Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

ဂါဇာမှ ပါလက်စတိုင်းပြည်သူတို့၏ အသက်ရှူပေါက်များ

သြဂုတ် ၁၃ ၊ ၂၀၁၄
M-Media
လေးမောင် ဘာသာပြန်သည်။

– ဂါဇာပြည်သူ ၇၀၀၀ နီးပါးမှာ လှိုဏ်ခေါင်းများထဲတွင် အလုပ်လုပ်ရင်း ၎င်းတို့၏ မလုံခြုံသောဘ၀မျာကိုး ကုတ်တွယ်နေကြရလေသည်။ ထိုလှိုဏ်ခေါင်းများမှာ ဂါဇာတောင်ဘက်ပိုင်းမှ အီဂျစ်အထိ သွယ်တန်းထားသော လှိုင်းခေါင်းများဖြစ်၏။ အရေအတွက်အားဖြင့် ၅၀၀ ခန့်ရှိပြီး ဂါဇာပြည်သူတို့၏ စီးပွားရေးအတွက် အရေးပါသည့် အသက်သွေးကြောဖြစ်လေသည်။

ထိုလှိုဏ်ခေါင်းများမှ ဆောက်လုပ်ရေးပစ္စည်းများ၊ အစားအသောက်များ၊ ဆေးဝါးများ ဥဒဟိုစီးဆင်းနေကြ၏။ ပညာရေး၊ ကျန်းမာရေးအတွက် လိုအပ်နေသော ဂါဇာပြည်သူများမှာလည်း ထိုလှိုဏ်ခေါင်းများကို အသုံးပြုကြရသည်။

လှိုဏ်းခေါင်းများမှ ဖြစ်ထွန်းသော စီးပွားရေးမှာ တစ်နှစ်လျှင် ကန်ဒေါ်လာ သန်း ၇၀၀ ခန့်ရှိသည်။ ထိုပမာဏမှာ ၂၀၁၁ ခုနှစ်တွင် ၂၀ ရာခိုင်နှုန်း တိုးလာခဲ့သည်။

လှိုဏ်ခေါင်းတစ်ခုကို ပိုင်ဆိုင်ခြင်းမှာ အကျိုးအမြတ်များသော စီးပွားရေးဖြစ်၏။ လှိုဏ်ခေါင်းများကို အမှီပြုပြီး သန်းကြွယ် သူဌေးဖြစ်နေကြသူများလည်း ရှိနေသည်။ သို့ရာတွင် လှိုဏ်ခေါင်းများဆောက်လုပ်ခြင်းနှင့် ထိုလှိုဏ်ခေါင်းများအတွင်း အလုပ်လုပ်ရခြင်းမှာ အလွန်ပင် အန္တရာယ်ရှိလေသည်။

လှိုဏ်ခေါင်းအတွင်း အလုပ်လုပ်ရင်း ၂၀၀၉ ခုနှစ်တွင် ညီဝမ်းကွဲနှင့် အခင်မင်ဆုံး သူငယ်ချင်း ခါလစ်တို့ကို ဆုံးရှုံးခဲ့ရသည့် ဂါဇာမှ မဟ်မူးဒ် ရမ်လာဝီက လှိုဏ်ခေါင်းများအတွင်းသို့ ဘယ်တော့မှ ပြန်မသွားတော့ဟု ကျိန်ဆိုထားလေသည်။

၎င်းမှာ အခြားအလုပ်လုပ်ရန် မျှော်လင့်ထားသော်လည်း ယခုအချိန်အထိ ရွေးစရာမရှိသေး။ လှိုင်ခေါင်းအတွင်း သူအလုပ်လုပ်ခဲ့သည့်နေ့ရက်များတွင် ပိတ်မိခြင်း၊ ဗုံးကြဲခံရခြင်းတို့က လွှမ်းမိုးထား၏။ သီတင်းပတ်တိုင်း သေဆုံးမှုများ ရှိနေသည်။

ဂါဇာလူငယ်တစ်ဦး ရိုက်ကူးထားသည့် “ဂါဇာမှ လှိုဏ်ခေါင်းများ” (The Gaza tunnels) ဗီဒီယိုက ဂါဇာစီးပွားရေး၏ အသက်သွေးကြောဖြစ်သာ မြေအောက်လှိုဏ်ခေါင်းများတွင် အလုပ်လုပ်နေကြသူများ၏ ဘ၀များကို ဖော်ပြနေသည်။ ဂါဇာ လှိုဏ်ခေါင်းများအောက် ကုန်ပစ္စည်းများသယ်ယူပို့ဆောင်ခြင်း၊ လူများ သွားလာလှုပ်ရှားနေခြင်းတို့ကို အံ့အားသင့်ဖွယ် တွေ့မြင်နိုင်လေသည်။

ဂါဇာဒေသသို့ ဖြတ်သန်းသွားလာခြင်းကို အစ္စရေးတို့က ၂၀၀၇ ခုနှစ်တွင် ပိတ်ပင်ခဲ့သည်။ ထို့ကြောင့် အစားသောက်နှင့် လောင်စာများ ၀င်ရောက်ရန် ခက်ခဲသွား၏။ အခြေခံ ကုန်ပစ္စည်းများကို ရောင်းချခြင်းသည်ပင် ပြည်သူများ အသက်ရှင်နေထိုင်ရေးအတွက်လွယ်ကူသော နည်းလမ်းဖြစ်လာပြီး၊ အချို့အတွက် ကြွယ်ဝရေးလမ်းစဉ် ဖြစ်လာခဲ့သည်။

ပိတ်ဆို့ခံထားရသည့် ဂါဇာဒေသတွင် အဆိုပါ လှိုဏ်ခေါင်းများက ဂါဇာပြည်သူများ ချောင်လည်စေရန် အဓိက လမ်းကြောင်းများဖြစ်၏။

The Gaza tunnels ဗီဒီယိုတွင် အစ္စရေး၏ ပိတ်ဆို့ထားမှုကြောင့် ဂါဇာကမ်းမြှောင်ရှိ ပြည်သူများ၏ နေ့စဉ်ဘ၀ ခက်ခဲဆင်းရဲမှုများကို မီးမောင်းထိုးပြထားသည်။ ထိုပိတ်ဆို့မှုက ဂါဇပြည်သူ တစ်သန်းခွဲကျော်ကို ဒုက္ခရောက်စေသည်။

ရေကြောင်း၊ ကုန်းကြောင်း၊ လေကြောင်းတို့မှာ ပိတ်ပင်ထားမှုများမှာ ဂါဇာကဲ့သို့ သေးငယ်သောဒေသ အတွက် ဘေး ဒုက္ခဆိုးကြီးဖြစ်ပြီး ဂါဇာပြည်သူတို့၏ နေ့စဉ်ဘ၀ လှုပ်ရှားဆောင်ရွက်မှုများမှာလည်း ရပ်တန့်လုမတတ် ဖြစ်ခဲ့ရသည်။

အဆိုပါပိတ်ဆို့မှုကို ရင်ဆိုင်နိုင်မည့် နည်းလမ်းများအနက် တစ်ခုတည်းသော နည်းလမ်းမှာ အီဂျစ်-ဂါဇာ နယ်စပ်တစ်လျှောက် လှိုဏ်ခေါင်းများ တူးရေးပင်ဖြစ်သည်။ ထိုလှိုဏ်ခေါင်းများမှ နေ့စဉ်လိုအပ်နေသည့် ကုန်ပစ္စည်းများကို တင်သွင်းကြသည်။

ဒေသ ရှင်သန်ရပ်တည်ရေးအတွက် လှိုဏ်ခေါင်း လုပ်သားများမှာ ၎င်းတို့၏ အသက်ကို ဖက်နဲ့ထုပ်ထားကြရသည်။ ကိုယ့်သေတွင်း ကိုယ်တူးနေသည်ဟု သိနေသော်လည်း ၎င်းတို့မှာ မငြီးမငြူဆောင်ရွက်ကြ၏။

ထိုကဲ့သို့ အလုပ်မျိုးကို လုပ်ကိုင်ရင်း အလုပ်သမားအများစုမှာ အသက်ဆုံးရှုံးခဲ့ကြရသည်။ လှိုဏ်ခေါင်းပိုင်ရှင်များကတော့ ပိုပိုချမ်းသာလာကြလေသည်။

ဂါဇာပြည်သူတို့၏ ဒုက္ခသုက္ခကို ထိုလှိုဏ်ခေါင်းများက လွယ်ကူစေသည် ဆိုသည်မှာတော့ သံသယ ဖြစ်ဖွယ်မရှိ။ အထူးသဖြင့် ကျောင်းသားများနှင့် ဂါဇာအပြင်ဘက်သို့ထွက်ကာ အီဂျစ်တွင် ပိုမိုကောင်းမွန်သော ၀န်ဆောင်မှုများဖြင့် ဆေးကုသလိုသည့် လူနာများအတွက် ဖြစ်သည်။

ဆေးဝါး၊ အစားအသောက်၊ ဆောက်လုပ်ရေးပစ္စည်းများကဲ့သို့ ဒေသအတွင်း အဓိက လိုအပ်သည့် ပစ္စည်းများကို တင်သွင်းရန်လည်း ထိုလှိုဏ်ခေါင်းများကို အသုံးပြုကြသည်။

သို့ရာတွင် အဆိုပါ ကုန်ပစ္စည်းများကို တင်သွင်းရင်း လှိုဏ်ခေါင်းလုပ်သားများ အသက်ပေးခဲ့ရခြင်းများလည်း ရှိနေ၏။ အဆိုပါလုပ်သားများမှာ လှိုဏ်ခေါင်း ပြိုကျခြင်းဒဏ်ကိုလည်း ခံရသည်။ ဂါဇာ၏ အသက်သွေးကြောဖြစ်သော အဆိုပါ လှိုဏ်ခေါင်းများကို ဖျက်တောက်ရန်အတွက် အစ္စရေးစစ်တပ်မှ မကြာခဏဗုံးကြဲမှု ဒဏ်ကိုလည်း ၎င်းတို့က ခံကြရလေသည်။

ဗီဒီယိုတွင် အဓိကပါဝင်သည့် မဟ်မူးဒ်က ဂါဇာလှိုဏ်ခေါင်းများတွင် အလုပ်လုပ်ခဲ့သည့် ၎င်း၏ ကိုယ်ပိုင်အတွေ့အကြုံကိုအခြေခံက လှိုဏ်ခေါင်း အလုပ်သမားများ၏ အကြောင်းကို ပြောပြသည်။ လှိုဏ်ခေါင်းများတွင် အလုပ်လုပ်ခဲ့သည့် လုပ်သား ၄၀၀ ခန့်မှာ သေကြေခဲ့ရသည်ဟု ၎င်းက ဆိုသည်။ အချို့မှာ မဟ်မူးဒ်၏ မိတ်ဆွေများဖြစ်ကြသည်။

The Gaza tunnels ဗီဒီယိုတွင် မဟ်မူးဒ်၏ သူငယ်ချင်း ခါလစ်၏ အကြာင်းလည်း ပါဝင်သည်။ ခါလစ်မှာ သူ၏မိသားစုနှင့်အတူ ဂါဇာအလယ်ပိုင်း ဘူရက်ဂ်ျ ဒုက္ခသည်စခန်းတွင် နေထိုင်သည်။

အိမ်ထောင်ပြုပြီးသောအခါ အကြွေးများတင်လာပြီး ထိုအကြွေးများ ပြန်ဆပ်ရန် ခါလစ်တစ်ယောက် ရုန်းကန်ရတော့သည်။ အစ္စရေးက ပိတ်ဆို့ထားသော ဂါဇာတွင် ခါလစ်မှာ အလုပ်ရှာမရ။ လှိုဏ်ခေါင်းများတွင် အလုပ်လုပ်ခြင်းမှလွဲ၍ ရွေးစရာ မရှိတော့ဟု ခါလစ်က ယုံကြည်လာသည်။ မိသားစုကတော့ အားမပေး၊ ဒီလိုအလုပ်မျိုးမှာ မည်မျှ အန္တရာယ်ကြီးသည်ကို သူတို့က သိကြသည်။ ၎င်းတို့မှန်သည်။ ခါလစ်မှာ လှိုဏ်ခေါင်း ပြိုကျပြီး အသက် ဆုံးရှုံးခဲ့ရသည်။ ဇနီးဖြစ်သူမှာတော့ ကိုယ်ဝန် အရင့်အမာနှင့် လောကအလယ် တစ်ဦးတည်း ကျန်ရစ်ခဲ့လေသည်။

ခါလစ်ကွယ်လွန်ပြီး မကြာခင်မှာပင် လှိုဏ်ခေါင်းလုပ်သားဘ၀ကို မဟ်မူးဒ်က စွန့်လွှတ်ခဲ့သည်။ သို့ရာတွင် အလုပ်ရရှိရန် အခွင့်အလမ်း နည်းပါးသောကြောင့် လနည်းငယ်အကြာတွင် လှိုဏ်ခေါင်းလုပ်သား ဘ၀ပင် ပြန်လည်ရောက် ရှိခဲ့လေသည်။

သူငယ်ချင်းဖြစ်သူ ဘာဆင်မ် ခဒရ်နှင့် မဟ်မူးဒ် အလုပ် ပြန်လုပ်သည်။ ဘာဆင်မ်ကိုယ်တိုင် လှိုဏ်ခေါင်းအတွင်း အသက်ပေးခဲ့ရပြန်သည်။ အလောင်းတွေ့ဖို့အတွက် ၈ ရက်ခန့် တူးဖော်ခဲ့ရ၏။ လူမမယ်ကလေးများနှင့် ဘာဆင်မ်၏ မိသားစုကတော့ ခိုကိုးရာ မဲ့ခဲ့ပြန်သည်။

မကြာသေးမီနှစ်များတွင်း ဂါဇာတွင် အစားအသောက် အ၀တ်အထည်၊ လောင်စာဆီနှင့် ကုန်ပစ္စည်းများ ရှားပါလာသည်။ ဈေးများတွင်လည်း ဘာမှမရှိ။ လမ်းမပေါ်တွင်လည်း လူသူအနည်းငယ်နှင့် ကားအနည်းငယ်သာရှိသည်။

အလုပ်မရသော ဂါဇာပြည်သူများကတော့ လှိုဏ်ခေါင်းအတွင်း အလုပ်လုပ်ခြင်းသည်သာလျှင် ၎င်းတို့အတွက် တစ်ခုတည်းသော ရွေးချယ်ခွင့်ဖြစ်သည်ဟု ယုံကြည်ကြသည်။ ရလဒ်က ဂါဇာမှာ “လှိုဏ်ခေါင်များ၏ မြို့တော်” အဖြစ် ပြောင်းလဲ သွားခြင်းပင်ဖြစ်လေသည်။

အဆိုပါ လှိုဏ်ခေါင်းများကို ဆောက်လုပ်ရန် ၃ လမှ ၅ လအထိ ကြာမြင့်လေသည်။ ဂါဇာတစ်ဝှမ်း လှိုဏ်ခေါင်းများတွင် အလုပ်လုပ်နေသူ ၃ ထောင်ဝန်းကျင်ရှိမည်ဟု ခန့်မှန်းကြသည်။

အီဂျစ်နှင့် အစ္စရေးတို့မှ ဂါဇာအား ပိတ်ဆို့ထားသည်မှာ ၇ နှစ် နီးပါးရှိလာခဲ့ပြီ။ ပါလက်စတိုင်းပိုင် အဆိုပါဒေသမှာ နိုင်ငံရေး ပြဿနာများ၊ စီးပွားရေး စိန်ခေါ်မှုများကို ရင်ဆိုင်နေရဆဲပင်ရှိလေသည်။ အထူးသဖြင့် အဓိကလှိုဏ်ခေါင်းများအား အီဂျစ်စစ်တပ်က မကြားသေးမီက ဖျက်ဆီးလိုက်ချိန်တွင် ဖြစ်သည်။

အီဂျစ်၏ ထိုလုပ်ရပ်က ပိတ်ဆို့မှုကြောင် ဂါဇာပြည်သူများ အတိဒုက္ခရောက်နေမှုကို ထပ်ပိုးပေးလိုက်ခြင်းပင်ဖြစ်၏။ ဂါဇာပြည်သူများ ခံစားနေရသည့် ဒုက္ခသုက္ခများကတော့ အိပ်မက်ပင်မက်ကြည့်၍ မရ။ ထိုစိန်ခေါ်မှုများရှိနေသော်လည်း ဂါဇာပြည်သူများမှာ ၎င်းတို့ အသက်ရှင်ရပ်တည်ရန်နှင့် လွတ်လပ်သည့် ပါလက်စတိုင်းနိုင်ငံတော် တည်ထောင်ရန် မျှော်လင့်ချက် အတွက် နည်းလမ်းသစ်များကို ရှာဖွေနေမည်မှာ အမှန်ပင်ဖြစ်ပေတော့သည်။

Al Jazeera Witness အစီအစဉ်မှ The Gaza tunnels ကို လေးမောင် မြန်မာမှုပြုပါသည်။

August 13, 2014
အဓမ္မ လက်မည်းအောက်က အမိမြေမှ သတို့သမီးများ

သြဂုတ် ၁၂ ၊ ၂၀၁၄

M-Media

မြင့်မိုရ်မောင်မောင် ဘာသာပြန်သည်။
အလုပ်အကိုင် အတွက် တရုတ်ပြည်သို့ စွန့်စားသွားလာကြသူ ကချင်အမျိုးသမီးများမှာ အဓမ္မထိမ်းမြား လိုသူများ၏ ထောင်ချောက်အတွက် အလွယ်ကူဆုံး သားကောင်များ ဖြစ်ကြသည်။

လမွန်ဘောက်ဒင် Lamung Bawk Din(၂၆)နှစ်ဟာ သူမခင်ပွန်းရဲ့ နှစ်ထပ်တိုက်ပြူတင်း တံခါးက ခုန်ထွက်လာချိန်မှာ သူမခေါင်းထဲ အတွေးတစ်ခုသာ ရှိနေခဲ့တယ်။

“ ဒီမှာ ကြာကြာဆက်နေလို့ကတော့ ငါ ရူးသွပ်သွားလိမ့်မယ်”။

ဒါက ဘောက်ဒင်အဖို့ အသက် (၁၉)နှစ်အရွယ် (၂၀၀၈)ခုနှစ်က ဖြစ်ပျက်ခဲ့တာပါ။ မြန်မာနိုင်ငံ ပဋိပက္ခဇုံများ အနက်တစ်ခုဖြစ်တဲ့ ရှမ်းပြည်မြောက်ပိုင်းက ဒေသခံ ကချင်တိုင်းရင်းသူ တစ်ဦးအနေနဲ့ စစ်ပွဲ၊ ပဋိပက္ခ၊ လူမျိုးရေး ချိုးနှိမ်နှိပ်ကွပ်မှုတွေကို ဖြတ်သန်း ရှင်သန်လာခဲ့သူဖြစ်တယ်။ မူလတန်းအဆင့် ပညာအခြေခံ၊ နာမကျန်းတဲ့မိခင်၊ ကြည့်ရှုစောင့်ရှောက်ရမဲ့ မောင်ငယ်နှမငယ်တွေကြောင့် သူမဟာလည်း အခြားသော ရှမ်းနဲ့ ကချင်အမျိုးသမီးတွေအတိုင်း အလုပ်အကိုင်ရှာဖွေရေး အတွက် တရုတ်ပြည်ထဲ တရားမ၀င်ဖြတ်ကျော် ၀င်ရောက်လာခဲ့တယ်။ ဒါဟာ သူမရဲ့ဘ၀ ဒုက္ခနွံဆိုးထဲ နစ်သွားစေမယ့် အလှည့်အပြောင်း စတင်တော့တာပါပဲ။

တရုတ်မြန်မာ နယ်စပ်ပေါ်တည်ရှိတဲ့ ကျင်းဟုံ သကြားစက်ရုံမှာ နေ့စားခ (၈)ဒေါ်လာနဲ့ သုံးလတာမျှ လုပ်ကိုင်ခဲ့ပြီးနောက် ဘောက်ဒင်ဟာ လုပ်ငန်းကောင်းတစ်ခု အတွက် တရုတ်ပြည်မထဲ သွားရောက်ဖို့ မြူဆွယ် သိမ်းသွင်းခံရတယ်။ ချိတ်ပေါ်က ငါးစာကို ဟပ်မိသွားတယ်။ သူမဟာ “အဓမ္မလက်မည်းအောက်က သတို့သမီး”၊ တစ်ကြိမ်တစ်ခါမျှ မသိကျွမ်းဖူးတဲ့ အမျိုးသားတစ်ဦးရဲ့ အကျဉ်းသားဖြစ်လာမယ်လို့ သူမ မသိခဲ့ပေဘူး။

ထိုင်းနိုင်ငံအခြေစိုက် ကချင်အမျိုးသမီးများအဖွဲ့ Kachin Women’s Association of Thailand (KWAT) ရဲ့အဆိုအရ မြန်မာတရုတ်နယ်စပ်မှာ အကျယ်ပြန့် အကြီးမားဆုံး လူကုန်ကူးမှုတွေမှာ တရုတ်ပြည်ထဲ တရားမ၀င်ဖြတ်ကျော်လာတဲ့ ရွှေ့ပြောင်း လုပ်သားတွေပါဝင်နေပါတယ်။ ဆိုးရွားသော ချို့တဲ့မှုတွေ၊ ပဋိပက္ခများဆီက ဝေးရာထွက်လာမှုတွေကြောင့်လို့ ဆိုပါတယ်။

ကချင်နဲ့ ရှမ်းအမျိုးသမီးတွေက လူကုန်ကူးသူများရဲ့ အလွယ်ကူဆုံးပစ်မှတ်တွေ ဖြစ်နေကြတယ်။ ဘာကြောင့်လဲဆိုတော့ သူတို့ဟာ တရုတ်စကား မပြောတတ်ကြဘူး၊ နယ်စပ်ဖြတ်ကျော် အထောက်အထား/ နိုင်ငံကူး လက်မှတ်တွေ မရှိကြဘူး၊ သူတစ်ပါးကို အယုံလွယ်ကြလို့ပဲ ဖြစ်ပါတယ် လို့ KWAT က လူကုန်ကူးမှုဆန့်ကျင်ရေး အစီအစဉ်မှူး Awn Nang က ဆိုပါတယ်။

ဘောက်ဒင်နဲ့ အခြား အမျိုးသမီးငါးဦးဟာ ဒီကြမ္မာဆိုးထဲ ကျရောက်ခဲ့ကြတယ်။ ဘေကျင်း(ပီကင်း)ကို သုံးရက်ကြာမှာ ရထားခရီးစဉ်နဲ့ ရောက် သွားတယ်။ ရောက်ရောက်ချင်းပဲ သူတို့ကို လူချင်း ခွဲလိုက်ကြတယ်။ သူတို့ အချင်းချင်း ဘယ်တော့မှ ထပ် မဆုံတွေ့ကြတော့ဘူး။ သူမရဲ့အဖော်က သူ့ကို မိသားစု တစ်စုဆီ ခေါ်ဆောင်သွားတယ်။ အဲ့ဒီကိုရောက်မှ ဘောက်ဒင်ဟာ ခေါ်ဆောင်လာသူရဲ့ ညီငယ်ဖြစ်သူနဲ့ လက်ထပ်ရမယ်ဆိုတာ သိခဲ့ရတယ်။

“ကျွန်မ အိမ်ပြန်လိုကြောင်း အဲ့ဒီမိသားစုကို ပြောပါတယ်။ ဒါပေမယ့် – ပြန်လို့မရဘူး။ ငါတို့က မင်းကို ငွေပေးဝယ်ထားလိုက်ပြီးပြီလို့ သူတို့က ပြောကြတယ်” ဆိုပြီး ဘောက်ဒင်က အလ်ဂျဇီးရားသတင်းဌာနကို ပြောပြတယ်။ အဲ့ဒီမိသားစုဟာ ကျင်းဟုံမြို့က လူကုန်ကူးပွဲစားကို ဒေါ်လာ (၆၅၀၀)၀န်းကျင် ပေးချေခဲ့ပြီးဖြစ်သလို သူတို့ရဲ့အစီအမံထဲ သူမအနေနဲ့ ကလေးတွေ မွေးဖွားပေးရမယ်ဆိုတာလည်း ပါဝင်နေပါတယ်။

၂၀၀၈ ခုနှစ်က Forbidden City ရှေ့တွင် မိသားစု၊ ခင်ပွန်း(၀ဲအစွန်)တို့နှင့်အတူ အမှတ်တရဓာတ်ပုံ ရိုက်ခဲ့သည့် လမွန်ဘောက်ဒင်(၀ဲဖက်မှ ဒုတိယ) (ဓာတ်ပုံ – Taylor Weidman)

တရုတ်ပြည်က ကျားမဦးရေ မမျှတမှုပြဿနာ
———————————————–
ကလေးတစ်ဦးသာယူရေး မူဝါဒနဲ့ ယောက်ျားလေး ဦးစားပေးယဉ်ကျေးမှုကြောင့် ကျားမဦးရေ မမျှတမှုဖြစ်ပေါ်ရတဲ့ တရုတ်နိုင်ငံမှာ အလားတူ အဓမ္မ ထိမ်းမြားလိုမှု ဈေးကွက်ကြီးထွား လာနေတယ်။ ကျားမမွေးဖွားနှုန်း အချိုးက (၁၁၈း၁၀၀) ဖြစ်နေပါတယ်လို့ အမေရိကန်လူကုန်ကူးမှု ဆိုင်ရာ အစီရင်ခံစာ(၂၀၁၃)မှာ ဖော်ပြထား ပါတယ်။ (၂၀၂၀)ခုနှစ်ရောက်ရင် ထိမ်းမြားနိုင်တဲ့ အရွယ်ရောက် အမျိုးသားဦးရေဟာ အမျိုးသမီး ဦးရေထက် သာလွန်များပြားပြီး (၂၄)သန်းထိ ရှိလိမ့်မယ်လို့ တရုတ် လူမှုသိပ္ပံ အကယ်ဒမီက ခန့်မှန်းဖော်ပြထားပါတယ်။

ဒါကြောင့် တရုတ်ပြည်တွင်းမှာ အထိမ်းမြားခံ အမျိုးသမီးလိုအပ်ချက်က အရှိန်အဟုန်နဲ့ ပေါက်ကွဲလာခြင်းဖြစ်တယ်လို့ ကုလသမဂ္ဂ၊ လူကုန်ကူးမှုဆန့်ကျင်ရေး ပူးပေါင်းဆောင်ရွက်မှု အဖွဲ့မှ ပေါလ် ဘာကလေ Paul Buckley က ဆိုပါတယ်။

ဘာကလေက “လိင်ကွဲဦးရေ အချုိုးအစား မညီမျှချက် တစ်ခုတည်းကြောင့် မဟုတ်ဘူး၊ တရုတ်ပြည်ထဲရွှေ့ပြောင်း ၀င်ရောက်လာနှုန်း မြင့်မားလာတာနဲ့လည်း ဆက်နွှယ်နေပါတယ်။ မြောက် များစွာသော အမျိုးသမီးတို့ဟာ ကျေးရွာတွေကို စွန့်ခွာပြီး စက်မှု ထွန်းကားရာဒေသတွေဆီ သွားရောက် လုပ်ကိုင်နေကြတယ်လေ” ဆိုပြီး အလ်ဂျဇီးရားကို ပြောပြတယ်။ ကလေးရယူမှုဆိုင်ရာ ရိုးရာ အစွဲအလန်းကြီးမားလွန်းတဲ့ တိုင်းပြည်တစ်ခုက မဖွံ့ဖြိုးတဲ့ဒေသထဲ ကျန်ရစ်တဲ့ အမျိုးသားတွေအဖို့ မိမိတို့နဲ့ လိုက်ဖက်တဲ့ကြင်ဖက်တွေ နည်းပါးသထက် နည်းပါးလာတာကို ကြုံနေရတယ်။ ဒီအခါမှာ သက်ဆိုင်ရာမိသားစုတွေက ထိမ်းမြားရေးအတွက် နောက်ထပ် နည်းလမ်းသစ်တွေ ရှာဖွေကြတော့တာပါပဲ။

KWAT ရဲ့ (၂၀၀၈)ခုနှစ်အစီရင်စာမှာ လူကုန်ကူးမှုပေါင်း (၁၆၃)မှုကို မှတ်တမ်းပြုဖော်ပြခဲ့တယ်။ အများစုက လယ်သမားတွေရဲ့ဇနီးမယားလုပ်ဖို့ အဓမ္မ တွန်းပို့ခံရကြောင်း တွေ့ရပါတယ်။ အချို့အမျိုးသမီးများကို ယောက်ျားအများအပြားထံမှာ ပြောင်ပြောင်တင်းတင်း ခေါ်ဆောင်ပြသခြင်းခံရတယ်။ ကြိုက်ရင် ရွေးချယ်ခေါ်ယူသွားကြတယ်။ တစ်ခါတစ်လေ ဈေးတွေထဲမှာတောင် ပြုလုပ်ကြတယ်။ ဒါပေမယ့် မဖွံ့ဖြိုးတဲ့နေရာဒေသကွက်ကွက်လောက်သာ ဒီလိုဖြစ်တယ်လို့ မထင်ပါနဲ့။ ဘောက်ဒင်လို အမျိုးသမီး အချို့ကတော့ ပေကျင်းလို မြို့ကြီးပြကြီးတွေအထိ ခေါ်ဆောင်သွားခံရပါတယ်။

ပေကျင်းကအိမ်ကို ရောက်ပြီး ငါးရက်အကြာမှာ ဘောက်ဒင်ကို ထိမ်းမြားလက်ထပ်ပွဲတစ်ခုနဲ့ အဓမ္မ သတို့သမီး ဖြစ်စေခဲ့တယ်။ အဲ့ဒီအချိန်ကစပြီး သူမဟာ နေအိမ် အကျယ်ချုပ် အကျဉ်းစံဘ၀ ရောက်သွားပါတော့တယ်။

“သူတို့က ကျွန်မကို ခြံဝင်းထဲ ပိတ်လှောင်ထားခဲ့တယ်။ ကျွန်မက မြန်မာနိုင်ငံကဆိုတာ သူတို့သိတယ်လေ။ ကျွန်မထွက်ပြေးမှာကို သူတို့ စိုးရိမ်ကြတယ်။ ပြင်ပ ထွက်ဖုိ့ တစ်ကြိမ် တစ်ခါမှ အခွင့်အရေး မရခဲ့ပါဘူး။ သူတို့ကျွေးတာကိုပဲ စားသောက်နေခဲ့ရတယ်” လို့ သူမက ပြောပြပါတယ်။

ဒီလိုနဲ့ နောက်ဆုံးမှာတော့ သူမရဲ့မိခင်ကို ဖုန်းဆက် စကားပြောဆိုဖို့ ခွင့်ပြုလိုက်ကြတယ်။ တရုတ်ပြည်ထဲမှာ အကြပ်ကိုင်ခံရပြီး အမျိုးသားတစ်ဦးနဲ့ လက်ထပ် ထားတာကို သိရှိလိုက်ရတဲ့ သူမ မိခင်ဟာ တုန်လှုပ်သွားရှာပါတယ်။

“ကျွန်မမေမေဟာ ကျွန်မကို ရှာဖွေတော့တာပါပဲ။ ဒါပေမယ့် တရုတ်ပြည်က ကြီးမားကျယ်ပြန့်လွန်းတယ်လေ။ ကျွန်မကို ရှာဖွေဖို့ သွားလာစားရိတ်ကို အမေ မတတ်စွမ်းနိုင်ခဲ့ပါဘူး”။

နိုင့်ထက်စီးနင်းယဉ်ကျေးမှု
—————————
ပဋိပက္ခများအတွင်း အိုးအိမ်၊ စည်းစိမ်၊ မြေယာ၊ သက်မွေးလုပ်ငန်းတွေ အဖျက်ဆီးခံရတဲ့ ကချင်နဲ့ ရှမ်းလူမျိုးမိသားစုများ မဆိုစလောက်မျှသာ မိမိတို့ရဲ့ ပျောက်ဆုံး ကွဲကွာ မိသားစုဝင်တွေကို ပြန်လည် စုစည်းနိုင်ကြပါတယ်။ လူကုန်ကူးခံတွေဟာ အိမ်ကို အရောက်ပြန်နိုင်ခဲ့သည့်တိုင် နိုင့်ထက် စီးနင်းယဉ်ကျေးမှုရဲ့ သားကောင်ဘ၀ ရောက်ရတော့တာပါပဲ။ ဒါကို ဆန့်ကျင်ကယ်ဆယ်နိုင်တဲ့ လမ်းကြောင်းတွေကလည်း အလွန်နည်းပါးနေပါတယ်။

“ပြန်လည်လွတ်မြောက်လာသူများဟာ သူတို့ အသိုင်းအ၀ိုင်းဆီ ပြန်ရောက်ပြီးနောက် မကြာခဏဆိုသလို ခွဲခြားချိုးနှိမ်ဆက်ဆံမှုကို ကြုံတွေ့ရင်ဆိုင်ကြရတယ်။ လူကုန်ကူးခံရသူများကို လက်ထပ် ထိမ်းမြားဖို့ အချို့မိဘတွေက ခွင့်မပြုတတ်ကြဘူး။ လွတ်မြောက်လာသူအများစုအနေနဲ့ သက်မွေးမှုဆိုင်ရာ တန်းတူ အခွင့်အလမ်းတွေ မရကြပါဘူး” လို့ Awn Nang က ဆိုပါတယ်။

သုံ့ပန်းဘ၀မှာ တစ်နှစ် နီးပါးနေထိုင်ခဲ့ရပြီးတဲ့နောက် ဘောက်ဒင်ဟာ (၁၆၂)ဒေါ်လာကို လျှို့လျှို့ဝှက်ဝှက် စုဆောင်းနိုင်ခဲ့တယ်။ မြန်မာပြည်ကို အရောက်ပြန်ဖို့ လုံလောက်တဲ့ ပမာဏပါပဲ။ တစ်နေ့နံနက်မှာ သူမရဲ့ဒုတိယထပ်ပြူတင်းအကာတွေကို ဖယ်ရှားပြီး ခြံစည်းရိုးကို ခုန်ကျော်ထွက်ခဲ့တယ်။ ဘူတာရုံဆီ ထွက်ပြေးခဲ့တယ်။ ဒါပေမယ့် ဘာအထောက်အထားမှ မရှိတဲ့အတွက် ရဲဌာနက သူမကို ထိန်းသိမ်းလိုက်တယ်။ တကယ်လို့ သူမဟာ အိမ်ထောင်ရှိသူပါလို့ ပြောမိရင် သူမကို အဲ့ဒီ Chang Saan ဆီ ပြန်ပို့မှာကြောက်တဲ့အတွက် တရုတ်ပြည်ထဲ အလုပ်လုပ်ဖို့ ရောက်လာခဲ့တာပါဆိုပြီး ပြောဆိုခဲ့တယ်။ ရဲဝန်ထမ်းများက သူမ မြန်မာနိုင်ငံကို ပြန်ဖို့အတွက် ထောက်ခံစာတစ်စောင် ရေးပေးခဲ့တယ်။

ကချင်တွေ အလေးထားကြတဲ့ ခရစ္စမတ်နေ့အလွန် နောက်တစ်ရက်မှာ ဘောက်ဒင် အိမ်ပြန်ရောက်ခဲ့ပါတယ်။ ကချင်လူမျိုးအများစုက ခရစ်ယာန်ဘာသာဝင်တွေပါ။ အိမ်နီးချင်းတွေ၊ မိတ်ဆွေသူငယ်ချင်းတွေကတော့ အားလပ်ရက်ပြန်လာလည်ခြင်းလို့ ထင်မှတ်နေကြတယ်။ အဓမ္မထိမ်းမြားခံရမှုကနေ အလွတ်ရုန်းထွက်လာသူမှန်း မသိကြဘူး။ ချိုးနှိမ်ဖယ်ကြဉ်တာ ခံရမှာစိုးတဲ့အတွက် သူမကလည်း သူတို့ကို အမှန်အတိုင်း မပြောခဲ့ပါဘူး။

တဖြည်းဖြည်းနဲ့ ဘောက်ဒင်ဟာ လူကုန်ကူးခံရတယ်ဆိုတဲ့ စကားသံတွေ ပျံ့နှံ့ကုန်တယ်။ ဒီအခါ ဘောက်ဒင်က သူမရဲ့အဖြစ်သနစ်ကို ဖွင့်ချဖို့ ဆုံးဖြတ်လိုက်ပါတယ်။ သူမ ကံကောင်းခဲ့ပါတယ်။ သူမရဲ့ အတိတ်ဒဏ်ရာကို ဗွေမယူဘဲ မေတ္တာသက်ဝင်ကြည်ဖြူတဲ့ ကချင်အမျိုးသားတစ်ဦးကို လက်ဆက်နိုင်ခဲ့တယ်။ ဒါပေမယ့် ယောက္ခမကတော့ သူမရဲ့အတိတ်ကို ပြည်ဖုံးကား မချနိုင်ခဲ့ပါဘူး။

“ ကျွန်မတို့နှစ်ဦး ယောက္ခမဆီ သွားလည်တိုင်း သူမက ကျွန်မကို စကားမပြောဘူး။ ကျွန်မတို့ နှစ်ယောက် ဘယ်လို ကွာရှင်းလမ်းခွဲကြမလဲ ဆိုတဲ့စကားကိုသာ သူမက ပြောဆိုနေလေ့ရှိပါတယ် ” လို့ ဘောက်ဒင်က ပြောပြပါတယ်။

ချိုးနှိမ်ဖယ်ကြဉ်မှုကို ကာကွယ်နိုင်ဖို့ မြောက်များစွာသော လူကုန်ကူးခံရသူများအတွက် တစ်ခုတည်းသောနည်းလမ်းဟာ အတိတ်ကို ဖုံးကွယ်ထားခြင်း ဖြစ်နေပါတယ်။ နောက်ဆုံးမှာတော့ လူကုန်ကူးခံရမှုအနည်းအကျဉ်းမျှသာ လူသိရှင်ကြားဖြစ်သွားရပါတယ်။

ကချင်ပြည်နယ်ရဲ့အစိုးရ အဖြစ် ကြွေးကြော်ထားတဲ့ ကချင်လွတ်မြောက်ရေးအဖွဲ့ Kachin Independence Organisation (KIO) က လူကုန်ကူးမှုဆန့်ကျင်ရေး မူဝါဒကို အကောင်အထည်ဖော်နိုင်အောင် ရုန်းကန်အားထုတ်လျက်ရှိပါတယ်။

“လူကုန်ကူးခံရသူတိုင်းကို သိနိုင်ရေး အတွက် ကျွန်တော်တို့ လက်လှမ်းမမီပါဘူး။ သူတို့ဖက်က အကူအညီပေး အဖွဲ့အစည်းတွေကို ဆက်သွယ်မှ ကျွန်တော်တို့ ဒီကိစ္စတွေကို သိရှိရတာပါ” လို့ ကေအိုင်အို၊ ဒုက္ခသည်များ ကူညီကယ်ဆယ်ရေးအဖွဲ့ဥက္ကဌ Labang Doi Pisa က ပြောကြားပါတယ်။

ပြန်လည်ဖွင့်လှစ်နေသော ပဋိပက္ခဓာတ်ပြားဟောင်း
——————————————————-
လတ်တလော ဖြစ်စဉ်တချို့ကလည်း အခြေအနေကို ပိုဆိုးသွားအောင် လှုပ်ရမ်းနေပါတယ်။ (၂၀၁၁)ခုနှစ်ကစလို့ မြန်မာစစ်တပ်နဲ့ ကချင်လွတ်မြောက်ရေး တပ်မတော်တို့အကြား ပြန်လည် ဖွင့်လှစ်လိုက်တဲ့ ပဋိပက္ခ ဓာတ်ပြားဟောင်းကြီးဟာ ကချင်ပြည်နယ်က ဒေသခံလူပေါင်း တစ်သိန်းကျော်ကို အိုးရွှေ့အိမ်ရွှေ့အိုးအိမ်မဲ့ ဒုက္ခသည်များ ဖြစ်သွားစေပါတယ်။ အိုးအိမ်နဲ့ လုပ်ငန်းတွေ ဖျက်ဆီးခံရလို့ လူအမြောက်အများက အလုပ်အကိုင်အတွက်၊ ဒုက္ခသည်အဖြစ်ခိုလှုံရေး အတွက် တရုတ်ပြည်ထဲ ဖြတ်ကျော် ၀င်ရောက်ဝင်ရောက်ကြပြီး အချို့ကျတော့ လုံးဝပြန်မလာကြတော့ဘူးလို့ Labang က ဆိုပါတယ်။

ဘောက်ဒင်ရဲ့ဘ၀ကတော့ စိန်ခေါ်မှုတွေ အပြည့်ဖုံးလွှမ်းနေဆဲပါ။ တစ်ကျော့ပြန်ပဋိပက္ခရဲ့ မြေစာပင်တွေထဲ သူမလည်း ပါဝင်ခဲ့ပြန်ပါတယ်။ ယခုအခါ ရှမ်းပြည်နယ်ထဲက ဒုက္ခသည်စခန်းတစ်ခုမှာ နေထိုင်နေပါတယ်။ အတတ်ပညာနဲ့အရင်းအနှီး မရှိတာကြောင့် တောထွက်သီးနှံဟင်းရွက်တွေကို ခူးဆွတ်ပြီး ဈေးထဲမှာ ရောင်းချ စားသောက်နေရတယ်။ သို့ပေမယ့်လည်း သူမဟာ မိမိနှစ်သက်တဲ့ ခင်ပွန်းသည်နဲ့အတူ ပျော်ရွှင်ချမ်းမြေ့နေပါပြီ။

“ကျွန်မတို့ မေတ္တာမျှခဲ့ကြတယ်။ ဒီကနေ့ ကျွန်မတို့ အဆင်ပြေနေပါပြီ။ ကျွန်မတို့ဟာ ဆင်းရဲနွမ်းပါးပေမယ့် ကျွန်မတို့ တစ်နေ့ချင်းတစ်ရက်ချင်းအတွက် ရှင်သန်သွားပါမယ်။ နေ့ရက်တိုင်း အတွက်ပါ၊ နေ့ရက်တိုင်း အတွက်ပါ …………..”။

xxxxxxxxxxxxxxxxxxx

Nina Wegner ရေးသားသော A forced bride: ‘We survive for each day’ ကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။

Source: Al Jazeera

August 12, 2014
ISIS အဖွဲ့မှာ ဆီးရီးယား ပြည်တွင်းစစ်အတွက် အမေရိကန်က လေ့ကျင်ပေးထားသော သူပုန် တပ်များဖြစ်

သြဂုတ် ၁၁ ၊ ၂၀၁၄
M-Media
လေးမောင် ဘာသာပြန်သည်။

ISIS အဖွဲ့မှာ ဆီးရီးယား ပြည်တွင်းစစ်အတွက် အမေရိကန်က လေ့ကျင်ပေးထားသော သူပုန် တပ်များဖြစ်

– အီရတ်နိုင်ငံ မြောက်ပိုင်းရှိ သေအချို့ကို သိမ်းပိုက်ထားသည့် ISIS အဖွဲ့ကို လေကြောင်းမှ တိုက်ခိုက်မှုများ ပြုလုပ်ရမည်လားဆိုသည်ကို အမေရိကန် အစိုးရအနေဖြင့် ချိန်ဆနေစဉ် ထိုအဖွဲ့ဝင်များအား ၂၀၁၂ ခုနှစ်က ဂျော်ဒန်တွင် အမေရိကန် စစ်တပ်ကပ် လေ့ကျင့်ပေးခဲ့သည်ဟူသော သတင်းများ ထွက်ပေါ်လာလေ၏။

ဆီးရီးယားသမ္မတ ဘာရှာအလ်အာဆဒ်၏ တပ်များကို အင်အားချိနဲ့သွားစေရေးအတွက် စစ်ဆင်ရေးများ ဆောင်ရွက်ရန်အတွက် ISIS ပြည်သူ့စစ် ရာပေါင်းများစွာအား အမေရိကန်စစ်တပ်မှ သင်တန်းဆရာများက အမှန်တကယ်ပင် လေ့ကျင့်ပေးခဲ့ခြင်းဖြစ်သည်ဟု သတင်းဖော်ပြချက်များက ထောက်ခံနေပေသည်။

ပြီးခဲ့သည့် သီတင်ပတ်များမှစတင်ကာ ISIS မှာ အီရတ်နိုင်ငံသို့ ၀င်ရောက်ခဲ့ပြီး သိမ်းပိုက်မှုများကို မြန်မြန်ဆန်ဆန်ပင် ပြုလုပ်သည်။ မူဆိုးလ်နှင့် ဘာကူဘာတို့ကဲ့သို့ အဓိကမြို့ကြီးများတွင် ဖြစ်ပွားသည့် တိုက်ခိုက်မှုများတွင် ပြည်သူများ၊ ရဲတပ်ဖွဲ့ဝင်များနှင့် စစ်သား ထောင်းပေါင်းများစွာတို့မှာ ထွက်ပြေးကြရသည်။

ISIS အကြမ်းဖက်သမားများက စစ်သားများအား ခေါင်းဖြတ်သတ်ကြသည်ဟု သတင်းများ ထွက်ပေါ်လာသည်။ မကြာမီပင် အီရတ်အစိုးရ စစ်သားများကို ISIS က အစုလိုက် အပြုံလိုက် သတ်ဖြတ်မှုများမှာ အွန်လိုင်းစာမျက်နှာထက်သို့ ရောက်ရှိလာတော့သည်။

အလ်ကိုင်းဒါးကို အားကျသည့် အဆိုပါအဖွဲ့မှာ မကြာသေးမီကပင် ဘဂ္ဂဒတ်မြို့ မြောက်ဘက် ကီလိုမီတာ ၂၅၀ သာဝေးသောနေရာရှိ အကြီးဆုံး ရေနံသန့်စင်စက်ရုံကို သိမ်းပိုက်နိုင့်သည်အထိ တိုးတက်မှုများ ရရှိနေလေ၏။

၂၀၁၂ ခုနှစ် ဖော်ဖော်ဝါရီလကို ပြန်ကြည့်လျှင် အမေရိကန်အနေဖြင့် တူရကီ၊ ဂျော်ဒန်တို့၏ အကူအညီဖြင့် ဆီးရီးယား သူပုန်များအတွက် ဂျော်ဒန်တွင် လေ့ကျင့်ရေးစခန်းတစ်ခုကို တာဝန်ယူထားသည်ဟု WND သတင်းစာကက ဖော်ပြခဲ့သည်။ ဂျာမန်အပတ်စဉ် မဂ္ဂဇင်း Der Spiegel ကလည်း အမေရိကန်မှာ ဂျော်ဒန်တွင် ဆီးရီးယား သူပုန်များအား လေ့ကျင့်ပေးနေသည်ဟု ၂၀၁၃ နှစ်ဆန်းတွင် အတည်ပြု ရေးသားထားပြန်သည်။

အဆိုပါ သတင်းတွင် လေ့ကျင်သင်ကြားပေးသူများမှာ အမေရိကန် မရိန်းတပ်သားများ၏ ယူနီဖောင်းများဝတ်ဆင်ထားပြီး တင့်ကားဖျက် လက်နက်များအသုံးပြုရေးကို ဦးစားပေး သင်ကြားသည်ဟု ဖော်ပြထားသည်။ အီရတ်မြောက်ပိုင်းတစ်ခုလုံးကို ချုပ်ကိုင်ထားသည့် ISIS အကြမ်းဖက်သမားများမှာ ၎င်းတို့တပ်များအား တိုက်ခိုက်နေကြသည့် တင့်ကား တိုက်ပွဲအများစုကို ထိထိရောက်ရောက်ချေမှုန်းနိုင်ခဲ့သည်ကို တွေ့ရပေမည်။

အမေရိကန်မှာ ဂျော်ဒန်အရှေ့ပိုင်းနှင့် တောင်ပိုင်းရှိ စခန်းများတွင် ဆီးရီးယားလွတ်မြောက်ရေးတပ် Free Syrian Army မှ အဖွဲ့ဝင် ၁၂၀၀ ကျော်ကို လေ့ကျင့်ပေးခဲ့သည့် The German မဂ္ဂဇင်းက ထပ်မံဖော်ပြထားသည်။

The Guardian သတင်းစာကလည်း အမေရိကန် စစ်တပ်၊ ဗြိတိန်နှင့် ပြင်သစ် တို့မှ လေ့ကျင့်ရေးမှူးများမှာ ဂျော်ဒန်နိုင်ငံတွင် ဆီးရီးယား သူပုန်များအား အကူအညီပေးနေသည်ဟု ၂၀၁၃ ခုနှစ် မတ်လတွင် ဖော်ပြခဲ့၏။

ISIL ဟုခေါ်သည့် ISIS အဖွဲ့၏ ရက်စက်ကြမ်းကြုတ်မှုများနှင့် အကြမ်းဖက်မှုများကို အလ်-ကိုင်းဒါးလို အဖွဲ့မျိုးကပင် ရှုတ်ချထားသည်။

အလ်ကိုင်းဒါးတို့အား အဖဂန်နစ္စတန်တွင် အင်အားတောင့်တင်းအောင် CIA က လုပ်ဆောင်ပေးမှုနှင့် စဉ်းစားသုံးသပ်လျှင် အမေရိကန်နှင့် ISIS တို့ အဆက်အသွယ်ရှိသည်ဟု ဖော်ပြမှုမှာ ယုတ္တိတန်သည်ဟု ဆိုရမည်။

ဆိုဗီယက်ဆန့်ကျင်ရေး စစ်ပွဲတွင် အိုစမာဘင်လာဒင်နှင့် ၎င်း၏ တပ်သားများမှာ အမေရိကန်နှင့် ဆော်ဒီတို့မှ ထောက်ပံ့ငွေများကို ရရှိခဲ့ကြသည်။ ဘင်လာဒင် ကိုယ်တိုင်ပင် CIA မှ လုံခြုံရေးဆိုင်ရာ လေ့ကျင့် သင်ကြားပေးမှုကို ရရှိခဲ့သည်ဟု ကာကွယ်ရေးဆိုင်ရာ လေ့လာသုံးသပ်သူများက ခိုင်ခိုင်မာမာ ယုံကြည်ထားကြလေ၏။

ပါရှန်းပင်လယ်ကွေ့တွင်ရှိနေသည့် အမေရိကန်လေယာဉ်တင်သင်္ဘောမှ F-18 စောင့်ကြည့်ရေးလေယာဉ်ဖြင့် အီရတ်ရှိ အခြေအနေများကို အမေရိကန်က အနီးကပ်စောင့်ကြည့်နေသည့် တာဝန်ရှိသူများက Fox News သို့ အတည်ပြု ပြောကြားခဲ့သည်။

USS George HW Bush လေယာဉ်တင် သင်္ဘောပေါ်မှဖြစ်လေသည်။ သတင်းအချက်အလက်များ စုဆောင်းရန်အတွက် လူလိုက်ပါနိုင်သော၊ လူမလိုက်ပါနိုင်သော လေယာဉ်များကို အသုံးပြုရန် အမေရိကန် အစိုးရက ခွင့်ပြုထား၏။ သို့သော် လေကြောင်းတိုက်ခိုက်မှု ပြုလုပ်ရန်ကိုမူ အိုဘားမားက မဆုံးဖြတ်ရသေးပေ။

(ဤဆောင်းပါးရေးသားချိန်တွင် လေကြောင်းမှ တိုက်ခိုက်ရန် မဆုံးဖြတ်ရသေးသော်လည်း သြဂုတ်လ ပထမသီတင်းပတ်နှောင်းပိုင်းတွင် ISIS အဖွဲ့များအား လေကြောင်းမှ တိုက်ခိုက်ရန် အိုဘားမားက ခွင့်ပြုခဲ့သည်။)

International Business Times တွင် ဖော်ပြခဲ့သည့် Johnlee Varghese ၏ ISIS Terrorists were Trained by US in 2012 for Syria Conflict ဆောင်းပါး ကို လေးမောင် ဆီလျော်အောင် ဘာသာပြန်သည်။

August 11, 2014
ဂျာနယ်များက ညွှန်ပြသော ပြည်သူတို့၏ တရားခံများ

သြဂုတ် ၉ ၊ ၂၀၁၄
M-Media
.ရေးသူ – မောင်ဒဲ့ဒိုး

Credit- သရုပ်ဖော်ကာတွန်း အောင်မော်

၂၀၁၄ ဂျူလိုင်လဆန်:တွင် ဗုဒ္ဓဘာသာအမည်ခံသူတစ်စုမှ ဘာသာရေးဘန်းပြကာ ဆူပူအကြမ်းဖက်ရန်အတွက် ရွှေမန္တလာတွင်ကြိုးပမ်းခဲ့ခြင်းမှာ စစ်မှန်သော ဗုဒ္ဓ၀ါဒီများ၏ ယဉ်ကျေးမှုနှင့် အမြော်အမြင်ကြီးမားစွာ ကာကွယ်တားဆီးမှုများကြောင့် မသမာသူတို့ အောင်မြင်မှုမရခဲ့ကြပါ။

အဓမ္မ၀ါဒီများသည် ဗုဒ္ဓဘာသာအမည်ခံကာ တိုင်းပြည်အနှံ့အပြားတွင် အကြမ်းဖက်ဆူပူမှုများပြုလုပ်၍ ပြည်သူများဆင်းရဲတွင်းနက်ကာ လူတစ်စုကောင်းစားရေးကို အဆက်မပြတ်ဆောင်ရွှက်လာကြသည်ဖြစ်သောကြောင့် ယခုတစ်ကြိမ်မှစတင်ကာ ပြည်တွင်းဂျာနယ်မီဒီယာများမှ မကျေမနပ်ဖြစ်၍ စာပေသစ္စာခံယူကာ စတုတ္တမဏ္ဏိုင်၏ တိုင်းချစ်ပြည်ချစ်စိတ်ဓါတ်အရင်းအမြစ်ဖြင့် တရားခံအစစ်ကို အောက်ပါအတိုင်း အိတ်သွန်ဖာမှောက် ထွင်းဖောက်မြင်သာအောင် ဖော်ထုတ် လိုက်ကြသည်ကို လယ်ပြင်မှာ ဆင်တစ်အုပ်သွားလိုက်သည့်အလား အောက်ပါအတိုင်း မြင်တွေ့ကြရမည်ဖြစ်ပါသည်။

ဆူပူအကြမ်းဖက်မှုကို တပြည်လုံးပျံ့နှံ့စေရန် လှုံ့ဆော်သူနှင့်ပတ်သက်ပြီး ၂၆-ရ-၂၀၁၄ထုတ်messengerဂျာနယ်နှင့် ၂၈-၇-၂၀၁၄ နေ့ထုတ် Weekly Eleven ဂျာနယ်များ၏ဖေါ်ပြချက်များတွင်—-

၂၀၁၁ခုနှစ် ဇွန်လ ၅ရက်နေ့ထုတ်နိင်ငံပိုင် သတင်းစာများတွင် သတင်းဖော်ပြမှုနင့်ပတ်သက်၍ တောင်ကုတ်တွင်မွတ်စလင်မ်ခရီးသည်(၁၀)ဦး အကြမ်းဖက်သတ်ဖြတ်ခံရမှုသတင်းအား ဖေါ်ပြခဲ့ခြင်းမှာ ပြန်ကြားရေးဝန်ကြီးဋ္ဌာနမှ ပထမဆုံးစာနယ်ဇင်းဥပဒေကို ချိုးဖောက်၍ပြသာနာကြီးထွားရန် ဖန်တီးသည့်အသွင်ဖေါ်ပြခဲ့ပြီး၊weekly eleven ဂျာနယ်မှလည်း ၂၈-ရ-၂၀၁၄နေ့တွင် မျက်နှာဖုံးသတင်းအဖြစ်(လွဲတော့လွဲနေပြီ) ဟူသာဆောင်းပါးဖြင့် ဖော်ပြချက်များကို သုံးသပ်ပါက ပြန်ကြားရေးဝန်ကြီးဋ္ဌာနသည် ပြသာနာစတင်ဖော်ဆောင်သူများအဖြစ် ပေါ်လွင်လျှက်ရှိပါတယ်။

တဖန်မန္တလေးဖြစ်စဉ်သည် အဓိကရုဏ်းကို အရှိန်မြှင့်လုပ်ဆောင်ခြင်းဖြစ်ကြောင်း၊ရန်ကုန်နှင့် တပြိုင်တည်းဆူပူမှုဖြစ်စေရန် သန္တိသုခ ကျောင်းတိုက်အား စွမ်းအားရှင် ဘုန်းကြီးအပါး(၃၀၀)ကျော်နှင့် အဓမ္မ ၀င်ရောက်စီးနင်းကာ ကျောင်းတိုက်ကိုချိတ်ပိတ်၊ သံဃာတွေကိုဖမ်းဆီး လူဝတ်လဲထောင်ချခြင်းများ ပြုလုပ်ခဲ့ကြောင်း၊ ဦးသိန်းစိန်အစိုးရသည် ၂၀၁၅ ရွေးကောက်ပွဲအတွက် အကြပ်အတည်းဇြစ်ပေါ်နေတာကြောင့် အခုလိုဘာသာရေး အဓိကရုဏ်းတွေနဲ့ ထွက်ပေါက်ရှာတာဖြစ်နိုင်သည်ဟု ၂၉-ရ-၂၀၁၄နေ့ထုတ်(news waych) ဂျာနယ်ဖော်ပြချက် အရ သိရှိရပါတယ်။

ထိုဂျာနယ်မှပင် ဆက်လက်ရေးသားဖော်ပြသည်မှာ ဦးသိန်းစိန်သည် လွန်ခဲ့သော တစ်နှစ်ခန့်ကပင် အမုန်းတရား ဖြန့်ဖြူးသူတွေကို အရေးယူမယ်လို့ပြောပြီး အခုတစ်နှစ်ခန့် အကြာမှာမန္တလေး အကြမ်းဖက်မှု ပေါ်ပေါက်လာခြင်းဖြစ်ကြောင်း၊ ထို့ကြောင့် ယခုဖြစ်ခဲ့သော မန္တလေးပြသာနာသည် သမ္မတဦးသိန်းစိန်တွင် တာဝန်မကင်းသလို- မန္တလေးတိုင်းဝန်ကြီးချုပ်(သို့မဟုတ်)ပြည်ထဲရေးဝန်ကြီးကို အရေးယူခြင်းပြုရမှာဖြစ်တယ်လို့ ပြတ်ပြတ်သားသား ရေးသားဖော်ပြ ထားတာ တွေရမှာဖြစ်ပါတယ်။

၁၃-ရ-၂၀၁၄ထုတ်-(The Irrawaddy)ဂျာနယ် -၁၆-ရ-၂၀၁၄ထုတ်(The Myanmar Post) ဂျာနယ်-၁၂-ရ-၂၀၁၄ထုတ်မြန်မာ သံတော်ဆင့်ဂျာနယ်နှင့် ၂၈-ရ-၂၀၁၄ထုတ်(weekly Eleven)ဂျာနယ်တွေကတော့ ဒီအကြမ်းဖက်ဖြစ်စဉ်တွေနဲ့ ပါဝင်ပတ်သက်နေတဲ့ တရားခံတွေကို ကွက်ကွက်ကွင်းကွင်း မီးမောင်း ထိုးပြထားတာကို ဒီလိုမြင်တွေ့ရပါတယ်။

ကုလသမဂ္ဂ၏ မြန်မာနိင်ငံလူ့အခွင့်အရေး ကိုယ်စားလှယ်ဟောင်း သောမတ်အိုဟေး ကင်တားနား က မွတ်စလင်မ်များကို တိုက်ခိုက်ရာတွင် အစိုးရ ပါဝင်ပတ်သက်မှု ရှိသည်ဟု တိုင်စာများ ရရှိထားကြောင်း အာဏာပိုင်များသည် ဖြစ်စဉ်များကို ရပ်ကြည့်နေကြောင်း စနစ်တကျ စုစည်းထားသည့် အစွန်းရောက် အမျိုးသားရေးဝါဒီများ ပါဝင်ကြောင်း၊ အစ္စလာမ်ဘာသာဝင် အချို့ရဲ့ မုဒိမ်းမှုတွေကို ရွေးချယ် စုံစမ်း ထောက်လှမ်းဖော်ထုတ်ပြီး အစ္စလာမ် ဘာသာဝင် အားလုံးအပေါ် အမုန်းပွားအောင် ၉၆၉ မီဒီယာ ထောင်ပြီး အဖွဲ့လိုက် စနစ်တကျလုပ်နေတဲ့ အရှင်ဝီရသူက အစ္စလာမ်ဘာသာဝင်တွေကို အကြမ်းဖက်တာမှန်တယ်ဆိုပြီး ဖေ့စ်ဘွတ်ခ် လူမှုကွန်ယက် စာမျက်နှာမှ တဆင့်လူတွေကိုအကြမ်းဖက်ဘို့လှုံ့ဆော်နေတဲ့ မတူကွဲပြားခြင်းနဲ့ ငြိမ်းချမ်းရေးပါတီခေါင်းဆောင် ဦးနေမျိုးဝေသည် မဘသ အဖွဲ့ကြီးအတွက် မျိုးစောင့် ဥပဒေပေါ်ပေါက်ရေးကို လိုက်လံဟောပြောရင်း အမုန်းစကားတွင်တွင် ဖြန့်ဖြူးနေတဲ့ ဓမ္မစက္က ဦးမောင်မောင်နဲ့ ရှေနေဦးအေးပိုင် စသဖြင့် ရဟန်းသံဃာအချို့နဲ့ လူပုဂ္ဂိုလ်အချို့ကိုမြင်တွေ့ရကြောင်း၊ အထူးသဖြင့် မန္တလေးဖြစ်စဉ်တွင် အမုန်းတရားဖြန့်ဖြူးသူတွေ အဖြစ် အရှင်ဝီရသူ၊ဦးနေမျိုးဝေ၊ ရှမ်းမြောက်(မဘသ)၊ မန္တလေး(မဘသ) ရန်ကုန် မကွေးကျောင်းတိုက် ဆရာတော်၊ ဓမ္မစက္က ဦးမောင်မောင်၊ ရှေနေဦးအေးပိုင်၊ NDF ဒေါ်ခင်ဝိုင်းကြည်နဲ့ သစ်ထူးလွင်တို့ဖြစ်ကြောင်း ၊ထို့အပြင် ရောင်နီဦး အမည်ခံထားသော Face book Account ပိုင်ရှင် ပို့ဆောင်ရေးဝန်ကြီးဌာနမှ ဒုတိယညွှန်ချုပ် ဗိုလ်ကြီးဟောင်း တစ်ဦးနှင့် မှုးဇော် Account ပိုင်ရှင်နှင့် အတူ ထောင်ချီ ရှိသော Facebook ၀ါဒဖြန့်ချီရေး ယန္တရား တစ်ခုလည်း ပါဝင်ပါကြောင်း ရဲရဲ ရင့်ရင့် ပွင့်ပွင့်လင်းလင်း သစ္စာရှိရှိ ရေးသားဖော် ထုတ်ထားတာကို ဖတ်ရှုသိရှိရ၍ ဖွင့်ထုတ်ရေးသားဖော်ပြလိုက်ရခြင်းဖြစ်ပါတယ်။ ဒီဂျာနယ်များသည် ဂျူလိုင်လထုတ် ဂျာနယ်များဖြစ်၍ မှန်ကန်မှု ရှိမရှိ စစ်ဆေးကာ လေ့လာဖတ်ရှုရန် တိုက်တွန်းအပ်ပါတယ်။

ယခုအခါတွင် ဗုဒ္ဓဘာသာ အမည်ခံ၍ ဘာသာရေး အကြောင်းပြ အကြမ်းဖက် လုပ်ဆောင်နေသူများသည် သံဃာအတုများ ဗုဒ္ဓဘာသာဝင် အတုများဖြစ်ကာ ၄င်းတို့သည် မုဒိန်းမှုနှင့် ဗုဒ္ဓဘာသာကို စော်ကားသည်ဟူသော ဓာတ်ပြားဟောင်းကို အကြိမ်ကြိမ်ဖွင့်ကာ ဇတ်လမ်းဆင်နေသည်ကို ပြည်သူတစ်ရပ်လုံးနှင့် မီဒီယာအုပ်စုများ ထင်ထင်ရှားရှား သိမြင်လာကြပြီဖြစ်၍ ဇာတ်ထုတ်အသစ်ကို ဆက်လက်ဖန်တီးမည်ဟုယုံကြည်ရပါတယ်။

ထိုဗုဒ္ဓဘာသာအတုများသည်(Facebook)တွင် ဗုဒ္ဓဂေါတမကို ၄င်းတို့ ကိုယ်တိုင် ဆဲဆို၍ မွတ်စလင်မ်များက ဆဲသယောင် ဖန်တီးမှုများလည်းပြုလုပ်တတ်သည်ကို ပြည်သူများသိရှိပြီးဖြစ်၍ အထင်အမြင်လွဲမှားမှုများ ထပ်မံဖြစ်ပေါ်ကာ ကြီးမားသော အကြမ်းဖက်မှု ပဋိပက္ခများဖြစ်ပေါ်၍ တိုင်းပြည်ချောက်ထဲကျအံ့ဆဲဆဲ အခြေအနေမျိုး ဖြစ်ပေါ်စေရန် နည်းလမ်းအသစ်များကို ဖန်တီးလုပ်ဆောင်တော့မည်ဟု ယူဆရပါတယ်။

ထိုသို့လုပ်ဆောင်ရန်အတွက် ယခုအခါ ရန်ကုန်မြို့တွင်ဘုရားသားတော် သံဃာတော်အသွင်ဆောင်ထားသူအချို့သည် လူစည်ကားရာလမ်းမများတွင် မွတ်စလင်မ်များအား ထိပ်တိုက်တွေ့ကာ အလှူခံသယောင်နှင့် ပြဿနာ ဖြစ်အောင် ဖန်တီးခြင်း များပြုလုပ်နေသည်ဟုကြားသိရပါတယ်။

၂၀၁၅ နီးလာသည်နှင့်အမျှ ပြသာနာပိုကြီးလာမည်ဟု ယူဆရပါသည်၎င်းတို့သည် မွတ်စလင်မ်နှင့် ရုပ်ဆင်းသဏ္ဍန် ဆင်တူသူများကို သင်တန်းများပေး၍ ဗုဒ္ဓဘာသာ ဘုရားကျောင်းကန်များအား အဖျက် လုပ်ရပ်လုပ်စေခြင်းဖြင့်လည်းကောင်း၊ စစ်မှန်သောဆရာတော်သံဃာတော်များကို ကိုယ်ထိ လက်ရောက်စော်ကားခြင်းဖြင့် လည်းကောင်း၊ ၊ ဗုဒ္ဓဘာသာဝင်များ အထင်အမြင်လွဲမှားအောင်ဖန်းတီးကာ နိုင်ငံတော်ကြီးချောက်ကမ်းပါးထဲကျအံ့ဆဲဆဲကို စနစ်တကျ လုပ်ဆောင်ကြမည်ဟု ယုံကြည်ရပါသည်။သို့ဖြစ်၍ ဒီမိုကရက်တစ်များ၊ ရွှေဝါရောင် သံဃာတော်များ၊ ကျောင်းသား သမဂ္ဂများ၊လူမှု့ကွန်ယက်များနှင့်ဒီမိုကရေစီ လိုလားသော ရဟန်းရှင်လူပြည်သူများသည် အသွင်ဆောင် လူယုတ်မာများအား သတိနှင့်စောင့်ကြည့်ကာ အခြေအနေ တရပ်ရပ်ဖြစ်ပေါ်လာပါက လက်ဦးမှုရယူကာ ၀ိုင်းဝန်းဖမ်းဆီး၍ လူထုအင်အားဖြင့် စုပေါင်း ကာကွယ်ကာ နိုင်ငံတော်ကြီး ချောက်ထဲမကျစေရန် ပူးပေါင်းလက်တွဲ ပါဝင်ကြပါရန် အထူးလိုအပ်ပါကြောင်း သိစေအပ်ကြောင်းပါ။

ပြည်သူပြည်သားအပေါင်း စစ်မှန်သော ဒီမိုကရေစီအသီးအပွင့်ကို ဆွတ်ခူးနှိင်ကြပါစေ။

(မောင်ဒဲ့ဒိုး)

August 9, 2014
“အရှေ့တောင်အာရှတွင် ပျံ့နှံ့လာသော ဆေးမတိုးသည့် ငှက်ဖျားရောဂါ”

သြဂုတ် ၇ ၊ ၂၀၁၄
M-Media
ရေးသားသူ- မီလာ

ငှက်ဖျားရောဂါ ကုသရာမှာ အသုံးပြုတဲ့ အာတီမီတာ၊ အာတီဆူနိတ် အစရှိတဲ့ အာရ်တီမီဆလင်းဆေးယဉ်ပါး တဲ့ ငှက်ဖျားရောဂါပိုး (Artemisinin resistant parasites) ဟာ ကမ္ဘောဒီယား၊ မြန်မာ၊ ထိုင်းနဲ့ ဗီယက်နမ် နယ်စပ်မှာ လျှင်မြန်စွာ ပျံနှံ့လာပြီလို့ သတင်းတစ်ပုဒ်မှာ ဖတ်လိုက်ရပါတယ်။ ဆေးမတိုးတဲ့ ငှက်ဖျားရောဂါဟာ မြန်မာနိုင်ငံအလယ်ပိုင်း၊ လာအိုနိုင်ငံ တောင်ပိုင်းနဲ့ ကမ္ဘောဒီယား အရှေ့မြောက်ပိုင်းတွေ မှာပါ တွေ့ရှိလာ ရတယ်လို့ ဆိုပါတယ်။ ဒါပေမယ့် အာဖရိကတိုက်ရှိ ကင်ညာ၊ နိုင်ဂျီးရီးယားနဲ့ ကွန်ဂိုနိုင်ငံတွေမှာ တော့ Artemisinin resistant parasites ကို မတွေ့ရသေးကြောင်း ဖော်ပြထားပါတယ်။

ငှက်ဖျားရောဂါဟာ အပူပိုင်းဒေသ (tropical zone) နဲ့ အပူလျော့ပိုင်းဒေသ (subtropical zone) တွေမှာ အဖြစ်များတဲ့ရောဂါဖြစ်ပြီး အာရှ၊ အမေရိကနဲ့ အာဖရိကတိုက်မှာ အဓိက တွေ့ရတဲ့ရောဂါပါ။ Parasite (ကပ်ပါးရောဂါပိုး) ကြောင့် ဖြစ်ပွါးပြီး ခြင်ကိုက်ရာမှ တဆင့် ကူးစက်တဲ့ရောဂါဖြစ်ပါတယ်။ ယခင်ကတော့ Plasmodium falciparum, P. vivax, P.ovale နဲ့ P.malariae အစရှိတဲ့ ရောဂါပိုး မျိုးစိတ်လေးမျိုးကပဲ လူတွေမှာ ငှက်ဖျားရောဂါ ဖြစ်စေတယ်လို့ သိခဲ့ပေမယ့် ၁၉၆၅ နောက်ပိုင်းကစပြီး ပရိုင်းမိတ်တွေမှာ ကူးစက်တဲ့ P. knowlesi ဆိုတဲ့မျိုးစိတ်ဟာလည်း လူကိုကူးစက်နိုင်ပြီး ငှက်ဖျားရောဂါဖြစ်စေတယ်လို့ ရှာဖွေတွေ့ရှိလာပါတယ်။ ယခင်က P. falciparum တစ်မျိုးတည်းကသာ ပြင်းထန်တဲ့ ငှက်ဖျားရောဂါ (severe malaria) ဖြစ်စေတယ်လို့ ယူဆထားပေမယ့်လည်း အခုနောက်ပိုင်းမှာတော့ P. vivax ကြောင့်ဖြစ်တဲ့ ပြင်းထန်တဲ့ ငှက်ဖျားရောဂါဝေဒနာရှင်တွေ တော်တော်များများတွေ့လာရပါတယ်။

တကယ်တော့ ဆေးမတိုးတဲ့ ငှက်ဖျားရောဂါပိုးတွေဟာ ထုိုင်း၊ မြန်မာ နဲ့ ကမ္ဘောဒီယားနယ်စပ်တွေမှာ ရှေးယခင်ကတည်းက စတင်ပေါ်ပေါက်လေ့ ရှိပြီး ဒီနယ်စပ်ဒေသကို “ဆေးမတိုးသော ငှက်ဖျားပိုး စတင်ရာနေရာ” (” birth place of drug resistant parasites”) လို့ ညွှန်းဆို သုံးစွဲကြပါတယ်။ ၁၉၅၀ လောက်မှာ ငှက်ဖျားရောဂါကို ကုသဖို့ ကလိုရိုကွင်း (chloroquine) ငှက်ဖျားဆေးကို စတင် သုံးစွဲခဲ့ပါတယ်။ ဒါပေမယ့် ကလိုရိုကွင်းကို ဆေးမတိုးတော့တဲ့ အတွက် Sulfadoxine and Pyrimethamine ကို အစားထိုး သုံးစွဲခဲ့ပါတယ်။ နှစ်အနည်းငယ် အတွင်းမှာပဲ Sulfadoxine-Pyrimethamine ကို ဆေးမတိုးတဲ့ ပိုးတွေ ထပ်မံပေါ်ပေါက်လာပြန်တဲ့အတွက် Artemisinin ဒြပ်ပေါင်းပါဝင်တဲ့ ဆေးဝါးကို အစားထိုးအသုံးပြုလာရပါတယ်။

Chloroquine နဲ့ Sulfadoxine-Pyrimethamine ဆေးမတိုးတဲ့ ငှက်ဖျားရောဂါပိုးတွေဟာ အာရှတိုက်မှာ စတင်ပေါ်ပေါက်လာပြီး အာဖရိကတိုက်အထိပျံ့နှံ့သွားခဲ့ပါတယ်။ ငှက်ဖျားရောဂါကို ကုသနိုင်တဲ့ ဆေးဝါးအုပ်စုဟာ သိမ်မများလှတဲ့အပြင် ဆေးယဉ်ပါးမှု လျှင်မြန်စွာပေါ်ပေါက်လာတာဟာလည်း ကျန်းမာရေးလောက အတွက်တော့ အန္တရာယ်ပါပဲ။ Artemisinin ဆေးဟာ လက်ရှိမှာ ငှက်ဖျားရောဂါ ကုသရေး အတွက် အစွမ်း အထက်ဆုံးဆေးဝါးပါ။ ကမ္ဘာကျန်းမာရေးအဖွဲ့ (WHO) က ငှက်ဖျားရောဂါ (uncomplicated malaria) အတွက် Coartam လို့ခေါ်တဲ့ Artemisinin ကိုအခြေခံထုတ်လုပ်ထားတဲ့ ဆေးကို အသုံးပြုဖို့ညွှန်ကြားထားပါတယ်။

ဒါပေမယ့်လည်း လူနာပေါင်း ၁၂၄၁ ဦးပါဝင်တဲ့ သုတေသန စာတမ်းမှာတွေ့လာရတဲ့ အာရ်တီ မီဆလင်းဆေးယဉ်ပါး တဲ့ ရောဂါပိုးကြောင့် တာဝန်ရှိသူတွေက ဆေးယဉ်ပါးမှုကို ဘက်ပေါင်းစုံမှ တားဆီးမှသာလျှင် ဆေးယဉ်ပါးသည့်ရောဂါပိုး ကူးစက်ပျံ့နှံ့မှုကို အချိန်မီ တားဆီးနိုင် လိမ့်မည်ဖြစ်ကြောင်း ပြောကြားခဲ့ပါတယ်။

ဆေးယဉ်ပါးမှု အဓိကဖြစ်ရခြင်းဟာ ဆရာဝန်(သို့) ကျန်းမာရေး ၀န်ထမ်းများရဲ့ ညွှန်ကြားမှု မရှိဘဲ ဆေးဆိုင်များမှ အလွယ်တကူ ၀ယ်ယူသောက်သုံးနေခြင်း၊ အရည်အသွေးမပြည်မှီတဲ့ ဆေးဝါးအတုများ ဈေးကွက်အတွင်းမှာ ရောင်းချနေခြင်း၊ သက်တမ်း လွန်နေသော ဆေးဝါးများကို သောက်သုံးနေခြင်း၊ သတ်မှတ်ထားသော ဆေးအညွန်းအတိုင်းပြည့်အောင် မသောက်ခြင်း တို့ကြောင့် ဖြစ်ပါတယ်။ မြန်မာနိုင်ငံကျန်းမာရေးဝန်ကြီးဌာနမှ ငှက်ဖျားဆေးယဉ်ပါးမှုအန္တရာယ်ကို ထိန်းချုပ်နိုင်ရန်အတွက် ဆေးဆိုင်များတွင် လူနာအားတိုက်ရိုက် မရောင်းချရန်နှင့် ဆေးခန်းများ တွင် အခမဲ့ရယူနိုင်ရန် စီစဉ်ထားပေမယ့် ထိရောက်စွာတားဆီးနိုင်မှုမရှိသေးဘူးလို့ ဆိုပါတယ်။ ဒါကြောင့် ငှက်ဖျားရောဂါကူးစက်ခံရပါက မိမိတို့ဘာသာ ဆေးဝယ်ယူသောက်သုံးနေခြင်း မပြုဘဲ နီးစပ်ရာဆေးရုံ၊ ဆေးခန်းများတွင် သွားရောက်ပြီး စနစ်တကျ စစ်ဆေးကာ၊ ထိရောက်သည့် ကုသမှုကို ခံယူသင့်ပါတယ်လို့ တင်ပြလိုက်ရပါတယ်။

မီလာ

References
1. Ashley et al., 2014, Spread of artemisinin resistance in Plasmodium falciparum malaria. N Engl J Med, 371, 411-23.
2. medicalobserverph.com/international-drug-resistant-malaria-spreading-fast-in-southeast-asia/
3. http://en.wikipedia.org/wiki/Plasmodium_knowlesi
4. http://myanmar.mmtimes.com/index.php/national-news/5809-2013-06-27-06-27-50.html

August 7, 2014