News @ M-Media

Tag: ဘာသာပြန်

  • မြန်မာနိုင်ငံမှ ပညာငတ်မွတ်နေသူများ (သို့မဟုတ်) ကလေးလုပ်သား

    မြန်မာနိုင်ငံမှ ပညာငတ်မွတ်နေသူများ (သို့မဟုတ်) ကလေးလုပ်သား

    အောက်တိုဘာ ၃၁၊ ၂၀၁၅
    M-Media

    myan

    – စားပွဲများအကြား အပြေးအလွှား စားပွဲထိုးနေရပြီး၊ အော်ဒါမှာခြင်း၊ စီးရက်တိုများကို လှဲကျင်းခြင်း စသည့် အလုပ်များကို လုပ်နေရသည့် အသက် ၁၂ နှစ်အရွယ် မြတ်နိုးတစ်ယောက် တစ်နေ့လျှင် လုပ်အားခ တစ်ထောင်ကျော်သာ ရရှိလေသည်။ မြန်မာနိုင်ငံမှာ ကမ္ဘာပေါ်တွင် ကလေးအလုပ်သမားကိစ္စနှင့်ပတ်သက်၍ ဆိုးရွားသောမှတ်တမ်းများရှိသည့် နိုင်ငံလည်း ဖြစ်သည်။

    ယခင် အာဏာရှင်အုပ်စိုးသော မြန်မာနိုင်ငံတွင် မြတ်နိုးကဲ့သို့သော ကလေးငယ် သန်းနှင့်ချီသည်ဟု ကျယ်ကျယ်ပြန့်ပြန့် ယုံကြည်ကြပြီး လက်ဖက်ရည်ဆိုင်များမှ စက်ရုံအလုပ်ရုံများအထိ ဖြစ်သည်။ သို့သော်လည်း ထိုအနေအထားနှင့် ဥပဒေများကို ပြောင်းလဲရန် ဖိအားများလည်း ရှိနေသည်။

    နိုဝင်ဘာရွေးကောက်ပွဲ ကျင်းပရန် သီတင်းပတ်အနည်းငယ်သာ လိုတော့သည့်အချိန်တွင် နိုင်ငံရေးပါတီများမှာ မဲဆွယ်မှုများ ပြုလုပ်နေကြပြီး ၅ နှစ်အတွင်း နိုင်ငံတကာ စံချိန်စံညွှန်မှီပြီး မသင်မနေရ အခမဲ့ပညာရေးစနစ်ကို ဆောင်ရွက်ပေးရန် လွှတ်တော်အမတ်များကို တိုက်တွန်းနေလေသည်။

    ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်က ထိုရွေးကောက်ပွဲတွင် နေရာအတော်များများ အနိုင်ရလိမ့်မည်ဟု မျှော်လင့်နေကြသည်။ သူမကလည်း ပညာရေးစနစ်မှာ နိုင်ငံအတွင်း ဆင်းရဲမွဲတေမှုကို လျှော့ချရန် အဓိကအရေးကြီးသည့် ကိစ္စတစ်ခုဖြစ်သည်ဟု သတ်မှတ်ထားသည်။ သို့သော်လည်း ယခုအချိန်အထိတော့ ထိုတောင်းဆိုချက်မှာ အထမမြောက်သေး။

    ရန်ကုန်မြို့၏ လမ်းမများတစ်လျှောက် ကြည့်ရှုလိုက်ပါက တိုင်းပြည်မှာ ရှေ့ဆက်သွားရန် လိုအပ်နေသေးသည်ကို မြင်ရမည်ဖြစ်သည်။ ပလက်စတစ်ထိုင်ခုံများ၊ စားပွဲများ ပြန့်ကျဲနေပြီး များသောအားဖြင့် ဆေးလိပ်သရဲများက မင်းမူထားသော လမ်းဘေး လက်ဖက်ရည်ဆိုင်များတွင် ၀န်ထမ်းအများစုက ကလေးငယ်များဖြစ်ပြီး အသက် ၇ နှစ်အရွယ်လေးများပင် ရှိနေသည်။

    “ကျွန်မ ရွာကနေ မြို့တက်လာတာပါ။ မိဘတွေကို တစ်ဖက်တစ်လမ်းကနေ ကူညီရမယ်လေ။ သူတို့မှာ ငွေမရှိကြဘူးရှင့်” ဟု မြတ်နိုးက ပြောကြားခဲ့သည်။ ပုဂ္ဂိုလ်ရေး လုံခြုံမှုရှိစေရန်အတွက် သူမ၏ အမည်ကို ပြောင်းလဲဖော်ပြထားခြင်းဖြစ်သည်။ ကလေးလုပ်သားအများစုကဲ့သို့ပင် သူမမှာလည်း မြန်မာနိုင်ငံမှ ဆင်းရဲနွမ်းပါးသည့် တိုင်းရင်းသား မျိုးနွယ်စုမှ ဆင်းသက်လာခြင်းဖြစ်ပြီး အသက် ၉ နှစ်အရွယ်ကတည်းက လက်ဖက်ရည်ဆိုင်တွင် အလုပ်လုပ်နေသူဖြစ်သည်။

    ကလေးအလုပ်သမားများက တစ်နေ့လျှင် ၁၄ နာရီခန့်ဖြင့် တစ်ပတ်လုံး အလုပ်လုပ်ရသည်။ အိပ်စက်ရာတွင်လည်း အခြားသောကလေးများနှင့်အတူ အခန်းတစ်ခုထဲတွင် အိမ်ရသလို၊ နေ့ခင်းပိုင်း ၎င်းတို့ စားပွဲထိုးရသည့် ပလက်စတစ်စားပွဲများပေါ်တွင် အိပ်ကြရသည်များလည်း ရှိလေသည်။

    ၂၀၁၄ ခုနှစ် သန်းခေါင်စာရင်းကောက်ယူမှုအရ မြတ်နိုးမှာ မြန်မာနိုင်ငံတွင် ကျောင်းမတက်ရသည့် ၄.၄ သန်းသော ကလေးငယ်များထဲတွင် တစ်ဦးအပါအ၀င် ဖြစ်သည်။

    မြန်မာနိုင်ငံမှာ ကမ္ဘာပေါ်တွင် ကလေးအလုပ်သမားများအတွက် အဆိုးဝါးဆုံးနေရာအဖြစ် ဘေးအန္တရာယ် စူးစမ်းလေ့လာရေးအဖွဲ့ Verish Maplecroft မှ သတ်မှတ်သော စာရင်းတွင် အဆင့် ၇ နေရာ၌ ရှိနေကာ အိန္ဒိယနှင့် လိုက်ဘေးရီးယားတို့၏ အထက်တွင် ရှိနေသည်။

    ရှုပ်ထွေးသည့် အလုပ်သမားဥပဒေကလည်း ကလေးအလုပ်သမားများကို ပိတ်ပင်မထားဟု ရန်ကုန်ရှိ နိုင်ငံတကာ အလုပ်သမားအဖွဲ့ ILO မှ အမျိုးသမီး ပီယမဲလ် ပီချိုင်ဝွန်က ပြေကြားခဲ့သည်။

    “အလုပ်စလုပ်နိုင်မယ့် အသက်အရွယ်အပိုင်းအခြားကို ဥပဒေမှာ တိတိကျကျ ဖော်မပြထားပါဘူး။ ပြီးတော့ အဲဒီဥပဒေတွကိုလည်း ကျင့်သုံးမှုမရှိပါဘူ”

    ၂၀၁၃ ခုနှစ်တွင် မြန်မာနိုင်ငံမှာ ILO ၏ သဘောတူညီချက်တွင် လက်မှတ်ရေးထိုးခဲ့ပြီး ထိုသဘောတူညီချက်၌ ကလေးအလုပ်သမား၊ စစ်တပ်နှင့် လိင်လုပ်ငန်းအပါအ၀င် အတင်းအဓမ္မခိုင်းစေမှုတို့ကို တရားမ၀င်အဖြစ် ဖော်ပြထားသည်။ မြန်မာအစိုးရကမူ မိမိတို့အနေဖြင့် ထိုအခြေအနေကို ဖြေရှင်းချင်သော်လည်း ကလေးအလုပ်သမားများမှာ ဆက်လက်ရှိနေမည်ဟု ပြောကြားခဲ့သည်။

    အလုပ်လုပ်နေသော ကလေးငယ်များ ပညာရေး ရရှိရန်အတွက် အဖွဲ့အစည်းအများအပြားမှာ ၎င်းတို့၏ အလုပ်သို့ သွားရောက်၍ အခမဲ့ စာသင်ကြားမှုများကို ပြုလုပ်ပေးနေသည်။

    စာပွဲထိုးအဖြစ် အလုပ်လုပ်ကိုင်နေသည့် အသက် ၁၅ နှစ်အရွယ် နိုင်လင်းအောင်မှာ လွန်ခဲ့သည့် ၆ လမှစ၍ တစ်ပတ်လျှင် ၃ ည ထိုအတန်းကို တက်ရောက်နေသည်။

    “အနာဂတ်မှာ ကျွန်တော် ဘာဖြစ်မလဲဆိုတာ မသိပါဘူး။ ဒါ့ကြောင့် အင်္ဂလိပ်စာ နည်းနည်းတတ်ချင်တယ်။ ကွန်ပျူတာလည်း နည်းနည်းလောက် သုံးတတ်ချင်တယ်။ ဖျားတဲ့နာတဲ့အချိန် အသုံးဝင်ဖို့အတွက် ဆေးဘက်ဆိုင်ရာ ဗဟုသုတလည်း ကျွန်တော် ရချင်ပါတယ်” ဟု အိပ်ရေးပျက်၍ နီရဲနေသော မျက်လုံးဖြင့် နိုင်လင်းအောင်က ပြောကြားခဲ့သည်။

    မြန်မာရွေ့လျား ပညာရေးစီမံကိန်း (myME) မှာ ရန်ကုန်နှင့် မန္တလေးမြို့များရှိ လက်ဖက်ရည်ဆိုင်များမှ ကလေးငယ် ၆၀၀ ခန့်ကို ဆိုင်ပိတ်သည့်အချိန်များတွင် ပညာသင်ကြားပေးလျက် ရှိနေသည်။ ၂၄ နာရီပတ်လုံး အလုပ်လုပ်နေရသည့် ထိုကလေးငယ်များအတွက် မီနီဘတ်စ်ကားလေးတွင် စာသင်ခန်းလုပ်ကာ ထိုအဖွဲ့က သင်ကြားပေးနေခြင်းဖြစ်သည်။

    myME ကို တည်ထောင်ခဲ့သူ ဦးတင်အေးဟာဒီက မြန်မာနိုင်ငံရှိ မျိုးဆက်များမှာ ဆင်းရဲမွဲတေမှုဒဏ်ကို ခါးစည်းခံနေရသည်ဟု ပြောကြားခဲ့သည်။

    “သူတို့လေးတွေအတွက် ဘယ်လိုအလုပ်အကိုင်မျိုး ရနိုင်စရာရှိသလဲ။ သူတို့နဲ့ တိုင်းပြည်အတွက် ဘယ်လိုအနာဂတ်မျိုး ရှိနေသလဲ” ဟူ၏။

    Ref: The Straits Times

  • မတူကွဲပြားမှုမှသည် ချစ်စရာဓလေ့ထုံးတမ်းအဖြစ် ပေါ်ထွက်လာခဲ့သည့် မလေးရှား လူ့အဖွဲ့အစည်း

    မတူကွဲပြားမှုမှသည် ချစ်စရာဓလေ့ထုံးတမ်းအဖြစ် ပေါ်ထွက်လာခဲ့သည့် မလေးရှား လူ့အဖွဲ့အစည်း

    ဖေဖော်ဝါရီ ၁၉၊ ၂၀၁၅
    M-Media

    – မလေးရှားနိုင်ငံမှာ မလေးလူမျိုး၊ အိန္ဒိယလူမျိုး တရုတ်လူမျိုးနှင့် အခြားသော လူမျိုးပေါင်းစုံတို့ မျိုးဆက်ပေါင်းများစွာ အတူတကွနေထိုင်လာကြသော လူမျိုးစုံဘာသာစုံရှိသည့် နိုင်ငံတစ်ခုအဖြစ် ကျော်ကြားသည်။

    လွန်ခဲ့သည့် နှစ်ပေါင်းများစွာကပင် ထိုလူမျိုးစုပေါင်းစုံမှ ရောစပ်ယှက်နွယ်ကာ တရုတ်နှစ်ကူးပွဲတော်ကဲ့သို့ ယဉ်ကျေးမှုဆိုင်ရာ ပွဲတော်များကို စုပေါင်းဆင်နွှဲကြသော ဓလေ့ထုံးတမ်းအသစ်နှင့် မိသားစုများလည်း ပေါ်ထွက်လာခဲ့ကြသည်။

    ဆီလန်ဂေါပြည်နယ်တွင်ရှိသော တရုတ်စားသောက်ဆိုင်တစ်ခုတွင် ဆီလန်ဂေါပြည်နယ်၏ ပထမဆုံး အမျိုးသမီးလွှတ်တော်ဥက္ကဌ ဟန်နာယိုက မိသားစုနှင့်အတူ စားသောက်ပွဲကျင်းပရန် ပြင်ဆင်နေသည်။

    malay 2
    ဆီလန်ဂေါ လွှတ်တော်ဥက္ကဌ ဟန်နာယိုတို့ ဇနီးမောင်နှံနှင့် နှစ်ဖက်ဆွေမျိုးများ

    ဟန်နာယိုနှင့် ၎င်း၏ ခင်ပွန်း ရာမန်ချန်ဒရန် မူနီယန်ဒီတို့၏ နှစ်ဖက်မိသားစုများမှာ နှစ်စဉ် တရုတ်နှစ်ကူး အားလပ်ရက်ရောက်တိုင်း အတူတကွ စုဝေးကြပြီး တရုတ်နှစ်ကူးပွဲတော်ကို ဆင်နွှဲလေ့ရှိသည်မှာ ၎င်းတို့နှစ်ဦး မင်္ဂလာဆောင်ခဲ့သည့် ၂၀၀၈ ခုနှစ်ကပင် ဖြစ်လေသည်။ ၎င်းတို့ မိသားစုများအတွက်တော့ ထိုကဲ့သို့ ဆင်နွှဲခြင်းက ဟန်နာ၏ ရိုးရာအမွေအနှစ်အတွက် ဆင်နွှဲခြင်းမျိုးမဟုတ်ဘဲ လူမျိုးစုံရှိသည့် မလေးရှား၏ ပွဲတော်တစ်ခုအဖြစ် ဆင်နွှဲခြင်းမျိုး ဖြစ်လေသည်။

    “ရာမန်ကို ကျွန်မကြည့်တဲ့အခါ သူ့ကို မလေးရှားက အိန္ဒိယလူမျိုးတစ်ယောက်လို့ မမြင်ပါဘူး။ ရာမန်လို့ပဲ ကျွန်မ မြင်ပါတယ်။ ဒီမှာရှိနေတဲ့ ကျွန်မအမျိုးသားဘက်က ဆွေမျိုးတွေ၊ ကျွန်မယောင်းမနဲ့ သူ့ချစ်သူကိုလည်း ဒီလိုပဲမြင်ပါတယ်။ ဒါကြောင့် ကျွန်မတို့အတူတကွ ဒီပွဲတော်ကို ဆင်နွှဲတဲ့အခါမှာ တကယ့်ကို တစ်သားတည်း ဖြစ်လာပြီး ကျွန်မတို့ကလေးတွေအတွက်လည်း ဒါမျိုးအမွေကို ပေးချင်ပါတယ်” ဟု ဟန်နာက ဆိုသည်။

    “အနာဂတ်မှာ သူတို့လေးတွေဟာ ဟာရီရာယာပွဲတော် (အစ္စလာမ်ဘာသာဝင်တို့၏ အီဒ်းပွဲတော်)၊ ဒေပါဝါလီပွဲတော်တွေကို ဆင်နွှဲတာတောင်မှ သူတို့မှာ ရှက်ရွံ့စိတ်ခံစားရတော့မှာ မဟုတ်ပါဘူး။ သူတို့ဟာ လူမျိုးရေးမျက်လုံးတွေနဲ့ ကြည့်တာမျိုးတွေ ရပ်သွားမှာဖြစ်ပြီး၊ လူတိုင်းပါဝင်ကာ ပျော်ရွှင်ကြတဲ့၊ မလေးရှားနိုင်ငံသားတွေ ဆင်နွှဲကြတဲ့ ပွဲတော်အဖြစ် ရှုမြင်လာပါလိမ့်မယ်”

    ထိုကဲ့သို့သော အတွေးအခေါ်ယူဆချက်များရှိသည်မှာ ဟန်နာတို့ ဇနီးမောင်နှံသာမဟုတ်။ ယနေ့ခေတ်မလေးရှားတွင် လူမျိုးခြားခြင်း၊ ဘာသာခြားခြင်း ရောယှက်ဆက်နွယ်မှုမှာ သာမန်လိုဖြစ်လာနေပြီး တရုတ်နှစ်ကူးကဲ့သို့ ယဉ်ကျေးမှုဆိုင်ရာပွဲတော်များ ဆင်နွှဲခြင်းမှာလည်း လူမျိုးစုံဘာသာစုံတို့၏အကြိုက် ဖြစ်လာခဲ့သည်။

    malay 1
    ဂျက်စမင်တို့ မိသားစု

    တရုတ်အမျိုးသမီးဖြစ်သူ ဂျက်စမင် တေး အဘ်ဒူလာနှင့် သူမ၏ အိန္ဒိယအမျိုးသား မိုဟာမက်အိုမာရ် နာသန်တို့ ဇနီးမောင်နှံကလည်း လူမျိုးစုံ ပေါင်းစည်းယှက်နွယ်မှု၏ နောက်ထပ် သာဓကတစ်ခု ဖြစ်သည်။ ၎င်းတို့ နှစ်ဦးစလုံးမှာ အစ္စလာမ်ဘာသာဝင်များ ဖြစ်ကြသော်လည်း ၎င်းတို့၏ နှစ်ဖက်ဆွေမျိုးများက တရုတ်နှင့် အိန္ဒိလူမျိုးတို့၏ ပွဲတော်များတွင် အစ္စလာမ်က တားမြစ်ထားသော ၀က်သားနှင့် အရက်ကဲ့သို့ အရာမျိုး မပါဝင်စေဘဲ ဂျက်စမင်တို့၏ ဇနီးမှောင်နှံကို ဖိတ်ခေါ်ကာ အတူဆင်နွှဲကြသည်။

    “မိသားစု ညစာထမင်းဝိုင်းမှာဆိုရင် ကျွန်မရဲ့ အမေက အသီးအရွက်နဲ့ ဟာလာအစားအသောက်တွေကို စီစဉ်ချက်ပြုတ်ပေးပါတယ်” ဟု ဂျက်စမင်က ဆိုသည်။

    သို့သော်လည်း ဂျက်စမင်နှင့် အိုမာရ်တို့ကတော့ ၎င်းတို့၏ ယဉ်ကျေးမှုများကို ကလေးများထံသို့ ပိုမို မျှဝေပေးချင်နေသည်။ ၎င်းတို့ ဇနီးမောင်နှံမှာ Chindian Muslim Kiosk (တရုတ်-အိန္ဒိယ မွတ်စလင်စားသောက်ဆိုင်) ဟု အမည်ရသည့် စားသောက်ဆိုင်လေးတစ်ခုကို ဖွင့်လှစ်ထားသည်။ ထိုစားသောက်ဆိုင်လေးတွင် တရုတ်ဒင်ဆမ်းနှင့် တရုတ်ဆန်ပြုတ်များကို မွတ်စလင်များပါ စားသောက်နိုင်ရန်အတွက် ဟာလာလ်ဖြစ်အောင် ပြင်ဆင်ပေးထားသည်။

    malay 3
    ဂျက်စမင်တို့ ဖွင့်ထားသော စားသောက်ဆိုင်

    “အရသာရှိပြီး စားလို့ကောင်းတဲ့ တရုတ်အစားအသောက်တွေ၊ အိန္ဒိယအစားအသောက်တွေကို ကျွန်မတို့ အခြားသူတွေကိုလည်း မျှဝေချင်ပါတယ်။ ဘာ့ကြောင့်လည်းဆိုတော့ တစ်ချို့လူတွေက နည်းနည်းတွန့်ဆုတ်နေကြပြီး စားလို့မရမှာကိုလည်း စိုးရိမ်နေကြတယ်လေ” ဟု ဂျက်စမင်က ဆိုလေသည်။

    ယခုနှစ်တရုတ်နှစ်ကူးတွင်တော့ ဂျက်စမင်တို့ ဆိုင်ကလေးတွင် လာရောက်စားသောက်ကြသည့် စားသုံးသူများအတွက် တရုတ်နှစ်ကူးမုန့်အချိုများနှင့် လိမ္မော်သီးများကိုလည်း မေတ္တာလက်ဆောင် မျှဝေပေးကာ မလေးရှား၏ ချစ်စရာကောင်းသည့် ငြိမ်းချမ်းစွာ အတူယှဉ်တွဲနေထိုင်မှုကို ထင်ဟပ်နေစေတော့သည်။

    Ref: channelnewsasia

  • အိုဘားမား လက်ထက် ၆ နှစ် အတွင်း ၇ ခုမြောက် မွတ်စလင်နိုင်ငံကို ဗုံးကြဲ တိုက်ခိုက်

    အိုဘားမား လက်ထက် ၆ နှစ် အတွင်း ၇ ခုမြောက် မွတ်စလင်နိုင်ငံကို ဗုံးကြဲ တိုက်ခိုက်

    စက်တင်ဘာ ၂၈ ၊ ၂၀၁၄
    M-Media

    us
    ဆီးရီးယားမှာ IS အဖွဲ့ နေရာဟု ယူဆထားသည့် အဆောက်အဦအား လေကြောင်းမှ မတိုက်ခိုက်ခင်နှင့် တိုက်ခိုက်ပြီးတွေ့ရပုံ

    လွန်ခဲ့တဲ့ရက်သတ္တပတ်အင်္ဂါနေ့၌ IS ဆန့်ကျင်ရေး အမေရိကန် ဦးဆောင်တိုက်ပွဲတွင်  အမေရိကန်တိုက်လေယာဉ်များက ဆီးရီးယားနိုင်ငံထဲမှ ပစ်မှတ်များကို ပစ်ခတ်တိုက်ခိုက်ခဲ့သည်။  ၁၉၄၂ ခုနှစ်ကတည်းက အမေရိကန်သည် စစ်ကြေငြာခြင်း မပြုခဲ့သော်လည်း   ယခု ဆီးရီးယားမှာ  ငြိမ်းချမ်းရေးနိုဗယ်ဆုရှင် ဘားရက်အိုဘားမားမှ ဗုံးကြဲလိုက်သော ၇ နိုင်ငံမြောက် တိုင်းပြည်ဖြစ်၏။

    ဆီးရီးယားသည် အမေရိကန်မှ ပြောင်ပြောင်တင်းတင်း ပစ်မှတ်ထားတိုက်ခိုက်သော နောက်ဆုံးနိုင်ငံ ဖြစ်သည်။ ဆီးရီးယားသမ္မတ ဘရှားရ် အဆဒ်၏ သဘောတူညီမှုကို မယူဘဲ ၀ါရှင်တန်မှ ဆုံးဖြတ်ခဲ့ဟန်ရှိသည်။

    ဆီးရီးယားတောင်ပိုင်းနှင့်အရှေ့ပိုင်းတွင် အမေရိကန်နှင့် နေတိုးတပ်ဖွဲ့တို့မှ IS စစ်သွေးကြွများကို ပြီးခဲ့သည်အင်္ဂါနေ့၌ ဗုံးကြဲစစ်ဆင်ရေး စတင်ခဲ့သည်။ ဆီးရီးယားဆိုင်ရာ လူ့အခွင့်လေ့လာရေးအဖွဲ့အဆိုအရ လူ ၇၀ သေဆုံးသွားသော်လည်း သေဆုံးသူအရေအတွက် ယခုထက်မြင့်မားဖို့ရှိနေပြီး အရပ်သား ၈ ဦး အသက်ဆုံးရှုံးခဲ့သည်။

    ဆီးရီးယားရှိ ပဋိပက္ခကို ဖြေရှင်းရန် နှစ်များစွာ အချိန်ယူရဖွယ်ရှိသည် ဟု ပင်တဂွန်မှ ဆိုသည်။ အိုဘားမားအစိုးရ လက်ထက်အတွင်း ၀ါရှင်တန်၏ စစ်ရေးစွက်ဖက်မှု အကြိမ်ရေကို လေ့လာကြည့်လျှင် ၎င်းမှာ အပြောင်အပျက်မဟုတ်ကြောင်း သိသာပေသည်။

    အာဖဂန်နစ္စတန် (၂၀၀၁ ခုနှစ်မှ ယနေ့တိုင်)
    ——————————————–

    afghanistan
    အမေရိကန်ပေါ် အကြမ်းဖက်တိုက်ခိုက်မှု ၂၀၀၁ ခုနှစ် စက်တင်ဘာ ၁၁ ရက်အရေးအခင်းပြီးနောက်၊ အလ်ကိုင်ဒါခေါင်းဆောင် အိုစမာဘင်လာဒင်အား တာလီဘန်အဖွဲ့မှ လက်လွှဲပေးရန် ငြင်းဆန်လိုက်ရာဝယ် အာဖဂန်နစ္စတန်သည် ၂၁ ရာစုအတွင်း အမေရိကန်နိုင်ငံက ပထမဆုံးဗုံးကြဲတိုက်ခိုက်သော နိုင်ငံဖြစ်ခဲ့သည်။

    အမေရိကန်နှင့်၎င်း၏မဟာမိတ်တို့သည် ကဘူးလ်၊ ကန်ဒါဟာ၊ ဂျလာလဘတ် စသော အာဖဂန်မြို့ကြီးများနှင့် ဇာတ်လမ်းဖွင့်လိုက်ပြီး မပြီးဆုံးနိုင်တော့သည့် ပဋိပက္ခအတွင်း လက်ဝင်လျှိုခဲ့သည်။ လူအများ သောင်းနှင့်ချီ ထိခိုက်ဒဏ်ရာရစေခဲ့ကြောင်း တွေ့ရသည်။ ၂၀၁၁ ဇွန်လမှစ၍  တပ်ဖွဲ့များကို အလုံးအရင်းနှင့် ရုပ်သိမ်းခဲ့ပြီး၂၀၁၄ နှစ်ကုန်တွင် အဆုံးသတ်ကာ အာဖဂန်ပြည်တွင်းတပ်ဖွဲ့များကို မူဝါဒနှင့်လုံခြုံရေးအား လွှဲပြောင်းပေးမည်ဟု ဆိုထားသည်။ သို့သော်လည်း လေကြောင်းတိုက်ခိုက်မှုများကတော့ ပြုလုပ်နေဆဲ။

    နိုင်ငံတွင်းလုံခြုံရေးတပ်ဖွဲ့များကို လေ့ကျင့်ပေးရန်၊ ပြည်တွင်းအခြေခံအဆောက်အဦများကို အဆင့်မြှင့်တင်ပေးရန်အတွက် ၂၀၀၁ ခုနှစ်မှစပြီး အာဖဂန်အရေးတွင် အမေရိကန်သည် ဒေါ်လာ သန်းတစ်ရာအထက် သုံးစွဲထားပြီးဖြစ်သည်။ အာဖဂန်၌ ကျဆုံးခဲ့သည့် အမေရိကန် တပ်ဖွဲ့ဝင် ၂၂၀၀၊ ဒဏ်ရာရသူ ၂၀၀၀၀ ၀န်းကျင်ရှိသည်ဟု အေပီက ဆိုသည်။

    အမေရိကန်၏ဗုံးကြဲစစ်ဆင်ရေးက အရပ်သားများစွာကို သေဆုံးစေခဲ့သဖြင့် အာဖဂန်နစ္စတန်ခေါင်းဆောင်များနှင့် အချေအတင်ဆိုရသော ပြဿနာဖြစ်နေသည်။ လွန်ခဲ့သည့်ရက်သတ္တပတ်ကပင် နိုင်ငံအရှေ့ပိုင်း၌ အမေရိကန်ဒုံးကျည်ကြောင့် သေဆုံးသူ အရပ်သား ၁၁ ဦး ရှိခဲ့သည်။

    “အမေရိကနဲ့ ပါကစ္စတန်သာ တကယ်ဆန္ဒရှိရင် အာဖဂန်နစ္စတန်မှာ ငြိမ်းချမ်းရေး ဖြစ်တည်လာပါလိမ့်မယ်။ အာဖဂန်စစ်ပွဲဟာ တိုင်းတစ်ပါးသားတွေရဲ့ ရည်မှန်းချက်တွေပေါ် အခြေတည်နေသလို သူတို့အတွက်သာ အကျိုးဖြစ်ထွန်းစေပါတယ်။ အာဖဂန်တွေက နှစ်ဖက်စလုံးရဲ့ ချကျွေးမှုကို ခံလိုက်ရတယ်၊ စစ်မက်ရဲ့သားကောင်တွေ ဖြစ်သွားရပါတယ်” ဟု သမ္မတရာထူးမှ အနားယူတော့မည်ဖြစ်သော ဟာမစ်ကာဇိုင်း(ဟာမစ် ကာဇာအီ)က ဆိုသည်။

    ယီမင် (၂၀၀၂ ခုနှစ်မှ ယနေ့တိုင်)
    ——————————–
    ၂၀၀၀ ခုနှစ် အောက်တိုဘာလ ယီမင်နိုင်ငံ အေဒင်ဆိပ်ကမ်းတွင် အလ်ကိုင်ဒါက USS Cole  သင်္ဘောကိုတိုက်ခိုက်မှုကြောင့် အမေရိကန်ရေတပ်သား ၁၇ ဦး သေဆုံးသည်။ ၂၀၀၂ ခုနှစ် နိုဝင်ဘာတွင် ယီမင်အစိုးရ၏မီးစိမ်းပြမှုဖြင့် ယီမင်နယ်အတွင်း အမေရိကန်မှ ဗုံးစတင်ကြဲရာမှ အကန့်အသတ်မရှိ ထင်တိုင်းကြဲခွင့် ရသွားသည်။

    ယီမင်နိုင်ငံတွင်း စစ်ဆင်ရေးခေါင်းဆောင်၊ ၎င်းပြင် USS Cole သင်္ဘောဗုံးထောင်မှု၌ ၀ါရှင်တန်မှ သံသယနေသူ Qaed Salim Sinan al-Harethi အား ပစ်မှတ်ထားခဲ့ခြင်းဖြစ်သည်။ ၎င်းသူသည် ကားမောင်းခရီးသွားနေစဉ် မောင်းသူမဲ့လေယာဉ်၏ ထိန်းချုပ်ဒုံးကျည်တို့ဖြင့် သေဆုံးခဲ့သည်။ ထိုစဉ်က အမေရိကန် ကာကွယ်ရေး ဒုဝန်ကြီး Paul Wolfowitz က အလွန်အောင်မြင်သော နည်းဗျူဟာစစ်ဆင်ရေးတစ်ရပ်ဖြစ်ပြီး ယင်းသို့လေကြောင်းတိုက်ခိုက်မှုသည် အကြမ်းဖက်များကိုချေမှုန်းခြင်းသာမက အလ်ကိုင်ဒါ၏နည်းဗျူဟာများကိုပါ ဖရိုဖရဲဖြစ်စေသည်ဟု မှတ်ချက်ပြုခဲ့သည်။

    yemen
    အမေရိကန် ရဲ့ လေကြောင်းမှ တိုက်ခိုက်မှုကို ဆန့်ကျင်ဆန္ဒပြနေကြသော ယီမင်နိုင်ငံသားများ

    သမ္မတ ဂျော့ဂ်ျဘုရ်ှအစိုးရလက်အောက်မှ အမေရိကန်၏ ကြိုကြားဗုံးခွင်းစစ်ဆင်ရေးသည် သမ္မတ အိုဘားမားအာဏာရလာပြီးချိန်မှစပြီး အရှိန်မြင့်တက်လာခဲ့သည်။ သံသယ၀င်ဖွယ် အလ်ကိုင်ဒါစစ်သွေးကြွများအပေါ် အမေရိကန်လေကြောင်းတိုက်ခိုက်မှု ဆက်လက်ပြုလုပ်ရန် ယီမင်အစိုးရက ခွင့်ပြုခဲ့သည်ဟု ၀ီကီလိခ်မှ ဖော်ပြခဲ့သည်။

    ယီမင်၌ အမေရိကန်၏ ဗုံးခွင်းစီးနင်းမှုကို မောင်းသူမဲ့လေယာဉ်များဖြင့်သာ ပြုလုပ်ခြင်းဖြစ်ပြီး လက်ရှိနှစ်များအတွင်း ပိုမိုပြင်းထန်များပြားလာသည်။ အမေရိကန်၏ အမည်ခံ War on Terror  အကြမ်းဖက်တန်ပြန်စစ်ပွဲကြောင့် ထိခိုက်ဒဏ်ရာရသူအများအပြားမှာ အရပ်သားများသာ ဖြစ်နေသဖြင့် လူ့အခွင့်အရေးအဖွဲ့များမှ စိုးရိမ်ပူပန်လျက်ရှိနေသည်။ လူ့အခွင့်အရေးစောင့်ကြည့်မှုအဖွဲ့၏ ၂၀၁၃ ခုနှစ်အစီရင်ခံစာတစ်ရပ်တွင် ၂၀၀၉ ခုနှစ်မှစ၍ ယီမင်နိုင်ငံအတွင်း လေကြောင်းတိုက်ခိုက်မှု ၆ ကြိမ်ရှိခဲ့ကြောင်း သုတေသနပြုဖော်ပြထားသည်။ ယင်းတိုက်ခိုက်မှုများအတွင်း လူ ၈၂ ဦးသေဆုံးပြီး ၎င်းတို့အနက် ၅၇ ဦးမှာ အရပ်သားများ ဖြစ်နေသည်။

    အီရတ် (၂၀၀၃ မှ ၂၀၁၁ ခုနှစ်ထိ)
    ———————————–
    ၂၀၀၃ ခုနှစ် ဖေဖော်ဝါရီလ ၅ ရက် နျူးယော့ခ်ရှိ ကုလသမဂ္ဂတွင် အမေရိကန်ဝန်ကြီးချုပ် Colin Powell က မိန့်ခွန်းပြောကြားရာ အီရတ်၌ အစုလိုက်အပြုံလိုက်သေကြေစေနိုင်သည့် လက်နက်များ ရှိနေကြောင်း ဆိုခဲ့သည်။ အာဖဂန်နစ္စတန်သို့ ထောင်နှင့်ချီသော တပ်ဖွဲ့များ စေလွှတ်ရန် ပြင်ဆင်ထားသည်ကိုပင် အားမရသေးဘဲ နောက်ထပ် စစ်ရေးပဋိပက္ခတစ်ရပ်ထဲ ပါဝင်ရန် အကြောင်းပြချက်ခင်းလိုက်သည်။

    ၂၀၀၃ ခုနှစ် မတ်လ ၂၀ ရက်တွင် အီရတ်ကို လေကြောင်းတိုက်ပွဲ ဆင်နွှဲတော့သည်။ သုံးပတ်အတွင်း အီရတ်အစိုးရကို ဖြုတ်ချနိုင်ခဲ့သည်။ သို့သော် အာဖဂန်နစ္စတန်နိုင်ငံမှာလိုပင် အမေရိကန်နှင့်အပေါင်းအပါတို့မှာ အပြင်းအထန်ခုခံမှုကို ကြုံလိုက်ရသည်။ သမ္မတ ဆက်ဒမ်ဟူစိန်ကို အားပေးထောက်ခံသူများမှ အစ၊ စွန္နီနှင့် ရှီအိုက် ခုခံရေးအုပ်စုများအလယ်၊ အလ်ကိုင်ဒါနှင့်၎င်း၏ထောက်ခံသူများအဆုံး ဆန့်ကျင်ကြတော့သည်။

    ယင်းပဋိပက္ခနှင့် အမေရိကန်ဗုံးခွင်း စစ်ဆင်ရေးများက အီရတ်ပြည်သူများ အတွက် ကပ်ဆိုးသင့်ခဲ့ရသည်။ ၂၀၁၃ ခုနှစ် အောက်တိုဘာလ အေအက်ဖ်ပီ မှဖော်ပြသော ဆောင်းပါးတစ်ပုဒ်တွင် အမေရိကန်၏လက်ဆော့မှုကြောင့် သေဆုံးသူ သန်းတစ်ဝက်ခန့်ရှိကြောင်း ဖော်ပြသည်။ ၂၀၀၃ မှ ၂၀၁၁ ခုနှစ်အတွင်း ၇၀ ရာခိုင်နှုန်းဝန်းကျင်မှာ သမရိုးကျစစ်ပွဲ၌ ကျည်သင့်သေဆုံးကြောင်း၊ ကျန်သည့်အများစုမှာ ကားဗုံးခွဲခြင်းနှင့် အခြားပေါက်ကွဲခြင်းကြောင့်ဖြစ်ကြောင်း သုတေသီများက ထောက်ပြထား၏။ ဤအကြမ်းဖက်တိုက်ခိုက်မှု၏ ၃၅ ရာခိုင်နှုန်း(သေဆုံးသူဦးရေ ၁၂၅,၀၀၀ ပမာဏ)တွင် မဟာမိတ်တပ်များ ပါဝင်ပတ်သက်ခဲ့သည်ဟုလည်း ဆိုသည်။

    ပါကစ္စတန် (၂၀၀၄ မှ လက်ရှိတိုင်)
    ————————————-
    George W. Bush လက်ထက်မှပင် စတင်လာသော ပါကစ္စတန်၌ မောင်သူမဲ့လေယာဉ်ဖြင့် ဗုံးကြဲတိုက်ခိုက်မှုများမှာ အိုဘားမားအစိုးရလက်ထက်၌ မကြုံဖူးလောက်အောင် တိုးမြင့်သွားသည်။ The Bureau of Investigative Journalism ၀က်ဘ်ဆိုဒ်အဆိုအရ ၂၀၀၄ ခုနှစ်ကတည်းက မောင်းသူမဲ့လေယာဉ်ဖြင့် လေကြောင်း တိုက်ခိုက်မှုအကြိမ်ရေ ၃၉၀ ရှိခဲ့ရာ ၎င်းအနက် ၃၃၉ ကြိမ်သည် အိုဘားမားအာဏာ ရပြီးနောက်တွင် ဖြစ်ပွားခြင်း ဖြစ်သည်။ ယင်းတိုက်ခိုက်မှုများကြောင့် လူပေါင်း လေးထောင်နီးပါး သေကြေပြီး ၎င်း၏ လေးပုံတစ်ပုံမှာ အရပ်သားများ ဖြစ်နေသည်။

    ထုံးစံအတိုင်း အမေရိကန် ဦးဆောင်သော မောင်းသူမဲ့လေယာဉ်သုံး လေကြောင်း တိုက်ခိုက်မှုများအပေါ် ပါကစ္စတန် အစိုးရလည်း မနှစ်မြို့မှု ပြသလာခဲ့သည်။

    “ဒရုန်း(မောင်းသူမဲ့တိုက်လေယာဉ်)အသုံးပြုခြင်းဟာ ကျွန်တော်တုိ့ တိုင်းပြည်ထဲက အကြမ်းဖက်ဝါဒကို ထိထိရောက်ရောက် ချေမှုန်းနိုင်ပေမယ့်လည်း ပိုင်နက်ကျူးလွန်မှု ကိုတော့ ဖြစ်စေပါတယ်။ ပါကစ္စတန်-အမေရိကန် ဆက်ဆံရေးမှာ အနှောင့်အယှက်ဖြစ်လာစေမယ့် ပြဿနာ ဖြစ်လာနိုင်ပါတယ်” ဟု ပါကစ္စတန် ၀န်ကြီးချုပ် Nawaz Sharif က ၂၀၁၃ အောက်တိုဘာလအတွင်း အိုဘားမားနှင့်တွေ့ဆုံစဉ် ပြောကြားခဲ့သည်။

    pakistan
    အမေရိကန် ရဲ့ လေကြောင်းမှ တိုက်ခိုက်မှုကို ပါကစ္စတန်နိုင်ငံသားများ ဆန္ဒပြနေစဉ်

    အမေရိကန်၏ ဒရုန်းအသုံးပြုကို ဆန့်ကျင်ဆန္ဒပြမှုများကို ပါကစ္စတန်၌ အမြဲလိုလို တွေ့လာရသည်။ ၂၀၁၃ ဒီဇင်ဘာတွင် ဆန္ဒပြသူပေါင်း ငါးထောင်မှ ဒရုန်းအသုံးပြု၍ တိုင်းပြည်အားစော်ကားနေမှုများကို ချက်ခြင်းရပ်တန့်ရန် တောင်းဆိုခဲ့ကြသည်။ ယင်းဆန္ဒပြမှုကို ပါကစ္စတန်ကာကွယ်ရေးကောင်စီမှ ကြီးမှူးစီစဉ်၍ ဘာသာရေးနှင့်နိုင်ငံရေး အစုအဖွဲ့ပေါင်း ၄၀ ပါဝင်ခဲ့သည်ဟု အေပီသတင်းက ဆိုသည်။ ပါကစ္စတန်မှတဆင့် အာဖဂန်သို့ နေတိုးရိက္ခာပို့လမ်းကြောင်းအား ပိတ်ဆို့ရန်ကိုလည်း ဆန္ဒပြသူများက ဆန္ဒဖော်ထုတ်ကြွေးကြော်ခဲ့ကြောင်းလည်း သိရသည်။

    ၎င်းမတိုင်မီ တစ်လက ပါကစ္စတန် ခရစ်ကက်အားကစားအကျော်အမော် Imran Khan ဦးဆောင်သော Pakistan Tehreek-e-Insaaf (PTI) ပါတီမှ  စီအိုင်အေ၏ ဒရုန်းအသုံးပြု “နယ်ကျော် အမြတ်ထုတ်မှု”ကို တားဆီးရန် ပါကစ္စတန်အနောက်မြောက်ပိုင်း၊ ဟန်ဂူးခရိုင်၊ Tal ရဲဌာနသို့ ပစ်စာပို့ခဲ့သည်။ မီဒီယာများတွင် အဆိုပါစာကို ဖော်ပြခဲ့သော်လည်း အစစ်အမှန် ဟုတ်မဟုတ်ကိုမူ အတည်မပြုနိုင်ခဲ့။

    ၎င်းစာအတွင်း PTI ၏ ဒုပြန်ကြားရေးမှူး Shireen Mazarisaid က “အစ္စလာမဘတ်မှာ ရှိတဲ့ စီအိုင်အေလျှို့ဝှက်ဌာနခေါင်းဆောင်၊ စီအိုင်အေဒါရိုက်တာ John O. Brennan တို့ကို နယ်ကျော်အမြတ်ထုတ်ပြီး လူသတ်မှု၊ ပါကစ္စတန်အပေါ်စစ်ဆင်မှုအတွက် တရားခံစာရင်း သွင်းလိုပါတယ်။ စီအိုင်အေဌာနအကြီးအကဲဆိုတာ သံတမန်ရာထူး မဟုတ်ပါဘူး။ ဒါကြောင့် သူ့အနေနဲ့ သံတမန်အရေမခြုံအပ်ပါဘူး။ ပါကစ္စတန်ရဲ့ ပြည်တွင်းဥပဒေဘောင်အတွင်းမှာပဲ နေထိုင်ရမှာဖြစ်ပါတယ်” ဟု ရေးသားထားသည်။

    ဆိုမားလီးယား (၂၀၀၇ မှ ယနေ့တိုင်)
    ————————————-
    ကင်ညာနှင့် တန်ဇန်နီးယားရှိ အမေရိကန်သံရုံးများကို ဗုံးခွဲတိုက်ခိုက်မှုကြောင့် လူ ၂၀၀ သေဆုံးမှုတွင် တာဝန်ရှိသည်ဟုယူဆသော ဆိုမားလီးယားမှ ၀ါရှင်တန်၏သံသယရှိသူ အလ်ကိုင်ဒါခေါင်းဆောင်များအား ၂၀၀၇ ဇန္န၀ါရီလ၌ အမေရိကန်မှ လေကြောင်းတိုက်ခိုက်မှုများ ပြုလုပ်ခဲ့သည်။ ထိုတိုက်ခိုက်မှုကို ဆိုမားလီးယားသမ္မတ Abdullahi Yusuf Ahmed မှ အပြည့်အ၀ ထောက်ခံရပ်တည်ခဲ့သည်။

    ဆိုမားလီးယားတွင် ၀ါရှင်တန်၏ “အကြမ်းဖက်တန်ပြန်စစ်ဆင်ရေး”ခေါင်းစဉ်တပ် အမေရိကန်ပါဝင်စွက်ဖက်မှုကို ကမ္ဘာ့အသိုင်းအ၀ိုင်းက စိတ်ဝင်စားမှု နည်းပါးခဲ့သည်။

    သို့သော် အလ်ကိုင်ဒါနှင့်အချိတ်အဆက်ရှိနေသော Al-Shabaab အုပ်စုမှ ဆိုမာလစ်ဂျိဟာ့ဒ် သမားတို့သည် မိမိတို့ခေါင်းဆောင် Ahmed Godane မှာ လေကြောင်းတိုက်ခိုက်မှုများအတွင်း သေဆုံးခဲ့ကြောင်း စက်တင်ဘာလအစောပိုင်းက အတည်ပြုခဲ့သည်။ ၎င်းနောက် လက်စားချေတိုက်ခိုက်မှုကို လုပ်ဆောင်မည်ဟု ကြေငြာလိုက်ကြသည်။ ဆိုမားလီးယား ဗဟိုတောင်ပိုင်းရှိ Godane ၏ ယာယီစခန်းများသို့ အမေရိကန်တပ်ဖွဲ့များက ဒုံးကျည်များ၊ လေဆာရောင်ခြည်သုံး လက်နက်များဖြင့် ဖြိုခွင်းခဲ့သည်ဟု ရိုက်တာမှ သတင်းဖော်ပြသည်။ ခုနှစ်လတာ အတွင်း ဆိုမားလီးယား၌ ပထမဆုံးအကြိမ် ဖြစ်သည်။

    လစ်ဗျား
    ———
    လစ်ဗျားသည် ဥရောပနှင့် နေတိုးတပ်ဖွဲ့တို့၏ ဗုံးခွင်းစစ်ဆင်ရေးများမှ ခြွင်းချက်ပေးခံထားရခြင်း ဖြစ်နိုင်ပေသည်။ သို့သော် အမေရိကန်က ယင်းသို့ပြုလုပ်ရန် အချက်ပေးခဲ့ပြီး လစ်ဗျားခေါင်းဆောင်ဟောင်း Muammar Gaddafi ကို ၂၀၁၁ မတ်လတွင် ဖြုတ်ချရန် ကြိုးစားခဲ့သည်။ “နေရာကဆင်း၊ မဆင်းရင် ဗုံးကြဲရလိမ့်မယ်” ကဲ့သို့ ရည်ညွန်းသော ရာဇသံကို ဘားရက်အိုဘားမားက ပေးပို့ရာ ကဒါဖီမှ ၀ါရှင်တန်၏ တောင်းဆိုချက်ကို ငြင်းပယ်သဖြင့် များမကြာမီ စစ်ရေးအရအရေးယူမှု စတင်တော့သည်။

    ပြည်တွင်းစစ်မှာ ၈ လအတွင်း ပြီးဆုံးခဲ့သည်။ သို့သော် နိုင်ငံတွင်းရှိ အုပ်စုကွဲတို့အကြား ဖရိုဖရဲဖြစ်ခြင်းနှင့် တိုက်ပွဲများကတော့ ဆက်လက်ဖြစ်ပေါ်နေဆဲပင်။ နှစ်ဖက်အုပ်စုမှ လစ်ဗျားပြည်သူတို့ ထောင်နှင့်ချီ၍ သေဆုံးကြရပြီး ၎င်းအတွင်း အရပ်သား အများအပြား ပါဝင်ခဲ့ပေသည်။

    xxxxxxxxxxxxxxxxxxxxxx

    ပြန်ဆိုသူ – မြင့်မိုရ်မောင်မောင်
    Ref : Obama bombs 7th country in 6 years (RT)

  • မြန်မာနိုင်ငံ ပြုပြင်ပြောင်းလဲရေး နောက်ပြန်လှည့်ပြီလား ?

    မြန်မာနိုင်ငံ ပြုပြင်ပြောင်းလဲရေး နောက်ပြန်လှည့်ပြီလား ?

    စက်တင်ဘာ ၂၃ ၊ ၂၀၁၄
    M-Media

    20149188229395734_20
    အစိုးရကို အယုံအကြည်မရှိကြောင်း လက်ကမ်းစာရွက်တွေ ဖြန့်ဝေခဲ့တာကြောင့် ဖမ်းဆီး ထောင်ချခံရသူ ကိုထင်ကျော်

    မြန်မာအစိုးရသည် လူ့အခွင့်အရေးကဏ္ဍများကို ဦးစားပေးရမည့်အစား စီးပွားရေးနာလန်ထရေးကိုသာ အင်တိုက်အားတိုက်ဦးဆောင်နေကြောင်း ဝေဖန်ရေးသမားတို့က ဆိုကြသည်။

    (၂၀၁၂)ခုနှစ် နိုဝင်ဘာလတွင် မြန်မာနိုင်ငံသို့ ပထမဆုံး အလည်အပတ်လာရောက်သည့် အမေရိကန်သမ္မတ အဖြစ် ဘားရက်အိုဘားမား ရောက် လာစဉ်က နိုင်ငံခေါင်းဆောင်တို့သည် အိုဘားမားရည်ညွှန်းသည့် “ ဒီမိုကရေစီသို့ ရှေ့ရှုသော ထူးခြားခရီးစဉ်” အပေါ် နိုင်ငံတော်ကိုထူထောင်မည့် အခိုင်အမာမျှော်မှန်းချက်ရှိကြောင်း လူသိရှင်ကြား ထုတ်ဖော်ပြောကြားခဲ့သည်။

    (၂၀၁၂)ခုနှစ်တွင် မြန်မာသမ္မတ ဦးသိန်းစိန်က လမ်းစဉ်(၁၁)ရပ်ကို ချမှတ်ခဲ့သည်။ ၎င်း၌ နှစ်(၆၀)အာဏာရှင်အုပ်ချုပ်ရေးကာလအတွင်း မတရားဖမ်းဆီး အကျဉ်းချခဲ့သည့် နိုင်ငံရေးအကျဉ်းသားပေါင်း (၂၅၀၀)အား (၂၀၁၃)နှစ်ကုန်ပိုင်းတွင် နောက်ဆုံးထား ပြန်လွှတ်ပေးရေး၊ (၂၀၁၃)ခုနှစ် ဇန္န၀ါရီလ မတိုင်မီ နှစ်ပေါင်း(၅၀)ကျော် အစိုးရအား စစ်ဆင်ရင်ဆိုင်လာကြသော တိုင်းရင်းသား အုပ်စုများနှင့် အပစ်အခတ် ရပ်စဲခြင်းကို ဖြစ်မြောက်အောင် ဆောင်ရွက်ရေး၊ ပဋိပက္ခ ဒဏ်သင့်ဒေသများထံ အပြည်ပြည်ဆိုင်ရာ လူသားချင်းစာနာထောက်ထား အကူအညီပေးမှု ရောက်ရှိစေရေး၊ နယ်နှင်ဒဏ်ခံနှင့် ပြည်ဝင်ခွင့်ပိတ်ပင်ခံရသော ဂျာနယ်လစ်နှင့် ဝေဖန်ရေးသမား တို့အား အမည်ဆိုးစာရင်းမှ ပယ်ဖျက်ရေး စသည်တို့ ပါဝင်သည်။

    (၂၀၁၁)ခုနှစ် ပြုပြင်ပြောင်းလဲရေးအစိုးရ အာဏာ ရယူခဲ့ချိန်မှစပြီး ဤဆောင်ရွက်ချက် အချို့ကို လက်တွေ့မြင်ကြရလင့် ကစား ဦးသိန်းစိန်အစိုးရ ကတိပြုထားသော ပြုပြင်ပြောင်းလဲရေး ကိစ္စ အများစုမှာတော့ ကျယ်ကျယ်ပြန့်ပြန့်  ထိထိရောက်ရောက် ဖြည့်ဆည်းပေးခြင်း မရှိသေးချေ။

    ရခိုင်ပြည်နယ်တွင်း လူမျိုးရေး အကြမ်းဖက်မှု မြင့်တက်လာခြင်းက ရိုဟင်ဂျာ မွတ်စ်လင်မ်ပေါင်း ခန့်မှန်းချေ တစ်သိန်းလေးသောင်းကို အိုးအိမ်မဲ့ဘ၀သို့ တွန်းပို့ခဲ့သည်။ ထို့အတူ မဖြေရှင်းနိုင်သေးသည့် မြန်မာနိုင်ငံမြောက်ပိုင်းမှ တိုင်းရင်းသား ပဋိပက္ခများသည်လည်း လူပေါင်း တစ်သိန်းနှစ်သောင်းကို ဒုက္ခသည် စခန်းများသို့ ရောက်ရှိ သွားစေသည်။ ထိုအရေးများမှာ ဒေသတွင်း၏ လူသားချင်း စာနာထောက်ထားမှုဆိုင်ရာ အစိုးရိမ်ရဆုံးပြဿနာအဖြစ် စင်ပေါ်ရောက်လာလေသည်။

    တပြိုင်နက်တည်းဆိုသလို ပဋိပက္ခဒေသများသို့ စာနာကူညီရေးအဖွဲ့များ မရောက်နိုင်အောင် ကန့်သတ်မှု မပြတ်ပြုခဲ့သည့်အပြင်၊ အကြမ်းဖက်ခံ ရိုဟင်ဂျာ မွတ်စ်လင်မ် နှစ် ဒါဇင်ခန့်ကို ဆေးကုသပေးသည်ဆိုသောသတင်း ထွက်လာပြီးနောက် ဖေဖော်ဝါရီလ၌ ပြင်သစ်အခြေစိုက် နိုင်ငံတကာ လူသားချင်းစာနာထောက်ကူရေး အဖွဲ့တစ်ခုဖြစ်သည့် နယ်စည်းမထား ဆရာဝန်များအဖွဲ့ MSF ကို တမင်ရည်ရွယ်ချက်ရှိရှိ နှင်ထုတ်ခဲ့ကြသည်။

     

    စစ်တပ်က ကြီးစိုးနေတုန်း၊ ကြီးကြီးမားမား ပြုပြင်ပြောင်းလဲမှု မပြုဘဲ ပေတေတင်းခံနေတဲ့ အင်အားစု ဖြစ်နေတုန်းပါပဲ။ မဖြေရှင်းပဲ လွှတ်ထားတဲ့ ပြဿနာဟောင်း အများအပြားရှိနေတယ်။ ပြန်လည်ပြုပြင်ရေးအရိပ်ခိုပြီး အဲ့ဒါတွေက ပိုလို့တောင် ကြီးမား ကျယ်ပြန့်လာနေ တာကို တွေ့ရတယ်”

    David Mathieson

    နောက်ပြန်လျှောကျခြင်း၏ သာဓက

    အဆုံးမသတ်နိုင်သည့် ယင်းအရေးများ မြင်ကွင်းရှေ့ရောက်နေခြင်းနှင့်အတူ ပြန်လည်ပြုပြင်ရေးလမ်းစဉ်ပြိုလဲအောင် တမင်ရည်ရွယ်ကြံဆောင်နေကြောင်း၊ ယင်းကြံစည်ချက်၏နောက်ဆုံး အခြေအနေရောက်နေကြောင်းဟု အတိုက်အခံခေါင်းဆောင်နှင့် လေ့လာသူများက ယုံကြည်ကြသည်။ အာဏာရှင် လမ်းဟောင်းသို့ ခြေချော်သယောင် နောက်ပြန်လျှောကျနေသည့်လက္ခဏာများအဖြစ် အချို့က ရှုမြင်နေပါသည်။

    “အဓိကအရေးပါတဲ့ အခန်း ကဏ္ဍများကိုကြည့်ရင်၊ အခြားကဏ္ဍများမှာ နှေးကွေးစေခြင်း သို့မဟုတ် အပြောင်းအလဲမရှိခြင်းကို ကြည့်ရင် နောက်ပြန်လှည့်မယ့် သာဓကတွေဆိုတာ သံသယ ၀င်စရာ မရှိပါဘူး။ ပြုပြင်ပြောင်းလဲရေး လုပ်ငန်းစဉ်ကို ခေါင်းဆောင်ပိုင်း အနည်းစုလေးသာ စိတ်ဝင်တစားလုပ်ဆောင်နေတာကို ဘယ်လိုဖြစ်ဖြစ် ခန့်မှန်း တွက်ဆနိုင်ပါတယ်။ စစ်တပ်က ကြီးစိုးနေတုန်း၊ ကြီးကြီးမားမား ပြုပြင်ပြောင်းလဲမှု မပြုဘဲ ပေတေတင်းခံနေတဲ့ အင်အားစု ဖြစ်နေတုန်းပါပဲ။ မဖြေရှင်းပဲ လွှတ်ထားတဲ့ ပြဿနာဟောင်း အများအပြားရှိနေတယ်။ ပြန်လည်ပြုပြင်ရေးအရိပ်ခိုပြီး အဲ့ဒါတွေက ပိုလို့တောင် ကြီးမား ကျယ်ပြန့်လာနေတာကို တွေ့ရတယ်” ဟု နယူးယောက်ခ် အခြေစိုက် မြန်မာနိုင်ငံဆိုင်ရာ လူ့အခွင့်အရေးစောင့်ကြည့်မှုအဖွဲ့၏ အကြီးတန်းသုတေသီ David Mathieson မှ ပြောကြားသည်။

    မြန်မာနိုင်ငံသည် မကြုံဖူးလောက်အောင် စီးပွားရေးအောင်မြင်မှုများ ရနေသော်လည်း ယိုယွင်းနေသော တရားရေးစနစ်၊ အခွင့်ထူး ခံသြဇာနှင့် နိုင်ငံ့အခြေခံ အဆောက်အဦ လစ်ဟာချက်တို့ကြောင့် အာဏာပိုင် အချို့အား တိုင်းပြည်တစ်ဝှမ်း အတိုင်းထက်အလွန် ခြယ်လှယ် ခွင့်ပေးသလိုဖြစ်နေရာ ပြန်လည်ပြုပြင်ရေး နည်းစဉ်သည် ချည့်နဲ့ပြိုလဲနေပြီ ဖြစ်ကြောင်း သူက ဆိုသည်။

    “ပြန်လည်ပြုပြင်ရေးလို့ အသံကောင်း လွှင့်နေတဲ့ကာလအတွင်း နိုင်ငံ့အကြီးအကဲတွေ အတော်ပြင်းပြင်းထန်ထန် ကျူးလွန်လိုက်တဲ့ အပြည်ပြည်ဆိုင်ရာ ရာဇ၀တ်မှုတစ်ချို့ကို ကျွန်တော်တို့ မှတ်တမ်းပြုထားပါတယ်။ စစ်ရာဇ၀တ်မှုနဲ့ လူသားချင်းစာနာမှုမဲ့ရာဇ၀တ်မှု ဘောင်ဝင်နေသော နှိပ်စက်စော်ကားချက်များလည်း ပါဝင်ပါတယ်။ ဒါဟာ ပြုပြင်ပြောင်းလဲခြင်း မဟုတ်ပါဘူး” ဟူ၍ Fortify Rights ၏ တည်ထောင်သူနှင့် အမှုဆောင်ဒါရိုက်တာ Matthew Smith က ရခိုင်ပြည်နယ်ရှိ လတ်တစ်လော အကွက်ချ သတ်ဖြတ်မှုနှင့် စစ်တပ်မှ ဒေသခံပြည်သူတို့အား အဓမ္မခိုင်းစေမှုကို ထောက်ပြကာ ပြောဆိုလိုက်သည်။

    သြဂုတ်လလယ်ပိုင်းက တစ်နိုင်ငံလုံးအပစ်အခတ် ရပ်စဲရေးကို ပဲ့ကိုင်ဦးတည်မည့် ပထမဆုံးအကြိမ် စဉ်ဆက်မပြတ်ဆွေးနွေးပွဲသို့ တိုင်းရင်းသူပုန်ခေါင်းဆောင်များက အစိုးရ အရာရှိများကို ထည့်သွင်းခဲ့ကြသည်။ အစိုးရ ကိုယ်စားလှယ်များက မကြာမြင့်မီ ထိုအစည်းအဝေးများမှ သဘောတူညီချက် တစ်ရပ် ဆောင်ကြဉ်းနိုင်မည်ဟု ဆိုသော်လည်း တိုင်းရင်းအုပ်စုများအပေါ် ကိုယ်ပိုင်အုပ်ချုပ်စီရင်နိုင်ခွင့်ကို မဆိုစလောက်မျှသာ ပေးမည့် သဘောထားအား တွေ့ရကြောင်း အတိုက်အခံခေါင်းဆောင်များက ဆိုသည်။

    “ဒါက နိုင်ငံရေး ကစားကွက်တစ်ခုပါပဲ။ စားပွဲဝိုင်းဆွေးနွေးမှုပြုလုပ်နေကြတဲ့သူတွေဟာ အပြန်အလှန် ယုံကြည်မှု ရှိမနေတဲ့အတွက် ဒီလုပ်ငန်းစဉ် အလုပ်မဖြစ်နိုင်ဘူးဆိုတာ အစိုးရဖက်က သိထားပါတယ်” ဟု ငြိမ်းချမ်းရေးနိုဗယ်လ်ဆုရှင် ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ချုပ်မှ ဦးဥာဏ်ဝင်းက ပြောကြားသည်။ ဒေါ်စုကြည်မှ ယင်းဆွေးနွေးပွဲ တက်ရန် ကမ်းလှမ်းသော်လည်း အစိုးရဖက်မှ သူမအား ထည့်သွင်းပါဝင်ရန် စိတ်မ၀င်စားကြောင်း ဖြည့်စွက်ပြောပြခဲ့သည်။

    မြန်မာနိုင်ငံအတွက် အကြီးအကျယ် အပြောင်းအလဲဖြစ်စေနိုင်မည့် (၂၀၁၅) နိုဝင်ဘာလ အထွေထွေရွေးကောက်ပွဲ၌ ဒေါ်စုကြည်အား သမ္မတရာထူး ၀င်ရောက်ယှဉ်ပြိုင်နိုင်ရေး အတားအဆီးဖြစ်နေသော ဖွဲ့စည်းပုံအခြေခံဥပဒေစည်းမျဉ်းတစ်ရပ်ကို အပြောင်းအလဲပြုဖို့ အစိုးရဖက်က ငြင်းဆန်ထားသည်။ အစိုးရ၏ ယင်းသို့တင်းခံနေခြင်းက လာလတ္တံ့သော ရွေးကောက်ပွဲသည် လွတ်လပ်၍တရားမျှတခြင်း မရှိနိုင်ကြောင်း လေ့လာသူများကို ယုံကြည်သွားစေလေသည်။

    “ပြန်လည်ပြုပြင်ရေးလို့ အသံကောင်း လွှင့်နေတဲ့ကာလအတွင်း နိုင်ငံ့အကြီးအကဲတွေ အတော်ပြင်းပြင်းထန်ထန် ကျူးလွန်လိုက်တဲ့ အပြည်ပြည်ဆိုင်ရာ ရာဇ၀တ်မှုတစ်ချို့ကို ကျွန်တော်တို့ မှတ်တမ်းပြုထားပါတယ်။ စစ်ရာဇ၀တ်မှုနဲ့ လူသားချင်းစာနာမှုမဲ့ ရာဇ၀တ်မှု ဘောင်ဝင်နေသော နှိပ်စက်စော်ကား ချက်များလည်း ပါဝင်ပါတယ်။ ဒါဟာ ပြုပြင်ပြောင်းလဲခြင်း မဟုတ်ပါဘူး”

    ပြန်လည်ပြုပြင်ရေးအား တားဆီးထားသည့် အကြောင်းတရားများ

    မြန်မာ့ပြုပြင်ပြောင်းလဲရေးလုပ်ငန်းစဉ်၏ သိသာလှသော နောက်ပြန်လှည့်မှုမှာ အခါခပ်သိမ်း ဖြစ်ပေါ်နေခြင်းတော့ မဟုတ်ချေ။ (၂၀၁၁)ခုနှစ်ကတည်းကစ၍ ရာနှင့်ချီသော နိုင်ငံရေးအကျဉ်းသားများကို လွှတ်ပေးခဲ့ပြီး ထောင်နှင့်ချီသောသူတို့အား အမည်ပျက်စာရင်းမှ ပယ်ဖျက်ပေးခဲ့သည်။ ပါလီမန်လွှတ်တော်ဖက်ကလည်း ဆယ်စုနှစ်များစွာအတွင်း ပြည်တွင်း၌ နိုင်ငံခြားရင်းနှီးမြှုပ်နှံမှုကို အားပေးမည့်ဥပဒေပြဋ္ဌာန်းရန် ပထမဆုံးအကြိမ်အဖြစ် ကျယ်ကျယ်လောင်လောင် အသံထွက်ပေါ်ခဲ့သည်။

    သို့ဖြင့် ပြောင်းလဲမှု အရှိန်အဟုန် အားပျော့သွားသည့်တိုင် ဒေသတွင်း စီးပွားရေး သမဂ္ဂဖြစ်သည့် အရှေ့တောင်အာရှနိုင်ငံများ အသင်း(အာဆီယံ)၏ ဥက္ကဌအဖြစ် အပ်နှင်းခံရသည်။

    (၂၀၁၃)နှစ်ကုန်တွင် နိုင်ငံရေးအကျဉ်းသား အားလုံး လွှတ်ပေးရန် ဦးသိန်းစိန်မှ အခိုင်အမာ ကတိပြုထားသော်လည်း ဇူလိုင်လအထိ နိုင်ငံအနှံ့အပြား၌ အမျိုးသမီး(၉)ဦးအပါအ၀င် လူပေါင်း (၆၉)ဦးကို နိုင်ငံရေး ပုဒ်မဖြင့် အကျဉ်းချထားဆဲဖြစ်ကြောင်း အပြည်ပြည်ဆိုင်ရာ လူ့အခွင့်အရေးအသင်း၏အဆိုအရ သိရသည်။

    နိုင်ငံတကာဦးဆောင်သူများမှ သတိ မပေးမချင်း ကြာညောင်းနေဦးမည်ဖြစ်သည်။ အမေရိကန် နိုင်ငံခြားရေးဝန်ကြီး ဂျွန်ကယ်ရီသည် သြဂုတ်လ (၉)ရက် မြန်မာနိုင်ငံသို့ရောက်စဉ်က (၂၀၁၂)ခုနှစ် အမေရိကန်၏ စီးပွားရေးပိတ်ဆို့မှု ဖြေလျော့ပေးပြီးစဉ်မှစ၍ ဆက်ဆံရေးကောင်းမွန်လာခြင်းအပေါ် အခွင့်ကောင်းယူပြီး နောက်ပြန်မလှည့်ရန် မြန်မာခေါင်းဆောင်တို့အား သတိပေးပြောကြားခဲ့သည်။ အမေရိကန်ကွန်ကရက် လွှတ်တော်အမတ်များမှ ပြင်းထန်စွာ လက်မှတ်ထိုးရေးသားချက်ထွက်ပေါ်ပြီး ရက်ပိုင်းအတွင်း ကယ်ရီမှ ယင်းသို့ ပြောကြားလိုက်ခြင်းဖြစ်၏။

    အလ်ဂျဇီးရားမှ ဆက်သွယ်ရာတွင် သမ္မတရုံးပြောရေးဆိုခွင့်ရှိသူနှင့် ပြန်ကြားရေး ၀န်ကြီးသစ် ဦးရဲထွဋ်က တစ်စုံတစ်ရာမှတ်ချက်ပေးရန် ရှောင်ဖယ်ခဲ့သည်။ သို့သော် စက်တင်ဘာ(၂)ရက်တွင် ဦးသိန်းစိန်သည် နိုင်ငံပိုင်ရေဒီယိုမှ မိမိ၏ အစိုးရအဖွဲ့မှာ ပြုပြင်ပြောင်းလဲရေး လုပ်ငန်းစဉ်အား ဆုံးခန်းတိုင်သည်အထိ စိစစ်ဆောင်ရွက်သွားရန် ခံယူထားကြောင်း လူထုသို့ ထပ်မံ၍ အခိုင်အမာကတိပြု မိန့်ခွန်းပြောကြားသည်။

    “လက်ရှိပြုပြင်ပြောင်းလဲရေး လုပ်ငန်းစဉ်ကို ယထာဘူတကျကျ ဆန်းစစ်ကြည့်မယ်ဆိုရင် လမ်းကြောင်းမှန်မှန်နဲ့ သင့်တော်တဲ့ ပန်းတိုင်ဆီသွားနေကြောင်း ငြင်းဆို မရတာကို တွေ့ရပါမယ်။ ကျွန်တော်တို့အားလုံးဟာ ခေတ်မှီဖွံ့ဖြိုးတိုးတက်ရေး ခံယူချက်အားဖြင့် နိုင်ငံရေးလမ်းကြောင်းသစ်တစ်ရပ် နဲ့ ပြန်လည်ပြုပြင်ပြောင်းလဲရေး လုပ်ငန်းစဉ် အောင်မြင်ဖို့ နိုင်ငံ့အကျိုးအတွက် ကောင်းကျိုးမျှော်ပြီး ကိုယ်စီကိုယ်ငှ ပြုလုပ်ဆောင်ရွက်နေကြပါတယ်”

    လူ့အခွင့်အရေးနှင့် စီးပွားရေးဖွံ့ဖြိုးမှု

    သို့သော် ရှေ့နောက်မညီမှု ထပ်မံဖြစ်ပွားပြန်သည်။ ဇူလိုင်လတွင် မြန်မာနိုင်ငံအလယ်ပိုင်းမှ ဓာတု လက်နက်စက်ရုံအကြောင်းဖော်ပြလိုက်သည့် “ယူနတီ” ပြည်တွင်း ဂျာနယ်၏ အယ်ဒီတာချုပ်နှင့် ဂျာနယ်လစ်လေးဦးကို ထောင်ဒဏ်(၁၀)နှစ်ဖြင့် ပြင်းထန်ကြမ်းတမ်းစွာ စီရင်ချက်ချခဲ့သည်။ အခြားသော ဂျာနယ်လစ်များသည်လည်း သတင်းဖော်ပြယုံ သက်သက်ဖြင့် မတန်မရာ စွဲချက်တင်ကာ အမှုရင်ဆိုင်နေရကြောင်း လေ့လာသူများက ဆိုသည်။

    မြန်မာနိုင်ငံသို့ (၁၀)ရက် ခရီးစဉ်အပြီး လတ်တလောခန့်အပ်လိုက်သည့် မြန်မာနိုင်ငံဆိုင်ရာ ကုလ အထူးသံတမန် ယောင်ဟီးလီ က ဇူလိုင် (၂၈)ရက်တွင် “နောက်ပြန်ဆုတ်နိုင်ဖွယ် လက္ခဏာများအပေါ် စိုးရိမ်ရကြောင်း” ပြောကြားခဲ့သည်။ အာဏာ လက်ဝယ်ရှိသူတို့၏ မလိုလားကြသော သတင်းကို ဖော်ပြကြသည့် ဂျာနယ်လစ်များ အပေါ် ခြိမ်းခြောက်မှု၊ နှောက်ယှက်မှု၊ တိုက်ခိုက်မှုများနှင့် ညှင်းပန်းမှုများကို မီးမောင်းထိုးပြသွားသည်။

    “မြန်မာနိုင်ငံရဲ့ ပြုပြင်ပြောင်းလဲရေး ဆောင်ရွက်ချက်များက ဒီမိုကရေစီ အသိုင်းအ၀ိုင်းအဖို့ လက်မခံနိုင်စရာ အနေအထား ဖြစ်လို့နေပါတယ်။ လွတ်လပ်စွာ ထင်မြင်ယူဆခွင့်၊ လွတ်လပ်စွာဖော်ထုတ်ခွင့်၊ လွတ်လပ်စွာ စုရုံး/ဖွဲ့စည်းခွင့်ဆိုင်ရာ လုပ်ပိုင်ခွင့်များက ဒီအခြေအနေကို ထင်ဟပ်စေ ပါတယ်။ ဆွေးမြေ့နေတဲ့ ပြဋ္ဌာန်းချက်များက ဒီလိုအခွင့်အရေးတွေကို အသက်ရှူခွင့် ပိတ်ထားသေးတယ်။ ထပ်ဆင့်ဆိုရရင် လွတ်လပ်စွာ စုရုံး/သင်းဖွဲ့ခွင့် ဆိုင်ရာ ပြဋ္ဌာန်းဥပဒေများက နိုင်ငံတကာ စံချိန် စံနှုန်းနဲ့ မကိုက်ညီပါဘူး” ဟု သူမက အလ်ဂျဇီးရားသို့ ပြောပြသည်။

    အစိုးရ စာရင်းဇယားအရ ပြီးခဲ့သော ဘဏ္ဍာရေးနှစ်တွင် နိုင်ငံခြားတိုက်ရိုက် ရင်းနှီးမြုပ်နှံမှုမှာ လွန်ခဲ့သည့်နှစ်နှင့်နှိုင်းစာသော် (၁၉၂.၈၅)ရာခိုင်နှုန်းသို့ ရောက်သွားသည် အထိ စံချိန်တင်သွားခဲ့သလို ယခုနှစ်တွင် မြန်မာနိုင်ငံ၏ စီးပွားရေးသည် (၈.၅)ရာခိုင်နှုန်းသို့ တည်ငြိမ်စွာ တိုးတက်လာကြောင်း နိုင်ငံတကာငွေကြေး ရံပုံငွေအဖွဲ့က ဆိုထားသည်။ မြန်မာနိုင်ငံ၏ လူသားချင်းစာနာမှုပြဿနာအား ချက်ခြင်းမဖြေရှင်းပါက ၎င်းဖွံ့ဖြိုးမှုမှာ ရေရှည်မတည်တံ့နိုင်ပါဟု လီက ဆိုပါသည်။

    “စီးပွားရေးဖွံ့ဖြိုးတိုးတက်မှုကို ဦးစားပေး ထူထောင်သင့်တယ်လို့ ပြောဆိုခြင်းဟာ အဆိုးရွားဆုံးအမှားပါပဲ။ စီးပွားရေးကို မောင်းနှင်တာဟာ လူသားတွေဖြစ်တယ်။ အခြေခံ လူ့အခွင့်အရေးကို ပြည့်ပြည့်၀၀ မပေးပဲနဲ့ ဘယ်အစိုးရကမှ ရေရှည်တည်တံ့တဲ့ ဖွံ့ဖြိုးမှုကို စွမ်းဆောင်ပေးနိုင်မှာ မဟုတ်ပါဘူး”။

    အမြင်မတူသူများလည်း ရှိနေကြပေသည်။

    “မြန်မာနိုင်ငံဟာ စီးပွားရေး အလားအလာကောင်းဖက်ကို သွားနေပါတယ်။ ရင်းနှီးမြုပ်နှံမှု အသစ်တွေကို အဓိကအားဖြင့် အစိုးရဖက် ကဖြစ်နေသော်လည်း နေ့စဉ်နီးပါး ကြေငြာပေးနေပါတယ်။ အဓိကရင်းနှီးမြုပ်နှံမှုအကြောင်းနဲ့ပတ်သက်လို့ လူတိုင်းကို ကျွန်တော် ပြောခဲပါတယ်။ ရင်းနှီးမြုပ်နှံမယ်ဆိုရင် လက်ရှိနိုင်ငံရေးအခြေအနေ၊ သတင်းစာလွတ်လပ်ခွင့်၊ ရိုဟင်ဂျာနဲ့ ဘယ်မီဒီယာအသေးစားကိုမဆို ထည့်သွင်းစဉ်းစားရမယ့်အကြောင်းတစ်ရပ်ပါပဲ။ တကယ်တမ်းကျတော့ မြန်မာတစ်နိုင်ငံတည်း ရင်ဆိုင်နေရတဲ့ပြဿနာတွေ မဟုတ်ပါဘူး” ဟု မြန်မာ့ရင်းနှီးမြုပ်နှံမှု  ဒေသတွင်းဘဏ္ဍာရေးအကြံပေးအဖွဲ့မန်နေဂျာ Gregory Miller က ပြောလေသည်။

    xxxxxxxxxxxxxxxxxxxxxxx

    အလ်ဂျဇီးရားမှ ဖော်ပြသော Are Myanmar’s reforms backsliding?  ဆောင်းပါးကို မြင့်မိုရ်မောင်မောင်မှ ဆီလျော်ပြန်ဆိုသည်။

  • အငြင်းပွားဖွယ် မြန်မာ့သန်းခေါင်စာရင်း

    အငြင်းပွားဖွယ် မြန်မာ့သန်းခေါင်စာရင်း

    စက်တင်ဘာ ၇ ၊ ၂၀၁၄
    M-Media
    -မြင့်မိုရ်မောင်မောင်  ဘာသာပြန်သည်။

    အဖိနှိပ်ခံလူနည်းစုဝင်တစ်ရပ်ကို အသိအမှတ်ပြုဖို့ပျက်ကွက်ခဲ့တဲ့ သန်းခေါင်စာရင်းကြောင့် လူ့အခွင့်အရေးအုပ်စုများက အလိုမကျစိတ်ပျက်နေကြပါတယ်။

    c4ebf973d2d51b0c500f6a706700c25d
    ရခိုင်ပြည်နယ်မှ ရိုဟင်ဂျာ မိသားစု တစုကို သန်းခေါင်စာရင်း ကောက်ယူနေစဉ် မြင်ကွင်း

    နှစ်ပေါင်း (၃၀)အတွင်း မြန်မာနိုင်ငံရဲ့ ပထမဆုံးသန်းခေါင်စာရင်းကောက်ခံမှုက ထွက်ရှိလာတဲ့ ရှေ့ပြေးအဖြေများကို ပြီးခဲ့တဲ့ ရက်သတ္တပတ်မှာ ထုတ်ပြန်ခဲ့တယ်။ မူလက ယူဆထားတဲ့ပမာဏထက် (၉)သန်းနီးပါး လျော့နည်းနေတာကို တွေ့ရတယ်။ ဒါ့အပြင် အဖိနှိပ်ခံရိုဟင်ဂျာမွတ်စ်လင်မ်တွေရဲ့ လူဦးရေစာရင်းကို အသိအမှတ်ပြုထည့်သွင်းမထားခြင်းအပေါ် လူ့အခွင့်အရေးအုပ်စုများက ရှုတ်ချခဲ့ကြတယ်။

    ရှေ့ပြေးသန်းခေါင်စာရင်းအရ လက်ရှိမြန်မာနိုင်ငံလူဦးရေဟာ (၅၁.၄၁)သန်းရှိပြီး ကနဦးပိုင်း ကမ္ဘာကိုတင်ပြထားတဲ့ ခန့်မှန်းချေ သန်း(၆၀)ဆိုသော ပြည်တွင်းနေ လူစာရင်းနဲ့ တော်တော့်ကို ကွာဟသွားတယ်။

    ရိုဟင်ဂျာမွတ်စ်လင်မ်တွေကို တိုင်းရင်းနွယ် စာရင်းထဲကနေ ဖယ်ထုတ်ထားတာဟာ နိုင်ငံသားအဖြစ် အသိအမှတ်ပြုရေးအတွက် ထည့်သွင်းစဉ်းစားမှု မရှိတာကြောင့် ဒေါ်လာသန်း(၅၀)လက်ခံ ရယူပြုလုပ်ထားတဲ့ သန်းခေါင်စာရင်းက အပြည်ပြည်ဆိုင်ရာ စံချိန်စံညွှန်း အဆင့် မ၀င်ဘူးလို့ လူ့အခွင့်အရေး အုပ်စုများက သတ်မှတ်လိုက်ပါတယ်။

    “ ရိုဟင်ဂျာတွေကို သန်းခေါင်စာရင်းကနေ ဖယ်ထုတ်ထားခြင်းက သန်းခေါင်စာရင်းဆိုင်ရာ ပင်မရည်ရွယ်ချက်နဲ့ စည်းမျဉ်းတွေ၊ နိုင်ငံတကာက အလှူရှင်တွေ၊ ဒီအရေးထဲ ပါဝင်ဆောင်ရွက်တဲ့ ကုလအေဂျင်စီတွေ အပေါ် သစ္စာချိုးဖောက်ခြင်းဖြစ်တယ်။ ရိုဟင်ဂျာတွေအနေနဲ့ ကိုယ့်လူမျိုးအမည်ကို ကိုယ်ပိုင်သတ်မှတ် ပိုင်ခွင့်ရှိတယ်။ နိုင်ငံသား အခွင့်အရေးရသင့်တဲ့ သူတွေလည်းဖြစ်တယ်။ သန်းခေါင်စာရင်းမှာ ဒါတွေကို ငြင်းပယ်လိုက်ယုံနဲ့ နယ်မြေမဲ့ရိုဟင်ဂျာ အရေးကို ဖြေရှင်းလိုက်ရာ မရောက်ပါဘဲ ပိုမို ဆိုးရွားသွားစေပါတယ်။ အစိုးရဖက်က အစွန်းရောက်သမားတွေနဲ့ သူတို့ရဲ့ လူမျိုးကြီးဝါဒအစီအမံတွေအပေါ် လူမိုက်အားပေး မလုပ်သင့်ပါဘူး။ အာရကန်(ရခိုင်ပြည်နယ်)ထဲ မှီတင်းနေထိုင်နေကြတဲ့ ပြည်သူအားလုံး၊ နိုင်ငံသားဖြစ်ကြောင်း အထောက်အထားပြနိုင်ပြီး ရိုဟင်ဂျာအဖြစ် မိမိကိုယ်ကို ခံယူသူများကို ထည့်သွင်းရေတွက်သင့်တယ် ” လို့  The Diplomat ထံပေးပို့တဲ့အီးမေးလ်မှာ မြန်မာ့ လူ့အခွင့်အရေးစောင့်ကြည့်အဖွဲ့ရဲ့ အထက်တန်း သုတေသီ David Mathieson က ရေးသားပေးပို့ပါတယ်။

    ရှေ့ပြေးသန်းခေါင်စာရင်းက နှစ်ရှည်လများ မသိခဲ့ကြတဲ့ မြန်မာ့လူဦးရေကို မခြုံငုံ မဖော်ပြနိုင်ခဲ့ဘူး၊ နိုင်ငံတွင်းရှိနေတဲ့ တိုင်းရင်းသားအနွယ် အားလုံး အပါအ၀င် အဓိကကျတဲ့ အချက်အလက်တွေလည်း မပါဝင်နိုင်ခဲ့ဘူး။ လာမယ့် အထွေထွေရွေးကောက်ပွဲ အချိန်ဝန်းကျင် (၂၀၁၅)မေလမှာ ထုတ်ပြန်ဖို့ အချိန်ကို ရွေးချယ်ခဲ့တယ်။ လူမျိုးရေးအကြမ်းဖက်မှုတွေ ဖြစ်ပေါ်လာအောင် ဒီအချက်အလက်တွေကို ရွေးကောက်ပွဲ ကာလ၀န်းကျင်မှာ ထုတ်ပြန်စေတာလားလို့ စိုးရိမ်မှုတွေ ရှိနေကြဆဲပါ” လို့ Mathieson က ဆိုပါတယ်။

    သြဂုတ်လ (၃၀)ရက် ရှေ့ပြေးသန်းခေါင်စာရင်း ထုတ်ပြန်မှုဆိုင်ရာ သတင်းစာရှင်းလင်းပွဲမှာ မြန်မာ့ လူဝင်မှုကြီးကြပ်ရေးနဲ့ ပြည်သူ့အင်အား ၀န်ကြီးဌာန ၀န်ကြီး ဦးခင်ရီက လူမျိုးရေး အပြန်အလှန် တင်းမာမှုတွေကြောင့် ဖြစ်နိုင်ချေရှိသော အကြမ်းဖက်မှုကို ရှောင်လွှဲသောအားဖြင့် ရိုဟင်ဂျာတွေကို ထည့်သွင်းရေတွက် မထားပါဘူးလို့ တရားဝင်ပြောကြား သွားခဲ့တယ်။

    “သူတို့ကိုသူတို့ ရိုဟင်ဂျာလို့ ခံယူပြောဆိုပေမယ့် သူတို့ရဲ့ အိမ်ထောင်စုစာရင်းထဲမှာ ဘင်္ဂါလီလို့သာ ထည့်သွင်းထားပါတယ်။ ရိုဟင်ဂျာဆိုတဲ့ အသုံးအနှုန်းကိုလည်း သုံးခွင့် မပြုပါဘူး။ ဒါကြောင့် ကျွန်တော်တို့ လက်မခံခဲ့ဘဲ စာရင်းသွင်းခွင့်မရှိသူတွေအဖြစ် သတ်မှတ်ခဲ့ကြတာပါ” ဆိုပြီး ပြောဆိုခဲ့တာပါ။

    မြန်မာပြည်မှာ ရိုဟင်ဂျာမွတ်စ်လင်မ်တွေ (၈)သိန်းလောက်ရှိမယ်လို့ လူ့အခွင့်အရေးအဖွဲ့များက သုံးသပ်ထားပြီးဖြစ်ပါတယ်။

    ကုလလူဦးရေရံပုံငွေအဖွဲ့(UNFPA)ရဲ့ ပံ့ပိုးမှုနဲ့ လ၀က ၀န်ကြီးဌာနဆောင်ရွက်ခဲ့တဲ့ သန်းခေါင် စာရင်းက မတ်လ(၃၀)ရက်မှ (၁၂)ရက်တာအတွင်း ကောက်ခံ ခဲ့တာပါ။ ရခိုင်၊ ကရင်၊ ကချင်ပြည်နယ် စတဲ့ ပဋိပက္ခဧရိယာတွေမှာ အဲ့ဒီကာလအတွင်း သန်းခေါင်စာရင်းကောက်ခံ လုပ်ငန်းကို မဆောင်ရွက်နိုင်ခဲ့ပါဘူး။ စုစုပေါင်း (၅၀.၂၁)သန်း လူဦးရေထဲက လူဦးရေ (၁.၂၀)သန်းကို လ၀ကအရာရှိများက ကြိုတင်ပုံဖော်ထားတဲ့ အိမ်ထောင်စု စာရင်းတွေနဲ့ ထပ်တိုးဖြည့်စွက်ထားပါတယ်တဲ့။

    စုစုပေါင်းလူဦးရေပမာဏကို ကိုယ်စားပြု မဖော်ပြနိုင်ပေမယ့်လည်း အဲ့ဒီသန်းခေါင်စာရင်းက အိမ်ထောင်စုတစ်စုရဲ့ ပျမ်းမျှခန့်မှန်းဦးရေ (၄.၄)ဦးထက် လျော့နည်းနေ သလို အမျိုးသမီးများက အမျိုးသားများထက် ပမာဏ (၂)သန်းနီးပါး များပြားတာကို ဖော်ပြနေပါတယ်။

    UNFPA ရဲ့အဆိုအရ ဒီစာရင်းတွေရရှိဖို့ အိမ်ခြေ (၁၁)သန်းဆီ စာရင်းကောက် တစ်သိန်း တစ်သောင်းငါးထောင်ကို ကွင်းဆင်းစေလွှတ်ခဲ့ပါတယ်။

    KIO ထိန်းချုပ်ထားတဲ့ ကချင်ပြည်နယ်ဒေသအချို့မှာ မကောက်ခံခဲ့ကြောင်း၊ စာရင်းကောက်များဟာလည်း ရခိုင်ပြည်နယ်က ရိုဟင်ဂျာရွာနဲ့ ဒုက္ခသည် စခန်းအချို့ဆီ မသွားရောက်နိုင်ခဲ့ကြောင်း တရားဝင်ရှေ့ပြေးသန်းခေါင်စာရင်းက ဖော်ပြနေပါတယ်။

    “KIO က သူတို့ထိန်းချုပ်ထားတဲ့ ကချင်ဒေသတွင်းက ရွာသူရွာသားတွေကို စာရင်းကောက်ခံဖို့ စာရင်းကောက်ဝန်ထမ်းတွေကို ၀င်ခွင့်မပြုခဲ့ပါဘူး။ သူတို့ခေါင်းဆောင်တွေနဲ့ အစိုးရ အကြား ညှိနှိုင်းစေ့စပ်မှု မရရှိခဲ့ပါဘူး” လို့ အဲ့ဒီဒေသက (၉၇)ရွာဆီ စာရင်းမကောက်ခံနိုင် ခဲ့ကြောင်း ရှေ့ပြေးသန်းခေါင်စာရင်း ထုတ်ပြန်ချက်မှာ ဆိုထားပါတယ်။

    ကချင်နဲ့ ရခိုင်ပြည်နယ်ထဲက ဒေသအချို့ဟာ (၁၉၄၈)လွတ်လပ်ရေးရပြီး ဗမာလူများစု စိုးမိုးတဲ့ အစိုးရအပေါ် လက်နက်ကိုင် ဆန့်ကျင်တိုက်ခိုက်ခဲ့ကြသော လက်ကျန်တိုင်းရင်းသား အုပ်စုများက ထိန်းချုပ်ထားကြတယ်။

    ကချင်ပြည်နယ်တစ်ခုထဲမှာပဲ KIA နဲ့ အစိုးရအကြား (၁၇)နှစ်တာအပစ်ရပ်စဲရေးပြိုလဲတဲ့ ပဋိပက္ခကြောင့် (၂၀၁၁)ခုနှစ်ကတည်းက နေရပ်စွန့် အိုးအိမ်ရွှေ့ပြောင်းရသူတွေ တစ်သိန်းနှစ်သောင်းနီးပါး ရှိနေပါတယ်။

    စီးပွားရေးဆောင်ရွက်မှုတွေ ယုံကြည် စိတ်ချရစေဖို့ ဂုဏ်သိက္ခာရှိအောင် ထုတ်ပြန်ထားတဲ့ မြန်မာပြည်က စာရင်းဇယားတွေထဲမှာလည်း စိတ်ချယုံကြည်စရာ လုံးလုံး မရှိမသေးဘူးလို့ ကျွမ်းကျင်သူ အချို့က ဆိုပါတယ်။

    “ပမာဏဖော်ပြချက်မှာ မရိုးသားမှု အမြဲတမ်း တွေ့နေရတယ်။ ချန်ရစ်ထားတာ အမှန်တကယ် ရှိမှာပဲ။ လူဦးရေပမာဏနဲ့ GDP ကို ချိန်ထိုးအချိုးချကြည့်ရတာဆိုတော့ ခြုံငုံခန်းမှန်းလိုက်တဲ့ GDP ဟာ ယုံကြည်စိတ်ချစရာ စာရင်းမ၀င်ပါဘူး ” လို့ သြစတေးလျ၊ ဆစ်ဒနီမြို့၊ Macquarie တက္ကသိုလ်က မြန်မာ့စီးပွားရေးကျွမ်းကျင်သူ Sean Turnell က ပြောကြားပါတယ်။

    “သန်းခေါင်စာရင်းကနေ အကောင်းဆုံးကောက်ယူနိုင်တဲ့ အချက်က မြန်မာစားသုံးသူဈေးကွက်ဟာ သန်း(၆၀)ကနေ (၅၁)သန်းအထိ လျှောကျသွားတာပါပဲ။ အခြားအာဆီယံနိုင်ငံတွေနဲ့နှိုင်းယှဉ်ရင် မပြောပလောက်ပါဘူး။ ဒါပေမယ့် မြန်မာနိုင်ငံက ရင်းနှီးမြှုပ်နှံမှု အတွက် တော်တော့်ကို ဆွဲဆောင်နေကြောင်း ကိန်းဂဏန်းတွေက ဖော်ပြနေတယ်။ စီးပွားရေး အရတော့ မြန်မာပြည်မှာ ကုန်ထုတ်စွမ်းရည်နဲ့ ၀ယ်လိုအား ညီမျှနေတာကို ကျွန်တော်တို့ တွေ့နေရဆဲပါ။ ဒါပေမယ့် အခုဆိုရင် လူဦးရေပမာဏ ပြောင်းလဲသွားပြီဖြစ်တဲ့အတွက် ၀ယ်လိုအား ၀င်ငွေတွက်ချက်တဲ့အခါ ခန့်မှန်းမှုတွေကို ပြန်လည်သုံးသပ်ရတော့မှာပဲ” လို့ Thura Swiss မြုပ်နှံဈေးကွက်နဲ့ သုတေသနအဖွဲ့ CEO အောင်သူရက ဆိုပါတယ်။

    (၁၉၈၃)ခုနှစ်က နောက်ဆုံးကောက်ခံထုတ်ပြန်ခဲ့တဲ့ လူဦးရေ စာရင်းထက်စာရင် လက်ရှိစာရင်းက ပိုတိကျမှုရှိလာတယ်ဆိုပြီး အဆိုးထဲက အကောင်းတစ်ရပ်အဖြစ် UNFPA ကတော့ ယူဆပါတယ်။

    “သန်းခေါင်စာရင်းဆိုတာ နိုင်ငံ့ရတနာတစ်ပါးပါ။ ဘာဖြစ်လို့လဲဆိုတော့ ဆယ်စုနှစ်များစွာအဖို့ ပြည်သူတွေအတွက် အရေးတကြီးလိုအပ်နေတဲ့ လမ်းတွေ၊ ကျောင်းတွေ၊ ကျန်းမာရေး ၀န်ဆောင်ချက်နဲ့ အခြားအခြေခံအဆောက်အဦများ ဖော်ဆောင်ရေးလိုအပ်ချက်တွေကို တစ်ချက်တည်းနဲ့ တွက်ချက် သုံးသပ်နိုင်လို့ပါပဲ။ ဒီရှေ့ပြေးစာရင်းက မြို့တော်တွေမှာ လူဦးရေ ပိုမိုထူထပ်သိပ်သည်းနေကြောင်း ဖွင့်ပြနေပါတယ်။ မည်သည့်စီမံကိန်းရှိရှိမရှိရှိ မြို့အစွန်အဖျားက လူတွေအပါအ၀င် လူနေနှုန်းမြင့်တက်တာ အရမ်းမြန်ဆန်ကြီးထွားနေပါတယ်” ဆိုပြီး မြန်မာနိုင်ငံရဲ့ UNFPA ကိုယ်စားလှယ် ဂျက်နက်ဂျက်ဆင်က ဆိုပါတယ်။

    မြန်မာ့မြို့ကြီးတွေမှာ လူဦးရေထူထပ်လာမှုပုံရိပ်တစ်ခုကို ဒီအချက်အလက်တွေက ရှင်းလင်းစွာ ပြဆိုနေပါတယ်။ သန်းခေါင်စာရင်းအရ ရန်ကုန်မြို့လူဦးရေဟာ ဒုတိယမြို့တော် မန္တလေးထက် လေးဆများပြားပြီး (၅.၂၀)သန်း ရှိနေပါတယ်။ နေပြည်တော်မှာတော့ (၁.၁၅)သန်းသာ ရှိပါတယ်။ စုစုပေါင်းလူဦးရေအနက် (၂၉.၆) ရာခိုင်နှုန်းက ဆင်ခြေဖုံးမှာ နေထိုင်နေကြကြောင်း ဖော်ပြနေပါတယ်။

    The Diplomat တွင်ဖော်ပြသော ရန်ကုန်အခြေစိုက်ဂျာနယ်လစ် Philip Heijmans ရေးသားသည့် Myanmar’s Controversial Census ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုပါသည်။