စက်တင်ဘာ၊ ၂ ၊ ၂၀၁၂
M-Media
စိန်စံထိုက်
၂၀၁၂ သြဂုတ်လ မှာထုတ်တဲ့ ပြည်တွင်းဂျာနယ်တစ်စောင်မှာ ဖော်ပြထားတဲ့ ဆောင်းပါးတပုဒ်ကြောင့် ကျွန်တော့်အသိထဲကို အတွေးပုံရိပ်တစ်ခု ၀င်လာပါတယ်။ ကျွန်တော့်အတွေးပုံရိပ်ကို မပြောခင် ဂျာနယ်မှာ ဖော်ပြတဲ့ ဆောင်းပါးအကြောင်းအရာကို အကျဉ်းချုံးလေးနဲနဲ ပြောချင်ပါတယ်။
ဒီဆောင်းပါးက လူမျိုးတစ်မျိုးချင်းရဲ့ စိတ်နေသဘောထား ဓလေ့စရိုက်ကို ဖော်ပြတဲ့ simple post လေးပဲ ဖြစ်ပါတယ်။
ဆောင်းပါးဖော်ပြချက်အရ ကားတစ်စီးသာ မောင်းလို့ရတဲ့ မြို့စွန်က ချောင်းတံတားလေးတစ်ခုကို အခြေခံပါတယ်။
အဲဒီချောင်းတံတားရဲ့ မျက်နှာချင်းဆိုင် တစ်ဖက်တစ်ချက်ဆီမှာ ကားနှစ်စီးမျက်နှာချင်းဆိုင် ဆုံကြတဲ့အခါ လူမျိုးတစ်မျိုးချင်းရဲ့ ဗီဇစရိုက်အရ ပြုမူမယ့် အသွင်သဏ္ဍာန်ကို ဖော်ပြထားတာ ဖြစ်ပါတယ်။
ဆိုကြပါစို့…တံတားထိပ် နှစ်ဖက်ကား ၂စီးမှာ တစ်ဖက်က ဂျပန်လူမျိုး မောင်းနှင်လာတဲ့ မော်တော်ယာဉ်ဆိုရင်… အဲဒီဂျပန်ကြီးဟာ သူ့ကားကို နောက်ပြန်ဆုတ်ပြီး တစ်ဖက်ကကားကို ဦးစားပေးသွားခွင့်ရအောင် ဆောင်ရွက်ပါလိမ့်မယ်တဲ့။ ဒါကတော့ ဂျပန်လူမျိုးရဲ့ စိတ်ရှည်သည်းခံမှုနဲ့ တစ်ပါးသူကို ဦးစားပေးတဲ့ စိတ်ဓာတ်ကို ဖော်ပြတာ ဖြစ်ပါတယ်။
ဒီလိုပဲ ဒီနေရာမှာ ကိုရီးယားလူမျိုး ယာဉ်မောင်းတစ်ဦးဆိုရင်တော့ သူဟာ ကားကို တံတားပေါ်က အလျင်အမြန် ဖြတ်သန်းနိုင်ဖို့ အတွက် တပါးသူရဲ့ ခံစားမှုကို အလေးမထားဘဲ ကဆုန်ပေါက်ပြီး မောင်းဝင်သွားပါလိ့မ်မယ်တဲ့။ ဒါကတော့ ကိုရီးယားလူမျိုးတွေဟာ သွက်သွက်လက်လက်နဲ့ ကသုတ်ကရက် လုပ်တတ်တဲ့ စိတ်ဓါတ်ကြောင့်ပဲ ဖြစ်ပါတယ်တဲ့။
နောက်ယာဉ်မောင်းတစ်ဦးကတော့ တရုတ်လူမျိုးပဲ ဖြစ်ပါတယ်။ သူကတော့ ကားကို တံတားထိပ်ရောက်တာနဲ့ သူ့ကားကို စက်သတ်ပြီး ရပ်လိုက်ပါတယ်။ ပြီးတဲ့အခါ ကားဒက်ရ်ှဘုတ်ထဲက သတင်းစာ တစ်စောင်ကို ယူပြီး အေးအေးဆေးဆေး အမူအယာနဲ့ သတင်းစာဖတ်တဲ့အသွင် လုပ်ပါလိမ့်မယ်လို့ ဖော်ပြပါတယ်။ အဲဒီလိုလုပ်တာကြောင့် တစ်ဖက်က ကားသမားဟာ သူ့ကားကို နောက်ဆုတ်ပြီး တစ်ဖက်က တရုတ်လူမျိုးကား မြန်မြန်မောင်းလာအောင် ပြုလုပ်ပါလိမ့်မယ်တဲ့…ဒါကတော့ တရုတ်လူမျိုးရဲ့
စိတ်နေသဘောထား ဗီဇစရိုက်ကို ဖော်ပြတာပဲ ဖြစ်ပါတယ်။
ဆောင်းပါးရဲ့ အဓိက ဖော်ပြချက်ကတော့ ဒါပါပဲ။ ဒီမှာ လူမျိုးတစ်မျိုးချင်းရဲ့ ဗီဇစရိုက် အမူအကျင့်ကို ပေါ်လွင်အောင် ရေးပြခဲ့ခြင်းပဲ ဖြစ်ပါတယ်။
အဲဒီဆောင်းပါးကိုဖတ်ပြီး ကျွန်တော် တွေးမိတယ် ဆိုတာကတော့ ကျွန်တော်တို့ မွတ်စလင်မ်တွေ အထူးသဖြင့် ဦးကျော်ဆန်းပြောတဲ့ ပြည်တွင်းနေ အစ္စလာမ်ဘာသာဝင်တွေရဲ့ ဗီဇစရိုက် အမူအကျင့်ကို ဖြတ်ခနဲ တွေးလိုက်မိရက်သား ဖြစ်သွားတာပါ။
အဲဒီတော့ ကျွန်တော်တို့ ပြည်တွင်းနေ အစ္စလာမ်ဘာသာဝင်ဆိုသူတွေဟာ လူမျိုးအလိုက် စိတ်နေသဘောထား။ အမူအကျင့် နဲ့ စရိုက် လက္ခဏာတွေကို ပြန်လည် ဆန်းစစ် လေ့လာသုံးသပ်မယ်ဆိုရင် … မွတ်စလင်မ်တွေဟာ ဟိုးအရင် ပုဂံခေတ်ကစပြီး ရှေးမြန်မာမင်းများ အဆက်ဆက်မှာ တိုင်းပြည်အကျိုးကို ကောင်းတဲ့ဘက်ကနေ ကူညီဆောင်ရွက်ခဲ့တယ်ဆိုတာ သမိုင်းက သက်သေပြနေတာကြောင့် အပိုတွေ ပြောဖို့ လိုမယ် မထင်ပါ။ မွတ်စလင်မ်တွေဟာ မြန်မာမင်းများလက်ထက်မှာ တာဝန်ကျေခဲ့တဲ့အပြင် နယ်ချဲ့တော်လှန်ရေးနဲ့ လွတ်လပ်ရေး တိုက်ပွဲတွေမှာလည်း အင်တိုက်အားတိုက် ပါဝင်ခဲ့ပြီး အသက်ကိုပင် ပေးဆပ်ခဲ့တဲ့ ပုဂ္ဂိုလ်တွေ ရှိခဲ့တယ်ဆိုတာ အားလုံးသိတဲ့ ကိစ္စတွေ ဖြစ်ပါတယ်။ ဒီလိုအခြေအနေမှာ မေးစရာတစ်ခုတော့ ရှိလာမှာပါ။ ဒါကတော့ အရင်ကလူတွေ လုပ်ခဲ့တာ မင်းတို့နဲ့ ဘာဆိုင်သလဲ ဆိုတဲ့ မေးခွန်းပါ။ ဒါကိုလည်း အခြေအနေ အမှန်ကို သဘောပေါက်အောင် ရှင်းပြပါမယ်။
ပါလီမန်ခေတ် ကုန်ဆုံးပြီး ဒီဘက်ခေတ်ရောက်လာတဲ့အခါမှာ ဦးနေ၀င်းဦးဆောင်တဲ့ အိမ်စောင့်အစိုးရ ၊ တော်လှန်ရေးကောင်စီ (မဆလ) ခေတ် စတဲ့ ကာလတွေမှာတော့ ဦးနေ၀င်းဟာ မွတ်စလင်မ်တွေကို တိုင်းပြည်ထူထောင်ရေးနဲ့ အကျိုးပြုလုပ်ငန်းတွေမှာ ပါဝင်လာခြင်း မရှိအောင် စနစ်တကျ အကွက်ချပြီး ဖယ်ရှားခဲ့ပါတယ်။ ယုတ်စွအဆုံး အားကစား လောကမှာတောင် ယခင်က မြန်မာ့အားကစား လောကကို မွတ်စလင်မ်တွေက ဂုဏ်ဆောင်ခဲ့တဲ့ သမိုင်းကို အလေးမထားဘဲ ဖယ်ကြဉ်ခဲ့တဲ့အထိ လုပ်ဆောင်ခဲ့ပါတယ်။
ဒီ့ထက်ပိုဆိုးတာက မြန်မာ့သမိုင်း တစ်လျှောက်လုံးမှာ မွတ်စလင်မ်တွေဟာ ပသီလူမျိုး၊ ဇေရဘာဒီလူမျိုး ၊ မြန်မာမွတ်စလင်မ် စတဲ့ အမည်မျာနဲ့ တိုင်းရင်းသားအဖြစ် သတ်မှတ်ခြင်းခံခဲ့ရပေမယ့် ၁၉၈၂ ခုနှစ် ဖွဲ့စည်းပုံဥပဒေမှာ မွတ်စလင်မ်တွေကို တိုင်းရင်းသားအဖြစ်က ဖယ်ရှားပြီး ဦးနေ၀င်းဟာ တပါတီအာဏာရှင်စနစ်နဲ့ မိမိစိတ်ကြိုက်ပုံဖော်ခြင်း ပြုခဲ့ပါတယ်။
ဒီလို အခြေအနေတွေကြောင့် မွတ်စလင်မ်တွေဟာ ၀မ်းနည်းကြေကွဲစွာနဲ့ တိုင်းပြည်အကျိုးပြု လုပ်ငန်းတွေမှာ ပါဝင်ခွင့် မရခဲ့ခြင်း ဖြစ်ပါတယ်။
မွတ်စလင်မ်တွေဟာ မြန်မာနိုင်ငံ အကျိုးကို သယ်ပိုးခဲ့တဲ့ သမိုင်းသာ ရှိခဲ့ပါတယ်။ နိုင်ငံတော် ပျက်စီးအောင် ပြည်သူလူထု အကျိုးယုတ်အောင် မည်ကဲ့သို့မျှ လုပ်ဆောင်ခြင်း မပြုခဲ့ဘူးဆိုတာ စစ်မှန်တဲ့ မြန်မာပြည်သူတွေ အားလုံးသိကြပါတယ်။
ဒါကြောင့်လဲ တစ်ချိန်က ဗုဒ္ဓဘာသာစစ်စစ် မြန်မာ့နိုင်ငံရေး ခေါင်းဆောင်တွေဟာ မွတ်စလင်မ်တွေကို လေးစားသောအားဖြင့် မြန်မာထဲက မြန်မာလူမျိုး တစ်မျိုးပဲ ဖြစ်ပါတယ်လို့တောင် သတ်မှတ်ခြင်း ပြုခဲ့ကြပါတယ်။
ဒီကနေ့ အင်တာနက်ထဲမှာ မွတ်စလင်မ်တွေကို တစ်တစ်ခွခွ၊ ပယ်ပယ်နယ်နယ်၊ ရိုင်းရိုင်းစိုင်းစိုင်း ဝေဖန်ပုတ်ခတ်သူတွေဟာ ဗုဒ္ဓဘာသာ မြန်မာလူမျိုးစစ်စစ် မဟုတ်လောက်ပါဘူး။ ဗုဒ္ဓဘာသာ မြန်မာလူမျိုးစစ်စစ်ဟာ သူတစ်ပါး ထိခိုက်နစ်နာအောင် စိတ်နဲ့တောင် မပြစ်မှားကြတဲ့ ရိုးသားတဲ့ ဗီဇစရိုက်ရှိတဲ့ လူမျိုးတွေ ဖြစ်ပါတယ်။ ဒီလို ဝေဖန်တိုက်ခိုက်သူတွေဟာ လူတစ်စုထံက အခကြေးငွေယူပြီး တာဝန်ကျေအောင် လုပ်နေကြရတဲ့ အဆဲပါရဂူဘွဲ့ရတဲ့ အခစားဝန်ထမ်းတွေသာ ဖြစ်ပါတယ်။
ဒါကြောင့် ကျွန်တော်တို့ဟာ ဒီလူတွေရဲ့လုပ်ရပ်ကို အလေးထားပြီး ပြန်လည်တုန့်ပြန်ခြင်း မပြုသင့်ပါဘူး။
ကျွန်တော်တို့မွတ်စလင်မ်တွေဟာ သင်ကောင်းကောင်း၊ မကောင်းကောင်း၊ ကျွန်ုပ်ကောင်းမည်ဆိုတဲ့ မူအပေါ်မှာပဲ မိမိတို့ ရပ်တည်သင့်ပါတယ်။ အ၀ီစိငရဲကို သွားဖို့ အကုသိုလ်လမ်းကို လျှောက်နေတဲ့သူတွေကိုတော့ ပြန်လည်တုန့်ပြန်ခြင်းမပြုဘဲ သိက္ခာရှိရှိ လမ်းဖွင့်ပေးလိုက်ပါ။ သူတို့ရဲ့ အဆဲသမိုင်းကို သူတို့ရေးကြပါစေ။
ကျွန်တော် အဓိက ပြောချင်တာကတော့ မွတ်စလင်တွေဟာ မျိုးရိုးဗီဇအရ ရိုးသားသူတွေ ဖြစ်ပါတယ်။ တိုင်းပြည်နစ်နာအောင် ပြည်သူထိခိုက်အောင်လုပ်တတ်တဲ့ အကျင့်စရိုက် လုံးဝမရှိကြပါ။ မွတ်စလင်မ်တွေရဲ့ ဗီဇစရိုက်ကို ယေဘုယျသဘောအရ ထင်သာမြင်သာ ရှိတာလေးတွေကို အနဲငယ် ရှင်းပြလိုပါတယ်။
မွတ်စလင်မ် ဆိုသူတွေဟာ…
၁။ ဘိန်းနဲ့ မူးယစ်ဆေးဝါး ကုန်မကူးပါ။ ရောင်းချခြင်း မပြုပါ။
၂။ လူကုန်မကူးပါ (ဘ၈င်္လားဒေ့ရ်ှကလည်း လူကုန်မ၀ယ်ပါ)
၃။ စားတော်ဆက် အမည်တပ်၍ အရက်သေစာ ရောင်းချခြင်း မပြုပါ။
၎။ တည်းခိုခန်း (INN) အမည်တပ်၍ ဇိမ်ခန်း မဖွင့်ပါ။
၅။ လောင်းကစားဒိုင်များလုပ်၍ လူငယ်တို့၏ စာရိတ္တကို မဖျက်ဆီးပါ။
၆။ မာဆတ်ဟုခေါ်သော နှိပ်စားဂွင်မလုပ်ပါ။
၇။ ကာရာအိုကေ အမည်တပ်၍ မိန်းမပျိုများကို ပျက်စီးစေသော အလုပ်ကို မလုပ်ပါ။
၈။ မြောင်းဆီများကို ပဲဆီအမည်တပ်၍ ထုတ်လုပ်ရောင်းချခြင်း မပြုပါ။
၉။ လူကို အန္တရာယ်ဖြစ်စေသော ဆေးဝါးအတုများ ထုတ်လုပ်ရောင်းချခြင်း မပြုပါ။
၁၀။ လူကို အန္တရာယ်ဖြစ်စေသော ခြင်ဆေးများ ထုတ်လုပ်ရောင်းချခြင်း မပြုပါ။
၁၁။ ကလေးသူငယ်များ အန္တရာယ် ဖြစ်စေသော သကြားလုံး၊ နို့မှုန့်များနှင့် မုန့်ပဲသွားရေစာများ ထုတ်လုပ်ရောင်းချခြင်း မပြုပါ။
၁၂။ Asbestos သတ္တုပါဝင်သော လူကို အဆုတ်ကင်ဆာ နှင့် အခြားရောဂါဝေဒနာများ ဖြစ်စေနိုင်သော မော်တော်ယာဉ်များ
ထုတ်လုပ်ရောင်းချခြင်းမပြုပါ။
ထို့အပြင် အစ္စလာမ် ဘာသာက ကြီးလေးသော အပြစ်ရှိသည့် (ဟရာမ်) အဖြစ် တားမြစ်ထားသော အောက်ပါ အကြောင်းအရာများနှင့် လုပ်ငန်းများကိုလည်း ရှောင်ကြဉ်ကြပါသည်။
၁။ အမြတ်ကြီးစားခြင်း
၂။ စားသောက်ကုန် ပစ္စည်းများ သိုလှောင်ခြင်း
၃။ ဆင်းရဲသားများကို ခေါင်းပုံဖြတ်၍ အတိုးစားခြင်း၊ အပေါင်ခံခြင်း
၎။ လူကို အန္တရာယ်ဖြစ်စေသော (ပုပ်သိုးနေသော အစားအစာ) များရောင်းချခြင်း မပြုကြပါ။
၅။ အလေးခိုးခြင်း၊ ရေထိုးခြင်း မပြုကြပါ။
၆။ ဘာသာမတူသူများအား ဝေဖန် ပုတ်ခတ် စော်ကားခြင်း မပြုရပါ။
၇။ အခြားဘာသာဝင်များ၏ သာသနိက အဆောက်အအုံများကို ဖျက်ဆီးခြင်း၊ စော်ကားခြင်း မပြုရပါ။
၈။ မိမိနေထိုင်သော တိုင်းပြည်အပေါ် သစ္စာစောင့်သိ ရိုသေရပါသည်။
၉။ လူသားမျိုးနွယ်အားလုံးကို တအူတုံဆင်း အိမ်ထောင်စု စာရင်းဝင်များဟု မှတ်ယူကြပါသည်။
ဤသည်မှာ အစ္စလာမ်သာသနာ၏ အဆုံးအမ နှင့် လမ်းညွှန်မှု များ ဖြစ်ပါသည်။
(ချွင်းချက်အနေနှင့် ပြောစရာ တစ်ခု ရှိပါသည်။ အစ္စလာမ် သာသနာသည် ကျူးကျော်စစ်ကို လုံးဝ တားမြစ်ပြီး ခုခံစစ်ကိုမူ ခွင့်ပြုထားပါသည်။)
လူမျိုး ဘာသာအသီးသီးတွင် စုန်းပြူးများ ရှိတတ်ကြပါသည်။ အစ္စလာမ်ဘာသာဝင်အမည်ခံ တစ်ဦးစ နှစ်ဦးစ မှ ဘာသာတရား၏ အဆုံးအမများကို ဖောက်ဖျက် ကျူးလွန်သူများ ရှိကောင်းရှိပါလိမ့်မည်။ သို့သော် မည်သည့်ကိစ္စရပ်ကိုမဆို ရာခိုင်နှုန်း နှင့် တွက်ဆရသည်ကို စာပေဗဟုသုတ ရှိရုံမျှနှင့် သိနိုင်ပါသည်။
ထို့ကြောင့် အချုပ်အားဖြင့် ပြောရလျှင် မွတ်စလင်မ်ဆိုသူများသည် ရိုးသားခြင်း၊ ဂတိတည်ခြင်း၊ သစ္စာစောင့်သိခြင်း။ တပါးသူ မနစ်နာအောင် စောင့်ထိန်းသော ဓလေ့စရိုက် ရှိသူများအဖြစ် သုံးသပ်ရမည် ဖြစ်ပါသည်။ မွတ်စလင်မ်တို့၏ တရားတော်အရ မိမိနေထိုင်သော တိုင်းပြည်ကို စူးစူးနစ်နစ် ချစ်မြတ်နိုး ရပါသည်။ အတူယှဉ်တွဲ နေထိုင်သော လူမျိုးများကို မြတ်မြတ်နိုးနိုး လေးစားချစ်ခင်ရပါသည်။ ဤသို့ ပြောဆိုခြင်းကြောင့် သင်က ပြန်လှန် ပြောဆိုပါဦးမည်။
ဒီလိုဆို တိုင်းတိုင်းရင်းသား ပေးရတော့မှာလား ဟု မေးလာလျှင် ကျွန်ုပ်က တစ်ခုပဲ ပြန်ဖြေပါမည်။ လက်တွေ့ အခြေအနေအရ တိုင်းရင်းသား ဖြစ်တော့ရော ဘာတွေများ ထူးလာမှာလဲ ဟုသာ ဖြစ်ပါသည်။
ဒီကနေ့ တိုင်းရင်းသားများ ဖြစ်ကြသော ကချင် စစ်ပြေးဒုက္ခသည်များ၊ ဧရာဝတီတိုင်း၊ ပဲခူးတိုင်း၊ကရင်ပြည်နယ်မှ ရေဘေးဒုက္ခသည်များ၊ လယ်မြေများကို မတရား သိမ်းဆည်းခံရ၍ ဆန္ဒထုတ်ဖော်နေသော တိုင်းရင်းသားများ အနှစ် ၂၀ ကျော် နေထိုင်ပြီးကာမှ ကျူးကျော်ဟု ဆိုကာ ဖယ်ရှားခံရ၍ ခြေသလုံးအိမ်တိုင် ဖြစ်နေသော မိသားစုများ၊ လုပ်ခ လစာနည်း၍ စားဝတ်နေရေး ကြပ်တည်းနေကြသော မြန်မာ အလုပ်သမများ၊ ရခိုင်ပြည်နယ်မှ အိုးအိမ်ဖျက်၍ ဒုက္ခခံစားနေကြရသော သက်ကြီးရွယ်အိုများ၊ လူမမယ်ကလေးသူငယ်များ၊ ကျန်းမာရေး ချို့တဲ့နေကြသော ဝေဒနာသည်များ စသည်ကဲ့သို့သော တိုင်းရင်းသား ညီနောင်များကို သင် ဘယ်လောက် ကူညီနိုင်ပြီလဲဟု ၀မ်းနည်းစွာနှင့် မေးရန်သာ ရှိပါသည်။
ဧရာဝတီတိုင်းတွင် နာဂစ်ဝင်မွှေစဉ်က လေဘေးဒုက္ခသည်များကို မွတ်စလင်မ်များ မည်မျှအတိုင်းအတာအထိ ကူညီခဲ့ကြသည်ကို ဧရာဝတီတိုင်းသားများ သိကြပါသည်။
ယခုအခါတွင် ဘာသာ၊ လူမျိုး၊ အရောင်အဆင်း မခွဲခြားဘဲ ဘာသာတရားတိုင်းမှ လမ်းညွှန်သော မေတ္တာတရားကို အခြေခံလျှက် လူသားဝါဒဆန်ဆန် ကိုယ်ချင်းစာစိတ်ဖြင့် လူသားအရင်းအမြစ်ကို တန်ဖိုးထား၍ စုပေါင်းလက်တွဲပြီး ကူညီကြမည်ဆိုပါလျှင်
မွတ်စလင်မ်တို့သည်လည်း စိုသောလက် မခြောက်မီ၊ ဆန့်သောလက် မကွေးမီ သစ္စာတရား၏ အတိမ်အနက်၊ မေတ္တာတရားကို ချိန်စက်ပြချင်ပါသည်ဟုသာ ပြောလိုပါသည်။
(မှတ်ချက်) လူမျိုး တစ်မျိုး၏ ဂုဏ်သိက္ခာ သတင်းသည် ထိုလူမျိုး၏ ပြုမူပြောဆို ဆက်ဆံခြင်းပေါ်တွင်သာ တည်ပါသည်။ နယူတန်၏ သီအိုရီ အရ ဖြစ်စဉ်တိုင်းတွင် တန်ပြန် သက်ရောက်မှု ရှိသည်ကို သတိပြုပါ။
