News @ M-Media

Tag: 2015_Hajj

  • နိုက်ဂျီးယား နိုင်ငံသားတစ်ဦး ဟဂ်ျပြုရင်း နိုင်ငံ့ဂုဏ် တက်စေခဲ့

    နိုက်ဂျီးယား နိုင်ငံသားတစ်ဦး ဟဂ်ျပြုရင်း နိုင်ငံ့ဂုဏ် တက်စေခဲ့

    အောက်တိုဘာ ၂၊ ၂၀၁၅
    M-Media

    hajj

    – နိုက်ဂျီးရီးယားမှ ဟဂ်ျဘုရားဖူးခရီးသည်တစ်ဦးမှာ ကအ်ဘာကျောင်းတော်တည်ရှိရာ မတ်စ်ဂျစ်ဒ် ဟရမ် ဗလီဝတ်ကျောင်းတော်အတွင်းမှ ငွေထုပ်တစ်ထုပ်ကို ပိုင်ရှင်လက်သို့ ပြန်လည်အပ်နှံကာ နိုင်ငံဂုဏ်သိက္ခာကို မြှင့်တင်ပေးနိုင်ခဲ့သည်။

    “သူ (ဆူလေမန် ဘဲလ်လို) က ကေယာမတ် ကမ္ဘာ့တရားစီရင်မယ့်နေ့မှာ အလ္လာဟ်အရှင်မြတ်ရှေ့တော်မှောက် စစ်ကြောမေးမြန်းခြင်း ခံရမယ်ဆိုတာကိုသိပြီး၊ အလ္လာဟ်အရှင်မြတ်ကို ကြောက်ရွံ့ခဲ့တာပါ။ သူဟာ နိုက်ဂျီးရီးယားကို ကောင်းမွန်တဲ့ ကိုယ်စားပြုသူတစ်ယောက် ဖြစ်ခဲ့ပါတယ်။ ဒီငွေထုပ်ကို နိုက်ဂျီးရီးယားဟဂ်ျအဖွဲ့က တာဝန်ရှိသူတွေဆီ ယူသွားခဲ့ပြီး သူတို့က ကျွန်တော်တို့ဆီ ယူလာခဲ့ပါတယ်။ ကျွန်တော်တို့ ပိုင်ရှင်ကို ပြန်အပ်နိုင်ခဲ့ပါတယ်။ ဒါက နိုက်ဂျီးရီးယားပြည်သူတွေဟာ ရိုးသားပြီး ဘုရားသခင်ကို ကြောက်ရွံ့ကြတယ်ဆိုတာကို ပြသလိုက်တာပါပဲ” ဟု နိုက်ဂျီးရီးယား အမျိုးသားဟဂ်ျကော်မရှင်၏ ဆော်ဒီအာရေဗျရုံးခန်းမှ ဥက္ကဌဖြစ်သူ အဘ်ဒူလာဟီ မိုဟာမက်က ပြောကြားခဲ့သည်။

    ဆူလေမန်ဘဲလ်လိုမှာ နိုက်ဂျီးရီးယားအလယ်ပိုင်း နာဆာရာဝါပြည်နယ်မှ ဟဂ်ျဘုရားဖူးခရီးကို လာရောက်ခြင်းဖြစ်ပြီး ကအ်ဘာကျောင်းတော်ပရ၀ုဏ်အတွင်း ခါးပတ်အိတ်တစ်လုံးကို တွေ့ရှိခဲ့ခြင်းဖြစ်သည်။ အဆိုပါအိတ်ထဲတွင် ကန်ဒေါ်လာ ၂၃၄၅ ဒေါ်လာ၊ ဆော်ဒီ ၃၀၃ ရီယဲလ်နှင့် အာဖဂန်ငွေ ၃၀၂၀ တို့ပါဝင်သည်။

    ဘဲလ်လိုကမူ မိမိမှာ ထိုအိတ်ကို အဖွဲ့ခေါင်းဆောင် ဟမ်ဇာ နိုင်ဘီကို လွှဲပြောင်းပေးအပ်ခဲ့ပြီး ၎င်းက အိတ်ထဲတွင်တွေ့ရသည့်ကဒ်မှ အမည်ကိုကြည့်ကာ ပိုင်ရှင်အား အလွယ်တကူပင် ရှာနိုင်ခဲ့သည်။

    ပိုင်ရှင်မှာ အာဖဂန်နိုင်ငံသား မူဆာ ဂေ့ါစ်ဒင်ဆိုသူဖြစ်ပြီး ၎င်းကလည်း ဘဲလ်လို၏ ရိုသားမှုအတွက် ကျေးဇူးတင်ခဲ့သည်။ အာဖဂန်အဖွဲ့ကိုယ်စား နိုင်ငံ၏ ဟဂ်ျအဖွဲ့ခေါင်းဆောင် ဆယဒ် တာဟီရ် ဟာရှီမီက ဘဲလ်လိုအား လေးစားကျေးဇူးတင်ကြောင်း ပြောစရာစကားပင်မရှိဟု ဆိုသည်။

    နိုက်ဂျီးရီးယားဟဂ်ျစေလွှတ်ရေးအဖွဲ့ကလည်း ဘဲလ်လို၏ ရိုးသားမှုကို ဂုဏ်ပြုသည့်အနေဖြင့် လာမည့်နှစ်တွင် အခမဲ့ ဟဂ်ျပြုခွင့် ပေးခဲ့သည်။

    Ref: Onislam

  • မြင့်မြတ်သောမြေမှ သေကံမရောက် သက်မပျောက်ကြသူများ

    မြင့်မြတ်သောမြေမှ သေကံမရောက် သက်မပျောက်ကြသူများ

    စက်တင်ဘာ ၃၀၊ ၂၀၁၅
    M-Media

    meccan

    – ပြီးခဲ့သည့်တစ်ပတ် ကြာသာပတေးနေ့ မက္ကာမြို့က မီနာဒေသမှာ ဟဂ်ျကျင့်စဉ်တွေထဲက တစ်ခုဖြစ်တဲ့ ရွိုင်သွာန်မာရ်နတ်ကို ခဲနဲ့ပေါက်တဲ့ ကျင့်စဉ်အတွင်း လူအုပ်တိုးဝှေ့မှုကြောင့် လူပေါင်း ၇၀၀ ကျော် သေဆုံးခဲ့ပြီး တစ်ထောင်နီးပါး ဒဏ်ရာရရှိခဲ့ပါတယ်။

    မျက်မြင်သက်သေတွေက ဆော်ဒီအစိုးရရဲ့ စီမံခန့်ခွဲမှု ညံ့ဖျင်းခဲ့တာကြောင့်ဖြစ်ပြီး၊ ဆော်ဒီအာဏာပိုင်တွေကတော့ ဟဂ်ျပြုတဲ့ လူအုပ်ကြီးဟာ တာဝန်ရှိသူတွေရဲ့ စကားကို နားမထောင်လို့ ဆိုပြီး အပြန်အလှန် ပြစ်တင်မှုတွေ ပြုလုပ်ခဲ့ကြပါတယ်။

    ဒီဖြစ်ရပ်ဆိုးကြီးထဲက ကံကောင်းထောက်မစွာ လွတ်မြောက်လာသူတွေလည်းရှိပြီး၊ လူအုပ်ထဲမှာ ပိတ်မိနေတဲ့ အီဂျစ်မိခင်တစ်ဦးက သားငယ်လေးကို အနားမှာရှိနေတဲ့ လူတွေဆီ ပစ်ပေး မိခင်မေတ္တာကို ဖော်ပြနေတဲ့ အဖြစ်အပျက်တစ်ခုလည်း ရှိခဲ့ပါတယ်။

    “သူက တော်တော်ဝေးဝေးမှာ ရှိခဲ့တာပါ။ သူ့သားလေးကို ကျွန်တော်တို့ဆီ ပစ်ပေးခဲ့တယ်။ ဒီကလေးအမည်က အီဘရာဟင်ပါ။ သူ အသက်ရှင်ခဲ့ပါတယ်” လို့ အခင်းဖြစ်ပွားတဲ့အချိန် အနားက တဲမှာရှိနေပြီး ကလေးငယ်လေးကို ကင်တင်နိုင်ခဲ့တဲ့ အီဂျစ်ဘုရားဖူးတွေက ပြောပါတယ်။

    “သူ့ကလေးရဲ့အသက်ကို ကယ်တင်ဖို့ သူမက ကြိုးစားနေတာကို ကျွန်တော်တို့ တွေ့ခဲ့ရပါတယ်။ သူမဟာ အသက်တောင် မရှူနိုင်တော့ပါဘူး။ ကလေးကို တနည်းနည်းနဲ့ ကျွန်တော်တို့ဆီ ပစ်ပေးခဲ့ပြီး စောင့်ရှောက်ဖို့လည်း မှာသွားပါတယ်”

    အဲဒီ အီဂျစ်ဘုရားဖူးတွေဟာ ကလေးငယ်လေးကို ပြုစုစောင့်ရှောက်ထားခဲ့ပြီး အခြေအနေတွေအားလုံး တည်တည်ငြိမ်ငြိမ် ဖြစ်သွားခဲ့ပြီးတဲ့နောက်မှာ အီဘရာဟင်လေးရဲ့ မိခင်၊ ဒါမှမဟုတ် ဆွေမျိုးတွေကို လိုက်ရှာပေမယ့် မတွေ့တော့ဘူးလို့ ဆိုပါတယ်။

    “နောက်ပိုင်းမှာ ကျွန်တော်တို့ သူ့အမေ၊ ဒါမှမဟုတ် ဆွေမျိုးတစ်ယောက်ယောက်ကို လိုက်ရှာခဲ့တယ်။ ဒါပေမယ့် မအောင်မြင်ခဲ့ပါဘူး”

    အံ့သြစရာကောင်းတဲ့ အဖြစ်အပျက်တစ်ခုက မထင်မှတ်ပဲ ဖြစ်လာခဲ့ပါတယ်။ ဒါကတော့ ဦးလေးဖြစ်သူက အီဘရာဟင်လေးကို လာရှာတာပါပဲ။

    “ကလေးက သူ့ဦးလေးကိုမြင်တဲ့အခါ ပြေးသွားပြီး ဖက်ပါတယ်။ ဒါ့ကြောင့် ကျွန်တော်တို့လည်း ကလေးကို သူ့လက်ထဲ အပ်ခဲ့ပါတယ်”

    ဦးလေးဖြစ်သူက ကျေးဇူးတင်ကြောင်း ပြောကြားခဲ့ပြီး လူအုပ်ထဲမှာ ပိတ်မိသွားတဲ့ အီဘရာဟင်လေးရဲ့ မိခင်ဖြစ်သူဟာ အသက်ရှင်ခဲ့ကာ ဆေးရုံမှာ ဆေးကုသမှု ခံယူနေတယ်လို့ အသိပေးခဲ့ပါတယ်။

    “အီဘရာဟင်ရဲ့ အမေဟာ ဆေးရုံမှာ နာလန်ပြန်ထူနိုင်ပါပြီ”

    လက်တွန်းလှည်းနှင့် အသက်ရှင်သူ

    ပါကစ္စတန်က ကျောင်းဆရာတစ်ဦးကလည်း လက်တွန်းလှည်းနဲ့ သွားရတဲ့ သူ့ရဲ့ ဇနီးကြင်ယာရဲ့ အသက်ကို ကယ်တင်ခဲ့ရပုံကို ပြန်ပြောင်း ပြောခဲ့ပါတယ်။

    “အဲဒီနေ့က တရားစီရင်မယ့်နေ့လိုပါပဲ။ တစ်ချို့လူတွေက ကိုယ်အသက်ရှင်ဖို့ အခြားသူတွေကို နင်းပြီး သွားကြပါတယ်” လို့ အသက် ၄၈ နှစ်အရွယ်ရှိပြီဖြစ်တဲ့ အလမ်ဇက်ဘ် ခန်းက သူ့ရဲ့အတွေ့အကြုံကို ရင်ဖွင့်ခဲ့ပါတယ်။

    သူ့ရဲ့ ဇနီးဟာ အဖျားကြီးနေတာကြောင့် ဟဂ်ျကျင့်စဉ်ကို ဆောက်တည်တဲ့အခါမှာ လက်တွန်းလှည်းနဲ့ သွားခဲ့ရပြီး လူအုပ်ကြီး တိုးဝှေ့ရာမှာတော့ သေလုမျောပါး ဖြစ်ခဲ့ရပါတယ်။

    “အသက်အရွယ်ကြီးသူတွေ၊ အမျိုးသမီးတွေနဲ့ နေထိုင်မကောင်းဖြစ်နေသူ ဘရားဖူးတွေက ပထမဆုံး လဲကျခဲ့ကြတာပါ။ သူတို့လဲကျပြီး တစ်ခြားလူတွေက သူတို့ကို တက်နင်းသွားခဲ့ကြပါတယ်” လို့ ခန်းက ဆိုပါတယ်။

    ခန်းကိုယ်တိုင်လည်း လဲကျသွားခဲ့ပြီး လက်မှာ ဒဏ်ရာရခဲ့ပေမယ့် အားတင်းကာ ဇနီးဖြစ်သူရဲ့လက်ကို ကိုင်ဆွဲပြီး ကယ်တင်နိုင်အောင် ကြိုးစားခဲ့ပါတယ်။

    “လူအုပ်ကြားမှာ ညပ်သွားမလားဆိုတာ ကျွန်တော် စိုးရိမ်ခဲ့တာပါ။ ဒါပေမယ့် ကံကောင်းစွာနဲ့ပဲ သူမက အသက်ရှင်ပါတယ်။ ကျွန်တော် ချက်ခြင်းပဲ သူ့ကို လက်တွန်းလှည်းကနေ ဆွဲထုတ်ပြီး ပုခုံးပေါ်မှာပိုးကာ အနားမှာရှိတဲ့ စတီးခြံစည်းရိုးပေါ်တက် အသက်ရှင်အောင် ကြိုးစားခဲ့ရပါတယ်”

    “ဘယ်သူ့ဘယ်သူမှ မကယ်နိုင်ပါဘူး။ လူတိုင်းက သူတို့အသက်မသေဖို့ လုပ်ခဲ့ကြတာပါ။ ခဏလေးအတွင်းမှာပဲ လူအလောင်းတွေက တောင်လိုပုံသွားတာပါပဲ။ အောက်မှာရှိနေတဲ့သူတွေက နာကျင်လို့ အော်နေကြပြီး၊ အကူအညီတွေတောင်းကြပေမယ့် ကူညီမယ့်လူ တစ်ယောက်မှ မရှိပါဘူး” လို့ ခန်းက သူ့ရဲ့ ကြုံတွေ့ရမှုကို ဖွင့်ဟခဲ့ပါတယ်။

    ခန်းတို့ဇနီးမောင်နှံနှစ်ယောက်ဟာ ဆေးရုံမှာ ဆေးကုသမှုခံယူခဲ့ပြီး စနေနေ့မှာတော့ ပါကစ္စတန်ကို ပြန်လာခဲ့တဲ့အခါ ဆွေမျိုးတွေက မျက်ရည်လည်ရွဲနဲ့ ပက်ရ်ှဝါရ်လေဆိပ်မှာ လာရောက်ကြိုဆိုခဲ့ကြပါတယ်။

    “နှစ်ရက်လောက် သူတို့နဲ့ လုံးဝ အဆက်အသွယ် မရခဲ့ပါဘူး။ သူတို့သေပြီ၊ ဒါမှမဟုတ် ပြင်းပြင်းထန်ထန် ဒဏ်ရာရခဲ့ပြီလို့ ကျွန်တော်တို့ ထင်ထားတာပါ” လို့ ဆွေမျိုးတစ်ဦးက ပြောကြားခဲ့ပါတယ်။

    Ref: Onislam

  • ဟဂ်ျခရီးစဉ်တွင် မြန်မာဟာဂျီများ ကွယ်လွန်၊ ပျောက်ဆုံးသည့် စာရင်း

    ဟဂ်ျခရီးစဉ်တွင် မြန်မာဟာဂျီများ ကွယ်လွန်၊ ပျောက်ဆုံးသည့် စာရင်း

    စက်တင်ဘာ ၂၈ ၊ ၂၀၁၅ (မြန်မာစံတော်ချိန် ည ၈ နာရီ Update)
    M-Media
    သီဟ
    .12023232_1011790615509397_503742242_n
    ၂၀၁၅ ခုနှစ် ဟဂ်ျခရီးစဉ်တွင် စက်တင်ဘာ ၂၄ ရက်နေ့က ဖြစ်ပွားခဲ့သည့် စုပြုံတိုးဝှေ့မှုကြောင့် လူညှပ်၍ သေဆုံး၊ ပျောက်ဆုံး ခဲ့သည့် မြန်မာဟာဂျီများနှင့် ၄င်းဖြစ်စဉ် နှင့် မသက်ဆိုင်ဘဲ မကျန်းမာ၍ ကွယ်လွန်ခဲ့သည့် မြန်မာနိုင်ငံမှ ဟာဂျီများကို စုစည်း တင်ပြပေး လိုက်ပါတယ်။
    .
    လူညှပ်သည့် ဖြစ်စဉ်ကြောင့် ကွယ်လွန်သည့် စာရင်း (Multi Point)
    —————————————
    ၁။ ဟာဂျီမ ဒေါ်မိုးမိုးအောင် (ကျွန်းကလေး)
    ၂။ ဟာဂျီမ ဒေါ်ညိမ်းအေး (ပုသိမ်)
    ၃။ ဟာဂျီ မုဟမ္မဒ်ရှားဟ် (ရန်ကုန်)
    ၄။ ဟာဂျီ ဦးစန်ဝင်း (ထာဝယ်)
    ၅။ ဟာဂျီမ ဟဝါဘီဘီ (မန္တလေး)
    .
    လူညှပ်သည့် ဖြစ်စဉ်ကြောင့် ပျောက်ဆုံးစာရင်း (Multi Point)
    —————————————
    ၁။ ဟာဂျီ ဖိုင်ဇဲလ် (ခ) မျိုးသူစန်းလွင် ( ရန်ကုန်)၊
    ၂။ဟာဂျီ အဟ်မဒ်ဘိုင်(ခ)သန်အေး (မလေးရှား)၊
    ၃။ ဟာဂျီ တင်ရွှေ (ပုသိမ်)၊
    ၄။ ဟာဂျီ ဟာဖိစ်ယူနွစ် (ရန်ကုန်)၊
    ၅။ ဟာဂျီမ ဇိုင်နဗ် ဘီဘီ (ရန်ကုန်)၊
    .
    ***အထက်ပါစာရင်းမှာ Multi Point ကုမ္ပဏီရဲ့ တရားဝင် FB Page မှ ထုတ်ပြန်ထားသော စာရင်းများအား ကိုးကားဖော်ပြခြင်းဖြစ်ပါသည်။
    .
    လူညှပ်သည့် ဖြစ်စဉ်ကြောင့် မဟုတ်ဘဲ ရောဂါကြောင့် ကွယ်လွန်ခဲ့ကြသည့် မြန်မာဟာဂျီများ
    ——————————————
    ၁။ ဟာဂျီ မော်လဝီဦးကျော်သန်း (တာမွေ) [ခွဲတမ်းဟာဂျီ (အစိုးရမဲဟာဂျီ)]
    (မူလက လူညှပ်၍ ကွယ်လွန်ခဲ့သည်ဟု မီဒီယာများတွင် ဖော်ပြခဲ့၊ နောက်ပိုင်း သိရှိရသည့် ဆေးရုံမှတ်တမ်းအရ ရောဂါကြောင့် ကွယ်လွန်ကြောင်းသိရှိရ)
    ၂။ ဟာဂျီ ဦးကျော်မြ (ကျား) -(Flying Phoenix ကုမ္ပဏီ)
    ၃။ ဟာဂျီမ Hasinar Bi Gaung (မ) (Flying Phoenix ကုမ္ပဏီ)
    ၄။ ဟာဂျီ Boli (ကျား) (Bonny Garden ကုမ္ပဏီ)

    ** နောက်ဆက်တွဲ ရရှိသည့် သတင်းများကို
    ဆက်လက်ပြီး Update လုပ်ပေးသွားပါ့မယ်။

  • မီနာလူအုပ်တိုးဝှေ့မှုအတွင်း ကွယ်လွန်သူများ၏ ရုပ်ကလပ်များကို လိုချင်ပါက ဆော်ဒီ ပြန်ပို့ပေးမည်

    မီနာလူအုပ်တိုးဝှေ့မှုအတွင်း ကွယ်လွန်သူများ၏ ရုပ်ကလပ်များကို လိုချင်ပါက ဆော်ဒီ ပြန်ပို့ပေးမည်

    စက်တင်ဘာ ၂၈၊ ၂၀၁၅
    M-Media

    meccan

    – ပြီးခဲ့သည့် ကြာသာပတေးနေ့က မက္ကာမြို့အပြင်ဘက် မီနာတွင် ဟဂ်ျကျင့်စဉ်အတွင်း လူတိုးဝှေ့မှုကြောင့် ကွယ်လွန်သွားသူများကို မက္ကာမြို့ရှိ သုဿာန် ၆ ခု၌ မြှုပ်နှံသင်္ဂြိုဟ်သွားမည်ဟု ပြန်ကြားရေးအကြီးအကဲ အိုစာမာ ဇေတွန်က ပြောကြားခဲ့သည်။

    အဆိုပါ လူအုပ်တိုးဝှေ့မှုကြောင့် ကွယ်လွန်သွားသူများမှာ ၇၆၉ ဦးရှိပြီး မိသားစုများက ရုပ်ကလပ်ကို ဇာတိမြေတွင် မြှုပ်နှံချင်ပါက ဆော်ဒီအစိုးရက အလောင်းပေးပို့ကာ လိုအပ်သည်များကို ကူညီပေးသွားမည်ဖြစ်ပြီး ကျန်ရှိသည့် ရုပ်ကလပ်များကိုမူ ကျန်ရစ်သူများ၏ ခွင့်ပြုချက်ဖြင့် မက္ကာမြို့တွင် သင်္ဂြိုဟ်ပေးမည်ဖြစ်သည်။

    Ref: Arabnews

  • ဟဂ်ျကျင့်စဉ် အတွင်း လူအုပ် တိုးဝှေ့မှု သေဆုံးသူ မြင့်တက်လာ

    ဟဂ်ျကျင့်စဉ် အတွင်း လူအုပ် တိုးဝှေ့မှု သေဆုံးသူ မြင့်တက်လာ

    စက်တင်ဘာ ၂၇၊ ၂၀၁၅
    M-Media

    mecca

    – မက္ကာမြို့ပြင်ရှိ မီနာဒေသတွင် ဟဂ်ျဘုရားဖူးခရီးသည်များ စုပြုံတိုးဝှေ့မှုကြောင့် သေဆုံးသူ အရေအတွက်မှာ ၇၇၀ နီးပါး ရှိလာခဲ့ပြီး ဆော်ဒီအစိုးရကလည်း ယမန်နေ့တွင် အထူးတပ်ဖွဲ့ဝင် မြောက်များစွာကို တပ်ဖြန့်ချထားလိုက်သည်။

    ပြီးခဲ့သည့် ကြာသာပတေးနေ့က ဖြစ်ပွားခဲ့ပြီး နှစ်ပေါင်း ၂၅ နှစ်အတွင်း အဆိုးဝါးဆုံးဖြစ်သော အဆိုပါ အဖြစ်အပျက်အတွင်း သေဆုံးသူ ၇၁၇ ဦး ရှိခဲ့သည်ဟု တာဝန်ရှိသူများက စောစောပိုင်းတွင် ထုတ်ပြန်ခဲ့သော်လည်း ဆော်ဒီကျန်းမာရးဝန်ကြီး ခါလစ် အလ်-ဖာလီဟ်က သေဆုံးသူ အရေအတွက်မှာ ၇၆၉ ဦးအထိ မြင့်တက်လာခဲ့သည်ဟု ယမန်နေ့က ကြေငြာခဲ့သည်။ ဒဏ်ရာရရှိသူအရေအတွက်မှာလည်း ၈၆၃ ဦးမှ ၉၃၄ ဦးအထိ ရှိလာခဲ့သည်။

    ထိုအဖြစ်အပျက် ဖြစ်ပွားပြီးနာက်ပိုင်း အရေးပေါ် အထူးတပ်ဖွဲ့များကို အခင်းဖြစ်ပွားခဲ့သည့် ဂျမာရတ် နေရာအနီးတွင် ချထားခဲ့ပြီး လမ်းများတွင်လည်း လုံခြုံရေးတပ်ဖွဲ့ဝင်များက ကင်းလှည့် စောင့်ကြပ်လျက် ရှိနေသည်။

    ပြည်ထဲရေးဝန်ကြီးဌာနကမူ ဟဂ်ျကျင့်စဉ်အတွင်း လုံခြုံမှုရှိစေရန်နှင့် လူအုပ်ကြီးအား စီမံခန့်ခွဲပေးရန်အတွက် ရဲတပ်ဖွဲ့ဝင် တစ်သိန်းခန့်ကို ချထားခဲ့သည်ဟု ဆိုသည်။ ဟဂ်ျဘုရားဖူး ခရီးသည်များက မီနာတွင် လူအုပ်တိုးဝှေ့မှုအတွက် ဆော်ဒီအစိုးရအား ပြစ်တင်ခဲ့ပြီး ရဲတပ်ဖွဲ့က လမ်းများ ပိတ်ဆို့ထားခြင်းနှင့် စီမံခန့်ခွဲမှု ညံ့ဖျင်းခြင်းတို့ကြောင့် ဖြစ်ပွားခဲ့ခြင်းဖြစ်သည်ဟု ပြောကြားခဲ့သည်။

    ဟဂ်ျကျင့်စဉ်မှာ ယမန်နေ့က ငါးရက်မြောက်ခဲ့ပြီဖြစ်ပြီး၊ သန်းနှင့်ချီသော ဟာဂျီများမှာ မက္ကာသို့ပြန်လည်သွားရောက်ကာ ကအ်ဘာကျာင်းတော်သို့ လက်ဝဲရစ်လှည့်ပတ် ဆုတောင်းပြီးနောက် မိမိတို့၏ နေရပ်သို့အသီးသီး ပြန်ကြတော့မည်ဖြစ်သည်။

    Ref: Channelnewsasia