မတ်လ ၁၃ရက်၊ ၂၀၁၃
M-Media
သတင်း-ပသီဆောင်းနှင်မှုံ
၂၅ နှစ်မြောက် ငွေရတု အထိမ်းအမှတ် ကိုဖုန်းမော်၊ ကိုစိုးနိုင် ကျဆုံးခြင်းနှင့် မြန်မာနိုင်ငံ လူ့အခွင့်အရေးနေ့ အခမ်းအနားကို ရန်ကုန်မြို့ ရွှေဂုံတိုင်ရှိ တော်ဝင်နှင်းဆီခန်းမ၌ မတ်လ ၁၃ ရက်နေ့ နံနက် ၁၀းဝဝ နာရီက ကျင်းပပြုလုပ်ခဲ့ကြောင်း သတင်းရရှိသည်။
အဆိုပါအခမ်းအနားသို့ ရဟန်းသံဃာတော်များ၊နိုင်ငံရေးပါတီများ၊ နိုင်ငံရေးအကျဉ်းသားဟောင်းများ၊ ကိုဖုန်းမော်နှင့် ကိုစိုးနိုင်တို့၏ မိသားစုဝင်များ၊ဧည်သည်တော်များ၊နှင့် သတင်းမီဒီယာများ စုံလင်စွာ တက်ရောက်ခဲ့ကြသည်။
အခမ်းအနားမှူး အဖြစ် ကိုစည်သူမောင်၊ကိုနန္ဒာစစ်အောင် တို့ကဆောင်ရွက်ပြီး အခမ်းအနားကို မြန်မာနိုင်ငံလူ့အခွင့်အရေး သီချင်းဖြင့် စတင်ဖွင့်လှစ်ကာ ကျောင်းသားတို့၏ တိုက်ပွဲဝင် ကျောင်းသားသမ္မဂ ခွပ်ဒေါင်းအလံကို အလေးပြုခြင်း၊ဒီမိုကရေစီတိုက်ပွဲအဆင့်ဆင့်တွင် ကျဆုံးခဲ့သော ရဟန်းရှင်လူ ကျောင်းသားပြည်သူတို့အား ဂုဏ်ပြုသော အားဖြင့် တစ်မိနစ်ငြိမ်သက်ခြင်း၊အခမ်းအနား ကျင်းပရေးကော်မတီ၏ သဘောတား ကြေငြာချက်ကို ကိုအောင်ထွန်းမှ ဖတ်ကြားခြင်း၊ကိုဖုန်းမော် ကိုစိုးနိုင်တို့၏ မိသားစုဝင်များမှ အမှတ်တရ စကားပြောကြားခြင်း၊ ကိုမင်းကိုနိုင်၊ ဟံသာဝတီဦးဝင်းတင်၊(ဗ.က.သ)များအဖွဲ့ချုပ်မှ တစ်ဦး၊(တ.က.သ)များ အဖွဲ့မှတစ်ဦး အသီးသီး ပြောကြားခဲ့သည်။
“ဒီကနေ့ ဒီမိုကရေစီသမားတွေ၊လူ့အခွင့်အရေး အသံတွေ ကျယ်ကျယ်လောင်လောင် ပြောနေနိုင်တယ်ဆိုတာ အခု ကျွန်တော့် နောက်မှာ မသေသေးပဲ ဓါတ်ပုံထဲကနေ စိုက်ကြည့်နေတဲ့ ရန်ကုန်စက်မူ တက္ကသိုလ် ကျောင်းသားနှစ်ယောက်ရဲ့ သွေးမြေကျ မှတ်တမ်းက သက်သေပြနေပါတယ်” ဟု ၈၈မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်း မှ မင်းကိုနိုင်က ထည့်သွင်း ပြောကြားခဲ့သည်။
မြန်မာနိုင်ငံလုံးဆိုင်ရာ ကျောင်းသား သမ္မဂ အဖွဲ့ချုပ်မှ ကိုညှိထွန်းက“တက်ရောက်လာကြတဲ့ သံဃာတော်များ၊ကိုဖုန်းမော် ၊ကိုစိုးနိုင်၏ ဆွေမျိုးများ၊ကျွန်တော်တို့ရဲ့ ရဲဘော်ဟောင်းများ၊မိတ်ဆွေများ အားလုံးကို အထူးပဲ ကျေးဇူးတင်ပါတယ်။ ကျွန်တော်တို့ဟာ ကြိုးစားပြီးတော့ ဒီပွဲကို ကျင်းပရတာပါ။အခုလို ဗွီဒီယိုဖိုင်တွေ၊တက်ရောက်လာကြသူတွေကို မြင်ရတော့ ကျင်းပရကျိုးနပ်ပါတယ်။ဒါ့အပြင် ကိုစိုးနိုင်ရဲ့ မိသားစုတွေ မျက်ရည်ကျပြီး ပြောတဲ့ စကားသံတွေ ကြားရတော့ ကျွန်တော်တို့ ကြက်သီး ဖြန်းဖြန်းထမိပါတယ်။ ကျွန်တော်တို့ရဲ့ ကြေငြာချက်တွေထဲမှာ ပါသလို အာဃတတွေနဲ့ ဒီပွဲကို လုပ်တာ မဟုတ်ပါဘူး။၈၈အရေးတော်ပုံရဲ့ ပထမဆုံး ကျဆုံးသွားတဲ့ ရဲဘော်နှစ်ယောက်ကို ဂုဏ်ပြုခြင်းဖြစ်ပါတယ်။အခု တိုင်းပြည်မှာ ဖြစ်နေတာတွေဟာ တကယ်ကောင်းသွားပြီလား ၊ကောင်းယောင်ဆောင်နေတာလား၊ ညီညွှတ်မူ အရေးကြီးကြောင်း ပြောကြားရင်း နိဂုံးချုပ် လိုက်ပါတယ်”ဟု ထည့်သွင်းပြောကြားခဲ့သည်။
“စက်မှုတက္ကသိုလ်က ဆရာကိုပစ်တော့မယ်ဆဲဆဲမှာ ကိုဖုန်းမော်ကအဲဒီ ဆရာကိုတွန်းပြီးသူ အပစ်ခံလိုက်တာ။ ရင်ဝမှာတစ်ချက်၊ ဆီးစပ်မှာတစ်ချက်၊ ပေါင်မှာ တစ်ချက် အပစ်ခံလိုက်ရတာပါ။ တကယ်တော့ အစိုးရ ရေဒီယို ကနေ ကြေညာခဲ့သလို ရန်ပွဲမှာ ဓါးနဲ့ အသတ်ခံလိုက်ရတာ မဟုတ်ပါဘူး။ နာရေးအသုဘကိုတောင် ကြေညာခွင့်၊ ဆိုင်းပုတ်တင်ခွင့်၊ မဏ္ဍာပ်ထိုးခွင့်မရခဲ့ပါဘူး။ ဒီနေ့အထိ ဆရာလေးရဲ့အကိုက မသေပါဘူး”ဟု ကိုဖုန်းမော်၏ညီမ သီလရှင်ဆရာလေး ဒေါ်အဂ္ဂထေရီ ကထည့်သွင်းကြေားခဲ့သည်။
ဗ.က.သ အဖွဲ့ချုပ်ရဲ့ တိုင်းရင်းသားကျောင်းသားရေးရာ တာဝန်ခံ ကိုနန္ဒစစ်အောင်ကလည်း “အသွင်ကူးပြောင်းရေး ကာလမှာ တရားမျှတမူ ရှိဖို့လိုအပ်တယ်။ကျူးလွန်ခံရတဲ့ သူတွေအတွက် အနည်းဆုံးတော့ ဖြစ်ရပ်မှန် သမိုင်း မှတ်တမ်းတွေက လိုအပ်ပြီလို့ ကျွန်တော်ပြောချင်တယ်။ကိုစိုးနိုင် ကိုဖုန်းမော်ကစပြီး တတိုင်းပြည်လုံးမှာရှိတဲ့ နောက် မျိုးဆက် အနာဂတ် လူငယ်တွေကို သမိုင်း မှတ်တမ်း အမှန်တွေ လက်ဆင့်ကမ်းဖို့ လိုအပ်ပါတယ်။ တတ်နိုင်သမျှ ကျွန်တော်တို့ ကိုယ်တိုင်လည်း လုပ်သွားမယ်၊ဆော်သြသွားမယ်။ လုပ်နိုင်တဲ့ သူတွေလည်း တတ်နိုင်သမျှ လုပ်ပေးဖို့ တောင်းဆိုမယ်” ဟုM-Mdia သို့ပြောကြားခဲ့သည်။
“၂၅နှစ်လုံးလုံး ခံစားချက်တွေ ရင်ထဲမှာ အောင်းနေခဲ့တာပါ။ခုလို တိမ်မြှပ်နေတာကို အခက်အခဲ အမျိုးမျိုကြားက ဒီပွဲပြုလုပ်ပေးတာကို ကျေးဇူးအရမ်းတင်ပါတယ်။တိုင်းပြည်ကို ကောင်းစားစေချင်တဲ့စေတနာနဲ့ ကိုစိုးနိုင်တို့အလုပ်လုပ်တယ်၊ခုလို လူသာသေပေမယ့် နာမည်မသေတဲ့အတွက် ဂုဏ်ယူတယ်။မိသားစုမှာ သူ့ကိုအားအကိုးဆုံး ဖြစ်တယ်။သူ့ကို ဆုံးရူံးလိုက်ရတဲ့ အတွက် မိသားစု အတွက် မျှော်လင့်ချက်တွေ ကုန်ဆုံးခဲ့တယ်။မိသားစု အတွက် အားကိုးရာ မဲ့သွားပေမယ့် တိုင်းပြည်အတွက် အကျိုးရှိတဲ့ သူဖြစ်လာတဲ့ အတွက် သူကို ဆုံးရှုံးတာကို ၀မ်းမနည်းပါဘူး”ဟု ကိုစိုးနိုင်၏အမဖြစ်သူ မမြင့်မြင့်ရီမှ M-Media သို့ပြောကြားခဲ့သည်။
ကိုဖုန်းမော်၏ဆရာမ ဖြစ်သူRC2 ကြက်ခြေနီ အသင်းဥက္ကဌ ဒေါ်တင်တင်ယဉ်က “ဆရာမတို့ ကြက်ခြေနီ အသင်းရဲ့ အားထားရတဲ့ ကြက်ခြေနီ ခေါင်းဆောင်တစ်ယောက်လည်း ဖြစ်တယ်၊လူမူရေးမှာလည်း စံပြ၊သင်တန်းတွေမှာလည်း စံပြ၊အသေးအမွှားလေးတွေက အစ ဒေါင့်စုံက အားကိုးရတဲ့ တော်တဲ့ ကျောင်းသားတစ်ယောက်ပါ။သူရဲ့ကောင်းမြတ်တဲ့ အရည်အချင်းတွေကို အားလုံးက သိပေမယ့် ထုတ်ဖော် ပြောပြခွင့် မရခဲ့ဘူး။အခုလို ပြောပြခွင့် ရတာကိုပဲ အရမ်းကို ၀မ်းသာမိပါတယ်။တန်ဖိုး မဖြတ်နိုင်တဲ့ ကျောင်းသားတစ်ယောက်မို့ အရမ်းကို နှမြောတယ်”ဟု M- Media သို့ပြောကြားခဲ့သည်။
