Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

စင်ကာပူနိုင်ငံ၏ ပထမဆုံး သမ္မတ ယူစွတ်ဖ်ဘင်အစ္စဟက် Yusof Bin Ishak

မေ ၂ ၊ ၂၀၁၄
M-Media
ရှာဖွေတင်ပြသူ- ကိုလတ်(တောင်ကြီး)

Yusof Bin Ishak သည်စင်ကာပူနိုင်ငံ၏ ပထမဆုံးသမ္မတတာဝန်ကို 1965 မှ 1970 အထိ ထမ်းဆောင်ခဲ့သည်။ 12 August, 1910 တွင် မလေးရှားနိုင်ငံ Taiping Perak နယ်တွင်မွေးဖွားခဲ့သည်။ မိသားစုဝင် ၉ ဦးအနက်အကြီးဆုံးသားဖြစ်သည်။ ဖခင်မှာ Encik Ishak Bin Ahmad ဖြစ်သည်။ ဖခင်ဖြစ်သူသည် မလေးရှားနိုင်ငံ၏ ငါးမွေးမြူရေးလုပ်ငန်းတွင် ခေတ္တ ဒါရိုက်တာအဖြစ်တာဝန်ယူ လုပ်ဆောင်ပေးခဲ့သည်။

1923 တွင်ဖခင်တာဝန်ကျသည့်စင်ကာပူတွင် အတူလိုက်ပါနေထိုင်ခဲ့ပြီး Victoria Bridge School တွင် 1923 ဒီဇင်ဘာလအထိပညာသင်ကြားခဲ့သည်။ 1924 တွင် Raffles Institution သို့ဝင်ခွင့်ရခဲ့ပြီး Cambridge School Certificate ကိုဂုဏ်ထူး များစွာဖြင့်အောင်မြင်ခဲ့သည်။ Yusof သည်ကျောင်းသား ဘဝကပင် တက်တက်ကြွကြွနေလေ့ရှိပြီး အားကစားဘက်ကိုလည်း အထူး လိုက်စားခဲ့သည်။ 1933 အငယ်တန်းအလေးမ ပြိုင်ပွဲ၏ ချန်ပီယံဖြစ်သည်။

ကျောင်းပြီးခဲ့ပြီးနောက် 1929 တွင်သူငယ်ချင်းနှစ်ယောက်နှင့်အတူ အားကစား မဂ္ဂဇင်းကို ထုတ်ဝေခဲ့သည်။1932 တွင် မလေးရှားနိုင်ငံ၏ ထိပ်သီး သတင်းစာ Warta Malaya တွင်ဝင်ရောက်လုပ်ကိုင်ခဲ့သည်။ လုပ်ရည်ကိုင်ရည်နှင့် ပင်ကိုယ် အစွမ်းအစကောင်းမွန်မှုကြောင့် အချိန်တိုအတွင်းမှာပင် လက်ထောက်မန်နေဂျာ အဖြစ်လည်းကောင်း ယာယီအယ်ဒီတာ အဖြစ်လည်းကောင်း ရာထူးတိုးမြှင့်ပေး အပ်ခြင်းခံရသည်။

1938 တွင်းရာထူးမှနုတ်ထွက်ပြီး သူငယ်ချင်းများနှင့်အတူ Utusan Melayu Press ltd ကိုတည်ထောင်ပြီး Managing Director အဖြစ် တာဝန်ယူခဲ့သည်။ 1942 မှ 1945 အထိ ဂျပန်တို့စင်ကာပူကိုသိမ်းပိုက်ထားစဉ် အတွင်း Malaya သို့တိမ်းရှောင်ခဲ့သည်။ ဂျပန်တို့ လက်နက်ချ ဆုတ်ခွာပြီးမှသာ ပြန်လည်ရောက်ရှိလာပြီး ယင်းကုမ္ပဏီ၏ Managing Director အဖြစ်ပြန်လည် ဦးဆောင်ခဲ့သည်။

Yusof သည် ပုံနှိပ်မီဒီယာတစ်ခု၏ MD တစ်ယောက်ပင်ဖြစ်နေလင့်ကစား အစိုးရ အဖွဲ့၏ အရေးပါသော အစည်းအဝေးပွဲများကိုလည်း တက်ရောက်ခဲ့ရသည်။ 1948 မှ 1950 အထိ Film Appeal Committee ဝင်ဖြစ်ခဲ့ပြီး Nature Reserve Committee ၏အဖွဲ့ဝင်တစ်ယောက်လည်းဖြစ်သည်။ 1948 တွင်ဗြိတိန်သို့ First Press Delegation Member တစ်ဦးအနေဖြင့်သွားရောက်ခဲ့သည်။ အစိုးရအစီအစဉ်ဖြင့် ဇနီးသည် Puan Noor Aishah နှင့်အတူ 1963 ဧပြီလတွင် ကမ္ဘောဒီးယားသို့ သွားရောက်လည်ပတ်ခဲ့ပြီး ယင်းလမှာပင် ဆော်ဒီအာရေးဗျ နိုင်ငံ၏ နိုင်ငံတော်ဧည့်သည် အဖြစ်သွားရောက်ကာ ဟာဂ်ျပြုခဲ့သည်။

1965 July လတွင် စင်ကာပူ တက္ကသိုလ်၏အဓိပတိဖြစ်ခဲ့သည်။ ဘရူနိုင်းဆူလတန် ၏ The Most Esteemed Royal Family Order of Brunei ဂုဏ်ထူးဆောင် ဘွဲ့ကို 1960 November လတွင် ချီးမြှင့်ခြင်းခံခဲ့ရသည်။ 9th August 1965 တွင် စင်ကာပူနိုင်ငံ လွတ်လပ်ရေးရသောအခါ ပထမဆုံးသမ္မတ အဖြစ်ရွေးချယ်ခြင်း ခံခဲ့ရသည်။ 1967 ဒီဇင်ဘာလ တွင်ဒုတိယ သက်တမ်း ၄ နှစ်အတွက်ထပ်မံရွေးချယ်ခံရသည်။

Yusof Bin Ishak သည် ဇနီးသည် Puan Noor Aishah နှင့် သားတစ်ဦး သမီး နှစ်ဦး ထွန်းကားခဲ့ပြီး 23 November 1970 တွင်ကွယ်လွန်ခဲ့သည်။ စင်ကာပူနိုင်ငံ တွင်ယနေ့သုံးစွဲလျက်ရှိသော ငွေကြေးများ တံဆိပ်ခေါင်းများတွင် Yusof Bin Ishak ၏ရုပ်ပုံကို ဂုဏ်ပြုထည့်သွင်းရိုက်နှိပ်ကာ သုံးစွဲလျက်ရှိကြသည်။

May 2, 2014
နာဂစ် နဲ့ မေးခွန်းနှစ်ခု (နာဂစ် (၆) နှစ်ပြည့်

မေ ၂ ၊ ၂၀၁၄
မောင်ထွန်းလွင်(မိုးလေ၀သ)

၂၀၁၄ ခုနှစ်၊ မေလ(၂-၃)ရက်ဟာ နာဂစ်မုန်တိုင်း မြန်မာနိုင်ငံ ၀င်ရောက်တိုက်ခတ် သွားခဲ့တဲ့ (၆)နှစ်မြောက် ဖြစ်ပါတယ်။ ပြီးတော့ ပြီးခဲ့ပြီဖြစ်တဲ့ အဖြစ်အပျက် တစ်ခုပါဘဲ။ ဒါပေမယ့်လည်း လောကကြီးမှာ လိုချင်သည်ဖြစ်စေ၊ မလိုချင်သည်ဖြစ်စေ၊ နှစ်သက်သည်ဖြစ်စေ၊ မနှစ်သက်သည်ဖြစ်စေ တွေ့ကြုံလာကြရတဲ့ ကိစ္စတွေဟာ နှစ်မျိုးနှစ်စားဘဲ ရှိပါတယ်။ တရားသဘောအရပြောရရင်တော့ တရားနှစ်ပါးဘဲရှိပါတယ်။ တရားတစ်ပါးကတော့ ပစ်ပယ်ရမယ့်တရား၊ ဆိုလိုချင်တာကတော့ မေ့ပစ်ရမယ့်၊ လစ်လျူရှုရမယ့်၊ ခေါင်းထဲက ထုတ်ပယ်ရမယ့်တရား။ ဥပမာ၊ လောဘ၊ ဒေါသ၊ မောဟ တရားတွေဆိုပါတော့။ လူတိုင်းမကင်းနှိုင်ကြဘူး။ ဒါပေမယ့် တတ်အားသမျှ ခေါင်းထဲက ထုတ်ပယ်ပစ်ရမယ့် တရားတွေပေါ့။ နောက် တရားတစ်ခုကတော့ ပစ်ပယ်ရမယ့် တရားမဟုတ်ဘူး၊ ပစ်ပယ်လို့လည်းမရဘူး။ မရှိအောင် လုပ်လို့လည်း မရဘူး။ မတွေ့ချင် လို့လည်း မရဘူး။ တွေ့ကိုတွေ့ရမှာ။ ရင်ကို ရင်ဆိုင်ရမှာ။ ဒါပေမယ့် တွေ့တဲ့အခါမှာ သူပြုသမျှ၊ ကိုယ်နုရတဲ့ဘဝမျိုးမဖြစ်ရလေအောင် ကြိုတင်ပြင်ဆင်မှုတွေနဲ့ ကိုယ်ကဦးဆောင်ပြီး ကိုယ်ကအနှိုင်ယူရမယ့် တရား။ ဥပမာ အနိစ္စ၊ ဒုက္ခ၊ အနတ္တ တရားတွေလိုပေါ့။ ဒီလို တရားနှစ်ပါးအနက် နာဂစ်အဖြစ်အပျက်ဟာ ချစ်သည်ဖြစ်စေ၊ မုန်းသည်ဖြစ်စေ၊ ပစ်ပယ်လို့ မရတဲကိစ္စ၊ တကယ်တော့ နာဂစ်ဟာ နောက်တစ်ကြိမ် ကြုံလာခဲ့ရင် ရင်ဆိုင်ပြီး အနိုင်ယူရမယ့် တရားဖြစ်ပါတယ်။

နောက်တစ်ကြိမ် နာဂစ်လို မုန်တိုင်းကြုံတွေ့လာခဲ့ရင်တော့ အနိုင် ယူနိုင်ရလေအောင် နာဂစ်က ဘာသင်ခန်းစာတွေ ပေးခဲ့သလည်း။ နာဂစ်ရဲ့အကြောင်း ဓမ္မဓိဌာန်ကျကျ ဆန်းစစ်တွေးခေါ်ဖို့ လိုတာတော့ အမှန်ဖြစ်ပါတယ်။ Men learn much from defeat ဆိုတဲ့ စကားကလည်း ရှိနေတယ်မဟုတ်လား။

နာဂစ်အဖြစ်အပျက်ကြိးမှာ လူပေါင်း တစ်သိန်းလေးသောင်းလောက် အသက်ဆုံးရှုံးခဲ့ရတယ်။ အိမ်ယာအဆောက်အဦပေါင်း ခုနှစ်သိန်းခွဲလောက် ပျက်စီးခဲ့တယ်။ လူပေါင်းဆယ့်တစ်သန်းကျော် လောက် ထိခိုက်ခဲ့ရတယ်။ နိုင်ငံတော်ပိုင် နဲ့ ပုဂလိကပိုင် နှစ်ရပ်ပေါင်း ပစ္စည်းဆုံးရှုံးမှုတန်ဘိုး (၁၂) ထရီလီယံကျော် ရှိခဲ့တယ်။ ကမ္ဘာမှာ ပျက်စီးဆုံးရှုံးမှု နဲ့ အသေအပျာက်အဆိုးဆုံးစာရင်းမှာ နံပါတ်(၈)အဆင့်ဖြစ်ခဲ့တယ်။ ဒီအကြောင်းနဲ့ ပတ်သက်ပြီး ကျွန်တော့ခေါင်းထဲမှာ မကြာမကြာရောက်လာတဲ့ မေးခွန်းနှစ်ခုရှိနေပါတယ်။

ပထမမေးခွန်းကတော့ နာဂစ်မုန်တိုင်းကြိး (၂-၅-၂၀၀၈)ရက်နေ့ နံနက်ပိုင်း ဟိုင်းကြီးကျွန်းကို မဝင်မှီ ရေပြင်ပေါ်မှာ အချိန် (၄)နာရီကြာအောင် မရွေ့လျှားဘဲ ရပ်နေခဲ့ပြီးမှ ဟိုင်းကြီးကျွန်းကို မွန်းလွဲညနေပိုင်းမှာ ၀င်ရောက်ခဲ့တာ ဖြစ်ပါတယ်။ ဒီမှာ ကျွန်တော့်ကိုယ် ကျွန်တော်မေးနေမိခဲ့တဲ့မေးခွန်းကတော့ နာဂစ်ဟာ အခုလို ဧရာဝတီမြစ်ဝကျွန်းပေါ်ဒေသကို မ၀င်ခဲ့ဘဲ ယခင်ဝင်နေကျ လမ်းဟောင်းအတိုင်း ရခိုင်ပြည်နယ်ဖက်ကိုသာ ၀င်ခဲ့ရင် အခုလို အသေအပျောက် အပျက်အစီးတွေ များပါ့မလား ? ဆိုတဲ့မေးခွန်းပါဘဲ။

နောက်မေးခွန်းတစ်ခုကတော့ မနှစ်က ၂၀၁၃ ခုနှစ်၊ အောက်တိုဘာလ အတွင်း ဘင်္ဂလားပင်လယ်အော်ထဲမှာ Phialin Cyclone ဖြစ်တော့ လေတိုက်နှုန်းက တစ်နာရီ(၁၆၂)မိုင်နှုန်းအထိ ရှိခဲ့လို့ အလွန်ပြင်းထန်တဲ့ category V အဆင့်ရှိ မုန်တိုင်းကြီးဖြစ်ခဲ့တယ်။ တစ်နာရီ လေတိုက်နှုန်း မိုင် (၁၄၀-၁၄၅)လောက်သာရှိခဲ့တဲ့ နာဂစ်ထက် ပိုပြင်းတာပေါ့။ အဲဒီလောက်အင်အားနဲ့ လူဦးရေ ထူထပ်လှတဲ့ အိန္ဒိယနိုင်ငံအရှေ့ဖက်ကမ်းခြေ Andra Pradesh ပြည်နယ်ကို ၀င်ရောက်တိုက်ခတ်ခဲ့ပါတယ်။ ဒီမျာ ကျွန်တော့်ကို မိတ်ဆွေကြီး ကာတွန်း ကိုအော်ပီကျယ်က မေးလာပါတယ်။ “ဆရာခင်ဗျား၊ အခု အိန္ဒိယနိုင်ငံကို တိုက်ခတ်သွားခဲ့တဲ့ ဆိုင်ကလုန်းမုန်တိုင်း Phialin ဟာ ကျွန်တော်တို့ မြန်မာနိုင်ငံကို တိုက်ခတ်သွားခဲ့တဲ့ နာဂစ်မုန်တိုင်းထက် ပိုပြင်းထန်တယ်လို့ သိရပါတယ်။ ဒါပေမယ့် လူအသေအေပျာက်ကတော့ ဆယ်ဂဏန်း မျှသာရှိခဲ့ပြီး သူလောက် မပြင်းထန်တဲ့ ကျွန်တောတို့ရဲ့ နာဂစ်ကတော့ လူတွေ တစ်သိန်းကျော် သေဆုံးခဲ့ရတာ ဘာကြောင့်ပါလည်းခင်ဗျား” ပါတဲ့ဗျာ။

နာဂစ်နဲက ပတ်သက်လို့ ကျွန်တော့ကို အတွေးပွား အတွေးများစေခဲ့တာ အဲဒီ မေးခွန်း(၂)ခုပါဘဲ။

ပထမမေးခွန်းနဲ့ပတ်သက်လို့ ကျွန်တော် နာဂစ်ဖြစ်အပြီး ရက်ပိုင်းအတွင်းကဘဲ အဖြေထုတ်ထားခဲ့ပြီး ဖြစ်ပါတယ်။ အဲဒါကတော့ နာဂစ်ဟာ ဒီအင်ဒီအားနဲ့ဘဲ မြစ်ဝကျွန်းပေါ်ကို မ၀င်ခဲ့ဘဲ၊ ရခိုင်ကမ်းရိုးတန်းကိုသာ ၀င်ခဲ့ရင် အခုလောက် အသေအပျောက် အပျက်အစီး ဘယ်လိုမှ မရှိနှိုင်ပါဘူး။ ဘာပြုလို့လည်း ? ရခိုင်ကမ်းရိုးတန်း နဲ့ မြစ်ဝကျွန်းပေါ်ကမ်းရိုးတန်းဒေသ နှစ်ခုဟာ သဘာဝဘေးအန္တရာယ် ကျရောက်နှိုင်မှု ကြောင့် ထိခိုက်နှိုင်မှု အလားအလာ အလွန်ကွာခြားနေကြလို့ ဖြစ်ပါတယ်။ အဲဒါကို သဘာဝဘေးအန္တရာယ် ကာကွယ်ရေးစောင့်ရှောက်မှုလုပ်ငန်းမှာ Vulnerability လို့ခေါ်ပါတယ်။ ခပ်လွယ်လွယ် ပြောရရင်တော့ Risk လို့ ဆိုကြပါတော့။ ပြောရရင်တော့ အဲဒီအပိုင်းကို ရခိုင်ကမ်းရိုးတန်း နဲ့ မြစ်ဝကျွန်းပေါ်ကမ်းရိုးတန်း တို့ကို နှို်င်းယှဉ်လိုက်တဲ့အခါ မြစ်ဝကျွန်းပေါ်ဒေသက Vulnerability ရော၊ Risk ရော အလွန်မြင့်မားနေတာကို တွေ့ကြရပါတယ်။

မြစ်ဝကျွန်းပေါ်မှာ တွေ့ရတဲ့ အားနည်းချက်က (၁၀)ချက်လောက်ရှိပါတယ်။ အဲဒါတွေကတော့

(၁) မြေနိမ့်ဒေသဖြစ်ခြင်း
—————————–
မြစ်ဝကျွန်းပေါ်ဒေသဟာ မြေအလွန်နိမ့်ပါတယ်။ ကောင်းကင်မြေတိုင်း DEMS တိုင်းတာချက် တွေနဲ့တိုင်းကြည့်လိုက်တော့ ဘယ်..ဒီနေရာက ရေ(၅)မီတာလောက် တက်လာရင်ကို မြစ်ဝကျွန်းပေါ် တစ်ခုလုံးရဲ့ ၄၃% ကရေအောက်ရောက်သွားပြီ။ ၅ မီတာ ဆိုတာ ၁၇ ပေလောက်ရှိတာ။ နာဂစ်တုံးက ကွင်းဆင်းတိုင်းတာချက်အရ သဘာဝဒီရေအထက် ပိုတက်ခဲ့တဲ့ မုန်တိုင်းဒီရေလှိုင်းအမြင့်က (၂၂ ) ပေ အထိရှိခဲ့ပါတယ်။

(၂) လူဦးရေထူထပ်ခြင်း
———————–
မြစ်ဝကျွန်းပေါ်ဒေသဟာ မြန်မာတစ်နိုင်ငံလုံးမှာ လူဦးရေ အထူထပ်အသိပ်သည်းဆုံး ဒေသ။ ပွဲခင်းထဲ ခဲပစ်လိုက်သလိုပေါ့ဗျာ။ ပစ်မလွဲဆိုတာ ဒီဒေသမျိုးပေါ့။

(၃) မြစ်လက်တက်များနှင့်မြစ်ဝများပေါများခြင်း
———————————————-
မြစ်ဝကျွန်းပေါ်ဒေသဟာ မြစ်ကြောင်းစံနစ်ကလည်း ရှုပ်သလားမပြောနဲ့။ မြစ်ချည့်က (၁၇)စင်း။ မြစ်ဝ ကချည့်ဘဲ (၇)ပေါက်။ ၀င်လာတဲ့ ပင်လယ်ရေတွေ မျက်စိလည် သွားနှိုင်တယ်။

(၄) မုန်တိုင်းခိုအဆောက်အဦ နဲ့ သက်ကယ်ကုန်းမြင့်များမရှိခြင်း။
—————————————————————–
နာဂစ်ဖြစ်တုံးက မုန်တိုင်းခိုအဆောက်အဦ(storm shelter) ဆိုတာ ကြားတောင် မကြားဖူးဘူး။ အသက်ကယ်ကုန်းဆိုတာ ဘာမျမရှိဘူး။ နာဂစ်ဖြစ်တုံးက မိသားစု (၅)ဦးရှိတဲ့ တစ်ဦးတည်း ကျန်ရစ်တော့တဲ့ အိမ်ထောင်ဦးစီးတစ်ယောက်က ကျွန်တော်တို့အဖွဲ့ ကွင်းဆင်းတော့ ပြောပြပါတယ်။ နာဂစ်သတိပေးချက်ကို ကြိုသိလို့ သူကြိုတင် ကာကွယ်တဲ့ အနေနဲ့ အဲဒီနေ့က ပင်လယ်ကို မထွက်တော့ပါဘူးတဲ့။ အိမ်မှာ ဘဲနေပါတယ်တဲ့။ ရေတွေ တက်လာတေ့ သူတို့မိသားစု(၅)ဦး အိမ်အောက်ထက်ကနေ အပေါ်ထပ်ကိုပြောင်း ပါတယ်။ ရေတွေထပ်တက်လာတော့ ထုပ်တန်းပေါ် ကိုတက်ပါ တယ်။ အဲဒီကနေ ထပ်တက် လာတော့ အိမ်အမိုးသွပ်ကိုလှေန်ပြီး၊ ခေါင်မိုးပေါ်တက် ပါတယ်။ အဲဒီကနေ ထပ်တက်လာတော့ ကျွန်တော်တစ်ယောက်တည်းဘဲ ကျန်ပါတော့ တယ်တဲ့။ ပြေးစရာမြေကို မရှိခဲ့ပါဘူးဗျာ။

(၅) သဘာဝဘေးအန္တရာယ်အခြေအနေအမျိုးအစား နဲ့ အန္တရာယ် ရှိမှုပြမြေပုံများ မရှိခြင်း။
——————————————————–
သဘာဝဘေးကာကွယ်စောင့်ရှောက်ရေးအတွက် အရေးပါလှတဲ့ မြေယာ အသုံးချမှု အတွက် Risk Map, hazard Map ဘာတစ်ခုမျှ လုပ်ထားတာမရှိခဲ့ပါဘူး။ ဒိတော့ လူတွေက ရွာလေးတွေ တည်ပြီး ရေလုပ်ငန်းနဲ့နီးတဲ့ ကမ်းစပ်တလျှောက် ရွာတည်နေကြတော့ ပင်လယ်က တက်လာမယ့် ရေလှိုင်း တွေကို ထွက်ကြိုနေကြ သလိုပါဘဲ။ ဒိရေလှိုင်းတွေက အရင်တုံးကမှ လူတစ်ယောက် တွေ့ဖို့အရေး အတော်လေး အထဲရောက်အောင် ကြိုးပမ်းနေရသေးတယ်။ အခုတော့ အေးဆေးဘဲပေါ့။

(၆) မုန်တိုင်းဆိုင်ရာ ယခင်အတွေ့အကြုံ နည်းမှုကြောင့် ကြိုတင်ကာကွယ်ရေး လုပ်ငန်းများ ဆောင်ရွက်ရန် ခဲယဉ်းခြင်း။
————————————————————
မြစ်ဝကျွန်းပေါ်သာေးတွဟာ ပင်လယ်မှာမွေး၊ ပင်လယ်ထဲမှာ အသက်မွေး ၀မ်းကြောင်း နေခဲ့ကြပေမယ့် ဘာမုန်တိုင်းအတွေ့အကြုံမှ မရှိခဲ့ကြပါဘူး။ ၂၀၀၈ မတိုင်မီအထိ မြန်မာပြည်ကို မုန်တိုင်း(၈၂)ကြိမ် ၀င်ခဲ့ဘူးရာမှာ အားလုံး ရခိုင်ကိုချည့် ၀င်ခဲ့တာပါ။ မြစ်ဝကျွန်းပေါ်ဒေသကို ဆိုင်ကလုန်းအဆင့်မုန်တိုင်း တစ်ခါမျှ မ၀င်ခဲ့ဘူး ပါဘူး။

(၇) မုန်တိုင်းဒီရေဆိုင်ရာ အပါအ၀င် သဘာဝဘေးဆိုင်ရာ အတွေ့အကြုံ နဲ့ အသိပညာနည်းပါးခြင်း။

မုန်တိုင်းဒီရေ ဆိုတဲ့ စကားကို မြစ်ဝကျွန်းပေါ် နာဂစ်ဒေသကလူတွေ ကြားတောင် မကြားခဲ့ဖူးပါဘူး။

(၈) သယ်ယူပို့ဆောင်ရေးလမ်းပန်းဆက်သွယ်မှုခက်ခဲခြင်း။

ရွေ့ပြောင်းပြေးလွှားဖို့ အလွန်ခက်ပါတယ်။ ရေလမ်းဘဲရှိပါတယ်။ စက်လှေ ပေါ်မှာ ရှိသမျှ ပစ္စည်းတွေ၊ မိသားစုတွေ အကုန်တင်ပြီးပြေးရင်တောင် ရေကရေဆန်ဖြစ်မယ်။ ခရီးတွင်သလား မပြောနဲ့။ နောက်ကမျောလာတဲ့ ဗေဒါကတောင် လမ်းတောင်း ရလိမ့်မယ်။

(၉) ကမ်းခြေေ၇တိမ်မှု၊

ဒီရေအတက်အကျခွင်ကြီးမားမှု၊ မြစ်ကြောင်းများပေါများမှုတို့ကြောင့် အပြန်အလှန်သက်ရောက်စေသော ရှုတ်ထွေးသောရေလှိုင်းဖြစ်ပေါ်မှု စံနစ်(Non-linearity)ရှိနေခြင်း။

မြစ်ဝကျွန်းပေါ် ကမ်းရိုးတန်းဟာ ရေအနက်တိမ်တယ်၊ ဒီရေအတက်အကျခွင် ကြီးတယ်။ မြစ်များတည် ရှိမှုစံနစ်က ရှုပ်ထွေးတယ်။ ဒါကြောင့် မုန်တိုင်းကြောင့် ပင်လယ်ထဲကရေတွေ တိုးဝင်လာရင် ဒီအချက်တွေက ရှုပ်ထွေးတဲ့ အပြန်အလှန် သက်ရောက်မှုတွေ(non-linear interactions) ကို ဖြစ်စေပြီး အတိုင်းအဆမဲ့ရေလှိုင်းကြီးတွေ (exceptionally high waves) ကို ဖြစ်စေနှိုင်ပါတယ်။ နာဂစ်မှာဖြစ်လည်းဖြစ်ခဲ့ပါတယ်။

(၁၀) ဒီရေတောများ ပြုန်းတီးကုန်ခြင်း။

သဘာသဘေးအတားအဆီးတွေဖြစ်တဲ့ သဘာဝ ဒီရေတောတွေကလည်း ပြုန်းတီးလို့ ကုန်ပြီ။ ထင်းလုပ်ဖို့၊ သစ်လုပ်ဖို့၊ အိမ်ဆောက်ဖို့၊ လယ်ကွင်းဖေါ်ဖို့၊ လူနေရပ်ကွက် တိုးချဲ့ဖို့၊ ငါးမွေးဖို့၊ ပုဇွန်မွေးဖို့၊ စားအုန်းဆီပင်စိုက်ဖို့၊ မီးသွေးဖုတ်ဖို့။ ……. ပြုန်းတီးလိုက်တာ ဘိုကလေးမှာဆိုရင် ဒီရေတောကို မကျန်တော့ပါဘူး။

ဒီအချက်တွေကြောင့် နာဂစ်သာ ရခိုင်ကမ်းရိုးတန်းကို ၀င်ရောက်ခဲ့ရင် မြစ်ဝကျွန်းပေါ်ဒေသလောက် အသေအပျောက် အပျက်အစီး မရှိနိုင်ဘူးလို့ ကျွန်တော် ဆိုခဲ့ခြင်းဖြစ်ပါတယ်။

တလောကဘဲ အိန္ဒိယကို ၀င်ရောက်တိုက်ခတ်သွားတဲ့ Phailin ဆိုင်ကလုန်း ဟာ လေတိုက်နှုန်း တစ်နာရီ 162 mph , Category V အဆင့်နဲ့ ၀င်ရောက် သွားခဲ့တာ လူဆယ် ဂဏန်းဘဲသေခဲ့တယ်။ ၂၀၀၈ က ကျွန်တော်တို့ဆီ နာဂစ်တို်က်တော့ လေတိုက်နှုန်းက 140-150 mph, Category IV အဆင့်သာ ရှိပါလျက်နဲ့ လူပေါင်း တစ်သိန်းကျော်( ၁၃၄ ၀၀၀) သေဆုံးခဲ့ရတာ ဘာကြောင့်ပါလည်း တဲ့။

ဒီနေရာမှာ စိုင်းထီးဆိုင်သီချင်း သတိရမိတယ်။ ဘဲကြီး။ မသိလို့မေးတာလား..။ သိလျက်နဲ့ မေးတာလား…။ ဆိုတာလေ။

ကြိုတင်သတိပေးချက်။ သူတို့လည်း (၅)ရက်လောက်ကြိုပြောခဲ့တယ်။ ကျွန်တော်တို့လည်း (၅)ရက် ကြိုပြောခဲ့တယ်။ အတူတူလောက်ပါဘဲ။

အဲဒီ(၅)ရက်အတွင်း သူတို့က Volunteer တစ်သိန်းကျော်၊ မော်တော်ယာဉ် အစီးပေါင်း ငါးသောင်းကျော်၊ Helicopter အစီး(၄၀)ကျော်အပါအ၀င် ကားတွေ၊ လူတွေ အများကြီးနဲ့ မုန်တိုင်း အ၀င်မှာ အရေးပေါ် ကယ်ဆယ်ရေးဆောင်ရွက်ဖို့ မုန်တို်င်း မ၀င်ခင်(၂)ရက်လောက် ကတည်းက We are ready လို့ ကြေငြာခဲ့တယ်။ လူပေါင်း (၅)သိန်းကျော်ကို ဘေးကင်းရာ နေရာများ ကို ကြိုတင် ပြောင်းရွှေ့ခဲ့တယ်။ မပြောင်းမရွှေ့ဘဲငြင်းဆန်နေခဲ့တဲ့ လူတွေကို Defence Act Section 34 ကို အသုံးပြုပြီး မဖြစ်မနေ ပြောင်းရွှေ့ပေးခဲ့တယ်။

ဒီတော့ သူတို့မှာ သဘာဝဘေးအန္တရာယ်ကာကွယ်ရေးမှာ Management Plan , Act, Preparedness, Action အကုန်ရှိခဲ့ပြီး ထိထိရောက်ရောက်လည်း သုံးခဲ့တယ်။

ဒိတော့ Phialin ဟာ အိန္ဒိယနိုင်ငံအတွက်တော့ success story တစ်ခုပေါ့ဗျာ။

နာဂစ်တုံးကတော့ ကျွန်တော်ကိုယ်တိုင် သတင်းစာ၊ ရေဒီယို၊ တယ်လီဖုန်း၊ ဖက်စ်၊ ရုပ်မြင်သံကြား အားလုံးမှတစ်ဆင့် ပြောခဲ့တယ်။ ကိုယ်တိုင် တာဝန်ရှိသူ အားလုံးကို တစ်ဦးချင်းဖုံးဆက်ပြောခဲ့တာ အကြီးအကဲတွေ အထိရောက်တယ်။ သတင်းစာမှာလည်း အင်တာဗျူးလုပ်ပြီး တစ်ရက်ကြိုတင် သတိပေးခဲ့တယ်။ အဲဒီတုံးက ဟိုင်ကြီး၊ချောင်းသာကဒေသ တာဝန်ခံတွေကို ရွာတွေက လူတွေကို ပြောင်းဖို့ (Evacuate) လုပ်ဖို့ ကျွန်တော်ဖုံးနဲ့ သတိပေးခဲ့တယ်။ အဲဒီပြောဆိုချက်ကို ချောင်းသာ Max Hotel မန်နေဂျာ အပါအ၀င် ဒေသခံ စခန်းရဲမှူးကအစ သက်သေအဖြစ်ရှိနေကြတယ်။
ဒါပေမယ့် အဲဒီ evacuate လုပ်ဖို့ဆိုတာ knowledge, plan, act, management, transportation, public participation, volunteers အားလုံးပါမှ ရတာဗျ။ အဓိက ကတော့ leadership ပေါ့ဗျာ။

ဒါပေမယ့် နာဂစ်တုံးကတော့ ကျွန်တော်တို့မှာ သဘာဝဘေး အန္တရာယ်အတွက် Management, Plan, Act, Action ဘာမှလည်း မရှိခဲ့ဘူး။ ဘာမှလည်းကြိုတင်စီစဉ်ထားမှုမရှိခဲ့ဘူး။

ဒီတော့ မြန်မာနိုင်ငံအတွက် Nargis ကတော့ Lessons Learn Story ပေါ့ ဗျာ။

ကျွန်တော်တို့က ကယ်ဆယ်ရေး(Relief, Resettlement, Rehabilitation) ဘဲ တသက်လုံး လုပ်လာကြတာ။ နာဂစ်တုံးကတော့ ကာကွယ်ရေး (Preparation, Prevention, Reduction) ဆိုတာတွေတော့ ဘာမှ မလုပ်ကြဘူး။ လုပ်လည်း မလုပ်တတ်ကြဘူး။ လုပ်ရကောင်းမှန်းလည်း မသိကြဘူး။ မဖြစ်သေးသမျှ စောင့်ကြည့်နေကြတဲ့သဘောဘဲ။ အဲ…ဖြစ်ရင်တော့ လုပ်ကြပါပြီ။

ဒါပါဘဲဗျာ။ နာဂစ်နှစ်ပတ်လည်နေ့မှာ ဒါလေးတွေဟာ စဉ်းစားကြရမယ့် အချက်တွေလို့ မြင်ပါကြောင်း ပြောချင်တာပါဘဲ။

ဓါတ်ပုံ အညွှန်း- နာဂစ် လေမုန်တိုင်း တိုက်ခတ်ပြီးနောက် မြန်မာ စစ်အစိုးရ ဝန်ကြီးချူပ် ဗိုလ်ချူပ်ကြီး သိန်းစိန် (လက်ရှိမြန်မာအစိုးရသမ္မတ) ၂၀၀၈ မေလ ၈ ရက်နေ့က ရန်ကုန်မြို့ ဆင်ခြေဖုံး တနေရာတွင် လေဘေးဒုက္ခသည်များကို သွားရောက်ကြည့်နေပုံ ဖြစပါသည်။ (Photo: AFP)

ဒေါက်တာ Tun Lwin FB စာမျက်နှာမှ ကူးယူဖော်ပြပါသည်။
https://www.facebook.com/tunlwin48/posts/844939002187340

May 2, 2014
သန်းခေါင်စာရင်း မုန်တိုင်း

ဧပြီ ၂၉ ၊ ၂၀၁၄
M-Media
ဘာသာပြန်ဆိုသူ- မြင့်မိုရ်မောင်မောင်
မူရင်းအင်္ဂလိပ်ဘာသာဖြင့်ဆောင်းပါး- Myanmar Times

စစ်တွေ သဲချောင်း မွတ်စလင် ဒုက္ခသည် စခန်းတွင် သန်းခေါင်စာရင်း ကောက်ယူနေပုံ

ပြည်လုံးကျွတ်သန်းခေါင်စာရင်းကောက်ခံမှု အချက်အလက်အားလုံးနီးပါးမှာ ယခုသီတင်းပတ်အကုန်တွင် အချောသတ်ပြီဖြစ်သည်။ သို့သော် မေလဒုတိယပတ် အစောပိုင်းတွင် ရလဒ်များအပေါ် ပြန်လည် ဆန်းစစ်မည့် အစိုးရဖက်မှ လုပ်နည်းလုပ်ဟန်နှင့် စပ်လျဉ်းသော အငြင်းပွားမှုကတော့ ဆက်လက်ရှိနေနိုင်၏။

အဓိကပြဿနာဖြစ်ပွားသော ဒေသများမှာ ရခိုင်ပြည်နယ်နှင့် ကချင်ပြည်နယ်ဖြစ်သည်။ ရခိုင်ပြည်နယ်၌ မိမိကိုယ်ကို ရိုဟင်ဂျာလူမျိုးဟု သတ်မှတ်ဖော်ပြလိုသည့် မွတ်စ်လင်မ်တို့ကို ကောက်ခံသူများမှ ထိုအချက်အလက် အတိုင်း ဖြည့်သွင်းရန် ငြင်းဆန်ခဲ့သည်။ ကချင်ပြည်နယ်၌ ကချင်လွတ်မြောက်ရေး တပ်မတော် KIA ၏ ထိန်းချုပ်နယ်မြေများ အတွင်း သန်းခေါင်စာရင်း မကောက်ယူနိုင်ခဲ့။

မွတ်စ်လင်မ်တို့အား ရိုဟင်ဂျာဟု သတ်မှတ်ဖော်ပြခွင့်ပြုလိုက်ပါက ရခိုင်ပြည်နယ်သာမက အခြားဒေသများတွင် ပြင်းထန်သည့်ပြဿနာများကို ဖြစ်ပေါ်လာစေနိုင်ကြောင်း၊ အကြောင်းမှာ ယင်းကိစ္စသည် နိုင်ငံသားအဖြစ် စာရင်းဝင်အောင် လုပ်ယူသည့်ခြေလှမ်း တစ်ရပ်ဟု လူများတို့မှ သိမြင်ထားသောကြောင့်ဖြစ်ကြောင်း၊ ထို့ကြောင့် ယင်းသို့ ဆုံးဖြတ်ဆောင်ရွက်လိုက်ကြောင်း လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနက ဆိုသည်။

“ဒီသန်းခေါင်စာရင်း ကိစ္စထဲ မည်သည့်ပြဿနာ၊ မည်သည့်သွေးချောင်းစီးမှုကိုမှ ကျွန်မတို့ မလိုလားပါဘူး” ဟု ၀န်ကြီးဌာန၏ သန်းခေါင်စာရင်း နည်းပညာ အဖွဲ့ဒါရိုက်တာ ဒေါ်ခိုင်ခိုင်စိုးက ပြောကြားသည်။

သို့သော် ကချင်ပြည်နယ်၌ သန်းခေါင်စာရင်းနှင့် စပ်လျဉ်းသော မနှစ်မြို့မှုများမှာ ဆိုးဆိုးရွားရွား ပေါ်လွင်ခဲ့သည်။ စာရင်းကောက်များ၏လုံခြုံရေး အတွက် ကေအိုင်အေပိုင်နက်အတွင်း တပ်စိတ် တစ်ခုအား ဦးဆောင်ဝင်ရောက်ခဲ့သော တပ်မတော်ဗိုလ်ကြီးတစ်ဦးမှာ သတ်ဖြတ်ခံလိုက်ရသည်။

နိုင်ငံပိုင်မီဒီယာသတင်းများနှင့် လုံးဝကွဲလွဲ ဆန့်ကျင်လျက် – ထိုတိုက်ပွဲသည် သန်းခေါင်စာရင်းကိစ္စနှင့် အလျဉ်း မသက်ဆိုင်ပါ ဟု ဒေါ်ခိုင်ခိုင်စိုးက အခိုင်အမာ ဆိုပါသည့်တိုင် ယင်းဖြစ်ရပ်ကြောင့် နှစ်ဖက် အပြန်အလှန် တိုက်ပွဲဖြစ်ပွားရာ လူပေါင်း ၅၀၀၀ အိုးအိမ်စွန့်ထွက်ပြေးခဲ့ရသည်။

သို့သော် စာရင်းကောက်များသည် နိုင်ငံတွင်းအခြားဒေသရှိ နေရာအတော်များများ၌ သတ်မှတ်မေးခွန်းအားလုံးကို မေးမြန်းခဲ့ခြင်းမရှိကြောင်း သတင်းတို့နှင့်တစ်ကွ သန်းခေါင်စာရင်းကောက်ယူပုံ စောဒကများလည်း ပွင့်အံလာခဲ့ကြသည်။

ချင်းလူ့အခွင့်အရေးအဖွဲ့၏ ဒေသတွင်းအစီအစဉ်မှူး Salai Bawi Thaing က မိမိသည် မြို့နယ် များစွာရှိ ချင်းလူမျိုးတို့ထံမှ သတင်းများ လက်ခံရရှိခဲ့ကြောင်း၊ မျိုးနွယ်စု သို့မဟုတ် ကိုးကွယ်သည့် ဘာသာအား မေးမြန်းခဲ့ခြင်း မရှိပါဟု ၎င်းတို့မှဆိုကြောင်း ပြောပြသည်။ စာရင်းကောက်များသည် မေးမြန်းခြင်း မပြုဘဲ ရေးသွင်းခဲ့ရာ ထိုသူတို့အဖို့ မည်သည့် ဘာသာ၊ လူမျိုးအဖြစ် ထည့်သွင်းခံရကြောင်း မသိရှိကြပါဟု ဆိုသည်။

စာရင်းကောက်ခံရာ၌ အမှားအယွင်းများရှိခဲ့သည်ဟု မြန်မာအစိုးရအား နည်းပညာပံ့ပိုးသော ကုလသမဂ္ဂလူဦးရေရံပုံငွေအဖွဲ့ United Nations Population Fund (UNFPA) ရော လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနပါ ၀န်ခံထားကြသည်။ သို့ဖြစ်စေကာမူ အချက်အလက်အားလုံး ထိခိုက်ပျက်စီး သွားစေလောက်အောင် မကြီးမား မကျယ်ပြန့်နိုင်ဟု ယုံကြည်ကြောင်း ၎င်းတို့က ပြောဆိုထား၏။

“ မေးခွန်းတွေရဲ့အဖြေတွေကို ရံဖန်ရံခါ အမှန်တွေရခဲ့တယ်။ သူတို့ကွင်းဆင်းကောက်ယူတဲ့ အချို့အချိန်တွေမှာတော့ အသင့်ရှိနေသော ပြင်ပလူတွေက ၀င်ရောက်စွက်ဖက်တာမျိုးလည်း ရှိခဲ့တယ်။ ဒါပေမဲ့ အဲ့ဒီဘေးပန်းဝေဖန် စကားတွေကို ဒုတိယဆင့်မှာပဲ ထားခဲ့ပါတယ် ” ဟု UNFPA မှ ဧပြီ ၁၁ ရက်တွင် ပြောကြားသည်။

ရခိုင်ပြည်နယ်မှအပ နိုင်ငံဒေသအများစုတွင် လုပ်ငန်းစဉ် ချောမွေ့ခဲ့သည်ဟု နိုင်ငံတကာလေ့လာသူများက ဆိုသည်။ မြန်မာနိုင်ငံအရေး UNFPA ကိုယ်စားလှယ် Janet Jackson က “ ရခိုင်ကဖြစ်ရပ်တွေမှာ ကတိပြုထားတဲ့ သန်းခေါင်စာရင်းအပေါ် ပုံဟန်တစ်မျိုးနဲ့ အရိပ် လွှမ်းမိုးနေကြောင်း ထင်ရှားခဲ့တယ် ” ဟု ပြော၏။

လူဝင်မှုကြီးကြပ်ရေးနှင့်ပြည်သူ့အင်အားဦစီးဌာနအရာရှိများက ဝေဖန်ချက် အများစုကို ပယ်ချထားပြီး အလွန်အောင်မြင်သည့် လုပ်ငန်းစဉ်ဖြစ်ကြောင်း၊ ၉၀ ရာခိုင်နှုန်းသော လူဦးရေ စာရင်းကို ကောက်ခံပြုစုပြီးဖြစ်ကြောင်း၊ ရခိုင်နှင့် ကချင်ပြည်နယ်မှ ကျန်ရှိနေသေးသည့် အချက်အလက်များ ကောက်ယူနိုင်အောင် ကြိုးစား လုပ်ဆောင်နေကြောင်း လွန်ခဲ့သည့်ရက်သတ္တပတ်က ဖော်ပြခဲ့သည်။

မြန်မာပြည်မြောက်ပိုင်းတွင် သန်းခေါင်စာရင်း လုပ်ငန်းစဉ်အား အေးချမ်းစွာဆောင်ရွက်နိုင်ရေး အတွက် အစိုးရသည် ကေအိုင်အေနှင့် စေ့စပ်ညှိနှိုင်းနေကြောင်း၊ ရခိုင်ပြည်နယ် အရေးတွင်မူ မိမိသည် UNFPA ၏ နိုင်ငံတကာ သန်းခေါင် စာရင်းကျွမ်းကျင်သူများ ပါဝင်သည့် အပြည်ပြည်ဆိုင်ရာ နည်းပညာ အကြံပေးဘုတ် အဖွဲ့နှင့် အတူ လက်တွဲဆောင်ရွက်နေကြောင်း ဒေါ်ခိုင်ခိုင်စိုးက ဆိုသည်။

သို့သော် လူဝင်မှုကြီးကြပ်ရေးနှင့်ပြည်သူ့အင်အား ဦးစီးဌာနသည် မွတ်စ်လင်မ်တို့အား ရိုဟင်ဂျာ အဖြစ် သတ်မှတ်ညွှန်းဆိုမည့် မည်သည့်နည်းလမ်းကိုမှ လက်ခံ စဉ်းစားပေးလိမ့်မည်မဟုတ်ဟု သူမက အလေးအနက်ထား ပြောကြားသွားသည်။ ဘုတ်အဖွဲ့၏ ဒုဥက္ကဌ Paul Cheung က နည်းလမ်းရှာ အဖြေထုတ်ဖို့ အချိန်ယူရပေဦးမည်ဟု ဆိုသည်။

“ နည်းပညာပိုင်းအရ အဖြေရှာမှုတွေကတော့ ရှင်းလင်းလှပါတယ်။ ဒါပေမယ့် နိုင်ငံရေး အတိုင်းအတာအရ ခရီးတွင်ပေါက်မြောက်မှာတော့ မဟုတ်ဘူး။ နိုင်ငံရေးနဲ့ နည်းပညာက ထပ်တူကျဖို့လည်း မလွယ်ပါဘူး။ ကျွန်တော်တို့ရဲ့ ဆွေးနွေးမှုနဲ့ သုံးသပ်မှုအတွက် အကန့်အသတ်တွေကို ကျွန်တော်တို့ နားလည်ထားရပါမယ် ”။

အစိုးရဖက်မှ လမ်းကြောင်းတစ်ခုထပ်မံ ခင်းထားပြီးဖြစ်သည်။ ပထမအကြိမ် ချန်လှပ်ခံရသော ရခိုင်ပြည်နယ်မွတ်စ်လင်မ်တို့သည် မိမိကိုယ်ကို ဘင်္ဂလီများ ဟု သတ်မှတ်ဖော်ပြလျှင် သို့မဟုတ် တင်းပြည့် ကျပ်ပြည့်မေးမြန်းမှုကို လျစ်လျူရှုရန် သဘောတူလျှင် သန်းခေါင်စာရင်းထဲ ပြန်လည်ထည့်သွင်းနိုင်မည်ုဖြစ်သည်။ ဧပြီလ ၂၅ ရက်တွင် ရခိုင်ပြည်နယ်ရှိ အိမ်ထောင်စုပေါင်း ၆၀၀၀ မှာ ဤလမ်းကြောင်းကို လက်ခံလိုက်ပြီဟု နိုင်ငံပိုင်မီဒီယာများမှ သတင်းဖော်ပြခဲ့သော်လည်း ထိုကိန်းဂဏန်းမှာ နှောင်ကြိုးမဲ့ အတည် မပြုနိုင်သေးချေ။

နောက်တစ်ဆင့်မှာ “အခြားလူမျိုး” စာရင်းဝင်သူများအားလုံးကို ရေတွက်မှတ်တမ်းတင်မည့် လုပ်ငန်းစဉ်ဖြစ်မည်။ ၎င်းမှာ အချိန်ယူရမည်။ ဒေါ်ခိုင်ခိုင်စိုး၏ အဆိုအရ ဤလုပ်ငန်းစဉ်ကို စက်ဖြင့်မဖတ်ဘဲ လက်ဖြင့် ရေးသွင်း မှတ်တမ်းတင်မည်ဖြစ်သည်။

ယခုလအစောပိုင်း သတင်းစာရှင်းလင်းပွဲ တစ်ခု၌ လ၀က၀န်ကြီး ဦးခင်ရီက ရခိုင်ပြည်နယ်တွင်း စာရင်းကောက်ခံမှုဆိုင်ရာ သဘောကွဲလွဲမှုသည် အစိုးရနှင့် UNFPA သို့မဟုတ် နိုင်ငံတကာ အလှူရှင်များအကြားရှိ ဆက်ဆံရေးကို ထိခိုက်နစ်နာစေလိမ့်မည်ဟု မိမိ မယုံကြည်ကြောင်း၊ အကယ်၍ စာရင်းကောက်များမှ မွတ်စ်လင်မ်တို့အား ရိုဟင်ဂျာ အဖြစ် ရေးသွင်းခွင့်ပြုခဲ့ပါက ရခိုင်ပြည်နယ်၌ အကြမ်းဖက်မှု ပိုမိုဖြစ်ပွားအောင် တွန်းပို့ရာရောက်ကြောင်းကို “ ကျွန်တော်တို့ဟာ နိုင်ငံ့ လုံခြုံရေးနှင့် အချုပ်အခြာ တည်တံ့ရေး အတွက် တာဝန်ထမ်းဆောင်နေတာပါ။ ကျွန်တော်တို့တိုင်းပြည်ရဲ့ မူဝါဒအရ ရိုဟင်ဂျာတွေဆီက စာရင်းကောက်ခံမှု မပြုခဲ့ကြပါဘူး ” ဟူ၍ ပြောဆိုခဲ့သည်။

၎င်းပြင် သူက ဘင်္ဂလီအစား ရိုဟင်ဂျာဟု ဖော်ပြလိုသူတို့၏ တရားဝင်မှုနှင့် စပ်လျဉ်း၍ မေးခွန်းထုတ်ခဲ့သည်။
“ တရုတ်လူမျိုးတွေက တရုတ်ပြည် ဇာတိ ဖြစ်တယ်။ ရိုဟင်ဂျာတိုင်းပြည်ဆိုတာ ဘယ်မှာလဲ ? ရိုဟင်ဂျာကို ဘယ်နိုင်ငံက လက်ခံပါသလဲ ? ကျွန်တော်တုိ့တိုင်းပြည်က သူတို့ကို လက်ခံဖို့ ဘယ်လိုမှ မဆီလျော်ပါဘူး ”။

ဝန်ကြီးဌာနမှ ဤပြဿနာများ ထုတ်ပြနေသလို အချက်အလက် လုပ်ငန်းစဉ်သည်လည်း မေလ ပထမလ၀က်အတွင်း စတင်မည်ဖြစ်သည်။ ပထမအဆင့်အနေဖြင့် ဗြိတိန်ကုမ္ပဏီ DRS မှ ၀န်ထမ်းများက ကုမ္ပဏီပိုင်စက်များဖြင့် အဖြေလွှာများကို အပြီးသတ်ဖတ်ယူမှတ်တမ်းတင်မည်။ DRS သည် UNFPA ၏ကန်ထရိုက်အောက်မှ ဖွံ့ဖြိုးဆဲနိုင်ငံများတွင် သန်းခေါင်စာရင်းနှင့် ရွေးကောက်ပွဲများအတွက် ပစ္စည်းကိရိယာထောက်ပံ့သည့် ပုဂ္ဂလိကအဖွဲ့အစည်းဖြစ်သည်။

နောက်တစ်ဆင့်မှာ “အခြားလူမျိုး” စာရင်းဝင်သူများ အားလုံးကို ရေတွက်မှတ်တမ်းတင်မည့် လုပ်ငန်းစဉ်ဖြစ်မည်။ ၎င်းမှာ အချိန်ယူရမည်။ ဒေါ်ခိုင်ခိုင်စိုး၏ အဆိုအရ ဤလုပ်ငန်းစဉ်ကို စက်ဖြင့် မဖတ်ဘဲ လက်ဖြင့် ရေးသွင်း မှတ်တမ်းတင်မည်ဖြစ်သည်။

ဝန်ကြီးဌာနသည် အခြားလူမျိုး စာရင်းဝင် မည်ရွေ့ မည်မျှရှိကြောင်း မသိရှိသေးသဖြင့် ရေတွက်မှုအချိန် မည်မျှကြာညောင်းမည်ကို သူမက မခန့်မှန်းနိုင်။ အချက်အလက်များ ဆန်းစစ်မှုကို နိုင်ငံတကာလေ့လာသူများရှေ့တွင် ပြုလည်မည်လောဟု မေးမြန်းရာ ၎င်းကိစ္စမှာ မူလအစီအစဉ်၌ မပါဝင်ဟု သူမက ဆိုသည်။
“ DRS ကုမ္ပဏီနဲ့ မဆွေးနွေးရသေးတဲ့ အတွက် ကျွန်မ အသေအချာ မပြောနိုင်သေးပါဘူး ”။

DRS မှလည်း မည်သည့် မှတ်ချက်မျှ မပေးနိုင်ခဲ့။

သန်းခေါင်စာရင်းလုပ်ငန်းစဉ်အတွင်းရှိ လက်သည်းဝှက်များ၊ လျော့တိလျော့ရဲနိုင်မှုများကို ထောက်ပြ၍ လူမျိုးရေးတင်းမာမှုများ ကြီးထွားလာမည်ဟု ပရောဂျက် အလှူရှင်များ အပါအ၀င် ပြည်တွင်းနှင့် နိုင်ငံတကာ လေ့လာသူများက လွန်ခဲ့သည့် တစ်နှစ်လော်ကပင် သတိပေးထားခဲ့သည်။

အစိုးရအသိအမှတ်ပြု တိုင်းရင်းသားလူမျိုး ၁၃၅ မျိုးစာရင်းကို အခြေခံသော ဆုံးဖြတ်ချက်မှာ ဗြိတိသျှကိုလိုနီခေတ်၏ လက်ဝေခံ လုပ်ရပ်ဖြစ်ကြောင်း ဝေဖန်ချက်များ ရှိသည်။ ထို့အပြင် သန်းခေါင်စာရင်း၌ မိသားစုသုံးအိမ်သာအမျိုးအစားမှသည် တစ်နှစ်အတွင်းသေဆုံးသူ မိသားစုဝင်အကြောင်းအချက်များအထိ မေးခွန်း ၄၁ ခုကို အဓိပ္ပာယ်မဲ့ ရှည်လျားထွေပြားစွာ ထည့်သွင်းထားသည်။

“ သန်းခေါင်စာရင်းရဲ့ အခင်းအကျင်းထဲမှာ အချက်အလက်တွေ ကောက်ခံစစ်ဆေးပြီးကာမှ ပြောင်းလဲပြင်ဆင်မှု ပြုမပြုဆိုတာ မပြောနိုင်ပါဘူး။ အထူးသဖြင့် ထည့်ခွင့်မပြုထားတဲ့ ရိုဟင်ဂျာတွေနဲ့ ပတ်သက်လို့ပေါ့။ သန်းခေါင်စာရင်းအချက်အလက်များအရ နိုင်ငံတော်စီမံကိန်းနဲ့ အပြည်ပြည်ဆိုင်ရာပူးပေါင်းမှုကို လမ်းညွှန်ပေးနိုင်လိမ့်မယ်လို့ မျှော်လင့်ဖွယ်ရာတော့ ရှိပါတယ်။ ဒါပေမဲ့ သန်းခေါင်စာရင်းဒီဇိုင်းနာတွေက စီစဉ်ဆဲအဆင့်မှာ ပြည်သူ့အသံ နားမစွင့်ခဲ့တာဟာဖြင့် သံသယ၀င်စရာပါဘဲ ” ဟု ရန်ကုန်အခြေစိုက် လူ့အခွင့်အရေးလေ့လာစောင့်ကြည့်မှုအဖွဲ့ သုတေသီ Mr David Mathieson က ဆိုသည်။

Foftify Rights လူ့အခွင့်အရေးအဖွဲ့ အမှုဆောင်ဒါရိုက်တာ Matt Smith ကလည်း အချက်အလက်သေချာစွာရရှိရေးကို ရခိုင်ပြည်နယ်မှာကဲ့သို့ တင်းမာမှုမီးမွှေးရန် အသုံးချမချဟူသည် နောက်ထပ်စိန်ခေါ်ချက်ဖြစ်ကြောင်း သုံးသပ်ပြောဆိုသွား၏။

“ တင်းမာနေပြီးဖြစ်တဲ့ အနေအထားတစ်ရပ်ကို မပွင့်ထွက်စေဖို့ အစိုးရမှာ တာဝန်ရှိပါတယ်။ ဘာသာရေးထိန်းချုပ်မှုအပေါ် ဒီအချက်အလက်ကို ကိုင်တွယ်မယ်ဆိုရင် ဒီလမ်းကြောင်းက အဲ့ဒီမှာဘဲ အဆုံးသတ်သွားမှာဖြစ်တယ်။ ဒီအနေအထားရောက်ရင် အစိုးရရဲ့ ဖျက်ဆီးရေးထိန်းချုပ်မှုလို့ ဆိုရပါမယ်”။

Myanmar Times English ပိုင်းတွင် ဖော်ပြခဲ့သည့် Census collection winds down amid controversy ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

April 29, 2014
ဂုဏ်ယူဖွယ်ရာ အစ္စလာမ့် လက်ရေးလှ Calligraphy အတတ်ပညာရပ်

ဧပြီ ၂၉ ၊ ၂၀၁၄
M-Media
.ဆွေမွန်ရေးသားသည်။

ဂုဏ်ယူဖွယ်ရာ အစ္စလာမ့် လက်ရေးလှ Calligraphy အတတ်ပညာရပ် (သို့) အစ္စလာမ့်ယဉ်ကျေးမှု၌သာ သီးသန့်ထွန်းကားနေဆဲဖြစ်သော လက်ရေးလှ Calligraphy အတတ်ပညာရပ်

လက်ရေးလှ Calligraphy အတတ်ပညာရပ်ကို Oxford Advanced Learners’ အဘိဓာန်မှာ Beautiful handwriting that you do with a special pen or brush / The art of producing this လို့ ဖွင့်ပါတယ်။ အစ္စလာမ့်လက်ရေးလှ အတတ်ပညာရပ်ကို အာရဗီလက်ရေးလှ အတတ်ပညာရပ်လို့လည်း လူသိများကြပါသေးတယ်။ တကယ့်ကို အနုပညာမြောက်အောင် ရေးသားရတဲ့ ပညာရပ် တစ်ခုဖြစ်သလို တစ်ချို့စာလုံးတွေကို ရေးသားဖို့ လနဲ့ချီပြီး အချိန်ပေးကာ ရေးဆွဲရပါတယ်။ အစ္စလာမ့် လက်ရေးလှ အတတ်ပညာရပ်ဟာ ကမ္ဘာ့မွတ်ဆလင်မ် အားလုံး လွယ်ကူစွာ ဖတ်တတ်ကြတဲ့ အာရဗီစာလုံးတွေကိုပဲ အခြေခံကာ ရေးဆွဲသားရသလို ဖန်ဆင်းရှင် အလ္လာဟ်အရှင်ရဲ့ အမည်နာမံတော်တွေ၊ ဂုဏ်တော်တွေ၊ ကျမ်းတော်မြတ် ကုရ်အာန်လာ ကျမ်းချက်တွေ၊ အစ္စလာမ့်ယုံကြည်ချက်တွေ၊ ကဆွီဒါကဗျာတွေ၊ စကားပုံစတာတွေကို လက်ရာမြောက်စွာ လက်ရေးသီးသန့်နဲ့ပဲ တီထွင်ရေးသားရပါတယ်။

အာရပ်၊ ပါရှန်၊ အော်တိုမန် လက်ရေးလှ အတတ်ပညာရပ်တွေဟာ ဗလီဝတ်ကျောင်းတော်တွေရဲ့ နံရံတွေ၊ မျက်နှာကျက်တွေကို အလှတန်ဆာဆင်ခဲ့ကြတဲ့ အာရပ်အနုပညာဒီဇိုင်းတွေနဲ့ များစွာ ဆက်နွယ်လျက်ရှိခဲ့ပါတယ်။ အစ္စလာမ့်လက်ရေးလှ အတတ်ပညာရပ်ဟာ ကျန်တဲ့အစ္စလာမ့် အနုပညာလက်ရာတွေကြားထဲမှာတော့ တကယ့်စွဲမှတ်အထင်ကြီးစရာ ပညာရပ်တစ်ခုဖြစ်ရတာက ကျမ်းတော်မြတ်ကုရ်အာန်က ကျမ်းချက်တွေကိုပဲ အခြေခံကျကျရေးဆွဲမှုကို ထိန်းသိမ်း မူမပျက်စေတဲ့ အကြောင်းတရားကြောင့်ပဲ ဖြစ်ပါတယ်။ ရုပ်ပုံတွေနဲ့ပုံဖော်တင်စားတဲ့ လက်ရေးလှအတတ်ပညာရပ်ဟာ အနုပညာပုံဖော်ခြင်းတစ်ရပ်အနေနဲ့ ခောတ်စားလာခဲ့ပေမယ့်လည်း ဘာသာရေးဆိုင်ရာ ကျမ်းချက်တွေကိုပဲ ရုပ်ပုံအနေနဲ့ အဓိကထားကာ ရေးဆွဲနေကြဆဲဖြစ်ပါတယ်။

အာရဗီလက်ရေးလှ စာလုံးပုံစံတွေဟာ သူတို့အစပြုရာမြို့အမည်တွေကို အစွဲပြုပြီး ကူဖစ်ပုံစံ၊ ကာလဘ်တီပုံစံ၊ ဟီဂျာဇီပုံစံ၊ ပါရှန်ပုံစံစသည်ဖြင့် ခွဲခြားသလို တီထွင်ရေးသားသူတွေရဲ့ အမည်တွေကို အစွဲပြုပြီး ကာလယာကိုတာပုံစံ၊ ရီဟာနီပုံစံ၊ ဂဇ်လာနီပုံစံစသည်ဖြင့် ကွဲပြားကြပါသေးတယ်။

ကူဖစ်ပုံစံလက်ရေးလှစာလုံးတွေဟာ ရိုးရှင်းတယ်၊ ဂျီသြမေထြီပုံစံကျတယ်၊ ရိုးရှင်းတဲ့ ကာရံတွေကို ရေညီမျဉ်းတွေနဲ့ ရေးသားလေ့ရှိပါတယ်။ သရစာလုံးတွေကို အနီရောင်အစက်တွေနဲ့ ရေးပြီး ဗျည်းတွေကို မျဉ်းတိုတွေနဲ့ ဖတ်ရလွယ်အောင် ခွဲခြားပေးပါတယ်။ တူနီးရှားနိုင်ငံ၊ ကိုင်ရိုအန်မြို့က ဗလီကြီးမှာ ကူဖစ်ပုံစံရေးထွင်းထားတဲ့ လက်ရေးလှစာလုံးတွေကို မြင်နိုင်သေးသလို ရှေးဟောင်း ဒင်္ဂါးပြားတွေမှာလည်း ကူဖစ်လက်ရေးလှတွေကို မြင်နိုင်ပါတယ်။ မဂ်ရီဗီ နဲ့ အန်ဒလူစီ မူကွဲတွေဟာ အကွေ့အကောက်တွေ ပိုမိုပါဝင်တဲ့ ကူဖစ်လက်ရေးလှပုံစံကွဲတွေဖြစ်ပါတယ်။ ကုရ်အာန်ကျမ်းတော်မြတ် နဲ့ အထောက်အထားတွေကို ရေးသားကြရာမှာ ပိုပြီးကွေ့ကောက်မှုတွေပါဝင်တဲ့ ကူဖစ်လက်ရေးလှတွေ အစားထိုးဝင်ရောက်ခဲ့ပြီ ဖြစ်ပါတယ်။

နက်ရ်ှခ်လက်ရေးလှပုံစံကို ပါရှန်လူမျိုးဖြစ်တဲ့ Ibn Muqla Shirazi (d. 939) က ၁၀ ရာစုနှစ်မှာ ဦးဆောင်စတင်ခဲ့ပြီး သူ့ရဲ့ဆက်ခံသူတွေဖြစ်တဲ့ Ibn al-Bawwab (d. 1022) နဲ့ Yaqut al-Musta’simi (d. 1298) တို့က ပိုမိုကောင်းမွန်အောင် ပြုပြင်ရေးသားခဲ့ကြပါတယ်။ နက်ရ်ှခ်လက်ရေးလှပုံစံဟာ ပိုပြီး ရေးရ ဖတ်ရတာလွယ်ကူတဲ့အတွက် အစောပိုင်းကူဖစ်ပုံစံတွေထက် လူကြိုက်များခဲ့ကာ တန်ဆာဆင်ယင်တဲ့ ရည်ရွယ်ချက်တွေလည်း ပိုမိုပါဝင်လာခဲ့ပါတယ်။ နက်ရ်ှခ်လက်ရေးလှပုံစံဟာ ယခုအချိန်မှာတော့ ပြန့်နှံ့မှုအကောင်းဆုံးဖြစ်နေပြီး ကုရ်အာန်ကျမ်းတော်မြတ်ကို လက်ရေးလှရေးသားရာမှာ တရားဝင်ရုံးသုံးပုံစံဖြစ်နေပါပြီ။ ၁၇ ရာစုရဲ့ အထင်ရှားဆုံးနက်ရ်ှခ် လက်ရေးလှရေးဆွဲ သူကတော့ အော်တိုမန် လက်ရေးလှရေးဆွဲသူတစ်ဦးဖြစ်တဲ့ ဟာဖဇ် အွတ်ဆမန်ပဲဖြစ်ခဲ့ပါတယ်။ သူ့ရဲ့ လက်ရေးလှရေးဆွဲဟန်တွေဟာ ယနေ့ကျမ်းတော်မြတ် ကုရ်အာန်ပုံနှိပ် စာလုံးတွေရဲ့ အခြေခံဖြစ်ခဲ့ပါတယ်။

တူလု့တ်လက်ရေးလှပုံစံကတော့ အခက်အနွယ်တွေနဲ့ ရှည်လျားလှတဲ့ ထောင်လိုက်မျဉ်းတွေသုံးကာ ပိုမိုအားရှိတဲ့ဖက်ကို ယိမ်းခဲ့ပါတယ်။ တူလု့တ်လက်ရေးလှပုံစံကို ၁၄ ရာစုကုန် ၁၅ ရာစုဆန်းစကာလတွေမှာ မာမ်းလုက်မျိုးနွယ်တွေက သုံးစွဲခဲ့ကြပါတယ်။ စွဲမက်စရာကောင်းလှတဲ့ ဒီလက်ရေးလှပုံစံတွေဟာ တူရကီနိုင်ငံက ဟူဆီရင် နဲ့ ဖူအတ်ဘာဆာဒေသတွေမှာ ရှင်သန်နေဆဲပါ။

တာဝ်ကီလက်ရေးလှပုံစံဟာ အဘာဆစ်ဒ်ခါလီဖာတွေ လက်ထက်မှာ ပေါ်ပေါက်ထွန်းကားခဲ့ပါတယ်။ တရားဝင်ဥပဒေတွေကို ပြဌာန်းရာမှာ တရားဝင်သုံးစွဲခဲ့ကြပြီး ရှည်လျားလှတဲ့ဒေါင်လိုက်မျဉ်းကြီးတွေ၊ ကျယ်ပြန့်ကားလှတဲ့ အကွေ့ပုံစံတွေနဲ့တာဝ်ကီလက်ရေးလှပုံစံကတော့ အသုံးနည်းလျက်ရှိနေပါတယ်။ ရစ်ကာအာလက်ရေးလှပုံစံကတော့ တာဝ်ကီလက်ရေးလှပုံစံရဲ့သေးငယ်တဲ့မူကွဲပုံစံတစ်မျိုးပါ။

၁၇ ရာစုနောက်ပိုင်းမှာတော့ ပိုမိုပြီးအကွေ့အကောက်တွေနဲ့ တန်ဆာဆင်ယင်ထားတဲ့ အာရဗီလက်ရေးလှ စာလုံးပုံစံတွေဟာ တူရကီ နဲ့ ပါရှန်းမြေတွေမှာ ထွန်းကားလာခဲ့ပြန်ပါတယ်။ နာစ်တာလစ်က်လက်ရေးလှပုံစံ၊ ရှီကားစ်တက်လက်ရေးလှပုံစံစသည်ဖြင့် ပုံစံကွဲတွေ ရှိခဲ့ပြီး ဗလီဝတ်ကျောင်းတော်တွေရဲ့ ၀င်ပေါက်တွေမှာ တန်ဆာဆင်ယင်ခဲ့ကြပါတယ်။ ဒီဝန်နီလက်ရေးလှပုံစံတွေဟာ အော်တိုမန်တူရကီတွေ ၁၇ ရာစုက သုံးခဲ့တဲ့ ပုံစံဖြစ်ပါတယ်။

တရုတ်ပြည်မှာတော့ ဆီနီလို့ခေါ်တဲ့ အာရဗီလက်ရေးလှ ပုံစံကွဲတစ်မျိုး ပေါ်ပေါက် ထွန်းကားခဲ့တာကို တွေ့မြင်နိုင်ကြပါသေးတယ်။

လက်ရေးလှ Calligraphy အတတ်ပညာရပ်ဟာ မွတ်ဆလင်မ်တွေရဲ့ ကမ္ဘာမှာ အစ္စလာမ့်အနုပညာရပ်တစ်ခုအနေနဲ့ ထွန်းတောက်ထင်ရှားနေဆဲဖြစ်သလို စာလုံးတစ်လုံးနဲ့ တစ်လုံး ကူးယှက်နွယ်ကာ ရေးသားပြသတဲ့ လက်ရေးလှ အတတ်ပညာရပ်ဟာ ခေတ် အဆက်ဆက်က မြင်ရသူတိုင်းကို အာရဗီ ဘာသာစကားကို မတတ်မြောက်စေကာမူ သူ့ရဲ့ ခမ်းနားကြီးကျယ်နက်နဲမှုတွေ၊ လှပနူးညံ့မှုတွေနဲ့ ဖမ်းစားနေဦးမှာ အမှန်ပဲဖြစ်ပါတော့တယ်။

ဆွေမွန်
၂၇ ဧပြီ ၂၀၁၄

April 29, 2014
ဘာသာရေးဆန်တဲ့ အကြမ်းဖက်မှုတွေ ဆက် ဖြစ်လာနိုင်သေးသလား

စည်သူအောင်မြင့်
မဇ္ဇျိမ သတင်းစာ၊ ၂၁-၄-၁၄။ စာ-၉။

ပြီးခဲ့တဲ့ သင်္ကြန်တွင်း ဧပြီ ၁၅၊ ၁၆ နဲ့ ၁၇ ရက်နေ့တွေမှာ စိတ်မကောင်းစရာ ဘာသာရေးဆန်တဲ့ အကြမ်းဖက်မှု တစ်ခု ပဲခူးတိုင်း၊ သာယာဝတီခရိုင်၊ နတ်တလင်းမြို့နယ် တောင်ညိုမြို့သစ်မှာ ဖြစ်ပွားခဲ့ပါတယ်။ အစ္စလာမ်ဘာသာဝင် လူငယ်တစ်ယောက် လာရောက်တဲ့ ကိစ္စကို အကြောင်းပြုပြီး ဗုဒ္ဓဘာသာဝင် ဒေသခံ လူအုပ်စုက ဗုဒ္ဓဘာသာဝင်တစ်ချို့ရဲ့ နေအိမ်တွေကို အကြမ်းဖက် ဖျက်ဆီးခဲ့တဲ့ ဖြစ်စဉ်ပါ။ ရန်ကုန်တိုင်း လှည်းကူးမှာ ခုလိုပဲ ဘာသာရေးဆန်တဲ့ အကြမ်းဖက်မှု တစ်ခု ဖြစ်ပွားခဲ့ပြီး သိပ်မကြာခင်မှာပဲ နတ်တလင်းမှာ ဖြစ်ပွားခဲ့တာပါ။ အခုနောက်ပိုင်း ဘာသာရေးဆန်တဲ့ အကြမ်းဖက်မှုတွေ ခပ်စိတ်စိတ် ဖြစ်လာပြီလား၊ ဘာကြောင့် ဒီလောက် ဖြစ်ပွားမှု များလာတာပါလဲ၊ အာဏာပိုင်တွေရဲ့ အရေးယူ ကိုင်တွယ်ပုံကရော ကျေနပ်လောက် စရာ ရှိပါရဲ့လား၊ ရှေ့ ဘာတွေများ ဆက်ဖြစ်လာနိုင်မလဲ ဆိုတာ ဒီကနေ့ ဆွေးနွေးတင်ပြသွားပါ့မယ်။

ဖြစ်စဉ်ကတော့ သိပ် ထူးထူးခြားခြားကြီး မဟုတ်ပါဘူး။ သတင်းဖော်ပြချက်တွေအရ နတ်တလင်းမြို့ပေါ်နေ အစ္စလာမ် ဘာသာဝင် လူငယ်လေးတစ်ယောက်ဟာ တောင်ညိုမြို့သစ်က ဗုဒ္ဓဘာသာဝင် မိန်းကလေးတစ်ယောက်နဲ့ ချစ်ကြိုက်ကြတယ်လို့ ဆိုပါတယ်။ မိန်းကလေးရဲ့ ဖုန်းဆက်ခေါ်ဆိုမှုကြောင့် အဲဒီလူငယ်လေးဟာ တောင်ညိုမြို့သစ်က မိန်းကလေးရဲ့ အိမ်ကိုသွားပါတယ်။ အဲဒီအိမ်ကို ရောက်ပြီးနောက် ဒေသခံ လူအုပ်စုကြီးက ဘာသာခြား လူငယ်ကို ထုတ်ပေးဖို့၊ သူတို့လက် အပ်ဖို့ တောင်းဆိုပါတယ်။ ထုတ်မပေးတဲ့အခါ အရေအတွက် သုံးရာလောက်ရှိတဲ့ လူအုပ်ကြီးက အဲဒီ အိမ်ကို ခဲနဲ့ပေါက်၊ နေအိမ်နဲ့ အိမ်သုံးပစ္စည်းတစ်ချို့ကို ဖျက်ဆီးခဲ့ကြပါတယ်။ နောက်ရက်တွေမှာလည်း အဲဒီ လူငယ်နဲ့ ရင်းနှီးတဲ့ နေအိမ်သုံးလုံးကို ဆက်ပြီး ဖျက်ဆီးခဲ့ကြ ပါသေးတယ်။ ဒီအတောအတွင်း ခရိုင်ရဲတပ်ဖွဲ့မှူး ဦးဆောင်တဲ့ ရဲတပ်ဖွဲ့ဝင် (၅၀) လောက် လာရောက်ခဲ့ပေမယ့် တစ်စုံတစ်ရာ တားဆီးတာမျိုး မလုပ်နိုင်ခဲ့ကြဘူးလို့ ဆိုပါတယ်။

သတင်းရေးသားဖော်ပြချက်တွေနဲ့ တကယ့်ဖြစ်ရပ် အသေးစိတ် အချက်အလက် တစ်ချို့ ကွာခြားတာမျိုး ရှိကောင်း ရှိနိုင်ပေမယ့် သေခြာတဲ့ အချက်တွေကတော့ ဘာသာခြား လူငယ်ကို ထုတ်ပေးဖို့ ဒေသခံ လူအုပ်ကြီးက တောင်းဆိုတာပါ။ နောက် နေအိမ် စုစုပေါင်း လေးလုံး ဖျက်ဆီးခံရတာပါ။ အခြားသော ဘာသာရေးဆန်တဲ့ အကြမ်းဖက်မှု ဖြစ်စဉ်တွေမှာလိုပဲ လူအုပ်ကြီးဟာ တရားဥပဒေ အတိုင်းမဟုတ်ပဲ လူတစ်ယောက်ကို သူတို့ လက်အပ်ဖို့ တောင်းဆိုခဲ့ပါတယ်။ တကယ်လို့ အပ်လိုက်ရင် သူတို့နည်း သူတို့ဟန်နဲ့ အပစ်ပေး အရေးယူမယ် ဆိုတဲ့ သဘောမျိုးဖြစ်ပါတယ်။ အဲဒီ လူကို လက်ဝယ်မရတဲ့အခါ ဘာမှမဆိုင်တဲ့ လက်ခံထားသူတွေရဲ့ နေအိမ်တွေကို အကြမ်းဖက် ဖျက်ဆီးမှုတွေ လုပ်ကြတာမျိုး ဖြစ်ပါတယ်။

အရင်က ဖြစ်ခဲ့တဲ့ ဖြစ်စဉ်တွေနဲ့ နှိုင်းရင် အခုဖြစ်စဉ်မှာ ထူးခြားချက် တစ်ချို့ရှိပါတယ်။ အဲဒါကတော့ ဘာသာခြားကို လက်ခံထားတဲ့ ဗုဒ္ဓဘာသာဝင် နေအိမ်တွေကို ဗုဒ္ဓဘာသာဝင် လူအုပ်ကြီးကပဲ အကြမ်းဖက် ဖျက်ဆီးပစ်ခြင်းပါ။ ဖျက်ဆီးခံရတဲ့ နေအိမ် လေးလုံးပဲ ရှိတယ် ဆိုပေမယ့် ဗုဒ္ဓဘာသာဝင်တွေရဲ့ ပုံရိပ်၊ အစိုးရရဲ့ ပုံရိပ်၊ မြန်မာနိုင်ငံရဲ့ ပုံရိပ်ကို အများကြီး ထိခိုက်စေပါတယ်။ အရုပ်ဆိုး အကျည်းတန်စေပါတယ်။ ဒီဖြစ်စဉ်နဲ့ ပါတ်သက်လို့ ဘယ်သူတွေက ဘယ်လိုပဲ အကြောင်းပြပြ ဗုဒ္ဓဘာသာဝင် တစ်ချို့ရဲ့ ဘာသာခြားအပေါ် အမုန်းတရား အခြေခံပြီး အကြမ်းဖက်မှု ကျူးလွန်ခဲ့ကြတယ် ဆိုတာကိုတော့ ဘယ်လိုမှ ငြင်းလို့မရပါဘူး။ တရားဥပဒေ စိုးမိုးရေးကို မျက်ကွယ်ပြုခဲ့ကြတယ် ဆိုတာလည်း ထင်ထင်ရှားရှားကြီး တွေ့နိုင်ပါတယ်။

အရင်းခံ လက်သယ် အကြောင်းတရားကတော့ အမုန်းတရားပါ။ အဲဒီ ဒေသခံ လူအုပ်ကြီးရဲ့ စိတ်ထဲမှာ အဲလို ဘာသာခြားကို မုန်းတီးတဲ့ စိတ်အခံ ရှိနှင့်နေပြီးသားပါ။ ဒီဖြစ်စဉ်မှာတော့ ဘာသာခြားကို မုန်းတီးတာ တင်မက အဲဒီ ဘာသာဝင်နဲ့ ဆက်ဆံတဲ့ ကိုယ့်ဗုဒ္ဓဘာသာဝင် မိသားစု တွေကိုပါ မုန်းတီး အကြမ်းဖက် အပစ်ပေးတာ တွေ့မြင်နိုင်ပါတယ်။ အခုဖြစ်ပွားခဲ့တဲ့ တောင်ညို အကြမ်းဖက်မှု၊ လှည်းကူး အကြမ်းဖက်မှု နဲ့ ရှေ့မှာ ဖြစ်ပွားခဲ့တဲ့ အကြမ်းဖက်မှု ဖြစ်စဉ် အားလုံးရဲ့ အရင်းခံဟာ လူတွေရဲ့ စိတ်ထဲ ၀င်ရောက်နေတဲ့ အမုန်းတရားက လှုံ့ဆော်လို့ ဖြစ်ရတာပါ။ ဒီလိုဖြစ်ရအောင်ကလည်း အစိုးရအဖွဲ့သစ် တက်လာပြီးနောက်ပိုင်း ဘာသာခြား မုန်းတီးရေး လှုံ့ဆော်မှုတွေ အဆက်မပြတ် ရှိနေခဲ့တာက အဓိက ပြသနာပါ။ မိတ္တီလာ အကြမ်းဖက်မှုနဲ့ တခြား အကြမ်းဖက်မှုတွေ ဖြစ်ပွားပြီးနောက်ပိုင်း သမ္မတ ဦးသိန်းစိန်က အမုန်းတရား ဖြန့်ဖြူးသူတွေကို ထိထိရောက်ရောက် အရေးယူမယ်လို့ ပြည်တွင်းမှာသာမက နိုင်ငံတကာကိုပါ အတိအလင်း ကြေငြာခဲ့ပေမယ့် ဘယ်တစ်မှုကိုမှ မယ်မယ်ရရ အရေးယူခဲ့တာ မတွေ့ကြရပါဘူး။

ဒါကြောင့်လည်း နောက်ပိုင်းကာလမှာ အမုန်းတရား ဖြန့်ဖြူးသူတွေဟာ ပိုပြီး ပေါ်ပေါ်ထင်ထင်၊ ပိုပြီး စနစ်တကျ လုပ်ကိုင်ဆောင်ရွက် လာကြတာ တွေ့မြင်ကြရပါတယ်။ အမုန်းတရား ဖြန့်ဖြူးသူ အရည်အတွက်လည်း ပို ပိုပြီး များပြားလာတာ တွေ့မြင်လာရပါတယ်။ အမုန်းတရား ဖြန့်ဖြူုးသူတွေ နားနေတာတောင် သူတို့ ဟောပြောထားတဲ့ စာရွက်စာတမ်းတွေ၊ စာစောင်တွေ၊ စီဒီနဲ့ ဒီဗွီဒီ ဓာတ်ပြားတွေ၊ အွန်လိုင်း စာမျက်နှာတွေဟာ ရပ်တန့်နေတာ မဟုတ်ပါဘူး။ အောက်ခြေ ပြည်သူ လူထုထဲကို စိမ့်ဝင်သထက် စိမ့်ဝင်၊ ပျံ့နှံ့သထက် ပျံ့နှံ့နေတာ ဖြစ်ပါတယ်။ ဒီ အမုန်းတရား ဖြန့်ဖြူးနေတာတွေ မရပ်တန့်နိုင်သေးသ၍ ခုလို အကြမ်းဖက်မှုမျိုး နောက်ထပ် ဘယ်လို နေရာမှာမဆို ဆက်ပြီး ဖြစ်ပွားနိုင်ပါသေးတယ်။

ဒုတိယ အရေးကြီးတာတစ်ခုက အကြမ်းဖက်မှုတွေနဲ့ ပါတ်သက်ပြီး သက်ဆိုင်ရာ အာဏာပိုင် အထူးသဖြင့် ပြည်ထဲရေးဝန်ကြီးဌာန ရဲတပ်ဖွဲ့ရဲ့ ကိုင်တွယ်ပုံပါ။ ရှေ့ပိုင်း ဖြစ်ပွားခဲ့တဲ့ ဖြစ်စဉ်တွေကို ပြန်သုံးသပ်ကြည့်လိုက်ရင် လူစုလူဝေးနဲ့ အကြမ်းဖက်မှု လုပ်တာကို မဖြစ်ရအောင် ထိထိရောက်ရောက် ကာကွယ်တားဆီးမယ်၊ ဖြစ်လာရင်လည်း နောက် မဖြစ်ရလေအောင် လှုံ့ဆော်သူ၊ ကျူးလွန်သူတွေကို ထိထိရောက်ရောက် အရေးယူမယ် ဆိုပြီး လုပ်ကိုင်တာမျိုး မတွေ့မြင်ကြရပါဘူး။ ပြသနာရဲ့ အစ ဖြစ်တဲ့ သာမန် အမှုအခင်း ကျူးလွန်မိသူတွေကို အဓိကရုဏ်း အကြမ်းဖက်မှု လှုံ့ဆော်သူတွေသဖွယ် ကြီးလေးတဲ့ ပစ်ဒါဏ် ချပြတာမျိုးပဲ လုပ်ခဲ့ပါတယ်။ တကယ်တော့ ဒါဟာ မှားယွင်းတဲ့ အရေးယူမှုပုံစံမျိုးပါ။ အကျိုးဆက်အဖြစ် အကြမ်းဖက်သမားတွေဟာ အခုနောက်ပိုင်း ပိုပြီး ရဲတင်း၊ ပိုပြီး လက်ရဲ ဇက်ရဲ နိုင်လာတာ တောင်ညိုဖြစ်စဉ်မှာလည်း တွေ့နိုင်ပါတယ်။

ဒီကနေ့အချိန်ထိတော့ အမုန်းတရား ဖြန့်ဖြူးမှုတွေနဲ့ ပါတ်သက်ပြီး အစိုးရဘက်က လျစ်လျူရှုထားသလို တိုင်းပြည်ကောင်းစားရေးအတွက် ဆိုပြီး ကြွေးကြော်နေကြတဲ့ အတိုက်အခံတွေ၊ အရပ်ဘက် အဖွဲ့အစည်းတွေကလည်း ပြင်းပြင်းထန်ထန် ဝေဖန်ကန့်ကွက်တာမျိုး မမြင်မတွေ့ကြရသေးပါဘူး။ အလားတူ အကြမ်းဖက် သမားတွေကို ပြတ်ပြတ်သားသား အရေးယူတော့မယ် ဆိုပြီး တပ်မတော်က ထိန်းချုပ်ထားတဲ့ ပြည်ထဲရေးဝန်ကြီးဌာန ဘက်ကလည်း ဘာ သံဓိဌာန်ချမှုမျိုးမှလည်း မကြားရသေးပါဘူး။ ဒီအတွက် ခုလို အကြမ်းဖက်မှုမျိုး ရှေ့လျောက် ဆက်ပြီး မြင်တွေ့ကြရဦးမှာ ဖြစ်သလို၊ ဗုဒ္ဓဘာသာ ပုံရိပ်၊ အစိုးရပုံရိပ်၊ မြန်မာနိုင်ငံ ပုံရိပ် ဆက်ပြီး ကျဆင်းလာနိုင်ပါကြောင်း သုံးသပ်တင်ပြလိုက်ရပါတယ်။

စည်သူအောင်မြင့်။

https://www.facebook.com/sithu.aungmyint/posts/277045789144895?fref=nf

ပုံစာအညွှန်း-တရားဝင်နိုင်ငံရေးပါတီ တခုဖြစ်သည့် မတူကွဲပြားခြင်းနှင့် ငြိမ်းချမ်းရေးပါတီ ဥက္ကဌ ဥိးနေမျိုးဝေ၏ ၄င်းရဲ့ ဆိုရှယ်မီဒီယာ စာမျက်နှာပေါ်မှ အကြမ်းဖက်ရန် လှုံဆော် ရေးသားမှုများ

April 29, 2014