Category: ထင်ပေါ်ကျော်ကြား ပုဂ္ဂိုလ်များ

မေ ၆၊ ၂၀၁၄
.ရေးသားပြုစုသူ- ပါမောက္ခ ဒေါက်တာအောင်ဇော်

ခေတ်သစ် စောင်းပညာရှင် ဆရာညိန်းသည် ပြည်ခရိုင်၊ ပေါက်ခေါင်းမြို့နေ ပန်းထိမ်ဆရာကြီး အမှုခင်(ခေါ်)ဦးခင် နှင့် ဒေါ်မိမိ တို့မှ ၁၂၄၀ ပြည့်နှစ်တွင် ဖွားမြင်သည့် သားဦးရတနာဖြစ်သည်။ အစ္စလာမ်ဘွဲ့အမည်မှာ အဗ်ဒူလ် ကရင်မ် ဖြစ်သည်။

ဖခင်ကြီး အမူခင်သည် ပန်းထိမ်လုပ်ငန်းဖြင့် အသက်မွေး ၀မ်းကျောင်းပြုသော်လည်း စောင်းပညာကို ထူးချွန်စွာ တတ်မြောက်သူ ဖြစ်သည်။ မင်းညီမင်းသားများအား စောင်းပညာကို သင်ကြားပေးသဖြင့် ဆုတော်လာဘ်တော်များ မကြာခဏ ချီးမြှင့်ခံရသည်။

အမူခင်သည် ပန်းထိမ်လုပ်ငန်း နားသည့်အချိန်များတွင် စောင်းကို တီးခတ်ပျော်မွေ့နေလေ့ရှိသည်။ ၇-နှစ်သားအရွယ်တွင် ဆရာညိန်းသည် ဖခင်၏စောင်းကို ယူတီးလေ့ရှိသဖြင့် ဖခင်ကြီးက သားငယ်မမီနိုင်သော ခပ်မြင့်မြင့် တစ်နေရာတွင်စောင်းကိုတင် ထားရသည်။ ဆရာညိန်းသည် ဖခင်ကြီး လစ်သည်နှင့် ကုလားထိုင်ပေါ်တွင် ခုံဆင့်ပြီး စောင်းကို ရအောင်ယူကာ တီးခတ်လေ့ရှိသည်။

ဆရာညိန်း၏ စောင်းဝါသနာ ထက်သန်မှုကို ဖခင်ကြီး သိရှိသည့် အခါ မိမိတပည့်များ စောင်းပညာ လာရောက် ဆည်းပူးချိန်တွင် သားငယ်ကို အနားတွင်ထိုင်၍ ပညာယူစေသည်။ စိတ်ဓာတ်ပြင်းပြသော ဆရာညိန်းသည် ဖခင်ထံမှ စောင်းပညာ အမွေကို စနစ်တကျ ခံယူနိုင်ခဲ့သည်။

ဆရာညိန်းသည် နိုင်ငံကျော်ဇာတ်မင်းသားကြီး ဦးဖိုးစိန်နှင့် ဦးစိန်ကတုံးတို့၏ ဇာတ်သဘင်များကိုလည်း မပြတ်ကြည့်ရှုသည်။ အပြော အဆို၊ အငို၊ အချီအချ၊ ကနည်းကဟန် ကကွက်၊ ဆိုင်းချက်စည်းဝါး တို့ကို လေ့လာသည်။ ဆိုင်းစုံ၊ ပတဩလား၊ နှဲ၊ ပလွေ၊ မောင်း၊ ဆိုင်းပါ မကျန် တီးပုံတီးနည်းများကို အထူးစိတ်ဝင်စားစွာ မှတ်သားသည်။

မကြာမီ ဆရာညိန်းသည် သီချင်းကြီး၊ သီချင်းခံ၊ ဘွဲ့၊ ဘောလယ်၊ ဒွေးချိုး၊ လေးချိုး၊ တေးထပ်၊ ယိုးဒယားတို့ကိုပါ သံနေသံထား ဆီလျော် ခံ့ညားအောင် ရေးစပ်နိုင်သည်အထိ ကျွမ်းကျင်လာသည်။ မိဘများက ရန်ကုန်မြို့သို့ ပြောင်းရွှေ့လာသောအခါ ဆရာညိန်းသည် ရန်ကုန်ရှိ ဂီတပညာရှင်ကြီး များထံမှ ဆက်လက်လေ့လာ ဆည်းပူးသည်။ အခြေခံ ခိုင်မာအောင် ကြိုးပမ်းသည်။ ဆရာညိန်း၏ အားထုတ်မှု၊ စောင်းပညာ ကျွမ်းကျင်မှုသတင်းသည် နယ်များသို့ ပျံ့နှံ့သွားသည်။ ဆရာညိန်းသည် ရှင်ပြုနားသ၊ ထိမ်းမြားမင်္ဂလာ၊ ပွဲနေပွဲထိုင်၊ ဂုဏ်ပြု ဧည့်ခံပွဲများပါမကျန် လက်ခံတီးရသည်။ ဆရာညိန်း၏ ပညာဂုဏ် တစ်ဟုန်ထိုး ကျော်ကြားသွားသည်။

ဆရာညိန်းသည် နိုင်ငံခြားမှလာသည့် ဂီတာကို မြန်မာတီးဟန်ဖြင့် တီးနိုင်စေရန် သံမှန်ကို လေးပေါက်ကြိုးဖြင့် ပြောင်းကာ မြန်မာဟန်ဖြင့် စတင်တီထွင်သူ ဖြစ်သည်။ ထို့ကြောင့် ရကန် ဦးတင်သည် မန္တလေးနှင့် သီပေါတွင် ဆရာညိန်းထံမှရသည့် ဂီတာကြိုး ညှိနည်းဖြင့် မြန်မာ သီချင်းကြီးများကို တီးနိုင် စွမ်းပြနိုင်ခဲ့သည်။ ဂီတာစိမ်းမောင်မှာ နောက်မှ ရကန် ဦးတင်ထံမှ ပညာရခဲ့သည်ဟု သိရပါသည်။

မြန်မာနိုင်ငံ ရှေးတယောထိုးနည်းမှ အနောက်နိုင်ငံ တယောပြားကို ထိုးနည်းအဖြစ် တီထွင်သူမှာလည်း ဆရာညိန်းပင်ဖြစ် သည်။ ဆရာညိန်းသည် စောင်းကြိုး ၁၃ ကြိုးမှ ၁၅ ကြိုးထိ တီထွင်သူဖြစ်သည်ဟု ဆရာ ဦးအောင်သန်းကဆိုသည်။ ၁၄ ကြိုးကို ပုလဲသံစဉ် ညှိ၍ မည်သည့်သီချင်းကိုမဆို ပုလဲသံစဉ်ဖြင့်ရအောင် တီးနိုင်သဖြင့် ပုလဲဝိဇ္ဖာ ဆရာညိန်း ဟုလည်းတွင်သည်။

ဆရာညိန်းသည် တူတော်သူ မောင်အေး(အလင်္ကာကျော်စွာ ရွှေပြည်အေး) တို့နှင့်အတူ သီပေါသို့ ရောက်ခဲ့သည်။

သီပေါ ဟော်နန်းတွင် စောင်းတီးလက်စွမ်းပြစေရာ ဟော်တွင်ရှိနေသော စောင်းဆရာကြီး ဒေ၀န္တဒ္ဒ မောင်မောင်ကြီးက “ဆရာညိန်း စောင်းတီးနေပုံကို အံ့သြမဆုံးဖြစ်ပြီး ပုလဲသံစဉ် တီးစွမ်းသူအနေနှင့် မိမိ၏တစ်သက်တွင် မတွေ့ဘူးသေးကြောင်း တအံ့တသြ ချီးကျူးခဲ့ကြောင်း ဒေါ်စောမြအေးကြည်ထံမှ ကြားသိရသည်။

ဆရာညိန်းသည်  ရသမျှ ဂီတပညာကို ယူတတ်သကဲ့သို့ ရှိသမျှ ဂီတပညာကို ပေးတတ်သူဖြစ်သည်။ ဂီတ၀ိသောဓနီ ကျမ်းဖြစ်မြောက်ရေးအတွက် စောင်းဆရာကြီး မာမူမောင်မောင်လတ်ကို များစွာအထောက် အကူပြုခဲ့သည်ဟု သိရသည်။

တေးဂီတအနုပညာလောကတွင် ကျင်လည်နေသော ဆရာညိန်းသည် စန္နယားဆရာကြီး ဦးနု၏နှမ မအုန်းပွင့်ကို နီးနီး ကပ်ကပ် စောင်းပညာ သင်ကြားပေးရင်း မအုန်းပွင့်နှင့် အကြောင်းပါသည်။ သားသမီး မထွန်းကားသဖြင့် ဦးနု၏အငယ်ဆုံးသား နို့စို့အရွယ်ကလေးကို ချစ်ခင်တွယ်တာပြီး သားရင်းပမာ မွေးစားသည်။ ကလေးသည် ငယ်စဉ်က အေးလွန်းလှသောကြောင့် မောင်အေးဟု ဆရာညိန်းကိုယ်တိုင်က အမည်ပေးခဲ့သည်ဟု (မိုးသောက်ကြယ်မဂ္ဂဇင်း) တွင် ပခုက္ကူ ဦးဘတင်က တင်ပြထားသည်။

စွယ်စုံကျမ်းလာ အလင်္ကာကျော်စွာ ရွှေပြည်အေး အတ္ထုပတ္တိတွင် –

“ရွှေပြည်အေးကို မွေးကင်းစကပင် ရန်ကုန်အနောက်ပိုင်း ၄ လမ်းနေ ဦးနု၏ယောက်ဖနှင့် နှမဖြစ်သူ ဦးအောင်ဖြိုး ဒေါ်ခင်တို့က ဖခင်၏ နေ့နံနှင့်မသင့်ဎ ခေါ်ယူမွေးစားခဲ့သည်။ ရွှေပြည် အေး၏ မွေးစားဖခင် ဦးအောင်ဖြိုးအိမ်၌ ဦးအောင်ဖြိုး၏ နှမဖြစ်သူ ဒေါ်အုန်းပွင့်၏ခင်ပွန်း ဘိလပ်ပြန် စောင်းဆရာညိမ်း တို့လည်း အတူတကွနေထိုင်ကြရာ ရွှေပြည်အေးမှာ ငယ်စဉ်ကပင် ဂီတ အနုပညာနှင့် ပွန်းတီးခဲ့ရသည်။ ငယ်စဉ် ၆ နှစ်သား အရွယ်ကပင် အကအခုန်ဝါသနာထုံသဖြင့် အဆိုရခက်သော ဖိုးစိန်နှင့်အောင်ဗလ တို့၏ သီချင်းများကို မထစ်မငေါ့ သီဆိုနိုင်လေသည်။

ကိုးနှစ်သားအရွယ် မင်းပွဲစိုးပွဲများ၌ စောင်းဆရာညိမ်း၊ စန္နယား ဦးဘလတ်၊ ဦးသာဒင်စသည့် ဂီတပညာရှင်ကြီးများ သီဆို တီးမှုတ်သော တူရိယာဝိုင်းတွင် သီချင်းကြီး သီချင်းခန့်များကို ပိုင်ပိုင်နိုင်နိုင် သီဆိုနိုင်သဖြင့် ကလေးအဆိုတော် တင်မောင်အေး အမည်ဖြင့် လူသိများခဲ့သည်။

ရွှေပြည်အေးသည် စောင်းဆရာညိမ်း၊ တယောဘရီ၊ ရကန်ဦးတင်စသည့် ပညာရှင်များထံမှ တွေ့မြင် မှတ်သား သင်ကြားရာ ၁၀ နှစ်သား အရွယ်မှာပင် တယောထိုးကောင်းစွာ တတ်ကျွမ်းခဲ့သည်။ ၁၃ နှစ်သားတွင် မွေးစားဖခင်မိခင်များ ကွယ်လွန်သွားသော်လည်း စောင်းဆရာညိမ်းနှင့် ဇနီးတို့က သား အဖြစ်ဆက်လက် မွေးစားသည်။ ဆရာညိမ်းသည် မြန်မာ့ တူရိယာ ဂီတပညာရှင်များကို ချီးမြဩင့်အားပေးနေသော သီပေါ စော်ဘွားကြီး ဆာစော ချယ်ထံသို့ သွားရောက်သည့်အခါ သား တပည့်ရွှေပြည်အေးကို ခေါ်ဆောင်သွား၍ စော်ဘွားကတော် ဒေါ်စောမြအေးကြည်ထံတွင် သီချင်းကြီး၊ သီချင်းခန့်၊ ကြိုးသီချင်းများကို သင်ကြားစေခဲ့သည်။ ရွှေပြည်အေးအား ငယ်စဉ်ကပင် မိဘများက စိန်ဂျွန်း အထက်တန်းကျောင်းဩ အပ်နှံပညာသင်ကြားပေးသော် လည်း အဋ္ဌမတန်းအထိသာ ပညာသင်ကြားခဲ့ပြီး ဂီတနယ်တွင်သာ ပျော်မွေ့ခဲ့သည်” ဟု ဖော်ပြပါရှိသည်။

ဦးဘတင်အဆိုအရ ဆရာညိန်း၏ဇနီးသည် ဦးနု၏နှမ ဒေါ်အုန်းဖြစ်ပြီး ဆရာညိန်းသည် ရွှေပြည်အေးကို မွေးစကပင် မွေးစားသည် ဟူ၍ ဖြစ်သည်။ စွယ်စုံကျမ်းလာ ရွှေပြည်အေး အတ္ထုပတ္တိ အရ ဆရာညိန်း၏ ဇနီးမှာ ဦးနု၏ ယောက်ဖဖြစ်သူဦးအောင်ဖြိုး ၏နှမ ဒေါ်အုန်းပွင့်ဖြစ်ပြီး ရွှေပြည်အေး ၁၃ နှစ်သားအရွယ် မူလမွေးစားမိဘများ ကွယ်လွန်ချိန်မှ ဆရာညိန်းနှင့် ဇနီးတို့က သားအဖြစ် ဆက်လက်မွေးစားသည်ဟူ၍ ဖြစ်သည်။

စာပေဗိမာန်ထုတ် မြန်မာ့စောင်း ဒုတိယတွဲတွင် ဖော်ပြထားချက်များနှင့် လုံးဝကွဲလွဲပါသည်။

ဆရာညိန်းသည် အားလပ်သည့် အချိန်များတွင် အနားမနေဘဲ မြန်မာ သမားတော်ကြီးများထံ မြန်မာ့ ဗိန္နောဆေးပညာကို ဆည်းပူးသည်။ မြန်မာ့ဆေးကျမ်းများဖြစ်သော နရသုခိ၊ နရမာလာ၊ နရတန်ဆောင် စသော ဆေးပညာကို ကျွမ်းသည်။ ရောဂါများကို ပိုင်နိုင်စွာကုသနိုင်သဖြင့် ဝေဒနာရှင်များက ဆရာညိန်းကို အားထားယုံကြည်ကြသည်။

ပဉ္စမမြောက် ဂျော့ဘုရင် နန်းတက်ပွဲကျင်းပသည့် ၁၉၁၀ ခုနှစ်တွင် အသုံးတော်ခံရန် အင်ပါယာတစ်ဝန်းရှိ ဂီတအနုပညာ သည်များအား ဖိတ်ကြားသည်။ ဤတွင် မြန်မာ့ယဉ်ကျေးမှု ဂီတအနုပညာသည် ဆရာညိန်းလိုက် ပါရသည်။ (အင်္ဂလန် နိုင်ငံ) တွင် ဆရာညိန်းက မြန်မာ့စောင်းကို လက်စွမ်းပြ တီးခတ်ရာ အတိုင်းတိုင်း အပြည်ပြည်က လာရောက်လာသူ အပေါင်းက အထူးချီးကျူး သြဘာပေးကြသည်။ ထိုပွဲတွင် ဆရာညိန်းသည် မြန်မာ့ဓလေ့ ထုံးစံအတိုင်း ခေါင်းပေါင်းဆံစ ဖော်ပေါင်းသည်။ မြန်မာ့ဝတ်စား တန်ဆာ ရင်ဖုံးအကျီနှင့် တောင်ရှည် ပုဆိုးကို သပ်ရပ်စွာ ဆင်မြန်းသည်။ နိုင်ငံခြားပရိသတ် အပေါင်းက တအံ့တသြ ကြည့်ရှုကြသည်။ ဆရာ့ပုံတူ ပန်းချီလာဆွဲသူတို့ များလှသဖြင့် ပုံဆွဲချိန်တစ်ခု သတ်မှတ်ပေးရသည်။

နိုင်ငံရပ်ခြားတွင် ဆရာညိန်းသည် မန္တလေးမြို့က ဦးဘ ဒေါ်မေတို့၏ သားကြီး၊ အင်္ဂလန်သို့ ပညာတော်သင် ရောက်နေသူ တူတော်မောင် ကိုဆက်၏ မိတ်ဆက်ပေးမှုဖြင့် စကော့လူမျိုး ဆရာဝန်တစ်ဦး၏ သမီးလေး နှင့်ဆုံသည်။ ကိုဆက်သည် နောင်အခါ ဆေးပါရဂူကြီး ဖြစ်လာသည်။ မိခင်ဒေါ်မေသည် ဆရာညိန်း၏ အစ်မတော်သည်။ စကော့ ဆရာဝန် သမီးလေးသည်သွေးလေ ချောက်ချားပြီး စိတ္တဇပမာ ခံစားနေရသည့် ဝေဒနာသည် ဖြစ်သည်။ ဆရာညိန်းက မြန်မာ့နည်း မြန်မာ့ဟန်ဖြင့် သွေးလေ၊ သလိပ် သည်းခြေစသည်ဖြင့် ခွဲခြားပြီး ဆေးတိုက်ကျွေးသည်။ ဆရာသည် စိတ်ပညာဖြင့် ရောဂါကိုကုသရာ၌ တူရိယာနှင့် ကုသည့်နည်းကို အထူး ယုံကြည်သည်။ မိမိစောင်းကို သာယာနာပျော်ဖွယ် တီးခတ်ပြသည်။ ဝေဒနာရှင်သည် စောင်းသံတွင် စိတ်ညွတ်နူးပြီး ရောဂါ တဖြည်းဖြည်း ပျောက်ကင်းသွားသည်။ ဤသတင်းကို ကြားရသူအပေါင်းက တအံ့တသြ ဖြစ်ကုန်ကြရသည်။ နောက်ထပ်လည်း အလားတူ ဝေဒနာရှင်နှစ်ဦးကို ဆက်လက် ကုသအောင်မြင်သည်။ အံ့သြဖွယ် မြန်မာ့ကုထုံးကို ချီးကျူး သည့်အနေဖြင့် ဆရာဝန်ကြီးများအသင်းက ဆရာညိန်းအား Mental  Specialist စိတ်ပညာ အထူးကုဘွဲ့ ချီးမြှင့်သည်။

ဆရာကြီးထံ ပညာသင်ကြား ဆည်းပူးခဲ့ကြသူများတွင် ပြည်မြို့ န၀င်းရပ် တူရိယာဆရာကြီး ဦးမောင်လေး ဂီတာ ဦးစိန်းမောင်၊ အလင်္ကာကျော်စွာ ရွြှေ့ပည်အေး၊ ဒေါ်အေးမိ၊ သင်္ချာပါမောက္ခ ဦးအောင်လှ၏ ဇနီး ဒေါ်မေသန်းစသည့် မြန်မာအနုပညာ မြတ်နိုးသူများ ပါဝင်သည်။

ဆရာညိန်းသည် ဇနီးသည် ကွယ်လွန်သော် နောက်ထပ် မွေးစားသားတစ်ဦးဖြစ်သည့် တူဝမ်းကွဲတော်သူ ဗလညိမ်းနှင့်အတူ ရန်ကုန်၊ ကျောက်မြောင်းရပ်တွင် နေထိုင်သည်။ မြန်မာ့တိုင်းရင်းဆေး ပညာဖြင့် ဝေဒနာသည်များအား စေတနာဖြင့် ဆေးကုသပေး သည်။ ဗလညိမ်းသည် စောင်းတီးသာမက အဆိုအကတွင်လည်း အလွန်တော်သည်။ စောင်းတီးရာတွင် ဆရာ့နည်းတူ (စောင်းအခေါ်) လက်ညှိကောင်းသူဖြစ်သည်ဟု သိရသည်။

ထိုစဉ် ကိုလံဘီယာဓာတ်ပြား ကုမ္မဏီက ဆက်သွယ်လာသဖြင့် ပရိသတ်အများ ကြိုက်နှစ်သက်ကြသည့် ပုလဲပေါက်ပါသည့် သီချင်းများကို တီး၍ ဓာတ်ပြားသွင်းပေးခဲ့သည်။ ဆရာညိန်း ၀င်ငွေကောင်းခဲ့သည်ဟု သိရသည်။

ဆရာညိန်းသည် မြန်မာ့တူရိယာ ရိုးရာမပျက်ရန် ပန်တျာမူမှန် ညှိနှိုင်းရေးအဖွဲ့ဝင်အဖြစ် ဂီတမူမှန် ထုတ်လုပ်ရေးလုပ်ငန်းကို ဆောင်ရွက်သဖြင့် အလင်္ကာကျော်စွာဘွဲ့ကို ချီးမြှင့်ခြင်းခံရသည်။

ဆရာညိန်းသည် အသက် ၈၀ ကျော်အရွယ်ရောက် သော်လည်း မျက်စိကောင်းသည်။ (မျက်မှန်မပါဘဲ) စာကိုဖတ်နိုင်သည်။ သွားခိုင်ခံ့သည်။ ကွမ်းသီးကို ညက်အောင်ဝါးနိုင်သည်။ သက်လုံကောင်းသည်။ ခရီးရှည် လမ်းလျှောက်နိုင်သည်။ ဆံပင်အနည်းငယ်ဖြူ သည်မှအပ ကျန်းမာရေး ကောင်းသဖြင့် သမားတော်ကြီး ပီသသည်ဟု ဆိုကြသည်။

ဆရာညိန်းတွင် ဒေါ်ရီနှင့် ဒေါ်ရန်ဟူ၍ မွေးချင်းနှစ်ဦးရှိသည်။ ဒေါ်ရီ၏သမီး မအမာစီနှင့် ဒေါ်ရီ၏သား မဂိုလမ်းယူနီဗာဆယ် ကုမ္မဏီပိုင်ရှင် ကိုခင်ထွန်းတို့က အိုမင်းပြီဖြစ်သော ဆရာညိန်းအား မိမိတို့ စောင့်ရှောက်လို သဖြင့် မိမိတို့နှင့်အတူ လိုက်နေရန်ခေါ်ဖူး သည်။ ဆရာညိန်းက တပည့်တပန်းများနှင့် နေရသည်က မိမိဘ၀ အေးချမ်းကြောင်း၊ ချမ်းသာကြောင်းဖြင့် ငြင်းဆန်ခဲ့သည်။

ဤတွင် တူမဖြစ်သူက ဆရာညိန်း အလ္လာဟ်အမိန့်ခံလျှင် ကြုံတွေ့နိုင်မည့် ဘာသာရေး အခက်အခဲကို အရဲစွန့်ကာထောက်ပြ ပြောဆိုသည်။ ဆရာညိန်းကမိမိတွင် ယုံကြည်ချက်အပြည့်အ၀ရှိသည်။ နမာဇ်ဝတ်ပြုသည်။ ရိုဇာဥပုသ်သီလ စောင့်ထိန်းသည်။ တစဗီ စိပ်ပုတီးနှင့် တရားဘာဝနာပွားနေသည်။ မိမိအကြောင်းမသိ၍ စိုးရိမ်နေကြသည်။ မိမိသည် မွတ်စလင်ပီသသူ တစ်ဦးဖြစ်ကြောင်း မှတ်သားပါဟု တပည့်များ ရှေ့မှောက်တွင် စိတ်အားထက်သန်စွာ ပြောဆိုခဲ့ကြောင်းသိရသည်။

ဗမာမွတ်စလင်မ် စာစောင်တွင် အတွဲ ၁၊ အမှတ်၂တွင် ဆရာညိန်း အကြောင်းတင်ပြသူ ဖျောက်ဆိပ်က ဆရာ၏နှမ ဒေါ်ရီရီ ၏ အကြိမ်ကြိမ် မေတ္တာရပ်ခံချက်အရ မိမိကိုယ်တိုင် တပည့်တပန်းများရှေ့တွင် အရဲစွန့်ကာ မေးရာ -“မင်းက ငါ့ထက် အီမန်မြဲတယ်လို့ ထင်သလား၊ ငါ့အစ္စလာမ့် စိတ်ဓာတ်ဟာ မင်းတို့လို အပျော့စားမဟုတ်ဘူး။ ဒါပေမဲ့ငါက မာအ့ရေဖတ် သမားဆိုတော့ မင်းတို့ ဘာ နားလည်မလဲ” ဟု ပြန်ပြောခံရကြောင်း ဖော်ပြထားသည်။

ဆရာညိန်းသည် ၁၉၅၉ ခု ဖေဖော်ဝါရီလ ၇ ရက်နေ့တွင် ကျောက်မြောင်း သုဓမာလမ်း နေအိမ်၌ပင် အလ္လာဟ်အရှင့် အမိန့်တော် ခံယူသည်။

မှတ်ချက်-  ပါမောက္ခ ဒေါက်တာအောင်ဇော် ရေးသားပြုစုသော တိုင်းရင်းမွတ်စလင် စာပြုစာဆို ပုဂ္ဂိုလ်ကျော်များ (၂) မှ ကူးယူဖော်ပြပါသည်။

ဧပြီ ၁၉၊ ၂၀၁၄
ရေးသားပြုစုသူ- ပါမောက္ခ ဒေါက်တာအောင်ဇော်

ဗိုလ်ပိုသည် ယင်းတော်ရွာ လက်နက်ကိုင်အစုသား ကင်းတား ကုလားပျိုသွေးသောက်ကြီးဖြစ်သည်။ ရုပ်ဆင်းသဏ္ဌာန်မှာ နှုတ်ခမ်းမွှေး ကားကား၊ ပါးမုန်းမွှေးပါးပါး၊ အသားဖြူဖြူ လုံးကြီးပေါက်လှဖြစ်သည်။ ဆံကေသာ သျှောင်ကြွားကြွားတွင် ဖော့လုံးဖြူတစ်ပတ်ရစ်ပေါင်းသည်။

ဆဒ္ဒန်ဆင်မင်းသခင် ဘ၀ရှင်မင်းတရားကြီးက ထောင်ထားခြားနား နေသော ရှမ်းငဖုံးကို နှိမ်နှင်းကွပ်မျက်ရမည်ဟု မိန့်တော်ချစဉ် မိမိ၏ ညီတော် ဗိုလ်ဦးပဲကို ခေါ်ရန် အဆောင်ကိုင် ဗိုလ်တစ်ဦးကို စေလွှတ်သည်။ ညီတော် ရောက်လာသည့်အခါ ရှမ်း ငဖုံးအရေးကို ငြိမ်းအေးအောင် ဆောင်ရွက်ရန်တိုင်ပင် ညှိနှိုင်းကြသည်။ မကြာမီ-

        “နှမလေးမယ်တို့ မောင်မှာ
စစ်သံကြားလျှင် ရွှေဓားပိုက်ကာ
အိုးစားဖက်ကို လိုက်လို့ရှာသည်”

ဟူသော စစ်သည်ဘွဲ့ အိုင်ချင်းကဲ့သို့ အိုးစားဖက်များရှာပြီး တပ်စုဖွဲ့ကြသည်။

သွေးသောက်ကြီး ဦးပိုသည် အုန်းခွံရောင်မြကလေးခေါ် မြင်းကြီးကို စီးလျက် တပ်ဦးမှချီတက်သည်။ ထိုစဉ် ယင်းတော်တစ်ဝိုက်တွင် တပ်ဆော် ဒုံးချင်းသံများ ညံသွားတော့သည်။

    “ကုန်းဘောင် ရွှေဘို နေလိုထွန်း၊ ဆက်ခါနှင်းတဲ့၊ နွယ်သမ်္ဗိန်၊ ကနက်မိုးလို့၊ နန်းရိုးစိန်၊ မန်းမြို့ရွှေပြည်ငါတကားဟဲ့၊ ယောက်ျားဆိုမျှ၊ ဤမြေပြင်၊ ဗျူဟာသေနင် အခေါင်ချုပ် ခေါဘဏီ ရန်ခလုတ်ချိုးနှုတ်တဲ့ မှုထမ်း။ လက်ရွေးတော်ကြုံ၊ ဘာမဖြုံသည်၊ သေနတ်ကို ရဲသတ်္တိမှုထမ်း၊ ပရိမ္မာဘွား၊ ကျန်ရစ် သား၊ ဘုရားဟောမှ လောကီဈာန်၊ တော်စွာလျော်စွာ၊ တော်ပေတောင်း၊ ရန်အပေါင်းခေါင်ကဖြို၊ ကင်းတားကုလားပျို၊ မကျော်လားဟဲ့၊ မော်ထားတဲ့ ဤမြေ၊ ဗျူဟာ သေနင်အပေါင်းချုပ်၊ ခေါဘဏီရန်ခလုတ်၊ ချိုးနုတ်တဲ့မှုထမ်း”

ဟူသော ဒုံးချင်းသံသည် ကြားရသူအပေါင်းကို စစ်စိတ်စစ်မာန် ပွားစေသည်။ ဇာတိသွေးဇာတိမာန် ထက်သန်စေသည်။ သွေးသောက်ကြီး ဦးပို၏ သေနတ်ကိုင် အစုသားငါးဆယ်ကျော်တွင် ညီတော်မောင်ဦးပဲလည်း ပါဝင်သည်။

စစ်ခရီး ၁၅ ရက်ခန့်ကြာသောအခါ သိန်္နီအနီး တောကြီးမျက်မည်းထဲ၌ ထောင်ထားခြားနားသူ ငဖုံးနှင့် နောက်လိုက်တစ်စုတို့ကို ရင်ဆိုင်တွေ့ ရသည်။ ငဖုံးတို့နှင့် အပြန်အလှန် ပစ်ခတ်ကြသည်။ ဦးပိုတို့ ညီအစ်ကိုသည် အထိုးအခုတ် အပစ်အခတ်၌ ကျင်လည်သည်။ အရှောင်အတိမ်း တွင်လည်း ကျွမ်းကျင်သည်။ သူပုန်နှင့် ရင်ဆိုင်စဉ် တူမီးသေနတ်နှင့် ပစ်ခတ်ရသည်ကို အားမရနိုင်တော့၊ နိုင်ချင်ကြက်ကဲ့သုိ့ အတင်းဝင် အတင်းခုတ်တော့သည်။ ထိုရင်ဆိုင်တိုက်ပွဲတွင် ရန်သူ၏လှံချက်ဖြင့် ဗိုလ်ဦးပဲ ကျဆုံးရသည်။ သွေးသောက် ဦးပို၏သွေးသည် ပို၍ ဆူဝေပြီး ငဖုံးရှိရာသို့ တရစပ်ဝင်သည်။ ဦးပို၏ လှံချက်သည် ငဖုံး၏ချက်ကောင်းကို စူးနစ်သွားပြီး ငဖုံးမရှုမလှကျဆုံးသည်။ နောက်ပါငယ်သားတို့လည်း အတုံးအရုံးပြိုလဲပြီးအကျအဆုံးများစွာနှင့် ထွက်ပြေး ကြရသည်။

သွေးသောက်ကြီး ဦးပိုသည် ညီဦးပဲအား ကောင်းမွန်စွာ သင်္ဂြိုဟ်ပြီး စစ်မြေမှပြန်ခဲ့သည်။ အမှုတော်ကို သက်စွန့်ကြိုးပမ်း ထမ်းရွက်ပြီး အပြန် လမ်းခရီးတွင် ရတနာပုံနေပြည်တော်မှ ခံတပ်ဗိုဒိုကရင်၏သား ဗိုလ်ချုပ် ၀လီခန်တပ်နှင့်တွေ့ဆုံသည်။ ဗိုလ်ချုပ်ထံ အကြောင်းစုံတင်ပြပြီး ရွာသို့တပ်ပြန် ဆုတ်ခွာခဲ့သည်။ သွေးသောက်ကြီး ဦးပိုမှာ ရတနာပုံနေပြည် တော်သို့သွားရောက်ပြီး လွှတ်တော်ဝန်ကြီး၊ ဗြဲတိုက်ဝန်ကြီးတို့ထံ အကြောင်းစုံ လျှောက်တင်ပြီး မှ ယင်းတော်သို့ပြန်ခဲ့သည်။

ဤသို့ ရှမ်းငဖုံးကို နှိမ်နင်းအောင်မြင်ခဲ့ကြောင်း မင်းတုန်းမင်း တရားကြီးကြားသိသောအခါ ဦးပိုအား နေမျိုးရဲတင် ရန်အောင်ဟူသော ဘွဲ့ကို ချီးမြှင့်သည်။ မကြာမီမှာပင် ကင်းတားကုလားပျိုအစုသားအပေါင်းတို့အား ဦးစီးအုပ်ချုပ်ရန် အစီရင်ရာထူး၌ ထပ်ဆင့်ခန့်ထားပြန်သည်။ ထိုအခါမှစ၍ ဦးပိုအား သွေးသောက်ကြီးနေမျိုးရဲတင်အောင်အစီရင် ဦးပိုဟု ခေါ်တွင်ကြသည်။

သွေးသောက်ကြီး နေမျိုးရဲတင်ရန်အောင် အစီရင်ဦးပို အုပ်ချုပ်စဉ် အခါတွင် ယင်းတော်ရွာ၌ ခုံဦးရွဲဟု အမည်ထင်ရှားသော လူရိုးကြီး တစ်ယောက်ရှိသည်။ သူ့တွင် သားမယားမရှိ။ ရသမျှ ငွေစကြေးစကလေး များကို စုဆောင်းထားလေ့ရှိသည်။ အကြောင်းသိသော အခြားလူကြီး တစ်ဦးက ခုံဦးရွဲ ညအချိန် ဗလီသို့အလာလမ်းမှဆီးကြို၍ ခုံမင်း၏ ငွေများကို ခဏလှည့်ပါ။ ထိုငွေများနှင့် လောင်းကစားရလျှင် အမှန်နိုင်ရမည်၊ နိုင်လျှင် ခုံမင်းကို တစ်ဝက်ပေးမည်ဟု ဖြားယောင်းပြောဆိုသည်။ ခုံမင်းက ယုံကြည် ပြီး မိမိငွေစများကိုပေးလိုက်သည်။ အဆိုပါလူကြီးသည် အခြားသူတစ်ဦးနှင့် ကစားရာ ရှုံးသွားသည်။ ထိုအခါ ခုံဦးရွဲမှာ ချမ်းသာသမျှ ငွေစဆုံးရှုံး သွားသဖြင့် စိတ်ချောက်ချားသွားသည်။ ရွာထဲ၌ တစ်အိမ်ဝင် တစ်အိမ်ထွက် လှည့်လည်သွားလာ လျက်နေရှာသည်။

ဦးရွဲ၏အဖြစ်အပျက်ကို သွေးသောက်ကြီး အစီရင်ဦးပိုသို့ တိုင်ကြားရာ သွေးသောက်ကြီးက ခုံဦးဝှိုက်ကို ခေါ်၍ စာချိုးစေသည်။ ခုံဦးဝှိုက်သည် ၎င်းတို့အကြောင်းကို ခုံဦးရွဲ ၀ိညာဉ်ဘုံမှနေ၍ ဆိုဟန်စပ်ဆိုထားသည်။

ဝိဉာဉ်ဘုံမှ အသံ
—————-

“အကြောင်းရယ်မှ စုံစွာလေ၊ ကျုပ်ဖြစ်လျာကို၊ ရွှေနား ချိုသာ၊ ပြန်ပြောပါမည်၊ အုန်းထန်းသပြေ၊ မှိုင်းဝေေ၀နဲ့၊ ရေလဲတင်ကြမ်း၊ ပန်းလဲနီဝါ၊ သာခေါင်ငယ်ချင်းပေတဲ့၊ ရွှေယင်း ရွာ၊ ပလီတကာခေါ်ဆို၊ ငါမင်းပျိုဟု၊ သုံးမည်ခေါ်မြဲ၊ ခုံကိုရွဲတဲ့၊ လူတို့အမှု၊ ကာမေသုကို၊ မပြုလိုပြီ၊ ပိတ်ဒုံးဒရီ၊ ဇာအင်္ကျီနှင့်၊ ဘောင်းဘီပုတီး၊ ယူပြီးသောအခါ၊ အေရှာနမာဇ်၊ ဖတ်ချိန်သင့် ပြီ၊ လမ်းမဆီသို့၊ ကြမ္မာငယ် သွေကွက်၊ အနောက်ဘက်ကို၊ ထွက်လာရာတွင်၊ ရှိုင်တွာန်ဝင်၍၊ အရှင်မြတ်က၊ လအနတ် ချသကဲ့သို့၊ အစရယ်မှအဆုံး၊ ကိုဗိုင်ဒုံးနှင့်၊ တွေ့ကြုံကြလေ၊ မျက်စိမှိတ်ကာ၊ လည်ညိတ်ကာ ဖြင့်၊ မာယာလှည့်ဖြား၊ ကုလား တစ်သွယ်၊ ပေါက် ၂၀၊ တကယ်ရိုက်စို့၊ ကတိခံပြီးပြန်လာပြီးမှ၊ ရွှေညောင်သာခေါင်၊ ရပ်များဘောင်က၊ မှောင်ခိုနှင့်ပင်၊ ပေါင်းသင်းတွေ့ယှက်၊ ကစားကွက်၊ တစ်ချက် လောင်းသော်၊ ကံမတော်၊ ချော်ရလေချင်း၊ လူ့အဖျင်းတွင်၊ သူ့ညွတ်ကွင်း၊ ချက်ချင်းဝင်မိ၊ သွေးသံလှည့် ပတ်၊ ရောဂါများကပ်သလို၊ မတ်တတ်မိ၍ ကသီလင်တ၊ ဒေါင်းတစ်ရာ့ခုနစ်ဆယ်၊ တကယ် ပေးရ၊ ကိုဗိုင်ဒုံးက၊ လူလုံးလှ၍၊ ငါ့မှာတစ်မူ၊ နတ်မဟူ၊ လူလဲ မဟုတ်၊ စိတ်တစ္ဆေကိုင်၊ မရပ်နိုင်အောင်၊ အပူရိုင်မြင်းကဲ့သို့၊ မတင်းမမာ၊ ငါဖမ်းစား ကုလားပြစ်၊ ချမ်းသာရစေ၊ မင်္ဂလာရယ် မှစံခင်း၊ ရွှေယင်းရွာ၊ဂုဏ်ရောင် ငယ်လင်းပေတဲ့ ခုံမင်းတတွေ”

ဤကဗျာကို စာဆိုတော် အဖတ်တော် ဦးမောင်ကြီးအား လူထု အလယ်၌ဖတ်ကြားစေသည်။ ခုံ ဦးရွဲ၊ ညောင်မြင့်သူကြီး ဦးခို၊ ဦးဗိုင်ဒုံး တို့သည် သွေးသောက်ကြီးက အထူးအပြစ် မပေးရဘဲရှက်လှ၍ နောင်ဤသို့ မလုပ်ပါဟု အပြစ်ကို ၀န်ချတောင်းပန်ရသည်။ ခုံ ဦးရွဲသို့ ဒေါင်းဒင်္ဂါး (၁၇၀)ကိုလည်း ပြန်ပေးရသည်။ ထိုအခါမှ ခုံဦးရွဲမှာ ၀မ်းမြောက်လှ၍-

“ခုံ ငရွဲ ဖုန်ထဲမှာဖြင့် မပျော်ချင်။ လူစတုံး အောင်လို့၊ ငဗိုင်ဒုံး သူပလီ၍ မူလကျီ အလုပ်ရဲတယ် သဲတဲ့ဖြစ်အင်။ ခိုဒါထံ ဒိုအာသပါလို့ လိုရာတတောင်းဆိုလျှင်၊ အရှင်က ချက်ချင်း၊ သွေးသောက်ဆို မေးထောက်သူ ဦးပိုကွ၊ ထူးသိုဘာ အပြစ်ကင်းအောင်ပ၊ လက်ငင်းလူတကာသို့၊ ကဗျာခေါ်ဆို တေးငယ်နဲ့ပြစ်ပေးကာ ကြောင်းဖော်ထုတ်တယ် ဟုတ်ပေ့ခုံမင်း” ဟု ဆိုသည်။

လူရိုးကြီး ခုံဦးရွဲသည် ပြန်လည်ရရှိသော ဒေါင်းဒင်္ဂါး(၁၇၀)ထုပ်ကို ကျောတွင်ပိုး၍ လမ်းတစ်လျှောက် တတွတ်တွတ် ရေရွတ်လျက် တစ်ချက် တစ်ချက် သီချင်းများပင် သီဆိုလိုက်သေးသည်။

သီချင်း
——–

    “ငဗိုင်ဒုံး အပိုင်ကျုံးမယ်လို့ သူကြံစည်။ မြတ်တစ်ပါး ဘုရား ကယ်ကူလို့ စင်ကြယ်ဖြူ ခုံငရွဲမှာ လွှဲရလေပြီ၊ ညောင်မြင့်ဆိုရွာ ကျပ်တွင်းရယ်က ခုံမင်းမောင်ခိုနဲ့ တူနှစ်ကိုယ် မျက်စိမှိတ် စိတ်က ပလီ၊ မပြီတဲ့ယောက်ျား၊ နေမျိုးတဲ့ရဲတင် ရန်အောင်ရှင် စီရင်မင်း ရယ်က ပြစ်ရင်းဖော် မထုတ်ပေမယ့်၊ သူယုတ်ကောင်ချင်းတို့ လက်ရယ်မှာ ချက်ချင်းမိန့်နှင့် တောင်းတယ် ဒေါင်းငွေဒင်္ဂါး”

    အင်္ဂလိပ်မြန်မာ တတိယစစ်ပွဲ ဆင်နွှဲရန် ၁၂၄၇ ခု သီတင်းကျွတ်လတွင် ရတနာပုံနေပြည်တော်မှ ချီတက်လာသော ဗိုလ်ချုပ်ဝလီခန်တပ် ဗလ မင်းထင်တပ် ယင်းတော်သို့ ရောက်လာသည်။ ထိုအခါ တော်ဘုရားလေး သီပေါမင်းအမိန့်တော်အရ သွေးသောက်ကြီးဦးပိုသည် ထိုတပ်များနှင့် အတူ ချီတက်လိုက်ပါသွားရလေသည်။ ဗိုလ်ချုပ်ဝလီခန်တပ်သည် တောင်ငူဘက်သို့လည်းကောင်း၊ ဗလမင်းထင်တပ်သည် တောင်တွင်းကြီးမှ မိကျောင်းရဲသို့ လည်းကောင်း အသီးသီးချီတက်ကြသည်။ မကြာမီမှာပင် နေပြည်တော်မှ ပြန်လည်ဆုတ်ခွာခဲ့ကြရမည်ဟု အမိန့်တော် ရောက်ရှိလာ ပြန်သဖြင့် အသီးသီး ဆုတ်ခွာပြန်လည်လာခဲ့ကြရာ သွေးသောက်ကြီး ဦးပိုလည်း ပြန်လာခဲ့ရသည်။

နေမျိုးရဲတင်ရန်အောင် အစီရင် ဦးပိုသည် အမှုတော်ကို သက်စွန့် ကြိုးပမ်းထမ်းရွက်သည်။ ယင်းတော်နှင့် ပတ်ဝန်းကျင်ရှိ မွတ်စလင်မ်ရွာတို့ကို ငြိမ်ဝပ်ပိပြားအောင် အုပ်ချုပ်စီမံရသည်။ အားလပ်ချိန်ကလေးများတွင် ရှေးဟောင်းစာပေပုရပိုက်များကို ရှာဖွေဖတ်ရှုလေ့ရှိသည်။ ထို့ကြောင့် အမှုများစီရင် ရာတွင် ဦးပို၏စီရင်ထုံးများသည် မှတ်သားဖွယ် ကောင်းသော စီရင်ထုံးများဖြစ်သည်။ သစ်ကုန်သည် ဂိုလာမတီနှင့် မိဒါသတို့၏ ရရန်၊ ပေးရန် အငြင်းအခုံ ဖြစ်ပွားသော အမှုစီရင်ရာ၌ အထူးကောင်းမွန်လှပေသည်။

ဦးပိုသည် ကဗျာစာပေဘက်၌လည်း ၀ါသနာပါသည် လူပေါင်း ၃၀၀၀ ကျော်တို့ မြန်မာပြည်သို့ ၀င်ရောက်လာပုံ  လင်္ကာ(၁၀)ပုဒ် စပ်ခဲ့သည်။ တေးထပ်၊ လေးချိုးတို့ကိုလည်း စပ်ဆိုခဲ့သည်။ လင်္ကာ ၁၀ ပိုဒ် အစကို ဖော်ပြပါသည်။

မခြား နဂိုရ် ကုလားပျို

“နေမျိုးမှုတင်၊ ရန်အောင်တင်သား၊ ဘွဲ့ရှင်မောင်ပို၊ ကျွန်ုပ်ဆိုမည်၊ နဂိုရ်ဌာန၊ အိန်္ဒိယ၀ယ်၊ အဘနတ်ရွာ၊ စံလေ ရှာသော်၊ နှစ်ဖြာညီနောင်၊ စစ် မဆောင်ဘဲ၊ အခေါင်ကြငှန်း၊ ဘထီးနန်းကို၊ သိမ်းမြန်းဆက်ခံ၊ နောင်တော်စံ၍၊ ဘုန်းလျှံ ယှက်ဖြာ၊ ဥပရာလည်း၊ ဘရွာနဂိုရ်၊ မနေလို၍၊ ဗိုလ်ခြေနောက်ပါ၊ ရံများစွာနှင့်၊ ယက္ခာပူရ၊ သူ့ယောက်ဖ၏၊ ဌာန ရွှေမြေ၊ ရခိုင်ပြေသို့၊ ကြွလေသောဟူ၊ ရောက်တော်မူသော်၊ တစ်ဆူသနင်း၊ ရခိုင်မင်းလည်း နန်းတွင်းရှုပ် ထွေး၊ တိုင်းပြည်ရေးကို၊ ဆွေးနွေးတိုင်ပင်၊ ပြုစီရင်၍၊ သခင်စိတ်ဖြူ၊ ကြည်တော်မူသည်၊ ဧလူနှလုံးရွှင်သတည်း။

မင်းသားဥပရာ၊ စိတ်ကြည်စွာဖြင့်၊ စံရှာပျော်ပိုက်၊ နေသော ကြိုက်တွင်၊ နောက်လိုက်ဗိုလ်ပါ၊ ချို့များစွာကို၊ ရာဇာသနင်း၊ ရခိုင်မင်း၏၊ တင်းမာ ခက်ထန်၊ ရာဇမာန်ကြောင့်၊ တရံမကြာ၊ သုံးထောင်သာသည့်၊ ဗိုလ်ပါရဲမက်၊ အရှေ့ဘက်သို့၊ ထွက်ခဲ့လေရာ၊ ပြည်မြန်မာ၌၊ ဟံသာရောက်သွား၊ မင်းတရား ၏ ထံပါးရောက်လာ၊ ခိုလှုံပါသော်၊ ရာဇာသနင်း၊ စကြာမင်းက၊ နှစ်သင်းခွဲလျက်၊ မြစ်မြောက်ဘက်နှင့်၊ တောင်ဘက်သို့လျှင်၊ ခြားစီရင်၍၊ အရှင့်မှုတော်၊ ထမ်းစေသော်တည်း၊ ပြည်ပေါ်ထင်ရှား၊ မှုထမ်းသားဝယ်၊ မခြားနဂိုရ် ကုလားပျိုဟု၊ လိုရာ ရွေးထုတ်၊ ရန်ခလုတ်ကို၊ ချိုးနှုတ်ဂုဏ်ပြောင်၊ ပွဲတိုင်းအောင် သည်၊ အခေါင်ဇာနည်ဘွားပေတည်း” ဟူ၍ဖြစ်သည်။

ဦးပို၏ခေတ်အခါတွင် ယင်းတော်ရွာမှ စာပေပညာရှိ အချို့ ပေါ်ပေါက်ခဲ့သည်။ ပေါ်ပေါက်သူတို့ကို အဆင့်အတန်းအလိုက်  ချီးမြှင့်လေ့ရှိသည်။ လက်ရေးဖြင့် ကုရ်အာန်များရေးစေလျက်ရွာ၌ ဓမ္မဒါန အဖြစ်ဝေငှခဲ့သည်။ ကလေးသူငယ်တို့အား ဒီနီယတ်နှင့် အရဗီစာပေများကို ဂိုဏ်းသခင်ကြီး ဦးမွတ်စံ က သင်ကြားပေရသည်။

ထိုခေတ်အခါ၌ စာပေသက်သက် သင်ပေးသော ဆရာဦးစိန်၏ ကျောင်းတစ်ကျောင်းလည်းရှိသည်။ သွေးသောက်ကြီးသည် ဆရာကြီး ဦးစိန်အား သခင်ကြီးဦးနုရေးခဲ့သော ၃၅ ခန်းကျမ်း ၁၆ ပိုဒ် လင်္ကာ၊ ၁၁ ခန်း ကျမ်းတို့ကို စာပေနှင့် ဘာသာရေးအဖြစ် သင်ကြားပေးစေသည်။ ထို့ကြောင့် ဆရာကြီး ဦးစိန် ကျောင်းထွက်သည် ၃၅ ခန်း၊ ၁၆ ပိုဒ်  လင်္ကာ၊ ၁၁ ခန်း၊ လက်ဆောင်တော် ၄၀ လင်္ကာ တို့ကို အလွတ်ရသူများ ကြသည်။ သွေးသောက်ကြီး ဦးပို သည် ဗြိတိသျှများ ကျူးကျော်ဝင်ရောက် လာပြီးနောက် ၂၅ နှစ်ခန့်ကြာမှ မိမိနေရာ မင်းဝိုင်းအိမ်ကြီးတွင် အလ္လာဟ်အရှင် အမိန့်ခံယူတော်မူသည်။

မှတ်ချက်-  ပါမောက္ခ ဒေါက်တာအောင်ဇော် ရေးသားပြုစုသော တိုင်းရင်းမွတ်စလင် စာပြုစာဆို ပုဂ္ဂိုလ်ကျော်များ (၂) မှ ကူးယူဖော်ပြပါသည်။