News @ M-Media

Tag: analysis

  • ရန်ကုန်မြို့ရဲ့ သမိုင်းဝင် ယဉ်ကျေးမှု အဆောက်အအုံများကို ဝါသနာတူလူငယ်များ ပူးပေါင်းလေ့လာ

    ရန်ကုန်မြို့ရဲ့ သမိုင်းဝင် ယဉ်ကျေးမှု အဆောက်အအုံများကို ဝါသနာတူလူငယ်များ ပူးပေါင်းလေ့လာ

    မတ် ၃၊ ၂၀၁၈
    M-Media
    မိုးစက်

    ရန်ကုန်။ ။ ရန်ကုန်မြို့မှာရှိတဲ့ သမိုင်းဝင် ယဉ်ကျေးမှု အထိမ်းအမှတ်အဆောက်အအုံများကို ဝါသနာတူတဲ့ လူငယ်တစ်စုက ပူးပေါင်းလေ့လာ စူးစမ်းခြင်းကို မတ်လ(၁) ရက်နေ့က ဒုတိယအကြိမ်မြောက် ပြုလုပ်ခဲ့ကြပါတယ်။

    ယဉ်ကျေးမှုအမွေအနှစ်တွေကို လူတိုင်းပါဝင်လေ့လာနိုင်အောင် ကူညီဆောင်ရွက်ပေးနေတဲ့အဖွဲ့ကို အတိုကောက် CHIT လို့ နာမည်ပေးထားပြီး Cultural Heritage Initiative Tour လို့ အမည်ရပါတယ်။

    “ရန်ကုန်မြို့မှာ မတူကွဲပြားတဲ့ ဘာသာရေးတွေ ယဉ်ကျေးမှုတွေ ဓလေ့ထုံးတမ်းစဉ်လာတွေက ရန်ကုန်မြို့က အစဉ်အလာနဲ့ရှိနေတဲ့ မြို့ဖြစ်တယ်။ လက်ရှိလဲ တွေ့နေရတယ်။ ဘာစဉ်းစားမိလဲဆိုတော့ ဒီလိုအဆောက်အဦးတွေ ဒီလိုအစဉ်အလာတွေကို လူတွေသိလားဆိုပြီးတော့ ကိုယ်နဲ့သိတဲ့သူငယ်ချင်းတွေကို မေးကြည့်တော့ သူတို့တွေက အနည်းငယ်လောက်ပဲ သိကြတယ်။ အဆောက်အဦးတွေကိုလည်း သေချာမရောက်ဖူးကြဘူး။ ဂျူးဘုရားကျောင်းတို့ ဗလီတို့ဆိုတာ တော်ရုံမရောက်ဘူးကြဘူး။
    ဆိုတော့ ဒီအဆောက်အဦးတွေရဲ့ သမိုင်းကြောင်းကို လူတွေပိုပြီး သိလာအောင် အစီအစဉ်တစ်ခုလုပ်မလား ဆိုပြီး ကျွန်တော် စဉ်းစားကြည့်တော့ ကျွန်တော်တို့ စိတ်ဝင်စားတဲ့ လူငယ်တစ်စုကနေ စဖြစ်ခဲ့တာပါ” လို့ အဆိုပါ CHIT အဖွဲ့ကို စတင်တည်ထောင်သူတစ်ဦးဖြစ်တဲ့ ကိုဇော်ဝင်းညွန့်က ခုလိုစလုပ်ဖြစ်ခဲ့တဲ့ ရည်ရွယ်ချက်ကို ဆိုပါတယ်။

    ယင်းအဖွဲ့မှာ မည်သည့်အဖွဲ့အစည်း မည်သည့်လက်အောက်ခံမှ မဟုတ်ဘဲ စိတ်ပါဝင်စားတဲ့ လူငယ်တွေဝိုင်းပြီး ကိုယ့်ပိုက်ဆံကိုယ်စိုက်ပြီး လုပ်နေကြတာလို့လည်း သိရပါတယ်။

    ” လူငယ်တွေကြားမှာ နားလည်မှု ယုံကြည်မှုတွေ တိုးလာမယ်။ ပြီးတော့ ကိုယ်မသွားဘူးတဲ့နေရာတွေကို အားလပ်ရက်မှာ ရောက်ဖူးမယ်။ ဗဟုသုတတွေ တိုးပွားမယ်။ ဒါလေးတွေ ရလာဖို့ပဲ ဒီအစီအစဉ်ကနေ မျှော်လင့်ပါတယ်။” လို့ ကိုဇော်ဝင်းညွှန်က
    ဆက်လက်ပြောဆိုခဲ့ပါတယ်။

    ဖေဖော်ဝါရီလ (၁၂) ရက်နေ့က ပထမဆုံးအကြိမ်စတင်ပြုလုပ်ခဲ့ပြီး ဆူးလေစေတီတော်၊ ချာ့ခ်ျကျောင်း၊ မဂိုရှီအာဗလီ ဝတ်ကျောင်းတော်တို့ကို သွားရောက်လေ့လာခဲ့ကြပါတယ်။ ယခု ဒုတိယအကြိမ်မှာတော့ ကာလီမမယ်တော် ဘုရားကျောင်း၊ ဂျူးဘုရားကျောင်းတို့ကို သွားရောက် လေ့လာလည်ပတ်ခဲ့ကြတာ ဖြစ်ပါတယ်။

    “တော်တော်များများက ရန်ကုန်မှာ ဂျူးဘုရားကျောင်းရှိတယ်ဆိုတာကို မသိကြဘူး။ ခုလို လာကြတာကို ကျေးဇူးတင်တယ်။ ဒီအချိန် ဘာသာရေးနဲ့ပတ်သက်ပြီး မြန်မာပြည်အတွက် အရေးကြီးဆုံးအချိန် ဖြစ်ပါတယ်။
    ခုလို မရောက်ဖူးသေးတဲ့နေရာတွေကို ရောက်ပြီး ဒီနေရာတွေရဲ့ အကြောင်းကို သိသွားတဲ့အခါ အများကြီး ဗဟုသုတတွေ ရပါတယ်။” လို့ ဂျူးဘုရားကျောင်းမှ လူငယ်ခေါင်းဆောင်တစ်ဦးဖြစ်သူ Sammy Samuels က ပြောပါတယ်။

    အဆိုပါ CHIT အဖွဲ့မှာ တစ်လလျှင် နှစ်ကြိမ် အနည်းဆုံး အားလပ်ရက်များတွင် ရန်ကုန်မြို့မှာရှိတဲ့ ယဉ်ကျေးမှုအဆောက်အအုံတွေကို သွားရောက်လေ့လာကြမည်ဖြစ်ပြီး စိတ်ဝင်စားသူ မည်သူမဆို ပူးပေါင်းပါဝင်နိုင်ကြောင်း ၎င်းတို့ရဲ့ လူမှုကွန်ယက်စာမျက်နှာပေါ်မှာလည်း ရေးသားဖော်ပြထားပါတယ်။

  • IS အဖွဲ့ကို အမေရိကန်နဲ့ ဗြိတိန်တို့ ကျူးကျော် ဆင်နွှဲခဲ့တဲ့ အီရတ်စစ်ပွဲက မွေးဖွားပေးခဲ့

    IS အဖွဲ့ကို အမေရိကန်နဲ့ ဗြိတိန်တို့ ကျူးကျော် ဆင်နွှဲခဲ့တဲ့ အီရတ်စစ်ပွဲက မွေးဖွားပေးခဲ့

    နိုဝင်ဘာ ၁၆ ၊ ၂၀၁၅
    M-Media
    မိုးဝေ တင်ဆက်သည်။
    syria cartoon3
    – ပြီးခဲ့တဲ့လက CNN နဲ့ အင်တာဗျူးမှာ ဗြိတိန်ဝန်ကြီးချုပ်ဟောင်း တိုနီဘလဲရဲ့  အီရတ်စစ်ပွဲမှာ သူတို့မှားခဲ့ကြောင်း ၀န်ခံမှုက တော်တော်လေး တာသွားခဲ့ပြီး အီရတ်စစ်ပွဲသာ မရှိခဲ့ဘူးဆိုရင် IS အကြမ်းဖက်အဖွဲ့လည်း ပေါ်ထွက်မလာဘူးဆိုတာကို သွယ်ဝိုက် ၀န်ခံလိုက်တာလည်း ဖြစ်ပါတယ်။

    အခုအချိန်အထိတော့ ဘလဲဟာ အီရတ်စစ်ပွဲနဲ့ IS အဖွဲ့ရဲ့ ဆက်စပ်မှုကို ငြင်းဆိုထားပြီး အနောက်နိုင်ငံတွေက စစ်တပ်တွေ စေလွှတ်ခဲ့တဲ့ အဲဒီစစ်ပွဲကို ခြေစုံပစ်ဝင်ခဲ့တာဟာ စစ်သွေးကြွတွေရဲ့ လုပ်ရပ်တွေကို တိုက်ဖျက်ဖို့နဲ့ အနောက်နိုင်ငံနဲ့ မပြေလည်မှုကြောင့် ဆက်ဒမ်ဟူစိန်က အဲဒီ စစ်သွေးကြွတွေကို လက်နက်တစ်ခုအနေနဲ့ သုံးစွဲခြင်းကနေ တားဆီးဖို့သာ ဖြစ်ခဲ့တယ်လို့ အခိုင်အမာ ဆိုနေတုန်းပါပဲ။

    ၁၂ နှစ်ကြာခဲ့တဲ့ အခုအချိန်မှာတော့ အဲဒီအချက် ၂ ချက်စလုံး လုံးလုံးကြီး မှားခဲ့တယ်ဆိုတာကို တွေ့မြင်နေကြရပါပြီ။ အီရတ်နိုင်ငံကို ဗြိတိန်တပ်တွေ ခြေချပြီး ၆ လအတွင်းမှာပဲ ရာမာဒီမှာ ပုန်းခိုနေကြတဲ့ စစ်သွေးကြွတွေကို တိုက်ခိုက်ဖို့အတွက် SAS တပ်ဖွဲ့ကို ဘဂ္ဂဒတ် အနောက်ပိုင်း ဆင်ခြေဖုံးဒေသကို စေလွှတ်ခဲ့ပါတယ်။ အဲဒီအချိန်တုန်းက အဲဒီ စစ်သွေးကြွတွေဟာ အမေရိကန်ရဲ့ ကျူးကျော်တိုက်ခိုက်မှုကြောင့် စွန်နီတွေရဲ့ မကျေမနပ်ဖြစ်မှုကို အခွင့်ကောင်းယူ စုစည်းထားတဲ့ နိုင်ငံခြားသားနဲ့ အီရတ်တိုက်ခိုက်ရေးသမား အုပ်စုလေးပါ။ ဆိုင်ကော်လို့ ခြုံပေါ်ရောက်လာတဲ့ ဒီအဖွဲ့လေးဟာ သိပ်မကြာခင်မှာ အီရတ်က အလ်-ကိုင်းဒါအဖွဲ့ ဖြစ်လာခဲ့ပြီး ၂၀၁၃ ခုနှစ် အလယ်ပိုင်းလောက်မှာတော့ IS အဖွဲ့အဖြစ် အသွင်ပြောင်းနိုင်ခဲ့ပါတယ်။

    အီအုပ်စုရဲ့ တစ်ဖြည်းဖြည်း ကြီးထွားလာမှု တစ်လျှောက်လုံးမှာ သူတို့နစ်နာတယ်လို့ ခံစားရတဲ့အချက်က လျော်ကန်ပါတယ်။ အများစုက အမေရိကန်နဲ့ ဗြိတိန်ရဲ့ ဒီကျူးကျော်တိုခိုက်မှုဟာ ဒေသတွင်းမှာရှိတဲ့ တရားဥပဒေစိုးမိုးမှုကို ပျက်ပြားစေတယ်။ စွန်နီတွေရဲ့ အုပ်ချုပ်မှုကို ပျက်သုဉ်းစေပြီး၊ ပြိုင်ဘက် ရှီအာအုပ်စုက သူတို့နေရာကို ၀င်ယူဖို့ အခွင့်အရေး ရလိုက်တယ်။ စသဖြင့် ဒီလို ယုံကြည်ကြပါတယ်။ ဆုံးရှုံးမှုတွေ ကြီးလွန်းပါလားလို့ သူတို့ရဲ့အတွေးက နက်ရှိုင်းလာပြီး စွန်နီအများစုက အမေရိကန်နဲ့ ဗြိတိန်ဟာ သူတို့လုပ်နေတာကို သူတို့ အတိအကျ သိပြီးဖြစ်ရမယ်လို့ ယုံကြည်လာကြပါတယ်။

    ဒီအမြင်တွေကြောင့် ဆွန်နီတွေရဲ့ ခုခံမှုဟာ ကျယ်ကျယ်ပြန့်ပြန့် ဖြစ်လာပါတော့တယ်။ နောက်ပြီး အလုပ်လက်မဲ့ဖြစ်ရတာ၊ ဂုဏ်သိက္ခာနဲ့ ပိုင်ဆိုင်မှုတွေ ဆုံးရှုံးရတာကြောင့် မကျေမချမ်းဖြစ်နေသူတွေ၊ အစ္စလာမ်သာသနာက ဗျာဒိတ်တွေအရ ဒီစစ်ပွဲဟာ ဖြစ်လာတယ်လို့ ယုံကြည်ကြတဲ့ စစ်သွေးကြွတွေဟာလည်းဒီလှုပ်ရှားမှုထဲမှာ ပါဝင်လာပါတယ်။ ရှုပ်ထွေးပွေလီလှတဲ့ အီရတ်နိုင်ငံရေးအခြေအနေနဲ့အတူ အဲဒီ စစ်သွေးကြွတွေဟာ သြဇာလွှမ်းမိုးလာခဲ့ပြီး ဆီးရီးယား မငြိမ်မသက်ဖြစ်လာတဲ့အခါမှာတော့ အဲဒီမှာလည်း သြဇာကြီးထွားလာပါတယ်။

    မှားမှားမှန်မှန် – အရှေ့အလယ်ပိုင်းက ဆွန်နီတွေကတော့ ဂျော့ဂ်ျဘုရ်ှရဲ့ ကျူးကျော်တိုက်ခိုက်မှုမှာ ပါဝင်ဖို့ ဘလဲရဲ့ဆုံးဖြတ်ချက်ဟာ အီရန်နိုင်ငံအတွက် ချက်ကောင်းဖြစ်ခဲ့ပြီး တစ်ချိန်ကရှိခဲ့တဲ့ ပါရှန်တွေရဲ့သြဇာ ပြန်လည် ရယူဖို့ လမ်းဖွင့်ပေးလိုက်တာလို့ ယုံကြည်နေကြပါတယ်။ ဒါမျိုးယုံကြည်တာက အကြောင်းမဲ့တော့ မဟုတ်ပါဘူး။ ဆက်ဒမ်ရဲ့ သြဇာလွှမ်းမိုးမှုကို အဆုံးသတ်ဖို့ ဘာ့သ်ပါတီကို ဖြိုခွဲတာ၊ စွန်နီတွေအပေါ်မှာ ဖိနှိပ်ချုပ်ချယ်တာနဲ့ ရှီအာလူမျိုးကြီးဝါဒီ ကျောထောက်နောက်ခံကနေ လာသူတွေကို အီရတ်ခေါင်းဆောင်တွေအဖြစ် အမေရိကန်ရဲ့ မဟာမိတ်တွေက သွတ်သွင်းပေးတာတွေကို ထောက်ပြခဲ့ပါတယ်။

    စွန်နီတွေ နာကျည်းမှုပိုဖြစ်စေပြီး IS ထွက်ပေါ်လာခြင်းနဲ့ တိုက်ရိုက်ဆက်စပ်နေတဲ့ ကိစ္စတစ်ခုကတော့ အမေရိကန်က ဦးစီးတဲ့ အကျဉ်းထောင် စနစ်ပါပဲ။ အဘူရာအစ်ဘ်မြို့က အဲဒီအကျဉ်းထောင်ဟာ အလွန်ဆိုးရွားတဲ့ ကျူးလွန်မှုတွေနဲ့ စတင်ခဲ့ပြီး အဓိက လူမျိုးစုနှစ်ခုက လူ အစုလိုက်အပြုံလိုက် ထိန်းသိမ်းထားတဲ့ နေရာ ဖြစ်လာခဲ့ပါတယ်။ စွန်နီ ဂျီဟတ်ဝါဒီတွေကတော့ အဲဒီအကျဉ်းထောင်စနစ်ဟာ သူတို့လူစုဖို့ အထိရောက်ဆုံး လက်နက်တစ်ခု ဖြစ်ခဲ့တယ်လို့ ဆိုပါတယ်။

    IS ရဲ့ အကြီးတန်းတပ်မှူးတစ်ယောက်က သူနဲ့ အကြီးတန်းခေါင်းဆောင်ပိုင်းတွေ တစ်ပေါင်းတည်း ထိန်းသိမ်းခံခဲ့ရတဲ့ နိုင်ငံတောင်ပိုင်းက ကမ့်ဘက်ကာ အကျဉ်းထောင်သာ မရှိခဲ့ဖူးဆိုရင် ဒီနေ့ IS ဆိုတာ ရှိလာမှာမဟုတ်ဖူးလို့ Guardian ကို ပြောခဲ့ပါတယ်။

    “အဲဒီအကျဉ်းထောင်က အားလုံးကို လုပ်ပေးလိုက်တာပါ။ ကျွန်တော်တို့ရဲ့ အယူအဆကို တည်ဆောက်ပေးလိုက်တာပါ” လို့ ဆိုပြီး ဒီလို ပြီးပြည့်စုံတာမျိုး ဘဂ္ဂဒတ်မှာ မရနိုင်သလို၊ ဘယ်မှာမှလည်း မရနိုင်ဘူးလို့ ပြီးခဲ့တဲ့ ဒီဇင်ဘာမှာ ပြောကြားခဲ့ပါတယ်။

    “အဲဒီနေရာဟာ အန္တရာယ်ရှိတဲ့ နေရာမဟုတ်သလို၊ လုံခြုံတဲ့နေရာမျိုးလည်း မဟုတ်ပါဘူး။ ဒါပေမယ့် ကျွန်တော်တို့ဟာ အလ်-ကိုင်းဒါး ခေါင်းဆောင်ပိုင်းနဲ့ မီတာအနည်းငယ် ဝေးတဲ့နေရာမှာ ရှိနေခဲ့တာပါ”

    ၂၀၀၅ ခုနှစ် အီရတ်နိုင်ငံ ၀ရုန်းသုန်းကားဖြစ်တဲ့အချိန်မှာတော့ ဂိုဏ်းဂနကွဲမှု အခြေအနေတွေက သိသိသာသာ ဖြစ်လာပါတယ်။ စွန်နီစစ်သွေးကြွတွေက အချိန်ကို ကောင်းကောင်းအသုံးချနိုင်ခဲ့ပေမယ့် အောင်မြင်မှုတော့ မရခဲ့ပါဘူး။ ၂၀၀၆ ခုနှစ် အီရတ် တိုင်းရင်းသားခေါင်းဆောင်တွေက အမေရိကန်တပ်ဖွဲ့နဲ့ပေါင်းပြီး သူတို့ကို ပြန်တိုက်တဲ့အခါမှာတော့ စစ်သွေးကြွအဖွဲ့လည်း အစိတ်စိတ်အမွှာမွှာ ဖြစ်ခဲ့ပါတယ်။

    အမေရိကန်တပ်ဖွဲ့တွေ ထွက်သွားပြီး၊ အာရပ်နွေဦးတော်လှန်ရေးဖြစ်ခဲ့တဲ့ ၂၀၁၁ နောက်ပိုင်းနှစ်တွေမှာ ISIS အဖွဲ့ဟာ လွန်ခဲ့တဲ့ ၈ နှစ် ဗြိတိန်နဲ့ အမေရိကန်စစ်တပ်တွေက ဘာဆာရာကနေ မြောက်ဘက်ကို ရွှေ့သွားကတည်းက မဖြေရှင်းနိုင်ဘဲ ကျန်ရစ်ခဲ့တဲ့ အီရတ်ပြည်သူတွေရဲ့ နာကျည်းချက်တွေကို အသုံးချနိုင်ခဲ့ပါတယ်။

    စစ်သွေးကြွတွေက ဗြိတိန်နဲ့ အမေရိကန်တို့ ဦးဆောင်တဲ့ ဒီကျူးကျော်မှုကြောင့် အခုထက်ထိ ဒီလိုတွေ ခံစားနေရတာဖြစ်တယ်လို့ စည်းရုံးခဲ့ပြီး အဲဒါကလည်း တော်တော်လေး တာသွားခဲ့ပါတယ်။

    ဒီလို မျှော်လင့်ချက်မဲ့တဲ့အချိန်မှာ သိက္ခာကင်းမဲ့မှု၊ တရားမဲ့မှုတွေကို လက်တဖက်ကနေ ကြံ့ကြံ့ခံပြီး၊ နောက်တစ်ဖက်က ဆုံးရှုံးသွားတဲ့ ဂုဏ်သိက္ခာကို ပြန်ယူဖို့ ကြိုးစားရတော့မယ်လို့ ဆိုလိုက်ခြင်းဟာ IS အဖွဲ့က ခွချက် ချက်လိုက်ခြင်းသာ ဖြစ်ပါတယ်။

    ဒီသဘောထားတွေဟာ အခုအချိန်အထိ IS ရဲ့ လူစုတဲ့ နည်းလမ်းမှာ တော်တော်လေးကို အသုံးဝင်တဲ့ သဘောထားတွေပါပဲ။ အီရန်က စစ်ဘက်ဆိုင်ရာနဲ့ နိုင်ငံရေးအအရ သြဇာလွှမ်းမိုးထားနိုင်တဲ့ ဆီးရီးယားနဲ့ လက်ဘနွန်တို့မှာလည်း သူတို့အဖွဲ့က တော်တော် ခရီးရောက်နေပြီဖြစ်ပါတယ်။ တစ်ကယ်လို့များ အီရတ်စစ်ပွဲသာ မရှိခဲ့ဖူးဆိုရင်တော့ ဒါမျိုးတွေလည်း ဖြစ်လာဖို့ အကြောင်းမရှိပါဘူး။

    ဘဂ္ဂဒတ်မှာနေထိုင်သူ စွန်နီတစ်ဦးဖြစ်တဲ့ ဂျီဟဒ်မိုဟာနဒ်ကတော့ အီရတ်ကျူးကျော်စစ်ဟာ မှားယွင်းခဲ့တယ်လို့ ဘလဲရဲ့ ၀န်ခံမှုဟာ မထင်မှတ်ဘဲ ဖြစ်လာတာဆိုတာ ထင်ရှားတယ်လို့ ဆိုပါတယ်။

    “အခြားတစ်ဖက်ကနေ ကောက်ချက်ချဖို့တော့ လုံးဝ မဖြစ်နိုင်ပါဘူး။ အမေရိကန်နဲ့ ဗြိတိန်ရဲ့ ကျူးကျော် တိုက်ခိုက်မှု မရှိဘဲနဲ့ IS ဆိုတာ ရှိမလာနိုင်ပါဘူး။ ဒါက သိပ်ကိုရှင်းပါတယ်” လို့ ပြောကြားခဲ့ပါတယ်။

     

    ref: theguardian

  • ဖြောင့်မတ်သော မီဒီယာ ဆိုရာဝယ်…

    ဖြောင့်မတ်သော မီဒီယာ ဆိုရာဝယ်…

    နိုဝင်ဘာ ၁၇ ၊ ၂၀၁၄
    M-Media
    .ဆွေမွန်ရေးသည်။
    Democracy Today
    ကမ္ဘာ့ သမ္မတလို့ ခေါ်တွင်နိုင်တဲ့ အမေရိကန်သမ္မတ အိုဘားမားဟာ မြန်မာနိုင်ငံကို သူရဲ့သမ္မတသက်တမ်းအတွင်း ဒုတိယအကြိမ်မြောက် အဖြစ် ရောက်လာခဲ့ပါတယ်။ နေပြည်တော် ထိပ်သီး အစည်းအဝေးတွေ အပြီး မြန်မာပြည်သူ ပြည်သားတွေရဲ့ စိတ်နှလုံးကို ဆွဲယူသိမ်းပိုက်နိုင်ခဲ့တဲ့နေ့ကတော့ ရန်ကုန်ကို လာခဲ့တဲ့ နိုဝင်ဘာ ၁၄ ရက်နေ့ ဖြစ်ခဲ့ပြီး သူ့ရဲ့သတင်းဟာ မြန်မာ့ အွန်လိုင်းမီဒီယာ စာမျက်နှာ အားလုံးထက်မှာ နေရာအပြည့်ယူခဲ့ပါတယ်။

    တိုက်ရိုက်သတင်းယူကြတဲ့ သတင်းထောက်တွေရဲ့ တင်ဆက်မှုအရသော်လည်းကောင်း၊ ပြည်သူတွေရဲ့ CJ ကိုယ်တိုင် သတင်းတင်ဆက်မှု အရသော်လည်းကောင်း၊ အမေရိကန်သံရုံး ရန်ကုန်ဖေ့စ်ဘုတ် စာမျက်နှာရဲ့ မျက်ခြေမပြတ် သတင်း တင်ဆက်နိုင်မှုတွေအပြင် အမေရိကန်နိုင်ငံ အိမ်ဖြူတော် သတင်းဝက်ဘ်ဆိုဒ်မှ တိုက်ရိုက် တင်ဆက်မှုတွေကြောင့် သတင်းစဉ် ဆက်မပြတ် သိခွင့်ရခဲ့ကြတဲ့အပြင် စိန်ရတုခန်းမမှာ ပြုလုပ်ခဲ့တဲ့ အမေရိကန်သမ္မတ အိုဘားမားရဲ့ အာဆီယံတိုင်းပြည်များမှ လူငယ်တွေနဲ့ တိုက်ရိုက် ထိတွေ့ခဲ့မှုတွေဟာ မြန်မာပြည်သူ ပြည်သားတွေအတွက် အင်မတန် ကြည်နူးစရာ၊ အားတက်စရာ၊ မျှော်လင့်ချက်ရောင်ခြည် သန်းစရာ ကာလအဖြစ် သမိုင်းမော်ကွန်းတင်နိုင်ခဲ့ပါတယ်။

    အမေရိကန်သမ္မတအိုဘားမားရဲ့ နိုဝင်ဘာ ၁၄ စိန်ရတုခန်းမ မိန့်ခွန်းနဲ့ အမေးအဖြေတွေဟာ မြန်မာ့ခေါင်းဆောင်တွေနဲ့ မြန်မာပြည်သူပြည်သားကြားမှာ တစ်ကြိမ်တစ်ခါမှ မဖြစ်ထွန်းဖူးတဲ့ ဒီမိုကရက်တစ် ယဉ်ကျေးမှုတစ်ခုကို ညင်ညင်သာသာချပြပေးခဲ့သလို ပြည်သူအားလုံးနီးနီးကို မျှော်လင့်စရာ လုပ်ဆောင်စရာတွေ ဘာတွေကျန်နေသေးတယ်ဆိုတာ မီးမောင်းထိုးပြခဲ့တဲ့ ခရီးစဉ်တစ်ခုအဖြစ် ပြည်သူပြည်သားအများစုက နားလည်လက်ခံကြပါတယ်။

    အမေရိကန်သမ္မတအိုဘားမားရဲ့ နိုဝင်ဘာ ၁၄ စိန်ရတုခန်းမ မိန့်ခွန်းနဲ့ အမေးအဖြေတွေကို တိုက်ရိုက်နားထောင်ခဲ့ရသူတွေဟာ ဘာတွေ မေးကြ ပြောကြတယ်ဆိုတာကို သိခွင့် ရကြပေမယ့် တစ်ချို့လူတွေအတွက်ကတော့ နောက်နေ့ထုတ် သတင်းစာ၊ ဂျာနယ်တွေရဲ့ ဖြတ်ကတ်ညှပ် သတင်းတွေကိုပဲ ဖတ်ခွင့်ရခဲ့ကြပါတယ်။ အမေရိကန်သမ္မတအိုဘားမားရဲ့ နိုဝင်ဘာ ၁၄ စိန်ရတုခန်းမ မိန့်ခွန်းနဲ့ အမေးအဖြေတွေကို တ၀က်တပျက်ဖော်ပြတဲ့ 7 Days Daily သတင်းစာ၊ အမေရိကန်သမ္မတ အိုဘားမားရဲ့မိန့်ခွန်းလို့ ခေါင်းစဉ်တပ်ပြီး အပြည့်အစုံ မဖော်ပြခဲ့တဲ့ Democracy Today သတင်းစာတွေရဲ့ လုပ်ရပ်ကတော့ ကျွန်တော့်အတွက် အံ့သြစရာ ဖြစ်စေပါတယ်။

    ဒီလောက်တစ်ကမ္ဘာလုံး သိနေတဲ့ ကိစ္စတစ်ခုကို နည်းနည်းလေးဖြစ်စေ ဖုံးကွယ်ဖော်ပြလိုစိတ်ဟာ မြန်မာမီဒီယာတွေမှာ ခုချိန်ထိ ဘာကြောင့်များ ရှိနေရသေး သလဲဆိုတဲ့ မေးခွန်းဟာ စိတ်ထဲမှာ အရှိန်အဟုန်နဲ့ ဖြစ်ပေါ်ခဲ့ပါတယ်။ သတင်းစာတွေဟာ တိုင်းပြည်ရဲ့ နား မျက်စိ ဖွင့်ပေးတဲ့ အရာတွေဖြစ်ပါတယ်။ ပြည်သူပြည်သားတွေရဲ့ မျက်စိ နား ဖွင့်ပေးရမယ့်နေရာမှာ မျက်စိနား ကြီးအောင် လုပ်ပေးရမယ့် လူတွေကိုယ်တိုင်က သတင်းအပြည့်ပေးနိုင်ပါလျှက် ပေးခွင့်ရှိပါလျှက် သိစေချင်တာလောက်ကိုပဲ တ၀က်တပျက်ဖော်ပြ၊ မသိစေချင်တာကို အတင်းလိုက်ဖုံး သတင်းဆိုလိုရင်းကို မှေးမှိန်ဝါးချ လုပ်နေတာဟာ ဒီမိုကရေစီစနစ်ကို သွားနေပါပြီလို့ ကြွေးကြော်နေတဲ့ နိုင်ငံတစ်ခုက မီဒီယာတွေရဲ့ ကျင့်ဝတ် မဖြစ်သင့်တော့ပါဘူး။

    အမေရိကန်သမ္မတအိုဘားမားရဲ့ နိုဝင်ဘာ ၁၄ စိန်ရတုခန်းမ မိန့်ခွန်းနဲ့ အမေးအဖြေတွေအပြည့်အစုံဖြစ်တဲ့ အမေရိကန်အစိုးရက တရားဝင် ထုတ်ပြန်ထားတာကို ဒီနေရာ ( http://whitehouse.gov/the-press-office/2014/11/14/remarks-president-obama-young-southeast-asian-leaders-initiative-town-ha ) မှာ တွေ့နိုင်ပါတယ်။ Democracy Today သတင်းစာမှာ ဖော်ပြထားတဲ့ အမေရိကန် သမ္မတအိုဘားမားရဲ့မိန့်ခွန်းဖြတ်ကပ်ညှပ်သတင်းကို နိုဝင်ဘာ ၁၅ နေ့ထုတ် သတင်းစာ စာမျက်နှာ ၁၆ နဲ့ ၁၇ မှာ SPECIAL REPORT ခေါင်းစဉ်နဲ့ တွေ့နိုင်သလို Yangon Media Group Facebook စာမျက်နှာမှာ Online သတင်းအဖြစ်လည်းတွေ့နိုင်ပါသေးတယ်။

    မီဒီယာလောကမှာ စာနယ်ဇင်းသမား ဖြစ်ဖို့ အနည်းဆုံး စာနယ်ဇင်းသင်တန်းတွေ၊ ကျင့်ဝတ်တွေ အများကြီး သင်ရ တက်ရ လိုက်နာရပါတယ်။

    စာနယ်ဇင်းသမား တစ်ယောက်က အနိမ့်ဆုံး ဘွဲ့ရ ပညာတတ် တစ်ယောက်လောက်တော့ ဖြစ်တာမို့ အင်္ဂလိပ်စာ ဘာသာပြန်တာ မှားစရာအကြောင်းလည်း မရှိရပါဘူး။ လိုသလို ဘာသာပြန်လို့ မရသလို ဆွဲယူ ဘာသာပြန်ခွင့်လည်း မရှိရပါဘူး။ အဓိက ထောက်ပြချင်တာက အဂတိတရား တစ်ချက်နဲ့မှ ငြိလို့ မရရပါဘူး။ ကြိုက်သည်ဖြစ်စေ၊ မကြိုက်သည် ဖြစ်စေ အမေရိကန်သမ္မတအိုဘားမားပြောတာကို အတတ်နိုင်ဆုံး မြန်မာဘာသာနဲ့ အနီးစပ်ဆုံး ဖြစ်ရအောင် ဘာသာပြန်ရမှာ ဖြစ်သလို အိုဘားမား ပေးချင်တဲ့ မက်ဆေ့ ဆိုလိုရင်းကိုလည်း တမင်လမ်းလွဲအောင် လုပ်ပစ်လို့ မရပါဘူး။ ဒီအချက်တွေဟာ မီဒီယာ သမားကောင်း တစ်ဦး လိုက်နာရမယ့် အနိမ့်ဆုံး ကျင့်ဝတ်တွေပဲ ဖြစ်ပါတယ်။

    Democracy Today သတင်းစာ ရဲ့ အမေရိကန်သမ္မတအိုဘားမားရဲ့မိန့်ခွန်းဖြတ်ကပ်ညှပ်သတင်းမှာ ဘာတွေ ဖြတ်ကပ်ညှပ်ခဲ့သလဲ ဆိုတာကို အမေရိကန်အစိုးရတရားဝင် ထုတ်ပြန်တဲ့ အိမ်ဖြူတော် ၀က်ဘ်ဆိုဒ်သတင်းနဲ့ နှိုင်းယှဉ်ပြချင်ပါတယ်။

    (၁) ပထမ ဖြတ်ကပ်ညှပ်
    ——————————-
    မိန့်ခွန်းအစမှာပဲ သမ္မတ အိုဘားမားက ဒီလို ပြောခဲ့ပါတယ်။

    PRESIDENT OBAMA: Myanmar Luu Ngae Myar Min Galarbar! (Applause.) It’s wonderful to be back in Myanmar. Everybody, please have a seat. Have a seat. Oh, we got some signs — “Reform is fake.” “Change…” — okay, well, you guys will have a chance to ask questions later. Yeah, you can put them away. That’s why we’re here — for a town hall. See, that’s the thing, when you have a town hall, you don’t have a protest because you can just ask the questions directly.

    မြန်မာလူငယ်များ မင်္ဂလာပါ။ (လက်ခုပ်သံများ) မြန်မာနိုင်ငံကို တစ်ခေါက်ပြန်ရောက်လာတာ ၀မ်းမြောက်စရာပါပဲ။ အားလုံးပဲ ထိုင်ကြပါ။ အို- ကျွန်တော် ဆိုင်းဘုတ်တွေ တွေ့တယ်- “ပြုပြင်ပြောင်းလဲရေးဆိုတာ အတုအယောင်” ဟိုတစ်ခု “အပြောင်းအလဲ” အိုကေ၊ ကောင်းပါပြီ။ ခင်ဗျားတို့အနေနဲ့ နောက်ပိုင်းမှာ မေးခွန်းမေးခွင့်ရမှာပါ။ အဲဒီ ဆိုင်းဘုတ်တွေကို ချထားပါဦး။ အမေးအဖြေတွေလုပ်ဖို့ ဒီကိုရောက်လာတာပါ။ ကြည့်စမ်းပါဦး။ အမေးအဖြေ လုပ်ပြီဆိုရင် ခင်ဗျားတို့ ဆန္ဒပြကြမှာမဟုတ်ဘူးလေ။ ဘာ့ကြောင့်လည်းဆိုတော့ ခင်ဗျားတို့ မေးခွန်းတွေ တိုက်ရိုက် မေးနိုင်တာကိုး။”

    ဆိုတဲ့ တစ်ပိုဒ်လုံးကို ရည်ရွယ်ချက်ရှိရှိ Democracy Today သတင်းစာက ဖြုတ်ချပစ်ခဲ့ပါတယ်။ ဘာကြောင့်ပါလဲ။ “ပြုပြင်ပြောင်းလဲရေးဆိုတာ အတုအယောင်” ဆိုတဲ့ စာသားကို သတင်းစာမှာ ထည့်သွင်းဖော်ပြရမှာကို “ကြောက်နေခဲ့တာလား” ဒါမှမဟုတ် “မီဒီယာအလုပ်ကို မီဒီယာလုပ်ဖို့ ၀န်လေးတွန့်ဆုတ်နေသလား” လို့ပဲ မေးချင် ပြောချင်ပါတယ်။ မိန့်ခွန်းမစခင် ခန်းမစင်မြင့်ရှေ့မှာပဲ သမ္မတအိုဘားမားကို မြန်မာလူငယ်အချို့က စာရွက်ကလေးတွေ ထောင်ပြခွင့် ရခဲ့ကြပါတယ်။ မိန့်ခွန်းအစမှာ ဖြစ်ပျက်ခဲ့တာကို တစ်ကမ္ဘာလုံးသိအောင် အိမ်ဖြူတော်က ထုတ်ပြန်ပေမယ့် မြန်မာသတင်းစာတစ်စောင်က မရ ရအောင် ဖုံးအုပ်ကာ ဖြတ်ကပ်ညှပ်ထုတ်ခဲ့ပါတယ်။ အံ့သြစရာပါ။

    (၂) ဒုတိယ ဖြတ်ကပ်ညှပ်
    ——————————-
    သမ္မတ အိုဘားမားက ဒီလို ပြောခဲ့ပါတယ်။

    As President of the United States, I’ve made it a priority to deepen America’s ties with Southeast Asia — in particular, with the young people of Southeast Asia. And I do this for reasons that go beyond the fact that I spent some of my childhood in Southeast Asia, in Indonesia.”

    အမေရိကန်ပြည်ထောင်စုရဲ့ သမ္မတ တစ်ယောက်အနေနဲ့ ကျွန်တော်ဟာ အမေရိကန်နဲ့ အရှေ့တောင်အာရှရဲ့ဆက်ဆံရေးကို နက်ရှိုင်းအောင် ဦးစားပေး ဆောင်ရွက်ခဲ့ပါတယ်။ အထူးသဖြင့် အရှေ့တောင်အာရှက လူငယ်တွေနဲ့ ဆက်ဆံရေးပေါ့ဗျာ- အရှေ့တောင်အာရှ နိုင်ငံတစ်ခုဖြစ်တဲ့ အင်ဒိုနီးရှားမှာ ကျွန်တော့်ရဲ့ ကလေးဘ၀ကို ကုန်ဆုံးခဲ့တယ်ဆိုတဲ့ အကြောင်းအရင်းတွေထက် ကျော်လွန်ပြီး ဒါကို လုပ်တာပါ။”

    Democracy Today သတင်းစာက ဒီလို ဘာသာပြန်ပါတယ်။

    အမေရိကန် သမ္မတတစ်ယောက်အနေနဲ့ ကျွန်တော်ပြောချင်တာက ဒီအရှေ့တောင်အာရှမှာရှိတဲ့ တိုင်းပြည်တွေက လူငယ်တွေအများကြီးနဲ့ ကျွန်တော်တို့ တွေ့ချင်ပါတယ်။ အများကြီးအဆက် အသွယ်လုပ်ချင်ပါတယ်။ ကျွန်တော်ရဲ့လူငယ် ဘဝ ကလေးဘဝတွေကို အရှေ့တောင်အာရှ တိုင်းပြည်တွေမှာ ကြီးပြင်းခဲ့ရပါတယ်။

    ဒီနေရာမှာ “အင်ဒိုနီးရှား” ဖြုတ်ညှပ်ခံရပြန်ပါတယ်။ ဘာကြောင့်ပါလဲ။ ဘာသာပြန်တာလည်း လွဲနေပါတယ်။ အမှန်က အင်္ဂလိပ်စာ မတတ်တာတော့ မဟုတ်လောက်ပါဘူး။ အင်ဒိုနီးရှားနိုင်ငံကို ဖြုတ်ခဲ့ရတဲ့ အကြောင်းရင်းကတော့ Democracy Today သတင်းစာအယ်ဒီတာတွေပဲ သိနိုင်ပါလိမ့်မယ်။

    (၃) တတိယ ဖြတ်ကပ်ညှပ်
    ——————————-
    သမ္မတ အိုဘားမားက ဒီလို ပြောခဲ့ပါတယ်။

    But I do it mainly because the 10 nations of ASEAN are home to about one in ten of the world’s citizens. About two-thirds of Southeast Asia’s population is under 35 years old. So this region — a region of growing economies and emerging democracies, and a vibrant diversity that includes oceans and islands, and jungles and cities, and peoples of different races and religions and beliefs — this region will shape the 21st century.

    “ဒါပေမယ့် အရှေ့တောင်အာရှနဲ့ ဒီလိုဆက်ဆံရေး ထူထောင်ရခြင်းဟာ အဓိကအားဖြင့်တော့ အာဆီယံက ကမ္ဘာ့လူဦးရေရဲ့၁၀ ပုံ ၁ ပုံ ရှိတာကြောင့်ပါ။ အရှေ့တောင်အာရှလူဦးရေရဲ့ သုံးပုံ နှစ်ပုံလောက်ဟာ အသက် ၃၅ နှစ်အောက် အရွယ်တွေပါ။ ပြီးတော့ ဒီဒေသဟာ စီးပွားရေးဖွံ့ဖြိုးနေတဲ့၊ ဒီမိုကရေစီထွန်းကားနေတဲ့၊ တောတောင်ရေမြေတွေ၊ ကျွန်းတွေ၊ မြို့ပြကြီးတွေ၊ မတူညီတဲ့ လူမျိုးတွေ၊ ဘာသာတရားတွေ၊ ယုံကြည်မှုတွေအပါအ၀င် မတူကွဲပြားမှုတွေနဲ့ အသက်ဝင်လှတဲ့ ဒေသလည်းဖြစ်ပါတယ်။ ဒီဒေသဟာ ၂၁ ရာစုကို ပုံဖော်ပေးမှာပါ။”

    Democracy Today သတင်းစာက မိန့်ခွန်းရဲ့ ဒီတစ်ပိုဒ်လုံးကို ဖြုတ်ချပစ်ပြန်ပါတယ်။ အံ့သြစရာ ဖြစ်ရပြန်ပါတယ်။ မတူညီတာကိုပဲ မနှစ်သက်လေသလားလို့ အတွေးဝင်မိစရာပါ။

    (၄) စတုတ္ထ ဖြတ်ကပ်ညှပ်
    ——————————
    သမ္မတ အိုဘားမားက ဒီလို ပြောခဲ့ပါတယ်။

    When I took office nearly six years ago, I said the United States would extend our hand to any nation willing to unclench its fist. And here, after decades of authoritarian rule, we’ve begun to see significant progress in just a few years.

    “လွန်ခဲ့တဲ့ ၆ နှစ်နီးပါးက ကျွန်တော်သမ္မတ စဖြစ်တဲ့အခါ အမေရိကန်ဟာ လက်သီးဆုပ်ဖြေဖို့ ဆန္ဒရှိတဲ့ နိုင်ငံတွေနဲ့ ဆက်ဆံရေး ချဲ့ထွင်သွားရမယ်လို့ ကျွန်တော်ပြောခဲ့ပါတယ်။ ဒီမှာဆိုရင် ဆယ်စုနှစ်များစွာ အာဏာရှင်ဆန်တဲ့ အုပ်ချုပ်ရေးရှိခဲ့ပြီးတဲ့နောက် နှစ်အနည်းငယ်အတွင်းမှာ သိသာတဲ့ တိုးတက်မှုကို ကျွန်တော်တို့ စမြင်ရပါပြီ။”

    Democracy Today သတင်းစာက မိန့်ခွန်းရဲ့ ဒီတစ်ပိုဒ်လုံးကို ၀ါးချ ရောချပြီး ဘာသာပြန်ပစ်ပြန်ပါတယ်။ သူ့လက်ရာက ဒီလိုပါ။

    “လွန်ခဲ့တဲ့ ခြောက်နှစ်လောက်က ကျွန် တော် သမ္မတအဖြစ် တာဝန်ယူတဲ့အခါမှာ ကျွန်တော် ဘာပြောခဲ့သလဲဆိုတော့ ကျွန် တော်ဟာ ကမ္ဘာကြီးပေါ်မှာ တကယ့်ပြောင်းလဲ တိုးတက်မှုတွေနဲ့ ဖြစ်လာရမယ်၊ နောက်တစ်ခါ မြန်မာပြည်မှာလဲ တိုးတက်မှုတွေရှိလာရမယ်။ မြန်မာပြည်ဟာ ကမ္ဘာထဲမှာ အလားအလာ ကောင်းတဲ့တိုင်းပြည်တစ်ခုအနေနဲ့ ဖြစ်ပါတယ်။”

    “decades of authoritarian rule ဆယ်စုနှစ်များစွာ အာဏာရှင်ဆန်တဲ့ အုပ်ချုပ်ရေး” ဆိုတဲ့အသုံးအနှုန်းကို Democracy Today သတင်းစာက ဘာကြောင့် လက်ရှောင်ရပါသလဲ။ အံ့သြစရာ ဖြစ်ရပြန်ပါတယ်။

    (၅) ပဉ္စမ ဖြတ်ကပ်ညှပ်
    —————————
    သမ္မတ အိုဘားမားက ဒီလို ပြောခဲ့ပါတယ်။

    On this visit, I’ve met separately with President Thein Sein and Daw Aung San Suu Kyi, as well as members of parliament, and civil society leaders. And we discussed key reforms that have to be made to ensure that human rights and freedoms are respected, and the people of this country can reach for their rightful place in the region and the world.

    “ဒီတစ်ခေါက်အလည်ခရီးမှာ ကျွန်တော်ဟာ သမ္မတဦးသိန်းစိန်၊ ဒေါ်အောင်ဆန်းစုကြည်၊ အဲဒီလိုပဲ လွှတ်တော်ကိုယ်စားလှယ်တွေ၊ အရပ်ဖက်အဖွဲ့စည်းက ကိုယ်စားလှယ်တွေနဲ့ သီးခြားစီတွေ့ဆုံခဲ့ပါတယ်။ ပြီးတော့ မဖြစ်မနေလုပ်ရမယ့် ပြုပြင်ပြောင်းလဲမှုဖြစ်တဲ့ လူ့အခွင့်အရေးနဲ့ လွတ်လပ်မှုကို လေးစားဖို့အကြောင်းတွေ၊ ဒီနိုင်ငံ ပြည်သူတွေဟာ ဒေသတွင်းနဲ့ နိုင်ငံတကာမှာ နေရာမှန်ကို ရောက်နိုင်တယ်ဆိုတာတွေကိုလည်း ဆွေးနွေးခဲ့ကြပါတယ်။”

    Democracy Today သတင်းစာရဲ့ ဘာသာပြန်ချက်ကို သမ္မတဦးသိန်းစိန် မတွေ့သေးတာ သေချာပါတယ်။ သမ္မတဦးသိန်းစိန်သာ ဒီဘာသာပြန်ချက်ကို တွေ့ရင် သူ့အမည်နဲ့ သူ့လွှတ်တော်အမတ်တွေကို တမင်ဖြုတ်ချရကောင်းလား စွဲချက်ထပ်ထွက်လာစရာ ရှိနေပါပြီ။ Democracy Today သတင်းစာရဲ့ ဘာသာပြန်ချက်က ဒီလို လွဲချော်နေပြန်ပါတယ်။ ရောချရုံတင်မကဘဲ တလွဲတချော် ဘာသာပြန်တာကိုပါ ကွက်ကွက်ကွင်းကွင်း မြင်ရပြန်ပါတယ်။

    “ဒါကြောင့်မို့ ကျွန်တော်အနေနဲ့ ဒေါ်အောင် ဆန်းစုကြည်နဲ့ တွေ့တဲ့အခါမှာ ပါလီမန်မှာ လူထုအခြေပြုအဖွဲ့အစည်းတွေနဲ့ လူ့အခွင့်အ ရေးကိစ္စတွေ လူတိုင်းရရှိဖို့ လေးစားလိုက်နာဖို့ ဒီတိုင်းပြည်မှာ လုပ်ဆောင်သွားနိုင်ဖို့အတွက် နောက်တစ်ခါ ဒီဒေသထဲမှာ တစ်ကမ္ဘာလုံးအ တွက် ဘယ်လို ဆက်လုပ်သွားမလဲဆိုတာ ဆွေး နွေးခဲ့ပါတယ်။” လို့ သတင်းစာက ဘာသာပြန်ချခဲ့ပါတယ်။

    အံ့သြစရာ မြန်မာ့သတင်းစာတစ်စောင်ရဲ့ ဘာသာပြန်ချက်ဖြစ်ပါတယ်။ အင်္ဂလိပ်စာ အနည်းအကျဉ်းတတ်ရင်တောင် ဒီလို အမှားကျူးလွန်ဖို့ ခဲယဉ်းလွန်းလှပါတယ်။

    (၆) ဆဌမ ဖြတ်ကပ်ညှပ်
    —————————
    သမ္မတ အိုဘားမားက ဒီလို ပြောခဲ့ပါတယ်။

    Being able to look past the scars of violence takes courage. Securing the gains of freedom and democracy requires good faith and strength of will, and tolerance and respect for diversity, and it requires vigilance from all citizens. The American people know well that rights and freedoms are not given; they have to be won through struggle and through discipline, and persistence and faith. And it’s often young people who have led these struggles; who have compelled us to slowly but surely perfect our own union in America over time.

    Now, I understand there’s a Burmese saying. I’ve got to make sure that I say this right. Ngote mi thè daing — help me out. Is that right? — tet naing hpyar yauk. (Applause.)

    “အတိတ်က ဒဏ်ရာဒဏ်ချက်တွေကို ပြန်ကြည့်နိုင်ဖို့ သတ္တိတွေလိုပါတယ်။ လွတ်လပ်မှုနဲ့ ဒီမိုကရေစီကို သေသေချာချာရဖို့အတွက်ဆိုရင် ယုံကြည်မှုကောင်းတွေ၊ ပြင်းပြတဲ့ ဆန္ဒတွေ၊ မတူကွဲပြားမှုအပေါ်မှာ သည်းခံလေးစားတတ်တာမျိုးတွေလိုအပ်ပြီး နိုင်ငံသားအားလုံးက နိုးနိုးကြားကြားရှိဖို့လည်း လိုအပ်ပါတယ်။ လူ့အခွင့်အရေးတွေ၊ လွတ်လပ်မှုတွေဟာ ဒီအတိုင်းရလာတာမဟုတ်ဘဲ ရုန်းကန်ကြိုးစားမှု၊ စည်ကမ်းရှိမှု၊ မဆုတ်မနစ်ကြိုးစားမှုနဲ့ ယုံကြည်မှုတွေကနေတစ်ဆင့် ဒါမျိုးတွေရအောင် လုပ်ခဲ့ရတယ်ဆိုတာကို အမေရိကန်ပြည်သူတွေကတော့ ကောင်းကောင်းသိပါတယ်။ တစ်ခါတစ်ရံမှာ ဒီရုန်းကန်မှုတွေကို ဦးဆောင်တဲ့ ဒီလူငယ်တွေဟာ နှေးကွေးသွားအောင် အတင်းအကျပ်လုပ်ခဲ့တာမျိုးတွေလည်း ရှိပါတယ်။ ဒါပေမယ့် သေချာတာကတော့ အမေရိက က ကျွန်တော်တို့ရဲ့ ကိုယ်ပိုင်ပြည်ထောင်စုဟာ အချိန်နဲ့အမျှ ပြည့်စုံနေတာပါပဲ။
    အခု ကျွန်တော် မြန်မာစကားပုံတစ်ခုရှိတာကို သိထားပါတယ်။ ကျွန်တော် ပြောကြည့်ပါမယ်။ “ငုပ်မိသဲတိုင်……” လုပ်ပါဦး၊ မှန်ရဲ့လား “တက်နိုင်ဖျားရောက်” (လက်ခုပ်သံများ)”

    Democracy Today သတင်းစာရဲ့ ဗလုံးဗထွေး ဘာသာပြန်ချက်တွေဟာ ဘာကိုဆိုလိုမှန်း မသိရအောင် ထိမိနေပါတော့တယ်။ “တောင်းယူရပါမယ်၊ တိုက်ယူရပါမယ်၊” ဆိုတဲ့ အင်္ဂလိပ်ဝေါဟာရကို ရှာမတွေ့မပါဘူး။
    “အရင်တုန်းကဖြစ်ခဲ့တဲ့အကြမ်းဖက်မှု၊ ဒဏ်ရာဒဏ်ချက်တွေကိုမကြည့်ဘဲ ဒီမိုကရေ စီရဲ့ယုံကြည်မှုတွေကို တည်ဆောက်တဲ့နေရာ မှာ အားလုံးပါပြီးတော့ အားလုံးသောပြည် သူတွေအနေနဲ့ လုပ်ဆောင်ဖို့ ဒီအခွင့်အရေး တွေ လွတ်လပ်မှုတွေဆိုတာက ဒီအတိုင်းမရပါ ဘူး။ တောင်းယူရပါမယ်၊ တိုက်ယူရပါမယ်၊ ဒါကြောင့်မို့ ကျွန်တော့်အနေနဲ့ မြန်မာစကားပုံ တစ်ခုကို သိပါတယ်။ ငုတ်မိသဲတိုင် တက်နိုင် ဖျားရောက်ဖြစ်ပါတယ်။” လို့ လိုရင်းမရောက် ဘာသာပြန်ချက်တွေက အံ့သြစရာပါ။

    (၇) သတ္တမ ဖြတ်ကပ်ညှပ်
    ——————————-
    သမ္မတ အိုဘားမားက ဒီလို ပြောခဲ့ပါတယ်။

    That’s why I’ve come and visited twice in the last few years, because we see a future where democratic institutions can be accountable and responsive; where political activists are free; where elections are fair; where journalists can pursue the truth; where ethnic minorities can live without fear.

    “ဒါ့ကြောင့်လည်း ပြီးခဲ့တဲ့ နှစ်တွေမှာ ၂ ကြိမ် လာရောက်ခဲ့တာပါ။ တာဝန်ခံနိုင်ပြီး အရာဝင်တဲ့ ဒီမိုကရေစီ အသင်းအဖွဲ့တွေ ရှိတဲ့နိုင်ငံမျိုး၊ နိုင်ငံရေးတက်ကြွလှုပ်ရှားသူတွေ လွတ်လပ်စွာ လှုပ်ရှားခွင့်ရတဲ့ နိုင်ငံမျိုး၊ မျှတတဲ့ရွေးကောက်ပွဲတွေ ကျင်းပတဲ့ နိုင်ငံမျိုး၊ ဂျာနယ်လစ်တွေ အမှန်တရားကို ဖော်ပြနိုင်တဲ့ နိုင်ငံမျိုး၊ လူနည်းစုတွေ ကြောက်ရွံ့မှုကင်းစွာ နေထိုင်နိုင်တဲ့ နိုင်ငံမျိုး ဖြစ်လာနိုင်တဲ့ အနာဂတ်ကို တွေ့မြင်နေရတာကြောင့်လည်း ပါပါတယ်။”

    Democracy Today သတင်းစာရဲ့ ဘာသာပြန်ချက်မှာ “သတင်းထောက်” ပြုတ်သွားပြန်တဲ့အပြင် “မဟာမိတ်ရွေးကောက်ပွဲ” ဆိုတဲ့ အသုံးအနှုန်းအတွက် အင်္ဂလိပ်စာလုံး ရှာမရခဲ့ပါဘူး။ Democracy Today သတင်းစာရဲ့ တလွဲတချော် ဘာသာပြန်တဲ့အပြင် ပြီးပြီးရော လုပ်ချတဲ့ စေတနာကို ကွက်ကွက်ကွင်းကွင်း မြင်ရပြန်ပါတယ်။

    “ဒါကြောင့် လွန်ခဲ့တဲ့နှစ်အနည်းငယ်ကတည်းက လာခဲ့တာပါ။ ဒါကြောင့် ဒီတိုင်းပြည်မှာရှိတဲ့ အခြေခံဥပဒေဟာ တာဝန်ခံမှုရှိရမယ်။ ဒါ ကြောင့် မဟာမိတ်ရွေးကောက်ပွဲတွေဟာ မျှတမှုရှိရမယ်၊ တိုင်းရင်းသားလူနည်းစုတွေ ဟာ ဆင်းရဲကြောင့်ကြမှုမရှိဘဲ နေနိုင်ရပါမယ်။” လို့ ဘာသာပြန်ခဲ့ပါတယ်။

    (၈) အဌမ ဖြတ်ကပ်ညှပ်
    —————————
    သမ္မတ အိုဘားမားက ဒီလို ပြောခဲ့ပါတယ်။
    La Min Oo uses his power to tell the story of his fellow Burmese. He studied at Gettysburg College in the United States. The transformation that he watched unfold through Facebook inspired him to return home and make an award-winning documentary about the plight of Burmese farmers. And he says, “My country has been closed so long, there are a lot of stories to be told.” So you young people have the chance to say — to tell those stories. You have the power to improve institutions that are very important for democratic governance, like civil society, and an impartial judicial, and a free press, and private enterprise. And there’s so much to build here. In countries like this, it’s critical that you get involved in that way.
    “လမင်းဦးဟာ သူ့နိုင်ငံက သူ့လူတွေအကြောင်းကို ပြောပြဖို့ ဒီစွမ်းအားကို အသုံးချခဲ့ပါတယ်။ သူဟာ အမေရိကန်က Gettysburg ကောလိပ်မှာ ပညာသင်ခဲ့ပါတယ်။ Facebook ကနေ သူစောင့်ကြည့်ခဲ့တဲ့ ပြောင်းလဲမှုတွေက သူ့ကို လှုံ့ဆော်ပေးခဲ့ပြီး မြန်မာနိုင်ငံကိုပြန်ကာ မြန်မာလယ်သမားတွေရဲ့ ဆင်းရဲဒုက္ခတွေအကြောင်း မှတ်တမ်း ရုပ်ရှင်ရိုက်ပြီး ဆုရတဲ့အထိ ဖြစ်စေခဲ့ပါတယ်။ သူက “ကျွန်တော့်တိုင်းပြည်ဟာ နှစ်ပေါင်းများစွာ ပိတ်ခံထားရပြီး ပြောရမယ့် အကြောင်းအရာတွေလည်း အများကြီးရှိနေပါတယ်” လို့ ပြောခဲ့ပါတယ်။ ဒါ့ကြောင့် ခင်ဗျားတို့လူငယ်တွေဟာ အဲဒီဇာတ်လမ်းတွေကို ပြောပြဖို့၊ ဖွင့်ချဖို့ အခွင့်အရေး ရှိနေပါတယ်။ ဒီမိုကရက်တစ်အစိုးရအတွက် အင်မတန်အရေးပါတဲ့ အသင်းအဖွဲ့တွေဖြစ်လာအောင်လုပ်ဖို့လည်း ခင်ဗျားတို့မှာ စွမ်းအားရှိနေပါတယ်။ အရပ်ဖက်အဖွဲ့တွေ၊ သမာသမတ်ကျတဲ့ တရားရေးအဖွဲ့တွေ၊ လွတ်လပ်တဲ့ စာနယ်ဇင်းအဖွဲ့တွေနဲ့ ကိုယ်ပိုင်လုပ်ငန်းတွေပါပဲ။ ဒါမျိုးတွေ ဒီမှာ အများကြီး ဖွဲ့စည်း တည်ဆောက်ရဦးမှာပါ။

    ဒီလိုတိုင်းပြည်မျိုးမှာ ခင်ဗျားတို့ဟာ ဒီလိုပါဝင်ပေးဖို့ အရေးကြီးပါတယ်။”

    Democracy Today သတင်းစာရဲ့ ဘာသာပြန်ချက်မှာ “လမင်းဦး” အမည်နဲ့ “အရပ်ဖက်အဖွဲ့တွေ၊ သမာသမတ်ကျတဲ့ တရားရေးအဖွဲ့တွေ၊ လွတ်လပ်တဲ့ စာနယ်ဇင်းအဖွဲ့တွေ” စတဲ့ အသုံးအနှုန်းတွေကို ရည်ွယ်ချက်ရှိရှိ်ဖြုတ်ထုတ်ပစ်တဲ့အပြင် အိုဘားမားဖြစ်စေချင်တဲ့ အချက်ကို တမင်လမ်းလွှဲ ၀ါးချပစ်ပါတယ်။

    သတင်းစာ ဘာသာပြန်ချက်က …

    ” မြန်မာလူငယ်တစ်ယောက် ပြည်ပမှာ ပညာလေ့လာခဲ့တယ်။ သူဒီကိုပြန် လာပြီးတော့ လယ်သမားတွေရဲ့ အကြောင်းကို Documentery ထုတ်ပြီးတော့ ဆုရခဲ့ပါတယ်။

    သူဘာပြောလဲဆိုတော့ ကျွန်တော့်တိုင်းပြည် ဟာ ဇာတ်လမ်းပေါင်းများစွာကို ပြောပြနိုင်တဲ့ အနေအထားတွေ ရှိပါတယ်။ ဒါကြောင့်မို့လို့ ဒီမှာရှိတဲ့လူငယ်တွေအနေနဲ့ ဒီဇာတ်လမ်း တွေကို တစ်ကမ္ဘာလုံးကို ပြောပြနိုင်မှာပါ။ ဒီလူငယ်တွေမှာ တကယ့်ကိုခွန်အားရှိပါတယ်။ ဒါဟာ ဘာလဲဆိုတော့ ဒီမိုကရက်တစ်အစိုးရ အတွက် သိပ်အရေးကြီးပါတယ်။ လူတန်းစား အတွက် သိပ်အရေးကြီးပါတယ်။ ဒါကြောင့် မို့လို့ ဒီလုပ်ငန်းတွေ၊ စီးပွားရေးလုပ်ငန်းတွေအ တွက်လဲ အရေးကြီးပါတယ်။ ဒီလိုတိုင်းပြည် မျိုးမှာ ဒါဟာ သိပ်ပြီးကို လူငယ်တွေအနေနဲ့ ပါဝင်နိုင်ခြင်းဟာ သိပ်ပြီး အရေးကြီးပါတယ်။” လို့ ဘာသာပြန်တင်ပြခဲ့ပါတယ်။

    (၉) န၀မ ဖြတ်ကပ်ညှပ်
    —————————
    သမ္မတ အိုဘားမားရဲ့ မိန့်ခွန်းအလယ်လောက်မှာ အမေရိကန်သမ္မတအိုဘားမားက ရိုဟင်ဂျာအမျိုးသမီး မဝေေ၀နုအမည်ကို အတိအကျဖော်ပြခဲ့ပြန်ပါတယ်။
    So Wai Wai Nu spent seven years of her youth behind bars as a political prisoner. And she called it her “university about life.” Today she uses that hard-earned degree to advocate for tolerance and acceptance, saying, “We too sacrificed many things for the same cause, that that is democracy.”
    “ဝေေ၀နုဟာ သူ့ရဲ့ လူငယ်ဘ၀ ၇ နှစ်တာကို နိုင်ငံရေးအကျဉ်းသားအဖြစ် သံတိုင်အနောက်မှာ ကုန်ဆုံးခဲ့ရပါတယ်။ ဒါကို သူကတော့ “ဘ၀တက္ကသိုလ်” လို့ သုံးနှုန်းခဲ့ပါတယ်။ ဒီကနေ့မှာတော့ အဲဒီဘ၀တက္ကသိုလ်က ခက်ခက်ခဲခဲရခဲ့တဲ့ ဒီဘွဲ့ကိုသုံးပြီး “ဒီမိုကရေစီဆိုတဲ့အကြောင်းအရာအတွက် ကျွန်မတို့ဟာလည်း အများကြီး စွန့်လွှတ်စတေးခဲ့ရပါတယ်” လို့ပြောရင်း သည်းခံမှုနဲ့ လက်သင့်ခံမှုတွေအတွက် ပညာပေးမှုတွေ ဆောင်ရွက်နေပါတယ်။”

    Democracy Today သတင်းစာရဲ့ ဘာသာပြန်ချက်မှာ “ဝေေ၀နု” အမည်ကို တမင်ဖြုတ်ချပြန်တဲ့အပြင် လိုရာဆွဲယူဘာသာပြန် ၀ါးချတဲ့အထိ ဘာသာပြန်သူရဲ့ မီဒီယာ ကျင့်ဝတ်သိက္ခာမဲ့မှုကို အဆုံးစွန်ထိ တွေ့မြင်ရပြန်ပါတယ်။ သတင်းစာ ဘာသာပြန်ချက်က …

    “နောက်တစ် ယောက်ဆိုရင် ခုနစ်နှစ်ကြာကြာ ထောင်ထဲမှာ အကျခံထားရပါတယ်။ ဒါပေမဲ့သူဟာ ဘွဲ့လဲ ရခဲ့ပြီးတော့ ပေးဆပ်မှုတွေ အများကြီးလဲရှိ ခဲ့ပါတယ်။ ဒါပေမဲ့ ဒါဟာဒီမိုကရေစီစနစ် အတွက် ပေးဆပ်မှုတွေဖြစ်ပါတယ်။

    အံ့သြစရာ မြန်မာ့သတင်းစာတစ်စောင်ရဲ့ ဘာသာပြန်ချက်ဖြစ်ပါတယ်။

    (၁၀) ဒသမ ဖြတ်ကပ်ညှပ်
    —————————
    သမ္မတ အိုဘားမားက ဒီလို ပြောခဲ့ပါတယ်။

    I expect many of you will take up the mantle of reform from student activists like Aung San Suu Kyi and Min Ko Naing; take your rightful place as leaders in a stable and prosperous and progressive Southeast Asia. And as you do, I promise you will have no better friend and partner than the United States of America. So thank you very much. Kyeizu tin ba de.

    ခင်ဗျားတို့ အများစုဟာ ဒေါ်အောင်ဆန်းစုကြည်နဲ့ မင်းကိုနိုင် တို့လို တက်ကြွလှုပ်ရှားသူတွေကနေ တစ်ဆင့် ပြုပြင်ပြောင်းလဲရေးကို လက်လွှဲယူကြလိမ့်မယ်၊ တည်ငြိမ်အေးချမ်းပြီး ကြွယ်ဝဖွံ့ဖြိုးတိုးတက်တဲ့ အရှေ့တောင်အာရှမှာ ခေါင်းဆောင်တွေအဖြစ် ထိုက်တန်တဲ့နေရာကို ရယူကြလိမ့်မယ်လို့ ကျွန်တော်မျှော်လင့်ပါတယ်။ တကယ်လို့ ဒီလိုဖြစ်လာပြီဆိုရင်တော့ အမေရိကန်ထက် ပိုကောင်းတဲ့ မိတ်ဆွေမျိုးကို ခင်ဗျားတို့မှာ မရှိတော့ဘူးဆိုတာ ကျွန်တော် ကတိပေးပါတယ်။ Thank you very much. ကျေးဇူးတင်ပါတယ် (လက်ခုပ်သံများ)

    Democracy Today သတင်းစာရဲ့ ဘာသာပြန်ချက်မှာ “ဒေါ်အောင်ဆန်းစုကြည်၊ မင်းကိုနိုင်” တို့ ဘာလဲ၊ ဘာလုပ်နေသလဲဆိုတဲ့ ဂုဏ်ပုဒ်ကို မှေးမှိန်ပစ်တဲ့အပြင် အမေရိကန်ရဲ့ အခန်းကဏ္ဍကို တမင်ဖြုတ်ပစ်ပြန်ပါတယ်။

    သတင်းစာဘာသာပြန်ချက်မှာတော့

    “ဒါကြောင့် မိတ်ဆွေတို့အနေနဲ့ ယူကြရမယ့်အခွင့်အရေး၊ အခွင့်အလမ်းတွေကို ယူပြီးတော့၊ အခွင့်ကောင်း ယူမယ့် ကျွန်တော်တို့တိုင်းပြည်နဲ့အတူ လက် တွဲပူးပေါင်းဆောင်ရွက်နိုင်မယ့် ဒေါ်အောင်ဆန်းစုကြည်၊ မင်းကိုနိုင် ဒီမှာ တည်ငြိမ်ပြီးတော့ ဖွံ့ဖြိုးတိုးတက်တဲ့ အရှေ့တောင်အာရှ တိုင်း ပြည်တစ်ခုဖြစ်အောင် ဆောင်ရွက်နိုင်မယ်လို့ ယုံကြည်ပါတယ်။ အမေရိကန်ပြည်ထောင်စု ကလဲ ဒါကိုကူညီဖို့ အမြဲတမ်းရှိပါတယ်။ ကျေးဇူးတင်ပါတယ်။” လို့ ရေးသားဘာသာပြန်ခဲ့ပါတယ်။

    ဒါကြောင့် ကမ္ဘာသိအကြောင်းအရာတစ်ခုကို အများသူငါ တိတိကျကျသိခွင့်ပေးကာ နားမျက်စိဖွင့်ပေးရမယ့် တာဝန်ဟာ မီဒီယာတွေရဲ့ ပင်ကိုယ်မူလတာဝန်ဖြစ်ပါတယ်။ ဒီပင်ကိုယ်တာဝန်ကို မထမ်းဆောင်နိုင်တဲ့ သတင်းမီဒီယာတွေဟာ ပြည်သူရဲ့ ဒဏ်ခတ်ဆုံးမမှုကို တစ်ရက်မှာ နာခံရစမြဲဖြစ်ပါတယ်။ ပုဂ္ဂလိကသတင်းစာတွေ ထုတ်ဝေခွင့်ပြုပြီး ဘယ်လောက်မှ မကြာသေးတဲ့ကာလမှာပဲ ပြည်သူတွေရဲ့ သတင်းဗဟုသုတ လိုအပ်ချက်ကို မဖြည့်ဆည်းပေးနိုင်တဲ့အတွက် အရှုံးပေါ်ကာ ဆက်လက်မထုတ်ဝေနိုင်တော့တဲ့ သတင်းစာဂျာနယ်တွေဟာလည်း မနည်းတော့ပါဘူး။ မှန်ကန်တဲ့ သတင်းဗဟုသုတပေးရမယ့် တာဝန်ကို ဖြောင့်မတ်တဲ့သတင်းမီဒီယာသမားတွေက တည့်တည့်မတ်မတ် ပီပီသသထမ်းဆောင်မှသာ အမုန်းတရားကင်းတဲ့၊ ဘက်လိုက်မှုကင်းတဲ့၊ ပြည်သူပြည်သားတွေကို အသိပညာ နားမျက်စိကျယ်လာစေတဲ့၊ ပြည်သူပြည်သားတွေ ချစ်မြတ်နိုးလေးစားတဲ့ မီဒီယာတွေ ဖြစ်လာနိုင်မယ်လို့သာ ထောက်ပြလိုရင်း ဖြစ်ပါတယ်။

    သတင်းဗဟုသုတ အမှန်ကိုသာ ရောင်းချပေးနိုင်မယ့် ပြည်သူအကျိုး အမှန်သယ်ပိုးနိုင်တဲ့ မီဒီယာလောက ထွန်းကားလာနိုင်ပါစေ။

    ဆွေမွန်
    ၁၆ နိုဝင်ဘာ ၂၁၀၄

    Ref:

    1. http://www.whitehouse.gov/the-press-office/2014/11/14/remarks-president-obama-young-southeast-asian-leaders-initiative-town-ha
    2. http://www.m-mediagroup.com/news/34263
    3. https://www.facebook.com/yangonmediagroup/posts/873819359303652
  • ဘင်္ဂလားဒေ့ရှ်-မြန်မာနယ်စပ် တိုက်ပွဲ၊ ဘာကြောင့်လဲ၊ ဘာတွေလဲ၊ ဘယ်သူတွေလဲ၊

    ဇွန်လ ၂၇ ရက်၊ ၂၀၁၄
    M-Media
    Bangladesh-Myanmar Border Skirmishes
    မကြာသေးခင်က နေပြည်တော်မှာ ပြုလုပ်ပြီးဆုံးသွားခဲ့တဲ့   နယ်ခြားစောင့်တပ်ဖွဲ့  ညွှန်ကြားရေးမှူးချုပ်အဆင့် အစည်းအဝေးမှာ နှစ်နိုင်ငံလုံးက တည်ငြိမ်အေးချမ်းမှုကို ဆက်လက် ထိန်းသိမ်း တည်ဆောက်သွားမယ်လို့ ဖြေရှင်းနိုင်ခဲ့ကြလင့် ကစား မေးခွန်းများစွာ ထွက်ပေါ်လာနေဆဲပါ။

    ဒီလို ရင်ဆိုင်တိုက်ခိုက် အချင်းပွားမှုတွေ ဘာကြောင့် စတင်ခဲ့ရပါသလဲ။ ဘယ်အရာက မလိုလားအပ်တဲ့ နောက်ဆက်တွဲ အခြေအနေတွေကို ဆက်ဖြစ်စေပါသလဲ။ ဒီပြသနာဟာ သီးခြားဖြစ်ပွားတဲ့ နယ်စပ် တင်းမာမှုသက်သက်ပဲလား၊ ဒါမှမဟုတ် မြန်မာဖက်က သေချာတွက်ချက်ပြီး လုပ်ယူတဲ့ စွန့်စားမှုတစ်ခုပဲလား။ နှစ်နိုင်ငံလုံး အတွက် မကြာခင်ကဖြစ်ပွားခဲ့တဲ့ ဒီလိုတိုက်ခိုက်ကြမှု အတွက် ပိုမိုကြီးမားတဲ့ ဂယက်ရိုက်ခတ်နိုင်မှု အလားအလာတွေက ဘာတွေဖြစ်လာနိုင်သလဲ။

    နယ်စပ်ပြသနာ စဖြစ်ရတာ ဘာကြောင့်လဲ

    အစိုးရနှစ်ဖက်လုံးက ဒီလိုနယ်စပ်တင်းမာမှုအတွက် မတူညီတဲ့ အကြောင်းပြချက်တွေ ထုတ်ပြကြပါတယ်။ မြန်မာနယ်ခြားစောင့်ရဲ (BGP) တွေက  မေလ ၂၈ ရက်နေ့က ခြုံခို တိုက်ခိုက်ခံခဲ့ရာမှာ ဘင်္ဂလားဒေ့ရှ် နယ်ခြားစောင့်စစ်သားတစ်ဦး သတ်ဖြတ်ခံခဲ့ရတယ်လို့ ဒါကာဖက်က ခိုင်ခိုင်မာမာဆိုပါတယ်။ မြန်မာ နယ်ခြားစောင့်ရဲ (BGP) တွေရဲ့ ပစ်သတ်တာကိုခံခဲ့ရတဲ့ ဘင်္ဂလားဒေ့ရှ် စစ်သားရဲ့အလောင်းကို ပြန်ပေးဖို့  ညှိနှိုင်းနေစဉ်မှာပဲ မြန်မာနယ်ခြားစောင့်ရဲ (BGP) တွေရဲ့ နောက်ထပ်တစ်ကြိမ် “အကြောင်းမဲ့ ရန်စတိုက်ခိုက်မှု”က နယ်စပ်တစ်လျှောက် သေနတ် ပစ်ဖောက်တိုက်ခိုက်မှု အသစ်တွေကို အစပျိုးပေးလိုက်တာ လို့ ဒါကာဖက်က အခိုင်အမာပြောဆိုပါသေးတယ်။

    ရိုဟင်ဂျာလူမျိုးတွေရဲ့အခွင့်အရေးတွေကို ကာကွယ်ပေးဖို့ ၁၉၈၀က တည်ထောင် ဖွဲ့စည်းခဲ့ကာ ဘင်္ဂလားဒေ့ရ်ှပိုင်နက်နယ်မြေထဲမှာ လှုပ်ရှားနေတယ်လို့ မြန်မာဖက်က စွပ်စွဲနေပေမယ့် သက်သေ အထောက်အထား တစ်စုံတရာမရှိတဲ့ RSO သောင်းကျန်းသူတွေက မြန်မာဖက်ကို ကျူးကျော် ၀င်ရောက်ဖို့ ကြိုးစားခဲ့လို့ ဒီလိုနယ်စပ် တိုက်ခိုက်မှုတွေ ဖြစ်ရတာလို့ မြန်မာဖက်က ဆန့်ကျင်ဖက် စွပ်စွဲ ပြောဆိုခဲ့ပါတယ်။ ဘင်္ဂလားဒေ့ရ်ှနယ်ခြားစောင့်တပ်ဝတ်စုံနဲ့ မတူတဲ့ အ၀ါရောင်ပြောက်ကြားဝတ်စုံ ၀တ်ဆင်ထားတာကြောင့် လူနှစ်ဦးကို မြန်မာ နယ်ခြားစောင့်တပ် က ပစ်ခတ်ခဲ့တယ်လို့ နေပြည်တော်က ရှင်းပြခဲ့ပါတယ်။ ဒီတိုက်ခိုက်မှုဟာ မေလ ၁၇ က မြန်မာ နယ်ခြားစောင့်ကို RSO တွေက တိုက်ခိုက်သွားတာလို့ မြန်မာဖက်က သက်သေအထောက်အထားမဲ့ စွပ်စွဲပြောဆိုပြီး နယ်စပ်ပြသနာ တင်းမာအောင် ပြုလုပ်ထားချိန်မှာ ဖြစ်ပွားခဲ့တာဖြစ်ပါတယ်။ အချုပ်အခြာအာဏာကို ထိပါးလာရင် သည်းခံမှာ မဟုတ်ကြောင်းနဲ့ ဘင်္ဂလားဒေ့ရ်ှဖက်က တရားမ၀င်နယ်စပ်ဖြတ်ကျော်ဝင်ရောက်မှုတွေကို တားဆီးဖို့ ဆောင်ရွက်သွားမယ်လို့ မြန်မာဖက်က ထုတ်ပြန်ခဲ့ပါတယ်။

    မကြာခင်ကဖြစ်ပွားခဲ့တဲ့ နယ်စပ်အကြမ်းဖက်မှုတွေဟာ ဒီဒေသတွင်း တရားဥပဒေစိုးမိုးမှု မရှိတာကို ထောက်ပြနေပါတယ်။ လူကုန်ကူးတာတွေ၊ လက်နက်နဲ့ မူးယစ်ဆေးဝါးမှောင်ခိုတာတွေ၊ ဓားမြတိုက်တာတွေစတဲ့ ရာဇ၀တ်မှုဆိုးတွေနဲ့ မြန်မာ-ဘင်္ဂလားဒေ့ရ်ှနယ်စပ်ဟာ ကျော်ကြားလှပါတယ်။  ဒါ့ပြင် လက်လုပ်ဖောက်ခွဲပစ္စည်းတွေ နယ်စပ်ဒေသမှာရှိနေခြင်းက အိမ်နီးခြင်းနှစ်နိုင်ငံကြား ယုံကြည်မှုတွေကို ယုတ်လျော့နေစေပါတယ်။ အကျင့်ပျက်ခြစားမှုတွေဟာ နက်နက်ရှိုင်းရှိုင်း အမြစ်တွယ်လှိုက်စားနေတယ်၊ ပြီးတော့ နယ်စပ်ဒေသမှာနေထိုင်တဲ့လူတွေကို နှိပ်စက်ခေါင်း ပုံဖြတ်ကာ ငွေကြေးရယူကြတယ်လို့  နှစ်ဖက်နယ်ခြားစောင့်တပ်တွေက အပြန်အလှန် စွပ်စွဲကြပါတယ်။ ဒီလိုစွပ်စွဲမှုတွေကတဆင့် နယ်စပ်တင်းမာမှု အသေးစားတွေ ဖြစ်ပွားတတ်ကြပေမယ့် တစ်ခါတစ်ရံမှာတော့ ပြေလည်မှု မရနိုင်တဲ့ထိ ဦးတည်သွားစေပါတယ်။

    နယ်စပ်တင်းမာမှုသက်သက်ပဲလား၊ ဒါမှမဟုတ် သေချာတွက်ချက်ပြီး လုပ်ယူတဲ့ စွန့်စားမှုတစ်ခုပဲလား။

    မြန်မာ-ဘင်္ဂလားဒေ့ရ်ှနယ်စပ်ဟာ အခြေအနေရုတ်ချည်းပြောင်းလဲတတ်တယ်၊ ၀င်ထွက်ရလွယ်တယ်၊ နားလည်ရခက်တတ်တယ် စတဲ့အချက်တွေဟာ ဗြိတိသျှကိုလိုနီခောတ်ကာလကတည်းကပါ။ ရခိုင်ဒေသမှာ လွန်ခဲ့တဲ့နှစ်နှစ်ကဖြစ်ပွားခဲ့တဲ့ လူမျိုးရေး ဘာသာရေးအကြမ်းဖက်မှုလှိုင်းဂယက်တွေက ဒီဒေသမှာ ဘာသာမတူသူတွေကို ခွဲခြားဆက်ဆံမှုတွေရှိလာစေခဲ့ပြီး နောက်ထပ်တဆင့်အနေနဲ့ မလိုလားအပ်တဲ့ နယ်စပ်တင်းမာမှုတွေထိ ဖြစ်လာစေ ခဲ့ပါတယ်။ မြန်မာအစိုးရဟာ ဒီနယ်စပ်ပြသနာကို “ဖန်တီး”ဖြစ်ပွားစေခဲ့ပြီး ပါဝါချိန်ခွင်လျှာကို လွှမ်းမိုးနိုင်စေရုံမျှသာမက ပြည်တွင်းနိုင်ငံရေး တိုးတက်ပြောင်းလဲလာမှုဖြစ်စဉ်တွေအပေါ် နိုင်ငံတကာ အသိုင်းအ၀ိုင်းရဲ့ အာရုံစိုက်မှုကို လွှဲဖယ်နိုင်ခဲ့ပါတယ်။

    မြန်မာသတင်းစာတွေက ဘာသာကူးပြောင်းရေးဆိုင်ရာဥပဒေမူကြမ်း လေးချက်ကို စတင်ထုတ်ဝေတဲ့နေ့နဲ့ နယ်စပ်ပြသနာဖြစ်ပေါ်တဲ့နေ့တွေ တူညီနေတာက တော်ရုံတိုက်ဆိုင်နေတာတော့ မဟုတ်ပါဘူး။ ဒေသခံအာဏာပိုင်တွေဆီမှာ ကိုးကွယ်ရာဘာသာ ကူးပြောင်းချင်ရင် ထောက်ခံချက်တွေ အထပ်ထပ်ရယူဖို့ လိုအပ်တဲ့ ဒီဥပဒေကြမ်းကို မြန်မာပါလီမန်မှာ အတည်ပြုတော့မှာ ဖြစ်ပါတယ်။

    ဒီနယ်စပ်ပြသနာဟာ မတော်တဆဖြစ်ပွားတာ မဟုတ်ပါဘူး။ ရွေးကောက်ပွဲတွေ မတိုင်မီတိုင်းမှာ ၂၇၀ ကီလိုမီတာအရှည်ရှိတဲ့  မြန်မာ-ဘင်္ဂလားဒေ့ရ်ှနယ်စပ် တလျှောက် တင်းမာမှုတွေကို မြန်မာအစိုးရက တိုးမြှင့် လုပ်ဆောင်လေ့ရှိပါတယ်။ ၂၀၀၉ ခုနှစ်တုန်းကလည်း ၂၀၁၀ ရွေးကောက်ပွဲအကြိုအဖြစ် နယ်စပ်ခြံစည်းရိုးတွေ တိုးမြှင့်ကာရံတာတွေ၊ တပ်အင်အားကို တိုးမြှင့်ချထားတာတွေလုပ်ကာ တူညီတဲ့အခြေအနေတွေကို ဖန်တီးလုပ်ဆောင်ဖူးပါတယ်။ ခုလည်း RSO တွေကို ဘင်္ဂလားဒေ့ခ်ျက လက်ခံထားတယ်ဆိုတဲ့ အမည်ကို ဆုတ်ကိုင်ပြီး မြန်မာနယ်ခြားစောင့်ရဲ (BGP) တွေရဲ့ လုပ်ရပ်ကို အပြတ်အသတ်ထောက်ခံကာ ၂၀၁၅ ရွေးကောက်ပွဲအတွက် အစိုးရအပေါ် အကောင်းမြင်ထောက်ခံစေချင်တဲ့ သဘောနဲ့ နယ်စပ်ပြသနာကို ပြန်လည်ဖန်တီးစေခဲ့ပါတယ်။

    ဒါ့အပြင် မြန်မာနိုင်ငံရဲ့ နောက်ဆုံးသန်းခေါင် စာရင်းကောက်ယူမှုမှာ ရိုဟင်ဂျာတွေဟာ သူတို့ရဲ့ ကိုယ်ပိုင်အထောက်အထားတွေကို ဖယ်ချခံခဲ့ရပြီး ဘင်္ဂလားဒေ့ရ်ှက တရားမ၀င်ခိုးဝင်လာသူတွေအဖြစ် ဘင်္ဂလီအမည်တပ် သတ်မှတ်ခံခဲ့ရပါတယ်။ နယ်စပ်သေနတ်ပစ်ဖောက်တိုက်ခိုက်မှုကို စတင်ရခြင်းဟာ မြန်မာရဲ့ ရိုဟင်ဂျာတွေ အပေါ်မှာ တာဝန်ရှိမှုကို ငြင်းဆိုလိုတဲ့ နောက်ထပ်ကြိုးပမ်းမှု တစ်ခုလည်းဖြစ်သလို တရားမ၀င်နေထိုင်ကြမှုတွေအတွက် အဖြေရှာပေးကြဖို့ ဘင်္ဂလားဒေ့ရ်ှဖက်မှာလည်း တာဝန် ရှိကြောင်း ပြသမှုတစ်ခုလည်း ဖြစ်ပါတယ်။

    နှစ်ဖက်အစိုးရတွေအပေါ် ပိုမိုကြီးမားတဲ့ ဂယက်ရိုက်ခတ်နိုင်မှု

    ဒါကာ နဲ့ နေပြည်တော် နှစ်ဖက်လုံးက နယ်စပ်ပြသနာဟာ သီးခြားဖြစ်ပွားတဲ့ နားလည်မှုလွဲမှားခြင်းသာ ဖြစ်တယ်၊ ဆက်လက်ပြီး ကြီးကြီးမားမား ထပ်ဖြစ်စရာမရှိဘူးလို့ ခိုင်ခိုင်မာမာဆိုခဲ့ကြပါပြီ။ နှစ်ဖက်အစိုးရတရားဝင်ထုတ်ပြန်ချက်တွေမှာ နယ်စပ်ဖြစ်ရပ်ကြောင့် နှစ်နိုင်ငံသံတမန်ဆက်ဆံရေးကို ထိခိုက်စေမှာ မဟုတ်ဘူးလို့ ကြေညာခဲ့ကြပါတယ်။ မြန်မာဖက်က နှစ်နိုင်ငံဆက်ဆံရေး ဆက်လက်တည်တံ့ရင်းနှီးမှုကို ပြသတဲ့အနေနဲ့ နယ်စပ်ကို တရားမ၀င်ဖြတ်ကျော်လာတဲ့ အတွက် ဖမ်းဆီးခံထားရတဲ့ ဘင်္ဂလားဒေ့ရ်ှနိုင်ငံသား တံငါသည် ၃၀ ကို ပြန်လွှတ်ပေးခဲ့ပါတယ်။

    နိုင်ငံဖြတ်ကျော်မှုခင်းတွေ တားဆီးနှိမ်နင်းနိုင်ဖို့၊  နယ်စပ်ဒေသ တစ်လျှောက်မှာနေထိုင်ကြတဲ့  ဒေသခံပြည်သူများတွေကို နှစ်နိုင်ငံ နယ်နိမိတ်မျဉ်းနဲ့ စပ်လျဉ်းတဲ့ အသိပညာပေး အစီအစဉ်တွေဆောင်ရွက်ကြနိုင်စေဖို့ အတွက် နယ်စပ် ဆက်ဆံရေးရုံးတွေ ဖွင့်လှစ်ကြဖို့ နှစ်နိုင်ငံလုံးက သဘောတူခဲ့ကြပါတယ်။

    ဒါ့ပြင် အိမ်နီးချင်းနိုင်ငံတွေရဲ့ တည်ငြိမ်အေးချမ်းရေးကို ပျက်ပြားစေတာက ဘင်္ဂလားဒေ့ရ်ှပိုင်နက်နယ်မြေထဲမှာ လှုပ်ရှားနေတယ်လို့ မြန်မာဖက်က စွပ်စွဲနေပေမယ့် အထောက်အထားတစ်စုံတရာမရှိတဲ့ RSO သောင်းကျန်းသူတွေရဲ့ ပြသနာကြောင့် ဖြစ်ပါတယ်။ RSO အပါအ၀င် ဘယ်လို သောင်းကျန်းသူအုပ်စုမှ ဘင်္ဂလားဒေ့ရှ် ပိုင်နက်မှာ မရှိဘူးလို့ ဒါကာဖက်က ပြင်းပြင်းထန်ထန်ပယ်ချပြောဆိုခဲ့ပေမယ့် ဘင်္ဂလားဒေ့ရ်ှနယ်မြေ ဖက်ကနေ မြန်မာစစ်သားတွေကို ချောင်းမြောင်း တိုက်ခိုက်နေတာ RSO မဟုတ်ဘူး၊ RSO မရှိဘူးဆိုရင် ဘယ်သူတွေလဲလို့ မြန်မာဖက်က မေးခွန်းတန်ပြန်ထုတ်ခဲ့ပါတယ်။ ဒီပြသနာအတွက် အဖြေတစ်ခုရတဲ့ထိ အပြုသဘောဆောင်တဲ့ ဆွေးနွေးပွဲတွေ နှစ်နိုင်ငံလုံးက ပြုလုပ်ကြရဦးမှာပါ။

    ဆွေမွန်

    Eurasiareview တွင် ဖော်ပြခဲသည့် Bangladesh-Myanmar Border Skirmishes: Who, What And Why – Analysis By Dibya Shikha ဆောင်းပါးအား ဆီလျော်အောင် ပြန်ဆိုပါသည်။

  • မြန်မာ့ အရှိတရားအပေါ် တရုတ်ပြည်၏ ဆက်ဆံရေး

    ဒီဇင်ဘာ ၂၈၊ ၂၀၁၃
    M-Media
    ဘာသာပြန်ဆိုသူ- သြရသရေချမ်း

    image
    မြန်မာပြည်သည် ဒီမိုကရေစီစံနစ်သစ်တစ်ရပ်ဖြင့် စမ်းသပ်ကာလသို့ ဖြတ်သန်းနေခြင်းနှင့်အညီ တစ်ချိန်က ကြီးစိုးမင်းမူခဲ့သည့် စစ်အစိုးရ၏ လမ်းကြောင်းအား ဖယ်ထုတ်သည့် နိုင်ငံရေး တွန်းအားသစ် များစွာလည်း ထွက်ပေါ်လာကြ၏။ များမြောင်ထွေပြားလွန်းသော လူနည်းစု တိုင်းရင်းသားအုပ်စုများ သာမက အဓိက အင်အားစုကြီး လေးမျိုးသည်လည်း တိုင်းပြည်၏ နိုင်ငံတကာ ဆက်ဆံရေးအပေါ် အဓိပ္ပာယ်သစ်ဖြင့် ဖွင့်ဆိုပေတော့မည်။ အထူးသဖြင့် အိမ်နီးချင်း တရုတ်ပြည်နှင့် ပတ်သက်နေ၏။

    ဖြစ်တည်လာသော နိုင်ငံရေး ဗဟိုချက်များ၌ သမ္မတဦးသိန်းစိန် ဦးဆောင်သည့် အစိုးရ၊ လွှတ်တော်ကို ဦးစီးပဲ့ကိုင်နေသည့် ဦးရွှေမန်း၏ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP)၊ ဗိုလ်ချုပ်မှူးကြီး မင်းအောင်လှိုင်၏ အာဏာစက်အောက်မှ စစ်တပ် နှင့် ဒေါ်အောင်ဆန်းစုကြည် ဦးဆောင်သည့် ဒီမိုကရေစီ အတိုက်အခံအင်အားစုတို့ ပါဝင်နေကြသည်။

    အထက်ဖော်ပြပါ အုပ်စုလေးမျိုးကို တရုတ်ပြည်က သီးခြားကွဲပြားသော ဆက်ဆံရေး ထားရှိသည်။ အုပ်စုတစ်ခုချင်းစီအပေါ် ထားရှိသော တရုတ်ပြည်၏ မူဝါဒများကို ကြည့်၍ ဘေဂျင်း၏ ပြည်ပသဘောထား ဗျူဟာသော့ချက် နှင့် အတွင်းပိုင်း တွက်ချက်မှုအား နားလည်နိုင်မည် ဖြစ်သည်။

    အစိုးရအာဏာပိုင်အဆင့် ပုံမှန် ဆက်ဆံရေး အနေအထားတွင် တရုတ်နှင့်မြန်မာတို့သည် ၄င်းတို့၏ အတိတ်ပြဿနာ အများအပြားနှင့်ပတ်သက်လျှင် ပန်းခင်းလမ်း အသွင်ဆောင်နေ၏။ ထိုပြဿနာများမှာ ၂၀၁၁ ခုနှစ်တွင် အနောက်နိုင်ငံများနှင့် နွေးထွေးသော သံတမန် ဆက်ဆံရေးဖော်ဆောင်ရာမှ ရှေ့သို့ တိုးထွက် လာတော့သည်။ ၂၀၁၃ ခုနှစ်အစောပိုင်းကာလ ကချင်သူပုန်အရေး၌  ကြားဝင် စွက်ဖက်မှုပြီးသည့်နောက် ယခုအခါ နယ်စပ်တည်ငြိမ်ရေးကို အားလုံးနီးပါး ပြန်လည်ထိန်းသိမ်းနိုင်ခဲ့သည်။ တဆက်တည်းမှာပင် လက်ပံတောင်းကြေးနီသတ္ထု တူးဖော်ရေးအပေါ် ပြည်တွင်း ဆန့်ကျင်မှုနှင့်ပတ်သက်၍ ပြန်လည်စတင်ရန် ဦးသိန်းစိန်အစိုးရမှ သဘောတူလိုက်သည်။ အမေရိကန်ဒေါ်လာ ၃.၆ ဘီလီယံတန်ဖိုးရှိပြီး ဆိုင်းငံ့ထားရသော မြစ်ဆုံဆည်စီမံကိန်းကိစ္စအဖြေထုတ်ရေးမှာမူ စေ့စပ်ညှိနှိုင်းနေဆဲဖြစ်၏။

    ဧပြီလတွင် နှစ်စဉ်ကျင်းပသော တရုတ်ပြည်၏ Boao Forum သို့ ဦးသိန်းစိန် သွားရောက်ကာ တရုတ်ခေါင်းဆောင်သစ် Xi Jinping နှင့် တွေ့ဆုံခဲ့သည်။ အောက်တိုဘာလ အရှေ့အာရှ ထိပ်သီးညီလာခံ ကာလအတွင်း တရုတ်ဝန်ကြီးချုပ် Li Keqiang နှင့်လည်း တွေ့ခဲ့သည်။ အများမြင်ကွင်းဝယ် နှစ်ဖက် ဆက်ဆံရေးမှာ မယိုင်လဲသည့်နှယ်ရှိနေ၏။ နှစ်ဦးနှစ်ဖက်မှ နိုင်ငံပိုင် နှင့် အခိုင်အမာ မီဒီယာများကလည်း သမိုင်းဝင်ရင်းနှီးမှု အပေါ် မပြတ်တမ်း အလွန်အကျွံ အမွှမ်းတင်နေမြဲဖြစ်၏။ (ယခုအခါ အထိန်းအချုပ်မဲ့ မြန်မာ ပုဂ္ဂလိကမီဒီယာတို့မှ နှစ်ဖက်ဆက်ဆံရေးအပေါ် ပိုမိုဝေဖန်နိုင်ခွင့် ရရှိနေပြီဖြစ်သည်)။

    သို့တစေ ယင်းရုပ်လုံးဖော်ချက်များ၌ အေးတိအေးစက်ဖြစ်နေသော အရှိတရားကို နှစ်ဖက်လုံးမှ ဖုံးကွယ်ထားကြ၏။ တရုတ်ခေါင်းဆောင်တို့သည် ၄င်းတို့၏ကိုယ်ပိုင်အနုစိပ် စီမံကိန်းများမှ မြန်မာပြည်အား ဖယ်ထုတ်လိုက်ပြီဖြစ်ကြောင်း အထူး ပေါ်လွင်လာပေသည်။ သာဓကတစ်ရပ်မှာ ၂၀၁၂ ခုနှစ် တရုတ်သမ္မတသစ်တက်လာပြီးနောက်ပိုင်း Politburo Standing Committee (PBSC)၏အဖွဲ့ဝင် မည်သူတစ်ဦးမျှ မြန်မာနိုင်ငံသို့ လာရောက်ခြင်း မရှိတော့ချေ။

    ဤကာလအတွင်း အာဆီယံ အဖွဲ့ဝင်နိုင်ငံများအနက် ဘရူနိုင်း၊ အင်ဒိုနီးရှား၊ မလေးရှား၊ ထိုင်း နှင့် ဗီယက်နမ် ငါးနိုင်ငံသို့ တရုတ် သမ္မတနှင့်ဝန်ကြီးချုပ်တို့မှ တသွင်သွင် သွားရောက်ခဲ့သည့်အပြင်၊ PBSC ကော်မတီဝင် Liu Yunshan နှင့် Zhang Gaoli တို့ကလည်း ကမ္ဘောဒီးယား နှင့် စင်္ကာပူသို့ အလည်အပတ်သွားရောက်ခဲ့သည်။ တရုတ်နိုင်ငံခြားရေး ၀န်ကြီး ၀မ်ရီလည်း ရာထူးလက်ခံခဲ့သော မတ်လကတည်းက မြန်မာနှင့်ဖိလစ်ပိုင်ကို ရှောင်ဖယ်၍  အခြားသောအာဆီယံအဖွဲ့ဝင် ရှစ်နိုင်ငံအသီးသီးသို့ ခရီးစဉ် ခြောက်ကြိမ် ထွက်ခဲ့သည်။

    စီးပွားရေး မျက်နှာစာတွင်လည်း ဆက်ဆံရေးမှာ အေးစက်စက်ဖြစ်လာသည်။ ၂၀၁၁ ဘဏ္ဍာရေးနှစ်နှင့်နှိုင်းယှဉ်ပါက ၂၀၁၂ ခုနှစ် ကာလတူအတွင်း တရုတ်၏ တိုက်ရိုက် ရင်းနှီးမြှုပ်နှံမှုသည် ၉၀ ရာခိုင်နှုန်းကျော်(အမေရိကန်ဒေါ်လာ ၄၀၇ သန်းနီးပါး) အထိ ထိုးကျသွားခဲ့သည်။ တရုတ်နိုင်ငံပိုင် လုပ်ငန်းစုကြီး အနေနှင့် မြန်မာနိုင်ငံအတွင်း အစဉ်တစိုက် အကြီးမားဆုံး ရင်းနှီးမြှုပ်နှံသူဖြစ်ခဲ့သော်လည်း ထိုထိုသော တရုတ်စီမံကိန်းဆိုင်းငံ့ခံရမှု နှင့် မရေရာသည့် မူဝါဒများက ကနဦးပိုင်းရှိ စိတ်အား ထက်သန်မှုကို လျော့ပါးချည့်နဲ့သွားစေသည်။ မြန်မာပြည်၌ တရုတ် ရင်းနှီးမြှုပ်နှံမှုများမှာ နှေးကွေး လာပြီး အခြားအရှေ့တောင်အာရှနိုင်ငံများအတွင်း အရှိန်အဟုန်မြင့်မားလာသည်ကို တွေ့ရ၏။

    ဦးသိန်းစိန်အစိုးရနှင့် ၄င်းတို့၏အချို့ မူဝါဒများအပေါ် ဘေဂျင်းမှ ထင်ထင်ရှားရှား စိတ်ပျက်နေသည့်တိုင် အာဏာရကြံ့ခိုင်ရေး နှင့်ဖွံ့ဖြိုးရေးပါတီ အပေါ်မှာတော့ အဆိုးမြ င်သဘောထား ထွက်မလာခဲ့ချေ။ အကြောင်းမှာ တရုတ်၏ တလုံးတခဲ ရင်းနှီးမြှုပ်နှံမှုကိုပြိုလဲစေသော မူဝါဒအပြောင်းအလဲနှင့်ပတ်သက်၍ USDP ထက် ဦးသိန်းစိန်က ပိုမို တာဝန်ရှိကြောင်း ဘေဂျင်းမှ ယုံကြည်၍ဖြစ်သည်။

    USDP သည် တရုတ်၏နွေးထွေးသော နိုင်ငံရေးလက်တွဲဖော်အဖြစ် ဆက်လက် တည်ရှိလိမ့်မည်ဟု မျှော်လင့်ထားပြီး၊ လက်ရှိ USDP ဥက္ကဌ နှင့် အောက် လွှတ်တော်ပြောဆိုခွင့်ရ ပုဂ္ဂိုလ် ဦးရွှေမန်း၏ ရည်မှန်းချက်နှင့်နိုင်ငံရေးအင်အားအပေါ် မသိမသာ အမွှမ်းတင်နေပေသည်။ သူသည် ၂၀၁၅ ရွေးကောက်ပွဲတွင် သမ္မတရာထူး ရရှိနိုင်ခြေ အများဆုံးသူအဖြစ် တရုတ်လေ့လာသူများက ကိုယ်ပိုင်အမြင်ဖြင့် ယုံကြည်ထားကြ၏။ အချုပ်အားဖြင့် သူနှင့် အနီးကပ် ဆက်ဆံရေး ထူထောင်ရန် နှင့် USDP စွမ်းရည်တိုးမြှင့်မှု ကဏ္ဍ၌ ပါဝင်ကူညီရန် ဘေဂျင်းမှ စိတ်အား ထက်သန်လျက်ရှိနေသည်ဟု ဆိုရပေမည်။

    အတိုက်အခံတို့အပေါ် ကွင်းဆင်းမှု

    နိုင်ငံရေးခေါင်းစဉ်အောက်တွင် တရုတ်သည် မြန်မာနိုင်ငံ၏ အရပ်ဖက်လူ့အဖွဲ့အစည်းများနှင့် အတိုက်အခံ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်လည်း အကောင်းဆုံး ဆက်ဆံရေး ထူထောင်နိုင်အောင် စီစဉ်နေကြသည်။ ယင်းအုပ်စုများ၏ နိုင်ငံရေးသြဇာမှာ ပြည်တွင်းပြည်ပ မူဝါဒများ အပေါ် သက်ရောက်မြင့်မားလာ၍ဖြစ်၏။

    ၂၀၁၁ ခုနှစ်နှောင်းပိုင်းမှစ၍ တရုတ်ပြည်မှ အတိုက်အခံ ဒီမိုကရေစီ အင်အားစုအပေါ် ငြိမ်းချမ်းရေး သပြေခက် ဆန့်တန်းပြီး ဖြစ်သည်။

    ဘန်ကောက်မှ သံအမတ်များသည် ဒေါ်အောင်ဆန်းစုကြည်နှင့် တွေ့ဆုံဆွေးနွေးမှုများကို မကြုံစဖူး ဆက်တိုက် ကျင်းပဆောင်ရွက်သကဲ့သို့ တရုတ်အာဏာပိုင်၊ ပညာရှင်နှင့် ကုမ္ပဏီတို့သည်လည်း နိုင်ငံရေး အတိုက်အခံများနှင့် အရပ်ဖက်လူ့အဖွဲ့အစည်းများအပေါ် ထိစပ်ချိတ်ဆက်မှုများ ရှိလာကြသည်။ သံတမန် ဆက်ဆံရေးကွင်းဆင်းမှု အစိတ်အပိုင်းတစ်ရပ်အနေဖြင့် NLD ကိုယ်စားလှယ်များအပါအ၀င် မြန်မာဂျာနယ်လစ်များ၊ အရပ်ဖက် လူ့အဖွဲ့အစည်းနှင့်နိုင်ငံရေး ပါတီခေါင်းဆောင်များကို ဒါဇင်နှင့်ချီ၍ တရုတ်ပြည်သို့ အလည်အပတ် ဖိတ်ကြားခဲ့ပေ၏။

    ဒေါ်အောင်ဆန်းစုကြည်ကို တရုတ်ပြည်သို့ တရားဝင် အလည်အပတ်ဖိတ်ကြားရန်မှာကား တရုတ်ပြည်မူဝါဒ ဖန်တီးရှင်များအဖို့ ဝေခွဲမရ စိတ်စနိုးစနောင့် ဖြစ်လျက် ရှိနေသေး၏။ ဒေါ်စုကြည်သည် ကမ္ဘာ့ဒီမိုအိုင်ကွန်တစ်ဦးဖြစ်သည်နှင့်အညီ တရုတ်ပြည်၏ သြဇာလွှမ်းမိုး ချုပ်ကိုင်နိုင်ရေး အပေါ် လက်မခံသူလည်း ဖြစ်နေသည်။  နိုဗယ်လ်ငြိမ်းချမ်းရေး ဆုရှင်များဖြစ်ကြသည့် သူမ၏ ဘ၀တူမိတ်ဆွေ ဒလိုင်းလားမား နှင့် Liu Xiaobo တို့ကိုလည်း တရုတ်ပြည်၌ နိုင်ငံ့ ရန်သူများ အဖြစ် သတ်မှတ်ထားကြ၏။ ဒေါ်စုကြည်၏အလည်အပတ်ခရီးစဉ်က တရုတ်ပြည်အတွင်း နိုင်ငံရေး မတည်ငြိမ်မှု နှင့် လူမှုအပြောင်းအလဲ ဖြစ်ပေါ်လာနိုင်သော အနေအထားပင်ရှိသည်ဟု မူဝါဒ ဖန်တီးရှင်အချို့မှ ယုံကြည်ထားကြသည်။

    ဒေါ်စုကြည်သည် ဒီမို အိုင်ကွန်အဖြစ်မှ ပင်တိုင်အမာခံနိုင်ငံရေးသမား အဖြစ် ရုပ်လုံးပေါ်လွင်လာသည်နှင့်အမျှ ထိုစိုးရိမ်သောကများ တရွေ့ရွေ့ ပြယ်လွင့်လျော့ပါး စပြုလာပြီဖြစ်သည်။ တရုတ်၏ ရင်းနှီးမြှုပ်နှံမှုဖြစ်သော အငြင်းပွားဖွယ်ရာ လက်ပံတောင်းကြေးနီ တူးဖော်ရေးစီမံကိန်း ကိစ္စကို ထောက်ခံအားပေးရန် ဆုံးဖြတ်ချက်၊ ဗုဒ္ဓဘာသာဝင်တို့၏ လူမျိုးရေးတိုက်ခိုက်မှု ပစ်မှတ်ဖြစ်နေသော လူနည်းစုဝင် ရိုဟင်ဂျာ မွတ်စ်လင်မ် ကိစ္စဆိုင်ရာ ထိလွယ် ရှလွယ်နိုင်ငံရေးပြဿနာ အပေါ် ဝေဖန်ခြင်းမှ ရှောင်ကွင်းမှု အပါအ၀င် အရေးအရာများ၌ ဒေါ်စုကြည်သည် လက်တွေ့ စည်းမျဉ်းများထက် နိုင်ငံရေး လိုအပ်ချက်ကို အခြေတည် ဆုံးဖြတ်နိုင်သူဟု တရုတ်မှ ရှုမြင်လာကြသည်။

    ဒေါ်စုကြည်မှ တရုတ်နှင့်ခိုင်မာသော ဆက်ဆံရေး ဆက်လက်ထားရှိရန် ပွင့်လင်းမြင်သာစွာ ရည်ရွယ်လိုက်ခြင်းက သူမ၏ နိုင်ငံတကာ တန်းဝင်ပေါက်ရောက်မှုနှင့် စပ်လျဉ်း၍ ဘေဂျင်း၏စိုးရိမ်သောကကို လျှော့ချပေးရာရောက်ခဲ့သည်။ ယခုသော် ဒေါ်စုကြည်သည် ၂၀၁၅ ရွေးကောက်ပွဲတွင် သမ္မတနေရာရရေး အတွက် တရုတ်၏ အားပေးထောက်ခံမှုရရန် ကြိုးပမ်းနေသည်ဟု တရုတ်သုတေသီများစွာမှ သုံးသပ်လျက် ရှိနေသည်။ အဘယ်ကြောင့်ဟူမူ လက်ရှိ အခြေခံဥပဒေအရ သူမအဖို့ ထိုအနေအထားသို့ရောက်ရန် ဟန့်တားမှုရှိနေ၍ဖြစ်ပေသည်။ ၂၀၁၄ ခုနှစ်တွင် တရားဝင်နိုင်ငံရေး အတိုက်အခံသမားအနေနှင့် သူမအား ဘေဂျင်းမှ တရားဝ င်ဖိတ်ခေါ်လာလိမ့်မည်ဟု အချို့ တရုတ်သုတေသီများက ခန့်မှန်း ယုံကြည်ထားကြပြန်သည်။

    မြန်မာနိုင်ငံ၏နိုင်ငံရေး အနေအထားသစ်အတွင်း နေရာရရေးအတွက် နိုင်ငံရေး အင်အားစုအားလုံးက အကြိတ်အနယ် တိုးဝှေ့နေကြသည်။ ၄င်းတို့အကြား တရုတ်ပြည်နှင့် ပလဲနံပ အသင့်ဆုံးမှာ စစ်တပ်ဖြစ်၏။ ဤသည်မှာ ယခင် စစ်အစိုးရဟောင်းနှင့်တရုတ်တို့၏ အထူးကျွမ်းဝင်ခြင်း၊ ၂၀၁၁ ခုနှစ်မတိုင်မီ လက်နက်ဖြင့်သြဇာ လွှမ်းမိုးခဲ့ကြသော နှစ်ဖက်ဗိုလ်ချုပ်များ၏ ပုဂ္ဂိုလ်ရေးနှောင်ကြိုးခိုင်မာခြင်းတို့၏ အမွေခံ အစိတ်အပိုင်း တစ်ရပ် ဖြစ်သည်။ ၄င်းအထူးနှောင်ကြိုးများက တူညီသောနိုင်ငံရေး ကစားကွက်များ၊ စီးပွားရေးဆိုင်ရာ ဘုံအကျိုးအမြတ်များကြောင့် ပိုမိုခိုင်မာ အားကောင်းရလေသည်။

    ဘေဂျင်း၏ရှုထောင့်တွင် စစ်တပ် အချင်းချင်းနှောင်ကြိုးများ၌ ပြဿနာအနည်းငယ် ရှိနေသည်။ အာဏာပိုင်များ အဆင့်၌ နိုင်ငံရေးနှင့်စီးပွားရေး ဆက်ဆံမှုများ အေးတိအေးစက်ဖြစ်နေသည့်တိုင် အဆင့်မြင့် စစ်တပ်အရာရှိများ၏ ဖလှယ်မှုနှင့်တွေ့ဆုံ အလည်အပတ်ခရီးစဉ်များမှာ အားကောင်းနေဆဲပင်။ သာဓကအားဖြင့် ဇန္န၀ါရီလက တရုတ်ပြည်သူ့လွတ်မြောက်ရေး တပ်မတော်၏ဒုတိယအကြီးအကဲ Qi Jianguo သည် မြန်မာနိုင်ငံမှ ဒုစစ်ဦးစီးချုပ် ဗိုလ်ချုပ်ကြီး စိုးဝင်းတို့သည် တရုတ်-မြန်မာလုံခြုံရေးဆိုင်ရာ မဟာဗျူဟာနှီးနှောမှုအတွက် အတူစားပွဲ ၀ိုင်းထိုင်ခဲ့ကြသည်။

    တရုတ်စစ်တပ်၏ ထိပ်တန်းကဏ္ဍ တစ်ခုဖြစ်သော ဗဟို စစ်ရေးကော်မရှင်၏ ဒုဥက္ကဌ Fan Changlong သည် မြန်မာနိုင်ငံသို့ ဇူလိုင်လက လာရောက်ခဲ့သည်။ ဤတွေ့ဆုံမှုများမှသည် မြန်မာစစ်ဦးစီးချုပ် မင်းအောင်လှိုင် အနေနှင့် အောက်တိုဘာလ၌ တရုတ် ထိပ်ပိုင်းခေါင်းဆောင်များနှင့်တွေ့ဆုံမည့် ခရီးစဉ်အား သဘောတူမှုရရှိခဲ့၏။ မြန်မာနိုင်ငံမှ ဒီမိုကရေစီပြုပြင်ပြောင်းလဲရေးသည် တရုတ်နှင့်လက်နက် အရောင်းအ၀ယ်၊ စစ်ရေးလေ့ကျင်မှုနှင့် အကူအညီတို့အပေါ် အကျိုးသက်ရောက်မှု မရှိပါချေ။

    မြန်မာပြည်တွင်းရှိ အဓိကနိုင်ငံရေး အင်အားစုအသီးသီးထံ တရုတ်၏ တမူထူးခြား ချဉ်းကပ်မှုနှင့် မူဝါဒများက မြန်မာနိုင်ငံ၏ မဟာဗျူဟာနှင့် သံတူကြောင်းကွဲသံတမန်အနေအထားအပေါ် နောကြေနေခြင်းကို ညွှန်ပြနေပေသည်။ ရှုပ်ထွေးမှုနှင့် မရောရာမှုများအား ၂ နှစ်တာကျော်ဖြတ်ပြီးနောက်ဝယ် တရုတ်နိုင်ငံသည် မြန်မာ့နိုင်ငံရေး သရုပ်သကန်၏ အရှိတရားကို ပါးနပ်စွာ ဆုပ်ကိုင်မိသွားပြီ ဖြစ်ပါတော့သည်။

    xxxxxxxxxxxxxxxxxxxxx

    ကမ္ဘာတစ်ဝှန်းငြိမ်းချမ်းရေးနှင့် လုံခြုံရေးဆိုင်ရာအန္တရာယ်များကို အကျိုးအမြတ်ပဓာနမထား အစွဲကင်းစွာ လေ့လာနေသည့် Stimson Center မှ အရှေ့အာရှ ပရိုဂရမ်အဖွဲ့ဝင် Yun Sun ၏ “China adapts to new Myanmar reality” ဝေဖန်ရေးဆောင်းပါးကို “သြရသ ရေချမ်း” မှ ဆီလျော်အောင် မြန်မာပြန်ဆိုပါသည်။

    —————————————-
    ** M-Media ၏ မူပိုင် သတင်း/ဆောင်းပါးများ၊ ဘာသာပြန် များကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။

    M-Media ၏ ခွင့်ပြုချက်မရှိဘဲ စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြခြင်းများ လုံးဝ ခွင့်မပြုပါ။
    ဆက်သွယ်ရန် [email protected]