကျောင်းသားပြည်သူ လူထုကြီးကို ရက်ရက်စက်စက် သတ်ပစ်ခဲ့သော စစ်အာရှင်များနှင့်အပေါင်းပါများကို မည်သည့်အခါမျှ အရေးယူလို့မရအောင် နောက်ကြောင်းပြန် တရားစွဲလို့မရအောင် အထူးကြိုတင် စီစဉ်ထားသည် ထို့ပြင် ၂၀၀၈ မေလ ၅ ရက် တွင်ဖြစ်ပွားခဲ့သော နာဂစ်မုန်တိုင်းအပြီး ဇွတ်အတင်း အတည်ပြု ခဲ့သောကြောင့် ပြည်သူလူထု အချို့နှင့် နိုင်ငံရေးအကဲခတ်များက ထိုဥပဒေကို နာဂစ် ဥပဒေ ဟုလည်း ခေါ်ကြသည်၂၀၀၈ နာဂစ်ဖွဲ့စည်းပုံသည် ကမ္ဘာပေါ်တွင် အပြင်ရ အခက်ဆုံး ဖွဲ့စည်းပုံတစ်ခု ဖြစ်သည်ကို လေ့လာ မိသည်။ အလားတူ ၁၉၈၂ မြန်မာနိင်ငံသားဥပဒေမျိုးကို လည်း ကမ္ဘာ့နိုင်ငံပေါင်း ၂၀၀ ကျော်တွင် တွေ့နိုင်မည်မဟုတ်ပေ။

ထို ကမ္ဘာ့အံ့ဖွယ် စာရင်းဝင် အပြင်ရ အခက်ဆုံး ၂၀၀၈ နာဂစ် ဖွဲ့စည်းပုံနှင့် ကုလသမဂ္ဂအဖွဲ့ကြီး၏ ပဋိဥာဉ်နှင့် နိုင်ငံတကာစံနှုန်းများနှင့်လုံးဝ ကိုက်ညီမှု့မရှိသော ၁၉၈၂ ခုမြန်မာနိုင်ငံသား ဥပဒေကို မြန်မာပြည်တွင် တွေ့နိုင်ပါသေးသည။် တပ်မတော်သား ကိုယ်စားလှယ် အနည်းဆုံး တစ်ယောက်လောက် ကန့်ကွက်နေသ၍ ထို ၂၀၀၈ ဖွဲ့စည်းပုံကို ကမ္ဘာတည်သရွေ့ ပြင်လို့ ရနိုင်မည် မဟုတ်ပေ။ အရှေ့တောင်အာရှတွင် တစ်ချိန်က စစ်အာဏာရှင်စနစ် ထွန်းတောက်ခဲ့သော အင်ဒိုနီးရှားနိုင်ငံ၏ ဖွဲ့စည်းပုံကို အတုခိုးကာ ရေးဆွဲခဲ့ခြင်း ဖြစ်ပါသည်။ ထို အင်ဒို ဖွဲ့စည်းပုံတွင် တပ်မတော်သား ကိုယ်စားလှယ် ၁၀ ရာခိုင်နှုန်း လွှတ်တော်ထဲတွင် ပါနေခဲ့သည် ယခု အချိန်တွင် အင်ဒိုနီးရှား လွှတ်တော်တွင်   စစ်တပ်ကိုယ်စားလှယ်များ မပါဝင်တော့ကြောင်း သတိပြုဖို့လိုပေလိမ့်မည်။

အချုပ်ဖြင့်ဆိုရသော် နိုင်ငံတစ်ခု၏ ဥပဒေတစ်ရပ်ဟူသည် နိုင်ငံသားများ လိုက်နာနိုင်သော နိုင်ငံသားများ၏ ဘဝ လုံ့ခြုံမှု့ အကျိုးစီးပွါးကာကွယ်မှု့ကို အာမခံသော အရာများကိုသာ ပြဌာန်း သင့်ပေသည။် လူတစ်စု လူတစ်ဖွဲ့ လူမျိုးစုတစ်ရပ် အခွင့်ထူးခံလူတန်းစား တစ်ရပ်ကောင်းစားရေး အတွက် ထိုသူတို့ အကျိုးစီးပွါးအတွက် ရည်ရွယ်၍ ရေးဆွဲပြဌာန်းထားခြင်းမျိုးမဖြစ်သင့်ပေ “ငါနှင့်မတူ ငါ့ရန်သူ”ဟူ၍ သဘောထားကာ အတ္တဆံဆံရေးဆွဲခဲ့လျင် “အင်အားကြီးသူ အနိုင်ယူသည့် တောရိုင်းတိရစ္ဆာန်များ၏ ဥပဒေတစ်ရပ်သာ “ဖြစ်နေပါ၍ အထူး ရှောင်ရှားဖို့လိုပါလိမ့်မည်။ ကမ္ဘာ့အလယ် ရှက်စရာလည်း အလွန်ကောင်းပါလိမ့်မည် ယနေ့လို ကမ္ဘာကြီး ရွာပုံစံ ဖြစ်နေချိန်တွင် လူယဉ်ကျေး တိုင်းပြည်များ၏ လက်ညှိုးထိုးခြင်း ကို ခံရမည်မှာ အသေအချာပင် ဖြစ်သည် ယနေ့သည် နောက် မကျသေးပါ ပြင်စရာ ရှိသည်ကို ပြင်မည် ပြောင်းစရာရှိသည့် မူဝါဒ တို့ကို ပြောင်းမည် ဆိုပါက သမိုင်းမှတ်ကျောက်တင်မည့်သူများမှာ ဦးနှောက်ရှိသည့် မြန်မာနိုင်ငံသား များပင် ဖြစ်ပေလိမ့်မည်သာတည်း။

ဂျက်ဖရီတင်အုန်း(R.I.T.ရန်ကုန်စက်မှု့တက္ကသိုလ်)

** ဆောင်းပါးရှင်၏ အာဘော်သာဖြစ်သည်။

September 1, 2016
ကမ္ဘာကြီးကို တုန်လှုပ်ခြောက်ခြားစေခဲ့သည့် ဓာတ်ပုံ ၅ ခု

သြဂုတ် ၂၂၊ ၂၀၁၆
M-Media

– ကမ္ဘာသမိုင်းတစ်လျှောက်လုံးမှာ နယ်မြေလုစစ်ပွဲတွေ၊ လူမျိုးစုတိုက်ပွဲတွေ၊ ခရူးစိတ်ဘာသာရေးစစ်ပွဲတွေ၊ လူမျိုးတုန်းသတ်ဖြတ်မှုတွေ၊ အကြမ်းဖက်တိုက်ခိုက်တွေ ဖြစ်ခဲ့ကြ၊ ဖြစ်နေကြတုန်းပါပဲ။

အာဏာ၊ စည်းစိမ် မက်မောသူတွေကြောင့် ဒီလိုစစ်ပွဲတွေဖြစ်လာတိုင်း တစ်ကယ်တမ်းနစ်နာဆုံးရှုံး၊ သေကြေပျက်ဆီးခဲ့ရတာကတော့ ပြည်သူတွေပဲဖြစ်ပါတယ်။ နောက်ပြီး အငတ်ဘေး၊ သဘာဝဘေးအန္တရာယ် စတဲ့ ကြိုတင်ခန့်မှန်းလို့မရတဲ့ အဖြစ်အပျက်တွေကလည်း ကမ္ဘာလူထားထုကို အထိနာစေခဲ့တာ သမိုင်းမှာ အထင်အရှားရှိနေပါတယ်။

နည်းပညာတွေ တိုးတက်လာတာနဲ့အမျှ အဲဒီစစ်ပွဲတွေ၊ သဘာဝဘေးအန္တရာယ်တွေနဲ့ ပတ်သက်တဲ့ သတင်းတွေ၊ ဓာတ်ပုံတွေ၊ ဗီဒီယိုတွေကို ကမ္ဘာတစ်ခုလုံးက စက္ကန့်မလပ် သိရှိနိုင်ပြီး သူတို့ရဲ့ ဒုက္ခတွေကို မျှဝေခံစားနိုင်နေပြီဖြစ်ပါတယ်။ သမိုင်းတစ်လျှောက်ကနေ အခုအချိန်အထိ ဖြစ်ခဲ့တဲ့ စစ်ပွဲတွေ၊ သဘ၀ဘေးအန္တရာယ်တွေကနေ ကမ္ဘာကြီးကို တုန်လှုပ်အခြောက်အခြားဆုံး ဖြစ်ခဲ့ရတဲ့ ပုံရိပ် ၅ ခုကို M-Media ပရိတ်သတ်ကြီးအတွက် ဖော်ပြပေးလိုက်ပါတယ်။

၁။ အိုမရန် ဒက်နစ်ရှ်

ပြီးခဲ့တဲ့ရက်ပိုင်းအတွင်းမှာ ဆီးရီးယားနိုင်ငံ အဲလစ်ပိုမြို့က အသက် ၅ နှစ်အရွယ် အိုမရန် ဒက်နစ်ရှ် ဆီးရီးယားအစိုးရရဲ့ ဗုံးကြဲတိုက်ခိုက်မှုအပြီး သွေးအလိမ်းလိမ်း၊ ဖုံအလိမ်းလိမ်းနဲ့ လူနာတင်ယာဉ်ထဲမှာ ထိုင်နေတဲ့ ဒီပုံဟာ ကမ္ဘာကြီးကို တုန်လှုပ်သွားစေခဲ့ပါတယ်။

ဒီပုံကို ရိုက်ကူးခဲ့သူ ဓာတ်ပုံဂျာနယ်လစ် မဟ်မွဒ် ရက်စ်လန်က အိုမရန်ကို သူ့ရဲ့ ညီအစ်ကို မောင်နှမတွေ၊ မိဘတွေနဲ့ အတူ ဗုံးဒဏ်ကြောင့် ပျက်ဆီးနေတဲ့ နေအိမ်အဆောက်အဦးကနေ ကယ်ထုတ်ခဲ့ရတာဖြစ်တယ်လို့ ပြောကြားခဲ့ပါတယ်။ (နောက်ပိုင်းမှာ ဒဏ်ရာကြောင့် အိုမရန်ရဲ့ အစ်ကိုဖြစ်သူ သေဆုံးခဲ့ပါတယ်)

အာဆတ်ဦးဆောင်တဲ့ အစိုးရတပ်၊ အတိုက်အခံသူပုန်တွေ၊ IS အကြမ်းဖက်အဖွဲ့နဲ့ ကမ္ဘာ့အင်အင်အားကြီးနိုင်ငံတွေ ပါဝင်ပြီး မရပ်တန့်နိုင်သေးတဲ့ ဆီးရီးယားပြည်တွင်းစစ်အတွင်းမှာ ဆီးရီးယား ကလေးငယ်တွေရဲ့ ဒုက္ခသုက္ခတွေကို မီးမောင်းထိုးပြခဲ့တဲ့ အဒီပုံရိပ်ဟာ ဆိုရှယ်မီဒီယာတွေမှာ အလျင်အမြန်ပဲ ပြန့်နှံသွားခဲ့ပြီး စုပ်တစ်သပ်သပ်ဖြစ်ခဲ့ရပါတယ်။

၂။ အလန် ကာရ်ဒီ

ဆီးရီးယားနဲ့ အရှေ့အလယ်ပိုင်းက စစ်ပွဲတွေကြောင့် ပြည်သူတွေဟာ နေ့စဉ်လိုလို အိုးအိမ်စွန့်ခွာ ထွက်ပြေးနေရပြီး ဘေးကင်းလုံခြုံတဲ့ဆီကို ရွှေ့ပြောင်းခိုလှုံနေရပါတယ်။ အဲဒီလို ခိုလှုံရတဲ့ ခရီးစဉ်ကလည်း ပန်းခင်းတဲ့လမ်းမျိုး မဟုတ်ဘဲ အသက်ဆံဖျားထားကာ သွားရောက်ရတာဖြစ်ပါတယ်။

အဲဒီလိုစွန့်စားရင်း အသက်ဆုံးရှုံးခဲ့ရတဲ့ အမျိုးသား၊ အမျိုးသမီး၊ လူကြီး၊ လူငယ်တွေလည်း ဒုနဲ့ဒေးပါပဲ။

အဲဒီထဲကမှ ဆီးရီးယားကနေ တူရကီကို ထွက်ပြေးကာ ဥရောပမှာ ခိုလှုံ့ဖို့ကြိုးစားရင်း မြေထဲပင်လယ်မှာ မိသားစုနဲ့အတူ ရေနစ်သေဆုံးခဲ့ရတဲ့ ၃ နှစ်အရွယ် အလန်ကာရ်ဒီလေးရဲ့ ပုံရိပ်ဟာလည်း ကမ္ဘာကြီးကို တုန်လှုပ်ခြောက်ခြားစေခဲ့ပါတယ်။

လှေနစ်သေဆုံးပြီး တူရကီက ဘိုဒရမ်ကမ်းခြေမှာ မှောက်ရက်ကလေး လာတင်နေတဲ့ ကာရ်ဒီလေးရဲ့ပုံကို Dogan News Agency သတင်းဌာနက ဓာတ်ပုံဆရာ နီလူဖာရ် ဒီမီရ်က ရိုက်ကူးခဲ့တာပါ။

၂၀၁၅ ခုနှစ် စင်တင်ဘာ ၂ ရက်နေ့ အွန်လိုင်းစာမျက်နှာမှာ လွှင့်တင်တင်ခြင်းပဲ ကမ္ဘာ့ပြည်သူ သန်းပေါင်းများစွာရဲ့ နှလုံးသားကို လှုပ်ကိုင်နိုင်ခဲ့ပါတယ်။ ဒီပုံဟာ စစ်ဖြစ်နေတဲ့ ဆီးရီးယားကနေ မြေထဲပင်လယ်ကိုဖြတ်ကာ ဥရောပကို ခိုလှုံဖို့ကြိုးစားကြတဲ့ ဆီးရီးယားဒုက္ခသည်တွေရဲ့ ထိခိုက်ခံစားရမှုကို ထိထိရောက်ရောက် ဖော်ပြနိုင်ခဲ့ပါတယ်။

ဒီနောက်ပိုင်းမှာ ဥရောပနိုင်ငံတွေက ဆီးရီးယား ဒုက္ခသည်တွေကို ခိုလှုံခွင့်ပေးဖို့ နယ်စပ်တွေကို ဖွင့်ပေးခဲ့ကြပါတယ်။

၃။ The vulture and the little girl

‘လင်းတနှင့် မိန်းကလေးငယ်’ လို့ အဓိပ္ပါယ်ရတဲ့ ဒီပုံကို ၁၉၉၃ ခုနှစ်မှာ ဆူဒန်နိုင်ငံက အေယွဒ်ဆိုတဲ့ ရွာလေးမှာ ဂျာနယ်လစ် ကီဗင်ကာရ်တာရ်က ရိုက်ကူးခဲ့တာပါ။

အငတ်ဘေးဆိုက်နေတဲ့ ဆူဒန်မှာ အဟာရချို့တဲ့နေတဲ့ မိန်းကလေးငယ်တစ်ဦးက အနီးနားမှာရှိတဲ့ ကုလရဲ့ စားနိပ်ရိက္ခာထောက်ပံ့ရေးစင်တာကို ကြိုးစား သွားရောက်နေတဲ့အချိန် လင်းတတစ်ကောင်က သေဆုံးသွားရင် အသင့်စားဖို့ စောင့်နေတဲ့ ပုံရိပ်ဖြစ်ပြီး ၁၉၉၃ ခုနှစ် မတ်လ ၂၆ ရက်နေ့ New York Times သတင်းစာမှာ ဖော်ပြလိုက်တဲ့အချိန်မှာတော့ ကမ္ဘာ့လူ့အဖွဲ့အစည်းကို ရှော့ဖြစ်သွားစေခဲ့ပါတယ်။

ကာရ်တာရ်ကတော့ လင်းတက ဒီအကွာအဝေးကို ရောက်လာဖို့အတွက် သူ မိနစ် ၂၀ လောက်စောင့်ကာ ရိုက်ကူးခဲ့ရတာ ဖြစ်တယ်လို့ ပြောကြားခဲ့ပါတယ်။ ဒီလိုဖော်ပြမှုအတွက် ဝေဖန်ခံရမှုအနည်းငယ်တော့ ရှိခဲ့ပါတယ်။

ကာရ်တာရ်ဟာ ဒီဓာတ်ပုံကြောင့် ၁၉၉၄ ခုနှစ် ပူလစ်ဇာဆု ရရှိခဲ့ပြီး အဲဒီနှစ်မှာပဲ သူ့ကိုယ်သူ သတ်သေသွားခဲ့ပါတယ်။

၎။ ကင်မ် ပူခ်ျ ( Kim Phuc)

ဒီပုံရိပ်ကတော့ ကွန်မြူနစ်နှိမ်နှင်းရေးဆိုတဲ့ခေါင်းစဉ်နဲ့ ဗီယက်နမ်ကို အမေရိကန်ရဲ့ ကျူးကျော်တိုက်ခိုက်မှုကြောင့် ထိခိုက်ခံစားရမှုကို ဖော်ကျူးနေပါတယ်။

တောင်ဗီယက်နမ်မြို့တော် ဆိုင်ဂုံအနီးက ရွာလေးတစ်ရွာကို မြောက်ဗီယက်နမ်တပ်ဖွဲ့တွေက ဗုံးကြဲတာကြောင့် ကလေးငယ်တွေ ဘေးလွတ်ရာ ထွက်ပြေးခဲ့ရတဲ့ ဒီပုံကို AP သတင်းဌာနက ဓာတ်ပုံဆရာ နစ်အတ်က ၁၉၇၂ ခုနှစ် ဇူလိုင်လ ၈ ရက်နေ့မှာ ရိုက်ကူးခဲ့တာဖြစ်ပါတယ်။

New York Times က ဖော်ပြခဲ့တာဖြစ်ပြီး ပထမပိုင်းမှာ မိန်းကလေးငယ်လေး ကင်မ် ပူခ်ျရဲ့ ၀စ်လစ်စလစ်အခြေအနေကြောင့် ဖော်ပြဖို့ စဉ်းစားခဲ့ရပေမယ့် နောက်ပိုင်းမှာတော့ ခွင့်ပြုခဲ့ပါတယ်။

ဒီပုံဟာ ၁၉၇၂ ခုနှစ်အတွင် ‘ကမ္ဘာ့စာနယ်ဇင်းဓာတ်ပုံဆု’ ကို ရရှိခဲ့ပြီး နစ်အတ်ကလည်း ပူလစ်ဇာဆုကို အဲဒီနှစ်မှာ ရရှိခဲ့ပါတယ်။

နောက်ပိုင်းမှာတော့ ကင်မ်ပူခ်ျက အဲဒီလို အသက်လုပြေးနေတဲ့အချိန်မှာ သူဟာ ‘အရမ်းပူတယ်၊ အရမ်းပူတယ်’ လို့ အော်နေတာဖြစ်တယ်လို့ ဖွင့်ဟခဲ့ပါတယ်။

၅။။ နာဂါဆာကီ

သေဆုံးသွားတဲ့ ညီငယ်လေးကို အစ်ကိုဖြစ်သူက ကျောပိုးကာ သင်္ချီုင်းကိုယူလာတဲ့ ဒီဓာတ်ပုံဟာ ၁၉၄၅ ခုနှစ်မှာ ကမ္ဘာကြီးကို တုန်လှုပ်စေခဲ့ပါတယ်။

အဲဒီပုံကို ဓာတ်ပုံဆရာ ဂျိုး အို ဒွန်နဲလ်က အမေရိကန် အနုမြူဗုံးကြဲချပြီး ရက်အနည်းငယ်အကြာမှာ ရိုက်ကူးခဲ့တာဖြစ်ပါတယ် ဒွန်နဲလ်ဟာ နာဂါဆာကီမှာရှိတဲ့ ပျက်ဆီးမှုတွေကို မှတ်တမ်းတင်ဖို့ အမေရိကန်စစ်တပ်က လွှတ်လိုက်တဲ့သူပါတယ်။

သူနေခဲ့တဲ့ ၇ လလောက်အတွင်းမှာ အဲဒီလို ဆိုးဝါးတဲ့အခြေအနေတွေဟာ အဆုံးမသတ်ခဲ့ဘူးလို့လည်း ဒွန်နဲလ်က ဖွင့်ဟခဲ့ပါတယ်။

ဒုတိယကမ္ဘာစစ်ပြီး ဒီဓာတ်ပုံကို ထုတ်ပြန်ခဲ့ရမှာတော့ လူတွေတော်တော်များများ ခြောက်ခြားခဲ့ရပါတယ်။

ဓာတ်ပုံဆရာ ဒွန်နဲလ်ကတော့ ဒီဓာတ်ပုံနဲ့ပတ်သက်ပြီး သူ့ရဲ့ အင်တာဗျူးတစ်ခုမှာ အောက်ပါအတိုင်း ပြောကြားခဲ့ပါတယ်။

“၁၀ နှစ်အရွယ်ကောင်လေးတစ်ယောက် လမ်းလျှောက်သွားနေတာ ကျွန်တော်မြင်ခဲ့ပြီး သူကလည်း ကလေးငယ်လေးတစ်ယောက်ကို ကျောပိုးထားပါတယ်။ အဲဒီနေ့တွေတုန်းက ဂျပန်မှာ ကလေးတွေဟာ သူတို့ညီတွေ၊ ညီမတွေနဲ့ ကစားတာမျိုးကို မြင်ရခဲ့ပါတယ်။ ဒါပေမယ့် ဒီကလေးကတော့ ထူးခြားနေပါတယ်။ သူဟာ ဒီနေရာ(သုသာန်) ကိုလာနေတာ အကြောင်းတစ်ခုခုရှိရမယ်လို့ ကျွန်တော်သိလိုက်ပါတယ်။ သူ့မှာ ဖိနပ်လည်းမပါဘူး။ မျက်နှာကလည်း တင်းမာနေတယ်။ သူ့ညီလေးကတော့ ကျောပိုးအိတ်မှာ ကလေးတွေ အိပ်ပျော်နေသလို ခေါင်းလန်နေပါတယ်။ သူအဲဒီနားမှာ လေး၊ ငါး၊ ဆယ်မိနစ်လောက် ရပ်နေပါတယ်”

“အဲဒီနောက်မှာ အဖြူရောင်မျက်နှာဖုံးစွပ်နဲ့ယောက်ျားတွေက သူ့နားကို ရောက်လာပြီး ကလေးကိုချီထားတဲ့ ကျောပိုးအိတ်ကြိုးကို ဖြည်ချလိုက်ပါတယ်။ အဲဒီအချိန်ကျမှ ကလေးငယ်လေးဟာ သေဆုံးနေတာဆိုတာ ကျွန်တော် သိလိုက်ရတာပါ။ လူကြီးတွေက ဒီကလေးလေးကို ချီကာ လူသေတွေမီးရှို့တဲ့ မီးပုံနားသွားပြီး ပစ်ထည့်လိုက်ပါတယ်။ အကြီးကောင်လေးကတော့ အဲဒီနေရာမှာပဲ မလှုပ်မယှက်ရပ်ပြီး မီးတောက်တွေကို ကြည်နေခဲ့ပါတယ်။ သူရဲ့နှုတ်ခမ်းကို တင်းတင်းကြပ်ကြပ် ကိုက်ထားတာဟာ သွေးတွေတောင် ထွက်လာပါတယ်။ မီးကတော့ တစ်မြေ့မြေ့လောင်ကျွမ်းနေပြီး နောက်ပိုင်းက ဒီကောင်လေးကလေဲ တိတ်ဆိတ်စွာနဲ့ပဲ ပြန်သွားခဲ့ပါတယ်”

Ref: Dailypakistan.com

August 22, 2016