News @ M-Media

Category: နိုင်ငံတကာသတင်း

နိုင်ငံတကာသတင်းများ

  • အမေရိကန်ရှိ ထောင်အချို့အတွင်း မွတ်စလင်မ် အမျိုးသမီးများ ဟီဂျဘ်ဝတ်ခွင့်ရ

    အမေရိကန်ရှိ ထောင်အချို့အတွင်း မွတ်စလင်မ် အမျိုးသမီးများ ဟီဂျဘ်ဝတ်ခွင့်ရ

    အမေရိကန်နိုင်ငံရှိ မွတ်ဆလင်များအခွင့်အရေးလှုပ်ရှားသူများက မစ္ဇူရီအကျဉ်းထောင်အတွင်း၌ အပြစ်ဒါဏ်ကျအမျိုးသမီးများအား ဟီဂျဘ်ဝတ်ဆင်ဖို့ခွင့်ပြုရန်ဆုံးဖြတ်ချက်အပေါ် ကြိုဆိုလက်ခံကြောင်း ပြောကြားခဲ့ပါသည်။

    “ဒီလိုဘာသာရေးလိုအပ်ချက်တွေ အပေါ်ဝန်ဆောင်မှုမျိုးပေးတာဟာ သူတို့ဖက်က အတော်ပျော့ပျောင်းလာပြီး လိုက်လျှောညီထွေဖြစ်လာတာကြောင့် အကျဉ်းထောင်များရဲ့ လုံခြုံမှုလည်းတိုးတက်လာတဲ့ သဘောပါဘဲ။ ဒီအရေးကိစ္စ‌နဲ့ပတ်သက်ပြီး ပါဝင် ခဲ့ကြတဲ့သူအားလုံးကို ကျွန်တော်တို့ဖက်က ကျေးဇူးအများကြီးတင်ပါတယ်။” လို့ အမေရိကန်-အစ္စလာမ်လှုပ်ရှားသူများအသင်းအမှုဆောင် ဥက္ကဋ္ဌဖြစ်သူ ဖိုင်ဇန် ဆာယိဒ် (Faizan Syed) က ဧပြီလ ၄ရက်နေ့က OnIslam.net ကို ပြောကြားခဲ့ပါတယ်။

    ဒီဆုံးဖြတ်ချက်ရရှိရေးအတွက် ကဲယာစိန့်လူးဝစ် (CAIR-St. Louis)၏ ပြောရေးဆိုခွင့်ရှိသူများက မွတ်ဆလင်အမျိုးသမီးများလုံခြုံမှုနဲ့ပတ်သက်ပြီး တောင်းဆိုခဲ့ရတာဖြစ်ပါတယ်။

    ဒီဆုံးဖြတ်ချက်ရရှိဖို့တောင်းဆိုဖြစ်ခဲ့တဲ့ အဓိကအကြောင်းအရင်းကတော့ ရထားလက်မှတ်မပါဘဲ စီးနင်းမှုကြောင့်ဖမ်းဆီးထိန်းသိမ်းခံရတဲ့ခရီးသည် မွတ်ဆလင်အမျိုးသမီးကို အချုပ်အတွင်း၌ နာရီပေါင်းများစွာစောင့်ဆိုင်းခိုင်းထားစဉ် အတွင်း သူမတို့ရဲ့ ပုဝါများကို အတင်းအကျပ်ချွတ်ခိုင်းတာကြောင့်ဖြစ်တယ်လို့သိရပါတယ်။

    ဆိုဟေးခါတစ်ဘ် (Souhair Khatib) ဆိုသူအမျိုးသမီးဟာ ၂၀၀၆ခုနှစ် ဇွန်လအတွင်း၌ ထိန်းသိမ်းခံခဲ့ရပါတယ်။ သူမရဲ့ပြောပြချက်အရ ထိုစဉ်က သူမဟာလူမှုရေးလုပ်ငန်းများကို နာရီပေါင်း ၃၀ကြာအောင် လုပ်ခဲ့ရပါတယ်။ ထိုစဉ်အတွင်း၌တွင်လည်း တရားရုံးတော်ကသူမရဲ့ ပုဝါကိုချွတ်ဖို့ဆုံးဖြတ်ချက်ချခဲ့တာလို့ဆိုပါတယ်။

    ဦးခေါင်းနဲ့ လည်ပင်းတို့ကို မိသားစုအရင်းအချာမဟုတ်တဲ့ သူစိမ်းအမျိုးသားတို့ရှေ့မှာ ဖော်ပြခြင်းကို ဘာသာရေးအရတားမြစ်ထားတဲ့အတွက် ခါတစ်ဘ်ဟာ ၂၀၀၀ခုနှစ်မှာချမှတ်ထားတဲ့ ဘာသာရေးနှင့် ရိုးရာဆိုင်ရာ လူမှုခံစားခွင့် အက်ဥပဒေကိုချိုးဖောက်တဲ့ အော်ရင့်ခ်ျနယ်ရုံးများရဲ့ စီရင်ချက်ဆုံးဖြတ်ချက်ဒါဏ်ကို ခံခဲ့ရတာဖြစ်ပါတယ်။

    အမေရိကန်နိုင်ငံအမြင့်ဆုံးတရားရုံးမှ အော်ရင့်ခ်ျနယ်ရုံးရဲ့ သူမ၏ ဦးခေါင်းခြုံလွှာဖယ်ရှားရန် အမိန့်ချမှတ်ခဲ့မှုဟာ သူမရဲ့လူမှုရပိုင်ခွင့်ကို ချိုးဖောက်တာဖြစ်ကြောင်း ထောက်ခံကြေငြာချက်ကို ၂၀၁၁ခုနှစ် အောက်တိုဘာလအတွင်းမှာ ထုတ်ပြန်ခဲ့ပါတယ်။

    စိန့်လူးဝစ်ဒေသ တရားရေးဆိုင်ရာ ဒါရိုက်တာဖြစ်သူ ဟဘ်ဘာစန် (Herb Bernsen ) က “ကဲယာအဖွဲ့ရဲ့ တောင်းဆိုချက်အရ ဘာသာရေးအရလည်းမနစ်နာအောင် လုံခြုံရေးလည်းမထိခိုက်စေမဲ့ ဆုံးဖြတ်ချက်မျိုးရတဲ့အထိ ကျွန်တော်တို့ဆွေးနွေးဖြစ်ခဲ့ပါတယ်”လို့ ဆိုပါတယ်။

    အဆိုပါအကျဉ်းထောင်မှလည်း တရားခံအမျိုးသမီးဖြစ်သူ ခါတိဘ်အပေါ် ထိုကဲ့သို့သူမပုဝါကိုအတင်းအကျပ်ချွတ်ခိုင်းစေခဲ့မိခြင်းအပေါ် တောင်းပန်ပါကြောင်း စာရေးသားပေးပို့ခဲ့တယ်လို့သိရပါတယ်။ ဒီပေါ်လစီအသစ်ကို အခြားဒေသများရှိ အကျဉ်းထောင်များမှာလည်းသက်ရောက်စေမှာဖြစ်ပါတယ်။

    အမှန်တော့ မွတ်ဆလင်အမျိုးသမီးများရဲ့ ဟီဂျဘ်(ခ)ဦးခေါင်းခြုံလွှာဝတ်ဆင်ခြင်းမှာ ဘာသာရေးအရဝတ်ဆင်ခြင်းဖြစ်ပြီး လူမျိုးရေးအရ ဖက်ရှင်ထွင်ခြင်းမဟုတ်ပါဘူး။ အမေရိကန်နိုင်ငံတွင် နေထိုင်ကြသူမွတ်ဆလင်ဦးရေမှာ တရားဝင်စာရင်းထုတ်ပြန်ခြင်းမရှိသော်လည်း လက်ရှိတွင် ၇သန်းမှ ၈သန်းအထိရှိကြောင်း သတင်းရရှိပါတယ်။

     

    မူရင်းကိုးကားသတင်း >> http://www.onislam.net

     

  • အစ္စလာမ့်နည်းကျ ရင်းနှီးမြှုပ်နှံမှု လုပ်ငန်းများ ဂျာမနီတွင် စမ်းသပ်လုပ်ဆောင်

    ဂျာမနီနိုင်ငံသည် အလားအလာကောင်းသော စီးပွားရေးလုပ်ငန်းများ လုပ်ဆောင်ရန်အတွက် နှစ်အတော်ကြာ တွန့်ဆုတ်နေခဲ့ပြီးနောက် ကမ္ဘာတ၀ှမ်း အလွန်အကျိုးအမြတ်ဖြစ်ထွန်းနေသာ အစ္စလာမ့်နည်းကျ ရင်းနှီးမြှုပ်နှံမှုလုပ်ငန်းဖြင့် ဥရောပစီးပွားရေးနယ်ပယ်သို့ ထိုးဖောက်ဝင်ရောက်လာသည်။

    “အစ္စလာမ့်နည်းကျ ငွေကြေးလည်ပတ်မှုလုပ်ငန်းဟာ လူတိုင်းအတွက်ဖြစ်ပါတယ်။ ကမ္ဘာတ၀ှမ်း ဒီလိုရင်းနှီးမြှုပ်နှံမှုကို လုပ်ကြသူတွေရဲ့ ၆၀ ရာခိုင်နှုန်းဟာ မွတ်စလင်တွေမဟုတ်ပါဘူး။” ဟု မလေးရှားနိုင်ငံ ကွာလာလမ်ပူမြို့ရှိ Global University of Islamic Finance ၏ ဥက္ကဌဖြစ်သူ ဒါဝူဒ် အဗ္ဗဒူလာ (Daud Abdullah) က Deutsche Welle (ဂျာမနီနိုင်ငံရှိ ရုပ်မြင်သံကြားဌာန) သို့ ပြောကြားခဲ့သည်။ မက်လောက်စရာတိုးတက်မှုများနှင့်အတူ ဥရောပနိုင်ငံများတွင် အစ္စလာမ့်နည်းကျ ငွေကြေးလည်ပတ်မှုလုပ်ငန်းများ အောင်မြင်နေသော်လည်း ရှရီအာ နှင့်လိုက်လျောညီထွေမှုရှိသော ထိုလုပ်ငန်းများအတွက် နိုင်ငံ၏ဥပဒေများကို ဆီလျော်အောင်ပြင်ဆင်ရန် ဂျာမနီနိုင်ငံက စောင့်ကြည့်နေခဲ့သည်။  သို့ရာတွင် မလေးရှားအခြေစိုက်ဖြစ်ပြီး၊ အစ္စလာမ့်နည်းကျ ရင်းနှီးမြှုပ်နှံမှု ရန်ပုံငွေထူထောင်ရန် ဂျာမနီနိုင်ငံတွင် တရားဝင်ခွင့်ပြုချက်ရထားသော CIMB-Principal က ထိုလုပ်ငန်းကို စတင်မိတ်ဆက်ခဲ့ပြီးနောက်တွင် ထိုသဘောထားများမှာ ပြောင်းလဲသွားခဲ့သည်။

    “ကျနော် i-word အသစ်တခုကို မျှဝေချင်ပါတယ်။ iPad, iPhone, inflation (ငွေကြေးဖောင်းပွခြင်း) တွေမဟုတ်ပါဘူး။ (Islamic Banking) အစ္စလာမ့်နည်းကျ ဘဏ်လုပ်ငန်းပဲဖြစ်ပါတယ်။” ဟု CIMB-Principal ၏ စီအီးအိုဖြစ်သူ နော်ရီဖါ ကမ်ဆို (Noripah Kamso) က မကြာသေးခင်က ဖရန့်ဖတ်မြို့တွင် ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။ အစ္စလာမ်က မွတ်စလင်များအား ကာလရှည်ချေးငွေများမှ အကျိုးအမြတ်ပေးခြင်း၊ ယူခြင်းကဲ့သို့ အတိုစားခြင်းကို တားမြစ်ထားပြီး အစ္စလာမ့်နည်းကျ ဘဏ်လုပ်ငန်းနှင့် ငွေကြေးလုပ်ငန်းများသည် ၀က်သား၊ အရက်၊ လောင်းကစားခြင်းလုပ်ငန်း၊ လိင်မှုကိစ္စနှင့်ပက်သက်ဆက်နွယ်သောလုပ်ငန်းများ၊ မူးယစ်ဆေးဝါးလုပ်ငန်းများ၊ စစ်လက်နက်ကိရိယာများရောင်းဝယ်ခြင်း စသည့်လုပ်ငန်းများလုပ်ကိုင်ခြင်းနှင့် ထိုမှရရှိသော အကျိုးအမြတ်များကို လက်ခံခြင်းတို့ကို မပြုလုပ်ရချေ။

    အစ္စလာမ့်နည်းကျ ရင်းနှီးမြှုပ်နှံမှုစနစ်တွင် ထည့်ဝင်ငွေများကို မည်ကဲ့သို့ အသုံးပြုနေခြင်း၊ ကွပ်ကဲရေးဘုတ်အဖွဲ့နှင့် နိုင်ငံအာဏာပိုင်များ၏ ကြီးကြပ်မှုအောက်၌ရှိသော လုပ်ငန်းများ၏ အခြေအနေကို ရင်းနှီးမြှုပ်နှံထားသူများမှ သိရှိနိုင်ခွင့်ရှိသည်။
    ထို အစ္စလာမ့်နည်းကျ ငွေကြေးလည်ပတ်မှုလုပ်ငန်းကို ဂျာမနီနိုင်ငံအတွင်းရှိသော မွတ်စလင်လူဦးရေ ၄ သန်းနီးပါးနှင့် အခြား မွတ်စလင်မဟုတ်သူများကိုပါ ပစ်မှတ်ထားလုပ်ကိုင်ခြင်းဖြစ်သည်။

    “ဂျာမနီနိုင်ငံက မွတ်စလင်အများစုဟာ ဒုတိယနှင့်၊ တတိယမျိုးဆက်(လူငယ်လူရွယ်)များဖြစ်ကြပြီး သူတို့တွေမှာ အလုပ်အကိုင်ကောင်းတွေလည်း ရှိကြပါတယ်။” ဟု ကမ်ဆိုက ဆိုသည်။ စီးပွားရေးလုပ်ငန်းများ၏ လေ့လာမှုများအရ ဂျာမန်မွတ်စလင် ၂၃ ရာခိုင်နှုန်းက ၎င်းတို့၏ငွေကြေးများအား အစ္စလာမ့်နည်းကျ ရင်းနှီးမြှပ်နှံမှုလုပ်ငန်းများတွင် ထည့်ဝင်လိုကြသည်။ CIMB-Principal ၏ ဒုတိယအဆင့်မှာ မွတ်စလင်မဟုတ်သော ရင်နှီးမြှုပ်နှံသူများအား ပစ်မှတ်ထားလုပ်ဆောင်ရန်ဖြစ်ပြီး ထိုသူတို့၏ အစ္စလာမ့်နည်းကျ လုပ်ငန်းများနှင့်ပက်သက်၍ အတွေ့အကြုံနည်းခြင်းက ခက်ခဲသော စမ်းသပ်မှုဖြစ်သည်။ “ဂျာမနီမှာရှိတဲ့လုပ်ငန်းတွေက အစ္စလာမ်နဲ့ နှီးနွှယ်တဲ့ ရင်းနှီးမြှပ်နှံမှုပုံစံတွေ၊ ရန်ပုံငွေတွေကို ဖြစ်နိုင်သလောက် လုပ်နေကြပါတယ်။ ဒါပေမယ့် အာရပ်နိုင်ငံတွေမှာသာဖြစ်ပြီး ရေနံကရတဲ့ဒေါ်လာတွေကို သူတို့ဆီမှာ ရှယ်ယာဝင်လာဖို့ပါ။”ဟု CIMB-Principal ၏ မန်နေဂျာဖြစ်သူ ကရင်မ် ဇာအဇူ (Karim Zaazou) ဆိုသည်။

    အစိုးရ၏ စစ်တမ်းကောက်ယူမှုအရ ဂျာမနီနိုင်ငံတွင် မွတ်စလင်ဦးရေ ၃.၈ သန်းမှ ၄.၃ သန်းအထိရှိပြီး ဂျာမနီလူဦးရေ ၈၂ သန်း၏ ၅ ရာခိုင်နှုန်းဖြစ်သည်။

    စိတ်ချရသော ရင်းနှီးမြှုပ်နှံမှု

    အကျိုးအမြတ်များပြားသော အစ္စလာမ့်နည်းကျ ငွေးကြေးလည်ပတ်မှုလုပ်ငန်းက ဂျာမန်ရင်းနှီးမြှုပ်နှံသူများ၏ ယုံကြည်မှုကို ရရှိလိမ့်မည်ဟု ဘဏ်လုပ်ငန်းရှင်များက ယုံကြည်ကြလေသည်။ “တကယ်လို့ အစ္စလာမ့်နည်းကျ လုပ်ငန်းတွေမှာ လူတွေက ပိုပြီး ရင်းနှီးလာကြပြီဆိုရင် ကမ္ဘာကြီးမှာ (စီးပွားရေးနှင့်ပက်သက်ပြီး) ဘာပြဿနာမှ ရှိမှာမဟုတ်တော့ပါဘူး။ နိုင်ငံတွေ အကြွေးနွံနစ်စေတာကလွဲလို့ ဘာအကျိုးအမြတ်မှမပေးတဲ့ စွန့်စား ရင်းနှီးမြှုပ်နှံတာမျိုးတွေလည်း ရှိတော့မှာ မဟုတ်ပါဘူး။” အဗ္ဗဒူလာက ထပ်လောင်းပြောကြားသည်။

    အစ္စလာမ့်နည်းကျ ဘဏ်လုပ်ငန်းသည် ကမ္ဘာ့ငွေကြေးလုပ်ငန်းနယ်ပယ်တွင် အလျင်အမြန်ကြီးထွားလာလျက်ရှိသည်။ အစ္စလာမ့်နည်းကျငွေကြေးလုပ်ငန်းများ၏ ပထမအကြိမ် တိုးတက်မှုမှာ ၉/၁၁ တိုက်ခိုက်မှုအပြီးတွင်ဖြစ်သည်။ အာရပ်လူမျိုးမြောက်များစွာသည် အမေရိကန်နိုင်ငံရှိ ၎င်းတို့၏ငွေများအား ထုတ်ယူကာ မလေးရှားနှင့် ပင်လယ်ကွေ့နိုင်ငံများတွင် ရင်းနှီးမြှုပ်နှံခဲ့ကြသည်ဟု အဗ္ဗဒူလာကဆိုသည်။ နိုင်ငံတကာငွေကြေးအကြပ်အတည်းကာလတွင် အစ္စလာမ့်နည်းကျလုပ်ငန်းများမှ အကျိုးအမြတ် မြောက်များစွာဖြစ်ထွန်းခဲ့ပြီး ထိုကာလသည် ဒုတိယအကြိမ် တိုးတက်မှုဖြစ်သည်။ The Dow Jones Islamic Market Titans Index က ဥရောပ၊ အမေရိကန်နှင့် အာရှဒေသတို့တွင် လွန်ခဲ့သော ငါးနှစ်ကျော်မှစ၍ ၂ နှစ်ဆဖြစ်လာသော အစ္စလာမ့်နည်းကျ စီးပွားရေးလုပ်ငန်းကြီး ၁၀၀ ကို စစ်တမ်းကောက်ယူခဲ့လေသည်။ ရှရီအာနှင့်သင့်လျော်သော စီးပွားရေးပုံစံများကို နိုင်ငံပေါင်း ၅၀ တွင် ကျင့်သုံးဆောင်ရွက်လျက်ရှိပြီး ကမ္ဘာ့ငွေကြေးလုပ်ငန်းတွင် အလျင်အမြန်တိုးတက်လာသော ကဏ္ဍများထဲမှ တစ်ခုဖြစ်သည်။

    ယခုအခါ ကမ္ဘာတ၀ှမ်း အစ္စလာမ့်နည်းကျ ဘဏ်လုပ်ငန်းနှင့် ငွေကြေးလုပ်ငန်းပေါင်း ၃၀၀ နီးပါးရှိပြီး ဒေါ်လာ ၁.၆ ထရီလီယံ (ယူရို ၁.၂ ထရီလီယံ) ပမာဏခန့် ရင်းနှီးမြှပ်နှံထားပြီးဖြစ်သည်။

     

    source: http://www.onislam.net

    ဘာသာပြန်- ဝေဇင်

  • နိုင်ဂျီးရီးယားနိုင်ငံ ဖွံ့ဖြိုးတိုးတက်ရေးတွင် နိုင်ငံ့မွတ်စလင်မ် အဖွဲ့မှ ဦးဆောင်လျှက်ရှိ

    အာဖရိက၏ လူဦးရေးထူထပ်ဆုံးတိုင်းပြည်တစ်ခုဖြစ်သော နိုက်ဂျီးရီးယားနိုင်ငံ၏ ပညာရေးပရောဂျက်များနှင့် လူမှုရေးလုပ်ငန်းများဆိုင်ရာ အဖွဲ့များအား နိုင်ငံ့မွတ်ဆလင် ဦးသျှောင်အဖွဲ့အစည်းမှ ကမကထပြုဦးဆောင်လုပ်ကိုင်လျှက်ရှိနေကြပေသည်။

    “ကျွန်တော်တို့အဖွဲ့အစည်းက နိုင်ငံအတွင်းရှိ ဆင်းရဲမှုပပျောက်ရေးလုပ်ငန်းတွေမှာ အစ္စလာမ်ရဲ့ သင်ကြားပြသမှုတွေဖြစ်တဲ့ သာတူညီမျှရေးနဲ့ ငြိမ်းချမ်းရေးတွေကို ဖော်ဆောင်ရင်း စွမ်းစွမ်းတမံ ဆက်လက်လုပ်ဆောင်သွားမှာပါ” လို့ဂျူမအက် သာဝူနီ မွတ်ဆလင်မီးန် (Jama’at Ta’awunil Muslimeen – TAWUN) မှဥက္ကဋ္ဌဖြစ်သူ အယ်ဟဂ်ျ ဒါဝတ် အင်းမ်ရာမ် မိုလစန် (Alhaji Daood Imran Molaasan)က OnIslam.net သတင်းဌာနကို ပြောကြားခဲ့ပါတယ်။

    သူကဆက်လက်ပြီး
    “ကျွန်တော်တို့ ဒီ TAWUN မွတ်ဆလင်အဖွဲ့အစည်းဟာ နိုက်ဂျီးရီးယားနိုင်ငံအတွင်းမှာ စည်းလုံးမှုမပြိုကွဲအောင်နဲ့ အမျိုးသားစုတွေကြားဆက်ဆံရေး ခိုင်မြဲအောင် ကြိုးစားသွားမှာပါ။ ကျွန်တော်တို့ ဒီအဖွဲ့အစည်းဟာ  နိုက်ဂျီးရီးရားနိုင်ငံ အနောက်တောင်ခြမ်း အိုစွန်းပြည်နယ် (Osun) အတွင်းမှာ မွတ်ဆလင်လူ့အသိုင်းအဝိုင်းများအတွင်းမှာ အဓိကကျတဲ့နေရာက ရပ်တည်လျှက် ရှိနေပါတယ်။ ရှေ့ဆက်ပြီးတော့လည်း အမျိုးသမီးများနဲ့ လူငယ်များအတွက် ပရောဂျက်များလည်း ဆက်လက်လုပ်ဆောင်သွားဖို့ရှိပါတယ်”
    လို့ပြောကြားခဲ့ပါသေးတယ်။

    မစ္စတာ မိုလက်စန်သည် ၎င်းတို့၏မွတ်ဆလင်အဖွဲ့အစည်းမှ နိုက်ဂျီးရီးယားလူထုအတွက် လုပ်ကိုင်ပေးလိုသော ပရောဂျက်များစွာကိုလည်း တင်ပြခဲ့သူဖြစ်ပါတယ်။

    TAWUN အဖွဲ့အစည်းမှ အမျိုးသမီးများ၏ ဘဝမြင့်တက်စေရန်အတွက် အမျိုးသမီးစွမ်းအားမြှင့်တင်ရေးဗဟိုဌာနများ ထူထောင်ရန်ဆောင်ရွက်နေပြီး ၎င်းဌာနများမှ အမျိုးသမီးထု၏ လွတ်လပ်ခွင့်ကိုပါဖန်တီးပေးရန်ရည်ရွယ်လျှက်ရှိသည်။ အထူးသဖြင့် အမျိုးသမီးများ ဘဝကိုမြှင့်တင်ရန်အတွက် အရေးအဖတ်သင်တန်းများ၊ နည်းပညာပိုင်းဆိုင်ရာသင်တန်းများ၊ ကွန်ပြူတာသင်တန်းများ၊ ငွေကြေးဆိုင်ရာစီမံခံ့ခွဲမှုသင်တန်းများအပြင် စီးပွါးရေးလုပ်ငန်းများအတွက်လည်း ငွေကြိုထုတ်ချေး သွားဖို့အစီအစဉ်များလည်းရှိကြောင်းသိရှိရပါတယ်။

    “ကျွန်တော်တို့က အခမဲ့ပညာသင်ကြောင်းများ၊ စာကြည့်တိုက်များ ကိုငွေကြေးချို့တဲ့သော မွတ်ဆလင်များနှင့် မွတ်ဆလင်မဟုတ်သူများအတွက်ပါ ရည်ရွယ်ပြီးတည်ဆောက်ခဲ့တာပါ” လို့ သူကထပ်မံဖြည့်စွက်ပြောကြားပါတယ်။

    “တကယ်တော့ ဒီအဖွဲ့အစည်းဟာ ချို့တဲ့သူများကို ကူညီဆောင်မခြင်းများနဲ့၊ နိုင်ငံရဲ့ငြိမ်းချမ်းရေးအတွက်ဆောင်ရွက်မှုများကြောင့် လူအများကသိကြပါတယ်။” လို့ မစ္စတာ မိုလက်စန်က OnIslam.net ကိုသတင်းပေးခဲ့ပါတယ်။

    “ကျွန်တော်တို့ နိုင်ငံနဲ့မြို့ပြစီမံကိန်းများအတွက်လည်း ပရောဂျက်တွေအများကြီးလုပ်ခဲ့ဖူးပါတယ်။ ကျွန်တော်တို့ရဲ့အဓိကရည်ရွယ်ချက်က ငြိမ်းချမ်းရေးရရှိဖို့နဲ့ အချင်းချင်းအတွင်းမှာ သွေးမကွဲဖို့လည်း ရည်ရွယ်ပါတယ်။ ဒါ့အပြင် အစိုးရအဖွဲ့အစည်းတွေကိုလည်း အလုပ်အကိုင် အခွင့်အလမ်းများ ပြုလုပ်ပေးဖို့နဲ့ နိုင်ငံရဲ့အခြေခံလိုအပ်ချက်များအပေါ် ဖြည့်ဆည်းနိုင်ဖို့ ကူညီထောက်ပံ့ တွန်းအားပေးသွားမှာပါ။”

    ဘိုကိုဟာရမ်မဟုတ်သူတွေ

    ၎င်းတို့ရဲ့မွတ်ဆလင်အဖွဲ့အစည်းအနေနဲ့ လုံခြုံရေးအဖွဲ့အစည်းများရဲ့ ၎င်းတို့အား ဘိုကို ဟာရမ်တွေ (Boko Haram) လို့စွတ်စွဲမှုတွေကိုလည်း ငြင်းပယ်ခဲ့ပါတယ်။

    မစ္စတာ မိုလက်ဆန်က OnIslam.net ကိုဆက်လက်ပြောကြားရာတာကတော့ “အဲ့ဒီလုပ်ရပ်ဟာ အေးချမ်းတဲ့တိုင်းပြည်ကိုမတည်မငြိမ်ဖြစ်စေရုံသာမက အစိုးရနဲ့ရော အစိုးရမဟုတ်တဲ့အဖွဲ့တွေနဲ့ပါ တွဲစပ်လုပ်ကိုင်နေတဲ့ ကျွန်တော်တို့အဖွဲ့အစည်းအပေါ်အမြင်နဲ့ အဖွဲ့အစည်းရဲ့ရည်ရွယ်ချက်တွေကို ထိခိုက်စေပါတယ်။ အာမခံနိုင်တာကတော့ လုံခြုံရေးအဖွဲ့တွေရဲ့ ခြိမ်းခြောက်စွတ်စွဲမှုတွေဟာ ခေါင်းဆောင်ကောင်းတွေရဲ့လုပ်ရပ်မဟုတ်ပါဘူး။”

    အစောပိုင်းတုန်းက ပြည်နယ်လုံခြုံရေးအဖွဲ့အစည်းရဲ့ ထုတ်ပြန်ချက်မှာ TAWUN ဟာနိုင်ငံကို ဘိုကို ဟာရမ် မွတ်ဆလင်နိုင်ငံဖြစ်အောင်ဆောင်ရွက်နေတယ်လို့ စွတ်စွဲထားခဲ့တာပါ။

    “စဉ်းစားကြည့်ရုံနဲ့တင် ကျောင်းတွေ၊ ဆေးရုံတွေ၊ ဆိုက်ဘာကဖေးတွေထောင်ပြီး လူထုပြန်လည်ထူထောင်ရေးတွေလုပ်နေပြီး ဆန်းသစ်တဲ့ ဖွံ့ဖြိုး တိုးတက်မှုတွေဖြစ်ပွါးအောင်လုပ်နေတဲ့ ကျွန်တော်တို့အဖွဲ့ကဖြစ်နိုင်စရာမရှိပါဘူး”

    ဘိုကိုဟာရမ်ဆိုတာ ဟူဆ (Hausa) စကားဖြစ်ပြီး အပြည့်အစုံကိုတော့ ဒီမှာ ဖတ်ကြည့်နိုင်ပါတယ်။ ၎င်းအယူအဆထဲမှာပဲ “အနောက်တိုင်း ပညာရေးသည် အပြစ်ကျူးလွန်ခြင်း” ဖြစ်ပြီး အာဖဂန်နစ္စတန်ရဲ့ တာလီဘန်တွေက အထူးပြုသတ်မှတ်ထားပါသေးတယ်။ စစ်ဖက်ဆိုင်ရာတွေကတော့ အဆိုပါတိုက်ခိုက်ရေးအဖွဲ့တွေဟာ တိုက်ခိုက်ရေးကာလအတွင်းကပဲ အဖွဲ့ဝင်တွေဒါဏ်ရာရမှု၊ ဖမ်းဆီးခံရမှု၊ စီးပွါးရေးအထောက်အပံ့ပြတ်တောက်ခြင်းတွေကြောင့် ပြိုလဲသွားပြီလို့ဆိုပါတယ်။ ၎င်းတို့ဟာ ၂၀၀၉တုန်းက နိုင်ငံမြောက်ပိုင်းမှာဖြစ်ပွါးခဲ့တဲ့ လုံခြုံရေးတပ်ဖွဲ့တွေကို ဦးတည်တိုက်ခိုက်ခဲ့တဲ့ ပစ်ခတ်မှု၊ ဗုံးခွဲမှုတွေအတွက် တာဝန်ရှိသူဟု သတ်မှတ်ခံထားရသူတွေဖြစ်ပါတယ်။ လောလောဆယ်မှာတော့ ဘိုကိုဟာရမ်တွေဟာ ခရစ်ယန်တွေကို ပစ်မှတ်ထားတိုက်ခိုက်နေပါတယ်။

    TAWUN က ခေါင်းဆောင်က သူ့အဖွဲ့အစည်းရဲ့ ရည်ရွယ်ချက်သည် နိုက်ဂျီးရီးယားပြည်သူတွေကို ဝန်ဆောင်မှုတွေပေးရန်သာဖြစ်ကြောင်း၊ အထူးသဖြင့် နိုင်ငံရဲ့ ဆင်းရဲနွမ်းပါးတဲ့ အောက်ခြေလူတန်းစားဖြစ်နေတဲ့ မွတ်ဆလင်တွေဖြစ်ကြောင်း အလေးအနက်ထုတ်ဖော်ပြောကြားလိုက်ပါတယ်။

    မိမိတို့အဖွဲ့အစည်းက လူငယ်ဖွံ့ဖြိုးတိုးတက်ရေးအစီအစဉ်တွေ၊ ကိုယ်ထူကိုယ်ထဆောင်ရွက်မှုတွေမှာ ပူးပေါင်းပါဝင်ဆောင်ရွက်ခြင်းအားဖြင့် ကောင်းမွန်တဲ့ အုပ်ချုပ်သူ အဖွဲ့အစည်းဖြစ်စေဖို့ ကောင်းကျိုးဖြစ်ထွန်းစေကြောင်း အိုစွန်းပြည်နယ်အုပ်ချုပ်ရေးမှူးဟောင်း အိုယင်လိုလာ (Oyinlola)က ၂၀၀၅ခု ဒီဇင်ဘာ ၁၄ရက်နေ့က အယ်လ် ကုရ်ဒက်စ် အစ္စလာမ္မစ်သတင်းထုတ်ပြန်ရေးဌာနမှာ ပြုလုပ်တဲ့ပွဲမှာ ပြောကြားခဲ့တယ်လို့ မစ္စတာ မိုလက်စန်က ပြောပြပါတယ်။

    “တကယ်လို့ ကျွန်တော်တို့ဟာ ဘာသာရေးအစွန်းရောက်တွေဆိုရင် ခရစ်ယာန်ဘာသာဝင် ပြည်နယ်အုပ်ချုပ်ရေးမှူးဟောင်းဟာ ကျွန်တော်တို့ရဲ့အစီအစဉ်ကို တက်ရောက်မှာ မဟုတ်ပါဘူး။” လို့ ဖြည့်စွက်ပါတယ်။

     

    မူရင်းကိုးကားသတင်း >> http://www.onislam.net

    ဘာသာပြန်- Mya Thet Mon နှင့် သန့်စင်ဖြိုး

  • “မွတ်စလင်မ်ဖြစ်တဲ့ အတွက် ကျွန်တော် အရက်မသောက်ဘူး” (ယာယာတိုရေး)

    ပြီးခဲ့သော စနေ့နေ့ည က ယှဉ်ပြိုင်ကစားခဲ့သော ပရီးမီးယားလိဂ် နယူးကာဆယ်နှင့် မန်ချက်စတာ စီးတီး ပွဲစဉ်တွေင် မန်ချက်စတာစီးတီး ကွင်းလယ်ကစားသမားသည် ပွဲစဉ်တစ်လျှောက် အကောင်းဆုံးအဖြစ် ရွေးချယ်ခြင်းခံရသည်။

    ပရီးမီးယားလိဂ် မွတ်စလင်မ် ဘောလုံးစူပါစတား ယာယာတိုရေးသည် ပွဲစဉ်တစ်လျှောက် အကောင်းဆုံးအဖြစ် ရရှိသော အရက်ပုလင်းဆုကို ငြင်းပယ်ခဲ့သည်။

    “မွတ်စလင်တစ်ဦးဖြစ်တဲ့အတွက် ကျွန်တော် အရက်ကို ရှောင်ပါတယ်။”ဟု တိုရေးက ရှင်းပြခဲ့ပါသည်။

    အိုင်ဗရီကို့စ်နိုင်ငံသား မွတ်စလင်မ် တစ်ဦးဖြစ်သူ တိုရေးသည် မန်စီးတီးက ၂ဂိုးပြတ်ဖြင့် နယူးကာစတယ်လ်ကို နိုင်သောပွဲတွင် အခြားကစားသမားများထက် အမှတ်နှစ်ဆပြတ်ခဲ့သည်။

    သို့သော် တိုရေးသည် ဆုကို မိမိ၏ အသင်းဖော် ဂျိုလိယွန် လိစ်ကော့တ်ကို “မင်းပဲ ယူလိုက်ပါ” ဟုပြောလျက် လွှဲပြောင်းပေးခဲ့သည်။

    မန်စီးတီး၏ ထိုနေ့အောင်ပွဲသည် ၄၄နှစ်အတွင်း ပထမဆုံးအကြိမ် ပရီးမီးယားလိဂ်ချန်ပီယံဖြစ်ရန် အိပ်မက်ကို ပိုမို နီးစပ်သွားစေခဲ့သည်။

    “အသင်းအနေနဲ့ ဒီနှစ်ရာသီမှာ အနိုင်ရဖို့ အကူအညီ ပေးနိုင်လို့ ကျွန်တော် အရမ်းပျော်ပါတယ်” လို့ အသက်၂၈ နှစ် ရှိ တိုရေးက သူ့ခံစားချက်ကို ရင်ဖွင့်ခဲ့ပါသည်။

    “ကျွန်တော့်အနေနဲ့ကတော့ အရေးအကြီးဆုံးက အပြင်းအထန် အားထုတ်ကြိုးစားရင်း ရှေ့ဆက်ဖို့ပါပဲ။ နောက်တစ်ပတ်မှာ အနိုင်ကစားဖို့ ကြိုးစားရပါမယ်။”

    အစ္စလာမ်သာသနာသည် မူးယစ်ဆေးဝါးမှန်သမျှကို လေးနက်ပြင်းထန်စွာ တားမြစ်ထားပါသည်။ ထို့ကြောင့် မွတ်စလင်မ်တစ်ဦးသည် အရက်သေစာသောက်စားခြင်း၊ အရက်ယာမကာ ရောင်းချခြင်း လုံးဝမပြုရပေ။

    အစ္စလာမ့်တရားတော်အရ မူးယစ်စေသော အဖျော်ယာမကာမှန်သမျှကို ပမာဏနည်းသည်ဖြစ်စေ၊ များသည်ဖြစ်စေ၊ အရက်ဖြစ်စေ၊ ဆေးဝါးများဖြစ်စေ၊ အချည်ကစော်ဖောက်ထားသော စပျစ်ဝိုင်ဖြစ်စေ စသည်တို့အားလုံးကို တားမြစ်ထားပါသည်။

    ကမ္ဘာပေါ်တွင် အလားအလာအရှိဆုံး လူငယ်ကစားသမားများအနက် တစ်ဦးအဖြစ် ၂၀၀၅ခုနှစ်တွင် ယူရိုစပို့တ်က ကြေငြာခဲ့သော တိုရေးသည် ယခုအခါ ပရီးမီးယားလိဂ် စူပါစတားများအနက် တစ်ဦးဖြစ်နေပြီ ဖြစ်သည်။

    ဘောလုံးအထိန်းအသိမ်းတွင် ပါရမီပါသော တိုရေးသည် အနီးပေး၊ အဝေးပေး နှင့် တိုက်ရိုက် လူပေးကစားခြင်း များတွင်လည်း အလွန်ကောင်းမွန်သည်။

    အကျပ်အတည်းအခြေနေများတွင် ဘောလုံးရှေ့ထွက်အောင်လုပ်နိုင်သော သူ၏ တမူမတူ ထူးခြားမှုများကြောင့် ၀မ်းတူးသမားဆိုသည့် နာမည်ပြောင် တွင်ခဲ့ရသည်။

    သူသည် ပရီးမယားလိဂ်သို့ မလာခင် စပိန်နာမည်ကျော် ဘာစီလိုနာအသင်းတွင် ကစားခဲ့သည်။

    ဘာကာမှာ ရှိစဉ်ကတည်းက သူကိုးကွယ်ရာ ဘာသာတရားနှင့်ပတ်သက်ပြီး လျှို့ဝှက်ဖုန်းကွယ်ခြင်း လုံးဝမရှိခဲ့ပေ။ စစ်မှန်ယုံကြည်သူ မွတ်စလင်မ်တစ်ဦးဖြစ်ခြင်းနှင့် အောင်မြင်ကျော်ကြားသော ဘောလုံးသမားတစ်ဦးဖြစ်ခြင်းတွင် မည့်သည့်ဆန့်ကျင်မှုမျှမရှိဟု သူခံယူထားပေသည်။

     

    Ref: http://www.onislam.net/

  • ဂျာမန်အစ္စလာမ် ညီလာခံမှ သဘောတူညီမှုရလဒ်များကို ဂျာမန်ပြည်ထဲရေးဝန်ကြီး ကျေနပ်အားရ

    ဂျာမနီ နိုင်ငံ၊ မြို့တော်ဘာလင်မှာ ကျင်းပခဲ့တဲ့ အစ္စလာမ့် ညီလာခံကမှ ထွက်ပေါ်လာတဲ့ သဘောတူညီမှု့ ရလဒ်တွေ ဟာ ကျေနပ်စရာ ကောင်းတယ်လို့ ဂျာမန်ပြည်ထဲရေးဝန်ကြီး ဟန်စ်ပီတာဖရက်ဒရစ် ကပြောကြားပါသည်။ ဒီညီလာခံမှ လူဦးရေလေးသန်း လောက်ရှိတဲ့ ဂျာမနီမွတ်စလင်မ်တွေ အားလုံး စည်းလုံးညီညွတ်ရေးအတွက် ကြိုးပမ်းဖို့ သဘောတူညီမှု့ ရခဲ့တာဖြစ်ပါသည်။

    တက်ရောက် လာကြသူတွေအားလုံးဟာ အဓိကဆွေးနွေးချက်တွေကို ကျယ်ကျယ်ပြန့်ပြန့် သဘောတူညီမှု့ ရခဲ့ကြတယ် လို့ ၀န်ကြီးက ညီလာခံ ခေတ္တနားချိန်မှာ ပြောကြားသွားကြောင်း Deutche Welle မှ သတင်းပို့ပါသည်။

    အတင်းအကျပ် လက်ထပ်ပေးမှု့တွေ၊ ဒေသတွင်းအကြမ်းဖက်မှု့တွေဟာ ဘာသာရေးအဆုံးအမကြောင့် မဟုတ်ဘဲ ဖြစ်ပေါ် နေတဲ့ နိုင်ငံရဲ့ အယူအဆတွေနဲ့ ယဉ်ကျေးမှု့ အစဉ်အလာတွေကြောင့်သာဖြစ်ကြောင်း ကိုလည်း ဒီညီလာခံကနေ သဘောတူခဲ့ ကြတယ်လို့ ၀န်ကြီးက ဆက်လက်ပြောကြားသွားပါသည်။

    ပြည်ထဲရေးဝန်ကြီးရဲ့ အခုလို အပြုသဘောဆောင်တဲ့ မှတ်ချက်ဟာ သူ့ရဲ့ ဂျာမနီ မွတ်စလင်မ် အသိုင်းအ၀ိုင်းအပေါ်မှာ ထားတဲ့ သဘောထားပြောင်းလဲလာတာလို့ ယူဆရပါတယ်။ ဘာလို့လဲဆိုတော့ ဂျာမနီမွတ်စလင်မ်တွေဟာ ဂျာမနီနဲ့မပတ်သက်ဘူး လို့ ပြီးခဲ့တဲ့ နှစ်က ၀န်ကြီး ပြောခဲ့ဘူးပါတယ်။ ဒီလိုပြောခဲ့တာကြောင့် မနှစ်တုန်းက ညီလာခံအပြီး သတင်းစာရှင်းလင်းပွဲမှာ ၀န်ကြီးကို ပြင်းပြင်းထန်ထန် ဝေဖန်ခဲ့ကြပါသည်။

    ဂျာမန်အစ္စလာမ် ညီလာခံကို  ၂၀၀၆ ခုနစ်က စပြီးနှစ်စဉ်ကျင်းပခဲ့တာဖြစ်ပြီး မွတ်စလင်မ် ခေါင်းဆောင်တွေနဲ့ ဂျာမနီ အစိုးရအကြား ဆွေးနွေးညှိနှိုင်းမှု့တွေပြုလုပ်နိုင်ရန် အလို့ငှာ ရည်ရွယ်ကျင်းပခြင်းဖြစ်သည်။