News @ M-Media

Tag: analysis

  • OIC နှင့် ရိုဟင်ဂျာ – လူမျိုးသုဉ်း ရှင်းလင်းမှုကို ဆန့်ကျင်ခြင်း(ဘာသာပြန်)

    OIC နှင့် ရိုဟင်ဂျာ – လူမျိုးသုဉ်း ရှင်းလင်းမှုကို ဆန့်ကျင်ခြင်း(ဘာသာပြန်)

    နိုဝင်ဘာ ၂၀- ၂၀၁၃
    M-Media
    ဘာသာပြန်ဆိုသူ- မြင့်မိုရ်မောင်မောင်
    1980072842

    ရိုဟင်ဂျာ အရေးသည် အိုအိုင်စီ အဖွဲ့ဝင်နိုင်ငံများ အတူတကွဖော်ဆောင်မည့် ဘုံကိစ္စတစ်ရပ် ဖြစ်လာပြီ။

    အစ္စလာမ့်မစ် ပူးပေါင်းဆောင်ရွက်မှု အဖွဲ့အစည်း Organization of Islamic Cooperation (OIC) ၏ အထွေထွေအတွင်းရေးမှူး Ekmeleddin Ihsanoglu ဦးဆောင်၍ အဖွဲ့ဝင်နိုင်ငံများမှ နိုင်ငံခြားရေးဝန်ကြီး ၇ ဦးပါဝင်သော ကိုယ်စားလှယ်အဖွဲ့သည် မြန်မာနိုင်ငံသို့ ဗုဒ္ဓဟူးနေ့က ရောက်လာပြီး ရခိုင်ပြည်နယ်သို့ နောက်တစ်နေ့တွင် ထွက်ခွာသည်။ ကြာသပတေးနေ့မှ စတင်သည့် ခရီးစဉ်အတွင်း၌ ရိုဟင်ဂျာမွတ်စ်လင်မ်များနေထိုင်ရာ ဒုက္ခသည် စခန်းများသို့သွားရောက်ရန်၊ လူသားချင်း စာနာမှုအကူအညီပေး အဖွဲ့အစည်းများ၊ ဘာသာဝင် အုပ်စုနှစ်ဖက်လုံးမှ ဘာသာရေးခေါင်းဆောင်များနှင့် တွေ့ဆုံရန်၊ ဒုတိယသမ္မတ ဦးဥာဏ်ထွန်း (*မူရင်းဆောင်းပါးပါ အချက်အလက်အတိုင်းဖြစ်ပါသည်။) ၊ နိုင်ငံခြားရေးဝန်ကြီး ဦးဝဏ္ဏမောင်လွင် အပါအ၀င် ဒေသခံနှင့်နိုင်ငံတော်အဆင့် အာဏာပိုင်တို့နှင့်ဆွေးနွေးရန် ရည်ရွယ်ထားကြသည်။ ခရီးစဉ်၏ အဓိကရည်ရွယ်ရင်းမှာ ရခိုင်ပြည်နယ်ရှိ ရိုဟင်ဂျာ မွတ်စ်လင်မ်တို့မှ ရင်ဆိုင်ကြုံတွေ့နေရသည့် ဖိနှိပ်ညှင်းဆဲမှုအပေါ် ဆွေးနွေးအဖြေရှာဆာင်ရွက်ကြရန်ဖြစ်သည်။

    ရိုဟင်ဂျာ မွတ်စ်လင်မ်တို့၏ အဖြစ်ဆိုး
    ————————————–
    ရိုဟင်ဂျာ မွတ်စ်လင်မ်တို့မှာ မြန်မာနိုင်ငံ၌ နှိပ်စက်ခြင်း၊ လျစ်လျူရှုခြင်း၊ ဖိနှိပ်ခြင်းများကို နှစ်ပေါင်းများစွာ ခံစားခဲ့ရသည်။ အစွန်းရောက် ဗုဒ္ဓဘာသာဝင် အုပ်စုတစ်စု၏ လတ်တစ်လော တိုက်ခိုက်မှုများကြောင့် ရိုဟင်ဂျာဦးရေ တစ်ရာကျော် သေဆုံးပြီး ထောင်နှင့်ချီ၍ အိုးအိမ်စွန့်ခဲ့ရသည်ဟု ဆိုကြသည်။ ထောင်ပေါင်းများစွာသော ရိုဟင်ဂျာတို့သည် ဗုဒ္ဓဘာသာဝင်များနှင့်မွတ်စ်လင်မ်တို့အကြားဖြစ်ပွားသည့် အကြမ်းဖက်ဖြစ်ရပ်များမှ အလွတ်ရုန်းပြီးနောက်ပိုင်း ဒုက္ခသည်စခန်းများအတွင်း နေထိုင်နေရသည်မှာ တစ်နှစ်ကျော်ကြာမြင့်ပြီဖြစ်၏။ ဒေသတွင်း၌ တင်းမာမှုမှာ မြင့်မားနေဆဲ ဖြစ်ပြီး၊ နိုင်ငံမဲ့ရိုဟင်ဂျာများသည် စော်ကားမှုနှင့် ကန့်သတ်ချုပ်ခြယ်မှုများကို ဆက်လက်ခံစားနေရဆဲဖြစ်သည်ဟု လူ့အခွင့်အရေး အုပ်စုများက ဆိုသည်။ ၂၀၁၂ ခုနှစ် ဇွန်လနှင့်အောက်တိုဘာလတွင် ပွင့်အံခဲ့သည့် အကြမ်းဖက်မှုများကြောင့် ၁၉၂ ဦးအသက်ဆုံးရှုံးခဲ့ကာ တစ်သိန်းလေးသောင်းဝန်းကျင် အိုးအိမ်စွန့်ခဲ့ကြရသည်။

    ရခိုင်ပြည်နယ်၊ သံတွဲမြို့နယ်ရှိ မွတ်စ်လင်မ်ရွာများသို့ ဗုဒ္ဓဘာသာဝင်များ လာရောက်တိုက်ခိုက်ခဲ့သော ၂၀၁၃ ခုနှစ် စက်တင်ဘာနှင့်အောက်တိုဘာလအတွင်း နောက်ဆုံးဖြစ်စဉ်များ၌ လူ ၇ ဦး သေဆုံး၍ အိမ်ခြေများစွာ မီးရှို့ဖျက်ဆီးခံရ၏။ မြန်မာအနိုင်ငံအာဏာပိုင်များသည် တအုံတကျင်းသတ်ပွဲများအပေါ် ထိထိရောက်ရောက်မကိုင်တွယ်ဘဲ လျစ်လျူရှုထားသည်သာမက မွတ်စ်လင်မ်လူနည်းစုအားကာကွယ်ရန် ပျက်ကွက်ခဲ့ခြင်းအပေါ် အရပ်ဖက်လူ့အဖွဲ့အစည်းတို့၏ ပြစ်တင်ရှုံ့ချမှုကို ခံခဲ့ရသည်။ နိုင်ငံတကာအဖွဲ့အစည်းအသီးသီးမှ ရိုဟင်ဂျာတို့ထံ ပေးပို့သည့် အကူအညီများမှာလည်း ရခိုင်ပြည်နယ်၏တားဆီးမှုကို ကြုံနေရ၏။

    လူမျိုးရေးဘာသာရေးဆိုင်ရာ အကြမ်းဖက်မှုဟု အပြင်းအထန်ခေါင်းစဉ်တပ်ထားကြသော်လည်း အဖြစ်မှန်စင်စစ်မှာကား နိုင်ငံတော်မှ ကျားကန်ပေးထားသည့် လူမျိုးသုဉ်းရှင်းလင်းရေးသာ ဖြစ်နေသည်။ မြန်မာနိုင်ငံအတွင်း မွတ်စ်လင်မ်တို့အား စုပြုသတ်ဖြတ်မှုအပေါ် ကမ္ဘာ့နိုင်ငံအများအပြားက မမြင်သလိုလုပ်နေကြ၏။ လူ့အခွင့်အရေးချိုးဖောက်မှုမျက်နှာစာ၌ ကမ္ဘာ့အင်အားကြီးနိုင်ငံများနှင့်နိုင်ငံတကာ အသိုင်းအ၀ိုင်းတို့က အဘယ်ကြောင့် နှုတ်ပိတ်တိတ်ဆိတ်နေကြပါသနည်း ?

    ဖြစ်နိုင်ချေအဖြေတစ်ရပ်က ဒေသတွင်းနှင့်ကမ္ဘာ့အဓိကအင်အားစုများ၏ မဟာဗျူဟာနှင့် စီးပွားရေးအကျိုးအမြတ် တွက်ချက်မှုများ၌ တည်မှီနေပါသည်။ မြန်မာအစိုးရ၏ ဒီမိုကရေစီအသွင်ပြောင်းရေးစကားကို အမေရိကန်၊ ဥရောပသမဂ္ဂ နှင့် ကနေဒါတို့က လက်ခံလိုက်သဖြင့် မြန်မာနိုင်ငံသည် အမှန်ပင် ရင်းနှီးမြှုပ်နှံရေး ပန်းတိုင်ကြီး ဖြစ်လာခဲ့သည်။ လက်တွေ့အားဖြင့်လည်း ၁၉၈၈ ခုနှစ်နောက်ပိုင်း စတင်ချမှတ်ခဲ့သော ပိတ်ဆို့မှုများကို ၄င်းတို့မှ အကျယ်တ၀င့် ရုပ်သိမ်းပေးခဲ့ကြသည်။ သို့ဖြစ်ရာ တရုတ်၊ အိန္ဒိယ၊ တောင်ကိုးရီးယား၊ ထိုင်း၊ စင်္ကာပူ နှင့် မြန်မာများနှင့်လုပ်ငန်းဆောင်ရွက်မည့် နိုင်ငံတကာရေနံကုမ္ပဏီတို့အတွက် တံခါးမရှိ ဓားမရှိ လမ်းပွင့်သွားခဲ့၏။

    OIC နှင့် လူနည်းစုဝင်မွတ်စ်လင်မ်များ
    —————————————–
    အိုအိုင်စီကိုယ်စားလှယ်အဖွဲ့၏ ခရီးစဉ်မှာ မြန်မာနိုင်ငံ၌ ကျယ်ပြန့်စွာ ကန့်ကွက်ဆန္ဒပြမှု ဖြစ်လာစေခဲ့သည်။ ဗုဒ္ဓဘာသာဝင် လူမျိုးရေးဝါဒီများက အိုအိုင်စီသည် မြန်မာပြည်တွင်းရေးကို ၀င်ရောက်စွက်ဖက်သည်ဟု စွပ်စွဲကြသည်။ ဤအဆိုများမှာ နည်လမ်းမကျပေ။ အကြောင်းမှာ ရိုဟင်ဂျာမွတ်စ်လင်မ်များ အပေါ်ထားရှိသော အိုအိုင်စီ၏ သဘောထားသည် အလားတူ အနေအထားမျိုးအပေါ် အခြား အပြည်ပြည်ဆိုင်ရာအဖွဲ့အစည်းကြီးများအတိုင်း ထပ်တူထပ်မျှဖြစ်နေသောကြောင့်ပင်။ အိုအိုင်စီသည် ကမ္ဘာ့ကုလသမဂ္ဂပြီးလျှင် တိုင်းနိုင်ငံ အစိုးရများပါဝင်သည့် ဒုတိယမြောက် အကြီးမားဆုံးအသင်းအဖွဲ့ကြီး ဖြစ်၍ ကမ္ဘာ့တိုက်ကြီးလေးခုမှ နိုင်ငံပေါင်း ၅၇ နိုင်ငံသည် အဖွဲ့ဝင်အဖြစ် ရှိနေသည်။ ဖွဲ့စည်းတည်ဆောက်ထားပုံမှာလည်း ကမ္ဘာ့ကုလသမဂ္ဂအဖွဲ့နှင့် ထပ်တူထပ်မျှနီးပါးဖြစ်သည်။ မွတ်စ်လင်မ်လူနည်းစုဝင်များ၏ အကျိုးကို ကာကွယ်စောင့်ရှောက်ပေးရေးသည် ဤအဖွဲ့ကြီး၏ ကမ္ဘာသိရပ်တည်ချက်ဖြစ်သည်။ မြန်မာနိုင်ငံ၌ စစ်အုပ်ချုပ်ရေး အဆုံးသတ်ပြီး သုံးနှစ်အကြာတွင် ဘာသာရေးနှင့် လူမျိုးရေးတင်းမာမှုများ အရှိန်အဟုန်ကြီးမားမြင့်တက်လာသည်။ မွတ်စ်လင်မ် လူနည်းစုဝင်များအပေါ် တရားဝင် အစီအစဉ်ရှိပြီးဖြစ်သော အိုအိုင်စီသည် အကြမ်းဖက်မှု စတင်ကတည်းက သာသနာရေးအရ ပါဝင်လာရခြင်းဖြစ်သည်။

    အိုအိုင်စီအဖွဲ့ဝင် မဟုတ်သည့်နိုင်ငံများမှ မွတ်စ်လင်မ် လူနည်းစုတို့အပေါ် ယခင် ၅-၆ နှစ်မှစ၍ အိုအိုင်စီက ပထမဦးစားပေးအဆင့်ဖြင့် စဉ်းစားပေးခဲ့ကြသည်။ ဤသည်မှာ အိုအိုင်စီ ရည်ရွယ်ချက်များအနက် အဓိကမဏ္ဍိုင်တစ်ခု ဖြစ်၏။ မွတ်စ်လင်မ်လူထုအားလုံး၏ ဂုဏ်သိက္ခာ၊ လွတ်လပ်မှု နှင့် လူ့အခွင့်အရေးဆိုင်ရာ ဒုက္ခများ၌ အိုအိုင်စီမှ ဖြေရှင်းပေးသည်။ ၄င်းအပြင် အိုအိုင်စီ၏ စည်းမျဉ်းတစ်ရပ်၌ ငြိမ်းချမ်းရေးကိုထိခိုက်စေမည့် ပဋိပက္ခမှန်သမျှကို ညှိနှိုင်းခြင်း၊ ရင်ကြားစေ့ဖျန်ဖြေပေးခြင်း၊ သင့်မြတ်အောင်ဆောင်ရွက်ပေးခြင်း၊ အကူအညီတောင်းခံမှုတွင်ကြားဝင် စီရင်ပေးခြင်း စသည့် ပြဿနာဖြေရှင်းရေးလည်း အပါအ၀င်ဖြစ်သည်။

    တစ်ချိန်က ဖိလစ်ပိုင်၊ ထိုင်း စသည့် နိုင်ငံများစွာ၌ ငြိမ်းချမ်းရေး တည်ဆောက်မှုလုပ်ငန်းစဉ်များကို အိုအိုင်စီမှ ပါဝင်ဆောင်ရွက်ကူညီခဲ့သည်။ မြန်မာနိုင်ငံ၊ ရခိုင်ပြည်နယ်ရှိ ဇာတိဒေသများမှ မောင်းထုတ်ခံခဲ့ရသော ရိုဟင်ဂျာဒုက္ခသည်များပြဿနာ အဖြေရှာရေးအတွက်လည်း ငြိမ်းချမ်းစွာကြိုးပမ်းကူညီလျက်ရှိ၏။ ဤရင်ကြားစေ့ပေးရေး၌ မွတ်စ်လင်မ်နှင့် မွတ်စ်လင်မ်မဟုတ်သော အရပ်ဖက်ဆိုင်ရာလူ့အဖွဲ့အစည်းများမှ ပညာရှင်များ၊ ကျွမ်းကျင်သူများ၊ ကိုယ်စားလှယ်များနှင့် တွေ့ဆုံဆွေးနွေးပွဲများ စီစဉ်၍ မွတ်စ်လင်မ်အသိုင်းအ၀ိုင်းများ ရင်ဆိုင်နေရသော အခက်အခဲများကို သုံးသပ်ဆွေးနွေးခြင်း၊ လိုက်လျောညီထွေအဖြစ်ဆုံး နည်းလမ်းကို ရှာကြံခြင်းတို့မှာ ၄င်းတို့အသုံးပြုသော နည်းလမ်းများအနက် တစ်ရပ်မျှသာဖြစ်သည်။

    ရိုဟင်ဂျာ မွတ်စ်လင်မ်များအရေးနှင့်ပတ်သက်ပြီး ဤတစ်ကြိမ်မှာ အိုအိုင်စီအတွက် ပထမဦးဆုံး မဟုတ်။ ၂၀၁၁ ခုနှစ် မေလကလည်း နိုင်ငံအသီးသီးရှိ ရိုဟင်ဂျာဒုက္ခသည်များ၏ ထင်ရှားသူများ၊ ကနဦးခေါင်းဆောင်များကို ခေါ်ယူကာ အစည်းအဝေးတစ်ရပ်ဆောင်ရွက်ပေးခဲ့သည်။ Arakan Rohingya Union (ARU) ၏ လိုလားချက်ဖြစ်သည့် ဌာနီမဲ့ရိုဟင်ဂျာများကို မွေးရပ်မြေမြန်မာနိုင်ငံရခိုင်ပြည်သို့ ပြည်တော်ပြန်နိုင်ရေး လိုအပ်ချက်များ နှင့် ဒုက္ခသည်တို့၏ပြဿနာများအပေါ် ဆွေးနွေးအဖြေရှာခဲ့ကြသည်။

    အိုအိုင်စီ၏ ၂၀၀၅ ခုနှစ်စည်းမျဉ်းပြန်လည်ချမှတ်မှု၌ မွတ်စ်လင်မ် လူနည်းစုဝင်များ အရေးကြားဝင်ကူညီပေးခြင်းက အစိတ်အပိုင်းတစ်ရပ်အဖြစ်ပါဝင်လာသည်။ ၄င်း၏အလျင်က အိုအိုင်စီသည် ၄င်း၏ အားနည်းချက်များ၊ ရှေ့ထွက်ဆောင်ရွက်ချက်များနှင့်ပတ်သက်၍ ဝေဖန်ခံခဲ့ရ၏။ အတိတ်ကာလတွင် ရှေ့ထွက်ဆောင်ရွက်ချက်များ မရှိသလောက်ဖြစ်ခဲ့ခြင်းမှာ အဖွဲ့ဝင် ၅၇ နိုင်ငံ၏သဘောထားပေါ်မူတည်ခဲ့သောကြောင့်ဖြစ်သည်။ အိုအိုင်စီအဖွဲ့ဝင်နိုင်ငံများသည် ကမ္ဘာ့ရေနံနှင့်စွမ်းအင် ဈေးကွက်အများစု၏အခန်းကဏ္ဍ၌ ထင်ထင်ရှားရှား အဓိကဖြည့်ဆည်းပေးလျက်ရှိနေသည်။ သို့ရာတွင် အဖွဲ့ဝင်နိုင်ငံများအကြား အငြင်းပွားမှုများက အပြည်ပြည်ဆိုင်ရာအရေးတွင်ပါဝင်ခြင်း နှင့် ရှေ့ထွက်ဆောင်ရွက်ခြင်းတို့အတွက် အတားအဆီးဖြစ်သွားစေခဲ့သည်။ ဘုံအယူအဆ၊ အတွေးအမြင်နှင့်အကျိုးစီးပွား မရှိခဲ့သဖြင့် ၄င်း၏စီးပွားရေးနှင့်နိုင်ငံရေးမျှော်မှန်းချက်နှင့် အလှမ်းဝေးကာ ရှေ့ထွက်ဆောင်ရွက်ခြင်းတွင် အကန့်အသတ်ပြဿနာများကြုံဆုံ သွားစေလေသည်။

    သို့တစေ ပါလက်စတိုင်းပြဿနာ၊ အစ္စလာမ်ပေါ် အမြင်မှားရွံကြောက်မှု နှင့် လူနည်းစုဝင်မွတ်စ်လင်မ်များအရေးတို့သည် အိုအိုင်စီအစည်းအဝေးတိုင်းတွင် ထိပ်ဆုံးမှ ပါဝင်လျက်သာ ရှိနေခဲ့၏။ ဤအချက်များက အဖွဲ့ဝင် ၅၇ နိုင်ငံစလုံး၏ တစ်ခုတည်းသော အခြေခံရည်မှန်းချက်အောက်သို့ မသိမသာ တစ်ပြေးညီဖြစ်အောင် စုစည်းသွားစေခဲ့ကြောင်း သိနိုင်ပေပြီ။

    သို့ဖြစ်ရာ ရိုဟင်ဂျာမွတ်စ်လင်မ်ပြဿနာသည် အိုအိုင်စီမှ အတူတစ်ကွ ဖော်ဆောင်ဖြေရှင်းရာ အခြေခံအရေးကိစ္စတစ်ရပ် ဖြစ်လာရပေသည်။ ၄င်းအပြင် ဤအရေးသည် အပြည်ပြည်ဆိုင်ရာပံ့ပိုးကူညီမှု နှင့် မီဒီယာပွင့်လင်းမှန်ကန်မှု လုံလောက်ပြည့်ဝစွာ မခံစားကြရ။ သို့သာမက ရိုဟင်ဂျာမွတ်စ်လင်မ်တို့သည် အိုအိုင်စီနှင့်တိုက်ရိုက် ဆက်သွယ်ခွင့်ရရှိရန်၊ မြန်မာပြည်တွင် ထောက်ပံ့ရေး ဌာနတစ်ရပ်ရှိရန် လိုအပ်နေကြောင်း အိုအိုင်စီမှ နားလည်သိမြင်လာခဲ့သည်။ ထို့ကြောင့် လူနည်းစုဝင်ရိုဟင်ဂျာမွတ်စ်လင်မ်တို့အား လူသားချင်းစာနာမှု အကူအညီပေးရေး တံတားတစ်စင်းခင်းနိုင်ဖို့ အခြေစိုက်ရုံးတစ်ခု ဖွင့်လှစ်ပေးရေးအတွက် အိုအိုင်စီမှ မြန်မာအာဏာပိုင်တို့ထံ တစိုက်မတ်မတ် ဆိုနေခြင်းဖြစ်ပေသည်။

    အိုအိုင်စီသည် မွတ်စ်လင်မ်ကမ္ဘာကြီးတစ်ခုလုံးနှင့်သက်ဆိုင်သည့် သေရေးရှင်ရေးပြဿနာများကို အခြေခံကျကျဖြေရှင်းပေးရန်၊ မွတ်စ်လင်မ်ထုတစ်ရပ်လုံးနှင့် သက်ဆိုင်သည့်စိန်ခေါ်မှုများအပေါ် စွက်ဖက်ရန် စွမ်းသာထိရောက်သော အဖွဲ့အစည်းကြီးတစ်ခု မဟုတ်ချေ။ သို့သော်လည်း ရိုဟင်ဂျာမွတ်စ်လင်မ်တို့အပေါ် ဖိနှိပ်ခြင်း ကဲ့သို့သော အရေးအရာများနှင့်စပ်လျဉ်း၍ကား ကောင်းစွာ ဆောင်ရွက်နိုင်သည့်အနေအထားတွင်ရှိသည်။ ထို့ပြင် ၄င်းသည် ကျွန်ုပ်တို့နေထိုင်ရှင်သန်နေသောကမ္ဘာ၏ အဆင့်အတန်းရှိ အဖွဲ့အစည်းကြီးတစ်ရပ်ဖြစ်နေကြောင်း ပြသနိုင်သည့် အခွင့်အရေးလည်း ရှိနေပေသည်။

    World Bulletin တွင် Aysenur Goksen ရေးသားသော The Rohingya and the OIC: A voice against the ethnic cleansing? ဆောင်းပါးကို မြင့်မိုရ်မောင်မောင် ဆီလျော်အောင် မြန်မာပြန်ဆိုပါသည်။

  • လူမျိုးကြီးဝါဒ အမြစ်တွယ်စေတဲ့ သမိုင်း တရားခံများ (Analysis By Maung Zarni)

    စက်တင်ဘာ ၃ ရက်၊ ၂၀၁၃
    M-Media
    မူရင်းဆောင်းပါးရှင်- ဒေါက်တာဇာနည်
    ဘာသာပြန်- သာကီထက်ကောင်း

    လွန်ခဲ့တဲ့နှစ်အလွန်ကတည်းက မြန်မာနိုင်ငံမှာ နာဇီလက်သစ် ဗုဒ္ဓဘာသာဝင်တွေတိုးပွားလာပြီး၊ သီးခြားလူနည်းစုဖြစ်နေတဲ့ မွတ်စ်လင်မ်တွေ၊ မွတ်စ်လင်မ်တွေရဲ့ သမိုင်းနောက်ခံတွေကို ပစ်မှတ်ထားလို့ လူရမ်းကားတွေက အကြမ်းဖက်မှုတွေ ပြုလုပ်လာကြတယ်။

    အစ္စလာမ်အပေါ် တစ်ဖက်သတ် အမြင်စောင်းမုန်းတီးတဲ့ လှုပ်ရှားမှုဗဟိုချက်ကိုကြည့်လိုက်ယင် အာဏာပိုင်အစိုးရ နဲ့ တစ်ချိန်ကခေါင်းဆောင်ဟောင်းများက အစပျိုးလာတာကို တွေ့ကြရပါလိမ့်မယ်။ သူတို့ဟာ မိမိတို့ ပုဂ္ဂလအစီအမံတွေ၊ အပါးတော်မြဲ အုပ်စုတွေရဲ့အကျိုးတွေကို ကာကွယ်ထားနိုင်ဖို့အတွက် ကလိမ်ကကျစ်နိုင်ငံရေးစံနစ်နဲ့ ရှေ့ဆက်လာကြပြီး နိုင်ငံရေးဘောဂဗေဒဖြစ်စဉ်ထဲ ဆက်လက် သွတ်သွင်းလည်ပတ်နေစေတာဖြစ်တယ်။

    ဒီအကြမ်းဖက်မှုတွေနဲ့စပ်လျဉ်းပြီး မြောက်များစွာသော မြန်မာ့အရေးကျွမ်းကျင်သူတွေ၊ စောင့်ကြည့်လေ့လာသူတွေ၊ ဂျာနယ်လစ်တွေအပြင် နိုင်ငံတကာက ဗုဒ္ဒဘာသာဝင်များ အကြားမှာ အမြင် အမျုိုးမျိုးရှိနေကြတယ်။ တစ်ချို့က သမ္မတ ဦးသိန်းစိန်ရဲ့ စစ်တပ်တစ်ပိုင်း အရပ်သားတစ်ပိုင်း အစိုးရကနေ ပေးအပ်လိုက်တဲ့ လွတ်လပ်မှုပုံဟန်သစ်ကြောင့်လို့ ပြစ်တင်ကြတယ်။ တစ်ချို့ကတော့ လူမျိုးဘာသာခွဲခြားမှုဆိုင်ရာ ပဋိပက္ခအဖြစ် ရှုမြင်ကြတယ်။

    တစ်ချို့ကလည်း မျှတမှုမဲ့ဖွံ့ဖြိုးရေး နဲ့ လူတန်းစားတွေအကြား ၀င်ငွေကွာဟချက်ကြီးမားခြင်းက အရင်းခံအကြောင်းဖြစ်တယ်လို့ သုံးသပ်ပြန်တယ်။ ဗုဒ္ဓကျမ်းဂန် သုတေသီများ နဲ့ ယဉ်ကျေးမှုတန်ဖိုးထားသူများက အဆုံးသတ်ဆွေးနွေးတင်ပြလိုက်တာကတော့ မြန်မာနိုင်ငံမှာ Islamophobia လို့ခေါ်တဲ့ “အစ္စလာမ်အပေါ် တစ်ဖက်သတ်အမြင်စောင်းမုန်းတီးမှုရောဂါ” ဖြစ်ပေါ်နေလို့ပါတဲ့။

    အသေချာဆုံးကတော့ အထက်ပါဖော်ပြချက်အပေါင်းက မြန်မာမွတ်စ်လင်မ်ထုကို တအုံတကျင်း ဆန့်ကျင်အကြမ်းဖက်မှုတွေနဲ့အတူ မြေလှန်လိုခြင်းဟာ နက်နက်ရှိုင်းရှိုင်း ပွင့်ထွက်လာတယ်လို့ နိုင်ငံတကာအသိုင်းအ၀ိုင်းထဲ ပိုပြီးနားလည်သိမြင်သွားစေတာပါဘဲ။ ဒါပေမယ့် စစ်တပ်ထိန်းချုပ်ထားတဲ့နိုင်ငံတစ်ခုဟာ အာဏာရှင်ဒဿန လမ်းကြောင်းအတိုင်း လူမျိုးကြီးဝါဒကို ကာလကြာရှည် သွတ်သွင်းထားလေ့ရှိကြောင်း သူတို့အားလုံး မြင်အောင်မကြည့်တတ်ကြပေဘူး။ အိမ်ခန်းထဲ ဆင်တစ်ကောင်လုံးရောက်နေတာတောင် မမြင်နိုင်အောင် ဖြစ်နေကြတယ်လို့ဆိုရမှာပါ။

    ကမ္ဘာ့သုံးသပ်ချက်နဲ့ဆန့်ကျင်စွာ တိုင်းမ်မဂ္ဂဇင်းက အစွန်းရောက်ဗုဒ္ဓ၀ါဒီ (Buddhist Terror) ဆိုပြီး မျက်နှာဖုံးဆောင်းပါးအဖြစ် ဖော်ပြလိုက်တယ်။ ဒီဖော်ပြချက်မှာ ဗုဒ္ဓဘာသာကို ပြဿနာရှာတာမဟုတ်သလို ဗုဒ္ဓဘာသာဝင်ဗမာလူမျိုးမှန်သမျှကို သိမ်းကျုံးဆိုလိုထားတာလည်း မပါပါဘူး။ ယေဘူယျသုံးသပ်ချက်ထက် ပိုပြီး လက်တွေ့ကျတဲ့အချက်အလက်ကို တင်ပြထားခြင်း၊ လမ်းလွဲလမ်းမှားကို တည့်မတ်ပေးလိုခြင်းသာ ဖြစ်ပါတယ်။

    မွတ်စ်လင်မ်လူ့အဖွဲ့အစည်းတွေကို ဖယ်ထုတ်ရေး၊ အဲ့ဒီနောက် လက်ရဲဇက်ရဲသတ်ဖြတ်မှု၊ ဖျက်ဆီးသောင်းကျန်းမှု၊ ခိုးဆိုးလုယက်မှု၊ မွတ်စ်လင်မ်အိမ်ခြေနဲ့ဗလီ ၀တ်ကျောင်းတွေကို မီးလောင်တိုက်သွင်းမှု စသဖြင့် တကယ့်လူရမ်းကားတွေသုံးပြီးတိုက်ခိုက်တဲ့နေရာမှာ — စစ်ဗိုလ်ချုပ်များ၊ ဗိုလ်ချုပ်ဟောင်းများရဲ့ နောက်တော်ပါးအသီးသီးတွေရယ်၊ သူတို့ရဲ့အာဏာယန္တရားလို့ဆိုရမယ့် အာဏာပိုင်တွေ နဲ့ နိုင်ငံတော်လုံခြုံရေးဆိုပြီး ၀ါဒဖြန့်ချက်တွေရယ်က တိုက်ရိုက်သော်လည်းကောင်း တစ်ဖက်လှည့်နဲ့သော်လည်းကောင်း လုံးဝ ပါဝင်ပတ်သက်နေကြောင်း ဖော်ပြလို့နေပါတယ်။

    13

    မြန်မာပြည်အလယ်ပိုင်း မိတ္ထီလာမြို့မှာ လုံခြုံရေးတပ်ဖွဲ့တွေက ဗုဒ္ဓဘာသာဝင်လူရမ်းကားတွေနဲ့ ရင်းရင်းနှီးနှီး ဖက်လှဲတကင်းရှိနေပြီး လုံလောက်တဲ့အချိန်တစ်ခုကို သဘောတူခဲ့တယ်၊ နှစ်ပေါင်း ၂၀၀ သက်တမ်းရှိတဲ့ မြို့ကျက်သရေဆောင် ဗလီကြီးကို ပိုင်ပိုင်နိုင်နိုင်ဖျက်ဆီးဖို့ မိနစ်သုံးဆယ် ခွင့်ပေးခဲ့တယ်ဆိုပြီး ခိုင်မာတဲ့ မှတ်တမ်းတစ်စောင်က ဆိုထားပါတယ်။  YouTube ဗီဒီယိုဖိုင်တစ်ခုထဲမှာ ပရမ်းပတာလုပ်ရပ်ကြီးထွားနေစဉ်မှာတောင်  လုံခြုံရေးအာဏာပိုင်တစ်စုက မွတ်စ်လင်မ်ဆန့်ကျင်ရေးလူရမ်းကားတစ်ချို့နဲ့ အတူတစ်ကွ ဆေးလိပ်မီးညှိသောက်ယင်း စကားဖောင်ဖွဲ့နေကြတဲ့ မြင်ကွင်းကို တွေ့ကြရပါလိမ့်မယ်။

    စာရေးသူဟာ များမကြာမီက ကွာလာလမ်ပူကို ရောက်ခဲ့တယ်။ အဲ့ဒီခရီးစဉ်အတွင်း မိထ္ထီလာနဲ့မန္တလေးမှာရှိတဲ့ မြန်မာအသိုင်းအ၀ိုင်းများနဲ့ တွေ့ဆုံမေးမြန်းခဲ့ပါတယ်။ သူတို့အဆိုအရ မန္တလေးကအာဏာပိုင်တွေရော မိတ္ထီလာခရိုင် တရားစီရင်ရေးဖက်ကရော မဒ်ရစာ(အစ္စလာမ်ဘာသာရေးကျောင်း)ကျေုာင်းသား ၂၀ နဲ့အထက်ကို နေ့ခင်းကြောင်တောင် ရည်ရွယ်ချက်ရှိရှိ လိုက်လံသုတ်သင် သတ်ဖြတ်မှုမှာ ၀င်ရောက် ကယ်တင်ခြင်းမပြုဘဲ လက်ရှောင်နေခဲ့ကြတယ်လို့ သိရတယ်။ လက်နက်ကိုင်ေ သွးဆူနေတဲ့ ဗုဒ္ဓဘာသာဝင် လူရမ်းကားလက်ကလွတ်စေဖို့ ကျောင်းသားလေးတွေကို နေရာအနှံ့လိုက်ဖွက်နေချိန် တစ်လျှောက်လုံး တုန်လှုပ်ချောက်ခြားနေတဲ့ မွတ်စ်လင်မ်ခေါင်းဆောင်များက ဒေသဆိုင်ရာနဲ့နိုင်ငံတော်အဆင့်အာဏာပိုင်တွေအထိ အကြောင်းကြားခဲ့ကြပါတယ်။

    အာဏာပိုင်နဲ့စစ်ခေါင်းဆောင်တွေက စိတ်မသိုးမသန့်ပင်လျှင် မဖြစ်ဘဲ လျစ်လျူရှုခဲ့ကြတာ မျက်မြင်ထင်ရှားပါ။ ဒါပေမယ့် မြန်မာမွတ်စ်လင်မ်တွေအပေါ် လူမျိုးကြီးဝါဒီ ဗုဒ္ဓဘာသာဝင်တွေရဲ့ပေါက်ကွဲဖြစ်စဉ်တွေနဲ့ပတ်သက်ပြီး ပြည်တွင်းနဲ့နိုင်ငံတကာသုံးသပ်သူများက “တစ်ဖက်သတ်အကြမ်းဖက်မှု” ကို “အပြန်အလှန်ပဋိပက္ခ” ဆိုပြီး တလွဲတချော် ဖော်ပြနေကြတယ်။ ဒီလိုပုံဖော်ချက်တွေက လူ့အဖွဲ့အစည်းတွေရဲ့အခန်းကဏ္ဍကို အလွန်အကျွံ ပုံကြီးချဲ့ရာရောက်သွားစေပါတယ်။ ဗုဒ္ဓဘာသာဝင် လူရမ်းကားတို့ရဲ့ အုပ်စုဖွဲ့အကြမ်းဖက်မှုနဲ့လူမျိုးကြီးဝါဒအတွက် ယဉ်ကျေးမှု အဓိပ္ပာယ်ဖွင့်ဆိုချက်ကို အားပေး အားမြှောက်ပြုရာရောက်သွားစေပါတယ်။

    သေချာတဲ့အချက်ကတော့ မြန်မာနိုင်ငံလူ့အဖွဲ့အစည်းအသီးသီးအကြားမှာ တစ်ယူသန် အစွဲကြီးခြင်းက နက်နက်ရှိုင်းရှိုင်း စိမ့်ဝင်နေတာပါဘဲ။ လူမျိုးရေးအခြေတည် အမျိုးသားစီးပွားရေး စံနစ်မျိုးဟာ ရှေးအစဉ်အဆက်အရရော လွတ်လပ်ရေးရပြီး ကာလများမှာပါ မြန်မာအမျိုးသားရေးဝါဒရဲ့မဏ္ဍိုင်တစ်ရပ်လို တည်ရှိနေခဲ့တာ ကြာပါပြီ။ Race – “လူမျိုး” နဲ့ Ethnicity – “လူ့အုပ်စု” ဆိုတာ အပြောင်းအလဲမရှိဘူး၊ သွေးပေါ်အခြေခံခွဲထုတ်ရမယ် ဆိုတဲ့ အသိတရားက နိမ့်ကျဆွေးမြေ့နေပြီ ဖြစ်ပေမယ့် ရေပန်းစား လို့နေတယ်။ အရည်တစ်စက်ပေါ် အခြေခံတဲ့ စိတ်ကူးစိတ်သန်းကြီးက လက်ရှိ အမျိုးသားရေးပြန်လည်နိုးကြားမှုမှာ အတိုင်းအတာ တစ်ရပ်အထိ ကြီးစိုးနေပါတယ်။ အမှန်ကိုဆိုရယင် ဗုဒ္ဓ၀ါဒ နဲ့ အကြမ်းဖက်မှုတို့ဟာ အနှစ်သာရချင်း ဆန့်ကျင်နေပေမယ့်၊ လက်ရှိအခြေအနေနဲ့ သမိုင်းကြောင်း အရပါ ထာဝစဉ် ဒွန်တွဲနေခဲ့ကြတယ်လို့ ဆိုရမှာပါ။

    စင်စစ်မှာတော့ မြန်မာနိုင်ငံသား တရုတ်၊ အိန္ဒိယ၊ သွေးနှော၊ အခြားဘာသာဝင်လူနည်းစုတွေအပေါ် လူမျိုးစွဲ၊ ဘာသာစွဲတွေဖြစ်ပွားလာအောင် သွတ်သွင်းခင်းကျင်းအားပေး ကျားကန်နေတာကတော့ တိုင်းပြည်ရဲ့အာဏာပိုင်နဲ့ဦးဆောင်နေသူများသာ ဖြစ်ပါတယ်။

    ဗိုလ်ချုပ်နေ၀င်းကနေ လက်ရှိအငြိမ်းစား အာဏာရှင် ဗိုလ်ချုပ်မှူးကြီး သန်းရွှေလက်ထက် နှစ်ပေါင်း ၅၀ အထိ အစဉ်အဆက် စစ်ခေါင်းဆောင်များက လူမျိုးနဲ့ဘာသာတရားကို စစ်ရေးနဲ့နိုင်ငံရေးဗျူဟာ ဖဲချပ်အဖြစ် ထုတ်ကစားခဲ့ကြ ယုံတင်မကပါဘူး – ဗုဒ္ဓဘာသာလူမျိုးကြီး ၀ါဒကိုလည်း သွတ်သွင်းခဲ့ကြတယ်။ ရွှေပြားကပ်စေတီတွေ၊ ကောက်ရိတ်ချိန် ရွှေရောင်ဖြာနေတဲ့ လယ်ကွင်းပြင်တွေကို အစွဲပြုပြီး ဗုဒ္ဓဘာသာရွှေနိုင်ငံ အဖြစ် သွေးနားထင်ရောက်အောင် အဓိကသော့ချက်လို အသုံးပြုခဲ့တာ လူသိများလှပေတယ်။

    ဦးသိန်းစိန်ရဲ့ တရားဝင်အကာအကွယ်ကို ရယူထားတဲ့ လက်သစ်နာဇီဘုန်းကြီး ဦးဝီရသူ ဟာ မြန်မာမွတ်စ်လင်မ် ဆန့်ကျင်ရေး ဗုဒ္ဓဘာသာဝင်လူမျိုးကြီးဝါဒ ၉၆၉ လှုပ်ရှားမှု စနက်တံကို မောင်းဖြုတ်လွှတ်ပေးခဲ့သူ ဖြစ်တယ်။ ဒီလှုပ်ရှားရဲ့ဇစ်မြစ်ဟာ နိုင်ငံတော်ငြိမ်ဝပ်ပိပြားမှု တည်ဆောက်ရေး စစ်အစိုးရလက်ထက် ဗိုလ်ချုပ်မှူးကြီးစောမောင် အစိုးရရဲ့ ပျိုးထောင် စီစဉ်ခဲ့မှုဖြစ်ကြောင်း ရိုက်တာသတင်းဌာနက ခြေရာခံမိပြီး မကြာသေးမီက အထူးအစီရင်ခံစာ တစ်စောင်မှာ ဖော်ပြခဲ့တယ်။

    ပြည်တွင်းသာသနာရေးဦး ဌာနအောက်က သာသနာရေးညွှန်မှူး(ယခုအငြိမ်းစား)က လူထုကြားထဲ အစ္စလာမ်မုန်းတီးရေး အတွေးအမြင်တွေ ပျံ့နှံ့အောင် ဦးစောမောင်ရဲ့အားပေးအားမြှောက်မှုနဲ့ ကြံစည်ဖော်ဆောင်ခဲ့တယ်လို့ ရိုက်တာအစီရင်ခံစာမှာ အထူးအားဖြင့် ဖွင့်ချပြခဲ့တယ်။ ဦးစောမောင်ကို ဆက်ခံတဲ့ – လက်ရှိအချိန်မှာ အနားယူပြီလို့ ကြေညာထားတဲ့ ဦးသန်းရွှေဟာ “မြန်မာနိုင်ငံ၏ကျိုးပဲ့နေသောအနောက်တံခါး” ခေါင်းစဉ်တပ် မွတ်စ်လင်မ်နဲ့ရိုဟင်ဂျာဆန့်ကျင်ရေး ၀ါဒဖြန့်စာတစ်စောင် ထုတ်ဝေဖြန့်ချိခဲ့တယ်လို့ ဆိုပါတယ်။ အနောက်တံခါး ဆိုတာ မွတ်စ်လင်မ်အများစုရှိတဲ့ ဘင်္ဂလားဒေ့ရ်ှနယ်စပ်က ရခိုင်ပြည်နယ်ကို ညွှန်းဆိုထားတာပါ။

    လူမျိုးကြီးဝါဒ သပ်လျှိုဥပဒေ

    82 creator
    သို့ပေမယ့် မြန်မာနိုင်ငံက စစ်ဥပဒေသစ်ကို ထူထောင်သူ အာဏာရှင်ဟောင်း ဦးနေ၀င်း၊ ဦးနေ၀င်းရဲ့အကြံပေးပညာရှင် –  နောက်ပိုင်းမှာသမ္မတဖြစ်လာသူ ဗြိတိန်နဲ့ဒတ်ခ်ျက ဥပဒေဘွဲ့ရ ဒေါက်တာမောင်မောင်၊ သြစတေးလျ တက္ကသိုလ်ထွက် ရခိုင်သမိုင်းဆရာ ဒေါက်တာအေးကျော်တို့က လက်ရှိ မျက်ကန်းမျိုးချစ် ဗုဒ္ဓဘာသာဝင် လူမျိုးကြီးဝါဒကို စတင်ချမှတ် အကောင်အထည်ဖော်ခဲ့တာဖြစ်တယ်။ သူတို့တစ်တွေဟာ တစ်ကိုယ်ရည် အကြောက်လွန်စိတ်ကြောင့် မွတ်စ်လင်မ်၊ ခရစ်ယာန်၊ အိန္ဒိယမြန်မာကပြား၊ တရုတ်နွယ်ဖွားတွေကို “သွေးနှောသူတွေ” တစ်နည်းအားဖြင့် “မျုိုးမစစ်သူတွေ” လို့ ရည်ညွှန်းပြီး အကျယ်တ၀င့် သတင်းဖြန့်ခဲ့ကြတယ်။

    ၁၉၈၂ ခုနှစ် အောက်တိုဘာလမှာ ဦးနေ၀င်းက သူရဲ့အဆင့်မြင့်လူယုံတွေ၊ အကြံပေးတွေကို စာကြမ်းတစ်စောင်နဲ့ သမိုင်းဝင်တာဝန်တစ်ရပ် ညွှန်ကြားခဲ့တယ်။ အဲ့ဒီမှာ သူ့ကိုယ်ပိုင်သတ်မှတ်ချက်နဲ့ ဥပဒေထဲ လူမျိုးကြီးဝါဒသွတ်သွင်းပြီး နိုင်ငံတော်လုံခြုံရေးလို့ ခေါင်းစဉ်တပ်ခိုင်းခဲ့တယ်။ အဲ့ဒါဟာ နောင်တစ်ချိန်မှာ ၁၉၈၂ နိုင်ငံသား ဥပဒေဆိုပြီးတော့ ပေါ်ထွက်လာခဲ့တာပါဘဲ။ ယမန်နှစ်က ရိုဟင်ဂျာမွတ်စ်လင်မ် ဆန့်ကျင်ရေးတွေ တအုံတကျင်းဖြစ်ပွားလာရတာ အဲ့ဒီ ဥပဒေအရင်းခံကြောင့်လို့ ဆိုရပါမယ်။ အခုအချိန်မှာဖြင့် ရခိုင်ပြည်နယ်ပြဿနာဟာ နိုင်ငံတကာက မျက်စေ့ဒေါက်ထောက် အာရုံစိုက်နေကြတဲ့ – အကြီးအကျယ်ဆွေးနွေးရမယ့် အရေးအရာ ဖြစ်သွားခဲ့ပါပြီ။

    ၁၉၈၂ ခုနှစ်မှာ ဦးနေ၀င်းက တရုတ်(တရုတ်ပြည်နဲ့တရုတ်လူမျိုး အဆက်အနွယ်) နဲ့ ကုလား(အိန္ဒိယနွယ်ဖွားလူညို သို့မဟုတ် မွတ်စ်လင်မ်)ဆိုပြီး တရားဝင် သုံးနှုန်းခဲ့တယ်။ အဲ့ဒီ အသုံးအနှုန်းတွေက လူမျိုး ခွဲခြားနှိမ့်ချတဲ့ ဝေါဟာရတွေ ဖြစ်တယ်။ မြန်မာနိုင်ငံရဲ့ အုပ်ချုပ်ရေး ယန္တရား၊ စစ်တပ် အပါအ၀င် အရေးပါအရာရောက်တဲ့ ရာထူးတွေမှာ သူတို့ကို နေရာမပေးစေခဲ့ဘူး။ ဗြိတိသျှကိုလိုနီခေတ်က ၀င်ရောက် အခြေချကြတဲ့ တိုင်းတစ်ပါးသား အနွယ်များဟာ သူ့အဆိုအရ “ဧည့်သည်” နဲ့“သွေးနှော”တွေအဖြစ် သတ်မှတ်ခဲ့ကြတယ်။

    ၁၈၂၄ ခုနှစ်မှာ အင်္ဂလိပ်-မြန်မာ ပထမစစ်ပွဲဖြစ်ပွားတယ်။ မြန်မာတွေ စစ်ရှုံးတော့ တနင်္သာရီကမ်းမြှောင်ဒေသ နဲ့ ရခိုင်ပြည်နယ်ကို ဗြိတိသျှတို့ဆီ ပေးအပ်လိုက်ရတယ်။ ဗြိတိသျှလက်အောက်ခံရောက်ခဲ့တဲ့ အဲ့ဒီကာလနောက်ပိုင်း မြန်မာပြည်ထဲ ပြောင်းရွှေ့ ၀င်ရောက်အခြေချလာ ခဲ့တဲ့သူတွေဟာ ရာစုနှစ် တစ်ခုကျော်လွန်အောင် နေထိုင်ခဲ့ကြပေမယ့် အဲ့ဒီဥပဒေအရ နိုင်ငံသားတစ်ဦးရဲ့အခွင့်အရေးကို အပြည့်အ၀ မရခဲ့ကြပါဘူး။

    ဒုတိယကမ္ဘာစစ်မတိုင်ခင် နိုင်ငံအတွင်း ဆယ်စုနှစ်များစွာ နေထိုင်လာသူများအတွက် နိုင်ငံသားအခွင့်အရေး အပြည့်အ၀ပေးဖို့ကိစ္စအပေါ် ဦးနေ၀င်းစကားကြောင့် သံသယနဲ့စောင့်ကြည့်ခံနေရဆဲဖြစ်တယ်။

    “ သူတို့ဟာ နည်းလမ်းမျိုးစုံသုံးလို့ ငွေရှာဖို့ဘဲသိကြတယ်။ ဒါကို သိနေတဲ့အတွက် ကျွန်တော်တို့နိုင်ငံရဲ့ကံကြမ္မာကို ဆုံးဖြတ်မယ့်အဖွဲ့အစည်းမှာ ဘယ်လို ယုံကြည်စိတ်ချနိုင်မှာလဲ ? ဒါ့ကြောင့် ကျွန်တော်တို့ဟာ သူတို့ကို နိုင်ငံသားနဲ့လူ့အခွင့်အရေး အပြည့်အ၀ပေးမှာ မဟုတ်ပါဘူး။ ဘယ်လိုဘဲဖြစ်ဖြစ် ကြိုးရှည်ရှည်နဲ့လှန်ထားရဦးမှာပါဘဲ။ သူတို့အလုပ်နဲ့သူတို့ကို ၀မ်းစာရှာဖွေခွင့်ပေးမယ်၊ ဆက်လက်နေထိုင်ခွင့်ပေးသွားမယ်။ ဒီ့ထက်တော့ မပိုနိုင်ဘူး ” လို့ အာဏာရှင်ဟောင်းကြီးက ပြင်းပြင်းထန်ထန် လမ်းညွှန်ခဲ့တယ်။

    ၁၉၈၂ ခုနှစ်ရဲ့အဲ့ဒီနေ့ကစပြီး အစဉ်အဆက်စစ်ခေါင်းဆောင်တွေထံမှာ အင်အားလေးသိန်းကျော်ရှိ တပ်မတော်ထဲက တရုတ် နဲ့ အိန္ဒိယအဆက်အနွယ်တွေကို ရာထူး အဆင့်တိုးမြှင့်ပေးတာမျိုး  မရှိကြတော့ဘူး။

    ၁၉၆၂ ခုနှစ်၊ ဦးနေ၀င်း အာဏာသိမ်းပြီးကတည်းက စစ်အုပ်ချုပ်ရေးနိုင်ငံ တစ်ခုအနေနဲ့ ဘာသာရေး၊ ယဉ်ကျေးမှု၊ ပညာရေး၊ သက်မွေးဝမ်းကြောင်း နဲ့ အခြားကဏ္ဍတွေမှာ မျက်ကန်း မျိုးချစ်လှိုင်းလုံးတွေ ဆင့်ကာဆက်ကာ လှိမ့်ဝင်လာကြတယ်။

    “သွေးစစ်မျိုးမှန်” နဲ့ “နိုင်ငံ့သားကောင်း” ဆိုတဲ့ ဦးနေ၀င်းရဲ့ သည်းခြေကြိုက်ပေါ်လစီက သူကိုယ်တိုင်နဲ့ ဆန့်ကျင်ဖက်ဖြစ်နေပြန်ရော။ သူကိုယ်၌က ဗမာလူမျိုးစစ်စစ် မဟုတ်တဲ့အပြင် သူ့ရဲ့သစ္စာခံ လူမျိုးကြီးဝါဒီတွေ၊ သူ့အိုင်ဒီယာအမွေခံတွေ အတော်များများကလည်း “သွေးစစ်မျိုးမှန်” ထဲက မဟုတ်ကြပါဘူး။ သာဓကပြရမယ်ဆိုယင် လက်ရှိ ပြည်ထောင်စုဝန်ကြီးနဲ့ငြိမ်းချမ်းရေးစေ့စပ်ညှိနှိုင်းသူ ဦးအောင်မင်းဟာ တရုတ်နွယ်ဖွားထဲက ဖြစ်နေပါတယ်။

    မြန်မာနိုင်ငံအတွက် အိပ်မက်ဆိုးတံခါးပွင့်သွားစေတဲ့ လူမျိုး၊ ဘာသာသန့်စင်ရေးလမ်းကြောင်းဟာ – လက်ရှိအတိုက်အခံ ခေါင်းဆောင် ဒေါ်အောင်ဆန်းစုကြည်ရဲ့ဖခင် လွတ်လပ်ရေးသူရဲကောင်း အာဇာနည်ကြီး ဗိုလ်ချုပ်အောင်ဆန်း နဲ့ သူ့သေဖော်သေဖက်ခေါင်းဆောင်များရဲ့ လူမျိုးဘာသာယဉ်ကျေးမှု မခွဲခြားရေး အမြင်အရ ဖြောင့်ဖြောင့်ကြီး ထိပ်တိုက် ဆန့်ကျင်လို့နေပါတယ်။

    ၁၉၄၇ ခုနှစ် ဗြိတိသျှတို့ဆီက လွတ်လပ်ရေးရလု ဆဲဆဲကာလမှာ ဗိုလ်ချုပ်အောင်ဆန်းက များမကြာခင် လွတ်လပ်လာတော့မယ့် မြန်မာ(ဗမာ)နိုင်ငံထဲ လူမျိုးရေး၊ ဘာသာရေး နဲ့ နိုင်ငံရေးကို မရောထွေးကြဖို့ တင်ကြိုသတိပေးခဲ့တယ်။ ဗုဒ္ဓဘာသာကို နိုင်ငံတော်ဘာသာပြုရေးအပေါ် အတိုက်အခံပြုဆန့်ကျင်ပြီး တိုင်းပြည်ရဲ့အနာဂတ်အတွက် ဗိုလ်ချုပ်အောင်ဆန်းက အတူယှဉ်တွဲနေထိုင်ရေး ၀ါဒီနဲ့နိုင်ငံရေးသမားရဲ့အမြင်တစ်ရပ်ကို ဒီလို မိန့်မှာခဲ့ပါတယ်။

    “ ကုန်းဘောင်မင်းဆက်ခေတ်ကာလ(၁၇၅၄-၁၈၈၅)ကတည်းက ကျွန်တော်တို့နိုင်ငံမှာ ဘာသာတရားအသီးသီး ရှိနှင့်ပြီးဖြစ်တယ်။ နတ်ကိုးကွယ်သူတွေရှိကြတယ်။ ကက်သလစ်ခရစ်ယာန်တွေ ရှိကြတယ်။ နယ်စွန်နယ်ဖျားတိုင်းရင်းသားတွေအနက် ခရစ်ယာန်အဖြစ် သွတ်သွင်းခံရသူတွေရှိကြတယ်။ လူမျိုးနဲ့ဘာသာ ကွဲပြားနေလင့်ကစား သူတို့အားလုံးဟာ ပြည်သူတွေဖြစ်တယ်။ ဗြိတိသျှကိုလိုနီအုပ်ချုပ်ရေးကို တော်လှန်ကြိုးပမ်းခဲ့ရာမှာ ဗုဒ္ဓဘာသာမြန်မာလူမျိုးတစ်ခုတည်း မဟုတ်ဘူး။ လူမျိုးစုံ ဘာသာစုံ ပါဝင်ခဲ့ကြတယ်။ ပေးဆပ်ခဲ့ကြတယ်။ တကယ်လို့များ ဒီ(နိုင်ငံတော်ဘာသာပြဋ္ဌာန်းရေး)လမ်းကြောင်းကို လျှောက်မယ်ဆိုယင် အမိမြေကို သိက္ခာချရာ ရောက်သွားပါလိမ့်မယ် ”။

    မြန်မာနိုင်ငံရဲ့လက်ရှိအုပ်ချုပ်ရေး စံနစ်ကတော့ လူမျိုးကြီးဝါဒီတွေကိုသာ ချီးမြှောက်နေကြတယ်။ တွန်းတင်ပေးနေကြတယ်။ အဆင့်မြင့်ရာထူးတွေမှာ ခန့်အပ်နေကြတယ်။ ဟောင်ကောင်သံ အရာရှိဟောင်းဖြစ်ခဲ့ဖူးသူ ရဲမြင့်အောင်ဟာ နိုင်ငံတကာသံတမန် အသိုင်းအ၀ိုင်းဆီကို ရိုဟင်ဂျာတွေက အရိုင်းအစိုင်းတွေဖြစ်ပြီး မြန်မာနိုင်ငံရဲ့ အသားဝါ မွန်ဂိုလွိုက် အနွယ်ဝင် မဟုတ်ကြောင်း လွန်ခဲ့တဲ့နှစ်များစွာက စာရေးပေးပို့ခဲ့သူဖြစ်တယ်။

    နောက်ပိုင်းမှာ နိုင်ငံခေါင်းဆောင်တွေက သူ့ကို အာဏာကုန်လွှဲအပ်ခံရတဲ့သံအမတ်အဖြစ်ခန့်အပ်ပြီး ဂျီနီဗာကို စေလွှတ်လိုက်တယ်။ အခုအချိန်မှာတော့ သူဟာ ကုလသမဂ္ဂလူ့အခွင့်အရေးကောင်စီမှာ မြန်မာနိုင်ငံရဲ့လူ့အခွင့်အရေးချိုးဖောက်မှုမှတ်တမ်းအတွက် ခုခံချေပနေရပါပြီ။

    ၁၉၈၂ နိုင်ငံသားဥပဒေထဲရှိ ဦးနေ၀င်းရဲ့လမ်းညွှန်ချက်အရ နောင်တစ်ချိန်မှာ နိုင်ငံခြားရေးဝန်ကြီးဖြစ်လာတဲ့ ဦးအုံးဂျော် ဟာလည်း ရိုဟင်ဂျာ နှစ်သိန်း သုံးသောင်းကို မြန်မာအစိုးရက အဓမ္မနယ်နှင်ခြင်းအရေးနဲ့ပတ်သက်ပြီး ၁၉၉၄ ခုနှစ်မှာ နိုင်ငံတကာအသိုင်းအ၀ိုင်းထံကို ဒီလိုတုန့်ပြန်ပြောဆိုခဲ့ပါတယ်။

    “ အဲ့ဒီလူတွေ မြန်မာနိုင်ငံက နှင်ထုတ်ခံရတယ်ဆိုတာ သွားပုပ်လေလွင့်စကားပါ။ ဘင်္ဂလားဒေ့ရ်ှဒုက္ခသည်စခန်းတွေထဲ ရောက်နေတဲ့အဲ့ဒီလူတွေဟာ ဒါကာကနေ ရောက်လာတာဖြစ်ပါလိမ့်မယ်။ ဗမာပြည်ကို စွန့်ခွာသွားရတဲ့လူဆိုလို့ တစ်ဦးတစ်လေမျှ ရှိမနေပါဘူး ”။

    အာဏာပိုင်တို့ရဲ့ မုသားများ
    thein-sein-chatham
    မြန်မာနိုင်ငံခေါင်းဆောင်များဟာ သူတို့ရဲ့လုပ်နေကျလမ်းကြောင်းအတိုင်း နိုင်ငံတကာအသိုင်းအ၀ိုင်းထံမှာ ၂၀၁၃ ခုနှစ် ဇူလိုင်လအထိ ထပ်ပြန်တလဲ မုသားဆိုနေတုန်းပါဘဲ။ ငြိမ်းချမ်းရေးနိုဗယ်လ်ဆုရှင်လျာထား စာရင်းမှာ ပါဝင်နေပေမယ့်လည်း သမ္မတဦးသိန်းစိန်က စစ်ဗိုလ်ချုပ်ဟောင်း ပီပီ လူမျိုးကြီးဝါဒရုပ်လုံး ၁၉၈၂ နိုင်ငံသားဥပဒေကို ခေါင်းမာစွာ စွဲကိုင်ထားဆဲသာမက ဗြိတိန်နိုင်ငံ Chantham House ထဲ မိန့်ခွန်းပေးရာမှာ “သူစိမ်းဧည့်သည်/တိုင်းတစ်ပါးသား” နဲ့ “သွေးစစ်မျိုးမှန်” စကားလုံးတွေ ထည့်သုံးပြောကြားသွားတာ တွေ့ရတယ်။ ဒါဟာ လူမျိုး အုပ်စုတွေပေါ်ထားရှိတဲ့ မြန်မာအာဏာပိုင်တွေရဲ့ လူမျိုးကြီးဝါဒအမြင်ကို တရားဝင်ဖော်ပြလိုက်တာပါဘဲ။

    တန်ဆာဆင်ရေးသားချက်တွေကို ဖတ်ပြပြီးတဲ့နောက် Whitehall နဲ့ White House မှာ နေပြည်တော်ကို နောက်ကွယ်က ထောက်ခံ အားပေးနေ သူများနဲ့ တွေ့ဆုံခဲ့တယ်။ အဲ့ဒီမှာ အခိုင်အမာအထောက်အထားတွေ တောင်လိုပုံပြီးရှိနေတာကို ဆန့်ကျင်ပြီး ဘာသာရေးအခြေခံ လူမျိုးစု ရိုဟင်ဂျာတွေကို ရှင်းထုတ်ရေး လုပ်ရပ် တစ်ခု ဆက်လက်လုပ်ဆောင်သွားဦးမယ့် စကားမျိုး ဦးသိန်းစိန်က တရားဝင် ပြောကြားခဲ့ပြန်တယ်။

    နိုင်ငံတော်ကထင်သာမြင်သာအကာအကွယ်ပေးမှုနဲ့အတူ လူမျိုးကြီးဝါဒီဗိုလ်ချုပ်များရဲ့ဆောင်ပုဒ်ကို အငှားသုံးပြီး နာဇီလက်သစ် ၀ါဒခေါင်းထောင်လာမှုဟာ နိုင်ငံ့ လူနည်းစုတွေဖြစ်ကြတဲ့ မွတ်စ်လင်မ်တွေ၊ တိုင်းရင်းသားတွေအပေါ် အကြမ်းဖက်မှုများကို ဖြစ်ပွားစေခဲ့တာပါဘဲ။ အာဏာပိုင်တွေရဲ့လူမျိုးကြီး ၀ါဒ၊ အဲ့ဒါကို ကျားကန်ပေးနေတဲ့ ၁၉၈၂ နိုင်ငံသားဥပဒေများဟာ  ဗုဒ္ဓဘာသာဝင်အစွန်းရောက်ဝါဒီတွေအဖို့ အဓိကရေသောက်မြစ်ကြီး ဖြစ်လို့လာခဲ့ပါပြီ။ ဒါဟာ သွေးနှောတွေ၊ နိုင်ငံခြားသား အဆက်အနွယ်တွေနဲ့ ငြိမ်းချမ်းစွာ ယှဉ်တွဲနေထိုင်ရေးအတွက် ဆန့်ကျင်ဖက်ဖြစ်တယ်။

    လူမျိုးခွဲခြားမှု နဲ့ ဘာသာရေး အယူသည်းမှုတွေက ဗမာလူမျိုး သို့မဟုတ် ဗုဒ္ဓဘာသာဝင်တွေကြားမှာ သူစိမ်းပြင်ပြင် မဟုတ်ကြပါဘူး။ သို့တစေလည်း မြန်မာနိုင်ငံထဲ မွတ်စ်လင်မ်လူနည်းစုတွေကိုတိုက်ခိုက်မှု နဲ့ ရိုဟင်ဂျာလူမျိုးစုကို ဖယ်ရှားရှင်းလင်းရေးဆီကနေအကျည်းတန်စွာထွက်လာတဲ့ အကြမ်းဖက်မှုဟာ ဘာသာလူမျိုးအစွဲများ နဲ့ နိုင်ငံ့လူမျိုးကြီးမူဝါဒများ အကြားက အလွန်အန္တရာယ်ကြီးလှတဲ့ အပြန်အလှန်ချိတ်ဆက်မှုကြီး ဖြစ်နေပါတယ်။

    နယ်သာလန်၊ ဂျာမဏီ၊ ယူကေ တို့လို လွတ်လပ်မျှတတဲ့ဒီမိုကရေစီစံနစ်ရှိတဲ့ နိုင်ငံတွေထဲမှာတောင်မှ နာဇီလက်သစ်အုပ်စုတွေ ရှိတတ်ကြပါတယ်။ သူတို့ဟာ လွတ်လပ်စွာပြောဆိုထုတ်ဝေစုရုံး ဖွဲ့စည်းခွင့်အားဖြင့် သူတို့ရဲ့ အတ္တစွဲလူမျိုးကြီးဝါဒကို ထုတ်ဖော်ဖြန့်ချိကြတယ်။ ဒါပေမယ့် သူတို့ရဲ့ဝါဒတွေက လူထုလက်ခံတဲ့ အဆင့်အထိ ရေပန်းမစားကြဘူး။ အာဏာရယူရေးအတွက် နိုင်ငံရေး လက်ကိုင်ဒုတ်အဖြစ် မတွင်ကျယ်ကြပါဘူး။ အဲ့ဒါဘာကြောင့်ပါလဲ။ လွတ်လပ်မျှတတဲ့ ဒီမိုကရေစီ တိုင်းပြည်တွေမှာ လူမျိုးကြီးဝါဒ ဆန့်ကျင်ရေး အုပ်စုက အများစု ဖြစ်ပြီး နာဇီလက်သစ်နဲ့အစွန်းရောက်ဝါဒီအုပ်စုတွေက အနည်းစုသာရှိနေလို့ပါဘဲ။ လူပမာဏအများစုက လူမျိုးကြီးနဲ့အစွန်းရောက် ၀ါဒီတွေကို ထိပ်တိုက်ဆန့်ကျင်ရင်ဆိုင်ကြလို့ပါဘဲ။

    မြန်မာနိုင်ငံမှာတော့ ဒီလိုမျိုး မဟုတ်ဘူး။ လူ့အခွင့်အရေးအပေါ်အကြွင်းမဲ့ရပ်တည်ပါတယ်ဆိုတဲ့ အမျိုးသားဒီမိုကရေစီအဖွဲ့ချုပ် ပါတီခေါင်းဆောင် ဒေါ်အောင်ဆန်း စုကြည် အပါအ၀င် လူများစု ဗမာလူမျိုး နဲ့ ဗုဒ္ဓဘာသာဝင်တွေက အစွန်းရောက် ဗုဒ္ဓအယူဝါဒခေါင်းထောင်လာမှုကို စိတ်ပျက်စရာကောင်းလောက်အောင် နှုတ်ပိတ် တိတ်ဆိတ်နေကြတယ်။ လူအများစုရဲ့နှုတ်ဆိတ်နေမှုက လူနည်းစုတွေအပေါ် ပျက်ရာပျက်ကြောင်း ဖြစ်သွားစေပါတယ်။

    လူမျိုးကြီးဝါဒီ စစ်ခေါင်းဆောင်တွေနဲ့ သူတို့ရဲ့အုပ်ချုပ်ရေးယန္တရားများဟာ မွတ်စ်လင်မ်ဆန့်ကျင်ရေးလှုပ်ရှားမှုကို မဟာဗျူဟာမြောက်လမ်းစဉ်တစ်ရပ်အဖြစ် အသုံးချလိုက်တာဖြစ်တယ်။ စစ်အာဏာပိုင်တွေဟာ သူတို့ရဲ့အုပ်ချုပ်ရေး နိုင်ငံရေး နဲ့ စီးပွားရေးခံစားခွင့် ပြန်လည်ရှင်သန်လာစေချင်တယ်။ တိုင်းရင်းသား လူနည်းစုတွေရဲ့ခါးသည်းမှုကို အသိအမှတ် မပြုရဲကြဘူး။ စစ်မှန်တဲ့လူထု ကိုယ်စားပြုအ စိုးရအဖွဲ့ရဲ့ တုန့်ပြန်မှုကို ဖိန့်ဖိန့်တုန်အောင် ကြောက်ရွံ့နေကြလို့ ဒီလိုဖန်တီးနေကြခြင်းဖြစ်ပါတယ်။

    OIC အဖွဲ့ဟာ တရုတ်ပြည်မဟုတ်သလို ဘေဂျင်း(ပီကင်း)လိုမျိုး မြန်မာနိုင်ငံကိုစိုးမိုးနေတဲ့ဗိုလ်ချုပ်တွေ၊ ဗိုလ်ချုပ်ဟောင်းတွေအပေါ် တွန်းအားမပေးနိုင်ပါဘူး။ အီရန်က သူနိုင်ငံထဲမှာ ကိုယ့်ဒုက္ခနဲ့ကိုယ်။ ၁၉၇၁ ခုနှစ် အနောက်ပါကစ္စတန်စစ်သွေးကြွတွေနဲ့ဖြစ်ပွားတဲ့ ပြည်တွင်းစစ်မှာ ဘင်္ဂလားဒေ့ရှ် ဟိန္ဒူတွေရဲ့ မျိုးဖြုတ်သုတ်သင်မှုကို ထိထိရောက်ရောက် ကိုင်တွယ်ဖြေရှင်းခဲ့တဲ့ အိန္ဒိယဟာလည်း မြန်မာနိုင်ငံအပေါ် အစွန်းရောက်ပေါ်လစီသစ် တစ်ခု ရှိနေတယ်။ အဲ့ဒါကတော့ အိန္ဒိယစီးပွားအ ကျိုးအမြတ်အတွက် (မြန်မာနိုင်ငံရဲ့) သဘာဝသယံဇာတ အရင်းအမြစ်တွေကို ချုပ်ကိုင်ပြီး တရုတ်ပြည်ရဲ့လွှမ်းမိုးမှုကို ဖြတ်တောက်နိုင်ရေးဘဲ ဖြစ်ပါတယ်။

    နာဇီလက်သစ်ဗုဒ္ဓဘာသာဝင်များရဲ့အကြီးအကျယ်အကြမ်းဖက်မှုဆိုတဲ့ လမ်းကြောင်းမှား မြင့်တက်ကြီးထွားလာခြင်းနောက်ကွယ်မှာ စီးပွားရေး၊ နိုင်ငံရေး မတည်ငြိမ်မှု မရေရာမှုတွေ ရှိနေတယ်။ ဒီအခြေအနေကိုလည်း အဖိနှိပ်ခံလူထုက ကျွမ်းဝင်ရင်းနှီးပြီးသားပါ။ စင်စစ်မှာတော့ မသေချာမရေရာမှုတွေ၊ မလုံခြုံမှုတွေ ကျယ်ပြန့်လာဖို့ နေပြည်တော်က ကစားကွက်ခင်းနေပါတယ်။ ဗိုလ်ချုပ်တွေ ဗိုလ်ချုပ်ဟောင်းတွေ ထိန်းချုပ်ထားတဲ့ အာဏာပိုင်တွေဟာ နိုင်ငံ့ဗုဒ္ဓဘာသာဝင် လူထုကြားက အတူတစ်ကွယှဉ်တွဲနေထိုင်ရေးမူ ပျက်စီး ဖယ်ရှားနိုင်ယင် စစ်အုပ်ချုပ်ရေးကို ပြန်လည်အသက်သွင်းဖို့ အကောင်းဆုံး အကြောင်းပြချက် ဖြစ်လာတော့တာပေါ့။

    နိုင်ငံရေးနဲ့ပညာရေးမှာ ကာလကြာရှည်ဖိနှိပ်ထားခဲ့တဲ့ မွတ်စ်လင်မ်နဲ့ရိုဟင်ဂျာလူ့အဖွဲ့အစည်းတွေကို ဓားစာခံလုပ်ပြီး တိုင်းပြည်ရဲ့နစ်နာမှုလို့ ပုံဖော်မယ်။ အကြီးအကျယ် မငြိမ်မသက်ဖြစ်လာယင် မဟာဗျူဟာလမ်းကြောင်းထဲ အလိုလို ၀င်ရောက်ပြီးသားဖြစ်မယ်။ စစ်မှန်တဲ့ဒီမိုကရေစီပြောင်းလဲရေး၊ လူမျိုးစုတွေအကြား ရင်ကြားစေ့သင့်မြတ်ရေး၊ ဗုဒ္ဓဘာသာဝင်နဲ့ဗုဒ္ဓဘာသာဝင်မဟုတ်တဲ့ သန်း၆၀ ပြည်သူတွေရဲ့စီးပွားရေးအကြပ်အတည်းကို ကိုင်တွယ်ဖြေရှင်းတဲ့အလုပ်တွေထက်  ဒိလိုအလုပ်က ပိုလွယ်ကူတာကိုး။ ဒါဟာ စစ်အာဏာရှင်တစ်စုရဲ့ စီးပွားရေးတံခါးဖွင့်နိုင်ငံရေးကစားကွက်သာလျှင်ဖြစ်ပါတယ်။ လမ်းမပေါ်မှာရော မိမိရဲ့အနီးကပ်အတွင်းမှာရော အမာခံ သစ္စာခံတွေ တအုံတကျင်းရှိနေတဲ့ စစ်အစိုးရဟာ ဒီမိုကရေစီပြုပြင်ပြောင်းလဲရေးကို စစ်စစ်မှန်မှန် ပြုလုပ်အကောင်အထည်ဖော်တာမျိုး တွေ့ဖူးကြပါသလား ? ရှိခဲ့ဖူးပါသလား ?

    နာဇီလက်သစ်ဗုဒ္ဓဘာသာဝင်တွေရဲ့အကြမ်းဖက်မှု၊ ရိုဟင်ဂျာလူမျိုးရှင်းလင်းဖယ်ရှားမှုတွေကြောင့် ပင်ကိုယ်အရ ငြိမ်းချမ်းရေးကိုမြတ်နိုးပါတယ်ဆိုပြီး ဗုဒ္ဓဘာသာဝင်များရဲ့ကြွေးကြော်မှုအပေါ် နိုင်ငံတကာအသိုင်းအ၀ိုင်းက ဘယ်လိုမှ နားမလည်နိုင်အောင် ဖြစ်နေရပါပြီ။ သမိုင်းကြောင်းအရ ကမ္ဘာ့တစ်လွှား ဗုဒ္ဓဘာသာဝင်တွေဟာ မိမိတို့မှ “အန္တရာယ်ကောင်တွေ”၊ “တိရိစ္ဆာန်တွေ”၊ “လူလို့မသတ်မှတ်လိုသူတွေ” လို့ သတ်မှတ်တဲ့ လူ့အဖွဲ့အစည်းများကို အပျောက်ရှင်းမျိုးဖြုတ်ခြင်းနဲ့သာ နောက်ဆုံးအဖြေရှာခဲ့ကြတာများတယ်။

    မြန်မာမွတ်စ်လင်မ်တွေအပေါ် လက်ရှိကျူးလွန်နေတဲ့ အလွန်အကျွံအကြမ်းဖက်မှုတွေအပေါ် ဗုဒ္ဓ၀ါဒရဲ့စံချိန်စံညွှန်း အကြောင်း၊ ဗုဒ္ဓဘာသာဝင်တွေရဲ့အကြမ်းဖက်မှု သို့မဟုတ် ကောင်းမြတ်မှုဆိုင်ရာ သမိုင်းဆန်းစစ်ချက်အကြောင်းကို ဆွေးနွေးချက် သို့မဟုတ် ငြင်းခုံချက်များနဲ့ ထိထိရောက်ရောက် အလင်းဆောင်ဖြေရှင်းနိုင်မှာ မဟုတ်ပါဘူး။ (ဘာကြောင့်လဲဆိုတော့) ဗုဒ္ဓဘုရားရှင်ရဲ့သွန်သင်ဟောကြားမှုမှန်သမျှကို ဒုတိယအဆင့်အရံလောက်သာ သဘောထားနေကြလို့ဖြစ်တယ်။ ဗုဒ္ဓဘာသာရဲ့အမှတ်အသားဖြစ်တဲ့ စေတီပုထိုး၊ ဘုရားကျောင်းကန်၊ ဘုန်းတော်ကြီး နဲ့ အစဉ်အလာတွေဖုံးလွှမ်းနေတဲ့ မြန်မာလူမျိုးကြီးဝါဒီနဲ့အကြမ်းဖက်လူစုများကိုသာ (ဗုဒ္ဓနဲ့ဗုဒ္ဓတရားတော်ထက်) ပိုပြီး ကြည်ညိုကိုင်းရှိုင်းနေကြတာလေ။

    ဗုဒ္ဓဘာသာဆိုတဲ့ မျက်နှာဖုံးစွပ်လို့ နာဇီလက်သစ်ဝါဒကို အမြှောင်မယားလို တရားဝင်မွေးထုတ်ပေးလိုက်တဲ့ အာဏာပိုင်တွေ နဲ့ လူမျိုးကြီးဝါဒီအုပ်စုကြားက ဆက်နွယ်မှုလမ်းကြောင်းကို ဖောက်ထွင်းဆန်းစစ်မှု မပြုသရွေ့ – ဘယ်သုတေသီကမှ လက်ရှိအကြမ်းဖက်မှုတွေကို ရှင်းလင်းတိကျအောင် သုံးသပ်နိုင်မှာ မဟုတ်ပေဘူး။ ဒါ့ကြောင့်  ဒီပြဿနာတွေရဲ့အကြောင်းရင်းမှန်ကို သိနားလည်ချင်တယ်ဆိုလို့ရှိယင် —

    – စစ်ခေါင်းဆောင်တွေ နဲ့ သူတို့ရဲ့အရှက်မဲ့အာဏာပိုင်တွေ
    – ဗုဒ္ဓဘာသာအကြောင်းပြော ဆိုသော်လည်း ဗုဒ္ဓလမ်းစဉ်အပေါ် လျှောက်လှမ်းကျင့်သုံးဖို့   သတိလက်လွတ်ဖြစ်နေတဲ့ လူ့အဖွဲ့အစည်းတွေ

    ဒီအုပ်စုနှစ်ရပ်လုံးကို ချဉ်းကပ်အဖြေရှာဖို့ လိုအပ်နေတဲ့အကြောင်း တင်ပြလိုက်ရပါတယ်။

    ဒေါက်တာ မောင်ဇာနည် ( Associate Fellow with the University of Malaya Centre of Democracy and Elections and concurrently a Visiting Fellow at the Civil Society and Human Security Research Unit, London School of Economics) ၏ Military roots of racism in Myanmar အမည်ရှိဆောင်းပါးကို“ သာကီ ထက်ကောင်း ” မှ ဆီလျော်အောင် ပြန်ဆိုရေးသားထားခြင်းဖြစ်သည်။

    မူရင်းဆောင်းပါးကို http://www.atimes.com/atimes/Southeast_Asia/SEA-01-030913.html တွင် ဖတ်ရှုနိုင်ပါသည်။

  • ရိုဟင်ဂျာ ပြဿနာနှင့် ဆက်နွယ်နေသည့် နိုင်ငံခြား ရင်းနှီးမြှပ်နှံမှုနှင့် ပြည်တွင်း စီးပွားရေး (ဘာသာပြန်)

    ဇူလိုင်- ၁၀ ၊ ၂၀၁၃
    M-Media
    ဘာသာပြန် – Zin Zin

    ရိုဟင်ဂျာ ပြဿနာနှင့် ဆက်နွယ်နေသည့် နိုင်ငံခြား ရင်းနှီးမြှပ်နှံမှုနှင့် ပြည်တွင်း စီးပွားရေး (သုံးသပ်ချက်- ဘာသာပြန်)

    rohingya_idp1
    စစ်တွေမြို့ ဒုက္ခသည် စခန်းတခုမှ ရိုဟင်ဂျာ မိသားစု တစု ၂၀၁၂ ခုနှစ် နိုဝင်ဘာလအတွင်း ရိုက်ကူးခဲ့သည့် ဓါတ်ပုံဖြစ်ပါသည်။ (Paula Bronstein/Getty Images)

    ဇွန်လ (၂၇) ရက်နေ့ တွင် မြန်မာနိုင်ငံအစိုးရသည် ကာတာနိုင်ငံအခြေစိုက် အော်ရီဒိုး ဆက်သွယ်ရေးကုမ္ပဏီနှင့် စာချုပ်ချုပ်ဆိုမည် ဖြစ်ကြောင်း ကြေငြာခဲ့သည်။ အဆိုပါသတင်းသည် မြန်မာနိုင်ငံတွင်း မီဒီယာများ အကြား သတင်းဆိုး တစ်ခုအနေဖြင့် ပျံ့နှံ့သွားခဲ့ရာ ပြည်သူများက ထိုဆက်သွယ်ရေးကုမ္ပဏီ၏၀န်ဆောင်မှုများကို သပိတ်မှောက်မည်ဟု သတင်းများ ထွက်ပေါ်လာခဲ့သည်။ (၂၀၁၂) ခုနှစ်၌ မြန်မာနိုင်ငံအတွင်း အိုအိုင်စီ(Organization of Islamic countries) ၏ရုံးခွဲ လာရောက်ဖွင့်လှစ်မည့် ကိစ္စရပ်အပေါ် ဗုဒ္ဓဘာသာဝင်များက တားဆီးသပိတ်မှောက်မှုများဖြင့် အစိုးရအပေါ်ဖိအားပေးနိုင်ခဲ့ပြီးနောက် ၊ ယခုကဲ့သို့ အစ္စလာမ်မစ်နိုင်ငံတစ်ခုဖြစ်သည့် ကာတာနိုင်ငံပိုင် အော်ရီဒိုး ဆက်သွယ်ရေးကုမ္ပဏီ နှင့် မြန်မာအစိုးရတို့၏ သဘောတူညီချက် စာချုပ်ချုပ်ဆိုနိုင်ခြင်းသည် ဗုဒ္ဓဘာသာဝင်လူ့အဖွဲ့အစည်းများကို အံ့သြသွားစေခဲ့သည် ။ ဤဖြစ်ရပ်များက အိုအိုင်စီအား ဆန့်ကျင်လိုသည့် လူမှုရေးဆိုင်ရာ အစွဲများရှိနေသေးကြောင်း ထင်ဟပ်လျက်ရှိသည်။ အစ္စလာမ့် အယူဝါဒအား အဆိုးမြင်ဝါဒဖြန့်ရေး အခိုင်အမာ ဗျူဟာကြီး တစ်ရပ်ရှိနေသည်။ ပြည်တွင်းရှိ မွတ်စ်လင်မ်များ၏ စီးပွားရေးသည်လည်း ပိတ်ဆို့ခြင်း ခံနေရသည်။ သို့သော် ယခုကဲ့သို့ စီးပွားရေးအရ လုံးဝ မ၀င်ဆန့်စေရန် ခွဲခြားဆက်ဆံမှုသည် ရိုဟင်ဂျာ လူမျိုးတို့အပေါ်ထားရှိသော အမြင်ဖြင့် မီးမွှေးထားခြင်းဖြစ်သည်။

    ပြည်ပရင်းနှီးမြှုပ်နှံမှု၊ အထောက်အပံ့များ၊ ရိုဟင်ဂျာပဋိပက္ခတို့၏ ဆက်နွှယ်မှုကဏ္ဍ

    ပြုပြင်ပြောင်းလဲရေးများကို ဖော်ဆောင်ရန်ကြိုးပမ်းနေသည့် မြန်မာနိုင်ငံသည် အမြတ်အစွန်းရနိုင်သော ဖက်စပ်လုပ်ငန်းများဖြင့် ပန်းတိုင်သစ်ဆီ ဦးတည်လျက်ရှိသည်။  ကိန်းဂဏန်းဆိုင်ရာ အထောက်အထားများ အရ(၂၀၁၀) ခုနှစ်အတွင်း မြန်မာ့စီးပွားရေးသည် အမေရိကန်ဒေါ်လာ (၄၅) ကုဋေ မှ (၂၀၃၀) ခုနှစ်တွင် အမေရိကန်ဒေါ်လာ ကုဋေပေါင်း (၂၀၀) အထိ ရောက်နိုင်ဖွယ်ရာရှိသည်။ အမေရိကန်ဒေါ်လာကုဋေပေါင်း (၁၇၀) ခန့် သည် ငွေပင်ငွေရင်းအနေဖြင့် ရပ်တည်မည်ဖြစ်ပြီး၊ လိုအပ်သော မြေယာ၊ အဆောက်အဦးနှင့် စက်ပစ္စည်းများ ၀ယ်ယူရန် ပြည်ပ အသုံးစရိတ်များမှ သုံးစွဲမည်ဖြစ်၏။ ဒေါ်လာပေါင်း ကုဋေချီသည့် ရင်းနှီးမြှုပ်နှံမှုများသည် မြန်မာနိုင်ငံသစ်၏ အခြေခံလိုအပ်ချက်များ၊ စွမ်းအင်၊ လျှပ်စစ်ပစ္စည်း ၊ အဖျော်ယမကာ နှင့် စားသောက်ကုန်ဆိုင်ရာကဏ္ဍ တို့တွင် အထောက်အကူရရှိသွားစေပါမည်။

    ပြည်ပမှဝင်ရောက်ရင်းနှီးမြှုပ်နှံမှု (FDI- Foreign Direct Investment) အများအပြားက လူမျိုးရေးဆိုင်ရာ တင်းမာမှုများကို တိုးပွာလာစေသည်။ မားသားလဲန်း ၊ ဖားသားလဲန်း ၊ နိုင်ဂရုပ် (သို့မဟုတ်) ၀င်း စသော မြန်မာမွတ်စ်လင်မ်ပိုင် ဆောက်လုပ်ရေးကုမ္ပဏီများသည် ပြည်ပရင်းနှီးမြှုပ်နှံမှုများနှင့်အဆင်ပြေအစေးကပ်သောအခါ၌ ဗုဒ္ဓဘာသာအစွန်းရောက် အဖွဲ့အစည်းဖြစ်သော(၉၆၉) က သပိတ်မှောက်လာကြသည်။ ယင်းသူတို့သည် မြန်မာမွတ်စ်လင်မ်တို့၏ စီးပွားရေးအနေအထားများမှာ အငယ်စားနှင့်အလတ်စားအဆင့်မှ ဗုဒ္ဓဘာသာဝင်ပိုင် စီးပွားရေး လုပ်ငန်းများနှင့် ပခုံးချင်းယှဉ်သည့်အဆင့်သို့ ရောက်လာမည်ကို စိုးရိမ်လျက်ရှိကြသည်။ ထို့ကြောင့် စီးပွားရေးအရဆက်ဆံသူများသည် မွတ်စ်လင်မ်အဆောက်အဦး လုပ်ငန်းရှင်များနှင့် လုပ်ငန်းစာချုပ်များကို ဖျက်သိမ်းကြသည် (သို့မဟုတ်ပါက) အဆောက်အဦးများကို တည်ဆောက်ပြီးစီးသည့် အဆင့်သို့မရောက်အောင် ဒုက္ခပေးနေကြပေသည်။ နိုင်ငံတော်အစိုးရအနေဖြင့် မွတ်စ်လင်မ်တို့၏စီးပွားရေးအား  ဗုဒ္ဓဘာသာဝင်များ၏ သပိတ်မှောက်မှုအပေါ် နှုတ်ဆိတ်လျက် မိမိတို့နှင့်မဆိုင်သကဲ့သို့ရပ်တည်နေကြသည်။ ” ပြည်သူများ၏သဘောထား” နှင့် “ဈေးကွက်စီးပွားရေး” စသဖြင့် ဆင်ခြေပေးလျက်ရှိရာ ပြည်တွင်း ကူးသန်းရောင်းဝယ်မှုနှင့် စီးပွားရေးသည် ယိမ်းယိုင်လျက်ရှိသည်။

    သို့သော်ငြားလည်း နိုင်ငံတကာမျက်နှာစာ၌မူ တမူထူးလျက် အားကောင်းနေသည်။ နိုင်ငံခြားအထောက်အပံ့များသည် ဆက်လက်စီးဝင်နေကြသည်။ မြန်မာနိုင်ငံအား ကူညီထောက်ပံ့သောနိုင်ငံများသည် ဤပဋိပက္ခများအပေါ်တွင် နှုတ်ဆိတ်နေမည်လော (သို့မဟုတ်) ပွင့်လင်းစွာ ထုတ်ဖော်ပြောကြားမည်လော ဟူသည် မသိနိုင်သေး။ ၄င်းတို့အဖို့မှာကား ရင်းနှီးမြှုပ်နှံမှု လမ်းကြောင်းချောမွေ့ရန် အတွက် ထောက်ပံ့ရေးအစီအစဉ်က အလွန်လိုအပ်၏။ ဥပမာဆိုရသော် မြန်မာနိုင်ငံမှပေးရန် ရှိနေသော ကြွေးမြီများ အားလုံးကို  (၂၀၁၃) ခုနှစ်တွင် နော်ဝေနိုင်ငံမှ ရာနှုန်းပြည့် ကင်းလွတ်ခွင့် ပေးလိုက်၏။  ယင်းသို့ဗျူဟာမြောက် လမ်းခင်းလိုက်သောကြောင့်  နော်ဝေ အခြေစိုက် တယ်လီနော် ဆက်သွယ်ရေးကုမ္ပဏီက အခြားဆက်သွယ်ရေး ကုမ္ပဏီများအပေါ် အသာစီးရကာ စာချုပ်ချုပ်နိုင်ရန် လမ်းပွင့်သွားစေသည်။ မြန်မာနိုင်ငံအစိုးရအနေဖြင့် ဆက်တိုက်ဖြစ်ပွားလျက် ရှိသော ပြဿနာများကိုလည်း ဥပက္ခာပြုထားဆဲဖြစ်၏။ အခြေအနေမှန်ကိုလျစ်လျူရှု၍ တောင်ကိုးရီးယား၊ ဂျပန်၊ အိန္ဒိယ နှင့် အနောက်နိုင်ငံများက အထောက်အပံ့ နှင့် ကုန်သွယ်မှုများဖြင့် ဆက်ဆံရေးကို ထိန်းသိမ်းထားဆဲပင်။ ပြုပြင်ပြောင်းလဲရေးလုပ်ငန်းစဉ်အား  မြန်မာပြည်တွင်း၌ တရုတ်နိုင်ငံ၏ခြယ်လှယ်ချုပ်ကိုင်ထားမှုကို တန်ပြန်မည့်  ပြူတင်းတံခါး တစ်ချပ်အဖြစ် ၄င်းတို့မှ ရှုမြင်ထားသောကြောင့် ဖြစ်သည်။ သို့ဖြစ်ရာ ရိုဟင်ဂျာပြဿနာပေါ်မူတည်ပြီး မြန်မာနိုင်ငံအပေါ် မည်သည့် ပိတ်ဆို့အရေးယူခြင်း မပြုကြပါလေ။ အိုအိုင်စီသည် ရိုဟင်ဂျာလူမျိုးတို့၏ အရေးကိစ္စအပေါ် အလေးအနက်ထား ပြောဆိုခြင်း ၊ အကူအညီအထောက်အပံ့များပေးအပ်ရန် လမ်းဖော်ခြင်းတို့ ရှိနေသည့်တိုင် ၄င်းတို့သည်လည်း စီးပွားရေးဆိုင်ရာဝေစု တစ်ရပ်အား မျှော်လင့်နေလျက်ရှိသည်။

    ကျွမ်းကျင်လုပ်သားမရှိခြင်းနှင့် အလုပ်အကိုင်အခွင့်အလမ်းနည်းပါးခြင်း

    ရိုဟင်ဂျာလူမျိုးတို့ကို စီးပွားရေးအရ မ၀င်ဆန့်သူများအဖြစ် စာရင်းသွင်းထားကြပေသည်။ အဓိကအကြောင်းရင်းမှာ စာမတတ်မြောက်မှုကြောင့်ပင်ဖြစ်သည်။ (၂၀၀၅) ခုနှစ် (SOAS) သုတေသနစစ်တမ်းအရ ၄င်းတို့သည် ပညာရေးတွင် စိတ်ဝင်စားမှု နည်းပါးခဲ့ကြောင်း တွေ့ရှိရသည်။ ယနေ့တွင်မူ ရိုဟင်ဂျာလူမျိုး (၈၀) ရာခိုင်နှုန်းသည် စာမတတ်မြောက်သူများ ဖြစ်ကြပြီး ၊ အသက် (၅)နှစ်မှ (၁၇) နှစ်ကြား ကလေးငယ်များ၏  (၆၀) ရာခိုင်နှုန်းသည် ကျောင်းမနေဖူးကြချေ။ အမျိုးသမီးများအကြား စာမတတ်မြောက်သူ ဦးရေသည် ရာခိုင်နှုန်းအားဖြင့် အမြင့်မားဆုံးဖြစ်နေ၏။ အကြောင်းရင်းမှာ မိသားစုတစ်ခုတွင် ကလေးဆယ်ယောက်နှင့် အထက် ရှိနေခြင်း နှင့် အစာရေစာ လောက်ငဖူလုံမှုအတွက် ရုန်းကန် လှုပ်ရှားရခြင်းကြောင့်ဖြစ်သည်။ ထို့ကြောင့် ရိုဟင်ဂျာလူမျိုး အများစုသည် သာမန်လက်လုပ် လက်စားဘ၀မှအပ ကျွမ်းကျင်လုပ်သား (သို့မဟုတ်) ဥာဏလုပ်သား အဖြစ်သို့ မရောက်ရှိနိုင်ကြပေ။ ဤသို့အားဖြင့်  ၄င်းတို့၏ လူမှု အဆင့်အတန်းသည်လည်း နိမ့်ကျသွားရ၏။ ဤအချက်က လူနည်းစု ရိုဟင်ဂျာလူမျိုးတို့အား နိုင်ငံသားဖြစ်ခွင့်နှင့် အခြား အခွင့်အရေးများ မရရှိခြင်းဟူသော သံသရာဆိုးထဲတွင် ကျရောက်သွားစေခဲ့သည်။

    လူမှုဘ၀ဖွံ့ဖြိုးတိုးတက်မြင့်မားမှုအား ပိတ်ဆို့ထားသော အခြား အကြောင်းရင်းများစွာက ၄င်းတို့၏အခြေအနေကို ဆိုးရွားသထက်ဆိုးရွားသွားစေပါသည်။ ပထမဦးဆုံးအချက်အနေဖြင့် (၂၀၀၉ ခုနှစ် လူ့အခွင့်အရေးစောင့်ကြည့်မှု အဖွဲ့၏ အဆိုအရ)  အစိုးရသည် အလုပ်သမားတို့၏ အခွင့်အလမ်းကို ကန့်သတ်ထိန်းချုပ်ထားသည်။ ၄င်းပြင် ရခိုင်ပြည်နယ်ရှိ ရိုဟင်ဂျာလူမျိုးများသည် ခရီးသွားလာရာတွင် လည်းကောင်း၊ စီးပွားရေးနှင့် ကုန်သွယ်မှုအတွက်လည်းကောင်း စစ်တပ်၏ခွင့်ပြုချက် ရယူကြရသည်။ အဆိုပါ HRW၏မှတ်တမ်းများ၌ လက်တစ်ဆုပ်စာမျှသော ပညာတတ် အမျိုးသမီးများမှာလည်း စာသင်ကြားပေးခြင်း၊ သူနာပြု နှင့် ရုံးလုပ်ငန်းများတွင် အလုပ်လုပ်ကိုင်ခွင့်ကို ငြင်းပယ်ခံကြရကြောင်း တွေ့ရှိရသည် ။ နောက်ဆုံး အချက်အနေဖြင့် ပြောင်းရွှေ့နေထိုင်ခွင့်ကိုပင် ပြင်းထန်စွာ ကန့်သတ်ချုပ်ခြယ်ခံကြရသည်။ ထို့ကြောင့် အကယ်၍သာ ရိုဟင်ဂျာလူမျိုးတို့အား အခြားနိုင်ငံသားများ နည်းတူ အလုပ်လုပ်ကိုင်ခွင့် ၊ ပညာသင်ကြား ခွင့်ပေးမည် ဆိုလျှင်ပင် ၄င်းတို့မှာ မြန်မာနိုင်ငံ၏ စီးပွားရေးပြုပြင်ပြောင်းလဲမှုတွင် အရေးပါသော အခန်းကဏ္ဍမှ ပါဝင်နိုင်ခြင်း မရှိသည်သာမက နိုင်ငံခြားရင်းနှီးမြှုပ်နှံမှုဆိုင်ရာ အလုပ်အကိုင် အခွင့်အလမ်းများတွင်လည်း ၄င်းတို့အနေဖြင့် မည်သည့်အကျိုးကျေးဇူး ခံစားနိုင်တော့မည် မဟုတ်ချေ။

    ဖိနှိပ်ပုံသွင်းခံရခြင်း (သို့မဟုတ်) ခွဲခြားခံရခြင်းကြောင့် အိုးအိမ်မဲ့သူများဖြစ်ရခြင်းလော

    ဌာနီမဲ့ ၊ အိုးအိမ်မဲ့၊ အလုပ်အကိုင်မဲ့နေသော ရိုဟင်ဂျာလူမျိုးများစွာတို့သည် လမ်းကြောင်းသစ်များကို ကြိုးပမ်းရှာဖွေကြသော်လည်း ဒုက္ခသည်အဖြစ်ခံယူရုံမှတစ်ပါး အခြားမျှော်လင့်ချက် မရှိလေပြီ။ ယင်းဒုက္ခသားကောင် အချို့ကိုဘင်္ဂလားဒေ့ရ်ှနိုင်ငံမှ ဒုက္ခသည်အဖြစ်လက်ခံထားရာ ၊ ဒုက္ခသည်စခန်းများတွင်လည်း UNHRC အနေဖြင့် မူလတန်းပညာရေးကိုသာလျှင် ထောက်ပံ့ကူညီ သင်ကြားပေးနိုင်ကြသည်။ ဤမျှလောက်သော အကူအညီလေးက ၄င်းတို့၏ဘ၀ မြင့်မားလာစေရန် အထောက်အကူ မပြုပေ။

    ယခုကဲ့သို့ ဒုက္ခသည် ဘ၀ရောက်ရှိနေပြီး လုပ်ငန်းကျွမ်းကျင်မှု အားနည်းနေသည့် ရိုဟင်ဂျာလူမျိုးတို့၏ အခန်းကဏ္ဍသည် အခြားနိုင်ငံများအတွက် အရေးပါမည်လောဆိုသည်မှာ စဉ်းစားဖွယ်ရာပင်ဖြစ်သည်။ ထိုင်းနိုင်ငံတွင် မဲခေါင်ဒေသမှ  တရားမ၀င် လာရောက်အလုပ်လုပ်ကိုင်သော ကျွမ်းကျင်မှုမဲ့အခြေချသူ များစွာရှိနေပါသည်။  တဆက်တည်း၌ပင် ထိုင်းနိုင်ငံအနေဖြင့် လူကုန်ကူးခံသော ကချင်အမျိုးသမီးများအား အမိနိုင်ငံသို့ပြန်ပို့ပေးရန် ထိထိရောက်ရောက် ဆောင်ရွက်ခြင်း မရှိပေ။ ဘင်္ဂလားဒေ့ရ်ှနိုင်ငံကလည်း ရိုဟင်ဂျာလူမျိုးတို့အား ဒုက္ခသည် အဖြစ်နှင့်ပင် ဆက်လက်ထိန်းသိမ်းထားပေးရန် (သို့တည်းမဟုတ်) ဘင်္ဂလားဒေ့ရ်ှနိုင်ငံသားအဖြစ် လက်ခံပေးရန် မစွမ်းသာအောင် ဆင်းရဲတွင်းနက်နေသည်။ အစ္စလာမစ်နိုင်ငံများကသာလျှင် ရိုဟင်ဂျာတို့အား ဒုက္ခသည်အဖြစ်လက်ခံနိုင်မည်။ ထို့နောက်တွင်မူ ၄င်းနိုင်ငံများအနေဖြင့် အောက်ဈေး လုပ်သားများအဖြစ် ခေါ်ယူထားနိုင်ဖွယ်ရှိ၏။ ယင်းသို့ဆိုလျှင် ရိုဟင်ဂျာလူမျိုးတို့အတွက် ပညာရေးနှင့်တိုးတက်မှု အခွင့်အရေးများ ရနိုင်ကောင်း၏ဟု ထင်စရာရှိနေပါသည်။ သို့သော် အာရပ်နိုင်ငံများအနေဖြင့် ရွှေ့ပြောင်းလုပ်သားဒုက္ခသည်တို့အပေါ် ခွဲခြားဆက်ဆံမည်ဆိုပါက ရိုဟင်ဂျာတို့အတွက် အထက်ပါအခွင့်အရေးများသည်လည်း မသေချာတော့ပေ။

    နိဂုံး

    ဘ၀ရှင်သန်မှုအတွက် မရေရာသောအလားအလာများက ၄င်းတို့ ကလေးငယ်များ၏ ပညာရေးလမ်းကြောင်းကိုတော့ အနိမ့်ဆုံးအားဖြင့် ရနိုင်ကောင်းပေသည်။ လက်ရှိ အခြေအနေတွင်လည်း မျိုးဆက်သစ်များမှာ အတားအဆီးပေါင်းများစွာ ရင်ဆိုင်နေရသည် မဟုတ်ပေလော။ UNHCR ၏မှတ်တမ်းများအရ နေထိုင်စရာမဲ့နေသော ဤကလေးငယ်တို့အား မြှင့်တင်ပေးရန် အခက်အခဲ ရှိနေကြောင်း ဖော်ပြထားသည်။ ကလေးငယ်များသည် အစွန်းရောက်မှုဖက် လှည့်ပြောင်းသွားမည်ကို ၄င်းတို့မှ စိုးရိမ်နေကြသည်။ အကယ်၍ ယင်းသို့ဖြစ်ခဲ့ပါက အကျိုးဆက် ရလဒ်နှစ်ခု ထွက်ပေါ်လာရန် ရှိနေသည်။ ပထမတစ်ချက်မှာ ပဋိပက္ခများ ပိုမိုဆိုးရွားသွားမည်။ ဒုတိယအချက်မှာ နိုင်ငံခြားရင်းနှီးမြှုပ်နှံမှုအား တားဆီးပိတ်ဆို့မှု ဖြစ်သွားစေပေမည်။ ယခုထက်တိုင် လူ့အခွင့်အရေးချိုးဖောက်မှုများ ကျယ်ကျယ်ပြန့်ပြန့်ရှိနေလင့်ကစား နိုင်ငံခြားရင်းနှီးမြှုပ်နှံမှုများက အပြောင်းအလဲမရှိသေး။ ရင်းနှီးမြှုပ်နှံသူများအဖို့ ကမ္ဘာ့စီးပွားရေးဆုတ်ကပ်ရောက်ချိန်၌ အခွင့်အလမ်းများ ကြွယ်ဝခြင်းကြောင့် ဖြေသာမှုရှိပါသော်လည်း ရိုဟင်ဂျာများအဖို့မူ မည်သည့်ကူညီကယ်ဆယ်မှုမျှ မရှိသေးသည်ကို မြင်နေရဆဲပါတကား။

    Asma Masood
    Research Intern, SEARP, IPCS
    Email:[email protected]

    Eurasiareview  တွင် ဖော်ပြခဲ့သော ဆောင်းပါးရှင် Asma Masood ၏  “Myanmar: FDI, Local Economy And The Rohingya Conflict” သုံးသပ်ချက် ဆောင်းပါးကို “Zin Zin ” မှ မြန်မာလို ဆီလျော်အောင် ပြန်ဆိုပါသည်။

  • အကြမ်းဘက် ပဋိပက္ခများအား ဥပဒေ စိုးမိုးရေး အခြေခံမှ သုံးသပ်ခြင်း အပိုင်း-၁ ( ဦးအောင်ထူး- ရှေ့နေ)

    မေလ-၂၀၁၃
    ရေးသူ- ဦးအောင်ထူး (ရှေ့နေ)

    မြန်မာနိုင်ငံတွင် လက်ရှိဖြစ်ပေါ်နေသော အကြမ်းဘက် ပဋိပက္ခများအား ဥပဒေ စိုးမိုးရေးအခြေခံမှ သုံးသပ်ခြင်း အပိုင်း (၁)

    Riot policemen form up near a fire during riots in Meikhtila

    နိဒါန်း

    ဒီမိုကရေစီကို အသွင်ကူးပြောင်းနေသည်ဟု ကြွေးကြော်ဖေါ်ဆောင်နေသောဦးသိန်းစိန်အစိုးရလက်ထက်တွင်တိုင်းရင်း သားပြည်နယ်များ၌ စစ်မှန်သည့် ပြည်တွင်းငြိမ်းချမ်းရေးရရန် အလားအလာမတွေ့ရသေး။ လက်နက်ကိုင်တိုက်ပွဲ မဖြစ် ပွားသည့် မြေပြန့်ဒေသများမှာပင် အကြမ်းဘက်ပဋိပက္ခများတိုးများလာ၊ နိုင်ငံပြင်ပမှလည်း ဟိုကသည်က ခြိမ်းခြောက် မှု များပေါ်လာလျှက်ရှိနေကြောင်းတွေ့ရသည်။ တိုင်းပြည်လုံခြုံရေးတပ်ဖွဲ့များကိုထိတ်လန့်ရ၊ ဘာသာရေး အစွန်း ရောက်များကို ကြောက်ရ၊ အကြမ်းဘက်သမားများ၏ အန္တရာယ်ကို သတိထားနေရနှင့် တိုင်းပြည်၏ ဒေသ အမြောက်အများ၌ သာမန် လူထုပေါင်းမြောက်များစွာမှာ ယုန်သူငယ်များ ဘ၀ သို့ကျဆင်းနေရသည်။ ဥပဒေစိုးမိုးရေးသည် ပြိုကျ တော့ မည်လားဟု စိုးရိမ်ရ သည် အထိပင် ယိုင်လဲ ချိနဲ့လာခဲ့သည်။ တိုင်းပြည် ငြိမ်းချမ်း၊ တည်ငြိမ်ကာ အခြေခံလူထု စီးပွား ရေး တိုးတက်မှုရနိုင်ရေးအတွက် “စစ်မှန် သည့် ဥပဒေ စိုးမိုးရေး အခြေခံများ” ကို တည်ဆောက်ရန်မှာ အရေး တကြီး လိုအပ်ချက် ဖြစ်လာသည်။

    “စစ်မှန်သည့် ဥပဒေ စိုးမိုးရေး အခြေခံများ”[1] ဟူသော စကားလုံးကို သုံးစွဲရခြင်းမှာ ဥပဒေစိုးမိုးရေး အတု လွှမ်းမိုး သောကြောင့် ဖြစ်သည်။ စစ်အစိုးရ အဆက်ဆက်သည် ဥပဒေစိုးမိုးရေး ကို စကားလုံးအရ သုံးစွဲခဲ့သော်လည်း ယင်းမှာ မည်သို့ အဓိပ္ပါယ်ရှိ ကြောင်းကို မည်သည့်အခါကမျှ လူထုကိုရှင်းပြခဲ့ခြင်းမရှိ။ ၂၀၀၈ ဖွဲ့စည်းပုံအခြေခံဥပဒေ၏ နိုင်ငံတော် အခြေခံမူများ ဟူသော ကဏ္ဍတွင်မူ ဥပဒေစိုးမိုးရေး ကို စကားလုံးအရ ပင် ထည့်သွင်းမထားတော့။ အကြောင်း မှာ ယင်း၏ အနှစ် သာရများကို တိုင်းပြည်၏ အချုပ်အခြာဖြစ်သည့် ဖွဲ့စည်းပုံအခြေခံဥပဒေနှင့် အညီကျင့်သုံး လိုခြင်း မရှိသောကြောင့်သာ ဖြစ်ကြောင်း မှတ်ယူ ရပါတော့မည်။

    ချုပ်ပြောရလျှင် မြန်မာနိုင်ငံ၌ “စစ်မှန်သည့် ဥပဒေစိုးမိုးရေး အခြေခံများ” အား လူထုတရပ်လုံး စနစ်တကျ လေ့လာ ခွင့် မရသေးပါ။ စစ်အစိုးရအဆက်ဆက်က ယနေ့အချိန်အထိ ကျင့်သုံးနေသော ဥပဒေစိုးမိုးရေးဟူသည်မှာ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law မဟုတ်။ အာဏာပိုင်များက ပြဌာန်းထားသည့် ပြည်တွင်း ဥပဒေ များအတိုင်း စိုးမိုးအုပ်ချုပ်ခြင်း Rule by Law အဆင့်တွင်သာ ရှိနေသေးကြောင်းတွေ့ရသည်။

    ၁၉၈၂ ခုနှစ်တွင် ပြဌာန်း၍ ၂၀၀၄ ခုနှစ်တွင် ပြင်ဆင်ကာ ယနေ့တိုင်အတည်ပြုကျင့်သုံးလျှက်ရှိသော တရုတ်ပြည်သူ့  သမ္မတ နိုင်ငံ၏ ဖွဲ့စည်းပုံအခြေခံဥပဒေ ပုဒ်မ (၅) တွင်အောက်ပါအတိုင်းတွေ့ရှိရသည်။

    “တရုတ်ပြည်သူ့သမ္မတ နိုင်ငံသည် အခွင့်အာဏာများအား ဥပဒေနှင့် အညီကျင့်သုံးသည်။ ဥပဒေစိုးမိုးရေးအောက်တွင် ဆိုရှယ်လစ်နိုင်ငံကို တည်ဆောက်သည်။”  [2] ယင်းပြဌာန်းချက်ကို လေ့လာလျှင် တရုတ်နိုင်ငံသည် ဥပဒေစိုးမိုးရေးကို ဖွဲ့စည်းပုံအခြေခံဥပဒေနှင့်အညီ ကျင့်သုံး နေပြီ ဖြစ်ကြောင်း ထင်ရှားသည်။ သို့ရာတွင် ယင်းမှာ မည်ကဲ့သို့သော ဥပဒေစိုးမိုးရေး ဖြစ်ပါသနည်း။

    “တရုတ်နိုင်ငံသည် Rule by Law နှင့် Rule of Law ကို ပေါင်းစပ်ကျင့်သုံးနေခြင်းဖြစ်ကြောင်း၊” ဆွီဒင်နိုင်ငံ စတော့ ဟုမ်းမြို့၊ စတော့ ဟုမ်းတက္ကသိုလ် ဥပဒေပညာဌာနတွင် ၂၀၁၃ ခုနှစ်မေလ (၈) ရက်နေ့က ကျင်းပ ခဲ့သည့်  နီးနှော ဖလှယ်ပွဲ၌ တရုတ်နိုင်ငံ ပီကင်း တက္ကသိုလ် ဥပဒေ ပညာဌာနမှ   ပါမောက္ခ Dr. Gong Renren က  ပြောကြားသွား ခဲ့ သည်။ ၄င်း၏ အဆိုအရ တရုတ်နိုင်ငံသည် နိုင်ငံတကာ စံထားချက်များနှင့်  ကိုက်ညီသည့် ဥပဒေစိုးမိုးရေး  အဆင့်ကို မသွားနိုင်သေးကြောင်း သုံးသပ်နိုင်သည်။ သို့ရာတွင် ဤမျှပေါင်းစပ် ကျင့်သုံးခြင်းသည်ပင် တရုတ်နိုင်ငံအတွက် များစွာ အကျိုးရှိကြောင်း ထင်ရှား သည်။ ဥပဒေစိုးမိုးရေး အခြေခံတွင် ယနေ့ တရုတ်နိုင်ငံ သည် စည်းလုံးညီညွတ်မှုတည်ဆောက်နိုင်ရုံသာမက နိုးနေ သောနဂါးကြီးအဖြစ် စီးပွားရေးအရ တိုးတက်ဖွံ့ဖြိုးလာ လျှက် ရှိသည်။

    Rule of Law နှင့် Rule by Law  စကားလုံးနှစ်လုံး၏ ဆက်စပ်မှုနှင့် ကွာခြားမှုကို လေ့လာမိပါက “ဥပဒေစိုးမိုးရေး” ဟူသောစကားလုံးကို လွယ်လင့်တကူ သုံးစွဲ၍ မရနိုင်ကြောင်း ထင်ရှားပါသည်။ ဖြစ်နိုင်လျှင် နိုင်ငံတကာ စံထားချက် များနှင့် ကိုက်ညီသည့် ဥပဒေစိုးမိုးရေး ဟူသည်ကို လူထုကြီးတရပ်လုံး လေ့လာကာ တတ်နိုင်သမျှ လက်တွေ့ ဖေါ် ဆောင်သင့် သော အချိန်ရောက်ပါပြီ။ စစ်အာဏာရှင်များတည်ဆောက်ထားသည့် ဥပဒေဘောင် [3]  နှင့် ၄င်းတို့ စိတ် ကြိုက်ပြဌာန်းထားသည့် ဥပဒေများအတိုင်း စိုးမိုးအုပ်ချုပ်ခြင်း Rule by Law တို့အား တိုက်ဖျက်သင့်သော အချိန်သို့ ရောက်ပါပြီ။

    ဤစာတမ်းငယ်တွင် ဥပဒေစိုးမိုးရေးကို အကျယ်တ၀င့်ရှင်းလင်းပြ မည်တော့ မဟုတ်ပါ။ သို့ရာတွင် မျက်မှောက်ဖြစ်ပွား နေသော အကြမ်းဘက် ပဋိပက္ခများအား ဥပဒေစိုးမိုးရေး ရှုဒေါင့်မှ ထောက်ပြ သုံးသပ်ပါမည်။ ထို့နောက် ယင်းတို့အား စနစ်တကျဖြေရှင်းကာ တိုင်းရင်းသားပေါင်းစုံလူထုကြီးတရပ်လုံး ငြိမ်းချမ်းမှု၊ တရားမျှတမှုနှင့် တိုးတက်ဖွံ့ ဖြိုးမှုတို့ ရနိုင် ရေး အတွက် နိုင်ငံတကာ စံထားချက် လမ်းကြောင်းတွင် မြန်မာနိုင်ငံအနေဖြင့် ကျင့်သုံးနိုင်ရေးအတွက် ဥပဒေ စိုးမိုးရေး ဆိုင်ရာ အခြေခံ အကျဆုံးအဆိုပြုချက် အချို့  ကို တင်သွင်းဆွေးနွေးသွားပါမည်။

    ၂၀၀၈ ခုနှစ် ဖွဲ့စည်းပုံအခြေခံဥပဒေသည် ဥပဒေစိုးမိုးရေး အခြေခံကို မတည်ဆောက်နိုင်ခြင်း။

    မည်သည့်နိုင်ငံတွင် မဆို ဖွဲ့စည်းပုံအခြေခံဥပဒေသည် ဥပဒေအားလုံး၏ အချုပ်အခြာ[4]  ဖြစ်သည်။ ယင်း၏ သဘောမှာ ဖွဲ့စည်းပုံအခြေခံဥပဒေနှင့် မညီသော တည်ဆဲဥပဒေမှန်သမျှကို ဖျက်သိမ်းပစ်ရသည်။ နောင်ပြဌာန်းမည့် ဥပဒေများ သည်လည်း ဖွဲ့စည်းပုံအခြေခံဥပဒေ နှင့် ကိုက်ညီရသည်။ သို့ဖြစ်၍ ဥပဒေစိုးမိုးရေး အခြေခံကို တည်ဆောက်လိုပါက ဥပဒေအားလုံး၏ အချုပ်အခြာဖြစ်သည့် ဖွဲ့စည်းပုံ အခြေခံဥပဒေတွင် ယင်း၏အုတ်မြစ်ကို ချမှတ်ရပါမည်။

    ဥပဒေစိုးမိုးရေး၏ အခြေခံအကျဆုံးမူမှာ ပြစ်မှုကျူး လွန်သူကိုအပြစ်ပေးရမည်ဖြစ်ပြီး လူတိုင်းဥပဒေရှေ့မှောက် တွင် တန်းတူခံစားခွင့်ရှိရမည် ဖြစ်သည်။ ဤမူကို အခြေခံအားဖြင့် ဥပဒေနှင့် နီးစပ်သူတိုင်း သိကြပါသည်။ အသစ်အဆန်း မဟုတ်ပါ။ ၂၀၀၄ ခုနှစ်တွင် ဗိုလ်ချုပ်ကြီးခင်ညွှန့်ကို ဖမ်းဆီးအရေးယူခဲ့စဉ်က ဗိုလ်ချုပ်ကြီးသူရရွှေမန်း (ယခုဦးရွှေမန်း) ကိုယ်တိုင်ပင်တိုင်းသိ ပြည်သိ ကြွေးကြော်ခဲ့သည်။

    သို့ရာတွင် ဥပဒေစိုးမိုးရေး၏ အသစ်အဆန်းမဟုတ်သည့် ဤမူ နှင့် စပ်လျှဉ်း၍ မည်သို့လက်တွေ့ကျင့်သုံးအကောင် အထည်ဖေါ်သင့်သည်၊ မည်သည်တို့မှာ အဟန့်အတားဖြစ်နေသည်၊ ဤမူကို ဖေါ်ဆောင်နိုင်ရေးအတွက် မည်သည့် ဥပဒေများကို ဖျက်သိမ်း၊ ပြင်ဆင်၊ အသစ်ပြဌာန်းသင့်သည်၊ ဟူသည် တို့နှင့် စပ်လျှဉ်း၍အလေးထားကာ ယခု လွှတ် တော် ဥက္ကဌနေရာတွင် ယူထားသော ဦးရွှေမန်းသည် လွှတ်တော်အတွင်း၌ မည်သည့်အခါကမျှ ဦးဆောင်ဆွေးနွေးခဲ့ သည်ကို မကြားသိရပါ။ ဦးသိန်းစိန် အစိုးရက ဦးဆောင်ရန် ဆိုသည်မှာ ဝေလာဝေးပင်။

    ၂၀၀၈ ဖွဲ့စည်းပုံ ပုဒ်မ ၄၄၅ အပေါ် သုံးသပ်ချက်

    ပြစ်မှုကျူး လွန်သူကိုအပြစ်ပေးရမည်ဖြစ်ပြီး လူတိုင်းဥပဒေရှေ့မှောက်တွင် တန်းတူခံစားခွင့်ရှိရမည်ဟူသည့် မူကို ဖွဲ့စည်းပုံအခြေခံဥပဒေက အာမခံရပါ မည်။ မဆန့်ကျင်စေရပါ။ သို့ရာတွင် ၁၉၈၈ ခုနှစ် မှစ၍ အာဏာသိမ်း အုပ်ချုပ် ခဲ့သည့် သက်တမ်းကာလအတွင်း ဖြစ်ပွားကျူးလွန်ခဲ့သည့် ပြစ်မှုများနှင့် စပ်လျှဉ်း၍ စစ်အာဏာရှင်တို့၏ တာဝန်ရှိမှုကို ဖုံးကွယ်ကာ “မည်သည့် တရားရုံး တွင်မျှ တရားစွဲဆိုခွင့် မရှိစေရ” ဟူသည်ကို ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၄၄၅ တွင် ပြဌာန်းထား သည်။ ယင်းမှာ ကိုယ့်ကိုယ်ကို အကြွင်းမဲ့ လွတ်ငြိမ်းချမ်းသာခွင့် ပေးထားခြင်းဖြစ်သည်။ အဆို ပါပြဌာန်းချက်မျိုးကို ကမ္ဘာပေါ် တွင် တည်ဆဲဖွဲ့စည်းပုံအခြေခံ ဥပဒေများ၌ မည် သည့် နိုင်ငံတွင်မျှ မတွေ့ ရပါ။ ယင်း အပေါ် ဥပဒေအထောက်အကူပြု ကွန်ယက်မှဆွေးနွေးမှုအား ၂၀၁၃ မေလ (၇) ရက်နေ့တွင် ဘီဘီစီမှအသံ လွှင့်သွား သည်ကို ဤလင့်ခ် တွင် နားဆင်ပါ။ https://docs.google.com/file/d/0BzC8VZhwp11AbTdrNlVyQ1FUb0k/edit?usp=sharing

    ပုဒ်မ ၄၄၅ ပြဌာန်းချက်သည် လူတိုင်း ဥပဒေရှေ့မှောက်တွင် တန်းတူရေး ဟူသည့် အခြေခံမူကို အဆင့်နှစ်ဆင့်အရ ဆန့်ကျင်လျှက်ရှိသည်။ ပထမ အဆင့်မှာ စစ်အစိုးရ အာဏာပိုင်ဟောင်းများသည်သာ အကြွင်းမဲ့ လွတ်ငြိမ်း ချမ်းသာခွင့် ရနေကြသည်။ အခြား သာမန် ပြည်သူများ မခံ စားရပါ။ ဒုတိယအဆင့် မှာ ပြစ်မှုကျူးလွန်သူခြင်းတူပါက န၀တ၊ နအဖ စစ်အစိုးရအဖွဲ့ဝင်များသာ လွတ်ငြိမ်းခွင့်ကို ခံစားကြရသည်။ ၄င်းတို့၏ အမိန့်ပေးမှုအရ သက်ဆိုင်ရာမှုခင်းများ ၌ မြေပြင်တွင် ကြီးကြပ်ကွပ်ကဲ ဖေါ် ဆောင်ခဲ့ ကြသည့် အခြားစစ် ခေါင်းဆောင်များ၊ အုပ်ချုပ်ရေး အာဏာပိုင်များ မှာ အဆိုပါ အခွင့်အရေးကို ခံစားခွင့် မရကြပါ။ အချိန်မရွေး တရားစွဲခံရ နိုင်သည်။ ၂၀၀၈ ဖွဲ့စည်းပုံ သည် ခွဲခြားမှု [5] ကို အခြေခံဥပဒေနှင့် အညီကျင့်သုံးထား ခြင်းဖြစ်သည်။

    ပြစ်မှုကျူးလွန်သူအား လွတ်ငြိမ်းခွင့် ပေးခြင်းမှာ ၂၀၀၈ ဖွဲ့စည်းပုံ၏ အုတ်မြစ်တချပ် ဖြစ်နေ သည်။ သို့ဖြစ်၍ ပြစ်မှုကျူး လွန်သူ မည်သူ့ကို မဆို တိတိကျကျ စုံစမ်းရှာဖွေ ဖေါ်ထုတ်ကာ အရေးယူ အပြစ်ပေးခြင်း ဖြင့် ဥပဒေ စိုးမိုးရေးတည် ဆောက်ရမည်ဟူသောအသံကို လူ့အဖွဲ့အစည်း၌ ကျယ်လောင်စွာ မကြားရတော့ပါ။ အကျိုး ဆက် အနေဖြင့် ဥပဒေ စိုးမိုးရေးပျက်သည့် အခြေအနေကို တပြည်လုံး၌ ကြုံတွေ့နေကြရသည်။ ၂၀၀၈ ဖွဲ့စည်းပုံသည် တိုင်းပြည်တွင် ဥပဒေ စိုးမိုးရေးအတွက် ပန်းခင်းသော လမ်းကို မတည်ဆောက်နိုင်ပါ။ ပြောင်းပြန်ပင် ၄င်းသည် ဥပဒေစိုးမိုးရေး ဆက် လက် ပျက်သုဉ်းစေ၇န် ငရဲမီးခင်းသောလမ်းကို ဖေါက်ပေးထားကြောင်းတွေ့ရှိရသည်။

    ရခိုင်ပြည်နယ်တွင် ဥပဒေစိုးမိုးရေးပျက်စီးစေခဲ့ရာ၌ မည်သူ့တွင် အမြင့်ဆုံးတာဝန်ရှိသလဲ။

    ရခိုင်ပဋိပက္ခများ စုံစမ်းစစ်ဆေးရေး ကော်မရှင် ၏အစီရင်ခံစာ စာမျက်နှာ ၈၇ တွင် “နစက သည် ကက (ကြည်း) ၏ တိုက်ရိုက်ကွပ်ကဲမှုအောက်တွင် ရှိနေ ကြောင်းနှင့် လုံခြုံရေး အဖွဲ့အစည်းများသည် သက်ဆိုင်ရာ ၀န်ကြီးဌာနများ၏ အမိန့်ကိုသာနာခံရပြီး ဒေသ ဆိုင်ရာ အုပ်ချုပ်ရေး ဆောင်ရွက်သူများ၏ အမိန့်ကို နာခံနိုင်ခြင်း မရှိသည်ကို တွေ့ရှိရ ကြောင်း” အတိအလင်း ဖေါ်ပြထား သည်။ ကက (ကြည်း) သည် (ကာ/လုံ) ၏ အဖွဲ့ ၀င်များဖြစ်သော ကာကွယ်ရေး ဦးစီးချုပ် နှင့် ဒုတိယ ကာကွယ်ရေး ဦးစီးချုပ်တို့ ၏ တိုက်ရိုက်အမိန့် ပေးညွှန်ကြားမှုအောက်တွင် ရှိသည်။

    ရခိုင်ပဋိပက္ခများအတွင်း (ကာ/လုံ) က ဥပဒေစိုးမိုးရေးအခြေခံကိုရိုက်ချိုး ခဲ့သည့် အဓိက ဖြစ်ရပ်ကြီးနှစ်ခုရှိခဲ့ကြောင်း ကော်မရှင်၏ အစီရင်ခံစာအရ ပေါ်လွင်သည်။ ၄င်းတို့မှာ ၂၀၁၂ ဇွန်လ (၃) ရက်နေ့တွင် တောင်ကုတ်၌ အစ္စလာမ် ဘာသာဝင် ဆယ်ဦး အသတ်ခံရခြင်းနှင့် ဇွန်လ (၈) ရက်နေ့ တွင် မောင်းတော၌ အစ္စလာမ်ဘာသာဝင်များက ရခိုင် လူထုများအပေါ် ပြန်လည်၍ အကြမ်းဘက်မှုများ ပြုကြခြင်း ဖြစ်သည်။

    အစ္စလာမ်ဘာသာဝင် ဆယ်ဦး အသတ်ခံရခြင်း နှင့် စပ်လျှဉ်း၍ ပြစ်မှုကျူးလွန်သူများကို ယခုအချိန်အထိ ဖေါ် ထုတ် အရေးယူခြင်းမပြုပါ။ ထိုနည်းတူ မောင်းတောတွင် အစ္စလာမ်ဘာသာဝင်များ၏ ပြန်လည် အကြမ်းဘက်မှုကို တားဆီး နိုင်ပါ လျှက် အာဏာပိုင်များက ကာကွယ်တားဆီးမှု မပြုခဲ့ပါ။ ယင်းနှင့် စပ်လျှဉ်း၍ ကော်မရှင်၏ အစီရင်ခံစာ စာမျက်နှာ ၈၂ တွင် အောက်ပါအတိုင်း ဖေါ်ပြထားသည်။

    “မောင်းတောဖြစ်စဉ်တွင် ထိုစဉ်က နစက အကြီးအကဲလုပ်သူက ပြတ်သားစွာ ကိုင်တွယ်အရေးယူဆောင်ရွက်ခဲ့မည် ဆိုပါက ယခု ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများစွာ ဖြစ်ပေါ်လာမည်မဟုတ်ကြောင်း ရခိုင်ရပ်မိ၊ ရပ်ဖ များမှ ဝေဘန် သုံးသပ်ခဲ့ကြပါသည်။”

    ပထမ ဖြစ်ရပ်တွင် ပြစ်မှုကျူးလွန်သူကို အရေးမယူသဖြင့် ရိုဟင်ဂျာများနှင့် အစ္စလာမ်ဘာသာ ၀င် အမြောက်အများယခုအချိန် အထိ အကြိတ်အခဲဖြစ်နေဆဲဖြစ်သည်။ ဒုတိယ ဖြစ်ရပ်တွင် ကာကွယ်တားဆီးနိုင်ပါလျှက် မကာကွယ်ခဲ့ သဖြင့် ထိခိုက်ဆုံးရှုံးမှုများ ဖြစ်ပွားခဲ့ရသည့်အပြင် ရခိုင်ပြည်နယ် အခြားဒေသများသို့ ပျံ့သွားခဲ့ သောကြောင့် ရခိ်ုင် လူထုများက မကြေမနပ် ဖြစ်နေဆဲဖြစ်သည်။ ၄င်းအကြိတ်အခဲများ၊ မကြေနပ်မှုများသည် ဥပဒေ စိုးမိုးရေးပျက်သုဉ်း ခြင်းကြောင့် ပေါ်ပေါက်လာခဲ့ခြင်းဖြစ်သည်။ ယင်း၏ အကျိုးဆက် အနေဖြင့် ပဋိပက္ခများ ဆက်လက် ကြီးထွားသွားခဲ့ ခြင်းဖြစ်သည်။

    ကော်မရှင်၏ အစီရင်ခံစာအရ ပေါ်လွင်သော ဖြစ်ရပ်နှစ် ခုလုံး တွင်သာမက ပထမဆုံး စတင်ဖြစ်ပွားခဲ့ သည့် ကျောက်နီမော် လူသတ်မုဒိန်းမှုတွင် အမှန်တရားကို ဖုံးကွယ်ခဲ့သည့် အတွက် ဥပဒေစိုးမိုးရေး ပျက်သုဉ်းရာတွင် အဓိက တာဝန်ရှိသူမှာ (ကာ/လုံ) နှင့် ဦးသိန်းစိန်ဦးဆောင်သည့် ဗဟိုအစိုးရဖြစ်သည်။ အဘယ်ကြောင့်ဆို သော် လုံခြုံရေးတပ်ဖွဲ့များသည် ၄င်းတို့၏တိုက်ရိုက်အမိန့်ပေး ညွှန်ကြားမှုအောက်တွင် တာဝန်ထမ်းဆောင်ခဲ့ရ သောကြောင့် ဖြစ်သည်။ (ကာ/လုံ) နှင့် ဦးသိန်းစိန်အစိုးရက ဥပဒေစိုးမိုးရေးကို မတည်ဆောက်ခဲ့သဖြင့် အကြမ်းဘက်ပဋိပက္ခများ သည် မြန်မာနိုင်ငံ အခြားနေရာ အတော်များများသို့ ပျံ့နှံ့သွားခဲ့ခြင်းဖြစ်သည်။

    နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ကော်မရှင်က ပယ်ချသည် ဟူသည့်အပေါ် သုံးသပ်ချက်

    နိုင်ငံတကာက လူ့အခွင့်အရေးရှုဒေါင့်မှ စွပ်စွဲလာမှုကို ပယ်ချကြောင်း ကော်မရှင်အဖွဲ့ ဝင် ဒေါက်တာ ဒေါ် ရင်ရင်နွယ် က ပြောခဲ့သည်။ ပယ်ချရသည့် အဓိကအကြောင်းမှာ နိုင်ငံတကာ သည် ဘင်္ဂါလီ တဘက်တည်းကိုသာမေးခဲ့ပြီး ရခိုင် လူမျိုးများဘက်ကို မမေးခဲ့သောကြောင့် ဟူ၍ ဖြစ်သည်။ ကော်မရှင် အဖွဲ့ဝင် အခြားသူတချို့ကလည်း အလားတူ တုန့်ပြန်ခဲ့ဘူးသည်။ စင်စစ်အားဖြင့်မူ နိုင်ငံတကာသည် ရခိုင်တိုင်းရင်းသားများဘက်ကိုလည်း မေးသင့်သလောက် မေးမြန်းခဲ့သည်။ အရင်းခံအားဖြင့်မူ ဘက်နှစ်ဘက် ရှုဒေါင့်မှ အဓိက ချဉ်းကပ်ရန် မဟုတ်ပါ။ နိုင်ငံတနိုင်ငံ အတွင်း၌ မည်သို့သော အခြေအနေများဖြစ်ပွားသောအခါ နိုင်ငံတကာက လူ့အခွင့်အရေးချိုးဖေါက်မှု ရှုဒေါင့်မှ ချဉ်းကပ် ကိုင် တွယ်သည်ကို ကော်မရှင်အနေဖြင့် လေ့လာသင့်သည်။ ရိုးရိုးပြစ်မှု နှင့် လူ့အခွင့် အရေး ချိုးဖေါက်မှု တို့၏ ဆက်စပ်မှု နှင့် ကွာခြားမှုအပေါ်လည်း ရှင်းလင်းစွာ နားလည်ရန်လိုပါသည်။

    သာဓက ဆိုပါမည်။ နိုင်ငံတနိုင်ငံ အတွင်း၌ ဘာသာရေးအရဖြစ်စေ၊ လူမျိုးရေးအရဖြစ်စေ၊ အခြားအကြောင်းတခုခု အရဖြစ်စေ လူတဦးက အခြားတဦးကို၊ လူအုပ်စုတခုက အခြားအုပ်စုတခုကို၊ သတ်ဖြတ်မှုကျူးလွန်သည် ဆိုကြပါစို့။

    လူ့အခွင့်အရေးရှုဒေါင့်မှကြည့်လျှင် သတ်ဖြတ်ခံရသူ၏ အသက်ရှင်ရပ်တည်ပိုင် ခွင့် ရုပ်သိမ်းခံလိုက်ရခြင်းဖြစ်သည်။ သို့ရာတွင် သာမန်အားဖြင့် နိုင်ငံတကာက ၀င်ရောက်စွက်ဘက် ပြောဆိုမည် မဟုတ်ပါ။ သက်ဆိုင်ရာ နိုင်ငံ၏ အချုပ် အခြာအာဏာ အတွင်း ကျရောက်နေသောကြောင့် ဖြစ်သည်။ ၄င်းနိုင်ငံ၏ အစိုးရကသာလျှင် အဆိုပါနိုင်ငံ၏ တည်ဆဲဥပဒေများနှင့်အညီ ပြစ်မှုကျူးလွန်သူ သို့မဟုတ် ကျူးလွန်သူများကို အရေးယူ အပြစ်ပေးရမည်ဖြစ်သည်။

    ၂၀၁၂ ခုနှစ် ဇူလိုင်လအတွင်း အိန္ဒိယနိုင်ငံ အာသံပြည်နယ် အနောက်ခြမ်းတွင် လူမျိုးရေး ပဋိပက္ခဖြစ်ပွားခဲ့ပြီး အတော် များများ သေဆုံးကာ လူဦးရေ နှစ်သိန်းခန့် အိုးမဲ့အိမ်မဲ့ဖြစ်ခဲ့သည်။ သို့ရာတွင် ကုလသမဂ္ဂသည်လည်းကောင်း၊ နိုင်ငံ တကာ လူ့အခွင့်အရေး အဖွဲ့ အစည်းကြီးများသည်လည်းကောင်း ၀င်ရောက်စွက်ဘက်ပြောဆိုကြခြင်းမရှိပါ။ အိန္ဒိယ နိုင်ငံ၏ အချုပ်အခြာအာဏာ [6] အတွင်းတွင် သက်ဆိုင်ရာအစိုးရများက ဖြေရှင်းဆောင်ရွက်ခဲ့ကြသည်။

    သို့ရာတွင် အစိုးရကိုယ်တိုင်က လူထုအပေါ် လူ့အခွင့်အရေးချိုးဖေါက်မှုကို ကျူးလွန်ခြင်း၊ သို့မဟုတ် အင်အားစု တရပ်ရပ်က ကျူး လွန်မှုကို အစိုးရက အားပေးကူညီခြင်း၊ တနည်းနည်းဖြင့် ပူးပေါင်းဆောင်ရွက်ခြင်း၊ သို့မဟုတ် လူ့အခွင့်အရေးချိုး ဖေါက်ကျူးလွန်မှုကြီးများ ဖြစ်ပွားနေပါလျှက် ကျူးလွန်သူများကို အစိုးရက ထိထိရောက်ရောက် အရေးယူမှုမပြုခြင်း တို့ဖြစ်လျှင်မူ ကုလသမဂ္ဂ အနေဖြင့် ဖြစ်စေ၊ နိုင်ငံတကာ လူ့အခွင့်အရေးအဖွဲ့အစည်းကြီးများ အနေဖြင့် ဖြစ်စေ ၀င်ရောက်အရေးယူဆောင်ရွက်ရန် ကြိုးပမ်းကြရသည်။ ဤသည်မှာ နိုင်ငံတကာ လူ့အခွင့် အရေး ဥပဒေအခြေခံများပေါ်၌ နိုင်ငံတကာက ကျင့်သုံးသည့်အစဉ်အလာ လည်းဖြစ်သည်။ မြန်မာနိုင်ငံအတွင်း ရခိုင်ပြည် နယ်၌အလားတူ  အခြေအနေများ ဖြစ်ပွားနေသည့်  အထောက်အထားများအား နိုင်ငံတကာတွေ့ရှိသဖြင့်သာ ကုလ သမဂ္ဂ နှင့် နိုင်ငံတကာက ၀င်ရောက်ပြောဆိုလာကြခြင်းဖြစ်သည်။ အရေးယူဆောင်ရွက်မှုများလည်း ရှိလာနိုင်သည်။

    ဒေါက်တာဒေါ်ရင်ရင်နွယ် နှင့် ကော်မရှင်အဖွဲ့ ဝင်အချို့ ပြောသလို နိုင်ငံတကာ အနေဖြင့် ရခိုင်တိုင်းရင်းသားများအား စစ်ဆေးမေးမြန်းမှု နည်းကောင်းနည်းပါမည်။ ဤသည်မှာ အကြောင်းနှစ်ချက်ကြောင့် ဖြစ်နိုင်သည်။ တချက်မှာ ဦးသိန်း စိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် ရိုဟင်ဂျာများနှင့် ပေါင်းကာ ရခိုင်တိုင်းရင်းသားများ အပေါ် လူ့အခွင့်အရေး ချိုးဖေါက်မှုများ ကျူးလွန်နေကြောင်း သတင်းမရခဲ့သောကြောင့်ဖြစ်နိုင်သည်။ နောက်တချက်မှာ   ရခိုင် တိုင်းရင်းသားများ ကိုယ်တိုင်ကလည်း ဦးသိန်း စိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့များသည် မိမိတို့အပေါ် လူ့အခွင့်အရေး ချိုးဖေါက်မှုများ ကျူးလွန်နေကြသည်၊ ရွာများမီးရှို့၊ လူသတ်၊ မုဒိန်းကျင့် စသဖြင့် ကျူးလွန်နေပါသည် ဟု တိုင်တန်းခြင်း မပြုခဲ့သောကြောင့်လည်း ဖြစ်နိုင်သည်။

    ယင်းသို့ကျူးလွန်မှု သက်သေအထောက်အထားများ ရှိပါက ကော်မရှင်အနေဖြင့် ဖြစ်စေ၊ ဒေါက်တာ ဒေါ်ရင်ရင်နွယ် အနေဖြင့်ဖြစ်စေ နိုင်ငံတကာသို့တိုင်တန်းမည်ဆိုပါက ရခိုင်တိုင်းရင်းသားများအား အဓိကထား၍ လာေ၇ာက် စစ်ဆေး မေးမြန်းရန်မှာ ရာခိုင်နုန်းပြည့်သေချာသည်။

    အကြမ်းဖက်ပဋိပက္ခများ ဖြစ်ပွားရခြင်း၏ လတ်တလောအကြောင်းရင်း နှင့် နောက်ဆက်တွဲအကြောင်းရင်းများ

    ရခိုင်ပြည်နယ် မှ စတင်ခဲ့ပြီး တနိုင်ငံလုံးသို့ တဖြေးဖြေး ပျံ့နှံ့နေပြီဖြစ်သော အကြမ်းဘက် ပဋိပက္ခကြီး၏ လတ်တလော အကြောင်းရင်းမှာ လူမျိုးရေးကွဲပြားမှုနှင့် ဘာသာရေးယုံကြည်ချက်ခြားနားမှုတို့အပေါ်အခြေခံပြီး တဘက်နှင့် တဘက် အပြန်အလှန်ပုတ်ခတ် စွပ်စွဲကြရာမှ စတင်ပေါ်ပေါက်လာခဲ့သည့် ပြသနာ မဟုတ်ပါ။ ဥပဒေစိုးမိုးရေးအခြေခံအရ ပြစ်မှု ကျူး လွန်သူမှန်သမျှကို ကျောသား ရင်သားမခွဲခြားဘဲ တန်းတူထား၍ ပြတ်ပြတ်သားသား ထိထိေ၇ာက်ရောက် အရေး မယူခဲ့ ခြင်းမှာ ပထမ လတ်တလော အကြောင်းရင်းဖြစ်သည်။ ဦးသိန်းစိန်အစိုးရ၏ စစ်တပ်နှင့် အခြားလုံခြုံရေးတပ်ဖွဲ့ များကိုယ်တိုင်က ဘက်တဘက်တွင် ရပ်၍ ပြစ်မှု ကြီးများအား ပါဝင်ကျူးလွန်ခဲ့ကြသည် ဟု နိုင်ငံတကာက ထောက်ပြ စွပ်စွဲလာသည်က ပို၍ အရေးကြီးသော ဒုတိယ လတ်တလော အကြောင်းရင်း ဖြစ်သည်။

    ဤလတ်တလော အကြောင်းရင်းနှစ်ရပ်ဖြစ်တည်လာခဲ့ပြီးနောက် နောက်ဆက်တွဲအကြောင်းရင်း တို့လည်း ပေါ်ပေါက် လာပြန်သည်။ ယင်းတို့မှာ ဘာသာရေးအုပ်စုကြီး နှစ်ခုမှ အချို့သော အစွန်း ရောက်ဘာသာရေးခေါင်းဆောင်များ၊ ဘာသာဝင်များ နှင့် အစွန်းရောက် အမျိုးသားရေးဝါဒီများက နည်းလမ်းပေါင်းစုံသုံး၍ လှုံ့ဆော်လာခဲ့ကြခြင်းဖြစ်သည်။ အကျိုးဆက်အနေဖြင့် အကြမ်းဘက် ပဋိပက္ခကြီးများသည် တိုင်းပြည်၏ နေရာဒေသ အတော်များများသို့ပျံ့နှံ့သွားခဲ့ရ ခြင်းဖြစ်သည်။

    လတ်တလော အကြောင်းရင်း နှင့် နောက်ဆက်တွဲ အကြောင်းရင်းတို့ကို နိုင်းယှဉ်လေ့လာရန်လိုပါမည်။ လတ်တလော အကြောင်းရင်းသည် ဥပဒေစိုးမိုးရေးနှင့် တိုက်ရိုက်သက်ဆိုင်သည်။ နောက်ဆက်တွဲအကြောင်းရင်းသည် သာသာရေး အရ မတူကွဲပြားသည့် ဘာသာများ အတူငြိမ်းချမ်းစွာရပ်တည်နိုင်ရေး၊ အပြန်အလှန်လေးစားမှု တည်ဆောက်ရေးတို့ နှင့် လည်းကောင်း၊ နိုင်ငံရေးအရ အစွန်းရောက် အမျိုးသားရေးဝါဒကို စွန့်လွှတ်ပြီး လူမျိုးပေါင်းစုံ အတူယှဉ်တွဲ နေ ထိုင် ရေး အခြေခံတွင် မိမိအမျိုးသား အကျိုးစီးပွားကို သမာသမတ်ကျစွာ ဖေါ်ဆောင်နိုင်ရေး အတွေးအခေါ် စိုက်ထူမှု နှင့် လည်းကောင်း သက်ဆိုင်သည်။

    နောက်ဆက်တွဲအကြောင်းရင်းများသည် အရေးမကြီးမဟုတ်ကြီးပါသည်။ သို့ရာတွင် ယနေ့တပြည်လုံးသို့ ပျံ့နှံ့နေ ပြီ ဖြစ်သော အကြမ်းဘက်ပဋိပက္ခကြီးများနှင့်စပ်လျှဉ်း၍ လူ့အဖွဲ့အစည်းတခုလုံးနီးပါးသည် နောက်ဆက်တွဲ အကြောင်း ရင်းများအပေါ်တွင်သာ ကုစားအဖြေရှာကြရန်ကြိုးပမ်းနေကြသည်ကို တွေ့ရသည်။ ထိရောက်မှု အားနည်း နိုင်သည်။

    လတ်တလောအကြောင်းရင်းများနှင့်စပ်လျှဉ်း၍ အမှန်တရားပေါ်အောင် အဓိကထားဖေါ်ထုတ်ပြီး အရေးယူဆောင်ရွက် နိုင်မှ သာလျှင် ဥပဒေစိုးမိုးရေးကို အခြေခံအားဖြင့် တည်ဆောက်နိုင်ပါမည်။ ထို့နောက် နောက်ဆက်တွဲအကြောင်းရင်း များကို တဖြေးဖြေး အချိန်ယူကုစားသွားရန် ဖြစ်ပါသည်။

    ရခိုင်ပဋိပက္ခများ စုံစမ်းစစ်ဆေးရေးကော်မရှင်သည် ဥပဒေစိုးမိုးရေးနှင့် တိုက်ရိုက်သက်ဆိုင်သည့် လတ်တလော အကြောင်းရင်းကို မီးမောင်းထိုးကာ အမှန်တရားပေါ်အောင်ဖေါ်ထုတ်ခဲ့ခြင်း မရှိ။ လတ်တလောအကြောင်းရင်းနှစ်ရပ် အနက် ပထမ တရပ်ကို ကော်မရှင်ကိုယ်တိုင်ဝန်ခံရသည်။ ထို့ အပြင် လုံခြုံရေးတပ်ဖွဲ့များကိုယ်တိုင်က ဘက်တဘက် နှင့်ပူးပေါင်းကာ ပြစ်မှုကြီးများအား ပါဝင်ကျူးလွန်ခဲ့ကြသည်ဟု နိုင်ငံတကာက ထောက်ပြစွပ်စွဲသည့် ဒုတိယအကြောင်း ရင်းကိုလည်း ကော်မရှင်ကမျက်စိမှိတ်
    ပယ်ချခြင်းမှလွဲ၍ အချက်အလက်နှင့် မငြင်းနိုင်။ သို့ရာတွင် အစီရင်ခံစာ၌ လတ် တလောအကြောင်းရင်းကို ရှင်းရှင်းလင်းလင်း ပြည့်ပြည့်စုံစုံ မဖေါ်ထုတ်ဘဲ နောက်ခံအကြောင်းရင်း နှင့်နောက်ဆက်တွဲ အကြောင်းရင်းများကိုသာ ဋီကာချဲ့ပြီးဖေါ်ပြခဲ့သည်။ ထို့ကြောင့် ဥပဒေစိုးမိုး ရေး အခြေခံကို ဖျက်ဆီးခဲ့သည့် ကာလုံ နှင့် သမ္မတ ဦးသိန်းစိန်၏ တာဝန်ရှိမှုကို ဖုံးကွယ် သွားစေခဲ့ သည်။ ယင်းအတွက် ကော်မရှင်အား ဦးသိန်းစိန်က များစွာ သဘောကျ သွားပုံရ သည်။ ၂၀၁၃ ခုနှစ် မေလ (၆) ရက်နေ့တွင် တိုင်းပြည်သို့ မိန့် ခွန်းပြော၍ပင် ချီးမွမ်းခဲ့သည်။

    (ကာ/လုံ) နှင့် ဦးသိန်းစိန်အစိုးရသည် ဥပဒေစိုးမိုးရေးပျက်အောင် ရည်ရွယ်ချက်ရှိရှိလုပ်သလား။

    ရခိုင်မှ တရုတ်ပြည်သို့ အမေရိကန် ဒေါ်လာ ဘီလျံပေါင်းများစွာ ချီကာ တန်ဘိုးရှိသည့် သဘာဝ ဓါတ်ငွေ့  ပိုက်လိုင်း သွယ်တန်း တည်ဆောက်နေပါသည်။ ယင်းအပေါ် ရခိုင်ပြည်နယ် အတွင်းရှိလူထုများက အားကောင်း ကောင်း နှင့် ကန့်ကွက်နိုင်ခြင်း မရှိစေရန်အာရုံလွှဲလိုက်ခြင်းဖြစ်နိုင်သည်ဟု လူထုအတော်များများက ယူဆလာကြသည်။ ထို့ပြင် တည်ဆောက်ပြီးသည့်အချိန်တွင် လက်ရှိနှင့်နောင်တက်လာဦးမည့် စစ်အစိုးရ အဆက်ဆက်က နှစ်ပေါင်းမြောက်များစွာ ဆက်လက် အမြတ်ထုတ်အကျိုးခံစားနေဦးမည့်အပေါ် မကန့်ကွက်နိုင်တော့စေရေးအတွက် ရခိုင်ပြည်နယ်အတွင်းရှိ လူထု များနှင့် ၄င်းတို့ ၏ နိုင်ငံရေးပါတီများအားနည်းချိနဲ့ သွားစေရန်၊ လုံခြုံရေးအရ ဦးသိန်းစိန်အစိုးရ၏ စစ်တပ်နှင့် အခြား လုံခြုံရေး အဖွဲ့များကိုသာ ထာဝရအားကိုးသွားစေရန် မဟာဗြူဟာချမှတ်လုပ်ဆောင်ခြင်းလည်း ဖြစ်နိုင်သည်။

    အထက်ပါသုံးသပ်ချက် မမှန်ဟူ၍ (ကာ/လုံ) နှင့် ဦးသ်ိန်းစိန် အစိုးရက သက်သေပြလိုပါက ပိုက်လိုင်းနှင့် ဆက်စပ် သော သတင်း အချက်အလက်မှန်သမျှကို ရှင်းလင်းစွာ တပြည်လုံးသို့ထုတ်ပြန်ကြေငြာရန်လိုသည်။  ပို၍အရေးကြီး သည်မှာ အကြမ်းဘက် ပဋိပက္ခများကြောင့် ရခိုင်ပြည်နယ် လူထု၏ စီးပွားရေးမှာ ချွတ်ခြုံကျ ပျက်စီးသွားခဲ့ပြီဖြစ် သဖြင့် ပြန်လည်ကုစားနိုင်ရန် ပိုက်လိုင်း မှရသော ၀င်ငွေအားလုံးကို ရခိုင်ပြည်နယ် အကျိုးစီးပွားအတွက်သာ သုံးစွဲသွားနိုင်စေ ရန် ဥပဒေတရပ် ပြဌာန်းကာ လွှဲအပ် ဖေါ်ဆောင်သွားရန်လိုအပ်သည်။

    မည်သို့ ပင်နောက်ဆက်တွဲကုစားမှုများပြုစေဦး၊ ရခိုင်ပြည်နယ်အတွင်း ဥပဒေစိုးမိုးရေးပျက်စီးစေခဲ့သည့်အတွက်ယင်းမှ စတင်ကာ တပြည်လုံးသို့ပျံ့ နှံ့ စေခဲ့ရာ၌တာဝန်ရှိမှုမှနေ၍  (ကာ/လုံ)  နှင့် ဦးသိန်းစ်ိန်အစိုးရသည် ရှောင်လွှဲ၍ မရနိုင်။

    အဖွဲ့အစည်း သဘော အရ တာဝန်ရှိမှု[7] နှင့် အမိန့်ပေးခြင်းအရ တာဝန်ရှိမှု[8]

    ၁၉၈၂ ခုနှစ်တွင် ဂွါတီမာလာနိုင်ငံ၌ အာဏာသိမ်းပြီး တိုင်းပြည်ကို အုပ်ချုပ်ခဲ့သော ဗိုလ်ချုပ်ကြီး အက်ဖရိန် ရိုင်ယို မွန့် [9] သည် အစ်ဇီးလ်မာယာ အမည်ရှိ တိုင်းရင်းသား လူမျိုးစုဝင်ဦးရေ ၁၇၇၁ ဦးအပေါ် လူမျိုးတုံး သတ်ဖြတ်မှု ကျူးလွန်ခဲ့သည် ဟု စွဲချက်တင်ကာ တရားရုံး၌ သက်သေပေါင်း တရာကျော်ကို စစ်ဆေးခဲ့ပြီးနောက် ၂၀၁၃ ခုနှစ် မေလ ၁၀ ရက်နေ့  တွင် ၄င်းအပေါ် ထောင် နှစ်ရှစ်ဆယ်ချခဲ့သည်။ လူမျိုးတုံး သတ်ဖြတ်မှုအတွက် နှစ်ငါးဆယ်၊ လူသားဖြစ်မှုကို ဆန့်ကျင် သည့် ပြစ်မှုအတွက် နှစ်သုံးဆယ် နှစ်ခုပေါင်း ထောင်နှစ် ရှစ်ဆယ်ဖြစ်သည်။ “သမ္မတ တာဝန်ယူထားစဉ် အတွင်း သတ် ဖြတ်မှုကြီးများ ကျူးလွန်နေတာကိုသိရက်နဲ့ ရပ်ဆိုင်းသွားအောင် ကာကွယ်တားဆီးခြင်း မလုပ်ခဲ့တာကြောင့် ပြစ်မှု ကျူး လွန်ရာရောက်တယ်” ဟု တရားသူကြီး ဂျက်စ်မင် ဘာရီရော့[10] က စီရင်ချက်တွင်ထည့်သွင်းဖတ်ကြားသွားခဲ့သည်။

    အာဂျင်တီးနား၊ ချီလီ၊ ဂွါတီမာလာ အစရှိသော နိုင်ငံများတွင် အမျိုးသားပြန်လည်သင့်မြတ်ရေးဟူသည်ကို အကြောင်း ပြ၍ ပြစ်မှု ကျူးလွန်မှုကြီးများအားမေ့ မထားဘဲ ပြန်လည်ဖေါ်ထုတ်ပြီး အရေးယူနေကြခြင်းမှာ စစ်မှန်သည့် ဥပဒေစိုးမိုး ရေး အခြေခံများ တည်ဆောက်ပြီး တိုင်းပြည် တည်ငြိမ်၊ ငြိမ်းချမ်းကာ၊ လူထုတရားမျှတမှု ရစေရန်ဖြစ်သည်။

    ၂၀၁၃ ခုနှစ် မတ်လ ၂၇ ရက် တပ်မတော်နေ့တွင် ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ၄င်း၏ တပ်မတော်သည် မည်သည့်အခါကမျှ လူမျိုးတုံးသတ်ဖြတ်မှု နှင့် စစ်ရာဇ၀တ်မှုများ မကျူးလွန်ခဲ့ကြောင်းထည့်သွင်း ပြောကြားသွားခဲ့သည်။ လူမျိုးတုံးသတ်ဖြတ်မှု၊[11]  စစ်ရာဇ၀တ်မှု[12]  နှင့် လူသားဖြစ်မှုကို ဆန့်ကျင်သည့် ပြစ်မှု [13] များအား မြန်မာနိုင်ငံ အတွင်းတွင် ဥပဒေ အဖြစ်ပြဌာန်း ထားမှု မရှိသေးပါ။ နိုင်ငံတကာ ဥပဒေ၏ အစိပ်အပိုင်းများဖြစ်ကြပါသည်။ ယင်းတို့ကို ချိုးဖေါက် ကျူးလွန်ခြင်းမှာ ပြစ်မှုမြောက်သည်ဟူ၍ ကာချုပ်မင်းအောင်လှိုင် ကိုယ်တိုင်က ၀န်ခံလိုက် သည့် သဘောဖြစ်သည်။ ယင်းမိန့်ခွန်းကိုးကားကာ အာဏာပိုင်များက ပြဌာန်းထားသည့် ပြည်တွင်းဥပဒေများအတိုင်း သာ စိုးမိုးအုပ်ချုပ်ခြင်း Rule by Law မှနေ၍ နိုင်ငံတကာ စံထားချက်များနှင့် ကိုက်ညီသည့် ဥပဒေစိုးမိုးရေး Rule of Law သို့ ပြောင်းလဲဖေါ်ဆောင်နိုင်ရေးအတွက် စတင်လှုပ်ရှား လုပ်ဆောင်သင့်ပြီဖြစ်ပါသည်။

    အထက်ပါ နိုင်ငံတကာ ပြစ်မှုကြီးများအား တပ်မတော်က မကျူးလွန်ပါဟူ၍ ကာချုပ်မင်းအောင်လှိုင်၏ ငြင်းဆိုချက်ကို မူ လက်ခံနိုင် ဘွယ်မရှိပါ။ ၄င်းပြစ်မှုကြီးများမှာ မည်သည့်အရာများဖြစ်သည်ကို ဥပဒေသမားများပင်နားလည်အောင် မနည်းကြိုးပမ်းကြရသည်။ ယင်းတို့နှင့် စပ်လျှဉ်း၍ တပ်မတော်အတွင်း ကျယ်ကျယ်ပြန့်ပြန့် ပညာပေးရေးလုပ်ခဲ့ ကြောင်း လည်း တကြိမ်တခါမျှ မကြားသိခဲ့ရပါ။ သို့ဖြစ်၍ တပ်ဗိုလ်၊ တပ်သားတကယ့်အများစုကြီးမှာ မည်သည်တို့ကို ကျူးလွန်လျှင် မည်သည့်ပြစ်မှုမြောက်သည်ဟူ၍ နားလည်နိုင် ကြခြင်းမရှိသေးသည်မှာ ရာနုန်းပြည့်နီးပါး သေချာသည်။ လတ်တလောဖြစ်ရပ်များကို သုံးသပ်လျှင်ပင် ရခိုင်ပြည်နယ်အတွင်း လူမျိုးတုံးသတ်ဖြတ်မှု၊ ကချင်ပြည်နယ်အတွင်း စစ်ရာဇ၀တ်မှု နှင့် လက်ပံတောင်းတောင်ဒေသတွင် ဆန္ဒပြသံဃာများအပေါ် လူသားဖြစ်မှုကို ဆန့်ကျင့်သည့်ပြစ်မှု များ ကျူးလွန်ခဲ့ပြီးပြီဟု နိုင်ငံတကာ ဥပဒေ အခြေခံမှ သုံးသပ်နိုင်သည်။ အသေးစိပ်ကို ဤစာတမ်း၏ ဒုတိယပိုင်းတွင် ဆက်လက်ဆွေးနွေးပါမည်။

    အထက်ပါ ပြစ်မှုကြီးများနှင့် စပ်လျှဉ်း၍ တာဝန်ရှိမှုကို ရှာဖွေရာတွင် အဖွဲ့အစည်းသဘောအရ တာဝန်ရှိမှု နှင့် အမိန့် ပေးခြင်းအရ တာဝန်ရှိမှု နှစ်ခုတို့၏ ဆက်စပ်မှုနှင့်ကွာခြားမှု တို့ကို လေ့လာဘို့လိုပါမည်။ သမတ ဦးသိန်းစိန်သည် လည်းကောင်း၊ ကာချုပ်မင်းအောင်လှိုင်သည်လည်းကောင်း တိုင်းပြည်တွင် အမြင့်ဆုံးအာဏာပိုင်အဖွဲ့အစည်းဖြစ်သည့် (ကာ/လုံ) ၏ အဖွဲ့ဝင်များဖြစ်ကြသဖြင့် ယနေ့တိုင်းပြည်တွင် ဖြစ်ပွားနေသော အကြမ်းဘက် ပဋိပက္ခကြီးများနှင့် စပ် လျှဉ်း၍ ၄င်းတို့တွင် ယေဘုယျအားဖြင့် တာဝန်ရှိကြသည်။

    ရခိုင်ပဋိပက္ခတွင် လုံခြုံရေး တပ်ဖွဲ့များအား(ကက/ကြည်း) က တိုက်ရိုက်အမိန့်ပေးခဲ့ကြောင်း  ကော်မရှင်၏အစီရင်ခံစာအရ ပေါ်လွင်သဖြင့် ကာချုပ်မင်းအောင်လှိုင်တွင် တာဝန် ရှိသည်။ (ကာ/လုံ) အစည်းအဝေးခေါ်ပြီး ကာချုပ်မင်းအောင်လှိုင်ကို တာဝန်ပေးခဲ့ခြင်းဖြစ်ပါက (ကာ/လုံ) အဖွဲ့ဝင် အားလုံးတွင်တာဝန်ရှိသည်။ သို့မဟုတ်ဘဲ သမတ ဦးသိန်းစိန်က ကာချုပ်မင်းအောင်လှိုင်အား ရခိုင်ပဋိပက္ခများ ကိစ္စ ဆောင်ရွက်၇န်တာဝန်ပေးခဲ့ပါက ဦးသိန်းစိန်သည် အကြီးအကဲ[14] အနေဖြင့်လည်းကောင်း၊ ကာချုပ်မင်းအောင်လှိုင် သည် လက်အောက်ငယ်သား[15] အနေဖြင့်လည်းကောင်း တာဝန်ရှိသည်။

    ကချင်ပြည်နယ်အတွင်း ကေအိုင်အိုကို ထိုးစစ်ကြီးများဆင်နွှဲခဲ့စဉ် စစ်ရေး သဘောအရ ကာချုပ်မင်းအောင်လှို်င် မှာ အဓိကတာဝန် ရှိသည်။ စစ်ရာဇ၀တ်မှုများ ကျူးလွန်ခဲ့ခြင်းနှင့် စပ်လျှဉ်း၍မူ အကြီးအကဲ ကာချုပ်မင်းအောင်လှိုင်တွင် တာဝန်ရှိသလား၊

    စစ်မြေပြင်တခုလုံးကို အနီးကပ်ကွပ်ကဲရသည့် လက်အောက်ငယ်သား မြောက်ပိုင်းတိုင်း စစ်ဌာနချုပ် တိုင်းမှုးတွင် တာဝန်ရှိသလား ဟူသည်ကို သုံးသပ်ရပါမည်။ ဤတွင် နိုင်ငံတကာဓလေ့ ထုံးတမ်းဥပဒေ[16] အရသာ မက (ရ၀မ်ဒါ နိုင်ငံတကာ ပြစ်မှုဆိုင်ရာခုံရုံး[17] က ချမှတ်ခဲ့ပြီး ဆီအာရာလီယွန်းအထူး တရား ရုံး[18] ကပါ လိုက်နာကျင့်သုံး ခဲ့ သည့် လက်တွေ့အရ) သမားရိုးကျနိုင်ငံတကာဥပဒေ[19] အဖြစ်ပင်လိုက်နာကျင့် သုံးလာကြပြီဖြစ်သော သတ်မှတ် ပြဌာန်းချက်အရ အကြီးအကဲ နှင့် လက်အောက်ငယ်သား ဆက်ဆန်ရေး[20] အရတာဝန်ရှိမှု ကို လေ့လာရန်လိုပါသည်။ ဂွါတီမာလာနိုင်ငံက ဗိုလ်ချုပ်ကြီး အက်ဖရိန် ရိုင်ယိုမွန်၏ မှုခင်းနှင့် နိုင်းယှဉ်လေ့လာလျှင်အကျိုးရှိပါမည်။

    အပိုင်း (၂) ကို ဆက်လက်ဖတ်ရှုပါရန်
    ဦးအောင်ထူး (ရှေ့နေ) ဥပဒေအထောက်အကူပြုကွန်ယက် တည်ထောင်သူ
    ၂၀၁၃ ခုနှစ် မေလ

    1 Genuine Principles of the Rule of Law
    2 The People’s Republic of China exercises power in accordance with the law and establishes a socialist country under the rule of law.
    3 Legal framework
    4 Supreme law of the land
    5 Discrimination
    6 Sovereignty
    7 Organizational responsibility
    8 Command responsibility 9 General Efraín Ríos Mont 10 Judge Jazmin Barrios
    11 Genocide
    12 War crimes
    13 Crime against humanity
    14 Superior
    15 Subordinate
    16 Customary international law
    17 International Criminal Tribunal for Rawanda
    18 Special Court for Sierra Leone
    19 Conventional international law
    20 Relationship of superior-subordinate

  • ရခိုင် ပဋိပက္ခများ စုံစမ်းစစ်ဆေးရေး ကော်မရှင် အစီရင်ခံစာ အပေါ် သုံးသပ်ချက် (ဦးအောင်ထူး)

    ရခိုင် ပဋိပက္ခများ စုံစမ်းစစ်ဆေးရေး ကော်မရှင် အစီရင်ခံစာ အပေါ် သုံးသပ်ချက် (ဦးအောင်ထူး)

    မေ-၃၊၂၀၁၃
    ဦးအောင်ထူး (ရှေ့နေ)

    ရခိုင်ပြည်နယ် ပဋိပက္ခများ စုံစမ်းစစ်ဆေးရေးကော်မရှင်သည် အမှန်တရားကို မဖေါ်ထုတ်။ ဥပဒေစိုးမိုးရေးအုတ်မြစ်ကို မချမှတ်။

    စကထဲက လွဲခဲ့သော ကော်မရှင်

    ကော်မရှင်က ထမ်းဆောင်ရမည့် အဓိကကျသော သုတေသနမေးခွန်း[1] နှင့် စပ်လျှဉ်း၍ စကထဲက လွဲခဲ့သည်။ ၂၀၁၂ ခုနှစ် သြဂုတ်လ (၁၇) ရက်နေ့စွဲဖြင့် သမ္မတ ဦးသိန်းစိန်၏ တာဝန်ပေးစာတွင် “ရခိုင်ပြည်နယ်တွင် ၂၀၁၂ ခုနှစ် မေလနှင့် ဇွန်လအတွင်း၌ တည်ငြိမ်အေးချမ်းရေး နှင့် ဥပဒေ စိုးမိုးရေးကို ထိခိုက်ပျက် ပြားစေသည့် လူစုလူဝေးဖြင့် ဥပဒေမဲ့ဆောင်ရွက်မှုများ၊ တိုက်ခိုက်သတ်ဖြတ်မှုများ ဖြစ်ပေါ်ခဲ့သည်။ အဆိုပါ ပဋိပက္ခ ဖြစ်ပွားမှုနှင့် စပ်လျှဉ်း၍ ဖြစ်စဉ်ဖြစ်ရပ် အမှန်ပေါ်ပေါက်ရေး စုံစမ်းစစ်ဆေးရန် နှင့် အမျိုးသား အကျိုးစီးပွား တိုးတက်ရေး အကြံပြုရန်အတွက် အောက်ဖေါ်ပြပါ ပုဂ္ဂိုလ် များပါဝင်သော စုံစမ်းစစ်ဆေးရေးကော်မရှင် ကို ဖွဲ့စည်းတာဝန်ပေးအပ် လိုက်ပါသည်။” ဟူ၍ ဖေါ်ပြထားခဲ့သည်။

    ၂၀၁၃ ခုနှစ် ဧပြီလ (၂၂) ရက်စွဲဖြင့် ကော်မရှင်၏ အစီရင်ခံစာထွက်လာပြီးနောက် ကော်မရှင်ဥက္ကဌ ဒေါက်တာမျိုးမြင့် လက်မှတ်ရေးထိုးထားသည့် ဥယျောဇဉ်တွင် ပထမဆုံးစာကြောင်း၌ “ရခိုင်ပြည်နယ်အတွင်း ဖြစ်ပွားခဲ့သော လူမျိုးရေး ပဋိပက္ခများ၏ ဖြစ်ပွားရသည့် အကြောင်းရင်းများ နှင့် အနာဂါတ်တွင် ထို ပဋိပက္ခမျိုး ထပ်မံမဖြစ်ပွားစေရေး ကြိုတင် ကာကွယ်နိုင်ရန်နှင့် လုပ်ဆောင်ရမည့်အချက်များကို သိရှိနိုင်ရန်အတွက် စုံစမ်းစစ်ဆေးရေးကော်မရှင်ကို ဖွဲ့စည်းခဲ့ ပါသည်။” ဟူ၍ ဖေါ်ပြထားခဲ့သည်။

    သမ္မတ၏ တာဝန်ပေးစာ ပထမပိုင်းကို ချုပ်ပြီးကြည့်လျှင် “ရခိုင်ပြည်နယ်တွင် တည်ငြိမ်အေးချမ်းရေး နှင့် ဥပဒေ စိုးမိုး ရေးကို ထိခိုက် ပျက်ပြားစေသည့် လူစုလူဝေးဖြင့် ဥပဒေမဲ့ဆောင်ရွက်မှုများ၊ တိုက်ခိုက်သတ်ဖြတ်မှုများ၊ ပဋိပက္ခ ဖြစ် ပွားမှုများ နှင့် စပ်လျှဉ်း၍ ဖြစ်စဉ်ဖြစ်ရပ် အမှန်ပေါ်ပေါက်ရေး စုံစမ်းစစ်ဆေးရန်” ဟူ၍တာဝန်ပေးအပ်ခြင်းဖြစ်သည်။ သို့ရာတွင် ကော်မရှင် ဥက္ကဌ၏ စာ ပထမ ပိုင်းအရမူ “ရခိုင်ပြည်နယ်အတွင်း လူမျိုးရေး ပဋိပက္ခများ ဖြစ်ပွားရသည့် အကြောင်းရင်းများကို စုံစမ်းစစ်ဆေးရန်” ဟူ၍ တာဝန်ကို ခံယူထားကြောင်း နားလည်နိုင်ပါသည်။

    သို့ဖြစ်၍ သုတေသန လုပ်ငန်း သဘောအရ စူးစိုက်လေ့လာ စုံစမ်းစစ်ဆေးရမည့် အကြောင်းရပ်တွင် ကော်မရှင်သည် စကထဲက လွဲနေကြောင်း တွေ့နိုင်သည်။ လူမျိုးရေးပဋိပက္ခ ကို မလေ့လာရဟု ဆိုလိုရင်း မဟုတ်ပါ။ ယင်း မှာနောက်ခံ အကြောင်းရပ်ဖြစ်သည်။ ဆက်စပ်လေ့လာ ဖေါ်ထုတ်ဘို့လိုပါမည်။ သို့ရာတွင် သမ္မတ၏တာဝန်ပေးစာအရမူ စူးစိုက် လေ့လာရမည့် သုတေသန မေးခွန်း၏ အချိန်ကာလ အ၀န်းအ၀ိုင်းဖြစ်သည့်၂၀၁၂ ခုနှစ် မေလနှင့် ဇွန်လ အတွင်း၌ ပဋိပက္ခ ဖြစ်ပွားသည့် လတ်တလောအကြောင်းရပ်[2] ကို အဓိကလေ့လာရပါမည်။

    လတ်တလောအကြောင်းရပ်များကို အဓိကထား စုံစမ်းစစ်ဆေးခြင်း မပြုခဲ့သည့် ကော်မရှင်။

    ရခိုင်ပြည်နယ်တွင် ၂၀၁၂ ခုနှစ် မေ နှင့် ဇွန်လများ အတွင်း ဥပဒေ စိုးမိုးရေးကို ထိခိုက်ပျက် ပြားကာ ပဋိပက္ခများ ဖြစ်ပေါ်စေခဲ့သည့် လတ်တလော အကြောင်းမှာ နှစ်ရပ်မှာ ကျောက်နီမော် လူသတ်မှု နှင့် တောင်ကုတ်လူသတ်မှုတို့ ဖြစ်သည်။ ယင်းတို့သည် ပြင်းထန်လှသည့် အဓိကရုဏ်းကြီးအား ဖေါက်ခွဲခဲ့သည့် စနက်တန်များ သဘွယ်ဖြစ်ခဲ့သည်။ ဤစနက်တန်များကို ဖြုတ်သူများ ကိုယ်တိုင်သည်သာ ပြစ်မှု ကျူးလွန်သူများဖြစ်သလား။ သို့မဟုတ် စနက်တန်ဖြုတ် သူများအား နောက်ကွယ်က အင်အားစုတစုံတရာက စနစ် တကျ စီစဉ် အမိန့်ပေးညွှန်ကြားမှု ရှိသလား။ ကော်မရှင် သည် လတ်တလော အကြောင်းအား တိတိကျကျ လေ့လာ စုံစမ်း စစ်ဆေးကာ အမှန်တရားကို ဖေါ်ထုတ်ရန် တာဝန်ရှိ သည်။ ကော်မရှင်သည် ယင်းတာဝန်ကို ထမ်းဆောင်ခဲ့ခြင်းမရှိသဖြင့် အမှန်တရားကို မဖေါ်ထုတ်နိုင်ခဲ့ပါ။

    ကော်မရှင်၏ အစီရင်ခံစာ၌ ပဋိပက္ခများဖြစ်ပွားရသည့် နောက်ခံအကြောင်းကို စာမျက်နှာ (၁၂) မျက်နှာ တင်ပြခဲ့ သည်။ ယင်းသို့ဖြစ်လျှင် ပို၍ အရေးတကြီးထားကာ အဓိကလေ့လာရမည့် လတ်တလောအကြောင်းကို အနည်းဆုံး နှစ်ဆ၊ (၂၄) မျက်နှာခန့် တင်ပြ သင့်သည်။ သို့ရာတွင် စကထဲက လွဲခဲ့သောကော်မရှင်၏ အစီရင်ခံစာရှည်ကြီးတွင် ကျမ်းကိုးများ၊ နောက်ဆက်တွဲများပါ ထည့် သွင်းတွက်ချက်ပါက စုစုပေါင်း ၁၈၅ မျက်နှာရှိသော်လည်း လတ်တလော အကြောင် ၏ ကြောရိုး ပြစ်မှုကြီး နှစ်ရပ် နှင့် စပ်လျှဉ်း၍မူ စာတမျက်နှာခန့်သာ ဖေါ်ပြနိုင်ခဲ့သည်။[3] ပထမ ပြစ်မှုကြီး အတွက်မူ စာကြောင်း တကြောင်းမျှသာ ဖေါ်ပြခဲ့သည်။

    ဥပဒေစိုးမိုးရေး၏ အခြေခံအကျဆုံးအနေဖြင့် ပြစ်မှုကျူးလွန်သူအား အပြစ်ပေးနိုင်ရေးကိုပင် ထိထိရောက်ရောက် မဆောင်ရွက်ခဲ့သော ကော်မရှင်။

    ပြစ်မှုကျူးလွန်သူများအား အရေးယူရန် အစီရင်ခံစာတွင် ဖေါ်ပြထားမှု မရှိသည့်အပေါ် ကုလသမဂ္ဂလူ့အခွင့်အရေး အထူးကိုယ်စားလှယ် မစ္စတာကင်တားနားက ထောက်ပြသောအခါ ကော်မရှင် အတွင်းရေးမှုး ဒေါက်တာ ကျော်ရင်လှိုင် က ၂၀၁၃ ခုနှစ် မေလ (၃) ရက်နေ့နံက် ဘီဘီစီ နှင့်အင်တာဗျူးတွင် “ ကျွန်တော်တို့အင်တာဗျူးတွေလုပ်ပါတယ်။ ဒါပေမယ့် တကယ့်ကို သက်သေ သက္ကာယ နဲ့ ခိုင်ခိုင်မာမာ ပြနိုင်တာက အားနည်းတယ်။ သက်သေ သက္ကာယ အရ ဒီမှာ ဒါဖြစ်ခဲ့တယ် ဆိုတာရှိခဲ့ရင် အဲဒါကို ကျွန်တော်တို့ပြောပါတယ်။ ဒါပေမယ့် အကြားလောက်ဘဲ အမြင်လောက်ဘဲ ပြောပြီးတော့  Circumstantial Evidence မရှိတာတွေ ပြောလာရင် ကျွန်တော်တို့အကြံပြုနိုင်တာက  ဥပဒေနဲ့ အညီ လုပ်ဘို့ အသေအချာ ဂရုပြုရမယ် ဆိုတဲ့အဆင့်လောက်ပါဘဲ။” ဟူ၍ ပြောကြားသွားခဲ့သည်။

    ဥပဒေ နှင့်အညီလုပ်ဘို့ အသေအချာ ဂရုပြုရမယ်ဟုပြောခဲ့သော ကော်မရှင် အတွင်းရေးမှုးကြီး ကိုယ်တိုင်က ပြည် တွင်းတွင် ကျင့်သုံးလျှက်ရှိသော သက်သေခံ ဥပဒေကို မသိသောအခါ ပြသနာ တက်လာသည်။ သက်သေခံ ဥပဒေ ပုဒ်မ (၅၉) အရ “စာတမ်း အမှတ်အသားများ၏ အနှစ်သာရများမှလွဲ၍ အချက်အလက်များအားလုံးကို နှုတ်သက်သေခံ ချက်ဖြင့် သက်သေပြရမည်။” ဟု လည်းကောင်း၊ ပုဒ်မ (၆၀) အရု“နှုတ်သက်သေခံချက် သည် တိုက်ရိုက်ဖြစ်စေ ရမည်။” ဟု လည်းကောင်း ပြဌာန်းထားသည်။ ပြစ်မှုဆိုင်ရာ မှုခင်းများတွင် တဆင့်ကြား[4] မဟုတ်ဘဲ ကိုယ်တိုင်ကြား၊ ကိုယ်တိုင်မြင်သူများ၏ သက်သေခံချက်ကို Circumstantial Evidence ဟုခေါ်သော ပတ်ဝန်းကျင်သက်သေခံချက် ထက် ပိုမို တန်ဘိုးထား၍ တရားရုံးများက လက်ခံကြရသည်။ ကော်မရှင် အတွင်းရေးမှုးကြီးသည် အဘယ်ကြောင့် ပြောင်းပြန်ပြောနေပါသနည်း။ ပြစ်မှုဆိုင်ရာ မှုခင်းများတွင် မည်သည့်သက်သေခံချက်ကို မည်သို့ မည်ပုံ လက်ခံ သုံးသပ်ရမည်ဟုပင် နားမလည်ပါက ကော်မရှင်သည် အမှန်တရားပေါ်အောင် မည်သို့ စုံစမ်းစစ်ဆေးပါမည်နည်း။

    အစိုးရအာဏာပိုင်များ ပါဝင်ပတ်သက် ကျူးလွန်မှုရှိမရှိ၊ လူ့အခွင့်အရေးလေ့လာစောင့်ကြည့်ရေး အဖွဲ့ နှင့် မစ္စတာ ကင်တားနားတို့ပြောတာ မမှန်ဘူးလား ဟူသောမေးခွန်းကို ကော်မရှင်အတွင်းရေးမှုး က “ ဒီလိုမျိုး အကြောင်းအရာ တွေကို စစ်ဆေးဘို့ဆိုရင် အခုရတဲ့ အချိန်လောက်နဲ့မလုံလောက်ဘူး။ အကြာကြီး ပြန်လုပ်ရမှာ။” ဟု ဖြေ ခဲ့သည်။

    စင်စစ်အားဖြင့်မူ အချိန်သည်လိုသည်ထက်ပင်ပိုပါသေးသည်။ ၂၀၁၂ ခုနှစ် သြဂုတ်လ(၁၈) ရက်နေ့တွင် စတင်တာဝန် ထမ်းဆောင်ခဲ့သော ကော်မရှင်သည် ၂၀၁၃ ခုနှစ် ဧပြီလ၂၁ ရက်နေ့အထိ စုစုပေါင်းအချိန် ရှစ်လ နှင့် သုံးရက် ရခဲ့ သည်။ အဓိကရုဏ်းကြီးအား ဖေါက်ခွဲခဲ့သည့် စနက်တန်များ သဘွယ် အရေးကြီးလှသည့် ပြစ်မှုကြီး နှစ်ခုအား အဓိက ထား၍စုံစမ်းဖေါ်ထုတ်မှု မပြုခဲ့ဘဲ သမိုင်းကြောင်းများအပေါ်တွင်လည်းကောင်း၊ ပြစ်မှုဖြစ်ပွားပြီးနောက် အကျိုး သက် ရောက်မှုများ အပေါ်တွင်လည်းကောင်း လိုအပ်သည်ထက် ပိုမိုအချိန်ယူခဲ့ခြင်းကြောင့်သာ အချိန်ပြသနာပေါ်ခဲ့ရသည်။

    ဥပဒေစိုးမိုးရေး၏ ၀င်ရိုးဖြစ်သော တရားစီရင်ရေးနှင့် စပ်လျှဉ်း၍ လေ့လာစုံစမ်းဖေါ်ထုတ်ခြင်း မပြုခဲ့သဖြင့် အမှန်တရားကို ပျောက်ဆုံးစေ ခဲ့သည့် ကော်မရှင်။

    ပထမ အမှုတွင် ရခိုင်အမျိုး သမီးကလေးအား မုဒိန်းကျင့်သတ်ဖြတ်၍ ပြစ်မှုကျူး လွန်ကြောင်း စွပ်စွဲခံရသူသုံးဦးအနက် တဦးမှာ အချုပ်ခန်းထဲ တွင် ကြိုးဆွဲချသေသွားခဲ့ကြောင်း သိရသည်။ မှုခင်းတွင် နောက်ကွယ် က ကြိုးကိုင်စီစဉ်သူများ အား မဖေါ်ထုတ်နိုင်စေရန် နှုတ်ပိတ်လိုက်ခြင်းများဖြစ်သလား။ စုံစမ်းစစ်ဆေးဖေါ်ထုတ်ခွင့်ရပါ လျှက် ကော်မရှင်သည် မည်သို့ မျှ မဆောင်ရွက်ခဲ့။ ရခိုင်အမျိုး သမီးကလေးအား မုဒိန်းကျင့်သတ်ဖြတ်သူ မည်သူ့ကို မဆိုအရေးယူအပြစ် ပေးရပါမည်။ သို့ရာတွင်တရားခံ များဘက်တွင် ခုခံထုခြေခွင့် အပြည့်အ၀ရှိဘို့လိုသည်။ ဤမျှ ကြီးမားလှသော လူ သတ်မှုကြီးအား အလွန်တိုတောင်း လှသည့် ရက်သတ္တသုံးပတ်မျှ အတွင်း ရုံးတင်စစ်ဆေးပြီး ကျန်တရားခံ နှစ်ဦးအပေါ် သေဒဏ်ချမှတ်ခဲ့သည် ဆိုသည်မှာ မြန်မာနိုင်ငံတရားစီရင်ရေး သမိုင်းတွင် မကြားမိဘူးခဲ့။ ကျန်သူနှစ်ဦးကိုပါ ထပ်မံ နုတ်ပိတ်လို၍လား သံသယဖြစ်ဖွယ်ပင်။

    ဒုတိယ အမှုတွင် လူ (၁၀) ဦးအား ပေါ်ပေါ်ထင်ထင် တပြိုင်နက် သတ်ဖြတ်ပစ်သည်အထိ ပြစ်မှုကျူးလွန်ကြသူ များ သည် မည်သူတို့နည်း။ ဤမျှကြီးမားလှသော ပြစ်မှုကြီးကို နောက်ကွယ်မှနေ၍ ကြိုးကိုင်စီစဉ်၊ သို့မဟုတ် ဖုံးအုပ်ကာ ကွယ်ပေးထားသော အဖွဲ့အစည်းများရှိလျှင် မည်သည်တို့နည်း။ တိတိကျကျဖေါ်ထုတ်ရန် ကော်မရှင်တွင် တာဝန်ရှိ သည်။ မဖေါ်ထုတ်ခဲ့။ အပြစ်ပေး အရေးယူရန် မတောင်းဆိုခဲ့။ တရားစီရင်ရေးပိုင်းအရ အားနည်းချက်တွေ ရှိသည် ဆိုလျှင်လည်း လွတ်လပ်၊ ဘက်မလိုက်၊ အားကောင်း ထက်မြက်သော တရားစီရင်ရေး စနစ်ပေါ်ပေါက် လာရေး အတွက် မည်သည့် အဆိုပြုမှုမျှ မတင်သွင်းခဲ့။ ကော်မရှင်ကိုယ်တိုင်က ဥပဒေစိုးမိုးရေး၏ မရှိမဖြစ် အရေးပါလှ သည့် အခြေခံများကို ဥပက္ခာပြုထားသောအခါ နောက်ထပ် အလားတူပြစ်မှုကြီးများ ကျူးလွန်မှု မရှိစေရန် မည်သို့ ကာကွယ် တားဆီးမည်နည်း။

    အစိုးရ၏ တာဝန်ရှိမှုကို ပြတ်ပြတ်သားသားဖေါ်ထုတ်တင်ပြမှုမပြုခဲ့သည့် ကော်မရှင်။

    မည်သည့်နိုင်ငံတွင်မဆို အစိုးရတိုင်း၏ အခြေခံအကျဆုံးတာဝန်သည် ပြည်သူလူထု၏ လုံခြုံမှုကို ကာကွယ် စောင့် ရှောက်ရန်ဖြစ်သည်။ ကော်မရှင်၏ အစီရင်ခံစာအရပေါ်လွင်သည်မှာ ပဋိပက္ခဖြစ်စဉ်များအတွင်း တိုက်ရိုက်အမိန့်ပေး ကိုင်တွယ်သူမှာ အဓိကအားဖြင့် ဒေသဆိုင်ရာ အာဏာပိုင်များ မဟုတ်၊ နေပြည်တော်မှ ဗဟိုအစိုးရဖြစ်သည်။ကော်မရှင် ၏အစီရင်ခံစာ စာမျက်နှာ ၈၇ တွင် “နစက သည် ကက (ကြည်း) ၏ တိုက်ရိုက်ကွပ်ကဲမှုအောက်တွင် ရှိနေကြောင်းနှင့် လုံခြုံရေး အဖွဲ့အစည်းများသည် သက်ဆိုင်ရာ ၀န်ကြီးဌာနများ၏ အမိန့်ကိုသာနာခံရပြီး ဒေသဆိုင်ရာ အုပ်ချုပ်ရေး ဆောင်ရွက်သူများ၏ အမိန့်ကို နာခံနိုင်ခြင်း မရှိသည်ကို တွေ့ရှိရကြောင်း” အတိအလင်း ဖေါ်ပြထားသည်။ ဤတွင် ကော်မရှင်သည် ကောင်းမွန်သောလွှမ်းမိုးအုပ်ချုပ်မှု[5] ကို ကျင့်သုံးသည့် နိုင်ငံတကာ အစဉ်အလာ[6] အရ အမိန့်ပေး ခြင်းအရတာဝန်ရှိမှု[7] ကို ဖေါ်ထုတ်ရပါမည်။

    မျက်စိရှေ့မှောက်တွင် ပြစ်မှုကြီးများ ကျူးလွန်ဖြစ်ပွားနေကြောင်း တွေ့ရ ပါလျှက် လုံခြုံရေး အဖွဲ့အစည်းများသည် ချက်ခြင်း အရေးယူဆောင်ရွက်မှုမပြုဘဲ ရပ် ကြည့်နေ ခဲ့ကြသည်ကို ရခိုင်ပဋိပက္ခများ အတွင်း စတင်တွေ့မြင်ခဲ့ရပြီး နောက်ပိုင်းတွင် တပြည်လုံးသို့ပြန့်လာနေပြီ ဖြစ်သည်။ ယင်းအတွက် ၂၀၀၈ ခုနှစ် ဖွဲ့စည်းပုံအရ ထိပ်ဆုံးတွင် တိုင်း ပြည်အာဏာကို ချုပ်ကိုင်ထားသော အမျိုးသားကာကွယ် ရေးနှင့် လုံခြုံရေးကောင်စီ နှင့် ဦးသိန်းစိန် ဦးဆောင် သည့် ပြည်ထောင်စုအစိုးရတွင် အဓိကတာဝန်ရှိသည်။ ကော်မရှင် က ရခိုင်ပဋိပက္ခများ အတွင်း အမိန့်ပေးခြင်းအရ တာဝန် ရှိမှုကို စနစ်တကျတိတိကျကျ မဖေါ်ထုတ်ခဲ့ခြင်း အားဖြင့် ကာလုံ နှင့် နေပြည်တော် အစိုးရကို အကာ အကွယ် ပေး ရာရောက်သည်။ တပြည်လုံးတွင် ပြစ်မှုကြီးများ တောက်လျှောက် ဖြစ်ပွား ကျူး လွန်နေရာ၌ ကာလုံနှင့် နေပြည်တော် အစိုးရ၏တာဝန်ရှိမှုကို ဆက်လက်ဖုံးကွယ်ထားနိုင်သည့် အုတ်မြစ်အားကော်မရှင် က ချပေးလိုက်ရာရောက်သည်။

    နိဂုံးချုပ် သုံးသပ်ချက်

    ကော်မရှင်၏ အစီရင်ခံစာတွင် လေ့လာအသုံးချသင့်သော အကြောင်းအရာများလည်းပါရှိသည်။ သို့ရာတွင် စာမျက်နှာ ၂၂ ရခိုင်ပြည်နယ်အတွင်း ပဋိပက္ခဖြစ်ပွားရသည့် အကြောင်းရင်းများ ဟူသော ခေါင်းစဉ်အောက်တွင် သုံးသပ်ချက် အများစုကြီးမှာ ထင်မြင်ချက် များကို စုစည်းဖေါ်ပြချက်များ ကဲ့သို့ ဖြစ်နေသည်။ တိတိကျကျ အဖြေရှာမှု မတွေ့ရ။ မည်သည့် အမှန်တရားကိုမျှ ပြတ်သားစွာ ဖေါ်ထုတ်ပြမထားပါ။

    ကော်မရှင်သည် ဥပဒေစိုးမိုးရေး၏ အရေးပါလှသည့်အခြေခံများကို မထောက်ပြ၊ အစိုးရ၏ အမိန့်ပေးခြင်းအရ တာဝန် ရှိမှုကို မဖေါ်ထုတ်၊ လွတ်လပ် ဘက်မလိုက် အားကောင်းပြီး လူ့အခွင့်အရေးနှင့် ဥပဒေစိုးမိုးရေးကို လေးစားလိုက်နာ သည့် တိုင်းပြည်လုံခြုံရေး အဖွဲ့အစည်း[8] များ အဖြစ် အသွင် ပြောင်းလဲ ဖွဲ့စည်းရေးကို တွန်းအားမပေး၊ ပြစ်မှုကြီးများ ဖြစ်ပွားသည့်အခါတိုင်း မျှတသော  တရားစီရင်စစ်ဆေးမှု[9] အခြေခံ တွင် တရားရုံးများအား အားကိုးဖြေရှင်းနိုင်ကြစေ ရေး မီးမောင်းထိုးမပြခဲ့။ ယင်းတို့အစား တာဝန်ခံမှု မရှိသော ကာလုံ၏ တိုက်ရိုက်ကွပ်ကဲမှုအောက်ရှိ တလက်ကိုင် လုံခြုံရေး အဖွဲ့ အစည်းများအား အင်အားနှစ်ဆတိုးကာ ရခိုင်ပြည်နယ်တွင် ထပ်မံချထားရန်ကိုသာ အဓိကအားဖြင့် တွန်းအားပေးလျှက်ရှိသဖြင့် ရေရှည်တွင် ရခိုင်ပြည်နယ်တွင် သာမက ပြည်ထောင်စု တ၀ှမ်းလုံးမှာပင် သေနတ်ကို ဒူး ထောက်ရှစ်ခိုး၊ သေနတ်အောက်တွင်ပင် အသက်ရှင်ခိုလှုံရမည့် ဘ၀သို့ လူထုကြီး တရပ် လုံးကျဆင်းစေအောင် ပြု လုပ်လိုက်သကဲ့သို့ဖြစ်သည်။

    ဦးအောင်ထူး (ရှေ့နေ)
    ဥပဒေအထောက်အကူပြုကွန်ယက် တည်ထောင်သူ
    တယ်လီဖုံး၊ (၄၆) (၀) ၇၆ ၁၁၅၆ ၂၁၅
    ရက်စွဲ၊ မေလ (၃) ရက် ၂၀၁၃ ခုနှစ်

    [1] Major research question
    [2] Immediate cause
    [3] ကော်မရှင်၏ အစီရင်ခံစာ စာမျက်နှာ ၁၃၊ ၁၄
    [4] Hearsay
    [5] Good governance
    [6] International practice
    [7] Command responsibility
    [8] State institutions for security
    [9] Fair Trial