စိတ်မချမ်းမြေ့ဖွယ် ပဲခူးမြို့ရေကြီးမှုနှင့် စိတ်ကြည်နူးဖွယ်ရေဘေးကူညီစောင့်ရှောက်မှုများ – ၂
နောက်လိုအပ်ချက်တစ်ခုက မနက်ထမင်းထုတ် (၁၅ဝဝ) ၊ ညနေထမင်းထုတ် (၁၅ဝဝ) ဝေခဲ့တယ်လို့ တင်ပြထားပါတယ်။ တကယ်တော့ အဲ့ဒီအပြင် ဘုရားကြီးမြို့မှ တစ်နပ်ကိုထမင်းထုတ် (၂ဝဝ)ထပ်ပေါင်းဖို့ ကျန်ခဲ့တာပါ။ ဒါ့ကြောင့် တစ်နပ်ထမင်းထုတ် (၁၇ဝဝ) နဲ့ တစ်နေ့ထမင်းထုတ် (၃၄ဝဝ) ကို (၄) ရက်တိုင်ဝေငှခဲ့ခြင်း ဖြစ်ပါတယ်။ ၄င်းကူညီစောင့်ရှောက်မှုအတွက် ခန့်မှန်းချေ သိန်း (၃ဝ)ကျော် ကုန်ကျခဲ့ပါတယ်။
အခု ဒုတိယ ရေကြီးမှုကို တင်ပြပါမယ်။ ပထမအကြိမ် ရေတက်ပြီး ရေဟာ မြို့ပေါ်မှာသာကျပြီး ပဲခူးမြစ်ထဲမှာတော့ သိပ်မကျပဲ ရေတန့်နေခဲ့ပါတယ်။ အဲဒီလိုနဲ့ ၇.၈.၂ဝ၁၁ (တနင်္ဂနွေ) နေ့မှာ ရေဟာတဖြေးဖြေးပြန်တက်လာခဲ့ပါတယ်။ ရေကြီးမှုသတင်းကိုအားလုံးသိရှိပြီးဖြစ်မယ်လို့ ယူဆတဲ့အတွက် ကျွန်တော့်အနေနဲ့ မွတ်စလင်မ်ညီနောင်များရဲ့ အခက်အခဲကြုံတွေ့မှုနဲ့ ကူညီစောင့်ရှောက်မှုများကိုပဲ အဓိကထားတင်ပြပါမယ်။ တနင်္ဂနွေနေ့မှာ စတက်လာတဲ့ရေဟာ ပိုများလာပြီး တနင်္လာနေ့မှာတော့ အိမ်တွေမှာနေလို့ မရတော့တဲ့ မွတ်စလင်မ်မိသားစုများဟာ အဲဒီ့နေ့ည (၈းဝဝ) မှာ ပဲခူးဒါရ်ဂါတော်နှင့်ဗလီဝတ်ကျောင်းတော်ကို ရောက်ရှိလာပါတယ်။ ပဲခူးဒါရ်ဂါတော်ကို ရောက်ရှိလာတဲ့ လူဦးရေဟာ (၃ဝ၄) ဦးဖြစ်ပြီး အိမ်ထောင်စု (၇၂) စုဖြစ်ပါတယ်။ အိမ်ထောင်စုအများစုဟာ အဓိကရေကြီးတဲ့ရပ်ကွက်များဖြစ်တဲ့ အိုးလေးစု၊ မဇင်း၊ စက်ပိုင်း ရပ်ကွက်များမှဖြစ်ပါတယ်။ ဒုတိယအကြိမ်မှာတော့ ပထမအကြိမ်ရေကြီးတုန်းကလို ဗလီအားလုံးစုပေါင်းကူညီမှု မပြုနိုင်တော့ပါဘူး။ ဘာကြောင့်လဲဆိုတော့ ပဲခူးဒါရ်ဂါဗလီနှင့် ပန်းလှိုင်ဗလီတို့မှလွဲပြီး ကျန်ဗလီများပါ ရေကြီးခြင်းခံခဲ့ရလို့ဖြစ်ပါတယ်။ ဒါကြောင့်မို့ ကိုယ့်အပိုင်းကိုယ် တပိုင်တနိုင် ဖြေရှင်းတဲ့ပုံစံဖြစ်သွားပါတယ်။
မဟာမြိုင်ဗလီ၊ မဇင်းဂျာမေဗလီ၊ ၅လမ်းဂျာမေဗလီများဟာ ဗလီထဲဝင်ပြီး (၁ဝ.၈.၂ဝ၁၁) မှ (၁၂.၈.၂ဝ၁၁) ထိ ဆွလာသ်ဝတ်ပြုမှုတို့၊ ဝါဖြေပွဲတို့ကို ခေတ္တရပ်နားခဲ့ရပါတယ်။ ရေစကျတဲ့ (၁၂.၈.၂ဝ၁၁) သောကြာနေ့မှသာလျှင် ဂျွမ္မာဆွလာသ်ဝတ်ပြုရန်အတွက် ဗလီနှစ်လုံးမှ အရေးပေါ်သန့်ရှင်းရေးလုပ်ပြီး ဝတ်ပြုစေနိုင်ခဲ့ပါတယ်။
တခြားကယ်ဆယ်ရေးအနေနဲ့ကတော့ ပဲခူးမြို့ပေါ်ရှိ သာသနာ့ဗိမာန်နဲ့ ဘုန်းကြီးကျောင်းများမှာလည်း ဖွင့်လှစ်ပြီး ကူညီမှုပြုခဲ့ပါတယ်။ မွတ်စလင်မ်တစ်ချို့လည်းအဲဒီနေရာတွေမှာ သွားရောက်ခိုလှုံကြောင်းသိရပါတယ်။ သြဂုတ်လ ၁၉ ရက်နေ့ထုတ် မော်ဒန်ဂျာနယ်ရဲ့စစ်တမ်းအရ ရေဘေးသင့်လူဦးရေ တစ်သောင်းကျော်ရှိပြီး အိမ်ထောင်စု (၃၂၂၂) စုကို ကယ်ဆယ်ရေးစခန်း (၂၂) ခု ဖွင့်ကယ်ဆယ်ခဲ့ကြောင်း ဖတ်ရှုရပါတယ်။
အဆမတန်ရေကြီးလာမှုကြောင့်တစ်ကြောင်း၊ ရေများလာမှုကြောင့် လှေများဖြင့်သွားရန်ခက်ခဲမှုကြောင့်တစ်ကြောင်းတို့ကြောင့် ပဲခူးဒါရ်ဂါကနေ ထမင်းထုတ်များကို အိမ်တိုင်ရာရောက် လှေများနဲ့လိုက်မဝေပေးနိုင်တော့ဘဲ လာရောက်ခိုလှုံတဲ့ မွတ်စလင်မ်အိမ်ထောင်စုတွေကိုသာ မနက်ထမင်း၊ ညထမင်း၊ ဆဲဟ်ရီထမင်းနဲ့ ဝါဖြေပွဲများ ပြုလုပ်ပေးနိုင်ခဲ့ပါတယ်။ ၄င်းကျွေးမွေးရေးအစီအစဉ်များကို ပဲခူးဒါရ်ဂါတော်ဂေါပကအဖွဲ့နှင့် ဂျမာအသ်သားများ၊ ပဲခူးမြို့အရှေ့ခြမ်းမွတ်စလင်သာရေးနာရေးလူငယ်အဖွဲ့နှင့် သီးခြားတပိုင်တနိုင်အလှူရှင်များ စုပေါင်း၍ ကျွေးမွေးခဲ့ပါတယ်။ ကြက်သားဟင်း၊ အမဲသားဟင်း၊ ဘဲဥဟင်း နှင့် ပဲဟင်းများဖြင့် ကျွေးမွေးခဲ့ပါတယ်။ မုန့်များ၊ သကြားလုံးများ သီးခြားလာလှူသော အလှူရှင်များလည်းရှိပါတယ်။
ပဲခူးဒါရ်ဂါမှ ရေဘေးဒုက္ခသည်များဟာ ၁၆.၈.၂ဝ၁၁ (အင်္ဂါနေ့) နေ့လည် (၂းဝဝ) မှာ ပဲခူးဒါရ်ဂါမှ နေအိမ်ပြန်သွားကြပါတယ်။ ၄င်းဒုက္ခသည်များအား ပဲခူးဒါရ်ဂါမှ ဆန်များ ထပ်မံဝေငှခဲ့ပါတယ်။ ၄င်းအလှူရှင်များကတော့…
– ဦးဒါဝတ် (ရန်ကုန်မြို့) မှ ဆန်အိတ် (၂ဝ)အိတ်၊
– သနပ္ပင်မြို့ ဗလီဂေါပကအဖွဲ့မှ ဆန်အိတ် (၃၅)အိတ်၊
– ဦးတင်လှ (ရန်ကုန်မြို့) ဆန်အိတ် (၁ဝ)အိတ်၊
– ဦးတင်စိန် (သာယာကုန်း) မှ ဆန်အိတ် (၅) အိတ်၊
– အမျိုးသားဒီမိုကရေစီ အဖွဲ့မှ ဆန်အိတ် (၂) အိတ်၊
စုစုပေါင်း ဆန်အိတ် (၇၂)အိတ်ကို အိမ်ထောင်စု (၇၂)စုအား အချိုးကျ ခွဲဝေပေးခဲ့ပါတယ်။
ယခုလို ကာယအား၊ ဥာဏအား၊ ဓနအားတို့ဖြင့် ကူညီစောင့်ရှောက်သူများ၏ အမှန်တကယ်လိုအပ်နေသူများအား ကူညီစောင့်ရှောက်မှုများကို အလ္လာဟ်အရှင် လက်ခံသဘောတူပြီး ကောင်းမွန်သော အစားချီးမြှင့်တော်မူပါစေ။ (အာမီးန်)
“အကြင်သူတို့သည် မိမိတို့၏ ဥစ္စာပစ္စည်းများကို နေ့ညဥ့်မရွေး (အခါခပ်သိမ်း) လျှို့ဝှက်စွာဖြင့် (တမျိုး) ထင်ရှားစွာဖြင့် (တဖုံ) လှူဒါန်းသုံးစွဲကြကုန်၏။ သို့ဖြစ်လျှင် ယင်းသူတို့၏ ကုသိုလ်အကျိုးသည် ယင်းသူတို့အား မွေးမြူတော်မူသောအရှင်မြတ်၏ အထံတော်၌ (အသင့်) ရှိပေသည်။ ထို့ပြင်တဝ ယင်းသူတို့အပေါ်ဝယ် မည်သည့်စိုးရိမ်ကြောင့်ကြခြင်းလည်းမရှိ၊ ယင်းသူတို့သည် ဝမ်းနည်း ပူဆွေးကြမည်လည်းမဟုတ်ပေ။” ကုရ်အာန် (၂း ၁၇၇)
