News @ M-Media

Tag: 1982 citizenship law

  • ၂၀၀၈ ဖွဲ့စည်းပုံ အရ သုံးနှုံးခွင့် မရှိသော သွေးနှော စကားလုံးအား ဆန့်ကျင်ရေး တိုက်ပွဲခေါ်သံ

    ၂၀၀၈ ဖွဲ့စည်းပုံ အရ သုံးနှုံးခွင့် မရှိသော သွေးနှော စကားလုံးအား ဆန့်ကျင်ရေး တိုက်ပွဲခေါ်သံ

    မေ ၁၁၊ ၂၀၁၅
    M-Media
    ဆောင်းပါးရှင်- မောင်သမာဓိ

    ၂၀၀၈ ဖွဲ့စည်းပုံ အရ သုံးနှုံးခွင့်မရှိသော သွေးနှော စကားလုံးအား ဆန့်ကျင်ရေး တိုက်ပွဲခေါ်သံ (သို့မဟုတ်) ပြည်ထောင်စု ဝန်ကြီး ဦးခင်ရီထံ အိတ်ဖွင့်ပေးစာ  
    .Discrimination
    မြန်မာ့ဆေးတက္ကသိုလ်မှ တရားဝင်ပေးထားသည့် ဘွဲ့ရဆရာဝန် တစ်ဦးဖြစ်သော ကျွန်တော်နှင့် လက်ရှိ တာဝန် ထမ်းဆောင်စဲ နိုင်ငံ့ဝန်ထမ်း တစ်ဦး ဖြစ်သော ကျွန်တော့် ဇနီးနှစ်ဦးစလုံးမှာ မြန်မာ နိုင်ငံသားများ ဖြစ်ကြ ပြီး သမီးနှစ်ဦး ထွန်းကား ခဲ့ပါသည်။ မြန်မာ နိုင်ငံသားမိဘနှစ်ဦးမှ မြန်မာ့မြေပေါ်တွင် မွေးဖွားလာသော ကလေး သည် မွေးရာပါ မြန်မာနိုင်ငံ သားသာ ဖြစ်ကြောင်း အောက်ပါ ပုဒ်မက ညွှန်းဆိုပါသည်။
    .
    ၂၀၀၈ ဖွဲ့စည်းပုံ ပုဒ်မ ၃၄၅
    —————————–
    အောက်ဖေါ်ပြပါ အရည်အချင်း တစ်ရပ်ရပ်နှင့် ပြည့်စုံသူများသည် ပြည်ထောင်စု သမ္မတ မြန်မာနိုင်ငံ တော် ၏ နိုင်ငံသားများ ဖြစ်ကြသည်။

    (က) ပြည်ထောင်စု သမ္မတ မြန်မာနိုင်ငံတော်၏ တိုင်းရင်းသား မိဘနှစ်ပါးမှ မွေးဖွားသူ၊
    (ခ) ဤဖွဲ့စည်းပုံ အခြေခံ ဥပဒေ အတည်ပြု ပြဌာန်းသည့်နေ့တွင် ဥပဒေအရ နိုင်ငံသား ဖြစ်ပြီးသူ။
    .
    ဟု ရေးသားထားသဖြင့် ဥပဒေအရ နိုင်ငံသားဖြစ်ပြီးသူ အစ္စလာမ်ဘာသာဝင် မိဘနှစ်ပါးမှ မွေးလာသော သွေးနှော ကလေး သည်လည်း (Citizen by birth) မွေးရာပါ နိုင်ငံသား အလို အလျှောက် ဖြစ်ပြီးဖြစ်သည်။
    .
    ယခုအခါ လေးတန်းကျောင်းသူဖြစ်သော ကျွန်တော့်သမီးမှာ ၁၀ နှစ်ပြည့်ပြီ ဖြစ်၍ ၁၀ နှစ်ပြည့် မှတ်ပုံ တင် စတင်လျှောက်ထားရာတွင် ၂၀၀၈ ဖွဲ့စည်းပုံနှင့် လုံးဝ ဆန့်ကျင်နေသော လူဝင်မှုကြီးကြပ်ရေးဌာန၏ လုပ် ထုံးလုပ်နည်းများဖြင့် ရင်ဆိုင်ရပါတော့သည်။
    .
    မိဘနှင့် နှစ်ဖက် အဘိုး၊ အဘွားများ၏ ဇာတိဖြစ်သော သက်ဆိုင်ရာ မြို့နယ်လိုက် လူဝင်မှုကြီးကြပ်ရေး ဌာနများမှ ချိပ်ပိတ် ပေးပို့လာသော နိုင်ငံသားဖြစ်ကြောင်း အထောက်အထားများ ပြည့်စုံအောင် တောင်းခံပြီး သောအခါ တိုင်းရင်းသား မိဘနှစ်ပါးမှ မွေးဖွားလာသော ဗုဒ္ဓဘာသာဝင် ကလေးများ အတွက် လုပ်ဆောင်စရာ မလိုသော် လည်း ဥပဒေအရ နိုင်ငံသား မိဘများမှ မွေးဖွားသော သွေး နှော ကလေးငယ်များ၊ အထူးသဖြင့် အစ္စလာမ် ဘာသာဝင် ကလေးငယ်များအတွက် မြို့နယ်နိုင်ငံသား စိစစ်ရေး အဖွဲ့ အမည်ခံ အောက်ပါဌာန ၆ ခုကို တစ်ရုံး ဝင် တစ်ရုံးထွက် လက်မှတ်ထိုးစေခြင်းသည် ၂၀၀၈ ဖွဲ့စည်းပုံ ပုဒ်မ ၃၄၈ နှင့် ပုဒ်မ ၂၁ (က) ကိုသာမက ခလေး အခွင့် အရေးကိုပါ ချိူးဖေါက်ရာကျပါသည်။
    23.
    မြို့နယ် နိုင်ငံသား စိစစ်ရေး အဖွဲ့
    .——————————
    (၁) ရပ်ကွက်အုပ်ချုပ်ရေးမှူးရုံး ။    ။ ဤရုံးသို့ ၁၀ နှစ်ပြည့် မှတ်ပုံတင် လျှောက်ထားရန် ၃ ခေါက်တိတိ သွားရောက် ထောက်ခံချက် တောင်း ရပါသည်။ အိမ်ထောင်စု ဇယားတွင် မွေးတိုး တိုးစဉ်က တစ်ကြိမ်၊ ၁၀ နှစ် ပြည့် စတင် လျှောက်လွှာတင်သော အခါ တစ်ကြိမ်နှင့် အထောက်အထား အပြည့်အစုံ တင်ပြပြီး ၁၉၈၂ မြန်မာ နိုင်ငံသား ဥပဒေ ပုဒ်မ ၇ (က) နှင့် အကျုံးဝင်  ပြည့်စုံပြီးနောက် တတိယ အကြိမ် သွားရောက်ခဲ့ရပါသည်။
    (၂) မြို့နယ်ကျန်းမာရေး ဦးစီးဌာနမှူး။
    (၃) စီမံကိန်းရေးဆွဲရေး ဦးစီးဌာန။
    မှတ်ချက်။    ။ စီမံကိန်းရေးဆွဲရေးဌာန အနေဖြင့် ရဲစခန်းတွင် ပြစ်မှု ကင်းစင်ကြောင်း ထောက်ခံစာ အရင် လက်မှတ် ရေးထိုး ပြီးမှသာ ထောက်ခံပေးမည် ဖြစ်ကြောင်းပြောဆိုရာ ၁၀ နှစ်အရွယ် ကလေးတွင် ပြစ်မှု တစ်စုံ တစ်ရာ ရှိလျှင် နိုင်ငံသား ဖြစ်ခွင့် ကုန်းဆုံးသွားမည့် သဖွယ် ဖြစ်နေပါသည်။
    (၄) မြို့နယ်ရဲတပ်ဖွဲ့မှူးရုံး။
    (၅) မြို့နယ်အုပ်ချုပ်ရေးမှူးရုံး။
    (၆) လူဝင်ကြီးကြပ်ရေး ဦးစီးဌာန
    ဆက်လက်၍  ၂၀၀၈ ဖွဲ့စည်းပုံ အခြေခံ ဥပဒေ (၂) ခုကို ကိုးကား ကြည့်ပါဦးမည်။
    .
    ၂၀၀၈ ဖွဲ့စည်းပုံ ပုဒ်မ ၃၄၈
    ————————–
    နိုင်ငံတော်သည် ပြည်ထောင်စု သမ္မတ မြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုး ကွယ်ရာဘာသာ၊ ရာထူးဌာနန္တရ၊ အဆင့်အတန်း ယဉ်ကျေးမှု၊ အမျိုးသား အမျိုးသမီး၊ ဆင်းရဲချမ်းသာ တို့ကို အ ကြောင်းပြု၍ ခွဲခြားမှု မရှိစေရ၊
    အထက်ပါ ပုဒ်မ ၃၄၈ အရ ပုဒ်မ ၃၄၅ တွင် နိုင်ငံသားအဖြစ် ပြဌာန်းထားသော (က) နိုင်ငံသားများနှင့် (ခ) ဥပဒေအရ နိုင်ငံသားများအကြား၊ တနည်းအားဖြင့် ဗုဒ္ဓဘာသာဝင်နိုင်ငံသားများနှင့် အစ္စလာမ်ဘာသာဝင် နိုင်ငံသားများအကြား ခွဲခြား ဆက်ဆံရေး စကားလုံးတစ်ခု ဖြစ်သော (သွေးနှော) ကို ဖျက်သိမ်း ပြစ်သင့် သည်။
    .
    မှတ်ချက်။    ။ ယခုအခါသည် ၂၀၀၈ ဖွဲ့စည်းပုံကို ပြင်ဆင်ဖြည့်စွက်ရန် ဆိုင်းပြင်းနေသည့် ကာလဖြစ်သဖြင့် အထက်ပါပုဒ်မ ၃၄၈ တွင် (ဆင်းရဲ ချမ်းသာ၊ သွေးနှောခြင်း စသည်တို့ကို အကြောင်းပြု၍ ခွဲခြားမှု မရှိစေရ) ဟု ပြင်ဆင်ဖြည့်စွက် ရေးသားမည် ဆိုလျှင် ဤကဲ့သို့ သွေးနှော (ကပြား) များကို ခွဲခြားဆက်ဆံသည့် နည်းဥပဒေ နှင့်လုပ်ထုံး လုပ်နည်းများ ပြဌာန်းခြင်း အလေ့ကို ကာကွယ်နိုင်ပါလိမ့်မည်။ သို့မဟုတ် မြန်မာစာ အဘိဓာန်တွင် မပါသော (သွေးနှော) စကားလုံးသုံးစွဲ နေခြင်းကို ပယ်ဖျက်ပြစ်မှသာ ၂၀၀၈ ဖွဲ့စည်းပုံ အသက်ဝင်လာမည် ဖြစ်သည်။

    2008
    .
    ၂၀၀၈ ဖွဲ့စည်းပုံ ပုဒ်မ ၂၁ (က)
    ———————————-
    နိုင်ငံသားတိုင်းသည် ဤဖွဲ့စည်းပုံ အခြေခံ ဥပဒေတွင် သတ်မှတ်ပြဌာန်းထားသည့် တန်းတူညီမျှမှု အခွင့် အရေး၊ လွတ်လပ်မှု အခွင့်အရေးတို့ကို ခံစားခွင့်ရှိစေရမည်။
    .
    အထက်ပါ ပုဒ်မ ၃၄၈ နှင့် ပုဒ်မ ၂၁ (က) တို့ကို လေ့လာခြင်းဖြင့် ယခုကဲ့သို့ တိုင်းရင်းသား မိဘ တစ်ဦး ဦးက နိုင်ငံခြားသား (ဘာသာခြား) အိမ်ထောင်ဖက်ကို ရွေးချယ်ခဲ့သော အပြစ်အတွက် မိမိ၏ မိဘ နှစ်ပါးကို ရွေးချယ်ခွင့် မရှိကြသော သွေးနှော သားသမီးများကို အရေးယူသည့် ပုံစံဖြင့် နည်းဥဒေများ ပြဌာန်းနေခြင်း သည် ဖွဲ့စည်းပုံနှင့် လုံးဝ ဆန့်ကျင် နေပါသဖြင့် လက်ရှိကျင့်သုံးနေသော လူဝင်မှုဝင်မှု ကြီးကြပ် ရေးဌာန၏ လုပ်ထုံးလုပ်နည်းများသည် တရား မဝင်ကြောင်း အောက်ပါ ၂၀၀၈ ဖွဲ့စည်းပုံ ပုဒ်မ ၂ ခုကို ဆက်လက် လေ့လာ ကြည့်စေချင်ပါသည်။
    .
    ၂၀၀၈ ဖွဲ့စည်းပုံ ပုဒ်မ ၁၉၈ (က)
    ——————————
    လွှတ်တော် အဆင့်ဆင့်နှင့် ကိုယ်ပိုင်အုပ်ချုပ်ခွင့်ရ စီရင်စု ဦးစီး အဖွဲ့များက ပြဌာန်းသည့် ဥပဒေများ၏ အကျိုးသက်ရောက်မှုမှာ အောက်ပါအတိုင်းဖြစ်သည်။
    .
    (က) ပြည်ထောင်စုလွှတ်တော်၊ တိုင်းဒေသကြီးလွှတ်တော်၊ ပြည်နယ်လွှတ်တော်၊ ကိုယ်ပိုင်အုပ်ချုပ်ခွင့်ရ တိုင်းဦးစီး အဖွဲ့ သို့မဟုတ် ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့က ပြဌာန်းလိုက်သည့် ဥပဒေပါ ပြဌာန်းချက် တစ်ရပ်ရပ်သည် လည်းကောင်း၊ တည်ဆဲ ဥပဒေ တရပ်ရပ်သည်လည်းကောင်း ဖွဲ့စည်းပုံ အခြေခံ ဥပဒေပါ ပြဌာန်းချက် တစ်ရပ်ရပ်နှင့် ဆန့်ကျင်နေလျှင် ဖွဲ့စည်းပုံ  အခြေခံ ဥပဒေပါ အတိုင်း လိုက်နာ ကျင့်သုံးရမည်။
    .
    ၂၀၀၈ ဖွဲ့စည်းပုံ ပုဒ်မ ၄၄၉
    ——————————
    ဤဖွဲ့စည်းပုံ အခြေခံ ဥပဒေသည် နိုင်ငံတော် အတွင်းရှိ ဥပဒေ အားလုံး၏ အခြေခံ ဥပဒေ ဖြစ်သည်။
    .
    ထို့ကြောင့် ဥပဒေတကာတို့၏ အချုပ်ဖြစ်သော ၂၀၀၈ ဖွဲ့စည်းပုံနှင့် ဆန့်ကျင်နေသည့် လူဝင်ကြီးကြပ် ရေး ဝန်ကြီးဌာန၏ အပြစ်မဲ့ (innocent) သွေးနှော များကို ခွဲခြားဆက်ဆံသည့် လုပ်ထုံးလုပ်နည်းများနှင့် လွတ် လပ်စွာ ဘွဲ့လွန် ပညာသင်ခွင့် ပိတ်ပင် ထားခြင်းများကို အမြန်ဆုံး ရပ်တန့်မှသာ ပြည်တွင်းရှိ လူ့စွမ်းအား အရင်း အမြစ်များကို မပြုံးတီးစေဘဲ သမ္မတ ကြီး၏ တတိယလှိုင်း (Third wave) သည် အောင်မြင်နိုင်မည် ဖြစ်သည်။
    .
    တစ်ကယ်တော့ လူဝင်မှု ကြီးကြပ်ရေးဌာန၏ ခွဲခြား ဆက်ဆံမှုသည်ကျွန်တော် ဆေးကျောင်းတက်စဉ် ကာလ၊ ၁၉၇၄ ဖွဲ့စည်း ပုံနှင့် အုပ်ချုပ်စဉ် ကပင် စတင်ခဲ့ ပါသည်။ ဆေးကျောင်းတက်စဉ်ကာလ တစ်လျှောက် လုံး တစ်တန်း အောင်လျှင် တစ်ခါ လူဝင်မှု ကြီးကြပ်ရေး ဌာန၏ စစ်ဆေးမှုကို ခံရပြီးမှ နိုင်ငံသား ဒေါင်ဒေါင်မြည် ဖြစ်သော ကြောင့် ဆရာဝန်ဘွဲ့ ပေးအပ်ခြင်းကို ခံခဲ့ရ ပါသည်။ အခြား ကျောင်းနေဖက် အတန်းဖေါ် သူငယ်ချင်း များ အစစ် မခံရဘဲ ကျနော်နှင့် အခြား ၃၅ ဦးခန့် အစစ်ခံရသည်မှာ သွေးနှော/တရုတ်ဖြစ်နေသော ကြောင့်ဟု ဆိုပါ သည်။
    .
    ဤနေရာတွင် ထောက်ပြလိုသော အချက်တစ်ခုမှာ ဗမာ စစ်စစ် မိခင်မှ မွေးဖွားလာသော ကျနော်ကို သွေးနှောဖြစ်သည် ဟုဆိုကာ ဆေးကျောင်းတွင် မကြာခဏ အစစ်ဆေး ခံရရုံမျှမက ဘွဲ့ရပြီးနောက် ဘွဲ့လွန် သင်တန်း များကိုပါ တက်ခွင့် မပြုသော်လည်း နိုင်ငံခြားသား မိဘနှစ်ပါးမှ မွေးဖွားလာသော ကျောင်းသား တစ် ဦးမှာမူ တိုင်းရင်းသား မိဘနှစ်ပါး၏ တရားဝင် စာချုပ်စာတန်းဖြင့် မွေးစားခြင်းကို ခံယူပြီးနောက် မွေးစား မိဘ များ၏ မှတ်ပုံတင် နံပါတ်များ ဖြည့်သွင်း ပြီးကျောင်းအပ်ရာ ဆေးကျောင်းတွင် တစ်ခါဘူးမျှ အစစ်မခံရရုံမက ဘွဲ့ရပြီးနောက် ဘွဲ့လွန်သင်တန်းများကိုပါ တက်ခွင့်ရပြီး အထူးကု ဖြစ်နေလေသည်။ မသိသူကျော်သွား သိသူ ဖေါ်စား လူဝင်မှု ကြီးကြပ်ရေး ဥပဒေဟုပင် ဆိုချင်ပါတော့သည်။
    .
    တဖန် လောဂျစ်နည်းဖြင့် စဉ်းစားကြည့်ပါဦးမည်။ မြန်မာစစ်စစ် ကျနော့် မိခင်နှင့် နိုင်ငံခြားသား လက် မှတ်ကိုင် မြန်မာပြည်ပေါက် ကျနော့်ဖခင်တို့ လွန် ခဲ့သော အနှစ် ၈၀ ခန့်က ၎င်းတို့၏ လွတ်လပ်သော သဘော ဆန္ဒအရ အကြောင်းပါ လက်ထပ်ခဲ့ခြင်းကြောင့် သွေးနှောအဖြစ် မွေးဖွားလာသော အပြစ်မဲ့ (innocent) ကျနော့်မှာ အပြစ် ရှိပါသလား။ ယခု ကျနော်သာမက ကျနော်မျိုးဆက်ထိ ကိုယ်တိုင်မကျူးလွန်သော အပြစ် အတွက် အပြစ်ပေး ခံနေရလေသည်။ ဥပဒေရေးဆွဲနေကြသော ဥပဒေပညာရှင်များ စဉ်းစားကြလေကုန်။
    .
    ထို့အပြင် မြန်မာ့အမွေစီမံခန့်ခွဲမှု ဥပဒေအရ ကျနော့် မြန်မာမိခင်ထံမှ အမွေဆက်ခံခဲ့သော မြန်မာ နိုင်ငံတော်တွင်း မှီတင်း နေထိုင်ခွင့်၊ ခံစားခွင့်များကို ကန့်ကွက်၊ ဟန့်တား၊ ခွဲခြား ဆက်ဆံ နေ သည့် ဥပဒေ၊ နည်း ဥပဒေများကို မည်သည့် လွှတ်တော် ကိုယ်စားလှယ်မျှ ထောက်ခံမဲလည်း မပေးသင့်သလို မည်သည့် ဥပဒေ ပညာရှင်မျှ မတရားသော ဥပဒေများကို ရေးဆွဲ မပေးသင့်ပါ။ ဥပဒေတစ်ရပ်သည်လည်းကောင်း၊ နည်း ဥပဒေ တစ်ရပ်သည်လည်းကောင်း၊ လုပ်ထုံးလုပ်နည်းများသည်လည်းကောင်း  ဥပဒေ တကာတို့၏ အချုပ် ၂၀၀၈ ဖွဲ့စည်းပုံနှင့်အညီ နိင်ငံသားတိုင်းအတွက် တရား မျှတမှု ရှိရပါလိမ့်မည်။
    .
    ထို့အတူ နိုင်ငံသားသွေးနှောများသည် ရွေးကောက်ပွဲများတွင် မဲပေးခွင့် ရှိသော်လည်း ကိုယ်တိုင် ရွေး ကောက်ခံခွင့် မရှိခြင်းသည်လည်း နိုင်ငံရေးသင်းသတ်ခြင်း (Politicide) တစ်မျိုးဖြစ်၍ အနာဂတ် နိုင်ငံတော်တွင် (all inclusive) အားလုံးပါဝင်နိုင်အောင် လုပ်ဆောင်မည်ဆိုသော သမ္မတကြီး၏ ရည်မှန်းချက်ကို ထိခိုက်နိုင်ရုံမျှ မက ၂၀၀၈ ဖွဲ့စည်းပုံ ပုဒ်မ ၃၄၇၊ ၂၁ (က)  တို့နှင့် ဆန့်ကျင်ဖက် ဖြစ်နေမည် ဖြစ်ကြောင်း တင်ပြ အပ်ပါ သည်။
    .
    ၂၀၀၈ ဖွဲ့စည်းပုံ ပုဒ်မ ၃၄၇
    —————————–
    နိုင်ငံတော်သည် မည်သူ့ကို မဆို ဥပဒေအရာတွင် တန်းတူညီမျှ အခွင့်အရေး ရရှိစေရမည်။ ထို့အပြင် ဥပဒေ၏ အကာအကွယ်ကိုလည်း တန်းတူညီမျှစွာ ရယူပိုင်ခွင့် ပေးရမည်။ ဟုဆို၏။
    .
    မြန်မာနိုင်ငံ စစ်မှုထမ်း ဥပဒေ အရ သွေးနှောများလည်း မလွဲမသွေ စစ်မှုထမ်းရမည် ဖြစ်သောကြောင့် နိုင်ငံသား သွေးနှောများအား ဘွဲ့လွန်ပညာ သင်ခွင့်နှင့် ရွေးကောက်ခံပိုင်ခွင့်များကို အခြား နိုင်ငံသားများနည်း တူ ရယူ ခံစား ပိုင်ခွင့် ပေးသင့်ပါသည်။ သွေးနှော ကလေးငယ်များ၏ အနာဂတ်ကို လှပ စေခြင်းသည် တိုင်းပြည် ၏ အနာဂတ်ကို လှပစေခြင်းသာဖြစ်သည်။
    .
    အပြန်အလှန်၊ အနုလုံ ပဋိလုံ စဉ်းစား ကြည့်ပါဦးမည်။ မြန်မာနိုင်ငံတစ်ဝှမ်းရှိ နိုင်ငံသား သွေးနှောက လေးငယ်များ၏ အနာဂတ်ကို အနှစ် ၅၀ ကျော်ခန့် ဖျက်ဆီးခြင်း၊ အရုပ်ဆိုး အကြည်းတန်စေခြင်းတို့မှ တဆင့် မြန်မာနိုင်ငံ၏ အနာဂတ်ကို မလှ၊ မပ ဖြစ်စေခဲ့သည့် လွဲမှားသော စီမံခန့်ခွဲမှုများကြောင့် မြန်မာ နိုင်ငံသည် အ ဆင်း ရဲဆုံး နိုင်ငံဘဝ သက်ဆင်းခဲ့ရုံမျှမက ယနေ့ လက်ရှိ အနေအထားကို ကြည့်လျှင်လည်း အီသီယိုးပီးယား နိုင်ငံ ထက်ပင် ဖွဲ့ဖြိုးတိုးတက်မှုတွင် နိမ့်ကျနေသည်မှာ မြန်မာနိုင်ငံ၏ လက်တွေ့ ခါးသီးသော အတွေ့ အကြုံပင် မဟုတ်ပါလား။

    24
    .
    (သွေးနှော) ဟူသည့် အိုးမဲသုတ် စကားလုံးကို ဆန့်ကျင်ကြစို့။
    ————————————————————–
    တကယ်တော့ သွေးနှောခြင်း၊ မနှောခြင်းသည် ဥပဒေနှင့် မဆိုင်သော ကိုယ်ရေးကိုယ်တာ (personal) သာဖြစ်သည်။ နိုင်ငံသားဖြစ်ခြင်း မဖြစ်ခြင်း သည်သာ လူဝင်မှုကြီးကြပ်ရေး ဥပဒေတွင် အလေးထားသင့်သည်။ ယခု အခါ လူဝင်မှုကြီးကြပ်ရေးဌာန၏ သွေးနှော စားလုံးကို တွင်တွင်ကြီးသုံးစွဲနေခြင်းမှာ နိုင်ငံသားများ အကြား ခွဲခြားဆက်ဆံနိုင်စေရန်သာ ရည်ရွယ်ကြောင်း သိသာပါသည်။
    .
    အိန္ဒိယပြည်ရှိ သီပေါမင်း၏ ဆွေတော် မျိုးတော်များ အကြောင်းရေးသားထားသော စာအုပ်တွင်  သွေး နှော ဟူသည် မျိုးမစစ်ဟုသော အဓိပ္ပါယ်လည်း သက်ရောက်ပါသဖြင့် အထူးသဖြင့် ဘာသာခြားများကို နှိမ်ခေါ် ခြင်းသာဖြစ်သည်။ ပညာရေး ဝန်ကြီးဌာန မြန်မာစာ အဖွဲ့ ဦးစီး ဌာနက ၂၀၀၈ ခုနှစ်တွင် ထုတ်ဝေသည့် မြန်မာ စာ အဘိဓာန်တွင်လည်း လုံးဝ မပါရှိသည့်အပြင် အဓိပ္ပါယ် ဖွင့်ဆိုချက်လည်း တိတိကျကျ မရှိသော သွေးနှော ဟူသည့် စကားလုံးကို အသစ်တီထွင်ပြီး သုံးဆွဲနေခြင်းသာဖြစ်၍ ကျွန်ုပ်တို့ စုစည်းညီညွတ်စွာ ဆန့်ကျင် ကြရ မည်။
    .
    အနှိမ်ခံ ပြည်သူများ အသုံးပြုသင့်သည့် နည်းဗျူဟာများ။
    ——————————————————–
    (၁) မြန်မာ အဘိဓာန်နှင့် မြန်မာ စကားတွင် သွေးနှော ဟူသော စကားလုံး (လုံးဝ) မပါရှိကြောင်း မှတ်ပုံတင်ရုံး ဝန်ထမ်းများကို ပြောပြကြပါ။ အဓိပ္ပါယ်ကို ရှင်းပြခိုင်းပါ။
    (၂) မျိုးမစစ်ဟု အဓိပ္ပါယ်ရသည့် အပြင် မိဘများကို နာမ်နှိမ်၍ ခေါ်သော စကားလုံးတစ်ခု ဖြစ်သည့် အတွက် ကျွန်ုပ်တို့ မုန်းတီးကြောင်း၊ မကြိုက်ကြောင်း၊ အပြင်းအထန် ဆန့်ကျင် ကြောင်း ထုတ်ဖေါ် ပြောဆိုကြပါ။
    (၃) လူဝင်မှုကြီးကြပ်ရေး ဝန်ထမ်းများအားများအား မိမိရှေ့တွင် သွေးနှောစကားလုံးကို မပြောရန် တောင်းဆိုထားကြပါ။ ဗမာစကားတွင် လုံးဝမရှိသည့်အပြင် ကိုယ်ရေးကိုယ်တာ (Personal) ကို ထိခိုက် စေသော စကားလုံးဖြစ်၍ မိမိရှေ့တွင် မသုံးနှုံးရန် ပွင့်ပွင့်လင်းလင်းပင် တောင်းဆိုထားပါ။
    (၄) လွှတ်တော်ကိုယ်စားလှယ်နှင့် မဲဆန္ဒရှင်များ တွေ့ဆုံချိန်တွင်လည်း လူဝင်မှုကြီးကြပ်ရေး လုပ်ထုံး လုပ်နည်း များတွင် သုံးနှုံးထားသော အိမ်ကြက်ခြင်း အိုးမဲသုတ် စကားလုံး တစ်ခုဖြစ်သည့် (သွေးနှော) ဆိုသည့် စကားလုံးကို ဖျက်သိမ်းပေးဖို့ မဲဆန္ဒရှင်များ အနေဖြင့် တောင်းဆို သင့်ကြပါသည်။
    (၅) သွေးနှော ဟု မိမိအား နှိမ့်ချ ခေါ်ဝေါသည်ကို ခေါင်းငုံခံမနေကြဘဲ တနည်းနည်းဖြင့် မဖြစ်မနေ ဆန့်ကျင်ကန့်ကွက် ကြပါရန် တိုက်တွန်းရေးသားလိုက်ရပါသည်။ ဥပမာအားဖြင့် မိမိအား သွေးနှော ဟု အခေါ်ခံရပါက မျိုးမစစ်ဟု မျက်နှာ ပြုံးပြုံးလေးဖြင့် ပြန်ခေါ်ပေးလိုက်ပါ။
    (၆) အထက်တွင် ဖေါ်ပြခဲ့သော ၂၀၀၈ ဖွဲ့စည်းပုံ ပုဒ်မ (၃၄၈)အရလည်း နိုင်ငံသားများ အကြား ခွဲခြားရေး ကရိယာဖြစ်သော သွေးနှောကို သုံးစွဲခွင့် မရှိကြောင်း လက်ဆင့်ကမ်း သတင်းဖြန့်ဝေ ပေးကြပါ ဟုတိုက်တွန်းနှိုးဆော်လိုက်ပါသည်။
    .Myanmar Dictionary (2)
    မှတ်ပုံတင် ခုံရုံး (Citizenship Tribunal of the Union) ဖွဲ့ပေးပါ။
    —————————————————————
    လိုအပ်သော အထောက်အထား အပြည့်အစုံကို မည်သို့ပင်တင်ပြစေကာမူ အထက်အမိန့်ရ သွေးနှော တံဆိပ်ကပ် ထားသော နိုင်ငံသား မွတ်စလင် များ၏ အမှုတွဲ များကို တိုင်းအထိ စိစစ်ပြီးမှ ထုတ်ပေးပါမည် ဆို သော စကားတစ်ခွန်းဖြင့် ခွဲခြားဆက်ဆံ၊ အချိန်ဆွဲ ဆိုင်းငံ့ထားလေ့ ရှိပါသည်။
    .
    ၁၀ နှစ်ပြည့်နှင့် ၁၈ နှစ်ပြည့် မှတ်ပုံတင်များ လျှောက်ထားရာတွင် လူဝင်မှုကြီးကြပ်ရေးဌာန ဝန်ထမ်း များ၏ မသမာမှု၊ အချိန်ဆွဲမှုများ ရှိပါက တရားရုံးများသို့ အထောက်အထားအခိုင်အလုံ တင်ပြလျှောက်ထား လျှင် မှတ်ပုံတင် ထုတ်ပေးမိန့်အား တရားရုံးများက ချပေးခွင့်ရှိသည်ဟု နိုင်ငံသားပြုမှု ဥပဒေတွင် ထည့် သွင်း ပြဌာန်း ပေးမည် ဆိုလျှင်ကောင်းလေစွ။ ဖွဲ့စည်းပုံခုံရုံး ဖွဲ့ပေးသကဲ့သို့ မှတ်ပုံတင် (နိုင်ငံသား)  ခုံရုံး ကို ဖွဲ့ပေး စေလိုခြင်း ဖြစ်၏။ သို့မှသာ အသွင်ပြောင်းကာလတွင် ခွဲခြားဆက်ဆံမှု ကင်းသွားပေလိမ့်မည်။
    .
    နောက်ဆုံး သတင်းစကားပေးလိုသည်မှာ ပြည်ထောင်စု ဝန်ကြီး ဦးခင်ရီ အနေဖြင့်လည်း လူဝင်မှု ကြီးကြပ်ရေးဌာန စားပေါက် အတွက် မွေးစားထားသော ဝါဟာရ တစ်ခု ဖြစ်သည့် သွေးနှော ဝေါဟာရကို ဌာနတွင်း မသုံးရန် တာမြစ်ပေးပါ၊ အစ္စလာမ် ဘာသာဝင်များကို သွေးနှောဟု ပစ်ညတ်ကာ ဗုဒ္ဓဘာသာဝင် နိုင်ငံသားများနှင့် အစ္စလာမ် ဘာသာဝင် နိုင်ငံသား များအကြေား ခွဲခြား ဆက်ဆံ နေခြင်းအား ရပ်တန့်ပြီး နိုင်ငံသား ပြည်သူများကို စိတ်ချမ်းသာခွင့် ပေးသင့် ပါပြီ။

    အဘယ်ကြောင့်ဆိုသော် ၂၀၁၄ နှစ်ကုန်ပိုင်းက အထောက်အထား ပြည့်စုံသော အမှုတွဲကို  တင်ထား ပြီးဖြစ် သော်လည်း ယခု ၂၀၁၅ ဘတ်ဂျက်ကာလ ကုန်ဆုံးပြီး ရပ်ကွက်အတွင်း မိုးပွင့် စီမံချက် ဆင်းသည် မေလ အထိ ၁၀ နှစ်ပြည့် မှတ်ပုံတင် မရသေးသောကြောင့် ဖြစ်ပါသည်။
    .
    မြန်မာနိုင်ငံသား ကလေးငယ်တိုင်း၏ အနာဂတ်လှပစေခြင်းမှတဆင့် နိုင်ငံ၏ အနာဂတ် လှပစေရန် ရည်ရွယ်ရေးသားပါသည်။

    လေးစားစွာဖြင့်၊
    မောင်သမာဓိ

    ဆက်စပ် သတင်း ဆောင်းပါးများ ဖတ်လိုလျှင် =>http://www.m-mediagroup.com/news/tag/1982-citizenship-law

  • ၁၉၈၂ မြန်မာနိုင်ငံသားဥပဒေ အကြောင်း အပြန်အလှန် ဆွေးနွေးခန်း

    ၁၉၈၂ မြန်မာနိုင်ငံသားဥပဒေ အကြောင်း အပြန်အလှန် ဆွေးနွေးခန်း

    အောက်တိုဘာ ၁၁ ၊ ၂၀၁၄
    1982 copy
    ၂၀၁၄ အောက်တိုဘာ ၁၀ ရက် BBC ရဲ့ မြန်မာအရေး ကမ္ဘာ့အရေး အစီအစဉ်မှာ ထုတ်လွှင့်ခဲ့တာပါ။

    ၁၉၈၂ မြန်မာနိုင်ငံသား ဥပဒေနှင့် ပတ်သက်ပြီး ပြည်သူ့လွှတ်တော် အမတ် ဦးရွှေမောင်၊ တရားလွှတ်တော်ရှေ့နေ ဦးရောဘတ်စန်းအောင် နဲ့ စစ်တွေ မြို့မှ ဦးသန်းထွန်းတို့  အပြန်အလှန်ဆွေးနွေးထားမှုတွေ ဖြစ်ပါတယ်။

    အသံဖိုင် Download လုပ်လိုလျှင်
    File Size 7.84 MB
    Link=> http://goo.gl/bAJxq3

    အသံဖိုင်ကို ပြည်သူ့ လွှတ်တော်အမတ် ဦးရွှေမောင်၏ Facebook စာမျက်နှာမှ ရယူပါသည်။

  • မြေပုံ ဒုက္ခသည်စခန်းမှ မွတ်စလင်များအား နိုင်ငံသားဖြစ် ခွင့်ပြန်စစ်၊ ၂၀၉ ဦးသာ အသိအမှတ်ပြုသေး

    မြေပုံ ဒုက္ခသည်စခန်းမှ မွတ်စလင်များအား နိုင်ငံသားဖြစ် ခွင့်ပြန်စစ်၊ ၂၀၉ ဦးသာ အသိအမှတ်ပြုသေး

    စက်တင်ဘာ ၂၄ ၊ ၂၀၁၄
    M-Media
    Rohingya women are pictured at the Thae Chaung camp for internally displaced people in Sittwe, Rakhine state
    –  အကြမ်းဖက်တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးခဲ့ရသည့် ရခိုင်ပြည်နယ် ဒုက္ခသည်စခန်းတစ်ခုမှ ဒုက္ခသည် ၂၀၉ ဦးကို မြန်မာအစိုးရက စက်တင်ဘာ ၂၂ ရက် တနင်္လာနေ့တွင် နိုင်ငံသားအဖြစ် အသိအမှတ်ပြုခဲ့သည်ဟု သိရသည်။

    ရခိုင်ပြည်နယ်မြို့တော် စစ်တွေမှ ၃၂ မိုင်ဝေးသည့် မြေပုံ ဒုက္ခသည်စခန်းတွင် ပြုလုပ်သော အဆိုပါ ရှေ့ပြေးစစ်ဆေးမှုတွင် ရိုဟင်ဂျာမွတ်စလင် ၁၀၉၄ ဦးပါဝင်ခဲ့သည်ဟု လူဝင်မှုကြီးကြပ်ရေး တာဝန်ရှိသူများက Reuters သတင်းဌာနသို့ ပြောကြားခဲ့သည်။

    အစိုးရ က နိုင်ငံသားအဖြစ် အရည်အချင်းပြည့်မီသူများဟု သတ်မှသူများတွင် ရိုဟင်ဂျာများအပြင်၊ မြန်မာအစိုးရမှ တိုင်းရင်းသား မျိုးနွယ်စုအဖြစ် သတ်မှတ်ထားသည့် ကမန် မွတ်စလင်များလည်း ပါဝင်ခဲ့သည်။ တာဝန်ရှိသူများကမူ အဆိုပါ လူ ၂၀၀ ကျော်အား နိုင်ငံသားအဖြစ် အသိအမှတ်ပြုခဲ့သည့် အကြောင်းအရင်းနှင့် ရိုဟင်ဂျာဦးရေ မည်မျှ ပါဝင်ကြောင်းကို ရှင်လင်းခဲ့ခြင်း မရှိချေ။

    စစ်တွေမှ ရိုဟင်ဂျာ မွတ်စလင်ခေါင်းဆောင် ဦးအောင်ဝင်းကမူ အစုိုးရက ၎င်းတို့အား ဘင်္ဂါလီအဖြစ် စာရင်းသွင်းသည်ကို မလိုချင်သောကြောင့် နိုင်ငံသား ဖြစ်၊ မဖြစ် စစ်ဆေးမှုတွင် ရိုဟင်ဂျာအများစုမှာ ပါဝင်ခြင်းမရှိဟု ဆိုသည်။

    ရိုဟင်ဂျာ မွတ်စလင်များမှာ မြန်မာနိုင်ငံအနောက်ပိုင်း ရခိုင်ပြည်နယ်တွင် အလွန်ဆိုးရွားသော ဖိနှိပ် ချူပ်ချယ်သည့်  အခြေအနေမျိုးအောက်၌ နေထိုင်နေရပြီး ၎င်းတို့နေထိုင်သော ရွာများ၊ သို့မဟုတ် ဒုက္ခသည်စခန်းများမှ အခြားနေရာသို့ ခရီးသွားလာခွင့်အတွက် အစိုးရထံမှ ခွင့်ပြုချက်ရယူနေရသည်။

    ရိုဟင်ဂျာများမှာ ထိုဒေသတွင် မျိုးဆက်ပေါင်းများစွာ နေထိုင် ခဲ့သော်လည်း မြန်မာ အစိုးရနှင့် မြန်မာပြည်သူ အများစုကမူ ၎င်းတို့အား ဘင်္ဂလားဒေ့ရ်ှမှ တရားမ၀င် ၀င်ရောက်လာသူများဟု သဘောသက်ရောက်သည့် ဘင်္ဂါလီဟူသော အသုံးအနှုန်းဖြင့် ခေါ်ဝေါ်ကြသည်။

    ထို့ပြင် မြန်မာနှင့် ဘင်္ဂလားဒေ့ရှ် ၂ နိုင်ငံစလုံးက နိုင်ငံသားအဖြစ် သတ်မှတ်ရန် ငြင်းဆိုမှုကြောင့် ရိုဟင်ဂျာများမှာ နိုင်ငံမဲ့များအဖြစ် နေထိုင်နေရသည်။

    လူ့အခွင့်အရေးလှုပ်ရှားသူများကမူ ရိုဟင်ဂျာများ ၎င်းတို့အမည်ကို ၎င်းတို့ ဆန္ဒရှိသည့်အလျောက် ဖော်ပြခြင်းကို ခွင့်ပြုသင့်သည်ဟုဆိုပြီး အချို့ကမူ ရိုဟင်ဂျာများ၏ နိုင်ငံမဲ့ဖြစ်နေမှုကို ဖြေရှင်းရန် အတွက် နိုင်ငံသား ဖြစ်၊ မဖြစ် စစ်ဆေးခြင်းမှာ အရေးကြီးသည်ဟု ပြောကြားခဲ့ကြသည်။

    အစိုးရက နိုင်ငံသားဖြစ်ခွင့် ငြင်းပယ်ခံခဲ့ရသည့် ရိုဟင်ဂျာ တစ်သန်းကျော် ရခိုင်ပြည်နယ်တွင် ရှိကြောင်း နိုင်ငံတကာ အဖွဲ့ အစည်းများမှ ခန့်မှန်းကြသည်။
    ရခိုင်ပြည်နယ်တွင် အစ္စလာမ် ဘာသာ ကိုးကွယ်သည့်  ရိုဟင်ဂျာ ၊ ကမန်၊ ရခိုင် လူမျိုးစုများရှိကြပြိး ၄င်းတို့အနက် ရိုဟင်ဂျာ လူမျိုးစုမှာ ပါလီမန်ဒီမိုကရေစီ အစိုးရခေတ်တွင် တိုင်းရင်းသားအဖြစ် သတ်မှတ်ပေးချင်း ခံရသော်လည်း ဗိုလ်ချူပ်နေဝင်း စစ်အာဏာ သိမ်းပြိးနောက်ပိုင်း နှိပ်စက် ဖမ်းဆီးမှုများ ပြုလုပ်ခဲ့မှုကြောင့် တဖက်နိုင်ငံသို့ အလုံးအရင်းနှင့် ထွက်ပြေးခဲ့သူများ ရှိသလို စစ်အာဏာသိမ်း အစိုးရ၏ ၁၉၈၂ နှစ် နိုင်ငံသား ဥပဒေဖြင့် ကန့်သတ်မှုကြောင့် မွေးရာပါ  နိုင်ငံသားဖြစ်ခွင့်ကို ဆုံးရှုံးခဲ့ရခြင်းဖြစ်ပါသည်။

    ကမန်လူမျိုးမှာ လက်၇ှိ တိုင်းရင်းသား ၁၃၅  ပါဝင်သော်လည်း ၂၀၁၂ အကြမ်းဖက်မှုများ ဖြစ်ပွားအပြီး အစိုးရမှာ နိုင်ငံသား စိစစ်မှုများ ပြန်လည် လုပ်ဆောင်နေ၍ တိုင်းရင်းသား/ နိုင်ငံသား အခွင့်အရေးများ ဆုံးရှုံးလျက်ရှိပါသည်။

    ကိုးကား_ ရိုက်တာ

  • မြန်မာမွတ်စလင်မ်တိုင်း သိထားသင့်သည့် ၁၉၈၂ မြန်မာနိုင်ငံသား ဥပဒေ

    စက်တင်ဘာ ၁၈၊ ၂၀၁၃
    ရေးသူ – Robert Elhose

    1208985_158313511034256_1545417434_n

    ဒီနေ့ မြန်မာပြည်က မွတ်စ်လင်မ် အားလုံးအတွက် သေရေး ရှင်ရေးတမျှ အရေးကြီးနေတဲ့ ၁၉၈၂ နိုင်ငံသားဥပဒေ ဆိုတာကို ပညာရပ် ဆိုင်ရာ စကားလုံးများ မပါပဲ လူတိုင်း နားလည် နိုင်အောင် တတ်နိုင်သလောက် ပြောကြည့်ပါမယ်။ ဒါဟာ ကျွန်တော်တို့ အားလုံးအတွက် တကယ့် နိုင်ငံရေး လုပ်ကြံမှုကြီးပါ။

    ပထမဦးစွာ ဒီညစ်ပတ်တဲ့ ဥပဒေကြီး ဘယ်လိုကဖြစ်လာသလဲ ဆိုတာပါ။ ဒီဥပဒေရဲ့ အဓိက ဗိသုကာကတော့ အာဏာရှင်ဟောင်းကြီး ဦးနေ၀င်း၊ သူ့ရဲ့ နောက်ဆုံး ဇနီး ဒေါ်နီနီမြင့်၊ ပြီးခဲ့တဲ့ နှစ် အနည်းငယ်ကမှ အမေရိကန်နိုင်ငံ၊ နယူးယောက်မြို့မှာ ကွယ်လွန် သွားခဲ့တဲ့ အစွန်းရောက် မွတ်စ်လင်မ် မုန်းတီးရေးဝါဒီ၊ ရခိုင်လူမျိူး သမိုင်း ပါမောက္ခဟောင်း ဒေါက်တာအေးကျော်နဲ့ အဲ့ဒီအချိန်က သူ့လက်ရင်း တပည့် ဖြစ်ခဲ့တဲ့ ယခု ဂျပန်နိုင်ငံ ကန်တတက္ကသိုလ်မှာ အရှေ့တောင်အာရှရေးရာ သမိုင်းပါမောက္ခ လုပ်နေသူ ဒေါက်တာအေးချမ်း ဆိုသူတွေဟာ အဓိက လက်သည်တွေပါပဲ။ အဲ့ဒီ အချိန်က တိုင်းပြည်ရဲ့ အလုံးစုံအာဏာ ကို ဆုပ်ကိုင်ထားတဲ့ အာဏာရှင်ကြီး ဦးနေ၀င်းကို သူ့ဇနီး ဒေါ်နီနီမြင့်မှ တဆင့် မွတ်စ်လင်မ် မုန်းတီးရေးဝါဒီ ရခိုင်လူမျိူးများရဲ့ ထိုးဖောက် အကွက်ဆင်မှုများထဲက တစ်ခုဆိုတာ မှန်းဆ နိုင်ကြမှာပါ။

    သုံးလေးနှစ်လောက် အချိန်ယူပြီး မွတ်စ်လင်မ်များကို အဓိက ပစ်မှတ်ထားရေးဆွဲထားတဲ့ ဒီဥပဒေဟာ ရေပက်မ၀င်လောက်အောင်ကို ကျွန်တော်တို့ အားလုံးကို ဘယ်လို လည်မြိုညှစ်ထားတယ် ဆိုတာကို နားလည်သလောက် တင်ပြနိုင်အောင် အားထုတ်ကြည့်ပါမယ်။

    ဒီဥပဒေ အရ ဆိုရင် –

    ၁။ နိုင်ငံသားဆိုရာမှာ တိုင်းရင်းသားနဲ့ ပြုနိုင်ငံသား (ဟိုတုန်းကတော့ ဧည့်နိုင်ငံသားလို့ သုံးပါတယ်) ဆိုပြီး နှစ်မျိူးခွဲ လိုက်ပါတယ်။ တိုင်းရင်းသား ဆိုရာမှာ အင်္ဂလိပ်-မြန်မာ ပထမစစ်ပွဲ (၁၈၂၃) မတိုင်မီ မြန်မာ နိုင်ငံထဲမှာ နေထိုင် လာခဲ့သူတွေလို့ သတ်မှတ်ထားပြီး ဒီ့နောက်ပိုင်းမှ ရောက်လာတယ်လို့ သူတို့က သက်သေ ပြမယ့် သူတွေအတွက်တော့ တိုင်းရင်းသား အဆက်အနွယ်မဟုတ်ဘူးလို့ ဆိုလိုတာ ရှင်းပါတယ်။

    ၂။ နောက်တစ်ခုက လွပ်လပ်ရေးမရခင် အရင် ၈-နှစ် (၁၉၄၀ ခုနှစ်၊ ဇန္န၀ါရီလ ၄ ရက်နေ့) နောက်ပိုင်း တိုင်းပြည်တွင်း တစ်ဆက်စပ်တည်း နေထိုင်လာသူ ဘိုးဘွားများက ပေါက်ဖွားလာသူများက သူတို့ပြောတဲ့ ပြုနိုင်ငံသား(ဧည့်နိုင်ငံသား)အဖြစ် လျှောက်ထားနိုင်တယ် လို့ဆိုထားပါတယ်။ သူတို့က စဉ်းစားပြီး ခွင့်ပြု ရင်တောင် အဲ့ဒီပုဂ္ဂိုလ်က ဧည့်နိုင်ငံသားပဲ ဖြစ်မှာနော်။ နိုင်ငံသားမဖြစ်သေးဘူး။ အဲ … အဲ့ဒီ ဧည့်နိုင်ငံသားက မွေးတဲ့ တတိယမျိူးဆက်၊ မြေးအဆင့်ကမှ အထောက်အထား အပြည့်အစုံနဲ့ လျှောက်ထားပါမှ နိုင်ငံသား အဖြစ် စဉ်းစားပေးမယ်တဲ့။

    ၃။ အဲ့ဒီလိုနဲ့မှ တင်းပြည့် နိုင်ငံသား ဖြစ်လာရင်တောင် တိုင်းရင်းသား မိဘက ပေါက်ဖွားလာတဲ့ ပထမတန်းစား နိုင်ငံသား မဟုတ်ခြင်းကြောင့် ဤသူများအား နိုင်ငံတော်က လိုအပ်သည်ဟု ယူဆချိန်တွင် နိုင်ငံသား အခွင့်အရေး အချိန်မရွေး ပြန်လည် ရုပ်သိမ်းနိုင်သည်လို့ ပါရှိပါတယ်။

    ဒီသုံးချက်ကို အခြေခံ ပြီး လူတိုင်း နားလည်အောင် အကျယ် ထပ်ရှင်းပါမယ်။

    ရှင်းလင်းချက် နံပါတ်(၁)

    ခရစ်နှစ် ၁၈၂၃-ခု အရင် မြန်မာနိုင်ငံတွင်းမှာ မှီတင်း နေထိုင်ခဲ့ကြသူ မွတ်စ်လင်မ်တွေ အကြောင်း ပြန်ပြောင်းပြောရမယ် ဆိုရင် အခုအငြင်းပွားနေတဲ့ ရိုဟင်ဂျာကစပြီး ရခိုင်ပြည်တွင်းမှာဆို ကမန်၊ မဟာမေဒင် တွေနဲ့ ရခိုင်မဟုတ်တဲ့ လက်ရှိမြန်မာပြည် အရပ်ရပ်မှာဆို ပသီ၊ မြေဒူး၊ ပန်းသေး၊ ပသျှူး စတဲ့ အစ္စလာမ်ဘာသာ ကိုးကွယ်သူတွေ ဆိုတာ အမှန်တကယ် ရှိခဲ့ကြောင်း ကမ္ဘာ့သမိုင်း၊ မြန်မာ့သမိုင်း ကျမ်းအစောင်စောင်မှာ မွှေနှောက် ရှာဖွေ ကြည့်နိုင်ပါတယ်။ ဒီအကြာင်း အကျယ်မရှင်းလိုပါ။

    ရိုဟင်ဂျာ ဆိုတဲ့ ရခိုင်ပြည်နယ်တွင်း နေထိုင်ခဲ့တဲ့ မွတ်စ်လင်မ် လူမျိူးစုတွေဟာ သူတို့ပြောနေသလို ၁၈၂၃ ဟိုမှာဖက် ကတည်းက ဒီနယ်မြေထဲမှာ နေထိုင်ခဲ့ကြောင်း ကျိူးကြောင်းခိုင်လုံတဲ့ အထောက်အထားနဲ့ တကွ တင်ပြနိုင်ရင် ဒါ တိုင်းရင်းသားပဲပေါ့။ ၈၂-ဥပဒေ အရကို နိုင်ငံသားသာမဟုတ် ၊ တိုင်းရင်းသားပါ ဖြစ်နေပါပြီဆိုတာ ရှင်းပါတယ်။

    ခရစ်နှစ် ၁၇၉၉-ခုနှစ် က ရိုက်နှိပ် ထုတ်ဝေ ခဲ့တဲ့ ဒေါက်တာဖရန်စစ် ဘူခါနန် ရဲ့ ခရီးသွားမှတ်တမ်းမှာ မဟာမေဒင်ဘာသာ ကိုးကွယ်သော ရိုဟန်းဂျာ လူမျိူးဆိုတာ ရခိုင်ဒေသမှာ အုံလိုက်ကျင်းလိုက် နေထိုင်ခဲ့ဘူးကြောင်း သမိုင်းအထောက်အထားဟာ ပထမတန်း စား Primary Source အထောက်အထား ဖြစ်ကြောင်း သမိုင်းပညာရှင်အားလုံးက လက်ခံထားပါတယ်။ ဒီကိစ္စ မကြာခင်ကပဲ ကိုဌေးလွင်ဦးနဲ့ ရခိုင်သမိုင်း ပညာရှင် ဒေါက်တာအေးချမ်းတို့ အကြား ငြင်းအခုံ ဖြစ်ခဲ့ကြတာ အားလုံးအသိပါ။

    အချက်အလက်နဲ့ ငြင်းခုံဖို့ရာ မစွမ်းသာတော့တဲ့ အခါ ဒေါက်တာ အေးချမ်းက ဒီ ရိုဟန်းဂျာ ဆိုတာ သူတို့ ရခိုင် ဗုဒ္ဓဘာသာ ၀င်တွေကို ပြောတာဖြစ်ကြောင်း မခိုင်မလုံ ရယ်မောဖွယ်ရာငြင်းခုံ သွားတာကိုလည်း မှတ်သား လိုက်ရပါတယ်။ ပြီးတော့ ကိုဌေးလွင်ဦးကိုလည်း သူနဲ့ တန်းမတူသူမို့ Debate မလုပ်နိုင်သလိုလို အပြောအဆိုမျိူးကိုလည်း တွေ့ရပါတယ်။ ကိုဌေးလွင်ဦးက သူနဲ့တန်းမညီလို့ မဆွေးနွေး နိုင်ဘူးလို့ ဆိုရင် သူနဲ့ တန်းညီရုံမက ကမ္ဘာ့အဆင့်မှာ သူ့ထက် တန်း ပိုမြင့် နေသူ Dr. Abib Bahar က သူ့ကို ဒီ Issue ကိုပဲ တီဗီချယ်နယ်လ်တွေရှေ့ ဆွေးနွေးကြရအောင်လို့ ကမ်းလှမ်းထားတာကို ၂-နှစ် နီးပါး သူ နှာစေး နေတာကလည်း ကလေးဆန်လှပါတယ်။ ရိုဟင်ဂျာ ကိစ္စမှာ ဒီလို ခိုင်လုံတဲ့ စာအုပ်စာတမ်း အထောက်အထား တွေအပြင် ရှေးဟောင်း ကျောက်စာတွေ၊ ဒင်္ဂါးတွေ၊ ရှေးဟောင်း မှတ်တမ်း မှတ်ရာတွေ အမြောက်အများ ရှိနေပေမယ့်လည်း ဒီနေရမှာ အကျယ်မချဲ့လိုတော့ပါ။

    ဘယ်နိုင်ငံမှာမှ လူဝင်မှုကြီးကြပ်ရေး ဥပဒေ ရေးဆွဲခဲ့တဲ့ နေ့စွဲ အရင် နှစ်ပေါင်း တစ်ရာ့ငါးဆယ်၊ တစ်ရာ့ခြောက်ဆယ် လောက် အပြင်ဖက်မှာ နေထိုင်လာသူတွေကိုပဲ နိုင်ငံသားစစ်စစ် ပေးပါတယ် ဆိုတာမျိူး မတွေ့ဘူးပါဘူး။ ရှိခဲ့ရင် လည်း ကျွန်တော့် ကိုထောက်ပြပေးပါ။ ဒါဟာ ရယ်ဖွယ်သက်သက်ပါ။

    ပြီးရင်ရော ခင်ဗျား၊ ကျွန်တော်၊ သူတို့ ၊ ဘယ်သူမဆို အဲ့ဒီ နှစ်၂၀၀ နီးပါးက ဘိုးဘွားများ ဒီမှာ နေထိုင်လာခဲ့တဲ့ အထောက်အထား ကို တကယ်တမ်း ပြသနိုင်မယ့်သူ ရှိပါသလား။ ရှိမယ်ဆိုရင် လက်ရှိသမ္မတကြီး အပါအ၀င် မည်သူမဆို ပြသနိုင်ပါသလား။

    ဒါကျွန်တော့် မေးခွန်းပါ။ နောက်တစ်ခါ သူတို့က မွတ်စ်လင်မ် ဆိုရင် တိုင်းရင်းသား မဟုတ်ဘူး၊ တိုင်းရင်းသား ဆိုရင် မွတ်စ်လင်မ် မဖြစ်ရဘူးဆိုတဲ့ အတင်းရော အဓမ္မရော လုပ်ထားတဲ့ မူကလည်း ရှိထားတာ အားလုံးအသိပါ။

    ရှင်းလင်းချက် နံပါတ် (၂)

    ကျွန်တော်အထက်က တင်ပြထားတဲ့ နံပါတ်နှစ်အချက်မှာ ပါသလို လွတ်လပ်ရေးမရခင် အနည်းဆုံး ရှစ်နှစ် ပြည်ထောင်စု မြန်မာနိုင်ငံတော် အတွင်း တစ်ဆက်တစ်စပ်တည်း နေထိုင်လာခဲ့ကြောင်း အထောက်အထား ပြသနိုင်သူ ဘိုးဘွားများရဲ့ မြေးအဆင့်ကို (ပြု) နိုင်ငံသား လျှောက်ထား နိုင်ကြောင်း ဆိုထားတယ်၊ လျှောက်ထားနိုင်တာနော်။ သူတို့က ပေးမှ ခင်ဗျားရမှာ။ ရရင်တောင် ခင်ဗျားက နိုင်ငံသားစစ်စစ် မဖြစ်ပြန်သေးဘူးတဲ့။ ခင်ဗျားရဲ့ မြေးလက်ထက်ကျမှ ဒီအထောက်အထားတွေ အားလုံး နှစ်ဖက် မိဘများရဲ့ ဘိုးဘေး အစဉ်အဆက် အထောက်အထားတွေ ခင်ဗျား စုံစုံလင်လင် ထုတ်ပြ နိုင်မှ ခင်ဗျားမြေးကို နိုင်ငံသား ဖြစ်ကြောင်း သူတို့က စဉ်းစားပေးမယ်။ စဉ်းစားပေးမှာ။ ဒါတွေဟာ ကျွန်တော် အထောက်အထားမဲ့ ပြောနေတာ မဟုတ်ရပါ။ သိပ်မကြာသေးခင်ကပဲ လူဝင်မှုကြီးကြပ်ရေး ၀န်ကြီး ဦးခင်ရီ အမေရိကန် အခြေစိုက် သတင်းဌာနတွေ ဖြစ်တဲ့ ဗွီအိုအေတို့ အာရ်အက်ဖ်အေ တို့နဲ့ အင်တာဗျူးများမှာ ပြောဆိုသွားခဲ့တာတွေပါ။

    ကဲ အဲ့ဒီ (ပြု) နိုင်ငံသားနဲ့ နိုင်ငံသား ဖြစ်ဖို့ရာကြား အဆင့်ဆင့်တွေ အတွက် ခင်ဗျား ဘယ်လောက်စောင့် ရမလဲ။ ပြန်တွက်ကြည့်နိုင် ပါတယ်။ အနည်းဆုံး မျိူးးဆက် ခြောက်ဆက်။ ဒါနေရာတိုင်းမှာ ခင်ဗျား သိပ်ကံကောင်းလွန်းပြီး အဆင်ပြေပြေ ဖြစ်ခဲ့မှသာ။ ကံမကောင်းရင် မျိူးဆက် ခုနစ်ဆက် ရှစ်ဆက်လောက်တောင် ဖြစ်သွားနိုင်ပါတယ်။ ဒါနော် ခင်ဗျားတို့ ဆွေမျိူးခုနစ်ဆက်တွေ သိပ် အမှတ်အသားကောင်းပြီး မှတ်ပုံတင် အထောက်အထား အားလုံး အဆင့်ဆင့်ကို ပြသနိုင်မှ ဖြစ်လာမယ့် အရာတွေ။ အဲ့လို ဆွေခုနစ်ဆက် မျိူးခုနစ်ဆက် အထောက်အထား တွေပြသနိုင်မယ့် သူ မြန်မာနိုင်ငံမှာ ရှိပါသလား။ ရှိရင် နိုင်ငံတော် သမ္မတကြီးတို့ လူဝင်မှုဝန်ကြီးဦးခင်ရီ တို့ပဲ အရင်ပြပါ။ လုံးဝ မဖြစ်နိုင်တာတွေနဲ့ လူတွေကို ချောက်တွန်းနေတာပါ။

    ကျွန်တော့် ကိုယ်ပိုင် ဥပမာ လေး တစ်ခုပဲ ပြောပြပါရစေ။ ကျွန်တော် ငယ်ငယ်တုန်းက အသက် ၁၂-နှစ်ပြည့် မှတ်ပုံတင် လုပ်ရတဲ့အခါ သုံးခေါက်ချိူး၊ ယောက်ျားလေးဖြစ်လို့ အစိမ်းရောင် နိုင်ငံသား မှတ်ပုံတင် ကဒ် ရပါတယ်။ အဲ့ဒီတုန်းက လူမျိူးနဲ့ နိုင်ငံသား နေရာတွေမှာ မြန်မာလို့ ရေးသားထားပြီး၊ ဘာသာနေရာမှာ အစ္စလာမ်လို့ ရေးထားပါတယ်။ နောက် ၁၉၉၀ အထွေထွေ ရွေးကောက်ပွဲ မတိုင်မီ ကမှ စခဲ့တဲ့ အခု ပန်းရောင် (နိုင်) နိုင်ငံသားကဒ်တွေလည်း ပေါ်လာရော ကျွန်တော်ရော၊ ကျွန်တော့်မိဘများ သဘောရောမပါပဲ အစ္စလာမ် ဘာသာဝင် ဖြစ်လို့ဆိုပြီး လူမျိူးနေရာမှာ အိန္ဒိယ/ဗမာ လို့ရေးပြီး ဘာသာနေရာမှာ အစ္စလာမ် ဆိုပြီး အတင်းရော အဓမ္မရော ရေးသဗျ။ ကျွန်တော့်မိဘများက အကြောက်အကန် ကန့်ကွက်ခဲ့ကြ ရှာပါသော်လည်း အလိုမတူပဲ အတင်းရော အဓမ္မရော ပြုကျင့်ခြင်းခံလိုက် ရသလို ဒီလိုမှ မရေးရင် နိုင်ကဒ် ဘယ်တော့မှ မထုတ်ပေးနိုင်ဘူး။ ဒါ နိုင်ငံတော်ရဲ့မူ စတဲ့ ရှင်းလင်းချက်တွေနဲ့ နိုင်ငံသားကဒ် ရသွားခဲ့တာပါ။ အစစ် အနေနဲ့ မွေးရာပါ ဗမာ၊ ဗုဒ္ဓဘာသာ စင်စစ် ဖြစ်တဲ့ ကျွန်တော့် မိခင်တောင် အခု အစ္စလာမ် ကိုးကွယ်နေတယ် ဆိုတဲ့ ပုဒ်မ နဲ့ လူမျိူးနေရာမှာ အိန္ဒိယ/ဗမာ ဆိုပြီး အရေးခံလိုက်ရတာ ခုထိ မှတ်မိနေသေးတယ်။ ကျွန်တော့် အမေကတော့ ခွက်ထ်ိုးခွက်လှန် ရယ်လို့ပေါ့လေ။ ထားပါတော့။

    ရှင်းလင်းချက် နံပါတ် (၃)

    ကဲထားပါဦး။ အဲ့ဒီထောင်ချောက်အားလုံးကို ကျော်ဖြတ်ပြီး ပန်းရောင် (နိုင်)ကဒ်ကို ခင်ဗျား အခု ကိုင်ထား နိုင်တယ် ဆိုရင်တောင် ခင်ဗျားက ပင်ရင်းနိုင်ငံသားဖြစ်ပိုင်ခွင့်  ရှိသူ တိုင်းရင်းသားထဲက မဟုတ်လို့ဆိုပြီး ဒီလို Naturalized နိုင်ငံသား တွေကို နိုင်ငံတော်က လိုအပ်သည်ဟု ယူဆပါက အချိန် မရွေး နိုင်ငံသား ဖြစ်ခြင်းမှ နုတ်သိမ်း ပယ်ဖျက် နိုင်သည် လို့ဆိုထားပြန်တော့။ ခင်ဗျား သားမြေးတွေ အတွက် တော့ ပန်းရောင် ကိုင်ကိုင်၊ ဘာကိုင်ကိုင် ဘာအာမခံချက်မှ မရှိတော့ဘူး ကိုယ့်ဆရာရေ။

    ဒါအဆင့်အမြင့်ဆုံး ပန်းရောင်ကဒ် ကိုင်ထားသူတွေကို ပြောတာနော်။ အခုနောက်ပိုင်း သွေးနှော သံသယ၊ နိုင်ငံသား သံသယ ဆိုပြီး ထုတ်ပေးထားတဲ့ သုံးခေါက်ချိူးကဒ် တို့ အဖြူရောင်ကဒ်တို့ ဆိုတာကတော့ ဆောရီးပဲ ကိုယ့်ဆရာ။ မသိနားမလည်ရှာလို့ ဟိုးတုန်းက ဘိုးဘေးများရဲ့ အထောက်အထား စာရွက် စာတမ်းတွေ သ်ိမ်းမထားနိုင်ကြရှာတဲ့ ၊ မပြသနိုင်ကြတဲ့ မွတ်စ်လင်မ် အများစုကတော့ ဆရာကြီး ဦးရာဇတ်က တိုက်ရိုက်ဆင်းသက် လာသူဖြစ်ပေ့စေ၊ ကုန်းဘောင်မင်းဆက် နန်းတွင်း မြန်မာ စာဆိုတော်ကြီး ဦးနု ကနေ တိုက်ရိုက်ပဲ ဆင်းသက်လာလာ သူတို့ဥပဒေ အရဆိုရင်တော့ နိုင်ငံသား ဖြစ်ဖို့အရေး ဝေရာမဏိ၊ ဝေးဝေး ကသာ ဖြစ်ကြောင်း အကျိူးမျှော် နှိုးဆော်လိုက်ရပါကြောင်း။

  • အဖျက်စွမ်းအားပြင်း၍ စံမမှီသော လ.ဝ.က ဥပဒေနှင့် ၁၉၈၂ နိုင်ငံသားပြုမှု ဥပဒေ

    သြဂုတ်-၁၊ ၂၀၁၃
    M-Media
    ဆောင်းပါးရှင်- မောင်သမာဓိ

    no justice

    လူနည်းစုသည် လူများစု၏ ဆန္ဒကို လေးစားရမည်။ လူများစုသည် လူနည်းစု၏ အခွင့် အရေးများ ကို အကာအကွယ် ပေးရ မည်ဆိုသော ဒီမိုကရေစီစံနှင့် လွဲချော်နေသော မြန်မာနိုင်ငံ၏တည်ဆဲ လူဝင်မှု ကြီးကြပ်ရေးဥပဒေနှင့် ၁၉၈၂ နိုင်ငံသားပြုမှု ဥပဒေ တို့ကြောင့် နစ်နာနေသူ လူနည်းစုဝင်တစ်ဦး၏ ရှု့ထောင့် မှ အမြင်ကို အစိုးရအဖွဲ့ဝင်များ၊ လွှတ်တော် ကိုယ်စားလှယ် ကြီးများ နှင့် ၈၈၈၈ ဥပဒေရေးရာ အဖွဲ့ ဝင်များ အနေဖြင့် ဂရုပြု လေ့လာနိုင်ရန် တင်ပြအပ်ပါသည်။

    ၁။ အမျိုးသားနှင့် အမျိုးသမီး၊ ကျား မ လိင်ခွဲခြားဆက်ဆံသောဥပဒေများ ဖြစ်နေခြင်း။

    နိုင်ငံခြားသား အိမ်ထောင်ဖက်(FRC)ကို  တရားဝင် လက်ထပ်ထားသော ဗမာချင်း တူသော်လည်း ဖခင် (ယောင်္ကျား) သည် မြန်မာ နိုင်ငံသား  ဖြစ်လျှင် မွေးလာသော ကပြား သားသမီးများ(One-FRC)သည် အသက် ၁၈ နှစ်ပြည့်လျှင် အလိုလျှောက် နိုင်ငံသားဖြစ်ပြီး၊ မြန်မာစစ်စစ် မိခင် (မိန်းမ)မှ မွေးလာသော ကပြား သားသမီးများ(One-FRC) သည် အသက် ၁၈ နှစ်နှင့် ၁၉ နှစ်ကြားတွင် ကျမ်းကြိမ်မှသာ နိုင်ငံသားပြုခွင့် ရပါသည်။

    တစ်ဖန် One-FRC (ကပြား) မိဘနှစ်ပါးမှ မွေးဖွားသူသည် နိုင်ငံသား အဖြစ် သတ်မှတ် ခံရပြီး ဆေးတက္ကသိုလ် တက်ခွင့်၊ ဘွဲ့လွန်သင်တန်းများ တက်ခွင့် ရချိန်တွင် နိုင်ငံခြားသား လက်မှတ် ကိုင်ဆောင်သူ မြန်မာနွယ်ဖွား အမျိုးသားကို လက်ထပ်ထားသော မြန်မာစစ်စစ် မိခင် မှ မွေးဖွားသူ ကလေးငယ်၏ အနာဂတ်တွင် ဆေးတက္ကသိုလ် တက်ခွင့်၊ ဘွဲ့လွန်သင်တန်းများ တက်ရောက်ခွင့်နှင့် တရားရုံးချိန်ဘာ ဆင်းခွင့်များ ဆုံးရှုံး သွားပါတော့သည်။

    တဖန် ကလေးငယ် လူမမယ် အရွယ်တွင် ဧည့်နိုင်ငံသား (UCC) မလျှောက်မီ သို့မဟုတ် လျှောက်ထားဆဲ မိဘတစ်ဦးဦး သေဆုံးခဲ့ ပါက မြန်မာနိုင်ငံတွင် ထိုကလေး၏ ပညာရေး အနာဂတ်သည် လုံးဝပျောက်ဆုံး သွားပါတော့သည်။ ထိုအချက်ကို သမ္မတ ဦးသိန်းစိန်၊ လ.ဝ.က ဝန်ကြီး ဦးခင်ရီနှင့် သင်္ဃန်းကျွန်းလွှတ်တော် ကိုယ်စားလှယ် ဦးသိန်းညွှန့်တို့ သတိပြုမိပုံ မပေါ်သောကြောင့် လ.ဝ.က ဥပဒေနှင့် ၁၉၈၂ နိုင်ငံသား ပြုမှု ဥပဒေကို ပြင်ဆင်ရန် ဇွတ်ငြင်းနေကြခြင်း ဖြစ်၏။

    ကလေး၏ အရည်အချင်း မမီမှုကြောင့် မဟုတ်ဘဲ မိဘ၏ လွတ်လပ်သော သဘောဆန္ဒအရ အိမ်ထောင်ဖက် ရွေးချယ်မှုကြောင့် နှစ်ပေါင်း ၆၀ အတွင်း အပြစ်ပေး အရေးယူခံခဲ့ရသော မြန်မာပြည် အနှံ့မှ အနာဂတ်မဲ့ ကလေးငယ်များ၏ ဘဝပေါင်းများစွာ အတွက် ယူကြုံးမရဖြစ်ကာ ဝမ်နည်းမိသည်။ အနာဂတ်၏ လူ့စွမ်းအား အရင်းအမြစ်များ ပြုံးတီးစေသော မှားယွင်းသည့် အစိုးရ အဆက်ဆက်၏ စီမံခန့်ခွဲမှုများ၏ နောက်ဆုံး ရလဒ်သည် ကမ္ဘာပေါ်တွင် အဆင်းရဲဆုံးတိုင်းပြည်အဖြစ် ယနေ့တိုင် စားရင်း ဝင်နေပါတော့သည်။ လူငယ်များ၏ အနာဂတ်သည် တိုင်းပြည်၏ အနာဂတ်ပင် ဖြစ်၏။

    သို့အတွက် ကမ္ဘာ့ လူမွဲနိုင်ငံ စာရင်းဝင်စေသာ တရားခံသည် သွေးနှင့်ဆုံးဖြတ်သည်ဟု ဆိုသော တတိယ မျိုးဆက် မှသာ နိုင်ငံသားဖြစ်စေမည့် လ.ဝ.က ဥပဒေပင်ဖြစ်သည်။

    ထိုကဲ့သို့ အဖျက်စွမ်းအားကြီးမားသော လ.ဝ.က ဥပဒေကို ယနေ့ ခေတ်စားနေသော အတည် မဖြစ်သေးသည့် မျိုးစောင့် ဥပဒေနှင့် နှိုင်းယှဉ် စဉ်းစား ကြည့်နိုင်ပါသည်။ မျိုးစောင့် ဥပဒေသည်လည်း ဗုဒ္ဓ္ဓ္ဓ္ဓဘာသာ အမျိုးသမီးများ အပေါ်တွင်သာ သက်ရောက်ပြီး၊ ဗုဒ္ဓဘာသာ အမျိုးသားများ အတွက်မူ အကြုံးမဝင်သော ကျားမ လိင်ခွဲခြား ဆက်ဆံသော ဥပဒေတစ်ခု ဖြစ်ပါသည်။

    ထို့ကြောင့် မြန်မာယောင်္ကျားနှင့် မြန်မာအမျိုးသမီးကို တန်းတူမထားဘဲကျား၊မ လိင်ခွဲခြားကာ အမျိုးသမီးများကို နှိမ့်ချဆက်ဆံသော ဥပဒေများဖြစ်၍ လ.ဝ.က ဥပဒေ၊ ၁၉၈၂ နိုင်ငံသား ပြုမှုဥပဒေနှင့် မျိုးစောင့်ဥပဒေ တို့သည် အပြည်ပြည်ဆိုင်ရာ လူ့အခွင့်ရေးကြေငြာစာတမ်း (Universal Declaration of Human Rights) အပိုဒ် ၂ နှင့် ဆန့်ကျင်ဖက်ဖြစ်နေသောကြောင့် စံချိန်မီ ဥပဒေများ မဟုတ်ပါ။

    • NRC = National Registration Certificate ( “ နိုင်” ပန်းရောင်ကဒ် ကိုင်ဆောင်သူ)
    • FRC = Foreign Registration Certificate (ပြည်တွင်းနေ နိုင်ငံခြားသား မှတ်ပုံတင် ကိုင်ဆောင်သူ) ပြည်တွင်း ခရီးသွားလျှင် သက်ဆိုင်ရာ မှတ်ပုံတင်ရုံးများသို့ အကြောင်းကြား ရသည်။ လွတ်လပ်စွာ ခရီးသွားလာခွင့် မရှိပါ။ မြေကွက်၊ အိမ်ယာ အမည်ပေါက် ပိုင်ဆိုင်ခွင့်မရှိသူ။
    •           ပြုနိုင်ငံသား = (FRC) ဖခင်နှင့် (FRC) မိခင်တို့မှ မွေးဖွားပြီး နိုင်ငံသား အဖြစ် လျှောက်ထားကာ ဥပဒေအရ နိုင်ငံသားဖြစ်လာသူ မြန်မာနွယ်ဖွား။ (အစိမ်းရောင် ကဒ်)
    •           ဧည့်နိုင်ငံသား = (FRC) လက်မှတ်ကိုင်ဆောင်သူ တစ်ဦးမှ ကျမ်းကြိမ်ပြီး ဧည့်နိုင်ငံသားဖြစ်လာသူ။ (UCC ကဒ်)
    •           One-FRC = (FRC) + (NRC)  မိဘနှစ်ပါးမှ မွေးဖွားလာသော သား၊ သမီး ကိုခေါ်သော ဗန်းစကား ဖြစ်ပြီး အများစုမှာ မြန်မာ ကပြား များ ဖြစ်ကြပါသည်။
    •           Two-FRC = FRC မိဘနှစ်ပါးမှ မွေးဖွားလာသော သား၊ သမီးတို့ကို ခေါ်သည့် လ.ဝ.က ဗန်းစကား
    •           White Card = မည်သည့် နိုင်ငံသားမှန်းမသိသူကို ထုတ်ပေးသောကဒ်ဖြစ်ပြီး ဖွဲ့စည်းပုံနှင့် အမတ် ရွေးကောက်ပွဲများအတွက် မဲပေးခွင့်ရှိသူ။ (ရိုဟင်ဂျာများကိုသာ ထုတ်ပေးထားပါသည်။)

    ၂။  ဥပဒေနှင့် မရင်းနှီးသောအပြစ်မဲ့သူ (Innocents) များကို စာနာမှု ကင်းမဲ့စွာ ရေးသားထားသော ဥပဒေဖြစ်ခြင်း။

    ဥပဒေကိုလည်းမသိ၊ ကြိုတင်အကြောင်းကြားအသိပေးမှု(notice) လည်းမရှိသောကြောင့် အသက် ၁၈ နှစ်နှင့် အသက် ၁၉ နှစ်ကြားတွင် အကြောင်း အမျိုးမျိုးဖြင့် ကျမ်းမကြိမ်ဖြစ်သော မြန်မာစစ်စစ် မိခင် မှ မွေးဖွားလာသည့် မြန်မာကပြားကလေးများ(One-FRC)သည် အသက် ၁၉ နှစ်ပြည့် ပြီးသောအခါ အလို အလျှောက် နိုင်ငံခြားသား(FRC) ဖြစ်သွားပါတော့သည်။

    ထို့ကြောင့် စာတော်သော်လည်း အသက်မွေးဝမ်းကြောင်းဆိုင်ရာ တက္ကသိုလ်များ(Institutes)တွင် တက်ရောက် ပညာသင်ခွင့်နှင့် ဘွဲ့လွန်သင်တန်းများ တက်ခွင့် မရကြ၍ နိုင်ငံတော်အတွက် လူသားသယံဇာတများ လျှော့နည်း၊ ယိုစီး၊ ဆုံးရှုံးခဲ့ရပါသည်။ လူငယ်များ၏ အနာဂတ်ကို ဖျက်ဆီးလျှင် တိုင်းပြည် အနာဂတ်သည်လည်း မလွဲမသွေ ပျက်စီးကြောင်း ရွှေမြန်မာတို့ အားလုံး  ကိုယ်တွေ့ ဖြစ်၍ ငြင်းမည့်သူ မရှိပါ။ ထို့ကြောင့်  အနာဂတ်ကို ပိုင်စိုးသော လူငယ်များကို ကျောသား ရင်သား မခွဲခြားဘဲ အညီအမျှ ဖွံ့ဖြိုးတိုးတက်အောင် အခွင့်အလမ်းများ ပေးသင့် ပါသည်။ အတားအစီးများကို ဖယ်ရှားပေး သင့်သည်။

    ၃။ မစ္ဆရိယ စိတ်နှင့် ရေးဆွဲထားသော ဥပဒေဖြစ်ခြင်း။

    မြန်မာထိပ်ပိုင်း အရာရှိရာထူးများအတွက် “ လူကောင်းလူတော်” ကိုသာရွေးရမည်ဆိုသော မြန်မာစကားကို ပြောင်ပြန်လှန်ပြောခဲ့သည့် သွားလေသူ ဦးနေဝင်း၏ သြဝါဒကြောင့် အစိုးရဌာနအသီးသီးမှ လူတော်များ ပြုံးတီးခဲ့ရသကဲ့သို့ ဌာနဆိုင်ရာ အရာရှိရာထူးကြီးများအတွက် အစ္စလာမ်ဘာသာဝင်ကို မခန့်ရဆိုသော ဦးနေဝင်း၏ မစ္ဆရိယစိတ်နှင့် ညွှန်ကြားမှုကြောင့် လူတော်၊ လူကောင်းများ လေလွင့်ခဲ့ရသော အတိတ်သမိုင်းဆိုး ရှိခဲ့ဘူး၏။ ထိုအခါ အစိုးရ၏ စီမံခန့်ခွဲမှုတို့သည် ဌာနအသီးသီးတွင် Check & Balance မရှိတော့ဘဲ ခိုင်းသမျှခေါင်းညှိတ်ကာ ကမောက်ကမ ညွှန်ကြားချက်များအတိုင်း စည်းဝါး၊ ကာရံမညီ၊ (ဥပဒေက မည်သို့ပင်ဆိုစေကာမူ စကားလုံးကို ထည်လဲ သုံးကာ) လုပ်ဆောင်ကြလေရာ တိုင်းပြည် ပြာပုံဘဝ ဆိုက်ရောက်လေတော့သည်။

    သွေးနှင့်ဆုံးဖြတ်သည်ဆိုသော လ.ဝ.က ဥပဒေနှင့် ဘာသာနှင့် ဆုံးဖြတ်သည် ဆိုသော အမျိုး စောင့် ဥပဒေတို့သည် ကမ္ဘာ့အံ့ဘွယ် မဖြစ်ညစ်ကျယ် ဥပဒေများဖြစ်သော်လည်း လ.ဝ.က ဝန်ကြီးနှင့် မျိုးစောင့် ဥပဒေရေးဆွဲသူတို့မှာ ဂုဏ်ယူမဆုံး ရှိနေကြကုန်၏။ အမျိုးစောင့် ဥပဒေဟု အမည် ပေးထား သော်လည်း ဘာသာကိုသာ အခြေခံသောကြောင့် အမျိုးကို တဖက်လှည့်နှင့် ဖျက်သကဲ့သို့ ဖြစ်နေသည့် ဥပဒေနှင့် မြေမျို၍ လူမျိုးမပြုတ်၊ လူမျိုမှ လူမျိုးပြုတ်မည်ဆိုသော လ.ဝ.က ၏ ဆောင်ပုဒ်တို့သည် ဝိရောဓိ ဖြစ်နေသော်လည်း ဥပဒေပြုသူများအကြား စည်းလုံးနေခြင်းမှာ တူညီသော မစ္ဆရိယ စိတ်ကြောင့်သာ ဖြစ်၏။ မစ္ဆရိယ၊ မောဟ အမှောင်ဖုံးကာ အဖျက်စွမ်းအားပြင်း ဥပဒေများကြောင့် ဆုတ်ယုတ် ကျဆင်းနေသော တိုင်းပြည် အခြေအနေ အမှန်ကို မမြင်နိုင်၊ မကြားနိုင်တော့ဘဲ ပြာပုံဘဝရောက်မှ နောင်တ အနည်းငယ် ရလေဟန် ပြု၏။

    တဖန် လက်ရှိ လ.ဝ.က ဥပဒေသည် သွေးနှင့်ဆုံးဖြတ်သည်ဆိုသော်လည်း လက်တွေ့တွင် မြန်မာသွေး ငါးမူးဖိုးနှင့်အထက် ပါသော ဘာသာခြား မြန်မာကပြားများကို နှိပ်ကွပ်ရန် ရည်ရွယ်၍ ရေးဆွဲ ထားသော ခွဲခြားဆက်ဆံ ကန့်သတ်သည့် အဖျက်ဥပဒေသက်သက် ဖြစ်လေ၏။ အမျိုးစောင့်ရန် ရေးဆွဲ ထားသော ဥပဒေသည် ကိုးကွယ်သည့် ဘာသာအပေါ် အခြေခံ ခွဲခြားဆက်ဆံသကဲ့သို့ သွေးနှင့် ဆုံးဖြတ်သည်ဆိုသော လ.ဝ.က ဥပဒေသည်လည်း နောက်ဆုံး ဘာသာနှင့်သာ ခွဲခြားဆက်ဆံလေ၏။ တစ်ဖအေ၊ တစ်မအေ တည်းမွေးသော ညီအစ်ကိုချင်း အတူတူ အစ္စလာမ်ဘာသာ ကိုးကွယ်သူသည် (နိုင်) မှတ်ပုံတင်ကဒ် မရဘဲ ဗုဒ္ဓဘာသာ ကိုးကွယ်သူက နိုင်ကဒ် ရလေ၏။

    မလေးရှားနိုင်ငံသည် MM2H Programme (Malaysia My Second Home) ကိုကြေငြာကာ လူမျိုးမရွေး ဘာသာမရွေး နိုင်ငံအတွင်း လာရောက် အခြေချရန် ဖိတ်ခေါ်နေချိန်တွင် မြန်မာနိုင်ငံသည် တိုင်းပြည်အတွင်း အခြေတကျ နေထိုင်သူများကို အခြေအနေမဲ့အောင် နည်းမျိုးစုံသုံး လုပ်ဆောင်နေရုံမက တိုင်းပြည်၏ ပိုင်ဆိုင်မှု (Asset) များ ပြည်ပသို့ ယိုစီးထွက်အောင် လုပ်ဆောင်နေကြခြင်းသည် မစ္ဆရိယ စိတ်ကြောင့်သာဖြစ်၏။

    ထိုင်းနိုင်ငံတွင် တရားဝင် အနှစ် ၂၀ နေထိုင်ပြီး ဘဏ်တွင် ဘတ်ငွေ ၁ သိန်း(မြန်မာငွေ သိန်း ၃၀ ခန့်) ပြနိုင်လျှင် ထိုင်းနိုင်ငံသား ပေး၏။ ဖိလစ်ပိုင်နိုင်ငံတွင် ဖိလစ်ပိုင်လူမျိုး အယောက် ၂၀ ကို အလုပ်ခန့် ပေးနိုင်သော လုပ်ငန်းတစ်ခုကို ရင်းနှီးမြှပ်နှံလျှင် နိုင်ငံသားပေး၏။ စင်္ကာပူနိုင်ငံတွင်လည်း အစိုးရ သတ်မှတ် ထားသော ငွေပမာဏကို ရင်းနှီးမြှပ်နှံလျှင် နိုင်ငံသားပေး၏။ ဤအချက်တွင်လည်း ၎င်းနိုင်ငံများသည် မြန်မာနိုင်ငံ ကဲ့သို့ လူနည်းစုကိုပျက်စီးစေမည့် ဥပဒေများ (ဥပမာ ။   ။ မွတ်ဆလင်များကိုသာ ရည်ရွယ် သော  သံဃာတော်များ ထုတ်ပြန်သည့် ဖြတ်လေးဖြတ် ဥပဒေများ၊ အမျိုးစောင့်ဥပဒေ၊ တိုင်းပြည်၏ အနာဂတ်ကို ဖျက်စီးသော လ.ဝ.က ဥပဒေ၊ စသည်တို့) ကို မပြဌာန်းဘဲ အပြုသဘော ဆောင်သည့် တိုင်းကျိုးပြည်ပြု ဥပဒေများကိုသာ ပြဌာန်းနေသည်ကို တွေ့နိုင်ပါသည်။

    ဤကဲ့သို့ တိုင်းခြားပြည်ခြားမှ အခြားနိုင်ငံသားများကို မက်လုံး (Incentive) အမျိုးမျိုး ပေးကာ မိမိ နိုင်ငံအတွင်း လာရောက် အခြေချ နေထိုင်ရန် ဆွဲဆောင်နေသော ခေတ် အခါသမယတွင် နိုင်ငံအတွင်း အေးအတူ ပူအမျှ နေလာကြသော ဘာသာခြား မွတ်ဆလင်များကို နိုင်ငံရေးဖြစ်စဉ်များ၌ အတူတကွ ပါဝင်နိုင်အောင်နှင့် ပျော်ပျော်ရွင်ရွင် လွတ်လွတ်လပ်လပ် နေသာထိုင်သာ၊ လုပ်သာကိုင်သာ ရှိအောင် လ.ဝ.က ဥပဒေနှင့် ၁၉၈၂ နိုင်ငံသားပြုမှု ဥပဒေတို့ကို အဘယ်ကြောင့် ပြင်ဆင် ရေးဆွဲမပေးချင်ရသနည်ုး။ အဖြေကတော့ ဥပဒေရေးဆွဲသူများ မစ္ဆရိယ စိတ်ကင်းစွာ၊ အဂတိတရား ၄ ပါးကင်းစွာ ဥပဒေများရေးဆွဲမှသာ တိုင်းပြုပြည်ပြု နိုင်ငံအကျိုးပြု ဥပဒေများ ဖြစ်လာမည်ဟု ပြောချင်ပါသည်။

    ထို့အပြင် ဗုဒ္ဓဘာသာ ဂိုဏ်းခွဲများအကြား မူရင်းအကျဆုံး ထေရဝါဒ ဗုဒ္ဓဘာသာထွန်းကားရာ မြန်မာပြည်တွင် သူတစ်ပါးကို ပျက်စီးဆုံရှုံးးအောင် ကြံဆောင်သူသည် မိမိကိုယ်တိုင်လည်း ပျက်စီးဆုံးရှုံး မှုများနှင့် ရင်ဆိုင်ရလိမ့်မည်ဟု ဆိုသော ဗုဒ္ဓ၏ အခြေခံအကျဆုံး တရားတော်ကို သံဃာတော်များ ကိုယ်တိုင်ပင် မေ့လျှော့နေကြလေပြီ။

    ၄။ လက်ပေါက်စိပ်သော လက်တလုံးခြား လ.ဝ.က ဥပဒေ ။

    တနည်းအားဖြင့် မသိသူကျော်သွား၊ သိသူဖေါ်စား လှည့်စားတတ်သော လက်ပေါက်ကပ်သည့် ဥပဒေများဟု ကင်ပွန်း တပ်လျှင် ပိုမိုပွင့်လင်း မြင်သာရှိမည်ဟု ထင်ပါသည်။

    (က) ဖအေတူ၊ အမေတူ၊ ဇာတိချက်မြှပ်တူ ကျောင်းစာတော်သော ပန်းသေး ညီအစ်ကိုနှစ်ဦးရှိရာ ၁၉၄၇ ခုတွင် မွေးသော အစ်ကိုဖြစ်သူက ဆေးတက္ကသိုလ် တက်ခွင့်ရပြီး၊ ၁၉၄၉ တွင်မွေးသော ညီဖြစ်သူက ဆေးတက္ကသိုလ်တက်ခွင့် မရပါ။ ၁၉၄၈ လွတ်လပ်ရေး ရချိန်နှင့် ဖြတ်သည်ဟု ဆိုသော ဥပဒေကြောင့် တိုင်းပြည်၏ အနာဂတ် ကြယ်ပွင့်များ ကြွေ လွှင့်ခဲ့ရသည်။

    (ခ) နုိုင်ငံခြားသားလက်မှတ် ကိုင်ဆောင်သူ(FRC) မိဘနှစ်ပါးမှ မွေးဖွားလာသော မြန်မာနွယ်ဖွား နိုင်ငံခြားသားကလေး(Two-FRC)ကို နိုင်ငံသား(NRC) ဇနီးမောင်နှံက တရားဝင် စာချုပ်စာတမ်းနှင့် မွေးစားပါက နိုင်ငံသား အပြည့်ဖြစ်ပြီး မြန်မာကပြားများ(One-FRC)ထက် အခွင့်အရေး ပိုရကာ အသက်မွေး ၀မ်းကြောင်း တက္ကသိုလ်များတွင် ပညာသင်ကြားခွင့် ရသည့်အပြင် ဘွဲ့လွန်သင်တန်း  များကိုလည်း တက်ရောက် ပညာသင်ကြားခွင့် ရကြပါသည်။

    One-FRC မြန်မာ ကပြားများအတွက် အခြားထွက်ပေါက် တစ်ခုမှာ များမကြာမီ ပြဌာန်းတော့မည့် နိုင်ငံတကာ အဆင့်မီ PR (Permanent Resident) ဥပဒေ ပင်ဖြစ်၏။  နိုင်ငံတော်မှ PR ရသူသည် အစိုးရနှင့် ပုဂ္ဂလိကပိုင် ကျောင်းများနှင့် တက္ကသိုလ်များတွင် တက်ရောက် ပညာသင်ကြားခွင့်ရှိသောကြောင့် မည်သည့် နိုင်ငံသား အဆင့်အတန်း (Class/Status) ဖြစ်စေကာမူ PR ထက် အခွင့်အရေး ပိုမိုရရ ပါလိမ့်မည်။

    PR ဥပဒေကို အပြည်ပြည်ဆိုင်ရာ ဥပဒေအဆင့်အတန်းအတိုင်း စံမီရေးဆွဲနေပါသည်ဆိုသော ပြည်ထောင်စု ဝန်ကြီး ဦးခင်ရီ အနေဖြင့် လ.ဝ.က ဥပဒေနှင့် ၁၉၈၂ နိုင်ငံသားပြုမှု ဥပဒေတို့ကိုလည်း နိုင်ငံတကာ စံနှုံးများနှင့်အညီ ပြင်ဆင်ရေးဆွဲမှသာ လူဝင်မှု ဥပဒေများအချင်းချင်း လိုက်လျှော်ညီထွေ ရှိမည်ဖြစ်ပြီး တိုင်းပြည် အနာဂတ်ကိုလည်း ကာကွယ်ပြီးဖြစ်ပါလိမ့်မည်။

    Minority-Rights2
    ၅။ မိဘများ၏ လွတ်လပ်သောဆန္ဒအရ အိမ်ထောင်ဖက်ရွေးချယ်မှု အတွက် မိမိ၏ မိဘနှစ်ပါး ကိုရွေးချယ်ခွင့် မရှိကြသော အပြစ်မဲ့ သားသမီးများအား အပြစ်ပေးသော ဥပဒေဖြစ်နေခြင်း။

    အိမ်နီးချင်း ထိုင်းနိုင်ငံ၊ ဂျပန်နှင့် အမေရိကန်နိုင်ငံတို့တွင် မိမိနိုင်ငံသားနှင့် လက်ထပ်သည့် နိုင်ငံခြားသားကို တရားဝင်ပေါင်းသင်းနေ သ၍ နိုင်ငံသားအဖြစ် အသိအမှတ် ပြုသောကြောင့် မွေးလာသော ကပြား သားသမီးများသည် နိုင်ငံသား အခွင့်အရေး အပြည့်အဝ ရကြပါသည်။

    ဘာသာခြား အိမ်ထောင်ဖက် (FRC)အား ရွေးချယ်သည့် ဆုံးဖြတ်ချက်ကို မြန်မာ မိဘတစ်ဦးဦးက ပြုလုပ်ခဲ့သည့် အတွက် (သို့မဟုတ်) NRC နိုင်ငံသား မိခင်က မြန်မာပြည်ပေါက် နိုင်ငံခြားသား(FRC) လက်မှတ်ကိုင်ဆောင်သူ အမျိုးသားကို ရွေးချယ် လက်ထပ်သည့်အတွက် ဘုမသိ၊ ဘမသိ မွေးလာသော ကပြား သားသမီး များ၏ ကိုယ်ရည်ကိုယ်သွေး တိုးတက်အောင် ပညာသင်ခွင့်ကို ပိတ်ပင်မည်ဆိုလျှင် တရားမျှတမှု ရှိမည်မဟုတ်ပါ။ တိုင်းပြည်၏ အနာဂတ်ကို ပိုင်ဆိုင်ကြသည့် ကလေးများ အချင်းချင်းကြား ခွဲခြားဆက်ဆံမှု မပြုသင့်တော့ပါ။ လလေးများ၏ အနာဂတ်ကို ဖျက်ဆီးခြင်းသည် တိုင်းပြည်၏ အနာဂတ်ကို ဖျက်ဆီးခြင်းပင် ဖြစ်သည်။

    ကင်ညာ၊ အမေရိကန် ကပြား (မြန်မာလူဝင်မှု ကြီးကြပ်ရေးဥပဒေ ဗန်းစကားအရ One-FRC) အိုဘားမား သမ္မတဖြစ်လာသည့် အချိန်အခါ သမယတွင် မြန်မာ ကပြား (One-FRC) သည် ရွေးကောက် ခံနိုင်ဘို့ ဝေးစွ၊ တက္ကသိုလ်များတွင် လွတ်လပ်စွာ ပညာသင်ကြား ခွင့်ကိုပင် မရကြပါ။

    နိုင်ငံတကာဥပဒေစံနှင့် မကိုက်ညီသည့်အပြင် အလွန်မှားယွင်းနေသော ဥပဒေ၏ သားကောင်များ ဖြစ်နေကြသည့် မြန်မာကပြား ကလေး(One-FRC) များသည် စာတော်သော်လည်း ဆေး၊ စက်မှု၊ စီးပွားရေး နှင့် ပညာရေး စသည့် တက္ကသိုလ်များသို့ ၀င်ခွင့်မရခဲ့ခြင်း၊ တက်ခွင့်ပေးသည့်အခါတွင်လည်း ဘွဲ့လွန် သင်တန်းများကိုတက်ခွင့်မရခြင်းနှင့် လွှတ်တော် ကိုယ်စားလှယ် အဖြစ်ရွေးချယ်ခံပိုင်ခွင့် မရှိခြင်းတို့သည်  အပြည်ပြည်ဆိုင်ရာလူ့အခွင့်အရေးကြေညာစာတမ်းအပိုဒ် ၂၁၊ ၂၆ တို့နှင့် ဆန့်ကျင်နေပါသည်။

    ၆။ နောက်ဆက်တွဲ ညွှန်ကြားချက်များက လူ့အခွင့်အရေး ပိုမိုချိုးဖေါက်သည်။

    အစ္စလာမ်ဘာသာဝင်များ မှတ်ပုံတင်လျှောက်ထားလာလျှင် အမှုတွဲကို တိုင်းအထိ တင်ပြ ရမည် ဆိုသော နောက်ဆက်တွဲ ညွန်ကြားချက်သည် ကိုးကွယ်သည့် ဘာသာအားဖြင့် ခွဲခြား ဆက်ဆံသော ညွှန်ကြားချက်ဖြစ်သောကြောင့် အပြည်ပြည်ဆိုင်ရာ လူ့အခွင့်အရေး ကြေညာ စာတမ်း အပိုဒ် (၂) နှင့် ဆန့်ကျင်နေပါသည်။

    no jutice no peace

    ၇။ နိုင်ငံသား (Citizen) ဖြစ်ခြင်းကို အဆင့်အမျိုးမျိုး (Class) ခွဲထားခြင်းက သာ၍ ရုပ်ဆိုးသည်။

    နိုင်ငံတကာတွင် နိုင်ငံသားဖြစ်ခြင်း၊ မဖြစ်ခြင်း ဟူသော အလွန်ရိုးရှင်းသည့် ဥပဒေများသာ ရှိပြီး မြန်မာနိုင်ငံ လ.ဝ.က ဥပဒေနှင့် ရွေးကောက်ပွဲ ကော်မရှင်ဥပဒေတို့တွင် နိုင်ငံသား Status ကို ရှုပ်ထွေးစွာ ခွဲခြား ပြဌာန်းထားသည်ကို အောက်ပါ အတိုင်း တွေ့နိုင်ပါသည်။

    (က) တိုင်းရင်းသား/နိုင်ငံသား မိဘနှစ်ပါးမှ မွေးဖွားသူ နိုင်ငံသား၊ NRC, (Citizen by birth)၊ (ပန်းရောင် နိုင်ကဒ်)

    (ခ)  နိုင်ငံသားဖခင် နှင့် နိုင်ငံခြားသား မိခင်မှ မွေးသော နိုင်ငံသား၊ NRC, (One-FRC) (ပန်းရောင် နိုင်ကဒ်)

    (ဂ) နိုင်ငံခြားသားဖခင်နှင့် နိုင်ငံသားမိခင်မှမွေးသော ကျမ်းကြိမ်ပြီးမှရသည့် နိုင်ငံသား၊ NRC, (One-FRC) (ပန်းရောင် နိုင်ကဒ်)

    (ဃ) FRC လက်မှတ်ကိုင် မိဘနှစ်ပါးမှ မွေးဖွားသူဖြစ်ပြီး အသက် ၁၈ နှစ်ပြည့်ပြီးနောက် လျှောက်၍ ရသော ပြုနိုင်ငံသား။ (အစိမ်းရောင် ပြုကဒ်)

    (င) နိုင်ငံခြားသား (FRC) လက်မှတ်မှ ပြောင်းလဲလျှောက်ရသော ဧည့်နိုင်ငံသား၊ (အဖြူရောင် ကဒ်ကြီး) (UCC ကဒ်)

    (စ) မိမိမမွေးခင်အရင် နိုင်ငံသားဖြစ်ပြီးသော မိဘနှစ်ပါးမှ မွေးဖွားလာသည့် နိုင်ငံသား၊ NRC

    (ဆ) မည်သည့်နိုင်ငံသားမှန်း မသိဟု ဆိုကာ ရိုဟင်ဂျာများကို ဥပဒေမှ ပြဌာန်းထားခြင်း မရှိဘဲ ထုတ်ပေးထားသော အဖြူရောင်ကဒ်… စသည်ဖြင့် နိုင်ငံသား status ကို အဆင့်အမျိုးမျိုး ခွဲခြားထားခြင်း(Classify လုပ်ခြင်း) သည် နိုင်ငံသားများ အကြား ပညာသင်ကြားရာတွင်၎င်း၊ အလုပ်ခန့်ထားရာတွင်၎င်း ခွဲခြားဆက်ဆံမှုကို ဖြစ်ပေါ်စေ လေသည်။ အခွင့်အရေးနှင့် ရပိုင်ခွင့်များ မတူညီတော့ပါ။

    ထို့ကြောင့် ကပြား ခလေးများသည် လွတ်လပ်စွာ ပညာသင်ခွင့်မရတော့ဘဲ ဈေးသည်၊ ပွဲစားနှင့် ရွှေ့ပြောင်းလုပ်သားများ ဘဝသို့ကူးပြောင်း လုပ်ကိုင်ကြရာ တိုင်းပြည်၏ လူ့စွမ်းအား အရင်းအမြစ်များ ပြုံးတီးကုန်လေသည်။ လူငယ်တို့၏ မျှော်လင့်ချက်နှင့် အနာဂတ်ကို မဲ့စေသော တိုင်းပြည် အနာဂတ်အတွက် အဖျက်စွမ်းအားပြင်းသည့် လ.ဝ.က ဥပဒေ ဖြစ်၏။

    ဤနေရာတွင် အံ့သြဘွယ်ရာ အချက်တစ်ခုကို ထောက်ပြချင်ပါသည်။ နိုင်ငံသား တစ်ဦး၏ အခွင့်အရေးနှင့် ရပိုင်ခွင့် အတွက်သာ နိုင်ငံသားကို အဆင့်အသီးသီး ခွဲခြားထားသော်လည်း တာဝန်ပိုင်းဖြစ်သော စစ်မှုထမ်းရန်အတွက်ကိုမှု နိုင်ငံသား အဆင့်မခွဲတော့ဘဲ နိုင်ငံသားတိုင်း စစ်မှု ထမ်းရမည်ဟု စစ်အုပ်ချုပ်ရေးခေတ် ဥပဒေ ပညာရှင်များက မျက်နှာပြောင်နှင့် ရေးဆွဲထား လေသည်။

    ၈။ အကြံပြုခြင်း

    (က)။ ရှေ့နေများကွန်ယက် အနေဖြင့် မြန်မာနို်င်ငံ လူဝင်မှု ကြီးကြပ်ရေးဥပဒေနှင့် နိုင်ငံသား ပြုမှုဥပဒေများကို ကျွမ်းကျင်သည့် ရှေ့နေများ ပါဝင်သော အဖွဲ့တစ်ခုကို ဖွဲ့စည်းထူထောင်ကာ မသိ နားမလည်သော ပြည်သူများကိုပညာပေးပြီး၊ ဥပဒေပြုမည့်သူများကိုအကြံဥာဏ်များပေးသင့်ပါသည်။

    ဥပမာ မြန်မာမိခင်မှ မွေးဖွားလာသော ကပြားကလေး(One-FRC)များကို အသက် ၁၈နှင့် ၁၉ နှစ် အကြား ကျမ်းကြိမ်ဖို့ မမေ့ရန် နိူးဆော်ဖို့နှင့် ထိုကပြား ကလေးငယ်များအနေဖြင့် အသက်မွေးဝမ်းကျောင်း တက္ကသိုလ်များနှင့် ဘွဲ့လွန် သင်တန်းများ တက်ခွင့်ရစေရန်အတွက် နိုင်ငံသား မိဘ (NRC) နှစ်ပါး (NRC မိဘ ဖက်မှ အမျိုးများ) ၏ စာချုပ်စာတန်းဖြင့် တရားဝင်မွေးစားခြင်းကို ခံယူရန် အကြံဥာဏ်များ ပေးသင့် ပါသည်။

    ထိုသို့ပြုလုပ်ပေးခြင်းဖြင့် ဦးနှောက်ယိုစီးမှုကို ကာကွယ်နိုင်မည်ဖြစ်ပြီး၊ တိုင်းပြည်အတွက် လူ့စွမ်းအား အရင်းအမြစ်များ  အလျှင်အမြန် ဖွံ့ဖြိုး တိုးတက်လာမည် ဖြစ်၏။

    (ခ)။ လွှတ်တော် ကိုယ်စားလှယ်များ အနေဖြင့် မြန်မာနို်င်ငံ၏ တည်ဆဲလူဝင်မှု ကြီးကြပ်ရေး ဥပဒေနှင့် ၁၉၈၂ နိုင်ငံသား ပြုမှု ဥပဒေကို အပြည်ပြည်ဆိုင်ရာ လူ့အခွင့်အရေးကြေညာစာတမ်းနှင့် ကိုက်ညီအောင်၊ (သို့မဟုတ်) အင်္ဂလန်နိုင်ငံစီးပွားရေးတက္ကသိုလ် ဥပဒေစိုးမိုးရေး စကားဝိုင်း ( Penal Discussion for Rule of Law) တွင် ဒေါ်အောင်ဆန်းစုကြည် ပြောခဲ့သည့်အတိုင်းအပြည်ပြည် ဆိုင်ရာ စံများနှင့် ကိုက်ညီအောင် ပြင်ဆင်ရေးဆွဲသင့်ပါသည်။

    ထို့အပြင် ယ္ခုလတ်တလော လုပ်ထုံးလုပ်နည်း အသစ်တစ်ခုဖြစ်သည့် ပြင်ဆင်ရန်၊ သို့မဟုတ် အသစ်ပြဌာန်းရန် ဥပဒေကြမ်း(Draft)များ အတွက် ပြည်သူ့ လွှတ်တော်တွင် ရုံးခန်းဖွင့်ပြီး ပြည်သူ လူထုထံမှ အကြံဥာဏ်များကို တရားဝင် တောင်းခံ သကဲ့သို့ ၁၉၈၂ နိုင်ငံသား ပြုမှု ဥပဒေနှင့် လ.ဝ.က ဥပဒေတို့နှင့် ပတ်သက်၍လည်း နစ်နာသူ၊ လူနည်းစုထံမှသာ အကြံဥာဏ်များ တောင်းခံသင့် ပါသည်။ အဘယ် ကြောင့်ဆိုသော် ဤဥပဒေသည် လူများစု၏ အခွင့်အရေးကို ချိုးဖေါက်ထားခြင်းမရှိဘဲ လူနည်းစု ကိုသာ ပစ်မှတ်ထား နှိပ်ကွပ် ထားသော ဥပဒေ ဖြစ်ခြင်းကြောင့် ဥပဒေ အတိမ်အနက်နှင့် ခွဲခြားဆက်ဆံ ခံရခြင်း၏ ဆိုးကျိုးများကို သတိပြုမိသူများမှာ နစ်နာသူ လူနည်းစုများသာ ဖြစ်ကုန်၏။

    ဥပဒေများကို ပြင်ဆင်စေလိုသည့် အဓိက အကြောင်းအရင်း တစ်ခုမှာ သမ္မတ ဦးသိန်းစိန်နှင့် သင်္ဃန်းကျွန်း လွှတ်တော် ကိုယ်စား ဦးသိန်းညွန့်တို့ မပြင်ချင်သော ၁၉၈၂ နိုင်ငံသား ပြုမှု ဥပဒေသည် လူများစုမှ လူနည်းစု အပေါ် မတရား အနိုင်ကျင့်၊ နှိပ်ကွပ်သော တနည်းအားဖြင့် ဒီမိုကရေစီ စနစ်၏ မကောင်းသော မဲအများစုဖြင့် အနိုင်ကျင့်သည့် ဘေးထွက်ဆိုးကျိုး (Side effect of Democracy System) တစ်ခု အဖြစ် ကမ္ဘာပေါ်တွင် မှတ်တမ်းဝင်နေသောကြောင့်ဖြစ်သည်။

    ဒီမိုကရေစီ၏ စံဖြစ်သော လူနည်းစုသည် လူများစု၏ ဆန္ဒကို လေးစားရသကဲ့သို့ လူများစု သည်လည်း လူနည်းစု အခွင့်အရေးကို အကာအကွယ် ပေးရမည်ဆိုသောအချက်ကို သမ္မတနှင့် လွှတ်တော် ကိုယ်စားလှယ်ကြီးများ မေ့လျှော့နေကြ၏။ ထို့ကြောင့် နိုင်ငံတကာ အစိုးရများ အထူးသဖြင်း သြစတေးလျှ အစိုးရ အနေဖြင့်လည်း ဒီမိုကရေစီနှင့် လူ့အခွင့်အရေး သင်တန်းများကို မြန်မာအစိုးရ အဖွဲ့ဝင်များ နှင့် လွှတ်တော် ကိုယ်စားလှယ်ကြီးများကို ဦးစားပေး တက်ရောက်ရန် မဖြစ်မနေ တောင်းဆိုသင့်ပါသည်။

    (ဂ)။ လူဝင်မှု ကြီးကြပ်ရေး ၀န်ကြီးဌာန အနေဖြင့် နိုင်ငံသားကဒ်ပြားပေါ်တွင် လူမျိုးနှင့် ကိုးကွယ် သည့် ဘာသာ ထည့်သွင်း ရေးသားခြင်းကိုလည်း အမြန်ဆုံး ပယ်ဖျက် သင့်ပါသည်။ နိုင်ငံသားများ အချင်းချင်း အကြား ခွဲခြားဆက်ဆံခြင်းကို မခံရစေရန် ဖြစ်၏။

    (ဃ) မြန်မာ့အရေးကို ဆယ်စုနှစ်နှင့် ချီ၍ လေ့လာခဲ့သူ ဂုဏ်ထူးဆောင်ပါမောက္ခ Josef Silverstein က လက်ရှိ ဖြစ်ပေါ်နေသော လူမျိုးရေး ပဋိပက္ခများ ချုပ်ငြိမ်းစေရန် မတူကွဲပြားသော လူမျိုးများ အတူတကွ ချစ်ကြည်စွာ ရာစုနှစ်နှုင့်ချီကာ ပြဿနာ မရှိ နေလာကြသော မြန်မာ့သမိုင်းကို မြန်မာတွေ ပြန်လေ့လာဖို့ ကောင်းပါတယ်ဟု VOA ဦးကျော်ဇံသာကို ပြောကြားလိုက်ခြင်းဖြင့် မြန်မာပြည်၏ ခေတ်အဆက်ဆက် Policy Makers များ မြန်မာ့သမိုင်းကို သေသေချာချာ မသိကြောင်း ထောက်ပြ သွားပါသည်။

    ထို့ကြောင့် အချိန်မနှောင်းမီ မြန်မာ့သမိုင်း၊ မွန်သမိုင်း၊ ရခိုင်သမိုင်းနှင့် ရိုဟင်ဂျာသမိုင်း အစစ်အမှန် အပြည့်အစုံတို့ကို ပြည်သူများကို ချပြသင့်ပြီဟု အကြံပေးလိုပါသည်။ ဥပဒေပြုသူများ ကိုယ့်နိုင်ငံသမိုင်း ကိုယ်သိမှသာ နိုင်ငံ အကျိုးပြု ခေတ်မီ ဥပဒေများကို ရေးဆွဲနိုင်မည်ဖြစ်သည်။ ဥပဒေမှားလျှင် တိုင်းပြည် ပြာပုံ ကြိမ်းသေဖြစ်ကြောင်း ကိုရွှေမြန်မာများအား အထူးပြောပြနေစရာ မလိုပါ။ ဆင်ခြင်ရန်သာ ပြောလို ပါသည်။

    (မှတ်ချက်။      ။ ရခုိုင်ပြည်နယ်ရှိ ရိုဟင်ဂျာ ဘင်္ဂါလီလူ့ အဖွဲ့အစည်းသည် ရှေးမြန်မာဘုရင် လက်ထက်ကတည်းက သောင်း ဂဏန်းခန့် နေထိုင်ခဲ့ကြောင်းပြန်ကြားရေး ဒုဝန်ကြီး ဦးရဲထွဋ်က မွန်းတည့်နေ ဂျာနယ်ကို ဥရောပ ခရီးစဉ်မှ အပြန်တွင် အတည်ပြုပြောကြားခဲ့သည်။ ရိုဟင်ဂျာများသည် ကိုလိုနီခေတ်မှ ရောက်ရှိလာသည်ဆိုသော သမ္မတ ဦးသိန်းစိန်နှင့် ဝန်ကြီး ဦးခင်ရီတို့၏ ပြောကြားချက်နှင့် စတင်ကွဲလွဲသော ထုတ်ပြန်ချက်ဖြစ်၏။ သတိနှင့်ကြိုဆိုစေချင်သည်။ န.စ.က ကို ဖျက်သိမ်းပြီးဖြစ်၍ သောင်းဂဏန်း ထက်ပို သော ရိုဟင်ဂျာများကို န.စ.က ဖျက်သိမ်းပြီးမှ ခိုးဝင်သူများအဖြစ် ပုံဖေါ်ရန် အလား အလာရှိနေပါသည်။

    ဤနေရာတွင်လည်း ထူးခြားချက်တစ်ခုကို သတိပြုမိပါသည်။ ရိုဟင်ဂျာများကို တတိယ နိုင်ငံပို့မည့် မိန့်ခွန်းပြောအပြီး သမ္မတကြီးကို ထောက်ခံဆန္ဒပြခဲ့ကြသော ရခိုင်မျိုးချစ်တို့သည် ဘင်္ဂါလီ-ရိုဟင်ဂျာ များသည် မြန်မာဘုရင် ခေတ်ကတည်းက တည်ရှိခဲ့ကြောင်း ဦးရဲထွဋ်ပြောပြီးနောက် ဆန့်ကျင်ဆန္ဒပြမှု မလုပ်ကြဘဲ ငြိမ်နေကြခြင်းဖြစ်၏။ ဘင်္ဂါလီ-ရိုဟင်ဂျာသည် မြန်မာ့သမိုင်းဝင်လူမျိုးဖြစ်သည်ကို လက်ခံ သွားကြပုံ ရ၏။ စာရေးသူ)

    ၉။ အစိုးရနှင့် MNHRC ကိုမေးခွန်းများမေးမြန်းခြင်း။

    ၈ လေးလုံးကျောင်းသား ခေါင်းဆောင် တစ်ဦးဖြစ်သူ ကိုဂျင်မီက မတရားမှုများကို ဖေါ်ထုတ်ရန် မေးခွန်းများကို မေးပါဟု ဆို၏။

    (က) အဖေနှင့် အမေတို့ လွတ်လပ်သော သဘောဆန္ဒအရ လက်ထပ် ထိမ်းမြားခဲ့ခြင်းကြောင့် မြန်မာ့မြေပေါ်တွင် မွေးဖွားလာသော မြန်မာ ကပြား ကျွန်တော်တို့တတွေမှာ အပြစ် ရှိပါသလား။ ကျွန်တော် တို့၏ ကိုယ်ရည်ကိုယ်သွေး တိုးတက်ရာ တိုးတက်ကြောင်း ပညာသင်ကြားခွင့် များကို ပိတ်ဆို့ အရေးယူ သင့်ပါသလား။

    (ခ) မတရားသော လ.ဝ.က ဥပဒေ၏ သားကောင်များ ဖြစ်ခဲ့ရသောမြန်မာကပြားများ(One-FRC) အပေါ် ကျူးလွန်ဆဲ လူ့အခွင့်အရေး ချိုးဖေါက်မှုများကို မြန်မာနိုင်ငံလူ့အခွင့်အရေးကော်မရှင် (Myanmar National Human Right Commission, MNHRC) သို့ တိုင်ကြားခွင့် ရှိပါသလား ခင်ဗျား။

    (မှတ်ချက် ။    ။ ယခုအခါ မြန်မာနိုင်ငံ အမျိုးသား လူ့အခွင့်အရေး ကော်မရှင်အစား အမျိုးသား ကို ဖြုတ်၍ မြန်မာနိုင်ငံ လူ့အခွင့်အရေးကော်မရှင်ဟု ၂၀၁၃ ခု ဇူလိုင်လ ၂၂ ထုတ် မြန်မာ့အလင်း သတင်း စာတွင် ရေးသားထားခြင်းကို သတိပြုမိ ပါသည်။ သို့သော် တနေ့တည်းထုတ် အင်္ဂလိပ် သတင်းစာတွင် National ကိုမဖြုတ်ဘဲ (Myanmar National Human Right Commission, MNHRC) ဟု ဆက်လက် သုံးနေသည်ကို  အံ့သြဘွယ် အဖြစ် တွေ့နေရပါသည်။ ဥရောပ အပြန်ခရီးတွင် မြန်မာလို အမျိုးသားဟူ သော စကားလုံးကို မြန်မာအစိုးရ အဖွဲ့ဝင် ဝန်ကြီးများ ရွံမုန်းသွားပုံရ၏။ အမျိုးသားလူ့ အခွင့်အရေးဟူသော အသုံးအနှုံးသည် မြန်မာ မဟုတ်သော တခြားကမ္ဘာသူ၊ ကမ္ဘာသားများ၏ အခွင့်အရေးကို ထည့်သွင်း စဉ်းစားခြင်း မရှိသည့် ကျဉ်းမြောင်းသော အဓိပ္ပါယ် ပေါက်သောကြောင့်ဟု ထင်ပါသည်။ စာရေးသူ)

    ၁၀။ Summary or Take Home Message.

    (က) မြန်မာနိုင်ငံ၏ ဥပဒေပြုသူများ အနေဖြင့် ဥပဒေများရေးဆွဲရာတွင် ကျားမ လိင် မခွဲခြားဘဲ တန်းတူရည်တူ ပြဌာန်းကြရန်။

    (ခ) အပြည်ပြည်ဆိုင်ရာ လူ့အခွင့်အရေး ကြေညာစာတမ်းပါ အချက်များနှင့်အညီ၊ နိုင်ငံတကာ ဥပဒေစံများနှင့်အညီ ဥပဒေများ ရေးဆွဲကြရန်။

    (ဂ) ရိုးစင်းသော (Innocent) ပြည်သူအများ မနစ်နာစေရန်နှင့် နားလည်လွယ်၍ လိုက်နာရန်လည်း လွယ်ကူသော ရိုးစင်းသည့် ဥပဒေ များကို ရေးဆွဲရန်။

    (ဃ) ဒီမိုကရေစီစံများနှင့်အညီ လူနည်းစု အခွင့်အရေးကို အကာအကွယ် ပေးသော ဥပဒေများကို ရေးဆွဲရန်။

    (င) လူနည်းစုများကို ကန့်သတ်လိုသော၊ ပျက်စီးစေလိုသော ရည်ရွယ်ချက်ထက် တိုင်းကျိုးပြည်ပြု ဥပဒေများဖြစ်စေရန် ရည်ရွယ်၍ မစ္ဆရိယစိတ် ကင်းကင်း၊ အဂတိ တရား ၄ ပါး ကင်းကင်းနှင့် ရေးဆွဲရန်။

    (စ) တိုင်းပြည်အတွက် လူသား သယံဇာတများကို မပြုန်းတီးစေဘဲ လူ့စွမ်းအား အရင်းအမြစ်များ ပိုမိုဖွံ့ဖြိုး တိုးတက်လာစေရန်ကို ရည်ရွယ်၍ ဥပဒေများကို သတိထားရေးဆွဲရန်။

    (ဆ) တိုင်းပြည်၏ အနာဂတ်ပိုင်ရှင်သော လူငယ်များ၏ အနာဂတ်ကို မပျက်စီးစေရန် အထူးဂရုပြု ရေးဆွဲကြရန် တိုက်တွန်း နှိုးဆော် အကြံပြု ရေးသားအပ်ပါသည်။

    ဥပဒေ ပြုသူများ တိုင်းကျိုး၊ ပြည်ပြု ဥပဒေများ ရေးဆွဲနိုင်ပါစေဟု ဆန္ဒပြုရင်း

    လေးစားစွာဖြင့်

    မောင်သမာဓိ