News @ M-Media

Tag: ဘာသာပြန်

  • ကမ္ဘာ့ အကြီးဆုံး ဒီမိုကရေစီ နိုင်ငံမှ ၂၁ ရာစု အထိ ခွဲခြားခံနေရသူများ (သို့) အိန္ဒိယမှ ဒါလစ်ဇာတ်နိမ့်များ

    ကမ္ဘာ့ အကြီးဆုံး ဒီမိုကရေစီ နိုင်ငံမှ ၂၁ ရာစု အထိ ခွဲခြားခံနေရသူများ (သို့) အိန္ဒိယမှ ဒါလစ်ဇာတ်နိမ့်များ

    စက်တင်ဘာ ၁ ၊ ၂၀၁၄
    M-Media
    -လေးမောင် ဘာသာပြန်သည်။
    20148259194714734_20
    – သူမ၏ ဘ၀တစ်ခုလုံးမှာ အိမ်သာတွင်းများမှ လူများ၏ အညစ်အကြေးများကို ကြုံး၍သာ ကုန်ဆုံးရတော့မည်ဟု မိခင်ဖြစ်သူ ပြောခဲ့စဉ်က ရာဂ်ျနီ အသက်မှာ ၁၀ နှစ်သာရှိသေး၏။ ရာဂ်ျနီတို့ မိသားစုမှာ ဗာလ်မီကီ မျိုးရိုးမှဖြစ်ပြီး ဒါလစ်ဇာတ်နိမ့်မျိုးနွယ်တွင် အနိမ့်ဆုံးမျိုးရိုး ဖြစ်လေသည်။

    “ကျွန်မတို့ဟာ ဒါမျိုးလုပ်ဖို့သာ မွေးဖွားလာတာလို့ အမေက ကျွန်မကို ပြောပါတယ်။ ပထမဆုံး လူတွေရဲ့ အညစ်အကြေးတွေကို စွန့်ပစ်ပေးရတယ်။ အဲဒီတော့မှ ကျွန်မတို့ စားစရာရပါတယ်”

    မိခင်ဖြစ်သူ၏ ပြောစကားကို ရာဂ်ျနီက ပြန်ပြောင်းပြောပြခြင်း ဖြစ်သည်။

    အသက် ၂၁ နှစ်ရှိပြီဖြစ်သည့် ရာဂ်ျနီက အူတာပရာဒရ်ှပြည်နယ် ရွာတစ်ရွာ၌ ဖြတ်သန်းခဲ့ရသည့် သူမ၏ ကလေးဘ၀ အချိန်အများစုတွင် မည်ကဲ့သို့ ခံစားနာကျင်ခဲ့ရသည်ကို အမှတ်ရနေသည်။ မိလ္လာအညစ်အကြေးများကို  ထွက်လာသော အနံ့များကို ခံရသည်။ ထိုအညစ်အကြေးများကို အိမ်မှယူလာသည့် ခြင်းတစ်ခုဖြင့် သယ်ဆောင်သွားသည့်အခါ ယင်ကောင်များကလည်း တ၀ီဝီဖြင့် လိုက်လာကြသည်။

    “မိုးရွာတဲ့နေ့ကတော့ အဆိုးဆုံးပါပဲ။ အညစ်အကြေးတွေက ကျွန်မရဲ့ လည်ပင်းတွေ၊ ပုခုံးပေါ်တွေကို စီးကြလာပါတယ်။ ကျွန်မလေ မအန်မိအောင် မည်းထိန်းထားခဲ့ရပါတယ်” ဟု သူမကဆိုသည်။

    ဆယ်ကျော်သက်အရွယ်မှာပင် ရာဂ်ျနီ အိမ်ထောင်ကျခဲ့ပြီး ၂၀၁၂ ခုနှစ်အထိ သူမ ခင်ပွန်း၏ ရွာတွင် တွင်းအိမ်သာများမှ အညစ်အကြေး စွန့်ပစ်ပေးသူအဖြစ် လုပ်ကိုင်ခဲ့ရသည်။ Sulabh International ဟု အမည်ရသည့် အန်ဂျီအိုတစ်ခုက ထိုရွာရှိ တွင်းအိမ်သာများကို ရေလောင်းအိမ်သာများဖြင့် လဲလှယ်ဆောက်လုပ်ပေးခဲ့ပြီး နောက်ပိုင်းတွင်မှသာ ရာဂ်ျနီတစ်ယောက် ထိုအလုပ်မှ အနားရခဲ့လေသည်။

    လူ့ဂုဏ်သိက္ခာညှိုးနွမ်းစေသည့် ထိုအဖြစ်အပျက်များ ပပျောက်စေရန် ကိုယ်ထူကိုယ်စနစ်ဖြင့် မိလ္လာအညစ်အကြေးရှင်းလင်းရေးကို ဆန့်ကျင်သည့် တင်းကြပ်သော ဥပဒေတစ်ခုကို အိန္ဒိယပါလီမန်တွင် ပြီးခဲ့သည့်နှစ်က ပြဌာန်းခဲ့သည်။ သို့သော်လည်း ရာဂ်ျနီကဲ့သို့ ကံမကောင်းခဲ့သည့် ဇာတ်နိမ့်မျိုးရိုးမှ ပြည်သူထောင်ပေါင်းများစွာမှာ အိန္ဒိယနိုင်ငံတစ်ဝှမ်းတွင် မိလ္လာအညစ်အကြေး စွန့်ပစ်ပေးရသူများအဖြစ် ဆက်လက်လုပ်ကိုင်နေရဆဲပင် ဖြစ်လေ၏။

    ကိုယ်ထူကိုယ်ထ မိလ္လာအညစ်အကြေးရှင်းလင်းရေး လုပ်ငန်းနှင့် ပတ်သက်၍ သြဂုတ်လ ၂၅ ရက် တနင်္လာနေ့တွင် လူ့အခွင့်အရေးစောင့်ကြည့်အဖွဲ့ (Human Rights Watch) မှ ထုတ်ပြန်ခဲ့သော အစီရင်ခံစာတွင် မိလ္လာအညစ်အကြေးများ ကိုင်တွယ်ရှင်းလင်းခြင်းပေါ် တားမြစ်ထားသော်လည်း ဒါလစ် ဇာတ်နိမ့်မျိုးရိုးမှ အနိမ့်ဆုံးမျိုးနွယ်များမှာ ကျေးလက်နှင့် မြို့ပြများပါမကျန် အဆိုပါ အလုပ်မျိုးကို အတင်းအကျပ် စေခိုင်းခြင်းခံနေရသည်ဟု ဖော်ပြထားသည်။

    ထိုကဲ့သို့လုပ်ကိုင်ရခြင်းမှာ ရုပ်ပိုင်းဆိုင်ရာ အနိုင်ကျင့်ခံရခြင်း၊ လူမှုအအသိုင်းအ၀ိုင်းမှ နှင်ထုတ်ခံရခြင်းတို့ကို ရှောင်ရှားလိုသည့် အကြောင်း အရင်းများကြောင့် ဖြစ်သည်ဟု အဆိုပါအစီရင်ခံစာတွင် ထည့်သွင်းရေးသားထားလေ၏။

    အကောင်အထည်မဖော်သည့်ဥပဒေ
    —————————————
    မိလ္လာအညစ်အကြေး စွန့်ပစ်ရန် ခိုင်းစေမှု တားမြစ်ရေးနှင့် ပြန်လည်ထူထောင်ရေး ၂၀၁၃ အက်ဥပေဒတွင် မိလ္လာအညစ်အကြေးစွန့်ပစ်ရန် ခိုင်းစေမှု အတွက် ထောင်ဒဏ် တစ်နှစ် ကျခံရန် သို့မဟုတ် ဒဏ်ငွေ ရူပီ ငါးသောင်း (ကန်ဒေါ်လာ ၈၂၆) ပေးဆောင်ရန် သတ်မှတ်ထားပြီး၊ ထိုဥပဒေအား ဖောက်ဖျက် ကျူးလွန်သူအား အာမခံခွင့် မပေးရ ပြဌာန်းထားလေသည်။

    ထို့ပြင် မိလ္လာအညစ်အကြေးစွန့်ပစ်ရန် ခိုင်းစေခံရသူများအား အသက်မွေးဝမ်းကြောင်း အတတ်ပညာ သင်ကြားပေးခြင်း၊ အိမ်ဝယ်ရန်နှင့် လယ်ယာမြေများ ၀ယ်ယူရန်အတွက် ဘဏ္ဍာရေးဆိုင်ရာ ကူညီထောက်ပံ့ပေးခြင်း၊ အမတော်ငွေ ပေးအပ်ခြင်း၊ အတိုးနှုန်းနည်းပါးသည့် ချေးငွေများထုတ်ပေးခြင်းနှင့် ၎င်းတို့၏ ကလေးငယ်များအား ပညာသင်ဆုပေးအပ်ခြင်း စသည့် ပြန်လည်ထူထောင်ရေး လုပ်ငန်းများ ဆောင်ရွက်ရန်လည်း ပါဝင်လေ၏။

    အိန္ဒိယတွင် မိလ္လာ အညစ်အကြေးများအား စွန့်ပစ်ရန် ခိုင်းစေမှုမှာ ဒါလစ် ဇာတ်နိမ့်မျိုးရိုးများအား ခွဲခြားဆက်ဆံမှုတွင် အဆိုးဝါးဆုံးပုံစံ ဖြစ်လေသည်။ ဒါလစ်မျိုးနွယ်များအား ဇာတ်မြစ် မျိုးရိုးများက ရာစုနှစ်ပေါင်း များစွာကြာ ဆေးဖေါ်ကြောဖက်မလုပ်ကြဘဲ၊ ထိတွေ့ကိုင်တွယ်ခြင်းပင် မပြုကြ။

    အဆိုပါ ဒါလစ်မျိုးနွယ်တွင် မိလ္လာ အညစ်အကြေး စွန့်ပစ်သူအဖြစ် လုပ်ကိုင်ရသူ အများစုမှာ အမျိုးသမီးများဖြစ်ကြသည်ဟု ကုလ၏ မှတ်တမ်းများတွင် ဖော်ပြထားသည်။ မိလ္လာ အညစ်အကြေး သန့်ရှင်းခြင်းနှင့် ဒါလစ်မျိုးနွယ်များမှာ ခွဲခြား၍မရချေ။

    ၂၀၁၂ ခုနှစ်အထိ မိလ္လာ အညစ်အကြေး စွန့်ပစ်သူအဖြစ် လုပ်ကိုင်ခဲ့ရသူ အသက် ၂၅ နှစ်အရွယ် ဘလက်ရ်ှဝါရီက သူမအား မည်သူကမှ အိမ်အတွင်းသို့ ၀င်ခွင့်မပေးဘဲ၊ အစားအသောက်များကိုလည်း အဝေးမှသာ သူမ၏လက်တွင်းသို့ ပစ်ထည့်ပေးကြသည်ဟု လူ့အသိုင်းအ၀ိုင်းမှ ပစ်ပယ်ခံရမှုကို ဖွင့်ဟခဲ့သည်။

    သူမတို့အား ကိုင်တွယ်ထိတွေ့ခြင်း မပြုကြသော်လည်း မိလ္လာအညစ်အကြေး စွန့်ပစ်သည့် အလုပ်ကို တစ်ရက် မပျက်လာရောက်ရန်နှင့် လူစားထိုးခြင်း မပြုလုပ်ရန် ၎င်းတို့က ပြောထားကြသည်။

    “တစ်ရက်လောက် ပျက်ရင် အညစ်အကြေးပုံကြီးက အရမ်းလေးသွားပြီး ပိုးကောင်တွေလည်း အဲဒီအထဲကနေ ထွက်လာပါတယ်။ ငရဲတမျှပါပဲရှင်” ဟု ဘလက်ရ်ှဝါရီက စိတ်ပျက်အားငယ်စွာဖြင့်ဆို၏။

    ကိုယ့်နည်းကိုယ့်ဟန်ဖြင့် မိလ္လာ အညစ်ကြေးရှင်းလင်းခြင်းတွင် အကာအကွယ် မရှိသည့် မိလ္လာကန်များ၊ မိလ္လာမြောင်းများ တည်ဆောက်ခြင်းလည်း ပါဝင်သည်။ ထိုသို့ဆောက်လုပ်ခြင်းမှာ ကျန်းမာရေးအတွက် အန္တရာယ်ရှိ၏။ တစ်အိမ်တွင် အိမ်သာတစ်လုံး မရှိခြင်းက အညစ်အကြေးစွန့်ရန် သီးခြားနေရာများကို ရှာဖွေရသည့် အမျိုးသမီးများ အတွက်လည်း အလွန်အန္တရာယ်ရှိလေသည်။

    ထိုစနစ်မျိုးပပျောက်ရန် ထုတ်ပြန်ထားသည့် ဥပဒေအတွင်း ရေလောင်းအိမ်သာများ ဆောက်လုပ်ရန်ပါဝင်ပြီး ဆောက်လုပ်ရေးလုပ်ငန်းများကို ဥပဒေစတင်ပြီး ၉ လအတွင်း ဒေသတွင်း အာဏာပိုင်များက ပြီးဆုံးအောင်လုပ်ရန်အတွက်လည်း သတ်မှတ်ထားသည်။ ထို့ပြင် ထိုကာလအတွင်း ပြည်သူများကလည်း ၎င်းတို့၏ စုပေါင်းတွင်းအိမ်သာများကို ဖျက်ဆီးပစ်ရန် လိုအပ်လေသည်။

    သြဂုတ်လ ၁၅ ရက်နေ့က ကျရောက်ခဲ့သည့် အိန္ဒိယနိုင်ငံ လွတ်လပ်ရေးနေ့တွင် ၀န်ကြီးချုပ် နာရန်ဒရာ မိုဒီက “သန့်ရှင်းသော အိန္ဒိယ” ဟူသည့် လှုပ်ရှားမှုတစ်ခု စတင်ရန် ကြေညာခဲ့သည်။ ထိုလှုပ်ရှားမှုကြောင့် တစ်နှစ်အတွင်း အိန္ဒိယရှိ ကျောင်းတိုင်းတွင် မိန်းကလေးများအတွက် သီးသန့် အိမ်သာများထားရန် ဥပဒေ ထွက်ပေါ်လာခဲ့သည်။ သို့သော် ထိုဥပဒေအား အောက်ခြေ လူတန်းစားအထိ ပြန့်နှံ့ရောက်ရှိစေရန်အတွက် ပြည်နယ်အစိုးရက လုပ်ဆောင်ရန်လိုအပ်သည်ဟု လူ့အခွင့်အရေး လှုပ်ရှားသူများက ဆိုလေသည်။

    စနစ်ကျသည့် မိလ္လာသန့်ရှင်းရေးစနစ်ဖြစ်ပေါ်လာရေး မိုဒီက ရှ့တန်းတင်ပြောဆိုသော်ငြား ထိုဥပဒေကို အောက်ခြေလူတန်းစား အထိ ပြန့်နှံ့ရောက်ရှိအောင် ပြည်နယ် အစိုးရများက ဆောင်ရွက်ရေးအတွက် ဗဟို အစိုးရမှ သေသေချာချာ ကြီးကြပ်ရမည်ဟု တောင်အာရှ လူ့အခွင့်အရေး စောင့်ကြည့်မှု အဖွဲ့မှ မီနက်ခ်ရှိ ဂန်ဂူလီက ဆိုသည်။

    “ဥပဒေဆိုတာကြီးကို ကျင့်သုံးစရာ မလိုပါဘူးဆိုတဲ့ အတွေးက လူတွေမှာ အရိုးစွဲနေပါပြီ။ အစိုးရနဲ့ ရဲတပ်ဖွဲ့ကလည်း ကြားဝင်ဆောင်ရွက်ခြင်းမရှိပါဘူး” ဟု ဂန်ဂူလီက ဖွင့်ဟခဲ့ပြီး လူမှုဖူလုံရေး အတွက် ဗဟိုအစိုးရထံမှ ထောက်ပံ့ငွေများကို ပြည်နယ်အစိုးရနှင့် ရပ်ကွက်ကောင်စီတို့က ရရှိနေပြီး ဥပဒေအား အကောင်အထည် မဖေါ်သည့် ကိစ္စအတွက် ၎င်းတို့က တာဝန် ယူသင့်သည်ဟုလည်း ပြောကြားခဲ့လေသည်။

    “ဒေလီအစိုးရကနေ ရပ်ကွက်ကောင်စီအထိ ဒါတွေကို အကောင်အထည်ဖော် ဆောင်ရွက်ရမှာပါဗျာ”

    မိလ္လာအညစ်အကြေးစွန့်ပစ်ရေး အလုပ်သမများ
    —————————————————–
    အိန္ဒိယတွင် မိလ္လာအညစ်အကြေး စွန့်ပစ်ရသည့် အလုပ်သမား စုစုပေါင်း မည်မျှရှိသည်ဆိုသည့်နှင့်ပတ်သက်၍ တရားဝင်အချက်အလက်များမရှိ။ သို့သော် ၂၀၁၁ ခုနှစ် သန်းခေါင်စာရင်းကောက်ယူမှု အရ အိန္ဒိယနိုင်ငံ အတွင်း တွင်းအိမ်သာ အသုံးပြုသူ ၂.၆ သန်းရှိသည်ဟု သိရလေသည်။

    “ပြည်နယ်အစိုးရတိုင်းက ကိုယ့်နည်းကိုယ့်ဟန်နဲ့ မိလ္လာအညစ်အကြေး ရှင်းလင်းရေးကို အမြစ်ပြတ်အောင်လုပ်မယ်လို့ တရားရုံးချုပ်မှာ ကတိပေးခဲ့ကြပါတယ်။ ဒါပေမယ့် မိလ္လာအညစ်အကြေး စွန့်ပစ်သူအဖြစ် နိုင်ငံအတွင်းမှာ လုပ်ကိုင်နေရတဲ့ မိသားစုတွေက ၂ သိန်းကနေ ၃ သိန်းအထိ ရှိပါတယ်” ဟု ဗဟိုအစိုးရ ၀န်ကြီးဟောင်း ဂျိုင်ရန်  ရာမက်ရ်ှက ၂၀၁၂ ခုနှစ်တွင် ပြောကြားခဲ့သည်။

    ကိုယ့်နည်းကိုယ့်ဟန်ဖြင့် မိလ္လာအညစ်အကြေးရှင်းလင်းရေးနှင့် ပတ်သက်၍ ဥပဒေပြဌာန်းပြီး နောက်ပိုင်း ပြည်နယ် ၂၃ ခုတွင် မိလ္လာအညစ်အကြေးစွန့်ပစ်ရသူ  ၁၀၀၀ ကို တွေ့ရှိခဲ့ရပြီး စစ်တမ်းကောက်ယူမှုများကို ဆက်လက်လုပ်ဆောင်နေသည်ဟု အိန္ဒိယအစိုးရက ပြီးခဲ့သည့် သီတင်းပတ်ကပင် ပြောကြားခဲ့သည်။

    သို့သော်လည်း ၁၉၉၃ ခုနှစ်မှစ၍ ခေတ်အဆက်ဆက်မှ အစိုးရများမှာ ကိုယ့်နည်းကိုယ့်ဟန်ဖြင့် အညစ်အကြေးရှင်းလင်းရေးနှင့်ပတ်သက်၍ ဆောင်ရွက်ခဲ့သည့် ဥပဒေများမှာ အကောင်အထည်ဖော်နိုင်ခြင်း မရှိခဲ့။ ထိုဥပဒေများတွင် တွင်းအိမ်သာတည်ဆောက်ခြင်းအား တားမြစ်ခြင်း၊ မိလ္လာအညစ်အကြေး စွန့်ပစ်ရန် စေခိုင်း သူများကို ထောင်ဒဏ်တစ်နှစ်ချမှတ်ခြင်းတို့ ပါဝင်လေသည်။

    ကိုယ့်နည်းကိုယ်ဟန်ဖြင့် မိလ္လာအညစ်အကြေးရှင်းလင်းခြင်းကို မိလ္လာစနစ်ပြဿနာအဖြစ် ယခင်ဥပဒေအဟောင်းများတွင် သုံးသပ်ထားပြီး၊ ယခုဥပဒေအသစ်တွင်မူ လူတို့၏ အညစ်အကြေးများကို ကိုင်တွယ်ရခြင်းမှာ လူ့ဂုဏ်သိက္ခာအား ချိုးဖောက်ခြင်းသာ ဖြစ်သည်ဟူသော အချက်ဖြင့် ပတ်သက်ဆက်နွယ်ရမည်ဟု တက်ကြွလှုပ်ရှားသူများက ဆိုလေသည်။ သို့သော်လည်း အလုပ်သမားများအား အကာအကွယ်ဖြစ်စေသည့် ၀တ်စုံများ၊ အန္တရာယ်ကင်းသည့် ကိရိယာများသုံး၍ မိလ္လာပိုက်များ၊ မိလ္လာကန်များ ရှင်းလင်းခြင်းကို ဥပဒေသစ်က ခွင့်ပြုထားလေသည်။

    သို့သော်လည်း အချို့သော တက်ကြွလှုပ်ရှားသူများကမူ ၀တ်စုံများ လုံလုံလောက်လောက် မပေးနိုင်မည်ကို စိုးရိမ်နေပြီး ကိုယ့်နည်းကိုယ့်ဟန်ဖြင့် မိလ္လာအညစ်အကြေး ရှင်းလင်းခြင်းကို လုံးဝ ပိတ်ပစ်ရန် လိုလားနေလေသည်။

    အိန္ဒိယမှ မီးရထားများ
    ————————
    နိုင်ငံအလယ်ပိုင်း မဒ်ရာ ပရာဒက်ရ်ှတွင် အခြေစိုက်သည့် တက်ကြွလှုပ်ရှားသူ အာရှစ်ဖ် ရှာအစ်ခ်ကမူ အိန္ဒိယရထားလိုင်းများက မိလ္လာအညစ်အကြေးများကို ကိုင်တွယ် ရှင်းလင်းရခြင်း၏ အဓိကရင်းမြစ်ဖြစ်သည်ဟု ပြောကြားခဲ့သည်။  မီးရထားများမှ အိမ်သာများမှာ ဟောင်းလောင်းပေါက်များဖြစ်ပြီး လူတို့စွန့်ကြသည့် အညစ်အကြေးများမှာ ရထားလမ်းများပေါ်သို့ ကျရောက်သည်ဟု ၎င်းက ထောက်ပြ၏။

    “တစ်ယောက်ယောက်က ဒါကို လိုက်ကြုံးရပါတယ်။ ကျွန်တော်တို့အားလုံး ရထားတွေကိုသုံးတာကြောင့် ကောင်းမွန်တဲ့ အိမ်သာတွေရရှိဖို့ မီးရထားဌာနကို ကျွန်တော်တို့ ပြည်သူတွေက ဖိအားပေးဖို့လိုပါတယ်” ဟု အာရှစ်က ဆိုလေသည်။

    အိမ်သာအသစ်များ ဆောက်လုပ်ရန်အတွက် သမ္မတ မိုဒီက စိတ်အားထက်သန်နေသော်လည်း တက်ကြွလှုပ်ရှားသူများကမူ များပြားသော ပြည်သူအရေအတွက်နှင့် မိလ္လာစနစ်အခြေခံအဆောက်အဦးများ မလုံမလောက် ဖြစ်နေမည်ကို စိုးရိမ်မှုများ ရှိနေသည်။

    နိုင်ငံအနောက်ပိုင်း ဂူဂျာရတ်မြို့တွင် ရေလောင်းအိမ်သာ ၁၀ လုံးမှ အလုံး ၃၀ ခန့်အား လူပေါင်း ၂၀၀၀ မှ ၃၀၀၀ အထိ စုတ်စုတ်ချာချာသုံးစွဲနေရသည်ဟု အဟ်မီဒဘတ်မြို့တွင် အခြေစိုက်သည့် Jan Vikas အကျိုးအမြတ်မယူသောအဖွဲ့ကို ဦးဆောင်နေသူ ဂျီတန်ဒရာ ရတ်ဟွဒ်က ဆို၏။

    ထို့ပြင် မြို့အတွင်း ဟာလာဟင်းလင်းမစင်စွန့်သည့် နေရာ ၁၀၀ မှ အညစ်အကြေးများကို မိလ္လာအညစ်အကြေးစွန့်ပစ်ရသူများမှ ရှင်လင်းရသည်ကို မိမိတို့အဖွဲ့မှ တွေ့ရှိထားသည်ဟု ရတ်ဟွဒ်က ပြောကြားခဲ့သည်။ ထိုပြဿနာအား ပြေရှင်းရာတွင် အဆင့် ၃ ဆင့်လိုအပ်သည်ဟု ၎င်းက သုံးသပ်လေသည်။

    ထိုအဆင့်သုံးဆင့်မှာ လူတိုင်းအတွက် အိမ်သာများ လုံလောက်အောင် ဆောက်ပေးခြင်း၊ ကောင်းမွန်သည့် မိလ္လာမြောင်းစနစ်နှင့် ရေပေးဝေရေး စနစ်တို့ ဆောင်ရွက်ပေးခြင်း စသည်တို့ဖြစ်၏။

    ထိုပြင့် ကိုယ့်နည်းကိုယ့်ဟန်ဖြင့် အညစ်အကြေးရှင်းလင်းမှုနှင့် ပတ်သက်၍ ပြည်သူများ၏ စောဒကတက်မှုများကို စုစည်းကာ ရဲစခန်းမျာသို့ သွားရောက် တိုင်တန်းခဲ့သော်လည်း မအောင်မြင်ဟု ရာဟွဒ်က ဆိုလေသည်။

    “အချို့ရဲတပ်ဖွဲ့ဝင်တွေက ဥပဒေသစ်အကြောင်း မသိကြပါဘူး။ တစ်ချို့တွေကြတော့လည်း စီနီယာတွေဖြစ်တဲ့ မြို့နယ်အာဏာပိုင်တွေနဲ့ ထိပ်တိုက်တွေ့ ရမှာကို ကြောက်ကြပါတယ်” ဟု သူက ဆိုသည်။

    လိုအပ်ချက်နှင့် ရာစုနှစ်ပေါင်းများစွာကြာရှိနေသည့် အယူအဆများကြောင့် ဖြစ်ပေါ်လာခဲ့သည့် ကိုယ့်နည်းကိုယ့်ဟန်ဖြင့် အညစ်အကြေးရှင်းလင်းရေးစနစ် အမြစ်တွယ်နေသည့် လူ့အဖွဲ့အစည်းများအတွင်း ပြန်လည်ထူထောင်ရေးလုပ်ငန်းများ လုပ်ဆောင်ခြင်းမှာ ကြီးမားသည့် စိန်ခေါ်မှုဖြစ်သည်ဟု တက်ကြွလှုပ်ရှားသူများက ထောက်ပြကြသည်။

    အဆိုပါ လုပ်ငန်းများ လုပ်ဆောင်ရာတွင် ပြည်သူများ၏ စိတ်ထားနှင့် ကိုယ့်နည်းကိုယ့်ဟန်ဖြင့် အညစ်အကြေးရှင်းလင်းသည့် စနစ်တို့ကို ပြောင်းလဲရန် အတွက် ရေရှည်တည်တံ့မည့် အားထုတ်မှုများကို လိုအပ်သည်ဟု Sulabh International အဖွဲ့မှ ဘင်ဒက်ရ်ှဝါ ပါသက်က ပြောကြားခဲ့လေသည်။ ထို့အဖွဲ့မှာ ၁၉၇၀ ခုနှစ်ကတည်းက အိန္ဒိယနိုင်ငံတွင် အိမ်သာပေါင်း တစ်သန်းကျော်ကို ဆောက်လုပ်ပေးခဲ့သည့် အဖွဲ့ဖြစ်၏။

    “(ဇာတ်နိမ့်ဇာတ်မြင့်မခွဲဘဲ) လူတွေ အတူတကွထိုင်ပြီး လက်ရေတစ်ပြင်တည်း စားသောက်ဖို့၊ လူအချင်းချင်း မထိရ၊ မကိုင်ရဆိုတဲ့စနစ်ကြီးပပျောက်ဖို့ဆိုတာ ဥပဒေတစ်ခု ပြဌာန်းလိုက်တာနဲ့ ပြီးသွားမှာပါလို့ ထင်နေလို့မရပါဘူး” ဟု ပါသက်က ဆိုလေသည်။

    လွန်ခဲ့သည့် ၂ နှစ်က အသက် ၁၈ နှစ်အရွယ် ဆိုနမ်ဆိုသည့် အမျိုးသမီးငယ်မှာ မနက် မိုးလင်းသည်နှင့် တစ်ပြိုင်နက် မိလ္လာအညစ်အကြေးများကို စွန့်ပစ်ပေးရန် ခြင်းတောင်း ကိုင်၍ ထွက်ခဲ့ရသည်။ မိခင်ဖြစ်သူနှင့် အဘွားဖြစ်သူတို့မှာလည်း ထိုကဲ့သို့ လုပ်ရလေသည်။

    သို့သော်လည်း ယခုတွင်မူ ၎င်းတို့ သုံးဦးစလုံးမှာ Sulabh International မှ ဖွင့်လှစ်ထားသည့် လေ့ကျင့်ရေးစင်တာသို့ သွားရောက်ကာ သင်တန်းများ တက်နေကြပြီဖြစ်သည်။ ထိုစင်တာတွင် မနက်ပိုင်း၌ အင်္ဂလိပ်၊ သင်္ချာနှင့် ဟင်ဒီတို့ကို သင်ပေးပြီး ညနေပိုင်းတွင်မူ အသံပိုင်းဆိုင်ရာနှင့် ပတ်သက်၍ လေ့ကျင့်သင်ကြားပေးလေသည်။

    “နှစ်ပေါင်း ၄၀ လောက် မိလ္လာအညစ်အကြေးတွေ စွန့်ပစ်ပေးခဲ့ရတဲ့ အဘွားရဲ့ဘ၀ဟာ အခုတော့ ပြောင်းလဲသွားပါပြီ” ဟု ဆိုနမ်က ကြည်နူးစွာ ဖွင့်ဟခဲ့လေ၏။

    Aljazeera သတင်းဌာနတွင် ဖော်ပြခဲ့သည့် ဆောင်းပါးရှင် Betwa Sharma ၏ “India lower caste still removing human waste” ဆောင်းပါးကို ‘လေးမောင်’ မှ ဆီလျော်အောင် ဘာသာပြန်ဆိုပါသည်။

  • ကုလ (သို့မဟုတ်) ပါလက်စတိုင်း အရေး ထိရောက်စွာ မဖြေရှင်းနိုင်သူ

    သြဂုတ် ၂၄ ၊ ၂၀၁၄
    M-Media
    .လေးမောင် ဘာသာပြန်ဆိုသည်။
    _76455534_76455533
    – အစ္စရေးက ဂါဇာကမ်းမြှောင်အား ကျူးကျော်တိုက်ခိုက်မှုကို ရပ်တန့်ရန် ပြီးခဲ့သည့် လအတွင်း ဘန်ကီမွန်က တိုက်တွန်းခဲ့သော်လည်း ၎င်း၏ တိုက်တွန်းမှုကို အစ္စရေးက မကြားချင်ယောင် ဆောင်နေသည်။  “ရူးသွပ်မှုများ ရပ်တန့်ပါ” ဟု ဘန်က တိုက်တွန်းပြန်သည်။ အစ္စရေးကမူ သန်းဝေလျက်ပင် ရှိနေ၏။ လူသားချင်း စာနာထောက်ထားမှုဆိုင်ရာ အကူအညီပေးရန် အပစ်ရပ်ရေးအတွက် လေချိုသွေးထားသည့် ကြေညာချက်ထုတ်မှသာ အစ္စရေးက လက်ခံလေသည်။

    ထိုကြေညာချက်မှာ ပါလက်စတိုင်းများနှင့် အာရပ်များ၏ တောင်းဆိုမှုအနည်းငယ်ကို ရှားရှားပါးပါး လက်ခံခဲ့သည့် ကြေညာချက်ဖြစ်သည်။ သို့သော်လည်း အစ္စရေး ၀န်ကြီးချုပ် နေတန်ယာဟုကမူ ထိုကြေညာချက်မှာ ဟားမက်စ်တို့ကို အသာပေးထားသည်ဟုဆိုကာ ဆန့်ကျင်ရန် ကုလသမဂ္ဂ အထွေထွေအတွင်းရေးမှူး ဘန်ကီမွန်ကို တိုက်တွန်းခဲ့၏။  ထိုကြေညာချက်တွင် အစ္စရေး၊ ဟားမက်စ် မည်သူ့ကိုမှ အမည်တပ်၍ ဖော်ပြမထားသော်လည်း မည်သည့်အရာက မှန်သည်၊ မည်သည့်အရာက မှားသည်ဟု ဘန်ကီမွန်ကိုပင် နေတန်ယာဟုက လက်ချာပေးသည်။

    ပါလက်စတိုင်းသမ္မတ မဟ်မူးဒ်အဘတ်စ်ကမူ ဘန်အား ထိုကဲ့သို့ တောင်းဆိုမှုများမလုပ်ခဲ့။ သို့သော်လည်း ကမ္ဘာတစ်ဝှမ်းမှ ထင်ရှားသည့် ပညာရှင်များ၊ အန်ဂျီအိုအဖွဲ့များက ဘန်ကီမွန်ထံသို့ အိတ်ဖွင့်ပေးစာတစ်စောင်ပေးပိုခဲ့သည်။ ဥပဒေနှင့် တရားမျှတမှုဘက်မှ မရပ်တည်လျှင် ရာထူးမှ နှုတ်ထွက်ပါဟု ထိုစာ၌ ပြတ်ပြတ်သားသားပင် ရေးထားထားလေသည်။

    အစ္စရေးအား အကြမ်းဖက်တိုက်ခိုက်မှုကို လုပ်ဆောင်သူအဖြစ် ဘန်ကီမွန်က အမည်တပ် မဖော်ပြခဲ့သော ကြေညာချက်များကို ထိုအိတ်ဖွင့်ပေးစာတွင် ဖော်ပြထားပြီး “ကျူးကျော်သိမ်းပိုက်သူ” နှင့် “ကျူးကျော်သိမ်းပိုက်ခံရသူ” တို့ကို ကုလ၏ ကြေညာချက်များတွင် ခွဲခွဲခြားခြား ဖော်မပြဟုလည်း ၎င်းတို့က ဆိုသည်။

ုယခင် တောင်ကိုရီးယား နိုင်ငံခြားရေးဝန်ကြီးဖြစ်ပြီး ကုလသမဂ္ဂ အထွေထွေ အတွင်းရေးမှူးအဖြစ် နှစ်ကြိမ်တိုင်တိုင် တာဝန်ပေခြင်းခံထားရသည့် ဘန်ကီမွန်မှာ အများပြည်သူရှေ့မှောက်တွင် အမျိုးမျိုးသရုပ်ဆောင်ခဲ့သည်။ “တိုက်ခိုက်မှုများ ရပ်တန့်ပါ။ ရပ်တန့်ကြပါ” “ဒီလို ရူးနှမ်းမှုမျိုးကို ရပ်တန့်ပစ်ပါမယ်” စသဖြင့် တောင်းဆိုကာ ဒေါသကြီးသော သံတမန်တစ်ဦးအဖြစ် တစ်ဖုံ၊ အမေရိကန် အစိုးရ၏ ဦးဆောင်မှုကို လိုက်ရသော လက်တွေ့ကြသည့် နိုင်ငံရေးသမား အဖြစ်တစ်မျိုး၊ ကုလသမဂ္ဂအား ဦးဆောင်နေသည့် လုပ်ပိုင်ခွင့်မရှိသော အတွင်းရေးမှူးအဖြစ်တစ်ခါ ပုံစံအမျိုးအမျိုး ဖြစ်လေ၏။

    ကုလအတွင်းရေးမှူးဟောင်းများကဲ့သို့ပင် ၎င်းမှာလည်း ကုလသမဂ္ဂကြီး တစ်ညီတစ်ညွတ်တည်းဖြစ်မှသာ စွမ်းအားရှိလေသည်။ ၀မ်းနည်းစရာကောင်းသည်က ကမ္ဘာတစ်ဝှမ်းတွင် ဖြစ်ပွားသည့် ကိစ္စရပ်များအတွက် မရှိမဖြစ်အဖွဲ့ဖြစ်သည်ဟု သက်သေပြခဲ့သည့် ကုလမှာ ပါလက်စတိုင်းကိစ္စနှင့် ပတ်သက်လာလျှင် အသုံးမကျတော့။

    အစ္စရေး၏ ဗိုလ်ကျမှုအတွက် တုံ့ပြန်သော ကုလ၏ သံတမန်ရေးရာ စကားရပ်များတွင် “တိုက်တွန်းပါသည်” ဆိုခြင်းက “မိမိတို့မကြိုက် သို့သော် နည်းနည်းမျှပင် အရေးမယူ” ဟု ဆိုလိုသည်။ “ကန့်ကွက်လိုက်သည်” ဟူသောစကားလုံးက “မိမိတို့ လက်မခံ သို့သော် သင်တို့ကြိုက်သလို့ လွတ်လွတ်လပ်လပ် လုပ်နိုင်သည်” ဟု အဓိပ္ပါယ်ရလေ၏။ “ရှုတ်ချလိုက်သည်” ဆိုသည့် စကားလုံးကမူ “မိမိတို့အနေဖြင့် အလွန် စိတ်မကောင်းဖြစ်မိသည်။ သို့သော် ၀င်မပါ” ဟူ၍ပင်။ “အပစ်ရပ်ပါ” ဟူသည့် စကားကတော့ “အသင်တို့ မရပ်ပါက မိမိတို့က သတိပေးမည်။ အခြားသူများက မိမိတို့အား သတိပေးပါက နောက်တစ်ကြိမ် ပြန်လာမည်” ဟူ၍ပင် ဖြစ်ပေသည်။

    ပါလက်စတိုင်းအတွက် အရာမရောက်

    လွန်ခဲ့သည့် ဆယ်စုနှစ်အနည်းငယ်အတွင်း ပါလက်စတိုင်း ပိုင်နက်၌ အစ္စရေး၏ တိုက်ခိုက်မှုများ၊ တရားမ၀င်အိမ်ရာဆောက်လုပ်မှု၊ ပါလက်စတိုင်း များကို မောင်းထုတ်မှု၊ ပါလက်စတိုင်း ပိုင်နက်အား သိမ်းပိုက်မှုတို့နှင့်ပတ်သက်၍ ကုလသမဂ္ဂက ရာနှင့်ချီသော ဆုံးဖြတ်ချက်များထုတ်ပြန်ခဲ့ကာ အစ္စရေး၏ လုပ်ရပ်များအား ပြစ်တင်ခဲ့သည်။ ကန့်ကွက်ခဲ့သည်။ ထိုကဲ့သို့ မလုပ်ရန် တိုက်တွန်းခဲ့သည်။ အကြံပေးခဲ့သည်။ ရှုတ်ချခဲ့သည်။ သိုသော်လည်း ထိုဆုံးဖြတ်ချက်အားလုံးက အစ္စရေးက လစ်လျူရှုခဲ့လေသည်။

    ပါလက်စတိုင်းအား အစ္စရေး၏ ဗိုလ်ကျမှုအတွက် တုံ့ပြန်သော ကုလ၏ သံတမန်ရေးရာ စကားရပ်များတွင် “တိုက်တွန်းပါသည်” ဆိုခြင်းက “မိမိတို့မကြိုက် သို့သော် နည်းနည်းမျှပင် အရေးမယူ” ဟု ဆိုလိုသည်။ “ကန့်ကွက်လိုက်သည်” ဟူသောစကားလုံးက “မိမိတို့ လက်မခံ သို့သော် သင်တို့ကြိုက်သလို့ လွတ်လွတ်လပ်လပ် လုပ်နိုင်သည်” ဟု အဓိပ္ပါယ်ရလေ၏။ “ရှုတ်ချလိုက်သည်” ဆိုသည့် စကားလုံးကမူ “မိမိတို့အနေဖြင့် အလွန်စိတ်မကောင်းဖြစ်မိသည်။ သို့သော် ၀င်မပါ” ဟူ၍ပင်။ “အပစ်ရပ်ပါ” ဟူသည့် စကားကတော့ “အသင်တို့ မရပ်ပါက မိမိတို့က သတိပေးမည်။ အခြားသူများက မိမိတို့အား သတိပေးပါက နောက်တစ်ကြိမ် ပြန်လာမည်” ဟူ၍ပင် ဖြစ်ပေသည်။

    ၀မ်းနည်းစရာကောင်းသည်က ကုလလုံခြုံရေးကောင်စီမှ နောက်ဆုံးထုတ်ပြန်သော ကြေညာချက်တွင်ပင် မည်သည့် ဝေဖန်ပိုင်းခြားမှုမျိုးမှ မပါခဲ့။ “ဂါဇာနှင့် ဆက်စပ်နေသည့် ပြဿနာတွင် အရပ်သားများ အသက်ဆုံးရှုံးကာ ထိခိုက်ဒဏ်ရာရရှိသူများ များပြားလာခြင်းကြောင့် အရှေ့အလယ်ပိုင်းဒေသ အခြေအနေ ယိုယွင်းလာမှုနှင့် စပ်လျဉ်း၍ မိမိတို့ လုံခြုံရေးကောင်စီမှ အလွန်အမင်း စိုးရိမ်မိပါသည်” ဟူ၍သာ ဖော်ပြခဲ့လေသည်။

    ၂၀၁၂ ခုနှစ်က ကုလတွင် အဖွဲ့ဝင်မဟုတ်သော စောင့်ကြည့်လေ့လာသူအဖြစ် သတ်မှတ်ခံခဲ့ရသည့် ပါလက်စတိုင်းပိုင်နက်များကို အစ္စရေးမှ ကျူးကျော်သိမ်းပိုက်နေခြင်းကိုပင် မရပ်တန့်နိုင်ခဲ့သည့် ကုလ၏ ယခုဆုံးဖြတ်ချက်ကလည်း လက်တွေ့တွင် ထိထိရောက်ရောက် ဖြစ်မလာခဲ့။

    သံတမန်ရေးဘောလုံးကွင်းဖြစ်နေသော ပါလက်စတိုင်း

    အိုးအိမ်စွန့်ခွာ ထွက်ပြေးရပြီး၊ မွေးရပ်မြေအား သိမ်းပိုက်ခြင်းခံထားရသူ ပါလက်စတိုင်းတို့၏ ဒုက္ခသုက္ခနှင့် စပ်လျဉ်း၍ စာရွက်ပေါ်တွင် ပြုလုပ်ခဲ့သည့် ကုလ၏ ဆောင်ရွက်ချက်များကဲ့သို့ အခြားကိစ္စရပ်များတွင် လုပ်ဆောင်ခဲ့ခြင်းမရှိ။ သို့သော်လည်း ပြီးခဲ့သည့် နှစ်ပေါင်း ၆၀ ကာလတစ်လျှောက် ထိုဆောင်ရွက်ချက်များမှ ထွက်ပေါ်လာသော ဆုံးဖြတ်ချက် ရာပေါင်းများစွာမှာ ကောင်အထည်ပေါ်မလာခဲ့။ ပိုဆိုးသည်က ဂရုပင် မစိုက်ခဲ့ကြချေ။

    ကုလ၏ နိုင်ငံရေးစွမ်းအားများ နွံနစ်ခဲ့ရခြင်းမှာလည်း ပါလက်စတိုင်းကိစ္စထက် အခြားဘယ်ကိစ္စတွင်မှမရှိ။ ပါလက်စတိုင်း-အစ္စရေး ပြဿနာတွင် ကုလ၏ အရာမရောက်မှုမှာ စစ်အေးခေတ်ပြိုင်ဘက်နိုင်ငံများကြောင့်လည်း ပါဝင်သည်။ ဒါကပင် ၁၉၄၇ ခုနှစ်မှ ၁၉၉၀ ခုနှစ် ကုလသမဂ္ဂ အထွေထွေညီလာခံက အတည်ပြုခဲ့သည့် ဆုံးဖြတ်ချက် ၆၉၀ ၏ ထက်ဝက်ကျော်မှာ မည်သည့်အတွက်ကြောင့် ဖြစ်မလာခဲ့သည်ဆိုသည့် အဖြေပင် ဖြစ်လေသည်။

    ပါလက်စတိုင်းပိုင်နက်များကို အစ္စရေးက သိမ်းပိုက်မှုအား ရပ်တန့်ရေး ကုလ၏ ကြားဝင်ဆောင်ရွက်မှုကို ပျက်ပြယ်စေရန်အတွက် အမေရိကန်က ဦးဆောင်ကာ ပြုလုပ်နေသည်။ အစ္စရေး၏ ပေါ်လစီများကို ဝေဖန်ထားသည့် ကုလ၏ ဆုံးဖြတ်ချက် ၄၀ ကျော်ကို အမေရိကန် တစ်ဦးတည်းက ဗီတိုသုံး၍ ပယ်ချခဲ့သည်။ ထိုဆုံးဖြတ်ချက်များတွင် အမေရိကန်၏ မဟာမိတ်များကိုယ်တိုင် တင်သွင်းခဲ့သော ဆုံးဖြတ်ချက်များလည်း ပါဝင်၏။

    ထိုနှောက်ယှက်မှုများက သိမ်းပိုက်မှု အဆုံးသတ်ရေးနှင့် ပြဿနာဖြေရှင်းရေးတို့တွင် ကုလမှာ အဓိကအခန်းကဏ္ဍမှ ပါဝင်နိုင်သည် ဆိုသော မျှော်လင့်ချက်များကို လျော့ပါးစေပြီး ပျောက်ပျက် သွားနိုင်လေသည်။ ၀မ်းနည်းဖွယ်ကောင်းသည်က နောက်ဆုံးတွင် ရလဒ်မှာ မည်သည့် အဖွဲ့အတွက်မှ အကျိုးမရှိစေဘဲ၊ ဒေသအတွင်း တည်ငြိမ်ရေးကိုလည်း ကူညီနိုင်မည် မဟုတ်ချေ။

    ဘော့စနီးယား၊ ကိုဆိုဗို၊ ဆိုမာလီယာ၊ ကူဝိတ်၊ အီရတ်၊ အာဖဂန်၊ ဆီးရီးယား-လက်ဘနွန် ယခုနောက်ဆုံး တောင်ဆူဒန်တို့အပါအ၀င် စစ်အေးခေတ်အလွန် ပြဿနာ အများစုအား ကုလမှ တိုက်ရိုက်ပါဝင် ဖြေရှင်းမှုများမှာ ထင်သာမြင်သာရှိခဲ့သည်။ သို့သော် အရှည်ကြာဆုံး ပြဿနာဖြစ်သည့် ပါလက်စတိုင်း ကိစ္စမှာ ထိုအထဲတွင် မပါဝင်ခဲ့။

    ထိုနည်းတူစွာ လူသားချင်း စာနာထောက်ထားမှုဆိုင်ရာ ကိစ္စရပ်များနှင့် နိုင်ငံရေးဆိုင်ရာ ကြားဝင်ရေးအတွက် ကုလ၏ မေတ္တာရပ်ခံမှုများ၊ တောင်းဆိုမှုများအားလုံးမှာ မသိကျိုးနွံ ပြုခံခဲ့ရသည်။ ကုလမှ ပါဝင်ဆောင်ရွက်နိုင်ခဲ့သည့် တစ်ခုတည်းသော ကိစ္စမှာ ၁၉၉၇ ခုနှစ်တွင် အစ္စရေးက မတရားသိမ်းယူထားသည့် ပါလက်စတိုင်းပိုင် ဟီဘရွန်ဒေသသို့ ကုလမှ လက်နက်မဲ့ စစ်ဆေးရေးအရာရှိ အနည်းငယ်ကို စေလွှတ်ခြင်းပင်ဖြစ်သည်။ သို့သော်လည်း ထိုအချိန်က ဖြစ်ပွားနေသော ဥပဒေချိုးဖောက်များအတွက် လူသိရှင်ကြား ပြောဆိုရန် ၎င်းတို့တွင် အခွင့်အာဏာမရှိခဲ့။

    ၀ါရှင်တန်က ကြားဝင်သော ငြိမ်းချမ်းရေးလုပ်ငန်းစဉ် ပျက်ပြယ်ပြီးနောက် ကုလအား နိုင်ငံရေးဆိုင်ရာ အဓိကအခန်းကဏ္ဍမှ ပါဝင်ရန် ခွင့်ပြုခဲ့သည်။ အီးယူ၊ ရုရှားတို့နှင့်အတူ အမေရိကန်ပြုသမျှ နုရသည့် အဆင့်သာဖြစ်၏။

    ရှက်စရာကောင်းသည်

    ပြီးခဲ့သည့် နှစ်ပေါင်း ၄၀ တွင် ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်များနှင့် ပတ်သက်သည့် အရာအားလုံးကို အစ္စရေးက ချိုးဖောက်ခဲ့၏။ ထိုဆုံးဖြတ်ချက်များတွင် ဂျေရုစလင် အပါအ၀င် ၁၉၆၇ ခုနှစ်မှစတင်က ကျူးကျော်သိမ်းပိုက်ထားသည့် အာရပ်နှင့် ပါလက်စတိုင်းတို့၏ နည်မြေတည်ဆောက်ပုံများ၊ ပထ၀ီ အနေအထားများနှင့် အမှတ်သညာများကို ပြောင်းပစ်ရန် အစ္စရေးတို့၏ လုပ်ဆောင်ချက်များကို ပြင်းပြင်းထန်ထန် ကန့်ကွက် ရှုတ်ချထားသည့် ၁၉၈၀ တွင် ထုတ်ပြန်သော ဆုံးဖြတ်ချက်အမှတ် ၄၆၅ လည်း ပါဝင်လေသည်။

    ၁၉၆၇ ခုမှစ၍ အာရပ်တို့၏ နယ်မြေများအား အစ္စရေးက ကျူးကျော်သိမ်းပိုက်မှုများကို ရပ်တန့်ရန် လိုအပ်သည်ဟု ထပ်မံဖော်ပြထားသော ဆုံးဖြတ်ချက်အမှတ် ၄၇၆ မှာလည်း ပယ်ချခြင်း ခံခဲ့ရလေသည်။ အမေရိကန်နှင့် အစ္စရေးတို့ လက်ခံသည့် တစ်ခုတည်းသော ကုလ၏ ဆုံးဖြတ်ချက်မှာ ၁၉၆၇ ခုနှစ်က အတည်ပြုခဲ့သည့် ဆုံးဖြတ်ချက် အမှတ် ၂၄၂ ဖြစ်ဖြစ်ပြီး ထိုဆုံးဖြတ်ချက်မှာ အခြေခံ သံတမန်ရေး ဖြစ်စဉ်ဖြစ်၏။ ထိုဆုံးဖြတ်ချက်တွင် “အင်အားသုံး၍ ပိုက်နက်များအား သိမ်းပိုက်မှုကို လက်မခံနိုင်ပါ” ဟု ဖော်ပြထားသော်လည်း အစ္စရေးကမူ ထိုဆုံးဖြတ်ချက်ကို စနစ်တကျချိုးဖောက်ကာ ပါလက်စတိုင်း ပိုက်နက်အတွင်း တရားမ၀င်အိမ်ရာများကို ဆက်လက် ဆောက်လုပ်နေခဲ့လေသည်။

    အစ္စရေးက အမြတ်ထွက်နေပြီး ပါလက်စတိုင်းက ဘေးဒုက္ခနှင့် ရင်ဆိုင်နေရသည့် ထိုကိစ္စတွင် နိုင်ငံတကာအသိုင်းအ၀ိုင်း ဆိုသည်က “နိုင်ငံတကာနှင့် ဆိုင်သော” သို့မဟုတ် “လူ့အသိုင်းအ၀ိုင်း” ကဲ့သို့သော ပြုမူဆောင်ရွက်ခြင်းမျိုး မရှိခဲ့။ ပို၍ ဆိုးဝါးသည်က အနောက်နိုင်ငံများကို ရည်ညွှန်းသည့် “နိုင်ငံတကာအသိုင်းအ၀ိုင်း” အတွက် ဆောင်ရွက်ကြသူများကသာ ပါလက်စတိုင်းတွင် ကုလ၏ ဆုံးဖြတ်ချက်များ အကောင်အထည်ဖော်မှုကို နှောက်ယှက်ကြသူများ ဖြစ်ခဲ့လေ၏။

    ထိုအခြေအနေမှာပင် ကုလသမဂ္ဂ အထွေထွေညီလာခံက ပြဌာန်းခဲ့သည့် ဆုံးဖြတ်ချက် ၁၉၄ ကို အစ္စရေးက လက်ခံခဲ့သည်။ အဖွဲ့ဝင်နိုင်ငံများအနေဖြင့် ကုလ၏ ဆုံးဖြတ်ချက်များကို လေးစားရမည်ဆိုသည့် ကတိက၀တ်ကြောင့်ဖြစ်ပြီး ထိုဆုံးဖြတ်ချက်တွင်ပါဝင်သည့် ပါလက်စတိုင်းဒုက္ခသည်များအား အိမ်ပြန်ပို့ရေးကို အကောင်အထည်ဖော်ခဲ့လေသည်။ သို့သော်လည်း တစ်သန်းကျော်သော ထိုဒုက္ခသည်များက ဂါဇာကမ်းမြှောင်ဒေသ အစ္စရေး၏ ပိတ်ဆို့မှုအောက်တွင် ဒုက္ခများ ဆက်လက်ခံစားနေရစဲပင် ဖြစ်လေသည်။

    မကြာသေးခင်က ဂါဇာဒေသအပေါ် အစ္စရေးက ကျူးကျော်တိုက်ခိုက်မှုများ ပြုလုပ်ခဲ့သည်။ ထိုပြဿနာအတွက် လုံခြုံရေးကောင်စီက တုံ့ပြန်မှုများ လုပ်ခဲ့၏။ သို့သော် မိတ်ဖက်များကြား ဖြန်ဖြေသကဲ့သို့သာဖြစ်ပြီး ပါလက်စတိုင်းဒုက္ခသည်များ ဆယ်စုနှစ်ပေါင်းများစွာ ဒုက္ခများကို ခါးခါးသီးသီး ခံစားနေရသည်ဆိုသည့်အချက်ကို ထည့်သွင်းမစဉ်းစားခဲ့ပေ။

    ကုလအတွင်းရေးမှူးဟောင်း ကိုဖီအန်နန်ကမူ ပါလက်စတိုင်း-အစ္စရေး ပြဿနာအား ဖြေရှင်းရန်နှင့် ဆယ်စုနှစ်ပေါင်းများစွာကြာမြင့်နေသည့် ပါလက်စတိုင်း ပိုင်နက်များအား အစ္စရေးက သိမ်းပိုက်မှုကို အဆုံးသတ်ရန် မစွမ်းဆောင်နိုင်မှုက ကုလသမဂ္ဂ၏ ဂုဏ်သိက္ခာကို ထိခိုက်စေပြီး အဖွဲ့ကြီး၏ ဘက်မလိုက်ရေး မူဝါဒနှင့် ပတ်သက်၍ မေးခွန်းထုတ်စရာ ဖြစ်လာမည်ဟု သတိပေးခဲ့လေသည်။

    ထိုထက်ပိုအရေးကြီးသည်က ပါလက်စတိုင်းဒေသ မတည်ငြိမ်ခြင်း၊ အစ္စရေးတို့၏ အနိုင်ကျင့်မှုများကို ပါလက်စတိုင်း ပြည်သူများ ခါးစည်းခံနေရခြင်းပင် ဖြစ်ပေတော့သည်။

    အလ်ဂျဇီးယားသတင်းဌာနမှာ ဆောင်းပါးရှင် Marwan Bishara ၏ On the UN and war in Gaza  ခေါင်းစဉ်ဖြင့် ဆောင်းပါးကို လေးမောင် ဆီလျော်အောင် မြန်မာမှုပြုပါသည်။

  • နှုတ်ပိတ်ခံထားရတဲ့ အမည်နာမ

    နှုတ်ပိတ်ခံထားရတဲ့ အမည်နာမ

    သြဂုတ် ၁၉၊ ၂၀၁၄
    M-Media

    .မြင့်မိုရ်မောင်မောင် မြန်မာမှုပြုသည်။

    Rohingya refugee_ap_360_1
    ရခိုင်ပြည်နုယ်၊ စစ်တွေမြို့မြောက်ဖက် ဒါးပိုင်စခန်းရှိ ယာယီတဲအတွင်း အရေပြားရောဂါ ဝေဒနာ ခံစားနေရရှာသော သမီးငယ်လေးကို ပွေ့ချီထားသည့် ရိုဟင်ဂျာ ဒုက္ခသည် အမျိုးသမီးတစ်ဦး (အေပီ)

    မြန်မာနိုင်ငံက ဦးချိုးခံ ရိုဟင်ဂျာမွတ်စ်လင်မ်တွေဟာ နိုင်ငံသားအဖြစ်မှ ငြင်းပယ်ခံထားရပါတယ်။ လူမျိုးရေးခွဲခြားအကြမ်းဖက်မှုမှာ ဆိုးဆိုးရွားရွား ပစ်မှတ်ထားခံနေရတယ်။ ထောက်ပံ့မှုမဲ့ ညစ်ညစ်ပတ်ပတ်စခန်းများထဲမှာ ပိတ်လှောင်ထိန်းချုပ်ခံနေ ရပါတယ်။ မြန်မာအစိုးရက ပြည်ပ အရာရှိများကို ရိုဟင်ဂျာဆိုတဲ့ အမည်နာမအသုံးမပြု မပြောဆိုအောင်၊ ပြီးတော့ ဒီနည်းဗျူဟာ သက်ဝင်လာအောင် ဖိအားပေးနေခြင်းဟာ ကိုယ့်သိက္ခာကိုယ်ချနေခြင်းပါလို့ အကျယ်တ၀င့် ဆိုရပါလိမ့်မယ်။

    နိုင်ငံတွင်း ဗုဒ္ဓဘာသာဝင်နဲ့ မွတ်စ်လင်မ်များအကြား တင်းမာမှုဂယက်ကို ရှောင်ရှားသောအားဖြင့် လူထုအတွင်း အဲ့ဒီအသုံးအနှုန်းကို ရှောင်ကြဉ်ခဲ့ရတယ်လို့ ကုလသမဂ္ဂ၀န်ထမ်းများက ဆိုပါတယ်။ ပြီးတော့ အမေရိကန် နိုင်ငံခြားရေးဝန်ကြီး ဂျွန်ကယ်ရီဟာ မကြာသေးမီက မြန်မာခေါင်းဆောင်များ နဲ့ တွေ့ဆုံပြီးချိန်မှာ – အမည်နာမပြဿနာကို ပယ်ချထားသင့်တယ်လို့ အမေရိကန်မှ ထင်မြင်ကြောင်း  အထက်တန်း အရာရှိတစ်ဦးက သတင်းထောက်များကို ပြောကြားလိုက်ပါတယ်။

    ဒီအပေါ် ယူကေက မြန်မာရိုဟင်ဂျာ အရေးလှုပ်ရှားမှုအသင်းရဲ့ ဥက္ကဌ ဦးထွန်းခင်ကို စိတ်ပျက်လက်ပျက် ဖြစ်သွားစေပါတယ်။ အဲ့ဒီအသုံးအနှုန်းကို အသုံးမပြုခြင်းနဲ့တစ်ကွ ဖိနှိပ်ရေးမူဝါဒကို အာဏာပိုင်တွေက ပူးပေါင်းဆောင်ရွက်လိုက်ခြင်းဖြစ်တယ်လို့ သူက ဒီလိုဆိုပါတယ်။

    “ ရိုဟင်ဂျာ ဆိုတဲ့ စကားလုံးကိုပင်လျှင် အသုံးမပြုတဲ့သူတွေက ရိုဟင်ဂျာတွေရဲ့အခွင့်အရေးတွေကို ဘယ်လို ကာကွယ်ပေးမှာတဲ့လဲ ? ”

    ရိုဟ် အင်း ဂါဟ် လို့ အသံထွက်ရတဲ့ ရိုဟင်ဂျာတွေကို တရားဝင်သတ်မှတ်ထားတဲ့ တိုင်းရင်းသားလူမျိုး (၁၃၅)စုထဲ မပါဝင်လို့ မြန်မာ အာဏာပိုင်များက ဘင်္ဂလားဒေ့ရ်ှဖက်ကနေ တရားမ၀င် ရွှေ့ပြောင်းဝင်ရောက်လာသူများအဖြစ် အမြင်ထားရှိပြီး ကာလကြာညောင်းစွာ ကတည်းက ခွဲခြားဆက်ဆံလာခဲ့ကြတယ်။ ဆယ်စုနှစ်များစွာကြာညောင်းခဲ့တဲ့ စစ်အုပ်ချုပ်ရေးကို ဖွင့်လှစ်လိုက်ပြီးနောက် လူဦးရေပမာဏ (၁.၃)သန်းဝန်းကျင်ရှိတဲ့ ဒီနယ်မြေမဲ့လူနည်းစုဝင်တွေ အပေါ် ပိုမိုဆိုးဝါးစွာ ဆက်ဆံလာတာကို တွေ့ရပါတယ်။   လူများစုဗုဒ္ဓဘာသာဝင်များအနက် အစွန်းရောက်လူအုပ်စုတွေက သူတို့ကို အိုးအိမ်မဲ့အောင်လုပ်၊ လူ (၂၈၀)ဦးအထိ သတ်ဖြတ်လိုက်တဲ့ လွန်ခဲ့တဲ့ (၂)နှစ်ကတည်းကစလို့ ရိုဟင်ဂျာပေါင်း တစ်သိန်းလေးသောင်းထက် မနည်း ပြည့်ညှပ်ကျဉ်းမြောင်းလှတဲ့ စခန်းများအတွင်း ပိတ်လှောင်ခံနေရတယ်။

    ရိုဟင်ဂျာကိုဆန့်ကျင်တဲ့ လူမျိုးခွဲခြားရေးဝါဒ ကျယ်ပြန့်လာပါတယ်။ လူမျိုးရေးအကြမ်းဖက်မှုထဲမှာ မျိုးဖြုတ်သုတ်သင်မှုလက္ခဏာများကို တွေ့မြင်နေရကြောင်း အချို့က ဆိုနေပါတယ်။

    သူတို့ကို ကာကွယ်စောင့်ရှောက်ပေးဖို့ အမေရိကန်ပြည်ထောင်စုက အာဏာပိုင်တွေကို တိုက်တွန်းထားပါတယ်။ လွန်ခဲ့တဲ့တစ်နှစ်ကျော် သမ္မတ ဘားရက် အိုဘားမား မြန်မာနိုင်ငံကို အလည်အပတ်ရောက်စဉ်က ရန်ကုန်တက္ကသိုလ်မှာ “ အပြစ်မဲ့လူသားတွေအပေါ် အကြမ်းဖက်ခြင်း အတွက် ဆင်ခြေဆင်လက်ပေးစရာ မလိုပါဘူး။ ရိုဟင်ဂျာတွေဟာ ကျွန်တော်တို့ ခင်ဗျားတို့အတိုင်း တူညီသောဂုဏ်သိက္ခာကို ပိုင်ဆိုင်ထားကြပါတယ် ” လို့ ပြောကြားခဲ့တယ်။

    ဒါပေမယ့် ဒီလအတွင်း ရောက်ခဲ့တဲ့ မစ္စတာကယ်ရီရော၊ ဇွန်လအတွင်း ရောက်ခဲ့တဲ့ ကုလလူ့အခွင့်အရေး ထိပ်တန်း သံတမန် တွမ် မာလီနော့စကီးပါ လူမျိုးရေးအကြမ်းဖက်မှု ပိုမိုဆိုးဝါးလာတဲ့ ရခိုင်ပြည်နယ် အနေအထားသစ်တွေ အပေါ် ပြောဆိုတဲ့အခါမှာ ဒီအသုံးအနှုန်းကို အသုံးမပြုခဲ့ကြပါဘူး။ ဗုဒ္ဓဘာသာဝင်လူရမ်းကားတစ်စုက မြန်မာပြည်အနောက်ပိုင်းရှိ ရိုဟင်ဂျာနဲ့ အခြားမွတ်စ်လင်မ်တွေကို တိုက်ခိုက်ရာကနေ နိုင်ငံအနှံ့ ပြန့်နှံ့သွားပါတယ်။ ဒါဟာ နိုင်ငံတွင်းက စပ်ကူးမပ်ကူး ဒီမိုကရေစီ အသွင်ကူးပြောင်းရေးကို ဘာသာရေး အကဲဆတ်မှုအားဖြင့် ဖြိုလဲပစ်တာပါဘဲ။

    အမေရိကန်တာဝန်ရှိသူ တစ်ဦးအနေနဲ့ ဒီ(ရိုဟင်ဂျာ)အသုံးအနှုန်းကို မြန်မာလူ့အဖွဲ့အစည်းက လက်ခံလာအောင် တွန်းအားပေးရမယ့် အစား ပြောဆိုခွင့် မပေးလိုို့ဆိုပြီး အမည်မတပ်ဘဲ ပြောဆိုနေခြင်း၊ ဘင်္ဂါလီ စကားလုံးအပါအ၀င် မြန်မာအစိုးရရဲ့ ခွဲခြားချိုးနှိမ်ရေးအသုံးအနှုန်းတွေကို လက်ခံအသုံးပြုနေခြင်းဟာ ပဋိပက္ခကို ဖိတ်ခေါ်နေခြင်းသာ ဖြစ်ပါတယ်။ သို့တစေ အမေရိကန်အစိုးရကတော့ မိမိရဲ့မူဝါဒအရ ရိုဟင်ဂျာလို့ဘဲ မပြောင်းလဲဘဲ ဆက်လက်ခေါ်ဆိုသွားမယ်လို့ ပြောပါတယ်။

    ပြည်ပကူညီရေး လုပ်သားများဟာလည်း ဒီတင်းမာမှုထဲ ညှပ်ခံခဲ့ရပါတယ်။ အကြမ်းဖက်မှုကြောင့် အိုးအိမ်မဲ့ရတဲ့ လက်တစ်ဆုပ်စာ ဗုဒ္ဓဘာသာဝင်တွေအပေါ် မကူညီဘူး၊ ဒုက္ခသည် မွတ်စ်လင်မ်များအပေါ်သာ အဓိကထားကူညီနေတယ် ဆိုတဲ့ စွပ်စွဲချက်နဲ့ ကူညီရေးလုပ်သားတို့ရဲ့ ရုံးနဲ့နေအိမ်များကို တစ်ဖက်ပိတ် ဗုဒ္ဓဘာသာဝင်များက တိုက်ခိုက်ခဲ့ကြတယ်။ နယ်စည်းမထား ဆရာဝန်များအဖွဲ့ကိုလည်း အစိုးရက ဖေဖော်ဝါရီလ အတွင်းမှာ နှင်ထုတ်ခဲ့လို့ ပြန်လည် ၀င်ရောက်ခွင့်ရနိုင်အောင် စောင့်စားနေရဆဲ ဖြစ်ပါတယ်။

    လူသားချင်းစာနာထောက်ထားမှု အနေအထားကတော့ ဆိုးသထက်ဆိုးရွားလာနေပါတယ်။ မတ်လနဲ့ ဇွန်လထက်စာရင် အာဟာရချို့တဲ့မှုခံစားရတဲ့ ပမာဏဟာ နှစ်ဆကျော် တိုးပွားလာတယ်လို့ ကုလသမဂ္ဂက ပြောကြားပါတယ်။ ပြီးခဲ့တဲ့လ မြန်မာနိုင်ငံဆိုင်ရာ  လူ့အခွင့်အရေး ထိပ်တန်းကုလသံတမန် ယန်ဟီလီ ရောက်လာတော့ ဒီအခြေအနေကို ကြောက်ခမန်း လိလိအနေအထား လို့ ခေါ်ဆိုခဲ့ပါတယ်။

    လူနည်းစုဝင်တွေဟာ နိုင်ငံသား၊ လူမျိုး၊ ဘာသာ၊ စကားဆိုင်ရာ ကိုယ်ပိုင်ဝိသေသအတိုင်း ကိုယ်ပိုင်သတ်မှတ် ခွင့်ရှိတဲ့အကြောင်း နိုင်ငံတကာ ဥပဒေလမ်းကြောင်းအောက်က သတိပေးခဲ့သော်လည်း ရိုဟင်ဂျာဆိုတဲ့ အမည်နာမကို အသုံးမပြုဖို့ မြန်မာအစိုးရက သူမကို ထပ်ပြန်တလဲလဲ ပြောဆိုခဲ့ကြောင်း ယန်ဟီလီက ပြောပြပါတယ်။

    မြန်မာနိုင်ငံသားတွေဟာ အဲ့ဒီအမည်နာမကို ဘယ်တုန်းကမှ လက်မခံခဲ့ဘူးလို့ မြန်မာ အစိုးရ ပြန်ကြားရေးဝန်ကြီး ဦးရဲထွဋ်က အေပီ သတင်းဌာနဆီ ပေးပို့တဲ့ အီးမေးလ်တစ်စောင်မှာ ဆိုထားပါတယ်။ (၁၉၅၀)နှစ်များအတွင်း ခွဲထွက်ရေး အုပ်စုတစ်စုက အဲ့ဒီအမည်နာမကို တီထွင်ခဲ့ကြောင်း၊ (၁၉၉၀)နှစ်များအတွင်း ပြည်ဝင်ခွင့် ပိတ်ပင်ခံရတဲ့ တက်ကြွလှုပ်ရှားသူများက ကုလသမဂ္ဂမှာ မြန်မာစစ်အစိုးရဟောင်းအပေါ် ဖိအားပေးဖို့  ဒီစကားလုံးကို အသုံးပြုခဲ့တာဖြစ်ကြောင်း သူက ဆိုပါတယ်။

    ရခိုင်ဒေသသမိုင်းကျွမ်းကျင်သူ Jacques Leider ရဲ့အဆိုအရ ရခိုင်ပြည်နယ်က မွတ်စ်လင်မ် လူ့အဖွဲ့အစည်းဟာ မိမိတို့ကိုယ်ကို ရိုဟင်ဂျာဆိုတဲ့ အသုံးအနှုန်းကို ခေါ်ဝေါ် အသုံးပြုခဲ့ကြောင်း ဗြိတိသျှစာရေးဆရာ တစ်ဦးက ရေးသားဖော်ပြထား ပါတယ်။ အဲ့ဒီစာအုပ်ကို (၁၇၉၉)ခုနှစ်က ထုတ်ဝေခဲ့တာပါ။ ဒါဟာ လတ်တစ်လောထွက်ပေါ်လာတဲ့ အထောက်အထားပါ။

    (၁၈၂၃)ခုနှစ် စစ်ပွဲနောက်ပိုင်းက စတင်ပြီး မြန်မာနိုင်ငံဟာ ဗြိတိသျှကိုလိုနီ အုပ်ချုပ်ရေးအောက် ရောက်ရှိခဲ့တယ်။ မိမိတို့ဟာ အဲ့ဒီကာလ မတိုင်မီကတည်းက ရခိုင်ပြည်နယ် အတွင်း အခြေချနေထိုင်ခဲ့တဲ့ မွတ်စ်လင်မ်လူ့အဖွဲ့အစည်းကနေ ဆင်းသက်လာ သူတွေဖြစ်ပါတယ်လို့ ရိုဟင်ဂျာခေါင်းဆောင်များက ဆိုပါတယ်။ ဗြိတိသျှအုပ်စိုးစဉ်ကာလမှာ ဘင်္ဂလားနယ်ဖက်က မွတ်စ်လင်မ်တွေကို လွတ်လပ်စွာ ရွှေ့ပြောင်းဝင်ရောက်ခွင့် ပေးခဲ့တယ်။ (၁၈၂၃)ခုနှစ်နောက်ပိုင်း နိုင်ငံတွင်း ရောက်ရှိလာ သူများရဲ့မျိုးဆက်တွေကို ပြည့်ဝနိုင်ငံသားအဖြစ် လက်မခံကြောင်း လက်ရှိမြန်မာနိုင်ငံ ဥပဒေက ငြင်းပယ်ထားပါတယ်။

    အမည်နာမအငြင်းပွားမှုက နိုင်ငံ့အမည်ဟောင်း ဗမာ(Burma)နဲ့ စစ်အာဏာရှင်အစိုးရက (၁၉၈၉)ခုနှစ်မှာ ကင်ပွန်းတပ်ပေးခဲ့တဲ့ အမည်သစ် မြန်မာ(Myanmar) ဆိုတဲ့ ကိစ္စကို ပြန်ပြောင်း အမှတ်ရသွားစေပါတယ်။ အမေရိကန်အရာရှိများက ရင်းနှီးမှုလက္ခဏာအဖြစ် မြန်မာလို့ သုံးနှုန်းနေပေမယ့်လည်း ၀ါရှင်တန်ကတော့ Burma လို့သာ သုံးနှုန်းခေါ်ဝေါ်နေဆဲ ဖြစ်ပါတယ်။ အဓိပ္ပာယ်ကွဲပြားမှုက ကွာဟကြီးထွားလွန်းနေလို့ပဲ ဖြစ်ပါတယ်။

    မိမိကိုယ်ကို ရိုဟင်ဂျာလို့ ဖော်ညွှန်းသတ်မှတ်တဲ့ ရိုဟင်ဂျာတွေဟာ ယခုနှစ်နွေရာသီအတွင်း ကုလပံ့ပိုးမှုဖြစ်တဲ့ ပြည်လုံးကျွတ်သန်းခေါင်စာရင်းထဲက ဖယ်ထုတ်ခံခဲ့ရတယ်။ သူတို့အနေနဲ့ ခရီးသွားလာမှု၊ အလုပ်အကိုင်၊ ပညာရေး၊ ရယူနိုင်တဲ့ ကလေးအရေအတွက်တွေအပေါ် ချည်နှောင် တင်းကြပ်ထားခြင်းကို ရင်ဆိုင်နေရပါတယ်။ (၁၉၇၀)ခုနှစ်များ ကာလကတည်းက မြန်မာပြည် တွင်းကနေ အဓမ္မမောင်းထုတ်မှုတွေကြောင့် အလွတ်ရုန်းခဲ့တဲ့သူတွေကိုလည်း ဘင်္ဂလားဒေ့ရ်ှဖက်ကလည်း ကြိုဆိုမှု မရှိခဲ့ပါဘူး။

    အစိုးရရဲ့ ရိုးမယ်ဖွဲ့ ရမယ်ရှာမှုကြောင့်ဖြစ်စေ၊ ထိပ်တိုက်တွေ့ခြင်းကို ရှောင်လွှဲ လိုတာကြောင့်ဖြစ်စေ မြန်မာနိုင်ငံ ထဲရှိ နိုင်ငံခြားသံရုံးဝန်ထမ်းများ နဲ့ ကူညီ ကယ်ဆယ်ရေးအေဂျင်စီတို့ဟာ ရိုဟင်ဂျာဆိုတဲ့ အသုံးအနှုန်းကို မပြောဆို သလောက်ဖြစ်လာကြတယ်။ မွတ်စ်လင်မ်တွေလို့ဘဲ ပြီးစလွယ် (ခြုံငုံ)ခေါ်ဆို လိုက်ကြတယ်။ ဇွန်လတုန်းက ကုလသမဂ္ဂရဲ့ ကလေးသူငယ်များအေဂျင်စီက တင်ပြဆွေးနွေးမှုတစ်ခုမှာ ရိုဟင်ဂျာဆိုတဲ့ အသုံးအနှုန်း အသုံးပြုဖို့ မေတ္တာရပ်ခံတဲ့အခါမှာ လူ့အခွင့်အရေး လှုပ်ရှားနေသူများဖက်က ဝေဖန်ရှုတ်ချမှုကိုပင်လျှင် ခံခဲ့ရပါတယ်။

    “ ဒီအသုံးအနှုန်းကို အသုံးမပြုတဲ့ လူသားချင်းစာနာထောက်ထားကူညီရေးအေဂျင်စီ သို့မဟုတ် အလှူရှင်တိုင်းက အခြေခံလူ့အခွင့်အရေးဥပဒေဆိုင်ရာ ကျင့်ဝတ် စည်းမျဉ်းတွေကို ဖောက်ဖျက် ယုံတင်မကပါဘူး – ခေတ်သစ် လူသားချင်းစာနာထောက်ထားရေးဆိုင်ရာ ဘယ်ပရောဂျက်မှာ မဆို ခြေချဖို့တောင် မထိုက်တန်တဲ့ သူရဲဘောကြောင်မှုကို ထုတ်ဖော်ပြသလိုက်တာပါပဲ ” လို့ မြန်မာနိုင်ငံလူ့အခွင့်အရေးစောင့်ကြည့်မှုအဖွဲ့ အကြီးတန်းသုတေသီ David Mathieson က ပြောကြားလိုက်ပါတော့တယ်။

    AP သတင်းဌာနမှ တင်ဆက်ခဲ့တဲ့ Name of Muslim Group in Myanmar Goes Unspoken သတင်းဆောင်းပါးကို မြင့်မိုရ်မောင်မောင် ဆီလျော်အောင် မြန်မာမှုပြုပါသည်။

  • ခမ်းနားကြီးကျယ်မှု အစဉ်အလာနဲ့ စိုးရိမ်စိတ်ပျက်ဖွယ် အခြေအနေကြားက အီရတ်နိုင်ငံ

    ခမ်းနားကြီးကျယ်မှု အစဉ်အလာနဲ့ စိုးရိမ်စိတ်ပျက်ဖွယ် အခြေအနေကြားက အီရတ်နိုင်ငံ

    သြဂုတ် ၁၇ ၊ ၂၀၁၄
    M-Media
    .မြတ်ဇော် ဘာသာပြန်ဆိုသည်။
    IraqIsisCrossingsWEB230614
    ကမ္ဘာ့သမိုင်းမှာ အီရတ်နိုင်ငံလို အဖြစ်အပျက်အနေအထားမျိုး ခပ်ရှားရှားပဲရှိတယ်။ အီရတ်ဟာ လက်ရှိ အခြေအနေမှာ ဒေသဆိုင်ရာ ဒါမှမဟုတ် ကမ္ဘာလုံးဆိုင်ရာမှာ မအောင်မြင် စိတ်ပျက်ဖွယ် နိုင်ငံရေး အခြေအနေမှာရှိနေတယ်။ ဒါပေမယ့် အတိတ်ကာလတွေမှာ အဲ့ဒီလို မဟုတ်ခဲ့ပါ။ လူ့သမိုင်း တိုးတက်ဖြစ်ထွန်းမှုတွေဖြစ်တဲ့ အနုပညာ၊ ယဉ်ကျေးမှု၊ ကဗျာစာပေ၊ သင်ကြားမှု၊ ဗိသုကာ၊ စက်မှုလက်မှု၊ ဆည်မြောင်း၊ ဘာသာရေးရာတို့နဲ့ အခြားနယ်ပယ်တွေမှာ အီရတ်နိုင်ငံသားတွေဟာ ထိပ်ဆုံးဆိုတဲ့ အထွတ်အထိတ်နေရာတွေကနေ ဦးဆောင်ခဲ့ကြတယ်။ အီရတ်နိုင်ငံပဲ ကျွန်တော်တို့ ဖြစ်စေချင်သလိုဖြစ်လာနိုင်သလို ကျွန်တော်တို့ကြောက်ရွံ့တဲ့ ပုံစံမျိုးလည်းဖြစ်လာနိုင်တယ်။ သမိုင်းပညာရှင်တွေနဲ့ လက်ရှိဝေဖန် အကဲခတ်သူတွေက လက်ရှိနိုင်ငံရေးရာ ကစင့်ကလျားဖြစ်နေမှု၊ နိုင်ငံရေး မတည်ငြိမ်မှု၊ ကျယ်ပြန့်တဲ့ခြစားမှုတွေ၊ လုံခြုံရေးအကြီးအကျယ် လျော့နည်းမှုတွေနဲ့ လွဲမှားတဲ့ အတွေးအခေါ်အပေါ် အခြေခံတဲ့ ပြန့်နှံ့နေတဲ့ “အစ္စလာမ့်နိုင်ငံတော်” (Islamic State -IS) ဆိုတဲ့ အကြောင်းအရာတွေ အပေါ် တစ်နည်းအားဖြင့် အီရတ်ရဲ့ ဆုတ်ယုတ် ကျဆင်းမှုရဲ့လက်သည် တရားခံကို ရှည်ကြာစွာဆွေးနွေးကြပါလိမ့်မယ်။

    ဒီအဖြစ်အပျက်တွေကနေ သင်ခန်းစာယူပြီး နောက်ဒါမျိုးမဖြစ်ပျက်အောင် အီရတ်ရဲ့ လက်ရှိဆိုးရွားတဲ့အနေအထားကို လမ်းခင်းပေးခဲ့တဲ့ အကြောင်းအရပ်တစ်ချို့ကို စဉ်းစားကြည့်ရအောင်ပါ။ အီရတ်ရဲ့ အနေအထားဖြစ်ပျက်ပုံဟာ မထင်မှတ်တဲ့ ထူးထူးခြားခြားဖြစ်ပျက်ပုံကြီးတော့လည်း မဟုတ်လှပါဘူး။ အရှေ့အလယ်ပိုင်းက နိုင်ငံတွေမှာ အလားတူအခြေအနေအဖြစ်အပျက်မျိုးတွေကို ပုံသွင်းတဲ့ အချက်အလက်တွေရှိနေပါသေးတယ်။ ဒီထဲမှာ တစ်ဦးတည်းလိုသလို ချုပ်ကိုင် အုပ်ချုပ်ခဲ့တဲ့ အာဏာရှင်ကြောင့် ခြစားမှုတွေဖြစ်ခဲ့တယ်။ နောက်ဖွဲ့စည်းအုပ်ချုပ်ပုံရဲ့ အရည်အသွေးမပြည့်မီမှု၊ အီရတ်ရဲ့အရေးကိစ္စတွေမှာ ဒေသတွင်းက စနစ်တကျဝင် စွက်ဖက်မှုတွေ၊နိုင်ငံခြားနဲ့ ပြင်ပစစ်တပ်က ဝင်ရောက် သိမ်းပိုက်တိုက်ခိုက်မှုတွေ၊ လူမှုရေးနဲ့ စီးပွားရေးရာမှာ မှားယွင်းတဲ့ စီမံခန့်ခွဲမှုတွေ၊ လူမျိုးစုနွယ်တွေရဲ့ ကိုယ်ပိုင် အုပ်ချုပ်ခွင့် အခွင့်အရေးတန်း တူညီမျှမှုအတွက်ပဲ အာရုံစိုက်လွန်းမှုက ပြည်ထောင်စု ဗဟိုအစိုးရ စနစ်ကို ပျက်ယွင်းချိနဲ့စေတာတွေ၊ မျိုးနွယ်တစ်ခုတည်းက အင်အားကြီးသူ တစ်ဦးတည်း အုပ်ချုပ်ဖို့ကြိုးစားမှုတွေ၊ ခုမကြာသေးခင်ကပဲ ဘာသာရေးကို အသုံးချပြီး သူတို့ရည်ရွယ်ချက်ကို ရအောင်ဖန်တီးနေတဲ့ (ISIL) ရဲ့စစ်ရေး အကြမ်းဖက် သိမ်းပိုက်မှုတွေက အဓိက အချက်အလက်တွေဖြစ်ပါတယ်။

    ဒီလိုထိလွယ်ရှလွယ်အဖြစ်အပျက်မျိုးတွေ အာရဗ်နိုင်ငံအများစုမှာ ကြုံတွေ့နေရတုန်းပါပဲ။ ဥပမာ ဆီးရီးယား ၊လစ်ဗျား၊ ယီမင်၊ ဆူဒန် တို့မှာ ဒါ့အအပြင် တမူထူးခြားတဲ့ပုံစံနဲ့ လက်ဘနွန် နဲ့ အယ်လ်ဂျီးရီးယားမှာ နောက် အီဂျစ်မှာတောင် ဒီလိုကြုံနေရတယ်။ ဒီအန္တရာယ်ရှိတဲ့အခြေအနေကို အီရတ် ဘယ်လိုရောက်လာသလဲဆိုတဲ့ အချက်အလက်တွေ ထုတ်ပြရတယ် လွယ်ပေမယ့် ဒီအကျပ်အတည်း၊ ရှုပ်ထွေးမှုတွေကနေ ရုန်းထွက်ပြီး ပုံမှန် တိုးတက်မှုနဲ့ အေးချမ်းတည်ငြိမ်တဲ့ လမ်းပေါ်ပြန်ရောက်ဖို့ကတော့ ခက်ခဲလှပါတယ်။

    ဘယ်ကစကြမလဲပေါ့ ? အစက လုပ်ခဲ့သလို သမ္မတ အသစ် ၊ ဝန်ကြီးချုပ် အသစ်ပြန်ရွေးတာက စမလား ? IS ရဲ့ ကျယ်ပြန့်မှုတွေကို ရပ်တံ့အောင် အမေရိကန်က လေကြောင်းကူပစ်ပေးတာနဲ့ ကာဒ့် စစ်တပ်ကို လက်နက်တပ်ပေးတာတွေကကော ? IS အန္တရာယ်ကို တွန်းလှန်ဖို့အတွက် ရှိရင်းစွဲ အီရတ်စစ်တပ်ကိုပဲ အားဖြည့်ပေးမလား ? အီရတ်နိုင်ငံသားတွေကိုယ်တိုင်ပဲ နိုင်ငံရဲ့ အခြေခံအဆောက်အဦးတွေဖြစ်တဲ့ လက်နက်ကိုင်တပ်တွေ၊ ပညာရေး ၊ ကျန်းမာရေး နဲ့ ရေနံစက်ရုံတွေကို ပြန်လည် အားဖြည့်တည်ဆောက်မလား ? ကွဲပြားတဲ့ မျိုးနွယ်စု တစ်ခုတည်းအပေါ် အခြေမခံဘဲ အားလုံးပါဝင်ပြီး ညီမျှတဲ့ အုပ်ချုပ်မှု စနစ်ကိုပြန်အကောင်အထည်ဖော်မလား? ခြစားမှုတွေကို တိုက်ဖျက်မလား ?

    တကယ်တော့ဒါတွေအားလုံးဆက်တိုက်ဆိုသလို လုပ်သွားရမှာပါပဲ။ အီရတ်ထဲက လူသိများ ထင်ရှားသူတွေကတော့ ရဲရဲ့ဝံ့ဝံ့ ဒါတွေကို လုပ်နေသူတွေတော့ ရှိပါရဲ့။ ဒါပေမယ့် IS အဖွဲ့ရဲ့ ကျယ်ပြန့်မှုတွေ ရပ်သွားအောင်နဲ့ နောက်ပြန် ဆုတ်သွားအောင်လုပ်ဖို့က ပိုအရေးကြီးနေတယ်။ အကြောင်းက IS အဖွဲ့ ကျယ်ပြန့်လာတာနဲ့အမျှ အီရတ်အစိုးရရဲ့ အားနည်မှုနဲ့ ယိုင်နဲ့မှုတို့ဟာ တိုက်ရိုက်အချိုးကျတဲ့ အကျိုးဆက်တွေဖြစ်နေလို့ပါပဲ။ သူတို့နိုင်ငံကို ပြန်ထူထောင်မယ့် အီရတ်နိုင်ငံသားတွေ အတွက်တော့ ထိထိရောက်ရောက်နဲ့ အမျိုးသားရေး စိတ်ဓာတ်နိုးကြားလာစေဖို့၊ အီရတ်နိုင်ငံသား အားလုံးအတွက် ကာကွယ်ရမယ်ဆိုတဲ့ နိုင်ငံသား တစ်ယောက်ချင်းရဲ့ အဓိပ္ပာယ်ပြည့်ဝစွာ နားလည်မှုတို့အတွက် နိုင်ငံသားအားလုံး ညီညွတ်စွာ IS ကိုတိုက်ထုတ်နိုင်ရမယ်။

    ဒီလိုတိုက်ထုတ်နိုင်ဖို့အတွက်တော့ ရေတို စီမံချက်အရ အီရတ်ကို ပြန်လည် အင်အားစုနိုင်အောင် နိုင်ငံခြား စစ်တပ်အကူအညီတော့ မလွဲမသွေလိုအပ်တယ်။ ခုချိန်မှာ တကယ့်ကိုပဲ အီရတ်နိုင်ငံသားတွေ၊ အီရန်၊ ဆော်ဒီ၊ တူရီကီ ၊ ဂျော်ဒန် အမေရိကန် စတဲ့ နိုင်ငံတွေနဲ့ အခြား IS ကို ဆန့်ကျင်တဲ့နိုင်ငံတွေက အမှန်တကယ် လိုလိုလားလားနဲ့ ပူးပေါင်းဖို့လိုတယ်။ တကယ်တော့ အဲ့ဒီအကူအညီပေးသင့်တဲ့ နိုင်ငံတွေ ကိုယ်တိုင်လည်း IS နဲ့ အလားတူ အဖွဲ့တွေရဲ့ခြိမ်းခြောက်မှုကို ခံနေရတာပဲဖြစ်တယ်။ သူတို့အားလုံးရဲ့ ပူးပေါင်းမှုနဲ့ အီရတ်မှာ မငြိမ်မသက်မှုတွေ၊ အကြမ်းဖက်မှုတွေဖြစ်ပျက်နေတဲ့ အဓိကတရားခံကို အလွယ်တကူပဲ ဖယ်ရှားပေးနိုင်တယ်။ ဒီအကြမ်းဖက်အဖွဲ့ကို ချုပ်ငြိမ်းသွားအောင်လုပ်နိုင်တယ်။ တကယ်လို့ IS ကို ဒီအတိုင်းလွှတ်ထားပေးလို့ လူထုထောက်ခံမှုနဲ့ တရားဝင်နယ်မြေ သိမ်းပိုက်ထားမှုတွေ ဖြစ်လာရင် ပိုပြီးဖယ်ရှားရခက်လာလိမ့်မယ်။

    IS အဖွဲ့ကကြွေးကြော်တဲ့ Islamic State ဟာ အာရဗ်တွေနှစ်ပေါင်းများစွာ ခံစားခံရတဲ့ ဗဟိုအာဏာရှင်တစ်ဦးတည်း ချူပ်ကိုင်အုပ်ချုပ်ခဲ့တဲ့ စနစ်ထက်ပိုကောင်းဖို့ မရှိသလို မြင်တွေ့နေရတဲ့ အတိုင်း ဆိုးရွားဖို့ပဲရှိတယ်။ အီရတ် ကိုယ်တိုင်ကတော့ ဒီအနေအထားတွေရဲ့ စမ်းသပ်မှုထဲရောက်နေခဲ့ပါပြီ ….။

  • မကောင်းဆိုးဝါးမွှေတဲ့ ဒုက္ခ (The Straits Times မှ ဘာသာပြန် ဆောင်းပါး)

    ဇွန် ၅ ၊ ၂၀၁၃
    M-Media
    ဘာသာပြန်-ကိုလေး

    ယခင်အစိုးရဟောင်းအုပ်စုများထဲက မြေတောင်မြှောက်ပေးခဲ့တဲ့ ပြည်တွင်းအကြမ်းဖက်ဂိုဏ်းက ဒီမိုကရေစီကို ဖြိုလဲပျက်ပြားစေဖို့လုပ်ဆောင်နေတယ်လို့ တချို့ကပြောနေကြတယ်။

    Old monsters stirring up trouble

    အေးဆေးငြိမ်းချမ်းတဲ့ ရှမ်းပြည်နယ် လားရှိုးမှာ လွန်ခဲ့တဲ့ သီတင်းပတ်က (၂)ရက်ကြာ အကြမ်းဖက်မှုကြောင့် လူ ၈-ယောက်သေဆုံးခဲ့ပေမယ့် အစိုးရသတင်းက ၂-ယောက်သာ သေသည်ဟု သတင်းထုတ်ပြန်ခဲ့တယ်။ ဒီလို  ယခင်နဲ့ပုံစံတူ တစ်နိုင်ငံလုံးကို တုန်လှုပ်ချောက်ခြားစေတဲ့ နောက်ထပ်သွေးမြေကျမှု ပုံရိပ်များဟာ မြန်မာနိုင်ငံရဲ့ပုံမှန် ဖြစ်ရိုးဖြစ်စဉ်လို ဖြစ်နေပါပြီ။ စံနစ်တကျ ဖွဲ့စည်းထားတဲ့ အကြမ်းဖက်လူအုပ်စုဟာ မြို့ထဲဝင်ရောက်လာပြီး မွတ်စလင်မ်တွေကို ပစ်မှတ်ထား တိုက်ခိုက်ခဲ့တာဖြစ်တယ်။

    ဒီလို တိုက်ခိုက်မှုနောက်ကွယ်မှာ ဘယ်သူရှိတာကို အမျိုးမျိုးထင်ကြေးပေးနေကြသော်လည်း၊ ဒီလိုဖြစ်ရပ်တွေဟာ အစိုးရရဲ့ ဥပဒေစိုးမိုးရေးလုပ်ဆောင်ချက်တွေကို စိန်ခေါ်နေပါတယ်။ အရေးအကြီးဆုံးက လူမျိုး၊ ဘာသာ ပေါင်းစုံနေထိုင်တဲ့ မြန်မာနိုင်ငံရဲ့ ဒီမိုကရေစီဟာ ဒီဖြစ်ရပ်ဆိုးတွေနဲ့ တွေ့ကြုံစမ်းသပ်ခံနေရပါတယ်။

    ရှေ့အပတ် နေပြည်တော်မှာ ကမ္ဘာ့စီးပွားရေး forum ကို စဖို့ရှိတဲ့အတွက် ယခုအခါ လားရှိုးမြို့မှာ တည်ငြိမ်အောင် စစ်တပ်ချထားရပါတယ်။

    ဒီလိုဖြစ်ရပ်တွေ ဆက်လက်ဖြစ်ပေါ်နေခြင်းဟာ အစိုးရက အကြိမ်ကြိမ်ပေးထားတဲ့ ဥပဒေစိုးမိုးရေးဆောင်ရွက်နေတယ် ဆိုတဲ့ ကတိတွေ၊ ခွဲခြားမှုမရှိပါဘူးဆိုတဲ့အပြောတွေနဲ့ ဆန့်ကျင်ဖက်ဖြစ်နေတယ်။  ပြည်ပမှာ ရင်းနှီးမြှုပ်နှံလိုသူတွေ၊ စောင့်ကြည့်လေ့လာနေသူတွေက ဆယ်စုနှစ်များစွာ စစ်တပ်နှင့်လက်နက်ကိုင် တိုင်းရင်းသားတွေအကြား -စစ်တပ်နဲ့အစိုးရအကြားမှာ တစ်နည်းမဟုတ်တစ်နည်း ရှုပ်ထွေးပွေလီကွဲပြဲနေတဲ့ မြန်မာနိုင်ငံကို ဘယ်လိုမှ နားမလည်နိုင်အောင် ရှိနေပါတယ်။

    လားရှိုးမှာ ဗုဒ္ဓဘာသာဝင် ရှမ်းလူမျိုးနဲ့ မွတ်စလင်မ်ကြားမှာ ဘာပြဿနာမှ မရှိခဲ့ပါဘူး။ ယခင်အပတ်က တိုက်ခိုက်ခံရတဲ့ မွတ်စလင်မ်တွေကို ရှမ်းဘုန်းကြီးများက သူတို့ရဲ့ ဘုန်းကြီးကျောင်းမှာ ကာကွယ်ခိုလှုံခွင့်ပေးထားခဲ့ပါတယ်။

    ရှမ်းဘုန်းကြီးအုပ်စုတစ်စုက ဒီလို စတင်အကြမ်းဖက်တာ ဗမာတွေကလုပ်တာ၊ ရှမ်းတွေကလုပ်တာ မဟုတ်ဘူးလို့ ပြောပါတယ်။ ဒီပြဿနာကို စဖြစ်စေတဲ့ ဗုဒ္ဓဘာသာ အမျိုးသမီးကို မီးရှို့တဲ့ မွတ်စလင်မ်ဆိုသူဟာ လားရှိုးမြို့က မဟုတ်ပါဘူးလို့ လားရှိုးမြို့ခံတွေက ပြောပါတယ်။ ဘယ်ကလာမှန်းမသိတဲ့ အပြင်လူတွေ ရုတ်တရက်ပေါ်လာပြီး ဗလီတစ်လုံး၊ မိဘမဲ့ကလေးကျောင်း နဲ့ မွတ်စလင်မ်အိမ်တွေကို စတင်ဖျက်ဆီးခဲ့ကြတာလို့ပြောကြတယ်။

    လူ ၄၀ ကျော် သတ်ဖြတ်ခံရတဲ့ မိတ္ထီလာက မွတ်စလင်မ်တွကို အကြမ်းဖက်မှု၊ ပဲခူးမြို့က ဖျက်ဆီးမှုလုပ်ရပ်တွေဟာလည်း မြို့ပြင်ပမှ လူတွေ ပြုလုပ်ခဲ့တယ်ဟု မြို့ခံများက ပြောပါတယ်။

    လုံခြုံရေးတပ်ဖွဲ့တချို့ဆီက ကြားသိချက်အရ အကြမ်းဖက်အုပ်စုတွေဟာ အဓိကအားဖြင့် စွမ်းအားရှင်အဖွဲ့ဝင်တွေ ဖြစ်တယ်လို့ သိရပါတယ်။ စွမ်းအားရှင်ဆိုတာ ယခင် စစ်အစိုးရလက်ထက်က ငြိမ်းချမ်းစွာ ဆန္ဒပြသူများကို ဖြိုခွင်းဖို့ စနစ်တကျ သင်ကြားပေးထားတဲ့ လက်ရဲဇက်ရဲ လူမိုက်လူယုတ်တွေ၊ ရာဇ၀တ်မှုကျူးလွန်ခဲ့သူတွေ၊ ကြံရာပါတွေနဲ့ ပါဝင်ဖွဲ့စည်းပေးထားတဲ့ အဖွဲ့ဖြစ်ပါတယ်။ စွမ်းအားရှင်ဆိုတာ အာဏာရှိသူ၊ အစွမ်းရှိသူ လို့ အဓိပ္ပါယ်ရတယ်။

    ၂၀၀၃ ခုနှစ် ဒေါ်အောင်ဆန်းစုကြည်နဲ့အဖွဲ့ကို  ဒီပဲယင်းမှာ တိုက်ခိုက်လုပ်ကြံခဲ့တာ၊ ၂၀၀၇ ရွှေဝါရောင်တော်လှန်ရေးမှာ သံဃာတော်တွေကို ဖြိုခွင်းခဲ့တာလည်း ဒီစွမ်းအားရှင်တွေထဲကပဲလို့ အများက ယုံကြည်နေကြတယ်။

    လွတ်လပ်သောအာရှလူ့အခွင့်အရေးကော်မရှင်ရဲ့ ၂၀၀၈ ခုနှစ် အစီရင်ခံစာမှာ “ ဒီအုပ်စုရဲ့တည်ရှိမှုနဲ့လှုပ်ရှားမှုတွေကို အများသိပြီးဖြစ်တယ်။  တရားဝင် အသိအမှတ်ပြု အဖွဲ့အစည်းမဟုတ်သလို ပြည်တွင်းသတင်းမီဒီယာများကလည်း ဖော်ပြလေ့မရှိပါဘူး။ လူသိလည်း မခံတတ်ကြဘူး ” လို့ ဖော်ပြထားပါတယ်။

    စွမ်းအားရှင်ဟာ ယခင် စစ်အစိုးရကို ထောက်ခံခဲ့တဲ့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်း(USDA)ရဲ့ လက်ကိုင်တုတ်ဖြစ်ခဲ့တယ်။ အဲဒီအသင်းကတဆင့် (USDP)ပါတီ အဖြစ်ပြောင်းလဲပြီး လက်ရှိအာဏာရပါတီဖြစ်နေပါတယ်။ ဒါပေမယ့် သူတို့ဟာ စွမ်းအားရှင်အုပ်စုနဲ့ ပတ်သက်မှု မရှိကြောင်း မျက်စေ့မှိတ်ငြင်းဆိုခဲ့ပါတယ်။

    Taung Tha (တောင်သာ)လို့ခေါ်တဲ့နေရာမှာ ဗုဒ္ဓဘာသာဝင်ပြည်သူ့စစ်အဖွဲ့သစ်လည်း ပေါ်ပေါက်လာတယ်ဆိုပြီး နီးစပ်သူများထံက သတင်းတွေလဲ ထွက်ပေါ်လာတယ်။  တောင်သာမြို့ဟာ အလွန်အင်မတန် သဘောထားဆိုးတယ်လို့ လူသိများတဲ့ ဦးအောင်သောင်းရဲ့ မြို့ဖြစ်နေပါတယ်။ ဦးအောင်သောင်းဟာ ဗိုလ်ချုပ်ဟောင်းတစ်ယောက်ဖြစ်ပြီး၊ လက်ရှိအာဏာရပါတီ (USDP) ရဲ့ အရေးပါတဲ့ ရာထူးရှင်လဲ ဖြစ်ပါတယ်။

    မိတ္ထီလာနဲ့ လားရှိုးက အကြမ်းဖက် တိုက်ခိုက်မှုတွေကို စံနစ်တကျ စီစဉ်ထားပြီး ပြီပြီပြင်ပြင် အကောင်အထည်ဖော်သွားခဲ့ပါတယ်။ လားရှိုးအကြမ်းဖက်မှုမဖြစ်ခင် ၂ ရက်အလိုက ဗုဒ္ဓဘုန်းကြီး ဦးဝီရသူဟာ လားရှိုးမြို့က ကီလိုမီတာ ၅၀ လောက်ဝေးတဲ့ မြို့တစ်မြို့မှာ သူရဲ့ဝသီအတိုင်း မွတ်စလင်မ် ဆန့်ကျင်ရေး တရားဟောခဲ့ပါတယ်။ စွမ်းအားရှင် နဲ့ ၀ီရသူဦးဆောင်တဲ့ ၉၆၉ တွေဟာ အပြန်အလှန် မှီခို ပူးပေါင်းဆောင်ရွက်နေကြတဲ့အဖွဲ့လို့ မြန်မာ့အရေးသုံးသပ်သူတွေက တင်ပြတယ်။

    စွမ်းအားရှင်တွေက ပညာမတတ်တဲ့ တောင်သူလယ်သမားတွေကို မမှန်သတင်းများနဲ့ အမုန်းပွား ဒေါသထွက်အောင် လှုံ့ဆော်စည်းရုံးအင်အားစုခဲ့ပြီး၊ ပြဿနာကို  မီးခွက်ထွန်းရှာနေခဲ့ကြတယ်။ စဖြစ်တာနဲ့ အရှိန်မြှင့်တင် ထိုးသွင်းလိုက်ကြတယ်။

    မွတ်စလင်မ်တွေကို တိုက်ခိုက်ဖို့ ဓါးရှည်၊ မြက်ခုတ်လွှဓါး၊ ဆယ်ပေါင်တူ စတဲ့ လက်နက်များကို တပ်ဆင်ထားတဲ့ အကြမ်းဖက်သမားများကို ကားများနဲ့ စနစ်တကျ သယ်ယူပို့ဆောင်ပေးတာဖြစ်တယ်။

    သူတို့ တိုက်ခိုက်မှုပုံစံဟာ အလွန်ရက်စက်ကြမ်းကြုတ်ပြီး ရန်သူကို အချိန်ကိုက်နည်းစံနစ်နဲ့ စစ်ဆင်နေသလိုပါဘဲ။ တစ်စုံတစ်ရာ အရေးယူဖွယ်မရှိကြောင်း ကြိုတင်သိထားပုံရတယ်။  အပြစ်မဲ့သူကို ရန်သူအဖြစ် ဖန်တီးလိုက်ပြီး  သို့မဟုတ် ရုန်းရင်းဆန်ခတ်ဖြစ်အောင်ဖန်တီးပြီး တိုက်ခိုက်ကြမယ်။ အဲ့ဒီအခါ လုံခြုံရေးတပ်ဖွဲ့တွေနဲ့ ထိပ်တိုက်တွေ့အောင် လမ်းကြောင်းပေးတတ်ကြပါတယ်။

    ဒီလိုနည်းဗျူဟာကို အသုံးချခြင်းအားဖြင့် ပြည်သူ့လွှတ်တော်က လက်လှမ်းမမီတဲ့ မကိုင်တွယ်နိုင်တဲ့ အခြေအနေမျိုးဖြစ်နေသယောင် လုပ်ထားပါတယ်။ အကယ်၍ သက်တမ်းနုသေးတဲ့ ဒီမိုကရေစီဟာ ဖရိုဖရဲဖြစ်သွားမယ်ဆိုရင် (ဒါမှမဟုတ်)  တစ်ချိန်က သူတို့ကို ချမ်းသာကြွယ်ဝစေတဲ့ အာဏာဆုပ်ကိုင်ထားမှု ဆုံးရှုံးသွားပြီး စစ်မှန်တဲ့ ဒီမိုကရေစီဖြစ်လာမယ်ဆိုရင် ဒီလိုနည်းလမ်းတွေကို အမာခံပေါ်လစီတစ်ရပ်လို  ပြည်သူ့လွှတ်တော်ကို ချုပ်ကိုင်နိုင်ဖို့ဖြစ်တယ်။

    လားရှိုးအကြမ်းဖက်မှုအပေါ် အစိုးရဘက်က တုန့်ပြန်မှုကတော့ မိတ္ထီလာထက်မြန်ဆန်ပါတယ်။ အနောက်နိုင်ငံက လူ့အခွင့်အရေးအုပ်စုတွေနဲ့ ဒီမိုကရေစီထောက်ခံအားပေး လှုပ်ရှားသူတွေဟာ နိုင်ငံရေးမှာ စစ်တပ်ရဲ့ အခန်းကဏ္ဍ လျှော့ချဖို့တောင်းဆိုနေချိန်မှာ စစ်တပ်ကသာ ငြိမ်းချမ်းရေးကို ထိန်းသိမ်းနိုင်တယ်ဆိုတဲ့အမြင်ရောက်အောင် စစ်တပ်က လမ်းပေါ်ကို ပြန်တက် ရောက်ရှိလာပါတယ်။

    ဗမာမျက်ကန်းမျိုးချစ်အမျိုးသားရေးဝါး နိုးကြားလာပြီး သမ္မတသိန်းစိန်နဲ့ ဒေါ်အောင်ဆန်းစုကြည်ကို အပြစ်မြင်အောင်၊ ဒါ့အပြင် တရုတ်ဆန့်ကျင်ရေးလှုပ်ရှားမှု လမ်းလွဲသွားအောင်  နိုင်ငံရေးကစားကွက်ကြီးလုပ်ရာမှာ မွတ်စလင်မ်တွေဟာ ထိုးကျွေးခံရတဲ့ နယ်ရုပ်လေးတွေဖြစ်နေပါတယ်လို့ မွတ်စလင်မ်တွေ ခံစားနေကြရပါတယ်။ စစ်တပ်ရဲ့အခန်းကဏ္ဍဟာ တိုင်ပြည်အတွက်အရေးကြီးကြောင်းကိုလည်း တစ်ဖက်လှည့်နဲ့ ဖော်ပြလိုက်တာဖြစ်ပါတယ်။

    သမ္မတဦးသိန်းစိန်ကတော့ ဒီလို ဒီမိုကရေစီအပြောင်းအလဲကာလမှာ ဒီလို အစွန်းရောက် နှောက်ယှက်ဖျက်ဆီးမှုတွေကို ပြတ်ပြတ်သားသား နှိမ်နင်းဖို့သတိပေးလိုက်ပေမယ့် ၊ မြန်မာ့နိုင်ငံရေးနဲ့အာဏာရေးမှာ  ရက်စက်ကြမ်းကြုတ်မှုက ထာဝစဉ်ရှိနေပါတယ်။

    ဒီကြောက်စရာကောင်းတဲ့ (old monsters) လက်ဟောင်းမကောင်းဆိုးဝါးတွေကို မထိန်းချုပ်နိုင်ရင် သမ္မတရဲ့အခန်းကဏ္ဍဟာ တဖြေးဖြေး မှေးမှိန်ချည့်နဲ့သွားမယ်လို့ သုတေသီများက သုံးသပ်ပြထားပါတယ်။

    **၂၀၁၃ ခုနှစ် ဇွန်လ ၂ ရက် နေ့ The Straits Times သတင်းစာပါ “Old monsters stirring up trouble” ဆောင်းပါးကို ကိုလေး  ဆီလျော်အောင် ဘာသာပြန်ဆိုပါသည်။