Tag: 2008Constitution

ဖွဲ့စည်းပုံပြင်ဆင်ရေး ဟောပြောပွဲသို့ နိုင်ငံရေး အကျဉ်းဟောင်းများ ထောင်ဝတ်စုံဖြင့် တက်ရောက်မည်

မေ ၁၇၊ ၂၀၁၄
M-Media
လမင်း

ရန်ကုန်။ ။ မေလ ၁၇ ရက်နေ့ ဗိုလ်စိန်မှန် အားကစားတွင်ပြုလုပ်မည့် ဖွဲ့စည်းပုံပြင်ဆင်ရေး လူထုဟောပြောပွဲသို့ နိုင်ငံရေး အကျဉ်းဟောင်းသမားများအနေနှင့် ထောင်ဝတ်ဆုံဖြင့်တက်ရောက်မည်ဖြစ်ကြောင်းကို နိုင်ငံရေး အကျဉ်းသမား တစ်ဦးဖြစ်သူကပြောကြားခဲ့သည်။

“အခြေခံပုဒ်မပြင်ဆင်ရေး ပုဒ်မ ၄၃၆ ပြင်ဆင်ရေး အတွက်တောင်းဆိုချင်တာရယ် ကွယ်လွန်သွားတဲ့ ဘဘဦးဝင်းတင်ကို ဂုဏ်ပြုချင်တာကြောင့် ယခုကဲ့သို့ အပြာရောင်ဝတ်ဆုံများဖြင့် တူညီစွာ တက်ရောက်မှာပါ” ဟု နိုင်ငံရေးအကျဉ်းသားဟောင်း တစ်ဦးကပြောကြားခဲ့သည်။

အဆိုပါဟောပြောပွဲသို့ နိုင်ငံရေးအ ကျဉ်းသားဟောင်းများသည် တာမွေမြို့နယ် နိုင်ကျဉ်းရုံးခန်းမှ ဗိုလ်စိန်မှန် အားကစားကွင်းသို့ စုပေါင်း ချီတက်လမ်းလျှေက်ကြမည် ဖြစ်ကြောင်း သိရသည်။

ဖွဲ့စည်းပုံပြင်ဆင်ရေးတွင် အခြေခံပုဒ်မ ဖြစ်သော ပုဒ်မ ၄၃၆ ပြင်ဆင်နိုင်ရန်အတွက် အမျိုးသား ဒီမိုကရေစီ အဖွဲ့ချုပ်နှင့် ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းတို့ ပူးပေါင်းပြီး လူထုဟောပြောပွဲ တစ်ရပ်ကို ရန်ကုန်မြို့ ဗိုလ်စိန်မှန်အားကစားကွင်း ဗဟန်းတွင် နံနက် ၈ နာရီမှစတင်ကာ ဟောပြော သွားမည် ဖြစ်သည်။ ထိုအခမ်းအနားတွင် အမျိုးသား ဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်နှင့် ၈၈ မျိုးဆက်ခေါင်းဆောင် ကိုမင်းကိုနိုင်တို့မှ မိန့်ခွန်း ပြောကြားသွားမည်ဖြစ်သည်။

ထိုကဲ့သို့ ဟောပြောပွဲတစ်ရက်ကိုလည်း မေလ ၁၈ ရက်နေ့ တွင် ၎င်းအဖွဲ့နှစ်ဖွဲ့မှပူးပေါင်းပြီး မန္တလေးမြို့ အောင်ပင်လယ်ကွင်းတွင်လည်း အခြေခံ ဖွဲ့စည်းပုံ ပြင်ဆင်ရေး ဟောပြောပွဲတစ်ရပ်ကို ပြုလုပ်ကျင်းပသွားမည်ဖြစ်ကြောင်း သိရသည်။

May 17, 2014
ဖွဲ့စည်းပုံ အခြေခံ ဥပဒေ ပြင်ဆင်ရေးတွင် တက္ကသိုလ် ကျောင်းသားများ သမဂ္ဂမှ ၀န်းရံ ပူးပေါင်းပါဝင်မည်

မေ ၉၊ ၂၀၁၄
M-Media
လမင်း

ရန်ကုန် ။ ။ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၃၆ ပြင်ဆင်ရေးနှင့် ပတ်သက်ပြီး အမျိုးသားဒီမိုကရေစီအဖွဲ့ချုပ်နှင့် ၈၈ ငြိမ်း/ပွင့်တို့ လုပ်ဆောင်လျှက်ရှိသော လှုပ်ရှားမှုတွင် တက္ကသိုလ်ကျောင်းသား သမဂ္ဂ (တ.က.သ) များမှ ၎င်းအဖွဲ့အစည်းများနှင့် ပူးပေါင်းဆောင်ရွက် သွားမည်ဖြစ်ကြောင်း ၎င်းတို့၏ စုံညီအစည်းအဝေးတွင် ဆွေးနွေးဆုံးဖြတ်ပြီး ထုတ်ပြန်ကြေငြာခဲ့သည်။

“၂၀၀၈ ဖွဲ့စည်းပုံအခြေခံဥပဒေ ပြင်ဆင်ဖို့က တိုင်းရင်းသားပြည်သူတွေ အများစုလိုလားတဲ့ အရာဖြစ်ပါတယ်။ သူ့မှာက တိုင်းသူပြည်သားတွေကို အာမခံပေးနိုင်တဲ့ အချက်၊ ဒီမိုကရေစီအခွင့်အရေးကို အာမခံပေးနိုင်တဲ့ အချက်တွေ မပါပါဘူး။ ဒါ့အပြင် လွတ်လပ်ခွင့်တွေကို အများစု ပိတ်ပင်ထားတဲ့ပြဌာန်းချက်တွေ ရှိနေပါတယ်။ ဒါကြောင့်ပြင်ဆင်ဖို့ လိုအပ်လှပါတယ်” ဟု စီးပွားရေး တက္ကသိုလ်ကျောင်းသား သမဂ္ဂမှ ကိုစည်သူမောင်ကပြောခဲ့သည်။

အခြေခံပုဒ်မ ၄၃၆ ပြင်ဆင်ရန် အတွက် နိုင်ငံရေးပါတီ တစ်ခုဖြစ်သော အမျိုးသား ဒီမိုကရေစီအဖွဲ့ချုပ်နှင့် အရပ်ဖက် အဖွဲ့အစည်းတွင် အင်အားကောင်းသော ၈၈ ငြိမ်း/ပွင့်တို့ ပူးပေါင်းပြီး လုပ်ဆောင်နေချိန်တွင် ကျောင်းသားများပါ ပါဝင်ခြင်းသည် လူထု လူတန်းစားများ အားလုံး ပါဝင်လာခြင်းဖြစ်တဲ့ အတွက်ကြောင့် အခုလို ပူးပေါင်း ပါဝင်ရခြင်းဖြစ်ကြောင်း ကိုစည်သူမောင်က ဆက်လက်ပြောကြားခဲ့သည်။

ပြည်သူ့လွှတ်တော်မှ အတည်ပြုလိုက်သော အမျိုးသားပညာရေး ဥပဒေ (မူကြမ်း)သည် ကျောင်းသား၊ ကျောင်းသူ၊ ဆရာ၊ ဆရာမများ နှင့် အရပ်ဖက်အဖွဲ့အစည်းများ၏ ဆန္ဒ မပါဘဲ ရေးဆွဲထားခြင်းဖြစ်သောကြောင့် အဆိုပါဥပဒေကို တ.က.သ များမှကန့်ကွက်ခဲ့ကြပြီးဖြစ်သည်။ ထို့ကြောင့် အဆိုပါပုဂ္ဂိုလ်များ၏ သဘောဆန္ဒများနှင့် အညီ ရေးဆွဲထားသော ဥပဒေပေါ်ထွန်းလာစေရန်လည်း ဆက်လက်ဆောင်ရွက် သွားမည်ဖြစ်ကြောင်း ဖော်ပြထားသည်။

ရန်ကုန်စီးပွားရေး တက္ကသိုလ်၊ ရန်ကုန်ကွန်ပျူတာတက္ကသိုလ်၊ နိုင်ငံခြားဘာသာတက္ကသိုလ်၊ နည်းပညာတက္ကသိုလ်၊ မြန်မာနိုင်ငံရေကြောင်း နည်းပညာတက္ကသိုလ်၊ မြန်မာနိုင်ငံလေကြောင်းနှင့် အာကာသပညာ တက္ကသိုလ် နှင့် မွေးမြူရေး တက္ကသိုလ် တို့မှကျောင်းသားသမဂ္ဂများမှ ဖွဲ့စည်းပုံပြင်ဆင်ရေးကို ပူးပေါင်းရန် သဘောတူ ထုတ်ပြန်ခဲ့ကြသည်။

ရန်ကုန်မြို့တွင် မေလ ၁၇ ရက်နေ့တွင်ပြုလုပ်မည့် ပုဒ်မ ၄၃၆ ပြင်ဆင်ရေးဟောပြောပွဲတွင်လည်း ၎င်းတို့တ.သ.က များမှ သက်ဆိုင်ရာ ကော်မတီအသီးသီးတွင် ပါဝင်သွားမည်ဖြစ်ပြီး ကူညီဆောင်ရွက်သွားမည်ဖြစ်ကြောင်း သိရသည်။

May 9, 2014
ဖွဲ့စည်းပုံ ပြင်ဆင်ရေး ဥပဒေရေးရာ ဖိုရမ် အမေရိကန်စင်တာတွင် ပြုလုပ် တက်ရောက်သူ ၇၀ ကျော်ရှိ

ဖေဖော်ဝါရီ ၂၇၊ ၂၀၁၄
M-Media
ပြည့်ပြည့်

– နိုင်ငံရေးနှင့် ပြည်သူ့ရေးရာ စေ့စပ်ဆွေးနွေးမှုအဖွဲ့ iPACE မှ ကြီးမှုးကျင်းပသော ဖွဲ့စည်းပုံအခြေခံဥပဒေပြင်ရေး ဥပဒေရေးရာ ဖိုရမ်တစ်ခုကို ဖေဖော်ဝါရီ ၂၄ ရက်နေ့ ညနေပိုင်းက ရန်ကုန်မြို့၊ တော်ဝင်လမ်းရှိ အမေရိကန် စင်တာတွင် ပြုလုပ်ခဲ့သည်ဟု သိရသည်။

ဖိုရမ်ပြုလုပ်ခြင်းရခြင်းနှင့် ပတ်သက်၍ iPACE မှ Adam LeClair က ရှင်းပြခဲ့ပြီး ပင်တိုင်ဆွေးနွေးသူများအဖြစ် အမျိုးသား ဒီမိုကရေစီ အဖွဲ့ချုပ် ဖွဲ့စည်းပုံ ပြင်ဆင်ရေး ကော်မတီမှ အဖွဲ့ဝင် တရားလွှတ်တော် ရှေ့နေ ဦးကိုနီ၊ မြန်မာတိုင်းမ်စ် သတင်းစာမှ အကြီးတန်း သတင်းထောက် မအိအိတိုးလွင်နှင့် မြန်မာဥပဒေနယ်ပယ် တရားမျှတရေးနှင့် မြန်မာနိုင်ငံဥပဒေ အကျိုးဆောင်ကွန်ယက်ကို တည်ထောင်သူ ကိုကျော်မင်းဆန်းတို့ ပါဝင်ခဲ့ကြသည်။ iPACE မှ ဥပဒေရေးရာရာနှင့် လေ့ကျင့်ရေးအကြံပေး ကိုစိုင်းအောင်သိန်းက ဦဆောင်ဆွေးနွေးသူ အဖြစ် ဆောင်ရွက်ခဲ့သည်။

ဆွေးနွေးပွဲတွင် ဖွဲ့စည်းပုံ အခြေခံ ဥပဒေပြင်ဆင်ရေး ကြိုးပမ်းမှုများ၊ အခြေခံ ဥပဒေပြင်ဆင်ရေး အတွက် အတားအဆီးများ၊ စိန်ခေါ်မှုများ၊ ပြည်သူလူထု၏ ပါဝင်ဆောင်ရွက်မှု၊ နည်းစနစ်ပိုင်းဆိုင်ရာ လုပ်ထုံးလုပ်နည်းများ စသည်တို့နှင့် ပတ်သက်၍ ပင်တိုင် ဆွေးနွေးသူများက တစ်ဦးချင်းစီပြောကြားခဲ့ကြသည်။

ထို့နောက် တက်ရောက်လာကြသူများက အခြေခံဥပဒေရှိ ပုဒ်မများ ပြင်ဆင်ခြင်းနှင့်၊ လွှတ်တော်မှ ဖွဲ့စည်းထားသည့် အခြေခံဥပဒေ သုံးသပ်ရေးကော်မတီတွင် တိုင်းရင်းသားပါတီများမှ ပါဝင်မှုအားနည်းခြင်း၊ အခြေခံဥပဒေပြင်ဆင်ရေး အတွက် အောက်ခြေလူထုအထိ ပညာပေးရေး စသည့်အချက်အများအတွက် သိလိုသည်များကို မေးမြန်းခဲ့ကြပြီး ပင်တိုင်ဆွေးနွေးသူများက ပြန်လည်ဖြေကြားခဲ့ကြသည်။

အဆိုပါဖိုရမ်ကို ညနေ ၆ နာရီခန့်တွင် ရုပ်သိမ်းခဲ့ပြီး တက်ရောက်လာကြသူများအား iPACE မှာ ကော်ဖီဖြင့် ဧည့်ခံခဲ့သည်။ ဖိုရမ်သို့ လူငယ် အများစု အပါအ၀င် လူ ၇၀ ကျော် တက်ရောက်ခဲ့ကြသည်။ နိုင်ငံရေးနှင့် ပြည်သူ့ရေးရာ စေ့စပ်ဆွေးနွေးမှု အဖွဲ့ iPACE မှ ထိုကဲ့သို့သော ဖိုရမ်များကို ယခင်ကလည်း လုပ်ဆောင်ခဲ့ပြီး နောင်တွင်လည်း ဆက်လက် လုပ်ဆောင်သွားရန် ရှိသည်ဟု သိရသည်။

Photo Credit – iPace FB Group.

February 27, 2014
ဖွဲ့စည်းပုံပြင်ဆင်ရန် ပြည်မြို့မှ အမျိုးသား ဒီမိုကရေစီ အဖွဲ့ချုပ်နှင့် ဒေသခံပြည်သူများ ဆန္ဒဖော်ထုတ်

ဖေဖော်ဝါရီ ၁၉၊ ၂၀၁၄
M-Media
လမင်း

ပြည် ။ ။ ဖွဲ့စည်းပုံ အခြေခံဥပဒေပြင်ဆင်ရေးနှင့် ပုဒ်မ ၅၉ (စ) တို့အား ပယ်ဖျက်ရေးအတွက် ပဲခူးတိုင်းဒေသကြီး ပြည်မြို့ အမျိုးသား ဒီမိုကရေစီ အဖွဲ့ချုပ် နှင့် မြို့သူမြို့သားများမှ ပူးပေါင်း၍ ဖေဖော်ဝါရီလ ၁၈ ရက်နေ့က ဆန္ဒဖော်ထုတ်ခဲ့ကြသည်။

ယခုလိုဆန္ဒဖော်ထုတ်မှုကို မြို့နယ်ရဲတပ်ဖွဲ့မှူးက ငြင်းပယ်ခဲ့သော်လည်း ခရိုင်ရုံးနှင့် ညှိနှိုင်းပြီး တရားဝင်ဆန္ဒဖော်ထုတ်ခဲ့ခြင်းဖြစ်ပြီး ဆန္ဒဖော်ထုတ် ပွဲတွင် ပုဒ်မ ၅၉(စ) ကိုပယ်ဖျက်ရန်၊ ပုဒ်မ ၅၉ (ဃ) ကိုပြင်ဆင်ရန်၊ ပုဒ်မ ၄၃၆ တို့ကိုပြင်ဆင်ရန် တို့ကို ဆန္ဒဖော်ထုတ်ခဲ့ကြောင်း သိရပါသည်။

ပြည်သူလူထုတွေကလည်း ဒီပုဒ်မတွေကို အလိုမရှိကြပါဘူး။ ပယ်ဖျက်ချင်နေတယ်ဖြစ်တယ်ဆိုတာကို သိစေချင်လို့ အခုလိုဆန္ဒပြသမှုကို ပြုလုပ်ရခြင်း ဖြစ်တယ်လို့ မြို့နယ်တာဝန်ခံတစ်ဦးက ပြောခဲ့ပါတယ်။

ဆန္ဒဖော်ထုတ်ပွဲကို မူယာပင်ရပ် NLD ရုံးခန်းရှေ့မှ စတင်ချီတက်ခဲ့ကြပြီး ဗိုလ်ချုပ်လမ်း၊ ရွှေတချောင်းလမ်း၊ လမ်းမတော်လမ်း အစရှိသည့် လူစည်ကား သည့်နေရာများသို့ လှည့်လည် ဆန္ဒဖော်ထုတ်ခဲ့ကြပါသည်။ ပေါင်းတည်၊ ပန်တောင်း၊ မှော်ဇာ၊ ပေါင်းတလည်၊ ပေါက်ခေါင်း၊ ၀က်ထီးကန် အစရှိတဲ့ နီးစပ်ရာမြို့နယ်များမှ ပြည်သူများနှင့် ဒေသခံပြည်သူများအပါအ၀င် ဆန္ဒဖော်ထုတ်သူ ၆၀၀ ကျော်ပါဝင်ခဲ့သည်။ နိုင်ငံရေးပါတီက တရားဝင်ခွင့်တင်ပြီး ဆန္ဒပြသခဲ့တာဟာ ပြည်မြို့တွင် ပထမဆုံးအကြိမ်ဖြစ်ပါသည်။

February 19, 2014
ဖွဲ့စည်းပုံပြင်ဆင်ရေး ဥပဒရေးရာ ဖိုရမ် အမေရိကန်စင်တာ တွင် ပြုလုပ်မည်။

ဖေဖော်ဝါရီ ၁၈၊ ၂၀၁၄
M-Media
လင်းလင်း

ဖွဲ့စည်းပုံအခြေခံဥပဒေ ပြင်ဆင်ရေးကိစ္စနှင့် ပက်သက်၍ “ဖွဲ့စည်းပုံ အခြေခံဥပဒေ ပြင်ဆင်ရေး ဥပဒေ ရေးရာဖိုရမ် ” ခေါင်းစဉ်ဖြင့် ဥပဒေရေးရာ ဖိုရမ်တစ်ခုကို ယခုလ နောက်ဆုံးပတ်အတွင် ရန်ကုန်မြို့ရှိ အမေရိကန်စင်တာတွင် ကျင်းပပြုလုပ်မည်ဟု သိရသည်။

နိုင်ငံရေးနှင့် ပြည်သူ့ရေးရာ စေ့စပ်ဆွေးနွေးမှုအဖွဲ့ iPACE မှ စီစဉ်သည့် ထိုဖိုရမ်တွင် အမျိုးသား ဒီမိုကရေစီ အဖွဲ့ချုပ် ဖွဲ့စည်းပုံ ပြင်ဆင်ရေး ကော်မတီမှ အဖွဲ့ဝင် ဦးကိုနီ၊ မြန်မာတိုင်းမ်စ် သတင်းစာမှ အကြီးတန်း သတင်းထောက် မအိအိတိုးလွင်နှင့် မြန်မာ ဥပဒေနယ်ပယ် တရားမျှတရေးနှင့် မြန်မာနိုင်ငံဥပဒေ အကျိုးဆောင်ကွန်ယက်ကို တည်ထောင်သူ ကိုကျော်မင်းဆန်းတို့က ပင်တိုင်ဆွေးနွေးသူများအဖြစ် ဆောင်ရွက်မည်ဖြစ်သည်။

မြန်မာဘာသာဖြင့်သာ ဆွေးနွေးမည်ဖြစ်ပြီး စိတ်ပါဝင်စားသူ မည်သူမဆို တက်ရောက်နိုင်သည်ဟု သိရသည်။

ခေါင်းစဉ်။ ။ ဖွဲ့စည်းပုံအခြေခံဥပဒေ ပြင်ဆင်ရေး ဥပဒေရေးရာဖိုရမ်

နေ့ရက်နှင့်အချိန် ။ ။ ဖောဖော်ဝါရီလ ၂၄ရက်၊ တနင်္လာနေ့၊ ညနေ ၄ နာရီ။

နေရာ ။ ။ အမေရိကန်စင်တာ၊ အမှတ် ၁၄ တော်ဝင်လမ်း၊ ဒဂုံမြို့နယ်

February 18, 2014