News @ M-Media

Tag: 88Students_leaders

  • ဖွဲ့စည်းပုံပြင်ဆင်ရေး အတွက် NLD နှင့် ၈၈(ငြိမ်း/ပွင့်) အဖွဲ့ ပူးပေါင်းဆောင်ရွက်မည်ဟု ပူးတွဲကြေညာချက်ထုတ်

    ဖေဖော်ဝါရီ ၁၀၊ ၂၀၁၄
    M-Media
    လင်းလင်း

    အမျိုးသား ဒီမိုကရေစီ အဖွဲ့ချူပ် ဥက္ကဌ ဒေါ်အောင်ဆန်းစုကြည်နှင့် ၈၈ မျိုးဆက်(ငြိမ်း/ပွင့်) ခေါင်းဆောင်များ တွေ့ဆုံပြီး ၅ ရက်အကြာ ပူးတွဲကြေညာချက် တစ်စောင်ကို ယနေ့ ဖေဖော်ဝါရီလ (၁၀) ရက်နေ့စွဲဖြင့် ထုတ်ပြန်ကြေညာလိုက်ကြောင်းကို ၈၈(ငြိမ်း/ပွင့်) အဖွဲ့၏ သတင်းထုတ်ပြန်ရေး FB စာမျက်နှာတွင် ဖော်ပြထားပါသည်။

    ကြေညာချက်တွင် NLD နှင့် ၈၈(ငြိမ်း/ပွင့်)အဖွဲ့ တွေ့ဆုံဆွေးနွေးမှု ရလဒ်အနေဖြင့် အမျိုးသားပြန်လည်သင့်မြတ်ရေးကို မျက်ချေမပြတ်စေဘဲ စစ်မှန်သော ဒီမိုကရေစီပြည်ထောင်စု ပေါ်ပေါက်ရေးအတွက် ဖွဲစည်းပုံ အခြေခံဥပဒေပြင်ဆင်ရေးကို ငြိမ်းချမ်း၍ တရားမျှတသော နည်းလမ်းဖြင့် ပူးပေါင်းဆောင်ရွက် သွားမည်ဟု ဖော်ပြထားသည်။

    ဒေါ်အောင်ဆန်းစုကြည်နှင့် ၈၈ မျိုးဆက် (ငြိမ်းချမ်းရေးနှင့် ပွင့်လင်း လူ့အဖွဲ့အစည်း)ခေါင်းဆောင်များဖြစ်ကြသော ဦးမင်းကိုနိုင်၊ ဦးကိုကိုကြီး၊ ဦးပြုံးချို၊ ဦးဂျင်မီ နှင့် ဦးမြအေး ဖေဖော်ဝါရီလ(၄) ရက်နေ့က နေပြည်တော်တွင် မိနစ်(၄၀) ကျော်တွေ့ဆုံခဲ့ကြသည်။

    NLD and 88

  • ကျောင်းသား လှုပ်ရှားမှုသမိုင်း စာအုပ်ရေးသူ၊ ၈၈ မျိုးဆက် ကျောင်းသားခေါင်းဆောင် ကိုအောင်ထွန်းနှင့် တွေ့ဆုံခန်း

    ကျောင်းသား လှုပ်ရှားမှုသမိုင်း စာအုပ်ရေးသူ၊ ၈၈ မျိုးဆက် ကျောင်းသားခေါင်းဆောင် ကိုအောင်ထွန်းနှင့် တွေ့ဆုံခန်း

    အောက်တိုဘာ ၁၀
    M-Media
    တွေ့ဆုံမေးမြန်းသူ – ဆူးထက်

    မြန်မာနိုင်ငံ ကျောင်းသား လှုပ်ရှားမှုသမိုင်း စာအုပ်ကို ရေးသားသူ၊ ၈၈ မျိုးဆက် ကျောင်းသားခေါင်းဆောင် ကိုအောင်ထွန်းနှင့် တွေ့ဆုံမေးမြန်း

    ???????????????????????????????

    ရန်ကုန်   ။        ။     ၈၈ ခုနှစ် အရေးခင်း ကာလတွင် ကျောင်းသား ခေါင်းဆောင် အနေဖြင့် နိုင်ငံရေး လှုပ်ရှားသူ၊ မြန်မာနိုင်ငံ ကျောင်းသား လှုပ်ရှားမှု စာအုပ်ဖြင့် စုစုပေါင်း ထောင် ၁၇-နှစ်ကျခဲ့သော စာရေးဆရာ ကိုအောင်ထွန်းအား ယခု လတ်တလော နိုင်ငံရေး အခြေအနေနှင့် ပတ်သက်ပြီး ဒီဇင်ဘာ ၉ရက်နေ့တွင် M-Media မှ ဆက်သွယ်မေးမြန်းခဲ့ပါသည်။

    M-Media – ပထမဆုံး နိုင်ငံရေး လှုပ်ရှားခဲ့တဲ့ မှတ်တမ်းများကို ပြောပြပေးပါ။
    ကိုအောင်ထွန်း – ၁၉၈၈၊ ၈၉၊ ၉၀ ခုနှစ်မှာ ရန်ကုန် စက်မှု တက္ကသိုလ် ကျောင်းသား သမဂ္ဂ ဦးဆောင် အဖွဲ့ဝင်နှင့် ဗကသများ အဖွဲ့ချုပ် အတွင်းရေးမှူး အဖွဲ့ဝင် အဖြစ် လှုပ်ရှားရင်းနဲ့ ၉၀ခုနှစ်မှာ အထိန်းသိမ်းခံရသည်။ ပုဒ်မ ၅/ည နဲ့ ထောင်ဒဏ် ၅နှစ် ကျသွားတယ်။

    M-Media – ဘယ်နှစ်ခုနှစ်မှာ ထောင်က လွတ်လာတာ ပါလဲ။ စုစုပေါင်း ဘယ်နှစ် နှစ်ကျခဲ့ပါသလဲ။
    ကိုအောင်ထွန်း – ၁၀၉၄ခုနှစ် ၊ စက်တင်ဘာလ ၂၃ရက်နေ့မှာ အင်းစိန်ထောင်၊ သာယာဝတီထောင်ကနေ ပြန်လွတ် လာပါတယ်။ ထောင်က လျှော့ရက်ပေးတာကြောင့် စုစုပေါင်း ထောင်ထဲမှာ လေးနှစ် ရှစ်လနီးပါးနေခဲ့ရပါတယ်။ အဲဒီအချိန်တုန်းက ကျွန်တော် အသက်က ၂၆နှစ် ရှိပါပြီ။

    M-Media – ထောင်ထဲက လွတ်လာပြီးတော့ ဘာတွေ ဆက်လှုပ်ရှားဖြစ်လဲ။ ကျောင်းရော ဆက်တက် ဖြစ်သေးသလား။
    ကိုအောင်ထွန်း – ထောင်ကနေ ပြန်လွတ်လာပြီးတော့ ၁၉၉၄၊ ၉၅၊ ၉၆ ခုနှစ် မှာရန်ကုန် စက်မှု့တက္ကသိုလ် ဆက်တက်ပြီးတော့ BE အီလက်ထရောနစ် ဘွဲ့ရတယ်။

    OLYMPUS DIGITAL CAMERA

    M-Media – မြန်မာနိုင်ငံ ကျောင်းသား လှုပ်ရှားမှု သမိုင်း စာအုပ်ကို ကျောင်းပြီးသွားမှ ရေးတာလား။ ဘယ်နှစ်ခုနှစ်မှာ ရေးခဲ့တာပါလဲ။
    ကိုအောင်ထွန်း – ကျောင်းပြီးတဲ့ ၁၉၉၆ ခုနှစ်မှာ စပြီးတော့ မြန်မာနိုင်ငံ ကျောင်းသား လှုပ်ရှားမှု သမိုင်း စာအုပ်ကို ရေးခဲ့တယ်။ ထောင်အကြောင်း ကျွန်တော်နဲ့ သူတို့ စာအုပ်ရေးတယ်။ ၉၆ ခုနှစ်ထဲမှာပဲ ကဗျာ အပုဒ်ပေါင်း (၁၀၀) ကျော်နဲ့ အင်္ဂလိပ် ကဗျာ ရေးသားပြီး ကဗျာ စာအုပ် ၁၅ အုပ် ထုတ်ခဲ့ပါတယ်။ ပြီး မြန်မာနိုင်ငံ သမိုင်းနဲ့ ပတ်သက်ပြီးတော့ သမိုင်း သက်သေ တချို့ ၅ အုပ်ရေးခဲ့တယ်။ ပြီးတော့ ကျောင်းသား လှုပ်ရှားမှု သမိုင်းမှာ ပါဝင်ခဲ့တဲ့ လူ(၁၅)ယောက်လောက်ကို စာအုပ် ၅ အုပ်လောက်နဲ့ အင်တာဗျူး လုပ်တယ်။ အဲဒါတွေ အပါအ၀င် ဗကသများ အဖွဲ့ချုပ်ကို ကူညီမှုနှင့် ၁၉၉၈ခုနှစ် ဇန်န၀ါရီလ ၂၇ရက်နေ့မှာ ဒုတိယ အကြိမ် အဖမ်းခံရပါတယ်။

    M-Media – ဘယ်လို ဥပဒေနှင့် ထောင်ဒဏ် ဘယ်နှစ်နှစ် ကျခံခဲ့ရပါသလဲ။
    ကိုအောင်ထွန်း – ပုဒ်မ ၅/ည၊ ၁၇/၁ ပုံနှိပ် စက္ကူ နှင့် ထောင်ဒဏ် ၁၇ နှစ် ကျခံခဲ့ရပါတယ်။ အင်းစိန်၊ သာယာဝတီထောင် မှာပါပဲ။

    M-Media – ဘယ်နှစ်ခုနှစ်မှာ ထောင်က လွတ်ခဲ့တာပါလဲ။ ထောင်ဘယ်နှစ်နှစ် ကျခံခဲ့ရလဲ။
    ကိုအောင်ထွန်း – ၂၀၀၉ ခုနှစ်၊ စက်တင်ဘာလ ၁၈ ရက်နေ့မှာ ထောင်က လွတ်ခဲ့ပါတယ်။ ထောင်လျှော့ရက်က နိုင်ငံရေး အကျဉ်းသားတွေကို ၉၉ ခုနှစ်မှာ ဖျက်ပစ်လိုက်ပြီ။ ၄၀၁ (လွတ်ငြိမ်း သက်သာ) နဲ့ ပြန်လွတ်လာတယ်။ ထောင်ထဲမှာ ၁၂ နှစ် နေခဲ့ရပါတယ်။ ဒုတိယ အကြိမ် ထောင်ကျတော့ အမ တစ်ယောက်ဆုံးသွားပါတယ်။ ရက်လည်ကျမှ ထွက်ခွင့်ရလို့ မမှီလိုက်ပါဘူး။ အမေရဲ့ အသက်ကတော့ ၈၀ ကျော်ပါပြီ။

    M-Media – ထောင်ထဲမှာ ဒီလောက်နှစ်ရှည်လများ နေခဲ့ရတော့ အကိုရဲ့ အမေက ဘာပြောသေးလဲ။
    ကိုအောင်ထွန်း – မိဘဆိုတော့ ဖမ်းသွားတော စိုးရိမ်တယ်။ နောက်တော့ ဘာမှ မပြောရှာပါဘူး။

    M-Media – နိုင်ငံတကာက ပေးတဲ့ ဆုတွေရော ရခဲ့ဖူးပါသလား။
    ကိုအောင်ထွန်း – နိုင်ငံတကာက ပေးတဲ့ ဆုတွေကို ၁၉၉၇၊ ၉၈၊ ၉၉ ကျွန်တော် ထောင်ထဲမှာ ရှိတဲ့ အချိန်တုန်းက ပေးခဲ့တယ်လို့ ကြားပါတယ်။ သွားတော့ မထုတ်ရသေးတော့ မရရှိသေးပါဘူး။ ဆုတွေကတော့ အမေရိကန် နိုင်ငံက ပေးတဲ့ (၁) အကျဉ်းကျ စာရေးဆရာများအားပေးသော ဟာမန် ဟားမစ်ဆု၊ (၂) ကနေဒါ တက္ကသိုလ် (၃) နော်ဝေး တက္ကသိုလ် (၄) သြစကြီးယား တက္ကသိုလ်များက ပေးသော ဂုဏ်ထူးဆောင် အဖွဲ့ဝင်ဆု တွေပါ။

    M-Media – ယခု ဖြစ်ပေါ်နေသော နိုင်ငံရေး အခြေအနေအပေါ် သုံးသပ်ပြောကြားပေးပါ။

    ကိုအောင်ထွန်း – ဖွဲ့စည်းပုံ အခြေခံ ပြဿနာ၊ ပဋိပက္ခ ပြဿနာတွေ၊ အခြားသော အလုပ်သမား လယ်သမား ပြဿနာတွေ၊ ဥပဒေ ရေးရာ ပြဿနာတွေ၊ မြေယာပိုင်ဆိုင်မှု ပြဿနာတွေ အားလုံး အများကြီးပဲ။ အဲဒီ ပြဿနာတွေ ဘာကြောင့် ဖြစ်လဲဆိုတဲ့ ဇစ်မြစ်ကို ပြန်စဉ်းစားကြည့်တော့ အသွင်ကူးပြောင်းရေး ကာလ ၂၀၁၀ခုနှစ် တပ်မတော် အစိုးရကနေ အရပ်သား အစိုးရလို့ ပြောင်းလဲပေးလိုက်တဲ့ ကာလ တစ်ခုမှာ ပြောင်းလဲလိုက်တဲ့ အစိုးရက သေသေချာချာ ဂဃနဂ လုပ်ငန်းတွေကို အေးအေးဆေးဆေး လွှဲအပ်လိုက်ခြင်းလည်း ပါကောင်း ပါမယ်။
    နောက်တစ်ခုက နှစ်ပေါင်း ၅၀ ကျော် ဒီမိုကရေစီ ဆိပ်သုန်းပြီးတော့ လွတ်လပ်စွာ ပြောဆိုခွင့်တွေ ပိတ်ပင်ထားတဲ့ အတွက် ပြည်သူလူထုက မိမိတို့ ဆန္ဒတွေကို ထုတ်ဖော် ပြောကြားရင်းနဲ့ တစ်ခါတစ်လေကြတော့ တစ်ဖက်နဲ့ တစ်ဖက် နားလည်မှု လွဲမှားခြင်း လည်းပါတယ်။

    နောက် လူ့အခွင့်အရေး၊ နိုင်ငံရေး ရေချိန်ကို အသိဥာဏ် ရင့်ကျက်မှုကြောင့် တစ်ဖက်နဲ့ တစ်ဖက်ကို အထင်မြင် လွဲမှားမှုကြောင့်၊ ဆန္ဒစောမှုကြောင့် လှုပ်ရှားမှုတွေ ပါတယ်။ ဒါတွေက အားလုံး ခြုံငုံ သုံးသပ်လိုက်ရင် အဲဒီ သဘောအဓိပ္ပါယ်လို့ ယူဆတယ်။ ဒါကဘာလဲဆိုတော့ ဒီမိုကရေစီနိုင်ငံနှင့် လွတ်လပ်မှု ပြောင်းလဲတဲ့ အခါကြရင် အဆင့်တွေ အများကြီး ဖြတ်ရတယ်။ မလွတ်မြောက်သေးဘူး။ မလွတ်မြောက်သေးဘူး ဆိုတာက ဒီမို ကရေစီ မရသေးဘူး။ လွတ်မြောက်လာတယ် ဆိုတာ လွတ်လပ်လာတာ။ လွတ်လပ်လာတဲ့အခါ လွတ်လပ်မှုဆိုတာ ဘာလဲ ဆိုတာ နားလည်နိုင်ရမယ်။ လွတ်လပ်မှု ဆိုတာ ဘာလဲ တစ်ယောက်ခြင်းရဲ့ လွတ်လပ်မှုက သူတစ်ပါးကို ထိခိုက်မလား၊ မထိခိုက်ဖူးလား။ အဖွဲ့အစည်း တစ်ခု၊ လူတန်းစား တစ်ခုတော့ အခြားတစ်ယောက်ကို ထိခိုက်မှု ရှိမရှိ၊ လွတ်လပ်မှုရဲ့ အဓိပ္ပါယ်ကို နားလည်ပြီးတဲ့ အခါကြမှ ဒီမိုကရေစီ အခြေခံ အုတ်မြစ်ကို ချလို့ရမယ်။ အဲဒီတော့မှ ဒီမိုကရေစီကို နားလည်မယ်။ အဲဒီလို ဒီမိုကရေစီကို နားလည်ပြီးတော့မှ လူ့အခွင့်အရေးကို ဒီမိုကရေစီနဲ့ ပေါင်းစပ်လို့ ရမယ်။

    အဲဒီ့ အဆင့်တွေ ရောက်ဖို့ ဖြတ်သန်းဆဲ ကာလဖြစ်တဲ့ အတွက် အဲလို ပြဿနာတွေ ကြုံကောင်းကြုံတယ်။ အဲဒါကို ယခုလက်ရှိ နိုင်ငံရေး လောကမှာ ဦးဆောင်နေတဲ့ နိုင်ငံရေးခေါင်းဆောင်တွေရော၊ အစိုးရ အဖွဲ့နဲ့ နိုင်ငံတော်မှာ ဦးဆောင်နေတဲ့ သူတွေရော သိရှိနားလည်ပြီးတော့ လိုအပ်တဲ့ ဖြေရှင်းနည်းနဲ့ ကောင်းမွန်စွာ ဖြေရှင်းနိုင်မှ မြန်မာနိုင်ငံရဲ့ ဒီမိုကရေစီက ပိုမို ရင့်ကျက် လာလိမ့်မယ်လို့ မျှော်လင့်တယ်။

    M-Media – ယနေ့ ကာကွယ်ရေး ၀န်ကြီး ဌာနအနေနဲ့ ပြည်သူတွေ ရဲ့ လုံခြုံရေး အပေါ် ကာကွယ်စောင့်ရှောက်နေမှု အပေါ် ဘယ်လို မြင်ပါသလဲ။

    ကိုအောင်ထွန်း – လူတွေဟာ တစ်ယောက်ကို တစ်ယောက် အသိစိတ်ဓာတ်နဲ့ ကိုယ့်ကိုကိုယ် ရပ်ကွက်နဲ့ မြို့နယ် အတွင်းမှာ ကိုယ်လုံခြုံရေးနဲ့ ကိုယ့်အသိစိတ်ဓာတ်နဲ့ ကိုယ်ဖွဲ့ထားပြီးတော့ ကျန်တဲ့နေရာမှာ ကိုယ့်ရဲ့ လုံခြုံရေးနဲ့ ကာကွယ်ရေးကို အဆင့်ဆင့် ဆောင်ရွက်ပေးတာ ကောင်းတယ်။ ပြောရရင် အချိန်မှီ မရောက်လာတာလို့ ပြောတယ်။ ရောက်လာသင့်ပြီးတော့ မရောက်လာဘူးလို့လည်း ပြောကြတာပဲ။ ဒါပေမယ့် ရပ်ကွက်တစ်ခုအတွင်းမှာ မြို့နယ်တစ်ခု အတွင်းမှာရှိတဲ့ လူတွေက သူပါသူ ညီညီညွှတ်ညွှတ်နဲ့ အင်အားစု တစ်ခု ရှိရင် ရပ်ကွက်အတွင်းမှာ ဖြစ်တဲ့ အချင်းချင်း ပြဿနာရော၊ အခြားနေရာက ရောက်လာတဲ့ ပြဿနာရော ကာကွယ်နိုင်တယ်။

    အိမ်တစ်အိမ်မှာ အိမ်ထဲမှာ ရှိနေတဲ့ သူတွေ ညီညွှတ်နေရင် ကျန်တဲ့ သူတွေ ၀င်လာလို့ မရဘူး။ အဲလို လူတွေ အားလုံးက ညီညွှတ်နေရင် ၀င်လာတဲ့ သူကလည်း သူပါသူ ရှောင်သွားမှာဘဲ။

    M-Media – ဆရာအနေနဲ့ ဘယ်လို ယုံကြည်ချက်ကြောင့် နိုင်ငံရေး လုပ်ခဲ့တာပါလဲ။

    ကိုအောင်ထွန်း – ငယ်ငယ်လေးထဲက နိုင်ငံရေးနဲ့ ပတ်သပ်တဲ့ စာအုပ်တွေ၊ စာတမ်းတွေ ဖတ်ပြီး လွတ်လပ်မှုနဲ့ ဒီမိုကရေစီ နဲ့ လူ့အခွင့်အရေးအပေါ်မှာ ယုံကြည်ပြီးတော့ လုပ်ခဲ့တာပါ။

    M-Media – အဲဒါတွေက ဘယ်သူတွေ အတွက်လဲ။

    ကိုအောင်ထွန်း – ပြည်သူတွေ အားလုံးအတွက်ရော၊ လူဆိုတာ ကိုယ့်အတွက်ရော၊ အများအတွက်ရော၊ မြန်မာနိုင်ငံမှာ ရှိတဲ့ လူတွေ အားလုံးအတွက် ရောပေါ့။

    M-Media – မြန်မာနိုင်ငံ ကျောင်းသားလှုပ်ရှားမှု သမိုင်းစာအုပ်ကို ရေးရင် ထောင်ကျမယ်လို့ ရော ထင်ထားခဲ့ပါသလား။ ဘာကြောင့် ဒီစာအုပ်ကို ရေးပြီး သမိုင်းမှာ ကျန်ခဲ့စေချင်ရတာလဲ။

    ကိုအောင်ထွန်း – ဒီစာအုပ်ကိုရေးရင် ထောင်ကျမယ်ဆိုတာ အဲဒီစာအုပ်မှာပါတဲ့ လူတော်တော်များများ သိကြတယ်။ ဘာကြောင့်ရေးခဲ့လဲဆိုတော့ မြန်မာနိုင်ငံရဲ့ သမိုင်းက ပျောက်ကွယ်နေတဲ့ အရာ တစ်ခုကို ပြန်လည် ဖော်ထုတ် လိုက်တာပါ။ ထောင်ကျ ခဲ့တယ်ဆိုတာ ကိုယ့်က ထောင်ကျချင်လို့တော့ မဟုတ်ဘူး။ ထောင်ကျပြီးတော့ နိုင်ငံတကာမှာ ထင်ပေါ်ကျော်ကြားချင်လို့လည်း မဟုတ်ဘူး။ ဆုတံဆိပ်တွေ ရချင်လို့လဲ မဟုတ်ဘူး သမိုင်းမှန်ကို ဖော်ထုတ်ချင်လို့ ရေးခဲ့တာပါ။ ဒီစာအုပ်ရေးနေတုန်းမှာဘဲ တစ်နေရာက တစ်စွန်းတစ ထွက်ပြီးတော့ သိပြီး အားလုံး ထောင်ကျသွားတာ ဖြစ်တယ်။

    M-Media – ဒီစာအုပ်ကို ရေးခဲ့ဖြစ်သွားပုံ အကြောင်းလေး ရှိရင် ပြောပြပေးပါ။

    ကိုအောင်ထွန်း – အဘ သခင်ဦးအုန်းမြင့်ဆိုတာ ရှိတယ်။ ဗိုလ်ချုပ်အောင်ဆန်း သူငယ်ချင်း။ လွန်ခဲ့တဲ့ ၂၀နှစ်ခန့်တုန်းက ထောင်ထဲမှာ တွေ့ခဲ့တဲ့ အဲဒီ့ အဘက ကျွန်တော့်ကို ကျောင်းသား ခေါင်းဆောင် တစ်ယောက်က ကျောင်းသား သမိုင်းကို ရေးရင် ကောင်းမှာပဲ လို့ပြောတယ်။ ကျွန်တော်တို့ ခေတ်တုန်းက မြနမာနိုင်ငံ ကျောင်းသား သမိုင်းနဲ့ ပတ်သက်ပြီး သေသေချာချာ ဂဃနဂ ရေးထားတာ မရှိဘူး လို့ အကြံဥာဏ်ပေးတယ်။ အဲဒါကြောင့် ရေးဖြစ်သွားတာပါ။ နှစ်ယောက်စလုံးရဲ့ ဆန္ဒပေါ့။ ရေးချင်တဲ့သူရဲ့ ဆန္ဒနဲ့ အကြံဥာဏ် ပေးတဲ့ သူရဲ့ ဆန္ဒပေါင်းစပ်သွားတာပါ။

    M-Media – အခု စာဖတ်သူတွေကို ပေးချင်တဲ့ စကားလက်ဆောင်တစ်ခုက။

    ကိုအောင်ထွန်း – အားလုံး ညီညီညွှတ်ညွှတ်နဲ့ အမျိုးသား ပြန်လည် သင့်မြတ်ရေးပေါ်မှာ နားလည်မှုနဲ့ လမ်းလျှောက်သွားရင် မြန်မာနိုင်ငံရဲ့ ဒီမိုကရေစီက ပိုမို လှပတဲ့ အနာဂတ်ကို ရောက်ရှိမှာ မလွဲပါဘူး။

    M-Media – အခုလို သိလို သမျှကို စိတ်ရှည်လက်ရှည် ဖြေကြားပေးတဲ့အတွက် ဆရာကို M-Media ၀ိုင်းတော်သားများမှ အထူးကျေးဇူးတင်ရှိကြောင်း မှတ်တမ်းတင်အပ်ပါတယ်။

  • ၈၈မျိုးဆက် ခေါင်းဆောင် ၈ ယောက်ရဲ့ ၈ ရက်ကြာ အင်္ဂလန်ခရီးစဉ် စတင်

    ဇွန်-၁၈ ၊၂၀၁၃
    M-Media

    ၈၈မျိုးဆက် ပွင်လင်းအဖွဲ့အစည်းမှ ခေါင်းဆောင် ၈ ယောက်ရဲ့ ၈ ရက်ကြာ အင်္ဂလန်ခရီးစဉ် စတင်၊ လန်ဒန် ဟီးသရိုး လေဆိပ်ကိုရောက်ရှိ

    88_Eng

    ၈၈မျိုးဆက်ပွင့်လင်းအဖွဲ့ အစည်းမှ ခေါင်းဆောင်များ ဖြစ်ကြသော ကိုမင်းကိုနိုင်၊ကိုမင်းဇေယျာ၊ ကို ကိုကိုကြီး၊ကိုဌေးကြွယ်၊ ကိုမြအေး၊ကိုမာကီ၊မနီလာသိန်း နှင့် မမီးမီးတို့ ၈ဦးပါဝင်သော အဖွဲ့သည် ဗြိတိန်အစိုးရ ၏ ဖိတ်ကြားမှုဖြင့် မြန်မာနိူင်ငံမှ ယူကေနိူင်ငံသို့ ဇွန်လ၁၈ရက်နေ့ လန်ဒန် စံတော်ချိန် နံနက် ၇း၁၅ နာရီ မှာ လန်ဒန်မြို့ ရှိ ဟီးသရိုး အပြည်ပြည်ဆိုင်ရာ လေဆိပ်သို့ ဆိုက်ရောက် လာကြပြီ ဖြစ်ပါတယ်။

    ဇွန်လ၁၈ရက် နေ့ မှ ၂၅ ရက်ထိ ၈ရက်ကြာ ခရီးစဉ်အတွင်း ၈၈မျိုးဆက်ခေါင်းဆောင်များဟာ Northern Ireland ဒေသသို့ လေ့လာရေး ခရီးစဉ်နှင့် ၂၂ ရက်နေ့တွင် ယူကေရောက် မြန်မာတိုင်းရင်းသားများ၊ မြန်မာမိသားစုများနှင့် တွေ့ဆုံပွဲ အစီအစဉ်တို့ပါဝင်ကြောင်းလည်း သိရှိရပါတယ်။

    ဓါတ်ပုံများကြည့်ရန် ==>

  • မွန်ပြည်နယ် မွတ်စလင် ဆန့်ကျင့်ရေး လှုပ်ရှားမှု့နှင့် ၈၈မျိုးဆက်အဖွဲ့ ဆက်စပ် ပတ်သက်မည်ကို ဒေသခံများစိုးရိမ်

    မွန်ပြည်နယ် မွတ်စလင် ဆန့်ကျင့်ရေး လှုပ်ရှားမှု့နှင့် ၈၈မျိုးဆက်အဖွဲ့ ဆက်စပ် ပတ်သက်မည်ကို ဒေသခံများစိုးရိမ်

    နိုဝင်ဘာ ၂၁၊ ၂၀၁၂
    M-Media
    နေသစ်ထွန်း

    အစ္စလာမ်ဆန့်ကျင်ရေးကို ဆောင်ရွက်နေသော မုတ္တမမြို့ မြစေတီနန်းဦး စာသင်တိုက်ဆရာတော် အရှင်သဒ္ခမ္မ (မြနန်းဆရာတော်)

    မွန်ပြည်နယ်မုတ္တမမြို့ နန်းဦးကျောင်းတိုက် ဆရာတော် အရှင်သဒ္ခမ္မ  ဦးဆောင်ပြီးဒေသခံ မွတ်စလင်များအား အထင်မြင်မှားယွင်းစေရန် နှင့် ဘာသာရေး ပဋိပက္ခဖြစ်ပွားစေရန် မွတ်စလင် ဆန့်ကျင့်ရေး လှုပ်ရှားမှုများကို လွန်ခဲ့သောသုံးနှစ်ခန့်မှ စ၍ အဆင့်ဆင့် လှုပ်ရှားဆောင်ရွက်ခဲ့သည်။

    မုတ္တမဒေသခံစီးပွားရေး လုပ်ငန်းရှင်များဖြစ်သော ၀က်အသားလိုင်စင် လုပ်ငန်း လုပ်ကိုင်သူဦးမြင့်ဌေး ၊ ချဲထီလောင်းကစားဒိုင် ဦးစိုးမော်၊ မော်လမြိုင်မြို့မှ ကျော်ကြား ဆောက်လုပ်ရေး ပစ္စည်းရောင်းဝယ်ရေး လုပ်ငန်းနှင့် အခြားသော ငွေရှင်ကြေးရှင်များ ထောက်ပံ့ပေးမှုဖြင့် ဒေသတွင်း အတူ ယှဉ်တွဲနေထိုင်လျက်ရှိကြသော ဗုဒ္ဓ ဘာသာဝင် များ နှင့် အစ္စလာမ်ဘာသာဝင်များ အကြား ချစ်ကြည်မှု  ပျက်ပြားကာဘာသာရေး ပဋိပက္ခဖြစ်ပွားစေရန် ရည်ရွယ်၍ အစ္စလာမ်ဘာသာအား စော်ကားတိုက်ခိုက်ထားသည့် ၀ါဒဖြန့်စာရွက်များ ဝေငှခြင်း ၊ မွတ်စလင် ဆန့်ကျင်ရေးတရားပွဲများ ကျင်းပခြင်းတို့ကို နန်းဦးကျောင်းတိုက်မှ ၂၀၁၂ နှစ်မှစ၍ အင်တိုက်အားတိုက် လုပ်ဆောင်ခဲ့ပါ သည်။

    (၃၀-၁၀-၂၀၁၂) အဘိဓမ္မာ အခါတော်နေ့ တွင် ကျင်းပသော မုတ္တမမြို့ မြစေတီနန်းဦး စာသင်တိုက်တွင်ကျင်းပသော တရားပွဲတွင် လူမျိုးရေး/ဘာသာရေး မုန်းတီးမှုစေ့ဆော်သည့် စာရွက်အမြောက်အများ ဤကဲ့သို့ ဖြန့်ဝေခဲ့

    သံဃာဝိနည်းတော်နှင့် မညီသော ၊ တည်ဆဲဥပဒေများကို ချိုးဖောက်ကာ မွတ်စလင်ဆန့်ကျင်ရေးကိုအထင်အရှား လုပ်ဆောင်နေသူ နန်းဦးဆရာတော်ထံသို့ မင်းကိုနိုင်ဦးဆောင်သော ၈၈ မျိုးဆက် ကျောင်းသားများက နိုဝင်ဘာ ၉ရက် ည ၇နာရီ ၁၅ မိနစ် ၀န်းကျင်ခန့်တွင် ၀င်ရောက်ဖူးမြော် သြ၀ါဒခံယူခဲ့ကြောင်း မုတ္တမ ဒေသခံ များကပြောပါသည်။မင်းကိုနိုင်၊ မင်းဇေယျာ အပါအ၀င် ၈၈မျိုးဆက်ကျောင်းသားများသည် ယင်းဆရာတော် ထံနိုဝင်ဘာ ၉ရက် ည ၇နာရီ ၁၀မိနစ်ဝန်းကျင်ခန့်တွင် ရောက်ရှိခဲ့ကြောင်း၊ နန်းဦးဆရာတော်မှ ငွေနှင့် ၀ထ္တု ပစ္စည်းများကို ၈၈မျိုးဆက်ကျောင်းသားများထံ ပေးအပ်လှူဒါန်းခဲ့သည်ကိုသိရှိခဲ့ကြောင်းမုတ္တမဒေသခံတစ်ဦး မှပြောကြားပါသည်။

    (၃၀-၁၀-၂၀၁၂)  အဘိဓမ္မာ အခါတော်နေ့ တွင် နန်းဦးကျောင်းတိုက်မှ ဆရာတော် အရှင်သဒ္ခမ္မ  က ၉၆၉ အမှတ်တံဆိပ် အားမိတ်ဆက်သည့် အခမ်းအနားတွင် အစ္စလာမ် သာသနာအားတိုက်ခိုက်သော  ၊ မွတ်စလင်များအား ဆန့်ကျင်သော အမုန်းသွေးကြွ မိန့်ခွန်းများပရိသတ်အားဟောပြောခဲ့သည်။ (သတင်းဖော်ပြပြီး)
    အဲဒီနောက်ရက်ပိုင်းတွေမှာ  မြန်မာမွတ်စလင်များအား ကုလားဟု ရည်ညွှန်းပြီး ကုလားဆိုင်မှ အရောင်းအဝယ်မပြုလုပ်ရန်၊ လူမျိုးရေး၊ ဘာသာရေးမုန်းတီးမှုကို ဦးတည်စေသော လှုံ့ဆော်သည့် စာရွက် အရွက်ရေ အမြောက်အမြားကို မုတ္တမမြို့နှင့် အခြားမြို့မှာဖြန့်ဝေခဲ့ကြပါတယ်။

    အလားတူ ၈၈မျိုးဆက်ကျောင်းသားများ မော်လမြိုင်သို့ ရောက်ရှိစဉ်   ၄င်းတို့ ကားတန်းပေါ်မှ ၉၆၉ အမှတ်တံဆပ်များကို မော်လမြိုင်မြို့ခံများကို အခမဲ့ ဝေငှခဲ့ကြောင်း သိရသည်။

    “ဈေးရှေ့ကနေမင်းကိုနိုင်တို့ ဖြတ်သွားတော့ သူတို့ ကားတန်းရဲ့ ငါးစီးမြောက်ကားပေါ်ကနေ ဒီအမှတ်တံဆိပ်တွေ၊ ကြေညာစာတွေကို ဝေငှပါတယ်။ ကျွန်တော် ဆီကိုလည်းအဲဒါတွေ ကမ်းပေးလို့ ယူထားဖြစ်တယ်” ဟုမော်လမြိုင် မြို့မှ အမှတ် ၁ ဈေးအနီး မှ တက္ကဆီဆိုင်ကယ် မောင်းသူတစ်ဦးကပြောပါသည်။ ၈၈မျိုးဆက်ကျောင်းသားများဦးဆောင်သော ငြိမ်းချမ်းရေးနှင့် ပွင့်လင်းလူ့အဖွဲ့စည်း ၏ မွန်ပြည်နယ်ခရီးစဉ် အဖြစ် နိုဝင်ဘာ ၉ ရက် ၊ ၉နာရီ မိနစ် ၃၀ တွင် သိမ်ဇရပ် မြို့သို့ လည်းကောင်း ၊ နံနက် ၁၀နာရီ ၀န်းကျင် တွင် ကျိုက်ထို မြို့နယ် လက်ပြကျေးရွာသို့ လည်းကောင်း၊ နေ့လည် ၃နာရီ ၂၀ မိနစ်တွင် ဘီးလင်းမြို့ ၊ ကန်သာယာရပ်ကွက် သို့ လည်းကောင်း ၊ ညနေ ၅နာရီ  ၅ မိနစ် အချိန်တွင် သထုံမြို့ သိမ်ကုန်းရပ်ကွက် သို့ လည်းကောင်း ၊ ညနေ ၆နာရီ ၀န်းကျင်တွင် ပေါင်မြို့ ၊ ပေါင်းရပ်ကွက်သို့လည်းကောင်း ၊ ည ၇ နာရီ ၁၅ မိနစ်ဝန်းကျင်တွင် မုတ္တမ မြို့ နန်းဦးကျောင်းတိုက်သို့လည်းကောင်း ၀င်ရောက်ခဲ့ပြီး ည ၈နာရီ မိနစ် ၂၀ တွင် မော်လမြိုင် မြို့သို့ရောက်ရှိကာကမ်းနားဟိုတယ်တွင် ညအိပ်ရပ်နားခဲ့ကြောင်းသိရသည်။

    နန်းဦးဆရာတော်ထံသို့ မင်းကိုနိုင်ဦးဆောင်သော ၈၈ မျိုးဆက် ကျောင်းသားများက နိုဝင်ဘာ ၉ရက် ည ၇နာရီ ၁၅ မိနစ် ၀န်းကျင်ခန့်တွင် ၀င်ရောက်ဖူးမြော် သြ၀ါဒခံယူစဉ်

    နန်းဦးဆရာတော်မှ ဦးဆောင်၍ အစ္စလာမ်ဘာသာနှင့် မွတ်စလင် မုန်းတီးရေး လှုပ်ရှားမှုကိုမင်းကိုနိုင် ဦးဆောင်သော ၈၈ ကျောင်းသားများအဖွဲ့ မှ မသိခဲ့၍ ယင်းသို့ ပတ်သက်နေခြင်းလား ၊ သိလျက်နှင့် ယင်းသို့ ပတ်သက်ခြင်းလားဆိုသည်ကို ဝေခွဲမရဖြစ် နေကြောင်း လူ့အခွင့်အရေး လှုပ်ရှားသူ ၈၈မျိုးဆက်များနှင့် ဆက်စပ် ပတ်သက်မည်ကို စိုးရိမ်နေကြောင်းဒေသခံအစ္စလာမ် ဘာသာဝင်များ ထံမှ သိရသည်။

  • ငြိမ်းချမ်းရေး ဆွေးနွေးပွဲနှင့် စာနယ်ဇင်းရှင်းလင်းပွဲတွင် ကိုမြအေး(၈၈) ပြောကြားချက်

    ငြိမ်းချမ်းရေး ဆွေးနွေးပွဲနှင့် စာနယ်ဇင်းရှင်းလင်းပွဲတွင် ကိုမြအေး(၈၈) ပြောကြားချက်

    နိုဝင်ဘာ၊ ၁ ။ ၂၀၁၂

    Source: Messenger News Journal

    ကျွန်တော် ဒီမှာ လာတက်တာက ဆွေးနွေးဖို့ လာတက်တာတော့ မဟုတ်ဘူးဗျ။ ဆွေးနွေးပိုင်ခွင့် အခွင့် အာဏာကိုလည်း ကျွန်တော့်ကို ၈၈ မျိုးဆက်ကျောင်း သားများကလည်း မအပ်နှင်းထားပါဘူး။

    ကျွန်တော်ဒီကိုလာခဲ့တာ ငြိမ်းချမ်းရေးကို လိုလား သူတစ်ယောက်အနေနဲ့ လာခဲ့တာပါ။ ဘာဖြစ်လို့လဲ ဆိုတော့ ကျွန်တော်တို့ဆီမှာ စည်းမျဉ်းစည်းကမ်း ရှိ ပါတယ်။ ၈၈ ကို ကိုယ်စားပြုပြီး ပြောမယ်ဆိုရင် အစည်းအဝေး ဆုံးဖြတ်ချက်အရသာ လုပ်ပိုင်ခွင့် ရှိလို့ ပါ။
    အဲဒီတော့ ဒီနေ့ ဒီအချိန် ဒီနေရာမှာ ကျွန်တော် ပြောတဲ့စကားသည် သာမန်မြအေးဆိုတဲ့ အနေအထား အတိုင်းပဲ ပြောခွင့်ပြုပါ။ အစ္စလာမ်ဘာသာကို ကိုးကွယ် တဲ့ ပြည်သူလူထုထဲက သာမန်မြအေးဆိုတဲ့ လူသား တစ်ယောက်အနေနဲ့ပဲ ပြောခွင့်ပြုပါ။

    ကျွန်တော်တို့ တိုင်းပြည်ဟာ နှစ်ပေါင်းများစွာ အမှောင်ထုအောက်မှာ ဖြတ်သန်းခဲ့ရတယ်။ ကျွန်တော်တို့ ရဲ့ အတွေးအခေါ်တွေဟာ ရိုက်ချိုးခြင်း ခံခဲ့ရတယ်။ လောင်းရိပ်တစ်ခုအောက်မှာ နှစ်ပေါင်းများစွာ ပိတ်ပင် ခြင်းခံခဲ့ရတယ်။ အခုမှ အသွင်ကူးပြောင်းရေးကာလထဲ ကို ချဉ်းနင်းဝင်ရောက်လာခါစ ဖြစ်ပါတယ်။ ဒီမိုကရေ စီဆိုတာ အားလုံး ပြောတတ်ပါတယ်။ တကယ့် ဒီမိုကရက်တစ် ဖြစ်ဖို့အတွက် ပေးဆပ်ခဲ့ရတဲ့ဟာတွေကို ကြည့်မယ်ဆိုရင် ထင်သလောက် မလွယ်ဘူးဆိုတာကို တွေ့ရပါလိမ့်မယ်။

    ပြောချင်တာက မတူကွဲပြားမှုတွေကို နားလည်ဖို့ လိုပါလိမ့်မယ်။ ရင့်ကျက်ဖို့ လိုပါလိမ့်မယ်။ နားလည်မှု ရင့်ကျက်မှု မရှိဘဲနဲ့ ဒီမိုကရက်တစ် နိုင်ငံတစ်ခုကို ဖန်တီးဖို့ဆိုတာ ဘယ်လိုမှ မဖြစ်နိုင်ပါဘူး။ ဒီနေရာမှာ ပြောချင်တာ ငြိမ်းချမ်းရေးကို လိုလားတယ်ဆိုလို့ရှိရင် ဒီနေ့ဒီအချိန်အခါမှာ ကျွန်တော်တို့ရဲ့ စဉ်းစား တွေးခေါ် ချက်တွေဟာ Ground Zero ကိုခင်းပြီး စဉ်းစားဖို့ လိုပါလိမ့်မယ်။ အဲဒီလိုမဟုတ်ဘဲ သမိုင်းဆိုင်ရာ အချက် အလက်တွေနဲ့ အပြန်အလှန် ငြင်းခုန်ပြီးတော့ နေကြမယ် ဆိုရင် ဘယ်လိုမှ ငြိမ်းချမ်းရေးကို မရနိုင်ဘူးလို့ ကျွန်တော်မြင်ပါတယ်။
    ကျွန်တော်ပြောချင်တာက ဒီနေ့ဒီအချိန်အခါမှာ အစ္စလာမ်ဘာသာကို အခြေခံပြီး စဉ်းစားတာမျိုး ဗုဒ္ဓ ဘာသာ၊ ခရစ်ယာန်ဘာသာ၊ ဟိန္ဒူဘာသာကို အခြေခံ စဉ်းစားတာမျိုးထက် Human Being ဆိုတဲ့ လူသား အခြေခံပေါ်မှာ စဉ်းစားခြင်းကသာလျှင် အဖြေမှန်တစ်ခု ကို ရနိုင်ဖို့ နီးစပ်မယ်လို့ မြင်ပါတယ်။

    ဘာပဲပြောပြော ရိုးရိုးပဲ အစ္စလာမ်ဝင်တစ်ယောက် အနေနဲ့ပဲ ပြောပါရစေ။ ကျွန်တော်တို့ဟာ ဒီနိုင်ငံဟာ ဗုဒ္ဓဘာသာဝင် အများစု နေထိုင်တဲ့နိုင်ငံ ဖြစ်တဲ့အတွက် ဗုဒ္ဓဘာသာဝင်များနဲ့ ရဟန်းတော်များကို အစ္စလာမ် ဘာသာဝင်များကလည်း လေးစားဖို့လိုမယ်ဆိုတာ အတိ အလင်း ပြောပါ့မယ်။ အစ္စလာမ်ဘာသာဝင်အတွင်းမှာ ငါတို့ ဘာအားနည်းနေလဲ၊ ငါတို့ အများနဲ့ သဟဇာတ ဖြစ်စွာ ဘယ်လိုနေထိုင်မလဲဆိုတာကိုပါ Community ကို Change ဖို့ အချိန်တန်ပြီလို့ ကျွန်တော် ပြောချင်ပါ တယ်။

    ကျွန်တော် လူဆိုတဲ့အပေါ်မှာ စိတ်ဝင်စားပါတယ်။ ကျွန်တော့်ကိုကြိုက်တဲ့ လူမျိုးတံဆိပ်ကပ်လိုက်ပါ။ ကျွန်တော့်ကို ကြိုက်တဲ့ အမည်ခေါ်လိုက်ပါ။ ကျွန်တော် ကိုယ့်ကျွန်တော် လူပီသစွာ နေထိုင်ဖို့ပဲ စိတ်ဝင်စားပါ တယ်။

    ကျွန်တော် နားလည်တဲ့ ဘာသာရေးများဟာ လူ ပီသအောင် လူသားဆန်စွာ နေထိုင်နိုင်အောင် ကျင့်ကြံ ပေးတဲ့ တရားတွေလို့ ကျွန်တော် အဲဒီလို နားလည်ထား တဲ့အတွက် ကျွန်တော် လူတစ်ယောက်အဖြစ်ပဲ နေထိုင် ခွင့်ပြုပါ။ အဲဒီအပေါ်မှာ ကျွန်တော် ဘာမှမသိရဘဲနဲ့ ကျွန်တော့် အဖေ အမေ အဘိုး အဘွား အမွေပေးတဲ့ ဘာသာရေးဆိုတဲ့ တံဆိပ်အပေါ်မှာ ခွဲခြားဆက်ဆံတဲ့ ဟာမျိုးကိုတော့ ရင်မဆိုင်ပါရစေနဲ့။ ကျွန်တော် လက် လည်းခံမှာ မဟုတ်ပါဘူး။

    ကျွန်တော် ပြောချင်တာက သမိုင်းဆိုင်ရာ အချက် အလက်တွေ ဒီနေရာမှာ ထပ်ပြီး ရခိုင်တိုင်းရင်းသား တွေအတွက်ကို နည်းနည်းလေး ပြောပါရစေ။ ရခိုင် ပြည်နယ်အနေနဲ့ကလည်း လဝက ဥပဒေနဲ့ ပတ်သက်ပြီး တော့လည်း ကျွန်တော် နည်းနည်းပြောချင်တယ်။ ကျွန်တော်တို့ မြန်မာနိုင်ငံမှာ မွေးဖွားတဲ့ အစ္စလာမ် ဘာသာဝင်တွေဖြစ်တဲ့ အတွက်ကြောင့်မို့လို့ မြန်မာနိုင်ငံသူ နိုင်ငံသားနဲ့ မြန်မာနိုင်ငံ အပေါ်မှာတော့ သစ္စာရှိဖို့ လိုပါ လိမ့်မယ်။

    ကျွန်တော်တို့ နိုင်ငံဟာ တစ်ဖက်က အိန္ဒိယလို သန်းထောင်ကျော်နိုင်ငံနဲ့ တစ်ဖက်က တရုတ်ပြည်ကြီးဆို တဲ့ သန်းထောင်ကျော်တဲ့ နိုင်ငံကြားမှာ ရှိတဲ့အတွက် ပထဝီဝင်နိုင်ငံရေးကို မစဉ်းစားဘဲနဲ့ လဝက ဥပဒေကို လိုချင်တဲ့ ပုံစံတွေ ဆွဲပြောနေတာ အလွန်များတယ်လို့ မြင်ပါတယ်။
    တစ်ဖက်ကလည်း အဲဒီလို ဆွဲပြောတာ မှားသလို တစ်ဖက်ကလည်း ဒီကောင်တွေဟာ ကုလားတွေပါ ကုလားတွေပါလို့ ပြောတာ ကျွန်တော် ဝမ်းနည်းပါ တယ်။ အိမ်ရှင်တွေ မဟုတ်ပါဘူး၊ ဧည့်သည်တွေပါလို့ ပြောကြားခြင်းဟာလည်း လက်ခံနိုင်စရာ မရှိပါဘူး။
    ဟုတ်ပါပြီ။ ကျွန်တော်တို့တိုင်းပြည်ကို သစ္စာရှိဖို့ ကျွန်တော်တို့ Community ကို Change လုပ်ပါလို့ ဒီနေရာကနေပြီး အတိအလင်း တောင်းဆိုပါတယ်။ သစ္စာမရှိလို့ ပြောနေတာ မဟုတ်ပါဘူး။ တစ်ဖက်နဲ့ တစ်ဖက် နားလည်မှု လွဲနေလို့ပါ။ နောက်တစ်ခုက သမိုင်းဆိုင်ရာ အချက်အလက်တွေနဲ့ တစ်ခေတ်တုန်းက ရွှေထီးဆောင်းခဲ့ ဆောင်းခဲ့၊ ဒီဟာတွေ ပြန်လှန်ပြောနေ လို့လည်း အဖြေတစ်ခုကို ရမှာ မဟုတ်ပါဘူး။

    ရိုဟင်ဂျာ တိုင်းရင်းသားတွေနဲ့ ပတ်သက်ပြီး ကျွန်တော်လူသားတစ်ယောက်အနေနဲ့ပဲ မြင်ပါတယ်။ ရိုဟင်ဂျာ တိုင်းရင်းသားတွေ ဟုတ်တယ် မဟုတ်ဘူး ဆိုတာ ပညာရှင်တွေ ဆွေးနွေးငြင်းခုန်ပြီး အတည်ပြု ချင်လည်း ပြုမယ်။ အတည်မပြုချင်လည်း မပြုဘူး။ အဓိက သေချာတာကတော့ ရိုဟင်ဂျာလူမျိုးသည် တိုင်း ရင်းသားပါ။ တိုင်းရင်းသားပါလို့ ထပ်ကာတလဲလဲ ကြွေးကြော်နေတာတွေဟာ ဒီနေ့ ဒီအချိန်အခါမှာ ဘယ် လိုမှ ငြိမ်းချမ်းရေးက တည်ဆောက်လို့ ရနိုင်မှာမဟုတ် ဘူးဆိုတာလည်း ရိုဟင်ဂျာလူမျိုးများကို အတိအလင်း ပြောပါရစေ။
    ကျွန်တော်တို့ အင်မတန် စိုးရိမ်ရတဲ့ အခြေအနေဆိုး ကြီးထဲကို ရောက်နေတယ်လို့ ကျွန်တော် မြင်ပါတယ်။

    ရခိုင်ပြဿနာဟာ တဖြည်းဖြည်းနဲ့ ကြီးမားလာ ပြီးတော့ ရန်ကုန်မြို့မှာဆိုရင် အစ္စလာမ်ဘာသာရေး အဖွဲ့က ခေါင်းဆောင်တွေရယ်၊ နိုင်ငံတော် သံဃမဟာ နာယက အပါအဝင် အင်မတန် ကြည်ညိုလေးစားစရာ ကောင်းတဲ့ ရဟန်းသံဃာတွေ ဘုန်းတော်ကြီးတွေကကော ရန်ကုန်မြို့ မန္တလေးမြို့တွေမှာ ဒီပြဿနာတွေ မီးပွား မကူးနိုင်အောင် ဝိုင်းဝန်းထိန်းသိမ်းနေရတဲ့ အခြေအနေ မျိုးတွေမှာ အခြေအနေဟာ အလွန် အကဲဆတ်တဲ့ အခြေ အနေမျိုးတွေပါ။

    အကဲဆတ်တဲ့ အခြေအနေမျိုးမှာ ငြင်းရင်ခုန်ရင်းနဲ့ ဒီပြဿနာတွေ ဒီဘက် ဆက်လာမှာကို မလိုလားပါဘူး။ ဒါဟာ တိုင်းပြည်နောက်ကြောင်း ပြန်လှည့်သွားနိုင်စရာ ဖြစ်တဲ့အပြင်ကို ကျွန်တော်တို့နိုင်ငံရဲ့ Image ပျက်စီး ပါလိမ့်မယ်။

    အဓိက ပြောချင်တာက ဒီနေ့ ဒီအချိန်မှာ ဟိုး ၈၈ ခုနှစ်က ဖြစ်ရပ်ကလေး မြင်ရင်း ပြန်ပြောပါရစေ။ စစ်အစိုးရက ပစ်ခဲ့ပါတယ်။ စစ်အစိုးရရဲ့ နံပါတ်တုတ် တွေက ရိုက်ခဲ့ပါတယ်။ ကျွန်တော်တို့က ၈ ပေ ၁၂ ပေလောက် ကျဉ်းမြောင်းတဲ့ အခန်းထဲမှာ ထည့်သွင်း အကျဉ်းချခဲ့ပါတယ်။ ထောင်သွင်း အကျဉ်းချ ရက်စက် သတ်ဖြတ်ခဲ့တဲ့ ကာလတွေမှာ သူတို့ပစ်တဲ့ ကျည်ဆံ တွေ သူတို့ရိုက်တဲ့ နံပါတ်တုတ်တွေက တိုက်ခန်း အကျဉ်းလေးထဲမှာရှိတဲ့ ဖျာကြမ်းတွေက ဘယ်ဘာသာ ဘယ်လူမျိုးဆိုပြီး မခွဲထားပါဘူး။ ဗုဒ္ဓဘာသာလည်း ထိမှာပဲ၊ ခရစ်ယာန်လည်း ထိမှာပဲ၊ ဟိန္ဒူလည်း ထိမှာ ပဲ။ အဓိကကတော့ ထိတဲ့နေရာမှာ ဘာသာလူမျိုးဆို ပြီးတော့ ခွဲခြားထားတာ မဟုတ်ပါဘူး။ ဒီဖိနှိပ်မှုကို ပြည်သူလူထုတစ်ရပ်လုံး ဘာသာပေါင်းစုံ လူမျိုးပေါင်း စုံ ခံစားလာခဲ့ရပြီးတော့မှ အခုအချိန်မှာ ဒီလို အကွဲ အပြဲနဲ့ ပို၍ ပို၍ ဆိုးရွားတဲ့ ခေတ်ကာလကြီးထဲကို ရောက်အောင် တွန်းပို့နေတဲ့ လူတစ်စု အတိအလင်း ပြောပါ့မယ်။ လူတစ်စုဆိုတဲ့အထဲမှာ ဘယ်ဘက်အုပ်စု က ဘယ်လို၊ ဘယ်ဘက်အုပ်စုက ဘယ်လိုဆိုတာ မရိုး စွပ်ချင်ပါဘူး။

    ဒီနေရာမှာ ပွင့်ပွင့်လင်းလင်းပဲ ထပ်ပြောပါ့မယ်။ ပြည်တွင်းပြည်ပ ဒီပြဿနာကို ဖန်တီးနေတဲ့ သူတွေဟာ ဒီတိုင်းပြည်မှာ ရင်းရင်းနှီးနှီး နေလာခဲ့ကြတဲ့ အစဉ် အလာရှိနေခဲ့ကြတာကို ဖျက်ပြီးတော့ အင်မတန် ဝမ်း နည်းစရာကောင်းတဲ့ ခေတ်ဆိုးကြီးကို ဖန်တီးနေတာဖြစ် တဲ့အတွက် အားလုံး ညီရင်းအစ်ကိုလို လက်တွဲချိတ် ထားရမှာ ဖြစ်ပါတယ်။

    လက်တွဲချိတ်တဲ့နေရာမှာ ရိုးရိုးသားသားပဲ လက် တွဲချိတ်ချင်ပါတယ်။ ဒီနေရာမှာ ဒီလိုချိတ်ပြီး ဒီလို အခွင့်အရေးယူမယ်ဆိုတဲ့ စိတ်နဲ့ စာလို့ရှိရင် ငါတို့ တိုင်းပြည်ကို ငြိမ်းချမ်းအောင် ဘယ်လို တည်ဆောက်မလဲ ဆိုတဲ့ဟာကို လက်တွဲယူပြီး အပြန်အလှန် လေးစားမှု၊ အပြန်အလှန်ရိုသေမှု၊ ရိုသေသင့် ရိုသေထိုက်တဲ့ လူကို ရိုသေခြင်းတရားအပေါ်မှာ သွားချင်ပါတယ်။

    တစ်ချိန်တုန်းက အစ္စလာမ်ဘာသာဝင်တွေ ဘုရား ဖူးသွားတဲ့အခါ ဟာခ်ျလုပ်တဲ့အခါမှာ ကောင်းကောင်း မွန်မွန် နေနိုင်အောင် ဗမာဘုရင်တွေထဲက မင်းတုန်းမင်း ကြီးက မက္ကာမြို့တော်မှာ ဒေါင်းဇရပ် တည်ဆောက်ပေး ခဲ့ဖူးပါတယ်။ အတိအလင်း ရှိပါတယ်။ အရင်းတုန်းက ဘာသာတရား ချစ်ကြည်ရင်းနှီးမှုကို ပြတာပါ။ မန္တလေး ရတနာပုံ နန်းတွင်းထဲမှာ အစ္စလာမ်ဘာသာဝင်တွေ ကောင်းကောင်းမွန်မွန် ဝတ်ပြုနိုင်အောင် ဗလီ ထားခဲ့ ဖူးတာ ရှိပါတယ်။

    အဲဒီလိုပဲ အစ္စလာမ်ဘာသာဝင်တွေအနေနဲ့ကလည်း အင်္ဂလိပ်ဟာ ဗမာပြည်ကို တိုက်ခဲ့တဲ့အခါမှာ ဗမာလူမျိုး တွေနဲ့အတူတူ ဗုဒ္ဓဘာသာဝင်တွေနဲ့ အတူတူ နယ်ချဲ့ ကိုလိုနီစနစ်ကို သမိုင်း အစဉ်အဆက် တွန်းလှန်ခဲ့တာ အထင်အရှား မြင်နိုင်ပါတယ်။

    အခုအချိန်မှာ Ground Zero ကို ကျဆင်းချင်ပါ တယ်။ Ground Zero ကိုဆင်းပြီးတော့ ကျွန်တော်တို့ ကြားထဲမှာ သဟဇာတ မဖြစ်မှု အစ္စလာမ်ဘာသာဝင် တွေက မှားတာကိုလည်း မှားတာ ရဲရဲပြင်ဖို့ လိုပါလိမ့် မယ်။ အဲလို ရဲရဲပြင်တာကို ဗုဒ္ဓဘာသာဝင် ရဟန်းသံဃာ တွေလည်း ရှိပါတယ်။ ကျွန်တော်တို့ ပြင်ဖို့ ကြိုးစား ရပါလိမ့်မယ်။ ကြိုးစားတဲ့အခါမှာ ဗုဒ္ဓဘာသာဝင်တွေ ဟိန္ဒူဘာသာဝင်တွေ ခရစ်ယာန်ဘာသာဝင်တွေ အနေနဲ့ ကလည်း လက်တွဲခေါ်ပါလို့ အနူးအညွတ်တောင်းပန် ရင်း နိဂုံးချုပ်အပ်ပါတယ်။