News @ M-Media

Tag: 1982 citizenship law

  • အမျိုးပျောက်စေနိုင်သော ၁၉၈၂ နိုင်ငံသား ဥပဒေ၏ “အဟ” တစ်ခု

    အမျိုးပျောက်စေနိုင်သော ၁၉၈၂ နိုင်ငံသား ဥပဒေ၏ “အဟ” တစ်ခု

    ” ၈၂ခုနှစ် ဥပဒေ နဲ့ အညီ စီရင်ဆုံးဖြတ်ပါ။” ဆိုသည်ကို မကြာခန တွေ့နေရပါတယ်။

    ဒီမိုကရေစီ လွှတ်တော် မှာ ပြန်ဆွေးနွေး မခံသော၊ မဆလ အမွေခံဖြစ်သော၊ ဦးနေဝင်း၏ လက်ကျန်အမွေဖြစ်သော၊ ဤ ဥပဒေ ကို ဘာကြောင့်လက်မလွှတ်နိုင်ရပါသလဲ ဆိုသည်မှာ စိတ်ဝင်စား စရာပါ။

    ဥပဒေပညာ နှင့် တရားစီရင်ရေးနည်းစံနစ်များ လူထု နှင့် နှစ်ပေါင်းများစွာ ဝေးကွာနေရလို့ ဖြစ်ပါမည်။

    ၈၂ ခုနှစ် နိုင်ငံသား ဥပဒေ တွင် တိုင်းရင်းသား မိဘနှစ်ပါးက မွေး ပါမှ အလိုလျောက်နိုင်ငံသားဖြစ်ပါသည်။

    ကျန် သူများ သည် ဥပဒေ အရသာ နိုင်ငံသား ဖြစ်ခွင့်ရသည်။ ထိုသူများ ကို နိုင်ငံတော်၏ အကျိုးငှာ နိုင်ငံသား အဖြစ်မှ ရုပ်သိမ်းခွင့် ရှိပါသည်။ထိုသူ များ သည် မည်သည့် အခါ တွင်မှ တိုင်းရင်းသား တို့ကဲ့ သို့ အခွင့်ရေး ရမည် ကို ဥပဒေ တွင် မဖေါ်ပြထားပါ။

    ထိုဥပဒေ ပေါ်လာရသည့် အကြောင်းနောက်ခံထဲက တစ်ခုမှာ နဂါးမင်းစစ်ဆင်ရေး၊ရွှေဟင်္သစစ်ဆင်ရေး တို့ နောက်ခံဖြစ်သော ရခိုင်ပြည်နယ် လူဝင်မှုပြဿနာလည်း ပါပါသည်။

    ဦးနေဝင်း၏ မဆလ လွှတ်တော် မှ ကသောကမြော ထုတ်လုပ်လိုက် ရသော ဥပဒေတို့၏ ထုံးစံ အတိုင်း ဟိုကျန် သည်ကျန်ဖြစ်ခဲ့ပါသေးသည်။

    ၁၉၄၈ခု စီတီဇင်အက် အရ နိုင်ငံသားဖြစ်ခွင့် ရှိသူ နှင့် သက်ဆိုင်သော ပုဒ်မ တစ်ခုကျန်ခဲ့ပါသည်။ သို့ပါသောကြောင့် နိုင်ငံတော်ကောင်စီအမိန့်ကြော်ငြာစာ ထုတ်ပြီး ဖြည့်စွက်ပြဌာန်းခဲ့ရပါသည်။

    ဥပဒေတွင် ရှင်းလင်းသောပြဌာန်းမှုများ ကျန်နေပါသဖြင့် အားနည်းချက် အကြီးကြီး ရှိနေပါသည်။

    အမျိုးကွယ်ပျောက် စေမည့်ဥပဒေ လို ဖြစ်နေပါသည်။ မည်သူ မှ ဘာမှ လုပ်ရန် မလိုပါဘဲ ကာလ ရှည်ကြာလာလျင် မြန်မာပြည်တွင်”ဗမာတိုင်းရင်းသား စစ်စစ်” များ ၈၂ခု ဥပဒေ အရ လျော့နည်း ကွယ်ပျောက်ပါလိမ့်မည်။

    အိန္ဒိယ နှင့် တရုပ် သွေး နှော သော တိုင်းရင်းသား မဟုတ်သည့် သွေးနှော ခေါ် ကပြား ခေါ် ဥပဒေအရဖြစ်သည့် နိုင်ငံသားများသည် လည်း မဲပေးပိုင်ခွင့် ရှိသူ လူများစု ဖြစ်လာပါ လိမ့်မည်။ အစိုးရ များသည် လည်း ထိုမဲဆန္ဒရှင်တို့ကို အလေးထား ရပေလိမ့်မည်။

    အမျိုးသားရေး သမားတို့ စိုးရိမ်နေသော ကိစ္စမှာ ၈၂ ခုနှစ် ဥပဒေအရ ဖြစ်လာပါလိမ့်မည်။

    အဘယ်ကြောင့် ဆိုသည်ကို ရှင်းပါမည်။ ဥပဒေ အရ နှစ်မည်မျှကြာကြာ ကပြား တို့ တိုင်းရင်းသား မဖြစ်။ ဖြစ်ခွင့်လည်း မပေးထား။

    ဥပဒေ အရ သွေးနည်း သွေးများ ပိုင်းခြား ခွဲမပေးထား။ နည်းလမ်းမပြထား။အထက်ဆက် မှာ သွေးတစ်ကြောင်း နှောလျင် အောက်ဆက်များ ဆင်းသမျှ ကပြားဖြစ်ပေရတော့မည်။

    ၁/၂ပုံ ၊ ၁/၄ပုံ ၊၁/၈ ပုံ ၊ ၁/၁၆ပုံ၊၁/၃၂ ပုံ၊၁/၆၄ ပုံ၊၁/၁၂၈ပုံ အစရှိသည်ဖြင့် မည်သို့ နှောနှော၊မည်မျှနှောနှော တိုင်းရင်းသား မဟုတ်တော့၊မစစ်တော့ ဆိုလျင် ကပြားများ က လူများစု ဖြစ်လာမည်လား? ဗမာ စစ်စစ် ဆိုသည်က လူများစု ဖြစ်လာမည်လား?
    သင်္ချာ နဲ့တောင် တွက်ကြည့်ရန်မလိုပါ။

    “နို့”ထဲ” ရေ” ရောလျင်လည်း” ရေ”။
    “ရေ” ထဲ”နို့” ရောလျင်လည်း” ရေ”

    ဆိုသည့် သဘောဆောင်သည့် ဥပဒေ အောက်တွင် ကြာလာလျင်”နို့စစ်စစ်” မှာ မရှိသလောက် ရှားပါလိမ့်မည်။

    မပူပါ နှင့်အုန်း။

    ချက်ခြင်းမဖြစ်ပါ။

    နှစ်ကာလများ ရှည်ကြာမှ ဖြစ်လာပါမည်။

    တစ်နေ့တော့ ဖြစ်လာမှာလည်း သေချာပါသည်။

    ကောင်းပါသည်။ပြည့်စုံပါသည်။ပြုပြင်စရာမရှိပါ ဟု ဆိုသော ၈၂ ခုနှစ် ဥပဒေ၏ “အဟ” တစ်ခု ပါ။

    ရေးသူ- Facebook User တစ်ဦး

  • နိုင်ငံသား အခွင့်အရေးအတွက် ဥပဒေကိုသိရန် လူတိုင်း စာဖတ်ပါ။

    နိုင်ငံသား အခွင့်အရေးအတွက် ဥပဒေကိုသိရန် လူတိုင်း စာဖတ်ပါ။

    ဇန်နဝါရီ ၂၀ ၊ ၂၀၁၇
    ဆောင်းပါးရှင်-ဦးအုန်းမောင် (ရန်ကင်း) တရားလွှတ်တော်ရှေ့နေ

    ပြည်ထောင်စုမြန်မာနိုင်ငံတွင် ရှေးဘုရင်များ လက်ထပ်ကပင် အမိန့်တော်ပြန်တမ်းများ ရှိခဲ့ပါသည်။ ကိုလိုနီအုပ်ချုပ်ရေးခေတ်၊ ဂျပန်ခေတ်၊ လွတ်လပ်ရေးအကြိုခေတ်၊ လွတ်လပ်ပြီး (၁၈) နှစ် ကာလ တော်လှန်ရေးကောင်စီခေတ်၊ ဆိုရှယ်လစ်လမ်းစဉ်ပါတီခေတ်၊ စစ်အာဏရှင် (နဝတ)၊ (နယက)ခေတ်၊ ဒီမိုကရေစီဦးတည်သော ပြည်သူရွေးချယ်သည့် အစိုးရခေတ်အသီးသီးတွင် ဥပဒေများ၊ နည်းဥပဒေများ၊ လုပ်ထုံးလုပ်နည်းများအမိန့်၊ ကြေငြာစာ၊ အမိန့်ကြေငြာစာများမှာလည်း ပြည်သူအချို့သာ စိတ်ဝင်စားကြသည်။ အမိန့်၊ ကြေငြာစာ၊ ညွှန်ကြားချက်များကို သက်ဆိုင်ရာဝန်ထမ်းအဖွဲ့အစည်းများမှ တာဝန်ရှိသူများက ပိုမိုသိရှိကြပါသည်။ ပြည်သူအတွင်း စာဖတ်အားနည်း၍ ဥပဒေပညာကိုလေ့လာရန် စိတ်မဝင်စားကြသဖြင့် ဥပဒေအကြောင်း သိသူအလွန်နည်းပါးသည်။ ပြဿနာပေါ်မှ ဥပဒေပညာရှင်ရှေ့နေ၊ ရှေ့ရပ်များထံ ချဉ်းကပ်ဆောင်ရွက်ကြသည်ကို တွေ့နေရပါသည်။

    ဥပဒေသည် အုပ်ချုပ်သူရော အုပ်ချုပ်ခံ တိုင်းသူပြည်သားအားလုံးနှင့်ပါ အကျုံးဝင်ပါသည်။ ဥပဒေ၏ အထက်တွင် မည်သူမျှမရှိဆိုသည့် ဆိုရိုးနှင့်အညီ ဥပဒေအထက်ကနေ၊ ဥပဒေနှင့် ဆန့်ကျင်ပြီးလုပ်သမျှကို ပြည်သူများက ဥပဒေကိုသိထားလျှင် ဥပဒေနှင့်အညီ တင်ပြ တောင်းဆိုခွင့်ရှိမည် ဖြစ်ပါသည်။ ပြည်သူအားလုံး မိမိနှင့်သက်ဆိုင်သော ဥပဒေ ဗဟုသုတရှိနေလျှင် ဥပဒေအရဆောင်ရွက် ရသော ကိစ္စအရပ်ရပ်သည် လွယ်ကူ ချောမွေ့ မှန်ကန် မြန်ဆန်မည်ဖြစ်ပြီး မိမိတို့အခွင့်အရေးကို အပြည့်အဝခံစားရရှိကြမည် ဖြစ်ပါသည်။

    နိုင်ငံတစ်နိုင်ငံတွင် ဖွဲ့စည်းပုံအခြေခံ ဥပဒေသည် အမြင့်ဆုံးဖြစ်ပြီး ပြဌာန်းဥပဒေများသည် ဖွဲ့စည်းပုံအခြေခံဥပဒေနှင့်  ညီညွတ် ရမည်ဖြစ်ပါသည်။ အချို့ဥပဒေများသည် ဥပဒေစံနှုန်းများနှင့် ကိုက်ညီပြီး လိုက်နာကျင့်သုံးမှု ခိုင်မြဲနေပါလျှက် ယင်းပြဌာန်း ဥပဒေနှင့် ရှေ့နောက်မညီသည့် ဖွဲ့စည်းပုံ အခြေခံဥပဒေများလည်း ရှိပါသည်။ ထိုအခါတွင် ဖွဲ့စည်းပုံ အခြေခံဥပဒေကို ပြင်ဆင်ရပါသည်။ အချို့ပြဌာန်းဥပဒေများသည် ဖွဲ့စည်းပုံအခြေခံဥပဒေနှင့်မညီညွတ်လျှင် ဖွဲ့စည်းပုံအခြေခံဥပဒေနှင့် ဆန့်ကျင်သဖြင့် ပျက်ပြယ်ပါသည်။ ထိုကြောင့် ပြဌာန်းဥပဒေကို ပြင်ဆင်ရပါသည်။ ဥပဒေပြဌာန်းချက်တစ်ရပ်ကို မည်ကဲ့သို့ အကောင်အထည်ဖော်ဆောင်ရွက်ရမည်ကို ဥပဒေနှင့်ညီညွတ်သော နည်းဥပဒေများ ပြဌာန်းရပါသည်။ ဥပဒေနှင့် နည်းဥပဒေသည် ရှေ့နောက်ညီညွတ်ရမည် ဖြစ်ပါသည်။ လုပ်ထုံးလုပ်နည်းများသည် ဥပဒေနှင့်ဆန့်ကျင်၍ မရပါ။ ဥပဒေ၊ နည်းဥပဒေရှိပါလျှက် အုပ်ချုပ်သူတို့၏ မူဝါဒအရ အမိန့်ညွှန်ကြားချက်များ ထုတ်ပြန်ဆောင်ရွက်ကြပါသည်။ အဆိုပါ အမိန့်၊ ညွှန်ကြားချက်များကို ပြည်သူများက သိအောင် ကြိုးစားဖို့လိုပါသည်။ နိုင်ငံသား စီစစ်ရေးလုပ်ငန်းဆောင်ရွက်ရာတွင် ပြည်သူများနှင့် လ.ဝ.က တာဝန်ရှိ ဝန်ထမ်းများ ပွင့်လင်းမြင်သာစွာဖြင့် ပြည်သူ ဗဟိုပြု ဆောင်ရွက်လျှင် အခက်အခဲ ပြဿနာများ ကျော်လွှားနိုင်မည် ဖြစ်ပါသည်။

    ယခုအခါ ၁၉၈၂ ခုနှစ် မြန်မာနိုင်ငံသားဥပဒေသည် တည်ဆဲဥပဒေဖြစ်နေခြင်းကြောင့် ယင်းဥပဒေတွင် ပျော့ကွက်၊ ဟာကွက်များနှင့် နိုင်ငံတကာ စံနှုန်း မပြည့်ဝမှုများ ရှိနေလင့်ကစား ပြင်ဆင်နိုင်ခြင်း မရှိသေး၍ ယင်းဥပဒေဖြင့်ပင် စခန်းသွားရဦးမည်ဖြစ်ရာ နိုင်ငံသားလတ်မှတ်လျှောက်ထားသူများ အနေဖြင့် (သို့မဟုတ်) မိဘအုပ်ထိန်းသူများအနေဖြင့်

    -မိမိသည် ဖွဲ့စည်းပုံအခြေခံဥပဒေ (၂၀၀၈) ပုဒ်မ-၃၄၅ (က) နှင့် ၁၉၈၂ ခုနှစ် မြန်မာနိုင်ငံသားဥပဒေပုဒ်မ- ၃ နှင့် ၅ အရ တိုင်းရင်းသား ဟုတ် မဟုတ် မွေးရာပါနိုင်ငံသား ဟုတ် မဟုတ် သိဖို့လိုပါသည်။

    – မိမိသည် ဖွဲ့စည်းပုံအခြေခံဥပဒေ (၂၀၀၈) ပုဒ်မ-၃၄၅ (ခ) နှင့် ၁၉၈၂ ခုနှစ် မြန်မာနိုင်ငံသားဥပဒေပုဒ်မ-၆ ပါ ဥပဒေအရ နိုင်ငံသား ဟုတ် မဟုတ်နှင့် ပုဒ်မ-၇ အရ နိုင်ငံသား ဟုတ် မဟုတ် သိဖိုို့ပါသည်။

    – လျှောက်ထားမည့်သူ၏ မွေးဖွားကြောင်းလတ်မှတ် (မွေးစာရင်း)၊ ပုံစံ-ထွေ-၁(က) ရှိရန်လိုအပ်ပြီး သက်ဆိုင်ရာ ရပ်ကွက်အုပ်ချုပ်ရေးမှူးရုံးသို့ မွေးဖွားသည့်နေ့မှစပြီး (၇)ရက်အတွင်း အကြောင်းကြားရပါမည်။ မွေးစာရင်းမရှိပါကလည်း မည်သူက မွေးဖွားပေးကြောင်း အကြောင်းကြားရမည်ဖြစ်ပါသည်။

    -ကလေးအမည်ကို အိမ်ထောင်စုလူဦးရေစာရင်း ပုံစံ-၆၆/၆ တွင်ထည့်သွင်းရပါမည်။ အိမ်ထောင်စုစာရင်းမရှိလျှင် ပြုလုပ်ဖို့လိုပါသည်။

    – ကလေးအသက် (၁၀)နှစ်ပြည့်သည့်နေ့မှစ၍ (၁)နှစ်အတွင်း မှတ်ပုံတင်ပေးရန် (လ.ဝ.က)သို့လျှောက်ထားရမည်ဖြစ်ပြီး ပျက်ကွက်ပါက ဒဏ်ငွေ (၅၀) ပေးဆောင်ရမည်ဖြစ်ကာ (၅)နှစ်ဆက်တိုက် ပျက်ကွက်လျှင် ဒဏ်ငွေ- ၁၀၀၀ ပေးဆောင်ရမည် ဖြစ်ပါသည်။

    – ကလေးအသက် (၁၀)နှစ်ပြည့်ကလေး မှတ်ပုံတင်ရာတွင် ၁၀)နှစ်ပြည့်သည့်နေ့မှစ၍ (၁)နှစ်အတွင်း မိမိနေထိုင်ရာ မြို့နယ် (လ.ဝ.က)ရုံးတွင် ကိုယ်ရေးမှတ်တမ်း ပုံစံ (နိုင်-၂) သုံးစောင်နှင့် နိုင်ငံသားစီစစ်ရေးကတ်ပြား နိုင် ၃(က)အတွက် ငွေပေးသွင်းပြီး ပြေစာရယူရမည် ဖြစ်ပါသည်။

    – ကိုယ်ရေးမှတ်တမ်းပုံစံ (နိုင်-၂ )တွင်ရေးသွင်းနိုင်ရန် (လ.ဝ.က)ရုံးမှ မေးမြန်းချက်များကို မှန်ကန်ပြည့်စုံစွာ ဖြေဆိုရမည် ဖြစ်ပါသည်။

    – မိဘ (သို့မဟုတ်) အုပ်ထိန်းသူသည် မြို့နယ် (လ.ဝ.က)ရုံးမှ အကြောင်းကြားစာရလျှင် ငွေသွင်းပြေစာပြသ၍ အသက် (၁၀)နှစ်ပြည့် နိုင်ငံသားမှတ်ပုံတင်ကတ်ပြားပုံစံ (နိုင်-၃) နှင့် နိုင်ငံသားစီစစ်ရေးကတ်ပြားပုံစံ နိုင်-၃(က)တို့ကို လတ်မှတ်ထိုး၍ ထုတ်ယူရမည် ဖြစ်ပါသည်။

    – အသက် (၁၀)နှစ်ပြည့် နိုင်ငံသားမှတ်ပုံတင်ကတ်ပြားပုံစံ နိုင်-၃ နှင့် နိုင်ငံသားစီစစ်ရေးကတ်ပြားပုံစံ နိုင်-၃(က)တို့ကို ကိုင်ဆောင်ထားသူတိုင်းသည် အသက် (၁၈)နှစ်ပြည့်သည့်နေ့မှစ၍  (၁)နှစ်အတွင်း နိုင်ငံသားလတ်မှတ်ပုံစံ (နိုင်-၆) နှင့် နိုင်ငံသားစီစစ်ရေးကတ်ပြားပုံစံ နိုင် ၆(က) တို့နှင့် လဲလှယ်ကိုင်ဆောင်ရန် လျှောက်ထားရမည် ဖြစ်ပါသည်။

    -ထိုသို့ ကာယကံရှင်ကိုယ်တိုင်လျှောက်ထားရာတွင် ပုံစံဖိုးများငွေသွင်းပြီးကြောင်း ပြေစာတောင်းခံရမည် ဖြစ်ပါသည်။

    – ကိုယ်ရေးပုံစံ (နိုင်-၂)တွင် ရေးသွင်းနိုင်ရန် (လ.ဝ.က) ရုံးမှ မေးမြန်းချက်များကို ကာယကံရှင်ကိုယ်တိုင် မှန်ကန်ပြည့်စုံစွာ ထပ်မံဖြေဆိုရမည် ဖြစ်ပါသည်။

    – မြို့နယ် (လ.ဝ.က)ရုံးမှ အကြောင်းကြားစာရရှိသည့်အခါ ကိုယ်တိုင်သွားရောက်၍ ပြေစာများပြသပြီး နိုင်ငံသားလတ်မှတ် နိုင်-၆(က)တို့ကို လတ်မှတ်ရေးထိုးထုတ်ယူရမည် ဖြစ်ပါသည်။

    – နိုင်ငံတော်အတွင်း နေထိုင်သူများ၏ အသက် (၁၀)နှစ်ပြည့်နိုင်ငံသား မှတ်ပုံတင်ကတ်ပြား (နိုင်-၃) ဖြစ်စေ၊ နိုင်ငံသားစီစစ်ရေးကတ်ပြား -၃ (က)ဖြစ်စေ၊ နိုင်ငံသားစီစစ်ရေးကတ်ပြား -၆ (က)ဖြစ်စေ ဟောင်းနွမ်းဆွေးမြေ့ မထင်မရှားဖြစ်သည့်အခါ (သို့မဟုတ်) ပျောက်ဆုံး၊ ပျက်ဆီးသည့်အခါတွင် နိုင်ငံသားလတ်မှတ်နှင့် စီစစ်ရေးကတ်ပြားလျှောက်ထားစဉ်ကအတိုင်း မိတ္တူထုတ်ပေးရန် မြို့နယ် (လ.ဝ.က) ရုံးသို့ နည်းလမ်းတကျ လျှောက်ထားနိုင်ပါသည်။

    – နိုင်ငံသားလတ်မှတ်နှင့် စီစစ်ရေးကတ်ပြားလျှောက်ထားခြင်းကိစ္စအရပ်ရပ်နှင့် စပ်လျဉ်းပြီး မြန်မာနိုင်ငံသား ဥပဒေဆိုင်ရာ လုပ်ထုံးလုပ်နည်းများ (၁၉၈၃) အပိုဒ်-၁၂ (က) (ခ) (ဂ) နှင့် အပိုဒ်- ၁၅၊ ၁၈၊ ၂၀ ပြဌာန်းချက်တို့နှင့်အညီ ဆောင်ရွက်ရမည် ဖြစ်ပါသည်။
    နိုင်ငံသားတစ်ဦးသည် မြန်မာနိုင်ငံသား ဥပဒေ (၁၉၈၂)၊ ပုဒ်မ-၁၂ အရ နိုင်ငံတော်၏ ဥပဒေများကို ရိုသေလေးစားလိုက်နာရန် တာဝန်ရှိပါသည်။ နိုင်ငံတော်၏ ဥပဒေပါတာဝန်များကို ထမ်းဆောင်ရမည်ဖြစ်ပါသည်။ နိုင်ငံတော်၏ ဥပဒေပါအခွင့်အရေးများကို ခံစားခွင့်ရှိပါသည်။

    နိုင်ငံသားတစ်ဦးသည် တစ်ချိန်တည်းတွင် အခြားနိုင်ငံသားအဖြစ်ကိုပါ ခံယူခွင့်မရှိပါဘူး။ နိုင်ငံသားလတ်မှတ်နှစ်မျိုး ကိုင်ဆောင်ထားခွင့်မရှိပါဘူး။ နိုင်ငံသားတစ်ဦးသည် နိုင်ငံခြားသားတစ်ဦးနှင့် အိမ်ထောင်ပြုလိုက်ကာမျှဖြင့် နိုင်ငံသားအဖြစ်မှ ဆုံးရှုံးမည်မဟုတ်ပါ။ အဆိုပါ နိုင်ငံခြားသားလည်း နိုင်ငံသားနှင့် အိမ်ထောင်ပြုလိုက်သဖြင့် နိုင်ငံသား အလိုအလျောက် ဖြစ်လာမည် မဟုတ်ကြောင်းကို သတိပြုရမည်ဖြစ်ပါသည်။ မိမိတို့ သား သမီး၏ အနာဂတ်ရေးအတွက် စဉ်းစားကြဖို့လိုပါသည်။ (၁၅-၁၀-၁၉၈၂) ရက်နောက်ပိုင်းမှစ၍ မည်သည့်နိုင်ငံခြားသားမျှ (ဥပဒေပြဌာန်းချက်အရမှအပ) မည်သည့်နည်းနှင့်မျှ နိုင်ငံသားအဖြစ် ရရှိနိုင်မည်မဟုတ်ကြောင်း သိရှိထားဖို့လိုပါသည်။ နိုင်ငံသားတစ်ဦးသည် မည်သူမည်ဝါဖြစ်ကြောင်း သက်သေခံလတ်မှတ်ကို ကိုင်ဆောင်ပြီးနောက် ဥပဒေနှင့်အညီ နိုင်ငံတော်မှ အပြီးအပိုင် ထွက်ခွာခြင်း၊ ဥပဒေမဲ့ခိုးထွက်ခြင်း၊ နယ်စပ်မှတိတ်တဆိတ် ထွက်ခွာခြင်း ပြုလုပ်လျှင် နိုင်ငံသားအဖြစ်မှ ရပ်စဲသွားနိုင်ပါသည်။ နိုင်ငံသားအဖြစ်မှ ရပ်စဲခံရသူ၊ ရုပ်သိမ်းခံရသူသည် ပယ်ဖျက်ထားသော နိုင်ငံသားလက်မှတ်ကို အပ်နှံခြင်း၊ အပ်နှံခြင်းမပြုဘဲ ပျက်ကွက်လျှင်ဖြစ်စေ၊ ဆက်လက်အသုံးပြုလျှင်ဖြစ်စေ၊ အခြားသူတစ်ဦးအား မသမာသေနည်းဖြင့် လွှဲပြောင်းပေးအပ်လျှင်ဖြစ်စေ၊ သေဆုံးသူ၏ လက်မှတ်ကိုဖြစ်စေ ကိုင်ဆောင် အသုံးပြုလျှင် ထောင်ဒဏ် (၁၀) နှစ်နှင့် ငွေဒဏ် ၂၀၀၀၀ ကျပ် ကျခံရမည်ဖြစ်ပါသည်။

    နည်းဥပဒေအပိုင်-၃၆ တွင် နိုင်ငံသားလက်မှတ်အတု ပြုလုပ်လျှင် အားပေးကူညီလျှင် ထောင်ဒဏ် (၁၅)နှစ်နှင့် ငွေဒဏ် ၅၀၀၀၀ ကျပ် ကျခံရမည်ဟု ဆိုထားသော်လည်း နည်းဥပဒေအပိုဒ် -၃၇ တွင်မူ ပုံစံ (နိုင်-၃) သို့မဟုတ် နိုင်-၃ (က) သို့မဟုတ် ပုံစံ နိုင်-၆ (က)ကို အတုပြုလုပ်လျှင် အားပေးကူညီလျှင် ရာဇသတ်ကြီး ဥပဒေအရ အရေးယူခံရမည်ဖြစ်ကြောင်း ပြဌာန်းထားပါသည်။ ရာဇသတ်ကြီး ဥပဒေ ပုဒ်မ -၄၆၈ အရ ထောင်ဒဏ် ၇ -နှစ်အထိ အပြင် ငွေဒဏ်၊ ပုဒ်မ-၃၇၁ အရ ထောင်ဒဏ်-၃ နှစ်ထိ အပြင်ငွေဒဏ် ပြဌာန်း ထားပါသည်။ နိုင်ငံသားအဖြစ်မှ ရပ်စဲခံရသူ သို့မဟုတ် ရုပ်သိမ်းခံရသူသည် နိုင်ငံခြားသား အဖြစ်သို့ရောက် ရှိသွားပြီး ပြည်နှင်ဒဏ်ပေးခံရသည်အထိ အရေးယူခြင်းကိုခံရနိုင်သည့်အပြင် မည်သည့်နိုင်ငံသား လက်မှတ် အမျိုးအစားကိုမျှ လျှောက်ထားခွင့်မရှိတော့ကြောင်း သတိပြုသင့်ပါသည်။

    ပုဂ္ဂိုလ်တစ်ဦးတစ်ယောက်သည် နိုင်ငံသား လက်မှတ်လျှောက်ထားရာတွင် နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူ ဟုတ်၊မဟုတ်နှင့် စပ်လျဉ်း၍ အဆုံးအဖြတ်ခံယူရန် လိုအပ်ပါက ဗဟိုအဖွဲ့သို့ လျှောက်ထားနိုင် ခွင့်ရှိပါသည်။ ဗဟိုအဖွဲ့၏ ဆုံးဖြတ်ချက်ကို မကျေနပ်ပါက အယူခံလွှာကို မြို့နယ် (လ.ဝ.က) ရုံးမှတစ်ဆင့် ဝန်ကြီးအဖွဲ့ (အစိုးရအဖွဲ့) သို့ အယူခံဝင်ရောက်နိုင်ပါသည်။ အစိုးရအဖွဲ့၏ အဆုံးအဖြတ်သည် အပြီးအပြတ်ဖြစ်သည်ဟု ပြဌာန်းထားပါသည်။

    ထို့ကြောင့် မြန်မာနိုင်ငံသားဖြစ်ထိုက်ခွင့် အရည်အချင်းရှိသူများသည် ၁၉၈၂-ခုနှစ် မြန်မာနိုင်ငံသားဥပဒေမှာ တည်ဆဲဖြစ်နေခြင်းကြောင့် ယင်းဥပဒေ၊ နည်းဥပဒေအရသာ နိုင်ငံသားလက်မှတ် လျှောက်ထားကြရဦးမည်ဖြစ်ရာ လျှောက်ထားသူများသည် အောက်ပါအချက်များကို သတိပြုလိုက်နာဆောင်ရွက်ကြရန် အကြံပြုလိုပါသည်။

    -(၁၅-၁၀-၁၉၈၂) ရက် နောက်ပိုင်းမွေးဖွားသူများသည် သက်ဆိုင်ရာဆေးရုံ၊ ဆေးခန်း၊ ကျန်းမာရေးဌာနတို့ မှ မွေးစာရင်း မွေးဖွားကြောင်းထောက်ခံစာ (သို့မဟုတ်) မွေးဖွားပေးသူ၏ ထောက်ခံချက်၊ မွေးဖွားကြောင်း လတ်မှတ်ပုံစံ ထွေ-၁(က) စသည်တို့ ပြည့်စုံအောင်ရှိထာသင့်ပါသည်။

    – လ.ဝ.က အိမ်ထောင်စုလူဦးရေစာရင်း ပုံစံ-၆၆/၆ တွင် ကလေးအမည်ကို ထည့်ထားပြီး ဖြစ်သင့်ပါသည်။

    – ကလေးအသက် (၁၀)နှစ်ပြည့်လျှင် (၁)နှစ်အတွင်း (၁၀)နှစ်ပြည့် မှတ်ပုံတင်ကို မိဘ၊ အုပ်ထိန်းသူက လျှောက်ထားသင့်ပါသည်။

    – ထိုသို့လျှောက်ထားရာတွင် အသက် (၁၀)နှစ်ပြည့် ကလေး၏ မိဘနှစ်ပါး၏ နိုင်ငံသားအထောက်အထား၊ အဘိုးအဘွား၏ နိုင်ငံသားအထောက်အထားပြည့်စုံစွာ တင်ပြပြီး မေးမြန်းချက်များကို ပြည့်စုံမှန်ကန်စွာ ဖြေကြားသင့်ပါသည်။

    – အသက် (၁၀)နှစ်ပြည့်ဖြစ်စေ၊ (၁၈)နှစ်ပြည့်ဖြစ်စေ လျှောက်ထားရာတွင် လျှောက်လွှာနှင့် ပုံစံ (နိုင်-၂) တွင် မိမိသိသည့်အတိုင်း မှန်ကန်စွာရေးသွင်းသင့်ပါသည်။ ကွဲလွဲမှုများမဖြစ်ရန် လိုအပ်ပါသည်။ ကာယကံရှင်၏ မိဘနှစ်ပါး၏ အဘိုး၊ အဘွား (၄) ဦးနှင့် စပ်လျဉ်း၍ အမည်၊ မွေးသက္ကရာဇ်၊ မွေးရပ်၊ လူမျိုးနှင့် နိုင်ငံသားကိုင်ဆောင်သည့် လတ်မှတ်၏ အမှတ်၊ သေဆုံးလျှင် (ရက်စွဲ) သေဆုံးသည့်ဒေသတို့ကို ကြိုတင်၍ မှန်ကန်စွာစီစဉ်ပြင်ဆင်ထားသင့်ပါသည်။
    ကာယကံရှင်၏ မွေးချင်းများ၊ ဆွေမျိုးများ၏ အချက်အလက်၊ အချိတ်အဆက်များကို ကြိုတင်မေးမြန်းပြင်ဆင်ထားသင့်ပါသည်။ မမှတ်မိ၊ မသိရှိပါက ဇာတိတူ၊ ရှေ့နောက်သိသူများ၏ ထွက်ဆိုဝန်ခံချက်၊ ကျန်းကျိန်၊ ကတိသစ္စာ ပြုချက်များ ကြိုတင်ပြင်ဆင်ထားသင့်ပါသည်။

    –    သက်ဆိုင်ရာ (လ.ဝ.က) မှ ပုံစံ (နိုင်-၂) ရေးသွင်းချက်များကို သေချာစွာ ဖတ်ရှုစစ်ဆေးပြီး မှန်ကန်ပြည့်စုံမှ လတ်မှတ်ရေးထိုးသင့်ပါသည်။

    –    မိမိတို့၏ မိသားစု၏ မိဘ၊ ဘိုးဘွား မျိုးရိုးအစဉ်ဆက်ဇယား တစ်စောင်ကို အမြဲပြုစုထားသင့်ပါသည်။ သားစဉ်မြေးဆက် သိမ်းဆည်းထားသင့်ပါသည်။

    –    မိမိသည် တိုင်းရင်းသားဖြစ်လျှင် တိုင်းရင်းသားလူမျိုး၊ အနွယ်စဉ်ဆက်၏ အချက်အလက်ကို မှန်ကန်စွာ တင်ပြသင့်ပါသည်။ လူမျိုးအမည်မှန်ကန်ဖို့ လိုပါသည်။ သူတစ်ပါးပေးသည့် လူမျိုးအမည်ကို လက်မခံသင့်ပါ။

    –    တိုင်းရင်းသား ဘာသာစကား တစ်ခုခုပြောဆိုနိုင်သူ ဖြစ်သင့်ပါသည်။

    –    ဥပဒေအရ နိုင်ငံသားလျှောက်မည့်သူများသည် မည်သည့်အထောက်အထားမျှမရှိပါက ၁၉၄၉-ခုနှစ် မြန်မာနိုင်ငံအတွင်းနေထိုင်သူများ မှတ်ပုံတင်ရေးဥပဒေ ပုဒ်မ-၅(၂)(ဂ) ပါ ပြဌာန်းချက်နှင့် အကြုံးဝင်လျှင် ၁၉၅၁-ခုနှစ် မြန်မာနိုင်ငံအတွင်း နေထိုင်သူများ မှတ်ပုံတင်ရေးနည်းဥပဒေ အပိုဒ်-၁၃(၁)အရ ထုတ်ပေးသည့် ယာယီသက်သေခံလတ်မှတ် (white card ရုပ်သိမ်းပြီး) အစား အပိုဒ် -၁၃(၄) အရ ထုတ်ပေးသည့် နိုင်ငံသားစီစစ်ခံရမည့်သူ၏ သက်သေခံကတ်ပြား (NVC) ကို ကိုင်ဆောင်ရနိုင်ဖွယ် ရှိပါသည်။

    –    NVC (အစိမ်းရောင်ကတ်) ၏ သက်တမ်းမှာ (၂) နှစ်ဖြစ်ပြီး အထောက်အထား ပြည့်စုံမှန်ကန်စွာ တင်ပြနိုင်ပါက နိုင်ငံသား လက်မှတ်ရရှိမည်ဖြစ်ပြီး မတင်ပြနိုင်ပါက သက်တမ်း (၂) နှစ်ပြည့်လျှင် သက်တမ်းတိုးပေးမည်ဖြစ်ကြောင်းနှင့် အထောက်အထား တင်ပြနိုင်သည့်အခါတွင် နိုင်ငံသားစီစစ်ပေးမည်ဖြစ်ကြောင်း သိရှိရပါသည်။

    ပြည်ထောင်စုမြန်မာနိုင်ငံအတွင်း နေထိုင်ကြသူများသည် နိုင်ငံခြားသားမဟုတ်ပါက နိုင်ငံသားလက်မှတ် လျှောက်ထားရယူကိုင်ဆောင်ရန် လိုအပ်ပါသည်။ နိုင်ငံသားတိုင်းသည် ကိုးကွယ်သည့် ဘာသာနှင့် လုံးဝသက်ဆိုင်ခြင်းမရှိပါ။ မိမိ၏မိဘ၊ ဘိုးဘွားအစဉ်အဆက် အခြေချနေထိုင်လာမှုနှင့်သာ သက်ဆိုင်ပါသည်။ ၁၉၄၇ ခုနှစ် ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ-၁၁(က) (ခ) (ဂ) (ဃ) ပါ နိုင်ငံသားဖြစ်မှုနှင့် ညီညွှတ်သူများသည် ပုဒ်မ-၁၁(က) ပါ နိုင်ငံသားနှင့် တစ်တန်းစားတည်း ဖြစ်ပါသည်။ ထိုသူများသည် ဖွဲ့စည်းပုံဥပဒေအရ နိုင်ငံသားများဖြစ်ကြ၍ ပြဌာန်းဥပဒေ အပေါ်လွှမ်းမိုးပါသည်။ ထိုသူများနှင့် ထိုသူများမှ ဥပဒေနှင့်အညီ မွေးဖွားသက်ဆင်းလာသူများသည် နိုင်ငံသားဖြစ်ပြီးသူများ ဖြစ်ပါသည်။ (၄-၁-၁၉၄၈) ရက်မတိုင်မီက အခြေချနေထိုင်ခဲ့ကြသော မျိုးဆက်များဖြစ်၍ ၁၉၈၂-ခုနှစ် နိုင်ငံသားဥပဒေ မပြဌာန်းမီ (၁၅-၁၀-၁၉၈၂) ရက်မတိုင်မီ မွေးဖွားသူများဖြစ်၍ ၁၉၇၄-ခုနှစ် ဖွဲ့စည်းပုံအခြေခံဥပဒေပုဒ်မ-၁၄၅ (ခ) အရလည်း နိုင်ငံသားဖြစ်ပြီးသူများ ဖြစ်ပါသည်။ ထိုသူများမှ မွေးဖွားလာသူများသည် ၁၉၈၂-ခုနှစ် နိုင်ငံသား ဥပဒေအရ ဧည့်နိုင်ငံသား၊ နိုင်ငံသားပြုခွင့်ရသူ လုံးဝမဖြစ်နိုင်ပါ။ ထိုသူအားလုံးသည် တိုင်းရင်းသားမဟုတ်၊ ကပြား ဖြစ်သည်၊ သွေးနှော ဖြစ်သည်ဟုဆိုစေဦး နိုင်ငံသားလက်မှတ် နိုင်ငံသားစီစစ်ရေးကတ်ပြား၊ နိုင်-၃၊ ၃ (က)၊ နိုင်-၆၊ ၆(က) ရထိုက်သူများ ဖြစ်ပါသည်။ တိုင်းရင်းသားဖြစ်ခြင်း၊ မဖြစ်ခြင်းသည် ဥပဒေအရ သီးခြားဆောင်ရွက်ရမည့် ကိစ္စဖြစ်ပါသည်။ စစ်မှန်သော နိုင်ငံသားဘဝသည် တန်ဖိုးရှိပါသည်။

    ထို့ကြောင့် နိုင်ငံခြားသားမဟုတ်သော နိုင်ငံသားအရည်အချင်းရှိသည့် ပုဂ္ဂိုလ်အားလုံး မိမိတို့၏ အဖိုးတန်သည့် နိုင်ငံသားအခွင့်အရေး မဆုံးရှုံးရလေအောင် စာဖတ်ကြပါ။ ဥပဒေအကြောင်းကို သိအောင်လုပ်ကြပါ။ နိုင်ငံသားစိစစ်သည့်  ကိစ္စကို စိုးရိမ်မှုမရှိဘဲ အချိန်မီ လုပ်သင့်တာကို လုပ်ကြပါ။ ကြိုတင်ပြင်ဆင်ကြပါ။ လ.ဝ.က တာဝန်ရှိသူများနှင့် ဆန္ဒ၊ ဒေါသ၊ ဘယာ၊ မောဟ၊ အဂတိ ကင်းရှင်းစွာဖြင့် ပူးပေါင်းဆောင်ရွက်ကြပါရန်လည်းကောင်း၊  တာဝန်ရှိသူများကလည်း အမိန့်၊ ညွှန်ကြားချက်များထက် ဥပဒေ၊နည်းဥပဒေနှင့် အညီသာ မှန်ကန်မြန်ဆန်စွာ စိစစ်ထုတ်ပေးသင့်ပါကြောင်း တိုက်တွန်းအပ်ပါသည်။ နိုင်ငံသားအခွင့်အရေးအတွက် ဥပဒေကိုသိရှိရန် လူတိုင်းစာဖတ်ကြပါဟု တိုက်တွန်းအပ်ပါသည်။

    ပြည်ထောင်စုကြီး စည်းလုံးညီညွတ် ငြိမ်းချမ်းသာယာ ဖွံဖြိုးတိုးတက်ဖို့ နိုင်ငံသားအားလုံးလူမျိုး ဘာသာမခွဲခြား ပြည်ထောင်စုသားများ အဖြစ် ရပ်တည်နိုင်ကြပါစေ။

    ဦးအုန်းမောင် (ရန်ကင်း) တရားလွှတ်တော်ရှေ့နေ

  • ၂၀၁၄ သန်း​ခေါင် ​စာရင်းအရ ​ပေါ်ထွက်​လာတဲ့ ‘ဗုဒ္ဓလူမျိုးစု’နှင့်​ အံ့ဖွယ်​ နိုင်​ငံသား လက်​မှတ်​

    ၂၀၁၄ သန်း​ခေါင် ​စာရင်းအရ ​ပေါ်ထွက်​လာတဲ့ ‘ဗုဒ္ဓလူမျိုးစု’နှင့်​ အံ့ဖွယ်​ နိုင်​ငံသား လက်​မှတ်​

    ဇန်နဝါရီ ၂ ၊ ၂၀၁၇
    ဆောင်းပါးရှင်- ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)
    national-book
    ၁၉၈၂ ခု မြန်မာနိုင်ငံသား ဥပဒေသည် ရှုပ်ထွေးပွေလီလှသည်။ ထိုဥပဒေကို မြန်မာနိုင်ငံရှိ တိုင်းရင်းသားများ အပါအဝင် နိုင်ငံသားများ လူမျိုးစုများပင်လျှင် လူဝင်မှု ကြီးကြပ်ရေး (လဝက)မှ တောင်းဆိုသော လဝက အခေါ် “ငယ်စာရင်း” နှင့် မိဘ၊ ဘိုးဘွားများ အထောက်အထားများဖြစ်သည့် (ပုံစံ ၁၊ နိုင် -၂ ၊ နိုင် – ၄) စသည်တို့ကို မပြနိုင်သဖြင့် အဆင့်တစ်ဆင့်အောက် နိမ့်ချခံရသည့် နိုင်ငံသားများ ဖြစ်သွားခဲ့ရသည်။ အချို့ မြန်မာနိုင်ငံသားများ ၁၉၈၂ ခု မြန်မာနိုင်ငံသားများ ဥပဒေအရ လုံးဝရာနှုန်းပြည့် နိုင်ငံသားအဆင့်ကို ရရှိပါလျက်နှင့် မိမိတို့၏ မှတ်ပုံတင်များ၊ မိဘ ဘိုးဘွားစာရွက်စာတမ်းများကို စနစ်တကျ သိမ်းဆည်းထားမှု မရှိခဲ့ခြင်းကြောင့် လည်းကောင်း၊ မီး၊ ရေ၊ လေ စသည့် ရန်သူ (၅) ပါး၊ အန္တရယ် အသွယ်သွယ်ကြောင့်သော် လည်းကောင်း၊ ရေဘေး၊ မီးဘေး၊ လေဘေး၊ ခြ ဘေးသင့် လဝကရုံးများကြောင့် သော်လည်းကောင်း သက်သေခံ၊ မှတ်ပုံတင်၊ သန်ခေါင်းစာရင်း၊ စာရွက်စာတမ်းများ ပျောက်ဆုံး ပျက်စီး ဆုံးရူံးခဲ့ရသည်။

    အမှန်တကယ် နစ်နာခဲ့သူများမှာ သံသယနိုင်ငံသားများစာရင်းအဖြစ် သတ်မှတ်ခံရသည့်အပြင် (NVC) National Verification Cards များကို “မချစ်သော်လည်း အောင့်ကာနမ်း” ပုံစံ၊ မွေးစာရင်း၊ သေစာရင်း၊ ခရီးသွားရင်း လိုအပ်လျှင် မြန်မာနိုင်ငံအတွင်း နေထိုင်သည်မှာ မှန်ကန်ကြောင်း သက်သေပြနိုင်ရန် ယူနေရသူများလည်းရှိကြောင်း မီဒီယာများတွင် တွေ့နေရပါသည်။

    ဥပမာပြရလျှင် စာရေးသူ၏မိတ်ဆွေတစ်ဦးသည် ရန်ကုန်တိုင်းဒေသကြီး သင်္ဃန်းကျွန်းမြို့နယ်တွင်နေထိုင်ပြီး လဝက ရုံး၌ ပန်းရောင်နိုင်ငံသား စီစစ်ရေးကတ်ကို လျှေက်ထားခဲ့စဉ်က ၃ ခေါက်ချိုး မူရင်းမှတ်ပုံတင် ပျော်ဆုံးနေ၍ မိတ္တူဖြင့် လျှောက်ခဲ့ပါသည်။ ဖခင်သာ် ယူစီစီ (UCC) မြန်မာဆိုရှယ်လစ်လမ်းစဉ် ပါတီခေတ်က နိုင်ငံခြားသားများအား တရားဝင်ကျမ်းကျိန်ဆိုပြီး နိုင်ငံသားအဖြစ်ကို ဝန်ကြီးများစုံရာဖြင့် အသိအမှတ်ပြုထုတ်ပေးခဲ့သော ဥပဒေအရ မြန်မာနိုင်ငံသားများ အဖြစ် အသိအမှတ်ပြုခြင်း ခံရသည့်ကတ်ပြား တစ်ခု ဖြစ်ပါသည်။ ထိုယူစီစီ UCC မူရင်းကတ်ပြားကို ကာယကံရှင်သေဆုံးစဉ်က ဥပဒေအရ “လဝက” ရုံးသို့ ပေးပို့ခဲ့ပြီး ဖြစ်ပါသည်။ UCC မှတ်ပုံတင် နံပါတ်ကို ဖော်ပြနိုင်ခဲ့သော်လည်း နောက်ဆုံး သင်္ဃကျွန်း လဝကမှ ထုတ်ပေးခဲ့သည့် အစိမ်းရောင် နိုင်ငံသားပြု စာအုပ်နှင့် အစိမ်းရောင်ကတ်ပြားဖြင့် နှစ်ပါးသွားခဲ့ရသည်။ တစ်ဆင့်နိမ့် နိုင်ငံသား ဖြစ်သွားခဲ့ရသည်။

    ၁၉၈၂ ခု မြန်မာနိုင်ငံသား ဥပဒေအရ လက်ရှိတရားဝင်အနေဖြင့် “နိုင်ငံသား” အနေဖြင့် ထုတ်ပေးနေသော မှတ်ပုံတင်အမျိုးအစား (၃) မျိုး ရှိပါသည်။
    (၁) ပန်းရောင် နိုင်ငံသား စီစစ်ရေးကတ်
    (၂) အစိမ်းရောင် နိုင်ငံသားပြုကတ်နှင့် အစိမ်းရောင်နိုင်ငံသားပြုစာအုပ်
    (၃) အပြာရောင် ဧည့်နိုင်ငံသားကတ်နှင့် ဧည့်နိုင်ငံသား စာအုပ်ဖြစ်ပါသည်။

    ၂၀၁၄ ခုမတ်လတွင် မြန်မာအစိုးရသည် ကမ္ဘာ့ကုလသမဂ္ဂ လက်အောက်ခံ အဖွဲ့အစည်းတစ်ခုဖြစ်သည့် UNFPA နှင့် အနောက်နိုင်ငံများ၏ အကူအညီဖြင့် ပြုလုပ်ခဲ့သည့် သန်းခေါင်းစာရင်း မှတ်တမ်းအရ မြန်မာနိုင်ငံတွင်  နိုင်ငံသား စီစစ်ရေးကတ် (ပန်းရောင်) ကိုင်ဆောင်သူပေါင်း – ၂၈၃၉၇၅၁၉ ဦး၊ နိုင်ငံသားပြုခွင့်ရသူပေါင်း – ၃၇,၄၂၉ ဦး၊ ၃ခေါက်ချိူး ၊ အစိမ်းရောင်၊ အမျိုးသားမှတ်ပုံတင်ကတ် ကိုင်ဆောင်ထားသူပေါင်း – ၆၈၂၂၈ ဦး၊ ၃၁-၃-၂၀၁၅ ရက်နေ့တွင် သက်တမ်းကုန်ဆုံးခဲ့ပြီးဖြစ်သော ယာယီ White card ကိုင်ဆောင်ထားခြင်းမရှိအပါဝင် မည်သည့်လက်မှတ်မျှ ကိုင်ဆောင်ထားခြင်း မရှိသူပေါင်း – ၁၁,၂၀၇,၇၆၉ ဦး ။ အထက်ပါစာရင်းဇယားများကို လေ့လာကြည့်လျှင် လူဝင်မှုကြီးကြပ်ရေး (လဝက) ဌာန၏ လုပ်ဆောင်ချက်များသည် အချိန်နှင့်တစ်ပြေးညီ လုပ်ဆောင်ရမည့် ကိစ္စများကို နှစ်ပေါင်းများစွာ မပြုလုပ်ခဲ့သည့်အတွက် ပြည်သူလူထု ၁၁ သန်း ကျော် မည်သည့်မှတ်ပုံတင်ကတ်ပြားမျှ မရရှိခဲ့ခြင်း ဖြစ်ပါသည်။ သမ္မတ ဦးသိန်းစိန်၏ အမိန့်အရ ၃၁-၃-၂၀၁၅ ခုနှစ်တွင် ဖျက်သိမ်းခဲ့သော White card များကို ကိုင်ဆောင်ခဲ့သူများ အား အခြား သက်သေခံကတ်ပြားတစ်ခုအား အချိန်နှင့်တစ်ပြေးညီ “လဝက” ဌာနပြည်သူ့ဝန်ထမ်းများ ဆိုသူများ၊ တာဝန်ရှိ ပုဂ္ဂိုလ်များဆိူသူများက တာဝန်မဲ့မှု၊ စေတနာမမှန်မှုတို့ကြောင့် မြေစာပင်ဖြစ်ရသူများ ထောင်နန်းစံနေသူများ၊ ခိုးဝင်စွပ်စွဲပြီး မတရားစီရင်ခံနေသူများမှ ပြည်သူလူထုပင် ဖြစ်သည်။

    ၂၀၁၄ ခုနှစ် သန်းခေါင်းစာရင်းအရ တိုင်းရင်းသား ၁၃၅ မျိုးထဲမှလည်းကောင်း၊ အခြားလူမျိုးနွယ်စုများထဲမှလည်း၊ အသစ် အသစ်သော လူမျိုးစုများ ပေါ်ထွက်လာရာ အတည်ပြုချက်မရသေးသော နေပြည်တော်သတင်းတရပ်အရ လူမျိုးစုပေါင်း ၈၃၀ ကျော်ဖြစ်နေခဲ့ပြီး လူမျိုးအမည် စာရင်းတစ်ခုတွင် “ဗုဒ္ဓလူမျိုးစု” ဟူ၍ ပေါ်ထွက်လာခြင်းသည် အံ့သြဖွယ်ရာ ဖြစ်ခဲ့သည်။ ထူးဆန်းဖွယ်ရာ ဖြစ်သည်။

    ပို၍ အံ့သြဖွယ်ကောင်းသည်မှာ ၁၉၈၂ ခု မြန်မာနိုင်ငံသား ဥပဒေကို “နဝတ” စစ်အစိုးရက ၁၉၈၉ ခု မတ်လလောက်က စတင် အကောင်အထည်ဖော်ခဲ့ပြီး ၃ ခေါက်ချိုးမှတ်ပုံတင်များကို ပြန်လည် အပ်နှံစေခဲ့ပြီး နိုင်ငံသား စီစစ်ရေးကိစ္စများကို ဆောင်ရွက်လာရာ ၂၀၁၆ ခုနှစ် ယခုအချိန်ထိ ပြည်နယ်တိုင်း လဝက ရုံးများတွင် အဆင့်ဆင့် စီစစ်နေတုန်းပင် ဖြစ်သည်။ နိုင်ငံသားစီစစ်ရေး ပန်းရောင်ကတ် ကိုင်ဆောင်ထားသူများအား စီစစ်သည့် ကိစ္စပြီးဆုံးလျှင်  “နိုင်ငံသားလတ်မှတ်” စာအုပ်ကို ထုတ်ပေးမည်ဟု သိရသည်။

    သို့သော် ကိစ္စပြီးဆုံးလျှင်  “နိုင်ငံသားလတ်မှတ်” စာအုပ်၊ အနီရောင် (နိုင်ငံကူးလတ်မှတ်ပုံစံ အရောင်) ကို ၁၉၈၉ ခု မတ်လ ကတည်းက ထုတ်ပေးခဲ့ကြောင်း စာရေးသူ မကြာသေးခင်က မျက်မြင်ကိုယ်တွေ့ မိတ်ဆွေတစ်ဦးအား မေးမြန်းခဲ့ပြီး မှတ်တမ်းဓာတ်ပုံများကို ရယူခဲ့ပါသည်။

    နိုင်ငံသားစီစစ်ရေးကတ်အကြောင်းသည် မြန်မာနိုင်ငံသား အများစု ရင်ဆိုင်ကြုံတွေ့နေရသည့် အခက်အခဲ ပြသာနာ တစ်ခုဖြစ်နေသည့် အတွက် ၂၉-၁၂-၂၀၁၆ တွင် ထိုအကြောင်းအရာနှင့် ပတ်သတ်၍ ရန်ကုန်မြို့လယ်တွင် စာရေးသူ ဟောပြောပွဲတစ်ခုကို “ပညာရေး၊ လေ့ကျင့်ရေးနှင့် လူမှုဖွံ့ဖြိုးတိုးတက်ရေးစင်တာ” တွင် တရားလွှတ်တော်ရှေ့နေတစ်ဦးနှင့် အတူ ဟောပြောဖြစ်ခဲ့သည်။

    ဟောပြောပွဲအပြီး နောက်နေ့တွင် မိတ်ဆွေတစ်ဦးက သူ့ဇနီး၏ ၁၉၈၉ ခု မတ်လတွင် လူဝင်မှုကြီးကြပ်ရေး (လဝက) ညွှန်ကြားရေးမှူးချုပ် ဦးမောင်အောင် (ဗိုလ်မှူးကြီး မောင်အောင်(ငြိမ်း)) ကိုယ်တိုင် လက်မှတ်ရေးထိုးပြီး ထုတ်ပေးခဲ့သော “နိုင်ငံသားလက်မှတ်” စာအုပ်ကို စာရေးသူ မြင်တွေ့ခဲ့သောအခါ အလွန် အံ့သြမိခဲ့ပါသည်။ ကိုယ့်မျက်လုံး ကိုယ်မယုံနိုင်အောင် ဖြစ်သွားခဲ့ရပါသည်။ စာရေးသူ သိသလောက်ပြောရလျှင် မြန်မာနိုင်ငံတွင် မြန်မာနိုင်ငံသား နိုင်ငံသား လက်မှတ်စာအုပ်ကို မည်သူမျှ ကိုင်ဆောင်ထားခြင်း မရှိသေးကြောင်း ကြားဖူးပါသည်။ ထို့ကြောင့်လည်း ဟောပြောပွဲတွင် နိုင်ငံသား သမ္မတ ကြီးနှင့် ဝန်ကြီးများ၊ ညွှန်ကြားရေးမှူးချုပ်များ၊ ဗိုလ်ချုပ်ကြီးများသည်ပင်လျှင် နိုင်ငံသားလက်မှတ် စာအုပ်ကို မရရှိသေးကြောင်း ဟောပြောခဲ့ပါသည်။

    ထို့သို့ရဲရဲတင်းတင်းပြောနိုင်ခြင်းသည်မှာလည်း နိုင်ငံတော်၏အတိုင်အပင်ခံ ပုဂ္ဂိုလ် ဒေါ်အောင်ဆန်းစုကြည်သည်ပင် နိုင်ငံသား  စီစစ်ရေးကတ် ပန်းရောင်ကို ၂၃-၄-၂၀၁၅ တွင်ရခဲ့ကြောင်း အတိအကျသိ၍ ပရိတ်သတ် ၁၅၀ ကျော်ရှေ့တွင် ပြောကြား ခဲ့ခြင်း ဖြစ်ပါသည်။

    ထိုနိုင်ငံသားလက်မှတ်စာအုပ်ကို နိုင်ငံသားစီစစ်ရေးပန်းရောင်ကတ်နှင့်အတူ ၁၉၈၉ခုနှစ် မတ်လက ပေးခဲ့ကြောင်း ကာယကံရှင်က ပြောပါတယ်။ ထိုနိုင်ငံသားလက်မှတ် စာအုပ်တွင် အမှတ်စဉ်က ၄၀၀၀ ကျော်နေပြီဖြစ်ကြောင်း သတိထားမိပါသည်။ ထိုစာအုပ်ထဲတွင် မိမိ၏မိသားစု အမည်များ ဖြည့်စွက်ရန် နေရာများ၊ ကာယကံရှင် နိုင်ငံသားလက်မှတ် စာအုပ်ပိုင်ရှင်အား ညွှန်ကြားချက်များ ပါဝင်သည်။ စာရေးသူကိုယ်တိုင် ကိုယ်ကျ လေ့လာကြည့်ခဲ့သည်။ ထူးခြားသည်မှာ “ပြည်ထောင်စု ဆိုရှယ်လစ် သမ္မတ မြန်မာနိုင်ငံတော်” ဟူသောစာသားအောက်တွင် “နိုင်ငံသားလက်မှတ်” ဟူသော စာသားကို ရေးသားထားခြင်း ဖြစ်ပါသည်။

    ဤအချက်ကိုလေ့လာကြည့်လျှင် စစ်အစိုးရတို့မည်သည် ပြည်သူလူထုကို ဂရုမစိုက်ပဲ ထင်ရာဆိုင်းသည့်မူကို “ရေဗူးပေါက်တာမလို၊ ရေပါတာပဲလိုချင်” ဆိုသည့် ငါတကော ကောသည့် လုပ်ရပ်မျိုးကို လုပ်လေ့ရှိခဲ့ကြောင်း သက်သေတစ်ရပ်ဖြစ်ခဲ့ပေသည်။ ပွင့်လင်းမြင်သာမှု မရှိသော လုပ်ရပ်များကိုလည်း လုပ်လေ့ရှိခဲ့ကြောင်း စာရေးသူ သတိပြုမိပါသည်။

    မည်သို့ပင်ဆိုစေ ၂၀၁၄ ခုသန်းခေါင် စာရင်းအရ လူမျိုးစု ၈၃၀  ကျော်နေခြင်း “ဗုဒ္ဓလူမျိုးစု” ဟူ၍ ပေါ်ထွက်လာခဲ့ခြင်း၊ မိမိတို့နှင့် ပုလဲနံ့သင့်သည့်သူများကို နိုင်ငံသားလတ်မှတ်စာအုပ်ကို လက်သိပ်ထိုးပေးထားခဲ့ခြင်း ဖြစ်ပါသည်။ ပြည်ထောင်စုစိတ်ဓာတ်၊ ပင်လုံစိတ်ဓာတ်ကို အခြေခံ၍ ပြည်သူ့ဆန္ဒနှင့် တစ်သားတည်း ပြည်သူမျက်နှာကိုသာကြည့်မည့် အစိုးရတစ်ရပ် အနေဖြင့် နောင်အနာဂတ် တွင် ထုတ်ပေးမည့် နိုင်ငံသား SMART CARD တွင် ပြည်ထောင်စု စိတ်ဓာတ်ကို မွေးဖွားမည့် နိုင်ငံသား ကတ်မျိုးကိုသာ ထုတ်ပေးသင့်ပါကြောင်း အကြံပြုလိုက်ပါသည်။

    ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)

  • NO NVC ! (သူ့အမြင်)

    NO NVC ! (သူ့အမြင်)

    ဒီဇင်ဘာ ၁၂ ၊ ၂၀၁၆
    M-Media
    ဦးခင်မောင်ချို(တရားလွှတ်တော်ရှေ့နေ) ရေးသည်။

    no-nvc

    NVC ကိစ္စနှင့်ပတ်သက်၍ သိသင့်သိထိုက်သော အချက်အလက်များကို ဖော်ပြလိုက်ပါတယ်။

    … ယခင်သမ္မတဟောင်း ဦးသိန်းစိန်က White Card ကိုင်ဆောင်သူများကိုသာ NVC (အစိမ်းရောင် Card) ထုတ်ပေးဖို့ ညွှန်ကြားခဲ့ပါတယ်။

    (၁၉၅၁ခုနှစ်၊ ပြည်ထောင်စု မြန်မာနိုင်ငံအတွင်း နေထိုင်သူများ မှတ်ပုံတင်ရေး နည်းဥပဒေ  အပိုဒ်-၁၃(၁)အရ  ထုတ်ပေးထားသော ယာယီသက်သေခံ လက်မှတ်များသည် (၃၁-၃-၂၀၁၅) ရက်နေ့အထိသာ သတ်မှတ်ခဲ့ပြီး၊ ထိုရက်နေ့ နောက်ဆုံးထား၍ အပ်နှံရန် နိုင်ငံတော် သမ္မတရုံး၏ (၁၁-၂-၂၀၁၅)ရက်စွဲပါ အမိန့်ကြေညာစာအမှတ်- ၁၉/၂၀၁၅ဖြင့် ထုတ်ပြန်ကြေညာခဲ့ ပါသည်။ နိုင်ငံတော် သမ္မတရုံး၏ (၃-၄-၂၀၁၅)ရက်စွဲပါ အမိန့် ကြော်ငြာစာအမှတ်-၃၁/၂၀၁၅ ဖြင့် ဖွဲ့စည်းတာဝန်ပေးခဲ့သော ယာယီသက်သေခံ လက်မှတ်နှင့် စပ်လျှဉ်းသည့် ကိစ္စရပ်များ လေ့လာသုံးသပ် အကြံပြုရေး ကော်မရှင်၏ အကြံပြုချက်အရ ထိုယာယီသက်သေခံလက်မှတ် အပ်နှံသူများကို “နိုင်ငံသားစိစစ်ခံရမည့်သူ၏ သက်သေခံကတ်ပြား” (Identity Card for National Verification)ထုတ်ပေးရန် ကော်မရှင်၏ အကြံပြုချက်ကို နိုင်ငံတော်အစိုးရက သဘောတူညီပြီး ဖြစ်သဖြင့် တာဝန်ပေးချက်အရ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနသည် (၅-၆-၂၀၁၅)ရက်နေ့မှစ၍ ထိုယာယီ သက်သေခံကတ်ပြား ထုတ်ပေးရေးကိုဆောင်ရွက်ခဲ့ပါသည်။ White Card အပ်နှံသူများအား NVC ထုတ်ပေးရန် နိုင်ငံတော်အစိုးရက သဘောတူထားခြင်းဖြစ် ပါသည်။၁၉၅၁ခုနှစ်၊ ပြည်ထောင်စု မြန်မာနိုင်ငံ အတွင်း နေထိုင်သူများ မှတ်ပုံတင်ရေးနည်းဥပဒေအပိုဒ်-၁၃(၁)အရ ယာယီသက်သေခံလက်မှတ်(White Card) ကိုင်ဆောင်ထားသူများကိုသာ အပိုဒ်-၁၃(၄)အရ ယာယီသက်သေခံ လက်မှတ်သစ်တစ်ခု (NVC)ထုတ်ပေးခြင်းဖြစ်ပါ သည်။ စတင်ထုတ်ပေးချိန်မှစ၍ သက်တမ်း (၂)နှစ် ရှိပါသည်။ ယာယီ သက်သေခံကတ်ပြား၍ White Card ကို ရုပ်သိမ်းသကဲ့သို့ NVC ကို ရုပ်သိမ်းနိုင်ပါသည်။ ၄င်း နည်းဥပဒေ ၁၃(၄) အရ ယာယီသက်သေခံလက်မှတ် သက်တမ်းစေ့လျှင် နောက်ထပ်သက်သေခံ လက်မှတ် ထပ်မံ ထုတ်ပေးနိုင်သည်။)

    …နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကနိုင်ငံသား မိဖနှစ်ဦးမှ မွေးဖွားသည့် သားသမီးသည် နိုင်ငံသားဖြစ်ခွင့်ရှိသည် ဟုပြောကြားခဲ့ပါတယ်။
    (ရခိုင်ကော်မရှင် တံခါးပိတ်အစည်အဝေးသို့ တက်ရောက်ခွင့် ရရှိသူ ဦးအေးလွင်တို့နှင့် တွေ့ဆုံစဉ် နိုင်ငံသားမိဖနှစ်ဦးမှ မွေးဖွားသည့် သားသမီးသည် နိုင်ငံသားဖြစ်ခွင့် ရှိသည်ဟု ပြောဆိုခဲ့ကြောင်း ဦးအေးလွင်က ပြောကြားခဲ့ပါသည်။)

    …အလုပ်သမား၊ လူဝင်မူကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စု ၀န်ကြီး ဦးသိန်းဆွေက အမျိုးသားမှတ်ပုံတင် ကတ်ပြား (သုံးခေါက်ချိုး) ကိုင်ဆောင်သူများကို NVC Card လဲလှယ်ရန်မလိုကြောင်းပြောကြားခဲ့ပါတယ်။
    (NVC နှင့်စပ်လျဉ်း၍ တင်ပြရလျှင်၊ (၁၅-၇-၂၀၁၆) ရက်စွဲပါ မြန်မာ့အလင်းသတင်းစာ စာမျက်နှာ(၆) တွေ့ဆုံမေးမြန်းခန်းတွင် “အမျိုးသားမှတ်ပုံတင် ကတ်ပြား (သုံးခေါက်ချိုး) ကိုင်ဆောင်သူများကို NVC Card လဲလှယ်ရန်မလိုဘဲ လုပ်ထုံးလုပ်နည်းနှင့် အညီ နိုင်ငံသားစိစစ်ရေးကတ်ပြားများ စိစစ်ထုတ်ပေးသွားမည် ဖြစ်ကြောင်း” ပြည်ထောင်စုဝန်ကြီး၊အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ၏ ပြောကြားချက်အရ အမျိုးသားမှတ်ပုံတင်ကတ်ပြား (သုံးခေါက်ချိုး) ကိုင်ဆောင်သူများသည် NVC Card လဲလှယ်ရန် မလိုအပ်ပါ။)

    …နိုင်ငံသားအရည်အချင်း စိစစ်ရာတွင် အထောက်အထားတင်ပြမှု အားနည်းလျှင် ၁၉၈၂ခုနှစ်၊ မြန်မာနိုင်ငံသားဥပဒေ ပုဒ်မ-၆၅နှင့် အညီ ဆောင်ရွက်နိုင်ပါတယ်။
    (အထောက်အထားတင်ပြမှု အားနည်းလျှင်(သို့) မည်သည့်နိုင်ငံသား အမျိုးအစားတွင် အကျုံးဝင်ကြောင်း အတည်ပြုရန် ဒွိဟဖြစ်လျှင်(သို့) နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူဆိုင်ရာ ပြဌာန်းချက်များနှင့် အကျုံးမဝင်လျှင် (သို့) NVC ကိုင်ဆောင်ထားသူများမှ လျှောက်ထားလာလျှင် လျှောက်ထားသူ (အလွှာရှင်) ၏ဆန္ဒအလျှောက် ၁၉၈၂ခုနှစ်၊ မြန်မာနိုင်ငံသား ဥပဒေ ပုဒ်မ-၆၅ အရ လျှောက်ထားရန် ညွှန်ပြပါလိမ့်မည်။)

    ပုဒ်မ-၆၅။    ။ ပုဂ္ဂိုလ်တစ်ဦးသည် နိုင်ငံသား သို့မဟုတ် ဧည့်နိုင်ငံသား သို့မဟုတ် နိုင်ငံသားပြုခွင့်ရသူ ဟုတ်မဟုတ် အဆုံးအဖြတ်ခံယူရန် အကြောင်းကိစ္စ ပေါ်ပေါက်ပါက ဗဟိုအဖွဲ့သို့ လျှောက်ထားနိုင်သည်။

    ဆောင်ရွက်ပုံအဆင့်ဆင့်မှာ မြို့နယ်ဦးစီးဌာနမှူးရုံးမှအမှုတွဲတည်ဆောက်၍ပဏာမစီစစ်ပါလိမ့်မည်။ မြို့နယ် အဆင့် ၊ ပြည်နယ်/ တိုင်းဒေသကြီးအဆင့် နိုင်ငံသားစိစစ်ရေးကော်မတီများ က စုံစမ်းစစ်ဆေးပြီး လူဝင်မှု ကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန (ရုံးချုပ်) က ထပ်ဆင့်စိစစ်ပြီး ဗဟိုအဖွဲ့သို့ တင်ပြရပါသည်။ ၄င်းဗဟိုအဖွဲ့မှ မည်သည့်နိုင်ငံသားအမျိုးအစားတွင် ပါဝင်ကြောင်း အပြီးသတ်ဆုံးဖြတ် ပါလိမ့်မည်။ ၁၉၈၂ခုနှစ်၊ မြန်မာနိုင်ငံသားဥပဒေနှင့်အညီ နိုင်ငံသားစိစစ်ပေးရန် လိုအပ်၍ နိုငံသားစိစစ်ရေး ကတ်ပြား နိုင်ငံသား အမျိုးအစားအလိုက် ထုတ်ပေးရန်မှာလည်း အချိန်ယူ ဆောင်ရွက်ရမည့် ကိစ္စဖြစ်သဖြင့် အလွှာရှင်သည် အချိန်ကာလကြာမြင့်နိုင်သည်ကို သတိပြုရန် လိုအပ်ပါသည်။ NVC နှင့် ပုဒ်မ-၆၅ ဆက်စပ်လာလျှင် နိုင်ငံသား ဖြစ်ရန် အခွင့်အလမ်း နည်းပါးသွားနိုင်ပါသည်။)

    …မြန်မာနိုင်ငံတွင် အစ္စလာမ်ဘာသာဝင်အများအပြားသည် အခြေခံဥပဒေ (၃) ခုက အသိအမှတ်ပြုထားသော ဥပဒေအရ နိုင်ငံသားဖြစ်ပြီးသူများဖြစ်ကြပါတယ်။
    (မြန်မာနိုင်ငံတွင် အစ္စလာမ်ဘာသာဝင် အများအပြားသည် ဥပဒေအရ နိုင်ငံသားဖြစ်ပြီး သူများ ဖြစ်ကြပါသည်။ ၁၉၄၇ခုနှစ်၊ ပြည်ထောင်စု မြန်မာနိုင်ငံ ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ-၁ဝ၊ ၁၉၇၄ခုနှစ်၊ ပြည်ထောင်စု ဆိုရှယ်လစ် သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ-၁၄၅(ခ)နှင့်၂၀၀၈ခုနှစ် ၊ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ ပုဒ်မ-၃၄၅(ခ)ဖွဲ့စည်းပုံအခြေခံ ဥပဒေ (၃)ရပ်က  ဥပဒေအရ နိုင်ငံသားဖြစ်ပြီးသူများကို  အသိအမှတ်ပြု အတည်ပြု ထားပြီး၊ ၁၉၈၂ခုနှစ်၊ မြန်မာ နိုင်ငံသားဥပဒေပုဒ်မ-၆ ကလည်း ထပ်မံ အတည်ပြုထားပါသည်။)

    …မြန်မာနိုင်ငံတွင် ၁၈၂၃ခုနှစ် မတိုင်မီက မိမိ၏ပင်ရင်းနိုင်ငံအဖြစ် အခြေစိုက် နေထိုင်ခဲ့သော အစ္စလာမ်ဘာသာဝင်များ၏ အဆက်အနွယ်များသည် ၁၉၈၂ မြန်မာနိုင်ငံသားဥပဒေပုဒ်မ-၃ အရ နိုင်ငံသားဖြစ်ကြပါတယ်။
    (၁၉၄၈ခုနှစ်၊ ပြည်ထောင်စု မြန်မာနိုင်ငံသားဖြစ်မှု အက်ဥပဒေ ပုဒ်မ-၃(၁)တွင်  ၁၈၂၃ ခုနှစ်(မြန်မာသက္ကရာဇ် ၁၁၈၅ခုနှစ်) မတိုင်မီ ကာလကစ၍ မိမိတို့၏ ပင်ရင်းတိုင်းပြည် အဖြစ်ဖြင့် အခြေစိုက် နေထိုင်ခဲ့သော မျိုးနွယ်စုများသည် ၁၉၈၂ခုနှစ် ၊မြန်မာနိုင်ငံသားဥပဒေ ပုဒ်မ-၃ တွင် အကျုံးဝင်သော မြန်မာနိုင်ငံ သားများ ဖြစ်ကြပါသည်။ အစ္စလာမ်ဘာသာဝင်များသည် မြန်မာနိုင်ငံသို့ လွန်ခဲ့သော နှစ်ပေါင်း ၁၀၀၀ကျော် ၁၂၀၀ခန့်က ရောက်ရှိခဲ့ရာ၊ ၁၈၂၃ခုနှစ် မတိုင်မီက မိမိတို့၏ ပင်ရင်းတိုင်းပြည်အဖြစ်ဖြင့် အခြေစိုက် နေထိုင်ခဲ့သူများ၏ အဆက်အနွယ်များသည် မြန်မာနိုင်ငံသားများဖြစ်ကြပြီး၊ မြန်မာနိုင်ငံအရပ်ရပ်တွင် ပျံ့နှံ့နေထိုင်လျှက်ရှိပါသည်။)

    …လ၀က ဥပဒေများအရ နိုင်ငံသားဖြစ်ပြီးသူများမှ မွေးဖွားသူများသည်လည်းမြန်မာနိုင်ငံသားများဖြစ်ကြပါတယ်။
    (၁၉၄၈ခုနှစ်၊ ပြည်ထောင်စု မြန်မာနိုင်ငံသားဖြစ်မှု အက်ဥပဒေ၊ ၁၉၄၈ခုနှစ်၊ ပြည်ထောင်စု မြန်မာ နိုင်ငံသားအဖြစ် ရွေးချယ်ရေး အက်ဥပဒေ နှင့် ၁၉၄၇ခုနှစ်၊ ပြည်ထောင်စု မြန်မာနိုင်ငံ ဖွဲ့စည်းအုပ်ချုပ်ပုံ အခြေခံဥပဒေ ပုဒ်မ-၁၁ တို့နှင့်အညီ နိုင်ငံသားဖြစ်ပြီး သူများသည်လည်း ၁၉၈၂ခုနှစ် ၊မြန်မာနိုင်ငံသားဥပဒေ ပုဒ်မ-၆တွင် အကျုံးဝင်သော မြန်မာနိုင်ငံသားများ ဖြစ်ကြပါသည်။ ၁၉၇၃ခုနှစ်၊ စကားရပ်များ အနက်အဓိပ္ပါယ် ဖွင့်ဆိုရေး ဥပဒေ ပုဒ်မ-၁၄ တွင် “ဥပဒေ ပြဌာန်းချက် တစ်ရပ်ရပ်ကို အခြားဥပဒေ တစ်ရပ်ရပ်ဖြင့်၊ ရုပ်သိမ်းလျှင် (က)ရုပ်သိမ်းခြင်း ခံရသော ပြဌာန်းချက် ၏ အာဏာသက်ရောက်ခြင်းကို မထိခိုက်စေရ။ ထို့ပြင် ယင်းဥပဒေ ပြဌာန်းချက် အရ နည်းလမ်းတကျ ပြုလုပ် ဆောင်ရွက်ခဲ့သည်တို့ကို မထိခိုက်စေရ။(ခ)ရုပ်သိမ်းခြင်းခံရသော ပြဌာန်းချက်အရ ရရှိခဲ့သည့်ရပိုင်ခွင့် သို့မဟုတ် အခွင့်အရေးကို မထိခိုက်စေရ။”ဟု ပြဌာန်းထားရာ၊ ယင်းအခွင့်အရေးများသည် ယနေ့တိုင် တည်မြဲလျှက်ရှိရာ၊ အဆိုပါ ဥပဒေများအရလည်း အစ္စလာမ်ဘာသာဝင်များ အများအပြားသည် ဥပဒေအရ နိုင်ငံသားဖြစ်ပြီးသူများ ဖြစ်ကြပါသည်။)

    ၁၉၈၂နိုင်ငံသားဥပဒေတွင် သွေးနှောများကိုပြန်လည် စိစစ်ရန် မပါဝင်ကြောင်း ဒဂုံမြို့နယ် (မြောက်ပိုင်း) ပြည်သူ့လွှတ်တော် မဲဆန္ဒနယ်မြေကိုယ်စားလှယ် ဒေါက်တာခင်မောမောင်က ဒုတိယအကြိမ်ပြည်သူ့လွှတ်တော် ဒုတိယပုံမှန် အစည်းအဝေးတွင် ပြောကြားခဲ့ပါတယ်။
    (သွေးနှော”အသုံးအနှုန်းနှင့် ပတ်သက်၍လည်း တင်ပြလိုပါသည်။၎င်းအသုံးအနှုန်းသည် ၁၉၈၂ နိုင်ငံသား ဥပဒေ၊ နည်းဥပဒေများတွင် မပါဝင်သော ဥပဒေနှင့် မညီညွှတ်သည့် အသုံးအနှုန်း ဖြစ်ပါသည်။ ဥပဒေ ပြဌာန်းချက်တစ်စုံတစ်ရာ မရှိ၍ “သွေးနှော”ဟု ခေါ်ဝေါ် သုံးနှုန်းခြင်းမှာ တည်ဆဲ ဥပဒေများနှင့်ညီညွှတ်ခြင်းမရှိပါ။ ဥပဒေတစ်ရပ် ပြဌာန်းလျှင်၊ ဥပဒေ၊ နည်းဥပဒေ၊လုပ်ထုံးလုပ်နည်း၊ ညွှန်ကြားချက်၊ အမိန့် အသီးသီး ရှိပါသည်။ညွှန်ကြားချက်၊ အမိန့်များသည် ဥပဒေ၊ နည်းဥပဒေ၊များကို မကျော်လွန်နိုင်ပါ။ အစ္စလာမ်ဘာသာဝင်များအား သွေးနှောများ ဟု သုံးနှုန်းနေခြင်းမှာ ဥပဒေနှင့် မညီညွှတ်ပါ။)

    …နိုင်ငံသားစိစစ်ရာတွင် စိစစ်သည့်ဗဟိုအဖွဲ့အစည်း လ၀က၀န်ကြီးဌာန၊ နှင့်  နိုင်ငံတော်အစိုးရတို့ကသာ ဆုံးဖြတ်နိုင်ပါတယ်။
    (၁၉၈၂ခုနှစ်၊မြန်မာနိုင်ငံသားဥပဒေ ပုဒ်မ-၇၄အရ မြန်မာနိုင်ငံသား စိစစ်ရေး လုပ်ငန်းရပ်များနှင့် စပ်လျှဉ်း၍ နိုင်ငံတော်အစိုးရ၊ သက်ဆိုင်ရာ ဝန်ကြီးဌာန နှင့် ဗဟိုအဖွဲ့တို့ကသာ တည်ဆဲဥပဒေများနှင့်အညီ အဆုံးအဖြတ် ပေးနိုင်ပါသည်။ သက်ဆိုင်ရာ ဝန်ကြီးဌာန နှင့် ဗဟိုအဖွဲ့တို့သည် နိုင်ငံတော်အစိုးရကို တာဝန်ခံ၍ မြန်မာနိုင်ငံသား လုပ်ငန်းရပ်များကို အကောင်အထည် ဖေါ်ရပါသည်။ ပုဒ်မ-၇၀(ခ)အရ နိုင်ငံတော် အစိုးရအဖွဲ့၏ ဆုံးဖြတ်ချက်သည် အပြီးအပြတ်ဖြစ်ပါသည်။)

    …NVC ကတ်ပြားများကို အစ္စလာမ် ဘာသာဝင်များကိုသာ သီးခြားကိုင်ဆောင်စေခြင်းမဟုတ်ပဲ နယ်စပ်ဒေသများ၏ နယ်နမိတ်ထိစပ်မှုသဘော သဘာဝအရ နှစ်နိုင်ငံလူမျိုးများရောထွေးနေခြင်း အပေါ် ဥပဒေအရ စိစစ်ခွဲခြားပေးနိုင်ရန်အတွက် အခိုင်အတန့် ကိုင်ဆောင်စေခြင်းဖြစ်ကြောင်းပြောကြားခဲ့ရာ ရန်ကုန်တိုင်းဒေသကြီးကဲ့သို့ မြို့ကြီးပြကြီးများတွင် နေထိုင်ကြသော အစ္စလာမ်ဘာသာဝင်များအား သီးသန့်ခေါ်ယူတွေ့ဆုံ ရှင်းပြရန်လိုအပ်မည် မဟုတ်ပါ။ မြန်မာနိုင်ငံတွင်နေထိုင်ကြသော နိုင်ငံသား အရည်အချင်းပြည့်မှီသည့် အစ္စလာမ်ဘာသာဝင်တို့အား ၁၉၈၂ခုနှစ်မြန်မာနိုင်ငံသား ဥပဒေအရ စိစစ်ရန်ဖြစ်ပါတယ်။

    (နိုင်ငံသား/ဧည့်နိုင်ငံသား/နိုင်ငံသားပြုခွင့်ရသူများ အတွက်၁၉၈၂ခုနှစ်၊မြန်မာနိုင်ငံသားဥပဒေနည်း ဥပဒေလုပ်ထုံး လုပ်နည်းများ ပြဌာန်းထားပြီးဖြစ်ပြီး၊ အဆိုပါပြဌာန်းချက်များအရ နိုင်ငံသား/ဧည့်နိုင်ငံသား /နိုင်ငံသားပြုခွင့်ရသူများအတွက် အရည်အချင်း သတ်မှတ်ချက်များကို စိစစ်ရာတွင် အထောက်အထားများ ခိုင်မာမှန်ကန်မှုရှိကြောင်း စိစစ်အတည်ပြုသူများကို ရသင့်သော နိုင်ငံသား အမျိုးအစား အလိုက် အသိအမှတ်ပြုလက်မှတ်/ စိစစ်ရေးကတ်ပြားများကို မြို့နယ်/ခရိုင် နှင့် ပြည်နယ်/တိုင်းဒေသကြီး ဦးစီးဌာနမှူးများက လက်မှတ်ရေးထိုး ထုတ်ပေးရပါမည်။ အဆိုပါ ပြဌာန်းချက်များကို ဘောင်ကျော်၍ မဆောင်ရွက်နိုင်ပါ။ အဆိုပါ ပြဌာန်းချက်များ အကျုံးဝင်လျှင် ရသင့်သောနိုင်ငံသား ကတ်ပြားများ  ထုတ်ပေးရမည် ဖြစ်ပါသည်။ နိုင်ငံသားဖြစ်ရန် အရည်အချင်းရှိသူများအား အစုလိုက်အပြုံလိုက် NVCများ ထုတ်ပေးလိုက်လျှင်၊ နိုင်ငံသားဖြစ်ရန် အခွင့်အရေးများ ဆုံးရှုံးကြမည်ဖြစ်ပါသည်။)

    အချုပ်အားဖြင့် တင်ပြရလျှင် ၁၉၈၂ခုနှစ်၊ မြန်မာနိုင်ငံသားဥပဒေသည်၂၀၀ဂ ဖွဲ့စည်းပုံ အခြေခံဥပဒေနှင့် ညီညွှတ်မှု မရှိသော်လည်း ၎င်းဥပဒေမှာ တည်ဆဲဖြစ်နေ၍ ၎င်းဥပဒေ အရသာ ဆုံးဖြတ်ရပါမည်။ နိုင်ငံသား စိစစ်ရေး လုပ်ငန်းစဉ်တွင် အစ္စလာမ်ဘာသာဝင်များအား တည်ဆဲဖြစ်သော ၁၉၈၂ခုနှစ်၊မြန်မာနိုင်ငံသားဥပဒေ ၊ နည်းဥပဒေ၊ လုပ်ထုံးလုပ်နည်းများနှင့်အညီ စိစစ်ဆောင်ရွက်ပေးပါရန် အနူးအညွှတ် မေတ္တာရပ်ခံ ပန်ကြားအပ်ပါသည်။

    ဦးခင်မောင်ချို(တရားလွှတ်တော်ရှေ့နေ)

  • မြိတ်ကို ခရီးသွားတဲ့ ရန်ကုန်မှ မွတ်စလင်မ် အမျိုးသမီး (၃) ဦး ဖမ်းဆီးခံရ၊ လ.၀.က ပုဒ်မဖြင့် တရားစွဲ

    မြိတ်ကို ခရီးသွားတဲ့ ရန်ကုန်မှ မွတ်စလင်မ် အမျိုးသမီး (၃) ဦး ဖမ်းဆီးခံရ၊ လ.၀.က ပုဒ်မဖြင့် တရားစွဲ

    အောက်တိုဘာ ၃၀၊ ၂၀၁၆
    M-Media
    မိုးစက်

    ရန်ကုန်။    ။ အောက်တိုဘာလ ၂၇ရက်နေ့က မြိတ်မြို့ တိမ်လွှာထွန်းတည်းခိုခန်းမှာ ရန်ကုန်တိုင်းတိုင်း အတွင်း နေထိုင်သူများဖြစ်ကြသည့် အစ္စလာမ်ဘာသာဝင် အမျိုးသမီး (၃) ဦးကို မြန်မာနိုင်ငံ အတွင်းနေထိုင်သူများ မှတ်ပုံတင်ရေးနည်းဥပဒေပုဒ်မ- ၂၉(၁) ကို ဖောက်ဖျက်ကျူးလွန်သည်ဟုဆိုပြီး အဆိုပါသုံးဦးကို ပြည်ထောင်စုမြန်မာနိုင်ငံ အတွင်းနေထိုင်သူများ မှတ်ပုံတင်ရေး အက်ဥပဒေ ပုဒ်မ-၆(၂)၊ ၆(၃) အရ မြိတ်မြို့နယ် လဝကမှူးက တရားစွဲဆိုထားပါတယ်။

    အဖမ်းခံရသူ အမျိုးသမီး (၃) ဦးမှာ  ဒေါ်သီတာ(၄၇)နှစ်၊  ဒေါ်သန်းသန်းအေး(၄၉) နှစ်၊ မရွှေစင်(၂၀)နှစ် ဖြစ်ကြပြီး ဒဂုံမြို့သစ်တောင်ပိုင်း ၊ ၁၀၄ ရပ်ကွက်မှာ နေထိုင်ကြသူတွေ ဖြစ်တယ်လို့ မြိတ်ခရိုင် ရဲတပ်ဖွဲ့ရဲ့ သတင်းထုတ်ပြန်ရေး စာမျက်နှာဖြစ်တဲ့ “မြိတ်ခရိုင် သတင်းနှင့်မှုခင်း မီဒီယာ ” FB စာမျက်နှာမှာ သတင်းထုတ်ပြန်ထားပါတယ်။
    14877754_1239817022757658_2044188041_n-png
    ပုဒ်မ ၆(၂) သည် ပြစ်မှုကို ရည်ညွှန်းပြီး၊ ၆(၃)သည် ပြစ်ဒဏ်ကို ရည်ညွှန်းကြောင်းသိရပါတယ်။ ပုဒ်မ ၂၉(၁) သည် နည်းဥပဒေ ၁၆ အရ သက်သေခံကတ်ပြား (သို့) ယာယီသက်သေခံလက်မှတ် တစ်ခုမှမရှိဘူးဆိုရင် အဆိုပါပုဂ္ဂိုလ်ကို ပုဒ်မ ၆(၂)၊ ၆(၃) အရ ပြစ်မှုထင်ရှား ပါက အလုပ်ကြမ်းနှင့် ထောင်ဒဏ်နှစ်နှစ်ဖြစ်စေ၊ ထောင်ဒဏ်နှစ်နှစ်ဖြစ်စေ၊ ငါးရာထက် မပိုသော ဒဏ်ကြေးဖြင့်ဖြစ်စေ၊ ငွေဒဏ်ရော ထောင်ဒဏ်နှစ်ရပ်လုံး ကျခံစေနိုင်ပါတယ်။

    “အရင်တုန်းက ပုဒ်မ ၁၃ (၁) အရ ယာယီ သက်သေခံကတ်ပြားဆိုတာ ထုတ်ပေးလို့ရတယ်၊ အဲ့ဒါကို white card လို့လည်း ခေါ်ကြတယ်။ အဲ့ဒီ white card က သက်တမ်းရှိတယ်။ သူ့သက်တမ်းကုန်ရင် လဲပေးရတယ်။ ဟိုတစ်လောက white card တွေကို သိမ်းလိုက်တော့ ၁၃ (၄) အရ NVC တွေ ပြန်ထုတ်ပေးတယ်။ ဒီလူတွေက ခုဖမ်းခံရတယ်ဆိုတာက သူတို့လက်ထဲမှာ ၁၉၈၂ ခုနှစ် နိုင်ငံသား ဥပဒေအရ ထုတ်ပေးတဲ့ ကတ်သုံးခု တစ်ခုခုရှိရမယ်။ နိုင်ငံသားစီစစ်ရေးကတ် (ပန်းရောင်)၊ ဧည့်နိုင်ငံသားကတ်၊ နိုင်ငံသားပြုကတ်ဆိုပြီး တစ်ခုခုရှိရမယ်။ အဲ့ဒါတွေ မရသေးရင် မပေးလို့ပဲဖြစ်ဖြစ် မလုပ်လို့ပဲဖြစ်ဖြစ် မရှိဘူးဆိုရင် ပထမတုန်းက ထုတ်ပေးထားတဲ့ အမျိုးသားမှတ်ပုံတင်ကတ် ဒါမှမဟုတ် ယာယီသက်သေခံကတ် (White card) ‘ဒါမှမဟုတ် NVC ကတ် တစ်ခုခုတော့ ရှိရမယ်။ အချိူ့ဒေသတွေမှာ အကြောင်းအမျိုးမျိုးကြောင့် ထုတ်မပေးဘဲနှစ်ပေါင်းများစွာ နေနေကြတဲ့သူတွေရှိတယ်။ အဲ့လူတွေက ပြည်ထောင်စုနယ်နမိတ်အတွင်းမှာ နေနေကြတာ မွေးကတည်းက။ ဘယ်နေရာကမှလည်း ခိုးဝင်လာတယ်ဆိုတာ အထောက်အထားမရှိဘူး။ အခုဖြစ်နေတာတွေက နိုင်ငံရေးအရတွေပဲဖြစ်တယ်” လို့ တရားလွှတ်တော်ရှေ့နေ ဦးအုန်းမောင်က ဆိုပါတယ်။

    ယခုလက်ရှိ ဖမ်းဆီးခံရသူများသည် သက်သေခံကတ်ပြားများ သက်တမ်းကုန်နေသူများလည်း ဖြစ်နိုင်ကြောင်း၊ နဂိုကတည်းက မရှိဘဲ(မရနိုင်သောကြောင့်(သို့) ထုတ်မပေးသောကြောင့်) နေထိုင်သူများ ဖြစ်နိုင်ကြောင်း၊ ဥပဒေတစ်ခုခုဖြင့် အရေးယူတော့မည်ဆိုလျှင် သက်ဆိုင်ရာ တာဝန်ရှိ ပုဂ္ဂိုလ်များမှ ထိုသူနှင့် သက်ဆိုင်သည့် အချက်အလက်များကို ရှာဖွေရမည်ဖြစ်ကြောင်း ရှေ့နေဦးအုန်းမောင်က ဆက်လက်ပြောဆိုခဲ့ပါတယ်။

    “သူတို့မှာ ဘာအထောက်အထားမှ မရှိဘူးပဲ ထားပါဦး၊ အဲ့လိုဆိုရင် လဝက ကတာဝန်ရှိသူများက ဒီလူတွေနဲ့ သက်ဆိုင်တဲ့ အဖေ၊အမေ သူတို့မျိုးရိုးကို လဝက ရုံးတွေမှာ အချက်အလက်ရှာရမယ်။ အရင်တုန်းက ရှိလား၊ မရှိဘူးလားဆိုတာ၊ တစ်စုံတစ်ခု အထောက်အထားပြလို့ရရင် သူတို့ဟာလည်း နိုင်ငံသားဆိုတဲ့ သက်သေတွေ ရှိလာမယ်။ အဲ့လိုမျိုးတွေ တစ်ခုမှ ရှာလို့မရမှသာ သူတို့အခုဆွဲတဲ့ ပုဒ်မတွေနဲ့ ဆွဲလို့ရမယ်” လို့ ဆက်လက်ပြောဆိုခဲ့ပါတယ်။

    အဆိုပါ တရားစွဲဆိုထားသော သုံးဦးကို မြိတ်ခရိုင်သတင်းနှင့် မှူခင်းမီဒီယာမှ ဖော်ပြရာတွင် ဘင်္ဂါလီသုံးဦးကို ဖမ်းဆီးရရှိဆိုပြီးဖော်ပြ ခဲ့ပါတယ်။ “ဘင်္ဂါလီ” နာမည်တပ်ပြီး ရေးသားထားခြင်းမှလည်း မည်သူမည်ဝါမှန်း မသေချာသေးပဲ ဘဂီါလီလို့ တံဆိပ်ကပ်နေခြင်းဟာ လူမျိုးရေး အမုန်းစိတ်တွေများ လာအောင်သာ လုပ်နေခြင်းဖြစ်တယ်လို့ တရားလွှတ်တော်ရှေ့နေ ဦးအုန်းမောင်က ဆိုပါတယ်။

    မိမိနေထိုင်သည့်မြို့မှ အခြားမြို့သို့ ခရီးသွားတော့မည်ဆိုလျှင်လည်း မိမိရပ်ကွက်အတွင်း သက်ဆိုင်ရာ တာဝန်ရှိသူများကို အကြောင်းကြားခဲ့ပြီး တခြားနေရာ ခရီးသွားမည့်အရပ်တွင် နေထိုင်မည့် ရပ်ကွက်မှ သက်ဆိုင်ရာ တာဝန်ရှိသူများကိုလည်း အကြောင်းကြားသင့်ကြောင်း၊ မိမိကိုယ်တိုင်တွင် နိုင်ငံသားဖြစ်ကြောင်း တစ်စုံတစ်ရာ သက်သေခံကတ်ပြား မရှိပါက မိမိဆွေမျိုးနှစ်ဆက်လောက်ဖြစ်သည့် အဖေ၊ အမေ၊ အဘိုး အဘွားတို့၏ သက်သေခံကတ်ပြား နံပါတ်များနှင့်ကိုယ်ရေးအကျဉ်းများကို ပြုစုထားသင့်ကြောင်း ရှေ့နေ ဦးအုန်းမောင်က အကြံပြုပြောဆိုထားပါတယ်။